!..:: يا قـــو .. قلــب .. التعـــابيـــر ::..!

/




حي السؤال اللي حداني جوابك ..!
0000 في ليلة ٍ فيها تطول المشاوير ..!



شرح الخواطر طاب والحزن طابك ..!
0000 يوم الفرح غايب ولا فيه تبرير ..!



ما عاد ينفعني .. تفك التشابك ..!
0000 وجيش الغلا .. أفنتـه .. حفنة تقادير ..!



لا تسأل اللي حيّ شايل مصابك ..!
0000 إسأل مصابك كيف صبر المناعير ..!



يمكن تزورك كل ما الود جابك ..!
0000 أحلام ماتت دون .. ميلاد تفسير ..!



بين الأمل واحلام تنعش شبابك ..!
0000 قصه .. جرحها الوقت من دون تقصير ..!



عاشت على أطلال بسمة كتابك ..!
0000 الشوق أرهقها .. بـ زود المسايير ..!



وين أنت .. مدري وين أنا من صوابك ..!
0000 بديت أخاف أقسى قساة المقادير ..!



الصبر ضاق وعيني ترقب إيابك ..!
0000 والصدر مجلس للجروح المغاوير ..!



أضمى لقاك .. وأرتوي من سرابك ..!
0000 وأقطف نجوم الليل .. وأنسج أساطير ..!



في مقدمك .. ترهقني كلمة " هلابك " ..!
0000 وفي غيبتك .. يا قو قلب التعابير ..!



ياللي هديتك روح .. تعشق ترابك ..!
0000 وشلون ترضى موتي اليوم تعزير ..!




/



خالد بن سنيد الجابري الحربي