رواية جفاف وردة بيضاء في رُكن الذكريات /44

.. (البــ الـرأبع والأربعون ـارت )..
.
.
‏لو يكون الحظّ السّعيدُ رفيقا
‏قمتُ من سكر غفلَتي مستفيقا
‏لكنّ الله رام لي تعويقا
‏كنت في لجّة الذنوب غريقا
‏لم تصلني يد ترومُ خلاصي . ‏
" النابلسي"
.
.
.
____
رفعت كفها بتفحص، صرخت اريان من الألم بقوة , وسحبت كفها بـأنين موجوع.
ابرار بقلق من صُراخها : اريـان.
لفت ناهد بأستغراب مصدوم : لم مسكت يدها حسيت بالرصاصة ليكون للحين موجوده ؟ .
ابرار رفعت كتفيها : مدري .
اقتربت لتفتح أريان عيناها المُحمرة الرمادية وملامحها يُزيد شحُبها : ايه احس فيها.
تراجعت براسها للخلف ناطقة بدهشه من الملامح التي أمامها : بسم الله.
انزلت أريان راسها بـصدمة من جُملتها.
ناهد بتبرير وقفت ماسحة تعرق جبينها : راح احاول اكلمهم يجيبون دكتور..
قاطعتها أريان صارخة لأبرار : افتحي الشنطه.
انحنت أبرار للأحقيبة بحركة سريعه.
ناهد وعيناها لاتزال مُعلقه بأريان .. هل منال الجابر عادت ؟. ،.. فالشبه المُخيف هذا يُخيفها .. ؟ .
اخرجت ابرار ملقط صغير ، مدته لأريان.
ألتقطته أريان بتوجع.
جلست بشفقة على حال هذه الفتاة : انا راح اطلعها.
مدت أريان كفها بضعف، أشارت ناهد لأبرار بشفتيها : امسكيها.
ادخلت الملقط وبحثت عن الرصاصة لتسحبها بقوة ، على ارتفاع صُراخ أريان .. ويتبعها بُكاء العالٍ.
ناهد بدت تمسح حول الجرح بالمُعقم : الجرح صغير لكن..
ووقفت بضياع مُشيرة للباب : راح اطلع اكلمهم لازم تخييط ، وتحتاجين دم بـ أسرع وقت.
هزت ابرار راسها ، وسحبت أريان لصدرها وشهقاتها المُتتاليه تُالمها.
طرقت الباب بقوة ، فتحت الخادمة.
خرجت بخطوات سريعه ، صعدت للاعلى.
دخلت على جلوس زياد على طاوله المكتب من غير مُبالاة لما يحصل في الاسفل ، ويُغطي ثغره بظهر أصبعه السبابة بتفكير عميق.
ناهد تقدمت بأندفاع : صاحي ؟
واكملت بعدم تصديق وهي تدور : بنت بنت كيف صاوبتها ، ويقول جابر بالغلط.
نظرت لعيناه : اصغر من تكذبون علية ؟ ، اقول البنات ذولا من ؟! .
واكملت بجنون مرعوب : فيه وحده تشبه منـ . .
غطت عيناها والكلمات تنحبس في بلعومها.
وقف بتأفف قاطعاً صراعها مع ذاتها : خيطتي الجرح ؟ .
نظرت له : كيف اخيطه ؟ ، البنت بتموت وجهها انقلب اصفر.
واقتربت برجاء : زياد البنت تحتاج دم ، ماراح تصبر اكثر من كذا، ولا يُمكن اسوي عمليه الوضع خطير ،
لو خيطتها يمكن اسوي شيء غلط وراح اضرها.
تحرك لهاتفة بطولت بال : هو قد جاء منك فائده ؟ .
واكمل بسُخرية : فايدتك في الحياة بس ظلمتيني.
قاطعته بأشمئزاز : وهذا وقت نتكلم فيه عن ماضيك الأسود ا؟.
قاطعها صارخاً : لاسمع صوتك.
ونطق وصوت الطرف الاخر يصل له : كلم دكتور عماد يجيني الحين ، ونبي دم .
واكمل : ايه ضروري ، قول راح تدخل جراحة .
واغلق على حديثها المُستغرب : وليش جايبيني ، وعندك دكتور ؟ .
حرك راسة بملل وعاد لمكتبه : شفتهم مايبون رجالي يمسكونهم ، وقلنا نجيبك ..
بترت حديثه بـسُخرية : ترى فيه فرق كبير بين رجالك ، والدكتور .
جلس وعيناه تبحث في الأوراق أمامه : خلاص ندري اننا اغلطنا يوم جبناك، يلا روحي لبيتك.
بِعناد بطيئ : لا ماخلص لين يطلعون معي .
حرك راسه بـنفاذ صبر : انتي الحين تبين جابر ، ولا تبين البنتين ؟ .
امألت ثغرها بأستفزاز : كلهم .
أشار للباب : يلا لا تخليني ادخل حُراسي يسحبونك.
واكمل مُركزًا نظره في عيناها : وترى مايهموني بس أنتظر العايد يجون ونفكهم.
بصدمة : خاطف بنات العايد ؟!.
مسك ذقنه بتفكير قصير : لا بس ليتنا خطفناهم ! .
بخوف من تفكير أخاها : زياد لوين تبي توصل ؟ .
نظر لساعته : وانا بجلس اعيد لك ! .
تأففت بأمتعاض، وتحركت خارجة.
زياد وهو يُقلب الأوراق التي بين كفيه : ناهد الباب يسار.
بعدم اهتمام اتجهت ناحية اليمين ونزلت القبو المخفي خلف السلالم الطويلة.
جلست أمام اريان : كلها دقائق ويجي دكتور.
ابرار مسحت جبين اريان المُعرق :شكرًا.
ناهد تنحنحت هامسة : لاتخافون راح أساعد..
بترت جُملتها على دخول الخادمة : سيدتي الطبيب سأيدخُل .
وقفت ناهد على نظرات ابرار المصدومة من جُملتها.
ناهد للخادمة : جيبي عبايتي.
خرجت الخادمه ، بدت أبرار تلف الطرحة على وجه اريان وتُغلق عبائتها .
بتردد وعيناها على ملامح اريان المتوجعه : انتم مين ؟! .
ابرار نظرت لها : كيف نصدق انك بتساعدينا ؟ .
همست ناهد على دخول الخادمة : وربي بساعدكم .
ارتدت العباءه بُسرعه .
دخل الدكتور وخلفه مُمرضة.
أريان همست بتلعثم : كل شي صار اسود.
ابرار لدكتور : انت تحرك بسرعه.
قاطعها الطبيب بنظرات حادة : ماراح اشتغل وهذي قدامي ، طلعوها.
وقفت أبرار بحقد.
.
.
___
ينقر بـ أصابع يدة اليمين على الطاولة ، على دخول راكان : اعتذر تاخرت بس صارت احداث جديدة وكان لازم تواجدي.
تجمدت أصابعة وبخوف : صار شي لأهلي ؟.
راكان سحب الكُرسي للخلف وجلس أمام انس فاتحاً الملف : لا يخص زوجة ماجد.
تراجع بالكُرسي للخلف بصدمة : وش فيها ؟ .
راكان وهو يُخرج الورقة المطلوبة من الملف : أنخطفت.
مسح وجهه بتوتر : وش صار ؟ ، ولقيتوا احد معها ؟ .
راكان ركز نظره بملامح أنس : زوجته الثانيه ، والخطف مادام اقل من خمس دقائق.
زفر أنفاسة بعدم تصديق فَهُو من كان يعتقد أنهما أريـان وأبـرار.
