ديوان الشاعر / متعب التركي

ضـــايـــق الـــبــــال مـايـسـتــانــس الــحــالـــه

وانـــت لاغــبــت عــنــي كــنــي الـحـالــي

جــــتـــــك الاشـــــــــواق رجـــلـــيـــه وخـــيـــالــــه

غــيــر الاول تـحـمــل شــوقـــي الـتــالــي

لـيـت مــن قــال مـتـعـب خـابــت امـالــه

شــــــاف بـعـيــونــك الـــخـــدرات مــنــزالــي

واحــــــدأ فـــيـــك مـــاهـــو مـنــشــغــل بـــالــــه

اشـهــد انـــه بــهــا الـدنـيــا هــــو الـسـالــي

راوي الـــــــعـــــــود يــــزهـــــالـــــك وتــــزهـــــالـــــه

عــــاد مــــن يــقــدر ايـلـومــه إلــيــا مــالــي

صـاحــبــي والـقـصــايــد فـــيـــك مـخـتــالــه

وأنـــت لـــك حـــق فـيـهـن يـــوم تخـتـالـي

دام نــفــســـك لــــحــــب الــشـــعـــر مــيـــالـــه

ليـه ماصيـر شاعـر وانـت فـي بـالـي

مــــــن تــمــنــاك لاتــنــشــد عـــــــن احـــوالــــه

كيف عقب العسل يستطعم الحالي

عــقــبـــك الــنـــفـــس مــــذعــــوره ومــهــتــالــه

ســــود الايــــام هــــزت بــرجـــي الـعــالــي

لـكــن الـقـلـب مـــن يــمــك عــلــى حــالــه

فـي تناسيـك ليـه اكـذب علـى حـالـي

قـــلــــت لـــــــك نــعــمـــة الـنــســيــان زوالــــــــه

ذكـــريــــاتــــك بــعـــضـــهـــا قـــــــــــام يـــبــــرالــــي

كـــــــل مــامــرنـــي طــيــفـــك عـــلــــى فـــالــــه

قــلـــت يـامـرحـبــا فـــــي ريـــحـــة الــغــالــي

شــلــت هــمـــك وهــمـــي مــاحـــدأ شــالـــه

كــن قلـبـك غــدى ياصاحـبـي خـالــي!

إبــتـــعـــدنـــا وكـــــلــــــن راح فـــــــــــي حـــــالــــــه

بــيـــن هــالــنــاس لـــكـــن كـــنـــي الــحــالــي

الـــبـــارحـــة مـــــــــدري وش الـــــلـــــي خـــــذانـــــي

يــوم اجنـبـوا عـنـي مــن الضـيـقـة اشـمـلـت

جــــــيــــــت أتــــكــــلـــــم بـــــــــــــس عــــــيـــــــا لــــســــانـــــي

مــاكـــنـــي إلا مـــرتـــكـــب ذنـــــــــب واخـــمـــلـــت

الله يـــســــامــــح مـــــــــــن ذكـــــــــــرت ونــســـانـــيـــي

وأنـــــــــــا أدري إنـــــــــــي لاذكـــــرتــــــه تـــجـــمـــلـــت

عـــانــــيــــت وأدري كــــــــــــل طــــــيــــــب يــــعــــانــــي

وعلى حساب طعوني الخضر جاملت

يـــامـــاخــــذوا مـــــنــــــي ولا احـــــــــــدأ عـــطــــانــــي

مـــن طيـبـتـي فـــي حــــق نـفـســي تـسـاهـلـت

عــــــــــــــــــزاي لامـــــــــنــــــــــه تــــــجــــــهـــــــم زمـــــــــانــــــــــي

يــــمــــمــــت وجــــــهــــــي لـــلـــكـــريــــم وتــــوســــلـــــت

والــــلـــــي يـــــبـــــي قـــــربـــــي وبـــــعـــــدي لـــقـــانــــي

أمـشــي عـلــى وضـــح الـنـقـاء مـــا تخـتـلـت

( يـــامـــن ســكــنــت اجـــمـــل زوايــــــا كــيــانـــي

يــامـــا عــلـــى نـفــســي عـشــانــك تـحـامــلــت)

مــرات احــس انــك مـعـي شـخــص ثـانــي

ومـــرات احـــس انـــك حـبـيـبـي ومــــا زلــــت

لاتــــفــــرح انــــــــك دجـــــــــت بــــيـــــن الــمــحــانـــي

لــــــــــو مـــاتـــخــــون الـــــذاكـــــره مــــــــــا تــســـلـــلـــت

(( عــشــان مـاضــيــك الـجـمـيــل وعـشــانــي

حــاول تشـيـل مــن الـوفـا ربـــع مـاشـلـت))

