روايه رومنسيه جريئه

<..الدب نواف.>

..الداج الشاطر..



***



[ بدايه ]



في بقعه من بقاع مملكتنا الحبيبه ,,

كان ذلك الادمي (نواف) ,, يقبع امام جهازه الابتوب (اخر
موديل) شاشه باللمس ,, وبجانبه براد نعناع (حايل) ,, يمزمز
فيه ,,

ويتخلل جلسته .. ضحكات هستيريه ,, من يسمعها يضحك

كان ينزل اخر مواضيعه في منتداه ,,

اللي على طول اكيد راح يتعلق وينشات للتوب ..

مهوب عشانه صاحب المنتدى ,,

لكن القراء يرغمونه على هالشي ,,

وعمره ماشات موضوع لعمره للتوب,,

بل المشرفين هم من يشوتونه ,,

فهـو يعد احد اكبر كتاب النت ,,

<الدب الداشر>

هكذا كان نكه ,,





** فاصل ونواصل** << مهوب عاقل حق ام بي سي

هذا الموضوع برعايه كل من :



1- مشرووب الطاقه التسذبي (ايه هين) مقدم من سلسله شركات اهات
العالميه للنصب على خلق الله.. ( اذا شربت ..><ايه هين><..على
شي منت مهوووون.. ..)



2- مطعم الذيب للماكولات الشاميه.. (بتجرب تبولتنااا..حتكرر
زيارتناا.. )



3-جمعيه الداجات العالميه لبيع الكراث والبصل
الاخضر..لاصحابها ... ( اسمائهم مشفره نظرن لخطوره الامر) ..

[بالقايله وبالضحى وبشده الحر,, ماينفعك عزيزتي غير الكراث
والبصل الخضر.. )





**عوده **



* منهو نـواف ..؟



نـواف هذا الانسان كان امه قبل لايطلع دايم تسمي عليه وتقرا عليه ,,

واستمرت تسوي هالشي حتى يوم كبر ,, تقول ( بسم الله عليك مابي احد يحسدك ) يعتبر من اجمل الشبااب خلقا وخلقا ..وكان نواف
لاينقصه شي ابد.. كل شي موفر له.. المال والسياره وكل شي يحلم
به اي شاااب..نواف عمره 22 سنه.. ابن كبير كباار التجار
بالمنطقه الشرقيه الي شغله وسفراته تاخذ اكثر وقته ,, بس كان
داري ابونواف ( ان وراه رجال )

ويعود اصله الى منطقه من مناطق القصيم(قصمنجي )

ناجح في عمله ودراسته..وهو بعد شــاب وسيم تتمناه اي بنت..
وكــان شاب يحب الضحك والونااسه والفرفشه.. وكان الشباب
يقولون عنه.. (ماتحلى الطلعه بدوونه)



المــــــهـــــــم,,

..نواف هذا...بحكم دراسته للحاسب الالي.. كان يحب الانترنت
ويقعد عنده ساعات لطويله... وبحكم معرفته الجيده بالكمبيوتر..
صمم لنفسه موقع رائــع للضحك والفرفشه.. وكان عباره عن عده
منتديااات.. وكااان هذا الموقع محط انظار الجميع واشتهر بسرعه البرق.. بسبب هبال نواف واخوياه اللي معه..وكان كلهم بنفس
الهبال والفرفشه..(تتنافس المواقع للاعلان فيه)..

لكن كان يميز نواف انه رغم كل هالهبال كان شاب رومانسي لاخر درجه.. وكان يكتب الشعر.. لذلك كان منصب نفسه مشرف على منتدى
الكلام العذب اللي في موقعه.. رغم ان هذا المنتدى لايزووره
ناس كثير مثل منتدى **** لكن بسبب ميوله لشعر نصب نفسه
علييه.. ورغم ذلك كان الاشهر في منتدى **** بسبب قصصه
الرائعه.. وهباله المستمر..



وكان محط انظار بنات المنتدى ..: لكنه كان معطيهم ركبه ,,

يقول ( البنات يخلون السنون صفر) ,, وهي لمزه على ان البنات
والتدخين وجهان لعمله واحد هههههه ,,

وكان يعتبرهم مثل اصدقائه الشباب.. وبرضو كان يفضل .. يكلم
اخوياه على انه يكلم البنات..



انتهينا عن الحديث عن نواف.. الحين نبي نتكلم عن اهم حدث
صارله بحياته..:



[ الحدث ]



دخل نواف كالعاده للنت الساعه 12 بالليل .. حتى يتطمن على
ايميله وموقعه.. اللي كانو عنده بمثابه الشي الاهم عنده..
وأول مافتح ماسنجره.. كالعاده لقى اضافات..(مهوب شي غريب ..)

جلس يشيك على الاضافات ,,

بنت .. رفض

ماصل : رفض

بنت .. رفض

<ابوعابد ,, هههههههه اخيرن عرف يسوي ايميل ,,> اضافه ,,



وصل للاضافه الاخيره .. تنح <وشلون ؟> ويتأكد من الاسم ..
الا والله (هي) ,, رعص على (اضافه)



** من هي اللي سوت له اضافه..؟



اللي سوت له الاضافه.. هي (الاميــره الساهره..) الشاعره
المعروفه صاحبه الموقع الشاعري الكبير والمشهوور.. وايضا
صاحبه نك (مهبوله بس محترمه) بمنتداه.. وكانت مسويه رجه مهيب
صاحيه مع عدد من الاعضاء بالمنتدى..كان يقولون الاعضاء عنها (
مستشفى الشميسي ساحبن كل دمها وحاطن فيمتو حضارم بداله
هههههه> كنايه عن خفه دمها ,, وهي ايضا مشرفه منتدى _(مطبخ بلا شغاله)_ المنتدى النسائي بموقع المهابيل..

رغم كل هذا ,, لكن لم يكن لها اي احتكاك مع اي كائن (تمساحي)
فـقد فرضت على الجميع احترامها ,,



المـــــهـــم.. نواف وبسبب اعجابه بهذي البنت.. قبل
الاضافه.. مع انه كان دايما يتجنب الاضافات..بسبب كثرتها,,



بعد ماقبل الاضافه.. لقاها اون لاين... واول مادخل للماسنجر
بنكه المشهور..( الدب الداشر )

وترسله عن طريق الماسنجر...





مهبووله بس محترمه..: هوووولا واللووووه..<--- يعني هلا
والله.. :

الدب الداشر..:هههههههههه.. هلابتس مرحبتيييين خيتو..<---مرت
عمه سوريه

مهبوله بس محترمه...: ههههه.. كيفك يالدوووب الدااااشر. <---
والله مااسبك بس نكك كذا..

الدب الداشر..: والله ابشرتس يابنيتي.. انا منييح اوي ( حست
اللهجات)

الدب الداشر..: انتي شلوونتس (بالقصمنجي).. وكيييفييك
(بالسوري)..وشلون فطيمه الحمد .. وحصيصه بنت خالتس.. عساه خف
السكر عنده.؟ <---- مسوي يعرفتس..

مهبوله بس محترمه..:ههههههههههه.. الله يقطع بليس شيطانك..(
مهيب تجي صح؟ )

مهبوله بس محترمه..: حنا بخيييير ونسلم علييييك كل ابونا ..

مهبوله بس محترمه..: اووه نسيت انك ماتفهم الا سوري.. هلا
احنا منيحين كتير خيو وبنسلم عليك

الدب الداشر..: ههههههههاهاهاااااي.. والله انه ما اخطأ اللس
سماتس مهبوله..

مهبوله بس محترمه..: لاتنسا مهبووووله بس بس بس محترمه..

الدب الداشر..: ولو .. اصلن انا اقدر انسى موضوعك الرائع
الاخير بمنتدى الكلام العذب,, من كثر مهوب معجبني حاطه الصفحه
الرئيسيه .. ههههههه .. عشان اشحن رومانسيه ؟؟ ثمن ابحر بالنت
..

