أوراق غيرت لونها / البارت العاشر

البارت العاشـــــــــــــر
خالد يضيق مابين عيونه : بس أنا للآن ما سألت...
مرام: .......!!!!
خالد يبتسم من ردة فعل منار ويتكلم بعدها بصوت عميق: ما سبب هذه الجروح؟؟؟؟
مرام تتنهد تنهيدة طويلة طلعت غصبا عنها: ...........وتحاول تداريها ..وما ترد...
خالد : آسف إذا ضايقتك .. بس تأكدي أنه لازم أعرف...
يفكر يسألها اي سؤال يدله عن هوية الشخص الذي دفع تكاليف العلاج لكن تراجع .. هو بيحاول يعرف من هو بطريقته..
خالد : مارديتي؟
مرام : ...... عن إذنك دكتور.. وتدخل شقتها ...
.............
الساعة الثامنة مساءا..
قفل الكتاب..وهو يتأمل نورا ماسكة جريدة...
خالد: نورا..
نورا تحل كلمات متقاطعة في جريده ومنسجمة عالآخر: نعمممممممممممم
خالد: تشوفي أني سبب انفصالك عن عماد أنا ؟
نورا تركز نظرها لأخوها بدون ما ترد!!!
خالد: نورا .. ليش ساكته؟
نورا بصوت مخنوق: لا..
خالد بحزن : لا أيش؟؟؟ لا تكذبي..
نورا : أوكي ولو كان.. أيش تفرق الآن .. وتتنهد..
خالد: طيب ما فكرتي أنه قد يكون لي أسبابي؟؟
نورا: ...................
خالد يتحرك من مكانه ويجلس قرب أخته: نورا أنتي تعرفي مقدار حبي ومعزتي لك حتى عن باقي خواتنا..
والذي رفع السماء بلا عمد لوكنت أشوف أنه سعادتك في جلستك عنده ما تدخلت في حياتك...
نورا تضايقت من الموضوع .. وقامت وراحت غرفتها..
لحقها خالد وشافها تبكي على سريرها .. اكثر شي يضعفه دموع نورا.. يشعر انه مكسور لما يشوفها تبكي أو زعلانه... قرب منها ومسك يدها: نورا.. لو أدفع لك من عمري ولا أشوفك في هذه الحالة .. قومي لا تضعفي أخوك هكذا..
نورا وجهها على مخدتها: الله يهنيك بعمرك ما تقول هذا الكلام..
يرفع خالد راسها ويشوف عيونها الغرقانة دموع...
يبتسم لها ويحط راسها على صدره : دموعك غالية علي .. وسامحيني إذا زعلتك .. واللي
يرضيك أسويه .. تدللي وتشرطي.. يلا فرصة..
تبتسم نورا وما تتكلم...
خالد يقبل راسها: شوفي كيف نور الكون لما تبسمتي..
نورا بضحكة من بين دموعها: أنت لسانك متبري منك؟؟؟ إذا غلطت تغلط؟؟وإذا جاملت ما أحد يجاريك..
خالد يضحك...
ترفع راسها مستغربه : من زمان ما شفنا الضحكة!!!!
خالد : أقول لك السر وما تذيعيه.
نورا بزعل :أستحي أطلع على tv بس في الاذاعة والصحف عادي
خالد يضحك من قلب: لا وعرفوا يتفلسفوا !!خلاص ما بقول لك..
نورا: لاااااااااااااااه !!!مش على كيفك..
خالد : أيش بتسوي؟؟
نورا: أزعل وما يرضيني إلا لما تقول لي.. وتروح تجلس على كرسي التسريحة مسوية نفسها زعلانه..
......................
مرام
بعدما صلت المغرب والعشاء..وتعشت.. كتبت بعض الخواطر في دفترها الجديد الذي اشترته .. أما الدفتر (الغريب) الذي من خالد فهو رهين الادراج حتى اللحظة........
فتحت اللاب.. بس في حد يطرق الباب...
مرام: من؟
نورا: أنا يا مرام..
تفتح وهي ترسم ابتسامة...
نورا: يارب صبرني نقولها اطلعي عندنا نونس بعض شويه ما ترضى .. من فين جايبه العناد هذا كله ما أدري.. وكمان المشكلة أنها بدأت تصيبنا العدوى..
مرام باستغراب : تصيبكم!!!!!
نورا تضحكك : أيييييي نعم!!
مرام: نورا أيش تعشيتي!!!!
نورا : للأسف مبعوث أنا من غير عشا..
وتجلس على السرير..
مرام: ممنوع...
نورا: أيش هو؟
مرام: البقاء دون شجون..
نورا: بالله!!!
مرام : والله وحشتني هالشريرة..وفين خالة سلمى؟
نورا: نايمين..هو أنا غبيه عشان اجي ومعي شجون .. بعدين مابتعطيني اي وجه وبتسم .. وتكمل: تعالي قولي لي فينك مختفيه هذه الأيام.؟
وماشية عليهم الساعة سوالف بنات....
.........
نرجع لقبل شوي....
خالد: خلاص تعالي وأمري لله ..
نورا : لا قول وأنا أجي..
خالد : شوفي.. ويأشر بأصبعه لقلبه ..
نورا: لااااااااااااااااااااااااااااه! ومن هي تعيسة الحظ..
خالد: صدق خبلا وما حد يتكلم معاك..
نورا تقفز: آآآآآآآآآسفه .. بس قولي الصدق..من هي...
خالد: أمممممم... م رام...
نورا فاتحة فمها: هاه !
خالد : أيش فيك؟
نورا: مرام!!!!بس.....
خالد: بس أيش...
نورا: بس أنت ما تعرف عنها ولا احنا شي..
تدخل أم خالد: ادخل معاكم القمة ولا ممنوع؟
خالد: لا أكيد ما تكمل إلا بكم.. ويأشر خالد بيده على مكان جنبه عشان تجلس أمه..
نورا تطالع في أخوها وكأنها تسأل :نكمل؟؟؟
خالد يلتفت لأمه: أمي ما رأيك أنا قررت أتزوج؟
أم خالد باستغراب وفرح: يا ريت يا ولدي.. يا ريت .. توكل على الله والقلب داعي لك..
خالد يبتسم: مش أول تعرفي من هي العروسة..
أم خالد: أنا خيرتك بالكثير.. والآن هذي اختيارك .. أكيد حتكون عند حسن الظن..
خالد يحط يده على يد أمه: وما رأيك في مرام؟