((( مـانــي عــلــى خــبــرك حـبـيـبـي تــرانــي

حـتـى عــن اصـغـار الامـانـي تنـازلـت)))

مــاقـــلـــت لــــــــي شـــــــــي وش خـــلـــيـــت مــاقــلــتـــه

اســـكــــت وخـــــــل الـــكــــلام لــجــرحـــي الـــدامــــى

لـــــوغـــــيـــــرك الـــــــلــــــــي يـــــســـــولـــــف مــاتــحــمّـــلـــتـــه

لـــكـــن عـــلـــى شـــــــان عــيــنـــك هـــانــــت ألامـــــــى

لـــــلــــــحــــــب مـــــفــــــهــــــوم عــــــــمـــــــــرك مــاتـــخـــيـــلـــتـــه

مــــــاأظـــــــن يــســتـــوعـــبـــه تـــفـــكــــيــــرك الــــســـــامـــــى

هــــــــــذا الـــــفـــــراق الـــطـــويــــل وهــــــــــذي أســئـــلـــتـــه

هــــــــــذا حـــــصــــــاد الــســـنـــيـــن وهـــــــــــذي أيـــــامــــــى

يـــــــامـــــــا ويـــــــامـــــــا عــــلـــــيـــــك الـــــــبــــــــال طـــــولـــــتـــــه

والـعـمــرعــدى وأنــــــا عـــايـــش عـــلــــى أوهـــامــــي

حـــــتـــــى طـــــريـــــق الـــــفـــــراق الـــــلـــــي تــســاهــلــتـــه

لـقـيـتـه أصــعــب عــلــى نـفـســي مـــــن أقــدامـــى

اصـــــبــــــرلــــــي شــــــــــــــــــوي لـــــــــودمـــــــــي تـــثـــاقــــلــــتــــه

بـــحــــاول أســتـــوعـــب الــــلــــي صــــــــار قــــدامــــي

الــــحـــــب ضـــحـــكـــة بــعــيــنـــك بــــــــــس مــاطــلـــتـــه

عمرك بهالكون شفت أبسط من احلامي!

الـــقـــلــــب لــومـــاخـــفـــق لـــــــــــك كـــــــــــان مــاشـــلـــتـــه

ولـومـاأنــت مـلـهــم قـصـيــدي جــفــت أقــلامـــي

هــــــــــــذا قــــصــــيــــدي بـــعـــيـــنـــك لــــــــــــو تــجــاهــلـــتـــه

يــنــزف عــلــى شــــأن يــــروي قـلـبــك الـضــامــى

الــــــــــعــــــــــام طــــــــــــــــــــاري غـــــــيـــــــابـــــــك مـــاتـــقـــبــــلــــتــــه

والــيــوم حـرمــانــي أصــبـــح مــصـــدر إلـهــامــى

لاتــــعــــتــــذرلـــــي وابــــــنــــــســــــى كــــــــــــــــــل مــــاقــــلـــــتـــــه