حرك يده اليُمنى كاتماً غضبه : مين اللي خطفوها ؟ عرفتوهم؟ .
فتح غطاء القلم الأحمر وبدا يُخطط تحت سؤال : هذا اللي كنت بسالك اياه ، انس مين الخاطفين ؟! .
بلع ريقه وعدل ظهره : ماشفتهم.
راكان رفع حاجبه بشك : انس أسبوع مختفي ، وماشفتهم ؟.
انس بصدق : لما يدخل رئيسهم يغطون عيوني ، ولما يطلع يفكونها.
راكان بأستغراب : ليه ؟ .
بلل شفتيه : مدري .
راكان بتساؤل : ماقالوا لك وش يبون بالضبط ؟ .
انس بهدوء : ابوي.
راكان بضيق : حتى امك لما حققنا معها قالت عايد يعرف ، وش اللي ابوك يعرفه وانتم ماتعرفونه ؟ .
التزم انس الصمت وداخله يضيق.
لف الورقة ناطقاً : وين ماجد ماجاء معك.
انس فتح علبة الماء التي امامة وهو يُخفي توتره : في بيت احمد خوينا .
راكان نظر له ثم انزل عيناه ببحث عن ورقة اُخرى : زين ، الا كيف هربت من ايديهم ؟ .
انس بعد ان ارتشف الماء دُفعه واحدة نطق ساخراً : حُراسهم اغبياء ، وقدرت اهرب .
راكان بضحك قصيرة : لاتستهين فيهم يارجُل .
انس بأستغراب : واحد وانتحر وشفنا كيف غب..
قاطعه راكان : اختك كان فيه واحد يراقبها من فترة ، وهي ساعدتنا نمسكه وللحين ماتكلم رغم التعذيب اللي تعرض له منا .
رمى عُلبة الماء الفارغه بقوة ، وابعد الكُرسي للخلف حتى سقط من وقوفة الغاضب : واختي وش مطلعها من البيت ؟ .
برزت عروق جبينه صارخاً : كيف طلعت ؟ ، انتم وينكم ؟ .
راكان بهدوء : دامك تخاف على اختك حتى حنا نخاف على اختنا ، ليش اخذت اختي من قدام بيتنا ي انس ؟ .
انس اقترب بحدة : هددوني فيها .
وهز راسه ببطئ : والله هددوني يخطفونها ، كيف ارتاح وهي عندكم ؟.
راكان اضاق عيناه : كان قلت لي وانا راح احُط عليها حراسة.
مسك جبينه بضيق :انا كنت جاي اشوفك ، بس طلعت اريان بوجهي ومالقيتني الا ماخذها معي .
راكان بضيق : تصرفك كان غلط.
بهدوء تحرك للكرسي مُعدلة وجلس عليه : ادري انه غلط .
تكلم راكان بعد وقت : وليش اخترت بيتكم القديم ؟ .
ضغط على شفاته : ماجاء في بالي وقتها الا هو .
راكان تقدم بجسده : هم اللي داهموا بيتكم البارح ؟ .
انس هز راسه : الأغلب هم .
واكمل بسُرعه : بس ماجد طلع من بالبيت قبل المُداهمه .
نظر له بأستغراب : والأسير اللي قلت عنه ؟ .
انس حك انفه وهو يضيع في الكذب : لكذا قلت الاغلب هم لانه قدر ينحاش ، ويمكن هو اللي بلغهم.
راكان ولُغه جسد انس لأتُعجبه : والدم اللي كان مالي البيت ! .
رفع كتفيه : والله مدري وش سببه.
راكان بهدوء : ع العصر بتطلع نتائج الدم ووقتها نعرف من.
انس بتوجس قلق : وكيف تعرفون ؟ .
راكان نظر له : من المُختبر ، راح يطلع لنا منهو دمه .
انس التزم الصمت بشرود .
قطع سرحانه سؤال راكان : من كان الأسير.
انس حضن أصابعة بكذب : حارس عندهم .
قاطعه راكان بدهاء : وليش الحارس ذا بالذات اخذته ؟ .
حك قفا عنقة : يمكن لانه يعرف كُل شي عنهم .
وقف راكان جامعاً الأوراق داخل الملف : انس ماقدرت اتجاوز ولا نقطه من كلامك مع الأسف .
أنس رفع حاجبه : وش قصدك !.
اقترب راكان مُنحنياً له : قصدي واضح .
واكمل بأسى : حتى خطفك لراجح خلانا نفقده نهائي .
نظر له انس بحده : لو مخطفته كان بيخطفونه قبلي.
راكان بعدم تصديق من تفكيره : والحرس اللي على البيت كيف بيتجاوزونهم ؟ .
انس امال ثغره ببتسامة ساخرة : زي ماتجاوزتهم.
راكان بضيق : بالنهاية خطفوة ، انس والله انت تصير ضدنا بـ أفعالك ، ساعدنا ساعدنا.
بعد صمت دام ثواني سحب ورقة من الأوراق المُتناثره على الطاولة ، قلبها ع البياض وكتب بخط عريض ع الورقة ( زياد الراشد ، منال الجابر ).
دفعها بخفه لراكان وبهمس : ابي معلومات كاملة عنهم.
وهمس ضاغطاً ع اسنانة : وأتمنى ماتسال عن شي حتى اشوف معلوماتهم.
رفع راكان الورقة بـأستغراب من الأسماء المدونة ، انزل نظره لأنس : كلها وقت وتجيك المعلومات.
وخرج بخطوات ثقيلة ، على فتحه الباب نطق انس : ابي سعود .
راكان استدار له : على العصر بيكون هنا.
وأشار قبل ان يُغلق الباب خلفه : اليوم بتكون ضيف خفيف علينا.
تنهد تنهيدة طويلة على دخول شُرطي : بننقلك للحبس الأنفرادي.
وقف انس مُبعداً الكرسي الخشبي للخلف بـجمود رخيم .
.
.
__
تأففت اثير خارجة من القاعة الدراسية : وش ذي الدكتوره اللي مافوتت ولا دقيقه من محاضرتها.
نظرت اسير لمعصمها : الساعه ثنتين.
مسكت اثير قلبها : وانتِ تزيدين علي.
اسير وكزت تؤامتها ببتسامة : نطلع نفلها ؟ .
اثير بخبث : ونقول المحاضره طولت ؟ .
اسير أضاقت عيناها : ونكذب ؟ .
اثير تحركت بضيق : وليش تحمسيني ؟ .
اسير لحقتها : طيب نستاذن من امي ، بنقول بنطلع نتغداء.
قاطعتها : ماشاءالله وامي بتوافق ، بتقول والبيت مافيه غداء.
اسير تنهدت : خلاص بكيفك.
رفعت حاجبيها بحماس : اي كذا خليك.
اقتربوا على جلوس لُجين لوحدها.
نطقت لُجين عندما وقفوا فوقها : ماراح ارجع البيت.
اثير ببتسامة واسعه : هذا اللي اتفقنا عليه.
اسير جلست مُعدله خُصلات شعرها : عندكم تخاطر عجيب.
اثير جلست جوارها : عاد اشك ان لُجين تؤامتي مب انتي.
لُجين بسُخرية : ع ذا الشبه انا تؤامتك ؟ .
اسير بضحكة : اشك بعقل اثير مرات .
اثير أضاقت عيناها : اهم شي ضحكتكم.
لُجين رتبت كُتبها فوق بعض : بس انا اتكلم صدق ماراح ارجع للبيت لا اليوم ولا بكرة ولا بعده .
اثير وحادقتها تتبع يدين لُجين في ترتيب الكُتب : بياخذك ناصر ؟ .