مهبوله بس محترمه..: اللي يسلمك هذا من ذوقك..ياذوق

الدب الداشر..: ياذوووق وكلك ذوووق لو تهدأ بس وترووق..

مهبوله بس محترمه..: ؟؟ وش فيك عسى ماشر..؟؟

الدب الداشر..:: وش تبيين ؟؟ حرام اغني..

مهبوله بس محترمه..: لاتدري عنك روتانا : خخخخخخ انت يمكن
تغني باحساس ,, لكن المتعذب الاول لهذا الاحساس هو المتلقي
والمستمع

الدب الداشر..: اهااا بس لايكثر..

مهبوله بس محترمه..: خخخخخخخخخخ.. تايم اوت .. لاتزعل ..

الدب الداشر..: تايم اوت ولا كتكااات..<---اتحداك كان فيه احد
ابيخ مني..

مهبوله بس محترمه..: هههههههههههههه ماظنه

الدب الداشر..: لا ماعلييتس تراني منيب من النوع اللي يزعل ..
الا اذا صطرتيني كف حلاقه اكيد بزعل ..<--- هذا المستخدم
شعاره لا للمخدرات..(وش مخدراته انا بعد ) اقصد لا للزعل..

مهبوله بس محترمه..: هههههههههه.. ونعم الشعار والله..

الدب الداشر..: الا على فكره مهبوله..؟

مهبوله بس محترمه..: هااااه..

الدب الداشر..: هاء الله عليتس..<---- على وزن نعم الله
عليتس..

مهبوله بس محترمه..: خخخخخخخخ.. اخلص وش تبي.. <--- ماعندي
اسلوب..

الدب الداشر..: مهنا شي على الطريق من مواضيعتس..؟.<--- هذا
المستخدم من المعجبين بخواطرتس

مهبوله بس محترمه..:الا والله.. بس اني للحين ماخلصته...
وانشالله اذا خلصته تشوفه عن طريق المووونتدى..

الدب الداشر..: انشالله..







** فاصل ونواصل**

المنتج الكبييير والرائع ابوريشد .. صاحب شركه الفنون
النصبيه.. يـــقدم :

شرررريييط الفنان البناني الكبير اوي (الاملس)( صوره الاملس
وهومنبطح ومطلعن سيقانه ) <-- يقاله اغراء



حاليا بالاسووواق

(يوم ذقت حمصها ومتبلها دخت حبيتهاا..) << شريط رائع بكل
ماتحمله الكلمه من معنى..

لاتخلوون العرض يفوتكم.. الان ولمده محدوده الشريط يباع .. ب

47 ريااال
بقي الرواية ما خلصت لكن بعد الردود

متوفر cd + كاسيت



** عوده**

وين الردود ؟؟

طفشت محد يدخل موضوعي ..

البارت الثاني


"هذي كانت البدايه فقط.. هذا الترحييب فقط.. يعني بالعربي..
(هالاثنين مهبل وتجمعوو)

استمر الهبال بين هالاثنين واصبح حرفا ( الخاء) و (الهاء)
يطلبون التقاعد من كمبيوترات هالاثنين من كثر هبالهم ,,

كان موعدهم يبدأ عندما تبدأ اخبار غصب واحد (استقبل
ودع)..هههههه,, تخيلو كل هذا .. وهم حتى الى الحين ماعرفو
اسامي بعض: وبعد مده ليست بالقليله..( اكثر من شهر).. تجرأ
نواف وسالها :





الدب الداشر..: الا على فكره مهبووله.. انتي وش اسمتس..؟ <---
يحس انه ماله شغل.. بس عاد جاوبي..

مهبوله بس محترمه..: وش تتوقع..؟

الدب الداشر..: انا بصراحه .. ماعندي توقع محدد بس وبناء على
المعطيات اللي عندي بأنتس تتمتعين بلون الجالاكسي وبان لك
براطم تنافس مطبات السجن بالانتفاخ..,, اتوقع خديجه :

مهبوله بس محترمه..: ههههههههه: ,, ماحزرت

الدب الداشر..: عاد صدز وش اسمتس..

مهبوله بس محترمه..: بصراحه بصراحه بصرحه.. وما اتسذب عليك..
اسمي روان..

الدب الداشر..: اما عاااد..

مهبوله بس محترمه..: قسسسسسمن عظمن..

الدب الداشر..: اهاا عاد قولي الصدز..

مهبوله بس محترمه..: اقووول... كبرك انا امزح معك.. ايوالله
هذا اسمي..ليش منتب مصدق..؟

الدب الداشر..: اها عاشت الاسامي..:

مهبوله بس محترمه..: مهوب عاجبك.. والله مهو انا اللي سميت
رويحتي..

الدب الداشر..: لا لا بالعكس حلو..

مهبوله بس محترمه..: طيب انت وش حاط على فنيلتك من ورى بحصه الرياضه؟ <-- يعني وش اسمك ,,





بعدها قفل نواف النت .. حتى بدون لايقول لها عن اسمه او يقول
مع السلامه .. والسبب في ذلك انه تذكر جرحه القديم ونزف قلبه

حيث كانت روان هو اسم عشيقته السابقه ,,

اللي اختفت فجأه من سنتين وماعاد رجعت ,,

والى الان لاخبر ولا صووت

ونواف الى الان يلملم جروحه ويجمع ماتبقى من روحه ,,

لكن مهبوله بس محترمه(روان) رذت الملح على الجرح ونيشته من
جديد..وذكرته بالايام الحلوه اللي قضاها مع روان حبيبته
الاولى





المــــهـــم بعد كم يوم دخل نواف النت ولقا مهبوله اونلاين
على الماسنجر..واول مادخل ارسلت :



مهبووله بس محترمه..: طق طق ممكن ادخل.. : لاتلتف للباب
يالدرج انا هنا تحت على اليسار بالشاشه

الدب الداشر..: هلا والله .. حياك..

مهبوله بس محترمه..: وشلووونك عساك بخيرر يابعدي..؟

الدب الداشر..: الحمدلله بخير..



وعم السكووووت على الطرفين.. حيث انه كان من المفترض ..ان
يسال نواف عن حال روان ويتطمن عليها لكن نواف لم يفعل..(عطاه خامس.. )



نواف كان يحاول ان يتجنب روان.. كي لاتذكره بحبيبته والايام
الخوالي :صاح: فـ فيها من ملامحها الاسلوبيه الشي الكثير ..



لكن مهبوله بس محترمه استغربت هذا على نواف اللي كان اول زي
الفل ..

ياترى وش اللي غيره...؟

يعني صار حتى يدخل الماسنجر.. مايسلم عليها لازم هي اللي تسلم
عليه. واذا سولف معها بالكثير ..سألها شلونك.. انشالله
بخيير.. ؟؟ يعني التحول هذا غرييييب.. واصرت روان انها تعرف
وش السالفه.. روان خافت انه تكون قالت شي غلط له .. او انه
صايرله شي مكدر خاطره...؟ او ..او ..(بدأت الشكوك تتضارب في
عقلها ) الين جت الشعره الي قصمت ظهر البعير ,, كان بمثابه
اختبار منها لنواف

كانت منزله موضوع ولا اقوى منه ,, قصه تستحق التوب بمنتدى
الكلام العذب ,,

لكن نواف لم يرد ولم يعره اهتمام ,,

اتت له :





مهبوله بس محترمه..: هييييه يالدووب انت.. وش فيك نافشن ريشك علي ..: وراك ماتحاتسيني الا من ورا خشمك.. منيب عاجبتك يعني
ولا ايش.. ترا اذا كنت مضايقتك.. ترى مهيب صعبه انك تضغط على
اسمي همن بالرايت ماوس ديليت.. .. تراها ميب حاله ذي !!

الدب الداشر..: لا لا يامهبوله.. والله تراتس فاهمه الدعوه
غلط..

