 |
 |
 |
 |
|
 |
||||||||
 |
 |
| …»●[دواويــن الشعــراء والشاعرات المقرؤهـ المسموعهــ]●«… { .. كل ماهو جديد للشعراء والشاعرات من مقروء و مسموع وتمنع الردود .. } |
 |
|
|
أدوات الموضوع | انواع عرض الموضوع |
|
|
|
|
|
|
|
|
|
||||||||
|
|
|
| …»●[دواويــن الشعــراء والشاعرات المقرؤهـ المسموعهــ]●«… { .. كل ماهو جديد للشعراء والشاعرات من مقروء و مسموع وتمنع الردود .. } |
|
|
|
|
أدوات الموضوع | انواع عرض الموضوع |
|
#1
05-03-2010
|
||||||||||||||||||||||||||||||||
|
||||||||||||||||||||||||||||||||
قصايد .. عبدالكريم الجباري
ديوان الشاعر : (( عبدالكريم الجباري )) !! يحضر(( سفير الشعر الكويتي)) الذي انطلق من شاعر المليون لـ يسقينا بـ عذب الابيات والقصائد !! شاعر شارك في شاعر المليون 000وله حضور قوي 000 أبدع وتجاوز حدود الخيااال 00!! شـاعـر يتسـلل بقصـيده قـلوب المستمعـين .. وجـدت فـيه الـروح الشـعريـه قد وضع أقدامه بثبات على الطريق الحقيقي للشعر ، فهو يمتلك قوة الكلمة ، وجمال التركيب الشعري ، وروعة الصورة بطاقته الشخصيه ؟ عبدالكريم زيد الجباري الاسلمي الشمري دولة الكويت اعمال حره 27 سنه ((مع السلامه)) مع السلامه مابقا لك معي شين *** كـود الغـلا لاتاخـذه لـو تكرمـت كانك تبي بالدين خذها على الدين *** وكانك تبيها بالعقل .....?ماتندمـت لاني عرفت ان ***ونا مساكين *** يامـا علـى حالـي وحالـك ترحمـت فكر وشوف دروب قلبك على وين *** وشفيك طالع طقتـك... ماتعلمـت؟ والله صافطلك وشفت الطريقيـن *** مانـي عـدوّك لـو كـذا ماتكلمـت يابوي ربي ماقسم بين الاثنيـن *** وش حيلتـي يامـا ويامـا تعشمـت مبطي وانا من عام تسعه وتسعين *** ايه اعترف عن شوف غيرك تلطمت لا عاد لي قلبن ولاعاد لي عين *** ايـه اعتـرف والعـام هـذا تفهمـت حطيت نفسي بعدها بين قوسين *** عرفـت بأنـه حلـم لـو ماتحلمـت نضحك على انفسنا واحبك وبعدين؟ *** لاعاد ترجـع للـورى ولاتقدمـت يابوي والله ***ونا مساكيـن *** مـع السلامـه واتركـن لـو تكرمـت ,,,,,,,,,,,,,,,,,,,,,,,,,,,,,,,,,,,,,, ((قصيدة الغنوج)) الغنوج الي نوت للبعد والعشره نستها *** مانويت فراقهـا لاكـن شيـن الحـظ نـاوي الله اكبر ياالحظوظ السود من يمي حدتها *** لو بقول اني قويت فراقهـا مانـي بقـاوي كن صورتها بدون فلاش فالقلب طبعتها *** الفلاش خدودها والوجه دون فـلاش ضـاوي المشاعر في يديها والاحاسيس اربكتها *** كلها فتنـه عسـى ربـي يكافينـا البـلاوي لازعلت ترفع حواجبها وغزت برقبتها *** بين هيبات الملـوك وبيـن نظـرات النـداوي لامشت ياعونت الله كل هالناس افتنتها *** مو غريب ان جالها حكم من شيوخ الفتـاوي النعومه والترف والزين مع زايد ثقتها *** لاضربنا كل هذولي في بعضهن وش يسـاوي مايساوي غير اف الله ياحلو ثمرتها *** بيضها سكـر نبـات وثغرهـا تمـرن حسـاوي والشعر لاطاحت القذله كذا ثم عدلتها *** تربك الطاووس كيف تصير ربكـات الهـواوي لاحكت كن السوالف ذايبه في حنجرتها *** ولا اسكتت ماهو مسولف بعدها راعي الحكاوي كرهتنـي بالحريـم وحببتنـي مرحبتهـا *** وعيفتنـي بالسـواد ولعتنـي بالسمـاوي وقمت اتابع كل شخصيت ممثل معجبتها *** مرة رشدي اباضه ويـوم فـاروق الفشـاوي جننتي وكم قبلي من عقول جننتها *** والعقـول الـي تجننهـا عجـز فيهـا المـداوي اااه ياليت الصدف وعيوننا ماصادفتها *** كان ماذقت الفراق وصرت في حـال الخـلاوي والله اني ماذخرت بكل حاجات اطلبتها *** لو تبي هذي قبل هذي واصيـر الهـا عمـاوي حاتمي والعروق الي اجي منها عرفتها *** بس يكفيها خلاصت بيت فجحـان الفـرواوي ماحسبنا للحسايب يومها البعض حسبتها *** نشرب الطيبه مثل شربه فناجيـل القهـاوي الله الله يالحظوظ السود من يمي حدتها *** والله الله وش يزيل الهـم يالقلـب الشقـاوي قصت بيني وبين القلب وحروفي روتها *** مايوصفهـا الكـلام وشيبـت بالفيـن راوي ,,,,,,,,,,,,,,,,,,,, ((طعنتن بضلوعي)) الحبيب الي غرامي صار بين ضلوعه *** ليه وجّـه فـي يدينـه طعنتـن بضلوعـي ماهقيت انها تغيّر نيته و طبوعـه *** امـا انـا هـذي محاسـن نيتـي وطبوعـي والله انه من غلاته كلمته مسموعه *** لو تدخل فـي خصايـص روحتـي ورجوعـي حتى انا عندي خبر في روحته ورجوعه *** من قبل تطفي جميـع معلقـات شموعـي لين حدتني فعوله ديرتـن منزوعـه *** ماقـدرت ادوج فيهـا واختـرب مشروعـي لو نقول انه غشيم وما نصحوه ربوعه *** الخطا ماهو خطاي انـي سمعـت ربوعـي دام ماصان الغلا خله يذوق اللوعه *** يكفي اني مـن عذابـه جـد شبعـت بلوعـي يعني اتكون العلاقه بيننا مقطوعه *** من سببه ومن يلومـن لـو مشيـت بطوعـي لو عرف لعب العيال ولويعرف هجوعه *** ليه انا ناقص ذراع......؟