بحده : ياليل وش جاب طاري ناصر.
اثير اعتدلت بجلستها : كلامك ي عزيزتي يقول.
اسير بهدوء بعد ان فهمتها : وش صاير بالبيت ؟ .
نظرت لأسير وبضيق : تكفين مو وقت اتكلم بالموضوع وهنا.
اثير بحنق : ليكون عبدالرحمن ؟ .
مسحت ثغرها ووقفت : جوعانه اكل شي ثم اتكلم.
وقفت اثير : افضل مطعم بالرياض والحساب على اسير.
اسير بضيق لحقتهم : وانا وش دخلني ادفع ؟.
اثير عادت لتجاورها هامسة : لانك حبيتي الشخص الغلط.
اسير بخفوت : هو انا اللي احبه ولا انتي ؟ .
اثير رفعت كتفيها : انتي تؤامتي ولازم نتفق ع اللي بتحبين .
مروا من امام هند التي تستعد خارجة .
صعدت هند الحافلة وجلست بهدوء ضائق وتفكيرها في المدعو بـأسم رياض الجابر.
بعد وقت طويل من تجول الحافلة بـأحياء الرياض ، نزلت واخيرًا لمنزلهم.
استغربت سيارة علي تقف وينزل بملامح لأ تُبشر بالخير.
أقتربت ضامه ملازمها لصدرها.
تصلب جسدها عندما نزلت أمراة كبيره في العُمر.
علي وعيناه ترتكز في هند ، اقترب لها : هند قولي للاهل معي ضيوف.
وقفت على اطراف أصابعها ونظرت من خلف كتف علي للفتاة التي تُمسك المراة الكبيرة وبتساؤل : هذولا من ؟ .
علي همس : بقولك بس الحين سوي طريق .
هزت رأسها وتحركت داخلة المنزل ، انزلت ملازمها على الطاولة وخلعت حذائها وبدت تتحرك مُلتقطه مافي الصالون من بعثره ، وتُرتبه بشكل سريع.
سمعت صوت علي هاتفاً : تفضلوا منا المجلس.
نزعت عبائتها وعدلت شعرها وزفرت انفاسها خارجه لهم .
مها بضيق على جدتها : تبين موية ؟ .
الجدة بجزع : حسبي الله والنعم الوكيل هو وش مسوي يوم ياخذونها.
وبدت تضرب صدّرها .
دخلت هند ببتسامه بشوشه وتنحنحت : السلام عليكم .
مها بخفوت : وعليكم السلام .
انحنت هند على راس الجدة المشغولة بالشتائم الخافته .
مها رفعت عيناها على وقوف فتاه ببشرة حنطية أمامها ، تربط شعرها للاعلى وترتدي جاكيت جنز ازرق على تنوره سوداء يصل طولها لنصف الساق .
مها ببتسامة صغيره بعد المُصافحه والسلام : ممكن موية ، عشان اعطي جدتي حبوبها.
هزت راسها وخرجت بلُطف .
جلست مها امام جدتها وبأعتراض : ليكون بنجلس عندهم ؟.
الجدة رفعت برقعها الطويل ليظهر وجهها المُجعد : دقي دقي على ابرار.
مها بللت شفتيها وبهمس : بس ماعرف رقم ابرار.
الجدة بغضب : على اخت رجلها.
مها تنهدت هامسة : ولا اعرف رقم اخت رجلها.
الجده بحدة : والرقم الي معتس ؟ .
بتردد : ماكلمت ابرار ولا كان معي رقم ، بس عشان عمتي ماتشيل هما.
الجدة بغضب : ها شوفي حال عمتس.
دخلت المطبخ على وقوف علي فيه : مين ذولا ؟ .
علي والهاتف على أذنة : ليه ماقلتوا لي عن أريان ؟ .
اخرجت صينية بيضاء ووضعت عليها علب ماء : ماحبينا نخوفك ، وانت بعيد.
حرك راسه : اعذاركم ماتتغير.
تحركت للغاز : ماجاوبت ع سؤالي.
انزل هاتفه : راكان مايرد.
هند تركت مابين يدها : وانت ليش ماترد علي ؟ .
اتكى ع المنضده خلفه وحرك راسه : خذوا بنتها من بيتها .
رفع كتفيه : والله مدري وش السالفه بالضبط .
اقتربت بخوف : كيف ماتدري وش السالفه بالضبط ، طيب هم من ؟.
حرك يديه : تعرفين ولد عم انس ؟
هند : صديق راكان ؟ .
حرك راسه برفض : لا الثاني .
بطرف عين : اللي كان زواجة مع اريان بنفس الليلة ؟ .
علي : ايه .
واكمل : هذولا اهلها ، الحرمة الكبيره هي جدة زوجته الاولى ام امها ، ومها بنت خالها.
تجاوزت هند موضوع الأسم بأستفهام : وليش جايين عندنا وين عيالهم ؟ .
علي اعتدل بجلسته : مالهم عيال ، فيه واحد اللي جاء معي مره ، صار بينه وبين الجده شد وحلفت ماتركب معه ، وابو مها ماكان موجود.
هند بتساؤل : وليش اخذو بنتها بس ؟ .
علي بضيق : شفتي ابو زوجة ماجد الاولى.
هند بتفكير : وماجد ذا كم متزوج ؟.
علي تحركت يحمل له كأس : وانا ادري كم متزوج ؟ .
هند وعيناها تلحق علي : ايوه كمل.
علي سكب له ماء هاتفاً بعدم تصديق : ها ابو زوجة ماجد الاولى ، هو زوجها.
قاطعته : اها يعني الحرمه اللي اخذتها الشرطه هي ام زوجه ماجد !.
وقعت عينان علي بـ مها التي دخلت بهدوء : جدتي لازم تاكل حبوبها ..
ارتبكت هند : اسفه تاخرت عليكم .
وتحركت تحمل الصينيه.
مها : عنتس.
هند ببتسامة صغيره : لا وين انتي الضيفه.
وخرجوا مُبتعدين .
بتوتر ترك كأس الماء قبل أن يرتشف منه : ليكون سمعتنا ذي
اتجه نظره لهاتفه الذي ارتفع رنينه ، سحبه مُجيباً : راكان وينك ؟.
راكان بهدوء : في المركز.
علي بحده : وش صاير مع اريان.. .
قاطعه : انس هذا هو موجود معي ، واريان ماعليها بخير.
بعدم تصديق : والله ؟ .
راكان وعيناه تتصفح الأوراق امامه : والله .
تنهد براحة : جاء سعود لي بالقرية ، عشان منيف . .
قاطعه راكان مسحاً جبينه بتعب : تصدق اني نسيت انك بنفس القرية معهم.
وبـأستفهام : لقى شي سعود ؟ .
علي بأستغراب : انا جيت الرياض ، وسعود اخذ ام زوجة ماجد من ساعات يعني مفروض هي عندكم قبلي .
انتصب بجلسته : ليش وش لقى ؟ .
علي بهمس : مدري بالضبط ، لكن شي كبير.
راكان بتساؤل : يعني وش بيكون ؟ .
علي بهدوء : هذا اللي كنت بسالك اياه ، جت معي ام زوجة منيف لاني قلت لها انك بتوضح لها كل شي.
راكان وقف : خلاص بحاول اشوف سعود ، وبجيكم .
ومسح على عيناه : تصدق لي يوم ونصف مانمت.
علي : الله يعينك.
أقفل الهاتف على دخول هند مُتجه للغاز مُباشره : والله شكلها سمعتنا واحنا نتكلم في اهلها.
