يا مال فرقا العين >>تاليفي

السلام عليكم ورحمة الله وبركاته

يسعدني طرح هذي الابيات اللي عن الخاطر

مدخل :

من يوعد خويَّه ويخلف بوَعــــده
ذكّر النَّاسي قلَّه وعد الحُر ّ دَين

م َ يفيد حكي ٍ ما بان الفعل بَعـــــده
واللي ما جا في وقته لا يجي بعدَين

الابيات :

ياما عرَفنا فــ الدنيا من مَّعَارف
ناس ٍ نخاويها وناس ٍ نجَنــِّبـــها

احد ٍ يشَرِّف على روس المشـــــــارف
واحد ٍ يدَحدر كـ الشَّمس فــ مغاربها

هَمَّلت الزَّاحف والمنحرف والحارف
اللي لا جاته السَّهـــــــــــــلَه يصَعِّبها

ولاَزَمت الصَّامل اللي فــ الضِّيق طارف
اللــي لا شــــــــــــــــــــاف البعيده يقـــَرِّبها

اللي في لازمي ما حَسَب كم صارف
في لازمه الخسايـــــــــــــــر ما اَحسِّبها

ومن مَدّ لي يَدَّه يوم السَّيل جارف
اشهد اني لجل عينــــــــــــــه بــَخَرِّبــها

واليا ضاقت ثم شفته لـــ الدَّمع ذارف
نذر ان ّ ابـــَطِّي دمعتـــَه واعـــَقـــِّبـــــــها

عــَقــِّب الخامل خاو الصَّامل الكارف
وللمستحيله مغناطيس جاذبـــــــها

وعَلّم الجاهل قـــُلَّه يصير عـــــارف
كل بَكرَه ياتيها فحل ٍ يضـــَرِّبــــها

واليا خــَرف من عذوق النـــَّخـَل خارف
التــَّمره يبطي من يبغى يرَطـــِّبــــــها

واليا شبـــَّت بين المَزروف والزَّارف
البادي اظلم دام انـــَّه مشَبـــِّبــــــها

وعــَلِّم اللي فــ الرّدَى مسرف وسارف
يا ويله من اللي غــُترُتـــَه يعصــُبــــــــها

والخــُوَّه بحر ٍ ما غـــَرَف منـــَه غـــــارف
لا تنشد الطبيب انشـــــــــــــــد مجرِّبها


مخرج:

بعض العَرَب ما تنفـــَع معهم القــَعدَه
ابعد لا تجاوب من نـــّشد على وَيــــــــن

قــل لــ الصَّامل والله ان يبشر بـــ سَعدَه
وقل للي ترَدَّا يا مال فرقــــــــــــــــا العَين