الا اعرف هجوعي من غصبه انه يسفّح بالخطا بطلوعه *** بس انا مانيـب مثلـه والصحيـح طلوعـي مو غرور ولااظنه منفتح موضوعه *** بس مـن حـد الخطايـا يبتـدي موضوعـي والله انه فعلته هذي مهي مشروعه *** كن دستـوره مسـوى فـي يديـن شيوعـي يالله انك من سواته لاتكثر نوعه *** ويالله انـك مـن سواتـي انـك تكثّـر نوعـي ذيك حزة ماعرفتـه ليلتـن مسبوعـه *** ليـت والله ماعرفتـه واكتنـزت قنوعـي اشهد ان حبه تكاثر في حشاي فروعه *** وانصدم لامن نظرت .....!الله ياكثر فروعي الله اكبر ياحبيبن صورته مطبوعـه *** داخلـي واقـول عمـري هـذا هـو دلوعـي والله اني لو تركتك قيمتك مرفوعه *** وش بسوي مو بديني جـد حصـدت زروعـي لاتحاول لاتحاول ردّتـك ممنوعـه *** والغـلا باقـي مكانـه لـو فتشـت ضلوعـي ,,,,,,,,,,,,,,,,,,,,,,,, ((كلن يبين مضربه)) كل (ن ) يبين مضربة وألعن إبليس***قلبي نظيف ولا دخل فيه وسواس الكسب ما هو مليت الخرج والكيس***الكسب كيف بطيبتك تكسب الناس يا لله جنبنا القلوب المناحيس***ويقطع قصيد (ن) ما نطقته من إحساس بعض الشعر يشبه بنور الفوانيس***وبعض الشعر نوره مثل نور الأكباس البارحة حامت علي الكوابيس***ما بين عدوان وقرايب وحراس للناس شبك وللمدافع متاريس***ومن عقب رأس غليس جاء رأس عباس وحلوم وهموم وعلوم وهواجيس***والعين عيا لا يجي حولها نعاس وطرى علي شعر الغزل وامرؤ القيس***وحكمة بركات وصية أبو دباس الفرق واضح ما يبله مقاييس***مثل الذهب في سوق ترصيع الألماس وفرخ الحرار يصيد صيد القرانيس***ولا كل حر (ن) يعرف الصيد قرناس والمعركة ما بين كسب ومفاليس***وعنتر لا منه خسر يوم لا باس في شاعر المليون للشعر فريس***وأقلامهم شلف (ن) تخضب بكراس ودقت طبول المعركة والنواقيس***وكل (ن ) لبس في يدينه الدرع والطاس والفارس للي فاز فيها ابن فطيس***اللي مضارب شلفته ترفع الرأس اقدر الطيب وأعادي نواميس***وعند العرب شهادة الحق نوا ماس ,,,,,,,,,,,,,,,,,,,,,,,,,,,,,,,,,, ((البنت من رجالها)) الـبـنـت مـــن رجـالـهـا والـخـيـل مــــن خـيـالـهـا...والضبـعـة العـرجـا تـحـوم تـبــي عـشــا لعيـالـهـا هــذا مــن الـشـعـر الـقـديـم ماقـالـهـا عبدالـكـريـم..امثـال مـن قـول الـبـدو مــدري مــن الـلـي قالـهـا الفـطـن يفـهـم مقـصـدي ومـالـي ومـالـك يـالـردي...لاضـاقـت الدنـيـا عـلــى سـلـمـى تـهــز اجبـالـهـا ماضيق لو غيري يضيق وماهو موقف لي طريق..وعـيـال شـمـر لابـتــي صـكــت عـلــى رجـالـهـا عبـده مــع الصـايـح جمـيـع والشمـريـه ماتضـيـع...شـمـر لاضــاق الـزمــن كـلــن يـقــول انـــا لـهــا وانـا غريـري يابـعـدي حفـيـد ابــن حـاتـم عــدي...عـيـال عـديـه الـعــدوات كـلــن يـعــرف افعـالـهـا يابـنـت قـومـي والعـبـي ابـــي اتـفـاخـر بانـسـبـي...مــن غبنـهـا بـعـض الـنـفـوس يصيـبـهـا سـلالـهـا تـفـاخـري بـــي يـامــره الــــذل مـافـيــه اثــمــره...كـمـا سـربـة مــن ذلـهــا كـلــن شـــرب فنجـالـهـا صرنـا طنايـا مـن طنـا مـاهـو طــرب ولا غـنـى...اشـــد لـحـظــات الــزعــل فــــال الله ولا فـالـهــا مافـيـه نـجـدي وجــزري الشـمـري هــو شـمـري...بــاي ديــره فـيـهـا نـــزل زم الـحـمـول وشـالـهـا فينـي حمـيـه واسلـمـي واهــل اللحيـسـه محـزمـي...لاعــــدت بــيــوت الــعــرب مـتـشـيـدآ مـنـزالـهـا ولاصرت عبدي ضيغمي سنعـوس دمـي ولحمـي...عـبـده سناعـيـس الفـخـر تـعـجـز تـعــد ابطـالـهـا وان قلت سنجاري فخـر اهـل المراجـل والسطـر...شـيــوخ شـمــر مـنـهـم الـــي يــضــل اضـلالـهــا عــرب ولـيـدك عـربـه وكــاس المـراجـل شـربـه...وخـــل الـعـلـوم مـفـرقـه مـــن دقـهــا واجـلالـهــا مايزعل الناس المديح خصـن اذا مدحـك صحيـح...والعـفـن تلـقـى المرجـلـه تقـصـر علـيـه احبـالـهـا واعـرف لـو طـال الزمـن الطيـب يبقـى لـه ثـمـن...واعرف تـرى نفسـك تبـي تجـزى بنـوع اعمالهـا وانـا ولانـي مستضـيـق ولا مـوقـف لــي طـريـق...