أهاات جروح حزينه

بسم الله الرحمن الرحيم



السلام عليكم ورحمه الله وبركاته



أمابعد.......



هذه قصه ألفتها بنفسي وحبيت أشارككم فيها وهي للمره الأولى تنعرض في النت وحبيت أعرضها حصريآ على هذا المنتدى وهي أول مشاركه لي في هذا المنتدى أتمنى أنها تنال إعجابكم



وأتمنى عدم نشرها أونسخها بدون إستئذان



تقبلوا تحياتي الوديه والقلبيه مني لكم



لوحـــه خــــواطرفنان





للمعلوميه:



(قبل أن تقرأ هذه القصه تذكر بأنك لاتستطيع أن تتحكم في قدرك وقد يرزقك الله زوج أوزوجه ليس فيها شي تتمناه



فلاتتسخط لكي لايصبح الندم أسيرك ومهما جائتك من مصيبه أحمدالله على نعمه فقديكون لدى الإنسان اللذي أرتبطت به شيء أنت لاتملكه فإن الله يرى القلوب ولايرى الوجوه وفي ذلك حكمه قدرها لنا سبحانه ونحن لانعلم ماهي فسبحان الله على كل شي).








(أهــــــــــــــــاه جـــــــــــــــــروح حـــــــــــــــــزينه)



تقول الناس نفسك وش بلاها



ولايدرون باللي متعبني وعيني وش اللذي كدرسماها



ليتني صارحتها ليتني ماطلقتها



كانت يمي وأصبحت سراب بعدماأهنتها



وجرحتها وأبعدت عني وكانت يمي وأنااللي أبعدتها



ليتني ماطلقتها....أه....ليتني ماطلقتها



خنتها مع بنت عمي وبعدماخنتها حبيتها وعشقتها



شفت نفسي عليها بالنسب والمال والجمال



وجاملتهاودلعتهالاكني ماقصدت الدلع لها



كنت أبي أتزوج بنت عمي وليتني مافكرت بالزواج بها



وطلقت شهدبلاسبب حسبت أني أقدر أعيش من دونها



ومن بعدهاصرت حزين أمشي بلاهدف ووحيد



تعبان ماأعرف الإبتسامه حيران وزادت نفسي ملامه



ليتني ماطلقتها.......أه.........ليتني ماطلقتها



خذوا عمري كله لأجلها بس ردوا لي شهد



اللي أسحرتني بطيبها ونيتهاالطيبه وحنانها



هي الوحيده اللي فهمتني



من بين كل اللي هم حولي



وينها عني مادرت أني من بعدها تعيس



ليتني ماطلقتها.......أه.........ليتني ماطلقتها




هذي خاطره كتبهابندربدم قلبه وبإحساسه المرهف بعدماطلق زوجته شهد عشان يتزوج حبيبه قلبه بنت عمه عهود



وكانت هذي هي النتيجه مرض نفسي وحزن كبير لايطاق ووحده بالحيل قويه



أدري مافهمتوا شي وإذا تبون تفهمون أكثرأنزلوا تحت وبتعرفون كل شي









هذي قصه حب غريبه وعجيبه أبتدت بعلاقه بسيطه وأستمرت ثمان سنين وأنتهت في لمحه بصر




أبتدت في عام:1416هجري إلى عام:1430هجري.



كانت هذي قصه بندروعهود قصه ماتنوصف إلى في الخيال البعيد



ماأبي أحمسكم أكثرمن كذى راح أقولكم القصه بس قبل لاأذكرها لكم راح أعرفكم بأهل عهود وبندر.




(بيت أبوبندر)



أبوه والملقب بأبوفهد:50سنه طيب وحنون وعلى نياته همه سعاده عياله وصله الرحم



كريم ولايبخل على أحد يشتغل بالتجاره ويملك شركات ومؤسسات وبينه وبين أخوه أبونايف شراكه ومعروف بالرياض.



أمه والملقبه بأم فهد:48سنه القلب الحنون همها ولدها فهد طبعآ لأن أسمه على أبوها لاكنها تحب بندركثيرلأنه حنون عليها أكثرمن أخوانه.



عندهم خمس أولاد وثلاث بنات وهم:



1:فهد:25سنه مهندس ويدرس في الخارج وسفراته ماتنتهي , ملتزم وينصح الشباب دايم.



2:محمد:22سنه جامعي قسم تجاره وإداره أعمال يحب ينكت ويستعبط ويحب يخاوي عيال عمه وأخوه بدر وهمه الوناسه والفرفشه وبس.



3و4:بندر وبدر:20سنه توأم متشابه جدآ صعب التمييز بينهم مايفترقون لووش يصير طول وقتهم مع بعض يفهمون بعض بالنظرات



وتفكيرهم واحد وقلبهم واحد وطموحهم واحد وكلهم رومنسيه ولويجلس معهم أحد ضيع بينهم, يدرسون في الجامعه مع بعض وفي قسم فنون تشكيليه.



5:تركي: 5سنوات وهوأخرالعنقود دلوع بشكل لايطاق طلباته أوامر.



والبنات هم:



1:نوره:18سنه حياتها كلها فداء لأخوها محمد تحبه وتموت فيه وتحب تلعب مع الأطفال وتعشق الإستهتارتتمصلح كثير لاكن همها صديقاتها وسعه صدرها وبس ومطنشه العالم وعايشه بعالمها الخاص لاكنها أقرب الناس لعهود بنت عمها.



2:ريماس:أكبرمن بندروبدربسنه تدرس بالجامعه قسم علم نفس تحب تحلل شخصيات الناس وأقرب الناس لها بندر.



3:نجود:29سنه أكبرأخوانهاتحب بندر كثير لدرجه أنها مسميه ولدها عليه وقتها كله على النت , متزوجه وزوجها يموت فيها



عندها ولدين وبنت وهم:



1:خالد:9سنوات.



2:بندر:4سنوات.



3:بدور:6سنوات.




(بيت أبوعهود)



أبوهاوالملقب بأبونايف:70سنه معروف بالكرم والحلم والطيبه هووأبوفهد أخوان ويشتغلون مع بعض في التجاره وشغلهم واحد.



أمهاوالملقبه بأم نايف:54سنه طيبه جدآ وصارمه مابين عليها الكبر واللي يشوفها يعطيها سن الأربعين.



عندهم أربع أولاد وأربع بنات وهم:



1:راكان:6سنوات أخرالعنقود دلوع بالمره وطول وقته مع تركي ولد عمه.



2:متعب:24سنه يدرس مع فهد بالخارج ملتزم ودايم ينصح الشباب.



3:خالد:22سنه يعشق السرعه والتفحيط وهمه الإستعراض يخاوي محمد ولد عمه أبوفهد.



4:سعود:أبوالدجه ....لاتعليق!!!!.



نايف والملقب بأبووافي:40سنه يشتغل مع أبوه وعمه في التجاره ومتزوج وعنده ثلاث أولاد وبنتين وهم:



وافي:25سنه مسافرللخارج ويحضرالدكتوراه مع عمه متعب وفهد لأنهم أقرب الناس له وهوملتزم ودايم ينصح الشباب.



فيصل:20سنه مكرس حياته لخدمه عمته عهود ويوصل لها أخبار بندر بالتفصيل جامعي ويدرس مع بندروبدر في نفس القسم فنون تشكيليه.



عبدالعزيز:22سنه يحب يجنن عهود لاكنها ناشبه في حلقه.



وبنات نايف هم:



1:ندى:18سنه تدرس في الثانوي قسم علمي.



2:غرام:16سنه متعلقه بعمها خالدلأنها تحب الدجه مثله.



وأخوات عهود هم:



1:أختها الكبيره سلمى والملقبه بأم مشعل 38سنه دائمآ تنصح عهودوعهد وعندهاثلاث أولاد وبنتين وهم:



1:مشعل:23سنه أبوالرومنسيه وطول وقته مع بندر.



2:نايف:18سنهدايم يطلع جنيه خالته عهود.



3:نواف:5سنوات دلوع جدآ بشكل لايطاق.



وبناتها هم:



1:مشاعل:22سنه مثقفه وجامعيه وعاقله ودايم تنصح.



2:نوف:20سنه جامعيه قسم فنيه عشقها المباريات والرياضه وتقدر تحلل المباريات تحليل دقيق , تشجع فريق الهلال.



أخت عهود الثانيه هي:



منيره والملقبه بأم مشاري:27سنه مدرسه علم إجتماع وعندها ولدين وبنتين وهم:



1:مشاري:22سنه دايم يخاوي مشعل وبندر.



2:طلال:20سنه دايم يخاوي خاله خالد وجماعته المهستره.



وبناتها هم:



1:ريم 18سنه صديقه خالتها عهود دلوعه بالمره وحياتها كلها أفلام هنديه.



2:شوق:7سنوات.



أخت عهود الثالثه هي عهد:21سنه أقرب الناس لعهود وكل أسرارها عندها.



وأخيرآ وليس أخرآ عهوداللي تتكلم عنها القصه:19سنه جامعيه قسم أدب مرحه وحبوبه والكل يحبها لاكنها شابفه نفسها ومغروره في جمال سبحان من خلقها وعذوبه صوت غير طبيعيه ماخذه عقول الكل بسبب جمالها لاكن كل هذا ماراح يفيدها.




عرفتكم بالعائلتين والحين بسرد لكم القصه :







(الجزءالأول من القصه)











يوم الإربعاء الساعه ثلاث الفجروفي فصل الشتاء



(في بيت أبوفهد)



(وفي غرفه البنات)



كانت نجود صاحيه مابعد نامت وجالسه وفي أذنها السماعه تكلم زوجها تركي وكالعاده يتغزل فيها وهي تتغلى عليه



تركي:يالله حبيبتي متى أجي أخذك.



نجود:ليه مستعجل على رزقك.



تركي:لابس البيت من دونك كئيب أشتقت للأولاد وإزعاجهم.



نجود:لإزعاجهم ولالأمهم.



تركي:هههههههه,حبيبتي حرام عليك والله أن عندي دوام بعد ساعتين بس ماقدرت انام ياقمر حن علينا وتعال تبي ننام في حضنك.



نجود ولع وجهها وصارأحمر من الخجل (ماتنلام زوجها نشبه ويحرجها دايم بكلامه الحلو).



تركي:ألوه حبيبتي نجودي وينك.



نجودأرتبكت وقالت:اناموجوده بس بروح أصلي الفجرماصليت .



تركي:عليناهالحركات أصلآ أطلعوا من الصلاه لهم نصف ساعه ومن شوي تقولين صليت.



نجود:......هاه أااااا(توهقت الحرمه) بصراحه بروح أصحي العيال عشان يفطرون مع خوالهم وبروح أصحي نوره اختي خلاص تركي سكر السماعه.



تركي بحنيه:حبيبتي قلبي عمري أنتي .



نجود:خلاص أستحي.



تركي:أحبك.



نجود:بس خلاص والله أستحي.



تركي:تبيني أسكروأخليك تقومين العيال.



نجود:إيه.



تركي:عطيني بوسه.



نجود:لا.



تركي:أفا هالخيانه موأنازوجك حبيبك حبيب قلبك.



نجود:إيه.



تركي:طيب ليه ياحلوا باخل علينا ببوسه.



نجود:لاصارصاحبك عسل لاتلحسه كله.



تركي:انابموت وبيطق فيني عرق بس عشان أوصل له .



نجود:بس خلاص,..... تركي.



تركي:يالبى عيون تركي.



نجود:بأنام عند أهلي أسبوع.



تركي:نعم وشوا أسبوع تبين تذبحيني حرام عليك الحين يوم واحد وانفقع قلبي(ياحرام يامسكين) تبين تموتيني قبل يومي.



نجود:بسم الله عليك إنشالله اللي يكرهونك.



تركي:هاه بسم الله علي أه ياقلبي , أقول أجهزي جاي أخذك الحين.



نجود:لاتتهورياتركي عندك دوام بعد ساعه أنت تبي تفضحني عند أهلي وش تبي أخواني يقولون عنك مايقدر يصبر على فراق زوجته.



تركي:والله حرام عليك فقعتي قلبي بغيابك .



نجود:خلاص تعال خذني بكره.



تركي:ليه مواليوم (الرجال ناوي نيه).



نجود:اليوم إربعاء وإحتمال يجوننا ضيوف ماأقدر وبعدين انت كل شوي متصل علي لها الدرجه مامليت مني.



تركي:وأناأقدرأمل من روحي.



نجود:أوكيه تركي بروح أصحي العيال وارجع أكلمك.



تركي:أكيد.



نجود:أكيدين.



تركي:أوكيه حبيبتي بروح أفطروألبس وأناأنتظرإتصالك أوكيه عمري يالله باي حبي.



نجود:فمان الله.



أول ماسكرت نجودالسماعه قالت:يالبى قليبك ياتركي يلوموني فيه ومايدرون أنه شغلي الشاغل الله لايغير علينا.



ريماس:اخيرآ سكرزوجك البثرالسماعه.



نجود:ليه غايره منه.



ريماس:لابس مصخها سبع ساعات تكلمينه ولامليتي منه.



نجود:فيه أحد يمل من الكلام الحلو ياأختي ألسانه يقطرعسل ومامليت منه بالعكس أحب أتغلى عليه لأني كلما تغليت عليه كلما زاد كلامه حلاوه (إن كيدهن عظيم).



ريماس:الله يهنيكم,....أقول قومي صحي عيالك يفطرون وأنابصحي نوره.



نجود:خلودي بدوريالله قوموا , حبيبتي بدور يالله قومي أفطري عشان تروحين للمدرسه, يالله خلودي قوم.



خالد:ابي أغيب اليوم.



بدور:ماحليت واجبي بغيب.



نجود:ماينفع معكم إلاخالكم محمد.



طلعت نجود من الغرفه وشافت محمد يتثاوب قدامها ومعه كاس كابتشينوا قالت له: محمدصباح الخير وش في عيونك مورمه.



محمد:والله ياأختي الحبيبه من أمس وأناسهران أذاكر للإختبار ومانمت وعندي محاظره بعد ساعتين والإختباربيبدأ الساعه سبع وفيني النوم.



نجود:طيب ليه مانمت بدري.



محمد:مجنونه أنتي , أقولك إختبار وأنتي تعرفين أن القسم اللي اناداخله تجاره وإداره أعمال قسم موسهل تعرفين وش معنى تجاره وإداره أعمال شي ماهو لعب.



نجود:وش اللي حادك تختارهذا القسم؟.



محمد:والله ياأختي تدرين ان أبوي يمتلك شركات وأنابعد ماأخلص دراسه بأشتغل معه وأناابي أشوف حلالي تبيني أصير دلخ ماأفهم شي في التجاره.



نجود:إيه أجل ماأخترت هالقسم عبث صدق أنك لعين.



محمد:أجل تبين فلان وعلان يلعبون على أبوي ويلهثون حلاله مجنون أنا وبعدين أبوي مبسوط مني لأني دخلت هذا القسم, أقول أنتي وحده فاضيه وأناقاعد أضيع وقتي الثمين على كلام فاضي وش تبين أخلصي علينا ورانا مذاكره.



نجود:إيه أبيك تصحي عيالي خالدوبدور.



محمد:بس ماطلبتي شي.



دخل محمد غرفه البنات وراح لخالد ولد نجود وسحب منه الكمل ودغدغه وحاسه وهوبسريره وقام خالد وهو معصب يبي ينام مايقدر اللمبات كلها مولعه ومحمد يدغدغه وهويضحك ورماس ميته ضحك على أشكالهم فجأه صحت نوره من النوم وقالت:ياربيه أف أنتم ليه مزعجين؟ ماتخلون الواحد يرقد.



نجود:جاي دورك يانوره أصبري.



وبدون شعور شال محمد خالد وركض به للمغسله وحط راسه وولع المويه شهق خالد وقال:خلاص قمت بروح أفطر بس فكني يمه شوفي محمد.



نجود:ههههههه أحسن شف أختك قامت قبلك مهوب زيك.



محمد:يابنات نوره قامت ولاأجي أصحيها.



ريماس:نوره قومي قبل لايجي محمد.



نوره: مشكلته ووالله لويجي حسته وأنابقوم على كيفي وطفوا اللمبات بنام.



نجود:قومي عندك مدرسه.



نوره:مشكلتك مومشكلتي وبعدين محد قالك تبربرين في التلفون طول الليل ماتخلين الواحد يرقد من صوتك لاوالمصيبه تكلمين رجلك توك شايفته أمس ماأمداكم والمصيبه كل كلامكم ينعاد ومكرر وطول الوقت غزل والله فضاوه.



نجود:الظاهرالطيب ماينفع معك.



نوره:أعلى مافي خيلك أركبيه أناإنسانه أبي أنام ورجائآ أطلعوا وطفوا اللمبات برقد.



نجود:محمد تعال حوس نوره عيت تصحى.



محمد دخل الحمام وعبى البانيو مويه دافيه وراح مسرع لغرفه البنات وهويردد أنالها وشال نوره من سريرها وهي قامت تصارخ وتررد:نزلني يالشين يالحيوان والله ماأخليك.



ورفست وجهه ولافيه فايده محمد عنيد وراسه يابس مثلها وبدون سابق إنذار دخلها الحمام ورماها في البانيوا وطلع من الحمام مسرع وبدون شعور قامت نوره تصارخ بالحمام عاد المصيبه أن الجوا بارد بالمره.



محمد راح لنجود وقال لها:أناحطيت لها مويه دافيه عشان ماتمرض روحي ودي لها فوط وعطيها ملابس وقولي لها تتروش الوقت توه بدري يمديها تستشورشعرها يالله سلام بروح أصحي الشباب لأنهم بعدماصلوا رجعوا ناموا , عيال اللذين نايمين من الساعه 10بالليل وصحوا الفجرصلوا ونامو أجل وش أقول عن نفسي اللي مانمت من أمس.



نجود:الله يعينك ياخوي.



ريماس:بدور حبيبتي وين مريولك؟.



بدور:أف صجيتونا بالمدرسه أبي أغيب.



ريماس:وليه تبين تغيبين؟.



بدور:في المدرسه برد ودايم يطلعوننا بدري والسواق دايم يتأخرعلي.



ريماس:ألبسي مريولك وخذي جكيتك وروحي حبي راس جدك وجدتك وأفطري معهم.



بدور:أف ياربيه........يوه....طيب.



ريماس:لاتتذمرين ولاناديت خالك محمد يسوي لك مثل ماسوى لأخوك خالد وخالتك نوره.



بدور:خلاص لبست مريولي ولبست شرابي بس بقى أخذ شنطتي والجاكيت خلاص وأناالحين بنزل أفطريالله مع السلامه.



ريماس: مع السلامه ههههههههه, صراحه يانجود بنتك ذي فضيعه.



نجود:لايغرك هدوئها تراها ملسونه بس توها صاحيه من النوم.



ريماس:أقول وين ولدك خلودي؟.



نجود:لبس ونزل تحت من زمان راح يفطرمع أمي وأبوي.



فجأه نوره دخلت ومزاجها واصل على الأخر دخلت وهي تنتفض وتردد مردوده يامحمد والله ماأخليك.



نجود:هههههههه وش فيك يانوير؟.



نوره:وش اللي مافيني بصراحه المويه تهبل دافيه مره بغيت أنوم في البانيوا من حلاوتها وخلت مزاجي جنان بس محمد عكر مزاجي لأنه شالني بس بردها له وقولوا نوره قالت.



ريماس:لاتحطين راسك براسه هوولد وبعدين روحي ألبسي مريولك وأستتشوري شعرك قبل لايجي فهد.



نوره:أقول لاتطرين أسمه من أسمع أسمه يقشعر بدني بروح ألبس وأستشور شعري وأجهز قبل لايجي فهد ناقصه تهزيىء أنا.



ريماس:نجودوين رايحه ؟.



نجود:بروح أفطر تعالي معي خلينا نفطر مع أبوي وأمي وخلي نوير تجهز.



ريماس:إيه والله أناجوعانه بس وين ولدك بندر.



نجود:أمس نام مع أمي في غرفتها.



ريماس: بعذره ماله حس كالعاده ,نوير أخلصي عندك ساعه بس عشان تجهزين فيها.



نوره:خلاص فهمنا.






(في غرفه الأولاد)



فهد كالعاده يقرأ قرأن ومحمد يذاكر وبندروبدر نايمين فجأه دخل أبوهم عليهم وقال:السلام عليكم وصباح الخير ياعيال.



محمد وفهد ردو: وعليكم السلام وصباح النور.



أبوفهد:ألحين ورا مانزلتوا تفطرون؟.



فهد:والله يايبه حبيت أقرا شوي من القرأن قبل لاأنزل.



أبوفهد:ماشالله الله يزيدك عقل,



فهد:اللهم أمين.



أبوفهد:وأنت يامحمد وش تسوي؟.



محمد:والله طال عمرك جالس أذاكر عندي إختبار بعد ساعه.



أبوفهد:إيه كفوا ياولدي أنجح عشان تشتغل معي بالشركه.



محمد:أنا بأحاول والله يعين.



أبوفهد:طيب وبندروبدرماعندهم دراسه؟.



محمد:عندهم بعد ساعتين.



أبوفهد:أجل قومهم يفطرون بروح أفطرمع أمكم وتعال يافهد معي.



محمد:إنشالله يبه.



محمد قام يستلعن على أخوانه النايمين ويقول:يالله ياتوائم قومو يالله.



بدر:أوووف ياخي طس عني لاأقوم أحوسك وخرعني جبت لي البرد.



محمد:قوموا يالله أصلآ انتوا ماينفع معكم غيرالمويه البارده.



بندر:خلاص يارجال قمنا الله يرجك ياشيخ وين ذى راح.



محمد:منهو؟.



بندر:التلفون.



محمد:ليه وش عندك؟.



بندر:ياأخي دق على مشعل شف وينه؟.



محمد:ليه؟.



بندر:ياأخي معه ملزمتي وكتبي عندي محاظره بعد ساعتين, بدر قم يالله.



بدر:وش تبي؟.



بندر:يالله قم خلنانفطر عشان نمر على مشعل الملزمه والكتب معه.



بدر:بروح أتروش أول.



بندر:لاتطول حتى أناأبي أتروش.



محمد:بدق على مشعل الحين بس تصدق نسيت رقم ثابتهم كم بدايته ولاأقولك خلاص تذكرته.



بندر:صدق أنك ثور.



أتصل محمد وردت عليه بنت صوتها يطيح الطير من السماء وطبعآ هي نوف أخت مشعل, قالت:الوه......نعم من معي؟.



محمد:هاه أحم أحم .....السلام عليكم.



نوف:نعم وعليكم السلام.



محمد:كيف الحال أنشالله بخير أنا محمد ولد أبوفهد.



نوف:إيه ياهلا من بغيت؟.



محمد:بغيت مشاري ياريت تنادينه.



نوف:لحظه شوي.



بندر:ياهوه يابوحميد وين سهيت.



محمد:ياخي ردت وحده صوتها جرح خرق قلبي ,صدق صوت المرأه فتنه,هلا مشعل كيفك تمام.



مشعل:تمام وش بغيت يالبثر؟.



محمد:لابس بندريقول معك الملازم والكتب يارجال ترى بعد ساعتين محاظرته وعلى فكره من اللي ردت علي من شوي؟.



مشعل:هذي نوف أختي ليه السؤال؟.



محمد:لابس أسأل, على العموم متى نشوفك يارجال؟.



مشعل:على حسب وقتي والله مومتأكد متى بس يمكن يجتمعون العائله كالعاده بس ترى الملازم والكتب نسيتها في بيت جدي أبونايف أمس.



محمد:خلاص أجل بروح أكمل مذاكرتي وبخبر بندر يالله سلام.



مشعل:سلام.



بندر:هههههههه أقول منهي اللي ردت عليك؟.



محمد:نوف أخته.



بندر:حبيتها.



محمد:لابس صوتها ياويل ويلي فتني فتنه قويه بس على فكره ملازمك عندعمك أبونايف.



بندر:الزقتين والله النشبه زين خبرتني خلاص أجل بروح بيت أبونايف والله يعين.



دخل بدر وهويجفف شعره بالفوطه وهويقول:بندرألحق المويه قبل لاتفوتك دافيه ومن أحسن مايكون.



بندر:لاحقين عليها بس فاتك من شوي محمد أتصل على بيت أهل مشعل وردت عليه وحده ضيعت محمدبصوتها.



محمد:ياأخي لاتلومني صوتها خققان.



بدر:في ذمتك , بس اللي اعرفه أن أخت مشعل ملتزمه هي اللي أسمها مشاعل؟.



بندر:لا.....نوف ههههههه.



بدر:إيه ذيك اللي تتابع مباريات وتحلل مباريات كره القدم وعاشقه فريق الهلال.



محمد:وش دراك عنها لايكون تعرفها.



بدر:ماسمعت البنات وهم يتكلمون عنها الأسبوع اللي راح .



محمد:لاماسمعتهم ليه هم تكلموا عنها.



بدر:ياحليلك أختك نوره كلماجلست معنا فلت الشريط تتكلم عن بنات أبونايف وش يسون وش يفعلون عاد أنت خابرأختك نوره لامن تكلمت كنها أخبارالجزيره.



محمد:تصدق ماأنتبهت.



بدر:لأنك درج.



بندر:بروح أتروش أصرف لي وأنتوا ناس فاضين بالمره أخليكم تسولفون مع بعض أحسن لكم ولي يالله سلام.

(في غرفه الطعام):



الكل مجتمعين يفطرون والهدوء عام بالمكان تكلم أبوفهد وقال: وين باقي العيال.



أم فهد:بينزلون ألحين.



فجأه نزل محمد وبدر ومن بعدهم نزل بندر ونزلت نوره وهي كالعاده تتذمر.



محمد:صباح الخير.



الجميع:صباح النور.



بدروبندر:صباح الخير.



الجميع صباح النور.



نوره:عزيمه هي صباح الخير صباح النور خلاص أزعجتونا.



فهد:كالعاده تتذمرين.



نوره:البركه في محمد.



فهد:ليه وش مسوي لك.



نجود:شالهامحمد وهي نايمه ورماها في البانيوا بس البانيوا كانت مويته دافيه, هي تروشت وأستانست بدفى المويه بس تعرف أختك راسها يابس وعنيده.



بندر:خساره فاتني المشهد,بس لوني بمكانك يامحمد كان خليت المويه بارده وأزيد عليها ثلج بس عشان أبرد قلبي.



بدر:ليه خليتها دافيه يادلخ.



محمد:ماهان علي أشوفها تمرض.



بندر:أحسن عشان نفتك من ألسانها.



نوره: ياشين التوائم لاتكلموا.



فهد:بس ياعيال وأنتي يانوره أسكتي كأنكم بزران تتهاوشون خلاص كبرتوا على هالحركات.



أبوفهد:ياعيالي أنااليوم عزمت أخوي أبونايف عندنابالبيت على الغداء وبيجون الجماعه يتغدون بعد هي عزيمه أرجال وأنتي عاد ياأم فهد أتصلي على أم نايف وأعزميها هي والبنات كلهم مب زينه نعزم زوجها ولا نعزمها.



نوره: يس اليوم البيت بيصير وناسه عاد عهود لي أسبوع ماشفتها.



محمدبهمس:أيوه.....أكملت بتقوم حرب عالميه بالبيت ولاهي منهيه إلا الفجر ياحبيبي.



بندربهمس:ياحبيبي ....أنشب الحين بيقول لناالوالد عليكم الذبايح.



بدربهمس:عزالله بننام بالثمامه مع الشباب الليله.



أبوفهد:فهد متى سفرتك وأناأبوك؟.



فهد:الأسبوع الجاي عندي إختبار وإحتمال أسافرالجمعه بس بحظرالأوراق ووبمرالسفاره والجوازات وبعدل الفيزه وبأقابل متعب ووافي بعد ثلاث ساعات لأنهم بيسافرون معي والله يسهل الأمور.



أم فهد:الله يسمح دربكم.



فهد:اللهم أمين.



أبوفهد:محمدوش عندك الساعه12الظهر؟.



نجود:يبه ترى محمد مانام من أمس بالليل ماتشوف عيونه مورمه.



محمدبهمس:يالبى قليبك يانجود كفوا ياأختي.



أم فهد:إيه والله عيونه مورمه ورى مانمت وأناأمك.



محمد:والله علي إختبارفي الجامعه والماده صعبه قلت أسهريوم واحد بس وبعدالإختبارأنام هذي تجاره مولعبه.



أبوفهد:هذا ولدي السنع, وأنتوا يابدر ويابندروش عندكم الظهر؟.



بندر:والله ماندري بس على حسب الجامعه مدري متى بتنتهي محاظراتنا بس الساعه 11الصبح بأردلك.



أبوفهد:طيب وأناابوك يابندر ورى ماتروح تشتري ثلاث ذبايح وودهاللطباخ الظهروأنت يابدررح أشترالفواكه والعصير.



بندرضاق صدره وتحطم أمابدرأستانس لأن الفواكه أمرها بسيط .



أم فهد:ياأبوفهد وش مناسبه العزيمه؟.



أبوفهد:بنجتمع حنا وجماعتنا مع التجار عشان الصفقه وأمورالشراكه عاد أنا وأخوي بنسافرعشان نتمم الصفقه مع الغرب عاد بندرس وش بيصير وماحنا مستعجلين, عاد انابقوم الحين وبروح للشركه يالله فمان الله.



أم فهد:فمان الكريم.



نجود:نوره بتروحين للمدرسه مع السواق.



نوره: إيه.



فهد:لاتروحين مع السواق عندك هالثلاثه اللي جالسين خلي واحد منهم يوديك.



محمد:سواق عندها أنا.



بدر:أقول لاتطالعيني شوفي غيري أناإنسان ماأطيق زحمه طريق مدرستك.



أم فهد:بس ياعيال,نجود أنابروح أتمدد لي شوي بغرفتي لين أذن الظهرقوميني.



نجود:إنشالله يمه.



فهد:أناطالع فوق لاأحد يزعجني أوكيه يالله فمان الله.



نجود:فمان الكريم.



نوره:أقول واحد منكم ضروري يوديني للمدرسه.



محمد:يوم راح فهد طلع ألسانها.



نوره:موشغلك أنالبست عباتي وبجلس في الحوش وأبي أي واحد منكم يوديني ولاترى رحت مع السواق.



بدرومحمد راحوا فوق لغرفتهم وريماس أخذت بندر ولد نجود معهاو راحت لغرفتها ومابقى على السفره أحد غير خالدوبدورعيال نجود ونوره ونجود وبندر قالت نجود:بندرتكفى سوخيروود عيالي لمدارسهم ونوره معهم.



عاد بندرمايقدريرفض طلب لنجود قال لها:إنشالله .



نوره طلعت بالحوش وخذت معها مفتاح سياره بندر وشغلتها وجلست هي وبدور وخالد يحترونه يلبس ونجود نادت الشغاله عشان تشيل الأكل من على السفره وراحت فوق عشان تكلم تركي زوجها,أمابندر وهو نازل ويعدل شماغه سمع صوت رنين الهاتف في البدايه طنش لأنه توقع أن أحد بيشيله ولاأحد رفع السماعه جره الفضول عندالتلفون ورفع السماعه وكان المتصل عهود بنت عمه وهو ماتوقع أن المتصل بنت فاللي صار هو:



بندر:ألوه.



عهود:ألوه.....أااااا نوره موجوده.



بندر:من اقول لها ياترى؟.



عهود:عهود بنت ابونايف.



بندر:هلاوالله ببنت العم حبيت أسألك مشعل ولد أختك جاكم أمس.



عهود:إيه.



بندر:طيب هومانسى عندكم ملازم وكتب.



عهود:في المجلس كتب وملازم هي حقته.



بندر:ياليت تخلينها عندك وبجيكم بعد شوي وإرسليها مع أخوك الصغيرالله لايهينك.



عهود:طيب وين نوره؟.



بندر:لحظه.



بندرراح مسرع لنوره ويوم درت نوره أن المتصل عهودراحت للصاله وهي مسرعه:ألوه هلاعهوده وينك ياأختي من زمان ماسمعت صوتك.



عهود:من اللي رد علي؟.



نوره:بندرليه؟.



عهود:لابس صوته يهبل.



نوره:أقول لاتحومين كبدي تكفين.



عهود:أخوك بيمرنابعد شوي وبياخذ ملازم حقته ورى ماتجين معه ماشفتك من زمان.



نوره:الساعه الحين ست ونص بس عشانك راح أتأخرعلى المدرسه.



عهود:أكيد بتجين.



نوره:إيه صح أبوي عازم أبوك الظهروش رايك تجين قبل أهلك , متى تطلعين من الجامعه؟.



عهود:11الصبح ماعندي إلى محاظرتين بروح سبع وبطلع 11أو12الظهروبشوف عاد من بياخذني.



نوره:أول ماتطلعين تعالي بيتنا ولاتخافين الأولاد موموجودين .



دخل بندر عند نوره وتنحنح وقال:ماخلصتي يالله عشان أروح أخذ الملازم والكتب عندي محاظره بعد ساعه.



نوره:خلاص عهودبندر غثني بروح أركب السياره وشوي ومارينكم يالله باي.



عهود:باي.



فجأه رن الثابت ردت نوره وصارالمتصل تركي زوج نجود:ألوه.



تركي:هلا وين نجود؟.



نوره:من يبيها؟.



تركي:ناديها وبلالف ودوران.



نوره أنطلت السماعه وقالت:ياربيه وش ذى الغثيث.



بندرشال السماعه وقال:ألوه.



تركي:هلا.



بندر:هلابالنسيب ياأخي أثقل شوي لاتصيرمرجوج.



تركي:توك يابندرعلى هالأمورلاتزوجت بتعرف وش معنى الحب .



بندر:خلني كذى أحسن الله يعين نجود عليك.



تركي:هي وينها؟.



بندر:دق مره ثانيه وبترد عليك أوكيه, خلاص أجل تامرني شي يالنسيب بروح أودي عيالك لمدارسهم.



تركي:لاسلامتك.



بندر:خلاص أجل فمان الله.



تركي:فمان الله.



ركب بندرسيارته ونوره ركبت ونجود راحت تكلم تركي كالعاده.








(في بيت أبونايف):



(في صاله الطعام):



الكل صاحين بدري ومجتمعين على السفره يفطرون والهدوء عام بين الجميع ,



خالد:عهود اليوم بتروحين جامعتك.



عهود:إيه ليه تسأل؟.



خالد:مجرد سؤال بس لاأكثرولاأقل.



عهود:الظاهرأن عندك شي.



خالد:لابس أسأل فيها شي هذي.



عهود:لا.



خالد:مشعل أمس راح ونسى ملازم وكتب حقه الجامعه أن كان بيدرس اليوم الله يعينه.



عهد:هي مب لمشعل لبندروبدر عيال عمي.



عهود:وش جابها عندنا؟.



خالد:أمس حنا الشباب كنا مجتمعين في الجامعه وحصل أمر طارىء لبندر وترك كتبه وملازمه مع مشعل.



أم نايف:ليه وش فيه؟.