علي تأفف : عاد تبيها من الله ذي .
بأبتسامه صغيره تجاوزت حديثه ، مُستفهمه : اليوم الثلاثاء شكلك بتسحب ع دوامك اليومين الباقيه ؟ .
علي وعيناه على تصفيفها الفناجين بالصينية : ايه.
نظر لمعصه : وين تركي وفهد ؟ .
هند بهدوء : فهد بداومه ، وتركي كـالعادة نايم.
علي تحرك خارجاً : الله يعطيني من نومه.
توقف على سؤالها : علي تعرف احد بأسم رياض الجابر ؟. بتفكير : مهوب صديق تركي ؟ .
توترت واخفت توترها بسكبها القهوه من البريق للبراد : مدري.
علي : ليه وش فيه ؟ .
بللت شفتيها : سمعت تركي يتكلم عنه واستغربت اول مره اسمع فيه.
خرج، ونظرت لأرتجاف اصابعها همست : صديق تركي ، وليش ياخذ رقمي ؟.
قطع شرودها دخول نجلاء تحمل طفلها : وانتي للحين بملابس الجامعه؟ .
استدارت لها : ترى فيه ضيوف.
اقتربت بدهشه : منهم ؟ .
هند رفعت كتفيها : مانعرفهم ، جايين مع علي.
انزلت طفلها على المنضده وبتوجس : ليكون اعرس اخوك ي بنت.
هند ببتسامه : شكله.
واكملت وهي تحمل الصينيه : بالذات ان علي يقول اسم البنت بـأرياحيه تامه.
خرجت تحمل طفلها ووقفت أمام المراءة ورتبت شعرها ، نظرت لقميصها الروز حكت جبينها .. هل يجب ان ترتدي ثُوب مُناسب؟ .
استدارت على خطوات والدتها.
نجلاء أشارت للمجلس : عندنا ضيوف ، جايبهم معه علي .
في المجلس..
تسكب هند القهوه ببتسامة : تفضلي ي جده.
حركت راسها برفض .
مدته لمها : فنجان.
مها بهدوء : كلفتي ع نفستس ي اختي.
وأشارت برفض : مالنا نفس .
انزلت هند الفنجان بحرج.
ام هزاع مدت حقيبتها : دوري على الجالون وكاد ان رقم نوره فيه.
رفعت حاجبها هند من الكلمة ( جالون )؟ .
مها اخرجت الهاتف لتفهم مقصد الجده.
مها بهمس : وش بتقولين لها يعني؟ .
الجده بحده : بقول لها تعطيني ابرار.
مها بخوف : تبين تعلمين ابرار؟ .
الجده بغضب : بتدقين ولا ؟ .
مها بفشلة من صُراخ الجده امام هند : طيب.
دخلت ام علي ، وخلفها نجلاء ويمينها الجوهره وروان.
ام علي ببتسامه بشوشه : السلام عليكم ، وارحبوا البيت بيتكم.
ام هزاع تأملت البنات بهدوء : وعليكم السلام.
جلسوا الجميع يميناً بعد المُصافحه والسلام.
ام هزاع : هاه دقيتي.
مها اعطت الجده الجوال : يدق بس ماردت.
نجلاء بهمس لهند : العرب ذولا وشهم ؟ .
هند بهمس مُماثل : تعرفين زوجه ماجد العايد ؟ ، ها هم اهلها.
رفعت حاجبها بأستغراب.
نطقت الجده والطرف الأخر يرد : وشحالتس ي بنتي؟ .
نوره وقفت وعيناها على والدتها : بخير ، انتي اخبارك ، واخبار ابرار ؟ .
الجده بتوجس : انتي وينتس .
نوره بهدوء: عند عمي عايد.
الجده قاطعتها : عطيني رقم ماجد.
نوره بتوتر ووالدتها تقترب : ماجد له اربع ايام مختفي ، ولا نعرف وينه.
ضربت صدرها : ي ويل حالي ، وابرار وينها ؟ .
نوره هتفت بعجله : وابرار ماهيب عندكم ؟.
ام هزاع بغضب : جاء اخوتس وخذاها منا ، ومن ذاتس اليوم وحنا ندقق عليهم ولا شفنا لهم اثر.
نوره بهدوء : انس ولد عمي جاء امس وهو بخير فـأكيد ماجد بخير ، لانه معه.
قاطعتها الجده ضاربه صدرها : هذا الحلم الشين اللي شفته.
واكملت : وش علي من اخوتس ولا ولد عمتس انا علي من بنتي ، وجاية الرياض ابيها تاخذني عندها
ولا لقيتها وين اخفيتوها قد اخفيتوا ابوها والحين امها.
نوره بضيق من حركات والدتها المُوبخه لها على المُكالمه ، وكلمات الجده : انتي وينك ؟ .
الجده نظرت لملامح الجالسات :عند عرب ينقال لهم الصايل.
نوره رفعت حاجبها بـأستغراب : وانتي وش جايبك عندهم ؟.
ام هزاع : عندهم ولد شرطي. .
قاطعتها نوره : انا بجي اخذك ، اخوي سعود بعد شرطي .
ام هزاع بغضب : هذي مصيبتي ماخذا بناتي الا اخوانتس.
تنهدت نوره : ي جده الله يصلح قلبك ، خليني اجيك ونتفاهم ، ولا يرضيني اخليك عند ذولا العرب اللي ماتعرفينهم .
مدت الجوال على مها بمعنى أغلقيه.
الجوهره رفعت حاجبها بأستغراب من غضب هذه العجوز : ماحد يستاهل تعصبين .
قاطعتها : ذا كبرتس وتعلميني.
حكت جبينها الجوهره بفشلة ، على اهتزاز جسد روان بصمت.
وبللت شفتيها : هذي شرهتي.
قاطعتها من جديد : هذي منهي بنته يسكتها ، صجتني براسي اللي يوجعني .
نجلاء ضغطت على أسنانها بمعنى اسكتي.
الجوهره بأحتقار لهذه العجوز تكتفت.
ام علي بهدوء : ي خاله عسى خير .
ام هزاع : وين الخير وبنتي خذوها الشرطة ولا ادري وش قومهم عليها.
ام علي بضيق على حالها : ماتدرين وين الخيره فيه ي خاله.
ام هزاع بدت ترفع صوتها بالأستغفار.
الجوهره حكت ذراعها : ماقدر لازم اتكلم.
روان همست : عشان تفشلين نفسك زيادة.
الجوهره : جالسه عندنا ولسانها وش كبره ولا ندري وش سالفتها.
ام هزاع مدت ساقيها بتعب وأشارت : انتي ي بنيه تعالي دلكيها لي.
الجوهره لفت خلفها : من ؟.
ام هزاع : انتي ، والله ان الطريق طويل ، وذبحتني.
مها حكت جبينها بفشلة من تصرفات جدتها .
الجوهره وقفت تسحب جسدها ، وجلست امامها وببتسامه مُزيفة : ماتشوفين شر ، ماتشوفين شر.
وبدت تضغط بقوة مُتمتمه : ماتشوفين شر ، ماتشوفين شر .
ام هزاع بصوت مُتعب : وش قومتس طحنتي رجيلاتي .
اغمضت عيناها ثم فتحتها : اول مره اقابل وحده كبيره مثلك وش عرفني كيف اضغط..
ام علي بصوت عالٍ : الجوهره .
دخلت أسيل بملامح مليئة نوم وتتبعها نجود وريما : السلام عليكم.
ام هزاع وعيناها تجول فيهم : ماشاءالله ماشاءالله.