مهبوله بس محترمه..: اجل فهمني وش السالفه .. لاسويه لك ديليت
قبل لاتسويلي ..<--- خلاص وصلت معي..

الدب الداشر...: والله صعب الشرح يا (روان)

مهبوله بس محترمه..: (روان) <--- انا من يوم قلتلك عن اسمي
وانت قالب علي وراه؟ مهوب عاجبك..؟ تراني زي ماقلتلك مهوب انا
اللي سميت نفسي..

الدب الداشر..: لا لا بالعكس والله ان اسمك من احلى الاسامي
عندي.. اذا ماكان هو الاحلى..

مهبوله بس محترمه..: اجل ليييييه يوم قلتلك عنه قلبت علي..

الدب الداشر..: ودك بالصراحه..

مهبوله بس محترمه..: منيب احب الا الصراحه يا........

الدب الداشر..: اووه معليش نسيت اقولك اسمي.. اسمي نواف..

مهبوله بس محترمه..: عاشت الاسامي يانواف.. ايوالله ياليت
تعطيني الصراحه..

الدب الداشر..: بس ترا كلام الصراحه يوجع القلب..

مهبوله بس محترمه..: اوووه السالفه فيها قلب اذا كانت تخصك مره.. مابي احرجك..

الدب الداشر..: بصراحه انا ودي اقولك الصراحه.. لاني حاس انك
فاهمه السالفه غلط..



تردد نواف شوي ,, ثمن قالها السالفه .. من (طق طق للسلام
عليكم) ,,





وش راح يكون رد روان على السالفه !؟؟

وش راح يسوي نواف .. مقابل حركه (روان) ؟؟!

كل هذا بالبارت الثالث

أنتظر ردودكم .............

البارت الثالث ..
"وشــــرح نــــواف ســالـــفــتــه لــروان
وليش انه كان يتجنبه.. وبإيش ذكرته

مهبوله بس محترمه..: يااااااااااي.. حرررررراااااااام.. <---
قاعدتن تدمع عويناته
مهبوله بس محترمه..: كذا اختفت مره وحده؟؟؟ لاخبر
لاصووت..؟؟؟؟؟
الدب الداشر..: ايوالله.. كذاا..
الدب الداشر..: عساك فهمتي الموضوع زيين الحين.. عسى
مابالخاطر علينا شي الحين..
مهبوله بس محترمه..: ايوالله فهمت.. وليتني مافهمت..
الدب الداشر..: عسى ما ازعجتك بسالفتي.. تراني اسف .. بس انتي
اللي طلبتي الصراحه..
مهبوله بس محترمه..: لا والله مازعجتني.. احس اني انا اللي
قلبت عليك المواجع.. لكني بعطيك وعد مني انك ماراح تشوفني مره
ثانيه.. حتى ماقلب علييك المواجع..
الدب الداشر..: لا لا لا هيييييييه.. ياويلتس تسوين لي حذف..
مهبوله بس محترمه..: اعتقد انه احسن حل لنا هالشي..
الدب الداشر..: لا تكفييين.. ياروان.. تكفين انا ماقلت
هالسالفه لك الا بسبب اني ارتحت لك.. تكفين ياروان.. خلينا
اصدقاء. لاني بصراحه استانس معك بالسوالف... واحس انك
فاهمتني.. الحيين..
مهبوله بس محترمه..: تسلم يالغالي..
مهبوله بس محترمه..: خلاص اجل بصير صديقتك الصدووقه.. :
الدب الداشر..: هع هع هع .. حللللوه هذي صديقك الصدوق..
خخخخخخخخ..
مهبوله بس محترمه..: << هذه البنت من المتاثرين بتيمون وبومبا
الدب الداشر..: خخخخخخخخخخخخ.. الله يقطع بليس شيطانتس..
مهبوله بس محترمه..: ايييييه ياخي.. من زمااان ماشفنا هالضحكه
الحلوه..
الدب الداشر..: الله يوسع صديرتس بالعافيه ياروان..
مهبوله بس محترمه..: وياك انشاالله.. :..

وبعد مــــده ليست بالقليله.. اصبحت روان هي بالفعل.. صديقه
نواف الصدوقه.. واصبحت بئر اسراره.. وكان كل شي يصير لنواف
تلقاه واصل لروان... بسبب ان نواف كان يقوول.. (هذي مهيب بنت عاديه والله اني ارتحت له)
بسبب عفويتها وصراحتها الغير
معهوده من البنات..
ومن ناحيتها (روان) كانت دايما تحكي لصديقاته عن هذا اللي
اسمه نواف.. وكانو يحسدونها لانه تعرفه..وكانت تحكيلهم كيف
انها حاسه براحه معه.. وكيف انه ذهين ويفهمها على الطاير ..

وذات يوم ,, جلست روان على الكمبيوتر ,, بعد ان جائت موسيقى
اخبار غصب واحد .. لكن نواف لم يأتي ,,
لم تزعل ,, ولم تتضايق بل هي انسانه تقدر وتقول( حجه الغايب معه)

ومن الغد ,, حصل الموقف نفسه !!
لم يأتي نواف !!
واستمر غيابه طويلاً ,,
يعني مهيب عاده نواف ان يغيب اسبوع عن النت وموقعه وايميله
وشلون اجل ثلاثه اسابيع !!
يعني مهوب نواف ذاك الملحط اللي نقول( ماعنده اشتراك ) خخخخخخ
ولا ماسدد فاتوره تلفونه .. يعني ماشالله عليه انسان مليان
وش السالفه..؟؟ وييين راح..؟؟ معقووله يكون صارله شي..
كل هذا وأكثر في البارت الرابع ..
أنتظر ردودكم ..

البارت الرابع ..
"كل هذي كانت افكار روان.. اللي كان ميييته عليه خووف.. لانه
من جد.. مهيب من عوايده.. انه يقطع النت
وكانت روان لازم تشووفه ضروري جدا.. لانهم كانو ببدايه
العطله.. وروان كانت لازم تسافر مع اهلهاا... ويمكن انه تقطع
النت... روان ماكان هامهاا انه تعلمه بتسافر ولا لا .. كان
الاهم انه تتطمن علييه.....
لاتعرف لماذا .. لكنها احست بفقده ,,

انتظرت روان .. وانتظرت وانتظرت.. لكن .. كل اليوم مثل اللي
قبله.. لاخبر ولاصوت.. لنواف ..


جاء موعد سفر روان للخارج.. مع اهلهااا .. دخلت على ايميلها
قبل السفر بخمس ساعاات.. تمسكت بقـشـه الغريق وقعدت تنتظر
ساعه ساعتين ثلاث.. نواف ماله حس..

باقي ساعتين على موعد سفر المحدد للاسف سكرت النت والايميل..
وراحت جهزت ولكنه.. قبل ماتسكره ارسلت له ايميييل.. تقوله وين
هم مسافرين.. بس ساورتها الشكوك انه بيقراه لانه ماعاد يدخل ,,

وســـــافرت روان ,,


نواف من ناحيته ايضا كان مسافر لسبب طارئ.. يعني جت السفره
بدون مقدمااات.. السفر كان بسبب مرض ابووه المفاجئ ( نوبات قلبيه اضطرابيه غير سويه ) وعلى طوول شاله ووداه.. لاشهر
الاطباء في بريطانيا.. اي ان نواف كان في بريطانيا طوال هذه
المده.. مطنش ايميله وموقعه ومنتداه وكل شي.. اكيييد راح
يطنشه صحه والده واللي مهوب مقصر معه ابد باي شي الزم ماعلييه
في ذلك الوقت.. واهم شي عنده..