وش ينـفـع الـعــذر لامـــن ضـاعــت أيـامــى ؟

ويـن هالغيبـه عـسـى مـاهـي إفــراق

لـيــه تـبـخـل بـالـمـجـي خــلّــك كــريــم

خـابـر ان الـجـرح لا صـابــه حـــراق

مــــــا يــفــيــده طــــــبّ والله الـعـظــيــم

ينشدونـي ويـن مـن رمـشـه دقــاق؟

قـلـت مــدري ذاك خـبـري بـــه قـديــم

الــغـــلا راعــيـــه لـــــه قـلــبــن رقـــــاق

لـو جفيتـه صـارت ضلـوعـه هشـيـم

لو زعل لو شال غيضه واستضاق

مـــــا يـخـرّبـهــا وجــرحـــه بـالـصـمـيــم

ادمــــــــح الـــــــــزلاّت زلاّت الــــرفـــــاق

خـصّ لا مـن صـار راعيهـا حشـيـم

واكــــــره الـــخـــوّان كـــرهـــي لــلــعــراق

واعـشـق الوافـيـن عشـقـي للقصـيـم

عـنـد اهلـهـا غالـيـه وضــح الـنـيـاق

وانت عنـدي يمكـن اغـلا يـا وسيـم

ان بـغـيــت افـراقـنــا هـــــاك الــفـــراق

وش نبـي بالحـب دام الـحـب ضـيـم

يعطيك العافيه

دووم هالتميز ماشاء الله عليك
ربي يحفظك

شاكره مرورك العطر

السلام عليكم
اعتقد من الــ عنوان اكتفي لـ تقديمه


اليكم هذه المدرسه

قصيدته التي ترجمت سر الابتعاد






الموت هيـن والبـلا وش ورا المـوت
عند الحسـاب .. يهـون سهـم المنايـا

باكر نموت و تصبـح قبورنـا بيـوت
وعقـب القصـور بضيقـات الزوايـا

في جوف الارض وكل من حولك سكوت
وتعاقبـن بالقـبـر عــوج الحنـايـا

يارب يا منجـي نبيـك مـن الحـوت
سترك وعفـوك يـوم كشـف الخفايـا

باكر ليا جينـا علـى داعـي الصـوت
شيبـان واطفـال وشبـاب وصبـايـا

ندعـي وحنـا بيـن باكـي ومبهـوت
ورحنـا لهـا ننقـاد مـثـل السبـايـا

يـا رب تهدينـي قبـل لحظـة الفـوت
وتغفـر ذنوبـي يـا كريـم العطـايـا

اشكيك هـم ٍ داخـل الصـدر مكبـوت
وايامـي الـلـي بالخطـايـا مـلايـا

ان لاذ بك من كـان طايـع و مبخـوت
فـي مـن يلـوذ المرتكـب للخطايـا ؟

يا رب يا قـادر علـى كـل طاغـوت
لا ياقـف اللـي وحـدوا بـك خزايـا

رحماك لا منـا صحينـا مـن المـوت
واليـا وقفنـا عنـد بـابـك عـرايـا

,,



البارحه مدري وش اللـي خذانـي
يوم اجنبو عني من الضيقه اشملـت

جيـت اتكلـم بـس عيـا لسانـي
ماكني الا مرتكب ذنـب واخملـت

الله يسامح مـن ذكـرت ونسانـي
وانا ادري انـي لاذكرتـه تجملـت

عانيت وادري كـل طيـب يعانـي
وعلى حساب طعوني الخضر جاملت

ياما خـذو منـي ولاحـدٍ عطانـي
من طيبتي في حق نفسـي تساهلـت

عـزاي لامنـه تجهـم زمـانـي
يممـت وجهـي للكريـم وتوسلـت

واللي يبي قربـي وبعـدي لقانـي
امشي على وضح النقـا ماتختلـت

مرات احس انك معي شخص ثانـي
ومرات احس انك حبيبي ومازلـت

لاتفرح انك دجـت بيـن المحانـي
لـو ماتخـون الذاكـره ماتسللـت

عشان ماضيك الجميـل وعشانـي
حاول تشيل من الوفاء ربع ماشلـت

قبل اسافر

قبل اسافر وتنسى جيـت اسلـم عليـك
جيت ابي عمري اللي اكتشفتـه غـدى




ضاعت اجمل سنيني من عمايل يديـك
اكذب ان قلت راحت لاجل عينك فـدى




فرصة العمر قالوا لا غدت مـا تجيـك
جتني اكثر فرص عمري وضاعت سدى




جرب الخوف مره حـس بـه يعتليـك
وارفع الصوت ماتسمع لصوتك صـدى




تدري اللي ذبحنـي قولتـك مـا ابيـك
مابقالـي لثـاري لـو بغيتـه مــدى




ما هقيـت المشاعـر كلهـا ترتجيـك
قل لها بالمفـارق منهـو اللـي بـدى




هاك دمعة عيـون(ن) باكيـه تشتكيـك
هاك ريح ضمير(ن)ما استراح وهـدى




ما تناظر عيونـي زول هـذي وذيـك
ما يهز المسامـع اسـم ريـم وهـدى




قلت ماعادلي رغبـة وشوفـات فيـك
قلت يا نفس طيبـي يفرحـون العـدى




قلت عايف ونفسـي بالخفـا تشتهيـك
عزة النفس تدري طيـب ماهـي ردى




خل عينك تهـل دموعهـا وش عليـك
انت خدك ورود ودمـع عينـك نـدى

قالو حبيبك

قالوا حبيبك يسمع الشعر قلت أيه
.......................يـقـراه بعـيـونـي قـبــل تسمـعـونـه


لولاه حتـى طـاري الشعـر مـا ابيـه
.......................مير أكتبـه مـن شـان خاطـر عيونـه


هـو روح شعـري وأمنياتـه وماضيـه
.......................جذع الشجر وش كان لـولا غصونـه


اكتـب لغيـره والقصايـد تجـي فـيـه
.......................كــن القصـايـد حالـفـه مـــا تـخـونـه


هـذاك لا منـه زعـل قـمـت أهـاديـه
.......................حتـى وهـو مخطـي تـعـذرت دونــه


يمكن لـو أنـه يلمـس الجـرح بيديـه
.......................يستغرب ان اللـي لمسهـا طعونـه


