رواية وجهان العمله واحدة البارت الثامن

Prt " 8"

بـغـرفـتـهـا كانت منسدحه على ظهـرهـا وبالأخص فوق سريرهـا وعلى بطنهـا مستلقي فلافي اللي قاعد يحررك يدهـ بمحاولة فاشله منه أنـه يمـسـك الخييط اللي كانت تحركه وضحى جداامـه بخفــه وهي مبتســمـه بالخفيف
سـمـعـت ضربـات متتاليـه رسميـه على باب غرفتهـا وعرفت بسهولـه صاحبتهـا .. عقدت ملامحها وهي تقول : دشــي مـايـا !!
دشت مايــا بـبـتـسـامه وهي تقول : مـاما كلام .. قولي لـ وتحى تعـالي ... شـي ونت يو !!
وضحى بتملل : فـي حد تحت ؟؟
مايا : يس ... سستر مدام ,, أنــد ماما أوم خالد .. آنــد مداام سوهـآآ " سهى "
وضحى زفرت بضجر وهي تكلم نفسها : بس اللحيـن أبتدى المزاااد العلني عند أمي ,,, بتقعد تستعرضني جدامهم ... ! " تكلم مايا " زيييـن زيين قولي لهـا بتنزل اللحيـن ...
مايا هزت راسها بالأيجاب وطلعت مسكره البـاب وراهـا ..
قامت قعدت وخلت فلافي يقعد بحظنـها وهي تنفخ : آآآآآآآآآآآففف .. مادري متى بتبطل هالعاااادهـ ..!!!! اللحين بيلوعون جبدي بأسئلتهم ,,,,," تكلم فلافي " حبيبي قوم شوي خل أنزل أشووفهم شيبون .. " تمسكه وتخلي ويهـه يقابل ويها " .. أذا طلعت السالفه مثل كل مرهـ .... بفشلهم لك ههه ... " حطته على سريرهـا وقامت هي صوب كبتهـا "
شافت شعرهـا بالمنظره مالت الكبت حست بعييز ,, ماودهـا تسوي شي ... فتحتــه وآبـتــدت تدور أي شي بيـن كومـة الثيـاب تقدر تكشخ فييـه وبعد دقايق أخـتـارت لهـا
لبسـتـهـم وهي تجييك على روحهـا بالمنظرهـ ,, كان شكلهـا آوكيـه وحلو ... ماتبي تحسسهم أنهـا متكشخه لهم .... خل يحسبونهـا نازلــه بلبسهـا العادي !!
جات بتمسك شعرهـا بس تذكرت أنهـا كانت تلاعب فلافي من شوي
راحت تغسل يدهـا بالماي والصابون .. رغم نظافـة فلافي ألا أنهـا تخاااف على عمرهـا ,, خاصه لما سمعت أنــه لو لاعبته ومسكت شعرهـا أحتمااال يحت كلــه ويتساقط
رجعت للمنظرهـ مشطت شعرهـا... وطلـعـت لهـا مشـباص صغير شكله كيوت ورفعت فيـه قذلتهـا لورى وخلت شعرهـا القصير مفتوح
شافت عمرهـا ,,, ودققت بملامحها وهي تقول : مالي خلق أحط لا كحل ولا قلوس !!! بنزل جذي .. عاجبهم عاجبهم مب عاجبهم بالطقاق ...
طلعت من غرفتهـا ونزلت الدري بخطوات موزونــه وأول ماوصلت تحت توجهت صوب الصاله اللي ينبعث منهـا صوت حررييم مختلط بصوت آمهـا
أول مادشت سكتوا كلهم ووحده منهم الظاهـر رفيجة أمها قالت ببتسامه عريضه زين ماأنشق حلجها : بسم الله ماشاءالله .. عرووووس ..
وضحى أبتسمت مجاملـه لهم وهي بينهـا وبيـن نفسهـا تتوعد باللي بتتجرأ وبتقول لهـا ودهـا تخطب ...
سلمت عليهم كلهم وقـعـدت بكرسي منفرد ,, بكل ثقـه ...
أم خالد قالت ببتسامه عريضه لأم وضحى : يأختي وين خاشتهـا هذي عنـا ,,, ماتورينـا الا اليــهــال ..؟.. ماكنت أدري أنه عندج بنت قمر جذي ..
أم وضحى نفخت عمرهـا من الونـاسـه وقالت : شسوي ,, الـبـنـت تستحي شوي ... كله بدارهـا أو ببيت رفيجتهـا ....
سـهـى تطالع وضحى وتقول : مشالله عليـهـا ... كم عمرج ياحلوه ,,؟
وضحى بغرور بان بملامحها : توني داشـه الـ19 ..
سهى وام خالد بصوت واحد : العمر كله يـارب ...
آم سعيد " أخت أم وضحى " : من مساعه وأحنا ماعندنا طاري غيرج ياوضــحــى ,,
وضحى ببتسامه عابره : آن شالله خير ؟؟؟
نطت سهـى : شدعوه ياحافظ ,, بنكون أنحش فيج مثلا .... بس صراحه ياوضحى عـتـبـانيـن عليج ؟؟ كذا مرهـ أمج تجيـنـا ومانشوفج معاهـا ....
وضحى مازالت محافظه على أبتسامتهـا رغم أنهـا متملله من قعدتهم : ماأحب أطلع من البيـت وايد
أم سعيد : عليـنـا ,,؟؟.. كل ماسألت أمج عنج قالت لي يأأما بالسوق ,, ولـه ببيت رفيجتهـا ... ولـه طالعه تتمشـى ....!!! عنبو ماتقريـن بالبيت وتخلينا نشوفج هههههـ
وضحى عطت خالتهـا نظرة مافهمت معناهـا وصدت عنهـا ..." تستفزززززززززززززز هي ويـا هالـعرس اللي لابستـه "

كـمـلـت السوالف بينهم وأغلبها مــدح بجمــال وضــحــى ,, وآم سعيد كل شوي دااشـه عرض وقاطه نغزهـ ووضحى حاقرتهـا من قلب
ولما شافت سوالفهم أبـتـدت حش بخلق الله قامت وأستأذنت منهم وهي تسمع عبارة من سهى وأم خالد " الله معااج يمه , الله يحفففظج "
ركبت الدري وهي بتنفجرر من خالتهـا النحييسـه هذي ,,, شغالـه نغزاااااات ,, يعني ألا تطييح سوقهـا جداام سهى وأم خالد علشـان تضمن أنـه وضحى لسعيدوووهـ ولدهـا
" مابقـى ألا أخذذ ولــــدهـا الخبببل ,, وتصيير هي يــدة عيالي وسـعـيد أبووهم ... مالت بس !! .... زيـن مني مستحملتهـا خالـه ... بعد ألزق فيهـا زووود "
دشت جناحهـا ورضخت الـبـاب بقوهـ ,, وسيده لغرفتهـا ...
وقفت جدام المنظره وسحبت المشباص اللي كانت رافعه به قذلتهـا وحذفته ع التسريحـه مررت يدهـا بعشوائيـه بيـن خصل شعرهـا وخلته يتناثر على ويهـا
أبـعـدت الخصل اللي جات على عيونهـا ,, وراحت حذفت روحها على السرير .... وهـي تسترجع كلمات المدح اللي سمعتهـا من شوي وتقريباً أعتادت أذنهـا على هالكلام
تنهدت وهي تقول " ياليتني بس أسمع هالكلام منج يايمـه ! "
رفعت روحها وجات بتقوم للغرفـه الثانيـه اللي تعتبرهـا وضحى عالمها الخاص ... لكن صوت جوالهـا اللي يعلن أستقبال مسج وقفهـا

كيف حاله ؟
قلبك اللي قاطع بقوه وصاله
مو مهم عندي ترد !
الأهم تقرا الرساله ~

بدون لا تحس حسـت بشوق كبير أقتحم قلبـهـا .. الرسالـه من راشد ,,,, صار لها فترة طويله ماكلمته وعمرهـا ماقطعته هالشكــل ..... طول هالفتره اللي راحت تحس بفرااغ مـحــد كلف عمرهـ وحاول يمليــه ,,
فــراغ كان بالأول رااشد ماليييــه !! ومن أبتـدت تصدهـ وتكــابر صار مـهـجــور ومع كل دقيقه وثانيـه يتسـع ويكــبــر ... لحد ماأبـتــدت تحس أنهـا عايشـه بفراااغ !!
ماكانت عارفـه شتسوي .. ترد عليـه بمسج ثانـي ؟! ولــه تمسح المسج وتحاول تتقاضـى عنـه .. أو .....
ماقدرت تكمل تفكير لأنـه الجوال أبـتـدى يرن بيـن أناملهـا و" رشودي يتصل بك " ....
تمت تطالع أسمـه .... وتحاول توصل لنتجيــه ..!
عقلهـا وقلبهـا بـصـراع ...تــرد ... ولـــه مـاتــرد ,,,؟! .. فترة طويلـه عاشتهـا بدونه ,, وشستفادت ؟ ولا شي !!! مافادهـا حقراانــه ألا تملل ووحدهـ وفراغ كبييييررررر مب قــادرهـ تسدهـ بأي طريقـه !!
حركت صبعهـا صوب الزر الأخضــر علشان تـرد ,,, لـكـن اللي صــار من أربـع شهــور دااهـــم مخيلتهـا وخلاهـا تضغط ع الزر الأحمر بسرعه وتغمض عيونهـا مع توقف الرنيــن
" آسـفه يا راشد ,,!! ماأقدر ,,"
حطت جوالهـا آحذاهـا وهي تحس بضيقـه كبيره ... لآنـهـا مب قادرهـ ترجع توثق فيـه مثل قــبـــل .. ولا قادره تسمع صوته او تتعامل معاهـ وكأنه ماصار شي
راحت غرفتهـا الثانيـه اللي بهـا رسوماتهـا ,,,
شـالـت الـغــطـى اللي على صورة راشــد ودققت بملامحه ... ومررت يدهـا على تفاصيل ويهـا ....
سمعت صوت بعقلهـا يقول " لآزم تتخلصييـن من كل شي يذكرج فييــه !! .. لآزم "
دورت على أقـرب مـحـايـه ,, وآبــتــدت تمـحـي ملامحـه تدريجـياً لحد ماتعبت يدهـا .... وحست أنـهـا ماراح تقدر تمحيهـا أصلا .. وبنفس الوقت ماتبي تحذفهـا ...
شـالتـهـا وحطتهـا ورى كومـة من اللوحات اللي كانت راسمتهم من قبل وحاطتهم بزاويـة من الغرفـه ,,,, وهي تقول : جذي ... ماراح تكون بويهـي كل مادخلت هني ....
راحت صوب البلكونـه تحاول تشم هـوى ,,, بــدل هالضييقـه اللي أحتلت صدرهـا ......
.
.