بـــعد اربع اسابيـــع اتحسنت حال والد نواف ..وراح اجازه
نقاهه.. سبب المرض كان ضغط ابو نواف على نفسه بالعمل.. وكان
نواف معه مرافقه لكل مكان كانه ( الملاك الحارس )

بعد ماتحسنت حال ابو نواف.. ونواف ايضا (اطمئن على
ابوه)..راحو يتمشون في ربوع لندن
يمرون شارع اكسفورد ويتقهون بالقهاوي العريقه ,,
ويمرون القلعات الاثريه (كان نواف مهتم بالاثار والفن) ,,
ويروحون ويجوون.. ويضحكون مع بعض على التجمعات الغريبه (بالهايد بارك) ومع التمشيات.. مر نواف من عند محل كمبيوترات..
ويوقف شوي.. ويتذكر موقعه وايميله ..اللي غايب عنه حوالي شهر وشوي.. لفت نظره كمبيوتر محمول..(لاب توب).. الا والله ويحط
العيين عليييه .. ويطقه.. (ولد نعمه ماعلييه ) وبعد ماطقه..
راح لبيتهم همن ضبط كل شي وركبه (مايبيلها دارس كمبيوتر)..
واستانس..:
اييه اكيد بيستانس ..
لأنه مبطي مادخل النت ..

بعد ماضبط كل شي .. وهو والله اللي يشبكه على النت ..والا
يلقى تسعه اونلاين (موجودين بالماسنجر) ويشووف منهم ..اثره
مابه احد مهم.. ويشوف الايمييل الا رساااايل الدنيااا.. ويوم
جاء بيفتح الايميل الا اللي يدخل..
مــــهبـولــه بس محــتــرمــه..


مايدري الا الرسااااله اللي واصلته اللي تمشي عشر الااااف....


مهبوله بس محترمه..: haaaaalaaaaaaaa waaalllaaaah (يعني هلا
والله..)
(الدب الداشر..: k7k7 yooooooh na9deg mhboolah (يعني كح كح
يوووه ماصدق .. مهبووله..)
مهبوله بس محترمه..: eeh ana he...ant weenk yalsheen ( ايه
انا هي.. انت وين يالشين.؟.)
مهبوله بس محترمه..:gsmn 5ft 3leeek yalsheen.. (قسمن خفت
علييك يالشين..)
(الدب الداشر..: wesh a5baark gsmn wa7shtny ya 9degty..: (وش
اخبارك ..قسمن واحشتني ياصديقتي..)
مهبوله بس محترمه..: wallaah ana azg7 ent wesh nswee weenk
kl halwagt.. (والله انا ازقح.. انت وش مسوي .. وينك كل
هالوقت )
(الدب الداشر..: esktee bs 9artly ashya2 allah la ywareek
(اسكتي بس ..صارت لي اشياء الله لايوريك)
مهبوله بس محترمه..: wshoooo wesh 9arlk yalsheen wallah
5oftnee (وشوو وش صارلك يالشين والله خوفتني..)
(الدب الداشر..: wallah my father t3b oo wdynah bra yt3alj
(والله الوالد تعب ووديناه برا يتعالج)
مهبوله بس محترمه..:la yasheeeee5 mayshwof shr enshallah
(لاياشيييخ مايشوف شر انشالله..)
(الدب الداشر..: alshr ma yjeek enshallah ..bs la al7mdllah
al7een mafeeh ela al3afyah (الشر مايجييك.. بس لا الحمدلله
الحين مافيه الا العافيه..)
مهبوله بس محترمه..:leeh ho kan wsh feeh <--- walah allgafh
b3d (ليه هو وش فيه <-- والله اللقافه بعد.. )
(الدب الداشر..: la wesh lgaftoh enty oo wajhk
nsytee enk 9degte al9doogah ? (لا وش لقافته انتي وجهك نسيتي
انك صديقتي الصدوقه..؟)
مهبوله بس محترمه..: la wesh d3awah ansa (لا وش دعوه انسى )
(الدب الداشر ..: wallah ll2asf glb abooy t3ban shweey
(والله للاسف قلب ابوي تعبان شوي.
مهبوله بس محترمه..: oo ho shloonh al7een enshallaqh zeen (
وهو وشلونه الحيين انشالله زين؟ )
(الدب الداشر..: zeen wella lbc la abshrk b5eer yajdy
halwjh ( زين ولا ال بي سي .. لا ابشرك بخيير ياجدي هالوجه..)
(الدب الداشر..: agool 3la fokrah ..anty leesh tktbeen
english ..? ( الا اقوول على فوكره انتي ليش تكتبين عنقليزي..
؟ )
مهبوله بس محترمه..: ma w9lt lk rsalty haaaah : (ماوصلت لك
رسالتي .. هااااااه..)
(الدب الداشر ..: t5breen ly akthar mn shahar mad5lt walyom
tawne d5lt (تخبرين لي اكثر من شهر مادخلت واليوم توني دخلت..)
مهبولع بس محترمه..: ahaaaa.. aktb E 3lshanee in london oo
ma3ndee 3rbee (اهااا .. اكتب عنقليزي علشاني انا في لندن..
ولا عندي عربي..)
الدب الداشر..: la 3aaad 9dz wallah... goly gasman ( لا
عااااد صدز والله قولي قسمن..)
مهبوله بس محترمه..: ee wallah .. (ايوالله)
مهبوله بس محترمه..: want leesh tktb english (وانت ليش تكتب
انقليزي..)
الدب الداشر..: coz ana mneeb b3eed 3anek (علشاني انا منيب
بعيد عـــــنــك..)
مهبوله بس محترمه..: amaaaaaa 3aaaad (اما عاااااااد..)
مهبوله بس محترمه..: shloon y3ny mntb b3eed 3nee (شلون يعني
منتب بعيد عني )
الدب الداشر..: y3nee ana al7een fee london : (يعني انا
الحين في لندن..)
مهبوله بس محترمه..: e7lf.. 6b 6b gl gsmn ( احلللللف.. طب طب
قل قسمن )
الدب الداشر..: <--- yswee X 3la rgbtoh we ygool gsmn gsmn
eewalllaah (<--- يسوي اكس ويقول قسمن قسمن اي اي ايوالله ..)
مهبوله بس محترمه..: looooooooool : : mat5lle hbalk
loooooool ( هههههههههههاهاهاهاااي.. ماتخلي هبالك..
خخخخخخخخ..)
مهبوله بس محترمه..: aha 3ad 9dz ant fe london (اها عااد صدز
انت في لندن..)
الدب الداشر..: eeh t9dgeen ya9degte al9dogah : (ايييه تصدقين ياصديقتي الصدووقه..)
مهبوله بس محترمه..:la waallaah mneb m9dgah .. : <---- hathe
albnt bbsa6ah dl5ah ( لا والله منيب مصدقه..<--- هذه البنت ببساطه دلخه )
الدب الداشر..: agool .. y3nee anty mnty b3eedah : ( يعني انتي منتي بعيده..)
مهبوله بس محترمه..: eeh walah t9dg ( ايوالله تصدق..)
الدب الداشر ..: a9la anty ma3mrk ab3dtee 3nee daym at5eel
ank bjmbee (اصلا انتي ماعمرك ابعدتي عني.. دايم اتخيل انك بجمبي )
مهبوله بس محترمه..: <--- tra halbnt ma3t m3a klamk ( <---
ترا هالبنت ماعت مع كلامك)
الدب الداشر..: y3nee msweeh matdreen ant wesh kthr 3*alyah
3ndee (يعني مسويه ماتدرين انتي وش كثر غاليه عندي..)
مهبوله بس محترمه..: ( ماله ترجمه <--- ترا هو يقاله مترجم )
مهبوله بس محترمه..: wallah b9ra7ah ya nawaf la wallah
(والله بصراحه يانواف لاولله..)
الدب الداشر..: looooooooooool mheeb 3leena 7rkatek :
(هههههه.. مهيب علينا حركاتك )
الدب الداشر..: y3nee ballah 3leek matdreen an al7een m3ztk
bglbee tbnee dor thanee oo naweeh t76 7dayg oo 7rkat ( يعني
بالله علييك ماتدرين ان معزتك بقلبي تبني لها دور ثاني وناويه
تسوي حدايق وحركتات..: )
مهبوله بس محترمه..: waallah latnsa t76 msb7 (والله؟؟ ..
لاتنسى تحط مسبح)
الدب الداشر..: agool..: (اقوول)
مهبوله بس محترمه..: gl wla ykthar : (قل ولايكثر)
الدب الداشر..: al9dz al9dz .. feeh fokrah tdoor brasee
(الصدز الصدز فيه فوكره تدوج براسي)
مهبوله بس محترمه..: ahaa wellee hee..? (اهااا..واللي هي..؟ )
الدب الداشر..: bs 5ayf tfhmeeny 3*l6 : : ( بس خايف اقوله
تفهميني غلط )
مهبوله بس محترمه..: hathak lo ana ma3rfak zeen afhmah
ghl6.. ( هذااك لو انا ماعرفك زين.. عشان افهمك غلط )
الدب الداشر..:hatha anty glteeha t3rfenee zeen (هذا انتي
قلتيها تعرفيني زين)
مهبوله بس محترمه..: mntb gayl fokrtek (منتب قايل فوكرتك..)
الدب الداشر..: agolah mobashrah..? (اقوله مباشره..؟ )
مهبوله بس محترمه..: la m3ewdah eeh gl mobashrah (لا معيوده
ايييه قل مباشره )
الدب الداشر..: b9ra7ah b9ra7ah b9ra7ah : (بصراحه بصراحه
بصراحه )
مهبوله بس محترمه..: eeh eeh eeh : (ايه ايه ايه)
الدب الداشر..: damna al7een klna fe london b9ra7ah ..wdy
ashofk ( دامنا كلنا بلندن بصراحه ودي اشوفك..)
مهبوله بس محترمه..: wshooo (وشوووو..)
الدب الداشر..: : ( ترجمته يعني خاف ..خخخخخخخخخخخ..: <---
اقول لايكثر )
وش راح يكون رد روااان..؟؟
هل راح توافق.. ؟؟
ام انه بتعطيه بوز
وبتحطه بالثمنيات .: :. وش راح يكون موقف نواف من الرد.؟؟
وبعد وش بيسوي نواف هل سوف يصارحها انه ..؟؟
ولا مهوب مصارحها .. ؟؟
كل هذا بالبارت الخامس ..
أنتظر ردودكم ..