وعـيـال شـمــر لابـتــي صـكــت عـلــى رجـالــه لا قلت خلني تكفى تخليني لا قلت لك خلني تكفا تخليني 000 النفس ظاقت وتعرف من مضــــيقهــا ماني بحاجة علوومك لو تسليني 000 بعٌد عن العين واحســن لو تفارقهـــا لا ظقت انا حتى روحي ماتدانيني 000 ولا يهدا البال غربها وشرقهـــــــــا لو كان غيرك حرام انه يحاكينــي 000 لو كان كل الدروب البيض يــطرقها تدري وش الي ذبحني والبلا فيني 000 بعرف عروق الغلا وشلون تــسرقها يمكن تكون الخيانه من شراينـــي 000 ولاحظوظك يجوز الله مـــوفقهــــــا ما قلت لاحدن سوا امي يابعد عيني 000 وشلون خليتني لعيونك انطقــــهــاا ياروح روحي ياقلبي يابساتيني 000 يابسمه العين ليه العين ترهــــقـــهــا والله من زود حبك صنت رجليني 000 ما شفتني يوم اسوق الرجل وافهقها انا بصفك واضيع وانشدك ويني 000وشلون لا رحت جدراني اصفقهـــا ماتدري اني شريتك يوم تشريني 000 عشان حبك ابيع الخلق واحرقــهـــا ,,,,,,,,,,,,,,,,,,,,,,,,,,,,,,,, ** يابـــــعد حــــــي** كنت احسبك لي حبيتك وعزيتك=واثرك لغيري وانا احــسب لي متـــهيــي انت الذي جيت برجليك ماجيتك=واليوم تبخل علي بالصوت وتعيـــــي بس ولا يهمك على فرقاي لبيتك=وابيك تسمع كلامي يابعد حـــــــيي لو مابه الا انت ..والله ماترجيتك=ولا انت لاقي حبيب بيقدرك زيـــي منت اول انسان كلمتك و خاويتك=لكن درب الهوى ماصار بيديـي هذي توافيق لو اني تمنيتك=الميت مايرجعنه طب وكيـــــي تعرف لو كان خليتن وخليتك=يبقى جبل "طي" مع مر الزمن طيي باكر لا جيتني لا تقول ذليتك=تبي تجيني ترجاني وابي اعيــــي ,,,,,,,,,,,,,,,,,,,,,,,,,,,,,,,,,,,,,,, *قلـــب الجـــــــباري* حظ مامن حظ..لكن شوف ياظبي العدامه لو تلف الكون ماتلقي مثل قلـــب ((الجــــباري)) ناوي فراقه؟؟ تسهل بس ابي تسمع كــلامه كيف ترضى بيعتك لا صرت للبياع شـاري؟؟ انت ترضى؟؟قول ترضى,, لا ماترضى الكرامه بس عادي يصير اللي يصير ولاانت داري؟؟ نارك توقف حطبها من لحمه ومن عظامه مارحمته لين النار بداخله مليون طاري والله ..وبالله..ورب العرش ماينقص مقامه لو ترديه الحظوظ ولو بهم الناس عاري لكن اسمع..دامني سولفت عن القلب وغرامه لاتقاطعني وخل النهج في اسلوبك((حـــــضاري)) عشت معك بكل لحظه فارض القلب احترامه ماعرفت اجرح ولا اضايق ولا بيدي قراري تامر وتنهى وانا البيك ماقلت وش علامه ويوم اصبحت امبراطوري وقلبك مستشاري نبه السلطان..وافتح الباب ياراعي الفخامه الحرس عندي وظايفهم يردون الجواري يامليك خانته نفسه على سور الزعامه ماعر مني قراري وترشيحي واختياري وين قلبك؟؟ من خذاه بوسط الليل وظلامه مثل ريش"ن" بعثرته الريح بوسط الصحاري راحت ايام الغرام..وراح القلب وهيامه مابقى الا صورتك عندي وحروفك مواري الله اكبر..ماهقيت ان الليالي شبه "خامه" تنطوي والحظ يجمع بين الاصلي والتجاري تذكر اول..تذكر اول مايغيب الشخص الا في منامه حبنا جاري على الاستمرار ولا زال جاري هاه.. ماهمك فـــراقي..روح بدرب السلامه لو تلف الكون ماتلقى مثل قلب ((الجـــــباري ========================== (( يوم اتــــــــكلم )) !! يوم اتكلم يالخبل قلـي اشجبـت...؟ غمض عيونـك ياعيـون الحرامـي دمحـت لـك الفيـن مـره ولاتبـت مدري نسيـت او مايهمـك كلامـي شفت البشر واخذت منهـا وجربـت .ناظر مقامـك قبـل اناظـر مقامـي عالجت ضعفك يوم اعرفك ولاطبـت .ترجـع خلافي يـوم ادزك امامـي هـذاك اول يـم مثلـك تغصـبـت واليوم تحرم ضحكتي مـع سلامـي راجعت نفسي مع ضميـري وانبـت .وشلون الومك بستحي.... من ملامي دامي رفعتك رفعتـن للسمـا خبـت ودامي ودامي ويـش تنفـع ودامـي ياشيب حظك دامك اعلى الردى شبت .فارق ...وانا بالطيب بروي عظامي وجهك يذكرنـي غثـا ليلـه السبـت لاشفـت وجهـك باتذكـر دوامــي ========================== (( ناوي افراق )) !! ناوي افراق الحبيب اي والله انـي نـاوي .قـا لـو النيـه مطيـه يالله اتصبـرنـي قاوي افراقه لاوالله قـاوي ومـو قـاوي اش هد ان الحب بلوى والهوى عاذرنـي غلطتي بأني هويتـه مـن يلـوم الهـاوي .ذا ك لامنـه دعانـي قلتـلـه آمـرنـي ذاك من شـدة حـلاه انافـس الصيـداوي .ذا ك لامنـه امرنـي قلتـلـه تأبـرنـي ذاك لامنه سحرنـي بالحـلا الجهـراوي .اذ كر الله واعترف بأن الحلا ساحرنـي ذاك لامنـي تبعتـه اشهـد انـي غـاوي .ذا ك من زود الغلا حتى السهر مسهرني خـص لطربنـي لحـن ميـاده الحنـاوي .من دمج والصوت هادي واللحن بعثرنـي ماطرالي غير روعـه خـده البيضـاوي .يش به بنور القمر واليا اكتمل يجهرنـي دوك عمري فدوتلك لـو اصيـر افـداوي شف ت انا كلي اليك ولاحـدن جابرنـي ذاوي (ن) حتى قصيدي عن وصوفك ذاوي وا تعـذّر لنشدونـي قلـت مايحضرنـي لانك اعظم من قصيد ومن رواة الـرواوي كا ن ودك تعرف الـي بالحشـا ناظرنـي قاوي افراقك لاوالله كـذب مانـي قـاوي لا كـن النيـه مطـيـه يالله اتصبـرنـي ========================== ((ضو القمر )) !! اما على ضو القمر والا بلاش امن النجـوم الذنب مو ذنبي انـا كلـن علـى تربايتـه عزيز نفس وعزتي ماهي على حب الخشوم اجبر خفوقي ينثبـر ايليـن ياصـل غايتـه لاطحت انا كبوه فرس اطيح لاكنـي اقـوم الموت من طاح وخثع كسّر واهـو فبدايتـه ياهيه قولوا للقضي تراه غالـي ومحشـوم لايفهم المقصود قلبـي جـا