كـانـت قـاعـده بالصالـه بعد مـا تلاشـت نوبـة الرعب اللي صادتهـا ... رغم أنه أحراجهـا مازال طاغي عليهـأ وصابغ خدودهـا باللون الأحــمــر ..
طرى بـبـالـها غـانم .. رااح يعصبببب من قلب لما يشوف حالة بطبطتـه اللي أنشلخت من جدااام وشلخ قوي بعد وواضح كوضوح الـشمـس .. وآكيد ماننسـى أنـه ليـتـاتهـا اللي جداام تكسروا وصاروا بخبر كان
نوره بصوت واطي : شيفكني اللحيـن منه !!.. أقوم أندعس بداري أبرك لي .... مافيني على صرااخه وحنتــه ,, شكلــه بيذبحني !!! " تتنهد " أشوهـ آني الكبيره !!
شالت نفسهـا وركبت الدري لحد ماوصلت دارهـا سكرتهـا وقفلتهـا بعد ....
مرت من صوب المنظرهـ شافت نفسـهـا بالمنظرهـ خدودهـا كانت حمرهـ من قــلــب .. وويهـا كله أحمر أصلا !
تذكرت شكله اللي كان يطالعهـا وبأستغراب ...... رجف قلبهـأ وتسارعت نبضاته : يااااررربي ,, وأنـا هذي حالتي مع ربع نويييف .... مرهـ مع اللي بالميلس واللحيـن مع هذا .. شبيقولون عني اللحيــن ,,,,, أبصم بالعشره أأنـه كان يتحمد ربــــه ع نعمة العقل !!! هذا أذا ماأنفجرر ضحك لما دش الميلس ,, " بتفكير " معقولـة يقول لنواف عني ؟؟.. لا لا ماأظــن ...." بأحرااج " ياااااااااااالللللله واللله فشييييييييييييييلللللللــه .....
أأبي حد أفضفض لــه ...... سلــوى ,, خل أأفضفض لـهـا ... ع الأقل مابتمصخرني مثل وضحــى .. مافيني ع الطنازهـ أنـا ..
خذت جوالهـا وأتصلت على سلوى اللي شوي وردت : هـلا وغلا
نوره بأحرااج : سلوووهـ .. لحقققققققققي عليييي
سلوى بتسائل ممتزج بلقافتها : خير شصااير ...
نوره : من شوي كنت أجرررب بطبطـة غنوووم .. وخبرج كبيررره البطبطـه وحالتي حاله معاهـا .... طلعت فيهـا الحووش جان يطلع بويهي واحد من ربع نواااف
سلوى بصدمة : حلللللللللللللللللللللللللللفييي ؟
نوره تكمل : موو بس جذي ,,, من الفشله زدت السرعه بدون قصد وصفقققت بالطووووووفــه .... سلووووى والله مفتشله وأأحس الأكسجيين ناقص بالمكاان
سلوى ميته ضحك : هههههههه قسماً بالله أنج خببلــه ..
نوره : شسوووووي اللحيــن ؟
سلوى : ولا شي ,, أخذي الموضوع ببسااطــه .... ولا كبرتي قولي لعيالج عن هالذكرى الحلوهـ ..
نوره رفعت واحد من حواجبهـا .. : أأأحرررررر ماعندي أبرد ماعندج !! ... أنـا خووفي يقول لنواااف .. وساعتهـا شيفكني منه ....
سلوى : بذمتج يعني شبيقول لــه ,,, هلوو نوااف تراني شفت أختك بالحوش ع البطبطـه ؟؟؟... بالعقل يعني مستحيييل .... وصراحـه صراااحـه ماعند أمه سالفـه لو يقول لــه ,,
نوره بأحراج : والله فشلللللللــه ,, هذي ثاني مرهـ يصيدني موقف مع ربع نواافووهـ
سلوى بسخرريـه وطناازهـ : ليش المرهـ الأول شــنـهـي ؟ لا يكون دعمتيـه وتنثرت أغراضج ولقطهـم لج ...!
نوره : وااايد متأثره بالأفلام ترااج ,,, أول مرهـ ماشفته ولا شافنـي .. كان بالميلس جيت بدش تنحنح ...... واللحيـن مع هذا
سلوى : ههههههههههههه عاادي ماعليج .. الدنيا حلوهـ ,,
نوره : أحسـه كان يطالعني ويقول ,, يالله ! للحيـن في ناااس خبببله جذي ..
سلوى ماتت ضحك : هههههههههههههههههههههههـ ,, نوير .. تراج مسويـه منهـا قصــه .... خلاص واحد من ربع أخوج جافج بمنظر غبي !!! خلاص أنـســي ... داام نوافوهـ أخووج واحد أجتماعي .... عيل أبشري بمواقف أكثر من جذي
نوره بصوت هادي : بس مفتشله منه ؟
سلوى : ووي ! مفتشله من أخووووج ,,؟ صج ماعندج سالفـه
نوره بأنفعال : موووو من أخوي ويا ويهج ... أقصد رفييج أخوي .." توطي صوتهـا بتسائل " تتوقعيـن شبيقول عني !!
سلوى : ولييييش مهتمه هالكثر فـ رايـه فيييج ,,, لا يكون مزيووون وعلقج " صكتهـا ضحك "
نوره بتنرفز : ترااج مليييغــه ,, آي مزيوون وأي بطيييخ .. متفرغه أنـا أقززز فييــه ,,,, ساعتهـا كنت لاهيــه بالصاروخ اللي راكبتـه وشلون أوقفـه ..
سلوى ميته ضحك : ههههههههههههههههههـ نوررري والله أأحبببج وأأحب غباائج ...
نوره عصبت : تدرين أنا الغلطاانه اللي دااقـه لج ,, لو متصله على وضووح أأبــررركـ لي ... أتحمللل طنازتهـا ومصخرتهـا فيني ولا تعليقاتج الغبيـه ....
سلوى ماردت كانت غرقانه ضحك
نوره صرخت بعصبيه : شلللي يضحك اللحيييــن ...
سلوى : هههههههههه وقسماً بالله أنج نكتـه ... مادري بس ..هههههههههههههههههههههههههه
نوره عصبت وسكرت بويهـا ..: ماالت بس .. أكلمهـأ وهي تضحك ..... أبي أعرف شلللي يضحك اللحيـن ..؟ يعللللللللللللللج ياسلوى بموقف أأخس مني علشان تعرفيـن أنه الله حق ..
.
.

ع الـسـاعه 7 أسـتـأذنوا زايد وفـهـد من نواف وطلـعـوا ..

عند سيايرهم قـال فـهـد لزايد بفضول : زيود أذا مافيهـا لقافـه يعني ... أنـت من صجك تكره أبوك هالكثر !!!
زايد وهو متجهه لسيارته ويقول : يعني وااحد أبوهـ مثل أبوي .. على شنو أحبـه ولـه أفتخر فييــه ..!!.. طبـعـاً أكرهـ وكرررهـ تعدى حدود خيالك بعد
فهد بغرابـه : بس أخبر لما توفـى ,,, كنت متضايق وبالزور تتكلم .....
زايد طالعه وهو يقول : فـهـد ...! في أشيـاء وايد بحياتي أنت ماتعرفهـا .. فلا تربط ضيقتي ذاك اليوم بـمــوووتـه ؟
فـهـد : زيـن خلـنـا من هالـسـالـفـه ,, لما عزمـتــك قبلهـا بيوم ... أعتذرت مني بحجـة أنـه أبووك توهـ طالع من الســجــن وتبي تقعد معاهـ ..؟؟ شتفسر معـنـى كلامك !
زايد سكت شوي بعدهـا قال وبكل جمود وثقه : الـوالدهـ أصرت علي أأجي البيت علشان .. " بستهزاء " أقــعــد مـعـاهـ .... وأظنك عارف غلاتهـا عندي وماأقدر أرد لهـا طلب !! ودامهـا طلبت مني أرجع علشان الوالد رااح أرجــع .. ومستعد أقـعـد معاهـ وأسولف ولا وأضحك بعد ... بس علشان خاطر عيونهـا ..
فـهـد بتفهم : غــرريب آنـت ياريال ...! " بفضول أكثر " يعني ناوي تفهمني أنـه لما مات ماتضايقت ولا أثرت فيك موتـه
زايد بلـع ريجـه وأبتلـع مع ريجـه غصـه كانت بطريجـهـا للخروج : كــان يووم عيييد يوم مات .... ع الأقل أخذ وياهـ فضييحـتــه .. وأزااح عني شووويه من سمعته الزفتــه .....
فهد كان منصدم من كلام زايد .. طول هالفتره كان يحس أنه زاييد يحب أبوهـ ... لكن كلام زايد الواثق ... يأكد عكس كل اللي كان حاس فيــه : شكلي يبيلي أأأعييد دراسستك ياشيخ!! لآني أكتشفت بهلـ لحظة أني مب فاااهـمـــك كلللللللللش
زايد بضحكه قصيره جدا : ههه ! ... ولا عمرك راح تفهمـنــي " يأشر لـه بيدهـ " سلام
ركب سيارته وهو حااس بغصــه بتذبحـه وقفـت لــه ببلعوومــه ولا يمكن أنـهـ يقدر يبتلعهـا من يديد.. حررك بعد ماألقـى نظره على فـهـد اللي ركب سيــارته هو بـعـد وأبـتــعد عن هالبيـــت
وأول ماأبــتــعــد عن بيت فــايــز ... تدحرجت دمـعــه شفـافـه على خــدهـ ولو أمعنتوا النظر فيـهـا راااح تشوفون أأهــواااااال من الأحزااان اللي تارسـه قلب شااب ماتعدى الـ 24 سـنــه
بصوت وااطي هـادي متألم : سامحني يبــــه ...!
تـكـررت ببالـه كل الكلمات اللي قالـهـا بحق أبوهـ ,, آو حتى الحقيييير فـايز وولدهـ قالوهـا .... سيوف أخترقت صدرهـ وببطئ شديد تتحرك دااخلـه .... وتمززق بكل وحشيييـه نفسيييتــه الممزقـه !!

" ترى زايد اللي جداامك أأشررف من أبوهـ بألف مرهـ وماأظنـه نهائياً فكر يسلك طريييجــه "

" لا ماشفته .. ولا أبي أشووووفــه بعد .. ولا يشرفني من الأساس أنـه أبوي.... لأنــه أبـوي تاجر ... وتاجر كبير بعد .... بس للأسف .. تاجر مخدرات !! "

" بايـن أصلا أنــه أأحســن من أبوهـ تاجر المخدرات .... !! .. ومشالله علييك مبيـن أنك ماشي سييده وماعندك سوالف بطالـه مثـلـه "

" لا ,, أبوي ماعندهـ شي أساساً علشان تكون عندهـ شركة .... وبــعــديـن هو مييييت من زمـــان .... تقريباً من عشريييـن سنه "

" الحمدالله يا..عمــي !!!!!!!!!!!! "

" كــان يووم عيييد يوم مات "

ضرب السكان بقوه وخدهـ غريق ببحر دموعـه وهو يقول بصوت وااطي جداً أقررب للهمس : آآآآآآآآآآآآآآآآآخ ياييييييييييييييبــه ..!
توجه لبيـت لأنه أساساً يحس روحه مب قادر يسوق .. طول الطريج وخدهـ مانشــف ...تأنيب ضميير لأنـه قال اللي قـالـه وبنفس الوقت قــهــر لأنه سمح لفايز يتطاول على أبوهـ وهو قاعـد ويسمع بدون مايرد !
عيـل أبوهـ تاااجر مـخـدارت وفايز التاجر المحترم ! .....
بطريقـه سريـعـة صفط سيارته ببيـتــه حتى صوت التاير وهو يحتك بالأرض أسمعـه أخر بيت يالفريج
نزل وسكر البـاب .. مسح دمـوعـه وهو يتـمـنـى ويـتـمـنـى ويـتـمـنـى آنـه مايمر على آمــه .. ولا تشوفـه بهلـ منظر لأنـه مايقدر يواصل تمثييييييل
كـــفــــــآآيـــــــه تــمــثـــــــيل وجذب لليوم !
دخل البيت وسكر الباب وراهـ وهو يشم ريحـة آكل .. عرف أنهـا بالمطبــخ تسوي الـعـشـى ...
زادت خطواته ركب الدري بخطوات وسيـعـه وراح لغرفتـه ,,, سكرهـا عليـه بكل قوتـه وقفلــها
مـقـهــور ,, وميييييييت قــهــــر بــعــد ... ومحد يقدر يوصف شعـورهـ بـهاللحــظــه ...
دموعه تذرف ومب قادر يوقف أنهـمـارهـا .. لأسباب واايد وأولهـا الكلام اللي أجبر نفسـه يقولـه جداام ولـد الـ " ..... " فـايــز ......
فصخ غترته وحذفهـا بأهمـال وهو مب مهتم ويـن حذفـهـا من الأسـاس ... فتح أزرت ثوبـه اللي عند الرقبـه علشان يتنفس ...
حاس روحه مختنــــــــــق..
حـــاس بـقـهــر وآآلـــم فضيييييع محتليـن قلبـــه ...
ومب قـادر يتخلص منهم
آبـوه آنـهـان اليــووم وكـان هو شريك بهلـ مهـانــه ..
كلام زايف ومغلف بالجذب أنـقــال عن أبــوهـ وللاسف أنـه شــآآرك فيـــه
مسك راسـه بألـــم ,, وهو يغمض عيـنـه بألم أكبر
حاسـه بـه راح ينفجر من كثر مايحشيـه أفكــار وذكريات سودهـ ومرهـ
.
.