البارت الخامس ((الأخير)) ..
"كل هذا راح نشوفه ,, بعد الفاصل

( تراني منب كاتب انقليش وعربي مشوار ) ..


الدب الدشر..: دامنا كلنا بلندن بصراحه ودي اشوفك
مهبوله بس محترمه..: وشوووو.. :
الدب الداشر..: هاه .. وش اللي وشو <-- تروه ماتورط ابد..
مهبوله بس محترمه..: شلون يعني ..؟
مهبوله بس محترمه..: يعني انت تقصد نشوف بعض
الدب الداشر..: والله بصراحه.. امنيه حياتي .. طبعا اذا كان
ماعندك مانع..
مهبوله بس محترمه..: <---- اصبر بستوعب الوضع
مهبوله بس محترمه..: لا لا لا انسسسسسسى انسى .. مافيه امل..
الدب الداشر..: يعني وشوو..
الدب الداشر..: <--- هذا الادمي.. وده يلتقي باعز صديقه صدوقه عنده..
مهبوله بس محترمه..: يعني مادري خل افكر شووي..

بـــــعــــد ربع ساعه .. مرت على نواف كانه ربع قرن ..اخيرا
اتى الجووووااااب..



مهبوله بس محترمه..: كح كح انا هنا..
الدب الداشر..: احم احم .. حتى انا ..
مهبوله بس محترمه..: اقووول.. انت صادز يوم تقولي ابي
اشوفك..؟
الدب الداشر..: ايوالله صادز ..بس ودي اشووف ثاني بنت تاخذ
مني عقلي..(روان 2 )
مهبوله بس محترمه..: طيب وشلوون..؟
الدب الداشر..: يعني موافقه..
مهبوله بس محترمه..: والله بصراحه.. حتى انا ودي اشوف
هالانسان.. اللي شاغل لي بالي
الدب الداشر..: صدز تقولين هالحتسي ولانجريني على وجهي
مهبوله بس محترمه..: ايوالله ودي اشوفك ادري اني
جريئه..ههههه.. بس وش اسوي.. هذا طبعي..
الدب الداشر...: بالله اصبري بروح اهز وسط.. وادق رقبه
وارجعلتس.<--- متشقق من الوناسه..ههههههه..
مهبوله بس محترمه..:
هههههههههههههههههههههاهاهاهااااااي...قسمن انك مهبووول..
الدب الداشر..: ياررررربييييييه منيب مصدق اني بقابلك ..
مهبوله بس محترمه..: وحتى انا دووووب..
مهبوله بس محترمه..: بس وين وكيف وشلون..<--- انواع
الاسئله..ههههه..
الدب الداشر..: وش رايتس وين تبين كوفي ولا حديقه ولا وين ..
مهبوله بس محترمه..: ابي مكان بعيد عن العالم..<--- ترى مهيب خايفه ابد..
مهبوله بس محترمه..: <--- اول مره اسويه دوووب..
الدب الداشر..: والله ترانا بلندن.. ماهمينا احد..خخخخخ..محنا
بالرياض..هههه..
مهبوله بس محترمه..: وهذا انا بعد اقول كذا
الدب الداشر..: طيب وش رايك.. في حديقه الورود..ذيييك
تعرفينه.. قسمن هاديه ورايقه .. ومناظر حلوه..
مهبوله بس محترمه..: والللللللللللله... قداااام.. خوش
مكاااان..
الدب الداشر..: نياأأأأأأأأأي.. <--- تريه بزعمه مستانس ..
خخخخخخخخخ..
مهبوله بس محترمه..: بس متى..بالضبط..؟
الدب الداشر..: وش رايك بكرى العصر..؟
مهبوله بس محترمه..: ايييييوه احسن وقت.. قسمن فاهمني دوووب..
الدب الداشر..: <--- مهوب عاقل.. صاير ذكي هالايام.. <--- توه
يشغل دمجته..
مهبووله بس محترمه..: طيييييب دوووب..انا بطلع الحيين.. بس
وشلون بعرفك بكرى ..
الدب الداشر..: بمسك ورده حمراء.. <--- مهوب عاقل الرومنسي..
مهبوله بس محترمه..: اووكي حتى انا بعد بمسك ورده حمراء...
اوكي ؟
الدب الداشر..: اوووكي حبيبه البي..الوعد بكرى ..
مهبوله بس محترمه..: يالله بباااااي ..
الدب الداشر..: بااااي.. تيك كير..
مهبوله بس محترمه..


يووووووه.. وش اللي صاير بالدنيا.. معقوووله اخيرا بعد كل
هالمده بيتقابلون روان ونواف..معقووله..؟
نواف بصراحه كان في حاله يرثى لهاا .. ماعرف ينام ذييك
الليله..ومتوتر.. ويقول لنفسه.. الحين انا اذا ماعجبتهاا.. وش
بتسوي..ويقعد يوسوس.. ويضرب اخماس باسداس وطقها
هواجيييس...ويفكر في روان.. وشلون راح تكون..هل بتكون مثل
الصوره اللي راسمها في باله.. ام بتكوون غيير. طيب وشلون
بتكون غيييير..؟

اما روان ناحيته.. من شده التوتر اكلت اظافرهاا وكانت تفكر
مثل تفكير نواف .. وتقول وشلون طيب اذا ماعجبته.. وش بيسوي..
طيب هو كيف راح يكون شكله..؟

ومن هالافكاااار اللي تخلي الواحد مايناام الليل..
المــــهــم مر الليل بطيئ جدااا..وجااااء المووووعد..