يسلـم رايتـه لاواللذي خلا غلاته في خفوقي كوم كـوم ماجيتله كنـي طفـل يبكـي علـى لهايتـه جيته كريم وبنصحه ياهيه بس يكفيـك نـوم رحتني واليـا متـى واقـول هـذي فايتـه اصد ماودي الومـه وانصـدم بأنـه يلـوم غريب اي والله غريـب ولاعرفنـا مايتـه المشكله بأني احبه جعـل تفـداه الرخـوم ودي اعالج خافقه واعرف وشنهي حكايتـه حبة غلا قبل الزعل والثانيه عنـد اللـزوم شهرين يبقى عالدوى لمـا نشـوف انهايتـه ياهيه قولوا للقضي عن شي (ن) فبالي يحوم واكيد ماشال الكتـاب الا يعـرف اقرايتـه واكيـد لله الـدوام وغيـر ذاتـه مايـدوم والله عرف بالعقـل سبحانـه منـزّل آيتـه عزيز نفس وعزتي ماهي على حب الخشوم الذنب مو ذنبي انـا كلـن علـى تربايتـه (( رضيت بدبرة )) !! رضيت بدبرة المولى وانا في عيشتي راضي يقولون العرب صمتك ذهب لو الحكي فضـه اعيش بصفحه الحاضر واجدد صفحه الماضي .و نا مثل الشجاع الي يجول ولاصدق حضه احاول قد ما اقدر واعرف ان العمر قاضـي .واعالج لي ذراعن لوتعـداه الكسـر رضّـه فهيم ولاكنن منهو يفهـم حضـرت القاضـي ابعد لو ذكرت الـي يقولـون العمـر مضـه حكيت وما حكيت الا بأدب واحسن الفاضـي .ولاكن الذهب صمتي ولوكان الحكي فضـه ========================== (( اليتيمه )) !! خالد وضيـدان كلـن قـال انـا راعـي اليتيمـه مـادرو بـان اليتيمـه قطعـة مـنـي وفيـنـي بند من بنـد الحقـوق يقـول ذي سرقـه عظيمـه واللـذي ماهـو مصـدق لاقـرأ نصـي يجينـي هيـه ياخـالـد وياضـيـدان يـامـال الغنيـمـه واحـدن شعـره سمعتـه واحـدن شفتـه بعينـي الفشق والفرد زاهـب والخصـم يلقـى خصيمـه عاصبن راسي وراسـي شـر لعيونـك ضنينـي يابعد من زاقـت اعيونـه علـى صـورة حليمـه ويابعـد مـن شـال فـي قلبـه علـي ولايبينـي ياليتيمـه مـن عرفتـك ماعرفـت الا الحشيـمـه ومـن فقدتـك يايتيـمـه مافـقـدت الا يميـنـي لـو بقـول انـي نسيتـك اوووه ياكبـر الظليمـه لـو اقـول انـي تسيتـك كنـي انسـى والدينـي ولو بقـول البعـد عـادي بعتبـر هـذي جريمـه شاعـت بكـل البقـاع وبصمـه العـار بسنينـي ياليتيمـه مالقيـت الـطـب لجـروحـن اليـمـه ماظلمتـي غيـر نفسـك قبـل انـك تظلميـنـي ياليتيمـه خافـي الله صـرت لجروحـي وليمـه خافـي الله يـاغـلاي الله علـيـك اتسامحيـنـي لو انـا ماكنـت مخطـي والبـلا بهـل النميمـه جبت لـك ميـه عـذر يمكـن تجيـن وتعذرينـي الله اكبر يـا زمانـي كـان لـي قـدرن وقيمـه كان لي .....! واليـوم هـذا خافقـك مايشتهينـي كان لي............!والعالم صرت انا موضه قديمه كانهـا فعـلا كـذا....؟ ياخـي تعالـي جددينـي والله انـي مـازرعـت الا نـوايـاي السليـمـه وماحصدت الا العـذاب وفـوق هـذا تجرحينـي ياليتيمـه.... ياليتيمـه ....ياليتيمـه... ياليتيـمـه ياليتيمـه راح صوتـي راح صوتـي واسمعينـي لو بقول انـي نسيتـك اوووووه ياكبـر الجريمـه بـس لبيلـي طلـب لـو مـت بالله سامحيـنـي ========================== (( ياهلا )) !! ياهـلا يامرحبابـك يالله حــي الغـالـي .بس قلّي ودي افهـم ويـن هـي هالغيبـه يمكن احسـن لـو تقـول السالفـه طوّالـي الحكي يامـا شبعـت امـن البشـر تلعيبـه الغلط لوقلت مني........؟ذبحتـك حلاّلـي .ماذخرت بشـوف عينـي والغـلا تدريبـه لاغديـت ولارحلّـت ولاانقطـع جـوّالـي شنهـو عـذرك والله انـه خيبتـك ياخيبـه يوم تنشد كيف حالي ...؟...ماعرفت احوالي صحّتـي احمّـد ربـي والعقـل ياطيـبـه منبسـط والحمـد لله معرسـيـن اعيـالـي .واصغر اعيالي نجح......مدري شنو ترتيبه واجد اعلومن بعـد تـدري بهـا حسبالـي اووو ياعيـب الشـوم والله منّنـا ياعيـبـه ياااااااا أخي لك عين والله جاي تمر اقبالي..؟ العذر لـو نـي مكانـك استحـي لااجيبـه لو اداري ماي وجهـي واحفظـه اشوالـي كـان قالـوا ننتظـر ليـن العـذر ياتيـبـه جيت من صوبي مطّفـي ماظربـت العالـي ياهـلا يامرحـبـا تستـاهـل الترحيـبـه تدري ويش الي ذبحني ...؟الوفا...شسوالي اي مـدام الـي يخـوّن مالـقـا تعذيـبـه يرحـم الله ليلتـن ماروّحـت مـن بـالـي يـوم يـدّك فـي يدينـي والشعـر توميبـه مشيتك مشيّـت دلـع يـوم الدلـع موالـي وانصدم فيـك المياعـه فـوق هـذي هيبـه يوم اناديـك الغـلا وانتـا رصيـد اموالـي .من يكـون انتـه رصيـده مايفلّـس جيبـه ذاك مبطي في عيونـي مـا اشوفـه تالـي .تبت من طعن الهوى شفت الهـوى ماليبـه روح في فالك وانا برضـو بـروح بفالـي .سمّح الله دربك الـي نـاوي (ن) تمشيبـه مرحبـا ....مـع السلامه..ياهـلا بالغالـي .