رواية وين برمي ها الجسد وانساه

لجزء العاشر ..

العنود :اسمي العنود أوب نورة ..
زياد :أنا ماقلت نورة..
العنود: قلبك نطق نورة ولسانك ترجمها..
زياد سكت شوي وقال: اسف..
العنود: اسف جد.. شوف صحيح ماتهمني كثير.. بس تجي وتناديني باسم غيري لآهذي قوية ..احترمني عشان أنا أحترمك ..!
زياد: العنود يبي لي وقت عشان انساها..
العنود عصبت: أجل ليه تزوجتني ؟ عشان وشو.. وأنت تبيها..
زياد : لآني أبيك ..
عصبت العنود أكثر: تبيبني وتناديني باسمها العب غيرها..
زياد: لآأبيك.. وبعدين اهدي تونا البارح مملكين ..
العنود: روح عني بس وهذي المصيبه ثاني ليلة يناديني نورة ..
زياد: طيب اسف ..
العنود: شوف الزبدة لآأشوفك ..
زياد: هذا اللي تبينه ..
دخل أبو عبدالله وسلم على زياد ..
طلعت العنود وعزوز وجلس زياد مع عمه ..
.
.
.
شقة عبدالله وشهد ..
كان عناد أكثر واحد فرحان بتفوق شهد .. :عز الله أنك رفعتي راسنا..
شهد ابتسمت وهي تشوف الفرحة بعيون عمها ..
دقت عليها ريما وقالت لها عن موعد حفل التخرج ..
شهد: حفل التخرج الاسبوع الجاي..
عناد: حلو حلو .. قومي خل نطلع .. وراح نمر نأخذ نجد ..
شهد: أوك .. بقول لـ عبدالله ..
عناد: بنزل أجل اسلم على عمك وراح تلآقيني بالسيارة ..
شهد: أوك ..
طلع عناد ودخلت شهد تصحي عبدالله ..
شهد: عمي يقول اطلع معه أنا ونجد..
عبدالله جلس: ليه ؟
شهد: عشان نجحنا ..
عبدالله: لاتطولين ..
شهد: على حسب عمي ..
عبدالله: اوك .. كيفك الحين ..
شهد ماتبي تخلي احد يشيل همها: الحمدلله ..
قامت ولبست وتالي نزلت لعمها..
بالسيارة ..
عناد: الحين وجن والعنود راح يجون ..
شهد: وناسه راح يطلعون معنا..
عناد: ايه والحين راح نمر نجد وسارة وكلمت نورة رفضت ..
شهد: اها كيفها..
.
.
.
بعد اسبوع ..
شقة شهد وعبدالله ..
توها راجعه شهد من حفل التخرج وتطالع الوثيقة .. وهي مبتسمه ..
عبدالله: بسسسسرعة لآتنزلين العباية يله نطلع أنا عازمك..
ضحكت شهد ..
بالمطعم ..
عبدالله : كان ودي اهديك أكثر من هالطقم وهالباقة بس مالقيت..بس بقول الله يوفقك ويخليك لي ..
دمعت شهد : الله لايحرمني منك ..
قام عبدالله وشوي وهو داخل ومعه عمها عناد ضمها وهو فرحان حيل..
عطاها هديتها وكان دبله إلماس لبسها ..
ابتسمت لعمها..
عناد: أجل اترككم الحين .. بس حبيت احتفل بـ شهد قبل ماسافر ..
شهد: اجلس معنا..
عناد: يابعدهم متربط مع ربعي بالاستراحه وطيارتي 3 الفجر ..
شهد: راح تطول..
عناد : شهر راح اجي مع عرس زياد والعنود..
سلمت على عمها هي وعبدالله وتالي طلع ..
عبدالله: شتبين الحين تسوين ..
شهد:راح اشتغل ..
عبدالله: موب تعب عليك .. ارتاحي هالسنة..
شهد: لآعبدالله .. الا مستقبلي ..
عبدالله: مستقبلك معي أنا..
شهد: محد يدري وش مخبيه له الايام ..
عبدالله: تعتقدين راح اتغير لو جا لي عيال الدنيا مستحيل اتركك ..
شهد: كل شي جايز .. عبدالله أنا راح اقدم اوراقي على أحدى البنوك..
عبدالله: أول شي لازم تريحين .. لآن ياشهد الحين أنتي بمرحله علآج وبعدين لك حرية الرأي..
شهد: اللي الله كاتبه راح يصير..
عبدالله: شهد خلينا الحين من هالكلام وخلينا في هاللحظه ..
.
.
.
اليوم الثاني العصر ..
شقة عبدالله وشهد..
شهد: كل أعمامي تحت غريبة ..
عبدالله: شهودتي أعمامك لآتخافين ..
شهد: آوك خل ننزل..
نزلت وكان أعمامها عدا عناد مو موجود ..
أبو بندر : الليلة راح نسلمك الورث وكل شي لك راح يرجع لك لآنك كبرتي وصار لك حق الوصاية على نفسك ومالك ..
أبو عبدالله: هذي أوراق البيوت اللي لـ أبوك وهي مأجره ..وهذي صك بيتكم .. وهذي وثيقة من حقك بالشركة .. وهذا كشف بـ حسابك بالبنك ..وبالنسبة للشركة تبين تظل على ماهي عليه ونوقع بدالك أو تشرفين على كل شي بنفسك..
شهد: أنتم خفتم الله قبل كل شي وأنا ماكنت أدري عن شي في مايخص ورثي والشركة راح تظل نفس ماهي ..
عمها أبو طلآل: زين ماعملتي..
استأذنت من أعمامها وطلعت ..
.
.
.
ببيت أبو طلآل ..
زياد: أوما العنود بغرفة سوير..
نجد: ايه عندها ..
مشى زياد بسرعة وراح لها ..
دق الباب ودخل :سلآلآلآلآم..
سارة+العنود: وعليكم السلآم..
تكئ : كيف الحال يامدام ..
العنود: تماام..
زياد: اقول سارة خلينا وحدنا شوي ..
العنود: لآمهيب طالعه من هنا.. تبي تقول شي قوله قدامها..
زياد: الظاهر أني زوجك..
العنود: درينا ..
زياد: طيب خلي نطلع سوى ..
العنود: أنا وسارة راح نطلع بعد شوي ..
زياد: الحين مهوب مثل قبل مالي عليك كلمه .. الحين أنا امر وانهي ..
العنود: ياليل ..
زياد: تعالي شوفي غرفتي يمكن ماتعجبك ..
سارة: صح عنود ترى غرفته مرآ ..
العنود تحمست : قومي خل نشوفها..
ضحك زياد ..
دخلوا الغرفة ..
العنود: تحلم أجلس في غرفتك وهي هالالوان..
زياد تكتف: وش فيها أصفر وأسود يازين الاتي ..
العنود: زياد تبي انام فيها واجلس تغير لونها ..
زياد: وش اغير اللون طال عمرك..
العنود: طبعا ماراح ترضى ازرق وابيض.. أي لون محايد..
زياد: أحمر لعل وعسى نأخذ منه الرومنسية ..
العنود: أحمر بس يكون فيه حركة تعطي جو .. وبعدين من السرير ..
سارة: تذكرين المحل اللي شفناها عليهم اثاث خقه ..
العنود: اللي شرينا منه صوفا..
سارة: ايه ..
العنود: شرأيك نمره بعد شوي..
زياد: أنا بوصلكم ..
العنود: راح نطول وبعدين وراي تجهيز ومابي تكون معي..
زياد: لآراح اكون معكم .. وبعدين منها نختار اللون والسرير واكسسورات الغرفة ..
سارة: خليه الليلة معنا..
العنود : راح اكلم امي واشوف توافق أو لآ ..
زياد: ماراح تقول عمتي شي لآني زوجك ..
العنود: والله عرفت أنك زوجي ..
سارة: ههههههههههههههههههههههههههه ..
العنود: بكلم قيوم يجي ..
زياد: قيوم انسيه راح تطلعون معه ..يله روحوا البسوا ..وأنا انتظركم بالسيارة ..
العنود: حط صور لعبيه زي الناس..
زياد: فديتهم ..
العنود: امشي سارة ..
زياد: العنود فكي شعرك ..
طالعته وضحكت :ليه ؟
زياد: بس فكيه ابي اشوف طوله ..
العنود: كان ودي بس وقت ثاني ..
طلعت هي وسارة ودخلوا لغرفة سارة ..
سارة: تعالي ليه ماخليته يشوف شعرك..
العنود فكت شعرها وقعدت تلعب فيه : لاخليه وقت ثاني أخوك الحين يكفيه شكلي الخارجي وبعدين لاحق على الشعر..
رمته سارة بالمخده: وجعاه ناوية على اخوي..
العنود: ونيه قشره هع هع ..
دقت على امها وقالت لها ووافقت ..
ربطت شعرها ولبست العباية هي وسارة وطلعوا ..
بالحوش ..
سارة: لااركبي ..
العنود: معه قدام ..لآتحلمين ..
فتح زياد القزاز : ورى ماتركبون .. تبون طال عمركم افتح الباب لكم..
جات نجد ..
العنود: اركبي قدام معه ..
نجد: أنتي زوجته..
العنود: ويعني زوجته ..اركبي قدام ..
ركبت نجد قدام ..
زياد: حي الله الغالية نجودي..
سارة: واحنا..
زياد: أنتم خلوني ساكت أحسن..
العنود: شعور متبادل ..
زياد: بالله ..
لهت العنود مع الجوال هي وسارة وزياد لف عشان يبي يطلع من الحوش شافهم على الجوال والشك براسه ..
طلع مع حوش الفيلآ: اقول شعندكم مع هالجوال..
سارة: ولآشي..
زياد: اها ولاشي نشوف بعدين ..
ماردو عليه لانهم لاهين..
.
.
.

.
.
.
بالسوق ..
العنود: هذي حلوه..
زياد: أوكي.. طيب اختاري كل شي من هنا ..
اختارت هي والبنات وخلصوا..
طلعوا للمحلات وقعد زياد يخلص الاجراءت .. وتالي لحقهم للسيارة ..
بالسيارة..
زياد: تبون المجمع ..
سارة: ايه ..
زياد: أوك .. ترى بكرة راح يجبونها ..
العنود: لاتنسى اللون ..
زياد: اتفقت معهم على كل شي..
وقف زياد قبال المجمع ..
نزلوا وقعدو يلفون ويشترون اشياء خفيفه ..
العنود: بنات تعبت .. عاد مانمت زين ..
زياد فجأه لما مسك كفها ناظرت وسكتت ..
دخلوا محل عطورات ..
العنود: يدي..
زياد: لازم تتعودين..
العنود: زياد بديت اتوتر فك يدي ..
زياد: اسف زوجتي..
سارة: تعالي شوفي هالعطر..
فك يدها وهو مبتسم راحت لها :اوه خقه ..
سارة: اوك راح نأخذ اثنين ..نجد تبين ..؟
نجد: لآ اخذت عطري المفضل دوم ..
كان المحل كبير مشت العنود ودقت على قيوم يمرها وعطته اسم المجمع ..
نزلوا للدور الارضي ودق قيوم على العنود يقولها أنه وصل..
سارة: يامجنونه لآتسوين مشكلة مع زياد..
العنود:اقولك بطني يألمني احس اني راح اموت من الالم ..بروح أخذ لي ابره مستحيل اقدر اتحمل هالالم ..
سارة: طيب زياد دكتور ويدري خليه هو يوديك..
العنود: ايه ويدري وش اللي يألمني مايدري وأنا لو آيش ماقلت له وبعدين أنا متعوده اروح وحدي..الحين أكيد قيوم والشغاله برآ .. وفرصة اروح دام زياد لاهي مع نجد عند الكشك ..
سارة: طمنيني عليك..
العنود: أوك ..
مشت العنود وطلعت برآ المجمع وشافت قيوم وركبت ..
دقت على زياد وقالت له ..
عصب : أنتي وبعدين معك ..
العنود كان بطنها يألمها: منيب رايقه لك.. سي يآآ..
سكرت الجوال..
بالمجمع ..
زياد: شلون راحت..
سارة: خلآص لاتعصب..
زياد: حسابها معي .. هالبنت أذا ماعدت تربيتها..
نجد: مشينا بس لاتفضحونا ..
بالسيارة ..
سارة: أوف شفيك معصب .. شوف العنود هذي حياتها وهذا طبعها ودامك أخذتها ارضى بكل شي بلآ غبا ..
زياد: سااااااارة خلينا حبايب مع بعض .. أنا مدري بنت عمك هذي ماتربت أجل ترجع مع السواق وأنا زوجها ليه ماترجع معي..
دق جوال سارة وكانت العنود ..
سارة: هلآ عنوده ها أخبارك الحين ؟
العنود: تماام توني أخذت أبرة وراح انام لآن أحس بتعب أوب طبيعي..
سارة: سلآمتك قلبي ماتشوفين شر..
العنود: الله يسلمك عيوني .. سي يؤؤ..
سكرت سارة..
نجد: العنود..
سارة: ايه ..
زياد وقف داخل الحوش وناظر سارة: تعبانة العنود ..؟
سارة: لآ..
زياد: الا تعبانة شفيها؟
نزلت سارة وصكت الباب: زياد قلنا لك مافيها شي..
زياد: نجد شوفي سويرة خليها تنطق..
نجد فكت الغطا: سارة العنود تعبانة شي؟
سارة: أوف منكم ..
دخلت داخل ولحقها زياد لغرفتها وطلعت نجد معهم ..
زياد كان معصب ..
نجد: سارة تكفين قوليه وريحينا..كأنكم أطفال..
سارة: العنود تعبت وأحنا بالسوق وتالي راحت للمستشفى أخذت ابرة وانتهينا..
زياد بهدوء: طيب ليه ماتقولي ..أنها تعبانة.. كان أنا وديتها للمستشفى..
سارة: متعودة دايم تروح وحدها ..
زياد: طيب شفيها؟
سارة: تعب بسيط وراح..
زياد: شفيها ؟
سارة: خلآص عرفت أنها مريضة وش تبي أكثر؟
زياد : أبي اعرف وش فيها..
سارة: اللي عندي قلته لك..
نجد: خلآص زياد أنت كلم العنود وإسالها..
سارة: العنود توها رجعت من المستشفى ونامت..
زياد: العرس بقدمه الاسبوع الجاي وبنت عمك علمها عندي..
طلع وهو متنرفز ..
نجد: الله يهديكم الحين وش استفدتنا..
سارة: عاد قالوا لتس العنود راح توافق له .. خلآص اقوله البنت مريضة وش يبي يعرف أكثر..
نجد: زي كل مرة..
سارة: ايه ..
.
.
.
اليوم الثاني..
ببيت أبو عبدالله ..
العنود: يبه أحنا من وقت اتفقنا العرس بعد شهر ولايفكر يقدمه ..
أبوها: راح ابلغه ..
قام وطلع لشقة عبدالله وشهد ..
فتحت شهد وشافت عمها .. :تفضل عمي..
جلس .. كانت راح تجيب القهوة..
عمها: لآاجلسي ابغاك بسالفه بما أن عبدالله مهوب فيذا..
جلست وقلبها عورها الله يعين ..
عمها: شهد يعلم الله أني أحبك وأغليك .. لآكن مهيب حاله حاله عبدالله ..تارك أم ولده وقاعدن معك .. ظلمها وهالظلم مهوب زين .. ياشهد وأنا عمك عبدالله يحب أنفال ويغليها لاكن مايبغى يزعلك ويجلس معها قدامك .. وهو مايبغى بعد يجرحك لآنك يتيمه .. وهو لك بها الدنيا كل شي ..
شهد: هو قالك يبي يجلس معها ؟
عمها ماستحى على شيبه وكذب : ايه .. ولمح .. أني أكلمك .. وأنا جيت هنا.. وحتى وأنا عمك شفيته لما جلس معها بشهر العسل ومدده .. لو مايبغاها ماكان مدد .. كان مأخذ راحته معها..وحتى الحين هي حامل محتاجة له يكون معها.. وحتى عبدالله بحاجتها.. وأنا بطلبك هالطلب ولآتزعلين.. أبغاك تروحين لبيت جدتك وتقعدين عندها لفترة ..
شهد سكتت القدرة على الكلام عندها توقفت..
عمها: ياشهد طلبتك وأنا عمك ..
ناظرت عمها ..: طيب اقول لـ عبدالله ..
عمها: لآتقولين له ..
شهد: ليه ؟
عمها: راح يتضايق ويظل الحال بينكم على ماهو عليه ..عشاني وأنا عمك روحي لجدتك ..
شهد: بس جدتي كل عماتي عندها الحين ..
عمها: تونسي معهم ..
شهد: متى أروح..
عمها: الليلة بما أن عبدالله راسلته للخرج عشان شغلنا ..
شهد: أنت أرسلتة عشان تكلمني ..
عمها: هو طلب مني يروح عشان مايكون موجود وأنتي تروحين ..
سكتت شوي ..
شهد: طيب راح اطول هناك ..
عمها: خليه يجلس معها براحته .. ويرتاح ..
شهد: ومتى ارجع ؟
عمها: لو جلستي طوال الاجازة .......
قاطعت عمها وقامت: خلآص عمي الحين بروح ..
عمها: الله يرضى عليك .. شهد شغالتك عطيها أنفال عشانها حامل وماعندها ..
شهد ناظرت عمها كثير : خذيت عبدالله عادي خذ الشغاله ..
طلع وهي راحت تجهز أغراضها وتطلع من البيت ..
.
.
.
ببيت جدتها ..
شافت نظرات الشر في عيون عمتها حصه وبناتها ..
عمتها هيلة :تعالي يانور عين عمتك والله ياشهد أنك غلآتك من غلآ أخوي الله يرحمه وحتى أمك الله يرحمها ..
لمعت عيونها : الله يرحمهم ..
جلست جنب عمتها اللي جلست تسولف معها وهي مفتخره فيها لآنها الاولى على مستوى الجامعه: فديتك شرفتينا وأخذتي تفوق العيال والبنات ..
جدتها تمسح دموعها بجلالها: لو فهد(أبو شهد) عيونه تشوف بنته كيف صارت كبرت وتخرجت من الجامعه وأخذت الاولى وتكرمت والحين متزوجة..
حصة: لاكن مافيها ضنا..
هيلة: أحسن لها .. وبعدين حتى بنتي لها نفس المدة اللي تزوجت فيها شهد وماجابت عيال.. خليهم يريحون .. لاحقين .. أجل تبينهم مثلنا مامدى تزوجنا الا وحملنا..
سكتت حصة ..وشهد كانت تناظر يدها وساكتة..
.
.
.
ببيت أبو عبدالله ..
كان عبدالله يناظر أبوه ..: طيب عماتي كلهم عندها .. وش تبي جدتي بـ شهد ..
امه: اجلس ياولدي مامدى جيت ..
عبدالله : لابروح لـ شهد .. ليه راحت على الاقل تدق تقولي..
أبوها: تراها جدتها ولها حق تروح لها وتدرايها..
عبدالله: الحين كل عماتي عندها ..وبعدين شهد التعب ممنوع عليها هالايام وأكيد راح تساعد جدتي وعماتي..
امه: ليكون حامل..
عبدالله: لا .. بس ماأبيها تتعب ..
طلع من بيتهم لبيت جدته .. كل الطريق يفكر ليه راحت ..؟ أكيد شي حدها على الروحة غير الكلام اللي قاله ابوه له ..
.
.
.
ببيت جدتها ..
شافت جدتها تكلم عمها بس راحت لغرفة جدتها أخذت العلاج لان الم الابرة يروح ويجي وخاصه توه اليوم مراجعة الدكتورة مع عبدالله ..
من التعب نامت ولاحست بعمرها ..