.
.
___
وقف أمام منزل الكـبير وترجل من سيارتة الحمراء ضغط زر الجرس الخارجي .
ظهر صوت الخادمة : اهلاً ؟ .
سعود بهدوء رخيم : مُمكن احمد.
الخادمة هزت رأسها وكانه يراها : لحظات.
استدار مُتنهداً بعدم تصديق .
انزل نظره على رسالة راكان : وش لقيتوا في بيت منيف ؟ .
رفع رأسة على الأصوات التي ترجلت من السيارة البيضاء.
أثير بضحكة : ودي اعرف وش المفاجاة ؟
لُجين مُصطنعه عدم الأهتمام : وانا ودي اشوف وجهك.
اسير عدلت الجاكيت على ذراعها : عاد الحمدلله سوينا خير وخليناك ترجعين لبيتكم.
شهقت أثير بخوف : بسم الله هذا وش جايبه هنا .
لُجين واسير بحادقتان تتسع من الواقف أمامهم ببذلة عسكرية.
نظر للكُتب معهم ثم انزل نظره لساعته : اهلكم يدرون انكم تكذبون عليهم بموضوع الدراسة ؟.
واكمل بـأستغراب : الساعه خمسة العصر ، فيه احد يرجع من الجامع..
قاطعته اثير بتساؤل مصدوم : انت من وين تطلع لنا ، ليكون تراقبنا وحنا ماندري ؟ .
اكمل بعدم اهتمام لما قالت : ذيك المره ماكنتوا رايحين للجامعه ، وذي المره بعد ماكنتوا راجعين منها ، ليش الكُتب والتمثيل .
لُجين بهدوء رزين : بنات خلونا ندخل .
أسير همست : اي والله .
تحركوا وبقت عينان اثير مُعلقه فيه بحقد دفين .
جاوروه هاتفاً وهو يخرج البنسة السوداء من جيبه : فيه احد ناسيها عند سيارتي امس ؟ .
شحبت ملامح اثير ، على أستغراب لُجين وأسير.
لُجين حركت رأسها بصدق : لا .
أدخلت المفتاح في قفل الباب ، وأستدارت أثير له بتوتر.
أمال ثغره ببتسامة على نظرات اثير الشاحبة .
أدخلها في جيبه مُصنطع عدم الأهتمام ولازالت تلك الابتسامه الغريبه على ثغره.
أثير بتوتر خائف بعد ان دخلوا فناء المنزل : برجع الل** ****.
أسير سحبت ذراعها : وانتي وش عليك.
اثير والقهر يحفر خندقة في صدرها : يمكن يلبسنا تهمه كذب ، هذولا .
قاطعتها لُجين : واذا ماعندنا لسان ندافع.
واكملت بعدم تصديق : احد بعقله جايب بنسه ويسالنا عنها .
تراجعت اثير بخطوات سريعه : وربي ماخليها في خاطري.
لفت لُجين بعدم تصديق : بتنفضحنا المهبوله.
انزل هاتفه من أذنه على خروجها المُندفع : انت وش قصتك !.
وأكملت مُحركه كفيها بغضب : مسوي انك قافطنا ، واننا نسوي شي غلط ورا اهلنا .
أشارت للباب خلفها : روح تكلم ، اهلنا ويعرفونا وبيصدقونا.
حرك راسة بضحكة قصيرة مُستفزة .
وجسمها ينتفض غضباً : ليه ماترد ؟ .
وأشارت لجيبه : البنسه حقتي وانا بنشرت كفرت سيارتك ، يعني وش بتسوي ؟ .
أقتربت اسير بهلع وسحبت ذراعها : اثير ي مجنونه لا يشوفك احمد.
اثير سحبت ذراعها : خليه يشوفني انا مو خايفه من احد.
اخرج البنسه وبهدوء رخيم : اولاً انا ماقلت بفضح احد ولو بفضح فضحتك من امس ،
ثانياً يأخت هذا الأندفاع منك ماعجبني ، ثالثاً قلتوا ماهيب لنا وصدقتكم ، ليش الأن التناقض ؟ .
اقترب وبكلمة حاده : افتحي يدك .
بلعت ريقها من حديثه الصحيح .. فهي من احرجت نفسها ، بسطت كفها وعيناها ترمش بخوف .
انزل البنسه فيها ناطقاً : انا مُحقق جنائي ومن اول ماشفتها كنت عارف انها لك ،
وعشان اتاكد زياده يمديني اوديها للمُختبر ، لكن كنت عاقل ومشيتها.
وبهمس حاد : لاتخليني احطك في راسي وارمي عليك تُهمة تخريب مُمتلكات الغير ، وعاد وقتها تعرفين الفضيحه ، ويعرفونك اهلك زين.
خرجت لُجين بـأنفاس مُضطربة : احمد نازل.
تحركت اسير ساحبه أثير بخوف .
اثير ضغطت بقوة على البنسه لترميها قبل ان تدخل بـأشمئزاز ، رفع حاجبه بـأستغراب من حركتها.
مر من أمامهم احمد مُلتزماً الصمت بخطوات سريعه .
اسير مسكت ذراعين اثير وهزتها بعدم تصديق : البنسه وش قصتها ؟ .
لُجين نظرت لأقدامها بأسى : مره بس تكفين امسكي لسانك ي اثير.
اثير تراجعت للخلف والندم يعتريها الأن : هو كان بيفضحنا اصلاً.
لُجين بهمس غاضب : وش ماسك علينا يفضحنا ؟ ، عشانا اليوم راجعين متاخر. .
قاطعتها بعينان بريئه : بنشرت سيارته امس يوم رفع ضغطي.
اغلقت اسير ثغرها من هول ماسمعت.
مسكت لُجين راسها هامسة : البنسه ..
هزت راسها بملامح شاحبه : لاتزيدون علينا.
لُجين تحركت رافعه يديها : وربي اني اليوم مداومه وحاضره مُحاضراتي.
اسير بتوتر لحقت لُجين : اثير اسفه مالك اخت تؤام.
ادخلت أصبعها السبابه في ثغرها وعضتها ندماً وقلبها يخفق رُعباً.
خلعت عبائتها ورمتها على الأريكة الجانبيه : حياتنا كلها مصايب ومن من ! .
اسير جلست بضيق على اختها : ان شاءالله مايقول لاحمد.
دخلت اثير تسحب معها اذلال مُصيبتها : ايه انحاشوا وخلوني.
وأشارت للُجين : انتي اللي جبتينا ، ولا كان وين اشوفه .
أسير بخوف : يمكن عارف اننا بنجي هنا .
مسكت صدرها اثير : انتم ترى كذا تخوفوني ولا انا قوية ، ولا علي من احد .
أشارت لُجين بعيناها على دنو خطوات عبير.
جلست اثير بجوار اختها بملامح صفراء.
دخلت عبير ببتسامة : اشوفك جمعتيهم ، مايفوتك شي ي لُجين.
لُجين فكت رباط شعرها لتنزل الخُصلات لمُتنتصف ظهرها : شكلهم مثل الأطرش بالزفه ماتعجبني.
أثير رفعت حاجبها : وش عند. .
بترت جُملتها شاعره بكف اسير على فخذها حتى تصمت.
تنهدت وتراجعت بظهرها للاريكه خلفها .
نطقت لُجين وهي تتكتفت : كم عندكم اخو ؟ .
اسير بـاستغراب : وش ذا السؤال .
لُجين بهدوء : جاوبي .
اثير وضعت ساق على ساق : شكلك تمهدين لي وين راح توصل فضيحتي.
عبير بـاستفهام : وش فضيحتك بعد انتي ؟ .
أشأرت بيدها : انصحك ماتسمعين.
ابتسمت عبير وأعادت نظرها لملامح لُجين.
اسير : مساعد ، واحمد بالرضاعه ، يعني اثنين .
لُجين أشأرت لنفسها : وانا كم عندي اخو ؟ .
اثير والأسئله لم تروق لها : لُجين وش ذي الاسئله وربي جوك بيض.
عبير بهدوء : لُجين ليش ماتختصرين ؟ .
نطقت بعد تنهيده طويلة : بما ان احمد اخونا كلنا .
وحركت يدها مُشيره لهم : حنا الأربع ، هذا من غير امل .
اثير وقفت من غير صبر : والله العظيم خوفتني ، احمد توه يمشي من شوي مافيه الا العافيه.
لُجين مسكت جبينها هاتفه بعجز : عبير وينها ؟.!
عبير بضيق : اكيد في غرفه احمد .
اسير بحاجبين مقطوبة : الحين المفاجاة اللي تقولين لنا هي تخص احمد ؟ .