مرحبـا يامرحبـا تستـاهـل الترحيـبـه ========================== ((( الجيب والقرناااس ))) الجيب والقرناس وخوة هل الطيب *** تسوى مجالست الحضر فالمدينه ماسبّهم واعرف انا مابهم عيب *** بس الهوى ياهل الهوى حـد لينـه عزبه وخيمه والصحاري مضاريب *** والتيس من قبل الضحى صالخينه ومعلقينه من كراعه على الجيب *** والبـن الاشقـر تونـا حامسينـــــه شبّت حطب ماهي بشبة عياسيب *** ارطـا وعرفـج يمنّـا حاطبينـــــه واليا سنت شب الجروم اللواهيب *** قام المقهوي قّرب المـاء بدينـه ركّب دلال مجلدات المقاظيب *** بغـداد مـن سـوق الحفـر جالبينـه بيضن تلالا يطعمن المشاريب *** تبعد عـن انفـوس العبـاد الغبينـه واليا احتمى ماهن يشيل المراكيب *** يحـط كيفـن بالنجـر طاحنينـه فنجال ونص وردهن يمه قريب *** وجاب البريج وسكـره فـي بطينـه وحطه على صفه هذيك المهاذيب *** والبن فاح وركـده فـي سكينـه وجاب الدلال الي يعرف المواجيب *** ثنتين غير الـي بهـن عاملينـه مجنون كيف ورتب الامر ترتيب *** حـط البهاروريـح هيلـه يازينـه ثم زلهن لين استوى باخر السيـب *** وحطـه بنـاره ربنـا لاتهينـه وقال اقدعوا تمر حلو توّه امجيب *** اخلاص من دار الحسا محظرينـه ثم صب فنجاله ومابه عذاريب *** والله علـى الفنجـال تسلـم يمينـه مجربن ماهـوب يحتـاج تجريـب *** اي والله انـا كلنـا مجربينـه مافيه ظيف وكل ابونا معازيب *** والشـاي خـدر والـورق حاكرينـه وعقب السوالف والقهاوي مطاليـب *** كـل يناظـر للمواتـر بعينـه نبي نهيّف فوق روس المراقيب *** وانفّرع القرنـاس لاجـل السمينـه اليا خطفها خطفتن بالمخاليب *** تبري النفـوس الضيقـات الحزينـه واليا انتهى المقناص جبنا مكاسيب *** والحر الاشقر عقبها مبرقعينـه ونمشي ونلقا يمّنا فطر شيب *** ومفرود يطرد مـن ورى امـه تنينـه وسط النفود ولانمر الشخانيب *** نخاف من ظرب الحصـى فالمكينـه ووساع صدر ونطقنا بالتراحيب *** واعقولنـا هـي العقـول الرزينـه ياليت لي دورن بغوج الاطانيب *** وانسى حضارات الخـراب وسنينـه اخير من طرد البنات الرعابيب *** واحدن تسمّع مـن عذابـه ونينـه ممشاي صح وخوتي للاشانيب *** رجل يصد اعـن المراجـل ياشينـه ========================== لعبة الدامـــــــــــــــــــــه يقولون اللذي يهوى غرق واغتر بوهامه عيونه تصدق النظره وعين الناس كذبها يصير الزين في خله لزيم وثاني اتوامه قمر يمشي محد يمه ديار الشين عاقبها خفوق الي هوى شخصن عمى وانسد صمامه عن اهروج الملا والنصح والفود وقرايبها حقيقه قالها منهو يهيم بحب غرامه تولع في وصوفن معجبن فيها ومعجبها لقيته فارس احلامي لقاني فارس احلامه لقيته نور هالدنيا لقاني من عجايبها لقيته ريحت الدنيا لقاني اروع انسامه لقيته فرحت الدنيا لقاني من طرايبها لقيته اعذب اشعاري لقاني مبدع الهامه لقيته من زلال الما لقاني من سحايبها اقيس الوقت باللحظه اقيس وصرت رزنامه احسب للقا وانتم تبوني ما اقاربها لو الشيطان يتوظى يتوب ويعلن اسلامه ولو الدنيا تهد الناس ثم تترك مصايبها ولو ان المعتمر يسعى يطوف وتارك احرامه واشوف القدس ماتبكي وفكت من حرايبها بذاك الوقت كان امدى اجي واهزز الهامه وابعد وابتعد وانظر متى تقفي ركايبها حشى لله مستهزء يجل وتشكر انعامه ولاكن اقصد العاذل ابي روحه يانبها ابي يبعد ويتركني يرد اللحم لعظامه ابي يبعد ويتركني خلاص الروح عذبها يكسرلي مجاديفي واعيد واجمع احطامه تعاندي عباد الله تناشبني واناشبها اشوفه ورد ياعالم الا يازينه اللثامه حبيبي عمري الغالي زهور الورد يجذبها وصرت امن اللذي ناظر تفرج لعبة الدامه يشوف اشياء ماتطري على من كان يلعبها ========================== بقايا الله اكبر يا ليالي مابقا غير البقايا هي من اسبابي او انه يالليالي من سببها الوكاد ان آخرتها صرت من ضمن الضحايا مارضيت الا دريت بقسمتن ربي كتبها الله اكبر الله اكبر لو تحظنت الهدايا ذكريات وامنيات ودمعتن تغرق هدبها قربيلي يالنصايب واقربيلي يالمنايا واعبسيلي يالوجيه وعلموها ياعربها علموها لو تبعّد دونها بيض النوايا علموها لو تفكر سهلها يسبق صعبها علموها لو تقيّم قدرها يعلو سمايا وعلموها في طلبها آخ لو تذكر طلبها او كلام الليل يمحى في وجودك ياضحايا بس ابعرف يالضحى في قولها منهوغصبها العرب قالت نصيحه لاتكثر بالهقايا ليه.....؟ لو صدوا تشوف النفس مازادت تعبها ماسمعتك يالنصايح واعترف هذا خطايا الادب انها اتعذّر بس وينك يا ادبها اهلها ماعلموها من يسوي هالسوايا لا...لا وادخل على الله ما تكلم عن نسبها يمكن اني كنت ظايق من كذا جاني بلايا والا اهي ماهي بسيطه في نسبها في حسبها بنت شيخ وكل اهلها مدهم جزل العطايا والعذارى بالغليبه ما اظن احدن غلبها علقتني في رجاي وقام يذبحني رجايا علموها بشتياقي حتى مشتاق لعتبها ذكروها بشتياقي يومها كانت معايا وشتقول الحين فيني لو تذكرته جذبها الله اكبر ياليالي مابقى غير البقايا ذكريات وامنيات وقسمتن ربي كتبها ياتـــــــــــــوت جيتك وانا مشتاق .......