بالمجلس .. كان عبدالله جالس مع جدته وعماته .. وعمته حصة تطالعه وهي بالحيل تحبه بس عتابنه عليه : الحين يوم تزوجت كان قربت يمي كان زوجتك ..
عبدالله ابتسم: كل شي ياعمه قسمه ونصيب.. وبنيتك ان شاء الله تلاقي منهو أحسن مني ..جدتي وين شهد ؟
جدته: نامت ياعيون جدتها.. عبدالله هي تعبانة..
عمته هيلة: باين عليها..
عبدالله : شوي تعبانة.. هي وينها ..
جدته: نايمة..
عبدالله: طيب تعشت ..
جدته: لا مارضت تقول شبعانة ..
عبدالله: أنتي طلبيتها ياجدتي تجلس عندك..
جدته ماتعودت تكذب لاكن ولدها طلب منها: ايه ياولدي ..
سكت عبدالله شوي..:طيب أبغى أشوفها..
عمته حصه: عبدالله نايمة ..
عبدالله : معلية ياعميمة أبغى أشوفها ..جدتي هي وينها ؟
جدته: بغرفتي..
عمته حصة: كل البنات داخل..
عمته هيله قامت : الحين بخليهم يبعدون وأدخل لها .. كم عبدالله عندي..
عبدالله : الله لآيحرمني منك يالغالية ..
بعدو البنات ودخل لها الغرفة .. شغل الابجورة وناظرها ..حط يده على خدها ولآحب يصحيها شاف علبة العلاج أكيد تتألم لان اللي خذته مهدي للالم ..
طلع من غرفة جدته ..
عمته هيلة: الله يخليها لك ..
عبدالله: امين .. ادعي لنا ياعمه بالضنا .. أبغى شهد ترتاح ..
عمته: الله يرزقكم بالضنا الصالح ويحفظه لكم..
عبدالله: آمين ..طيب عن اذنك ..
عمته: اجلس اسهر معنا..
عبدالله: كان ودي يالغالية بس النوم لاعب فيني .. صحيت بدري وطلعت للخرج ..تصبحين على خير..
جات جدته سلم عليها وطلع ..
.
.
.
اليوم الثاني ..
المستشفى..
غرفة الدكتور ماجد ..
نجد: ماتغيرت أشياء كثيرة ..
د/ماجد: لآ أحس فيه تطور ..طيب الحين واستلمتي الوثيقة .. شلون جدولك .. راح تريحين ..
نجد: لآ أبي أي شي يشغلني ..
د/ماجد: طيب تعالي اشتغلي معنا هنا ..
نجد: أحس مش مقتنعة..
د/ماجد: هناأفضل .. من عده نواحي .. أولا تتعودين على طبيعه الشغل.. وتحتكين في الناس أكثر ..
نجد: راح اقول لابوي..
د/ماجد: وأنا أنتظرك هنا زميلة بالمستشفى..
ابتسمت نجد..وشوي وتكدرت: بكرة عرس بندر..
طالعها : يهمك أمره ..
نجد: لآ..
د/ماجد: شلون نظرتك له الحين ؟
نجد: عااااااتي..
د/ماجد: ماتغيرت ..
نجد: كل ماحاولت مقدر.. أحس بشعور غريب..
د/ماجد: لآزلتي تحبينه ؟
نجد: لآلآ ماأحبه.. لآنه هو باعني وتركني .. وأنا الا كرامتي ..
د/ماجد: هذي نجد الا أبيها .. خليك كذا..
نجد: تدري أبي أروح مكه..
د/ماجد: حلو..
نجد: أبي الليلة .. بس أخاف أقول لابوي يحس أني أبي اهرب من الواقع اللي بكرة..
د/ماجد: كلمي زياد ..
نجد: آآآآه بجد مملة هالحياة ..
د/ماجد: بس بيدنا نخليها أحلى والعكس صحيح .. أتمنى الاقي داخلك قوة أدارة .. تدرين قبل فترة جاتني بنت صار لاهلها وهي معهم حادث توفى الكل بقت هي وأخوها لو تشوفين اشلون صابرة شلون صارت الحياة معها شلون تأقلمت تنصدمين منها.. ماشاء الله عليها..
نجد : ياعمري عليها..تدري الحين أحس أني ومشكلتي ولاشي عندها..
د/ماجد: أجل خليك أقوى.. لاتنسيني الدعاء في مكه وأن الله يحفظ لي الوالدة وتجلس معي بالرياض ..
نجد ابتسمت: بأذن الله ..
.
.
.
الظهر..
ببيت أبو طلآل ..
زياد: ايه منيب حاضر..
امه: يازياد تراه ولد عمك عيب..
زياد: اللي سواه بنجد ماراح انساة.. وبعدين الليلة مسافرين مكة أنا ونجد ..
سارة: وأنا..
زياد يستهبل: ياليل النشبة .. اقول ورى ماتجين معنا أنتي والعنود ..
سارة: لآ العنود ماتقدر..
زياد: ليه ؟
سارة: ماتقدر وبس..
قامت سارة ..
زياد: يمه شرأيك بالغرفة ؟
امه: بصراحه ذوق..
ابتسم زياد ..
نجد: متى الرحلة زياد ؟
زياد: الساعة 5 المغرب..
.
.
.

.
.
.
العصر..
بيت جدة شهد ..
كان عبدالله ينتظر شهد ..
دخلت سلم عليها عبدالله وجلسها جنبه ..: شخبارك؟
شهد: الحمدلله عايشين ..
عبدالله: جدتي شتبيك فيه ..
شهد: ليه ؟
عبدالله: لانها تقول هي والوالد أنها تبيك تجلسين عندها..
سكتت شهد وبقلبها الله يسامحك ياعمي ..
عبدالله : المهم وحشتيني بالحيل..
شهد : وأنت أكثر..وين نمت البارح ؟
عبدالله: شقتنا .. بصراحه الشقة من دونك موحشة ..
شهد: أنا دنياي من دونك ماتسوى.. (ابتسمت) أقولك شي ..
ابتسم من ابتسامتها: وشو ؟
شهد: أمس افتقدت حضنك كثير ..
عبدالله بنفس الاحساس: وصاحبك يانور عينه حاله مهوب أحسن من حالك ..
شهد: بجد امس كل شوي افز من نومي واتخيلك .. عمري ماحس بالامان الا معك ..
ناظرها عبدالله وابتسم بعشق مجنون ..


ياطيب حظي كان انا حلم دنياك
ياللي تقول اني أمانك وخوفك
تحبني؟ ..أدري حكالي محيّاك
رعشة يدينك وارتباكة حروفك
ياللي الوفا هو بعض أصغر مزاياك
حملي ثقيل ووافياتٍ كتوفك
تشيل همي دوم كنّي أنا اياك
صارت ظروفي مو ظروفي ..ظروفك
إن جيت ابحكي عن بهاك وسجاياك
كيف اوفي أخلاقك وباهر وصوفك
وان جيت الاقي لك خطايا خطاياك
أطيب قلوب الخلق ساكن بجوفك
وشلون ما احبك وهذي سواياك؟!
وشلون ما أهديك عمري فكفوفك؟!
ياقلب قلبي وش حياتي بلياك؟!
تسلم عيوني دامها هي تشوفك

دخلت عمتهم حصة وجدتهم ..
عمتهم: اقول عبدالله كيف مرتك مع الحمل؟
عبدالله :ماعليها.. جدتي مامليتي من شهد ..
جدتها تذكرت كلام ولدها ولازم تتمسك بشهد : لا خلها عندي ..
عبدالله ابتسم: خذينا كلنا ..
ضحكت جدته وشهد ..
دق جواله وكان أبوه : الحين جاي.. خلاص الحين جاي..
سكر..
شهد: راح تروح ..
عبدالله : الوالد يقول لازم اروح له الحين ..
قام عبدالله وقامت معه شهد .. استأذن منهم وطلع..
عند الباب..
شهد: لاتسرع..
عبدالله: من عيوني.. المهم ماسألتك داخل..كيفك الحين الابرة تألمك..
شهد: تأخذ وترجع خاصة لما اسجد واتحرك..
عبدالله: لاتتحركين كثير ..
شهد: ان شاء الله ..
باسها وطلع ..
بعد المغرب..
حصة: شهد قومي ساعديني ابغسل ملابس عيالي ..
شهد: تو قبل شوي مغسله الاواني والخدم موجودين..
عمتها: قومي ..
شهد وقفت: منيب بزر تامريني وتنهيني تبين شي شوفي بناتك خليهم يساعدونك..
عمتها صارخت: شههههههههد..
شهد: عمه فوقي زين لايغرك اني ساكته لتس معناها خلاص ..
جات هيلة:شفيكم؟
شهد: تقول اساعدها اغسل ملابس عيالها.. اقولها وين بناتها..
هيله ناظرت اختها ..:شهد روحي حبيبتي ..
راحت شهد ..
هيلة: يعني الا تتعبين البنت ياوجه استح .. عيب تراها بنت أخوك ..
.
.
.
بعد اسبوعين ..
كانت داخله للصالة سمعت جدتها وعماتها يتكلمون ..
حصة: الحين عيالي يبون يدخلون يسولفون مع جدتهم ومنها ماقدروا يدخلون..
هيلة: حصة الله يهديك ..
حصة: الا هالبيت حرمت بنتي من عبدالله وحرمت عبدالله من الضنا والحين تبي تحرم عيالي من جدتهم ..
أمها: يعني اطرد بنت ولدي..
حصة: يمه احنا مانجي الا بالاجازة .. وذي دايم بالرياض..
امها: أنا مشتاقه لكم ولعيالكم أكثر لاكن أخوك هو قالي خليها عندك عشان يبغى عبدالله يألف مرته أنفال..
دخلت غرفه جدتها بسرعة وفيها من الضيقة والهم مايكفي..
شافتها بنت عمتها هيله ..ودخلت: حرام عليك خالتي حصة أنتي وجدتي شهد سمعت كلامكم .. والله حرام اللي يصير لها ..
هيلة: يابري حالي سمعت..
حصة: ماقلنا شي غلط ..
دخلت عمتها وكانت متغطية كلها ..
طلعت هيلة: نايمة..
مها: أكيد تبي تشوفونها تبكي يعني..
حصة: مها متأكدة كانت شهد..
مها: ايه خالتي..
بغرفة جدتها..
زي كل مرة تخفض صوت بكاها عشان مااحد يسمعها لآن بيت جدتها مليان ..
مر وقت الين المغرب وقامت لما سمعته آذن صلت المغرب وجلست على السجادة وقت تستغفر وتقرأ قرآن ..وتالي قامت آخذت لها شاور وبدلت ملآبسها وحطت ميك آب يخفي ذبولها ..لمت كل أغراضها وكلمت سواقها يمرها ..انتظرت بالغرفة إلين جا وتالي طلعت .. نادت الشغاله تحط الشنطة بالسيارة ..
جدتها مسكتها: ليه بتروحين ؟
شهد: بروح بيتي..
جدتها: لا اقعدي معنا..
شهد: لاتزعلين مني بس لازم اروح..
عمتها هيلة: ياعيوني ليه ماتقعدين معنا..
شهد: لاتزعلين عمتي بس لازم اروح..مع السلامة ..
طلعت وهي ضايقة فيها الوسيعة .. ركبت السيارة ووقفت قبال الفيلا..
كان عمها توه جاي من صلاة المغرب لانه يتأخر وشافها..سلم عليها وسألها..
شهد: مليت هناك ..
عمها: أجل روحي لبيت أهل أمك..
شهد: ليه؟
عمها: طلبتك عبدالله بعد شوي بيجي روحي لبيت أهل امك..
شهد: أنا ماأبي..
عمها: وأنا أقول لازم وأنا عمك تروحين.. (يكلم السواق)شغل السيارة وودي شهد لبيت اهل أمها أنت تعرفه ..
ناظرت عمها من ورى النقاب : الله حسيبك ياعمي..
ركبت السيارة وسكرت الباب..
وطلع السواق من حوش الفيلا..
ببيت أهل أمها ..كلمت جدتها وقالت لها راح تجي ..
دخلت بيت جدها وشافت جدها اللي استقبلها وضمها بحرارة وشوق لها ودخلها معه لداخل..جلست بالصالة بس نظرات مرة خالها ماريحتها ..
بعد العشا تجمع الكل .. وحست شهد أنهم غريبة حيل بينهم حست بقهر والم يعتصر قلبها..
جدتها جلست جنبها: شفيك؟
شهد: ولاشي..
بعد وقت قامت شهد صلت العشا وتالي فتحت جوالها وشافت مكالمات من عبدالله ..دقت عليه ..
عبدالله: هلآ وينك ..
شهد:ببيت أهل أمي..
عبدالله: عسى ماشر..
شهد ضحكت من حر مافيها..
عبدالله: شهد ليه ماجيتي للبيت.. جدتي تقول أنها راح تطلعين لشقتنا..وبعدين شفيك تضحكين؟
شهد: آآآآه ياعبدالله.. المهم بجلس عند جداني شوي..
عبدالله: ليه؟
شهد: خلاص بجلس عندهم..
جا جدها وشافها تكلم سألها وقالت له عبدالله عاد كلمه ولزم عليه يجي..
بعد العشا..
كان موجود خال شهد وهو ساكن بيت أبوها وهو الكبير وخالها الوسط جاي من برآ الرياض .. وعبدالله ارتاح لهم باين عليهم الطيبه والاخلاق ..
دخلت جده شهد سلمت على عبدالله وسولفت معه ..بعد وقت استأذن عبدالله ونادت له جدته شهد..
بالحوش..
عبدالله زعلان: والمره هذي جدتك وجدك يبونك عندهم.. شهد لاتلعبين علي.. قولي ابي ابعد عنك هالفترة وانتهينا..
شهد:ليه تقول كذا..؟
عبدالله: تصرفاتك هذي مالها غير هالتفسير..بجد مليت ..
شهد: عبدالله شفيك؟ ليه معصب كذا؟
عبدالله: اقول منيب مخربها.. لاحسيتي أن عندك بيت ورجل تدلين البيت ..
طلع وركب سيارة ومشى من غير مايقول لها أشوفك على خير أوتصبحين على خير..
دخلت شهد للصالة وفيها من الهموم مايكفيها ..
مرة خالها :وين راح تنامين؟
شهد: أي مكان عاااتي..
مرة خالها: أجل نامي هنا بمجلس الحريم راح اخلي الشغاله تجيب لك الغطا والمخده ..
شهد: أوك ..
جابت الشغاله اللحاف والمخده ..
شهد: ثانكيو .. صكي الباب وراك ..
دخلت مرة خالها ..: العيال يحبون يلعبون هنا بلاستيشن .. هم بالابتدائي لان الكبار طردوهم من المجلس..
ماردت شهد ..جلسوا العيال يلعبون وهي غطت نفسها نفسها وجالسة تناظرهم ..دخلت مرة خالها الثانية :وجع أنت وياه البنت تبي تنام وأنتم تزعجونها..
شهد: لآ عااااتي خليهم ..
أم فراس:لا ياعيوني ليه يزعجونك ..
شهد: خليهم عاااتي..
دخلت أم سالم (مرة خالها )..
أم فراس: ليه تخلينهم هنا يزعجون البنت ..
أم سالم: خليهم بيت ابوهم وجدهم ..
أم فراس: ام سالم روحي أبو سالم ينتظرك..
ناظرت ام سالم فيهم وطلعت..
جلست أم فراس تسولف مع شهد .. وتالي قامت .. جلست تناظر بالعيال وهم يلعبون .. دقت على عبدالله ..
عبدالله: هلآ..
شهد: كيفك..
عبدالله: ماعلي بخير..
شهد: زعلان..
عبدالله كان ضايق: شهد تشوفين تصرفاتك .. خير وين عايشين ..
شهد: عبدالله ..
عبدالله:أنا مشغول ..
شهد: مشغول عني ..
عبدالله كان بجد زعلان منها :ايه .. مهو حتى أنتي مشغولة .. مشغولة بصلة الرحم ..
شهد سكتت..
عبدالله: بنام ..
شهد: أوك أجل تصبح على خير..انتبه لنفسك
عبدالله الا يضايقها لانه متضايق ومادرى ان ضيقته ماتجي شي للي هي فيه : عندي اللي ينتبه لي ..
شهد: اها..
عبدالله: ليه على بالك لو تركتيني راح اظل لوحدي..أنا عند أنفال ..
شهد مسحت دموعها: خلاص عبدالله ..الله يوفقك..سي يؤ..
سكرت الجوال .. مامدى سكرت الا والعنود تدق..
العنود: بجد سخيفة.. الحين قبل الملكة تروحين للشرقية وقبل العرس عندي جدتي واهل امك ..
شهد: ياكافي سلمي بالاول..
العنود: سلام..
شهد: وعليكم السلام..
العنود: مالي شغل لازم تجين .. خلاص باقي اسبوع على العرس..
شهد: أكيد راح اجي.. المهم اخبارك ..
العنود: تمام ماعلي .. أنتي أخبارك..
شهد: الحمدلله ..
جلست تسولف معها وتالي سكرت وجلست تلعب مع العيال بلاستشين تخفف من ضيقتها ..
.
.
.
شقة عبدالله وأنفال..
دخل للشقة ..
طالعته أنفال : أووووه توك تتذكر عندك زوجة..
عبدالله : سلام..
أنفال: وعليكم السلام..
عبدالله: كيفك ؟
أنفال: زينة..
عبدالله: طيب شفيك معصبة كل يوم من الصبح الين الليل ببيت أهلك ولاحسابتك ولاشي..مخليك براحتك..
أنفال: يرحم اهلك بس.. حل على جوي واتركني لحالي.. أكرهك واكرهه البيبي اللي بطني واكرهه كل شي منك .. أنا تعبانة كثير..
الطب حلم عمري ماانقبلت فيه والسبب أنت كرهتني بحياتي ..
عبدالله: أنفال ربي مو كاتب لك خيرة بالطب..
أنفال: انت ليه تزوجتني؟
عبدالله سكت..
أنفال: عشان أبوك يبي بيبي صح.. ليه ماهو يتزوج ويجيب له عيال يتسلى عليهم مهوب يدمر حياة عياله وحياة الناس الثانيين ..
ضحك عبدالله : تخيلي عاد أبوي متزوج ..
أنفال: وتضحك بعد .. ياخي حس فيني ..
مشت عنه وناظر بطنها شوي كبر ابتسم : بأي شهر؟
لفت عليه :بديت بالثالث ..سبحان الله لاأبيك ولآتبيني وحملت بسررعة .. آآآآآآآآآآآآآآآآآآآه بس..
قرب وحط يده على بطنها : يمكن لنا بها الضنا خيرة..
حط يدها على راسه: مسخن الليلة شي..وين شهد ؟
عبدالله يناظرها: مدري شفيها ..
أنفال: عشان كذا جاي .. يالله ..
دخلت الفراش وتغطت ..:طفى النور لاطلعت..
عبدالله: تصبحين على خير..
جلست: من بكرة بروح لاهلي الين يخلص عرس أختك ..
عبدالله:هههههههه كل يوم يوم أنتي عندهم تفرق بس بالنومة..تصبحين على خير..
طلع من شقتها ودخل لشقته مع شهد ..
شاف مجلة وقعد يقرأ ولقى قصيده لـ فهد المساعد كأنه توصف حاله مع شهد ..