أول ماطلـعـوا زايـد ونواف من عـنـده اللي أصلا ماطولوا ..
قـام نواف ولحق أبوهـ اللي من سكروا الباب وراهم شال روحه ودش دااخــل
نواف وهو يمشي ورى أبوه : هذاك شفتهم ؟ شرايك فيــهــم ....
بو نواف بجديـه يخفي وراهـا أشياء وأشياء : زايد رفيجك هذا من متى تعرفه ؟
نواف تضايق لما فتح له موضوع زايد قال يجاريه : قايل لك من بعد الهوشـه ... ليش ؟
بو نواف رد على سؤال ولدهـ بسؤال .. وهـو يلتفت عليـه : وشتعرف عنه غيير اللي قاله لي ؟
نواف بـجـديـه بـآنـت بأسلوبـه : يبه شوف .. آآنا عارف بالضبط شقصدك من كل هالأسئله .. الريال معاشره وأعرفه عــدل !!! مــب نفس أبووووهـ ,, ومب شرط لو أبوهـ واااطي يكون هو أوطى منه !
بو نواف بنفس الجديه : تراك صكييت راسي أعرفه وأعرفه ... ؟!!! شقالكم عن سالفـة أبوهـ غير اللي قالـه لي ؟؟
نواف يزفر : أساساً زايد مايتكلم بهلـ موضوع نهـائياً,, كلـنـا عرفنـا من نفسنــا !!!
بو نواف بتشكيك: وأنت مصدق اللي قاله بالميلس ..
نواف بستغراب : وليش ماأصدقه ؟؟ قصدك كلامه أنه يكرهـ أبووه ,,,؟ آآكييد مصدقـه .. وعاذرهـ بعد وماأظـن في حد يفكر يلـومــه !! ... لأني لو حطيت نفسي مكــانه وأبوي بدنائة أبوهـ مستحيل أحبـه وله حتى أبين لناس حبي لــه .. لآنه أساساً مايستحق هالحب !!! ولأنـه اللي يسوي سوات أبوهـ أبصم بالـعــشرررهـ ماعـنـدة قلب
بو نواف أنخطف لونه من كلام ولدهـ قال : شوف .. ماراح أقول لك أقطع صداقتك فيــه ... بس خذ حذرك منه ,, ولا تأمنه على شي ..... تراك ماتعرف شللي بنفســه
نواف بتملل من كلام أبوه : آن شالله ..
بو نواف قال وهو يصرفه : روح جيب لي قلاص ماي .. آحس ريجي نشف
نواف هز راسـه بطاعه : أن شالله ...
ترك لـه الصاله وراح يجيب الماي على حسب طلب أبوهـ
وخـله أبوهـ فدوامـه مب عارف شلون بيطلع منهـا ...
اللي قالـه زايد .. يشير ألى شي واااحد .. شي وااااحد بس مافي غيرهـ
أنــه اللي خطط لــه بو نــواف صـــار .... قــدر يختــم أنتـقــامـه اللي أقترفتـه يدهـ من 20 ســنــه بكرهـ زايد لأبوهـ ..
حــاس بشي يدور بصدرهـ .. مب قادر يفسرهـ
هو تأنيب ضمير !
أو فرحه بأنـه قدر يحقق اللي طمح لـه ....؟
بس مها عمرهـا مابيـنت لـه أنـه زايد يكرهـ أبوه ؟؟؟
أصلا شلون بتبيـن لـه وهي تدري أنه هالشي راح يفرحــه .... وفوق هذا كلـه هو قاطعهم من 5 سنين ولا حتى لمحهم من بعيد !!
قـدر يتعرف على زايد من ملامح ويهـا اللي ماتغيرت .. وشبهه لسعود بـعد ....
" أنـا لآزم أأعرف كل شي .... ياخوفي أنــه كل كلامه لي جذب بجذب !!!... بــاجر يصير خيييير ....راح أعرف شلون أتأكد من اللي قـالـه "
جاف نواف جاي صوبـه بقلاص الماي .. خذاهـ وشربـه دفعه وحدهـ بدون لا ياخذ نفس بـعــد
وعطــى القلاص لنواف وهو رايح فوق لدارهـ ... ومسكر وراهـ البــاب يكمل تفكيير بالمصييبــه اللي شافهـا من شوي تحت
,
,
,

وصلـتـهـم لـعـنـد باب البيت بعد ماسلمت عليهم ولما شافت كل وحدهـ ركبت سيارتهـا وتوكـلـت دشت دااخل وهي شوي وتموت من الفرحـه ....
دخلت الصاله وسكرت وراهـا البـاب وبخطوات سريعه راحت فوق لغرفــة بنتـهـا ... فتحت باب الجناح ودشت وهي تنادي عليـهـا ,,,
دقايق وطلعت لـهـا وضحى اللي بايـنه عليـهـا علامات الـضـجر : نـعم يمه ,,؟
أم وضحى بفرحه : مبروووك ....
وضحى رفعت وحده من حواجبـهـا وبتسائل : على شــنــو ؟؟
أم وضحى : شافتج أم خالد وعجبتيـهـا .. فخطبتج لولدهـا ... ووافقـت ..
وضحى بققت عيونهـا : خيرررر !!
أم وضحى : اللي سمـعتيـه ,, صراحه آم خالد مافيـه أحسن منـهـا ... وقالت لي بما أنـه آحنا موافقيــن راح يجون بعد يوميـن أو ثلاث ويخطبون رسمي
وضحى بسرعه : لحظة لحظة لحظة !!! من قال لج أأنــي موافقـه ؟
أم وضحى : وليش بترفضيييـن خالد ؟؟ ولـدهـا ولا كل الريـايــل ... وصراحه أأبييج تاخذيـنــه .. بيعيشج أأحسن عيشــه ويمكن بعد أحسـن من عـ....
قاطعتهـا وضحى وهي تقول بعصبيه : لا يمه سمحيلي زوااج ماني متزووجـه ... وكلمي المرهـ قولي لـهـا ماعندنا بنات لزوااااج
أم وضحى تلاشت أبتسامتهـا : شنو ماعندنا بنات لزواج ؟؟ تبيـن تعنسيييـن وتطيحيـن بجبدي !!!
وضحى بتملل: ياااااللله .. يمه فهميني أنـا وحدهـ ماابي أتزووج وأذا وقف نصيبي بعد معرس الغفله هذا .. أنـا بتحمل المسؤوليــه
أم وضحى تتخصر : وليش ماتبيـن تتزوجيـنـه ؟؟ ولد أم خالد عن عشريـن ريـال .. وبيعيشج عيشـه أحسـن من عيشتج هني بمليون مرررهـ .. " تتكتف " ولـه أن شالله للحيـن عندج أمل براااشد وقاعده تنطريـنـه ؟؟
وضحى : وشجاااب طاااريـه اللحييــن ..!! راااشد تزوووج وخلصنا
أم وضحى : داامج تدريـن أنه تزوج وخلصنا .. فشيليـه من بالج ... ولا تعلقين روحج فيييييــه .. لأنـه حتى لو تقدم لج أبوج ماهو بموافق ,,,, فكري بخالد عدل لآنج ماراح تحصليـن آحسـن منه
وضحى : فكرت وماأبيــه !! " تتكتف وتقول بعناد " خلاص !؟
أم وضحى بجديـه وحزم : لا مب خلاص .. أنـا عطيت المرهـ كلمــه وماأبي أطلع بعينهـا صغييرهـ .... شبتقول عني ؟ بنتـهـا تمشيهـا على هـواهـا ؟؟؟
وضحى : أشوفج ماأهتميـتي لكلام النـاس لما سافرتي وخليتيني بروحي بالبيــت
أم وضحى : والله ذااك موضوع غير وموضوعنا اللحيـن غيييير ... شغل الـعـنـاد وكلام الـيـهـال مب علي ..... بكلم أبوج ومتأكدهـ بوافق .. وحتى أنتي راح تواافقييييــن !
وضحى عصبـت وتنرفزت : يعني بتجبرييـنـي ؟؟؟
أم وضحى : آآيــه آجبرج ,,, آآنـا آدرى بمصلحتج ...... واايد خليتج على هوااج أنــا ,,,, لا وصلت السالفـه أنج تفرطيـن بوااحد مثل خالد شاريج ماراح أأسـكـت وأعدي لج
وضحى زادت حدة عصبيتهـا : ولا آنــا رااح آسكت وأعديهـا وأخلييج أنتي تتحكمييـن بحياااتــي ... خووش والله !! طول هالفتره ماااتدريـن عن هوى دااارري واللحيــن لما جات عيوز قرييح هذي تبيني لولدهـا صرتي مهتمه بمستقبلي وحـيـاتـــي .....!!!
أم وضحى عصبت من اسلوب وضحى قالت بعد ماأقتربت منهـا : لا تعليـن صوتج علي ,, آنـا آآمـــــج !!
وضحى : وخير ياطير آمي ... !! ماتصيريـن أمي ألا بهلـ مواااقف ..... ولما أحتااجج تتخليـن عن دووررررج ...؟؟ قبل لا تفرضيـن رايج المحترم علي أخذي رايي ماني يــااااهـل ولـه بزرر علشان تفرضيـن علي شي ماأبيــه ..أأعرررف مصلحتي أأكثر منج يكون بعلمج
أم وضحى تنرفزت قالت بعنـاد : دام هذا كلامج .... خالد بتتزوجيـنـه .. رضيتي ولـه مارضيتي أنـا عطيت المرهـ كلمه وماني رادهـ عنـهــا ....
وضحى تتخصر وببتسامه ساخرهـ متشبعه بغرورهـا وعصبيتهـا : سويـهـا يا.. يـمــه .... وشوفي شراح أسوي .. " بسخريـه " ألا أذا كنتي خاايفـه على مستواج الأجتمااعي جداام فلانه وعلانــه فأكيييد راح تفكريـن مليون مرهـ قبل لا تخطيييـن هالخطووهـ .. " بحزم وأصرار وعناد " زواج ماني مـتــزووجــه !!!! وهالخالد اللي مادري من ويـن طلع لي خليـه بحظـن أمه ماأأبيـــه ....
كان بقلبهـا كلام وايد بتقولـه بس الكلمات توقفـت مع السطــار القوي اللي جالـهـا : هالســطـــاار علشان تشوفيـن من قاعدهـ تكلميـن جدااامج ,, وأذا فيج خيييرر ياوضيييح سوي اللي قلتي عليييـه والله لا تلوميـن الا نفسج ..... وآآنـا اللحيـن رايحـه أكلم أبوج وبعد يوميـن بيجون وبيخطـبونج وغصباً عليج بترضييــن ....تساهلت معاج وااييييد آآنـا ..
تـحـركت خطوات أم وضحى بتطلع من الغرفه لحقتهـا وضحى وهي تصرخ بغضب عااااالي : والللللله ماني متزووووجــه تسمعييـن يمه ...!! مابتزووجــه ......وحااولي تجبريني ... والللللللللللله ماأسكت
دشـت ورضخت الـبــاب بـقــووه وهي متنرفزهـ ومعصبـه بس ماصاحت رغم أنه الكف يـعـور ..... صرخت : لييييييييييش تحاوليـن تخليني أكرههههج بأي طريييييييييقــه !!
صوت رنيـن جوالـهـا صــدح بالـجـــو وخيييم ع المــكــان ,,, وبدون ماتكلف روحهـا وتشوف الرقم عرفت أنـه راشد من النغــمـه اللي حاطتهـا خصيصاً لـه
راحت بسرعه وردت عليـه بدون تفكير .. فهاللحظـه كـانت خطواتهـا تتحرك بـ أوامر قلبـهـا .. مب بعقلهـا !!.... سمعت صوته يقول بسرعه بأسلوب عـتــب : واللله ماعندج قلللللللللللب ,,!
وضحى بتألم وهي حاسه روحها بتنفجر صياح لما سمعت صوته : رااشد بيزوجونـي ...
راشد فز : نــعــم ؟؟؟
وضحى ذرف دموعهـا : رااشد أأكررره آآمي ,,, آآكررررهـا ,, تدور اللي يغثني وتسويييــه ....
راشد : شـنـو بتزوجج ؟؟! وحده وحده علي ....
وضحى تصرخ : خطبتني منهـا رفيجتهـا عيوز قرييح هذي لولدهـا ولما رفضته رااحت تكلم أأبووووي وآآدري بــه رااح يوافق لما يدري بـه ولد عزززز ومستواهـ من مستوانـا وأعـلـى ......
راشد : آآنـا جايج اللحيـن
وضحى : بتجي شبتسوي ...!!!!
راشد : بخطبج من يديد ....
وضحى : تستهبببببببببل !؟؟... ماراح يرضى فيك أبوي أفهم ..!!!... وتوهـا أمي قايلتهـا بويهي ماراح يرضــى ,,
راشد بأنفعال : عيييل شسوي ,,,؟
وضحى : شدراني ,, بس آنـا ماراح أسـكــت .... والله مابسكت ياراشد .. ماراح أتزووج يعني ماراح أتزوووج واللي بيسوونـه خل يسوونـه .... حتى لو أطلع جداام العفنه أأمــه وأأقول لـهـا ولدج مانبيييه
راشد يحاول يهديـهـا : آآنـتــي آهــدي اللحيــن ,, والله خبصتيني معااااج ...
وضحى قعدت تصييح وقالت بسرعه : راشد سكر بروح أأكلللم أبوي ...
راشد بتردد : بس ردي أتصلي ..
وضحى : يصير خير
سكرت بويهـا وطلعت من غرفتهـا وهـي هايـجــه وتوجهـت لغرفـة أمهـا وأبوهـا مالقتهم موجوديـن ... تمت تدور عليهم بالطابق اللي فوق لحد مالقتهم قاعديــن بالـصـاله "اللي فوق طبعاً"
أول مالمحتهـا آمهـا قالت لأبو وضحى : كاهي بنتك جاات ,, تفاهم معاهـا ...
وضحى أقتربت منهم وقالت موجهه الكلام لأبوهـ : يبـه شـنـو يعني بتغصبـوني ؟؟.. ماأبي أتزوووج ليش مب راضيـن تفهمون ,,
بو وضحى بجديه : آمج تقول أنج رافضـه الزواج علشان راشد ,,؟
وضحى بأنفعال ودموعهـا على خدهـا : شدخل هذا بالموضوع ,,, أأبي أعرف !!!... آمي تتوهم أشياء وتصدقـهـا ..
أم وضحى تحط يدها على قلبها : آآنــا ؟؟؟.. آآنـا أتوهممم .... بنتي وأعررفج عدل وأعرف أطباعج .. من يوووم مارفض أبوج راشد وأنـتي كل ماتقدم لج واحد رفضتيـه ؟ ليـن متى يعني !!!!
وضحى : وآآنتــي شحااارررق دمــــــج وفااااقع مرارتتــــج ,,, قااعدهـ على قلبببج أأنــا ..؟؟
صرخ فيهـا أبوهـا بحده : وضــحـــى ,,,,!! آنتـبـهـي لكلامج ..
وضحى بصياح : حراام عليكم والله .... طووول عمري وأنتوا ماتدرون عن هو دااررري .. واللحيـن يجي وااحد مادري من وييـن طلع لي وتزوجوني أيـاهـ ؟؟؟ لهدرجة وجودي مثقل عليكم ....
بو وضحى بنفس نبرة الجديه : تـعـالي قـعـدي .. خل نتفاهم
وضحى : هالموضوع ماأبي أتفاهم فيـه ... ماأبي أتزووووج !!
بو وضحى : أنتي تعالي قعدي ومايصير خاطرج ألا طيب ..
ترددت بالبدايـه بس بعدهـا راحت وقعـدت أحذى أبوهـا اللي حظنـهـا بدورهـ وهي ماصدقت يحظنهـا وأنفجرت صيااح : والله ماأبي أتزووج ,, مااااابي ...
بو وضحى بعد ماطبع بوسـه على راسـهـا بالخفيف : خلاص مابتتزوجيــن ,,
نقزت أم وضحى : نـــعـــم ؟؟... شنو مابتتزووج ,,, تبي تمشي كلمت بزر علينـا ؟؟
بو وضحى : خلاص البنت ماتبيــه ,, لا تضغطيـن عليهـا أنتي ...
أم وضحى : آآيـه أقعد تكلم جدامهـا جذي ,,!! قـو راسهـا علي ,,,, بنفسهـا بدون شي ولسـانهـا يبيلـه قصص
بو وضحى : خلاص نصيبـهـا مب مع خــالــد .... الله يعوضهـا بغيرهـ
أم وضحى : وآنـا شقول للمرهـ ؟؟ سامحيني فديتج بنتي ماتبي ولللدج وشالت البيـت على راسهـا ..لما درت بخطبتج ؟؟؟؟
وضحى نقزت : والله مشكلتج .... محد قال لج عطيهـا كلمة بدون ماتخذيـن رايي
أم وضحى قامت وقفت منقهره وقالت : شوفي ياوضيييح.... أذا ماخذيتي خالد لسـانـي ماأبيـه يطب بلسانج
وضحى : آآووكييييـه ,,!! عاادي .... من متى أصلاااا تكلمت معاج أو كلمتيني ..علشان أموت اللحيـن لأنج مابتكلميني
آم وضحى بغضب و حده لريلها : شاايف لسان بنتك الزفر ,,,, الظـاهـر ماعرفت أربي
وضحى : قصدج ماربيتي من الأسااااااس ...
جاتهـا أم وضحى هــادهـ من بعيد متوعدهـ فيـهـا سحبتهـا من شعرهـا القصير وعطتهـا سطــااار قوي .. ووراهـ سطار أقوى ,,,
قام بو وضحى وسحب بنته وراهـ وهو يقول بحده وصراخ : خلاااااااااااااااااااااااااص !! ع الأقل أحترموا وجودييي ؟؟
وضحى بصرااااخ من قلب : اكررررررررررررررررررررهـــــــــــــــــــــج
طلعت من الصاله تركض لجناحهـا ,,,
أم وضحى بتنرفز : ليش وقفت بصفهـا .. خل تتزووج يمكن الريييل يأدبهـا ويقص لسانهـا ...
بو وضحى : أنـا بنتي مب حيواان علشان أأجيب لهـا وااحد يروضهـا !!! ... ماتبي تتزوج ماراح تتزوووج خلاص الموضوع أنتهـى
أم وضحى : صدقني هي مسويـه كل هاللويـه علشان راشد ولد أختي ...
بو وضحى : أذا كانت على قولتج مسويـه كل هاللويـه علشان رويشد ولد أأختج .. فـهـي تـدري ومتأكدهـ أني مب موافق عليييــه ..... وأذا أرفضت مليون غير ولد رفيجتج ماراح تتزوج راشد " بتنرفز خفيف " عكرتوا مزاااجي !! الواحد جااي يبي يرتاح ببيتــه .. تطلعون لـه مشكلة من تحت الأرض علشان يطفششششش ..... آآآوووووووووووف لو قاعد بالشغل مجاااابل الأورااق أبرك لي
ترك لهـا الصـالـه وخلاهـا شوي وتنفجررر من الغيييييييييييض