خالد:الدلخ ملبق سيارته في مواقف ممنوع الوقوف فيها وجت الشرطه وأسحبوا سيارته ودفع غرامه 100ريال وطلع سيارته العصر ومشعل هواللي أخذ كتبه ونسى يعطي بندركتبه وجاناأمس والدلخ نساها عندنا,هههههه الله يعين بندر بيتوهق .



أم نايف:ليه بيتوهق وش أمسوي هو؟.



خالد: بعد ساعه محاظرته.



أم نايف:الله يعينه مسكين مايستاهل.



راكان:يمه يبه ماأبي أروح للمدرسه.



متعب:وليه ماتبي تروح؟.



راكان:الأولاد يطقوني وياخذون فسحتي.



خالد:أفا ياهالعلم من اللي يطقك؟.



متعب بسخريه:وش عنده عنتربن شداد.



راكان:ولد المدير في صف سادس وهووياالأولاد الكبار دايم ياخذون فسحتي ويطقوني حتى شف رجلي فيها جرح أمس ألحقوني وطحت على وجهي.



عهد: إيه صح الخدامه أمس جابت ثوب راكان وكان فيه دم ومشقق ورميته بالزباله.



متعب:الولد مستقوي على البزران.



خالد:هذا وأنت في أولى إبتدائي يعاملونك كذى أجل في ثاني وش بيسوون؟.



أبونايف:خالد وأناأبوك رح لمدرسه راكان وشف وش قصه هالولد وليه يعامل أخوك كذى.



خالد:اناقايل لكم خلوه يدرس في مدرسه خاصه قلتو لا الحكومي أفضل وشوفو النتيجه .



عهد:لاتكبرالمسأله رح أنت للمدير وتفاهم معه.



راكان بكى وقال:ماأبي أروح للمدرسه أخاف يطقوني.



خالد:لاتخاف حبيبي بروح أنامعك وبشوف وش السالفه.



سعود:خالد أمانه تبي فزعه جاهز.



متعب:لاتعقدالأمور وبعدين خلك في حالك أحسن.



سعود:يمه اليوم أنتوا بتطلعون من البيت؟.



أم نايف:يمكن خواتك بيجوننا.



سعود بهمس:أنشب الحين وشلون بنام من الإزعاج أف الله يعين.



أبونايف:لا وش يقعدكم في البيت أخوي أبوفهد عازمنا على الغداء أنتي والبنات كلكم لازم تجون .



خالد:حتى أخوي نايف وعياله ومنيره وسلمى وعيالهم كلهم.



أبونايف:إيه كلهم.



خالد:أجل أنتوا روحوا وحنا الشباب بنروح الثمامه وبنخيم فيها.



أبونايف:لامافيه , بيجون رجاجيل وش كثرهم من الجماعه ونبيكم تضيفونهم وتجلسون معهم زي الرجال.



سعود بهمس لخالد:ليه يادلخ تكلمت.



خالد بهمس: ياأخي طلعت عفويه.



سعود:معليش أعذروني أناإنسان مانمت من أمس وخلوني نايم أحسن لاتصحوني الظهر.



متعب:ماهو بكيفك بتقوم غصب عليك.



أبونايف:خلك رجال واناأبوك أبيك ذيب بين الرجاجيل .



متعب:إيه أنشالله طال عمرك.



أم نايف:هذا ولدي السنع اللي يسمع الكلام, بس ياأبونايف وش مناسبه العزيمه؟.



أبونايف:والله هي عزيمه بين الجماعه عشان الصفقه التجاريه اللي كلمتكم عنها.



خالد:أجل يايبه خلاص بتسافرون للخارج؟.



أبونايف:إيه إنشالله .



متعب: يبه انااليوم بروح أجهزأمورالسفربسافر الجمعه أناووافي وفهد إختباراتنا على الأبواب, بعد ساعتين بيمرني وافي وبنروح لبيت أبوفهد.



أبونايف:منتوا رايحين الأسبوع الجاي.



متعب:أتصلوا علينا الشباب وقالوا أن الإختبارات بتبدأ الأسبوع الجاي فقلنا نسافرالجمعه عشان نذاكر ونعرف وش جدول الأختبار.



أبونايف:الله يوفقكم عاد أنا بروح للشركه مواعد أخوي أبوفهد يالله فمان الله ولاتنسون تجون لبيت أخوي.



أم نايف : فمان الكريم, يالله ياعهود قومي عندك جامعه وياخالد ود أختك عهود لجامعتها وياليت تودي راكان لمدرسته وشف وش قصه ذى الولد اللي كل يوم يأذيه.



متعب:يمه وين رايحه تونا بدري مافطرتي.



أم نايف:والله وأناأمك من بعد صلاه الفجر وأناجالسه هنا مع أبوك وأكلت ليما شبعت ولله الحمد والحين بروح أنام عشان بنروح بدري لبيت أبوفهد يالله مع السلامه.



متعب:مع السلامه يالغاليه.



فجأه دخل عليهم وافي وقال:السلام عليكم أعمامي عماتي.



الكل ردو:وعليكم السلام.



متعب:وينك ماكلمت فهد.



وافي:لابنروح نمره في بيتهم.



عهود: وافي ورى ماتجلس تفطر.



وافي:والله أني مفطرمن زمان بس وين جدي وجدتي؟.



عهد:أبوي راح للشركه وأمي راحت تنام.



وافي:خساره كنت ناوي أصبح عليهم.



خالد: أقول ورى ماجبت معك خواتك.



وافي: كنت بوديهم لمدارسهم بس ماجهزوا بدري وخليتهم ينطقون في البيت.



خالد:أجل بمرهم ماعندي شي الصبح.



وافي:لا.....خلهم يوديهم فيصل ولاعبدالعزيز.



متعب:وافي قم بس ماأبي نضيع وقت أكثر من كذى ولا ترى بننلطع عندالجوزات.



وافي:إيه صدقت دق على فهد.



متعب:خالد رح أتصل على بيت عمي أبوفهد.



خالد قام وراح يتصل على بيت أبوفهد ورد عليه محمد وقال له:هلا خلودي حبيبي.



خالد:هلابوحميد وين أخوك فهد.



محمد:جالس يحمي سيارته ويقول أنه بيقابل متعب ووافي عندباب البيت بعد شوي.



خالد:أجل بقول لمتعب ووافي, وكيف حال التوأم.



محمد:بندرجالس على النت ويشرب كفي, وبندر راح يودي نوره لمدرستها.



خالد:أجل اليوم فيه عزيمه.



محمد: إيه فيه عزيمه والحمدالله الشايب ماطلب مني شي.



خالد:كالعاده الطقه براس بندر.



محمد:ههههههههاي المسكين بيدور في سوق الغنم الساعه 11أو12الظهر وبيدور ثلاث ذبايح ولازم تكون طيبه وبيروح للطباخ وغير كذى بيجيبها للبيت ثم بيتروش وبيقابلنا.



خالد:هههههههاي صدق مسكين طيب وبدر ماكلفه شايبكم بمهمه؟.



محمد:لابس شي بسيط بس بيروح يشتري فواكه وعصير لاكن بندر الله يعينه, أقول أنت واحد فاضي بروح ألبس وبروح للجامعه بقى ساعه ونص على الإختبار يالله سلام.



خالد:هههههههاي سلام يالمرجوج.



متعب:هاه وش قال محمد.



خالد:يقول أن فهد جالس يحمي سيارته وينتظركم عند الباب.



متعب:اجل قم ياوافي يالله مشينا تامروننا شي يابنات؟.



عهد:سلامتكم.



متعب:سلمتي من الشر يالله فمان الله.



عهد:فمان الكريم.



خالد:مسكين يابندرهههههههاي دايم تطيح براسك.



عهد:ليه وش فيه؟.



خالد:ههههههاي إذا طلع من الجامعه بيروح لسوق الغنم في عزالبرد وبيشتري ثلاث ذبايح وبيوديها للطباخ عشان العزيمه.



عهد:وليه تضحك؟.



خالد:لأنه بيجي للبيت والرجاجيل فيه وبتكون ريحته خرفان بيصير شكله خلفه, لاكن بدر بيجيب الفواكه والعصير بس, تدرون ياأخواتي ليه أكره عزايم أبوي.



عهود:ليه؟.



خالد:لأن أبوي يكلفنى بأمور تقروش الواحد,أقول بروح أودي راكان لمدرسته وبرجع أخذك ياعهود وخلك جاهزه عشان أوديك للجامعه يالله باي.



عهود:باي.



عهود لزمت الصمت وراح فكرها بعيد قالت لها عهد:وش فيك ياعهود؟.



عهود:من شوي أتصلت على بيت عمي أبوفهد وردعلي واحد من عياله صوته حنون بالمره ضيعت يوم سمعته.



عهد:منهو أي واحد فيهم؟.



عهود:مدري الظاهرأنه بندرقال لي هلابك يابنت العم, بصراحه عجبني صوته شكله رومنسي.



عهد:أص وأسكتي لايسمعك أحد وعيب هالكلام .



عهود:يقول يبيجي هوونوره وبياخذون الملازم والكتب حقتهم.



عهد: تلاقينها على التلفزيون.



عهود قامت واخذت الملازم والكتب وفتحتها وقال:وااااو.



عهد:وش فيك.



عهود:مكتوب قسم فنون تشكيليه الظاهرأنه فعلآ رومنسي , بأتصفح الكتاب والملازم.



عهد:طاحت أورقه وش مكتوب فيها.



عهود:الظاهرأنها خاطره:



أبيع دنيتي ولاأحديقول لي وش تبي



أرحم من أني أبيع كرامتي لناسآ مادروا عني



بهالدنياكل شي غريب



لاصديق ولارفيقآ ينفعك



عهد:بس هذا المكتوب.



عهود:فيه رسومات غريبه قلب ورمح وسهام وكاتب أسمه بزخاريف شكلها يجنن, تصدقين شكله رومنسي.



عهد:جايز.



فجأه رن الجرس والخدامه فتحت الباب وقالت:فيه وهده برى أندباب يبي أهود.



عهود:نوره جت.



الخادمه:إيه نوره .



طلعت عهود مسرعه وسلمت على نوره وقالت لها:وينك يالشينه من زمان ماشفتك.



نوره:أشغال هههههههه.



كان باب الشارع مفتوح وجاء خالد وسلم على بندروقالت عهود لنوره:من اللي رد علي الصبح.



نوره: بندرتبين تشوفينه شوفيه نزل يسلم على أخوك خالد.



عهودبصدمه:ماشالله مسرع كبرتوني أنتبه له.



نوره:بصراحه أخوك خالد يهبل هوراعي وناسه.



عهود:صايع مثلك.



نوره:أجل أحجزوه لي.



عهود: ومشاري ولد أختي اللي قلبك متقطع عليه طاح كرته يوم شفتي خالد.



نوره:بصراحه عائلتنا عيالهم زيون والوحده تحتارفيهم, المهم تأخرت على مدرستي وين الملزمه والكتب.



بالشارع بندر وخالد يسولفون مع بعض وقال خالد لبندر:أجل ماقلت لي وش شعورك وأنت الظهر بتلفلف سوق الغنم.



بندر بحسره:إيه الله يعين,أقول رح جب الملزمه نوره دخلت ولاطلعت.



خالد:شكل عهود قفلت عليها الباب بروح أنادي عهود بعد بوديها للجامعه الحين لحظه بس.



خالد راح مسرع للباب وفتح الباب بسرعه وكانت عهود واقفه قباله وشافها بندر من بعيدوخالد شاف وجه نوره وأنحرج وقال:أسف م...ممممما توقعت أن أحد واقف عند الباب.



وطلع مسرع ووجهه مولع من الخجل لأنه شاف وجه نوره أمابندر تصنم في مكانه يوم شاف عهود شاف جمالها وأرتبك وركب سيارته ووجهه أحمر لونه أمانوره صرخت وقالت:ياربيه وش ذى الفشله خالد شاف وجهي.



عهود:هههههههه أقول روحي لمدرستك وأنابجيكم إذا طلعت من الجامعه يالله باااي.



عهود ماكانت تدري بأن بندر شافها ألبست عباتها وطلعت لأخوها خالد وأركبت معه.



ونوره طلعت وهي تنتفض ومعها الملازم ووجها مولع أحمر من الحياء .



وعهود طلعت وهي ميته ضحك على شكل نوره بنت عمها.




(في بيت أبووافي):



(في غرفه البنات):



ندى وغرام كالعاده هواش وصراخ كل وحده مضيعه غرضها



لاكن وافي صفقهم وهزئهم وراح لبيت جده ابونايف.



ندى:غرام وافي وينه.



غرام:راح لبيت جدي أبونايف بيروح هووعمي متعب عشان سفرتهم البايخه.



ندى:ماراحوا عبث راحوا دراسه.



غرام:خلينا نفطرقبل لايجي أحد من الأولاد ويحوسنا.



ندى:الفطورلاحقه عليه لونفطربالسياره عادي بس أهم شي نجهزبدري أنابلبس عبايتي وأنتي بكيفك يالله سلام بنزل تحت.



غرام:يالخاينه.




(في غرفه الشباب):



فيصل منسدح ويطالع السقف وهويهوجس وعبدالعزيزيطالعه فقال له:فيصل ماعندك محاظره اليوم؟.



فيصل شارد ذهنه.



عبدالعزيز:الووو ياهوووه معي أنت ولاوين رحت.



ومازال فيصل شاردالذهن , قام عبدالعزيزوأخذ مخده صغيره ورماها في وجه فيصل وفيصل مسكين أرتاع وقال:نعم ياأخي وش تبي حتى في تخيلاتي ملاحقني.



عبدالعزيزبخباثه:من اللي ماخذ عقلك؟.



فيصل:أه بس خلني في حالي.



عبدالعزيز:ريم بنت عمتي أم مشاري هههههاي هاه أعترف.



فيصل:ومن غيرها ماخذ عقلي.



عبدالعزيز:إذا خلصت دراستها أخطبها.



فيصل:متى بس أه ياقلبي متى.



عبدالعزيز: لاتحلم كثير توها بالثانوي وبتكمل جامعه يعني أصبرخمس سنين.



فيصل:حرام عليك ياأخي لاتحطمني أكثرمن كذى.



عبدالعزيز:أقول يالعاشق عندك محاضره اليوم؟.



فيصل:إيه صح ذكرتني بعدساعه محاضرتي بروح أحمي سيارتي يالله باي.



عبدالعزيز:الله يرجك ياشيخ, وأناوش قعدني أروح انام أصرف لي.





(في غرفه الطعام):



ندى وغرام جالسين يفطرون وأبوهم طلع لدوامه بدري وأمهم نايمه كالعاده والهدوء عام في المكان دخل فيصل وهومتعجب قال:غريبه ماتطاقيتوا كالعاده.



ندى:كبرنا على هالحركات.



غرام:أناعندي إختبار إنجليزي وموفاضيه لكم.



فيصل:مادام انكم جاهزين قومووخلوني أوصلكم على دربي لمدرستكم.



ندى:أنت أسبقنا للسياره وحناجايين وراك.



فيصل:أوكيه بحتريكم برى لاتتأخرون علي.



ندى:خلاص رح حمي سيارتك وحنابنطلع بعد شوي.




(في سياره بندر)



نوره تنتفض من البرد وبندر سارح بفكره يسأل نفسه من البنت اللي شافهاعندالباب ومازال فكره سارح قالت بدور بنت نجود:خالي بندر تأخرنا عن مدرستنا.



خالد:خالي بندروش فيك ماترد علينا.



بندرلزم الصمت ومارد على عيال أخته ولمانزل عيال أخته في مدارسهم قال لنوره: نوره من البنت اللي وقفتي معها عندباب بيت عمي؟.



نوره بتعجب:وليه السؤال؟.



بندر:لابس شفتك طولتي الوقفه معها.



نوره:بنت عمي .



بندر:أدري إنها بنت عمي بس من هي؟.



نوره:مايخصك وماراح أقولك.



بندر:تكلمي لاانطلك في نص الطريق وأخليك تكملينها كعابي للمدرسه.



نوره:أنت في عقلك شي ماكل شي منتهيه مدته أنت بكامل عقليتك ياأخوي.



بندر:إيه بكامل عقليتي بس ماقلتي لي من هي البنت اللي كنتي واقفه معها.



نوره:غريبه أنت ماعمرك سألت عن بنات عمي وش معنى هاليوم تسأل عنهم؟.



بندرلزم الصمت وقال بينه وبين نفسه: أقول أسكت الظاهرأن نوير مب قايله منهي ولوقالت لي بتفضحني قدام أخواني خلك ساكت أحسن لك ولاتنسى أنها وكاله أخبارمتنقله ومصيرك بتعرف منهي البنت.



نوره بتعجب:بندروين سهيت بفكرك؟.



بندر:هاه لابس كنت أفكربالجامعه خلاص وصلنا أنزلي تأخرتي.



نوره:أوكيه ياأخوي العزيزباي.



بندر:باي,أااا....بس متى تبيني أجي أخذك ولاأرسل لك محمدالمرجوج؟.



نوره:لاتعال خذني بعدصلاه الظهر.



بندر:إيه صح العزيمه اليوم, شوفي برسل لك بدر أوتعالي مع بنات أبووافي هم معك بالمدرسه صح.



نوره:خلاص مومشكله والله يعينك على ريحه الخرفان الظهرهههههههه.



بندربسخريه:وأنتي الله يعينك على تهزيئه المديره الحين روحي لأنك فليتيها واجد يالله سلام.



نوره:لحظه عطني إستمارتك عشان يدخلوني الفصل لأنهم بيسألوني من اللي جايبك؟.



بندر:خذيها ولاتضيعينها تأخرت على الشباب بسببك يالله باي.






(في سياره خالد أخوعهود)



عهودميته ضحك على شكل خالد لأنه لازم الصمت ولون وجهه أحمرومرتبك



عهود:خالد وش فيك ساكت غريبه العاده تضحك وتستهبل من اللي ماخذ عقلك ياأخوي تكلم.



خالدوهومنحرج:لابس أفكرشوي بيني وبين نفسي.



عهود:تكلم مابينناأسرار عادي أناأختك حبيبتك قول ولاتستحي السالفه تتعلق بنوره بنت عمي صح.



خالدبإرتباك:لا قاعد أفكرفي راكان, راكان حبيبي أنزل وصلنا لمدرستك وبعد شوي بجي عشان أكلم المدير.



راكان ودمعته على خده قال: مب امدخليني لأني تأخرت .



خالد:بنزل معك وأدخلك الفصل وبودي عهود وأجي أكلم المدير أوكيه حبيبي يالله أنزل يابطل.



نزل خالدمع راكان ورجع مسرع للسياره وأول ماركب قال لعهود:الحين ليه تتكلمين قدام راكان ,تدرين أنه بزر وينقل الكلام .



عهود:طيب أنت ليه متضايق وش فيها لاقلت لك السالفه تتعلق بنوره .



ارتبك خالد ولاحظت عهود إرتباكه وقالت له: سبحان الله أنت ونوره متشابهين في كل شي.



خالد:وش قصدك؟.



عهود:من كل النواحي في الإستهبال والضحك والهستره ومصلحجيين وحياتكم كلها ضحك بس الفرق بينكم هوأن نوره دلوعه بس تاخذ حقها بيدها يعني فيها شويه عربجه.



خالد:تعجبني البنت اللي كذى.



عهود:هاه وش قلت.



خالدبإرتباك: هاه لاولا شي بس ترانا وصلنا لجامعتك يالله أنزلي بروح للبيت أنام يالله باي.
عهود:باي.
ماحقيقه الشعوراللي حس به بندرتجاه عهود وهل بيغيرشي في حياته
عهودوجمالها اللي يدوخ وجسمها اللي يصرخ بالأنوثه هل راح يزيدها غروروانانيه أم بتصيرعلى حالها طيبه وحبيبه
نجودوتركي هل بتستمرالمحبه بينهم أم هناك معوقات لحبهم
وش بيصيربالعزيمه من أحداث وهل راح يكون لبندردورفيه


أنتظرتوقعاتكم للبارت الجاي وانشاء الله يكون أسلوبي نال إعجابكم
تقبلو مودتي وخالص تقديري :
لوحه خواطرفنان

في بيت أبوفهد:



في الصاله:



محمدوبدرجالسين يلعبون بلوت وهم طفشانين ومرت ساعه وهم على هذا الحال فجأه دخل بندر وهو سرحان ويفكر بعمق قال له محمد:ياهوه يابوالشباب نحن هنا.



بدر:بندرجبت الملازم والكتب.



بندر:هاه وش بغيتوا.



محمد:من اللي ماخذ عقلك.



بندر:لاولاشي يالله قوموا عندنا جامعه ولانسيتوا.



محمد: يالله مرالوقت بسرعه وين كتابي بروح أحمي سيارتي.



بدر:بندربروح معك للجامعه.



بندر:وسيارتك وينها.



بدر:موجوده بس مادام أن أناوانت في نفس القاعه ندرس فقلت أروح معك أفضل من أني أروح بسيارتي.



بندر:طيب رح جب شماغك وجب معك دفتري حق المحاظرات بسرعه أنتظرك بالسياره.



محمد:هاه بندوره تسابقني بالشارع .



بندر:أمس غالبك ماتبت.



محمد:لابس أتحداك توصل للجامعه قبلي.



بندر:ياخي والله ماني فاضي لك.



محمد:ليه خايف من الخساره.



بندر:لاخايف على مشاعرسيارتك.



بدر:يالله بندر تأخرنا تلقى الدكتور الحين واقف عندالباب.



بندر:محمد روح راجع لإختبارك لأن إختبارك بيبدأ بعد نص ساعه.



محمد:إيه صح الإختبار يالله شباب باي بسبقكم للجامعه باي.



بدر:الله يرجه صدق مرجوج هالولد مدري من طالع عليه.



بندر:خلنا نروح للجامعه أحسن لنا.



بدر:لحظه بطفي التلفزيون وأجيك.



بندر:انتظرك بالسياره.




في المدرسه الثانويه للبنات:



كانت نوره جالسه تهوجس في خالدولد عمهااللي شافها الصبح فجأه جتها غرام وروعتها



وقالت لها:نوره ليه اليوم تأخرتي الصبح.



نوره:بسم الله الرحمن الرحيم اللهم سكنهم مساكنهم.



غرام:وليه وش قالولك بليس طالع لك.



ندى:ياأختي وش فيك البنت سرحانه فخليها بحالها.



ريم:يابنات أسكتوا ليه أنتوا مزعجين.



غرام:وش عندها الدلوعه.



نوره:بنات خلاص يكفي إزعاج.



ريم:نوره ليه اليوم تأخرتي الصباح.



نوره: والله بندر نسى ملزمته مع مشعل ومشعل راح بيت عمي أبونايف ونسى الملازم عندهم وكلمت عهود ورحت وأخذت الملازم منها وصارلي موقف يفشل عندهم.



غرام:ههههههه وش صار.



نوره: خالد راح يسلم على بندر ودخلت سلمت على عهود وجلست أسولف معها شوي فجأه جاء خالد وهومسرع فتح الباب وشاف وجهي وأعتذر وطلع مسرع.



غرام:هههههههههه



ريم:ياحرام لوأنا مكانك يانوره كان جلست في غرفتي.



ساره:وش عندها المتعقده.



ريم: بجد اتكلم يعني حطي نفسك مكانها وولد عمك شاف وجهك والله فشله.



ساره:منهوا خالد .



ندى:خالد عمي وخال ريم وبعدين نسيتي أن أناوخوات وريم بنت عمتي ونوره بنت عم أبوي.



ساره: معليش خانتني الذاكره.



هند:بنات اتفسحوا بسرعه بعد خمس دقايق بيرن الجرس.



نوره:يابنات لاتنسون تجون بدري لبيتنا اليوم.



ندى:لاتخافين بتشوفينا قبال خشتك قبل صلاه العصر.



نوره: بنات تصدقون بندراليوم غير طبيعي.



ريم: ليه وش فيه.



هند:الحين بندرهواللي عنده اخوا توأم.



غرام:بيتقطع قلبي لوماأشوف وجهه.



ساره: ليه بيتقطع قلبك.



غرام:أسمع أخواني دايم يتكلمون عنه هووبدر ودايم يقولون صعب التمييز بينهم.



هند:لهالدرجه متشابهين.



نوره:ياحليلك لوتجلسين بينهم تضيعين وماراح تميزين سبحان الله كل شي فيهم واحد نظرتهم حركتهم إبتسامتهم وحتى طريقه مشيتهم وحتى نبره أصواتهم متشابهه.



ريم:أنا قد لمحت واحد منهم أذكر أنه جميل في الشكل.



غرام : حمستوني عشان أشوف وجهه .



نوره: معي بطاقه أحوال بندر.



أصرخوا كل البنات كل وحده تبي تشوفه قبل الثانيه والكل شافوا وجهه



قالت ساره:الحين هذا بندراللي تتكلمون عنه ماشاء الله سبحان الخالق.



هند:سبحان اللي خلقه.



غرام: خلاص هذا رجلي محجوز.



ندى:خذي ذى وأنا بأخذ توأمه.



ريم: ماشالله ماتوقعت أن شكله كذى.



ندى:لاتستعبطين نسيتي أن عيال عائلتنا كلهم جميلين.



ريم: تصدقين ماأنتبهت.



غرام: ريم انتي وش أمسويه بأخوي فيصل.



ريم تلون وجهها من الحياء وقالت: ماسويت له شي.



ندى: ليه وش السالفه.



غرام: اليوم الصبح مريت عند غرفه الأولاد وسمعت عبدالعزيز ميت ضحك ويستهبل على فيصل وسمعته يقول منهي اللي ماخذه عقلك وفيصل رد عليه بتنهد وقال ومن غيرها ريم بنت عمتي أم مشاري , بس بصراحه شكل فيصل يحبها موت.



ساره: أحمدي ربك فيه أحد يحبك ويفكر فيك ياريم.



ندى: وأنا أقول ليه يرتاع إذا جبنا طاريها.



هند:إيه من قدك ياريم ولدعمتك يحبك الله يخلف علينا.



ريم أحمروجهها وتلعثمت ماتدري وش تقول وفجأه رن الجرس وراحت مسرعه وصديقاتهاميتين ضحك على شكلها.




(في جامعه الشباب):



(في الكافتيريا):



كان فيصل ومشعل وطلال ومشاري ومحمد وبندر وبدرجالسين بالكافتيريا ومعهم شباب مهسترين.



فيصل حب يستهبل فقال بإستهبال:أقول شباب اليوم واحد من الشباب بينلطع في سوق الغنم هههههههههاي.



محمد: بينلطع وبس إلابيتوهق بريحه الخرفان وسيارته بتتوصخ بعد ههههههههههاي.



بندر:إذا خاطبكم الجاهلون قولوالله يخارجنا.



محمد: ناصروين راحوا عبدالرحمن ويوسف وريان من شوي كانوا معي بالإختبار فجأه أختفوا .



ناصر:عبدالرحمن راح يخبطها نومه في بيتهم لأن اليوم زواج أخته وتعرف عاد مغثه الحريم, ويوسف راح ينوم في بيتهم لأنه مانام من أمس ماشفت وجهه كنه عجينه من الإرهاق , وريان نفس الشي مانام من أمس وراح يرقد في بيتهم عاد أنت يامحمدغريب أمرك.



محمد:وليه غريب امري وش قالولك كائن فضائي.



فيصل:أيوه بدت الهستره عند محمد.



محمد:أقول لايكثر.



بدر:ناصر حبيبي محمد من امس مانام وهوالحين مرهق فإذا سبك أوناداك بأسم غريب فلاتتعجب لأنه من الإرهاق يقول شي مايدري عنه.



محمد:كم الساعه فيني النوم.



بندر:وش حادك تجلس معنا رح للبيت وأرقد أحسن لك.



مشعل:الظاهرأن بطاريه محمد طفت وش رايك يامحمد أوديك البيت على طريقي لأن محاظراتي خلصت.



محمد:هاه وش تقول أنت.



مشعل:قوم..... قوم..... الله يهديك خلني أوديك للبيت لاتفضح نفسك بين الشباب.



محمد:هاه وش تبي أنت.



بدر:ههههههههههاي قوم يادلخ ورح للبيت , مشعل وده للبيت قبل لايفضحنا بالجامعه.



محمد:خلاص بقوم وبروح للبيت يالله شباب باي.



ناصر:أجل ياشباب عن أذنكم بروح للبيت لأني من البارح مانمت.



بندر:أوكيه أجل نشوفك على خير.



ناصر:انشاالله يالله سلام.



بندر:مشاري طلال غريبه مالكم حس العاده أنتوا مهسترين.



طلال:يارجال عندي محاظره بعد شوي وقرفان من نفسي مانمت من أمس ودايخ خلني اشرب الكابتشينوا وأنا ساكت لأني إذا تكلمت بتطفا بطاريتي.



بندر:أجل خلك ساكت أحسن لك.



خالد:شباب أنابروح لمدرسه راكان وثمآ بروح للبيت خلصت محاظراتي تامرون شي.



بندر:سلامتك.



خالد:سلام.



بدر:مشاري ليه ساكت؟.



مشاري:ياأخي فيني النوم وعندي محاظره ومالي خلق أحد.



بدر:أقول بندروش رايك نروح نتمشى برى الجامعه إلين يجي وقت محاظرتنا.



بندر:يالله قوم وش تحتري , على فكره يامشاري وطلال لاتنسون الغدى عندنا اليوم أوكيه مع السلامه.



مشاري:فاضي ذى الولد الواحد فيه النوم وهويقول عزيمه غداء.



طلال: ماعليك منه أشرب الكابتشينوا الجو برد علينا.



مشاري: من كثر ماأشربه جاني النوم لأنه دافي يذكرني بسريري ومخدتي أه بس ياليتني نمت البارح.



طلال:أقول أسكت لاتخلص بطاريتك وتتوهق.



مشاري:صدقت والله يعينا على هالبلوه.



طلال:اللهم امين.





(في جامعه البنات):



(في ساحه الجامعه):



كانت عهود جالسه تشرب قهوه وتاكل حلى مع بنات أختها مشاعل ونوف ومع بعض من صديقاتها



القريبين منها.



عهود: بنات الدكتوره غاده ناشبه لي في حلقي.



نوف: أشربي مويه عشان تبلعينهاهههههههاي.



عهود: أقول بلاسخافات ماني ناقصه مزحك.



فهده: والله ياعهود حنانصحناك تدخلين قسم غيرهذا القسم لاكن أنتي ألحيتي تدخلين قسم الأدب وتحملي نتيجه إختيارك.



نوف: والله الأدب أهون من علم النفس اللي كله تعقيد.



فهده:والله ياحبيبتي علم النفس هوعلم من خلاله تقدرين تحللين شخصيات الناس.



نوف: يالله وش ذى القروشه أخلص من ريماس تجين أنتي.



فهده: إيه على فكره بنات ليه ماجت ريماس.



عهود:امس كلمتني تقول أنها تعبانه وماعندها محاظرات.



مشاعل: فهده أنتي مع ريماس في نفس القسم صح.



فهده: إيه في نفس القسم وصحيح أن ماعندي محاظرات اليوم بس جيت عشان أخذ الملخصات من الدكتوره حنان.



نوف:ياشينها ماأطيقها.



عهود: وليه.



نوف: شايفه نفسها.



مشاعل:الحرمه خذت حسناتك لاتحشين فيها عيب.



نوف:والله الكل يحش فيها ياربي مدري ليه شايفه نفسها.



مشاعل:عهود وين اختك عهد ليه ماجت اليوم للجامعه.



عهود:مالها خلق دراسه عشان كذى ماجت اليوم.



فهده:اليوم الإربعاء الله يعيني.



عهود:إيه صح اليوم زواره بنت خالتك.



فهده:ماودي اروح بس أمي مصره أروح معها.



عهود: روحي وفليها بس.



نوف: روحي ووسعي صدرك على الأقل عزيمتكم في قصر وفيه طقاقه ورقص وفله أماأحنا بنروح بيت أهل ريماس بنت عم أمي لأن أبوها عازم جماعته وبنروح الظهر يااختي احمدي ربك على الأقل بتشوفين ناس وعالم اماأحنا نفس الوجيه تتكرر كل إربعاء وخميس مانتمشى ولانروح لأماكن توسع الصدر.



نجلاء:يابنات خلونا ندخل جوا الجوصار بارد والقهوه بردت.



مشاعل:أنا بروح لقاعتي بعدخمس دقايق بتبدأ محاظرتي باي.



نوف:يوه نسيت أن عندي محاظره الله يعيني على الدكتوره فوزيه يالله باي بنات.



نجلاء:عهودبنات اختك حالتهم حاله.



عهود: ياحليلك لوتشوفينهم في البيت وش يسون.



فهده:بصراحه مشاعل عاقله نوف هي المرجوجه.



عهود:لاتلومينها أمس فايز فريق الهلال.



نجلاء:بعذرها صايره مهستره وتنطل كلام غير طبيعي.



عهود:الله يعين اللي بيتزوجها.



فهده:الله يهديها بيجي اليوم اللي تعقل فيه.



عهود:إن شاء الله يسمع منك.





(في مدرسه الأولاد الإبتدائيه)



(في ساحه المدرسه):



دخل خالد مدرسه أخوه راكان وهوضايق ويوم شاف أن الأولاد كلهم طالعين يتفسحون راح عشان يراقب أخوه راكان من بعيد وشاف راكان يمشي ومعه ثلاث أولاد فجأه طلع بوجههم ولد سمين ومعه خمس اولاد وباين عليه انه كبير وراكان أبتعد عن الأولاد لاكنهم ألحقوه ورموه على الأرض وهم يضحكون عليه , والولد السمين فتش مخابي راكان وأخذ فلوسه وفلوس الأولاد اللي معه وراكان قعد يبكي.



خالد راح للولد السمين وقال له: وش عندك تستقوي على اللي أصغرمنك.



الولد السمين:مالك دخل.



خالد:أنت من أولده؟.



الولدالسمين: أنا ولد المدير.



خالدبإستحقار:ماشالله وباز بوجهك بعد.



الولد السمين:وش تبي انت.



خالد:ليه أخذت فلوس الصغار؟.



الولدالسمين: ماخذت شي.



راكان: كذاب أخذ فلوسي كلها.



الولدالسمين:وش دخلك أنت.



خالد:والفلوس اللي في جيبك من وين جت.



الولدالسمين: أبوي معطينياها.



خالدبإستحقار: وتكذب بعد ماشالله على التربيه.



الولد السمين صد عن خالد وعطاه ظهره وطنشه وخالد عصب وقال له:أناماخلصت كلامي.



الولد السمين قال:أف....أف ياربيه وش تبي.



خالد:أنت في أي صف؟.



الولد السمين: سادس.



خالد:طيب بماأنك بسادس خلك رجال ورجع فلوس الصغار.



الولد السمين: أقول ضف وجهك تراك أزعجتني.



خالد بعصبيه:الظاهرأن أبوك ماعرف يربيك زين.



الولدالسمين:لايكثر.