أم خالد : والنعم فيها .. إذا كانت نصيبك ما عندي أي مانع.. أنا حبيت هذي البنت أول ما شفتها...
نورا: بس كيف يتزوج وحده ما نعرف شي عنها...
أم خالد: واضح أنها بنت ناس ..وما يعلم إلا الله ما هي الظروف اللي مرت فيها.. هذا الأمر اتركيه لأخوك .. وبيتفاهم وهو وياها.. أخوك عاقل وهي أعقل..
خالد يضحك : أول مره تعترف أمي اني عاقل ..
نورا تضحك : اصلا مجاملة بس عشان تتزوج
خالد :نووووورا ويضحك..
نورا : أصلا ما اعطيتك إلا أنا شوية عقل
خالد يضحك وبعدين يكمل..
خالد: عندك اعتراض على مرام يا نورا؟
نورا: لا ما هو اعتراض أصلا.. ومثل مرام ما تلاقي.. بس ...
خالد: لابس ولا شي..أنتي بس قومي انزلي وجسي لنا النبض..
نورا بغمزه: مش على أساس كان ممنوع أنزل عندها..
خالد يرمي عليها المخدة وهي تجري وهي تضحك...
......................
تدخل نورا البيت..يسرع خالد وينتظر نورا تتكلم...
نورا: أحم .. أيش فيك خوفتني..
خالد مترقب : بلا مهزلة .. ما هي النتائج.؟
نورا بتردد: بصدق .. ما كلمتها...
خالد: ليش؟؟؟؟
نورا: ما استطعت ..
خالد يطالع فيها بضيق... ويروح على غرفته..
................
نورا راحت شافت شجون نايمه وغطتها كويس وراحت على غرفة خالد..
خالد يسمع الباب يدق..
خالد عرف انها نورا : تعالي يانورا..
نورا تفتح الباب وهي تبتسم بخفيف : فاضي؟
خالد يرد الابتسامة على اخته : تعالي بس..
نورا تدخل وتجلس على كرسي جنب خالد الجالس على المكتب
نورا تشوفه قدام الكمبيوتر: ايش تسوي؟
خالد : اشوف بعض المواقع الطبية واتواصل مع بعض اصحابي الاطباء..
نورا تنفخ : اووووووف كله طب
خالد يضحك ضحكة خفيفة وهو مركز على شاشة الكمبيوتر..
نورا : خالد أنا جوعانه اروح اجيب لي ولك اي شي نأكله؟
خالد يلتفت لنورا ويبتسم : لا انا اشتي بس شي ساخن قهوة أو شاي
نورا : حاضر من عيوني ..
تروح على المطبخ تجهز لها شي خفيف تأكله وحضرت لها ولخالد مشروب شكولاته هي تعرف ان خالد يحبه.. ورجعت لغرفة خالد..
تأكل السندويشه اللي عملتها لها وهي تلعب برجولها زي الاطفال ترفعهم بعدين تنزلهم..
خالد حركتها لاشعوريا ضحكته...
خالد : نورا ايش فيك؟ والله شجون احيانا اعقل منك ..
نورا تطالع خالد بنظرات امتعاض واضحة وفمها مليان.. تبلع الاكل ..
نورا بزعل : نعم؟ يعني ماتعرف انه البنات تجي طالعة لعماتها ؟
خالد ساعتها يموت ضحك
يفقل الجهاز ويشرب فنجانه..
نورا توقف : طيب خالد بروح انام تحتاج شي قبل ما انام؟
خالد : اتكلم معاك شويه....
نورا : ......... سكتت لكن قلقها واضح على ملامح وجهها.. ورجعت جلست
خالد: نورا .. اقولك شي عشان ارتاح وترتاحي..
نورا : خير خالد؟
خالد : تعرفي ان أم شجون كانت مخطوبه لواحد قبلي...
نورا :............ كيف؟؟؟
خالد : وأنا خطبتها وهي مخطوبه وماكنت اعرف...
نورا : خالد ايش تقول؟
خالد :اللي سمعتيه .. وكانت تحبه ويحبها .. والرجال دخل من الباب وخطبها ..ويوم تقدمت انا شاف عماد أن المعادلة ناحيتي افضل من كل النواحي فسخ خطبتها بسببي..
نورا : ............... وبعدين ؟؟؟ بصوت يوحي انها متفاجئة ومتألمة.
خالد: يعني أنا اكتشفت انه شخص منافق.. وفي بعض الاشياء كمان مش هذا الموضوع بس..نورا .. أنا آسف والله آسف إذا كنت سببت في حزنك وألمك..
لكن والله مايستاهلك.. وانا قلت نخرج للبر من البداية احسن من انه تنصدمي بعدين..يعني يانورا هو لو شاف خلال خطبته لك بنت انفع لمصالحة منك كان تركك وراح لها ..
ويمد يده يمسح دمعه كانت في عين نورا.....
خالد بحنان الأخ : نورا لا تبكي...
نورا تبتسم ابتسامة شاحبة من بين دموعها
خالد : نورا بيعوضك الله اللي احسن منه.. ولساعتها انتي تاج راسي أنا .....
....................
نورا...وفي غرفتها بعدما خرجت من عند خالد... تفكر من بين دموعها في كلام خالد...
من ناحية هو صادق انه مصلحي ..كانت تلاحظ هذا في عمله .. لكن قالت في نفسها انه في العمل فقط..
لكن هي ماشافت منه شي..
واخيرا عرفت سبب كره خالد لعماد.. وعرفت سبب عدم سؤال عماد عليها ..
في بداية المشاكل..وبعد الطلاق مباشرة..
ومرت ليلة عصيبه على نورا.....
......................
خالد يحاول يحسبها صح من اجل إذا اقدم على الخطوة يكون متأكد..
وماعاد فاتح نورا أو والدته بالموضوع..
مرام حالتها تحسنت جدا سواء جسديا أو نفسيا ..
ولم يعد يرهقها إلا البعد..
.....................
ويمر الوقت .. وتمضي الأيام... وها هو عيد الأضحى المبارك قد اقبل..
ليلة العيد.....
خالد يدخل هو ونورا وشجون راجعين من السوق..
خالد يحط الاكياس على الكنبه..
خالد : نورا الباقي عليك ..
نورا جالسه هلكانه : تبتسم وتشيل البرقع بيدها .. ماعليك بحطهم في اماكنهم بس آخذ نفسي