الـيـوم الـتـالي

ع الـسـاعه 4 الـفـيــر فــــز من نوومـــه وهو يلـهـث وكأنـه راكض آمييــآآل .. حط يدهـ على صدرهـ يحاول يخفف سرعة تنفســـه وغمض عيـنـه بقوهـ ورجع فتحهـا ..
كــآآبــوس أقــتـحــم عـالـم أحلامه ..... مايدري شلـون قدر يقوووم منه حتى !!
كابوس بشــع .. خلاهـ يستحقر روحــــه
ويـكـره فــايــز زووود ...
كان أبوهـ ينذل جدامه بأبشع أنواع الذل على يد فايز ,, وهو واقف أحـذى بـونواف وعلى ويــهـا آبـتــســاامه عريضــه بدون لا يتحرك شبر من مكـانه !! ومكتفي بالـنـظـر ...
كـان ودهـ يرووح يوقف فايز عند حــده ,,, لكــن مايدري ليش ريلـه متصلبـه بالأرض والأبتسامه مب راضيه تفارق ويهـا .....
معقـولـه كان راضي عن اللي يصير جداام عيونــه .......!!!
الـظـاهـر اللي صـار آآمــس مب راضي يفــارقـه ولا يخليه بحالـه ....
بالأمس .. كان فايز يردد كلمة " أبوك تاجر مخدرات " ... وزايد ماغير قاعد مجابلـه ويزيد الـنـار حطب !!!!! ..
أأكــيـــد .. أنه هالحلم هو نموذج عن اللي صــار !!!