خالدعصب وماقدريمسك أعصابه وبلاشعور صفق الولد السمين كف جامد من قوته طيح الولد على الأرض وخده طبعت فيه أثار أصابع يد خالد والولد صاح وجاء وكيل المدرسه مسرع يحاول يهدي الموضوع لاكن خالد مازال مصر على رايه ويبي الولد السمين يعترف قدام الكل بأنه سرق فلوس الأولاد أخليكم مع الأحداث أحسن.



الوكيل جاي مسرع وقال:وش السالفه وش صاير, وش فيك يامحمد تبكي وش صاير, وبعدين من انت ياأستاذ.



محمد:طقني قدام الأولاد بروح أعلم أبوي.



خالد:علم جدتك إذا بغيت.



الوكيل: من أنت؟ وليه ضربت محمد ياأخي هذا ولد المدير مجنون أنت.



خالد:ولد المدير ولد الفراش ولد الوزير مايهمني كل اللي يهمني أخوي راكان وبس واللي يمسه أمحيه من قدامي.



الوكيل:ياأخ خالد هدي الموضوع وأنت عارف أن المدير عصبي فلاتكبرالمسأله عشان ماتنقلبب ضدك.



خالد:والله مايهمني لاهو ولاولده وأعلى مافي خيله يركبه.



الوكيل:ياأخ خالد أهدأ أدري أنك معصب بس لاتكبرالأمور وهي تافهه.



خالد: تافهه بعينك يارجال أخوي كل يوم يشتكي مايبي يروح للمدرسه والسبب أن ولد المدير يستقوي عليه ويسرق فلوسه وتبيني اسكت وأمس جاي للبيت ثوبه مشقق ومليان دم ورجله مجروحه وتبيني أسكت, حنا حطينا ولدنا عندكم سليم مافيه شي وهو أمانه عندكم هذي رد الأمانه يرجع مجروح وثوبه مشقق.



الوكيل:على كل حال تفضل معي لمكتبي وهناك نتفاهم.



خالد:خلاص ماعاد فيه أي تفاهم أنابأخذ ملف أخوي وبنقله لمدرسه خاصه,أصلآ حنا أخطينا يوم درسناه بمدرسه عاديه.



الوكيل:أنت الحين معصب تعال المكتب نتفاهم .



خالد:راكان رح فصلك وجب شنطتك بسرعه.



الوكيل: مايحتاج وبعدين الأمرمايستاهل تكبره.



فجأه رن جوال خالد والمتصل عليه أبوه رد خالد وهوضايق وقال:سم طال عمرك.



أبوه: وأناأبوك وش صار على موضوع راكان رحت لمدرسته ولاأرسل أحد بدالك دقيت بس عشان أذكرك.



خالد:والله يايبه للأسف حنا أخطينا يوم سجلنا راكان في هذي المدرسه .



أبوه:ليه وش صاير؟.



خالد: والله مدري وش أقولك لاكن الأفضل ننقله لمدرسه خاصه.



أبوه: وليه وأناأبوك؟.



خالد: لابس تنظيمهم غلط والمديرأولده يستقوي على الأولاد وشفته ياخذ فسحه راكان من جيبه, وأخلاقه غلط, وإذا المديرماربى أولده صح فكيف نئتمنه على راكان.



أبوه: شف وأناأبوك أنا ماأبيك تستعجل في الأمور.



خالد: خلاص يبه بطلعه من المدرسه والسبت بسجله في مدرسه خاصه.



أبوه:أنت شايف شي في المدرسه؟.



خالد:شايف أشياء واجد بس ماأبي أتكلم عنها, على العموم أنابأسحب ملف راكان لأنه مايبي هذي المدرسه وبروح أشوف وش قصه هالمدير تامرني شي طال عمرك.



أبوه: سلامتك وأناأبوك بس لاتنسى عزيمه عمك الظهر.



خالد:إن شاالله يبه تامرني بشي ثاني.



أبوه: بس سلامتك يالله فمان الله واناأبوك.



خالد:في أمان الكريم.



الوكيل:تفضل معي ياأخ خالد.



جاء راكان من فصله وهو مسرع ومبسوط قال له خالد: حبيبي أخذت كل أغراضك.



راكان: إيه كلها يالله نروح البيت.



خالد:أصبر بروح للمدير وأخذ ملفك من عنده اجلس هنا مع أصدقاك وألعب معهم لين أجيك وإذا أحد لمسك علمني أوكيه حبيبي.



راكان:إيه.



خالد:وين مكتب المدير.



الوكيل:تفضل معي من هنا يااستاذ خالد.




(في غرفه المدير):



المديرجالس على اعصابه ومعصب بالحيل وأولده يبكي عنده فجأه دخل الوكيل ألحاله وقال للمدير السالفه والمدير ساكت وقال بضيقه:وينه ذى اللي صفق أولدي كف من حظرته يمد يده عليه.



فجأه دخل خالد بكل ثقه وهويطالع المدير بإستحقارقال:السلام عليكم.



المدير: وعليكم السلام.



الوكيل:ترى المسأله بسيطه مايحتاج تكبرونها.



المدير:ياأستاذ فهد خلنا لحالنا لوسمحت.



الوكيل:إنشالله طال عمرك تامرني بشي.



المدير: لا.



ولد المدير:يبه هذا اللي صفقني كف وخلا خدي احمر.



المدير:ممكن أعرف ليه مديت يدك على أولدي وبأي صفه ومن حظرتك تمديدك عليه؟.



خالدبثقه تامه: والله أنامامديت يدي عليه إلالأنه غلط غلطه شينه,وأسأل أولدك وش هوسوا عشان خلاني أمديدي عليه وانا.



المدير:وش سوا أولدي لك.



خالدقال للمديرعن كل أفعال أولده والمدير طاح وجهه قدام خالد ومع ذلك مصر على أن أولده بريئ.



المدير:أناأولدي عاقل ومايسوي هالحركات.



خالدبسخريه:إيه واضح من الأخلاق العاليه ماشالله صايركريم ومايغلط أبد أصلآ القرد في عين امه غزال.



المدير:ياأخ خالد رجاء لاتغلط.



خالد: بصراحه أولدك ماتربى زين ولاتزعل من هالكلمه وأكبر دليل ألفاضه اللي كلها قله أدب.



ولدالمدير:هيه لاتغلط علي.



خالد:وتلومني في كلامي عن ولدك.



المدير:أنت غلطت بمافيه الكفايه ومن حظرتك عشان تتكلم معي كذى.



دخل الوكيل مسرع للمديروهمس بأذنه وقال له:والله ياأبومحمد شكله ولد نعمه وأناشفت سيارته برى وهي أخرمديل نازل بالسوق أنتبه لكلامك معه أخاف يكون من عائله معروفه.



المديربهمس:متأكدأنت.



الوكيل:إيه وأنت تعرف أن عيال النعمه يتكلمون ومايهمهم أحد.



المدير:خيرإنشالله أنت جب له عصير سكته به وانابتصرف وبعدين ماتدري يمكن يكون واحد منتف ومتسلف السياره من صديقه تعرف حركات الشباب هالأيام.



خالدعصب وقال:المسأله مطوله ولا لا بتعطيني ملف راكان ولالا تراني تارك أشغالي ومقابلكم على الفاضي وأنامضيع وقتي على شي تافه خلصوني لاأتفاهم معكم بطريقه ثانيه.



المدير:أنت شايف نفسك على إيش ماأدري حضرتك من تكون عشان تتكلم بهذا الأسلوب ياولد نقي ألفاظك زين قبل لاتتكلم لأنك ماتعرف مع مين تتكلم.



خالدبإستحقار:مع مين اتكلم حمدالله رب العالمين اللهم لاشماته.



المدير:وش تقصد بكلامك هذا.



خالد:هذا لأنك مدير مدرسه تتكلم كذى أجل لوأنك وزيروش بتقول حمدالله رب العالمين, أنت ماتدري أني بمكالمه بسيطه أطيرك من كرسيك اللي أنت جالس عليه بس أناماأحب أقطع رزق أحد.



المدير بعصبيه:أحترم ألفاظك ياأستاذ خالدحنا بمكان محترم.



خالد:إيه واضح ماشاء الله.



المدير: أنت وش تبي عطني من الأخر.



خالد:والله أناماأبي شي منك غير أنك تسلمني ملف راكان وأنا بأنقله مدرسه خصوصيه.



المدير بضيقه:طيب وش يضمنني أنك أخوه.



خالد: تبي بطاقتي خذها عشان تتأكد.



المديرأخذالبطاقه والوكيل جاب ملف راكان ولما شاف المديرأسم راكان أرتبك وبلع ريقه ويوم شاف أسم خالد بالبطاقه توهق تدرون ليش لأن خالد ولد نعمه وزوج أخته مسؤل كبيرفي وزاره التربيه والتعليم وبتوقيع منه يطيرالمدير من على كرسيه والمديرالحين تورط أولده فشله قدام خالد وهودافع عن ولده وهويدري أن أولده غلطان وغيركذى أن أولده سرق فلوس راكان وضربه وهوالحين متفشل قدام خالد.



خالد:المسأله مطوله هنا ولا وشلون.



المدير: طال عمرك لاتكبرالموضوع ماحصل إلاالخير وأنت تعرف صغار ومايدرون.



خالد:يوم عرفت من أكون قلت لي طال عمرك ياسبحان الله لهالدرجه الأسم أربكك.



المدير: مايحتاج تنقل أخوك من المدرسه.



خالد:هذي غلطه الوالد يوم جابه هنا, أساسآ أنت ماربيت ولدك زين وأكبردليل شف مخبى جيبه اليمين بتلاقي فيه فلوس.



المديرأنصدم يوم شاف الفلوس ويوم طالع أولده بنظره حاده أعترف قدام أبوه بأنه سرق فلوس راكان والمديرطاح وجهه طيحه شينه وقال:الكل يخطي ومحمد توه صغير.



خالد:تلعب على نفسك أنت شايف شكله كيف كبير,وبعدين إذا أنت عجزت عن تربيه أولدك وهذا شي راجع لك لاكن ماأقدر أاتمنك على أخوي راكان وبعدين بأنقله مدرسه خاصه عشان ماتخرب أخلاقه.



المدير:أنت شايف شي غلط بالمدرسه؟.



خالد:المدرسه مليانه أغلاط وأكبرغلط وجودك على ذى الكرسي.



فجأه رن جوال خالد ودق عليه مشعل ولد أخته رد عليه وهو ضايق.



خالد:هلا مشعل كيفك تمام.



مشعل:هلا خالي.



خالد: وش بغيت؟.



مشعل:يارجال بقى نص ساعه وبيأذن الظهروينك.



خالد:ياأخي أبتلشت بشغله قروشتني المهم وش بغيت.



مشعل:أحلا يالمعصب ياأخي هدي شوي.



خالد:مشعل ماني ناقص إستعباط وش بغيت.



مشعل:ياأخي جدي دق علي وقال أنه يبيك تمره للشركه.



خالد:أف وش شركته أي شركه طيب وين السواق حق الشركه؟.



مشعل:كلهم مشغولين .



خالد:تسع سووايق وكلهم مشغولين.



مشعل:ياأخي الشكوه على الله.



خالد:ومالقيتوا إلا أنا, طيب أبوي بيجي معي ألحاله ولابيجي أحد معه لأني بمرجامعه البنات.



مشعل:لاتخاف أنابروح أخذ خالتي عهود من الجامعه أنت بس رح لشركه جدي وشف وش يبي.



خالد:طيب أبوك لين ألحين بالوزاره.



مشعل: ليه تسأل.



خالد:موضوع خاص بعدين أكلمك عنه.



مشعل:رح لجدي قبل لايعصب.



خالد:أوكيه أنابأخذملف راكان وبمر شركه ابوي والله يسترعسى مايبلشني بشي لأني دايخ ومزاجي متعكر.



مشعل:الله يعينك خلاص أجل بروح أمرعهود تامرني بشي.



خالد:سلامتك.



مشعل:سلام.



خالد:سلام.



المدير:الموضوع مايستاهل ياأستاذ خالد وفلوس راكان خذها وماصارإلاالخير.



خالد: لاشكرآ أعتبرها صدقه من راكان لولدك لوجه الله .



المديرخاف من خالد لأن نسيب خالد مسؤل كبيرفي وزاره التربيه والتعليم وهوخايف يطيرمنه الكرسي بسبب اللي صار اليوم.



الوكيل:ياأستاذ خالد مايحتاج تنقل أخوك من المدرسه.



خالد: أنامشغول موفاضي لكم بتعطوني ملفه بالطيب ولالاتحدوني أتصرف تصرف ثاني.



المدير: لا....لا بس حنا قلنا.



خالد: لاتقعد تسوي نفسك الفقيرالبريء حركاتكم هذي ماتحرك فيني شعره وبعدين راكان مايبي مدرستكم وحنا غلطنا وحطيناه فيها خل عندك كرامه وعطني ملفه.



الوكيل همس بأذن المديروقال:حناغلطنا يوم ماشيكنا على أسامي الطلاب وأنالوكنت أدري أن في مدرستنا ولد من عيال العز كان ماعاملناه هالمعامله للأسف كانت ورقه رابحه وخسرناها ولا كان الحين صارت علوم.



المديربهمس:أنت شيك على كل الطلاب وشف منهم عيال الشيوخ وأكتب أساميهم في ورقه وحاول تقنع خالد يخلي أخوه عندنا.



خالدرن جواله وردعليه وكان المتصل أبوه .



خالد:سم يبه.



ابوه:الحين ورى ماجيت أحتريك لي ساعه.



خالد:نشب فيني مديرمدرسه راكان.



أبوه:ماعطاك ملف أخوك.



خالد:يوم شاف أسمي في البطاقه غيررايه يحاول يقنعني اخلي راكان عندهم .



ابوه: شف وأناأبوك أنت شفت المدرسه والمديروأنت وكيفك مادام أن راكان مايبي هذي المدرسه خذ ملفه الحين وتعال بسرعه للشركه عشان توديني بيت عمك.



خالد:إنشالله يبه يالله في أمان الله.



الوكيل:ياأستاذ خالد فكرزين في الموضوع.



خالد عصب بالحيل وقال:ياأخي ماتفهم قلنالك مدرستكم ماعجبتا وولدنا مايبيها حركات المصالح هذي ماتمشي علي بتعطيني الملف بالطيب ولاأتصرف تصرف ثاني معكم .



المديربإرتباك:لا لا مايحتاج خذ هذا ملف أخوك وأسفين على سوء التفاهم اللي صار.



خالدأخذ الملف ومسك يد راكان أخوه وهوطالع ألتفت للمديروقال له: لاتفرح بالكرسي اللي أنت جالس فيه لأن فيه ناس يستحقونه أكثرمنك تدري ليش لأنك ماتستاهل الجلوس عليه وعلى فكره ماراح انسى إهانتك لي وعلى العموم توقع في أي لحظه يجيك قرار من الوزاره بفصلك من المنصب اللي انت فيه , اناماأحب أقطع أرزاق الناس لاكن أنت بتصرفاتك وصلت نفسك لهذا الشي وإذا ربيت ولدك زين ساعتها بنرجعك لمنصبك وأنت عارف أن نسيبي مسؤل بالوزاره وراح أكتب له تقرير عن مدرستك والإهمال اللي فيها.



المديرطارت عيونه من الخوف وقال:لاتتعجل في إتخاذ الأمور ياأستاذ خالد كل الناس يخطون.



خالد:خلاص أنتهى كلامي وماعاد به رجعه وأنت اللي وصلت نفسك لهذا الشي .



ركب خالد سيارته والمديريتوسل له ويترجاه وخالد مطنشه ونزل شباك سيارته وقال: انا مشغول وموفاضي لكم ضيعتوا من وقتي اربع ساعات لوماتوخرعن طريقي والله لأتصرف تصرف ثاني يالله سلام.



راح خالد والمديرقام يصفق وجهه ويقول:ياربي أناليه ورطت نفسي مع هذا الولد.



الوكيل:والله ماألومه أنت أهملت المدرسه وأخذت فلوس منها بالحرام وهذي النتيجه.



المدير:يارجال خلني في حالي خلاص أنهدم بيتي.



الوكيل:أقول أمش معي لمكتبك أشرب عصير يهدي أعصابك.



المدير:أقول شف أسامي الطلاب وشف من منهم عيال الشيوخ عل وعسى أتمصلح معهم ويتوسطون لي أبائهم عندالمسؤل اللي في الوزاره.



الوكيل:الله يعينك.



المدير:أمين الله يسمع منك.








الساعه 11ونص الصبح
(عند مواقف السيارات في جامعه الأولاد):
طلع بندرمن الجامعه وهموم الدنيا كلها فوق راسه لأنه بيروح لسوق الغنم وقف عند سيارته وهوضايق فجأه رن جواله والمتصل عليه خالد رد عليه وقال:هلا.
خالد:اهلين.
بندر:وش تبي أنت ماني فاضي.
خالد:ياأخي ابوي بلشني يبيني أروح له للشركه عشان أوديه هووأبوك لبيتكم.
بندر:والسواويق وين راحوا.
خالد:كلهم مشغولين تكفى سوخير ورح بدالي.
بندر: أناموافق بس بشرط تروح بدالي لسوق الغنم وتجيب ثلاث ذبايح وتوديها للطباخ هاه وش قلت.
خالد شهق وقال:لا الله يرحم أمك لا أروح للشركه أصرف لي الله يعينك على مابلاك هههههههاي.
بندر:خلاص أجل ضف وجهك ولاتزيد همي هموم يالله باي.
خالد:باي يامهموم هههههههههاي.
بعدماسكر بندرالسماعه طلع بوجهه بدروقال له:وش رايك تسابقني.
بندر: بدرحبيبي وش رايك تروح بدالي لسوق الغنم وانا بشتري الفواكه والعصير.
بدر: صحيح انك أخوي التوأم وروحك نفس روحي وطلعنا سوا من بطن واحد وتفهمني وأفهمك وأن احنا متشابهين.
بندر: الزبده.
بدر: لحظه خلني أكمل, وصحيح انك أعزالناس في عيوني لاكن أعتذر لك بشده لأني بروح أخذ نوره من مدرستها وبروح أشتري فواكه وعصير.
بندر:خلاص اجل ضف وجهك قبل لاأتوطى في بطنك.
بدر:هههههههههاي مسكين الله يعينك يابندوره.
بندرركب سيارته وهومتضايق وراح لسوق الغنم وبدر راح لمدرسه نوره ولقاها مابعد أفتحت وراح يشتري فواكه وعصير.





(في جامعه البنات):
رن جوال مشاعل والمتصل كان أخوها مشعل ردت عليه وقالت:هلا مشعل.
مشعل:هلا خلصتوا ولاتوكم لأني قريب من الجامعه.
عهود صرخت وقالت هذا مشعل عطينياه يامشاعل بكلمه.
مشعل: من ذي اللي تصارخ جمبك.
مشاعل:عهود.
مشعل: عطينياها بأكلمها.
مشاعل:خذها.
عهود:أهلين شعولتي حبيبي وشلونك.
نوف:أعصابك من شافك قال تكلمين خويك.
فهده: مشاعل منهوا مشعل؟.
مشاعل:أخوي وبعدين نسيتي أن عهود خالتي أخت أمي.
فهده:إيه صح.
نوف:مدري ليه الأولاد يحبون عهود.
فهده:لاتنسين انها ماشالله جميله وشكلها يفتن الواحد لوعندي أخوا كان خطبتها له.
عهود: مشعل ليه ماعاد تزورنا مثل أول.
مشعل:هههههههاي والله حبيت أثـقل شوي طيب أنتوا خلصتوا من محاظراتكم لأني قريب من الجامعه.
عهود:من الساعه تسع وحنا مخلصين بس السوالف ضيعت وقتناههههههاي.
مشعل: بس هذي شغلتكم يالحريم.
عهود:وش قصدك يامشيعل.
مشعل: لا ولاشي على العموم خالد ماراح يجي ياخذك وعشان كذى أبيك تطلعين مع خواتي لأني بوصلك لبيتكم.
عهود:أوكيه ياشعوله بروح ألبس عباتي عشان مانتأخر عليك.
مشعل:لاعادي خذي راحتك ماني مستعجل.
عهود:أوكيه أجل إذا وصلت عندالباب عطنا خبرأوكيه باي.
مشعل:باي.
نجلاء: ماشالله عليك ياعهود كيف عندك هالجرائه تكلمين ولد أختك كذى ولاوالمصيبه ان عمره بالعشرين.
عهود:عادي تعودت على كذى.
نوف:لاتخافين أصلآ هذا أسلوبها مع كل عيال أخوانها وخواتها.
فهده: قوموا يابنات خلونا نلبس عباياتنا وبعدين أنا ودي أشوف ذى اللي بياخذكم هو حلوا إذا كان حلوا فهوا محجوز.
عهود:هههههههاي لوتشوفينه بتنسدحين من جماله.
نوف:وع لاتبالغين .
نجلاء:ليه هو زين.
عهود:الحين أنا وأناخالته منفتنه بجماله وبعدين لاتهتمين لكلام نوف عنه .
فهده:بنشوف ونحكم.
مشاعل:خلاص وصلنا لباب الشارع قصروا أصواتكم فيه رجاجيل تراهم يسمعوننا.
طلعوا كل البنات برى ووقفوا على جمب فهده تنتظرالباص ونجلاء تنتظرسواقهم وعهودونوف ومشاعل ينتظرون مشعل فجأه وقفت سياره سوداء قبال باب الجامعه كانت تلمع وهي أخرمديل نزل منها شاب قمه في الجمال طويل وأبيض وثوبه يلق من النظافه وكان شعره أسود وناعم كان لابس نظارات شمسيه وجلس على كبوت السياره وطلع جواله وحطه بأذنه نجلاء وفهده أشهقوا من جمال هذا الشاب وقالوا:سبحان الخالق.
نجلاء:من ذى يابنات أه ياقلبي بصراحه هذا الشاب فتنه أه بس لو أعرف منهوا بس.
فجأه رن جوال عهود والمتصل مشعل قالها تطلع وعهود حبت تستهبل على نجلاء وفهده وقالت لهم: أتحداني أروح لذاك المزيون وأسلم عليه واركب معه.
نجلاء:أقول انثبري هنا أنتي وين وهووين.
عهود راحت للشاب فقالت نوف:ياشينه دايم يحب يستعرض.
مشاعل:خلاص بنات نشوفكم بكره.
فهده: من الشاب المزيون اللي راحت له عهود وسلمت عليه .
نوف:هذا أخوي مشعل.
شهقت نجلاء وقالت:اللي وقف السياره السوداء قبالنا وجلس على كبوتهاالزين ذاك أخوك مشعل.
نوف:ماشفتي شي أجل لوتشوفين شباب العائله عندنا بتموتين بمكانك, يالله بنات نشوفكم إنشالله السبت.
فهده:أوكيه مع السلامه.
بعد ماراحت نوف قالت فهده لنجلاء: ماشالله إذا ولد أخت عهود هذا شكله أجل وش بنقول عن البقيه.
نجلاء:أسكتي بس مالت علينا وعلى أهالينا شفت سيارته كيف شكلها.
فهده:نسيتي أنهم بنات عز أقول أسكتي بس هذا الباص جاء بروح أركب وشوفي سواقكم واقف هنالك خلاص اجل أشوفك السبت.
نجلاء : أوكيه مع السلامه.

(في سياره مشعل):
بعدماسلمت عهود على مشعل فتح لها باب السياره اللي قدام عشان تركب جمبه ونوف كالعاده بدأت الغيره عندها
أخليكم مع الأحداث أحسن.
مشعل:هلا والله تومانور المكان تفضلي الساعه المباركه اللي شفتك فيها.
عهود:مشكور ياقلبي ماقصرت.
نوف:أف...... مشيعل وحنا يعني مالنا رب.
مشاعل:اكسري الشروأركبي لايقوم ويمحطك بعقاله.
نوف:اجل يفتح لها الباب ويسكره لها ويركب معها ويهلي ويرحب بها من شاف حركاته قال هذي حبيبته وحنا خواته ماتكرم على الأقل يفتح الباب ولويرده عادي راضين بس على الأقل يهلي بنا.
عهود: أعوذ بالله ياشين الحساد لاقاموا يتفلسفون.
فجأه رن جوال عهود والمتصل نجود بنت عمها ردت عليها وقالت لها: هلا نجودي كيفك.
نجود:تمام كيفك أنتي.
عهود:الحمدالله.
نجود:حبيبتي أنتي بتجوننا اليوم طبعآ فقلت لنفسي بماأنك طالعه من الجامعه تعالي قبل أهلك.
عهود:الله يذكرك بالشهاده تصدقين عاد أنا مواعده نوره أجيها بدري خلاص أناالحين بالسياره مع مشعل تبون شي أجيبه معي قبل لاأجي.
نجود:لاحبيبتي نبي سلامتك.
عهود:أوكيه عشردقايق وأكون موجوده بس عسى مايكون فيه أحد من الأولاد.
نجود:لاتخافين مافيه أحد كلهم برى ماعدا محمد نايم بغرفته ماأعتقد أنه بيصحى ذا الوقت.
عهود:خلاص أجل باي.
نجود:باي.
نوف:وش عندها نجود متصله؟.
مشاعل:ياشين اللقافه.
مشعل:وأنتي لازم تتلقفين بأمور ماتخصك.
نوف:ياأخي ومن اللي طلب رايك أناأسأل عهود ماأسألك ياأخي إذا تكلموا البنات السوواويق يسكتون سمعت سق وأنت ساكت.
عهود:مشعل أبيك توديني بيت عمي ابوفهد.
مشعل: ليه منتي رايحه بيتكم؟.
عهود:انا مواعده نوره أجيهم بدري.
مشعل:ماعليك منها روحي بيتكم وريحي وخذي لك غفوه بسيطه وبعدين ألبسي وروحي لهم وراك سهره طويله بالليل في بيتهم.
عهود:لا ودني الحين.
نوف: أنتي صاحيه في أحد يزورناس وهوتوه طالع من الجامعه.
عهود:إيه أنا.
مشاعل:طيب ياعهود وملابسك لازم تغيرينها هذي عزيمه وبعدين زوجه خالي أبووافي بتجي وشلون بتقابلينها بملابس الجامعه.
عهود:لاتخافون عهد بتجيب لي ملابس وبعدين أنابجلس في غرفه البنات وأهلي ماراح يطولون وأنتوا عارفين زوجه نايف بتجي متأخره كالعاده ومافيه أحد غريب.
مشعل:خلاص بنات لاتحاولون معها خلاص وصلنا لبيت أبوفهد.
نوف:شوفي بوابه البيت الكبيره مفتوحه والحديقه مليانه كراسي شكلها عزيمه كبيره.
عهود:من ذاك اللي واقف برى.
مشعل:ههههههههاي هذا واحد من التوأم.
نوف:وش تقصد؟.
مشعل:بندروبدر بروح أشوف وش جالس يسوي دقايق بس وراجع.
نزل مشعل بالسياره وكالعاده البنات بدأو يقزون بدر قالت نوف: سبحان الله ماشاء الله جميييييل جمييييل لعنبوا بليسه كنه بنت سوريه أقول شكلي بكلم نوره أخته بخليها تمدحني عنده عل وعسى يتزوجني أه ياقلبي.
مشاعل:أسكتي ياالخبلا لاتفضحينا.
عهود أسرحت بفكرها بعيد وهي تطالع بدرمن بعيد وقلبها يخفق كثير وكانت تردد:سبحان الله الله لايضره .
نوف:يارب يصيرنصيبه من نصيبي.
عهود:أقول أحلمي على قدك ماأعتقد أنه بياخذ وحده عاديه.
مشاعل:عهود عطيني علبه الكلينكس اللي بجمبك.
نوف:عهود وش فيك سرحانه؟.
عهود:لاولاشي بس أبي أنزل. وأستحي أمرقدام ولد عمي.
نوف:لوأنا بمكانك كان مريت قدامه وسلمت عليه بعد.
عهود:مجنونه أنتي؟.
نوف:اللي يشوف هذا الجمال ينسى نفسه يارب تخلي ذاك اللي واقف عند الباب من نصيبي يارب.
عهود: صدق مجنونه الله يهديك قولي أمين.
مشاعل:الله يسمع منك.






مشعل راح لبدر وهوميت ضحك وقال له: هاه بندر وش صار.
بدر:ههههههههههاي أنابدرمب بندر.
مشعل:أجل وين بندر؟.
بدر: والله توني مكلمه من شوي يقول أنه بيتأخرشوي لأن اللحم يبيله ثلاث ساعات يطبخ عندالطباخ.
مشعل:هههههههاي وكيف نفسيته أكيد زفت.
بدر:زفت وبس إلا قل واصله معه لخشمه معصب بالمره يبي يتروش ريحته تفوح غنم لاوالمصيبه أن أبوي توه متصل عليه وقال له أبيك تذبح حاشي لأن الوزيربيجي مع التجارهههههههاي.
مشعل:وانت وش بتسوي الحين.
بدر:توني جايب العصير والفواكه حطيتها بالمطبخ وجيت أشيك على العمال والصبابين والحين بروح أجيب أختي نوره من مدرستها.
مشعل:الله يعينك خلاص أجل أشوفك على خير .
بدر:وين رايح تونا؟.
مشعل:معي خواتي بوديهم للبيت وعلى فكره خواتك صاحين.
بدر: ليه؟.
مشعل:لأن خالتي عهود بتنزل من السياره وأخاف يكونون أهلك نايمين.
بدر: الله يحيها فيه نجود وريماس وأمي بعد صاحيه وبروح أجيب نوره الحين, إذا هي معك عادي خلها تنزل خواتي بالصاله جالسين.
مشعل:خلاص أجل بقول لها تنزل تامرني بشي.
بدر:سلامتك حبيب قلبي.
مشعل:خلاص رح أركب سيارتك الحرمه بتنزل من السياره موحلوه تمرقدامك منت محرم لها.
بدر:الله وأكبرمن يشوفك يقول ملكه جمال تراها بنت عمي لاراحت ولاجت مثلها مثل أختي خلاص يالله سلام تأخرت على نوره.
مشعل:هههههههههاي سلام يالمرجوج.
بدرراح يجيب نوره وعهود نزلت لبيت عمها ومشعل راح لبيتهم






(في بيت أبوفهد):
دخلت عهود للصاله وسلمت على نجود وأم فهد وجلست معهم تسولف فجأه دخلت عليهم الشغاله وقالت: ماما باباعود في يجي مع هزا نفررجال غريب.
أم فهد: وش تقولين أنتي.
نجود:ههههههههاي يمه هي تقصد ان ابوي جاء مع واحد غريب.
أم فهد:أقول ريماس قومي وأناأمك وروحي طلي بالشباك شوفي من ذا اللي جاي صوت رجال غريب برى.
ريماس قامت وطلت مع الشباك وأضحكت.
أم فهد:وش بلاك تضحكين من اللي جاي.
ريماس:اللي جاي أبوي وعمي أبونايف ومعهم واحد مدري منهوا تعالي عهود يمكن تعرفينه.
عهودطلت مع الشباك وقالت:إيه هذا أخوي خالد بس وش فيه ضايق.
نجود:مسيكين شكل أبوك كارفه من الصبح.
عهود:هومانام من امس.
ريماس:الله يعينه.
عهود:بروح أسلم على عمي واجي.
أم فهد:عهود ألبسي عباتك ترى فيه عمال برى.
عهود:إنشالله.






طلعت عهود تسلم على عمها,أماخالد وأبوها راحو للبيت يريحون ويوم سلمت على عمها دخلت جوا لاكن حست بالعطش وراحت للمطبخ فجاه صار لها موقف ماتنحسد عليه بس قبل لااقوله خلونا نروح مع بعض نشوف إيش صار مع بندرفي السياره.
(في سياره بندر):
بندرقرفان من نفسه ومتضايق بالحيل دق عليه أبوه رد وهوماسك أعصابه وقال: سم .
أبوه: هاه وش صار على الذبايح.
بندر:والله أحتمال أتأخرشوي بالغداء أناجاي بعد شوي معي صحنين مفاطيح بحطها بالمطبخ وبروح أجيب البقيه.
ابوه: زين وأناأبوك لاتفشلني مع الجماعه تراهم أوصلوا يالله فمان الله بروح أستقبلهم عجل لاتتأخرعلينا.
بندر:إنشالله.
(في سياره خالد):
خالد:يبه ليه ماجلست في بيت عمي الجماعه بيوصلون بعد شوي.
أبوه:والله كان ودي بس مب زينه أستقبلهم وأناتوني جاي من الشركه لازم أتروش وألبس البشت الأسود حق العزايم وأتبخر بالعود وأتطيب ثم أستقبلهم.
خالد:ومن اللي بيوديك لبيت عمي إذا تشخصت .
أبوه: أخوك نايف,كلمني من شوي وقال انه جاهز ولابس ويحتريني في بيتنالأنه بيستقبل الرجال معنا.
خالد:أجل بنام لأني دايخ.
أبوه:أنت عاد جب خواتك وأمك لبيت عمك وأبيكم تجون بدري يمديك تنام نص ساعه وبعدها ابيك تجلس مع الرجال.
خالد:يصيرخير.
(في سياره بدر):
نوره: بدرعهود جت عندنا.
بدر: مدري بس مشعل جابهامن شوي.
نوره: يس اخيرآ بشوفها.
بدور:خالي بدر وقف البقاله نبي حلاو.
خالد:إيه خالي تكفى وقف البقاله.
بدر:اوكيه بوقف بس لكم خمس دقايق بس تشترون فيها.
خالد:يعيش خالي.
نوره: خلودي جب لي معك فشفاش ولاتنسى أخوك بندر جب له حلاوا.
خالد:طيب خلاص اسكتي فشلتينا.
بدر:الله يعيني على مابلاني.
نوره: تقصد؟.
بدر:لاولاشي يالله ياخالد عجل علينا.
(في بيت أبوفهد):
(في قسم الرجال):
كان أبوفهد في قمه الشياكه والشخصيه وهويستقبل المعازيم هووولده فهد وأخوه أبونايف وولده نايف فجأه دخل بندر ويوم لمح السيارات عند الباب قرر يدخل الذبايح في قسم الحريم عشان يروح للمطبخ فاللي صارهناك شي ماهومتوقع أخليكم مع الأحداث:
عهودكانت بالمطبخ تشرب مويه وتغني وهي لابسه عباتهالأن فيه رجال , فجأه طلع لها صرصور وطلعت من المطبخ مسرعه تركض ماتشوف اللي قدامها.
أمابندرالمسكين نزل من سيارته صحن فيه مفطح وكان ثقيل بالمره وتوه متجه للمطبخ فجأه طلعت بوجهه عهود وهي تركض وصدمت فيه وطاح الصحن على الأرض وأنكب الرز كله وتناثر في الأرض, بندرظن أنها أخته نوره فقال لها:عميانه أنتي ماتشوفين.
عهود أرتبكت وخافت وقامت مسرعه ودخلت للصاله وهي تبكي, امابندرقام يجمع الرز من على الأرض وهويردد إنالله وإناإليه راجعون, قام ونادى الشغاله وقال لها:شيلي الرز واكنسي الأرض وغسليها وحطي الرز بكيس .
فجأه دخلت نوره وعيال نجود ويوم شافوا بندر أضحكوا على شكله.
نوره: يالله وش صاير هنا وش فيك بندر كنك متروش برز.
بندربضيقه:البركه فيك.
نوره:ليه اناوش سويت؟.
بندر:صدمتي فيني ودخلتي مسرعه للصاله وطالعه بكل برود تسأليني وش فيك.
نوره بتعجب:أناصادمه فيك متى أصلآ توني جايه من المدرسه.
بدر: الله يعينك لويدري الشايب أن الرز أنكب ترى بيجي وزيرمع التجار.
بندر: ياحبيبي أكملت شكلي بروح لسوق الغنم مره ثانيه الظاهرأني مومرتاح اليوم.
نوره:الله يعينك بس أنت وش بتسوي بالرزواللحم اللي طاحوا بالأرض.
بندر:بعطيه جمعيه خيريه ولاأي أحد من العمال اللي يشتغلون بالشوارع.
نوره:طيب من البنت اللي صدمت فيك.
بندر:لا ولاشي زلق مني الصحن واناأمشي أنتي ادخلي جوا أحسن لك بس لاتقولين لأحد أن الرز أنكب بروح أجيب ذبيحه غيرها.
نوره:أوكيه باي والله يعينك ههههههههاي.
يوم دخلت نوره قال بدر لبندر:أقول من البنت اللي صقعت فيك.
بندروهويشيل الصحن وينفض ثوبه قال: مدري ولاأبي أدري الله ياخذ عدوها ماطلعت بوجهي إلا ذا الوقت.
بدر:شكلها عهود بنت عمي.
بندر:بقلعتها, المهم بروح أنزل الصحن الثاني وبحطه بالمطبخ ثم بروح لسوق الغنم وأنت رح أستقبل المعازيم مع أبوي ترى الجماعه والشباب أوصلوا.
بدر:بتروش بالأول وبصحي محمدوبننزل يالله روح لحق لايسكرالسوق.
بدردخل جوا البيت وبندرشاف دفترتحضيرمنطول بالحوش ومن اللقافه أخذه معه وحطه بالسياره وأنطلق لسوق الغنم وهوضايق ويردد لاحول ولاقوه إلابالله.