عبير ببتسامة صغيره همست : وليش ماقلتي فاجعه ! .
وتركتهم بهدوء : لُجين خلي احمد يقول لهم احسن لك.
في الخارج ..
احمد يمشي جوار سعود : جاي تشوف ماجد ؟.
سعود وقف بـأستغراب : ماجد ؟.
أشار احمد للمجلس الرجالي : ايه في المجلس .
سعود تجمدت ملامحه : وانس وينه !.
احمد بتساؤل مُستغرب : انس راح الصبح للمركز عشان يقابلك.
تحرك سعود للمجلس بخطوات واسعه.
فتح الباب ووقعت عيناه على النائم بعمق.
اقترب سعود بملامح غير مُصدقه وهو يرى ماجد ينام على بطنه .
جلس هاتفاً بتلعثم : ماااجد.
رفع ماجد راسه بنُعاس : امم.
سعود هز كتفه : ماجد.
لم يلبث ثواني الا وهو يعتدل جالساً بـأستيعاب : وش صار لقيتوا ابرار !.
سعود وعيناه تتجول بملامح ماجد : انت بخير ؟.
حك شعره الأشعث : انا بخير ..
بتر جُملته على عناق سعود هامساً : الحمدلله.
ابعده ماجد بترقُب : وش صار ؟ ، وش قال انس ولقيتوا البنات!.
سعود بهتت ملامحه : ماقابلت انس ، ومنهم البنات اللي تسال عنهم ؟ .
ماجد وقف بغضب : ودامك ماقابلت انس ليش جايني هنا.
نظر لاحمد : كم الساعه ؟ .
احمد بهدوء : خمسة ونصف.
لف علية بصدمه : كل ذا الوقت..
قاطعه احمد : نومك وش ثقله صحيتك اعوذبالله تقول ميت.
تركه ماجد خارجاً بخطوات واسعه للحمام الجانبي للمجلس.
سعود ببطء : وش يقصد بالبنات؟ .
احمد أحتضن كفوفه : زوجه انس وماجد مخطوفات.
سعود بهدوء على دخول ماجد السريع : اللي انخطفت بس زوجه ماجد ، والحمدلله لقيناها سليمه.
تجمدت أقدام ماجد : وين لقيتوها ؟ .
سعود : رجعوها قدام البيت ، وكلمني خالي حتى يهدد فيك وعاد مقدم بلاغ والله اعلم انه بيوصل للخلع ..
قاطعه ماجد بـأستنكار : وش دخل خالي بـأبرار ؟ .
سعود بنفاذ صبر : ماجد وش فيك ؟ ، تقول زوجتك مخطوفه وقلت لك لقيناها بصحه وبخير .
احمد رفع حاجبه وهو يفهمه : من المخطوف بالضبط ؟.
سعود أدخل يده بجيبه : نوف بنت خالي.
تراجع ماجد للخلف بصدمه وعروق وجهه تبرز : ومتى ، وصار لها شي ؟ .
قاطعه سعود : لا ماصار لها شي ، وماطول خطفها كله دقائق.
هتف مُتجهاً للقبلة بعجله : وهي وينها ؟.
سعود نطق على تكبير ماجد لصلاة : عند اهلها.
احمد نظر بتساؤل : وش كنت تبي وانت جاي دامك ماتدري ان ماجد هنا.
انزل راسة هاتفاً ببطئ : نبي زوجتك وتين الزايد لتحقيق .
رفع حاجبه بعدم فهم ، واتسعت حادقته والجُمله يُترجمها دماغه : زوجتي وتين تبونها لتحقيق ؟ .
واكمل ضاغطاً ع اسنانه : سعود ، انتم ملخبطين مع احد ، ولا وش وضعك جاي تقول ابي زوجتك لتحقيق ؟ .
عدل سعود ياقة بذلته وبهدوء : هذا السؤال اللي مفروض نساله زوجتك هي ملخبطه برقم احد ولا فعلاً متصله على زوجة منيف الفايز وطالبته بالأسم .
اخرج ورقة كشف صغيره ، وأشار ع الرقم المدون واسم وتين احمد الزايد بجواره : هذا رقم زوجتك ولا ملخبطين ؟ .
وانزل اصبعه قليلاً : هذا رقم زوجة منيف الفايز .
وأشار : هنا تاريخ الاتصال ، وحتى الوقت واليوم.
برد جسد احمد وبالفعل يرى رقم وتين : واذا دقت ع زوجه منيف الفايز وش بيصير يعني.
سعود لف على جسد ماجد الراكع وبهمس : منيف الفايز هو ابو زوجه ماجد ، ومتورط بشي كبير ومنها مُخدرات ،
وله فوق اربع شهور مختفي وزوجتك داقه طالبته بالأسم وهذا..
قاطعه بوجه شحب والكلمات تغص في بلعومه : وانت متاكد انها زوجتي ؟ .
رفع حاجبيه : هذا اللي طلع معنا.
وبهدوء أكمل : زوجتك لازم نحقق معها..
قاطعه رافعاً راحته بوجهه : مو الحين ، لازم اكلمها .
سعود بهدوء حرك راسه : هذا من حقك ، عندك اقل من ظ¢ظ¤ ساعه.
هز راسه وداخله يغلي . كيف تتصل بشخص مثل هذا ، اتسعت حادقته مُتذكراً عمها فيـصل .. هل له يد بكُل هذا ؟.
سلم ماجد وتحرك ناحيه الثياب التي تركها له احمد على ذراع الاريكة وبحرك سريعه خلع الثوب : سعود انا بروح اشوف نوف ، وبلحقك بالمركز.
لبس تي شيرت ابيض بـأكمام قصيرة : اللي مستغربه ليش انس ماقال.
قاطعه سعود : انا ماقابلت انس ، كنت برا الرياض وتوني رجعت.
وبهدوء أضاق عيناه مُكملاً : فيه كلام لازم تسمعه مني قبل .
خرج بخطوات سريعه للحمام وعاد بعد ثواني قصيره رافعاً البنطال البُني لخصره ومُغلقة بعجله : تقدر تأجله ؟ ، لازم اشوف نوف واتطمن عليها .
حرك راسه بهدوء : طيب .
سحب الجاكيت الكحلي هاتفاً بصوت عالٍ : سعود لازم تسمع انس .
عاد من شرودة على صوت احمد : ليش ماقلت لماجد عن عمه ؟ .
ادخل يديه في جيبه وأنتصب بوقفته : هو خلاني اقول شي ؟ .
ومضى سعود تاركه : زي ماقلت اقل من ظ¢ظ¤ ولا جينا اخذناها.
تنفس بقوة عندما بقى لوحده ، وقبض على كفه بغير تصديق ، جلس على الأريكه وعيناه ترتكز في نقطه بعيده بتفكير ..
انا فعلاً لا اعرف وتين جيدًا ، ربُما تعمل كما يعمل عمها وتُساعده ؟ . ، قطع تكفيره وهو يقف مُتجهاً لداخل بغضب.
خرج صوت ارتشافها المُتعمد من الفنجان .
اسير بـأشمئزاز : وجع كم مره اقول لا تطلعين ذا الصوت .
لُجين ببتسامة : اثير يبي لها دورات تعليم .
قاطعتهم مُمرره لسانها على شفتيها بعدم اهتمام : هذا ي حلوات يسمى التلذذ وش عرفكم .
انزلت فنجانها على صوت خطوات احمد الثقيله ، وقفزت فوق الاريكه : ي ويلك ي اثير ي سواد ليلك .
اسير تجمدت في مكانها .
لُجين رفعت حاجبها بثقه : عادي بنقلب الوضع عليه.
اثير بملامح مُستنجده : تكفين ي لُجين انقذيني .
لُجين وقفت على دخوله وعيناه تشتعل : قولي له ليه تزوجت وتين بنت عمي وحنا ماندري.
اثير بـأبتسامه مرعوبه : حلوه بس لاتعيدينها .
حدق فيهم وبـأستفهام حاد : وينها ! .
اثير بملامح صفراء رفعت يدها بتلعثم : انا هنا .
بملامح غاضبه : احد قال ابيك ؟.
لُجين بـأستغراب : اجل من تبي ؟ .
صرخ صاعداً : وتين يعني من ؟ .
انزلت قدمها للأرض براحة : الحمدلله يبي وتين مو انا .
لُجين لحقته بخوف .
اسير اقتربت لطاولة وأنزلت الفنجان ببطء : احمد متزوج وتين !.
اثير وتإثير النجاة للان يطوف حولها : وش فيك ؟.
تحركت هاتفه : هذا اللي تبي توصله لنا لُجين من اليوم ، احمد متزوج وتين بنت عمي .
شعرت وكأن ماء بارد ينسكب على راسها : نعم تستهبلون وش يزوج احمد وتين ؟.