قام من سريرهـ بعد ماأزاح اللحاف وهو مايبي يفكر بهلـ كاابووووس نهـائيـاً.. لأنـه مجرد تفكييرهـ رااح يخلي ضمييره يأنبه أكثر من ماهو ذابحه بهلـ لحظـة
طلع من غرفتـه ونزل تحت وسيده للمطبخ طلع لـه غرشـة ماي وصب لـه بقلاص ... شـــرب شوي وبـعـدهـا اخذ هــوى لصدره .. وحاول ينفض هالكابوس من بـالـه ...!!
طرى ببـالـه فايز للمرهـ المليون وضغط ع القلاص بقوه : بـعـد اللي صــار آآمــس .... ماراح أخليييك فـ حالك .. والله ماأخليك !
طلع من المطبخ بعد مارجع كل شي بمكانه علشان لا تعصب أمه لما تقوم ... وراح ألقـى بنفسـه على كرسي الـصـالـه ... وهو يـتـنـهــد
وماحس بـعــمــره ألا وهو نــايــم ... مـن شدة التـعـب ...
آمس مانـام طول الليل سهـران وع الـ2 غطت عيـنــه وقاااام على كابوس كهرب كل جزء بجسمـه ....!!
.
.
صـــــــوووت الــجـــرس قطع عليـه نوومـه ... فتح عينه ببطئ وشاف السـاعه كانت 6 الصبح ....
شكلـه مكتوب عليـه ماينام ألا ساعات قليلـه ويقوم !
تعدل بقعـدته وهو يمسح على ويهـا ويقول بصوت ناعس : من جاينا هالحزه ؟؟؟؟؟
قام وطلع من باب الصاله ع الحوش ... وصل للـبـاب ولما فتحه أنصـعــق باللي جداامــه
دش بو نواف وقال ببـتـســامه : السلام عليكم
زايد كان راح يعقد ملامحه ويكشر لكن تذكر خطـتـه فأبتسم من ورى قلبه : وعليكم السلام ...
بو نواف : شكلي جيت بوقت غلط ....
زايد " توووك تدري !!!! " : لا عادي البيت بيتك ... تفضل
بو نواف : لا أنـا مو جاي أتفضل .... ,...طول الوقت أمس مب جايني نوم وتفكيري منشغل بكلامك عن سـعـود الله يرحمه ... آآبي تفسيييير
زايد بستغراب تصنعه : تفسير لشنو ؟؟
بو نواف : آنـت تكره أبوك الله يرحمه صج .. ولـه كل هذا تمثيييييل علشان ربعك كانوا موجوديــن
زايد : أظـنـك ريال عود وفاهم وتقدر تكتشف بسهولـه لو كنت أمثل أو لا ....
بو نواف : أقدر أكشف اللي عايش معاهم وهم حولي ... مب وااحد من 5 سنين ماشفتــه ..
زايد : شوف عمي ... اللي قلته لك ببيتك هو الصج .. وأنت براحتك أذا بتصدق ولـه لا ... هذا شي راجع لك
بونواف : بس أنت كنت متعـلق فيـــه بصغرك ؟؟؟
زايد : كـــنــت !! لـكــن اللحيــن للأســف ماأحبه ! وحتى لما طلع وجـا قـعـد عندنــا يوم .. أحسـه كان كااتم على نفسي ... و ... وآآدري انه اللي بقوله اللحيـن المفروض ماينقـال .. بس لما مات ... آرتــحت وأستانست بعد
بو نواف أنصــدم من كلام زايد !! مو لـهـدرجة عـااد ...
كان يبيـه يكرهـ أبوهـ ,, بس مو لدرجة أنــه يفررح لمـوتــه ...
شـكـلـه نززع حــب سـعــود من صدر هالولد من جذوورهـ ..
حط يده على كتف زايد .. بنفس الطريقـه وبنفس المكان اللي حط سـعـود يدهـ فيـه .. ولو مب تمثيليـة زاايد جاان دفع يدهـ بكل وحشيـه وشراســه ...: بس مهمـا كان هذا أبــووكـ .. المفروض ...
قاطعه زايد : ماأبي أسمع نصايح ...
بو نواف هز راسـه بتفهم وهو يمعن النظر بوي زايد : على راحـتـك ...
زايد بتسائل : أنـت جاي هـنـي عـلـشــان تـكلمني عن موضوع أبوي وبس ... ولــه جاي علشان تطلب مني أفارق ولدك بعد !
بو نواف : أنـت ونواف كيفكم أذا بترافجون بـعـض ,,, بس كنت حاس روحي مب قادر أصدق اللي قلته أمـــس .. فحبييـت أتأكد !!
زايد : ليش مثلا بجذب عليك ؟؟
بو نواف : ماادري .. يمكن لك أسبابك الخاصـه ...!؟
زايد : مثل ؟؟
بو نواف : مثل أنـك تدري أنـي آنـا اللي مدخل أبوك السـجــن !! يعني تبي تنتقم مثلا ؟؟
زايد أطلق ضحكه شبـه طويله وقال : آنتــقــم ؟ وليش أنتقم منك ... شمسوي لي ..؟؟.. كل اللي سويـتـه أنك بلغت عنـه لما شفته تاجـر وكبير وأكييد أنك حاولت فيـه يترك هالشي بس هو مارضــى ,,, " بخبث كان خافيـه بمهـاره " وأظــن بــلــدك بالمرتبـه الأولى بقلبك !
بو نواف بتسائل : زايد ,,؟ آنــت شتذكر بالضبط لما كنت صغيير ؟؟
زايد يستغبى : شلون يعني ؟؟
بو نواف : يـعـنـي ,,, تذكر لحظات لك مع أبووك ,,؟
زايد يسوي روحه يفكر بعدهـآ قال : آآنــا من وعيـت على الدنيـا مالقيت أحذاي غير آآمي ,,, ماأذكر أني شفت أبوي ..... ألا لما طلع من السجن
بو نواف يحاول يسوي فيهـا ذكي : يعني ماتذكر ولا شي كللللش لما كنت صغير .. ولا لحظة جذي مع أبوووك ؟؟
زايد كان عارف سبب سؤاله قال : عمي أنت شتلمح لـه ؟؟... قلت لك ماأأذكرهـ كلللش ....!
هز راسـه بتفهم وهو يقول : آوكي عيل ياولدي ... آآنـا أخليييك
زايد : أي أسئله ثانيه ؟؟
بو نواف أبتسم له : لا خلاص .. كم سؤال كانوا يدورون بقلبي وقلتهم لك .....
زايد : وأن شالله قدرت أقنعك بأجوبتي
بو نواف : تقريباً .... عن أذنك
زايد : أذنك معاك
شافه يركب سيارته الفاخرهـ ولحقـه بنظرات نـاريـه الشرار يطلع منهـا ,, لحد ماسكر باب السياره وحــرك من جداام بيـتــه
أول ماراح وأبتــعــد عن بيـتــه رضخ زايد الـبــاب بكل قوتـــه
ودش دااخل ......
.
.
بالـسـيـاره عند بو نواف كان يقلب كلام زايد براســه وهـو مصدقـه ومب مصدقـه
مقتنع ومشكك !!!
بصوت أقرب للهمس : آنـا شسويت ؟!!!! حتى بوفاة أبوهـ ماحزن !! معقولـة مهـا ماقدرت تحببـه بسعود ...؟؟
رد عليـه صوت عقلـه " مو هذا اللي آنـت تبيــه ؟؟ هذاهو كرهـ أبوهـ ولا .. وماعاد يواطنـه بعد والبركه فيييك ....!!! خـلاص المفروض تفرح وتحتفل .. مب تقعد تحلل وتستنتج ؟"
مرر يدهـ على لحيـته الخفيفه وهو يقول بيـنه وبيـن نفسـه : مـب قادر أستــووعــب .. رغم أنـه كل اللي بغيتـه صـــاار ...!!,,, فيني أحسـاس تجاهه مب قادر أأفهمه ,!!!
.
.
.
خذته خطواته لداخل البيـت وأرتبك لما شاف أمه بالصاله وشكلهـا قامت على صوت الجرس قالت بتسأل : من جاينا ؟
زايد بأرتباك حاول يخفيــه : ولا حد عـيـال الفريج يلعبون بالجرس ؟
أم زايد بستغراب : بس أنا لمحت وااحد طالع من البيـت ؟؟
زايد زاد أرتباكه " لا يكون شافته !! " ...: هذا أبو الولد اللي كان يرن الجررس .. على طلعتي ألا أبوهـ جااي ياخذهـ وأستسمح منــي
أم زايد هزت راسـهـا بتفهم وقالت وهي تتثاوب : بتروح شغلك اللحيـن ؟
زايد شاف ساعته وقال : اأيـه بعد شوي ,, بـروح أســبــح ...
ترك الصاله وراح بسرعه فوق وخـلـى آمه تحت ,, حتى نـسـى يبوس راسـهـا مثل كل يوم ... دش غرفته وهو يزفر بأرتياح ... زيــن أنهـا ماشافت ويـهـا ولــه جاان شالت البيت على راسـهــااا
ولو تدري هو شقايل عن أبوهـ جدام فايز ,,, رااااح تذبــحــه ....!!!
تحرك وسحب الفوطه .. ودش الحمام يســبــح ....
بيـنـمـا بالطابق اللي تحت أول ماأختفى زايد عن نظرهـا راحت المطبخ تسوي لـه ريوق ... !
مـرت فــتـرة بسيطـه وكـان الأأكـل جـاهـز وموزعــتـه على طاولـة الطعام ... وحطت أخر صـحـن ...
ألا بـزايد داش عليـهـا وهو كاشخ وريحة عطرهـ المميزهـ سابقته وباسـهـا على راسـهـا وقعد يشاركهـا الأكـل
آم زايد ببتـسـامه حلوهـ : اللحيـن عـاد ماتقـدر ترجع البيت مبجر وتـقـعـد معـاي ..
زايد يبادلهـا الأبتسامه : لو علي أسويهـا ... بس شبيقولون علي توهـ متوظف وكل شوي طالع ....
أم زايد ضحكت بالخفيف وهي تقول : الله يوفقك ... آكــل عــدل يبــه علشان لا تـجـوع هـنـاك
زايد وهو ياكل : فـديت اللي تحاتيـني والله
أم زايد : على طاري المحاتاهـ ,,, ماقلت لي رايك بالموضوع ؟
زايد طالعها بتسائل : آي موضوع ؟؟
أم زايد : هو ؟؟؟ آمدااك نسيت !!
زايد : أعذريني يمه بس وااايد شغلات لاهي فييـه ...
أم زايد : ريح مخك شوي من كثر التفكييير ...! مب زيييــن لك والله .., قصدي على موضوع آمـنـه ؟
زايد كان ناسي هالموضوع تماماً فـ توهق لما طرته : آآيـه آمـنــه صح !! .. آأأأأأأأأأ !؟ " بعد تفكير ماأخذ ثانيـه " ...سوي اللي يريحج ...
أم زايد بوناسـه : يعني أخطبهـا ؟؟
زايد وهو ياكل بلا أهتمام ببتسامه عابره : خطبيـهـا ...
أم زايد يببت من قــلـــب
زايد رفع راسـه وشاف الوناسـه اللي مرتسمه على ملامح أمه وقال بضحكه : ههههههههههه,,, دوووم هالفرحهـ
أم زايد قامت وطبعت بوسـه على راسـه وهي تقول : مبرووووك ياولـدي ألف مبرررررروووك ....
زايد وقف وهد اللي بيدهـ حظنهـا بالخفيف وهو يقول : الله يبـارك فيج ... يلا آنـا أستأذن ... " يغمز لها " اليوم أول يوم دوام
أم زايد : الله معاك حبيبي ,,
طلع زايد من البيـت وأول ماآبـتـعـد عن أمه تلاشـت أبتسامتهـ وهو يسكر باب السياره ويطلعهـا من البيت متجهه للدوام
" شهلـ وهـقــه !! "
.
.
قـاعـده بـصالـة بيـتــهـا تعـدل أظـافرهـا .. وصوت التلفزيون حاشر المـكـان .....
سمعت صوت خطـوات على الـدري... وبعد ثانيـه ... شافتهـا جدامهـا لابسـه عبايتهـا وشيلتهـا ومعلقه على كتفهـا شنطتهـا وهي متجهه لباب الصـالـه حتى سلام ماسلمت
أم وضحى بحده : على ويـن أن شالله ...
وضحى طالعت آمهـا بملامح شبه معقوده : طالـعـه ...
أم وضحى : آدري أنج طالعه ,, عيل دااشــه ... ويــن رايحــه ؟
وضحى : وأن شالله من متى هالأستجوااب ...
أم وضحى بعصبيه : بترديـن علي ولـه شلون ,,
وضحى : طالعه أشم هــوى ,, ولـه الأكسجيـن ممنوع بعد !!
أم وضحى : ومتى بترجعيـن أن شالله ,,
وضحى ويدهـا على مقضب البــاب : آآوول ماتروق أعصاااابي ...... عن أذنج
طلعت من البيت وهي متنرفزهـ كانت تتمنى ماتلتقي فيـهـا لما تنزل .. لكن لسؤ حظهـا لقتهـا بأنتظـارهـا تحت
أشرت لمحمود يشغل السيارهـ ,, ركبـت ورى وطلبت منه يعـلي ع التكييف ويشغل المسجل ...
قالت لـه يروح لستي ... بتتريق هناك وبالمرهـ بدش السينما ... أعـصـابهـا تالفـه من آمس .. تحركت السياره وتحركت ببالهـا أحداث أمس ....
ماتدري ليش كل موقف يجمعهـا بأمهـا لازم تكرهـا !!...عمرهـا ماحست أنـه آمهـا مثل باقي الأمهـات .. تحبهـا وتحرص على راحتهـا ....
عندهـا آم .. أذا مانكدت عليهـا ماتكون آمهـا !!!!
سندت راسهـأ لورى ونفخت بقوهـ ,,, رن جوالهـا ومن النغمة عرفت أنه راشد ماتحركت ولا أصدرت أي حركه خلتـه يرن ليـن وقف من نـفــس ...
رجع رن من يديد ماطول وسكر ...
وضحى بصوت واطي : آحسن !
شوي ووصلهـا مسـج .. ماكلفت روحها تشوف شكاتب فيــه مالهـا خلق لا لـه ولا لغيرهـ ....
ماكان المفروض ترد عليـه آمس ,, بس من القـهـر مالقت بويهـا غيرهـ .... لأنـه كان متصل ..!
غمضـة عيـنـهـا بمحاولة فاشله أنهـا تهدي أعصابهـا التالفـه ....
مـر الوقت بسرعه وسمعـت صوت محمود يقول لهـا أنهم وصل
فتحت عينهـا لقـت السيـاره مصفوفـه بالمواقف ... تعدلـت وعدلت شيلتهـا الشبـه شفافـه وهي تقول : أنـت روح اللحيــن .. لأني بطووول .... وأول ماأتصل لك تعــال
محمود : آن شاء الله ..
نزلت من السياره وسكرت الـبـاب ... ودشـت دااخــل
.
.
ببـيـت راشــد

بـعـد ماريقـت ريلهـا وعيـالهـا شالت كل شي ودشـت المطبخ تغسل الصـحــون ,, وأول ماخلصـت ...
طلـعـت وهـي متجهه لفوق ... وصـلـت غرفتهـا فتحت الـبـاب لقـت راشد منسدح ع الكرسي وعيـنـه بجوالـهـ ... ماكلمتـه أصلا علاقتهم هالأربـع شهور ماكانت أوكيــه
خاصـه من بعد الـكــف المحترم اللي خذته منه لما رجـعت ذاك اليــوم ,,, صحيح جاهـا وأعتــذر لكن أثر هالكف للحيـن بنفسـهـا ....
فتحت الكـبـت تطلع لهـا ثـيــاب
سمعته يقول : شعـنـدهـا اللي داشـه تسـبـح ..؟ ماأخبر اليوم عـيــد !!!
فاهمه قصــدهـ لكنهـا خلاص تعودت على أسلوبـه الجارح ... ماردت علييـه مالهـا خلق هواش وسندارهـ من صباح الله خير
خذت لهـا ثـيـاب عـدلـه ومرت من صوبـه متجهه للحمام ... لحقهـا بعيونـه لحد مادشت وسكرت الباب وراهـا وقفلته
ماأهتـم... كان قاعد ينطر رد وضحى عليييـه ... طرش لهـا مسج من شوي وتأخرت بالـرد ...
راشد بقلبه " معقوله راقده ؟؟" ألتفت وراهـ لساعه شافهـا تشير لـ 8 الصـبــح ...
بصوت هادي : بعد اللي العفيسه اللي صارت آمس .. ماظنتي بتنام أكثر من جذي !!!!
تم ينـطــر
ويـنـطــر
ويـنــطر
ووضحى ماردت ولا عبرته ...
راشد : شغل تطنيش يعني ..!!
قعد يدور بيـن المسجات الغزليـه اللي عندهـ وطررشـ لـهـا ...

" ياللي خذيت القلب مني وصديت
امآ تصوـوـون القلب والا تردهـ ..!! "

ضغط أرسال وطرش الرسـالـه ,, تنـهـد وهو يقول : أن شالله تحس !!
أرخى راسـه لورى وتم يطالع السقف ويفـكـر .....
وبعد فتره مب طويلـه واايد ولا قصيرهـ .... طلعت هـيـا من الحمام " الله يعزكم " وهي لافـه شـعـرهـا المبلل بالفوطه ..
طالعهـا راشد ولا عـلـق وتم يلاحقهـا بنـظـراتـه
بينما هي كانت حاسـه فيـه بس مطنشـه ....
شالت الفوطه ونشفـت شعرهـا اللي يوصل لـنـهـايـة ظهـرهـا خلـتـه مموج على طولـه ... دورت الأستشوار بالدرج وبعد دقايق لقته .. شغلـتـه وحطته فوق التسريحـه جات عينهـا بعيـن راشد اللي يطالعهـا بالمنظرهـ ,, وحاولت تلهي نفسهـا بأي شي ,, فرقت شعرهـا الطويل وأبتـدت تستشورهـ على دفـعـات وكل هذا تحت مراقبـة راشد لـهـا .......
.
.