(في صاله الحريم)
(عندالمغاسل):
نوره شافت عهود تبكي عندالمغسله وهي تنتفض قالت لها:بسم الله عليك وش فيك تنتفضين.
عهود:لابس بردانه شوي.
نوره:طيب ليه تبكين وش فيك.
عهود:ولاشي.
نوره : طيب ليه عباتك مليانه بقع زيت وفيها رز متناثر, لايكون أنتي اللي صدمتي في بندرأخوي بالحوش.
عهود:والله ماقصدت , أنارحت للمطبخ أشرب مويه لأني سلمت على عمي وكان معي دفتر التحضير حقي وفجأه طلع لي صرصور وخفت منه وطلعت مسرعه من المطبخ فجأه صدمت في أخوك والله ماكنت أدري أنه بيجي في طريقي.
نور:هههههههههاي حلوه هذي أقول أفصخي عباتك بعطيهاالخدامه تغسلها وبعدين بندرمايدري من اللي صدم فيه ولاتخافين راح يجيب ذبيحه غيرها وطنشي ترى الموضوع مايستاهل والرزشالته الخدامه وحطته بكيس ووداه بندر للجمعيه الخيريه .
عهود: طيب الحوش صار وصخ.
نوره: ياحليلك ميري غسلت الحوش بالصابون وصارالحوش يلق من النظافه, ياأختي أمشي خلينا نرقى فوق لغرفتي من زمان ماسولفت معك أنتي أسبقيني لغرفتي وانا بعطي ميري عباتك عشان تغسلها ولاتخافين مافيه أحد فوق.
(في سياره بندر)
بندر جالس يحاكي نفسه ويقول:إنالله وإنا إليه راجعون , الحين وش بتسوي بهذي المصيبه لاحول الله بس أموت وأعرف منهي اللي صدمت فيك . طيب هذا الدفتر كان معها أكيد أنه دفترها خلني أفتحه وأشوف وش أسمها , ماشالله تدرس قسم أدب ومزينه الدفتر ومعطرته وكاتبه فيه المحاضرات بس ماعليه أسم.
بندر وهويتصفح الدفتر لقى صوره بنت وأنصدم بصدمه غير طبيعيه لأن الصوره كانت صوره بنت في قمه الجمال لاكنه مايدري من صاحبه الصوره ويوم شافها تلعثم في مكانه حب يشوف وش الأسم اللي مكتوب على الدفتر وللأسف عهود ماكتبت أسمها على دفترها.
بندر قال بينه وبين نفسه: منهي هذي البنت, والله أنها جرح ماشالله جميله كنها سوريه بس من تكون ؟. إيه صح هذي اللي لمحت وجهها الصبح عندباب بيت عمي أبونايف بس من تكون ياويل قلبي ماشالله وش هذا الجمال, أقول تعوذ من بليس وسكر الدفتر مايجوز تشوف صوره بنت الناس منت محرم لها أستح على وجهك مايجوز.
فجأه قطع تفكير بندر صوت رنين الجوال وكان المتصل أبوه.
بندر:سم يبه بغيت شي.
أبوه: وينك تأخرت علينا.
بندر:عندالطباخ ويقول أن الحاشي يبيله ساعه جبت صحن للبيت وبقى أربعه صحون شوي وأجيبها لكم.
أبوه: أنهج علينا لاتفشلنا قدام الجماعه يالله فمان الله.
بندرتنهد وقال: فمان الكريم.






(في بيت أبوفهد)
عهود تمشي بهدوء في الدرج وراحت لغرفه نوره وماكان فيها أحد فتحت باب الغرفه وجلست على السريرثمآ انسدحت لأنها مرهقه وبدون شعةر نامت
بدرغرفته قريبه من غرفه نوره وطلع من غرفته يبي ياخذ الإستشوار من عند نوره لأن الجو بارد ويبي ينشف شعره بالإستشوار وشاف باب الغرفه مفتوح ظن أن مافيها أحد و دخل بدون مايطالع طريقه وتوجه للتسريحه وفتح الدرج الأول وطلع الإستشوار ولمح وحده نايمه على السريرومعطيته ظهرها ظن أنها نوره وطلع من الغرفه بدون مايشوفها,
دخلت نوره غرفتها وشافت عهود نايمه لاكنها صحتها قالت لها: عهود ألحين ليه نمتي وخليتيني.
عهود:ياأختي شفتك تأخرتي علي قلت أخذغفوه ليماتجين.
فجأه دخل بدروعهود غطت وجهها بالكمبل وبدرقال:نوره أستشوارك ذا رفع ضغطي.
نوره صرخت وقالت:أطلع برى فيه بنت عمي.
بدرطاح وجهه وراح لغرفته وقال:نوره تعالي.
عهود:ياربيه وش ذى الحظ الشين من شوي بالحوش والحين بالغرفه أجل الله يستر من الجاي.
نوره:ههههههههاي ياأختي فليها وربك بيحلها.
(في غرفه بدر):
نوره:هاه وش تبي يالمزعج.
بدر:من اللي عندك بالغرفه.
نوره:ياشين اللقافه ياأخي خلصني وش تبي.
بدر:استشوارك رفع ضغطي أبيك تنشفين شعري الجماعه تحت لازم أنزل.
نوره:هههههههاي وبندرمابعد جاء الله يعينه.
بدر:ياأختي أخلصي علي خليني اروح .
نوره: طيب محمدوينه.
بدر:صحى من زمان وتروش وهوالحين جالس مع الرجال بالمجلس.
نوره:ماشالله عليه, خلاص شعرك نشف ومافيه ولانقطه مويه وبحط لك فيه كريم عشان يهجد.
بدر:مايحتاج بس أنتي جيبي شماغي وعقالي .
نوره:شماغك وعقالك تحت بالصاله وبتلقى بخور تبخر وتطيب عشان ماتفشل أبوي.
بدر:أقول وخري عن طريقي خليني أنزل لايجي فهد ويعطيني محاضره في أداب الضيافه يالله باي.
نوره:هههههههاي باي يالمرجوج لاتنسى تلبس جزمتك ههههههههاي.
(في مجلس الرجال):
(جهه الشيبان):
أبوفهد:ياهلا والله الله يحييكم أسفرت وأنورت.
أبوخالد:ماعليك زود.
أبوفهد:ياعيال صبوا قهوه لضيوفنا, هذي الساعه المباركه.
أبوتركي:أجل ماقلت لي ياأبوفهد وين عيالك مالهم حس.
أبوفهد:شفهم قبالك هذاك محمدوذاك فهد وذاك بدرأوبندر واحد منهم.
أبوتركي:ماشالله مسرع أكبروا خبري بهم كانوا صغار يلعبون ههههههه.
أبونايف:أذكرالله يارجال.
أبوتركي: ماشاء لله تبارك الرحمان.
(جهه الشباب):
مشعل: أقول شباب موكن العزيمه ممله.
محمد:إيه والله صدقت كلهم شيبان.
بدر:متى يجي بندر عشان نحط الغداء ويتغدون ويروحون ونفتك ياأخي نبي نروح للبر الجو يهبل يصلح للتخييم.
محمد: أوف شباب شوفو من اللي دخل للمجلس.
مشاري:لاحول ولاقوه إلى بالله وش ذى النشبه وش جابه.
مشعل:من تقصدون؟.
بدر:ماجد ولد عمه أبوي ياشين ذى الأدمي ماأطيقه ياشباب صرفوه.
فهد:أقول أستح على وجهك هذا ولد عمه أبوي ياعيال سلموا عليه.
ماجد:سلام شباب كيفكم تمام.
فهد:الحمدالله أنت كيفك تمام.
ماجد:يارجال من جيت من فرنسا وأناضايق صدري.
فهد:عسى ماشر؟.
ماجد:لابس مليت من الرياض وودي أرجع لفرنسا.
محمدبهمس يقول للشباب:شفتوا قايل لكم أنه غثيث الحين بيقعد يبجخ بسفراته وفلوسه.
ماجد:بصراحه الجو عندكم ممل جدآ.
وافي:إيه ماشالله عليك.
فجأه رن جوال ماجد وقال:عن اذنكم شباب جتني مكالمه ضروريه أعتذر منكم أناجيت بس عشان أسلم عليكم لأن سفرتي بعد نص ساعه يالله أشوفكم على خيروإنشالله نتقابل في عزيمه ثانيه يالله باي شباب.
فيصل:راح الغثيث الحمدالله رب العالمين.
خالد: ياشباب وهويتكلم حسيت أن ودي أخنقه تدرون ليش لأنه ماينبلع.
متعب:خالد خلاص يكفي عيب اللي تقوله.
محمد:انشب الحين بنسمع محاظرات عن الأخلاق .
فهد:أصلآ حنى نضيع وقتنا مع شباب طايش يالله يامتعب وياوافي قوموا ورحبوا بالرجال.
خالد:مدرسه هي كل شوي نهلي ونرحب.
محمد:خلك مع الخيل ياشقراء أن قاموا يرحبون قم معهم وان جلسوا اجلس معهم وخلي أبتسامتك عريضه ترى الشيبان يراقبوننا من بعيد.
مشعل: أقول ورى مانقوم ونجلس في جهه الشيبان ترى سوالفهم تموت من الضحك.
محمد:قوموا عل وعسى يطيرالوقت ويروحون.






(في قسم الحريم):
(في الصاله):
كل الحريم مجتمعين يتقهوون ويسولفون والأصوات والضحكات عاليه , البنات جالسين بجهه والحريم جالسين بجهه
قالت ام نايف:والله أنك ياعهود روعتيني, أجل تطلعين من الجامعه وتروحين بيت عمك بدون ماتعطيني خبر.
عهود:وش أسوي نوره ألحت علي أجيهم بدري.
أم فهد:ماعليك منها البنت جايه في بيت عمها موواحد غريب.
أم نايف:هاه ياأم وافي عساك جبتي المحلى اللي وصيتك عليه.
أم وافي: إيه جبته ياخالتي وسنعته مثل ماتحبين.
أم نايف: زين سويتي.
أم فهد:نوره وانا أمك أتصلي على بندر وش فيه تاخر علينا بالغداء ترانا جعنا.
نوره: والله اتصلت عليه من شوي يقول بالطريق جاي ومعه كل الذبايح .
أم نايف:المسكين الين الحين يفتربالسياره عشان الغداء.
أم فهد:وش أسوي بابوه هواللي ألح عليه يجيبها.
أم نايف:الله يعينه .
فجأه رن جوال عهود وكان المتصل أخوها خالد قال لها:أطلعي برى معي شي لك.
عهود قامت وقالت لأمها:يمه بروح أشوف خالد وش يبي.
أم نايف:اجل وأناأمك روحي المطبخ وأغرفي شوي من المحلى في صحن وجيبيه خلينا نذوقه.
أم فهد:إيه تكفين متنا جوع وحنانحتري الغداء الله يهديك يابندر.
عهود:إنشالله.

جاء بندر بالذبايح وحطها بالمطبخ وجلس على الطاوله عشان يريح شوي لأنه منهد حيله بالمره يوم جاء بيطلع سمع صوت عهود وحسبها أخته نجود حب يسوي فيها مقلب توزى تحت طاوله المطبخ أخليكم مع الأحداث:


طلعت عهود برى وقابلت خالد عند المطبخ
خالد:هلا عهوده وينك مختفيه.
عهود: لامختفيه ولاشي وش بغيت ياأخوي.
خالد:لابس معي غرض لك.
عهود: وش معك.
خالد: معي كيس مليان حلويات ومن النوع اللي تحبينه أنا مكثرمنه عشان توزعين على الكل.
عهود:وش ذى الكرم اللي طرى عليك فجأه.
خالد:لابس مريت البقاله وتذكرتك وجبت لك هذي الورده بعد.
عهود:قامت تطامرمن الفرحه ومن الفرحه ضمت أخوها خالد وعطته بوسه على خده وقالت له: مشكور ياأروع خلودي بهالعالم.
وراحت للمطبخ وهي مبسوطه.
خالد قال بينه وبين نفسه:يالبى قليبها بصراحه أختي ذي فتنه أعوذ بالله أفتنتني وهي ماتدري بصراحه لوأنها مب أختي كان تزوجتها ياحظ من بيتزوجها أه ياقلبي ليجيت أتزوج بتزوج وحده نسخه منها ولا بتم طول عمري عزابي, أقول أستح على وجهك هذي أختك لاتخلي بليس يلعب براسك .
عهود مشت للمطبخ وهي تغني أغنيه:( ياورد من علمك تجرح الجرح ماهومن أطباعك)
أمابندر يوم جاء يطلع من المطبخ سمع صوتها وهي تغني وظن أنها نجود فحب يسوي فيها مقلب ويروعها فقام توزا تحت الطاوله منتظر قدومها عشان يروعها وفعلآ دخلت لاكن اللي دخلت وحده غريبه لاهي نجود ولاهي وحده من خواته كان صوتها بالنسبه لبندر جنان كانت تغني وماسكه ورده حمراء بيدها, شالت الحافظه اللي فيها محلا وحطتها على الطاوله وغرفت منه بدلع في هذي اللحظه وللمره الأولى خفق قلب بندربسرعه مايدري هوبحلم ولابعلم فجأه طاحت الورده من يد عهود جت بتأخذها فجأه دخلت ميري للمطبخ.
عهود:هاي ميري هواريو.
ميري:أيام فاين ثانكيوا.
ميري شافت بندرتحت الطاوله وتوها بتتكلم أشرلها بندرتطلع وتسكرباب المطبخ , وطلعت وسكرت الباب.
بعد ماغرفت عهود المحلا كان بندر يطالعها من فوق لتحت نسى نفسه يوم شافها مايدري هذي ملاك ولاقمر هذا جمال ولاحلا , المسكين ضاع منه عقله وتفكيره سوا , المسكين تلعثم وعاش في حلم حلو في وقت قصيرفجأه فضحه جواله ورن والمتصل كان أخوه محمد وبندرالمسكين أرتاع ونسى نفسه ورد عليه وقال:أنا جيت والغداء جاهز بالمطبخ بتروش واجيكم سلام.
عهود خافت وطاح منها صحن المحلا لأنها ماتوقعت أن بيكون فيه أحد غيرها بالمطبخ والمسكينه من الخوف تبنجت في مكانها وقامت تنتفض بسرعه وأسرعت لباب المطبخ تبي تفتحه ومن خوفها ماعرفت تفتحه , طلع بندر من تحت الطاوله وهويطالع الأرض قال: أناأسف حسبتك نجود أختي مادريت أنك وحده ثانيه أناأسف.
بندروهويقول هالكلام كان قلبه يخفق ماعمره شاف وحده مثلها كامله والكامل الله جمال أخلاق دلع كل شي فيها حلو.
بندركان واقف في طريق عهود وعهود تبي تمشي ماقدرت الحيا منعها خفق قلبها بقوه تجرأت وقالت له: ممكن توخر عن طريقي.
بندرطالعها بنظره عشق وقالها:اسف.
وطلعت عهود وهي مسرعه ودخلت جوا, أمابندرجلس على كرسي واخذ الورده من على الأرض وهو متعجب من نفسه لأن قلبه مازال يخفق بسرعه.








أول لقاء جمعناكان يوم الأربعاء
فيهاأبتدى اللقاء في مطبخ بيتناالكبير
شفتهاوأستحت وأحمروجهها من الخجل
وقلبي كان يخفق كثيروتفجرفيه الوله
حبيتهاإيه حبيتها من دلعها من خجلها حبيتها
وقلبي ذاب في حبها في لمحه بصر
من شفتهاقلبي خفق وحبيتها وعشقتها
عيونهاأمكحله وشعرآ طويل ماأجمله
وبلوزتآ فوق الخصر طويلتآ ومخصره
وبياضآ يتل القلوب مع الخدودالمورده
وشفايفآ كنها جمرومن لهايبها مولعه
نست وردتها هنا وأركضت بسرعه من الخجل
قلت يالبى قليبها حتى ركضها ماأجمله
والله أني حبيتها من أول يوم شفتها
كانت بمطبخناالكبير وخطفت قلبي وأختفت
(كاتم الحـ(بندر)ــــــزن)






بندرقال بينه وبين نفسه: بندروش فيك؟, معقوله بنت تاخذ عقلك؟, بس هي مزيونه شكلي حبيتها من أول نظره أه ياقلبي وش أسوي طيب هي مخطوبه ولالا, بس أخاف تكون متزوجه, لاشكلها صغيرماأعتقد أنها متزوجه أقول قم بس روح تروش أحسن لك قبل لايطيش عليك الشايب والبنت بعدين تفكرفيها.




(في صاله الحريم):
دخلت عهود وهي خايفه وأنفاسها مقطوعه من الركض وقلبها يخفق كثيروراحت لدوره المياه ووقفت عند المغسله وقالت بينها وبين نفسها: ليه سويتي كذى ياربيه ليه يصيرلي كذى في البدايه صقعت فيه بالحوش, والحين مخبي نفسه تحت الطاوله وشافني وحفظ شكلي أف وش أسوي لو دروا عني أهلي والله يشنقوني وانا حيه أقول عهود هدي أعصابك وأجلسي معهم بهدوء عشان ماتفضحين نفسك.
غسلت عهود وجهها وعدلت مكياجها وخذت نفس عميق وراحت للصاله وجلست مع أختها عهد.
أم نايف:عهود وين المحلا.
عهود: يمه أناغرفت منه شوي وشفت تحت الطاوله جرذي كبير خفت منه وطلعت من المطبخ بسرعه.
أم فهد:ماخبرت أن في مطبخنا جرذي شكلها قطوه صغيره أويمكن تتوهمين.
عهودتوهقت وقالت: أناشفت شي يتحرك تحت الطاوله صرخت وطلعت مسرعه لأني كنت خايفه.
فجأه رن جوال نوره: هلابندر وش عندك, انت بالمطبخ , تبيني!, ليه وش عندك؟, طيب طيب لاتهزء جيت يالله باي.
أم فهد:نوره وانا أمك روحي شوفي أخوك يمكن جاب الغداء ترا متناجوع قولي لميري تصف السغره للرجال وقوموا يابنات ساعدوها.
نوره: يمه البيت نصه خدم خليهم يصفون السفره ألحالهم.
أم فهد:أقول قومي وتعلمي السنع والذرابه بكره لاأعرستي محد نافعك غيرذرابتك وسنعك وترا الرجال يحب البنت الذربه.
نوره:إنشالله يمه.
عهود: نوره أبيك بشغله تعالي عندي.
نوره:وش صاير؟.
عهودبهمس: أخوي خالد عطاني ورده حمراء وكيسه مليانه حلويات وأنانسيتهم بالمطبخ فياليت تتكرمين وتجيبينهم لي.
نوره: بس ماطلبتي شي الحين بأجيبهم لك حنا كم عهود عندنا.
عهود:مشكوره حبيبتي.
نوره: خلاص بروح أشوف بندر وش يبي, بس على فكره وش فيك متوتره ؟.
عهود:هاه....لاولاشي أنتي روحي للمطبخ ترا ماصار غداء متناجوع.
نوره: هههههههههاي كل تأخيره فيها خيره بروح أشوف وش يبي أخوي تشاو.
عهود: تشاو والله يستر.
(في المطبخ):
دخلت نوره للمطبخ وقالت: هلابالخاين ترا متنا جوع ماصار غداء.
بندركان بيسأل نوره عن البنت اللي شافها بالمطبخ لاكن نوره فلت الشريط كالعاده,
بندر:خلاص هذا الغداء وجبته وأنتبهي تراه حار.
نوره شهقت شهقه قويه وقالت: وش ذا ليه المحلا منطول الله يقطع سوالفك ياعهيد.
بندرلقاها فرصه عشان يسحب من نوره الكلام فقال لها بتعجب: منهي عهيد؟.
نوره:ههههههههه خالتي أم نايف قالت لبنتها عهود تجيب المحلا من أخوها خالدوتغرف منه شوي في صحن عشان نذوقه وفجأه جت تركض وهي خايفه موت وجهها أحمروقلنا لها وش فيك ياعهود؟, قالت: شفت جرذي تحت الطاوله وخفت منه وجيت مسرعه من الخوف.,ههههههههه الله يقطع سوالفك ياعهود.
بندر: أجل شافت جرذي تحت الطاوله.
نوره: هي قالت كذى بس على فكره أنت من متى وأنت هنا ميري تقول أنك جالس بالمطبخ لك نص ساعه.
بندر أرتبك وقال:لا توني داخل الحين.
نوره: إيه صح فيه ورده وكيس فيه حلويات وينه.
بندر: شوفيه على الطاوله , بس تصدقين بغيت أخذه وأزع الحلويات على الشباب.
نوره: تخسون والله ماتشدونه لو بأحلامكم , بروح أعطي عهودكيستها بس وين الورده؟.
بندرأخذ الورده وخباها في جيبه وقال لنوره:أقول الحين الحريم وين جالسين؟.
نوره:بالصاله.
بندر:وش ذا النشبه يعني لازم أمر قدامهم وأنا بذا الحال.
نوره:ههههه تكفى تروش ريحتك شينه.
بندر:خلاص أنتي روحي سوي لي درب لأني برقا فوق بتروش وأنزل للجماعه.
نوره:أوكيه.
(في مجلس الرجال):
أبووافي بمزح قال: الحين يافهد ورى ماتعرس وش رايك أزوجك وحده من بناتي عاد أنت نق منهم اللي تعجبك.
فيصل ضحك لاشعوريآ وقال: إيه تكفى يارجال خذ وحده منهم وفكنا.
فهد تورط وقال: تونا على العرس ياعم.
عبدالعزيز:الله يعينك ياوخيتي عليه.
محمد بإستهبال:فيصل خواتك عاقلات وملتزمات.
فيصل: إلا داجات ومراهقات يعشقون الأغاني وكل يوم طقاق بس وافي دايم يصفقهم ويهاوشهم وينصحهم ولاحياه لمن تنادي.
وافي: فيصل خلاص أسكت عيب تتكلم عن خواتك عندالرجال.
فيصل:إيه صح أسف نسيت نفسي.
أبومشعل:وش رايك ياوافي أزوجك بنتي مشاعل؟.
فيصل:مشعل أختك ملتزمه ولا لا.
مشعل: هي عاقله ومثقفه.
خالد:تبي الصراحه هي نسخه من وافي .
مشعل:ماأتخيلها زوجه لوافي.
فيصل:ليه ماتتخيلها زوجه له؟.
مشعل:مدري بس أحس أنها ماتصلح له.
أبوفهد: ياعيال ماجاء بندر؟.
محمد: توني متصل عليه يقول أنه في المطبخ والحين راح يتروش.
أبوفهد: فشلني عندالرجاجيل الله يهديه.
فهد: يايبه لاتلومه الجو بارد وهواليوم مداوم بالجامعه وماطلع منها بدري والحمدالله أنه جاب الذبايح .
أبوفهد:الله يهديه بس.
(في صاله الحريم):
دخلت نوره وقالت: تغطوا ياحريم.
نجود:وش قالولك عرس وحنا ماندري.
نوره: لابس بندر بيرقا فوق يتروش عليه ريحه كلها غنم ههههههه.
بعدماتغطوا الحريم دخل بندر وهمس في أذن نوره وقال لها: سمعتك يالفضيحه.
ونوره شهقت وبلعت ريقها.
أم فهد: هاه وأناأمك وش فيك تأخرت علينا من اللي أخرك, ميري قالت لي أن الرز أنكب بالحوش وش صاير؟.
بندر توهق مايدري وش يقول مايبي يكذب على أمه ولايبي يوهق عهودلأنه يدري أنها هي اللي صدمت فيه بالحوش
حب يصرف الموضوع قال:الرزأنكب لأن العامل ماشاله زين زلق من يده وهوبالحوش عاد أنا رحت وجبت غيره.
أم فهد: بس وأناأمك ميري قالت لي كلام مختلف.
بندر:وش قالت بالضبط؟.
أم فهد:قالت أن عهود صدمت فيك وأنت أخذت دفترها حق الجامعه معك.
عهود قلبها خفق بسرعه من الخوف وبندر بلع ريقه وقلبه بدأ يخفق يبي يدور حجه يقولها لأمه فقال لها: يمه تصدقين الخدامه وتكذبين أولدك أفا ياأم فهد ماهقيتها منك.
أم فهد: ماعلينا المهم زاهب الغداء؟.
بندر:إيه كل شي زاهب بس بروح أغير ملابسي وأنزل للجماعه.
أم نايف: وشلونك يابندر والله وصرت رجال وبناتنا قدامك أختر ونق على كيفك.
بندر: ماعليك زود ياأم نايف.
بندرأنحرج ونزل راسه بالأرض وقال بينه وبين نفسه: والله لوالود ودي كان أخذت بنتك عهود اليوم قبل باكر.
أم فهد: وش فيك وأناأمك وين سرحت.
بندر:لاأبد ماسرحت ولاشي.
عهودكانت تطالع بندر بنظرات هاديه وهي متغطيه وجاها شعور غريب أول مره تحس به قلبها يخفق بسرعه,
نوره:بندر ليه ماتروح ياخي خلاص روح تروش ولاعاجبتك ريحتك.
بندر: خلاص أجل تامروني بشي.
أم فهد: سلامتك وأناأمك.
بندر: اجل جهزوا السفره لأن الوالد أرتفع ضغطه يالله فمان الله.
أم فهد:ههههههه الله يهديه مكبرالمسأله وهي صغيره.
أم نايف: منهواللي مكبرالسالفه؟.
أم فهد: أبوفهد الله يهديه.
أم نايف:ياوخيتي كل الرجال كذى.
أم فهد: إيه والله صدقتي.
أم نايف: ماشالله بندر كبر بسرعه.
أم فهد: أناأنتظره يخلص دراسه وبأخطب له وحده من البنات.
أم نايف:اختاري ونقي على كيفك.
البنات كلهم أنحرجوا من كلام أم نايف,
نوره:يمه تكفين قولي لبندر يمشينا العصر اليوم إربعاء نبي نتمشى نشم هواء.
نوف: ليه مانروح نخيم في البر.
نوره: فله نطعس ونركب دبابات تكفين يمه كلمي بندر.
أم فهد: الجو بارد.
أم نايف: خليهم يستانسون الجو زين يصلح للبر.
نوره:تكفين يمه قولي لبندريودينا للبر.
أم فهد:إذا نزل من فوق فيها ألف حلال.





(في حمام الأولاد):
كان بندر جالس في البانيوا وهوسرحان صوره عهود مافارقت عيونه يتذكر حركاتها وصوتها وهي تغني وترقص في المطبخ
قال بينه وبين نفسه: البنت هذي خذت عقلك وراحت , طيب ليه ماتخطبها بس أخاف تكون مخطوبه طيب وش بتسوي يابندر والله حالتك حاله .
فجأه قطع تفكيره صوت أخته نوره وهي تقول:بندر لك ساعه باالحمام يالله أطلع أبوي أرتفع ضغطه.
بندر: أف خلاص بطلع أنتي بس روحي ولاتزعجيني.



توقعاتكم للبارت الجاي
ماراح أكتب أسئله ولاراح اضيف بارت إلى إذا شفت ردودكم لأن ردودكم تحمسني للكتابه
تقبلو تحياتي:
لوحه خواطرفنان

(في صاله الحريم):
عهود: نجود وين حطيتي شنطتي.
نجود:فوق في غرفه نوره روحي وخذيها.
عهود:أخاف يطلع لي أحد.
نجود:ههههههه يابنت روحي لغرفه نوره ولاتخافين بندر يتروش ومب طالع بسرعه من الحمام روحي خذي شنطتك قبل لاتنزل نوره.
عهود:أوكيه بروح والله يستر.
عهود رقت الدرج وقلبها يخفق بسرعه ودخلت غرفه نوره وجلست تدور شنطتها فجأه شافت بندر من بعيد يغني قبال المرايه وهو يجفف شعره جلست تراقبه وتتأمل شكله وقلبها كان يخفق كثيرفجأه رن جوالها وكان المتصل خالد.
خالد:هلا عهوده كيفك حبيبتي تمام.
عهود:الحمدالله وش بغيت.
خالد:لابس ترا متنا جوع ياأختي قولي لأمي يحطون الغداء ولاترا بروح أتغدا بالمطعم.
عهود:ههههههههه إنشالله بس بطلبك طلب.
خالد:أمري وش بغيتي.
عهود:أبيك تقنع الشباب يودوننا للبر نبي نخيم فيه.
خالد:نعم وش قلتي أقول أنسي الموضوع.
عهود:خلودي حبيبي تكفى نبي نروح حنا والبنات ونوره بعدبتقول لأخوها يوديهم تكفى ودنا نروح للبر.
خالد:أف خلاص بشوف الشباب وش يقولون.
عهود:يعيش أخوي هههههههه.
خالد: مومن قلبك تقولين هالكلمه عالعموم عجلوا علينا بالغداء.
عهود:أوكيه بروح أصف السفره معهم.
خالد:يالله باي.