شجون تفرك عيونها علامة ان النوم يهجم عليها
تحضنها نورا وتوقف عشان توديها على غرفتها....
خالد : نورا بعدما تنام البنت تعالي اكلمك في موضوع...
نورا : طيب ..
خالد يروح على غرفة امه اللي نايمة على سريرها وتستغفر..
يسلم عليها ويجلس جنبها ....
خالد : امي ..
أم خالد : خير ياولدي..
خالد : أنا فكرت اكثر من مره .. واجلت اكثر من مره لكن الان قررت..
أم خالد بفطنه : بخصوص مرام؟
خالد : ايوه..
أم خالد : مايكون إلا خير ياولدي..
نورا تدق الباب عليهم وتدخل...
نورا تجلس جنب خالد بعدما تسلم على امها
نورا : نامت البنت
خالد : كويس .. ويلف يده على ظهر اخته .. ادري والله انها تتعبك .. لكن تحملي عشاني
نورا تضحك : طيب بتحمل بشرط .. تكتب لي ورقة تنازل عن البنت
خالد : هي قطعة أرض ولا كيف؟
أم خالد تضحك من اولادها وتشوفهم بهدوء ..
خالد : نورا .. مستعده للموضوع؟
نورا : كلي آذان صاغية ومبتسمة
خالد : بكره عيد صح..
نورا : قالوا
خالد يضحك ويكمل : وعشان يكون العيد عيدين احب بكره اتقدم لمنار
نورا : خالد يعني متأكد من قرارك؟
خالد : اكيد نورا ان مش صغير عشان اقول شي مش متأكد منه
نورا : طيب أخي خليني اكلمها قبل واشوف ردة فعلها بعدين نشوف كيف..
خالد يعقد حواجبه : طيب بس بكره الصباح تكلميها
نورا : أمرنا لله طيب
أم خالد : إن شاء الله خير..
.............
وهذا العيد ليس ككل عيد.. بالتأكيد عند الكل.. منهم من هو عنده أسعد.. ومنهم من هو عندهم أكثر بؤسا من كل أيام العام..
كانت ليلة عصيبة على مرام.. وهي ترى كيف يقبل عليها العيد..
الساعة التاسعة صباحا.. مازالت في فراشها..
عيد بأية حال عدت ياعيد.....
تسمع طرقات الباب... تفتح بدون ما تسأل من .. أكيد خاله سلمى أو نورا..
بس أول ما شافت من على الباب ... تراجعت للخلف ورجعت الباب شوي...
مرام: خير دكتور خالد؟
خالد: منار أكثر من مره أقولك اتركي الكلفة بيننا..وعموما عيدك مبارك..
مرام: ............... على الجميع إن شاء الله بصوت واطي..
خالد: منار أنا بترك صندوق هنا.. وأنتي خذيه .. هذه هدية بمناسبة العيد..
مرام: مشكور دكتور خالد.. بس ما راح آخذها..واعتبرها وصلت..
خالد بزعل : منار.. خذي الصندوق .. بطلي عناد مره واحده بس.. مش عشاني لأني عارف أن ما لي خاطر عندك..عشان شجون .. نورا.. أمي..
شعرت مرام بالحرج من كلام خالد: مشكور دكتور..والله مديونة لك بالكثير..
خالد يلتفت عشان يطلع الدرج بس يتذكر: منار.. مره ثانيه لا تفتحي لمن لا تعرفي.. فتح للباب بهذي الطريقة خطأ...انتبهي لنفسك...
شعرت بالإحراج وهمست: إن شاء الله .. أصلا توقعتها نورا..
طلع خالد ... وأخذت مرام الصندوق .. كان صندوق 40×40سم.. في ارتفاع 20سم..مغلف بشكل راقي جدا من القماش المخمل..لونه اسود وعليه ورود حمراء متفرقه ..وفوقه كرت صغير.. فتحته مرام وقرأت ما بداخله:
أي شي في العيد أهدي إليك..
يا ملاكي وكل شيء لديك..
ليس عندي أعز من الروح..
وروحي مرهونة في يديك..
ماتدري مرام ليش انقبض قلبها مما قرأت.. تنهدت..وفتحت الصندوق..كان فيه مجموعة كتب.. كتاب لا تحزن للشيخ لعائض القرني..واستمتع بحياتك للشيخ محمد العريفي.. كيف تصنع من الليمون شرابا حلوا...وكتب غيرها.. كلها تحث على التفاؤل.. مع ان مرام كانت قد قرأت كل هذه الكتب لكن تبسمت لما شافتها..
خرجت الكتب.. فظهرت علبه أنيقة من القطيفة والمخمل.. بين اللونين الذهبي والأحمر الغامق.. موزع عليها كرستال على شكل زهرة روز..بدون شعور تبسمت لما شافت العلبة.. لأنها نسخه من علبه كانت في أحد تصاميمها.. عرفت ان خالد أخذ التصميم من كمبيوترها..
فتحت العلبة.. شافت فيها جوال من آخر ما نزل في السوق.. لونه أحمر على أبيض.. طقطقت بالجوال شوي شافت أن فيه شريحة..
ساعتها سمعت صوت شجون وهي تجري.. ما ما مااااااااما ..
فتحت الباب وحضنت شجون وسلمت على نورا.. اللي نزلت ومعها طبق من مكسرات العيد" زبيب ، لوز ، فستق ، كاجو ، وشكولاته وبيتي فور"
دخلت نورا وشافت فوق السرير الكتب..
نورا: يا سلام على الثقافة حتى يوم العيد!!!
مرام تضحك: وين خاله سلمى؟
نورا: تسلم عليك..بس تستقبل الضيوف..
وتكمل: مرام.. على هذه الحال بتمشي أعيادك؟
مرام: ما فهمت قصدك..وهي تفهم ما تعينه تماما .. لأن وجهها شاحب من انعدام النوم تقريبا .. بسبب تفكيرها..وعيونها تحكي الباقي..
حطت لها لنورا كعك العيد وعصير...
وهي أصلا ما فطرت لسه..
شجون تلعب هنا وهناك.. ومرام رجعت كأنها طفله..
حطت مرام في يد شجون هدية صغيرة ..
فرحت شجون جدا.. وحبت تفتحها..
مرام: لا مش هنا يا أمورتي .. عند ماما سلمى..