عـنـد وضـحـى اللي كانت تـتريق لما وصلهـا المسج الثاني ,, قرتـه وعلى طول مسحـتـه وحطت الجوال أحذاهـا ....
وكملت أكـل وهي متضايقه ومب طايقه نسمة الـهـوى ,,,,, أول ماخلصت ودفعت الحسـاب راحت السينمـا ... شافت الأفلام اللي عـنـدهم ....
كانت مزيج مابيـن الرعب ,الكوميديا , الأكشن , والرومنسيــه ... أنجليزي وعربي وهندي بعد ...
أكييد ماراح تدخل رومنسي .. مافيهـا على لوعة الجبد وهي تشوف أشياء تدري مب موجودهـ بالواقـع ..... أختارت فلم كوميدي وقالت لهـا المرهـ أنه العرض بيبدأ الظـهـر ع الساعه 2
كانت بتغير الفلم بس ماتدري ليش وافقت ,,, خذت التذكره وأختارت ويـن تبي تقـعد ,,
ولما خلصـت ....
أبتـعـدت عن السينما .. تمت تدور بالستي مرت على محل عطورات وأشترت لهـا كم عــطـــر .. بعدهـا رااحت تـلـف وتدور بمــحــلات الثـيــاب خذت لهـا كم بـدله وسيـده راحت تشتري لهـا أكسسوارات تناسبهم
وسط هاللف والدوران نست ضيقتهـا شوي ,, ولـهـت باللي بيدهـا ....
خلص من الأكسسوارات ,,,
باقي تشتري نـعـال " الله يعزكم " تنـاسب الثياب اللي شرتهم !! .... وبالفعل راحت وخذت لهـا كم وآآحـــد ....
دفعت الفلوس وطلعت ويـدهـا مليانه أكيـاس ... شافت ساعتـهـا ... وحست أنه للحيـن باقي واايـــد ليــن حــزت عرض الفلم ...
فـكــمــلت لـــف بالسيتي!!!
.
.
عـنـد راشد

خلصـت أستشوار شعرهـا اللي صـار شكله روعـه وزيـنت ملامحهـا الخصل اللي تداعب ويـهـا وضايقت عيونهـا
ومن أبتدت تستشور.. وراشد ماغير يطالعهـا وأول ماخلصـت صفرر بأعجااااب : وآآآآآآآآآآآآآآآآآآآآآآآآآآآآآآو !! قمررر
ماأهتمت لكلامه دورت على ربطهـ ولما لقتهـا لمت شعرهـا الطويل وجات بتلفه ألا أنـه يد راشد اللي قام وجا وراهـا سبقتهـا : شـدعوه تلفييـنـه ,,, والله شكله جذي يعذب
هيا بجمود وهي تجيب شعرهـا على كتفهـا اليسـار بما أنه راشد كان يلعب بالخصــل ...: ورااي غــدى أسويــه ..
راشد يطالعهـا بالمنظره : اللحيـن مسويـه شعرج وسابحـه وبدشيـن المطبخ؟؟؟
هـيـا بنفس الجمود : عـنـدك مانع ؟؟
راشد ببتسامه حلوه : أأحلآآ يامعصب ....
هـيــا رفعت شعرهـا بتلفـه لكن راشد قاعد يسحب كم خصلـه مـن الخصل المرتاحه على ظهرهـا ...كل هذا علشان مايخليهـا تربطـه ,,
فلتت أعصابهـا ألتفتت عليـه وقالت بصرخه : يوووووووووووووه ! خلاص
راشد مازال مبتسم : بتخلينهـا بخاطري يعني ؟؟.. والله وهو مفتوووح أأحــلـى طالعه قمرررررر
هـيـا بعصبيه : وأنـا مب قاعدهـ أتكشخ لك علشان اشوف شلللي يعجبك واسويـه .... غسلت شعري وأستشورته وخلااااص !!! واللحييــن رايحـه أسوي الغــدى ,, فكني
راشد : بس آنــا ريلج ,, ومن حقي أطلب منج تسوين اللي يعجبنـي
هـيـا ضحكت بأستهزاء : توك تدري أنك ريلي ؟؟... ولـه أول ماتعطيك ويه بتنسااانــي وترووح تركض وراهـا جنك مختررع ؟؟
راشد وهو يمرر صبعه على خدهـا بلطف : ليش الغلط اللحيـن ؟؟
هـيـا دفعت يده بشراسه وقالت : لا تلمسني ..." طالعت من فوق لتحت " عن أذنك
جات بتطلع لكنه مسكهـا من ذراعها ورجعهـا مكانهـا : مب بكيفج تقوليـن لي أذا ألمسج ولـه لا ,,,!! " يسحب الربطـه من يدهـا " آآنــا أبيـه مفتووح وراح تخلينه مفتوووح ..." ببتسامه تثير الغيض " مفهوم حياتي ...
شافهـا تعطيـه نظرات قـهـر وطلعت من الغرفه بعد ماسحبت يدهـا منه ,,,,
وقفت بالمطبخ متنرفزهـ ... وبنفس الوقت مقهـورهـ منــه
اللحيـن يتقرب منهـا علشان وضحى مطنشتــه ... لكــن أول ماتعطيـه وي راح يتركهـا ويركض وراهـا ....
واحد أناني ,,, مايفكر ألا بنفــســه .... مايفكر ألا براحته وراحت بالــه ..
نزلت دمعه على خدهـا وهي تقول : ياليتني ماأغتريت فييك وبشكلك ... ياليتني قعـدت ببيت أهلي معززهـ مكرمه ولا أخذتك
مسكت شعرهـا ولفته بدون لا ربطه ولا شي ,,, لأنه شعرهـا طويل وتقــدر تــلفـه بدونهم ...
وآبـتــدت تطلع معـدات الـغــدى ,, وهي كل شوي ماسحه دمعتهـا .....
.
.

ع الـسـاعه 2 الـظـهـر دش الـبيــت من بعد يوم طويل ... تملل منه ..
هذا أول يوم وجذي الله يستر من باقي الأيام ... علموهـ الأشياء الأساسيـه وخلـوهـ يرد على الأتصالات
اللي يتصل يبي رقم المطعم الفلاني ... واللي يـبي يشوف كم فـاتورة جوالـه وتلفون بيته والـنـت ولمـا يدري ينصدم ويقعد يزف !!
جــنــه هو بكيييف قاعد يزيييد عليهم بالفاتورهـ ,,, مب جنهم هــم اللي راضعيييـن التلفون طوووووول الشـهـر ولما ينقطع يجون يزفون !
شـاف أمـه قـاعـده تخــم الـحــوش ,,, تسلل من وراهـا و ... : بـــــــــــــــــــــــــــــــــــــــــــــــــ ـــــــو !
أنقزت وألتفتت وراهـا بسرعه بعد ماتركت المخمه ....زفرت بصوت مسموع علامه على الأرتياح لما شافتـه وهو ميت ضحك على شكلهـا
أم زايد بغضب : زيووود .. شهلـ حركاااااات ....
زايد وهو مازال يضحك على شكلهـا : والله يـمــه شكلج فلللللللله وأنتي مخترعه
أم زايد : أأيـه خل يصير شكلي فلـه زيادهـ لا نزل معاي الـســكررر .... !
زايد يحظنهـا : آآسم الله علييييييييييييج ... بعديـن ميـن يغديني
أم زايد تبعدهـ بالخفيف : تحاتي بطنك
زايد ضـحــك
أم زايد شالت المخمه وهي تقول : شلـون الشغل ؟
زايد وهو يمشي معاها داشيـن البيت : زويييـن ..
أم زايد تطالعه : شلون يعني زويييـن ...
زايد : صراحه يعني صراحه أذا ودج بالصراحه ....
أم زايد تطالعه تنطرهـ يتكلم
زايد يكمل : ملل على أصووولــه ,, مب متعود أقـعـد بمكان واااحد وأرد على أتصالات بس !!
ام زايد : يعني شنو ؟؟
زايد : بدور شغله ثاانـيــه .... بقدم أوارقي على كل البـنـووك ولما يقبلون فيني بستقييل ...
أم زايد : غيرك بيموت ويحصل وظيفـه وأنــت مب عاجبتك هالشغلـه .... آريح لك ,,!!
زايد : والله الراحه اللي جذي ماأبيـهـا ... آبي أتحررررك ... والله ريولي تيبـست من القـعده ..
أم زايد : كييفك .. على راحتك .....ترى كلمت خالك قال لي بيشوف آمنه وبيرد علي العصر
زايد بقلبـه " أن شالله ترفض ... مـاني بوضع يسمح لي أتزووج وغيره " : على خير أن شالله ..." يغير الموضوع " الحلوهـ شطابخه لي ؟
أم زايد دشت المطبخ وحطت المخمه مع باقي المخمات ورى الباب قالت : عيش أبيض وصالونه ...
زايد : ياولللللللللد .. عيل أبدل وأنزل ...
أم زايد : لا تتأخر ...
زايد : أن شالله
راح فوق غرفته بدل بسرعه ونــزل قـعـد يتـغـدى مع أمــه وسوالف توديهم وتجييبهم
.
.
ببيـت ثـاني لأول مرهـ نقتحم جدرانه

كانت بغرفتهـا ترجف من داخلهـا لما سمعت من أبوهـا أنـه زايد خطبـهـا ...
لسـانهـا أنـعـقــد ماقدرت تنطق ..!!!
" آخيراااا حس فيني "
حلم راودهـا من سنيـن ... كانت تحبـه بينهـا وبين نفسهـا .. ومحد كان يدري بهلـ حب ألا عمتهـا رغم أنهـا ماقالت لهـا ولا حتى لمحت ألا انهـا قدرت تعرف !!
حاسـه روحها بطيييييير من الونـاســه ... مب مصدقــه ,, بتتزووج زااايييد !؟
كانت مبتسمه أبتسامه عريضــه وهي تسترجع صور زايد ببالـهـا ....
آرخـت نظرهـا لتحت لما خطر ببالهـا أنه هـو بـعـد يحبهـا بس كان يكابر ,,
بصغرهم ماكانت تطيقه ولا تواطنــه ... بس لما جات فتره وقـطـع ... صـارت تشتاق له وتشتاق لنحااسته وللسانه الطويل ...... لكنهـا ماكانت تشوفـه نـهـائيـاً وأذا لمحته من بعيد بس !! .. باين أنه كان يتحاشـاهـا ؟
كبروا وتحول الكرهـ اللي بقلبهـا له لحب بسبب شوقهـا لـــه ... كان يتجاهلهـا ولا يطالعهـا حتى ..
لـكـنهـا كانت تحــبه ومتأكده أنه ماكان يتجاهلهـا لأنه يكرهـا ؟؟
مب معقولـة يكرهه علشان هوشات طفوليـه تـافـه ....
هو عقله أكبر من جذي
قـامت لصوب درجـهـا فتحته وطلعت من تحت كومة الأغراض اللي فيـه صورة لهـا مع زايـــد كانـت هي صغيره توهـا مولودهـ وبحـظـن عمـتهـا بيـنمـا زايد قاعد أحذى آمـه ويطل بحظنـهـا على هالمخلوق الغريب اللي شغـال صـيـااح ....
هالصوره هي الصوره الوحيييده اللي عندهـا لزاييد .. شكله غير بالصورهـ واللحيـن غــيـــر
بالصوره جييييييييكرررر وويـهـا يجييييب الــهـــمم والمرض .... لكــن اللحيـن تتحدى حد يقول أنه زايد مب حلو !!
قـالـت لأبوهـا أنـهـا بتفكر علشان تـبـيـن ثقيييـلـه مب خفيفـه وجنهـا ما صدقـت أنخطبت ....
حظنـت الصوره لصدرهـا وهي تقول : ياتـرى لو درى أنــي أبي أفكر بالموضوع ,, شرااح يسوي ؟؟.." بضحكه خفيفه وهي ترجع تطالع الصوره " يمكن يتحرقص اللحيـن وهو يـنـطر ردي .... آآحسـن خل يتحرقص مثل ماحرقصني طول هالفترهـ .. وهو ماغير يتثييقل ويسوي فيهـا مب مهتم .....
.
.

بيت بو نواف

أول ماشاف بطبطـتـه بحـالـه يرثـى لـهـا تهاوش مع نوره وخـلى أمه تهاوشهـا وأبوهـ بعد ,, ومـن شافهـا لحد هاللحـظـه وهو كل شوي رايح وراد علـيـهـا ويشوفهـا بتحسرر .. ويرجع يدش يصاارخ بنورهـ ويطلع
كان قاعد متربع وجدامه بطبطته .. مرر صبعه على الخدوش المرتسمه ببراعه عليـهـا وقال وهو يتحلطم : والله بردهـا لج يانـوويييير ,,, آن ماحرقت قلبج مثل ماحرقتي قلبي ماأكوون غــانم ...
قـام وقف ودش دااخل وهو واصـلـه معاهـ ,,, 4 شهور ماكثر وراحت وطي بطبطته .. كان مستانس عليهـا ونـافخ عمرهـ جدااام ربعه وهو يسوقهـا ,,,
اللحيـن متأكد لو طلع فيهـا بيستلموونـه تمصخررر ليـــن يعتكف ببيتهم ولا يفكر يطلع ...
وصـل لـبــاب غرفـة نــوره اللي كــانت نــايــمـه من بـعـد الـغـدى على طول ,, الأخت ناويـه تطقهـا سـهـرهـ
وأبـتـدى ينـبش بالدروج والكـبـاتـه عن شي يحس نوره لو فـقـدتـه بتستخفـ ,,, بـعــد طلعت الروح أستـقـر على دفتر بايـن من شكله بناتي والظاهـر كل شي مكتوب داخله ذكريات نورهـ لأنـه لما تصفحه ع السريـع شاف صور دااخل ,,, وأورااق خارجيـه حاطتهم بيـن صفحات الدفتر ,,, ومزيـنتــه بطريقـه تحسونهـا تـعـبـت وهـي تعـدل وتزيـن بـه ,,
قام يدور على شي ثاني بعد ... فتــح الـكـبـت .... وقعد يدور بيـن ثيابهـا ... ولحسـن حظـه أنه يدهـ خفيفـه ومايطلع صوت مزعج ... ونوره بما أنهـا توهـا نايمه ماراح تقوم بسهولـه ,,,
شــاف بــودي أبـيـض ,, ومطبوعه عليـه صورة نوره ووضحى ومكتـوب تحتهـا بالأنجليزي
" friends for ever "
قلب القميص من ورى شــاف مـكـتــوب عليـه بيـت شـعــر طويل بالقلم الأسود بخــط حلو ومخـتــووم بـ " توأم روووحج وضـحــى "
أبتـسم بخبث ,, ســكــر الكبت شوي شوي ,,,
طلــع من الغرفـه على أطراف أصابعه ومن حس روحه بأمان راح ركض ع المـطـبخ ,,,
حــط الدفتر على جنب وهو يقول : جايك الدووور ,,
فرش القميص على الطاولـة اللي بالمطبخ ,, وتأمل وي وضحى اللي طالعه تيـنن بالصوره وزادت أبتسامته الخبيثـه
راح فتح أقرب كبـت وسحب كــتـشب .. وزيـت زيتوون .. ومـايـنـيـز .. وغرشـة فلفل .. و آجـــار ....
وراح صوب القميص حطهم كلهم ع الطاولـه أحذى القمييص وأبتدت يفتح واحد واحد ويعصرررره فوق القميييص ويزيد الكميييـه على الكلام المكتـتووب ,,, ولما خلص من خلـطته المقرررفـه ... شال القمييص وعفسـه بيدهـ وطلع برى كانت أشـعـة الشمس مازالت حاارهـ ,,, لأنـه ظهـر ...
حـط القميــص بالحوش ع الأرض بس بمكان مستحيل حد ينتبه لـه ...
ورجع دااخل لدفتر ,,, غسل يده اللي ريحتهـا صارت تسد النفـــس ... وأخذ الـدفتــر وراح للبـرجــه وفتحـه.... بالبدايـه كان ناوي يشقق الصفحات ويحذفهم فيـهـا ,, لكـنـه هـون وفـتــح الدفتر من النص وحذفـه بالمــااي ونــزلـه بأيـــده لتحت وطلـعـه ورجع دخـلـه ,, وآبـتـسم : آموووووووووت وأشووووووف شكلج ,,!!
راح حط الدفتر المبلل فوق القمييص اللي شكله يجيب اللوعه أستغفر الله ... وأمـتـزجـت الـصـفــحــه اللي كان فاتح عليـه بالخليييط اللي بالقميييص
بينما فوق كانت نوره غاطه بنــووم عميييق ماتدري أنـه الـتـهـديد اللي هددهـا بـه غاااانم تنـفــذ ,,, وبطـريقـه بتخليهـا تفقد عقلهـا !!
كل ذكرياتهـا الحلوهـ ذهبـت مع الريـــح

