غيم القوآفي يسقي ورود الأحلآم

حبيبتي فيها من الورد الوان
جتني وفي يدها من الشوق ورده
لفة يديها بين كتفي والأمتان
في يدهاغصن المحبة تمده
جتني وشوق القلب في وجههابان
والشوق لامن ثار محدن يرده
اناشهدان الوردللحب عنوان
عنوان ميعاد الوله والموده

بوحي

ليه اشوفك عن كل الخلايق غير
وش ماتبي من خفوقي مايخالف

يوم يشوفك اهمس يا صباح الخير
وتتارجح كلماتي مابين الشفايف

يامـهاجـر للفـضا والبـعد والــغربة سـمـاك
انتظرني معك ابرحل عن مـدى العالم بعيد
لاتسافر عـن خـفوقي خـلني اسـري مـعاك
خلني اجمع بقايا الشـعر وحروف القصيد
خلني اترك طروق الحـزن وابيـات الهـلاك
وانتشل حـلو الأغاني وانقـذالحــان النشيـد
وانتـظرني بجـمع اشـتات الأماني في رداك
واحـزم همـومي حـقائب مابـقى فيـني مــزيد
بوحي

تدري وش اغرب شي ف عالم الشوق
الدمعـه اللي تختلـط بأبتسـامـه

ياساهرالليل قل لليل يرسمني



من قبل وجه النهاريشب مصباحه



في عتمة الليل ياخذ ريشة مني



يرسم ملامح وجودي فوق الواحه




لوحة وفيهاتفاصيل التعب مضني



بروازهامن طعون الوقت واجراحه



فيهاشعورالشقى والهم ساكني



كثر الهواجيس خلتني لها ساحة



ماغيرانا والنجوم الي تسامرني



اشكي عليهاهموم القلب واتراحه



حتى القمرلابغيت انه يسامرني



مسراه بدري والا ياسرع مرواحه
بوحي

القصايد على مثلك صغيرة مقام
إنتِ أكبر من الشعّار وأقلامها

الوطن غالي

يالراية الخضراء ونخلة وسيفين
ياكلمة التوحيد فوق الغمايم
يادارنا يامنبع العز والدين
دارالسعود الي بها العدل قايم
رفرف علمهافوق كل الميادين
غصب على الحسادواهل العمايم
يالمملكة جعلك على العزتبقين
في عهد قايدنا قوي العزايم
وابوفهدسلمان حكمة وتبيين
النادرالي يتبع الحق دايم
حكامنا الي للمعادي عنيدين
في حزة فيها لزوم ولزايم
هم لحفنا عن ليلة بردهاشين
صارواذراناعن هبوب السمايم
قدقالهاعود توفى من سنين
بالله ثم الشعب نبني دعايم
واليوم ابدعي للوطن قولوا آمين
بدعي وانا لله ساجدوصايم
احفظ وطناعن جميع الحسودين
والخاين الدجال واهل النمايم
واختامهاواعداد نبت البساتين
صلوا على المختارماحام حايم









بوحي

‏يا صباح الخير ، يا غصنٍ تثنّى
- ليت حظي ، مثل حظ الريح فيك !
ٰ
ليت حظي حظ شعْرك لا تهنّى
- أو تثنّى في نحرْك ، وبين يديك !

مدمن غرامك لاتدور علاجه
مادام في لقياك تلقاه رايق

صنفك فريد ومنك يظبط مزاجه
وقلبه يروج لك وعينه توايق

هلابك يالقصيد اللي ترنم مثل غصن البان
تقادح بالورق قصة غياب البوح..والجاني


هلابك كثر ماحنّ الغريب لديرته شفقان
هلابك كثر ماضج المسافر بعد الاوطاني


هلابك كثر ماحل الفراق وشتت الخلان
هلابك كثر تفكيري ولوعاتي وحرماني