أستأذن بندرعشان ينزل تحت لأن الصاله مليانه حريم
بندروهونازل قال:يمه تامريني بشي أناماشي.
أم فهد:بسم الله عليك وأناأمك صاير تهبل يابخت اللي بتاخذك.
أم نايف:إيه والله وأناخالتك صايركنك معرس.
نوره: من شوي كنه طعس جربان والحين كأنه أميرصدق الترويش يلعب دور كبير في هذا التغيير.
أم فهد:تبخروأناأمك.
بندر:إنشالله.
البنات متغطين ويتهامسون مع بعض
ندى:أقول بنات ترا بندر محجوز لي.
غرام:لا أنااللي باخذه شكلي بتميلح قدامه وقدام أمه عشان تخطبني له.
نوف:اقول لايكثرأنتي وياها أنااللي بأخذه.
عهد: أذكروا الله فشلتونا لايسمعكم الحين ويقول أنكم ميتين عليه.
غرام:خليه يدري عشان ينقي أي وحده راح ياخذها.
مشاعل:واثقين أنتوا أنه بياخذكم.
ندى:ليه حنا وش فينا جمال ونسب وأخلاق ومال.
عهد:كل ذولي فيكم إلاشي واحد واللي هوالأخلاق.
ريم:أف ورى ماتسكتون خلونا نسمع وش يقولون.
شوق: ريم أبي حلاو.
ريم:أف ياأختي روحي ألعبي مع بدور في الحوش.
مشاعل:وش فيك ياريم على شوق.
ريم:ياأختي جننتني تسحب الطرحه مني لأنها تبي حلاو.
مشاعل:ماتنلام ترانا جعنا.
عهد:عهود وين سرحتي.
عهود: هاه لاولاشي.
بدوربنت نجود جت مسرعه لخالها بندر وقالت له:خالي تكفى ودنا للبقاله.
نجود: يابنت خلي خالك في حاله.
بدور:أناوشوق نبي حلاو.
بندر: من شوي أناشفت كيسه بالمطبخ مليانه حلويات وينها أكلها القط وأنحاش.
عهودضاقت لأن بندر كان يقصدها
فقالت بينها وبين نفسها:القط أنت صدق واحد مغرور.
نوره: لابس الكيسه مب لنا.
بندر: طيب ليه ماتاخذون منهاوتفكونا ماأعتقد أن صاحبها بياكلها كلها لحاله.
أم فهد:بندروأناأمك أبيك تودي البنيات وتمشيهم.
بندر: أنا مواعد الشباب العصر.
نوره: عهود كلمت أخوها خالد ووافق يوديهم عاد أنت خلك شهم ونبيل وودنا.
أم نايف:إيه وأناخالتك ودهم حرام عليك تكسربخاطرهم.
أنحرج بندرمن كلام خالته وقال لها:إنشالله.
نوره:إذا ماوديتنا بنروح مع السواق.
أم فهد: لاوش تروحون مع السواق والعيال وش كثرهم هنا لابتروحون مع بندر.
بندر:قال بينه وبين نفسه أنشب بيقعدون يقروشون راسي بطلباتهم كالعاده.
فجأه رن جوال بندر والمتصل كان أخوه بدرقال له أن أبوه معصب بالمره عليه ولازم يجي الحين,
بندر:خلاص أجل تامروني بشي قبل لاأطلع برا.
أم فهد:سلامتك وأناأمك.
بندر: نوره تعالي أبيك شوي برا.
نوره:وش تبي؟.
بندربهمس:تعالي ولاترا مافيه تمشيه.
نوره:لا....لالا خلاص بجي بجي بس أنت أطلع ترا البنات طفشوا منك لأنهم متغطين.
بندر:يالله فمان الله.
غرام بهمس:فمان الكريم ياقلبي.
مشاعل:أص فضحتينا لايسمعونك خواته وياخذون عنك فكره شينه.
غرام:من يشوف هالجمال ينسى نفسه ماشاءالله كأنه بنت سوريه.
عهد:أذكري الله.
قاطعتهم نجود: وش فيكم تتساسرون.
مشاعل:لاولاشي.
غرام:ياأختي أخلصوا علينا بالغداء متنا جوع.
نجود:ههههههههه الغداء جاهز بس الشغالات جالسين يصفون السفره.
أم فهد: قوموا يابنات صفوا السفره للرجال وعدلوها زين لأن الشغالات مايعرفون يصفون الأكل زين.
نوره: كل ذا الحوسه عشان صفقه تجاريه أجل لوأنها رابحه وش بتسوون عرس.
ريماس:لاتنسين أن الوزيرجاي معهم.
نوره: أزعجتونا بذا الوزير لاوالمصيبه مايمشي إلا ومعه موكب حرس.
نجود:قومي بس ولاترا مافيه تمشيه.
نوره :لاخلاص.
(في مجلس الرجال):
دخل بندروسلم على المعازيم والشباب يتريقون عليه.
أبوفهدمعصب على بندر ويوم شافه مسكه علا جمب وقال له بهمس:ليه تأخرت كل ذا عشان شويه ذبايح.
بندر:يبه الله يهديك أناطولت لأني نقيت لك أحسن الذبايح عشان أبيض وجهك عند جماعتك.
قاطعهم أبومحمد صديق أبوفهد وقال:ماشالله من ذا السنافي.
أبوفهد:هههههههه هذا ولدي بندر.
أبومحمد:ماشالله هواللي عنده أخوتوأم.
أبوفهد:إيه هذا بندر وذاك بدرأخوه.
أبومحمد:سبحان الله من شبههم ماتقدرتفرق بينهم.
أبوفهد:الشكوه لله.
بندرأستغل الموقف وأنحاش من أبوه وراح للشباب.
محمد:جاء الطعس أخيرآ.
بندر:سلام.
خالد: وعليكم السلام ,ياأخي متنا جوع ماصار غدا.
بندر:خلاص الغداء جاهز والحريم يصفونه بغرفه الطعام.
خالد:وش الغداء.
بندر:مفاطيح كالعاده وفيه لحم ولحم حاشي.
خالد: أخ بس ودي من يطب فوق الصحن ويقعد ياكل ألين يمتلي بطنه.
محمد:الله يشفيك قول أمين.
طلال:ياأخي لاتلومه الرجال ميت جوع.
بدر:ياأخي رح شوف السفره جاهزه ولا لا.
بندر:بروح أشوف كان البنات خلصوا من صف السفره.
مشعل:فاتك من شوي جاء ماجد.
بندر:ياكرهي لهذا الأدمي يالله قد أيش هوغثيث وش يبي جاي.
مشعل:جاء وسلم وبجخ كالعاده وراح.
بندر:الحمدالله أني ماشفته ولاكان ذبحته.
طلال:ليه وش سوا لك الرجال.
بندر: ماسوا لي شي بس أنه يفقع مرارتي إذا قام يتكلم عن نفسه بتبجيخ.
بدر:ماعليك منه.
بندر:بروح أشوف وش صار على الأكل يالله سلام.
(في صاله الطعام):
جهزوا الحريم السفره وطلعوا ماعدا عهود ونوره وميري
نوره: ميري هذا الصحن حطيه هناك وذا جيبيه هنا.
عهود:خلاص ياأختي كل شي جاهزخليها تروح تصف السفره حقتنا متنا جوع.
نوره: خلاص ميري روحي.
عهود: ياأختي مدري وش فيني متضايقه.
نوره:أناملاحظه عليك هذا الشي, بس أنتي وش فيك.
عهود:لاولاشي.
نوره:تدرين أخوي بندروش قال لي يوم طلعت معه.
عهودأرتبكت وقالت: لاهووش قال لك؟.
نوره: قال لي أنه بيجيب الفان الكبيروبيركبنا كلنا فيه وبيودينا العصرللبر.
عهود:يعني بنروح بسياره وحده.
نوره:إيه اللي بيسوق بندر وأخوك خالد بيركب جمبه عشانه محرم لكم, والشباب بيلحقوننا بالجمس كالعاده.
عهود: وأمي وأمك.
نوره:أمي ماتبي تروح تقول جلسه البيت أحسن وأمك تعبانه ونجود بتجلس معهم.
فجأه رن جوال نوره والمتصل كان بندرردت عليه وقالت: هلا بندوره .
بندر:إيه مب حب فيني تناديني بهالأسم .
نوره:أنت بندورتي حبيبي.
بندر:أقول يالمصلحجيه صفيتوا الغداء.
نوره: كل شي جاهزبس بروح أجيب البخوروبحطه عند الباب.
بندر:أوكيه أنابجي الحين أشيك على ترتيبكم قبل لايدخلون الرجال.
نوره:أوكيه باي.
بعد ماسكرت نوره السماعه راحت تركض تجيب البخور أماعهود طلعت ونست جوالها في غرفه الطعام
دخل بندر عشان يشيك على الأكل وشاف جوال عهود وأخذه معه ظن أنه جوال أخته نوره لاكن نوره جت مسرعه وعطته البخور وطلعت وبندربخرالمكان وتوه بيفتح باب الرجال جت نوره مسرعه وقالت:بندر ماشفت جوال طايح هنا.
بندرحب يستغبي: أي جوال.
نوره:يالله عهود نست جوالها هناوتبيني أدوره لها.
بندرمن سمع أسم عهود فز قلبه لاكنه حب يثقل شوي فقال:أي عهود.
نوره:بنت عمي أبونايف.
بندر:ماشفت شي أناشيكت على المكان ولاشفت شي على العموم أدخلي جوا لأني بفتح الباب للرجال.
نوره:أف وش ذا النشبه.
بندر:بسرعه تحركي.
نوره:أف هواش هواش هواش هواش كل يوم هواش خلاص فهمنا.
طلعت نوره من المكان وبندر طلع الجوال من جيبه وحطه صامت وقال: وش بتسوي بجوالها يابندر؟, ليه ماتكلمها وتصارحها باللي تحس فيه تجاههاولاأقول أنسى الموضوع .
بندردخل جوال عهود في جيبه وفتح الباب للرجال عشان يتغدون ودخلوا كلهم وتغدوا كلهم إلابندرلأنه كان يفكربالجوال اللي في جيبه وبصاحبته.
(في صاله الحريم):
الكل تغدا وجلسوا بالصاله يشربون شاي ونعناع
وعهودجالسه وهموم الدنيا كلها براسها وضايق صدرها لأنها ضيعت جوالها ودفتر تحضيرها.
نوره:عهود ليه ماتغديتي والله أن الأكل جنان.
عهودتنهدت وقالت:يأختيي لاتلوميني ضاع جوالي ودفترالتحضير حقي والمصيبه أن فيه صورتي.
نوره شهقت وقالت:الجوال طز فيه والدفترطزفيه أهم شي الصوره طيب أنتي ماشفتيه بالحوش يوم صقعتي في بندر.
عهود:تكفين لاتذكريني كلماتذكرت هذا الموقف ضاق صدري.
نوره: شكل بندر هواللي أخذ الدفتر.
عهود:تكفين لاتضيقين صدري زياده.
نوره:أنالاحظت عليه حاجات غريبه صاير يسرح كثير وغيركذا اليوم جلس يتكلم قدامكم بالصاله وأخذ راحته بعد بالكلام وهوالعاده يطلع بسرعه بدون مايتكلم غريبه وش اللي قلب حاله.
عهود:أف وش بسوي الحين.
نجود:عهود وش فيك ماتغديتي؟.
عهود:ولاشي بس ماأشتهيت.
أم فهد:نوره وأناأمك دقي على بندرشوفي كان الرجال تغدوا.
نوره:إنشالله.
نوره أتصلت على أخوها بندرومارد عليها وأتصلت على بدر ومارد عليها وأتصلت على أخوها محمد ورد عليها
وقال: هلا نواره وش بغيتي.
نوره: لابس حبيت أسألك سؤال, أطلعوا الرجال من صاله الطعام؟.
محمد: من زمان تغدوا وطلعوا وهم الحين يشربون شاي برا.
نوره: ماراح أحد منهم.
محمد: والله ماأدري بس الظاهرأنهم بيمشون مع اذان العصر.
نوره: بقا على الأذان خمس دقايق.
محمد: بروح أجلس معهم قبل لايأذن.
نوره: طيب وين بندر؟.
محمد: طلع من شوي.
نوره: وين راح.
محمد: مدري .
نوره: طيب ليه مايرد؟.
محمد: أقول مصختيهابأسألتك بروح أجلس مع الشباب يالله سلام.
نوره سكرت السماعه وهي معصبه
أم فهد: هاه وأناأمك تغدوا الرجال.
نوره:من زمان تغدوا والحين يشربون الشاي برا.
أم فهد: نجود وأناأمك قولي للخادمه تضف السفره اللي عقب الرجال.
نجود: إنشالله يمه.
(عند قسم الرجال):
جهه الشيبان:
أبوخالد:أكرمك الله ياأبوفهد والله كفيت ووفيت.
أبوفهد:ماعليك زود والله هذي الساعه المباركه اللي شفناكم فيها.
أبونايف: أقول ماودكم تقومون.
أبومهند:وش بلاك علينا يارجال استح على وجهك تبي تطرد الجماعه.
أبونايف: لاوالله بس كني سمعته يأذن العصر.
أبوفهد:إيه والله أذن العصريالله يارجال الصلاه أولى من السوالف.
أبونايف:يالله قوموا للصلاه.
جهه الشباب:
محمد:وش عندهم الشيبان قاموا كلهم مره وحده.
خالد: يمكن ملو من الجلوس.
طلال: لامااعتقد الظاهر اذن العصر.
فهد:قوموا ياشباب للصلاه.
مشعل: محمدالجماعه إذا صلوا بيرجعون لبيتكم.
محمد:لابيروحون كلهم مع الوالدعشان يتممون الصفقه حقه شركتهم مع التجار.
مشعل:ومتى بيرجعون؟.
محمد:يمكن الفجر لأنهم بيروحون للشركه وبيسوون إجتماع مغلق بينتهي الفجر كالعاده.
مشعل:يعني خلاص بنروح نطعس في البر.
محمد:أجل أيش نقعد مثل الحريم في البيت.
خالد:أقول لا تفلونها واجد.
محمد:ليه؟.
خالد:أمي وامك يامحمد احرجوا بندر وقالوا له يودي البنات للبر عشان يمشيهم فيه وأنتوا بتجون مع أخواتكم لأن بندر مومحرم لهم.
مشعل:خالد أنت محرم لخواتي وبماانك خالي سو خير ورح معهم.
خالد: على فكره عهود بتجي معنا.
مشعل: لاأجل بروح معكم.
طلال:بدر وين بندر؟.
بدر: والله مدري لاكن هوقال لي أنه بيجيب الفان الكبير.
محمد:شكله بيقش الكل فيه.
بدر:هوقال أن البنات بيركبون في الفان والشباب في الجمس.
طلال:والعجز بيجون.
بدر:ههههههههه لايقولون الجو بارد.
طلال:أقول ياشباب خلونا نروح مع بندر عشان محد يتهجم على بناتنا.
محمد:فله بتصير الطلعه شبابيه.
مشعل:شبابيه بس لازم كل واحد ينتبه على محارمه.
محمد:من تقصد؟.
مشعل:خواتك وخواتنا يادلخ.
فهد:يالله الصلاه يكفي سوالف.
محمد:ياأخي وش نسوي تحلا السوالف لاجاء وقت الصلاه.
متعب:أقول قم أقام المسجد اللي قبال البيت.
محمد:يالله ياشباب خلاص وقت مستقطع لأداء الصلاه ولنا عوده للسوالف.
بدر:يالله ياشباب قوموا.
طلال:خلاص قمنا بعد بتطردنا من بيتكم.
فهد:لا مب طاردك بس ينبهك للصلاه.
طلال: الله يهديه.
فهد:أمين.
(في سياره بندر):
بندرجالس في سيارته وهويهوجس في صوره عهود وقلبه يخفق بسرعه
حبها بدون مايحس بنفسه , حط جواله صامت وجلس يتأمل ملامح وجهها وهوهايم فيها,
وطلع جوال عهود من جيبه وشاف فيه أكثر من مكالمه لم يرد عليها وكان المتصل أخته نوره
ضاق صدره وقال بينه وبين نفسه المسكينه إلين الحين تدور جوالها.
قرريفتش بجوالها ويقرأ الرسايل اللي فيه ويشوف الأرقام اللي فيه ومالقى شي موزين ,
واتصل من جوالها على جواله وخزن رقمها عنده بأسم عبيد وخزن رقمه عندها بأسم نوره2 وكتب لها رساله بخط يده وحطها بجيبه
وهويغني أغنيه الله ماأكبر غلاك ينبض بحبك فؤادي من يشبهك ياملاك من يشبهك ياودادي انت بشر غير عادي فيك الجمال الرهيب رهيب والله رهيب.
وقال بينه وبين نفسه: لازم اتزوجها بأي طريقه قلبي حبهاغصب عني وان مارضت فيني فاني ماراح أتزوج أحد غيرها.






(في غرفه نوره):
البنات كلهم مجتمعين وعهود جالسه في زاويه ويدها على خدها ومحزنه ماتنلام ضاع جوالها ونوره كل شوي مطلعه لبس تجربه لأنها بتطلع للبر والبنات يتريقون عليها والضحكات واصله لأخرالطريق.
نوره:يالله يابنات خلونا نطلع كل وحده تتصل على أخوها عشان نروح للبر.
نجود:أنا ماأبي أروح الجو بارد برا.
مشاعل:حتى أناماابي أروح.
عهد:الحين من اللي يبي يروح؟.
نوره: أنا وعهود وندى وغرام وريم ونوف و..ااااا.ااااا... من بعد وانتي ياعهد.
عهد:لاوالله الجو بارد وماودي أروح.
نوره: عهود أنتي كلمتي أخوك خالد عشان يقنع العيال.
عهود تهوجس وماهي يمهم
نوره: ألووووو... عهود نحن هنا.
عهود: هاه وش بغيتي.
نوره: أقول كلمتي خالد عشان يقنع الشباب.
عهود بتنهيده: إيه وبتروحون العصر وماأظن أني بروح معكم.
نوره: نعم نعم نعم وش قلتي ماسمعت.
عهود: ماأظن أني بروح معكم.
نوره: كل ذا الحزن لأن جوالك ضاع.
عهد: عهود روحي وغيري جو لأن الجو يهبل برا.
عهود: مالي خلق.
نجود دخلت عليهم وقالت:يالله ألبسوا عباياتكم بندر جاب الفان ودخله بالحوش يالله عشان تروحون للبر.
نوره: أحنا جاهزين بس ننتظرعهود .
نجود: وش فيك ياعهود محزنه.
عهود: لا بس جوالي ضاع في صاله الطعام.
نجود:لاتضيقين صدرك وروحي معهم وانا برسم الخدمه راح أدوره لك.
عهود بإبتسامه: الله يعطيك العافيه بس أنا ماودي أروح.
عهد همست في أذن عهود وقالت: عهود أنتي مسويه شي غلط.
عهودبإرتباك:لا ماسويت شي.
عهدبهمس: من اليوم وأنتي مرتبكه وواضح عليك أنك مسويه جريمه.
عهود:ماسويت شي ليه ماتصدقيني.
عهد: ترا أمي وأم فهد وبناتها يقولون عهود فيها شي موطبيعي.
عهود: من جدك تتكلمين.
عهد:إيه وش تحسبين أقول قومي وألبسي عباتك لأنك بتروحين للبر.
عهود:ياأختي ماودي.
عهد: أقول بتروحين غصب عليك عشان مايتكلمون فيك بكلام موزين.
عهود:وش قصدك؟.
عهد: والله أنتي اللي جبتي الكلام لنفسك بتصرفاتك.
عهود: أناقلت لك أناماسويت شي غلط.
عهد: طيب ليه ماتغديتي؟.
عهود: ماكنت مشتهيه شي.
عهد: مب علينا هالحركات من جلستي وأنتي مرتبكه والكل ملاحظ هذا الشي, عشان كذا قومي وألبسي عباتك عشان ماتجيبين لنفسك الكلام اللي موزين وترا الناس مالهم إلا الظاهر.
عهود: يعني وش تبيني أسوي.
عهد: أضحكي وخلك مرحه كالعاده.
عهود: طيب طيب لاتغثيني خلاص بروح بس وين عباتي.
نجود:عهد عهود وش عندكم تتساسرون.
عهد: لاولاشي, يالله عهود ألبسي عباتك البنات أسبقوك تحت.
عهود: خلاص أناطالعه تبون شي.
عهد:لاسلامتك.
بعد ماطلعت عهود من غرفه البنات قالت نجود: سبحان الله من شوي محزنه وماتبي تروح والحين تضحك ونزلت تحت.
عهد توهقت وحبت تصرف نجود وقالت لها: أنتي تعرفين عهود زين هي مزاجيه تحزن دقيقه وبعد شوي تلاقينها تضحك.
نجود: لابس هذي مب عادتها.
عهد: ياأختي خلك منها وتعالي نسولف من زمان ماسولفنا مع بعض.
نجود:إيه وانتي الصادقه وش علينا منها أنا بروح أجيب القهوه والحلا عشان تحلا السوالف.
عهد: أوكيه.
(في صاله الحريم):
نزلت نوره مسرعه وهي تقول:بنروح للبر....هيه..... هيه بنروح للبر....هيه...... هيه .
أم فهد: بس خلاص يانوره صدع راسي من صراخك خلاص أسكتي ولا ترا مافيه روحه.
نوره أسرعت لأمها وحبت راسها وقالت: لا...لالا..لا خلاص يالغاليه أناأسفه ماقصدت بس لاتلوميني من الفرحه ماقدرت أمسك ألساني.
أم فهد:الله يهديك بس.
عهود أنزلت مسرعه وهي مبتسمه
غرام: شرفت الملكه أخيرآ.
عهود: ألين الحين ماركبتوا السياره .
ندى: لا ننتظرنوره صعبه نركب السياره ألحالنا وفيها بندر.
عهود: الحين خالدمعه بالسياره.
أم نايف: أقول يابنات أركبوا مافي السياره أحد.
نوره طلعت مسرعه وقالت بأسبقكم للسياره.
عهود:الكرسي اللي ورى محجوز لي نوره أحجزي لي الكرسي اللي ورى.
نوره: أوكيه باي.
أتصل خالد على ندى وردت عليه وقالت: هلا بعمي خالد وشلونك تمام.
خالد:الحمدالله , ياأختي وينكم مختفين عنا.
ندى: وش نسوي ياعمي أشغال.
خالد:عهود عندك.
ندى: هي جمبي تبيها؟.
خالد:عطينياها.
ندى: عهود عمي خالد يبيك.
عهود:هلا خالد وش بغيت؟.
خالد: يأختي وينك ليه ماتردين على جوالك؟.
عهودأرتبكت وقالت: كنت مشغوله شوي وماقدرت أرد وش كنت تبي.
خالد: يالله تراكم لطعتونا برا في البرد.
عهود: بالله عليك لطعناكم في البرد.
خالدبضيقه:إيه لطعتونا , الحين بندر دخل الفان بالحوش وطلع برا عشان يخليكم تركبون على راحتكم وأنتم بكل وقاحه تلطعونا برا نص ساعه بسرعه أركبوا ولا رحنا عنكم لأن الشباب أسبقونا بالجمس وأنا كنت بروح معهم بس المشكله أن بندر مب محرم لك ولا لبنات أخوك وخواتك .
عهود: طيب وش المطلوب.
خالد: أطلعوا بسرعه.
عهود: خلاص بنطلع يالله باي.
عهود سكرت السماعه وقالت: يابنات يالله ترا الحوش مافيه أحد بروح أركب السياره قبلكم يالله باي.
ندى وغرام وريم أركضوا وراها.
أم فهد:الله يهدي هالبنات أطلعوا يركضون ولا قالوا مع السلامه.
أم نايف: لاتواخذينهم يبون يمبسطون.
أم فهد: حتى بناتناالكبار الله يهديهم رقو فوق لغرفه نجود وقفلوا الباب عليهم وأتركونا ألحالنا.
أم نايف: هالجيل كلهم كذى ماعليك منهم .
أم فهد: الواحد مايقول غير الله يهديهم.
أم نايف: أمين.
توقعاتكم للبارت الجاي وهالمره انا جاده بكلامي إذا ماشفت ردود ماراح أكمل القصه

رجعت ببارت طويل أتمنى ينال إعجاب الجميع
(في الفان):
نوره: أف أزعجونا أركبو أركبو وألحين ركبنا وماجو.
غرام: خلاص أزعجتينا يانوره أسكتي صوتك مزعج , أقول وين نوف؟.
ندى: من شوي سألتها إذا هي بتروح .
نوره: وش قالت لك بتجي ولا لا.
نوف أركبت وقالت:يالخاينات ليه ماقلتوا لي أنكم طلعتو.
ندى: بسم الله الرحمن الرحيم , أنتي ماقلتي لي من شوي أنك مورايحه معنا.
نوف: غيرت رأيي فيها شي.
ندى:لا مافيها شي.
عهود:أف أتصلوا على خالد خلاص الكل ركب.
نوف: نبي نلحق على الدبابات.
نوره: بدق على بندر عشان يجي يودينا.
غرام: دقي بسرعه.
(في الجمس):
الشباب مهسترين باالمره ضحك وأغاني ورقص وهبال وسعه صدر
بدر: محمد قصر على صوت الأغاني السماعات بتنفجر.
محمد: كذا أحسن ياخي فلها وربك يحلها.
طلال: أقول وين الفصفص.
مشاري: ابلعه محمد كله.
طلال: الله يغثه كل ماجبنا شي بلعه قبلنا.
مشعل: والله ودي اقوم وأتوطا في بطنه.
محمد: أقول ماشفتوا زمزميه الكابتشينو.
عبدالعزيز: ياأخي أرحم بطنك.
مشاري: خلوه يبلع بعد شوي بيتوهق .
طلال: إيه صح هههههههاي وبيروح فيها.
فيصل:هههههههاي أقول محمد لاتكثر شرب السوائل ترا بتتوهق.
محمد: والله أراضي الله واسعه .
سعود: أقول يمدحون قاروره مويه الصحه ههههههههاي.
محمد:أقول لايكثر.
فيصل: مشاري وقف عند المحطه.
مشاري: وش تبي.
محمد: إيه يارجال وقف أبي أروح للحمام.
مشاري: محمد أنت من شوي تقول أراضي الله واسعه وش غير كلامك.
محمد:أقول وقف ولايكثر ترا بسويها هنا.
طلال: لا الله يرحم أمك لاتسويها هنا حنا ناقصين يكفي ريحه الحب والفصفص.
فيصل:يالله وقف يامشاري أبي البقاله.
يوم وقف مشاري عند المحطه أخذ محمد علبه المنديل وركض للحمام والشباب أركضو وراه ماعدا مشاري وطلال.
مشاري: ياشباب فشلتونا قدام الناس الله يفشلكم.
طلال: ياأخي لاتلومهم الحسره شينه.
مشاري: أناعارف أنها شينه بس تبي الصراحه ههههههههاي ذكروني ببرنامج أفتح ياسمسم.
طلال:هههههههههاي إيه والله أنت شفت كيف تطامروا وراء بعض كنهم بزران.
جاء محمد وركب السياره وقال: أه صدق من سمى الحمام بيت الراحه, صدق والله أنه بيت الراحه فعلآ.
مشاري: أقول وين الشباب؟.
محمد: راحوا للبقاله بروح معهم بشتري لي حب وحلويات.
طلال:أقول أحسب أحسابي معك.
مشاري: وأنابعد.
محمد: خلاص خلاص أزعجتوني.
طلال: الله يعين اللي بتاخذك.
محمد: إلايابختها, أقول بروح للبقاله يالله سلام.
(عندبيت أبوفهد):
بندروخالد ملطوعين عند باب الشارع ومعصبين على البنات
خالد: صدق البنات قلق.
بندر: توك تدري يبيلهم ساعتين عشان يجهزون.
خالد:ياليتني رحت مع الشباب.
بندر: لا والله تبيني أبلش بهم الحالي وبعدين لاتنسى أن كل اللي بيروحون من محارمك أماأنا اللي بيروح من خواتي نوره وبس وأماالبقيه هم خواتك وبنات خواتك وبنات أخوك يعني المغثه جايتك رضيت أم أبيت.
خالد: أف الله يعين بس.
فجأه رن جوال بندر والمتصل أخته نوره رد عليها وقال: هاه يالمصلحجيه ركبتوا.
نوره: احترم ألفاضك.
بندر:أقول أخلصي علينا ركبتوا كلكم.
نوره:إيه كلنا ركبنا.
بندر: معكم الشاي والقهوه والحلا .
نوره: معنا كل شي.
بندر: حتى الكيس المليان حلويات.
نوره: هومعنا لاكنه مب لنالعهود.
بندر: أها...... طيب هي مومذوقتنا منه.
نوره: لا أقول أخلص علينا ملينا وحنا ننتظر.
بندر: يالله باي.
خالد : هاه بشر أركبوا كلهم.
بندر: إيه.
خالد: وأخيرآ يالله فم يارجال وورنا شطارتك بالسواقه.
بندر: خالد أبيك تسوق الفان.
خالد: ليه.
بندر: لاتنسى أني دايخ وراسي مصدع.
خالد: ليه عسى ماشرياخوي وش بلاك.
بندر: لابس تعبت من الدوران بالسياره وبعدين لاتنسى أني مفتر ساعتين في سوق الغنم.
خالد: أوكيه أجل انا اللي بسوق وأمري لله , أجل خلنا ندخل عشان أطلع الفان من الحوش.
بندر: لا أنت أدخل وطلع الفان وأنابنتظرك هنا.
خالد: أوكيه كيفك أنت الخسران يالله سلام.
(في الفان):
نوره: أف يقول جينا ولا جو.
عهود: منهو.
نوره: بندرمن غيره يعني.
ندى:بدق على عمي خالد.
عهود: لاتتعبين نفسك هذا هوشرف.
خالد: هلا صبايا كيفكم.
ندى: بخير بس ننتظركم.
خالد: أوه ريم ونوف بيروحون معنا.
ريم أستحت وغرام قالت: ياخالي عجل علينا.
خالد: وش عندها المسترجله.
غرام: ورانا تتطعيس وفلات.
خالد: أقول ريحي لاأحوسك.
غرام:جرب بس أنااللي بحوسك.
خالد:ههههههه جربي ترا تندمين.
نوف:أقول ياخالد يالله ودنا ترانا مبسوطين بالحيل.
حالد:هههههههاي إيه ماألومك و من قدق فاز الهلال أمس.
عهود: خالد ترا معنا نوره أخت بندر.
خالد طاح وجهه ظن أن اللي بالسياره بس بنات أخته وأخته وبنات أخوه مادرى أن نوره معهم فجأه رن جواله والمتصل بندر رد عليه وقال:هلا أناالحين طالع جيتك يالله سلام.
طلع خالد السياره وركب بندروقال: سلام.
خالد:هلا.
بندر: كيفكم يابنات.
الكل:تمام.
خالد: بندر أفتح درج السياره.
بندر: تصدق عاد ضاع مفتاحه.
خالد بهمس: بكيفه المهم وين بنروح حنا.
بندربهمس:والله مدري بس تصدق أن بر الشمال زين وش رايك نروح للعماريه ولاالدرعيه ولاالعيينه ولا رماح .
خالد: لايارجال بس وش رايك نروح للثمامه.
بندر: لا لا كلها شباب.
خالد:ياأخي البنات يبون دبابات.
بندر:أسأل وحده منهم ولا أقولك دق عليهم.
خالد أتصل على ندى وقال لها:عطيني عهود.
بندرفز قلبه وطالع المرايه يبي يعرف عهود في أي مقعد جالسه ولما عرف وين جالسه هي جلس يطالعها وهي ماتدري.
خالد:هاه عهود وين تبونا نروح.
عهود:لحظه خلني أفكرأمممممممم.... أقول بنات وين بنروح.
ندى بهمس: نبي الثمامه.
نوره بهمس: إيه قولي له الثمامه.
عهود:أوكيه بقول له, خالد الكل يبي الثمامه.
خالد:عاد بندر يقول أن الثمامه كلها شباب.
عهود:حنا نبي الثمامه ماعلينا من بندر.
خالد: خلاص سكري صرفتي علي.
بندربهمس:هاه وش قالولك؟.
خالد:يبون الثمامه.
بندر:يااخي كلها شباب وراك أنت, ماتغار على محارمك.
خالد:إلا أغاربس ماسكه بروسهم يبون دبابات وثمامه.
بندر:دق على الشباب شف وين راحو؟.
خالد:طيب وأمري لله.
البنات يتتساسرون لأنهم مايبون بندر وخالد يسمعون سوالفهم,
نوره: هاه بنروح للثمامه.
عهود: ماأعتقد.
نوره شهقت وقالت: ليه؟.
عهود: البركه في أخوك بندر.
نوره: ليه وش فيه؟.
عهود: حظرته رافض والسبب أن الثمامه كلها شباب.
نوره: عاد بندر إذا قال شي يسويه.
غرام: مب على كيفه بتصل على عمي سعود يقنعه.
نوره: لا لابدق على أخوي بدرهوالوحيد اللي يقدر يقنعه .
غرام: لاماأعتقد.
نوره: نسيتوا أنه أخوه التوأم والتوائم يفهمون بعض ويقدرون يقنعون بعض.
نوف: دقي عليه وش تنتظرين.
نوره أتصلت على بدرورد عليها مشاري أخونوف
قالت: هلابدر وينكم فيه حنا نبي نروح للثمامه وبندرعيا ألوه وش فيك ماترد.
مشاري: أااااا....أنامشاري تبين بدر لحظه شوي.
عهود: نوره وش فيك؟.
بدر: ألو مين.
نوره: هلا بدوري هلابحبيبي.
بدر: هاه يالمصلحجيه وش بغيتي؟.
نوره: حنا البنات نبي نروح للثمامه.
بدر: أيوه.
نوره: وبندر رافض يودينا للثمامه بحجه أنها مليانه شباب.
بدر: أها.
نوره: عاد أتفقنا حنا البنات نتصل عليك.
بدر: اخلصي وش المطلوب؟.
نوره:المطلوب نبيك تقنعه.
بدر: ماعلي منكم أنتوا أقنعوه أناالحين أسوق الجمس وماأقدر أركز وأنااسوق يالله سلام يامصلحجيه.
نوره: طيب حنا....ألوه ألوه, أبن اللذين سكر السماعه في وجهي.
عهود:ندى عطيني جوالك.
ندى:ليه؟.
عهود: بكلم خالد.
أتصلت عهود على خالد وخالدماأنتبه لجواله
قال له بندر:خالد جوالك يرن.
خالد:وش أسوي البنات طفشوني ياأخوي.
بندر:اقول رد ولاتهتم.
خالدرد على عهود وقالت له:خالد تكفى أقنع ولدعمك يوديناللثمامه.
خالد:أنتي عارفه بندرإذا قال شي يسويه.
عهود:تكفى أقنعه.
خالد:لحظه شوي, هاه بندروش قلت.
بندر:لا مستحيل ياأخوي الثمامه كلها شباب وهم بنات صعبه ياخالد لاتحاول.
خالد:عهود سمعتي وش قال.
بندرفز قلبه يوم سمع أسم عهود.
عهود:تكفا ياخالد اقنعه.
خالد:أقنعيه بنفسك.
خالدنطل جواله على بندر وقال:خذ غثوني كلمهم بنفسك وفهمهم اناطفشت من هالمسأله ياليتني رحت مع الشباب.
بندر: وش أسوي به.
خالد:روسهم يابسه ومايقتنعون وأنت تقدر تقنعهم .
بندر:ألو.
عهودأرتاعت وسكرت السماعه في وجهه.
خالد:يااخوي تكلم.
بندر:أنقطع الخط.
أتصلت عهودعلى خالد مره ثانيه بجوال ندى وقال لبندر:من المتصل.
بندر:مكتوب ندى .
خالد:يااخي رد عليها والله أنقرفت من هذي التمشيه.
رد بندر وقبل مايقول ألوقالت عهود:ألوه الحين انامليون مره قلت لك لاتسفهني, ياأخي حرام عليك والله أني متلهفه لهذي التمشيه ونفسي من زمان أروح للثمامه وأركب دباب ياأخي ماتحس ماعندك ضمير اناأختك عهودتك حبيبتك ليه تحرمنا من شي نبيه لأن ولدعمك رفض يخليك تودينا للثمامه ليه تحرمونا من شي نتمناه من زمان والله أنك قهرتني أنت وولد عمك .
بندرلزم الصمت وعهود ضايقه وتتكلم وهي معصبه ومن القهراللي فيها بكت في السماعه ويوم بكت ضاق صدره وبدون شعور بندر نسى نفسه وقال لهابصوت خافت:أناأسف ماكان قصدي أزعلك.
عهود أرتاعت يوم سمعت صوت بندروقفلت بوجهه السماعه.
خالد:وش قالوا لك البنات , ومن اللي كلمتك.
بندر تنهد وقال: اللي دقت يوم سمعت صوتي رمت الجوال على أختي نوره .
خالد: وش قالت لك أختك.
بندربضيقه: تبي الصراحه.
خالد:الزبده ياأخوي.
بندر:خلاص بكيفك تبي توديهم الثمامه ودهم أصلآ من زمان ماركبنا الدبابات.
خالد:غريبه وش اللي غيررأيك.
بندرحب يصرف الموضوع وقال:بصراحه أنا مواعد نوره اوديها للثمامه وهي ذكرتني بوعدي لها.
خالد:متى وعدتها.
بندربضيقه:أف ياخالد خلني بحالي تراك طفشتني بأسألتك,أقول دق على بدر شف وينهم فيه.
خالد:ياأخي ليه معبس وجهك ومعصب أضحك شوي لوعلى شاني.
بندرلزم الصمت ومارد على خالد وحس بتأنيب الضميروقال بينه وبين نفسه:ياليتني مافرضت رايي عليهم, ياألله ياليتني ماضيقت صدرهاأف وش السوات الحين شكلها خذت عني فكره شينه.
قطع تفكيره صوت رنين جواله والمتصل بدرأخوه .
بندر: هلابدر وش تبي.
بدر:بندرفيك شي.
بندر بضيقه: أخلص وش بغيت.
بدر:بندراناأخوك اعرفك زين أنت حاس بضيقه صدر.
بندر: أف مافيني شي وراك انت.
بدر: ماتقدرتخبي عني حزنك لاتنسى أنك اخوي التوأم.
بندر:أف والله ماني رايق لك , أقول خذ كلم خالد.
خالد:وراك ياخي نطلت جوالك بوجهي بغيت أصدم بالسياره اللي قبالنا.
بندر:اقول كلم بدر شف وش يبي.
خالد: هلابدر وينكم مالكم حس وبعدين وش ذا الإزعاج اللي عندك.
بدر: حنا بالثمامه وينكم.
خالد:قريبين منكم.
بدر:يالله سلام.
البنات يتساسرون مع بعض
ندى:عهود ليه بكيتي وأنتي تكلمين خالد.
غرام:ياأختي لاتلومينها من القهراللي فيها بكت.
عهود:أقول قفلوا على الموضوع.
بندررسل رساله لأخته نوره كتب فيها بنوديكم للثمامه بس لاتغثونا.
البنات من الفرحه أصرخوا ماعدا عهود ضاق صدرها لأن بندر قهرها.
وبعد عناء وصبرطويل وصلوا للثمامه والكل نزل لاكن بندر مانزل لأن صدره ضايق,
أماعهود جلست ورا ومادرت أن بندر في السياره, نوره جت مسرعه وقالت: عهود ليه مانزلتي الكل نزل إلا إنتي.
بندريوم شاف نوره جت نزل تحت المرتبه اللي قدام يبي يسمع كلام عهود.
عهود:الحين مافيه أحدبالسياره؟.
نوره:لا بس أنتي وش فيك ضايقه؟.
عهود:ياأختي أنامقهوره.
نوره:ليه مقهوره وش صاير؟.
عهود: العاده الإربعاء أحلى الأيام عندي إلاهالإربعاء كل المصايب جتني فيه.
نوره: وش صايرلك انتي.
عهود:أولآ صقعت في أخوك في الحوش الظهر وهزئني وغيركذا توسخت عباتي وثانيآضاع جوالي والقهرأن أرقام صديقاتي فيه وثالثآوهو اكبر قهرضاع دفترالتحضيرحق الجامعه والمصيبه أن فيه صورتي , كيف تبيني أستانس وكل هالأمور صارت لي.
بكت عهود وشالت الطرحه عن وجههاونوره ضمتها أمابندريطالعها من ورا المرتبه وهومقهورمن نفسه ,
جت غرام تركض وتقول: نوره تعالي بسرعه هناك فيه حصان كبير.
نوره صرخت وقالت:عهود أمسحي دموعك وتعالي موحلوه تقعدين ألحالك باالسياره , لاتجيبين لنفسك الشبهه يالله أنابأسبقك أمسحي دموعك وتعالي, يابنات لحظه أنا جايه.
راحت نوره وسكرت باب الفان وعهود تبكي وتحاول توقف دموعها ماقدرت أمابندر ماتحمل يشوفها بهذا المنظر طلع من تحت المرتبه اللي قدام وهومنزل راسه ويطالع بالأرض قال:عهودأمسحي دموعك ماأقدرأتحمل أشوفك وأنتي تبكين,أناأسف لأني سببت لك الحزن سامحيني, عهود لاتنزلين من السياره بعدي على طول عشان ماتجيبين لنفسك الشبهه يالله في أمان الله.
ونزل من السياره وهومنزل راسه وراح يجلس مع الشباب.
أماعهود قالت:أف ياربيه حتى هنا طالع لي.
نزلت عهود من السياره بعد نص ساعه من نزول بندر.






