[[ يابنت أنتي على بالك أبأخذ مـن بنـات الشـات ؟ // أجل مجنون أنا يابنت أشيل العقـل بيديّـه ؟ ]]

بسم الله الرحمن الرحيم

السسسلام عليكم ورحمه الله وبركـآته ..


حبيت انقل لكم هذا الشعر ..
من اجمل الاشعار ، وزنا , وقافية , ومعنى , .. ولكن للاسف ما ادري مين هوشاعرها ..

يا بنت أرجوك أنا مأقدر كفانـي ماضـي الغلطـات
أخــاف الله يعذبـنـي وأنــا خــواف يابنـيـه


واخـافابساعـه اللـذه يجينـا هــادم الـلـذات
ويأخذ مـن حشـى جوفـي بقايـا روحـي الحيـه

أنا ليّه ثمان اسنيـن وأنـا مدمـن علـى الشهـوات
ديـار الفسـق حاستهـا مواطـي تحـت رجلـيـه

عيوني مـن كبـر همـي تخلـط الـدم والعبـرات
مِسيـل الدمـع مـن عينـي حفـر بالخـد ماريـه

صحيح إنك جميله بـس تبنـا مـن هـوى الزينـات

تركنـا الحـب غصـب وطـوع للعيـن الشقاويـه

يابنت أنتي على بالـك أبأخـذ مـن بنـات الشـات ؟
أجـل مجنـون أنـا يابنـت أشيـل العقـل بيديّـه ؟

ترى أكبر شيء يربطني مِعك جـوال ابـو شاشـات
وهاتـف ينقـل أشواقـي علـى نبـرات سلكـيـه

وترى كل العلـوم اللـي عطيتـك بالهـوى كذبـات
وحتـى دمعتـي يـوم الفـراق الصعـب كذبـيـه

هـذاك اليـوم ماهلـت عيونـي لجلـك الدمعـات
لأن الدمـع ماينـثـر بقـصـه حــب وهمـيــه

أنا أضحك مِعك واضحك منك عليك أكثّرالضحكات
كأنـي بالـهـوى جـنـي .. يعـبـي راس جنـيـه

وأنا مانـي بخكـري يلبـس القمصـان .. والشرتـات
ويفـرح قلبـه المسكـيـن إذا حــب الدوينّـيـه

أنـا مـن لابـةٍ أروت ضمايـا سيوفهـا الغـزوات
خلايا جسمـنـا عـاشـت عـلــى دم القبيـلـيـه


ودهنتي شعرك الاسود بألوآن والصبغات
وعيت تقبل الصبغه ملآمحك الخليجيه

وحشرتـي ردفـك المسكيـن بالبنطـال .. والجنـزات
خلاقـيـنٍ تصنّعـهـا مـزاجــات اليـهـوديـه

عشاني ميـتٍ فـي ثغـرك الأحمـر أبـولمعـات
تحسبينـي أبرضـخ لـك لأن إشـفـاك ورديــه ؟

ورب الكون مأرضىفيك لو إنك شيخـة الحلـوات
وإذا صمـل علـيّ العلـم أكـب ارض السعوديـه

يابنت الناس عـزك فـي سـوادٍ يستـر العـورات
وعزي في شماغ أحمـر.. وثـوب أبيـض.. وطاقيـه

سعودييـن نفخـر فــي عبـايـات السعـوديـات
نغـض الطـرف إجـلالً إذا شفـنـا السعـوديـه

وسلامتكم