يانديـم الجـرح واللـي وصتّـك بأرقامه
عارف انّك ما تعـرف الا شـذى يشمومهـا

لا تعلمني عـن آخـر مـا حصـل فأيامهـا
من رسالتهـا عرفـت اليـوم كـل علومهـا

أدري إن الوقت شمّر عـن يديـه وضامهـا
وأدري إن الحظ الأقشر صار مثـل هدومهـا

وأدري إن الهم وقّف فـي طريـق أحلامهـا
لين صار الحزن أثرها .. والشقى مقسومهـا

بس تستاهل .. هي اللي طاوعت من لامهـا
وباعت اللي كل ذنبه .. مادخل فـي سومهـا

خلهـا تدفـع ثمـن غلطاتهـا مـا دامـهـا
همّّلت قلبي .. وراحت .. وأسرفت في حومها

يبتعد مع كل خطوه .. صوت وقـع أقدامهـا
وتقرب الضيقه .. وتصحى دمعتي من نومها

لين غابت عن عيوني .. وأنجلـى هندامهـا
ليلةٍ .. تغفى على صـدر الظـلام نجومهـا

كنت احس بشـيّ .. والله ماتشيـل عظامهـا
لو تحس بشييّ منه .. يمـر وسـط حلومهـا

كنت احس إن الضلوع العوج مثـل أيتامهـا
وأشعر إن القلب نبضه منتهـي مـن يومهـا

والحيـاه اللـي تـدور شهورهـا وأعوامهـا
وقّفت .. واليـوم دور رماحهـا وسهومهـا

ياكثر ما اغرقت نفسي في بحـور اوهامهـا
وياكثر ماضعـت بيـن أوهامهـا وهمومهـا

ما جـداي إلا احلـم انـي واقـفٍ قدامهـا
وأتخيلـهـا تعاتبـنـي .. وأروح ألومـهـا

يانديم الجرح .. خلّـك مـن علـوم أيامهـا
مابقى فـي القلـب رغبـه يلتفـت لعلومهـا

والرسالـه ردّهـا للـي زمنهـا ضامـهـا
وقلها كلمـه .. وتفهمهـا حسـب مفهومهـا

والله أن أقص كفـي قبـل .. أدق ارقامهـا
والله أن اشيل قلبي .. قبـل أشيـل همومهـا



قراها وتأمل كل حرف وكل كلمه وحس هالقصيده انكتب له هو وبس حط ...


.
.
.
بعد عدة ايام ..
ببيت جد شهد ..
ماتحلمت نغزات مرة خالها وصارخها كل مرة .. طلعت من بيت جدها ..لشقتها ..
حط السواق الشنطة قبال الشقة سحبتها شهد وسكرت الباب .. شافت ماري وابتسمت لها ..
دخلت للغرفة وكان عبدالله نايم والغرفة حوسة ابتسمت من قلبها على شكل نومتها والتكيف عالي ولاهو متغطي..
غطته زين ورتبت الغرفة وهو نايم ..شافت الثياب مرمية شالتها وطلعت الاوراق منها وشافت علب بخاخ الربو 5 فاضية طاح قلبها وتضايقت حيل من نفسها ..
طالعت الساعة تسع المسا .. باقي بدري..
طلعت للصالة وطفت النور وراها ..
شهد: ماري تعشى عبدالله ..
ماري: لا..
دخلت تحضر له عشا وقعدت تسأل الشغاله وضاق صدرها بحاله ..
شهد: أبي دجاج من دون عظم فيه ..
ماري: يس..
عطتها الشغاله وقضت بالعشا نص ساعة على ماخلصته وحضرتها وتالي راحت تصحيه ..
جلست عند راسه: عبودي..
شهد: عبااادي ..حبيبي يلة قوم ..تعودت على النوم بدري..
كان مغمض وحاس أنها موجودة بس مايبي يرد من الزعل ..
أسمعك ياللي تنادينـي يابـو قلـب ٍ خلـي
بس انا ماني خلي القلب لأجل اسكت واجيك

الخلي ماهو بقلـب ٍ مـن هيامـك ممتلـي
الخلي قلب آدمي ٍ شافـك ولا هـام فيـك

انت زعلان لجفـاي مادريـت إن زعلـي
يـوم قلبـك مايبينـي قـد ماقلبـي يبيـك

حتى لو عيت همومك في غيابـي تنجلـي
كل هذا مايسـاوي لهفتـي يـوم احتريـك

كان ماصدقت هرجي طيب اسمـع مايلـي
ياحبيبي ياعسى ربـي يحفظـك ويهديـك

جايز إنك في غيابي تقلـب الدنيـا علـي
بس انا من قبل اعرفك قالب الدنيا عليـك

شهد: عبدالله
تذكر انه زعلان منها: كان كملتي عند جدانك ..
شهد: عبدالله قوم .. يله قوم تعشى..
عبدالله :شهد طفي النور واطلعي..
شهد: عبدالله يله قوم ..
عبدالله كان حيل شايل بخاطره: تكفين طفي النور واطلعي..
شهد: طيب قوم تعشى ..
عبدالله عصب: شهد خلاص قلت لك ماابي .. اطلعي برا الغرفة عشان مااترك لك الشقة واطلع..
قامت .. وطلعت برآ الغرفة ..
شهد: ماري شيلي العشا ..
ناظرتها الشغاله باستغراب..
جلست شهد ودقت عليها العنود ولما درت أنها بشقتها قالت راح تجي..
دق الجرس فتحت شهد وسلمت عليها العنود :بسرررعة انزلي معي تحت..
شهد: خلي بكرة..
العنود: مالت عليك بكرة العرس .. امشي قدامي..
صكت الباب ونزلت معها..
بغرفة العنود: شهوده شفيك ذبلانة وباين أنك تعبانة..
شهد تطالع بنات عمها: بقولكم شي بس اتمنى مايطلع لان بس أنتم وعمي عناد وريما ونجد تدرون .. أنا الحين أتعالج عشان سالفه الحمل.. والعلاج شوي متعب بالنسبة لي..
وجن: ياعمري الله يتمم عليك..
العنود: ياقلبي وليه مابديتو من قبل مايتزوج عبدالله ..
شهد: نصيب عاد الله يعين .. المهم وين أغراضك ..
العنود:شوفي شرأيك ؟
قعدت تطالع شهد: خقه أغراضك ماشاء الله تبارك الله .. الله يوفقك ..
العنود: فاتك الزفة سويت زفة إليمممممممممممة ..
جابت الشغاله ولد وجن ..
شالته شهد: دلبي عزوز وحشني..
وجن :شوفي يمشي ويطيح ..
ماتوا البنات ضحك على مشيته ..
طاح وبكى ضحكت وجن :بس البكا مو للرجال..
أخذته منها شهد ونومته ..
جلسوا سوالف ووجن لهت مع جوالها ..
وأرسلت لـ رقمه المسجل مسافر وأنت ساكن بالحنايا ..

تدري وش أدعي لا سجدت بـ صلاتي ؟!
الله يجمّعنا عقب طولة غياب !
.
.
.
اليوم الثاني ..
ببيت أبو طلال..
أم طلال كانت بحالة بكا هستيري وهي تضم ولدها طلال .. وتبكي كل قلبها .. جلسته جنبها وهي تبكي وتتفقده ..وتبوس يدها وخده وراسه: ليه ليه ياطلال تترك أمك سنة وشوي لية يانور عين امك وروحها..
طلال يمسح دموع امه ويبوس يدينها: لاتبكين يالغالية .. دمعتك مااتحملها.. آآآآه يمه وحشتيني ..
قامت امه ..:بروح اصحي نجد وسارة وزياد ..أبوك بالمستشفى..
طلال: بطلع معك اصحيهم ..
كانت امه تطالعه وتتفقده رجعت ضمته لصدرها انحنى على امه وكان راس امه على صدره وهي تبكي ودموعها ودموع ولدها اختلطوا ..
طلعت مع ولدها عشان تصحيهم .. :الليلة عرس زياد ..
ابتسم طلال: ياحليل زياد بيأخذ العنود ..
أمه: من قالك ..
طلال: كل أخباركم يالغالية عندي ..
فتح باب غرفة زياد ابتسم: أخس شعنده مغير اللون..
ضحكت امه: راح يسكن هو العنود هنا ..
طلال:محد قده..
صحته امه وهو نايم ..
طلال بصوته الرجولي :زياد قوم ..
ماتحرك..
امه: مافيه اثقل من نوم هالولد..
طلال :زياااااااااااد ..زيااااااد قوم .. اليوم يومك ياعريس..
جلست امه عند راسه :زياد قوم حبيبي شوفي مين موجود..
زياد يحك شعره: يمه برقد ..
طلال: ياشيخ قوم وراك عرس ..
جلس زياد وهو يناظر اللي قدامه صارخ : طلالآلآلآلآلآلآلآلآلآلآلآل..
نقز من السرير وتعلق باخوه ..
امه: زياااد لاتكسر أخوك ..
زياد ناظر أخوه وضمه: وينك .. وين رحت فيه .. يازفت وحشتني..
ضحك طلال: أعشق استقبالك الحلو لي..
ضحك زياد وطالع نفسه مهوب لابس بلوزة البجاما ..
امه: روح خذ لك شاور وبدل والحقنا تحت على مااصحي خواتك..لاتقول لااحد ان طلال جا..
زياد: تدري أن الليلة عرسي..
طلال: عشان كذا عجلت وجيت ..
زياد: وين كنت ؟
طلال : زيود روح جهز نفسك ..
زياد: لنا جلسة ..
طلال: هههههههههه بعد شهر العسل..
زياد: هههههههههههه..
طلع طلال مع امه ..
العصر ..
كانت سارة لاصقة بطلال : وحشتني حيل..
طلال يملس شعر أخته: وأنتي أكثر حبيبه قلبي..كيفك نجد ..
نجد: الحمدلله ..
طلال: عسى دوم .. مبروك على التخرج عقبال الوظيفة..
نجد: الله يبارك بعمرك.. أكيد لازم اشتغل..
أبو طلال كان يناظر ولده وعيونها مغرقة دموع .. ماتوقع يشوفه عقب هالغبية ..
طلال: كيف وجن تخرجت؟
سارة: ايه توها هالسنة ..
طلال: مو مفروض السنة اللي طافت..
نجد: صارت لها ظروف..
امه: ان شاء الله تشوفها وتشوف اللي معها..
ابتسم طلال: وشو اللي معها..
سارة : خله مفأجاه..
طالعت ساعتها: يلة يمه نطلع للقصر ماعاد به وقت ..
امها : كم الساعة ؟
نجد: خمسة ..
أم طلال: يؤ قوموا خل نروح ..
طلال: أنا بوصلكم .. يمه خليتي الشغاله تنظف غرفتي..
امه ابتسمت: ايه حبيبي.. الليلة وجن راح تجي معنا..
ابتسم طلال اشتاق لها كثير الله يعين أكيد راح نلاقي صعوبة مع بعض عقب هالغبية ..
.
.
.
القاعة ..
متعب: وجن بسم الله عليك .. شفيك ؟
وجن: طلال هنا ..
متعب: ايه ..
وجن مسكت راسه وداخت فجأه مسكها أخوها وهو شايل ولدها بعد..
تكت على الجدار: متى جا ؟
متعب: اليوم ..
وجن: وين كان؟ ليه تركني كل هالفترة والليلة جاي..
متعب: وجن هدي أعصابك .. أكيد له ظروفة ..
وجن مسحت دموعها: ظروف .. حرام عليه .. سنة وشوي ظروف..
متعب: وجون لو أدري ماقلت لتس كان خليتها مفأجاه ..
وجن: مفأجاه .. أصلن وجوده مفأجاه ..
متعب: وجن وسعي صدري واستانسي الليلة ..الحين راح أودي عزوز له عشان يشوفه ..
.
.
.

.
.
.
عند الرجال ,,
كان وجود طلال مفأجاه للكل وصدمة أوب طبيعيه ..
جاب متعب عبدالعزيز ولد طلال ..
ابتسم طلال : بسم الله ماشاء الله ..
باسه : أكيد ولد عبدالله ..
ابتسم متعب ..: طلال ماتدري أن عندك ولد .. هذا ولدك عبدالعزيز..
فهى طلال ..:ايش..
عبدالله : ولدك ياطلال لما سافرت كان وجن حامل.. وهذا ولدكم ..
ناظر طلال ولده وطاحت دموعه: عبدالعزيز ..
باس ولدها وطول الوقت معه يبوسه ويلاعبه ..
عبدالله: تراه يمشي ويطيح ..
طلال: بالله ..
دق جوال متعب: وجن عزوز معنا وحيل مستانس .. ايه لاتخافين عليه.. ههههههههه قايمين بالواجب الوالد كل شوي يقول سموا عليه.. ايه تبين الفكة.. ههههههههه .. من عيوني .. سلآم ..
طلال: وجن؟
متعب: ايه توصينا على عزوز.. شف تبي تأخذ حرمتك خذها بس عزوز هذا ولدنا وخر عنه..
ضحك طلال..
زياد: اقول ماكأن الوقت تأخر..
عناد كان توه واصل من السفر دخل وسلم وشاف طلال انصدم بوجوده..
تالي سلم على زياد وبارك له ..
زياد: تكفى توسط لي عند بنت أخوك أبي الحين الزفة تقول الساعه3 الفجر..
عناد: شوفوا الوسطات..
دق على شهد وسولف معها وتالي كلم العنود وقدمت ساعة ..
عناد: الساعة 2 الفجر ورفضت تقدم أكثر..
زياد: الحين ليلة عرسها وش تبي بالحريم ..
عناد: هههههههههههه أنت شعندك مستعجل..
زياد: معرس يبو معرس..
ضحكوا ربعه ..
.
.
.
عند الحريم ..
كانت نجد جالسة مع أم ماجد لآن أبوها قالها أنها جات .. وهي اللي استقبلتها هي وأخت ماجد معياد ..
جات ام طلال وسلمت عليهم ..وجلست معهم شوي .. وتالي قامت ..
نجد: ايه توني هالسنة مخلصة ..
معياد: ماشاء الله تبارك الله ..
جلست تسولف معهم وتالي استأذنت منهم وقامت ..
.
.
.
بغرفة العروس..
العنود: باقي بدري تونا عشرة ..بنات كيف التسريحة ..
صفا: جنان .. بس لو سمحتي ابدي الحين المكياج ..
العنود: لآ باقي بدري..
غدير: ابدي فيها ..
طالعت العنود بصديقاتها وسكتت ..
صفا: ناس مايجون الا بالعين الحمرآ..
العنود: هههههههههههههه ضحكتيني.. بنات صح أغلب البنات يخافون ليلة عرسهم أنا منيب خايفة ..
صفا: تدرين أني حاسة فيك ..
وجن: تستهبلين ..
العنود: لاجد .. احس عاااااااادي الوضع عندي ..
جلسوا سوالف وهسترة..
نجد:فيه شي ياوجن خقق ينتظرك ..
وجن: طلال جا صح
نجد فتحت عيونها زود: وش دراك ؟
وجن : متعب أخذ عزوز عشان يشوفه وقالي..
سارة: عاد شرأيك بالمفاجأه..
العنود: أكيد روعه .. حبيب القلب ..
سارة: أنتي خليك بعرسك..
صفا: وااااككككككككك ..
العنود: حسابنا بعدين ..
سارة: بطلع فيني رقص صفو مشينا..
طلعوا البنات وجلست العنود تلعب بالجوال..
الساعة 12 ..
العنود: بنات حلو الفستان ..
دخلت أم العنود وغطت على عيونها : عنيد وش ذا الفستان ..
ضحكوا البنات على أم عبدالله ..
وجن: يمه عااااتي الليلة ليله عرسها..
امها: ياعزتي لبنتي عزا الله ماسلمت من الحريم .. الله يهديك ..
غدير: يؤ ياخالتي والله أنه طالع يهبل عليها ..
قعدت امها تقرأ عليها وتالي دخلت جدتها كانت راح تنجلط من الفستان..
العنود: يؤ شفيكم تراها بس فتحته الصدر شوي والظهر بس خيط وماسك علي.. وبعدين الطرحة مغطية كل ظهري ..
وجن: ههههههههههههههه ..
سارة : خلاص أهم شي طالع خقه عليها .. يله تبدء الزفة الحين باقي خمس دقايق على الوحدة ..
العنود: ايه يله ..
قعدت العنود تطالع بالمراية : يؤ بسم الله علي آهببببببببببببل طالعه خقق .. تف تف علي..
امها: حتى الليلة يالعنود ماراح تعقلين ..
أم طلال: يازينها مرة ولدي .. تهبل الله لايضرها ..
ابتسمت العنود ..
جلست العنود وكل العيون عليها من جمالها ماشاء الله تبارك الله ..
سارة: تدرين نورة ماجات..
العنود: جد ..
سارة: ايه ..
جاو صديقاتهم وقوموا العنود عشان ترقص معهم ..
رقصت شوي وتالي نزلوا البنات عشان زياد راح يدخل .. دخلوا أخوان العنود وأبوها وأعمامها..
العنود استحت من فستانها عشان أبوها وأخوانها وأعمامهم سلموا عليها وطلعوا بقى زياد ..
زياد كان يناظرها ولابعيونه حيا من الناس باس خدها..
العنود: خلاص زياد قبل شوي بست راسي والحين خدي وش باقي بعد عيب عشان الناس..
زياد ابتسم: قومي عشان ماسوي مصيبه هنا..
العنود: شراح تسوي ؟
زياد: تعرفين الافلام الاجنبية اسوي نفسهم ..
العنود: وجع ماتستحي أنت..
زياد: اللي يشوف هالفتنة قدامه كلها يستحي.. (يسايسها)يله حبيبتي ..
العنود ناظرت سارة وجات لها ..
العنود: كم الساعة ؟
سارة: وحده ونص ..
العنود: باقي 2 الزفة ..
زياد: الحين الزفة روحي ياسارة خليها تجهز ..
وقف واضطرت العنود توقف معه ..
.
.
.
الفندق..
العنود حست بخوف داخلها وكرهت عمرها على الفستان اللي اختارته هي وصديقاتها..
زياد كان جالس ويناظرها..
العنود كانت حاطة يدينها بحضنها : ليه تناظرني تسذا؟
زياد: زوجتي..
العنود: قلتها زوجتك موب فيلم ..
قام وجلس جنبها : شوفي واقسم بالله ماشفت أجمل ولا أفتن منك في هالحريم كلهم ..
ناظرته: لية كم حرمة تعرف أنت ؟
زياد: ناسية أني كل مرة اسافر وبالمستشفى عندنا أنواع الدكتورات والممرضات والمريضات بعد ..
العنود: تعرف تغازل ماشاء الله ..
زياد: لالا ماحب حركات المغازل .. بس بجد أشوفهم بس أنتي حاله استثائية..
العنود: طيب أبي اقوم ممكن تبعد .. والصوفا ضيقة ماتسع اثنين ..
زياد: طيب وسعتنا ..
العنود وقفت ..
وقف معها :لبآ قلبك بس ..
العنود: اوف بعد عني..
زياد: لا..
العنود: طيب الفستان ضيق ومضايقني ابي انزله..
زياد: بس حلو حيل وعاجبني .. لحظة ..
راح فتح شنطته وطلع الكام وجلس يصورها ..
العنود: الحمدلله المصورة قبل شوي ماقصرت..
زياد: بس الصور ذي عندي .. وبعدين أنا محترف تصوير..
وقف جنبها ولقط لهم أكثر من صوره ..
العنود: خلآص..
طبع بوسة :ايه خلاص..
ساعدها عشان الفستان والطرحة..
العنود: اطلع ..
زياد: لاتسكرين الباب ابعطيك الثقة .. حركاتكم يالبنات اسكر الباب عليه ومدري وشو لا اشوفها..
العنود: اشوف عندك خبرة ..
ابتسم ورجع لها مسكها مع خصرها: أكيد لازم اطلع على كل شي .. أجل اكون مفهي..
العنود: حشا موب يدين فك..
زياد: ههههههههه أعشق النعومة..
العنود: اطلع برآ ..
زياد دنق :وشو ماسمعت ..
العنود : اطلع برآ..
زياد: سمعت بس منيب طالع ..
العنود ضاقت من أنفاسة وريحه عطره العود :زياد خل الليلة تعدي على خير..
زياد ضحك بصوت واطي : ودي بس مقدر مقدر ..
العنود سمهلت برمشوها: عشاني أنا اقدر فديت زياد وكل ناسه ..
دنق أكثر ولمها: فداك زياد يافتنه الكون..ابطلع ولاتبطين ..على مااطلب العشا..
العنود تجاريه: تامرني أنت ..
طلع عقب ماكانت راح تنفجر فيه ..
.
.
.
القاعة ..
أم عبدالله : خلاص هي أم زوجك .. ويبون عزوز يتونسون فيه ..وحتى يابنتي طلال رجلك وأكيد الحين راح يأخذك ..
وجن: طلال حسابه معي..
أمها: وجن الله يهديك .. خبري فيك عاقلة .. اسمعيه وشوفي وشهي ظروفة .. يابنتي أبوك وأخوانك مهم دايمين لتس..
جات ام طلال: آآآآآآآآه تعب..
ام عبدالله: ايو الله .. الله يوفقهم ..
شهد لبست عباتها:عن اذنكم بطلع..
عمتها: شهد تعبانة شي؟
شهد: لا الحمدلله .. بس شوية ارهاق..عمتي عبدالله يقول الحين يبروح ..
قامت عمتها ولبست ..
ام طلال: يله ياوجن..
شالت سارة ولد أخوها وطلعوا..
عند باب القاعة ..
أم عبدالله: شهد ماراح تجين مع عبدالله ؟
شهد : لآعمتي بروح مع عمي عناد هو راح يوصلني..
عمتها: عشان أنفال معه ماراح تروحين ؟
شهد: لا .. بس من زمان عن عمي ..تصبحين على خير..
ركبت مع عمها وحرك سيارته ..
بسيارة عبدالله كانت امه قدام وأنفال ورى ..
أم عبدالله: وين أبوك وأخوانك ..
عبدالله: الوالد وكل أعمامي واخواني طلعوا قبلنا ..
سكت كان يفكر بـ شهد زعلها ولهى عنها من البارح بس هي اللي بدت أجل تتركة شهر ..
.
.
.
بسيارة طلال..
وجن كانت ساكته وتناظر بس بطلال اللي يسوق ويسرق النظر لها .. وهي دموعها بللت غطاها..
أم طلآل: كيف العرس عندكم؟
طلال: صراحه رهيب.. وفيه ناس كثير جاو ..
سارة: طلال شعورهم لما شافوك..
طلال ضحك: تقولين ماكنت حي .. الكل مصدوم ..
كانت وجن تسمع صوته ومخها مشوش من الضيقة اللي بقلبها والحزن اللي خفله لها طلال سنة وشوي وهي تتنظره تبي بس امل يقولها انه عايش ..
أما نجد كانت ساكتة وحاسة بضيقة كاتمة أنفاسها ..
وقف طلال قبال الفيلا ..
نزل وشال ولده من أخته ..
أمه: طلال لاترفع الولد بالليل بسم الله عليه ..
كان يضحك ولده: شكله يحب السهر..
نجد: بالقوة ينام .. مجنن وجن..
دخلوا لداخل الفيلا..
دخلت وجن للمغاسل الداخلية مسحت دموعها ..
دخلت نجد ..: وجن ادري صعب اللي صار.. بس اسمعي طلال وعطية فرصة..
طاحت بحضن بنت عمها وبس تبكي..
خلتها بحضنها الين هدت..
طلعت نجد من شنطتها مناديل ومسحت المكياج السايح ..:تعالي معي لفوق عشان تأخذين ملابس..
وجن: اصلن منيب مطولة هنا .. بس عشان عمتي ماحبيت أزعلها..
نجد: تكفين وجن اسمعي طلال.. تكفين ..
وجن: الحين كيف راح اقعد معه هذا اللي منيب مسوعبته..
دخل طلال للمغاسل وطلعت نجد ..
كانت منزلة راسه .. ضمها لحضنه واستسلمت للبكا: ليه تركتني..
طلال: شوفيني الحين معك .. وهذا اهم شي..
وجن: معي عقب وشو ..
طلال: تعالي نطلع لغرفتنا ..
بغرفتهم ..
طلال كان يناظرها بمتعن : تغيرتي كثير..
وجن تسمح دموعها :أنت ليه تركتني بعد اسبوع من زواجنا ؟
.
.
.