الشباب كلهم راحو يركبون دبابات وبندر جلس على الرمل وهومتضايق من نفسه ولماحس أن الجو برد قام شب حطب وجاء محمد مسرع بالدباب وفاتح فمه ومن الوناسه يضحك بصوت عالي وغبر على بندر لاكن بندر ماأهتم منه.
جلس بندربينه وبين نفسه ويفكرفي حالته ويفكربنفسه وهويطالع هبال الشباب وهم يتسابقون بالدبابات ويسأل نفسه ليه ماتضحك مثلهم ليه تحس بهم وضيقه صدر وليه إذا سمعت أسمها قلبي يفزلها ويخفق بسرعه معقوله تكون يابندرطحت في حبها.
فجأه قطع تفكيره صوت صراخ البنات وراح لهم وهويركض عشان يعرف وش السالفه.

بندر:نوره وش صاير؟.
نوره وهي تبكي: عهود أغمي عليها والمشكله أن وجهها مزرق لونه وهي الحين ماتتحرك أخاف أتكون ماتت.
بندرأرتجف جسمه وتلعثم وشال عهود وقام يركض بها للسياره ونادى الشباب عشان يحملون الأغراض وأركبوالبنات معه وراحو لأقرب مستشفى وهم في قسم الطوارىء مرتبكين ينتظرون الدكتور عشان يبشرهم عن حاله عهود
ويوم طلع الدكتورراح له بندروسأله عن حالتها.
بندر: كيف حالها يادكتور.
الدكتور:الحمدلله أننالحقنا عليها.
بندر:ليه وش صاير؟.
الدكتور: والله هي تعاني من أنيمياحاده والظاهرأنها ماذاقت شي وطلعت في جو بارد وجسمها ماأستطاع تحمل البرد وهذا الأمر أدى إلى إرتفاع حرارتها .
بندر:لاحول ولاقوه إلابالله طيب وش السواه يادكتور.
الدكتور:أنت خلهااليوم عندنا وانشاء الله إذا تحسنت حالها كتبنالها خروج.
نوره:بندر وش نقول لأمهاإذا رحناللبيت.
بندر: واحد من أخوانهابيعلمها, لأنهاكبيره باالسن وفيهاضغط وصعبه نفاجئها باللي صار.
نوره: طيب يابندر......
بندربضيقه: خلاص قفلي على الموضوع.
نوره: بس حنا....
بندر: خلاص ماتفهمين قولي للبنات يركبون السياره وأنتي أركبي معهم.
نوره: طيب فهمنا بس لاتنافخ.
جاء خالد وعيال أخواته وأخوه والشباب جوكلهم مسرعين.
خالد:بندر وش فيهاعهود.
فيصل:ياخي وش فيها عمتي.
مشاري:تكلم يابندر لاتفقع مرارتي خالتي عهود فيهاشي؟.
طلال بضيقه:تكلم ياخوي.
بندر: لابس يقول الدكتور أن فيها أنيميا حاده ومع الجوالبارد أرتفعت حرارتها.
مشعل:مافيه خطرعلى حياتها.
بندر: لا.
بدر: طيب ليه أنت متضايق؟.
محمد:لهاالدرجه يهمك أمرعهود.
بندرتوهق وحب يصرف الموضوع فقال لهم: ياأخي لاتنسى اني مانمت من الصباح واليوم مفتر4ساعات بسوق الغنم وتروشت والعصررحنا للثمامهوالحين ابتلشنابذا المصيبه وتبيني أبتسم وانا دايخ.
مشاري:ياشباب أذن العشاء خلونا نروح نصلي وواحد منكم يودي البنات للبيت.
مشعل:والله السياره من دون خالتي عهود ممله فأعذروني ياشباب ماراح أوديهم.
مشاري:أقول ياشباب اللي جابهم يوديهم.
خالد:أنا بجلس بالمستشفى إلين أطمن على حالتها.
بندر:أجل بجلس معك.
الشباب والبنات لاحظو أن بندر مهتم لأمر عهود ولمالاحظ أن نظراتهم كلها عليه حب يصرف الموضوع وقال:كنت بجلس عشان أسليك بس تبون الصراحه بروح أودي البنات لأني طافي بالحيل ودايخ بس ياليت يجي معي سعود.
سعود:ليه؟.
بندر:لأنك محرم لبنات أخوك وبنات خواتك يالله أنابسبقكم للسياره.
بدرهمس في أذن محمد وقال:غريبه...... أخوك اليوم فيه شي غيرطبيعي.
محمد: لا شكل اللي فيه بسبب تأثير ريحه الغنم.
بدر: لايامحمد أناأعرف وش في بندر.
محمد:وكيف عرفت وش فيه؟.
بدر:أولآ لاتنسى أني أخوه التوئم ثانيآأن أناوياه تكوننا من بويضه وحده وثالثآتفكيرنا واحاسيسنا وحده وقلبي وقلبه متشابهين
وأي شي يحس فيه بندر أناأحس به وهذا الإحساس جاي لنا من الله.
محمد:الزبده خلصناالرجال راح وانت تتفلسف.
فيصل: بدرأبسألك سؤال.
بدر:تفضل أسأل.
فيصل:الحين هذا الإحساس وشلون يصير.
بدر:إذا جاءمرض لبندربعد يوم أويومين أويمكن في نفس اليوم أمرض نفس المرض اللي هوجاه وأنابعيد عنه.
فيصل:يعني حتى في الحب, طيب إذا أنت حبيت وحده بندريحبها في نفس الوقت وهومايدري.
بدر:إيه.
فيصل: معقوله بدر أنت تتكلم جد.
بدر:وانت شايفني ألعب عليك.
محمد:طيب ليه ماتقولنا بندر وش فيه اليوم هوموعلى عادته.
بدريعرف أخوه وش فيه لاكن حب يصرف الموضوع وقال: مثل ماقلت يامحمد بسبب تأثير ريحه الغنم صارت حالته كذى.
فيصل:بدر أنت تتكلم جد فيمايتعلق بالأحاسيس شكلك تستهبل.
بدر:هذا الشي مايصير إلاللتوائم سوائآ كانومتشابهين أو لا.
فيصل:كلامك مايخش العقل.
بدر: خلاص اجل بجيب لك كتاب متخصص في هذا المجال وبتعرف أشياء تخوف وغير طبيعيه عن التوائم.
فيصل:ماراح أقتنع إلا لما أشوف الكتاب بنفسي.
فجأه رن جوال مشعل والمتصل وافي ورد عليه وقال:هلا وافي كيفك تمام.
وافي: الحمدالله وأنت عساك بخير.
مشعل:الحمدالله بخير.
وافي:دق علي عمي سعود ويقول أن عمتي عهود بالمستشفى عسى مافيها شيآ شين.
مشعل:لا بس أنيمياحاده وحرارتها مرتفعه.
وافي: إيه الله يشفيها.
مشعل:وافي حنا متوهقين .
وافي:ليه وش صاير.
مشعل:ياخي حناماندري وشلون نعلم جدتي والمشكله ان جدتي تعبانه مثل ماأنت عارف وحناماندري كيف نعلمها.
وافي:انا بتصل عليها وبقول لهابطريقتي.
مشعل:الله يعطيك العافيه وماقصرت.
وافي:انتوا خلكم طبيعيين وروحوللبيت اواطلعوا مع اخوياكم وخلوا الموضوع علي اليوم أربعاء فلوها وانبسطوا ترى الأنيمياء والحراره مب اول مره تجي عهود.
مشعل:خالد بيجلس معها.
وافي:اساسآ جلوسه ماراح يغير شي أقول بس أطلعوا من المستشفى وروحوا مع أخوياكم وبكره الصبح بيكتب لها الدكتور خروج.
مشعل:طيب خالد يبي يجلس.
وافي:بكيفه بس انتوا اطلعوا من المستشفى ترى مالها داعي وقفتكم في الطوارىء وخالد الدكتور بيقنعه يروح للبيت.
مشعل:أوكيه الله يعطيك العافيه ياحبيبي.
وافي:الله يعافيك يالله تامرني بشي.
مشعل: سلامتك.
وافي:يالله في أمان الله.
مشعل: مع السلامه.






(في الفان):
بندريسوق وهوفي حاله صمت ويقول بينه وبين نفسه:أنت السبب في اللي صار لها ليه سويت كذى يابندرليه سويت كذى والله البنت ماتستاهل ياحياتي والله ماتستاهلين اللي صارلك ياليته فيني ولافيك أه بس.
سعوديطالع بندر بنظره تعجب فحب يستهبل عليه وقال:الحلو ليه ساكت وزعلان.
بندرطنشه ولارد عليه.
سعود:أقول بندروش فيك.
بندرمازال لازم الصمت وسعود يحاول يكلمه يبيه يتكلم ولاتكلم , وبعد محاولات عديده فاشله لزم سعود الصمت واستسلم.
البنات يتساسرون مع بعض كالعاده,
غرام:يابنات أقص يدي كلها أن كان بندرمافيه شي.
ندى:أساسآ واضح عليه ان فيه شي غير طبيعي.
نوف: هومرهق لاتلومونه.
غرام:لاشكله يحب عهود.
ندى:لاماأعتقد.
نوره لزمت الصمت وهي تطالع بندرمن بعيد وهي تقول بينها وبين نفسها: أول مره أشوفك ياخوي بهالحاله شكلك فعلآ يوحي بأنك تحب عهود معقوله يانوره أخوك يحب عهود؟...لا لا لاتظلمينه يمكن هو متضايق من شي ثاني...بس هويوم شاف عهود مغمى عليها أرتاع روعه شينه وشالهاوركبهابالسياره وهوخايف عليها....أساسآ عهود دايم تجيهاالحراره والأنيميا وتتنوم بالمستشفى ولايهتم لاكن هالمره غيرشكله حبها.
قطع تفكيرها صوت غرام وهي تقول:نوره وش فيك سرحتي ساعه أكلمك ولاأنتي يمي.
نوره: وش بغيتي مني.
ندى:كنا نتناقش في موضوع أخوك بندر.
ريم:خلاص يابنات حكمتوا على بندروعهود بشي ماأقترفوه يمكن يكون بندر تعبان ودايخ ماتدرون بالظروف صح ولاأناغلطانه.
غرام: أخيرآ تكلمت الدلوعه.
ريم: غرام خلاص أنتي موطفله أسلوب الدفاشه هذا خلاص أنسيه.
غرام:خلك بأفلامك الهنديه أحسن لك ياريم.
ريم:الحمدلله اللي عافاني ممابلاك.
ندى:أقول تتوقعون أن بندريحب عهود يابنات شوفوا شكله حاط يده على خده ومتسندعلى الباب شكله يهوجس.
ريم:بصراحه أنادايم أشوف أفلام هنديه وإذا حب البطل البطله وصارمهيوم فيهاوفجأه أمرضت حبيبته تطلع في عيونه نظره تدل على أنه يحب حبيبته وضايق صدره عليها وهذي النظره أناأشوفها الحين في عيون بندر.
نوف:قصدك لمعان العين وكأن فيها دموع والسرحان.
ريم: إيه.
غرام:من قدك ياعهود فيه أحد يحبك.
نوره حبت تصرف الموضوع فقالت:لاحب ولاهم يحزنون بندراليوم مفتربسوق الغنم 4ساعات وراح للجامعه وهومواصل وهوالحين دايخ ويبي ينام لأنه مرهق أناأعرف أخوي زين إذا صار مرهق تصير ملامحه كذى.
نوف:إيه صادقه نوره ترى حرام كذا نتهمهم وهم ماسوو شي.
نوره:خلاص قفلوا على الموضوع وفكروا كيف نتصرف مع أهلنا إذا اسألونا عن عهود.
(في الجمس):
الكل ضايق صدره على عهود إلامحمد وبدر يسولفون.
محمدبإستهبال:الحين ذي مالقت إلاهاليوم تمرض فيه.
مشعل:محمدلايكثرماأرضى أنك تتكلم على خالتي.
محمد:ياأخي لاتلومني كنا مبسوطين نطعس ونتسابق ونستهبل ومستانسين مره وفجأه سمعنا بندرينادينا والبنات يصارخون ياأخي وش تبيني أسوي أصيح وأحزن الحين يوم جاهاأنيميا حاده وإرتفاع حراره حزنو عليها أجل إذا ماتت وش بيسون بينيحون ويشققون ثيابهم.
مشعل:محمدأسكت مادام النفس عليك طيبه.
مشاري:لاتفقع مرارتي بدلاختك يامحمد.
عبدالعزيز:لاتتفاول على عمتي لاأقوم أتوطى بطنك هنا.
محمد:وش تبوني أسوي تبوني أصيح وأحزن معكم يعني.
بدر: لابس راعي شعورهم وحاول تونسهم.
محمد:لا شايفني مهرج ولاشايفني واحد مهبول.
فجأه دق خالد على طلال ورد عليه وقال: هلاخالد طمني على عهود عساها بخير.
خالد:أنخفضت حرارتها وسيطروا على الوضع .
طلال أبتسم وقال: بيطلعونهااليوم.
خالد:الدكتوركتب لها خروج لاكنه يقول الأفضل أنهاتنام اليوم بالمستشفى وبكره بيكتبون لها خروج.
طلال ضحك وقال:الله يبشرك بالخير طيب أنت الحين وينك؟.
خالد:دق على ناصرويقول ان الشباب مخيمين بالبروبينامون فيه إربعاء وخميس وقال لازم تجون كلكم.
طلال:طيب هم وين حطوا المخيم.
خالد: تعالوا مروني في المستشفى وأنابسوق هووصف لي المكان يالله سلام.
طلال:سلام.
مشاري: هاه بشركيف صارت الحين؟.
طلال: حرارتها أنخفضت وحطوا لها مغذي وبكره الصباح بتطلع من المستشفى.
محمد:شفتوا مافيها شي مكبرين السالفه ليه.
فيصل:محمدممكن تكرمنا بسكوتك.
طلال:وعلى فكره ترا ناصردق على خالد وقال أن الشباب مخيمين في البروبما أن العزبه معنا خلونا نروح لهم لأنهم بنامون يومين في المخيم.
مشاري: طيب وين فيه المخيم.
طلال:خالد يدله .
مشعل:ووين خالد الحين بالمستشفى.
طلال:إيه صح ذكرتني أقول بدرأرجع للمستشفى عشان نمرخالد.
بدر:ليه.
طلال:بنطلع للمخيم مع الشباب.
محمد:ياسلام عليك هذا الكلام المضبوط.
طلال:ياشباب اللي مايبي يروح معنا ينزل من الجمس وياخذ له تكسي.
مشاري:كلكم بتروحون للبر.
الكل:إيه.
بدر:بتصل على سعود وبندر وبنمرهم.
أتصل بدرعلى سعودوقاله عن المخيم ووافق يروح وبندررفض يروح لاكن عشان مايجيب لنفسه الشبهه وافق يروح معهم.
(في بيت أبوفهد):
كل الحريم في الصاله يسولفون مع بعض وأصواتهم عاليه وكل شوي يضحكون بصوت عالي.
أم مشعل: حمولتي غثوني من كثر جياتهم.
مشاعل:إيه والله ياجدتي غثونا والمصيبه أن عماتي شايفين انفسهم على أمي وهم ولاشي.
أم نايف:أعرس ولدهم ماجد.
أم مشعل:إلين الحين وهم يدورون له عروس.
أم فهد:مب انتي تقولين أنه خطب وبيتملك.
مشاعل: خطب وحده وماأرتاح لها واكتشف أنها طمعانه بحلاله ورفض يتزوجها.
أم مشعل:والله وش نسوي له خطبنا له تسع بنات وكلهم جميلات وبنات عز لاكنه مايبيهم.
أم نايف:طيب ليه ماتخطبون له من عائله(......) هم مثل مستواه عز ومال وأخلاق وبناتهم متدينات وجميلات.
أم وافي بمزح:طيب ماينفع له وحده من بناتي هههههههههه.
أم مشعل:هههههههه بناتك بزران بالنسبه له الرجال عمره25سنه ويبي وحده عمرهابالعشرين ويفضل أنهاتكون مقاربه له بالسن ويبيهامتدينه وأخلاقها عاليه واهم شي تكون دلوعه موت وجميله وبيضاء.
أم مشاري:هذي مواصفات بنتي ريم بس هوكبير عليها وعمرها18 هقوتك بتنفع له.
عهد:والله يااختي بنتك ماتعرف المسؤليه ومدلعه بالمره وحياتها أفلام هنديه .
أم نايف:لامايصلح لها.
أم مشاري:صدقتي والله بس هوماشاء الله عليه ماينرد.
نجود: بندر وبدرومحمد يقولون انه مغرور وشايف نفسه وسفراته كثيره للخارج ويحب يبجخ قدام الناس بثروته.
مشاعل:هذي مشكلته الوحيده لاكن أكثرسفراته للتجاره بس.
ام نايف: زوجك ماقال لك ماجد من يبي.
أم مشعل:قالت لي أمه أنها تبي عهود له أوعهد.
عهد أستحت ونزلت راسها بالأرض.
نجود:أحلا جالك عريس ياعهد.
عهد: خلاص لاتحرجيني.
أم فهد:والله أني ضايق صدري من أولدي فهد ووافي ومتعب.
أم نايف:وش فيهم؟.
أم فهد:والله أن ودي أنهم معرسين وماخذين حريمهم معهم للخارج.
مشاعل:أصلآ هم ساكنين في سكن كله عزاب وصعبه أنهم يتزوجون وياخذون حريمهم معهم.
نجود: يايمه هذي هندسه مب لعب.
ريماس: الحين وش يدرسون؟.
عهد: متعب داخل قسم محاماه يعني بيصير محامي ووافي داخل قسم تجاره, وفهد يانجود أي قسم داخل؟.
نجود:هندسه.
عهد:ماشالله يعني بيصير مهندس على العموم الله يوفقهم وهم لاحقين على غثى الزواج والمسؤليه دراستهم أولى.
أم فهد:الله يحميهم من هالكافرات اللي إذا شافوا واحد سعودي متدين أنشبوا فيه.
أم نايف:ليه ينشبون فيه.
أم فهد:يبون اللي خبري خبرك.
الكل ضحك على كلام أم فهد.
أم وافي:الحين ياعهد كم بقالك وتتخرجين من الجامعه؟.
عهد:والله يازوجه أجوي هذي أخرسنه لي.
أم وافي:وناويه تكملين ولا لا.
عهد:لايكفي شهاده الجامعه.
أم وافي:طيب أنتي ناويه تتوظفين.
أم نايف: لا خلاص بعد الدراسه تتعلم الطبخ وبنزوجها مب زين يقعدون البنات في البيت بدون مايعرسون وبعدين هي خطابها واجدين.
أم فهد: حتى ريماس هذي أخرسنه لها وبنزوجهاإذا تخرجت من دراستها.
مشاعل:ههههههه الله يعينكم يابنات.
أم مشعل: حتى أنتي جايك الدور.
نجود:ههههههه وجيههم أحمرت خجل الله يعينكم يابنات أناالحمدالله متزوجه من زمان وهذي المواضيع ماتحرجني.
أم فهد: نسيتي فعايلك قبل مانزوجك.
نجود: ماسويت شي موزين.
أم نايف:والله سويتي الهوايل تذكرين ياأم فهد المواقف اللي صارت بسبب فعايلها.
أم فهد:فشلتني قدام كل جماعتنا.
أم مشاري:ههههههه أذكرحركه سوتها في ولد أم مطلق يوم جاء بيشوفها.
أم مشعل:ياجرئك يانجود والله مانسيت حركتها في ام مطلق ههههههه.
أم فهد: فشلتنا الله يهديها.
مشاعل:قولوا وش سوت حمستونا.
عهد: من هي أم مطلق؟.
أم نايف: هي بنت الشيوخ والكل يتمنى نسبها بنت أصل وأجوديه بس نجود فشلتنا قدامها.
عهد:وش السالفه اللي صارت تكلموا .
أم فهد:السالفه صارت يوم نجود كانت في الثانويه.
ريماس:يوه من زمان يعني قبل 13سنه.
أم فهد:إيه المهم جتنا أم مطلق ووراها عبيدها كالعاده دخلت علينا وهي مبسوطه ومعها سبع صناديق مليانه ذهب ومن النوع الثقيل.
ريماس شهقت وقالت:سبع صناديك ذهب يعني رشرش وغوايش وهامه وحزام.
أم فهد: كل شي ومرصعه بعضها بالألماس.
عهد:الصناديق صغار.
أم فهد: لا كلها كبار ولوتبعين الذهب اللي فيها بيجيب لك أقل شي 10ملايين, المهم دخلت وحطت الصناديق في الحوش
وقالت لي كل هذي الصناديق مهر مني لنجود وأبيها زوجه لولدي مطلق.
ريماس:كلها لنجيد.
نجود: ماني بأصغر عيالك عشان تناديني بهالأسم.
أم فهد: خلاص أسمعوا السالفه ولاهونت أقولها.
عهد:كملي ماعليك منهم.
أم فهد:المهم الحرمه جايه ومبسوطه وتبي نجود لولدها الوحيد مطلق والمصيبه أن نجود كانت بالسطح تطل علينا وانا وأم مطلق بالحوش فجأه قامت نجوت ترجم أم مطلق بالحصى وتردد أنقلعي يالعجوز ماأبيكم ماأبي أتزوج هههههههههه هالبنت فشلتني قام الحرمه وماعرفت وش أقول للحرمه.
ريماس:هههههههههه صدق مجنونه.
أم نايف:هههههههه والله أني مانسيت هالموقف وياليتها رجمتها بالحصى وبس لا جابت طين ورجمت الحرمه به إليما طلعت من الباب وهي تقول الشرهه مب عليكم الشرهه علي أنااللي جايه أخطبها لولدي ولاهي بنت شوارع ماتأدبت ولاعرفتوا تربونها.
ريماس: وجع بنت شوارع مره وحده ليه مارديتوا عليها.
أم فهد:فشلتنا نجود خلت الحرمه تطلع وعباتها مليانه طين وتسب وتشتم فيناالله يهديها بس.
عهد: والذهب كله خذته معها؟.
أم فهد: خلته وراحت بس أنا خليت فهد يوديه لبيتهم مع الصبي حقنالأن الذهب مب لنا.
ريماس: كان خليتوه وتمتعتوا به.
أم فهد:لا والله مثل ماهي شبعانه فلوس حنا بعد شبعانين فلوس بس حنا متواضعين ولاهي تحب المظاهر والحمدالله على كل شي.
أم نايف: ياما ويامانجود سوت مشاكل مع اللي يخطبونها عشان يكنسلون الخطبه وكلهانجحت فيها إلا خطبه تركي لها.
ام مشعل: أتذكر ذاك اليوم كنا كلنا موجودين وجاء تركي يخطبها وقالت لنا ماأكون نجود إذا ماخليته يطلع من بيتنا ضايق.
مشاعل: ليه يانجود سويتي كذا.
نجود:كنت أبي أكمل الدراسه وكل اللي يخطبوني يبوني اقعد في البيت.
عهد:طيب وش المقلب اللي سوته نجود في زوجها تركي قبل لايتزوجها.
أم مشعل:هههههههه أتذكرالموقف وكنه أمس صاير, جتناأم تركي تبي تخطب نجود وقالت خلي ولدي يشوفها بالأول لأن هو اللي بياخذها وإذا عجبته خذناها, المهم جاء تركي وجلس بالمجلس هوومتعب لاكن المصيبه أن أمه قالت خلوه يشوفها على راحته وانابجلس معهم عشان كذا متعب طلع من المجلس وجت اللحظه الحاسمه ونجود تمشي ومعها القهوه وهي ناويه تكب القهوه على تركي ويوم قربت منه قال لها ماشاءلله وش هالجمال هذا ,اناباخذ قمر وأنامدري ياويل قلبي أنا, يمه خلاص ابيها, وأمه قالت خلاص وأناأمك شفتها زين , قالها وهويطالع نجود إيه يايمه أبيها,لاكن نجود بدال ماتكب القهوه عليه زلقت منها الدله وأنكبت عليها وتركي طمر من مكانه وأخذ منديل ومسح ملابس نجود وقال بسم الله عليك.
ريماس:ههههههه انقلب السحر على الساحر هههههههه.
عهد:بعذرها وافقت عليه لأنه تغزل فيها قدام أمه ومسح القهوه اللي أنكبت عليها في الخطبه.
أم فهد: من يوم راح تركي وأمه ونجودطول الوقت تسرح وتهوجس عاد أنا حسيت أنها تبيه وتمت الملكه والعرس على خير والحمدالله جوهم عيال بس الله يهدي تركي غث نجود بإتصالاته المفروض الرجال يثقل شوي.
عهد:ياخالتي لاتلومينه يحبها.
أم فهد: يحبها غيه ماقلناله شي بس يثقل مب كل شوي يتصل ويقعد بالساعات يكلمها بالتلفون شينه في حقه عند الرجال.
فجأه رن جوال نجود والمتصل تركي ونجود راحت ترد عليه قفالت ريماس : طرينا القط جاء ينط هههههههه.
أم فهد: وش بلانجود يوم رن جوالها قامت.
ريماس:تركي اتصل عليها.
أم فهد:هههههههه الله يهديه صاير خروف وراها الله يسخره لها.
أم نايف: وش بلا البنات تأخرو من العصروهم طالعين للبر الساعه الحين 11 تأخرالوقت والجو بارد.
أم مشعل:توني مكلمه سعود أخوي يقول أنهم قريبين من الحاره.
أم نايف: أجل قولو للخدامه تنكب العشاء.
أم فهد:تونا على العشاء.
ام نايف: والله ودي اروح البيت كني بديت أدوخ من الإرهاق.
أم مشعل: يمه أنتي متى صحيتي من النوم.
أم نايف: من الفجرواناصاحيه والجو برد بنروح للبيت عشان نريح بس نحتري العشاء عشان اكل حبوبي حقه الضغط والسكر.
أم فهد: يابنات قولو للخدامات يزهبون السفره.
ريماس: إنشاء الله.






(في غرفه البنات)
بعد ماردت نجود على تركي زوجها رقت فوق لغرفتها تكلمه على رواق.
تركي:حبي أجي أخذك الحين.
نجود: وليه تجي نام اليوم ألحالك مثل امس.
تركي:والله ماأقدر.
نجود:ليه ماتقدر.
تركي:ذابحني البرد ياعمري.
نجود بإستهبال:عندك سبع بطانيات تلحف بهم وتدفا وعندك الدفايه بعد.
تركي تنهد وقال:بردان موت ومافي شي يدفيني غيرحضنك ياحياتي.
نجودأستحت من كلامه وقالت له:تركي أهلي حطوا العشاء بنزل اتعشى معهم.
تركي:افا تتركين حبيبك تروكه قلبك ميت جوع وبردان وتتعشين من دونه أفا ماهقيتها منك.
نجود: طيب بأنزل مجامله لهم وماراح أكل شي إلا إذا أخذتني.
تركي: اجيك الحين؟.
نجود:ياتركي أثقل شوي لاتصير مرجوج كل أي شي بسيط يسكت جوعك واناباكل شي بسيط مجامله لهم وإذا راحوا عيال عمي بدق عليك عشان تجي تاخذني.
تركي:أه ياقلبي خلاص بسكرعشان ماينقدون عليك.
نجود:لاتزعل ياقلبي موقصدي أزعلك.
تركي بضيق:لازعلت ولاشي يالله في أمان الله.
نجود:في امان الله.
نجود حست أن تركي زعل عليها فنزلت وقالت لأهلها أن أهله مجتمعين الحين ويبونها تجي الحين.
فأعذروها وقالولها روحي ألزم ماعليك رجلك ودقت عليه وجاء ياخذها.
ويوم حطوا العشاء جو البنات ماعدا عهود وأم نايف حست ان فيه شي غير طبيعي فقالت: نوره وين عهود؟.
نوره سكتت وطالعت أمها لأنها ماتدري وش تقول.
غرام تلقفت كالعاده وقالت:جدتي عهود أرتفعت حرارتهاوفيها أنيميا حاده وتنومت في المستشفى ولاتخافين حرارتها أنخفضت وبكره بتطلع الصبح من المستشفى وترا اللي صار لها الحين نفس الشي اللي صار لها السنه اللي راحت لاتخافين مافيها شي بس لنها ماكلت شي صارلها كذا.
أم نايف بروعه:أكيد مافيها شي؟.
غرام:إذا ماصدقتيني كلمي عمي خالد.
ريماس:ياخالتي ترا مب هذي اول مره يصير لعهود كذا ومادام أنهابتطلع بكره يعني أن مافيهاشي.
أم فهد:أقول تعوذي من الشيطان وتعالي نتعشى وبكره بتطلع ولاتكبرين الموضوع.
أم وافي همست بأذن غرام وقالت لها: وعدك عند أبوك في البيت يالملقوفه.
غرام:يمه هذا جزاي لأني حليت المشكله.
أم وافي:أنتي عارفه ان جدتك مريضه أفرضي أنهاأرتاعت وصارلها شي خطير وأمرضت وتنومت بالمستشفى تتوقعين أبوك وش بيسوي لك أقل شي يسويه بيجلدك بالعقال.
غرام حست أن المسأله جديه فلزمت الصمت وراحت تتعشا.
وبعدإنتهاء العشاء جوالشباب عشان ياخذون بندر وسعود لاكن سعود أضطر أنه يودي أمه وأخته عهد للبيت ومشعل أخذ أمه وخواته وراحوا للبيت ومشاري اخذأمه وخواته وراحوا للبيت
وأم وافي راحت هي وبناتها مع ولدها عبدالعزيز لبيتهم
الكل راح وأم فهد ونوره وريماس ومحمد وبدر جالسين بالصاله فجأه مر قدامهم بندر وهومتضايق ولاسلم ولاشي وعلى طول رقا فوق لغرفته .
قالت أم فهد:محمد وأناأمك وش في أخوك.
محمد:والله مدري وش قصته من رحنا للثمامه وهومتضايق.
بدر:لاتلومونه مانام من أمس.
ريماس:غريبه جايين بدري خاصه أن اليوم أربعاء العاده ترجعون الفجرللبيت.
محمد:الشباب كلمونا وقالوا انهم مخيمين في البر لاكن أبتلشنا بذي اللي طاحت علينا ولاكان رحنا من زمان.
أم فهد:عيب ذي بنت عمك لاتغلط عليها.
بدر:الشباب راحوا يودون اهاليهم ويجيبون ملابس لهم وبنطلع للمخيم وبننام فيه يومين.
محمد:أنابروح أجهزلي ملابس وأنسدح بغرفتي ليمايجون.
بدر:وانابعد بروح أجهز أغراضي.
أم فهد:يابنات طفوا اللمبات ليجيتو ترقون لغرفتكم بروح انام وترا الخدامه نامت وإذا طلعوا العيال ققفلوا البيبان كلها وناموا يالله تصبحون على خير.
راحت أم فهد تنام في غرفتها ومابقى في الصاله أحد غير نوره وريماس.
نوره:ريماس بندراليوم غير طبيعي شكله يحب عهود.
ريماس:نوره من جدك تتكلمين مايجوزهذا الكلام.
نوره:إلا يحبها وأكبردليل يوم اغمي عليها شالها وهوخايف ويصحيها ويقول عهود اصحي لاتموتين ومحد لاحظ هذا الشي إلا أنا.
ريماس:ماأعتقد.
نوره:شوفي أنابقول لك كل اللي صار وأنتي بنفسك أحكمي أوكيه.
ريماس:يالله هاتي اللي عندك.
(في سياره تركي):
تركي زعلان ولازم الصمت ونجود تطالعه وفيها ضحكه بس كاتمتها أما عيالهابدور وخالد وبندريلعبون ورا في السياره والمشكله تركي مشتاق لنجود موت ويبي يتغزل فيها لاكن الأولاد موجودين بالسياره.
تركي:ياعيال ورا مانمتوا.
خالد:يبه اليوم إربعاء ليه ماخليتنا نتعشى في بيت جدتي.
بدور:إيه يبه والله عشاهم يهبل بس أنت قلت لنا أنك بتجي تاخذنا.
تركي:أنا كنت بأخذ أمكم بس أنتوا نشبه.
بدور:ليه وين بتروحون.
تركي:كنت بوديها المستشفى لأنها تعبانه.
خالد:يمه وش فيك؟.
تركي:هي فيها شي علاجه معي.
بدور:طيب عطهاالعلاج الحين.
تركي مايصلح قدامكم هذا العلاج بس للمتزوجين وماياخذونه إلافي غرفه نومهم.
نجود:ههههههههه تركي خلاص مايصلح تتكلم قدامهم كذا.
تركي:لاتلوميني مقهوروالله لوالأمربيدي كان ماجبت عيال طول العمر.
خالد:يبه حنا وش فينا.
تركي:أقول أسكت لاتفقع مرارتي,أناماقلت لك يانجود لاتجيبينهم.
خالد:منهم يبه.
تركي:خلاص أسكت لااحط حرتي فيك.
نجود:ههههههه ياأخي اصبر الصبر زين .
تركي:الله يعين.