وفتحت لها الباب .. وبعدما تأكدت أن الصغيرة دخلت البيت.. رجعت..
نورا بضحكة: هذي تصريفه للبنت؟؟
مرام بغمزة: يعجبني ذكائك..
نورا: وأنتي خدمتيني خدمة العمر..
مرام تجلس على السرير جنب نورا
مرام: شوفي نورا.. الدكتور خالد حط قدام الباب هدية .. وانحرجت ارفضها .. وكانت هذي الكتب.. بس في شي لازم ترجعيه له..
نورا: خير؟
طلعت مرام العلبة وحطتها في كيس .. وعطتها نورا..
نورا: أيش فيها؟
مرام: ما عليك من أيش فيها .. اعطيه وبس..
نورا : حاضر.. بس في موضوع أحب أحكي معك فيه..
مرام: أنا تحت أمرك..
نورا: بصراحة مرام أنا منحرجة وبدخل في الموضوع مباشرة..
مرام: .................خير؟
نورا: في وحده أعرفها ساكنه في الحارة عند بقالة الشروق... وكلمتني أني أكلمك أن أخوها معجب فيك وناوي يتقدم لك..
طالعت مرام في نورا بعدم اهتمام وضحكة عالية: ومن وين يعرفني حضرته.؟؟؟
نورا: كان كل يوم وهو نازل العمل يشوفك .. وأكثر من مره تمري من عند سيارته..
مرام: أيوه!!!
نورا: وقال أكثر شي عجبه فيك كيف تمشي ما تلتفتي ناحية حد.. حتى هو أو سيارته..
مرام آخذه الموضوع تريقه: وهو يعرف أني ساكنه لحالي؟؟
نورا: ما أظن هي قالت لي كلمي بنت المستأجرين اللي عندكم.. ومن أسئلتي عرفت أنه أنتي...
مرام: قولي لهم رفضت..
نورا: ليش ؟
مرام مستغربه : كيف ليش؟؟ شكلك معجبه فيه !!خذيه حلال عليك...
نورا بزعل : الله يسامحك.. بس الشب عنجد ما فيه عيب..
مرام تضحك :ليش تعرفيه؟؟
نور: أكيد مش عندنا في الحارة..
مرام : أقولك قولي لها تقوله هي ساكنه لوحدها بيبطل على طول..وتضحك
نورا: أظنه عارف..
مرام: إذا كان يعرف فهو أكيد يظن أن وراي كنز.. ما يعرف المسكين أنه راتبي يا دوب إيجار و صرفة شهري..
نورا: حرام عليك لا تظلميه .. والله هو مش طماع..
مرام: نورا شكلك تتكلمي جد!!!!
نورا : أي والله..
مرام بتوجس : ومن هو هذا المغفل؟
نورا بزعل واضح : لا تقولي عليه مغفل.. والله ماهو مغفل..
مرام بدهشة: نوررررررووووو شكلك معجبه فيه.. تحبي أساعدك؟؟
نورا : حتى لو... بس هو يحبك أنتي..
مرام بعصبيه : من قال لك هذا الكلام..؟؟؟
نورا: هو....
مرام: هاه.....هو؟؟؟؟؟ تقابليه؟؟؟؟
نورا: لا.. بس..
مرام: بس أيش ؟؟؟؟
نورا: بس هو يحبك .. والله يحبك..
مرام بدأت تعصب بجد: نورا عيدي زي الناس أيش فيك اليوم...
نورا: خلاص لا تزعلي وأقولك الحقيقة..
مرام: .................قولي...
نورا: هو .. أخي خالد...
...........................
جالس في المجلس بعدما خرجوا الضيوف .. من أقارب وأخوال وأعمام..
ابتسم هو يتذكر شكل مرام وهي تفتح الباب وهي بعد النوم .. حاطة نص طرحه على راسها..وشعرها الناعم مبعثر على وجهها.. ولابسه روب نص كم لونه سكري طويل للارض..ما يدري ليش
طلعت منه ضحكة وهو يتذكر نظرات الارتباك لما شافته..
أخذ حبة شكلاته.. وهو يتعجب من انحراف مشاعره ناحية مرام180 درجة..
لكـــــــــــــ،ـــ،ن....
هناك الكثير من الأشياء اللي يحب يعرفها عن مرام.. وما يدري كيف يوصلها...
تدخل أم خالد وعلى وجهها ابتسامة...
تجلس قرب خالد وتهمس: أقول الدكتور تعبان شي؟؟؟
خالد ينتبه لوجودها يضحك: كنت تعبان.. بس لما شفت أجمل وأطيب سيدة على وجه الأرض وأحن وأرقى أم في المجرة.. تعافيت..
أم خالد بضحكة من قلب: يستر عليك يا ولدي أنت ولسانك..
خالد: ووووالله تستاهلي يا أمي.. ويسأل: نورا ما رجعت؟؟
أم خالد: لا .. شجون بس .. وواضح أنهم صرفوها..
خالد: ياربي من هذي بنتك . . إذا حصلت من تأذيه بكثرة كلامها .. ما يقدر يفتلت من هذا العقاب الإجباري..
أم خالد: خالد....
خالد: آمري..
أم خالد: ما يأمر عليك ظالم يا ولدي .. بس كان عندي سؤال...
خالد: ..........حاضر..
أم خالد : أنت مقتنع في مرام تماما؟؟؟
خالد: أكيد يا أمي. . أنا مش صغير عشان أتهور.. بس ليش؟؟ ما أنتي مقتنعه؟؟
أم خالد: لا يا ولدي.. لكن مرام عايشه لوحدها.. وما نعرف عنها شي .. ولا ما هي ظروفها.. أما من ناحية أخلاقها .. ما أشكك فيها أبدا.. لكن أقصد من نواحي ثانية .. مثلا هل تعرف ما حالتها الاجتماعية؟؟
خالد: نعم يا أمي.............مطلقة...
أم خالد : وما تعرف أيش السبب...؟؟؟
خالد: لا .. وإذا ما كانت تحب تحكي .. ما عندي اهتمام..
أم خالد: طيب باقي عندي تساؤل.. ليش تحولت معاملتك لها فجأة .. ومشاعرك تغيرت لها وكانت عليها فجأة ..
خالد: في أمور اتضحت لي .. كنت فيها غلطان.. واتهمتها اتهامات باطله.. وأظن حكيت لك عن يوسف واللي قاله لي ..
أم خالد: طيب يا ولدي.. أنا كلامي لك عشان تتحمل كافة النتائج.. من معارضة معارضين.. وما تقول بعدها حتى أمي ما اهتمت لأمري.. وما دمت مقتنع بهذا الشكل .. الله يوفقك ياولدي..