الجزء الحادي عشر ..

غرفة طلال ووجن ..
طلال :وجن عيوني لاتسأليني عن الماضي..
وجن تنرفزت:كيف مااسألك ؟ وأنا شريكة معك فيه .. أنا تحملت من كلام الناس ماتتحمله نفس.. بعد عرسنا باسبوع تتركني ولاتترك خبر..ليه ؟شذنبي..!
طلال: وجن الكلام بالماضي ماراح يفيدنا بأي شي..
وجن: ماراح يفيدنا .. وأنا .. أنا اللي ضاعت سنة وشوي من عمري كلها هم وحيرة وانتظار.. أنا ضعت من بعدك تحطمت.. بتركك لي معنى هالشي أنك ماتبيبي .. حرام عليك ليه سويت فيني كل هذا.. ليه دامك ناوي تتركني كان ماتزوجتني من الاساس .. أحد مسوي لك شي قلت انتقم فيه من وجن..جاوبني لاتناظرني تسذا..
طلال مسك كفوفها الباردة:وجن الماضي لاتفتحية .. لان ماراح اتكلم فيه ابد ... اسف على الغبية واسف على الجرح .. واسف على كل شي..
وجن ناظرته: وبكل بساطه تعتذر عن غبيتك .. يالله ....
دق الباب وكانت سارة معها عزوز..
طلال: تفضل ..
فتحت الباب تروعت من شكل وجن شكلها باكية الين ملت وطلال شكله ضايق..
سارة: آمممم عزوز شكلة جيعان ويبي ينام ..
وجن: أغراضة مع نجد خذيها منها الله يخليك والحين أنا جاية ..
سارة: عاااتي خليه ينام معي..
وجن: تسلمين عيوني .. بس شوي وجاية ..
طلعت سارة مع عزوز ..
طلال: روحي خذي لتس شاور هدي فيه أعصابك ..
وجن: ماراح تهدى أعصابي الين اعرف وين كنت فيه طوال هالغيبه ..
طلعت من الغرفة ..
جلس طلال على الصوفا وسند راسه ..
بغرفة نجد خذت لها شاور وجن ولبست بجاما من ملابس نجد ..
كانت سارة على لابها وتشوف مسلسل كوري مع عزوز ..
نجد تبي تضحك وجن بأي طريقة: شوفي تعلم ولدك من اليوم على المسلسلات الكورية ..
ابتسمت وجن: هو خربان خلقة دايم يشوف مع العنود ويتابع كورة مع العنود وفواز ..
نجد: خطير الولد..
وجن: مرآ.. تكفين سارة توني مبدلة له مايبه يأكل ..
سارة: ههههههههههه شوفي يحزن..
وجن:ههههههه لاخليه وبعدين يختي خايفة على اسنانة .. وهو عيار موب جيعان تو مرضعته ..
دق الباب ودخل طلال..جلس جنب وجن وسولف مع خواته ووجن كانت ساكتة ..
قام شال عزوز :يله وجن ..تصبحون على خير..
اضطرت تقوم ..
بغرفتهم حطت ولدها بحضنها وطلال يناظرهم وساكت.. تحرك عزوز جلست وجن :أوف منك ناااام هنا مافيه فواز ..
طلال: ليه ماينام الا مع فواز؟
وجن: فواز يلاعبه الين ينام ..
تربعت على السرير وحطت ولدها على رجولها وقعدت ترتب على ظهره وهو ينقلب ويطالعها ..
وجن عصبت: عززززيززززز نام ..
ابتسم طلال:هاتيه انا بنومة..
وجن: لاخلاص هو راح ينام الحين ..
سكت طلال وهو ميت فيها وهي تنوم عزوز .. شوي وغفى عزوز ونااام..حطته جنبها وانسدحت ..
طلال: راح تنامين ؟
وجن: ايه..
طلال: وجن بعدك زعلانة..
وجن: لافكرت تقول لي سبب غبيتك حينها تنفاهم ..
طلال: وجن انسي اقولك .. صعب ياوجن .. لو أبي اقولك كان أخذتك معي..
جلست وصوته صار فيه بحة من كثر البكا: أجل انسى أكمل حياتي معاك..
قامت من السرير وقام معها طلال ..
وجن: طلال لاتلمسني بليييييز ..
طلال دنق وحط ذقنه على كتفها: ليه ؟
وجن: اللي سويته خل مالك أي حق فيني ..
طلال: وجن حتى لو تركتك بعدنا متزوجين ..
وجن: لو آيش.. مع اللي سويته يحق لي ارفع دعوى طلاق وراح اتطلق بسهولة ..
طلال: تغيريتي ..
وجن ضحكت باستخفاف: أنت ماقعدت معي اصلن عشان تحكم أني تغيرت أو لا.. !
انا على حطة يدك ما تغيرت !!
بس انت قلي وش سبايب غيابك؟؟

نسيتني والحين يعني تذكرت !!
ولا الهوى من دون تدري مشى بك ؟؟

ولا على خل يحبك تكبرت !!
ولا زمان كان ضـدي غدابـك ؟؟


الله لو تدري بعدكم كم تحسرت !!
باسباب ما عانيـت انا من عذابـك !!

ليتك علي في غيبتك يوم سيرت !!
وتــشوف شوقـي كيف كان لجنابك !!




طلال: لا اسبوع عرفتك فيها..
وجن: اسبوع..آه بس..
تحرك عزوز راحت له وجلست جنبه عشان مايطيح من السرير..
طلال: طيب نامي ارتاحي..
وجن: مافيني النوم..
طلال: قبل شوي كنتي راح تنامين..
وجن: قبل شوي كنت والحين مابي..
طفى النور طلال وشغل الابجورة..
طلال: بصراحه أنا ميت تعب .. بناااااام .. نامي وعليك امان الله ..
ماردت عليه ..
.
.
.
شقة عبدالله وشهد ..
كانت شهد مع عمها .. توها دخلت للبيت .. بس ماشافت عبدالله .. سكت وراحت بدلت الفستان ومسحت المكساج وتالي خذت لها شاور ..
طلعت وجلست تنشف شعرها ..
سمعت يأذن للفجر..
قامت وضت وصلت السنة والفرض .. بعد ماخلصت الصلاة سمعت الباب ينفتح ..
كان عبدالله دخل وسلم وجلس: مابعد نمتي..
تغطت: بنام الحين ..
عبدالله:سوي لي أي شي ساخن..
جلست: شتبي؟
عبدالله: أي شي..
غالبت الامها وقامت ..
كان عبدالله بالصالة على tv .. نزلت شهد الحليب الساخن ..
عبدالله: بزر تجيبن لي حليب..
شهد: أنت قلت أي شي..
عبدالله: أي شي مو حليب..
جات شهد تشيله وعبدالله راح يبعده عنه انكب على يد شهد من داخل وحليب كان ساخن..
شهد بسرعة طاحت دموعها:آآآآآآح..
فز عبدالله: اسم الله عليك.. لحظه ..لحظه..
شهد :بعد ..
مشت للمطبخ وعبدالله وراها ..
عبدالله مسكها: أجلسي أنا راح اجيبه ..
شهد :لا بعد ..
فتحت الثلاجة ويد عبدالله سبقتها على الكريم المضاد للحروق..
غسلت يدها وعقمتها ..
عبدالله: شهد بلاعناد .. أنا بحط لتس..
شهد: يرحم أهلك كلهم خلني أنا متعوده اسوي كل شي بنفسي.. أنا مو مثلكم .. أنت عندك امك وابوك واخوانك كان أذا صار لك شي الكل يجي لك ويضمد جراحك .. بس أنا لا.. أنا مااحد يضمد جراحي غيري..
الجم عبدالله كلامها وسكت..
أخذت الكريم وقعدت تحط لنفسها وعبدالله طلع من المطبخ ..
جلست وتالي سوت له كوفي..
دخلت للصالة ونزلته له..
عبدالله: ليه سويتي؟
شهد: مو تبي..
عبدالله: لا .. وبعدين توك منكب عليك الحليب..
شهد: بروح انام ..
مشت للغرفة وحطت راسها ..
دخل عبدالله .. وقفف قبال الباب ويناظرها ..

معقـــولہ ..!
صــار النـوم يأخذگ منــي ..!
صـرت احســدہ عشـانہ يسگن بـ عينگ وانت الوحيد اللي بگـلہ سگني..!


.
.
.
بيت أبو طلال..
كانت تناظر طلال وولدهم نايمين .. غطتهم زين وطلعت من الغرفة .. جلست الين الساعة عشر بالصالة على tv نزلت عمتها وعمها.. جلست معهم ..
عمتها: أجل وين طلال وعزوز..
وجن: نايمين ..
أبو طلال:كيف طلال مع عزوز ..
وجن: تمام.. عن اذنكم بروح اصحي طلال عشان صلاة الجمعة..
ام طلال: اذنك معك ..
بغرفتهم ..
وجن: طلال..
تحرك ببطء..
وجن: طلال قوم اليوم جمعة..
جلس طلال وشاف ولده نايم على بطنه : عليه نومه..
ابتسمت وجن..
طلال: وجن خلي الخدم يكون الثوب والشماغ..
وجن: ان شاء الله ..
طلعت وخلت الخدم يكون الثوب والشماغ ..
طلع طلال وهو ينشف شعره :خليه ينام ..
وجن: ماراح ينام بالليل جنني..
طلال: حرام شوفي شكلة..
كان ولدهم يحك وجهه وباين لاعب فيه النوم..
وجن: مهوب مجنن الا أنا..
قامت سبحته وجلست تلسبه ملابسه الداخلية وهو يضحك ..وكان دب ويأكل يده .. كان طلال يركب الكبك ..:ياروح ابوه.. الله يحفظك..
خلصت تلبسيه.. وشالته..
طلال: عطيني..
حط راسه على كتف امه ورفض..
طلال دنق: عزوز أنا بابا هاتيك..
تمسك بـ أمه أكثر..
وجن: خله هو لما يصحى دايم حاله تسذا.. حتى خواله يرفض يجلس معهم ..
طلال مسك خدوده: أخلاقك يابو الشباب ..
ابتسمت وجن ونزلت مع طلال تحت .. باس طلال راس امه ويده وابوه.. بخرته امه ..
أبو طلال: الله لنا ..
ضحكت ام طلال: فديته عيون امه خلني ابخر حبيبي ..
خلصت تبخير طلال وتالي بخرت أبو طلال..
.
.
.
بعد الظهر..
العصر..
العنود قامت من النوم .. ناظرت المكان حولها مو غرفتها .. ناظرت الشخص اللي نايم جنبها .. :زياد قوم..
قامت من السرير وشافت 4 العصر.. أخذت لها شاور وتالي صلت العصر والظهر..
العنود: زياااااااااااد ..
ماتحرك..
العنود: زيااااااااااااااااااااااااااااد .. زيااااااااااد وجع قوم..
راحت جففت شعرها ولمته كله ورجعت عشان تصحيه ..ماقام .. خذت كوب ماي وكبت شوي عليه .. فز زياد ..
العنود كانت مروقة: قوووووم ..
زياد: ليه اقوم ..
العنود: قوم صلي الظهر والعصر..
تحرك من السرير:حضري ملابسي..
العنود: ملابسك حضرها بنفسك .. أنا ماعرف.. يالله ويالله احضر ملابسي..
زياد يدور بلوزة البجاما وصوته كله نوم: عنود حضري ملابسي بلا عناد..
العنود: تفهم عربي قلت لك ماعرف..
طلعت للصاله ..
ودخل زياد يأخذ له شاور وطلع ومالقى ملابسه راح فتح شنطته ورجع يلبس :طيب يالعنود ..
صلى وجلس جنبها: أنتي ليه ماحضرتي ملابسي..
العنود: شغاله اهلك .. عشان احضر لك ملابسك.. أحضرها بمزاجي أما أنك تقول حضريها لا تحلم بهالشي..
زياد: العنود خلينا حلوين .....
قاطعته العنود: ليه طال عمرك .. شراح تسوي.. ها ؟ليكون تبي تجبرني احضر ملابسك.. أو راح تضربني..
قامت من جنبه: لاتفكر تملي علي الاوامر ..
زياد: لا راح اتأمر وانهي.. أنتي زوجتي ياحلوة.. (يبي ينرفزها) شريتك بفلوسي..
تكتفت وناظرته: أنت حفيت عشان تأخذني حط هالشي ببالك زين.. وفلوسك ارميها لك على جزمة .. زياد لاتفكر تستفزني ثاني مرة ..
وقف : ماحفيت عشان جمالك لآ ياحلوه أنا بغيتك لحاجه في نفس يعقوب.. وراح أعدلها مع الايام ..
العنود: وشو هالحاجة..
زياد: راح تعرفينها مع الايام..
العنود: ماتهمني .. لآنك بكبرك ماتهمني..
زياد: تدرين وش مشكلتي مااستحمل كل هالزين قدامي .. عشان تسذا قاعد امرر لك أشياء كثيرة مهيب عاجبتني..
العنود رفعت يدها لذقنه ومررتها: مش مشكلتي أنك ماتستحمل..
زياد مسك كفها وباسه: بجد مش مشكلتك لان الجمال نعمه من الله سبحانه..
العنود : طيب أنا جيعانة..
زياد انهبل منها وهي هادية : يخسى الجوع .. امريني بس وش تبين غدا..
العنود: أبي يبتزا.. وبيبسي..
زياد: بس..
العنود :بس..
زياد: الحين راح اطلب لتس..
بعدت عنه وجلست على tv .. طلب لهم ورد جلس جنبها ..ناظرته وتالي شافت الاخبار الرياضية وقعدت تناظرها بحماس وخاصه لما جات اخبار عن الهلال..
زياد: العنود أبيك تتركين تشجيع الكورة..
العنود: مستحيل..
زياد: لامو مستحيل..
العنود: أنا اعشق الكورة .. أحب الهلال مووووت ..
زياد: الحين أنتي متزوجة ..
العنود : وأذا يعني؟
زياد: يعني الوقت اللي تقضينه بمتابعة الكورة خليه لي..
العنود: أنا والهلال روحين داخل روح وحده.. مستحيل تنفرق..
زياد : حشى كأنه انسان ..
العنود: مهو روحي.. قوم الباب ..
قام وجاب الغدا ..
جلسوا يتغدون ..
العنود تتغدا: آممم تيب متى راح نسافر؟
زياد: ست المغرب.. ترآ أول شي ايطاليا ..
العنود: ايطاليا.. آنت مو قلت سويسرآ والنمسا وكوريا..
زياد: غيرت رأيي..
العنود: وليه ماقلت لي..
زياد: اللي يعجبني أكيد راح يعجبك ..
العنود : مشكلة ..آآآآآآآآآآآآآآآآآآآآآآآآآآآآآآآآه (صارخت بحماس)
زياد غص بالاكل: شفيك ؟
العنود: شجن صديقتي في أيطاليا ..
ضحك وكمل اكل ..
.
.
.
بيت أبو طلال..
غرفة طلال ووجن ..
وجن: ملابسي وملابس عزوز كلها هناك..
طلال: راح نروح لبيتنا بس يبي له تنظيف ..
وجن: طلال قلت لك ياأنك تقول لي سبب غبيتك أو أنسى وجن وعبدالعزيز..
طلال: سبب غبيتي أنا مااحب اسولف فيه بين نفسي وبيني فما بالك اقول هالسر لاحد..
وجن: أجل الله يعوضك خير فينا..
طلال مسك يدها: اجلسي ..
جلست وولدها بحضنها ..
طلال: الماضي حتى لو عرفتي عنه ماراح ينفع .. هو راح .. أنا صاحبه مااحب اتذكرة .. انسيه مثل مااأنا راح أنساه..
وجن: انسااااه.. ياسهل هالكلمة ونطقها عندك ..وصلني بيت اهلي..
طلال: راح نرجع من بيت عمي لبيتنا.. لان الخدم الحين فيه ينظفوه..
شال طلال عبدالعزيز وشالت أغراضها واغراض ولدها ..
نزلوا تحت ..
أم طلال: راح ترحون بيتكم ..
وجن: لاعمتي بروح بيت أهلي..
طلال: وتالي نروح لبيتنا..
امه: الله يوفقكم..
سلمت على عمتها والبنات وطلعت..
بسيارة طلال..
وجن: طلال لاتناقشني بالموضوع .. على مااعتقد تناقشنا وسمعت شرطي للرجعة..
طلال باقي صابر :وأنتي سمعتي ردي..
وجن: خلاص أجل..
وقف بداخل حوش الفيلا ..
نزلت وجن وطلال ..
شال طلال عبدالعزيز..
طلال: فيه أحد غير عمتي؟
وجن: لا ..
دخل معها وسلم على عمته وعمه ..
نزل متعب وشاف عبدالعزيز ركض وشال وهو يرفعه: ياشين البيت من دونه..
سلم على اخته وطلال..
متعب: ياحلوين انسوا عزوزي..
أم عبدالله: ياشين البيت من دونه..
ابتسم طلال..
وجن: راح نجلس أنا وعزوز معكم ..
ناظرها طلال وسكت..
استغربوا أهلها..
.
.
.