(في بيت ابوفهد):
(في غرفه بندر):
بندرجالس بغرفته وقافل الباب عليه ومقفل جواله ولايبي يحاكي أحد وهويطالع صوره عهود يتكلم بينه وبين نفسه ويقول:لازم تكلمها اليوم قبل باكر.
فقرر يكتب في دفتر عهود رساله إعتذار لها وبدا يكتب الرساله وهومتضايق ولمابدأ بالكتابه هلت دموعه على خده وكلما كتب كلمه تذكرعهود وتزيد دموعه وبالأخيرأخذ جوالها ودفترهاوقرر يروح المستشفى عشان يعطيها أغراضها, بعد ماخلص من كتابه الرساله مسح دموعه وقام من على السرير وغيرملابسه ودخل دوره المياه عشان يغسل وجهه وكان ينظرأخوانه يطلعون عشان يطلع لأن نفسيته تعبانه ومايبي يحاكي أحد.
(في الصاله):
ريماس:نوره أنتي تتكلمين جد, يعني الكلام اللي قالته ميري صحيح عهوداللي صقعت فيه بالحوش وفي المطبخ يوم راحت عهود تاخذ من المحلا بندرتوزى تحت الطاوله وجلس يراقبها ويوم جت عهود وهي مرتاعه لأن بندر طلع من تحت الطاوله ويوم سألناها قالت شفت تحت الطاوله جرذي وهي تقصد بندرهههههههه.
نوره:اناقلت لبندر ان عهود جت تركض خايفه وقالت أنها شافت جرذي كبير تحت الطاوله تدرين وش رده فعله, حط يده على ذقنه وكأنه يفكروأبتسم.
ريماس: بس تبين الصراحه هومب عادته يوقف يسولف مع أم نايف العاده يسلم وهومنزل راسه ويرقالغرفته لاكن هالمره سولف مع أم نايف ويوم قالت له نق من بناتي اللي تعجبك , أبتسم ولاحظت عليه السرحان حتى أم نايف تتكلم معه وتسولف وهولازم الصمت وكأنه يهوجس.
نوره:هويكره يمرقدام الحريم بس مدري وش اللي غيره.
ريماس:هههههههه يمكن عهودهي السبب.
نوره:ههههههه تدرين أنه ماخذ دفتر التحضيرحق عهود والمصيبه فيه صورتها وماخذ جوالهابعد وهي ماتدري.
ريماس: من قالك هالكلام.
نوره: اناشفت دفترالتحضيرحق عهود وجوالها ووردتهااللي جابهالهاأخوها خالد بغرفه بندر.
ريماس:متى شفتيها؟.
نوره:يوم رحت اناديه عشان أقوله أن أبوي يبيه وكان هو بدوره المياه يتروش وشفت جوال عهود ودفترها على سريره.
ريماس: متى رحتي لغرفته؟.
نوره:اليوم الظهريوم كان البيت مليان رجال.
ريماس:ماتدرين يمكن هذا الدفتر دفتره والجوال حق واحد من أخوياه أويمكن يكون جواله.
نوره: أنايوم شفت الجوال طلعت جوالي واتصلت على جوال عهود والمصيبه أن الجوال اللي على سريره رن بس أن بندر حاطه على الصامت وشلت الجوال وشفت من اللي متصل ويوم طالعت شاشه الجوال شفت أسمي ورقم جوالي وهذا دليلي على ان الجوال جوال عهود ويوم فتحت الدفترشفت صورتها فيه.
ريماس:الله يهديه ليه يسوي كذا ماهقيتها منه أبد هذا وهوالعاقل.
نوره: يوم نزل للصاله سولف مع أمي وأم نايف بس اللي خلاني أضحك من جد كلمه قالها بندر ويقصد بها عهود حتى أن عهود ضاقت منه.
ريماس: وش قال بندر.
نوره:يوم جت بدورتركض لبندر تبي تروح للبقاله لأنها تبي حلاو قال لها بندر فيه بالمطبخ كيس مليان حلويات وينه أكله القط وأنحاش هههههههه.
ريماس:ههههههههه هويقصد عهود لأنها قالت عنه جرذي يعني وحده بوحده هههههههه عليه حركات مدري وش تبي.
نوره: يوم كنابصاله الطعام نصف الأكل للرجال عهود نست جوالها ويوم دخل بندرخذه ويوم سألته عن جوال عهود قال أنه ماشافه وهوأساسآ ماخذه, ومحمديقول أن بندر ماتغدى وطول الوقت سرحان ويوم كنابالفان عيا بندر يخلينا نروح للثمامه بحجه أنهامليانه شباب وحاولنا نقنعه ورفض ويوم عهود دقت على خالدبجوال ندى رد عليها بندروبندرمن سمع صوتها سكت وعهود تكلمت وهزئته وبكت تحسبه اخوها خالد وفجأه أنطلت عهود الجوال لأن بندر تكلم بس مدري وش قال لها, ولاحظت على بندر انه يطالع عهود ويراقبها لاكن محد أنتبه له ولاحظت عليه شي واحد يوم بكت عهودضاق صدره ومايبي يكلم أحد ووافق نروح للثمامه ويوم وصلنا للثمامه الكل نزل إلاعهود وبندرويوم رحت أنادي عهود شفت بندرقاعد تحت المرتبه بس ماتكلمت عشان ماتصير مشكله .
ريماس:طيب عهود تدري أن بندر تحت المرتبه؟.
نوره: لا ماكانت تدري, لاكن عهود بكت وقالت أنهامقهوره وحظها شين وقالت اللي قهرني بندر, لاكن يوم نزلت من السياره عشان أروح أركب حصان شفت بندرينزل من الفان ويمسح عيونه وكأنه يبكي.
ريماس: في ذمتك.
نوره:والله العضيم أني شايفته وطول الوقت أشوفه جالس ألحاله قبال الحطب ويوم أغمي على عهود جاء مسرع وشالها وركض بها للفان يحسبهاماتت ولوتشوفين حالته تقولين هذا يموت فيها.
ريماس: صدق اللي تقولينه ولاتكذبين.
نوره:إذا مومصدقه أسألي البنات, لاكن يوم رحناللمستشفى ركض للدكتور وضاق صدره يوم قاله الدكتورأن حرارتها مرتفعه وفيها أنيمياحاده ولوتشوفين وجهه تقولين يحبها أصلآ واضح عليه حتى انه قال بيجلس مع خالد في المستشفى لاكن عشان مايجيب لنفسه الشبهه طلع من المستشفى, وبالسياره سعود يسولف طول الوقت وبندرحاط راسه على دريشه السياره ويهوجس ولاتكلم بولاكلمه ومن شوي راح لغرفته بدون مايطالعنا أو حتى يسلم.
ريماس:بعدالكلام اللي قلتيه أقتنعت انه فعلآ يحبها لاكن ماتدرين يمكن هو مرهق لأنه مواصل ومانام ومفتربسوق الغنم لاكن يمكن يحبهاماندري.
فجأه نزل بندر وهو متلثم ومعه دفتروطلع برا قالت نوره:شفتي وش تفسرين حركاته.
ريماس:ههههههههه أقول الساعه وحده قومي بس خلينا نروح ننام جاني النوم.
نوره: طيب ماقلتي لي رايك في سالفه عهود وبندر؟.
ريماس:بكره بتكلمين عهودوسحبي منها الكلام بروح أقفل البيبان وبروح أنام.
نوره:لحظه بطفي اللمبه وأجي معك أنتظريني.
ريماس:يالله تعالي ولاتركتك.
نوره:جيت جيت.
سيطرت الأفكار على عقل بندرومايدري وش يسوي ولايدري وين يروح وقرر يروح للمستشفى ويعطي عهود أغراضهاووصل للمستشفى ومايدري وش يسوي و قرر ينزل ويدخل للمستشفى ودخل وسأل عن غرفه عهود ومنعوا المستشفى الزياره لاكنه اعطا الممرضه بخشيش عشان توصل لعهود الأغراض وحذرها ماتعلم احد وطلع مسرع وقلبه يخفق بسرعه وهويكرر في نفسه يارب تقبل عذري.
(في مخيم الشباب):
كل الشباب مجتمعين محمدوبدر وخالد وناصروتركي وفهد وراكان وفالح وثامروطلال ومشعل ومشاري وسعود وعبدالعزيز وفيصل......ألخ
واصوات الضحك مرتفعه واحد يصارخ وواحدجالس يكلم حبيبته وواحد توه متملك والشباب يتريقون عليه
فالح:أقول ياشباب ليه بندر ماجاء.
محمد:هههههههه فاتكم اليوم نص عمركم بصراحه اليوم أبوي كرفه كرف الكلاب هههههههه.
فهد:اليوم الصبح بالكافتيريا تقولون أنه بيروح لسوق الغنم.
محمد:راح وشرا أربع ذبايح ويوم جهزت المفاطيح , تعرفون بندر دايم مستعجل جاب للبيت صحن مفطح كبير والرجال مسوي فيها ذيب قام وشال الصحن ألحاله وطاح منه بالحوش هههههههههه.
الكل:ههههههههههه
فالح بحماس:أفايأهل العلم أنكب المفطح ياويلي ويلاه عسى ماانكب كله.
بدر:كله انكب بس بندروداه للجمعيه الخيريه ههههههههه المسكين تعقد من ريحه الغنم.
فالح: أه يازين ريحه الغنم زيناه.
عبدالعزيز:أقول أسكت يالطعس لاتفشلنا.
فالح: ياويل ويلي ويلاه لاتقول طعس يالحضري لاأطخك هنا.
راكان وش عنده عنتربن شدادهههههههه.
مشعل:لاذا فالح بن شداد هههههههه.
ثامر:ماقلت لنايامحمد ليه بندر ماجاء.
محمد:إيه صح ذكرتني, المهم يوم ودى الرز المنكب للجمعيه الخيريه أتصل عليه الشايب وقال له جب مع الذبايح الأربع لحم حاشي لأن الوزير بيجي.
فالح بشهقه: الوزير(.....)ذاك ماغيره.
محمد:إيه هونفسه.
فالح: وليه ماعزمتوني.
محمد:ياخي ماطرا على بالي.
مشاري: ليه وش عندك؟.
فالح: والله أبيه يوظفني عنده في وزارته.
فيصل: يبيلك شهادات واجد عشان تتوظف عنده.
فالح: أنامامعي إلاإبتدائي وش بيوظفني.
ثامر:هههههههه بيوظفك فراش ولاحارس ويمكن قهوجي.
فالح:ابي أصيرسكرتير عنده.
محمد:هههههههه يبيلك شهادات واجد عشان تصيرسكرتير.
فالح: وشهي الشهادات؟.
طلال:يبيلك شهاده جامعيه ولازم تكون ماخذ دوره في السكرتاريه وشهاده إنجليزي وشهاده كمبيوتر ولازم تعرف أكثر من لغه ولازم تعرف كيف ترسل رسائل بالفاكس ولازم تنتبه لمواعيد الوزيرلأنك بتصير مثل ظله.
فالح: وجع أعوذ بالله لابالله مابيها أرعى غنمي وفحولي احسن لي.
محمد:هههههههه أقول خلوني اكمل لكم وش صار لبندر.
خالد:ماصارت سالفه .
بدربإستهبال:قصي لنا القصه ياأبلا.
محمدبإستعباط: كان ياماكان في قديم الزمان.
فيصل:سالفه اليوم صارت في قديم الزمان أجل ألحين وش بتصيرههههههه.
طلال:خلاص شباب بلاإستهبال محمدكمل لهم.
محمدتنحنح ثم قال:المهم الرجال راح يدور حاشي وجلس ساعه كامله وجت الساعه وحده ونص والبيت امتلا بالرجال والشايب أرتفع ضغطه المهم جاء بندر وقلطو الغداء ويوم راحوا الرجال قروشونا البنات يبوننا نمشيهم مع أنهم والله مايستاهلون.
راكان: كل البنات مصلحجيات لايهمونك.
محمد:إيه ومن زين الطبايع يبوننا نمشيهم والمشكله يبون الثمامه بس بندر رفض بس مدري من اللي أقنعه.
خالد: يوم وافق نروح للثمامه صار متضايق وماله خلق ولايتكلم ولايضحك مع أني نكت له كثير إلا انه ماضحك وطول الوقت يهوجس وسرحان هههههههه شكله متأثربريحه الغنم.
محمد: كنا مبسوطين ومستانسين وصارت مشكله نكدت علينا كلنا.
فهد: وش صار؟.
محمد:أقول ياشباب.
فيصل:لاتعلمهم هذي أمور عائليه.
محمد:المهم وحده من البنات طاحت علينا ونكدت علينا فرحتنا وهي الحين منومه بالمستشفى.
فالح: منهي.
خالد:لاتهتم شي مايستاهل ينقال المهم ياشباب وين تركي.
مشاري:توني شايفه يكلم بسيارته وخاش جو بعد.
عبدالعزيز: من يكلم ؟؟.
فالح:يكلم ناقته.
محمد:منهي.
طلال: نسيتوا أنه توه متملك على بنت عمه وتوه شاري لها جوال والحين قاعد يكلمها.
محمد: من متى يكلمها.
فهد:من ساعتين وهو يكلمها وبعد نص ساعه بيكمل معها 3ساعات.
محمد:أقول قوموا ياشباب خلونا نستهبل عليه.
فهد: تلقاه الحين يستعرض عندها ويمدح نفسه ههههههه.
(في سياره تركي):
تركي خاش جو مع زوجته ساره بنت عمه ويسولف معها بسوالف كلها غرام.
تركي:حبيبتي ليه ساكته خلاص أنازوجك ليه مستحيه تتكلمين.
فجأه ركب جمبه محمد وقال بصوت كله أنوثه:لايحياتي مبسوطه لأنك جمبي.
تركي أرتاع وقال: وش جابك هنا يادب.
محمد:جابني حبك وشوقي لك ياعمري ههههههههههاي.
تركي ضاق لاكنه لزم الصمت فجأه ركبوا الشباب في السياره وقال تركي لزوجته:خلاص شوي وأكلمكم.
محمدأخذ الجوال من تركي وقال بأبارك لزوجتك ممكن.
تركي بضيقه:جب الجوال.
الشباب حبوا يستهبلون عليه وأمسكوه عشان ماياخذ الجوال وكلهم يضحكون على شكله
محمد:ألوه مبروك بالرفاه وبالبنين عاد شدي حيلك وجيبي ولد وسموه حمودي.
تركي بضيقه:محمد جب الجوال لاأذبحك.
محمد:أساسآ من خذت منك الجوال هي قفلت السماعه بس حبيت أرفع ضغطك خذجوالك وياشباب يالله خلونا نكمل سهرتنا هههههههههه .
الكل:هههههههههههه.
خالد:ههههههههههههههاي أقول لاجيت تكلم حرمتك قفل عليك الباب لأن محمد ملقوف وبيجي ويطفشك هههههههه.
محمد:هههههههه أقول تركي ذي ماعندها خوات منسمات زيي.
تركي ساكت ولارد عليه.
محمد: السكوت علامه الرضاهههههههههه خلاص كلم حرمتك.
تركي:خلاص طيب ضف وجهك لاأمردغك هنا.
محمد:خلاص أجل بروح ألعب بلوت مع الشباب سلام.
يوم راح محمد قال تركي: أف الله يغثكم أزعجتوني , أروح اكلم سارونه أحسن لي.
أتصل تركي على زوجته ساره.
ساره بدلع:ألوه.
تركي: هلا والله هلابهالصوت.
ساره انحرجت من كلامه وقالت: وينك.
تركي:ياحياتي انتي عارفه أني في البر مع الشباب عاد فيه واحد من أخوياي أسمه محمد بثرومزحه ثقيل وهوالمهرج تبعنا وانتي عارفه عاد اللي مزحه ثقيل صعب تتخلصين منه بسهوله, المهم ياقلبي وش كنا نقول.
(في بيت نجود وتركي):
تركي طاقته الغلقه يبي يتغزل في نجود الكن عيالهم مانامو.
تركي:الحين ياعيال ورا ماترقدون.
خالد:مافينا نوم.
تركي:طيب انا وأمك فينا النوم.
خالد:خلاص روحوا نامو حنا بنطالع التلفزيون.
تركي لقاها فرصه وراح لغرفته وقال لنجود: جهزي نفسك وتعالي .
نجود ضحكت وتوها بتقوم قال لها بندر:ماما اناخايف نامي جمبي.
وراحت معه عشان تنومه.
اماتركي جلس 3ساعات ينتظرها ولاجت ويوم راح لغرفه عياله لقاها نايمه وحاضنه بندر,
مشى على أطراف أصابعه وقرب من نجود وقومها بصوت خفيف و قامت وتركت بندر وراحت مع تركي لغرفتهم وقفلوا عليهم الباب.
تركي مسك يد نجود وقال:أخيرآ صرتي معي ياحياتي.
وفجأه جاء بندر يصيح عند الباب ونجود تركت تركي وراحت تنوم ولدها ونامت معه أما تركي ضاق وعصب ومن القهر ماقدر ينام وجلس صاحي ألين الصباح أمانجود نامت مع عيالها وماأهتمت منه.
(في غرفه المستشفى):
عهود جالسه تطالع السقف وطفشانه موت ولاتدري كم الساعه , حست بعطش ونادت الممرضه عشان تجيب لها مويه وجت الممرضه معها مويه وكيس عهود فتحت الكيس وشافت فيه وردتين جوري حمراء ودفتر التحضير حقها وجوالها
فقالت للممرضه: من اللي جاب هذا الكيس.
الممرضه قالت: فيه رجال برا في جيب هدا كيس.
عهود بتعجب: رجال.... منهوا؟...
الممرضه:انا مافي يعرف.
عهود:كيف شكله؟.
الممرضه: واجد هلو طويل وأبيد بس أناأشوف في أيونه دموء هويبكي.
عهود بتعجب:رجال طويل وأبيض ويبكي منو مافهمت.
الممرضه : أنا ماأارف بس هو يقول ودي هدا كيس لغرفه اهود بس.
عهود: إيه طيب متى أناأطلع.
الممرضه: مورننج فيه خروج.
عهود:خلاص اجل أنا بنام بس خلي النور مولع .
الممرضه: أوكيه قودباي.

(في سياره بندر):
بندرجالس يحاكي نفسه وهموم الدنيا كلها بقلبه والأفكار تروح به يمين وشمال فقال بينه وبين نفسه:الحين وش الحل يابندر تتوقع أن الممرضه عطت عهود الكيس ولا لا, طيب ليه ماتتصل عشان تتأكد, بس يمكن ماترد طيب وإذا ردت وش بتقول لها شكلها كارهتك بسبب فعايلك أقول انت اتصل عليها وتوكل على الله.
أخذ بندر جواله وأتصل على جوال عهود ومع كل رنه قلبه يخفق بسرعه وكل شوي يبلع ريقه لأنه بالحيل متوتر.
(في غرفه المستشفى):
عهود:فتحت الكيس وطلعت الدفتر وفتحته ولقت صورتها فيه وحمدت ربها وطلعت الجوال وتأكدت أنه جوالها لاكن فيه سؤال حيرها كثير من اللي ماخذ جوالها والدفتر, لاكن يوم رفعت الدفتر لقت ظرف في الكيس فيه رساله مكتوب فيها:
أدري اني ياعهودأخطيت
وماني من الخطأ معصوم
وأدري أني أخطيت في حقك كثير
جيتك وأنا راجيك تقبلين عذري يابنت العم
وليتك تقبلين عذر إنسان راجيك
لوتعرفين بالحره اللي بالقلب
كان عذرتيني من زمان
أسف .....أسف على خطئي
ولوتعرفين باللي في القلب كان عذرتيني
وعلى فكره بيجيك إتصال من نوره ياليت تردين عليها ظروري
تحياتي لك:
بندر ولد عمك أبوفهد
عهود انصدمت وقلبها خفق بسرعه ماتدري وش تسوي تحس أنها بحلم , سألت نفسها سؤال ليه قال لوتعرفين باللي في القلب كان عذرتيني معقوله ياعهود بندر يحبك؟.... لا....لا لاتتوهمين.
فجأه قطع تفكيرهها صوت رنين الجوال ويوم شافت الشاشه مكتوب نوره2 فقالت بينها وبين نفسها:أنامخزنه رقم نوره بأسمها بدون أي رقم جمبه منهي نوره2.
قررت ترد على الجوال وأول ماقالت:ألو.
تكلم بندروقال بتنهيده:هلا عهود كيفك.
عهودأرتاعت وخافت وسكرت السماعه بوجهه.
وقالت بينها وبين نفسها:يالله أنهبل هذا شاف صورتي ومخزن رقمه عندي بأسم أخته والحين متصل وش يبي مني, بس هو ليش متغيرصوته مب هذي نبره صوته شكل فيه شي,
يالله وش أسوي الحين.
(في سياره بندر):
بندرضاق صدره يوم سكرت عهود بوجهه وقال بينه وبين نفسه:ليه سكرتي السماعه على الأقل خليني أسمع صوتك يالله ليه قلبي يخفق إذا سمعت صوتها أه...أااااااه وش السوات ياربي وشلون أقول لها أني أحبها, شكلي برسل لها رساله.
(في غرفه المستشفى):
عهود تنتفض وخايفه أول مره تحس بهذا الإحساس فجأه جتها رساله على الجوال وكانت الرساله من بندر وكتب فيها:
أبي من وقتك بس لحظه ببوح لك بشي معذبني
أبيك تسمعين كل اللي بقوله لك ياعهود
أدري أنك عاقله وماترضين بهذا
بس أبي منك دقيقه تسمعين وش بقول فيها
اناقصدي شريف بس لحظه أبيها منك تسمعين اللي بقوله لك
تكفين لاتعذبيني كثر عذابي بس أبيك تسمعيني
عهود تفكربينها وبين نفسها:وش يبي بندر وليه مهتم فيني هذي مب من عوايده , أرد ولا لا...... لاالأحس أقفل الجوال وأطنشه ماني فاضيه له.
بعد ماقفلت عهود جوالها نامت .
(في سياره بندر):
بندرأتصل 20مره وجوال عهود مقفل ضاق صدره وأنقهر ومن القهر نزلت دموعه وقرر يروح البيت ويحاول يتصل بكره.






يوم الخميس الساعه وحده الظهر
(في بيت نجود وتركي):
قامت نجود من النوم وهي مروقه وقومت عيالها لاكنهم أرفضوا يقومون فقررت تصلح غداء وتحطه لهم في حافظه عشان إذا قاموا يتغدون ويوم راحت لغرفتها شافت تركي جالس على الأرض وواضح عليه أنه مانام من أمس.
نجود:مساء الخيرتروكي.
تركي طنشها مسوي نفسه زعلان وحب يتغلى عليها.
نجود:ادري أنك زعلان لاكن تعرف العيال وهمهم .
تركي:لوانك تحبيني فعلآ كان جيتي وتركتيهم ونمتي معي وبعدين بندر خلاص صار كبير ليمتى ينام بحضنك.
نجود بضحكه:اها أنت مب زعلان انت تغارمن بندرصح.
تركي: لا بس مقهور من حطيتك عند أهلك وانااقول لك بجي أخذك ويوم خذتك أنشبولنا العيال بالسياره وحتى بالصاله ويوم جلسنا مع بعض أخيرآ جاء ولدك بندردلوعه ماما وكنت ألمح لك اكثر من مره ومطنشتني.
نجودبإستغباء: تلمح لي بأيش؟.
تركي : اللبيب بالإشاره يفهم.
نجود:هههههههههههه ياحليلك ياتركي صرت تغار من عيالك هههههههههههههههه.
تركي:إيه أضحكي ماعمرك حسيتي بالحره اللي في قلبي.
نجودقربت من تركي تبي تطيب خاطره ببوسه وتوها بتعطيه بوسه دخل عليهم بندر وهويحك عينه ويقول: ماما أبي أروح للحمام.
ضاق تركي وعصب وقال:روحي له لاأذبحه انالوأني أدري أن البزران نشبه كان ماجبت بزران طول العمر.
نجود جت بتهديه عصب زياده وطلع من البيت وهوضايق.
(في بيت أبونايف):
الكل مجتمع على السفره أم نايف وبناتها المتزوجات وبناتهم وأم وافي زوجه نايف وبناتها
أم نايف: زين أنكم طعتوني ونمتو عندنا.
أم وافي : والله ماحبينا نزعجك بس البنات الله يهديهم الحوا علينا لأن عيالنا الله يهديهم كلهم راحوا يخيمون في البر.
فجأه دخلت عهود وتفاجأالكل.
عهد:انتي من وين طلعتي؟. ومتى جيتي من المستشفى؟.
عهود:جيت الساعه 6الصباح وحسيت بملل وقال لي الدكتور تقدرين تطلعين الحين فأتصلت على وافي ولد أخوي وجابني هنا وراح مع متعب وفهد.
أم نايف:من ست الصبح جيتي وماعلمتيني واناضايق صدري عليك.
عهود: جيت في غرفتك وشفتك نايمه وماحبيت أزعجك عشان كذا طلعت ورحت أنام في غرفتي.
غرام:بنت اللذين ولاقومتني وياوجهها.
ندى:أسكتي تكفين ماحنا ناقصين أزعاجك.
غرام توها بترد على ندى أنغزتها أمها وسكتت.
مشاعل:مامليتي من المستشفى.
عهود:أف ياربيه من جت الساعه وحده بالليل صحيت من النوم وجلست أطالع السقف إلين الصبح وطفشت مره ويوم قال لي الدكتور تقدرين تطلعين الحين دقيت على وافي حبيب قلبي فديته قال لي أبد ياعميمه ماطلبتي شي وجاني في خلال ثلث ساعه وشرا لي فطور وفطرت انا وياه وراح.
غرام: غريبه الظاهر نازل عليه الوحي.
ندى:انا لونقول له وينك هزئنا قبل مانطلب شي.
أم نايف:لأنكن مزعجات وطلباتكن مالها لزمه.
نوف:حتى حناإذا طلبنا من مشعل شي رفض وجلس يتنفخ ولو تطلب عهود شي قال سمي ولبيه مدري ليش.
ريم:والله اناإذا طلبت من أخوي طلال أومشاري شي قالولي سمي ولبيه.
غرام:شي طبيعي لأنك دلوعه.
أم مشاري:خلاص عاد احترمو النعمه وتغدوا.
أم مشعل: يمه ترا أم الجيران أتصلت من شوي وأعزمتنا في بيتها وتبي البنات يجون معنا.
عهود:أناماأبي أروح بنام لأني مرهقه.
ام نايف:عهود معذوره والبقيه بيروحون مالهم عذر.
غرام:ياأمي نوره حرام عليك نبي نجلس في البيت كل اللي بيجون عجايز وش تبيننا نسوي مع العجايز.
أم وافي:خلاص ياغرام أسكتي لسانك طال ويبي له قص.
أم نايف: وش فيهم العجايزأحسن منكن يالبزران.
غرام:ماحنا بزران بس سوالفكم معروفه الله يذكر زمان أول ولاتذكرون فلانه الله يرحمها ولاالمطوعه اللي تدرسنا, ملينا من هالسوالف كل يوم تنعاد جيبوا شي جديد عشان نروح معكم.
أم نايف:هههههههههههه الله يقطع شيطانك يالملسونه خليتيني أضحك وانااكل.
الكل:هههههههههههه
أم نايف: ترا أم فهد وبناتها بيجوننا ومادام انهم بيجون بيروحون معناللجيران.
عهود:خلاص أجل أنتوا روحو وخلونا بالبيت.
عهد:بروح معكم.
مشاعل:وأنا بروح تونس سوالفهم.
أم نايف: خلاص أنا شبعت, أجل بروح أتجهز بقا خمس دقايق ويأذن العصر.
عهد:متى بنروح؟.
أم نايف:العصر وبنرجع بالليل كالعاده يالله أنجزوا بدري.
الكل تغدا وبعد صلاه العصر جت أم فهد وبناتها وراحوا للجيران وتركوعهود وغرام وندى وريم ونوف ونوره في البيت
وبعد مرور ساعتين قالت غرام:ياليتني رحت مليت.
ندى:وأنا بعد مليت وش رايك نروح للجيران.
نوف:بروح معكم.
ريم:والله فضاوه.
غرام:دقيت على أمي وقلت لها بنجي وقالت تعالوا جت رهف والعنود.
نوف:اجل يالله مشينا.
عهود شافت ندى وغرام ونوف لابسين عباياتهم سألتهم: وين بتروحون.
غرام:بنروح للجيران هنا ملل بتجين.
عهود:لا ماأبي أجي.
غرام:أحسن أنتي الخسرانه.
عهود:ضفي وجهك لأشيش وافي عليك.
ندى:لاتكفين خلاص باي.
عهود:هههههههه مايبيلهم إلاالعين الحمراء.
عهود:خلونا نروح لغرفتي فوق عشان ناخذ راحتنا بالسوالف.
ريم:أنا بشوف فلم هندي وإذا خلص جيت لكم.
عهود:خلاص اجل يالله نوره تعالي معي.
(في مخيم الشباب):
الكل مبسوط نصهم يلعبون كوره ونصهم راكبين دبابات ويتسابقون بالخيمه جالس بندرومشعل يسولفون.
مشعل:ياخي وين بندرليه ماجاء أمس معذور لاكن اليوم ماله عذردق عليه بس قل له يجي.
بدر:ماأعتقدأنه بيجي .
مشعل:ليه.
بدر:اناأعرف أخوي زين اللي فيه مب إرهاق فيه شي ثاني بس مقدرأقوله.
مشعل:قول ماراح أخبر أحد.
بدر:ياخي كل شي بوقته حلوبعدين اقولك بس خلني أتأكد وأقولك.
مشعل:مامليت من الجلوس؟.
بدر:من زمان.
مشعل:أجل قم يارجال خلنا نفلها وش تحتري.
بدر:يالله.
(في بيت الجيران):
الكل يسولف البنات في جهه والعجايز والحريم في جهه
(جهه الحريم):
أم عبدالرحمن:هلا والله هذي الساعه المباركه شرفتونا بجيتكم.
أم نايف:ماعليك زود ياوخيتي.
ام فهد:مالقيتي عروس لولدك أبراهيم.
ام إبراهيم: لاوالله بس أعجبتني وحده وودي أخطبها بس أنتظرالوقت المناسب.
أم طارق:منهي تكلمي.
أم إبراهيم: والله ودي بعهود بنت أم نايف ماشالله عليهاجمال وأخلاق وكل المواصفات اللي يبيها أولدي إبراهيم فيها ماشالله.
أم نايف:والله مدري وش اقولك أنتي فاجأتينا بس عهود توها تدرس.
أم عبدالرحمن:خيرالبر عاجله ياوخيتي البنت مالها إلا بيت زوجها ماعاد تنفع الدراسه بشي.
ام مشاري حبت تصرف الموضوع قالت: والله هذاك أول ياأم عبدالرحمن الحين اهم شي الدراسه.
أم خالد: مادام أن جاها عريس خلاص وش تحتري لاتقوين شوكتها ياأم نايف ولاترا بتعنس عندك.
أم نايف: المشكله خطبها واحد قبل اسبوعين وأرفضته البنت وماأقدر أغصبها على شي ماتبيه.
أم مشعل: هومديرأعمال الوزير(.......).وهوولدعائله(.......).
الكل أشهقوا وقالت أم خالد:أعذريني ياأم نايف بس بنتك عهود ماتعرف مصلحتها ولا فيه أحد يرفض مديرأعمال الوزير وعلى فكره ان كان يدوربنات فبناتي موجودات.
أم مشاري:لاتتعبين نفسك ياأم خالد هوخطب عهود يوم شافها ماره عندالمجلس .
أم عبدالرحمن: وا خزياه ماره عند الرجال.
عهود: ماكانت تدري أنه موجود , عاد راكان الله يهديه أخذ جوالها وانحاش وعهود لحقته ,عاد وهي تركض وراه مر راكان من عندالمجلس وطلع برا وعهود تركض وراه تبي تمسكه عاد الرجال لمحها وعجبته وألين الحين يبيها لاكن البنت رافضه وش اسوي بها.
أم عبدالرحمن: مايبي وحده ثانيه.
أم وافي:أبووافي قال لي أنه مصر على انه يتزوج عهود لاكن عهود رفضته بحجه الدراسه وقال مستعد أنتظرها بس أهم شي توافق.
أم خالد بنفس شينه كلها حسد قالت:إيه ينتظرها وش يحتري وهي ماشالله جميله تستاهل.
أم مشاري همست في أذن أم وافي وقالت لها:مومن قلب تقول هالكلام.
أم إبراهيم:هاه وش قلتي ياأم نايف في موضوع ولدي.
أم نايف:يصير خيرأنا بأكلمها وأقول لأبوها ويصير خير إنشالله.
أم إبراهيم:عاد ردي علينا بدري.
ام نايف:يصير خير.
(في جهه البنات):
كانو البنات يسولفون مع بعض.
ريوف:أقول يابنات عمي سلطان يبي يتزوج ويبيني أخطب له بنفسي عاد انا مدري من أخطب له.
عهد: ليه ماتحضرين زواج وتخطبين له.
ريوف:أنا لقيت له وحده وكلمته عنها ووافق عليها بس انا متردده مدري وشلون اقول لها.
ريماس: عادي صارحيها أن كنتي تمونين عليها.
غرام: عمك حلو.
ريوف: هذي صورته شوفيها وأحكمي.
غرام:ماشالله يهبل أخطبيني له.
كل البنات:هههههههههه.
ندى:ياختي وش بلاك مرجوجه فشلتينا.
مشاعل:على فكره عمك وش يبي المواصفات اللي في زوجه المستقبل.
ريوف: أنتوا تعرفون عمي مثقف وعاقل ومتدين وماشالله متجرقلوس ومنصبه عالي بس هويبي وحده مثله يعني وحده مثقفه وعاقله وماتعرف تلف وتدور يعني وحده تحب العلم والثقافه ومتدينه وأهم شي الأخلاق.
ريوف كانت تبي عهد لعمهاسلطان فحبت تلمح لها بدون ماتحرجها لاكن غرام تلقفت كالعاده وقالت:هذي مواصفات عمتي عهد.
ندى بهمس:فشلتيناأسكتي.
غرام بهمس:خلاص بسكت بس لاتوطين رجلي خلاص.
عهدهمست في أذن مشاعل وقالت:تصدقين ودي أن أخوك مشعل يتزوج العنود ماشالله عليها كامله والكامل الله.
مشاعل بهمس:تدرين ان أمي ناويه تخطبها بس تنتظر مشعل يتخرج من الجامعه.
العنود:يابنات مايجوز تتساسرون عطونا وجه.
رنا:بصراحه عهود لها وحشه ليه ماجت.
غرام: تعبانه شوي ونايمه بالبيت.
رنا:ياخساره ياليتها جت هي ونوره.
ريماس رن جوالها والمتصل نوره وردت عليها وقالت:هلا نوره وش عندك؟.
نوره: بندر.
ريماس:بندر وش فيه؟.
البنات يوم سمعوا أسم بندر ألزموا الصمت شي طبيعي كل وحده فيهم تتمنى أنه يتزوجها.
نوره: بندرمايرد علي أخاف صار له شي؟.
ريماس بإرتباك: لاماأعتقد.
نوره: يوم ركبتوا السياره رجعت أنا لأني نسيت غرض بغرفتي ويوم مريت عند غرفه بندر سمعته يبكي بصوت عالي.
ريماس بهدوء:إذا جينا البيت بنتفاهم بتصل عليه وبشوف وش فيه يالله باي.
يوم سكرت ريماس السماعه قالت غرام : وش تبي نوير.
ريماس: ماتبي شي.
العنود:بندر فيه شي.
عهدهمست في أذن مشاعل وقالت:أمحق حتى هي ماخذ عقلها بندرمثل البنات .
مشاعل بهمسك صاجينا به بنشوف بالأخر من بيتزوج.
ريماس: مافي بندر شي بس بدق عليه لأني نسيت غرض معه.
أتصلت ريماس على بندر ولارد ودقت أربع مرات ولا رد ويوم دقت 10 مرات ولارد وأتصلت على بدر
بدر:هلاريماس وش بغيتي.
ريماس:وش ذا الغزعاج عندك؟.
بدر:لابس الشباب يستهبلون كالعاده.
ريماس: ادق على بندرمايرد أخاف يكون صار له شي.
بدرحب يطمن ريماس فكذب عليها وقال:هومعي بس راح يجيب لنا مويه.
ريماس:الحمدالله يالله مع السلامه.
لاحضت ريماس ان البنات يوم سمعواسم بندر وبدر سكتو ولزمو الصمت لاكن طنشت الموضوع.
(في بيت أبونايف):
(في غرفه عهود):
نوره منسدحه على السرير وعهود جالسه على الكنبه وحاضنه دبدوبها ولازمه الصمت فجأه رن جوال عهود وعهود أرتبكت لأن المتصل بندر.
نوره:عهود جوالك يرن.
عهود:من المتصل؟.
نوره: مكتوب نوره2يتصل بك.
عهود أرتبكت وخذت الجوال من نوره لأنها تدري ان بندرهواللي داق.
نوره: عهودردي على البنت يمكن تبي شي لها نص ساعه وهي تدق مره تعطينها مشغول مره ماتردين يمكن تبي شي بس على فكره منهي نوره هذي ؟.
عهودبإرتباك:هذي وحده توني متعرفه عليها بالجامعه وأنتي ماتعرفينها.
نوره:يابنت ردي عليها حرام عليك.
عهود:لامانيب راده خليها تنطق.
نوره: تسطفلوا أنتي وياها.