ابطـى وهـو غـايـب وزلــت حـراويـه
.......................وأنــا مــن الـعــام آتـحــرى مـزونــه


هو مادرى اني فـي غيابـه محاتيـه
.......................ليته نشد عـن حالـي اللـي يجونـه


واقلبـي اللـي تــوه أفـلـت عـراويـه
.......................كيف انسرق وضلوع قلبي حصونـه


عـجـزت أرده كــان مـانــي بـراعـيـه
.......................يوم انتثـر شوقـه وهاضـت شجونـه


يبسـن عروقـي لكـن اللـي يعـزيـه
.......................ان اكـثــر الـعـالــم تــــردد لـحـونــه


خـافـو مــن الله لا تجيـبـون طـاريــه
.......................لا صــرت أنــا مـوجــود لا تـذكـرونـه


لــو كــل غـالـي جـابـه الله لغالـيـه
.......................ما شفت لك مخلوق تبكـي عيونـه

























باب الرجى

مفتوح باب الرجى لو هب مليون ريـح

.......... والريح ماتاخذ الغرسـه مـن عروقهـا





القوس مكسور والرامي يقـوم ويطيـح



......... والسهـم منعـاج والايـام خازوقـهـا





لو لبسو ساقط الهرجـه ثيـاب المديـح



......... قلنـا سحابـة وبلـة يابـس حلوقـهـا





ياحادي الركب لا توده عليـه وتصيـح



.......... ماعاد هـي سالفـة ليلـى ومعشوقهـا





مديت شوفي وشفت الكون رحب وفسيح



........... والارض حدر المواطي والسماء فوقها





مادام عين الرضا ماها همـاج وشحيـح



............ ابتبـع الغيمـة اللـي رفـة بروقـهـا





مدري عن المقبلة لكن عسـى الله يبيـح



............ اللي تهـز القلـوب وهزنـي شوقهـا





غنيت للحب ولسـان المحبـة فصيـح



............ والبدو سبـة غناهـا ضيقـة خلوقهـا





باكر يروح الشتاء والثلج قصره يسيـح



............ مايفضح الثلج غير الشمـس وشروقهـا

طاب السهر

يوم طاب السهر عيت تطيب النفوس
.......................جت من الله وانا كم كنت محتاجها


كنها من حلاها كل ليله عروس
.......................خايفه من عيون الناس واحراجها


حي هالطول يا زولٍ عساه محروس
.......................من عبث لوعة الايام وازعاجها


تزعل نفوس ولا تمتلي غيض روس
.......................من يقرب لها وضلوعي سياجها


لي متى وانت يا شوق القلوب محبوس
.......................طالت السالفه وابطيت بعلاجها


جعل قلبن على نار الغياب محموس
.......................يحترق بين صاليها ووهاجها


من خبر له غلا بين الضلوع مغروس
.......................غرسةٍ كل ابو شعري من انتاجها


لا تقرب لك الفرقا هذيك الهجوس
.......................من متى والبحور تفارق امواجها


لازم اصبر على وجه الزمان العبوس ..
.......................لين سود الليالي يضحك احجاجها


من بغى يقطع الفرجه يعاف الجلوس
.......................لين ياصل نهايتها ومخراجها


كان شعري قصر ما طال شمس الشموس
.......................تستريح القصايد داخل ادراجها

خيل السروج



ليـه وطيـت عـن خيـل السـروج
.......................ليه مديـت عقـب القـراح الهمـاج

لا تجمل لي الغلطات والعوج عـوج
.......................يضحك احجاج او ينعقد لـي حجـاج

اصبر اشوي وش علمك تهوج وتموج
.......................ميت القلب مثلـك مايعـرف الهيـاج

ماتعودت اجامـل معتليـن البـروج
.......................الزم العلم قبل يصير هرجك سمـاج

المشاعر تحي مثل المعاصير هـوج
.......................ونت مالك على هوج الرياح احتجاج

جيت وقلوب حسادي تميـل وتـروج
.......................لا صفى جوهم ساعه قفـاه العجـاح

ابتسم لك وهمي فـوج يقفـاه فـوج
.......................من يحبك لزوم ايصر مثلـك هجـاج

بس قلي ونا غلطان لـك ومحجـوج
.......................وين يلقون لجروح النواعـس عـلاج

القمر غاب وانت اطفيت نور السروج
.......................قلت يكفيك نور الوجه الاصبح سراج

كن بين الضلوع العوج صفقات موج
.......................يوم فاض الغلا والشوق والقلب هـاج

ضيقة الصدر لو بين المحاني تلـوج
.......................كل ضيقة لها عنـد الكريـم انفـراج

ماهو الغيض سبت كل ابو هالهـروج
.......................بس مالي على بعض السوالف مـزاج