يتبع

ونرجع لمن هي الآن مصعوقة منذ سمعت نورا...
مرام تطالع في نورا بعيون مفتوحة..بعدين هزت راسها: اللهم صلي على محمد.. نورا الله يخليك اليوم مش واحد أبريل أمزحي في حدود..
نورا بقلق : مرام .. والله ما أمزح .. أخي خالد شاريك..
مرام: .................
نورا: وهو ينتظر رد منك..
مرام تتأمل نورا بنظرات لم تفهمها.. لكن كلها حزن .. وحيرة.. وقلق..
نورا:مرام .. لا تردي الآن .. فكري ..
مرام بصوت هادئ ونظراتها مركزة على الجدار: نورا..بلغيه رفضي..
نورا: ليش ؟ فكري .. خذي وقتك...
مرام: كان لازم ما ابقى.. كان المفروض أدور على بيت في أسرع وقت..
نورا: مرام أيش فيك.. ما أحد راح يجبرك على شي .. بس فكري.. أنتي ما في منك .. وأخي ما في منه .. ولا فيه شي ينعاب من وجهة نظرك...
مرام: ما في داعي للتفكير اللي ما يصح ما يصح .. وما يصح إلا الصحيح...وأخوك مثلما قلت مافي منه.. وألف وحدة تتمناه..
نورا: لا .. لازم أعرف السبب..
مرام : نورا .. أنا سيدة تحيا في الظل.. والدكتور خالد لازم يختار امرأة تحب أن تحيا في النور.. أنا عايشه لحالي .. ما يعرف أصلي من فصلي.. والدكتور خالد ابن الحسب والنسب.. وأنا مجرد علامة استفهام في وجوه الكل.. فكيف يرتبط مثله بمثلي..
نورا: أنا من جهتي راح أبلغه .. بس كلامك هذا أكبر دليل أنك أصل وفصل .. وحسب ونسب..وأقولك من جديد فكري..
.........................
خالد وهو يشوف العلبة في الكيس : هكذا قالت لك..
نورا: نعم يا أخي .. بس بصدق كلامها منطقي..
خالد: يعني.....!!!!
نورا: من حقها ترفض..
خالد رافع حاجبه : نورا.. أنتي معي ولا ضدي؟؟
نورا: معك أخي معك..
خالد: وليش كلامك محبط؟
نورا بابتسامة تصريف : لا كلامي واقعي..بعدين ليش أهديتها جوال؟؟؟
خالد: قلت يمكن تكون بحاجته وما تستطيع تشتريه .. ووالله يا أختي ما أعرف كم الرقم .. أنا أخذت الشريحة بس ما فتحت الفاتورة عشان أعرف الرقم..
نورا:لا .. أنا سألتها أكثر من مره ليش ما معها جوال .. كانت ترد أنها ما تحتاجه. . لأن ما معها أحد تتواصل معه به..
خالد: طيب وكيف نقنعها توافق؟؟؟
نورا: ما أدري...
.................
الساعة منتصف الليل ومرام ما استطاعت تنام .. تفكر في كلام نورا.. حاسه أنها تورطت..كيف تتصرف .. وكيف تخرج من المأزق هذا..تتنهد .. وقلبها يدق بقوه..
وتمـــ,ـــر عليها الذكريات.... ويغادرها النوم معلنا الرحيل...
تتذكر حسام.. تتذكر أهلها .. تتذكر ما مر عليها في حياتها...
وتمضي الساعات كالسنين...
........................
وبعد أيام...
وفي المكتب..
مرام: ألو..
...........
مرام: طيب حاضر أستاذ مصطفى .. دقائق وأحضر..
وتروح على مكتب مدير الشركة..
الباب يدق..
أ/مصطفى: أدخل..
مرام تدخل وتجلس على الكرسي المقابل للمكتب..
المدير مشغول بالكمبيوتر..عدل نظارته ويطالع مرام...
أ/مصفى: مرام دي تصاميمك؟؟
ويلف شاشة الكمبيوتر ناحية مرام..
مرام استغربت كيف وصلت أعمالها للأستاذ مصطفى وهي كانت في جهازها الخاص..
شعر المدير بحيرتها..
أ/مصطفى: مستغربه كيف وصلت ؟
مرام تهز راسها بمعنى نعم..
أ/مصطفى: دا يا بنتي الدكتور اللي كان يشرف على علاجك.. جايبها لي في فلاش وهو فاكر أنه عندك عمل لازم يتسلم..
مرام: ............... عرفت ان خالد احضرها متعمد وهو عارف انها مش عمل لأن كل نسخه كانت معها النسخة الاصلية للمشروع مع المهندس صاحب المشروع..
أ/مصطفى: بس ليه ما ألتيليش أنه عندك قدرة على تصميم الديكور؟؟؟؟
مرام بصوت منخفض: لأنه يحتاج تقديم شهاده .. وأنت تعرف يا أستاذ ما عندي أي شهادة معي..
أ/مصطفى:بس أنا صدقتك أنو تقدري تستخدمي الحاسوب .. فليش مش عيزاني أصدق أنك تصممي ديكور؟؟
مرام: لأني ما كملت .. كان باقي لي سنه وهذا هو تخصصي .. واتخرج.. بس.....
أ/مصطفى: خلاص فهمت.. يعني تخصصك ديكور وانت عندنا ومش عرفين؟ أقدر أديك عمل ميداني من دي الوقت..
مرام: لا..
أ/مصطفى: ليه؟؟
مرام: مش وقته..بس إذا كان في عمل وتحتاج مني العمل فيه ضروري أنا في الخدمه..
أ/ طيب يا بنتي .. على راحتك..
...............
بعد أيام...
وفي المساء..
مرام جالسة تخلص بعض الاعمال على اللاب وتفكيرها نوعا ما مشتت
يدق الباب.. تحط الجهاز من يدها وتسأل : من؟
وتطلع خاله سلمى ..
تفتح لها مرام الباب وتسلم عليها
تدخل خاله سلمى وتجلس على الارض في المكان اللي كانت جالسه فيه مرام