وتحركت بـأستفهام : حنا وينا عن الزواج ذا ؟.
اغلق الباب بقوه في وجه لُجين واقفله.
أنتفضت جالسه من صوت الباب العالٍ .
اتجه ناحيتها وسحبها لتقف على أقدامها : جوالك وين ؟ .
بصدق رفعت كتفيها وعيناها في ملامحه الغاضبه : مدري ، بس اتوقع نسيت .
قاطعها صارخاً : الأتصال كان من أسبوع مو امس ولا اليوم.
بخوف من صُراخه : احمد وش فيك ؟ .
دفعها للخلف : داقه على زوجه منيف الفايز وطالبته بالأسم وش تبين فيه ؟.
تغيرت ملامحها : من منيف الفايز ؟ .
اقترب لتتراجع للخلف بخوف : انا اللي مفروض اسالك ؟ ، من منيف الفايز اللي داقه تبينه ؟ .
بلعت ريقها وحلقها يجف : ماعرف والله احد بالاسم ذا.
وبتساؤل مصدوم : ليكون تشك فيني انت ؟ .
ضغط على اسنانه : انا الحين اسال ليش داقه ؟ وطالبته .
بلعت ريقها وبخوف من ما نطق به عقلها : انت تشك اني اكلم واحد ! .
مسح على شعره بقوة : وتين سؤال وجواب وش كنتِ تبين بمنيف ؟ .
عيناها تجمدت في عيناه وبهمس بطيئ : احمد انا ماعرف احد اسمه منيف .
حرك راسه بعدم تصديق : يعني عمك الكلب .
بغضب من شتمه لـ عمها : وانت تروح وترجع لعمي وش مشكلتك معه..
قاطعها صارخاً : اذا انتي ماتعرفين منيف الفايز ، فعمك الكلب يعرفه وهو اللي استخدم جوالك ماغيره بيدور مُخدرات .
تراجعت بهلع من الكلمة : مُخدرات ؟ .
حرك يده مُهدداً : اذا لقيتك ي وتين تكذبين ولك يد في اعمال عمك الوصخه صدقيني.
بترت حديثه بغضب : مع اني للحين مادري ي احمد وش تقصد بكلامك ، لكن اذا ظلمتني او ظلمت عمي صدقني بتندم .
نظر لملامحها بتحديق طويل وتحرك خارجاً بخطوات غاضبه .
فتح الباب على وتراجعت لُجين للخلف بخوف وتبعتها عبير الواقفة يمينها وخلفهما اسير واثير بملامح مصدومة .
نطقت اثير وهو يمر من امامها : والله عيب هذا وانت اخونا.
استدار عليها لتقطع جُملتها بخوف من ملامحه السوداء : انا تراني مانب ناقصك ، لاتخليني افضي اللي في راسي فيك.
وتركهم نازلاً بـأنفاس عاليه وصوت شتائمة تصل لهم .
اسير بهدوء ساخر : من اول كنت شاكه ان بينهم شي .
اثير بحنق دخلت خلف لُجين وعبير.
وتين تُغطي راسها بين فخذيها وتبكي بقوه .
عبير تنهدت وبشفقه جلست جوارها : وش فيه ، اول مره اشوف احمد بالعصبيه ذي ، مو من عادته.
وتين من بين شهقاتها : يشك فيني.
اثير بغضب : وليش انتي ماعلمتينا ، ترانا بنات عمك.
قاطعتها عبير : مو وقت كلامك ي اثير.
كتمت غضبها بعضها على شفتها السُفليه .
اسير بهمس للُجين : وليش ماختصرتي الموضوع علينا من اليوم، ومسويه ان احمد اللي بيقول لنا .
لُجين بـأستغراب : وليش الموضوع عادي عندك ؟.
اسير انزلت نظرها لوتين : كنت شاكه انهم يحبون بعض بس ماتوقعت انهم متزوجين..
قاطعتها : متزوجين من ثلاث سنوات ، ولا قالوا لنا .
اسير بهدوء هامس : سمعتي منهم ؟.
لُجين رفعت حاجبها بشك : تعرفين شي مانعرفه ؟.
حركت راسها بـرفض واقتربت تمسح على ظهر وتين : هذا احمد اذا عصب ، بس والله لما يهدأ مافيه احن من قلبه .
اثير نظرت للُجين مُحركة راسها بعدم تصديق .
خرجت لُجين ولحقتها اثير : كيف يعني متزوجين وحنا ماندري ؟.
لُجين بضيق : مدري عن شي .
اثير وقلبها ينقبض : من يدري طيب ؟.
لُجين توقفت ونظرت لها : اتوقع كل العائله .
بملامح مُتسائله : ابوي يدري ؟.
نطقت بضحكة غير مُصدقه : من ثلاث سنوات ترى الزواج .
اتسعت عيناها صدمه : يعني من لما عمي كان عايش ؟.
هزت راسها وتركتها .
خرجت اسير على وقوف اثير لوحدها.
اسير وكزتها : وش موقفك ؟.
اثير سحبت ذراعها : امشي بنروح للبيت ، فيه شي مانعرفه ولازم نعرفه.
ونزلت بخطوات سريعه غاضبه .
تبعتها اسير بـأستغراب.
دخلوا الصالون سحبت طرحتها ولفتها : تخيلي اهلنا يدرون.
اسير وضعت حقيبتها على كتفها وبهدوء : ترى وتين ماكانت تدري.
لفت عليها : اخر فتره ماكانت علاقتنا كويسه مع وتين ، حتى راحت مع عمي فيصل بدون ماتقول لنا .
قاطعتها مُقتربة واحتضنت كفيها كـالعاده عندما تغضب حتى تُهدي من انفعالها : اثير حبيبي ، فيه مواضيع دايم تكون اكبر منا ، وبالذات شي يخص احمد.
قاطعتها مُتراجعه للخلف رابطة نقابها بـأحكام : بالضبط هذا اللي ابي اعرفه ، وش الموضوع الكبير اللي مانعرفه وخلاهم يتزوجون بالسر كذا .
تنهدت أسير : واذا عرفتي ؟.
اثير بعينان غاضبه : واذا عرفتي ؟ ، وش ذا السؤال؟.
تركتها بـأزدراء ، ربطت نقابها وسارت خلفها ضاحكة : طيب طيب لاتعصبين علي.
انفتح الباب ..
وقفت أثير بـأمتعاض : احمد رجع.
تكتفت هامسة : يمديك ترجعين تسالينه .
خرجت من خلف الباب خالتهم ام احمد ، وخلفها عبدالرحمن بالزي الطبي وفوقه جاكيت أسود يصل لنصف الفخذ.
مسكت أثير قلبها ، على ضحكة اسير الخفيفه.
عبدالرحمن ترك الأكياس التي كان يحمل يميناً وبهدوء ساخر : كويس مافيه أصابات بعد زف الخبر من لجين.
والدته بعدم فهم لما قال ، ابتسمت : ماشاءالله الحلوات عندنا.
اسير وعينيها تضيع في تفاصيل عبدالرحمن المُتعبه وهو يُحادث الخادمه.
قبلت اثير اعلى رأس خالتها : وش اخبارك ي خالة ؟.
ام احمد : بخير وانا خالتك ، انتي وش اخبارك ؟.
استدار عبدالرحمن لـأسير ورفع حاجبه بـأستغراب من نظراتها المُعلقه فيه ، بخجل أنزلت نظرها وملامحها تتلون وتقدمت لـخالتها بـتوتر.
أخفى شبة أبتسامته مُصطنع الأنشغال بهاتفه.
ام احمد بـابتسامة : وين رايحين العشاء عندنا ؟.
اثير بهدوء : من الصبح وحنا صاحين ورانا جامعه ، خليه يوم ثاني .
الخاله هزت رأسها بتفهم .
بضحكة قصيرة نطق : كويس يمة ماصريتي .
رفعت حاجبها أثير : والله مافيني حيل ارد عليك .
عبدالرحمن بـأستفزاز : وانتي ماشاءالله الحين مارديتي ؟.
حركت اثير عيناها بـغيض.
والدته نظرت له بنصف عين : وانت ليه ماتسلم على بنات خالتك ؟.
ببتسامه مُزيفة نظر لأثير : اخبارك ؟.
وحرك عيناه لأسير : وانتي اخبارك اسير ؟.
انحبست أنفاسها من نُطقه بـأسمها.
ام احمد تحركت لـصالون بتساؤل ضاحك : وانت كيف فرقت بينهم و انا للحين مافرق ؟.
أثير تكتفت بتحدي : مابي احلف انه حظ .
تجاوزهم مُبتعدًا : هـا لاتحلفين .
خرجت أثير بـأشمئزاز : ولد خاله مريض.