.
.
.
الطيارة ..
العنود: وش قالوا لك بزر اخاف من الطيارة ..
ابتسم زياد : عاد هذي حركاتكم يالبنات..
العنود: البنات الخكريات ..
زياد ابتسم : وأنتي فيك دلع ونعومه لاكن مخفيته بشخصيتك العنيدة.. بس تدرين راكب عليك اسم العنود حيل..
العنود: مشكلة اللي يحلل الشخصيات..
زياد: العنود ترى أبي مره بنت اثنى.. استحي مني ودي اقول كلمه وماتردين علي فيها بالمثل..
العنود: تحلم بذي..
زياد: طيب الحين لو سكتي شراح يضرك..
العنود: زياد ممكن أنت تسكت عني.. لانك من البارح مجنني.. حشا ماشفت بنات ..
زياد ضحك وبهمس أكثر من الهمس اللي كان بينهم: شفت بس أنتي ياحلوه زوجتي ..
.
.
.
شقة عبدالله وشهد ..
قامت من النوم وهي تناظر يدها فيها لون أحمر بس ماتألمها لانها حطت كريم الحروق ..
وضت وصلت العشا .. وفتحت لاب توبها وقعدت تطلع على شغل البنوك وطبيعته ..
دخل عبدالله سلم وجلس جنبها على السرير ..: كيف يدك ؟
شهد: الحمدلله ..
تفأجات بدمعته طاحت من عيونه على كفها اللي كان ماسكه..
عبدالله: سامحيني يانظر عيني ..
تركت الاب على جنب ومسحت رموشه :أنت روحي ماسويت شي.. عبدالله تكفى أنت مصدر قوتي بعد الله سبحانه وتعالى خلك قوي عشان ماانهار ..
ضمته لصدرها واحتوته ..مثل احتواء الام لطفلها .. كانت تبوس راسه وشوي تلعب بشعره وهو ساكت حاس براحه ..:من شهر عنك .. لاليلي ليل ولانهاري نهار.. ليه تركتيني كل هالمدة .. اهون عليك .. شهد أنتي تعرفين أنتي ايش بالنسة لي ..
شهد: عبدالله كنت لازم أروح ..عشان ماتزعل جدتي.. وأهل أمي بعد من زمان عنهم .. وبعدين قلت نبعد عشان نشتاق لبعض أكثر..
قالتها وهي مبتسمه..
عبدالله بعد عنها وجلس يناظرها: أنا اشتاق لتس وأنا بحضنك .. أجل كيف تبعدين عني شهر..
شهد تلعب بشعره: طال شعرك ..
ابتسم: صرت مهمل كل شي..
كملت لعب بشعره وهي تناظره وعبدالله يبادلها النظر..
شهد: كيفك مع أنفال؟
عبدالله: مدري عنها..
شهد: ماكنت تنام عندها..
ابتسم: ترى لما كنت اقولك كنت بشقتنا.. بس حبيت انرفزك وأخليك تغارين عشان تجين عندي..
شهد: ياشينك بس..
جلس : جد ياشيني..
ضحكت : اقول راح اطلب الحين عشا شتبي..
عبدالله: ياحبني لتس وأنتي تصرفين ..
شهد:ههههههههه.. عبود اجلس ..
قامت وقام معها .. دق عبدالله وطلب لهم ..
شهد: لاتنسى ماري ..
لف لها وبقلبه فديت الحنونه..
.
.
.
ببيت أبو عبدالله ..
بالمجلس..
وجن: قلت لك منيب رايحة معك ..
طلال: وجن لاتصعبين الامور..
وجن: أنت بطريقتك صعبتها ..
طلال : أنا تعبان من السفر ومرهق أبخليك هنا فترة أتمنى تراجعين حسابتك.. لان أكيد ماراح تضلين دائما ببيت عمي.. عزوز لازم يتربى بيننا..
وجن: توك تفكر بـ عزوز..
طلال: وأنا شيعرفني أن عندي ولد .. وأنك حملتي..
وجن: تدري لوما عزوز ماكان رجعت وباقي لك زوجة اسمها وجن..!
طلال: وجن تهقين تركتك تسذا؟ وجن أنا فيه ظروف حدتني أتركك.. بس حبيت أقضي معك وقت وتكونين زوجتي.. وجن بليز افهميني..
وجن: طلال لا فكرت تقولي سبب غيبتك تدل هالبيت .. عن اذنك..
طلال طالعها شوي ..: وين عزوز ؟
وجن: مع فواز..
طلال: تصبحين على خير.. راجعي نفسك وقرارك..
وجن: يصير خير..
.
.
.
الطيارة ..
العنود: مليت..
زياد: قربنا نوصل..
العنود: طيب فيني النوم..
زياد :ياجعلني .. حطي راسك هنا(يأشر على صدره)ونامي..
العنود:لاماابي..
ابتسم زياد وقربها له لان باين النوم لاعب فيها وهي تعاند .. قعد يسولف عليها وتالي حس أنها نامت لهى من مجلة طيبه وقعد يقرأ فيها الين وصلوا..
زياد: عنود قومي وصلنا..
تحرك وربط لها الحزام لان الطيارة راح تهبط ..هبطت الطيارة وانتظرت شوي وتالي قامت ..
كانت لابسة جنيز وبلوزة طويلة عدلت حجابها وطلعت..
كان زياد يناظرها وهي ميت غيره .. خز في شباب يناظرون وتالي نزلوا من الطيارة ..
بالفندق..
دخلت النوم ورمت نفسها على السرير ونامت..رمى زياد نفسه جنبها ونام ..
.
.
.
اليوم الثاني الصباح ..
قامت العنود ووضت وصلت الفجر وتالي صحت زياد ..
صلى وجلس جنبها..
زياد: وين تبين نروح؟
العنود رجعت راسها على الصوفا: أنا ماعرف أنت تولى امر ايطاليا وسويسرآ ..وأنا كوريا..
زياد: قومي البسي خل نطلع..
قامت بدلت ولبست لبس ساتر ..وطلعوا..
دق جوال العنود ..
زياد: جوالك يشتغل هنا..
العنود: ايه فعلت الخدمة..
ردت وقعدت تسولف وتضحك من كل قلبها ..
زياد كان مفهي فيها وهي تضحك .. كانوا جالسين بمطعم عشان يفطرون .. سكرت العنود ..
زياد: مين؟
العنود: شجن صديقتي..
زياد: اها..
العنود: ترى هي هنا.. وأبي أشوفها ..
زياد: ليه هي هنا؟
العنود: لان زوجها يشتغل بالسفارة السعودية هنا..
زياد: بوديك بس لاتطولين معها..
العنود: لا بجلس معها من تخرجنا من الثانوي وأنا ماشفتها لي يمكن سنتين ..
زياد: لا.. ترى معاريس..
العنود: ويعني معاريس نقابل بعض.. هذي روحي وعمري وبجلس معها طوال فترة جلسونا بايطاليا ..
ناظرها زياد: موب صادقة ..!
العنود ابتسمت: من متى المعرفة عشان امزح..
زياد: هههههههههه بنت
العنود ضحكت وحبت تجننه : ياروح هالبنت وعنونها..
فهى فيها وجلس يناظرها..
العنود: شفيك ؟
زياد: خليني بس اتأملك واسكتي..
العنود: من عنوني ..
عرفت شلون تجيبه عندها وتغرقه في بحرها ..
دق جوال العنود وكانت سارة ..
ردت وجلست تسولف معها.. وتالي عطتها زياد ..
سكر وعطى العنود الجوال ..
زياد: سكري جوالك ..
العنود: نو .. أوب مسكرتها ..
زياد: وليه؟
العنود: جوالي كيفي ..
زياد: طيب أنا مسكر جوالي..
العنود: جوالك وأنت حر فيه ..
زياد: وأنتي نفس جوالي وأنا حر فيك..
العنود: قول ق بس.. المهم وين الفطور؟
زياد ناظرها بنظرة وتالي قام يشوف الفطور..
.
.
.
الرياض..
المستشفى..
شهد: طيب فيه أمل..
الدكتورة: أكيد فيه امل..
شهد: طيب أنا قريت أن لو تم حمل ممكن أجيب توأم..
ابتسمت الدكتورة: ايه ممكن .. لآنك الحين تأخذين علاجات تساعد مع الابر.. والحمدلله وان شاء الله قريب نفرح بخبر حملك..
عبدالله: ان شاء الله..
.
.
.
شقتهم ..
شهد: عبدالله ترى قدمت أوراقي بالبنك..
عبدالله: متى؟
شهد: الاسبوع اللي طاف..
عبدالله: شهد أنا مومقتنع بالشغل..
شهد: عبدالله ..أنا من قبل قايلة لك راح اشتغل..
عبدالله: بس أنا منيب مقتنع..
شهد: عبدالله ماتعبت واجتهدت عشان اجلس بالبيت ..
قام عبدالله عشان راح يروح الشغل.. :لارجعت تنفاهم ..
شهد: المقابلة بكرة..
عبدالله : لارجعت من الشركة تنفاهم..
.
.
.
العصر..
أبو عبدالله: ماعندنا بنات يشتغلون..
شهد سكتت ..
عمها: الله يرضى عليك لاتحطين هالامر في بالك ..
شهد: عمي أنت على عيني وراسي.. بس هالامر أنا استخرت وارتحت.. ومقابلتي بكرة..
عمها: بس أنا منيب موافق..
شهد: أنا استخرت ربي ودلني للطريق ..
وقفت..
عمها بحده: أنا كبير العايلة وكلمتي هي اللي تعتمد..
شهد: على عيالك ياعمي .. مهوب أنا.. أنا الحين كبرت وقرارتي أنا مسؤوله عنها.
عمها: عبدالله شوف مرتك ..
عبدالله ماهو مقتنع بالشغل اساس : شهد أبوي معه حق..
شهد: عبدالله رأيي قلته لك والحين اقوله لعمي شغل راح اشتغل بأذن الله..
عمها: وأنا أبو العنود .. تكسرين كلمتي..
شهد: لآ عمي.. بس ماهو كل امر يتنفذ.. وبعدين أنا مع احترامي منيب من عيالك عشان ترغمني على أي شي أنت تبيه .. عن اذنكم ..
طلعت لشقتها ولحقها عبدالله ..
عبدالله: شهد شفيك أنتي..
كانت جالسه وحاطه يدينها على جبهتها..: أنت تنفذ كلام عمي لانه أبوك .. بس لايغركم أني ساكته يعني ضعف شخصية لا ياعبدالله .. أنا الى الان ساكتة لانه عمي.. ترى ماجاني للان كفاني .. وشغل راح اشتغل..
عبدالله: وش اللي جاك؟
شهد: ماتشوف من حولك أنت .. عمي كأني عدوته منيب بنت أخوه.. لما تزوجنا قلت لك نطلع لبيت وحدنا قال لا عندي شقة فوق وبالعايلة قانون لما تتزجون تسكنون عند الاهل .. والحين أخواتك تزوجوا وكل وحده فيلا وحدها.. ! ..
سكتت شوي وعبدالله يناظرها..
شهد: خلني ساكتة تكفى..
عبدالله: تبين بيت وحدك طيب..
شهد: الحين عمي راح يوافق..
عبدالله: أذا تبين من عيوني..
شهد: تدري راح يقولك عمي وأنفال .. وأبيكم تضلون عندي.. وكلام كثير..
عبدالله : ماعليك راح اكلمة وادور لنا فيلا..
شهد: كأني من الحين اسمع الرد ..
.
.
.
ايطاليا..
العنود: زياد بس..
زياد: لا..
العنود قامت من جنبه ..سحبها لحضنه وجلسها ..
العنود: افففففف زياد ..
زياد: وشو اللي آف ..
العنود: منك .. زياد خل نطلع..
زياد: تو راجعين ..
العنود حوطت يدينها برقبته : خل نطلع..
وقف وشالها : لو تبين نروح الصين امشي بس ..
فجأته لما باسته..
زياد كان شايها بيد ويتحسس خده بيده الثانية..
العنود بدلع: شفيك..
زياد يأشر لها على خده الثاني ..
باسته ..
زياد باسها بقوة على خدها ..
بوزت: لآ خدي الحين لما نطلع بيكون أحمر..
زياد: خلي نهون عن الطلعه يكون احسن..
العنود: أنت ماتبي تطلع..
زياد: لعيونك اطلع..
العنود: مرهق..
زياد:شويات..
العنود: أجل بكرآ لاحقين صح..
زياد : أكييييد لاحقين..
العنود: يؤ بروح اكلم شجن نزلني ..
زياد: وين انزلك..
العنود: الارض ..
زياد: ليه؟
العنود: ماتشوف نفسك شايلني.. يله نزلني زيااااد..
زياد: لآ..
العنود: زياااااااد..
زياد: تدلعي يازين الدلع عليك بس..
العنود ناظرته أكثر: نزلني..
زياد: ههههههههههههههههه منيب منزلك..
العنود بوزت..
قرص خدها بقوووة وتالي باسها : أكلك ياناااااس عليها..
العنود كانت حاقدة عليه لان خدودها تعورها ..ضحك زياد وحط راسها تحت رقبته :ياجعلني فدوة لها
.
.
.

الرياض..
ببيت أبو طلال..
كان طلال جالس مع نجد بغرفته ويسولف معها..
طلال: عموما أتمنى ماتأثر عليك التجربة .. كل شي وأنا أخوك قسمة ونصيب.. ولو أني حزين عليك أنتي وبندر ..بس تبقى السالفة قسمة ونصيب..
نجد: الحمدلله على كل حال.. بكرة راح ادوام مع أبوي بالمستشفى ..وراح امسك الحسابات من مبدء دراستي .. الله يوفقني ..
طلال: حلو .. الله يوفقك .. اثبتي جدراتك ..
نجد: لاتوصي.. أنت شخبارك مع وجن ؟
طلال فرك يدينه ببعضها: وجن يبي لها ترويض..وشكلها راح تتعبني وتتعب..
نجد: ليه؟
طلال: تبي تعرف سبب هالغيبة ..
نجد: طيب ياطلال خلنا حق.. هي زوجتك لازم تعرف وين كنت هالغيبة وسببها.. طلال صدقني وجن عانت كثير.. تخيل بعد شهر من سفرك اكتشفت موضوع حملها وكانت راح تنجن لانها ماكانت مهيه نفسها للعيال
ومع تعب الحمل وانه حمل أول لها وأنت مش معها .. حتى كلام الناس مارحمها .. كلام ياطلال ماتصدقه .. وحتى لما ولدت عزوز تعبت كثير جلست بالمستشفى تقريبا شهر بعد الولادة لانها نزفت كثير .. وحتى دراستها أجلت ترم كامل .. ياطلال لاتلوم وجن..
طلال: كل ذا صار لها ..
نجد: طلال أنا ماأحملك المسؤولية .. بس بجد وجن تعبت حيل ..
طلال: بعوضها عن كل شي.. الا أنها تتطلب سبب هالغيبة .. بـ عرس زياد كثير سألوني واعتذرت لهم ..
نجد: بس وجن زوجتك..
طلال: أمي وابوي سألوني وماقلت لهم .. أكيد أنهم الاحق بمعرفة غيبتي من أي أحد..
نجد: فكر لاتضيع وجن وولدك من يدك ..
سكت طلال..
نجد: لاتزعل مني بس أنا أغليك وأغلي وجن .. وحياتكم تهمني ..
طلال: يابعد راسي.. أنا أدري ماقلتي هالكلام الا من حرصك وراح افكر فيه .. المشكلة ماراح تنحل الا بوجودنا قرب بعض ووجن رافضة هالشي تماما ..
نجد: خلها شوي وتالي مرها ..
طلال: الحين بخليها اسبوع ولو أني يانجد ميت عليها من الشوق ودي اجلس معها ..بس راح اخليها تهدى أعصابها وأخذها ..
نجد: حلو ..
قام طلال: صح نجد الله يعافيك أبيك تكتبين كل الاغراض الخاصة بالبيت لان بروح أجيبها ..
نجد: ليه؟
طلال ابتسم: لان ماراح يمر اسبوع بأذن الله الا وأنا ماخذ وجن وعزوز ..
نجد: من عنوني..
طلال: تسلم لي عنونك..
طلع من غرفه أخته وراح لغرفته أخذ المسكن ونام ..
.
.
.

.
.
.
اليوم الثاني..
ايطاليا ..
كانت العنود تبكي وهي ضامه شجن : آآآآآآآآآآآآآه وحشتييييينيييييي ..
شجن تبكي : ياعمممممري اشتقت لتس..
كان ولد شجن يمشي بخفيف حيل ويطالع امه وهي تبكي ويمسكها ويبكي معها مسحت العنود دموعها وشالته : ياروحي أنا يزززززززنن .. اسم الله عليه .. فديته ..
العنود: يالله تغيرتي كثير..
شجن: صرت دبه صح ..
العنود: كخكخكخ دباا ..
شجن: خخخخخخخخ .. بسم الله عليك تهبلين .. بعدك نفس الصغنونه اللي تركتها..
العنود: أجل لو تشوفين زوجي طويل عارفة شمعنى طويل وعريض.. أنا عنده ولا شي بزر ..
شجن: ايه شفته لما دخلت وهو طلع ماشاء الله تبارك الله .. بس ترى أهلكم طوال
العنود: لآلآ هذا حاله ثانية .. أخواني طوال بس مش مثل طولة .. وحتى طلال ..آآآآآآآآه ماقلت لتس تخيل طلال جا يبوم العرس انصدمت..
شجن: آآآآآآآه ..
العنود: ياعمري كانت صدمة مرآ على وجن..بس ماجلست معها لان طلعت .. ولاحتى كلمتها الا شوي واسكر..
شجن: الله يعينها ..
دق الباب ودخلت العربة ..
جلست وجلست فراس (ولد شجن) بحضنها وقعدت تأكله ..
العنود: أهم حاجه أنتي طمنيني عنك .. كيفك مع زوجك ؟
شجن: الحمدلله مرآ مرتاحة .. وهو طيب حيل ..
العنود ابتسمت: بما انه مرآ طيب كلميه تنامين عندي..
شجن: ههههههههههههههههههههههههههه انام عندك وأنتي توك عروس مستحيل..
العنود: هههههههه شجين وجع تكفين نامي..
شجن: ماراح يوافق لانه مايقدر ينام بدوني ..
العنود: قولي تسذا .. المهم اجل اليوم راح نقضيه كله مع بعض ..
شجن: وزياد..
العنود: عنده ربعه هنا ..
شجن: منحرجه منه ..
العنود: ريحي بس .. وبعدين إهي تهئ زياد حييييل جنني خلي اريح منه..تدرين مافيه واحد مننا يستحي من الثاني..
شجن: ههههههههههههههه يقطع ابليسكم .. ليه عاد ..
العنود:مدري حاله غريبة صح.. يقول اتمنى اقول كلمه ماتدرين عليها..
شجن: أذا مارديتي أوب العنود ..
العنود: اجل اسكت له ..
شجن: الله يهديك ..
العنود: صح أنا ياقي لي أربع ايام هنا .. أبي بكرآ نحللها ونطلع الين آخر يوم بـ ايطاليا..
شجن: أوكي..
.
.
.

