في عيونك سِحْر مآ أقدر عليه

في عيونك سِحْر مآ أقدر عليه
شوفني من بعد ما شفتك مُصاب


قد ما شافت عيوني من وجيه
ما تعلق قلبي بغيرك وذاب

أنت من بين البشر من ذبت فيه
من نهب قلبي من (اضلوعي) وغاب


لو يطول البعد باقي أحتريه
واتبعه مثل الذي يتبع سراب


الأمل في عودته شي أدِّعيه
فكره تهوِّن عليَّ الاكتئاب


ما بديته كيف أقبل أنتهيه
كيف أسلِّم وارتضي هذا الغياب


قبل أعَرْفَه كنت أعيش العمر تيه
في ملذات الحياة العمر طاب


كنت كل اللي أريده أشتريه
كنت أطوله لو علا فوف السَّحاب


ما حرمت النفس من شي أشتهيه
آمر وأمري بفضل الله مُجاب


كل هذا كان من قبل ألتقيه
يوم شفته عن سواه القلب تاب


بس هي اللي من الدنيا أبيه
كل حاجة بعدها صارت تراب



سُهيل