مرام: حياك الله خاله سلمى..وتقدم لها شاي..
أم خالد: الله يحييك يا بنتي ..تسلمي .. تعالي اجلسي..
تجلس مرام جنب أم خالد..
أم خالد : مرام ..ليش مارديتي لنورا خبر..
مرام: عن أيش ؟؟
أم خالد: عن خالد....
مرام تسكت .. وتتنهد بلا شعور : كلمتها يا خاله تبلغكم رفضي....
أم خالد: ليش ؟ هو خالد ما يعجب؟؟
مرام: لا .. والنعم فيه وفيكم كلكم..بس...أنا ما أناسب ولدك..
أم خالد: ليش ؟
مرام: أولا ما يعرف من أين أنا ولا وما أصلي وفصلي.. وهذي أمور لابد منها..ثانيا كلام الناس .. من تزوجت .. ومن بيت من ؟ ومن أهلها؟ ومن .. ومن .. وأنا ما أحب أحطكم في مواقف كهذه..
أم خالد: شوفي مرام..أنا فاهمه كلامك .. وأنه صحيح..بس أنا متأكده أنك أنسب واحده لخالد هذا ولدي وتربيتي..وإن كان عن أهلك وأصلك وفصلك .. فإذا ما تحبي نعرف .. من حقك . . وأنا متأكدة أنك بنت ناس..وإذا كان بينك وبين أهلك مشكلة ونقدر نحلها أنا جاهزة..بس أنت دليني..
مرام :..............
أم خالد: فكري في الموضوع..
مرام : مايحتاج افكر..
أم خالد : هو ما احد بيجبرك يابنتي لكن خذي الموضوع جد..
وتجلس بعض الوقت قبلما تطلع
..................
فتحت الباب بعدما رجعت من صلاة الجمعة .. تروح احيانا والجامع قريب.. وقبل ما تغلق الباب طرق خفيف .. رجعت فتحت تشوف من اللي يدق
خالد أول ما فتحت مرام دخل وغلق الباب بس ما سكره للآخر..
مرام ابدا ماتوقعت تصرف كهذا من خالد : د/خالد في شي؟؟؟؟
خالد بحواجب معقودة: سمعت أنك تدوري بيت..
مرام بعصبية واضحة : أكيد خبرك عبد الحافظ.. والله كنت مترددة استعين فيه..
خالد: منار مش مهم من بلغني..اسمعيني يا بنت الناس .. أنا شاريك.. وحسي فيني .. أنا ما فكرت في الزواج إلا بسببك.. وأنتي عارفه هذا الكلام... حتى شوفي اصبحت اتصرف بصبيانيه بلا شعور ..
مرام: دكتور .. لا تحط نفسك في موضع تندم عليه بعدين بكثرة الانتقادات..
خالد: ما عليك وللناس..أنا مستعد أفحم كل من يتطاول .. وأحنا ما بنسوي شي غلط؟؟؟
مرام: دكتور.. احسبها صح..
خالد: اسمعي إذا على اسمك الكامل ما أحب اعرفه .. وإذا على مشاكلك أو ظروفك مع أهلك لك عهد مني ما أسال.. بس .. كوني معي..
مرام: .................
خالد: صلي صلاة الاستخارة...
مرام: أصلي في أمر أنا مترددة فيه.. بس هذا الأمر أنا حاسمة له تماما..
خالد: نعم؟؟؟؟
مرام طفح الكيل عندها : دكتور ما يصح اللي تسويه..
خالد يتنهد ويخرج...
خالد : منار .. أنا آسف على هذا التصرف الخطأ
ويطلع الدرج..
...............
وفي المساء
وبعد صلاة العشاء..مرام تكتب بعض خواطرها بين صفحات دفترها الجديد..وفكرها شارد..وقلبها يدق كأنه أجراس..بدأت دموع الحيرة والألم تتجمع في عينيها..فأي حظ تعيس يتربص بمرامنا..وأي أمر جلل نزل عليها من وجهة نظرها..سمعت نورا تتكلم مع خالد في الدرج لكن ما فهمت عن أيش.. كان الكلام غير واضح..بعدها سمعت نورا تدق عليها الباب..
فتحت لنورا.. دخلت نورا للصالة فقط..
نورا: مرام ألبسي عباتك . . أخي خالد حابب يتكلم معاك..
مرام : نورا.. أنا مشغولة .. وتتعمد ترفع صوتها عشان خالد يسمعها..
خالد يتدخل وبصوت هادئ ورزين: ربع ساعة فقط.. وإذا تجاوزتها حقك تعترضي..
أربكت لهجة خالد مرام ...وعرفت من خلالها أن عنده الكثير من الكلام.. وكأنه يقول اسمعيني لآخر مره..
مرام بصوت لا يقل عن هدوء صوت خالد: طيب..تفضل..
ولبست عبايتها وبرقعها..
خالد جلس على طرف السرير.. ومرام واقفة..