الرياض ..
شقة عبدالله وشهد ..
كان عناد جالس مع شهد وعبدالله ..
عصب عناد ونزل لاخوه ..
بالمجلس..
عناد: أبو عبدالله أنت الكبير لاكن على نفسك وعيالك وكلمة الحق .. لاكن شهد مالك أي كلمه عليها لا أنت ولاغيرك .. والعلم وصلك ..
أبو عبدالله : ماعندنا بنات يشتغلون ..
عناد قام وعصب: الا شهد ..راح تشتغل .. واشوف نجد بكرة راح تدوام ..
أبو عبدالله: نجد عندها أبوها يتحكم فيها..
عناد: لالا.. السالفه فيها بلا..اسمع والله ثم والله ثم والله ان سمعت أنك ضايقت شهد لـ تعرفون عناد المجنون بحق .. أجل عشان نجد عندهاأبوها ماراح تتكلم ..ياخي خاف الله .. اتق الله .. خاف الله خاف الله خاف الله .. ماتدري أن وراك قبر وحساب ولحد .. ماتدري إن أخوي وصاك على بنته..
لف على عبدالله : وأنت دافع عن زوجتك .. مسوي بار بـ أبوك على حساب هاليتيمة ..
كمل وكلم اخوه: عبدالله راح يطلع من البيت لبيت وحده..
أبوه: مهوب قادر يفتح بيتين ..
عناد: فيك الخير والبركة ساعده..
أبو عبدالله: منيب مساعده.. ولو طلع ينسى أبوه ولاعاد يجي لي ..
عناد: عليك لوي ذراع ماشفته .. راح تشوف هالشي في العنود أو وجن.. مادريت أن الدنيا دين .. وتذكر كلمتي ..
طلع عناد ..
وطلع عبدالله ..
جلس أبو عبدالله وحده وكلام عناد بـ اذنه يتردد..
.
.
.
شقة عبدالله وشهد..
عبدالله معصب: يعني الحين وش استفدنا من شغلك .. شوفي الوالد وعمي عناد تهاوشوا ..
شهد: وليه تصارخ ؟ يعني أنت متعود خلاص مالي سند ..
عبدالله: لانك سويتي مشكلة من لا مشكلة بين ابوي وعمي..
شهد كانت تناظره..:أنا.. ليه ماهوب عمي اللي يبي يتحكم بس فيني .. اليوم انقبلت وراح ابدأ السبت الجاي بالشغل ..
عبدالله : شهد ..
شهد: أنت تبي تتهاوش .. بس أنا مالي خلق هواش ولاأحبه.. رجاء خلني بروحي..
عبدالله : شههههد .. اسمعيني شغل مافيه الين يرضى أبوي ويشوف له حل مع عمي عناد ..مهوب أنتي أو غيرك تخربين علاقات العايلة..
شهد: الحين لما جيت ابشتغل اخرب علاقات العايلة .. سبحان الله .. بسأل سؤال واحد بس ليه عمي ضدي بكل شي ؟
عبدالله: شوفي اصرارك وتعالي اسألي ليه هو ضدك..
شهد: الا مستقبلي .. أنت وتوك ماجا البيبي تغيرت أجل لاشفته ولميته لحضنك .. تتوقع شاللي راح يصير ..! تغيرت كثير ياعبدالله تغيرت كثير..!



خلصصصصص ..

الجزء الثاني عشر

شقة عبدالله وشهد ..
عبدالله: أنا تغيرت ..
شهد: مصيبه أذا على بالك أنك عبدالله الاولي..
عبدالله: أنا متأكد ماتغيرت لانك باقي بقلبي وأبشرك مكانتك تزيد عمرها مانقصت..!
شهد: متأكد..
عبدالله: أكيد..
شهد: ماقلت لك مصيبه ..
قامت ودخلت لغرفتها ..دخل عبدالله: ماراح انام هنا..
شهد: سكر الباب وراك لاطلعت..
ناظرها عبدالله شوي وتالي صك باب الغرفة وطلع..
.
.
.
إيطاليا ..
كانت العنود تسولف مع زياد وتقول له عن ولد شجن ..
العنود: تعال شوف صوره..
سكر زياد ازارر البجاما وجلس جنبها على السرير: ياحليله .. حلوين الصغار..
العنود: شوف هنا خليته يأكل وحده شوف القميص حقه..
زياد:هههههههههههههه شوفي وجهه كله شوكلاته..
العنود:خخخخخخخخخ ..
زياد: ياجعلني الضحكة..
العنود بعدت غرتها عن وجهها وابتسمت له..باس خدها وكفها وهو يناظرها بهدوء..
.
.
.
بعد 3 أيام ..
كانت العنود وشجن يتسوقون ..
العنود: أموت يالجنيزات اللي تسذا ..
شجن: بصراحه روعه..
خلصو من التسوق وجلسوا يشربون قهوة ..
العنود: متى راح ترجعين للرياض..
شجن لمعت عيونها: وحشتني الرياض والمملكة كلها.. بس طبيعه شغل زوجي ماتسمح له نسافر كثير للرياض ..
العنود: طيب راح تجين على الاقل بالاعياد .. أو تقضين رمضان معنا..
شجن: يمكن على العيد ..
العنود: ان شاء الله تجين ..
شجن: صح قووومي أبي اشتري هدايا للقروب ووصليها لهم..
العنود: أنا شريت لهم ومني ومنك ..
شجن: خلي نزيد عليها ..
قاموا وكان ولد شجن نايم بالعربة الخاصة فيه ..
العنود: ياعنونه يزين..
شجن: فكه انه نام.. لو مانام ماكان ارتحنا..
العنود: هههههه ..
دخلوا لمحل عطورات ..
العنود: هذا ريحته جنان ..
شجن: آوه يالبني..
كلمت البائع يجهز لها 4 عطور ويغلفهم ..
العنود: ليه 4 مو 3 ..
ابتسمت شجن: لما نروح للفندق أعلمك ..
.
.
.
الفندق..
ضمت شجن وهي تبكي حيل لانه اخر يوم لهم بـ ايطاليا ..
تالي ضمت ولد شجن :ياعمري أنت..
طلعت شجن ولبست نظارتها عشان تخفي دموعها وحزنها..
ناظرت العنود بكيس هدية ومعه كيس ثاني ..
فتحته..وكان مكتوب (كان ودي أكون معك بليله عرسك بس ربي ماكتب وهذي هديتك مني وان شاء الله تعجبك ) فتحت الكيس الثاني وكان العطر اللي شروه سوى وسألتها لمين الرابع ..
بكت أكثر وبقهر..جلست على السرير وضمت مخدتها ونامت من كثر مابكت ..
دخل زياد وشافها نايمة استغرب عدلها على الفراش وغطاها..
الصباح ..
صحت من النوم وراسها مصدع من كثر مابكت.. قامت وضت وصلت الفجر وتالي صحت زياد عن يصلي ودخلت تأخذ لها شاور عشان تطفي لهيب فراق شجن بقلبها ..

ودعت روحي يوم ودعت غالي
وحبه كـبير فـاق كل خيــالـي

طلعت وكان زياد منسدح على السرير:صباح الخير..
العنود ناظرته وصدت..
جلس زياد: شفيك ؟
العنود: ولاشي.. متى راح نسافر من هنا..
زياد: الساعه عشر ..
حطت أغراضها بالشنطة وسكرتها وتالي طلعت وجلست على tv ..
جلس زياد جنبها : عنوده شفيك ..
العنود: يؤ زياد قلت لك قبل شوي ولاشي.. بس توني صاحية من النوم..
زياد: طيب لنا اسبوع مع بعض ماصحيتي تسذا..!
العنود: دوام الحال من المحال..
زياد سكت عرف أنها ماراح تتكلم ..
.
.
.
الرياض ..
الصباح ..
لبست شهد وجهزت لان راح تطلع مع ريما ونجد في زيارة لدار الايتام..
فتح عبدالله باب شقته مع أنفال على طلعه شهد لانها كانت تسكر باب الشقة شالت الاكياس وشنطته ونزلت..
عبدالله : لحظه وين رايحة..
عطت ماري الاكياس لان كانت تنزل الاغراض الباقية ..
شهد: بروح زيارة لدار الايتام ..
عبدالله عارف أنها راح تتأثر حيل مثل كل مرة..:لاشهد لاتروحين..
شهد: البنات ينتظروني لان راح امرهم .. وبعدين أنا راح اروح لناس مثلي يعني بيننا جوانب كثيرة مشتركة..
عبدالله: بس أنتي تسوء نفسيتك لما تروحين ..
شهد: من زين النفسية الحين ..!
نزلت ونزل معها ..
لبست نقابها وحطت عباتها على راسها..
عبدالله : انتبهي لنفسك..
ركبت السيارة وعين عبدالله تناظرها وساكت ساءت علاقتهم كثير وكل مالها تسوء أكثر وأكثر.. ركب سيارته وطلع للشركة..
.
.
.
دار الايتام ..
كانت شهد وريما ونجد يلاعبون الصغار .. قامت شهد من الارض وراحت مع مديرة الدار..
شهد: غرف الصغار ماتناسب سنهم .. وأنا شفت غرف روعه لو عاتي نجيبها ولاتخافين كل التكاليف علي ..
مديرة الدار ابتسمت: الله يجزاك خير اتمنى هالشي ..
شهد: أوك أجل بأذن الله ماراح يمر اسبوع الا وكل الغرف هنا..آآآآممم ليه ماتطلعونهم ..
مديرة الدار: مانقدر على التكاليف .. بس هم يطلعون مع المدراس بعض الاوقات في رحلات ..
دخلت ريما وشافت شهد تسولف مع المديرة بخصوص طلعه الاطفال..
ريما: طيب عدد الاطفال مايزيد عن 25 طفل وطفلة وراح نجيب باص ونطلع كلنا ..
المديرة: بس التكاليف..
ريما: ياعيوني أحنا مانقول هالكلام الا وحنا راح نتكفل بكل شي.. هذولاي اطفال أتمنى مايحسون بفقد اهلهم ..
المديرة: خلاص .. راح اخذ خطاب بالموافقة وارد عليكم..
شهد: ياليت يكون يوم الخميس لان يكون مناسب وحلو للاطفال..
المديرة: ان شاء الله ..
طلعوا شهد وريما وكانت نجد تلاعب الصغار..
جا طفل عند شهد وريما:أبي حلاوة..
شهد: ياعمري أي حلاو تبي ..
الطفل استحى وحط اصبعه بفمه وسكت..
شهد شالته وجلست بحضنه: قولي وش تبي واجيبه كله لك .. اطلب وتمنى..
الطفل: دايم يقولون لنا هنا كذا ومايجبون لنا شي..
ريما: ياعمري .. اطلب اللي تبيه واطلب كثير وراح يجي لك كل شي والحين..
الطفل: طيب شوي وبجي لكم..
راح وجاب كيس حلاوة معفس ..بسرعة طاحت دموع البنات ..لان الكيس حيل معفس ورايح لونه.. ومو من الحلويات المعروفة للصغار كان كيس بسكوت ..
شهد:يافديتك من عيوني الحين راح اطلع أنا وريما ونجيب لك كل اللي تبيه تبي تطلع معنا..
ضحك واستانس ..
قامت شهد واستأذنت من مديرة الدار ووافقت لان شهد دايم تجي ..
طلعت شهد وريما ومعها الطفل..
بالسوبر ماركت..
شهد :خذ كل اللي تبيه أي شي تبيه خذه وخذ لـ اصدقائك تيب..
كان يضحك وحيل مستانس ويحط الحلويات ..
ريما:أسامه تبي شيبسات..
اسامه: ايه .. هذا هذا حلو ..
نزلت ريما الشيبس وحطت أنواع ثانية ..
شهد كانت تحط بالسله ودموعها بللت غطاها تذكرت لما كانت صغيرة وتذكرت حاله اليتم اللي مرت فيها والفرحة لو جابوا لها علكه ..
اسامه: خلاص تعبت العربة ..
شهد: عااااتي نعبي عربه ثانية ..
ضحك أكثر وهو يشبك يدينه ببعضها ..
أسامه: عصيرررررات ماأخذنا..
ريما: تعال ..
راحو للثلاجات وقعد يأخذ وشهد وريما يضحكون لانه مايحلق كثير يأخذ بعض العصيرات وهو ينزلون له ..
صارخ: ايسكرررررررررررررررررريم..
شهد: خذ اللي تبيه ولاتنسى ربعك ..
قعد يأخذ وشهد تحط معه ايسكريم وريما تحط من العصيرات..
اسامه: خلاص نروح ..
شهد: نروح ..
وقفوا عند الكاشير..
شهد: أنا المره هذي وأنتي المرة الجاية وبعدين ماببينا فرق..
ريما: أوك ..
عطته بطاقتها وشالوا الاكياس واسامه شال كيس على قده .. جا سواق شهد وشال الاغراض ..
شهد: باقي فيه ارجع لها..
شالت معها هي وريما وطلعوا من السوبر ماركت..
كان اسامة جالس بينهم ويسولف ..ركب السواق ومشى..
بالدار..
نجد تشوف الصغار وهم حيل فرحانين بالحلويات ..:يالله .. الله لايحرمكم اجر هالفرحة بعيونهم..
ريما: آمييييييييين..
ماحسوا بالوقت وطول الوقت سوالف ولعب معهم ..
دق جوال ريما..ردت ريما وتالي سكرت ..:بنات امي..
شهد: اجل خل نروح ..
تعلقوا فيهم الصغار..
نجد: وعد راح نجيكم قريب ونجيب كل اللي تبونه..
طلعوا البنات من الدار..
وصلت شهد البنات لبيوتهم ..وتالي خلت السواق يمر فيها محل الاثاث..
شهد: طيب أبي للبنات لون وردي وللعيال أزرق .. وأبيها تكون جاهزة بأقرب وقت ..
العامل: يعني يكون سرير كامل ..
شهد: ايه .. وبالنسبة للدولايب أبي تكون مقسمة بحيث يجي لكل طفل وطفلة قسم خاص فيه ..
العامل: على الاسبوع الجاي تكون جاهزه..
شهد: وهذا مقدم الين الاسبوع الجاي وأذا كانت نفس ماأبي تأخذ المبلغ كامل مع استلامها..
العامل أخذ المبلغ وعطاها وصل وتالي طلعت .. وهي في نيتها حطتها صدقة لامها وأبوها..

عن أبي هريرة أن رسول الله قال إذا مات ابن آدم انقطع عمله إلا من ثلاث صدقة جارية، أو علم ينتفع به، أو ولد صالح يدعوا له)

تالي مرت الصراف وحطت مبلغ كفالة 4 إيتام على نيتهاهي وعبدالله ونيه أمها وأبوها ..لانها كفلت أيتام من غير مايدري أي انسان ..

شقتها ..
دخلت وكان عبدالله موجود ..
شهد: السلام عليكم ..
عبدالله: وعليكم السلام ..
شهد: روحي ماري نامي أنتي تعبتي معي اليوم ثانكيو ..
ابتسمت الشغاله وراحت..
عبدالله: تأخرتي..
شهد وهي تنزل عبايتها: كنت بالدار ..
عبدالله: اها.. وكيف الصغار..
شهد: يدنون الله يحفظهم ..
عبدالله: اهم شي استانسي..
شهد : حيل فوق ماتتصور .. تعشيت ؟
عبدالله: ايه ..
شهد: بالعافية ..
عبدالله: الله يعافيك..
شهد وقفت : طيب تصبح على خير..
عبدالله: ماراح تسأليني وين تعشيت أو وش تعشيت..؟
شهد: قبل ماتتزوج كان عاااتي اسألك .. بس الحين أكيد مع أنفال .. فـ ليه اسأل وأنا عارفة الاجابة ..
عبدالله أخذ نفس ووقف..
دخلت شهد للغرفة وخذت ملابس عشان تأخذ شاور وتنام ..
بدل عبدالله ملابسه وانسدح لانه راح ينام عند شهد..
طلعت وشافته :راح تنام هنا؟
عبدالله: ايه..
شهد وقلبها مولع من الغيرة: يعني يوم عندي ويوم عندها..
عبدالله جلس وهو مبتسم: لآ طبعا بس امس كنا متهاوشين وماحبيت نجلس سوى عشان مانخربها ..
شهد حطت لوشن ناظرته وتالي كملت .. تحرك من السرير وكانت هي على طرفة وقرب لها : شهد قولي لي شفينا ؟ ليه تغيرنا على بعض ؟ ليه اللي ماكان يهنئ لـ واحد مننا ينام بعيد عن حضن الثاني الحين الوضع صار عندنا عادي وأقل من العادي..!
شهد: أنا ماتغيرت .. أنت تزوجت ومددت شهر العسل وتعودت على أحضان غيري ..
عبدالله: أنتي مصره على أني تغيرت ..برغم أني متأكد أني عبدالله الاولي..بس أنتي صايره حساسة زود .. وتضيقين بسرعة ..
شهد ناظرته

أحيان : صدري من نظر عيني يضيق ..
و أحيان : لا و الله ..
من اللي
" أسمعه " !

مدري أنا اللي غير
و إحساسي رقيق ..!

وإلا ، صدور الناس ..
ما فيها ( سعه ) !
.
.
.
ببيت أبو طلال ..
غرفة نجد ..
كانت تناظر ألبوم صورها وتقارن بينها وبين الحين ونفسيتها الزفت ..
ومشاكلها وحياتها وحبها اللي راح .. قعدت تلوم نفسها وسكرت الالبوم وهي تبي ترجع مثل أول ولايكسرها أي شي حتى لو كان فراق أغلى انسان كان بالنسبة لها ..!

يا خاطري ...
ما يفيد الضيق وَ الحسـره
و " الحزن " قتّال لا هبت اعاصيره

لا تحسب الي جرالي في الهوى كسره !
{ الغصن عايش و لو طارت / عصافيره ~

يا صاحبي من سوايا القلب لا تشره
القلب باقي على ذكرى مساييره ..

من قسوة البرد عندي لـ الدفا جمره
جمرة غضى تشتعل بـ الهم و الحيره ..

احيان اشوف الخفوق يحب ما يكره
و اجيب لأجله عذر و اقبل معاذيره ..

و احيان اشوف الجفا يطغى على صبره
يهز عرش الضلوع و ما لقى ديره

و يا وين قلبي بترحل ، كمل السهره
ما راح نلقى من الأحزان تأشيـره ..