(في بيت أبوفهد):
(في غرفه بندر):
بندرصارت أخلاقه زفت لأنه مانام من البارح والمسكين تعب وهويدق على عهود وهي ماترد عليه والمصيبه أنهاتعطيه مشغول فقرر يرسل لها رساله وقال بينه وبين نفسه: حرام عليك ياعهود ليه تبين تعذبني إنشالله تقرين هالرساله على وعسى تردين .
وبدأ بكتابه الرساله وأرسلها لها وقال:يارب ترد علي.
(في بيت أبونايف):
(في غرفه عهود):
جوال عهود ماسكت كل شوي يرن ونوره ضاقت وقالت:عهود ياأنك تردين ولاقفليه أحسن.
فجأه جت رساله وقالت نوره:جت رساله عطيني بقرأها.
عهودأرتاعت يوم شافت أسم المرسل وعرفت أنه بندر وتبي تصرف نوره فقالت لها: لاهذي رساله من خالد أخوي يقول أنه مب جاي اليوم للبيت.
نوره: إيه بس أحس انك اليوم مب طبيعيه فيك شي؟.
عهود:لابس دايخه شوي ممكن تجيبين لي مويه.
نوره: بروح لدوره المياه وأجي أوكيه.
عهود:خلاص.
طلعت نوره من الغرفه وراحت لدوره المياه ولقتها عهود فرصه أنها تقرأ الرساله اللي رسلها بندر واللي قال فيها:
أبختصرمعك الكلام في هالرساله
أهديتك إعتذار وأسف ولارديتي
ليه ماتبين تقبلين ياالغلا إعتذاري
اناأبيك تردين لو موعلشاني
في داخلي إحساسآ وودي أقوله
وماأقدر أكتبه في هالرساله
تكفين لو مره ردي علي
مايهمني كلامك بس ابيك تسمعيني
بندر
عهود ألزمت الصمت وفجأه رن جوالها وأرتاعت يوم درن ان المتصل بندر ,ماتدري وش تسوي فجأه دخلت نوره وأرتبكت عهود قالت نوره: عهود فيك شي؟.
عهود:لا م..مممافيني شي.
نوره: لا والله انتي اليوم موطبيعيه.
عهودحبت تصرف الموضوع وقالت:الحين أنتي ليه متصله على ريماس.
نوره:لأني دقيت على بندرأخوي ومارد علي.
عهود:ليه وش فيه؟.
نوره: من جينا من الثمامه وهوضايق صدره وأخلاقه متغيره ويهوجس وماجلس معنا من أمس والمشكله أنه طلع بالليل وهومتلثم ومعه كيس بس مدري وش فيه ومر قدامنا ولاسلم اوتكلم والمشكله انه مانام أمس بالبيت وماجاء إلايوم طلعنا العصر ويوم ركبوا أهلي السياره نسيت جوالي بغرفتي ويوم رحت أجيبه سمعته يبكي بصوت عالي تصدقين مدري وش فيه من أغمى عليك في الثمامه وهذا حاله هههههه شكله يحبك.
عهودألزمت الصمت وسرحت ونوره تتكلم وعهود سرحانه فجأه رن الجوال والمتصل بندر.
نوره: وش قصه جوالك من جيتكم وهو يرن خلاص ردي على البنت ولاجيبي الجوال خليني أصرفها.
عهود:لا لاتهتمين اناأخطيت يوم عطيتها رقمي أصلآ هي بثره ماعليك منها.
نوره:ياأختي والله أني قلقانه على بندر.
عهود:ليه.
نوره: من أمس وانا أدق عليه مايرد علي حتى أمي تتصل مايرد هذي اول مره يسوي معنا كذا أخاف يكون صار له شي.
عهودخافت فقررت ترسل لبندر رساله كتبت فيها: ليه ماترد على اهلك.
وجابوهابرساله وكتب فيها: أنتي السبب.
وأرسلت له: حرام عليك أمك قلقانه عليك.
وجاوبها برساله كتب فيها:ماراح ارد عليهم لما تردين علي وأن مارديتي بسوي في نفسي شي خطير.
عهود خافت وماتدري وش تسوي فجاه أتصل بندر وقالت نوره: والله إن ماريتي على صديقتك أنااللي برد فقع مرارتي صوت جوالك كل شوي ران.
عهود:خلاص برد بس لاتزعجينا.
عهود ردت وقلبها يخفق بسرعه قالت: ألوه هلا نوره.
بندربصوت متقطع من الحزن : هلابك أخيرآ رديتي حرام عليك ذبحتيني بصدك.
عهودبضيقه: من أمس تتصلين وش بغيتي.
بندر: عندك احد.
عهود:عندي نوره بنت عمي تبين تسلمين عليها.
بندر: لا الله يرحم والديك والله أني مليت من خشتها.
عهودماقدرت تمسك نفسها من الضحك.
بندر:فديت ضحكتك اللي تهبل.
عهود:وش بغيتي مني.
بندر:شي واحد .
عهود: وشو هذا الشي.
بندر:تردين علي بالليل ضروري فيه شي بقوله لك ظروري وأناقصدي شريف ولاتنسينن أني ولدعمك وأي شي يضرك يضرني فياليت تردين ضروري ياعهود ماابي أحرجك عند أختي نوره وانا اعرف انها ملقوفه وبتسألك وش قالت صديقتك عاد صرفيها بأي سالفه من السوالف اللي تصير بالجامعه وأنتي وشطارتك ياحبيبتي في أمان الله وأشكرك على ردك من جد ريحتي قلبي ياقلبي مع السلامه.
عهود:مع السلامه.
يوم سكرت عهود السماعه حست أن خفقان قلبها زاد بشكل غير طبيعي ونوره كالعاده قالت:من ذي؟ وش تبي؟ وش قالت لك؟ وليه سكتتي طول الوقت؟ وش كانت تقول؟ يالله جاوبيني وبعدين هي من بنته؟ وأختي ريماس تعرفهاولا لا؟
.....ألخ من أسألتها المزعجه.
عهودأبتسمت وقالت: ماعليك منها المهم بس خلينا ننزل تحت ودي أشوف ذا الفلم الهندي اللي ريم مسنتره عنده من العصر.
نوره:لاتغيرين الموضوع.
عهود:نوره انابروح وأنتي بكيفك تبين تجلسين بغرفتي بكيفك أجلسي يالله باي.
نوره: بنت اللذين خلتني وراحت تعالي ياعهيد أصبري لي.
الساعه 6المغرب
(في بيت تركي ونجود):
نجود جالسه على أعصابهالأن تركي من طلع الظهرإلين الأن ماجاء والأفكار السوداء تروح بها يمين ويسار لأنها أتصلت حوالي 35مره ولارد عليها في الأخرقررت ترسل له رساله ويوم أرسلتها جلست تنتظرالجواب فجأه جتها رساله من تركي كتب فيها:أنا عند أمي رجاء لاتزعجيني.
نجودأنطلت جوالها وقالت:ياربي وش أسوي به طفششني أوف.
بعدمانطلت جوالها جت في بالها فكره حلوه , أتصلت على نوره وقالت لهابأرسل لكم العيال لأني معزومه لزواج وحده من صديقاتي ونوره كالعاده نشبت فيها وقالت بروح معك, لاكن نجود صرفتها وقالت لها أن أهل زوجها كلهم بيروحون معها بالسياره ولافيه مكان لها والدعوات خاصه ومامعها إلابطاقه وحده لها, ونوره وافقت.
وأتصلت على الفندق اللي دايم يسكنون به وحجزت جناح للمعاريس وقالت لمدير الفندق يملا المكان ورد أحمر وشموع وقالت له أبي المكان يكون رومنسي مره وأبي الطباخ حقكم يجهزالعشاء الساعه 12بالليل بالتمام وراحت تتجهزفي غرفتها.
(في بيت أتركي زوج نجود):
تركي جالس يتقهوى مع أمه وأبوه بالصاله وأمه لاحضت حزنه وقالت له:وش فيك واناأمك؟فيه شي مضايقك؟.
تركي بضيقه: لامافيني شي بس أشياء في البيت مطفشتني.
أبوه: لايكون الأولاد اناكنت أطفش من البيت بسببكم وأنتم صغار ههههههههه ذق وأناأبوك من الكاس اللي ذوقتنياه وأنت صغيرهههههههه.
أمه:إذا الأولاد مايخلونك تأخذ راحتك ببيتك جبهم عندي يونسوني.
تركي:ياليت المشكله مشكله الأولاد وب المشكله نجودالله يهديها.
أبوه: وش بلاها بنت الحمايل؟.
تركي:ماتهتم فيني همها عيالها ماعاد هي مثل أول صرت بالنسبه لها كني صفرعلى الشمال.
أمه:ههههههههههه ياحليلك ياوليدي تغارعلى حرمتك من عيالك تراهم عيالك ومالك غناه عنهم.
أبوه:لازم تقدر حاله زوجتك ترا المسؤليه اللي هي تقوم فيها أكبر من المسؤليه اللي انت متحملها لازم تراعي حالها وأنا أبوك.
فجأه جت رساله لجوال تركي من نجود وأول مافتحها لزم الصمت لأنها كتبت فيها:
لاتحاسبني ياحبيبي على شي مالي ذنب فيه
أنت غالي بس الضروف حدتني
صدقني أنت غالي
ولوماأغليك كان ماأرسلت لك هالرساله
بعدما قرأ تركي الرساله تنهد وقال بينه وبين نفسه:أنتي عارفه اني ماأقدر أزعل عليك بس انا ياحياتي أبيك تفهمين شي واحد أني لوماأحبك كان ماسويت كذا.
أمه:أقول ورا ماتروح لبيتكم .
تركي حس أنه مصخها بجلسته وقال لأمه وأبوه: خلاص اجل بروح للبيت لأني دايخ من أمس مانمت .
أبوه: رح بس لاتواخذ حرمتك ترا مسؤليتها صعبه وغذا مومصدق جرب يوم واحد قم بمسؤليه البيت كلها وساعتها بتعرف قيمه زوجتك.
قام تركي وباس راس أمه وأبوه وقال:تامروني بشي.
أمه : ابيك تتحمل عيالك.
تركي : إنشالله وأنت يبه.
أبوه: سلامتك.
تركي : يالله في أمان الله.
أمه: في أمان الكريم ,الله يهديك وأناأمك.
(في بيت أبونايف):
الكل جالس يطالع فلم هندي نوره وريم متأثرين لدرجه أن دموعهم بدت تنزل أماعهود هي في وادي وهم في وادي ثاني
جالسه تطالع معهم لاكن عقلها مب معهم و وسرحانه طول الوقت وكانت تقول بينها وبين نفسها: وش تتوقعين ياعهود ان بندر بيقول لك, ياالله صوته وطريقه كلامه يهبلون يالله وش يبي مني معقوله بيخطبني, ياليت والله هوأحسن شباب عائلتنا شكلآ وعقلآ ووسامه وجهه تهبل يارب يكون من نصيبي من جد كلامه يهبل كان رومنسي بالمره وحنون في كلامه , ويكفي أنه خاف علي وأهتم فيني يوم اغمى علي بالمخيم, أه متى يدق عندي فضول ذابحني أبي أعرف وش يبي.
(في بيت تركي ونجود):
دخل تركي ونفسه بخشمه ويقول بينه وبين نفسه:الله يسترمن اللي جاي.
أول مادخل طلعت له وحده ماعرفها جميله وأنيقه وطارت عيونه فيها ثم صد عنها مايدري أنها نجود
قال بينه وبين نفسه: من هذي القمر ياويل قلبي ذي مب قمر إلا ملاك نازل من السماء من تكون.
كانت نجود لابسه فستان أأحمر ناعم بالمره وفاله شعرها وحاطه مكياج ناعم وروج أحمرفاقع ويوم طلعت قدامه قالت له بإبتسامه ساحره:هلا قلبي أخيرآ جيت.
تركي:وش عندك متشخصه.
نجود: نسيت ان اليوم زواج صديقتي وودي أنك تحضرمعي للزواج.
تركي قال بينه وبين نفسه: ولك عين تتكلمين بعد كل تطنيشك الحين عرفت أنك ماتهتمين لأمري , عرفت ألحين ليه مزعجتني بهالأتصالات عشان تبيك توديها للعرس.
نجود: تركي وين سرحت.
تركي عقد حواجبه وقال: لاماسرحت ولاشي بس بروح أتروش أنقرفت من هالعيشه.
نجودفيها ضحكه بس أكتمتها عشان مايعصب عليها تركي.
جهزت نجود عيالها وخذت لهم ملابس لأنها ناويه تخلي عيالها ينامون عندأهلها وأخذت لها ولزوجها ملابس لاكن زوجها مايدري أنها خذت ملابس لأنها قالت لولدها خالديحط الشناط في شنطه سياره أبوه وهومايدري.
بعدماطلع تركي من دوره المياه لقا الغرفه دافيه وملابسه الداخليه جاهزه قدامه والثوب والبشت الأسود وقال بينه وبين نفسه:أمحق مره حسبتها متشخصه عشاني بس صارت متشخصه لعرس صديقتها ,أقول ألبس وتشخص ورح معها لاتتفلسف عليك .
فجأه قطع تفكيره صوت نجود وهي داخله ومعهاالبخور قالت له: هاه حبيبي جهزت .
تركي: لا جالس أنشف جسمي بغيتي شي.
نجود:لا خلاص أجل بأخليك تلبس على راحتك و بروح أرتب غرفه العيال لأنهامحيوسه.
يوم طلعت نجودعصب تركي وقال:ازعجتنا بذى العيال لوأنهم ماجابتهم كان أحسن , الله يرحم زمان أول كانت تنشف جسمك بنفسها وتلبسك بعد أماالحين عيالها أهم مني أقول بس أقوم ألبس أصرف لي.
بعدنص ساعه دخلت نجود ولقته جاهز لاكنه مطنشها فحبت تطنشه تبي تشوف رده فعله , وبعد نصف ساعه طلعوا وراحوا بيت أبو نايف عشان يحطون العيال وتفاجأ تركي يوم شاف الخدامه تنزل شنطه كبيره وسأل نجود وقال لها: نجود.
نجودالتفتت وقالت بحنيه:يالبى قلب نجود.
تركي قال بينه وبين نفسه: أه ياقلب ياحلوها وهي تقول هالكلمه.
نجود:تركي بغيت شي.
تركي:لا بس وين زواج صديقتك صجيتونا بهالزواج اللي مدري وش يبي.
نجود: تذكرالفندق اللي دايم نروح له أنا وياك وأحيانى ننام فيه .
تركي: أها.
نجود:في نفس قاعه الفندق زواجهم.
تركي:اللهم طولك ياروح.
وراحوا للفندق ويوم وصلو طلع واحد من الموظفين وأخذ المفتاح من تركي ونزل تركي لاكن نجود قالت له:حبيبي أجلس عندالإستقبال دقيقه بس بروح للغرفه اللي صديقتي حاجزتهابروح اسلم عليها وأجيلك.
تركي طيب ليه ماأروح لقسم الرجال.
نجود:لا أبيك تجلس بس دقايق وبجيك.
راحت نجود للغرفه اللي حجزتها ولقتها جنان نفذ مديرالفندق كل طلباتهاومن الفرحه بغت تبكي, وراحت وجهزت نفسها وتعطرت بالعطراللي يحبه تركي وأتصلت على تركي وقالت له:حبيبي أبيك تجي بقسم المعاريس.
تركي: طيب.
نجود:وأبيك تجي عند جناح رقم 30.
تركي بنفس شينه:اف طيب.
يوم جاء تركي للجناح وأول مارن الجرس فتحت له نجود وهي مبتسمه وقالت له:هلابك ياحبيبي نورت المكان اتمنى أن المفاجأه أعجبتك.
تركي بتعجب: طيب زواج صديقتك؟.
نجود:أساسآ مافيه زواج ولا شي اناحجزت هذا الجناح عشان نجلس مع بعض جلسه رومنسيه من زمان ماجلست معك هالجلسه.
تركي قام يتغلى عليها وقال: لاتحسبين انك باللي سويتيه تقدرين تراضيني.
نجود: وياترى وش اللي بيرضيك؟.
تركي:أنتي وشطارتك.
نجود:أنت جربني وماراح تندم.
تركي : نشوف.
الساعه12بالليل
(في بيت الجيران):
أم عبدالرحمن ضيفت الحيرم على العشاء وبعدماتعشوا قالت نوف لأختها مشاعل:ماتلاحظين أن البنات يهتمون لأمر بندر.
مشاعل:إلا واضح عليهم كلما جابت أمه طاريه أسكتو وجلسوا يتسمعون لكلامها عنه.
قاطعتهم ريوف وقالت: ابسألكم عن عهدبعض الأسئله.
نوف:أسألي.
ريوف:كم بقى لها بالجامعه؟.
مشاعل:هذي أخرسنه لها.
ريوف: وش بتسوي بعد الجامعه؟.
نوف:شوفي بأقولها لك بإختصار عهد تموت بشي أسمه دراسه وكتب وطموحها كبيربالمره وحلمها تكون دكتوره اوعالمه في التخصص اللي هي داخلته وهوطبعآ طب.
ريوف بذهول: ماشاءلله عليها.
مشاعل:ماقلتي لنا ليه تسألين هذي الأسئله؟.
ريوف:تقدرين تقولين فضول فقط لاأكثروالأقل.
(في بيت أبونايف):
ريم نامت ونوره جاها النوم ومنسدحه على الأريكه وعيال نجود ناموا وعهود يدور في بالها سؤال واللي هوبندر وش يبي مني؟.
فجأه رن جوال نوره وكان المتصل ريماس اختها.
نوره تثاوبت وقالت: هاه وش تبين.
ريماس:هههههه وش في صوتك كذا.
نوره: فيني النوم ماخلصتومن عزيمتكم؟.
ريماس: شوي وبنجي بس أبيك تتصلين على بندر يجي ياخذنا لني دقيت عليه ولارد يمكن يرد عليك.
نوره: أوف صجيتونا بذا البندر خلاص بدق عليه يالله باي.
عهود بتطفل:وش عندها ريماس.
نوره وهي ضايقه:تبيني أدق على بندر وحضرته مايرد علينا أول مره يسوي كذا.
عهود:وش تبون منه.
نوره: أوف تحقيق هو عهود والله أن فيني النوم ومالي خلق أتكلم خليني أدق على ذا الحمار عشان يجي ياخذنا.
بندررافض يرد على أهله ومافيه أحد يوديهم للبيت والمصيبه أن بندر يدق على عهود وعهود حاطه جوالها صامت ,
فقررت عهود ترسل لبندررساله كتبت فيها:رد على أهلك يبونك تجي تاخذهم وأوعدك إذا راحوا أهلك أرد عليك إذا دقيت علي.
بعدنص ساعه نوره دقت على ريماس وقالت: رد عليكم بندر.
ريماس:إيه وهوقريب من البيت تجهزي.
نوره:ترا نجود جابت عيالهاوراحت لزواج صديقتها وقالت خلوهم عندكم وبجي بكره أخذهم.
ريماس:معهم ملابسهم.
نوره:إيه بس أخلصوا علينا فيني النوم.
ريماس:يالله شوي وبيجي بندر بس تجهزي باي.
نوره:أوف باي.
عهود:هاه ردعليكم أخوك.
نوره:وأخيرآ رد وبيجي الحين.
عهودضحكت وقالت بينها وبين نفسها:الظاهرأنه سمع كلامي.
بعدساعه جاء بندروراحت نوره وعيال نجود ومروا أمها وريماس وراحوا للبيت وجت الساعه وحده بالليل ولاجت أمها وراحت تقوم ريم بنت أختها وراحت لغرفتها أما ريم كملت نومتها في غرفه عهد.
(في سياره بندر):
بندرساكت وماتكلم بولا كلمه وأمه تسولف هي وريماس فقالت نوره بضيقه: وأخيرآ رديت علينا ساعه وحنا نتصل ولاترد.
بندرساكت ولارد عليها وكل شوي يطالع الساعه ويقول بينه وبين نفسه:عسى مانامت لازم أصارحها باللي في قلبي الليله.
أم نايف:وراك وأنا أمك مسرع هدي من السرعه وأناامك وش فيك؟.
بندرماقدريطنش أمه فقال لها:يومين وأنامواصل ولانمت وابي أوصل للبيت وأنام لأن بكره فيه صلاه الجمعه.
أم فهد:الله يهديك بس.
نوره قالت لريماس:عهود اليوم غيرطبيعيه.
بندرمن سمع أسم عهود خفق قلبه بسرعه.
ريماس:وش فيها؟.
نوره:مدري بس صايره مرتبكه وطول الوقت سرحانه وتطالع بجوالها.
ريماس:ليه.
نوره: فيه وحده معكم بالجامعه أسمها نوره؟.
ريماس:إيه بس علاقتنا معهاسطحيه ليه؟.
نوره:عهودعطت ذي البنت رقمها وكل شوي متصله أزعجتنا بإتصالاتها وعهود رافضه ترد عليها.
ريماس:ليه.
نوره:تقول عنها أنها مزعجه وبثره.
ريماس:أقول أنزلي من السياره خلاص وصلنا للبيت.
نوره:أه وأخيرآ بنام.
بندردخل سيارته جوا البيت وراح مسرع لغرفته وقال لأمه:بروح أنام لاأحد يزعجني.
ويوم دخل غرفته رمى شماغه على السريروانسدح وأتصل على عهود ومع كل رنه يزيدخفقان قلبه , توقع أنها بترد عليه ولاردت حاول مره وثنتين وعشر ولا ردت وتحطم المسكين وقال:والله حرام عليها.
وقام من السرير ودخل دوره المياه وغسل وجهه وأكل حبه بندول وغيرملاابسه ولبس بجامه واتصل وللأسف ماردت
وقرر يكتب لها رساله وبدأ بالكتابه ويوم أنتهى رسلها وجلس ينتظر.
(في بيت أبونايف):
جو أهل عهود من الجيران وهم دايخين أمها راحت تنام وخواتها راحوا لبيوت أزواجهم وزوجه أخوها راحت لبيتها وعهد راحت لغرفه عهود ولقت الباب مقفول وراحت لغرفتها تنام لأنها ظنت ان عهود نايمه.
(في غرفه عهود):
عهود عايشه حاله توتر وخوف لأن بندركل شوي يدق عليها وهي ماردت عليه فجأه جتها رساله منه كتب فيها:
علامك ياحبيب القلب ماتبي تجاوبني
ترا مليت من كثرأتصالاتي
تعبت وأنا أرجي ردك
خلاص أرحمني ولاتتعبني
رد علي وريح قلبي اللي عذبني
يكفي صدود رد ولاتطنشني
تدري وش أمنيتي الوحيده
ترد علي بس وتسمعني
وإذا مارديت علي وسمعتني
بتكون حكمت علي بالإعدام ياقلبي
عهود أرجوك اسمعيني تراني تعبت من كثر ماأتصل عليك وأنتي ماتردين ليه ماتبين تردين وعدتيني تردين علي والحين أمطنشتني ماكانت هذي هقوتي فيك يابنت عمي
بتصل عليك بعد خمس دقايق وأن مارديتي بأتصل ليما تردين
بندر
عهود لزمت الصمت وقالت بينها وبين نفسها:ليه ماأرد بشوف وش يبي مني الظاهر أن عنده شي وبيقوله خلاص برد وبشوف وش أخرتها.
فجأه رن جوالها وقررت ترد عليه وأول ماقالت : ألوه.
قال بندر بصوت كله حزن وعتب:أخيرآ رديتي علي ياقلبي.
عهودأرتاعت يوم سمعت كلمه ياقلبي , وقلبها بدأ يخفق بسرعه.
عهود: وش تبي مني.
بندر: ماأبيك تتكلمين إلا إذا سمعتيني, أبيك تسمعيني وبس.
عهود:مسبب لي إزعاج وتبيني أسمعك.
بندردمعت عينه وقال:عهود أنتي ماتحسين بمعاناتي ولاعمرك بتحسين حرام عليك من أمس وأناأتصل ومطنشه ولاهمك واليوم دقيت أكثر من مره ولاتردين وبكل برود تقولين لي مسبب لي إزعاج وتبيني أسمعك, لواللي فيني فيك كان مالمتيني.
عهود:طيب تكلم أناأسمعك الحين.
بندربكى وعهود حست أنه يبكي وضاق صدرها ولزمت الصمت وقال لها:ماعمرك يابنت عمي بتحسين باللي أحس به
تبين تعرفين وش أبي منك , شي واحد وهوقلبك يابنت العم قلبك وبس.
بندرماقدر يتكلم العبره خانقته بشكل غير طبيعي وماقدر يكمل كلامه لاكن في الأخير قال:عهود أناادري ماهمك ولايهمك أمري لاكن هذا اللي كنت بقوله لك لاكن أنتي عديمه إحساس وبلا ضمير وصدقيني الموت أهون علي من تطنيشك .
عهودضاق صدرها وقالت له:بندر اناماأبيك تزعل بس صعبه أكلمك صدقني ماأقدراكلمك.
بندرعصب وقال:لوتعرفين اللي في قلبي كان مالمتيني يابنت العم لاكن اللي رجوله بالنارمومثل اللي رجوله في الثلج , والظاهرأنك ماعندك أي أحاسيس ولاحتى تعرفين الأحساس لاكن قبل ماأسكربقولك شي واحد ماهقيت ردك كذى يابنت العم , أه بس يالله في أمان الله ياعهود.
وسكرالسماعه في وجهها وعهود حست بتأنيب الضميروبكت وجلست الين الفجر وهي تفكر في كلام بندر لأنها منصدمه من اللي صار لأنها تعرف عن بندرحاجات مختلفه تعرف أنه حبوب ومن النوع اللي يمزح لاكنه جدي دائم ومايهزه شي وتعرف أنه رجال صلب مثل الصخر ومايهزه أي شي وأكثر شي تعرفه أنه لايمكن يبكي لووش يصيرودايم يخفي مشاعره بدون مايبوح بها وتعرف عنه أن عنده كرامه ومستحيل يرخصها لأجل أحد واليوم أرخصها لأجلها لاكنها ماأهتمت منه ولافكرت فيه.
بندرمتضايق لأن عهود ماأهتمت لأمره وضاق صدره زياده لأنها ماحست فيه وقرر يرسل لها رسائل عل وعسى تحس بمشاعره تجاهها فصار كل يوم يرسل لها عده رسائل وكل رساله أحسن من الثانيه.





(بعدأسبوع من مكالمه بندر لعهود):
بدأ يحن قلب عهود على بندر لأنه كل يوم يرسل لها عده رسائل حب وغرام وبدأ قلبها يتعلق في بندر لاكنها ماحبت توضح له وفي يوم من الأيام جتها رساله من بندركتب فيها:
تعبت أرسل لناسآ مادرو عني
تعبت من كثرمااحاول أرضيهم
أبيهم بس يحسون فيني بس لحظه
أبيهم يحسون ومادرو عني
ترا حالي من بعدهم يروع
لانوم ولاأكل أوحتى راحه
تعبت ألين مامل صبري
تعبت أصبرقلبي اللي هان نفسه لأجل وصالهم
خلاص ياعهود براحتك لاتردين بس صدقيني أن صار فيني شي أنتي السبب
بندر
كانت هذي أخررساله أرسلها بندرلعهود, لاكن في يوم من الأيام سمعت عهود خالد أخوها يتكلم مع عيال خواته عن بندر
كانويقولون أنه تغيروصار غير طبيعي وطول الوقت يهوجس وصارأنطوائي وتغيرت ملامح وجهه من الإرهاق ونحف وجهه وصارمايضحك وطول الوقت محزن وإذا أسألوه عن شي مايرد وكأنه بعالم ثاني.
وبعدمرور شهر على حاله بندر بدت عهود تفتقد رسائله اللي كان يرسلها كل يوم وحست بإحساس غريب أول مره تحس فيه وقالت بينها وبين نفسها:مدري ليه قلبي صار يحن لك يابندر ومدري وش هذا الإحساس اللي أحس به معقوله أكون حبيتك وأنا ماأدري بس مدري ليه صرت أشتاق له.
وفجأه قطع تفكيرها صوت رنين جوالها والمتصل بندر ومن قالت عهود:الوه....
قال لهابندربضيقه:أبي أعرف أنتي وش سويتي فيني.
عهودخافت وقالت: ماسويت لك شي.
بندربإنفعال:تقولينها بكل برود ماسويتي شي , أنتي ياعهود حطمتي كبريائي وخليتيني أذل نفسي وأهينها عشانك خليتيني أعيش على أوهام كثيره خليتيني لاحي ولاميت والله الموت أرحم من اللي تسوينه فيني والله حرام عليك أنتي لهاالدرجه عديمه إحساس أسبوع أرسل لك رسائل قلت عل وعسى تحس فيني ولاحياه لمن تنادي.
عهود:بندر أنت ماأنت في وعيك ولاتدري وش تقول.
بندر:أناتعبان تعرفين وش معنى تعبان .
عهود:بندرطيب أنت أهدأ عشان أفهم وش تقول.
بندر:من شهر وأنا أعاني حتى النوم ماعاد أقدر أتهنى به صرت من الإرهاق مجنون ماأدري وش أقول حتى دراستي أهملتها وأهلي ماعاد أجلس معهم صرت كني طفل طول الوقت دمعي على خدي وتقولين أهدأ.
عهودضاق صدرها وقالت:بندرأسمعني.
قاطعهابندروقال:وش أسمع وش عقبه يابنت عمي توك تفكرين تتكلمين خلاص ماعاد يفيد الكلام من اليوم ورايح بدفن قلبي وبدوس عليه برجولي وماراح افتحه لأحد , أنافتحته لك أنتي وبس ولاراح أفتحه لغيرك لاكن للأسف ماتستاهلينه ياعهود.
عهود لزمت الصمت ثمآ بكت وحس بندر بأنهاتبكي وقال لها: خلاص ياعهود ماعاد تنفع الدموع خلاص الظاهرأنك ماتبيني وهذا واضح عليك على العموم في أمان الله ياعهود وأوعدك أن هذي اللحظه هي أخرلحظه تسمعين فيها صوتي وعشان أريحك مني وأريح نفسي بسوي شي بس لاتسأليني وشوهالشي لاكن بيجيك الخبرمن أخوك خالد لاكن كل اللي أقوله ترحمي على روحي ياعهود, وقفل السماعه بوجهها.
عهود خافت عرفت أن بندربيسوي بنفسه شي , وخافت عليه وبدون شعور دقت عليه ولارد وتدقت مره ثنتين عشر ولارد وفجأه قفل جواله.
(في سياره بندر):
بعد ماسكر بندرالسماعه قرر ينتحرلأنه ماعاد يتحمل اللي يصير له وعهود تتصل عليه وهويردد خلاص يابنت عمي ماعاد ينفعني إتصالك تأخرتي علي واللي بيصيرلي أنتي السبب فيه , وفقل جواله وفجأه وبدون أي سابق إنذارصارله شي غير متوقع
.
عهود متوتره وتبكي وخايفه على بندرلأنه قفل جواله ولارد وصارت مثل المجنونه تدوربالغرفه وهي تقول:يارب مايصير له شي .
فجأه سمعت صوت خالد وهوحاط الجوال بأذنه ويقول: بدر بندر وش فيه؟ , هاه وش قلت حادث عساه بخير, إنالله وإناإليه راجعون , طيب طيب أناالحين جاي.
عهود أنهارت من الصياح وماقدرت تكتم عبرتها وحست أنها السبب فاللي صار لبندر.
الكل أرتاع على بندرلأن الحادث كان شنيع وطبعآ سيارته راحت للتشليح , أماهوفي العنايه المركزه وحالته خطره جدآ بين الحياه والموت وعهود كل يوم تبكي لأنها السبب.
وبعد مرور شهر من الحادث أنكتب لبندر عمر جديد وطلع من العنايه المركزه لأن حالته أستقرت لاكنه بيجلس بالمستشفى شهرين لأن فيه كسور بالفخذ وبرجوله.