ابن فطيس والقذافي

\

كـــلــن على معمر يهج ركابه
يالله جعل مايصيبنا اللي صابه

حاكم وكان أسمه يهز العالــم
واليوم بارو به جميع أصحابــه

وحنا العرب نضحك ونرسل عنه
سوالفن بأسمه وهي كـذابــــه

نضحك عليه وقصته حـــزينـــه
ماكن حنا مسلمين ولابـــــــــه

لو واحدن منكم رئيس لدولـــــه
وبنا وعمر يوم كانت غـابـــــــه

هو بيتنحا أو بيطلـــع بـــــــــرا
ويروح من داره وريـــح ترابــــه

وحنا المواطن لا رحل من داره
من شوقه أتضيق عليه ثيابـــــه

أبن علي شلوه عقبه حسنــــي
واليوم لمعمر سعو طلابــــــــه

وقابوس مع بشــار واليمــــاني
وأبن خليفه .!. نارهم شبـــابه

الله يستر ويش باقي بكـــــره
ثوراتهم منهي لفت باأسبابــه

الغرب للأسلام سوا خطــــه
شبو الفتن والكل كشر نابـــه

يبغون خيرات العرب بأكملهـا
ويطرشون جنودهم سلابـــه

ماسدنا اللي صار في الفلوجـه
وخلو العراق من المجازر غابـه

النفط صدر عقبهم لمريكـــــا
ماقيل ذا خير البلاد أولابــــه

يا أمــــة محمد تراهـــــا بلــوا
لاتضحكون يصيبكم ماصابـــه

أبكو على حال العرب بأكملهـا
وأدعو عسا ربــي يعــــز كتابـه



ابن فطيس

يعطيك الف عافيه عالطرح الرائع

وربي مايحرمنا من تواجدك وجديدك وننتظر

ابداااااعك الرااااقي

صح لسانك ولسانه

الله يسلمك وماقصرت على الطرح


تحيتي لك

دمت بألف خير
كل الشكر والامتنان على طرحكـ
يعطيك الف عااافيه
بانتظار جديدك
تحياتي

كلمة شكرا لن توفيك حقك على ما تم طرحه
من قبلك
لكن واجب علي ان اقدم لك كل تقدير واحترام
على هذا المجهود


الف شكر

اسعدني مروروكم

سلمت يالغلا
قصيدة رآآآآآئعه لشاعر يعجز القلم عن أعطائه حقة
شاكرة لك روووعه أنتقائك
ننتظر جديدك
كانت هنا

بسمة جروح

لاهنت ياخوي ولاهان الشاعر الكبير ابن فطيس

صـــــح لســـان الشاعــر
وننتظر كل جديد
لاعدمناك