مشتاقلك موت ماعدت انا اقوى واتحمل غيابك من لهفتي عيا يجاوبني الصوت ابطيت عني لاكن الله جابك جابك وراحت وادري ان فاتني الفوت صدمه عظيمه جاتلي من جنابك التوت مو هذا على خبري التوت حتى هلابك مانطق ياهلابك حسيت نفسي وقتها وسط تابوت وافتر راسي ما اميّز صوابك جيتك وانا باني على شوفك بيوت هديتهن واخلفت منهو هقابك والي خلق يونس وفكه من الحوت لو به عذر كنت اعذرك من جوابك بردك يعلمني على لبسه الكوت بردك وناري واتبع الي غدابك عقاب لو انه توّجد على نوت ماهو دليل اني بحط الرجا بك راعي الذهب لو جاب لولو وياقوت فرّط بهن لو كنت تعطي حسابك والموت لو انك تبي تعرف الموت لاخاب ظن الي يبيك وهقابك ========================== لو كان ولدي لو يقصر الساني فلا تقصر يدي والي عقد روس الحبال يحلّها مسلم واخاف اللــــــــه الحرف ابجدي وادروب روس النايفات ادلّها والفرق واضح بين مهْدي ومهّدي الحرف واحد والغشيم يعلّها ياعل قلبي لاتهايقت الجدي والناس تنظر بالنقوش بزّلها يانجم خذني صاحبن لك يابعدي والكلمه الي ماتبيها خلّها انظرك دايم لاتضايقت وحدي وادري بأنّك كلمتي تفطن لها الحب نغمه ....؟ والا انا فيه اغدي والا سيوف الهند محدن سلّها مدري انا يانجم من وين ابتدي ظاعت علومي ماقدرت اهّلها حبيت اي واللــــــــــه يالحظ الردي والحب بلوى والهواوي شّلها من وين والا وين يالبال الهدي عيّيت حتى ديرتي تاصّلها جيتك وانا من اقصاي ماجيت اعدي لحول نفسك ماتخلي غّلها حبيت واشهد يالبساط الاحمدي والله بلتني يالله انك تحّلها خلّت وعدها اما انا هذا وعدي يانجم تكفا عن كلامي قّلها اني فداها لو انا ماني فدي وانها فبالي لو تناست خّلها ومن صد ماجيته ولو كان ولدي علاقتن تثقل علي افّلها والحق مايزعلك يالعمر المدي وان كان راحت لاتجي احسن ّلها يانجم فاض العلم يانجم الجدي كلمه مهي تعجبك تكفا خّلها انا اجودي حتى انت يانجم اجودي لو كان غيرك هرجتي بيملّها ماينحني هالراس وانا بن عدي والنفس ماخلقت عشان اذلّها ========================== بعض الوجيــــــــــــــــــه يالله تصبرني على بعض الوجيه والوقت من غدره ومن غرايبه والي على ضيق الدهر تقصر يديه ببعد عن مصافح يديه العايبه لو كان ماجتني على الي مشتهيه نفسي عن السان المجامل طايبه يالله تبعدني عن الي ما ابيه من مدت السانه ومن طلايبه انا هواوي والهواوي وش عليه غير الذنوب وذنب غيره جايبه عاقل وكني لابسن ثوب السفيه متسلطن على النفوس التايبه من وين مالديت بالفكر النزيه في لدتي كل الدعواوي سايبه العدل ضايع يرحم الله والديه وان مالت امه يرحم الله شايبه من يعشق الفتنه تبع سعد الفقيه ومايتبعه غير الوجيه الخايبه لو كان في سوقه ريالات وجنيه غطى على سوق الوزير ونايبه عينه اذا تقدر تعلى حاجبيه تلقى الثرى عالي على سحايبه من عاش وسط المستحيل ويرتجيه تبرك على دار الامل ركايبه الفرق واضح للبسيط وللنبيه ماهو بتفكير العقول الذايبه الي عرف علوه عرف معها بريه والي عرف ربعه عرف نسايبه ومن صد عنا نطلب الله يهديه والي خسر نفسه خسر حبايبه نمشي على سنه رسول نقتديه من دلنا سير الامور الصايبه ولو حدني وقتي على الي ما ابيه نفسي عن السان المجامل طايبه وان مال عدلي يرحم الله والديه وان مالت امه يرحم الله شايبه ========================== تجربه حب الحب كنه لعب حظ ويانصيب مرات حظ اوفر ومره تكسبه والي فشل بالتجربه ماهوب عيب من الاساس نقول هذي تجربه العيب لا واجهتلك اصدق حبيب شاريك من بد العباد وتعقبه والعيب لاوقفت من دون القليب لانتا عطيت الماء ولاانك تشربه والعيب لاناظرتلك ايات طيب لافاعلن مثله وتبغى تنسبه واكبر خطا لاجات من يد الطبيب زله وزلات الطبيب محسبه واكبر خطا لاخوّن السان الأديب والا السفيه ان جات محدن ناشبه واكبر خطا من قال بنساب العريب لاحاشمن نفسه ولاحشم شنبه واكبر خطا التحقير بإنسانن غريب ولا عرف وش هو ولاعرف نسبه مايفهم المقصود ياكود اللبيب الي يجدّف بالفهامه مركبه والحب كنه لعبه حظ ويانصيب مرات حظ اوفر ومره تكسبه ========================== الجباري والجباري ياولد دوّر كلامن غير هذا الي تقوله كن مابه سالفه غير الجباري والجباري لو تسّوي ماتسّوي الجباري ماتطوله مير خلك في محلك لايطرالك طواري كل من ظمّر ذلوله جا يدرهم في ذلوله ومن نقل طيره بكفه يحسب ان جاب الحباري ومن دخل شوط البطوله يحسب ان جاب البطوله ومن يعذرب بالخلايق يحسب ان نفسه قماري لو كظمت الغيض بتبع سنه الله ورسوله والحديث تشوف