قواعد التعامل مع السوشيال ميديا

١ - مش أى خبر تصدقه ، ومش أى مصدر بيكون ثقة ، ومش أى تحليل يجب أن يكون صحيح.

٢ - اختار ايه الصفحات اللى تتابعها بعناية ، لأنها ستكون مصدر من مصادر معرفتك دون شعورك !

٣ - أى اكونت شايف إنه بيصدر لك طاقة سلبية ، اعمله بلوك..كفاية الطاقة السلبية اللى عندك !

٤ - الشخص المتشائم.. ، مروج الإشعاعات ، مروج الوعى الزائف.. شيله من على صفحتك..هيغير فى لغتك وعقلك اللاواعى مع الوقت وأنت لا تدرى

٥ - فى موضوعات لا تستحق متابعتها ولا التعليق عليها.

٦ - من حق أى حد يبعتلك رسالة ، ومن حقك ترد فى الوقت المناسب لك او ماتردش.. إنت حر.

٧ - ماتسمحش لحد تحت مسمى تنوع الأراء أن يوجه نقد لشخصك..ممكن ينقد الفكرة بأدب..اهلا به.. أما أن يوجه نقد شخصى..فغير مقبول.. لأنه لا يعرفك وغالباً ليس عنده من الكفاءة أن ينتقدك شخصيا !

٨- استغل صفحتك فى نشر علم ، وعى ، دعوة .. أى ماهو مفيد..الصفحات يمكن أن تكون باب كبير من أبواب نشر الخير.

٩ - تعامل مع الناس على السوشيال ميديا كما يجب أن تتعامل فى الواقع .. فى حدود فى الكلام..مش اى حاجة ينفع تتقال..ومش اى موضوع ينفع يتفتح..

١٠- لا تناقش أسرارك الشخصية على السوشيال ميديا..

ربنا يجعلنا مفاتيح للخير..مغاليق للشر
منقول