من ناحيته نواف.. كان جاهز ولابس ومتشيك وأخر حلاوه.. بس خايف
ومتوتر ان روان ماتجي..
اما روان من ناحيتهاا.. كانت جدا جدا خايفه..لدرجه انه في وقت
من الاوقات هونت انها تروح. لكن بالاخير اقنعت نفسهاا انها
تروووح.. وبالفعل راااحت..

نواف وهو طالع من الفله حقتهم.. يتلفت يمين وشمال.. الا والله
يشوف هذيك الغزال اللي تمشي..نواف انبهر بجمالها
العربي..(سعودي ) المهم.. والله ويمشي ناحيه الحديقه.. اللي
ماتبعد عنه فلته سوى مترات قليله..يمشي وقلبه يطق سامري المهم
هو وصل قبل الموعد المحدود بكثييير.. وراح اشتراله باقه وروود
حمراء.. وضبط الوضع.. وكل شي تمااام..

وفي الموعد المحدد والمتفق علييه.. دخلت من عند البوابه هذيك
البنت اللي شافها نواف قبل شوي وهو ماشي للحديقه.. معقوووله
تكوون هذه البنت صاحبه الجمال الباهر اللي يخطف
العين..معقووله هذي الملاك اللي شافها قبل شوي.. هي روان..
الا والله هي.. معها ورده حمراء..

من ناحيتها رواان.. دخلت معها الورده الحمراء..وتفاجأت اول
مادخلت بذاك الشاب اللي ماسك باقه حمراء من اغلى انواع الورود..
ذاك الشاب الطويل صاحب الجسم المتناسق..
صاحب الشنب الخفيف المتصل بالسكسوكه...
صاحب الملامح التي وان كانت رجوليه كثيراً..
فهي لاتخلو من الجمال والتناسق..

روووان.. وقفت شوي.. ونواف وقف بعد.. وعم السكووت على
الاثنين.. الا ان تجرأ نواف.. وقال.. روان.؟ قالت نوواف..؟
وظهرت البسمه الخجوله على محيا روان وظهرت بعد على وجه نواف..
وبعدهاا.عزم نواف روان على كوفي.. وفعلا راحوو للكوفي اللي بالحديقه .. وجلسوو..وجاء الجرسوون..


نواف: وش تحبين تشربين ياروان..؟
روان (وهي تناظر الارض من الحياء).: لا لا شكرا..
نواف.: معقوله.. لا ارجوك لاتخليني ازعل منك..
روان..(للحين تناظر الارض) : اوكي اي شي..
نواف: اوكي .. please give me ay shay .. with medium sugar
(عطني اثنين اي شي سكر وسط )
روان تضحك بخجل ..


والله ويطلبوون.. كل واحد كابتشينوو..وراح الجرسون يحضر الطلب.. وفعلا جاب الطلب.. لكن الغريب بالامر انهم
مايتكلموون.. روان تناظر الارض.. ونواف يناظر روان.. وان ناظرت روان نواف .. نواف ناظر الكابتشينوو...(هههه.ابوك يالحياء ) واخيرا نواف كسر حاجز الصمت.. وقال..


نواف: تصدقيين روان.. ماتوقعت انك بهذا
الجمال..
روان..(بحيااء وبخدود محمره) : مشكوور..
نواف: لييش ماتشربين الكابتشينو..؟ لايكوون ماعجبك
اطلب لك شي ثاني.؟
روان: لا لا معجبني.. بس بصراحه بصراحه.. ماتوقعتك كذا..
ومتفاجأه..
نواف: ههههههه.. وليييه..؟ وشلون كنتي متوقعتني..
روان: هههههههه.. بصراحه كنت اتوقعك دب وغبي.. هههههههه..
نواف: هههههههههاهاهاي... الله يقطع بليس شيطانك..
روان: هههه... بليس شيطانك.. اكفشششش..
نواف: ههههههههههه.. حتى هنا كافشتني..

وسالفه ورا سالفه.. عيو يسكتون ..بعد ما انكسر حاجز الصمت
والخجل والانبهار..هههههه..

ومررررت ساعتين سريعه..سريعه جدا.. ويوم شافت روان الساعه..
وهي تقول..:

روان: اوف اوف .. دووب قسمن الوقت معك سريع .
نواف: وراه.. ليش كم الساعه الحين..:
روان: الساعه ست
نواف: اماعااااد وشلون يعني ست.. يعني لنا ساعتين وحنا قاعدين مع بعض..
روان: اييه تصدق.. والله كنها ربع ساعه..بعد المشكله اني لازم اروح بعد الحين..
نواف: يووه.. لاتقولين..:
روان: والله لازم اروح.. انشالله اشووفك بيوم ثاني..؟
نواف: بكرى يمديك..؟
روان: لاوالله ماتوقع ..
نواف: اجل اشوفك بالسعوديه..:صاح:
روان: وشوووو.. شلون يعني بالسعوديه..
نواف: تخبرين.. انا جاي مع الوالد.. والوالد ملزم انه يرجع
يقوول شهر اجازه.. كافي وزياده..
روان: متى بترجع..؟
نواف: بعد بكرى ..
روان: اهااا.. خسارتك دووووب..
نواف: والله مقهور ودي اقعد بس ماقدر اكسر كلمه الوالد..
روان: عاذرتك..:صاح: اجل يالله.. انا بروح الحين..
نواف: يالله مع الف سلامه روان..
روان: باااي..
نواف: باي..

وتقوم روان من الكرسي.. وهي تناظر نواف.. ونواف يناظرهاا..
وتمشي بسررعه وتروح..وقبل ماتطلع من البوابه..:


نواف: روان روان ..رواااان..
روان: نواف..؟ هلا ..؟
نواف: نسيت اعطيك هذي..
روان: وش هذي.؟
نواف: هديه بسييطه.. ممكن تقبليها؟
روان: لا لا اسمحلي ماقدر اقبلهاا..
نواف: تكفييين.. علشان خاطري..

واخذت روان الهديه المغلفه.. بحيااااء بالغ.. وبابتسامه
خجوله.. ونواف اعطاها اياها.. بوثوق بالغ..ونظره هاديه..

ومشت روان.. ونواف يناظرها .. بكل اسف.. وبدأ ثعبان الطريق
يلتهم روان رويدا رويدا .. ويحرم نواف منها ..

<--- قسمن اني اعرف احتسي..

وراحت روان للبيت.. وهي الى الان مهيب متصوره ان نواف اللي نكه (الدب الداشر) يكون بهذي الوسامه والوجاهه.. وهذا اللطف..
وهذي الاناقه..الخ..

لكن المشكله ان الهديه اللي عطاها اياها متكلف فيها يعني عقد
ذهب من اقوى محلات الذهب في لندن منحوت على شكل قلب ومكتوب في
وسطه..(R) يعني من جد متكلف.. وهذا اللي احزن روان.. لانها
ماتبيه يتكلف..

ورجــــــــــــعـــو للسعوديه.. طبعا كان نواف راجع قبله
وكان وحيد.. مرت الايام عليه ببطء.. الى ان رجعـــت روان..
وعاد كل شي لطبيعته..


الدب الداشر..: هووووووووووولا واللووووووووووه.. مهبوله..
الدب الداشر..: وينتس فيه كل ذي المده.. قاعدتن اتحرى خبر
طيارتكم بالجزبره
مهبوله بس محترمه..: ههههههههههه. هلا بك..اسمالله علي..
الدب الداشر..: حيالله في بلدتس الثاني السعوديه.. ولكموووو..
مهبوله بس محترمه..: هههههههههه.. بلدتس الثاني...
مهبوله بس محترمه..: <---- اخس يالانقلينزيه..
الدب الداشر..: هههه.. واخبار لندن بعدي.. اكيد مظلمه.. <--
اخس يالواثق..
مهبوله بس محترمه..: هههههههه.. هي بس ظلمت.. حتى من كثر
الظلام.. نورت..
الدب الداشر..: ههههههه
مهبوله بس محترمه..: هيييييييه.. دووب..
الدب الداشر..: وشو قسمن ماسويت شي..
مهبوله بس محترمه..: وش هالهديه..
الدب الداشر..: ماعجبتس.. اسف والله هذا اللي قدرت اجيبه..
ماكان عندي وقت..:صاح: تخبريين جت المقابله بسرعه بدون
مقدمات..
مهبوله بس محترمه..: لا لا بالعكس.. قسمن اني ماصدقت انه تكون
بهالزين الهديه..:يمد: بس انا اقصد انك متكلف فيها واجد..
الدب الداشر..: لا كلفه ولاشي..:دلخ: كل شي لاجلتس يرخص.
مهبوله بس محترمه..: بسسس دوووب.. قسمن استحي...