نصه دوّر بكتب البخاري الرجوله ياحلالي بالحكي ماهي رجوله كانها بالقول تلقى الفعل عند ام الخزاري الرجل بين ليا ناظرتبه تلقى فعوله ماهو في طرق الحكي مابين بيّاعن وشاري ياحلالي ياحلالي ماتجي في هالسهوله الرجل عنده مواري والردي عنده مواري اما انا ماقد حسبت احساب في ذوله وذوله عارفن نفسي وراسي فوق دام الدم جاري عارفن ربي واصلي وانا بن ناس وحموله طيبهم لو له رصيدن عجّز البنك التجاري ادرس التاريخ وادرس فعلهم عرضه وطوله لو قريت الفين ضاري يبيجي مليون ضاري ولو تبي صوله وجوله كم لنا صوله وجوله عدّها يمكن تعدّي ليلتك واسري ياساري طرت يومن صفقولك كم غيرك صفقوله واحدن داريبهم والفين ماظني بداري ياولد دوّر كلامن غير هذا الي تقوله كن مابه سالفه غير الجباري والجباري ========================== لاتبعد وكلمني ان قلت مابيك....لاتبعد وكلمني والله مقدر اعيش العمر من دونك ان شفتني ظايق ...ارخ الصوت وافهمني بس قل ..حاضر وحاولبي على هونك بالعقل وقت الزعل مالله ملهمني مجنون خلقه وكيف ان صرت مجنونك ان رحت عني بقول الله يرحمني والله اني طيب ومت بسبّة اطعونك ماتعرف الي يبيك ارجوك علمني والله والله يموت لخاطر اعيونك لاتقول احبك اذا به ناس واحشمني اخاف بلسانهم عندي يطّرونك ان قلت كذاب عزالله تظلمني كله على شان خوفي الناس يذّونك وان كاني اخطيت جعل الله يعصمني بس الوكاد اني لو اخطيت ماخونك يابلسم الروح بس اشوي بلسمني لامن تبسمت تكفي ضحكت اسنونك ارجوك في ميزة التجوال عممني بضيع بالحب لامن صرت مفتونك وان قلت مابيك .........اخذ اشوي......وازهمني اقول لبيـــــــــه...والا اقول.......ياعونـــــــــك ========================== ليلتي ليله البارحه يامحمد ليلتي ليله ماغير افكر واحسبها واقلبها يومي تواجهت مع من يلبس الشيله قمت الهواجيس اشرقها واغربها سبحان من جاد في صنعه وتمثيله شقت عيونه تقول السيل ضاربها قال التفت في يديني مابها حيله دام المقادير ماتحمد عواقبها قلت العسر يمكن امع الوقت تعديله الا اذا عشرتي منته براغبها قال احسن الظن شوف الروح وشهيله وش فايدتها اذا منتا معذبها ماهو بالاول تحول صعب تحويله وتكفا ابيك الحقايق ماتكذبها قلت الحكي مكثره والفعل عزيله ماشفت انا في عيوني يامغلبها دامك تقول الغلا ياصعب تبديله علل هذيك الخيانه وش سبايبها قال اعتبرها جهل اوطيش او ميله مثلك يبي يدمح الميله ويشطبها ابنشدك عن حقوق المزن وسهيله لاوافق الوسم ماتحمل سحايبها قلت اتحكي في سحابن ما مشى سيله دنياك هذي كفاك الله مصايبها والموت لا من نوى يرسل مراسيله ماحسب اصغارها والا لشايبها وانا معه يامحمد خذت تعليله تقريب ساعه اشرقها واغربها بس الوكاد اعترفلك ليلتي ليله من كثرت الشوق ضعنا في طلايبها ========================== افـــاااا الطير لاكسرت جنحانه يطير؟ هذا السؤال اللي يدوج بالخفا ما همني ما بعد هذا وش يصير الي حصل في صفحة الماضي كفا ما بين خوف الله وتأنيب الضمير ما خاب اي شخص لوجه الله عفا انا السفير اللي يدور له سفير وانا الوفي اللي زمانه ما وفا شفت الزمن لبسني الثوب الحرير وثوبه يبنجني لطعنات القفا ما عاد ابي ثوبه وابي ثوب الفقير اللي احس بلبسته ستر ودفا اسهل ما بالدنيا برستيج الامير بس المصيبة لو بعد ناره طفا من عاش وقته لايجار ولا يجير محدن بداريبه مشى والا لفا والكلمة اللي حدها حد الشطير لا قال شخصن تحسب حسابه افاااا ياكبرها كبراه في عين الكبير ويا صغرها للي بمرجلته هفا الحمل ما شاله سوى ظهر البعير اللي تبين في مواطيه الحفا البارحة تقريب في حزة عصير كنه خفوقي قطعن في دار السفا طرا علي الحب الاول والاخير اللي معلقني على جسر الجفا وش هو سبب هالصد والدنيا بخير ليته مأكد صددته والا نفا ماني بناقص هم تكفااااا يالعشير جفنك ينام وجفن غير ما غفا ابك انت غير وغير أي والله غير لوهو صفا جوي بدونك ما صفا لاكن خذ الشرهة وأنا اخبرك كبير ما هي تجيني منك يالغالي افااااا ========================== هــــوى الغــربي حسبي الله ياهوى الغربي على ذعذاعك جدد اجروحن قديمه كنت انا ناسيها آه يامحلا هواك ولو تخف اطماعك جيت تحرثني وانا الي علتي كاميها من ربيع العام الاول ماعرفت اوجاعك جيتني فاتح يديك وجبتلي طاريها ليــــه؟تكفا! ياهوى الغربي ياشين اطباعك ليه ماتدري عن الي هدّها يغليها ايــــه مغليها وربي مانويت اخداعك يوم راحت صارحتني والحزن معميها قالت اطّيع الزمن لو الزمن ماطاعك قلت وش فاد الزمن...؟ ..هالسالفه كبّيها قالت انت اصبر حبيبي وانتبه!