لا تحسب الي جرالي في الهوى كسره !
{ الغصن عايش و لو طارت / عصافيره ~
.
.
.
اليوم الثاني ..
المستشفى..
غرفة الدكتور ماجد..
كانت نجد تتابع علاجها وجلساتها مع الدكتور ..
نجد: البارح كنت اناظر في صوري قبل واناظر بشكلي الحالي لقيت تغير وفرق شاسع.. انقهرت من نفسيتي وضعفي..
د/ماجد: بالعكس أنتي تحستني كثير..
نجد: لاتأملني تكفى..
د/ماجد: لابجد أنا مدون كل شي عندي.. قبل كنا لما نتكلم مع بعض مانقدر نكمل لانك تنهارين .. الحين لا.. قبل طاري بندر معك بكل لحظه الحين لنا جلستين وهذي الثالثه ماجبتي له طاري.. أنا ملاحظ هالشي ..وبعدين حتى شغلك ترى اتابعك من بعيد لبعيد ملاحظ حماسك ودقتك .. وخاصة أنك ماسكة قسم الحساب ويبي له ذهن ومخ ..وأنتي اثبتي جدراتك .. أنا جدا فخور فيك (قالها بصدق)..
نجد سكتت وهي مبتسمه ..
.
.
.
سويسرآ..
كانت العنود وزياد يلعبون .. نزلوا من قطار الموت وجلسوا .. قام زياد جاب لهم آيس كريم ..
زياد يضحك لان العنود ميته ضحك على زياد وهو يطيح ..
زياد: احترميني شوي لاتضحكين..
حطت راسها على الطاولة وهي ميته ضحك..
ضحك زياد ..
مسحت دموعها من الضحك: سوري بس شكلك توحفة ..
زياد: اشوف فيك يوم..
العنود: يانذل..
زياد: ههههههههه بس ماتتكسرين ..منيب فاضي..
العنود تأكل ايسكريم: تخيل اطيح واموت .......
قطع كلامها زياد بسرعة: اسم الله عليك ..
ابتسمت العنود: أنا اقول تخيل..
زياد :ماأبي اتخيل .. لاتجبين طاري الفراق والموت..
العنود: من عنوني ..
زياد: ياجعلني فدوة لعيونك ..
العنود تحرك الملعقه بالايسكريم: أنت ماتحبني ليه أجل تقول هالكلام..
زياد سكت شوي وقال : من قال ماأحبك؟
العنود ابتسمت: معروف.. زياد أنا متأكدة ماأخذنتي تسذا.. وأنت أكدت لي هالكلام وقلت أنا أخذتس لـ حاجه في نفس يعقوب .. أنت تحب نورة وناديتني باسمها مرة وأكيد راح تتكرر ..
زياد سكت كلامها كله صدق ومن الغباء يبرر لها ..
العنود رجعت ظهرها على الكرسي وقعدت تقلب بجوالها وتصور نفسها..
زياد ابتسم غصب على حركاتها ..
العنود تصور نفسها وتصوره : ليه تبتسم ؟
زياد: ههههههه ليه تصورين نفسك؟
العنود: ذكريات ..
زياد: خلصتي الايسكريم..
العنود: مالي نفس..
مد زياد يد لها وقاموا يتمشون ..
العنود: ياربي زياد أنت مرآ طويل بالنسبة لي ..آفففف..
ضحك من كل قلبه ..
العنود: ايه شعليك ..
زياد: تهلبين .. ماتوقعت راح أخذ وحده صغنونه تسذا..
العنود مدخله يدينها في جيوب الجاكيت : لآنك كنت تبي نورة..
زياد كان حط يدها على أكتافها ويمشون: العنود لآتكفين لاتجيبين طاريها..
العنود ابتسمت وطالعته: عشان ماأذكرك فيها..
زياد: ماغابت عن بالـ ............
سكت وحس بلسانه ..
العنود : ماغابت عن بالك ليه ماكملتها ..
حس أنه جرحها لانه متأكد ومقين تماما لانه قاس على نفسه ماراح يرضى تجيب طاري رجال غيره قدامه وتحب غيره ..
العنود: شووووف تعال نروح نأخذ منه..
زياد كره عمره هي حيل برئية وطفلة وتضحك وتسولف وهو يجرحها ..
العنود مات حماسها لما شافته مسرح ومو معها .. بهدوء قالت: خل نرجع الفندق ..
زياد وقفها: لآ ليه ؟ شاللي تحمستي له قبل شوي..
العنود ناظرته ولفت:بدري.. خل نرجع..
زياد: عنود ..
العنود: زياد خل نرجع ..
حس أنها بدت تعصب وهالشي مو في صالحه ..
بالفندق..
طلعت من الشاور : آآآآآآآه وناسه اليوم ..
زياد وقف قبالها: آسف بجد..
العنود: على وشو ؟
زياد: العنود لاتستهبلين ..
العنود بصدق: على وشو استهبل؟..
زياد: على أني قبل شوي نكدت عليك وذكرت نورة..
العنود: آآفففف قوية تحبها وهي تحبك والحين تعتذر عن ذكرها قدامي.. زياد أنت ماتحبني لان في حياتك آنسانه من زمان .. فـ رجاء قلبي مو ملكي لاتخليني أحبك .. أذا تبي نورة وتبي ترجع لها وشادك جمالي ترى الجمال مع عدم حبك لي ماراح يفيدك .. لآن الحياة مهيب جمال وكشخة بس .. لآ الحياة أكبر من تسذا..
زياد : يعني قصدك أطلقك وأخذ نورة ..
العنود: أجل روحك معها وذاتك وتبقى معي.. لآ مهيب العنود اللي ترضى على نفسها هالحال..
زياد: طيب أنتي ماتحبين أحد ثاني..
ضحكت العنود .. : أنا ..الحب قبل الزواج أنا ضده .. ولافكرت أحب .. ولافكرت أني أضيع لحظاتي مع شخص ممكن ماأكون له ..
زياد يبي يسحبها بالحكي: طيب شرأيك بالبنات اللي يكلمون شباب يعني مغازل وحركات ..
العنود جلست : قله حيا ومهيب متربية .. يعني ليه تكلم وتقوله أحبك واموت فيك ليه تضيع نفسها وأهلها..فيه ناس كثيرين يقولون أنه فراغ عاطفي ورسخوا هالكلام بمخ البنات وكل ماكلمت واحد واكتشفوها أهلها تبكي وتقول فراغ عاطفي ..غبيه ..
ضحك زياد لانها تتطنز عليهم ..:طيب عمرك كلمتي ..
العنود ناظرته نظرة تغني عن الكلام ..
زياد: العنود أنا إسالك ..
العنود مازالت تناظره ..
زياد :عنود ..
العنود: تدري توقعت كل شي منك الا أنك تقول كلمتي ...!
زياد يبي يوصل للي محيره: يعني ماكلمتي ..
العنود: مهيب العنود اللي تكلم وتوطي راس أهلها بالتراب .. أنا العنود .. ياشيخ جعلني للموت لو فكرت اخون نفسي قبل ماخون أهلى ..
زياد: طيب ولاتقولين شي.. بس شاللي يثبت أنك ماكلمتي..
العنود: أنت أخذتي عشان على بالك أني أكلم واغازل صح .. وشاللي سمعته أو شفته ..
سكت زياد ..
العنود: زياد قول ..
زياد: لآ تفكرين بس أنا حبيت اشوف وأخذ لمحة عن تفكيرك ..
العنود: جد والله .. شايفيني مكتوب على جبيني غبيه .. !
زياد: لآ حشاك .. بس خبرك أحب اتطمن ..
العنود ناظرته ..
زياد : العنود بقولها واللي فيها فيها .. أنا مره سمعتك ببيتنا تكلمين ..
ناظرته العنود وتالي انفجرت ضحك ..
ابتسم زياد ..
العنود: آآآآآآآآه يابطني .. اذكر لما دقيت الباب ..أنا يادلخ كنت أقلد بنت معنا بالجامعة كانت تكلم وأنا كنت أقلدها .. حتى شوف ..
قعدت تقلدها وزياد ضحك الين دمعت عيونها ..
زياد جلس جنبها وحمل كبير حيل زال عن قلبه وتغيرت نظرته عن العنود ضمها من خصرها : طيب العنود تقولين قبل شوي لاتخليني أحبك .. يعني الى الان مادخلت قلبك ..
العنود :تبي الصراحه طبعا..
زياد : أكيد ..
العنود: لا..
زياد : بالله ..
العنود: والله .. ترى الحب من الله .. ان شاء الله أحبك خخخخخ..
ضحك زياد ..
العنود: وأنت تحبني ..شي أكيد لآ..
سكت زياد ..
العنود : شعور متبادل هع .. أوياسمي ..
زياد: وشو ..
ابتسمت : يعني تصبح على خير بالياباني..
زياد: ليه عاد راح تنامين .. اقعدي خل نهذر ماجاني النوم ..
العنود تربعت على السرير: هات ماعندك ..
زياد :هههههههههههههههه جلستك أحسدك عليها..
العنود: لآتتطنز ..
زياد: هو أنا أقدر.. شخصيتك حلوه ..تركبيتها عجيبه..
العنود: ليه من وشو مركبة..
زياد شحط: ماشاء الله عليك حلوووووه ..
العنود انسحدت من الضحك: شحطه يبو .. وش جاب أني حلوه الحين .. وبعدين أدري أنا حلوه وقمر وأهبل .. أمك داعية لك ..
زياد: ههههههههه اقطع يالثقة ..
العنود: لآني العنود ..
دق جوالها :آآآآآآآآآآآه بدر الخايس..
ردت ..
العنود: ليه تدق بدري.. ليه ماجيت..
زياد: أكلتي الرجال..
العنود: مالك شغل أخوي..
بدر ميت ضحك ..
العنود: ايه اضحك .. ليه ماجيت للعرس ولا توك تكلمني..
بدر: أولا السلام عليكم ..
العنود: وعليكم السلام..
بدر ماسك نفسه لايضحك: ثانيا .. عليك رد على أخوك الكبير.. وتهزيئه عطيتها زوجك وتوكم ثاني اسبوع .. ثالثا أعتذر بس ظروف الدراسة ماقدرت أجي..
العنود: تكفى .. لآمالي شغل.. وبعدين ليه ماقلت أنك مش جاي.. كان أجلت العرس..
بدر: بصراحه جاني امر من الوالد والوالدة مااقولك اني ماراح أجي.. عشان ما تأخرين العرس..
العنود: ليه عاد ..
بدر: لآتزعلين ..
العنود بوزت: بجد حركه مالها داعي..
بدر: هانت كلها شهر وراجع لكم..
العنود: يالبآ قلبك .. المهم شخبارك زوجتك والبنوته..
بدر: بخير ماعليهم .. المهم منيب مطول عليتس انتبهي لنفسك ولرجلتس .. وعطيني زياد..
العنود: من عنوني..
عطت زياد وراحت حطت راسها على المخده تبي تنام ..
سكر زياد ..ودخل بالفراش ..لفت عليه العنود ..
حط زياد يده تحت راسها ..
العنود : ماأحب انام بحضن أحد..
زياد: تعودي..
العنود : لآ ماأبي..
زياد :هههههههههه .. مفروض الحين تهجدين ..
العنود: ليه عاد عشاني بحضنك ..
ضحك زياد: والله برئيه أنتي ..
العنود جلست : ليه ؟
سحبها وردها لعندها : اهجدي يابنت لو مره ..
العنود : نو ..
زياد: عنود ..
قعد يدغدغها وهي ماتت ضحك ..: خلآ.... خـ....
زياد: قولي توبة اسكت ..
العنود: لآ هههههههههههههههههه ..
زياد:هههههههههههههههههههههههه
العنود:خلا..... ماقدرت من الضحك..
زياد: ها توبه..
العنود: لآ..
انفك شعرها من الربطه وزياد فهى من الصدمة ..
العنود: لآآآآآ ..
قعدت تدور ربطة الشعر عشان تربطة..
زياد مسكه بيده:لحظه.. لحظه..
حرره بيده وطاح أكثر على ظهرها ونصه على السرير لانه حيل طويل..
زياد مفهي: هذا شعرك..
العنود : شرايك يعني..
زياد: ماشاء الله تبارك الله ماشاء الله لاقوة الا بالله..الحين ليه مخبيه عني شعرك..
العنود: آممممم عاااتي..
زياد قرب منها أكثر وطوق رقبته بشعرها : لامهوب عادي..
العنود :زياد ..
زياد بهمس: روح زياد..
العنود: شعري اتركه..
فك شعرها وباسه وباسها : تركته ..امريني أنتي وش اللي تبين ..
العنود: أبي آنام..
زياد: طلبتك ياقمر ليلي لاتنامين ..

سما حبك..وفي حبك غناة(ن) للجسد والروح
عساني ماخلا يا احلى خيال(ن) شافته عيني

من أول كنت أحسبني من اللي مايعرف البوح
واثـاري قـلبي المغـرم على جـالك يوديـني

يباري خافقي عين(ن) شقاها..يادواها نوح
عشانك..لارحم وقت(ن) يفرّق بينك وبيني


رجاي..ومنوة الخاطر وصال(ن) ماعليه شحوح
زبـنـتك..يا(قـمـر لـيلـي) دخيلك لاتجافيني

هواي انته..وانا عقبك تراني يالغظي مذبوح
ذبيحي ماحد(ن) غيرك..ترفــّق لاتخليني

العنود بدلع رباني: ماطلبت شي من عيوني..
زياد فهى فيها وهي تلعب بشعرها وساكته ..
.
.
.

اليوم الثاني..
الرياض..
شقة أنفال..
ناظرت بطنها بالمراية كبر شوي ..
دقت على عبدالله يمرها ..
كان عند شهد دخل للشقة..
أنفال: وصلني لاهلي..
عبدالله: والسواق..
أنفال: الظاهر متزوجة السواق وأنا مدري كل ماقلت شي قلت السواق..
عبدالله: شفيك معصبه ..
أنفال: عبدالله خذها على بلاطة أنا أكرهك ماأحبك ..أكرهه أبوك وأبوي كلكم دمرتوني ..
عبدالله :أنفال اهدي..
أنفال: بععععععععد عني.. لاتلمسني.. أنا وولد خالتي نحب بعض نموت ببعض..............
مسكها عبدالله مع شعرها وصفقها ..
أنفال: أكررررررررهك ..ماتبي تسمع الصدق.. ايه اكرهك .. أنت عايش حياتك مع شهد.. بس أنا حياتي قاعده تضيع مني .. أنا وعمر نحب بعض فهمت ..
عبدالله رماها على الارض: أنفال اسكتي أحسن لتس..
أنفال: انقلعععععععععع .. أصلن أنت ماعندك شخصيه ميح .. أنت بس رجال اسم أنت رخمممممممة أكرهك..
جلس ومسك شعرها: اسكتي..
أنفال :فك شعري مسوي تستقوي على بنت..الله يأخذك اطلع برآ..
عبدالله: بطلع مهوب عشانك .. لآ لانك حامل ولاأبي أضربك..
طلع وهو انسحدت على الرخام وقعدت تبكي من القهر اللي فيها..
دق جوالها وكانت غيد..
غيد: وينك ؟
أنفال صوتها متغير: ماراح اجي الامتأخره شوي..
غيد: فيك شي؟
أنفال:لآ.. بسكر واكلمك بعدين..
نزلت الجوال وقامت ..غسلت وجهها وتالي كلمت السواق عشان تمر أهلها..
.
.
.
شقة عبدالله وشهد ..
شهد: طيب شفيك جاي ثاير..عبدالله هدي ..
عبدالله : هي في راسها هواش .. غبيه وبزر ..
شهد :طيب هي وش كانت تبي؟
عبدالله: كانت تبي تروح لاهلها وقلت لها روحي مع السواق.. عاد بدت الهوشة..
شهد: طيب أنت زوجها تبي تروح معها ..
عبدالله: طيب أنا مابيني وبين أهلها ذاك العلاقات .. وبعدين أكيد أهل أمها كلمهم متجمعين هنـ........
سكت أكيد عمر هناك ..طلع بسرعة من شقتهم ..
ودخل لشقه أنفال..
كانت تلبس عباتها وراح تطلع..
عبدالله: مافيه طلعه..
أنفال: وخر عني بس..
عبدالله: قلت لتس طلعه مافيه فاهمه ..
أنفال: ليه ان شاء الله ؟
عبدالله: أكيد التعبان هناك ينتظرتس ..
أنفال صارخت: كل ترااااااااب .. ماتعبان غيرك أنت..
عبدالله: يشفع لتس حملتس بس..
طلع من الشقة ..
رمت نفسها على السرير وقعدت تبكي ..
بعد وقت دقت غيد..
جلست أنفال وردت ..
أنفال:هلآ..
غيد: يؤ أنفال شفيك ؟
أنفال: الحقييير ضربني زفت ..
غيد شقهت: كسر يكسر يده ..ليه عاد ؟
أنفال: لآني قلت له أني أحب عمر..
غيد شهقت زود: مجنننننننننننونة .. حتى لو مايحبك ولاتحبيه ليه تقولين تسذا..
أنفال: أكرهه .. والله لاقول لـ عمر عشان يأدبه الزفت..
غيد: أنفال يامجنونه بلآجنون.. وبعدين وش موقع عمر عشان تقولين له.. لاتقولين له لاهو ولاعبدالملك .. كلمي أبوك..
أنفال تبكي: طيب أذا ماقلت له.. عشان يأدبه الزفت..
سكرت أنفال وراحت تدور رقم عمر في كتبها ودفاترها وطلعته..
دقت طالع عمر بالرقم وقام برآ الاستراحة..
عمر: ألو..
أنفال تبكي من قلب: عمممر..
عمر يستوعب هذا هو صوتها أولآ: أنتي أنفال؟
أنفال تبكي أكثر: ايه..عمممر ضربني ..
عمر جن جنونه: آيششش ..يضربك ليه منهو عشان يمد يده عليتس..أنفال لاتبكين ..الحين بجيتس..لاتبكين ..
سكرت أنفال وهي تبكي من قلبها ..
بالاستراحة..
عبدالملك: وين بتروح ؟
عمر: مشوار وراجع..
عبدالملك: مين اللي كلمك ؟
عمر: واحد .. بطلع..
عبدالملك: بطلع معك ..
عمر بسرعة وتدراك نفسه: لآ .. معليك بطلع وبرجع بسرعة ..العشا أنت وفهيد وعبدالرحمن راح تسونه هع ..
عبدالمك: هههههههه خلاص لازم تطلع أنت وواحد من العيال..
جا واحد من العيال: شفيكم ..
عبدالملك:اطلع معه..
عمر: ماله داعي..
عبدالمك: لازم واحد يطلع معك ..
معاذ: أنا بطلع معاه .. لانرجع الا والعشا جاهز فهمت ..
عبدالمك: هههههههه طس بس ..
طلعوا من الاستراحة وعمر كان مسرع..
معاذ: عمر هدي السرعة لاتودينا بداهية ..
مارد عمر ..
وقف قبال فيلا كبيرة..
معاذ: وش تبي هنا..
عمر : اجلس هنا انتظرني الحين راجع..
معاذ: عمر..شعندك؟
عمر: قلت لك الحين برجع .. بس معي أمانه هنا لازم أعطيه شي عندي..
سكت معاذ وانتظره ..
شاف عمر السواق ..
عمر: وين شقة عبدالله ؟
السواق: فوق..
عمر: دلني الطريق..
طلع معه ..
عمر: أي وحده شقته ؟
السواق: كلو..
عمر: وين شقته مع المدام الاولى..
السواق: ماما شهد ..
عمر:ياليل.. ايه..
شر له عليها السواق ..
عمر: خلاص روح ..
دق على الجرس ..
فتح عبدالله ..عمر فجأه بقوس على وجه ..
عبدالله تفأجا من الضرب ورجعها لـ عمر وصراخ وسب وشتايم ..
عمر: أنت تطولها لييييييييه تضربها ..
عبدالله حشر عمر بزواية :أجل أنت ولد خالتها .. وجااااااي لبيتي..
شهد حطت جلالها ونادت السواق ..كانت أنفال تشوف من العين السحرية وتبكي وتندب حظها ليه كلمت عمر ..
شهد: فكهم بعدهم عن بعض ..
عبدالله : ياترررررررررررررراب ..
مسك السواق عمر ..
شهد متغطية: بعده هناك ..
طلع معاذ وشاف الحاله ..من الصراخ اللي سمعة..
سحب عمر ..
بالسيارة كان معاذ يسوق ..: أنت غبي ومجنون ومتهور .. تروح للرجال بيته وتتضارب معه .. وبعدين من هذا ؟
عمر يمسح الدم طرف فمه وبعصبيه: مابردت حرتي فيه ..
معاذ: أنت اصلن مجنون.. لو قدم فيك شكوى أنك تجيت وتهجمت عليه.. وش الفايدة وقتها ..
عمر كان يمسح الدم : مرني فيني لبيتنا اتسبح واغير..
معاذ: طيب..
.
.
.
شقة عبدالله وشهد..
شهد تمسح الدم من أنفه ..
عبدالله : التعبان ..
قام بسرعة وطلع من الشقة ..لحقته شهد وأخذت جلالها ..
فتح باب شقته مع أنفال ..لحقته شهد وبعدته : شفيك أنت .. خلاص..
عبدالله عصب: شهد روحي شقتك ..
شهد: لامنيب رايحة .. خلاص .. اذكر الله وصل على النبي..
عبدالله: لااله الا الله .. اللهم صلي وسلم على محمد ..
أنفال : يعني راح تضرب .. انقلع هناك ..
شهد: خلاص أنتي .. يعني اسكت ذا تطلعين ..
أنفال: اطلعوا برآآآآآآآآآآ ..
عبدالله رجع عليها ويالله بعدته شهد ..وطلعته معها ..
بشقتهم ..
حضرت له الحمام ..:ادخل خذ لك شاور..
عبدالله: ماأبي..
شهد : عبدالله قوم ماتشوف ثوبك ووجهك .. قوم ياعبدالله ..
قومته ..
راحت ولعت جمر عشان تبخره لانه تعرفة يروق مع ريحه البخور ..
طلع وكان لابس البجاما ..بخرته وحطت له عطر .. جابت منشفه ونشفت شعره ..
شهد: يألمك شي؟
عبدالله: لآ ..
طلعت وجابت له عصير ليمون ..
شهد: خذ ..وروق أعصابك ..
جلست جنبه وهو يشرب ..نزل الكاس وناظرها: الله لايحرمني منك ..
شهد: ولامنك .. عبدالله صاير عصبي كثير هاليومين.. وحتى الربو شوف قبل شوي رجع لك ..
عبدالله : أجل يجي لي واحد يحبها ويتضارب عشاني ضربتها..
انصدمت شهد وسكتت..
عبدالله: ماتحملت.. خليها تتأدب..
شهد : طيب لاتتضايق ..
قامت وطلعت البخور عشان مايضايق عبدالله ..وتالي رجعت له ..
شهد: قوم خل نحضر العشا..
عبدالله: مالي رغبة..
شهد: لو عشاني ..
عبدالله : حتى ياشهد ..
شهد: أفا ماصار لي خاطر عندك..
عبدالله: أنتي عارفة غلاتك .. بس مالي نفس.. بحاول انام ..
شهد: براحتك ..
تغطى وهي طفت النور وطلعت ..
جلست بالصاله ..
شوي الا هو يجلس جنبها ..ابتسمت له ..
عبدالله : قومي نحضر العشا..
ابتسمت له ..:قوم..
عبدالله: راح اكون متفرج لان تذكرين لما دخلت..
شهد: خخخخخخخ لاتذكرني عفست ام المطبخ ..
عبدالله: مو ذنبي أنتي مدلعتني..
شهد: تيب قوم ..
.
.
.
شقة أنفال..
كانت منهارة من البكا ونفسيتها زفت .. دقت عليها أمها وردت وقالت أنها تعبانة وكل شوي تدق تتطمن عليها ..
دق اللي ماتوقعته يدق ..
ردت وبس تبكي..
عمر صوته مخنوق: جعل من بكاك تبكي عينه .. يألمك شي.. جاك شي.. ضربك بالحيل..
أنفال: شسوي ماأبيه ..أكرهه ..
عمر ضرب بيده على الباب بقوة تدل على قله الحيلة ..
أنفال : عمر مقدر أكلمك .. حتى لو أكرهه ماأبي أخون.. أدري غلطانه لما كلمتك بس أنت من جيت ببالي ..
عمر: امنتك الله .. انتبهي على نفسك .. بس لاعاد تعطينه وجه خليه .. بيجي لتس اكرشيه .. والله منساك ياأنفال لو يمشون حولي عيالي.. وعد مني..