نورا: اجلسي يا مرام..وأنا جالسة في الدرج.. وخرجت قبل ما تمنح مرام أي فرصة في الاعتراض.. جلست على الدرج والباب مفتوح
خالد: منار اجلسي .. واعتبريها إما آخر ربع ساعة أو أولها..
جلست مرام.....
خالد: منار...بسألك سؤال .. وتجاوبيني بصدق..
مرام: ..........
خالد: هل في شي يمنعك من الزواج.. وما قصدي ظروف.. أقصد مانع جسدي..
مرام:....................لا....
خالد يبتسم ويرجع لنفس جديته: طيب منار كم عمرك؟؟؟؟؟
مرام تناظر في خالد وعلى وجهها علامات تعجب!!!!!!!!!!!
خالد: ردي..
مرام: 25سنه..
خالد: منار سؤالي الجاي قد يكون صعب.. بس لازم تردي عليه.. وسكت شوية .. وكمل: كم عمر حسام الآن...
مرام بصوت منخفض: 5 سنوات..
شعر خالد بمرام تخوص في حزنها في هذه اللحظات..شعر بالمرارة حقا.. ولا بد من تدارك الأمر..
خالد: والآن ممكن أعرف أهم سبب لرفضك لي .. وأظن هذا حقي...
مرام بصوت هادئ وعميييييق: شوف دكتور .. أنت والنعم فيك.. وأنا علامة استفهام.. أنت لك ظروفك اللي مريت فيها.. وأنا كذلك.. بس أنا ظروفي تختلف.. ووضعي أمام الناس يختلف..كانت تنظر للأرض .. ترفع نظرها بعينين شاردتين ناحية خالد: وتكمل: أنا بالنسبة للناس ألف سؤال وسؤال..وأكيد لك أنت كمان..منهم من يقدر ظروفي بحسن الظن.. ومنهم من ينهش في لحمي في أسوأ حالات الظن..
أنت اليوم قد تكون معجب بي...لكن تأكد مع مرور الأيام .. بتراجع نفسك .. وأنا ما أحب توصل بيننا لهذه المرحلة..تركز نظرها على الارض: دكتور...أنا الآن واقفة على أقدامي.. لكن لو تزوجت .. وحصلت مشاكل ونضطر نفترق.. ما بكون ساعتها قادرة على الوقوف من جديد.. ساعتها أتحطم تماما..وأعادتها....تماااااااما..
خالد قلبه يدق بين ضلوعه .. وريقة نشف وهو يشوف مرام تتكلم بكل ألم وحزن وخوف.. الآن تأكد تماما .. أن رفضها ما هو إلا خوف..
خالد: منار .. أنا قلت لك لا تخافي وأنت معي..والذي خلقك أكون لك الزوج والأخ والأخت والأب والأم .. أكون أهلك وناسك.. وأصلك وفصلك .. وحسبك ونسبك..
صلي الاستخارة .. بعدها يدل الله على ما هو خير لي ولك .. ولعلمك أنا صليت الاستخارة.. وكلما رفضتي صليتها .. وأشوف نفسي متمسك بك أكثر.. باقي أنتي..بعدها بنروح للمحكمة .. ونعقد عقد القران هناك..
مرام: بس ما عندي ما يثبت شخصيتي ..ولا ورقة تثبت طلاقي.. يعني لا تتعب نفسك..
خالد بابتسامة ظاهرة: لو كان صحيح ما كنتي تستلمي راتبك عبر الصراف الآلي.. وما كنتي فتحتي دفتر توفير.. كيف بدون بطاقة؟؟؟؟
مرام: يعني تتجسس؟؟؟؟
خالد: لا معاذ الله ولا هذا أسلوبي...بس تذكري آخر صفحة من دفترك.. منار...لكل شي من الله حكمة.. يمكن في جمعتنا مع بعض حكمة.. وتذكري(حكمة الله تخفى بعض أحيان....)وخرج....
تذكرت مرام آخر صفحة في دفترها وهي تحسب كم وفرت في الشهر وكم صرفت.. وكانت كاتبه عن الصراف الآلي الذي طلع لها الضغط يوم تعطل..
قامت وتوضأت وصلت صلاة الاستخارة....
....................
خالد يقود السيارة وفي نظره اليوم الطريق طولت..الفرحة ما وسعته وكأنه طفل صغير..
مرام في المقعد الخلفي هي وخالة سلمى.. قلبها يدق بشده. .
خالد يتأملها من مراية السيارة ..
وأخيرا .. وصلوا للمحكمة.....وفي صالة الانتظار بينما يجري خالد بعض الإجراءت...مرام تتذكر...
مرام: أنا موافقة بس ... بشروط...
خالد: مع أني عارف شروطك مسبقا .. بس هاتيها..
مرام: ما تسألني عن أسرتي .. وبعد العقد أكيد بتعرف لأي عائلة نسبي .. فما تسألني أي سؤال..
خالد: حاضر.. بس ولا باقي؟؟؟؟
مرام: يعني في أسئلة كثيرة في راسك.. أتمنى ما تسألني هي..