ومـــــرت الاياام.. يوم ورا يوم.. اسبوع ورا اسبوع..
والصداقه بقدرت قادر انقلبت الى محبه.. ولكن مشكله هذا الحب
انه محد يعترف فيه.. يعني نواف يقول بينه وبين نفسه.. ياولد
انت صدز تحب روان ولا بس كلام.. لاوالله الظاهر اني العب على
نفسي.. اما روان من ناحيته..كانت تعرف من داخله ان قلبه وصل
لدرجه عشق نواف.. لكنها كانت تردع نفسها.. وتخبي ..

ومــــرت الايـــــــام وكلن يخبي على الثاني.. الا ان جاء
ذاك اليوم..:


الدب الداشر..: هههههههههههه.. والله انتس مرجوجه..
مهبوله بس محترمه..: وش اسوي هي اللي خلتني اسوي هالشي..
الدب الداشر..: المهم.. اقوول..
مهبوله بس محترمه..: قل ولايكثر..:
الدب الداشر..: من ناحيه لايكثر.. الصدز هو بيكثر..ماعمرك
مريتي بتجارب عاطفيه.. يعني حب..؟ <--- اللله من اللقافه
بهالراس
مهبوله بس محترمه..: لا وش لقافته.. تسانك تبي الصدز...انا
مامريت بتلك التجارب العاصفه انا مريت بتجربه بسيطه وحيده..
مهبوله بس محترمه..: التجارب العاصفه..<---- ههههه..تصدق اني
اعرف احتسي..
الدب الداشر..: اها ..يعني كيف..؟
مهبوله بس محترمه..: انا مريت بفتره اعجاب في ولد خالتي..
وبس.. مجرد فتره اعجاب.. وطبعا هالكلام من زمان.. بس الحمدلله
عقلت..
الدب الداشر..: والحــــيــــن..؟


وعـــــــــم الســكوت على الطرفـــيـــن..
(نواف) <--- يبي يجس النبض..:صاح:..خايف تكون روان مرتبطه
عاطفيا ..
(روان) <---- تتكلم وهي متحسره بانه ماتقدر تقوله بمدى حبها
له...لانها خايفه انه مازال يحب روان حبيبته الاولى


الدب الداشر..: كح كح.. اسف اني ازعجتك باسئلتي السخيفه..
مهبوله بس محترمه..: لا بالعكس.. مازعجتني ولاشي..
الدب الداشر..: اسف..
مهبوله بس محترمه..: نواف.. بصراحه انا.. احب واحد..بس مادري
اذا هو يحبني ولا لا..

(نواف) <--- وقعت عليه كلمه <احب واحد> كانه سييف دخل
بضلوعه.. ولكن تحامل على نفسه .. ووضع نفسه في مكان ( اذا
انا ماروح اسعدها بحبي لازم اسعدها بشي اسويه لحبها)


الدب الداشر..: طيب ياروان.. انتي ماحاولتي تعترفين له..؟
مهبوله بس محترمه..: بصراحه لا,, لاني مادري احس بخوف.. وبعد
احس ان بتكون رده فعله عنيفه..
الدب الداشر..: ليييش طيب... انتي مالك احتكاك معه..؟
مهبوله بس محترمه..: الاوالله بصراحه.. هو اكثر واحد احتك
فيه..



(روان) تحاول تلمح لنواف لكن من بعيد..
(نواف) بعد ما سمع هالكلمه.. ابتسم ابتسامه غايه في
الروعه..بسبب انه بدأ يفهم من تقصده روان..


الدب الداشر (باستلكاع) ..: منهو؟ دكتوركم بالجامعه؟ خخخخخخخ
مهبوله بس محترمه..: ايه ايه هههههههههه بس اسكت لا اكب
العشاء :
مهبوله بس محترمه..: طيب انت مالك تجارب غير روان..؟
الدب الداشر..: اقول روان
مهبوله بس محترمه..: عنونهاا.
الدب الداشر..: ودي اقولتس شي.. بس خايف تضحكين علي..
مهبوله بس محترمه..: وش دعوه .. لاوالله منيب ضاحكه عليك..
الدب الداشر..: اصلا منت مصدقتني..
مهبوله بس محترمه..: طيب وشو قله انت الحين..
الدب الداشر..: روان .. اذا انا مره جيتك وقلتلك انــــا
احــــــبـــك..وش بتسوين؟


فـــــتــــره صـــمـــت..


مهبوله بس محترمه..: اول شي بسالك يانواف اذا انت تحبني صدز
ولا لا..
الدب الداشر..: والله صـــدز احــــبـــك..
مهبوله بس محترمه..: تكفي يانواف اسمع ذي الاغنيه.. (قالها)
لذكرى.. وبتدري وش راح يكون شعوري..





احــــبـــك..ااه احـــــبك..

قـــالهـــا.. قال احبــك قالهاا..اخيرا قالها..ماصدق قالها..
مو مهم انه همسهاا.. المهم انه قـــالــهــا..

كني وانا انتظر منك هالاربع الحروف..
ذوبني كلي الصبر ..وذوبني حيره وخوف..

قالها .. قال احبك قالها.. من ثواني قالهاا..

انا كنت احس بهواه.. بس كنت ابغى دليل..
كلمه تجي من شفاه..والله تحيني انا المتيم العليل..

قالها .. قال احــــبــك قالها.. اخيرا قالهــا..



الدب الداشر..: لا لا .. صدز عاد والله..
مهبوله بس محترمه..: والله هذا هو شعوري..
الدب الداشر..: تكفيين شوي وراجع..
مهبوله بس محترمه..: هذا وقته...؟
الدب الداشر..: باك.. رحيت هزيت ورجعت.. ودقيت رقبه..<---
نواف يرقص فرحاا..
مهبوله بس محترمه..: ههههههههههههههههههه..
الدب الداشر..: يوووووه.. والله منيب مصدق ياروان..
مهبوله بس محترمه..: وراه ماتصدق..
الدب الداشر..: هههههههه.. بصراحه كنت خايف منتس هههه..
مهبوله بس محترمه..: اجل انا وش اقوول.. يادوووب..
الدب الداشر..: طيب طيب تكفين قوليهاا.. عشااان انا ودي اغني
قالتها..
مهبوله بس محترمه..: ودي اقوله بس مقطعن الحياء..
الدب الداشر..: تكفيين.. قسمن كلمه تحيني انا المتيم العليل..
مهبوله بس محترمه..: طيب بقولهاا..بس انت خلك راكز ورزين..
وانا بحاول اتهجاها..
مهبوله بس محترمه..: الف ا
مهبوله بس محترمه..: حاء ح
مهبوله بس محترمه..: باء ب
مهبوله بس محترمه..: كاف ك
الدب الداشر..: قالتهاا.. اخير قالتهااا...............يوووه
قسمن منيب مصدق
الدب الداشر..: والله اني انا اسعد واحد على وجه الارض
الحيييين..
الدب الداشر..: يااااااااااااااااع..<-- ترين اصرخ بزعمي اعبر
عن وناستي..
مهبوله بس محترمه..: هههههههههههههههه.. وانا اسعد وحده على
وجه الارض..