بسماعك جمعتن تغضب الاهي والملا مابيها ادري انك لو قدرت اتجيبها بذراعك لاكن انك عارف اولها مع تاليها والله اني عاذرتك ولاعني ما لاعك وش نسوي والحظوظ السود وش حاديها العقل والدين وسلومن مشت في قاعك ياحبيبي بالامانه وشتبي...؟.....نمحيها قلت لا وقالت اصلا هي ثلاث ارباعك باعها كل الثلاثه والربع شاريها الحصيل اهو الحصيل ولو حصد زراعك والزروع الي ازرعوها كلنا نجنيها المهم اني عشقتك لو قضى مرباعك والطيوف الي تجيني الله محييها ياحبيبي ودي امشي والعذر لوداعك بس تكفا وص في نفسك وانا بوصيها قمت اردد عزتيلي لو يغيب اشعاعك واستدارت دون نظره واشرت بيديها عزّتيلك يالجباري لو لبست اقناعك دنيتك وش هو طعمها لو جفا غاليها مركبك وين يغديبك لو فقدت اشراعك بنشدك وشلون بالله ليلتك تمضيها آه ياقلب الجباري وين هو فزاعك وآه من جور الليالي لو قضى حاليها حسبي الله ياهوى الغربي على ذعذاعك جدد اجروحن قديمه كنت انا ناسيها ========================== قال الفراق قال الفراق ؟...وقلت ....وش عاد ....يعني منّاك يالله لو سمحت اقطع الصوت واشوى.....!..بحزّة قلتها ..ماسمعني وش ..عاد يعني......!!مادريت انه الموت وقال الغرام..؟..وقلتله مانفعني هذاك لو اني حظيظن ومبخوت وقال العناد...؟..وقلتله مامنعني مكثر من اعناد(ن) على لعب بيلوت وقال الغرور...؟..وقلتله ....مارفعني ماظنتي بأن الكبر يعمر بيوت قال التواضع....؟...قلت بالله .....طعني خلك عليه بذمتي تقطف التوت قال التسّرع....؟...قلتله ماتبعني ماينفعك لاصيّحوا فاتك الفوت وقال الصحيح..؟؟...وقلت طبع(ن) .طبعني ماهو لباسن تلبسه لبسة الكوت وقال الشعر.....؟....قلت الشعر ماوسعني يكفيك بندر والفراوي وبخّوت بالله كف.....عن السؤال ودعني يعني خلاص الصمت لولو وياقوت قال الفراق......؟..وقلت وش عاد...يعني بكل برود ومادريت انه الموت ========================== الــقــبـــايـــــل اجـــر البيت جــرات الربــابه واعبي جربته واملى زهــابه ويسالني وانا اعطيه النصايح ومـالك يالســؤال إلا الاجـابه إلا منه توقف عنــد غيري مـــاهو همي ولا بحسب حســابه والا مني كتبته مـــا اتصنع مـن الخفــاق لــو محدن درابه وانا بكتب عن اللي ما حسبها على روس المــلا يقـــرا كتابه يمَدْح لابته واظـــن حـقــه ومـدحه جـــايبه بحســاب لابه يضر الغير في مدحه وطرقه يبها مــدح ثم صارت طـــــلابه ياخوي امدح بلا ذكر الوقايع ترى فعول العرب فيهـا تشـــابه اذا لك وقعة ن عنـــده وقيعه واظن السيف يشهـدلك جـــرابه تحسب انــك غلبتم مــــا انغلتم اذانــك ذيب به غـيـرك ذيـابه وكـلـن مـــاخذن حقه غصيبه تحـــدر بالـفـعـل والا رقـابه ومحد يخفاه علمن مـــن حديكم بصلح الـوقت والا في خـرابه يا اخوي اذكر فعول الطيب والا تــرى جنسك فــلا يكثر شبـــابه تكلم فالكـــرم والجـــــود يكفي وعن الشيمه وساسك وانتســـابه وعن الخوه مع اكرامك لضيفك وعن جــارك تـزيدبـك الحبـابه يا اخوي المرجله ماهيب سهله ولاهي هقــوة ن كـلـن هقــابه ياخوي المرجله ماهي في بشتك نـوامــيس الرجـل مــاهي ثيـابه يـــاخـوي المرجله بيبان واجـــد ولا كـلـن يـعـد افعــول بــابه تـعـد النـــــاس فعـلك وتحكـيـبه يــاشين اللي فعل فعلن حكـــابه يـاخوي ان كان في لابتك شاعر تــرى الشعـار قولك مـا تهـــابه يجيك الـفين شـاعر مـن تــرده يهـلــونك مــثـل هــل السحــابه بعيد الـشـر فــــال الله وفــــاله تــراه مقـــرود والله مــن بــدابه قبايلنـا شـــرف من فضل ربي لـهم حشمه وشيمـــات ومهـــابه شمــاليهـا جنوبيــهـا وغيره رجــلـهم يـكـرم ويحـشـم جنـابه تبي تعرف المـــوده و المـعــزه وصيحيح القول ومن الزور مابه تغرب في ديار اهل النجــــاســه مع الكفــار عـمــرك في نهـابه فاذا شفت الـعـرب تشـفق عليهم تـحـس ان بينـكم دم وقــرابه فمــــابالك اذا شـفـت القبيــلي تحس اخــوك لو مــــابوك جـــابه 
 
|
|
| مواقع النشر (المفضلة) |
| الكلمات الدلالية (Tags) |
| الجباري, ديوان, عبدالكريم |
| الذين يشاهدون محتوى الموضوع الآن : 8 ( الأعضاء 0 والزوار 8) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| .•*'^'*•._.•*'^'*•[o]=[ جزيرة قصايد ليل o]•*'^'*•._.•*'^'*•. | مزاجية | …»●[مثاليــة أفلاطــون للمجتمـع الواحد]●«… | 16 | 06-02-2009 11:58 PM |
| خاطرة لأعضاء وزوار منتدى قصايد ليل | غربة الروح | قصـايد ليل للخواطر المنقولة | 14 | 02-15-2009 05:42 PM |
| موسوعه قصايد ليل المعلوماتيه ...؟ | البرق النجدي | …»●[لكل داء دواء ولبــدنكـ عليكـ حق]●«… | 12 | 01-12-2009 08:18 PM |
| ساعات كوووول لصبايا قصايد ليل .. | البرق النجدي | …»●[غروركــ مصدرهـ روعة جمــالكــ]●«… | 6 | 01-10-2009 01:50 AM |
 |
العرض العادي