خالد : حاضر.. بس باقي سؤال.. لازم أعرف جوابه. . أوعديني..سؤال واحد بس..
مرام: بس...!!!طيب اسأل..
خالد : الجروح اللي بظهرك وكتفك ما سببها؟؟؟؟
مرام:..............
خالد: ردي .. لازم أعرف...
مرام : أقولك الإجابة وتصدقني..
خالد: أكيد..
مرام: بس أوعدني عندما تسمع إجابتي.. ما تسأل ولا تجادل..
خالد: طيب ..أوعدك..
مرام: والذي رفع السماء بلا عمد... حتى أنا ما أعرف ما سببها.....
خالد:!!!!!!!!!!!!!!!!!!!!!!!!!!بس هو وعد ما يجادل...
مرام: باقي شي.. وظيفتي..ما بتركها...
خالد: حاضر..بس بندور على وظيفة نص دوام.. يعني للظهر بس...
تنتبه مرام على صوت خالد يناديها...
مرام: نعم...
خالد: أيش فيك؟؟؟لي ساعة أحاكيك..
مرام: لا .. ولا شي..
خلاص تعالي دورنا
يتحركوا يروحوا للقاضي وأم خالد جالسه على مقاعد الانتظار
وبعد اطلاع القاضي على الأوراق...
القاضي: منار ال....
مرام: نعم ..
القاضي:خالد ال....س
خالد : نعم سيدي القاضي..
القاضي: ممكن تخرج شوية .. معي كلام لمنار...
خرج خالد .. وهو ما يدري ليش قلق... واسم منار الـ يدور في رأسه ......
وفي الداخل...
القاضي : منار.. أنت واضح أنك إنسانه فاهمة وعاقلة..
منار: .............. الحمدلله
القاضي: وخالد ال.....واضح أنه ابن ناس
بس يا بنتي.. من حقي أنبهك..لازم رضا أهلك .. ولو قرارك الآن بيدك .. بس من باب النصح..
منار: بس أنا ما عندي أهل سيدي القاضي .. وأنا عايشه لحالي.. يعني قراري بيدي..
القاضي: وهذا جانب ..فهل أنت مقتنعة أن هذا هو الإنسان الذي يكون لك الأهل والسند؟؟
منار: أكيد سيدي ..
القاضي: وهو كذلك.. وتدخلي لا يعني شي في النهاية .. إلا من باب تبرئة الذمة .. لو تشوفي يا بنيتي كم من مشاكل نواجهها يوميا.. تشيب لها الولدان..
..............
خالد جالس في الصالة الكبيرة على ناااااار
أم خالد تهدأ في ولدها : خير ياولدي ايش فيك؟
خالد بعصبيه : ايش يقول لها هذا القاضي المغفل الان؟
أم خالد ترفع حواجبها مستغربه وماعادت تدري تضحك ولا تبكي على حالة ابنها ..
تضحك : كل خير ياخالد اكيد القاضي مستغرب ان البنت لوحدها .. طول بالك وصلي على النبي..
خالد : اللهم صل وسلم على سيدنا محمد..
......................
جالس خلف المقود بنظارته السوداء الانيقة.. واضح انه متضايق جــــــــــــــدا.. يرمي الجوال على المقعد الذي بجانبه وهو مستاء جدا..يفتح باب سيارته الفاخره .. ليبدو طوله الفارع واناقته ..
يتمتم : خطوة خاطئة.. كان لازم يسبقها خطوات يامنار..
يسمع رنين الجوال ...
يفتح باب السيارة ويأخذ الجوال ويرد
ألو :............
ينهي المكالمة بابتسامة جانبيه
يغلق باب السيارة .. ويضع مفاتيحها في جيب بنطاله ويصعد الدرجات المؤديه لبوابة المحكمة الداخليه بكل خفه...............

من هو هذا الذي يراقب مرام وخالد بكل هذا الحرص؟
ولماذا؟
وهل سيكتمل زواج خالد ومرام؟

طرح رائع
يعطيك العافيه

سلم ذوقك واختيارك
ربي يعطيك العافيه
وما ننحرم من جمال طرحك
لروحك الجوري

راقني انتقائك الماسي
تسلم يمينك
ودام عطائك العذب
پآقة ورد

سلمت يمناك
طرح جميل جدا

ماشاء الله تبارك الرحمن
ذوق في اختيارك
وعافيه عليك وعلى الطرح الراقي
لاحرمك الله رضاه
‏لك كل
تقديري واحترامي
مجنون قصآيد

تسسلم يدياااتك على رووعه طرحك

الله يعطيك العاآآآآآآفيه ...

وربي يسعدك

*،




آنتقاء مميز .. مَ ننحرم من جديدك

الله يعطيك العافيه على الطرح
اللي كله ابداااااااع


حضوري شكر وتقدير لك
ولاهتمامك في مواضيعك


اخوك
نجم الجدي