دفعتها بضيق : طيب عشاني.
أثير بطولت بال : طيب انا وش ذنبي اذا حبيتي الشخص الغلط ؟.
اسير تنهدت بضيق : وليش هو شخص غلط ؟.
أثير بهمس حاد : شخص غير مُبالي .
.
.
___
دخل بعد ان فتحت له الخادمة .
ماجد بهدوء رخيم : روحي نادي نوف .
الخادمة اتجهت لسلالم بهدوء .
بلل شفتيه بضيـاع .. هُنا نوف ، وهُناك ابرار..
قطع شرودة عودته للخلف بقوة وأحتضانها له باكية : ماصدق اني شفتك.
طوق ظهرها وبقلق : نوف انتي بخير !.
ارتفع بُكائها : ليش خليتني؟.
قاطعها : بس انا ماخليتك ، وهم كيف خطفوك !.
بلعت ريقها ورفعت نظرها له : انا جلست بالبيت ل.
بتر حديثها وهو يُبعدها للخلف بغضب : كيف جلستي بالبيت ؟ ، انا ماقلت الكل يروح لبيت عمي عايد.
من خلف دموعها نطقت : ع بالك ماعرف خطتك ، تبي جلس معها لحالك .
حرك راسه بعدم تصديق : نوف ؟.
زاد بُكائها والكلمات تخرج من ثغرها مُتلعثمه : هي وينها الحين ، وليش مارجعتوا .
قاطعها ماسحاً وجهه بـتعب : نوف وش ذا التفكير ؟.
تقدمت ومسكت كفيه : انا اغار عليك.
كتمت كلماتها من قُبلته الطويله على جبينها وابعد راسه قليلاً هامسة : نوف موضوعنا يالعايد كبير ، مابي اظلمك معي وحتى مدري بروح وارجع ولا..
احتضنت بقوة وارتفع بُكائها : وش ذا الكلام ؟.
رفع نظره على نزول خاله وتتبعه زوجته بملامح كارهه : انت وش جايبك ؟.
وأشار بيده مُهدداً : ماكفاك مخلي بنتي لحالي ، ورايح مع الغريبه ؟.
واكمل بعدم تصديق : انا اللي اغلطت يوم عطيتك بنتي .
ماجد بهدوء : انا ماراح ارد عليك ، بالاخير انت خالي والواجب علي احترمك.
قاطعه صارخاً : الحين عرفت خالك والأحترام ، وين احترامي وانا اعطيك بنتي وتخليها لحالها ، مالك عندنا زوجة.
استدارت نوف لـوالدها وبغضب : يبه .
اخرسها بكلماته : ماتعرفين مصلحتك ، وانا ابوك واعرف .
واقترب بعينان مُشتعله : انا كنت رافض هذا الزواج من أساس بس ..
قاطعه ماجد بغير مُبالاة : الماضي ماضي ، حنا اليوم متزوجين .
ابتسمت نوف ابتسامة قصيرة ، وتلاشت ع جُملة والدها : اختار بين نوف ولا الغريبه .
وأعاد رافعًا أصبعه : اختار وحده ، بنتي ولا الغريبه.
ماجد بضيق : صل ع النبي ، وانت معصب ..
قاطعه مُزمجر : كلامي ماعيده .
نوف بغضب صرخت : مو على كيفك ..
مسك كتفيها ماجد وبهدوء : هذا ابوك وهو يدور مصلحتك ، لاترفعين صوتك عليه عشان اي شخص كأن.
بتلعثم : يعني وش تقصد .
مسح دموعها وبهمس : انا رايح ، انتبهي لنفسك.
بهمس : بتختار انا ولا ابرار .
بلل شفتيه مُتلزماً الصمت وأبتعد على صُراخ خاله : اختار ي ماجد ، ولا والله ماتعرف بنتي والمحاكم بينا .
أغلق الباب بقوة خلفه على بُكاء نوف العالٍ.
.
.
___
بتساؤل تقدم للجالس على مكتبه : وين انس العايد ؟.
قلب الجالس الأوراق امامه وبهدوء : في الحبس الأنفرادي رقم ظ£ .
تحرك بخطوات ثقيلة ، توقف على أقتراب المُنادي بـأسمة : سعود .
سعود صافحه بـود .
الواقف أمامة : هذي تحليل المُختبر لدم اللي طلبه راكان من حادثة امس .
ومد الملف : وهنا المعلومات اللي طلبها انس العايد.
رفع حاجبه : وش الحادثه ؟.
الواقف : مدري بالضبط ، لكن هي تخص القضيه اللي ماسكين .
سعود بـأستغراب : وين راكان ؟.
الواقف : رجع للبيت ، لكن بعد ساعات بيكون هنا.
هز راسه سعود بتفهم : طيب دخلوا انس بغرفه التحقيق .
يفتح الملف المُخصص لـتحليل المُختبر ، أعاد الأوراق على ارتفاع رنين الهاتف .
هتف بـقلق : هلا نوره ؟.
نوره بتوتر : وين ابرار ؟.
سعود بملامح مُستغربه : وش ذا السؤال ، خوفتيني قلت صاير شي ؟.
نوره بضيق : لا ماصار شي ، بس كلمتني جدتها وحتى ماخلتني افهم .
بتر حديثها ماسحاً اسفل حاجبه وبهمس : اذا فضيت قلت لك موضوع طويل .
قاطعته : سعود وش انت مخبي عنا .
واكملت : هي هنا عند ناس وتبي ابرار عشان تروح لها.
بتساؤل مصدوم : جت الرياض ؟!.
نوره جلست بضيق : ايه تقول عند ناس ينقال لهم الـ صايل .
ابتسم بهدوء : كويس جت عند الـ صايل.
واكمل : برسل لك موقع بيتهم ، روحي اخذيها ، وماجد توني قابلته وبخير .
وقفت بعدم تصديق : صدق ؟.
سعود بـابتسامه : اي والله .
ادخل هاتفه بعد ان انتهى من المُكالمه ، وأعاد نظره للملف بفضول . رأى الاولى بعدم اهتمام للأسم الجديد له .
اخرج ورقة التحليل الأُخرى بتأمل ، تصلبت ملامحه ونشف الدم في جسده من الاسم المدون في الأعلى: اريان *** ******.
اضاق عيناه بعدم تصديق.
تحرك بخطوات واسعه ، فتح الباب على جلوس انس .
انس أمال ثغره بـأبتسامة : كان تاخرت زيادة.
سعود رفع حاجبه بتساؤل : وين زوجتك ؟.
أنس رفع حاجبه : وش ذا السؤال ؟.
سعود حرك عيناه بملامح انس وببطئ : انس وين زوجتك ؟.
انس بقلق من سؤاله : سامع شي ؟.
حرك راسه بعدم تصديق مُتذكراً كلام احمد عن خطف زوجة انس ، وماجد : ماجد ببيت احمد ، وانت هنا ؟.
واقترب برأسة هامساً : زوجاتكم وينهم ؟.
أنس بلل شفتيه وببطئ : مخطوفات.
اتسعت عيناه من هول ماسمع : مخطوفات ؟.
برد جسده هامساً : ماقلتوا لشرطة .
انس رفع عيناه وبضيق : مانقدر نقول.
سعود بغضب : حتى راكان ؟.
انس وقف هو الأخر بغضب : كيف تبيني اقول له اختك مخطوفه.
سعود ورأسه يغلي : هذا خطف خطف ؟.
وببطئ : تعرف وش يعني خطف ؟.
ومد الورقة مُشيراً : انس لو ماقلت لراكان بتقول له التحاليل .
وأشار على اسم اريان : تحليل الدم هنا ، يقول انه لزوجتك.
حرك رأسه بتـساؤل قلق : الله يستر وش صاير لها .
أنقبضت ملامح أنس ...
.
.
__

ماشاء الله تبارك الرحمن
ذوق في اختيارك
وعافيه عليك وعلى الطرح الراقي
لاحرمك الله رضاه
‏لك كل
تقديري واحترامي
مجنون قصآيد

سلمت الآكف ومَاجلبت
إبداع دآئم وتميز مُستمر
لا عدمنَاك
قوافل شكري وتقديري لك

الله يعطيك العافيه على الطرح
اللي كله ابداااااااع


حضوري شكر وتقدير لك
ولاهتمامك في مواضيعك


اخوك
نجم الجدي

سلمت يمناك
طرح جميل جدا

طرح راقي وجميل

سلمت الأيااادي وماجاابت لنا من أفااااده

يعطيك العااافيه

شاكره لك

يسلمو ع المرور

تسلم يمينك
ودام عطائك العذب
پآقة ورد

سلمت يمنآكـ على مآحملتهـ لنآ
موضوع عآلي بذوقهـ ,, رفيع بشآنه
مودتي