,
,

دشـت السـيـنـمـا بعد ماعـطـت محمود الأغراض ووصتـه يحطهم بالسيـاره وينتبه عليهم .. كان الفلم مبتدي فقـعـدت بمكانهـا ورى وبيـدهـا الـبوب كورن قـعـدت تاكل وتشوف بأنـدمـاج وكل شوي ترتسم أبتسامه عريضـه على شفاتهـا بسبب حركات الممثل ... كـانت تحس بحـد يدفع الكرسي اللي قاعدهـ عليــه ... طنـشـت بالـبدايــة ,, لكـنه كان يزيد .. تنرفزت طلت وراهـ الا وااحد مسوي روحه مندمج مع الفلم صدت عنه وهي تتعوذ من أبلييس
وقـعـدت تشوف ..... رجع يدفع الكرسي .. ألتفتت عليه وهي تقول : يالأخ !
طالعهـا بـبـلاهه يعني أنه مو مسوي شي : هلا ؟
وضحى : الـكـرسي ؟؟
رد عليها وهو يستغبى : شفيييـه ؟؟
وضحى : لا تقعد تدززز !!
رفع حواجبـه وهو يقول : متى دزيت ؟؟..
وضحى طالعته بقهـر وصدت عنه .. سمـعـت صوت ضـحـك بالخفيف من وراهـا والظـاهـر كان يضحك مع البالون اللي أحذاهـ ...
بقلبهـا " يــااهـل وجذي ,, مادرى شـخـلى للكــبــااار ..... "
كـان مبيـن من ملامحهـ أنه عمرهـ بيـن الـ15 أو 16 ...
رجــع يدز ... غمضة عيـنـهـا بقلـة صبر .. قـامت بتغير مكانهـا سمعته يقول : خلاص خلاص واللله آآسف ... قعــدي شوووفي
طـنـشـتــه وشالت قشهـا وأبتعـدت عنه وهـي تسمع بعض الكلمات اللي جايـه من الناس اللي قاعديـن وراهـا
" يااااالشيييخـه نبي نشوووف , يااااااااللله مب شايفين اليوم , يالأخت بسرررررعه , وخررررررررري !! , لو سمحتي ؟؟ , يوووووووووووووووووووووووهـ ماصار فلم هذا كل شوي حد ناط جدااامي !!"
لحد ماقـعـدت بكرسي بعيد عنهم .. وكـانت أحذاهـا مــره وبحـظـنـهـا ولدهـا الصغير نايم ماتدري شلون قدر ينام وسط هالضـجــه ...
,
,


بيـت راشد

كانوا قاعديـن كلهم ع طاولة الطعام ياكلون والـهـدوء مخيم على الجـو ,,
هـيـا تاكل وتأكل عيـالـهـا معاهـا بينما راشد يسولف مع عياله شوي ويسـكـت ..
وماكان ينسمع غـيـر صوت القفـاش وهي تضرب بعفويـه بالصحـون ,,
خلصوا التوأم اكل وقاموا
هـيـا بأمر لولدهـا : حبيبي روح غسل يدك وحلجك ,, وخل أختك تسوي مثلك ... مو تلعبون بالماي !!
هز راسـه بطاعه وراح ووراهـ أخـتـه ,,
بينما هـيـا قامت وقفت بتشيل صحونهـا وصحون عيالهـا لكن يد راشد اللي مسكت يدهـا وقفتها : قـعـدي أبيج ..
هـيـا بجمود : وراي شغـل
راشد : المطبخ ماراح يطيير ,, لاحقــه علييييـه ...
هـيـا سحبت يدهـا بخفـه وقالت : وموضوعك ماراح يطـير ,, تقدر تنطر ليـن اخلص ....
راشد بحده وهو يشوفهـا مصرهـ على رايـهـا وتشيل بالصحون الموزعه ع الطاولـه : هـيـا قعدي وتعوذي من أبليس ,,, ماأبي أأتـهـور
هـيـا بسخريـه وهي شايله الصحون : شبتسوي أن شالله ,,؟ بتقووم تطقني ... آيـه ماهو صار الطق عادي عنــدك .." طالعته بنظرات أحتقار وقالت " عن أذنك
تركت لـه المكان وراحت المطبخ تغسل الصحون ,,,
بينما راشد مازال قاعد بروحه على طاولـة الطـعـام تعوذ من أبليس وحاول يهدي أعصابـه وقام شال صحـنـه وقلاصـه وراح المطبخ ... شافهـا تغـسـل
حط اللي بيدهـ مع الصحون المحتاجه غسيل وقال : ترى مب لايق علييج هالأسلوب ,,, آدري أنـه كل كلمه تقوليـنهـا من ورى قلبج
هـيـا بضحكه قصيره جدا : هه ! وشفادني فيـه هالقلب ,,, غير الـهـم والـغـم ..
راشـد يقترب منـهـا وهو يقول : لـهـدرجه كارهتني ,,
هـيـا تهد اللي بيدهـا وتطالعه : ماقلت أكرهك ,, لكن اكره أنانيتك وحبك لنفسسك ....شوف راشد .. أنـا زوجتك وحالي حال آي زوجـه ماأرضـى آكون الثانيـه بقلبك ..... أذا أنـا بالبدايـة رضيت بعلاقتك ببنت خالتك فهذا علشان الكلام اللي قلته لي وأنـهـأ مجررد أخت لا غير ,,,, لكن مع الأيام أبـتـديـت أشوف عكس كل كلامك .....
راشد يمسك ذقنهـا بحنان : تدريـن أنـي أحبـهـا وماأقدر أنسـاهـا ولـه أنسـى حبـهـا فلا تضغطيـن علي
تدفع يده برفق وتقول : خلاص عـيـل ,,, أختار ياأنـا ياهـي ,, وأدري أنك بتختارهـا وأنت مغمض !!! فأرجوك لا تعور راسي ... أنـا مستحمله قربك علشان عيالك بس ,, ولـه لو مابينا عيال من زمان أنا طالبـه الطلاق ومريحه راسي
راشد : مشكلتي معاج مب وضـحـى وبس
كملت هيا وهي تقول : أذا على شكلي فهذا أنـا كل ماقدرت تعدلت لك وكشخت بس بعد مايبيـن بعيييـنـك ,, " بغصـه بانت بصوتهـا " تدري ليش ... لأنـه عينك مب ماليهـا غير وضـحـى .. وماتشوف غيرهـا ..
راشد حسـهـا بتصيح كسرت خاطرهـ أقترب منهـا بيلمهـا لكنهـا دفعته بقوهـ وقالت : قلت لك لا تلمسني ,,, ماني هبلـه تقص علي بهلـ كم حركه .. كل هاللي تسويـه وهالحب والحنان اللي مادري من ويـن نزل عليك راح يتلاشـى أول ماترجع وضحى معاك مثل أول .. وآنـا مافيني على لعبك وجذبك ..... واللي يرحم والديك خلاص ماعدت أستحمل ..
تركت لـه المطبخ وراحت لدارهـا علشان تفرغ الدموع اللي حاسبتهم بعييييد عن راشد اللي تم واقف بالمطبخ يززززززززفر من قـلـــب
علاقتـه بالثنتيـن تدهورت ...!! وشكلـه راح يـصـفـى بالأخير على وحدهـ منهم ,,؟!


الـعـصـر

قـاعـد بداره فوق سريرهـ بالتحديد ومسـنـد ظهره لورى.. ماطلع من غرفته اليـوم ولا تكلم لا مع زوجته ولا حتى مع حد من عيـالـه
بالـه مشـغـول ومشغول وايد بعد .... ومـب قـادر يـتـنـاسـى فكرة أنـه زآيـد يـكـره أبــووهـ
حاول يقنع نفسه طول الوقت أنــه المفروض يفرح لكن الفرح مب راضي يطاوعـه ويقتحم قلبـه .. شي داخلـه قالب يومه نــكــد
بيـن فتره وفتره تتردد ببالـه كلمة زايد
" لما مات ... آرتــحت وأستانست بعد "
تعدل بقعدته وهو يقول : في شي غلط !! مب قادر أصدق كلام زاايييد ,,, رغم أنه كل شي حولي يدفعني لتصديق .. ؟ آكيد سمعـة سـعـود أثرت على زايد بصغرهـ .. وبالعقل ماأظن راح يــحــبــه أو يكن لـه بقلبه ذرة حب .... وبـعـديـن هو مايذكر أي شي من اللي صـار بصغرهـ والظـاهـر مها ماكلفت روحها تقول لــه ,,, يعني كرهه لأبوهـ منطقي !! بــــس لييييش قلبي ناغزني جذي .. حااس بمصييبـه بتجيني من ورى زااييد !!!!
الـظـاهـر الخوف اللي كان بقلبي من سنيـن رجع صحى من يديد أول مالمحـت سـعــود ! أو زايــد بالأحــرى ,, يشبــه أبوهـ بطريقـه مخليتني من أشوف ويـهـا آحس جنـه سـعـوود واقف جداامي .. صحيح مب نسخــه عن أبوهـ لكن الشبـه بينهم كبيير !! وكبير لدرجة تخووف بعد ....... ماأقدر أنكر اللحيـن أني خايف بس مب عارف من شنو بالضبببط .. زاايد مايعرف شي عني .. يعني مب ماسك أساساً شي علي !! ... ودي أكلم نواف وأخليـه يقـطع علاقتــه بـزايد ..... بس شيفكني من أسئلــتــه !.." أبـتــدى يدور عذر وماطول بالتفكييير " ... مجرد أنـه أبوهـ تاجر مخدرات تكفي بأنـه يقطع علاقتـه بزايد وأهلـه بعد ,,,,, مب مستعد أأخـسـر ولدي حتى لو أنـه زايد مايستاهل كل هالخوف اللي حاطه بقلبي تجاهه ... بس الأحتياط واجب ....