واخـــــــــيــرا انكسر حاجز الصمت والخجل بينهم.. واستطاع
كل واحد فيهم انه يعبر عن مدى حبه للثاني.. ومع مرور الايام
والليالي ..زاد تعلق كل واحد بالثاني.. واصبح كل واحد فيهم..
لايستطع الاستغناء عن توأم روحه الثاني.. يعني بالعربي..
اثنيييين يحبون بعض حب صادق..

ولــــكــــن,, ابت ريح هذا الزمن ,, الا ان تحاول ان تغرق
مركب حبهم ,,
فحدث مالم يكن بالحسبان :


مهبوله بس محترمه..: واااااااع.. وااااع والله مايصير كذا
يانواف انا احبك انت مابي احد غيرك..
الدب الداشر..: وشوو.. وش السالفه..
مهبوله بس محترمه..: والله ماودي اضيق صدرك..لكن غصبن علي..
الدب الداشر..: طيب وشووو..
مهبوله بس محترمه..: انا انخطبت.. واهلي ملزمين علي اني
اتزوجه..
الدب الداشر..: لالالا.. اماعاد..!!
مهبوله بس محترمه..: قسمن بالله.. ياربيييه.. مابيه مابيه..
انا ابيك انت..
الدب الداشر..: طيييب يابنت الحلال.. قولي لاهلك.. مابيه وانا
بجي اخطبك..
مهبوله بس محترمه..: حاولت والله حاولت.. بس هم مصممين انه
رجل زين.. ولانيب لاقيه زيه..
الدب الداشر..: لاحول ولاقوه الا بالله.. طيب والحل..
مهبوله بس محترمه..: عاد المشكله ان اهلي قالوله اني موافقه..
بعد..مادري هو العرس غصب..
الدب الداشر..: طيب هو رجال زين.. ؟
مهبوله بس محترمه..: الصراحه ما اظلم الرجال.. هو مهندس
كمبيوتر وبعد من عايله غنيه.. ومشهود له بطيب الاخلاق.. وبعد
يصير صديق ولد خال عمي.. وهو يقول انكم منتم ملاقين مثله..
ولا راح تلاقون ..
الدب الداشر..: الله يوفقك معاه
مهبوله بس محترمه..: الله يوفقني..
الدب الداشر..: ايييه الله يوفقك.. ويرزقك الذريه الصالحه..
تكفين ياروان.. دام انه بهالمواصفات.. تكفين لاتخلينه يضيع
منك..
مهبوله بس محترمه..: طب طب.. وانت..
الدب الداشر..: يابنت الحلال.. انا الله يجبرني على جرحي..
مهبوله بس محترمه..: معقوله يانواف .. معقوله.. تخلى عني بهذي
السهوله..
الدب الداشر..: انا ماتخليت عنك الا اني متاكد انك بتكونين
ازين حال من انك لو كنتي معي...
الدب الداشر..: وانا من ناحيتي.. الله يجبرني في مصيبتي هذي..
مهبوله بس محترمه..: ياربييييه وش هالمصيبه..
الدب الداشر..: الله يوفقك ياروان.. انا الحين لازم اطلع..
وبس حبيت اقولك الى اللقاء..
مهبوله بس محترمه..: ماظن فييه لقاااء...:صاح: قووول الوداع..
الدب الداشر..: للاسف .. اقول لك الوداع..
مهبوله بس محترمه..: مع السلامه يانواف.. اعرف اني ماحبيت ولا
راح احب الا انت..
الدب الداشر..: روان.. الله يوفقك.. باااااااااااااااي..


[ نهايه ]
وطلع نواف من الماسنجر.. وروان انهارت ودخلت في بكاء عميق..
.. واستمرت في البكاء..
وبعد ثلاث ايام من وداع نواف لروان.. جاء خطيب روان.. يبي
يشوف روان (الشوفه الشرعيه) وهذا حق من حقوقه.. روان كانت
رافضه الخطيب اساسا.. فكييف اجل لاشافته... روان وهي جالسه
تنتظر انها تدخل لخطيبها.. وكانت في اجمل حالتهاا.. رغم الحزن
اللي بعيونهاا.. كانت رغم كل ذلك.. ملاك .. نظرت الى نحرها ..
فوجدت العقد اللذي اهداه اياه نواف واسترجعت شريط ذكرياتها مع
نواف..وتتذكر كيف انه كان مالي حياتها.. وتتذكر بعد يوم
قابلته في لندن.. وعندما كان يناظرها بخجل.. وهي مستحيه..
وتتذكر بعد كيف قالها احبك.. وكيف قالتله احبك..



مع كل هذي الذكريات.. جت ام روان ومعها العصير .. وتقولها
يالله ادخلي علييه.. وهي معارضه بشده.. لكن بعد مده اقتنعت
باهميه الدخول وانه هذا مرتبط بحياتها ومستقبلهاا..

وبالفعل دخلت روان لوحدها على خطيبها معها العصير.. وكانت
تناظر الارض من الحياء ولكن الخطيب كان واثق ويناظرها لم تدقق
روان زين بخطيبهاا..وحطت العصير وجلست جمبه.. وهي مازالت ناظر
الارض.. خطيبهاا.. كسر حاجز الصمت.. وقال..: مساء الخير
روان.. .. روان بعد ماقال هالكلمه.. انصدمت.. هالصوت مهوب
غريب عليها..

وترفع راسها من الارض.. وتناظر خطيبها.. وهو مبتسم بوثوق
كبير.. يااااه.. هالابتسامه مهيب غريبه علي.. هالملامح الخشنه
الحلوه مهيب جديده علي.. ولاهيب غريبه علي.. يااااه معقوول
يكون نواف.. روان ولولا الحياء والخجل لكانت ارتمت بين احضان
نواف..


روان: يااااه يادووووووب..
نواف: ههههههههه.. لعبت عليك صح..
روان: حرااااااااام علييييييييييييك.. كل هذا تسويه فيني.
نواف: ههههه.. ياحبنيلك.. طالعه حلووووه تهبلين تجنين..تاخذين
العقل.. يالدوبا..
روان: اصبر اصبر .. تكفى اقبصني.. ولا صحكني كف.. خلني بشوف
انا بحقيقه ولا بخيال..
نواف: هههههههه.. اقبصك..:شرير: هاهاهاهااااي.. انتي تامرين..
روان: اححححح الله يلعنك.. مهوب كذا عاااد..
نواف: يوووه.. انا خطبتك يالدوبا.. يعني بتصيرين زوجتي..
روان: بس بس دووووب.. قسمن استحييييييييت..
نواف: لا لا خلاااااص.. مافيه شي اسمه حياء خلاص انتي زوجتي..
روان: هههههه.. ياحبيلك يادووب.. بس تصدق ان حاقدتن عليك على
هالحركه..قسمن ماشفتن وانا اصيح.. والله اكسر الخاطر..
نواف: والله ماكان قصدي.. بس القصد اني اخطبك وانتي ماتدرين..
ولا لقيت الا هالطريقه..
روان: ههههه. بس مقبوله منك.. واحسن شي انها راح تبقى هالحركه
بذاكرتنا.. انشالله..
نواف: اهم شي يادوبا اني خطبتس..
روان: خلااااص دوووب..


ووافقت روان بسرعه على العرس بعد ان رأت نواف ,, واستغربو
اهلها من موقفها المتضاد
وتم العرس ,, بليله من ليالي العمر ,,




بس يالله عاد .. تقبلو تحياتي..
مخربتها ..

دمت بألف خير
كل الشكر والامتنان على طرحكـ
يعطيك الف عااافيه
بانتظار جديدك
تحياتي

شاكره مرورك العطر

كـ العاااده ابداااع × ابداااع
مشكوورهـ ياعسل ع النقل ..تسلم ايدك
بأنتظآآر جديدك القادم بكل شووق..


مودتي

شاكره مروركم العطر