ماينـلام لا خــاف وأرتجف خووف بعد ...
لأنـه أبـتــدى يـحـس بشبح الماضي يقترب مـنـه خطوهـ .. خطوهـ !!
مع أنـعكــاس بالأدوار ,,
صداقـة ولدهـ نواف بولد سعود .. زايد
مخوفتـه ,,,!! مب بس لأنـه زايد ولد سعـود !!!!
لا ,,
مخوفـتــه لأنـه مجرد مايشوفـهم مع بعض يحس روحه قاعد يشوف نفسـه مع سـعـود
وخايف يصير بولدهـ نفس اللي صـار بـ أبو زايد !
شـلـون مايدري
كل اللي يعرفه وبس
أنـه وجود زايد قريب منهم مسوي لـه حالـة رعب ,,,
ولأزم يتخلص منه ...
.
.
طلع من غرفتـه يدور على نـواف .. دش غرفتــه لـقـاهـ قاعد ع الـنـت والسماعات على أذونـه
بو نواف : نــوااف !
ماألتفت عليـه ,,
بو نواف بصوت أعلى : نــوآآآآآآآف !!
نواف ألتفت وراهـ بعد مانزل السماعات وخلاهم يستقرون على رقبته : هلأ يبـه ..
بو نواف بعد تردد : أنـا فكرت بموضوع صداقتك بـ زاييد ,, وأذا تبي الصج قلبي مب متطمن من ناحيته ...
نواف ألتفت بالكرسي كله على أبوهـ : يبه لا تخليني أتحسف أني عرفتك علييـه .... قلت لك أأنــه ريال وعن عشر ريايل بعد ليش مب راضي تقتنع
بو نواف : مشكلتي مب قادر أقتنع .... يانواف مالك حاجه برفـجته والله مكثر الشباب بالدوحه... ورفيجك الثاني اللي مادري شسمه شكله ولد نـاس خلك معاهـ وأنـسـى زايد
نواف : شلون تبيني أرافج فـهـد وأقطع علاقتي بزايد ,, يبـه أثنينهم ربـــع ومن قبل لا يشوفون شيفتي ... وأذا قطعت علاقتي بواحد منهم ملزوم أقطعهـا بالثـانـي !! لأنـه زايد أكيد يبي يعرف ليش ,,, ياحلاتي وأنا أقولـه أبوي مب راضي أني أرافجك لأنك ولد وااااحد ماايخاااف ربــه ولـد وااحد بحقاارررت أبووك
بو نواف بجديه : اللي يسمع كلامك يقول لو مارافجتهم بتـموت ومنت بقادر تعيش !!
نواف يشيل السماعات من رقبته ويحطهم على طاولة الكمبيوتر ويقوم متجهه لأبوهـ : السالفه مب سالفـة أموت ولـه غيرهـ ,,, يبـه على بالك الربع أقدر احصلهم بالساهل ؟؟ أغلبهم مصلحه ,, ومرافجيني علشان مخباي مب عشاني .... فهد وزايد غيير ... من عرفتهم للحين محد منهم حسسني أنـه طمعان فيني حتى لما أعزمهم بمطعم وله شي مايخلوني أدفع الحساب ,, لآزم كلنا ندفع !! ..
بو نواف يزفر بقلة حيله : نوااف أنـت توك صغير ماتعرف بالحياهـ كثر ماأنـا أعررف ... لا تغررك المظـاهـر .. مب كل من ضحك لك يعني يعزك ,,, وربع المصلحه مب بس اللي يرافجونك علشان فلوس !!! ماتعرف شللي بنفسهم وشسبب تقربهم منك .... آآنــا مروا علي أشكال وألواان وأأعرررف أأكثررر منك
نواف : زيـن خلني أتعـلم من نفسي ,, وأذا طلع أختياري غلط ..... أنا المسؤول ,, يبـه أرجوك لو صج تعزني هالموضوع ماأبي أتكلم فيـه لأني زهقـت من كثر ماتكلمت به وبررت موقفي وموقف زاايد ..... والله الطريقه اللي تشوف آنـت بهـا زااييد حرااام وستيـن ألف حراااام !,, هالشي مو ذنبـه ولا هو حاب أنــه يكون بهلـ وضــــع .... هالشي مكتوب وأنـا ماتعلمت أأحكم ع النـاس من كلام أسمـعـه .... عاشرته وعرفته عدل ومب هامني اي شي يـنـقـال حولي ؟؟
بو نواف هز راسـه بتفهم رغم أنـه بيـنـه وبيـن نفسـه مب راضي عن هالرفجـه قال : آوكي ,, خلكم ربــع ,,, بس خذ حذرك منـــــه ..." يأكد على كلامه " خذ حذرك منه
نواف : والله تحسسني بهلـ كلام أأنــه مجرررم ونــاوي يذبحني !! شرااح يسوي مثلاً
بو نواف بقلبـه " هذا اللي أبيـه أعرف علشان أرتــاااح ,,! شممكن يسوي زايييد ؟ "
ماعلق وأستدار طلع من غرفـة ولدهـ .... تمسك نواف بزايد مخليـتـه مب قـادر يفرض رايـه
لأنـه حتى لو فرضــه نواف راح يواصل علاقتـه فييــه .. ومب حلو شكله لو طلــع كلامـه مب مسموع ومن قبل ولدهـ
" ماأقول ألا الله يســتـــررر ! "

.
.

قـامـت من بعد نوم عمييق .. وهي تتمغط بتـعـب وخمول .. حلمـت حلم يونـــس خاصه وفارس الأحلام مجهول الهويـه زارهـا ,,,
نوره ببتسامه حالمه وبصوت كله نوم : يافديته ,,
راحت سيده للحمام " الله يعزكم " غسلت ويهـا تطير النوم المتعلق بـ جفون عيـنـهـا
وطلعت تتمخطر ببجامتهـا السماويـه ,, وبشعرهـا المبعثر تنظييمه اللي ماكلفت روحهـا تعـدلـه

طلعت من غرفتهـا بخطوات متوازيـه شبـه بطيئـه ونزلت تحت ....
وصـــلت الـصـالـه حصلت ريم تـلـعـب بألعابهـا المنثرهـ ,,, وغانم لاهي مع القيم بوي
نوره : مساء الخير
غانم طالعها وبسرعه وقف ستارت : آخيراً قمتي ,,,
نوره : ليييش شصاير ؟
غانم مسكهـا من معصمهـا ومشى فيـهـا لبـرى وهو يقول : تـعـال عندي لج مفاجأهـ ,, سبرايز على قولتج
نوره تتوقف خطواتهـا وهي تسحب يدها : يووووهـ مو وقتك توني قايمـه ومب متفرغه لمفاجأتك ...
غانم : صدقيني بيغمى عليج أول ماتشوفيـنهـا ,,,
نوره : آآووووووفـ ,, وييـن زيـن !
غانم : عند البرجـه ,,,
نوره بتمللل أأكبررررر : يووووووووووووووووووووووووهـ ,, مالي خلللق
غانم يسحبهـا غصباً عنهـا : أمشي أمشي بلا دلللللع بنـات ,,, مب ناقص لوعة جببد

مشى معاهـا لعند البرجه ,,,,
علشـأن تشوف الطامه الكبرى اللي تنـطرهـا
أخذ الدفتر وشـق صفحاتهـ ونثرهم بالمــاي والقميص أول مانشف وصارت البقع اللي فيـه مستحييل تروح وريحـتــه أقرف من القرف نفسـه
حطهـ فوق الكرسي بعد مافرشـه وتم ينـطر ست الحسن والدلال تقوووم ,, ولما قامت تشقق من الفرحه ,,,,, حان وقت الأنتقام الجهنمي على قولتـه

قربوا من البرجـه ,,لما صار ماتفصل بينهم وبيـن البرجه ألا كم خطوات... وقف غانم ورى نوره بالضبط وغمض عيونهـا
نوره تصرقعت من حركته وهي تقول : وليييش آن شالله ,,,؟ شوف غنيييم ترى ماأعرف أسبببح لو تستنذل وتدزني بالبرجه والله لا أستأثم فيك
غانم ضحك وقال : لا لا ,,, المفاجأهـ بتصعقج من حلاوتهـا ههههههههه " قالهـا وهو يضحك " .. ولا تخافيـن ماراح تتبلليييـن كلش

بـعد خطوات قليلـه وصعبـه بالنسبـه لنوره اللي ماتعرف تمشي بدون ماتشوف شي .. تركهـا غانم ووقف جدامهـا وقال : قبل لا تلفين وراااج ,, شووفي " سحب القميص ورفعه بويهـا "
نوره توسعت فتحت عينهـا تدريجياً وأنفتح حلجهـا على كبرهـ وقالت بصوت جنه جااي من بئر : يالحيوان !!
خذت القميص من يدهـ وهي تحاول تستوعب الصدمه وقالت بعد مارفعت نظرهـا لويـهـا وهي حاسه روحها مقهوره وبتصييح من الـقـهـر : شسووووييييييييييييت !
غـانم يحرك لهـا حواجبـه : بعد باقي المفاجاه الكــبــرى ماشفتيـهـا ,,, " مسكهـا من كتوفهـا وخلاهـا تلتفت وراهـا على البرجه "
هـنـي شـهـقـــت من قلب حتى أحتمال تكون شفطت الهـوى اللي بالمكان كلـه نزلت دمعه على خدهـا وقـالت لغانم اللي واقف جنبهـا يبتسم بأنتصار : حراااااام عليك !!؟... هذا .....هذا دفتر .............
كمل غانم : ذكرياتج ,,, لقيت فيهـا صووور وخرابيط وأشـعـار ومادري شنو ,,, ههههههههههه ,, والله اللحيـن احس روحي مرتاااااااااااااااااااااااااااااااااح ....
نوره ألتفتت عليه بعصبيه وصراخ وقالت : يالخاايييييس كل ذكريااات الثااانوييييـه بهـــــللـــ دفترررررررررررررررررررر ..." تشوف القميص وترجع تطالعه " وهالقمييييييص ماعندي غيرهـ ,,,
غانم يطالعهـا ببتسامه واسعه ويقول بعبط يحرق الدم : والله صج ؟ حسبالي عندج غيرهـ ,,, " يحط يده على خدهـ ويسوي روحه متحسف " يالله .. صج أأنــي ولللد سيئ !! " يطق ظهـر يدهـ " عيب علي ,, عيب علي
نوره تصرخ بويهـا ودموعهـا تذرف من القـهـر : تدري أنك واااحد سخيييييييييييف وتاااااااااااافه ومااااعندك ساللللللفــــه ,,,,
غانم يسوي روحه يفكر : ممممممم !! ... لا ..! توني آدري ... " يطالع البرجه وهو يتكتف بثـقـه عاليـه .." المهم خلينا مني ,,, شرايييج بهلـ منظر الـرهييييييييييييييب !! يبيلـه صوره صح ؟؟
نوره بقـهـر : تبي تعرف رايي ,,,؟
غانم يطالعهـا ويحرك حواجبـه من يديد : آكيد وله جان ماجبتج يابعد هلي ,,,
نوره بتهـور : هذا هو رايي " دفعــتـه بقوهـ بالبــرررجــه "

شافـتـه طااااااااح بقــووه وسط كوووووومــة من الـمــاي ومب قــااادر يتـعــااامل مع الوضــع .... طلع بسرعه وهو يشـهــق ورجع دش داااخل ونــززل لتحت .....ورجع طلع من يديد ... وهو يضرب المــاي بقوه محاولـة مـنـه أنـه مايرجع ينزل تحت ,, المــاي كان يدش بحلجه وبخشمـه بغـزارهـ وهو مب قـادر ياخذ نفــس
ماكان يعرف يسبـــح نـهـائيـاً ,, وكل مالـه وينزل تحت الماي ويرجع يطلع وهو يبي يشم هـــوى ... لـحـظـة ضـعــف حاصرته من كل الجـهـات ماكان قادر غير يضرب بالمـــاااي بقوهـ ويحاول يبـقـى على السطح بدون فـايدهـ كل مالـه والـجاذبيـه تسحبـه لتحـت ,,
نوره لما دفعته تذكرت أنـه مايــعــرف يسبــح ودووم يخـاف من الـنـزول بالبـرجـه ...وقف قلبهـا وهي تشوفـ أخــوهـا يغرررق جدااامــهـا وهـي واقفـه مثل الصنــم تطالعهـ لأنـها ماتعرف تسبببح هي بـعــد ....
صرخت بأأســـمــــــه بأعـلـى حسـهـا لما شافـته ماعـاد يقـاوم الماي مثل قبـل وأبـتــدت تخف مقاومتــه : غــــــــــــــــــــــــــــــــــــنــــــــــــ ـــــــــــــــــــــــــــــووووووووووووووووووووو وووووووووم .......!!
.
.


نـهـايـة الـبــارت الـثــامـن

يعطيك العافيه للموضوعك الرائع

أناقة طرح وجاذبيه
إهتمام و..

اجتهاد واضح في الطرح
وذائقة عالية المستوى

استمعت النفس بما مرت عليه هنا،،،
فبهذا العطاء سنرقي

من أعماق القلب أشكرك

اخوك
محمد الحريري

سلمت اناملك على
ماجادت به من روعة بالطرح
دام لنا ابداعك بأرقى حالاته
بأنتظار عطائك القادم

بيض الله وجهك على اختيارك
للطرح الراقي
لاحرمك الله رضاه

‏لك كل
تقديري واحترامي


مجنون قصآيد

‏

ماأروع مواضيعك وجمآلية طرحگ
يعطيك العافيه لكل بصمة
تتركها بموضوعك ابدعت وتميزت
شكرا لك ولابداعاتك ، ماننحرم
دمت بخير دوما

الله يعطيك العافيه على الطرح
اللي كله ابداااااااع

حضوري شكر وتقدير لك
ولاهتمامك في مواضيعك

اخوك
نجم الجدي

كـــ العادة إبـداع رائـع
وطرح يـسـتـحـق المتـابـعـة
بـــــ انتظار الجديد القادم


:
مع التحية والتقدير ..

سلمت يمناك
طرح جميل جدا

المشاركة الأصلية كتبت بواسطة ريمان الكون

يعطيك العافيه للموضوعك الرائع

شكراً من القلب على جمال حضورك
اسعدني تواجدك الرائع بمتصفحي
لا حرمني الله روعة وصالك
كل الود وباقة ورد’