امنتك الله يابعد ღ كل غاااالي...,
أمنتك الله واحفظ ღ حبنا زين..!
بعدك ترا ماعاد ღ شي بقالي...،
ماعاد باقي لي سوى ღ دمعة العين..!
ما أنساك لو يمشون ღ حولي عيالي...،
ببقى أذكرك لو راحت ღ سنين وسنين..!
.
.
.
ببيت أبو عبدالله ..
وجن: يبه لاتناقشني خلاص تعبت من هالموضوع.. عاجز عن مصروفي أنا وعزوز أنا راح اشتغل وقدمت أوراقي على مدرسة أهليه وان شاء الله انقبل..
أبوها أخذ بخاطره كثير من كلمتها : هذا كلامك ياوجن .. أنا من متى تكلمت عن مصروفك أنتي وعبدالعزيز ..
باست يد أبوها: لآتزعل يبه .. بس طلال منيب راجعه لين يقول وين كان ..
أبوها: يابنتي ولد عمك الله العالم ماغاب تسذا.. شوفي ملامحه وأنا أبوك .. أنا ماحبيت ولابغيت أكلمه .. لآن غيبه طلال وراها علم كايد ..
فكري بكلامي ولاهوب حل أنك ماتطلعين له .. واحرجتيه معنا.. تمسين على خير..
طلع أبوها من غرفتها ..وجلست تفكر بكلام أبوها ..
نومت ولدها .. وسمعت صوت رساله ..شالت الجوال ..وفتحتها وكانت وسائط من طلال صوت ومعها صورة شخص يمشي وحده متحركة وعليها كلام ..


تعالي عالجي جرحٍ على غيـرك دواه اصعيـب
ابعون الله يبـي يبـرا الجريـح اللـي تداوينـه

لو انه من عنى الدنيا تغربـل والزمـان اتعيـب
سرى مع طلعة الجوزاء علـى طيـفٍ اتخبرينـه

هاذاك اللي على شانك وقف وقفة رجال الطيب
دخيـل الله تعالـي ليـن بعيونـك تشوفينـه

تعذب يابعد روحـي معـذب يايبـي تعذيـب
عليـك الله وامـان الله عذابـه لاتزيديـنـه

جريح القلب لاجيتي بعـون الله تـراه ايطيـب
على شوفك يطيب الجـرح مادامـك تراعينـه

تعالي بس شوفيني ترا شوفك علـي اصعيـب
احاول بـس انـا ماقـدر وشي انتـي اتعرفينـه

.
.
.

اليوم الثاني ..
العصر..
شهد: ان شاء الله ابد ادوام ..
عناد: حلو .. أجل بحول كل حسابي عندكم ..
ابتسمت شهد ..
عناد: وكيفك مع العلاج ؟
شهد :آممممم تقول الدكتورة ان شاء الله قريب.. يالله ياعمي متى اضم طفلي لحضني..
عمها : قريب ان شاء الله .. متفائل حيل.. بس ها أول من تبشرين أنا..
شهد: أكيد مايبي لها ..
دخل عبدالله وسلم على عمه وجلس جنب شهد ..
عناد يغمز لـ شهد : يعني أكيد راح تبشريني قبل عبدالله ..
ضحكت شهد : مايبي لها ..
عبدالله: بـ وشو ؟
عناد: لاحملت شهد أنا أول من تبشره..
عبدالله ابتسم: بكون معها يعني أنا أول من يتبشر..
عناد : صدز ..شلون نسيت ..
شهد: حتى لو .. الله يجيب هاللحظه..
عمها: آآآآآآآمين ..
عبدالله: قريب ان شاء الله ..
دق جوال عبدالله وكان أبوه رد وتالي قام ..
عبدالله: بنزل الوالد يبيني ..
طلع عبدالله ..
عناد: الله يستر بس..
شهد : آمين ..المهم عمي متى راح تتزوج ؟
عناد ابتسم: قريب ان شاء الله .. بس أنتي شايفه طبيعه شغلي كل مره بدولة ..
شهد: صحيح الطيران مهنه حلوه حيل بس متعبة ..
عناد: بجد .. تتعب وبقوة..
شهد: الله يعين .. طيب تزوج .. ودي اجهز لعرسك ..
عناد: يافديتك .. ان شاء الله قريب..
شهد: طيب أنت حاط وحده براسك ..
عناد: وحده بس تزوجت الله يستر عليها .. بس ترى مو حب لا بس كنت أبيها .. بس الله يوفقها ..
شهد: يعني القلب خالي..
عناد ابتسم: وخيالي..
ضحكت شهد ..
.
.
.
ببيت أبو عبدالله ..
عبدالله: طيب ويعني..
أبوه: مرتك تشتكي منك .. تقول ماتجلس عندها ولاتنام وعايشه وحده..
عبدالله يناظر أنفال: مشاكلنا نحلها وحدنا..
أنفال: وحدنا .. عمي معه أحدى الخيارين ياأنه يعدل .. ياأنه يخليني اروح بيت أهلي وينسى مرته وولده..
أبوه: سمعت كلام مرتك ..
أم عبدالله ووجن كانوا ساكتين ويناظرون الوضع ..
أنفال: أتمنى ياعمي مثل مازوجتني ولدك تخليه يحترمني ويقدرني لاني زوجته..
عمها: مالك الا طيبه الخاطر.. وابشري باللي تبينه ..
استأذنت منهم وطلعت لحقها عبدالله بسرعة ..
سكر باب الشقة بقوة ..:هي حركة يعني ..
أنفال: بس حركة تتأدب منها.. والحين شوف منهي أنفال اللي تسحب عليها .. ذوق طعم البعد لو مرة .. انجبر على البعد والفراق مثلي لان مافيه أحد أحسن من الثاني ..
عبدالله : أصلن زواجي منك اجبار ..
أنفال: ذوق بعد تستاهل.. ماخبري الرجال ينجبرون على شي.. وفكر تمد يدك صدقني لـ اقول لابوي ولاامررها لك ..
عبدالله: الضرب في وحده مثلك حرام .. أول ماتولدين انسي إن عندك ضنا.. وراجعي له ..
أنفال: تحلم زين ..
عبدالله: نشوف مين اللي يحلم ياهانم .. والحين ماتبين اجلس معتس..روحي جهزي لي القهوة شهدوتي متعوده تقهويني دايم العصر وأبي حلا ..
أنفال : ماعرف..
عبدالله : أجل اجلس معك تسذا .. لاياحلوه مايصلح .. لازم شي يشغل وقتنا ..
أنفال: انقلع عني منيب رايقة لك..
عبدالله قرب لها : لاتقولين لها الكلام لي أنا.. فاهمه ..
أنفال: لابقوله .. روح عني ..
عبدالله رجعها على الجدار ومسك يدينها: وين اروح .. أنتي تبين نجلس مع بعض وتبين حقك مثل شهد صح .. أنت تطولين توصلين لها اصلن ..
أنفال: شهد العقيم ..صح ؟ أكيد لاني الحين حامل ..
عبدالله : وأذا حامل ..لو تجيبين لي مليون ضنا ماغيرو نظرتي فيك..
أنفال: ومن قالك راح أجيب منك غير هالبيبي .. وع بس..

.
.
.
شقة شهد ..
سمعت هي وعمها صارخ ..
عناد: وش ذا ؟
شهد قامت : أكيد عبدالله ..
سكت الصوت ..
عناد: شفيه ؟
جلست لما سكت الصوت..:أكيد متهاوش معها.. من البارح ..
عناد: غريبة عبدالله معلي صوته..
شهد: صاير عصبي ..
عناد: ماينلام وأنا عمك .. اقول شهد قومي خل نطلع ..
شهد: أنا هالمرة راح أعزمك ..بمناسبة الشغل..
عناد: خلاص .. أهم شي الموكا..
شهد : من عيوني ..
نادت ماري تجيب عباتها والشنطة..
ارسلت مسج لـ عبدالله أنها راح تطلع مع عمها..
بالحوش ..
كان أبو عبدالله يبي يطلع لـ شهد من الباب الخلفي عشان يكلمها ..
نزلت هي وعمها عناد شافت عمها وسلمت عليه ..
أبو عبدالله : طالعين..
عناد كان لابس نظارته الشمسية نزلها: ايه .. ليكون ممنوع الطلعات بالعايلة..
أخوه: عناد وراك معصب.. شهد بغيتك ..
عناد: وش تبي فيها ..
أبوعبدالله : رجلها ماغير جالس عندها .. خليه يجلس مع مرته الثانية..
شهد: وش دخلني .. هو يجي .. وبعدين أنا زوجته..
عناد: معليش بس لازلت محترمك لانك الكبير.. لاتخليني أخربها ..
أخوه: عناد خلك بعيد ..
عناد: لامنيب مبعد ..والحين راح نطلع .. وشهد خلها بحالها .. عدو وأنا أخوك صرت للبنت .. سلآم..
شهد: عمي عبدالله الحين عند أنفال .. عن اذنك ..
ركبو سيارة عناد وحرك عناد ..
شهد: ودي اعرف عمي مسوية له شي..
عناد: لآياعيوني..بس عمك ميت على ضنا عبدالله وهالشي مسوي له قلق واقلقنا معه .. والا هو يحبك ويغليك ..
سكتت شهد ..
.
.
.
سويسرآ ..
العنود : تجنن مرآ طبيعه خقق..
زياد: سبحان الله ..
العنود كانت تطالع وساكته مندجمه مع الاجواء .. عطاها زياد مشروب دافي ..
العنود: يسلمو ..
ابتسم زياد ..
العنود: أتمنى نسافر أنا و سارة وصفا وغدير وشجن لـ هنا .. ونسوي جو ثاني تماما ..
زياد :أنا مو مكفي..
العنود: لآلآ .. بس راح تكون الجلسة أحلى لو كانوا صديقاتي ..وبعدين أنا قلت سفره ثانية مو هذي ..
زياد يشرب من القهوة الفرنسية بهدوء: أكيد كل واحد لو كان مع اللي يحبه راح تكون الدنيا أحلى وأجمل ..
ناظرته العنود وسكتت ..
زياد: آآآآآآه .. تدرين من الغباء أننا نترك اللي نحبهم عشان عناد وطيش وسوء ظن ..لو نحسب حساب للامور من قبل ماسوينا تسذا..
العنود: زياد خل نرجع للرياض ..
ناظرها بسرعة ..
العنود: الحين خل نرجع للفندق وتالي شوف أقرب رحله للرياض..
زياد: ليه ؟
العنود: بسسسس ..
زياد: لآمافي شي اسمه بس..
العنود نزلت الموكا الساخن من يدها ووقفت ..: خل نرجع ..
قام زياد معها..
بالفندق..
العنود: قلت لك ماأبي .. خلاص.. مليت ..
زياد: طيب مامدى كلمنا.. وبعدين أنتي تبين كوريا..وبعدين هذا شهر العسل ..
العنود: يلعنه من شهر عسل.. ماأبي كوريا ولاغيرها..
زياد : طيب خلاص ..
العنود: احجز ..
زياد: أوك ..
حجز زياد بس من سويسرا لـ كوريا ..
لقوا حجز وقدموا الرحلة ..
الطيارة ..
العنود: ورى كورين أغلب الطيارة ؟
زياد: لاننا متوجهين لـ كوريا..
العنود: زياد شقلت لك..
زياد: خلاص الحين راح نروح لكوريا .. يعني النقاش راح يكون عقيم..
العنود ناظرته وبصوت واطي: زياد أنت معي جسد بدون روح .. قلبك كله بالرياض عند بنت عمنا .. بنت عمنا .. فهمت .. لاتقول تغار .. لا ماجات ببالي الغيرة .. بس كرامتي غالية .. كأنها غالية بالحيل عليك نورة ترى كرامتي أغلى.. والحين لاتكلمني لان ممكن اسوي مصيبه هنا..
سكت زياد .. الين وصلوا بعد رحله طويلة .. حجز لهم فندق ..
زياد: العنود ..
العنود: شوف .. بلا عنود بلاهم .. شوف أنا كنت جدا وافية معك .. واحترمت معنى الحياة الزوجية وكنت لك نعم الزوجة .. برغم أني عارفة أن قلبك مع نورة .. مشيت الين اعترفت بسبب زواجك مني ..وقلت يله عااااتي.. لاكن أنك تتحسر على زواجك مني بطريقة غير مباشرة .. لا ماارضاها على نفسي ..
زياد: العنود .. أنا أبيك بكل مال هالكلمة من معاني .. أبييييك .. فاهمه شمعنى أبيك .. يمكن تزوجتك عشان سبب وظنيت فيك ظن السوء بس الحين اسبوعين قضيتهم معك يسوون عمر بالنسبة لي كامل .. أنا أحبك ..ونورة ماضي..أحبك بجد .. شخصيتك في شي غريب جذبني ..تعجبني وتشدني جرائتك .. تعجبني تصرفاتك .. وبرائتك .. وجمالك .. وكل كلك .. أنتي زوجتي .. وبجد أحبك وأعشقك ..ابتسمي عاد مدري لنا كم ساعة وأنا محروم من هالابتسامه ..

تبسّم لعنبو مـن لامنـي فـي ضحكتـك ورضـاك
تبسّم واخذنـي مـن عالمـي فـي عالـم(ن) ثانـي

تبسّم لي فداك اللـي مضـى واللـي بقـى يفـداك
تـرى لـولا غـلاك وضحكتك مابعـت خـلانـي

ولاجيـت اتـداراك مابقـى مـن فرحتـي والقـاك
وابيع العمـر كلـه لأبتسـم ثغـرك علـى شانـي

وانا اللي لأجل عينك بعت ذاك وانت خنت ذاك وذاك
وتناسيـت السنيـن المجدبـه واحرقـت عنـوانـي

احبك ايه احبك وان بغيـت انسـاك كيـف انسـاك
اشوفك ياعيونـي فـي عيـون اهلـي وفـ اوطانـي

توهّقت بغلاك وصرت احبـك واعشقـك واهـواك
وحاولت اتراجـع وانسحـب لا شـك مـا امدانـي

زياد: ابتسمي أفرديها .. لو تدرين عن ضحتك شستوي فيني كان رحمتي حالي ..
حط أصبعها على حواجبها : ياكافي .. ابتسمي .. وفكي عقده حواجبك.. العنود أنتي تنمصين حواجبك ؟
العنود: لآ ..
زياد: الحمدلله ..
العنود: ليه وش شايفني هبلة أخذ لعنه الله سبحانه وحبيبي الرسول علية الصلاة والسلام عشان حواجب .. الله يكفيني الشر..
زياد: حلو .. يله عاد ابتسمي ..
ابتسمت له ..
شالها ودار فيها وتالي وقف ويده على رقبتها من ورى وأنفه على أنفها : جعلني فدوة لك كلك ..
^_^
اليوم الثاني ..
تحركت وشافت نفسها بحضنه ومحتويها .. بعدت يدينه عنها بهدوء وقامت ..
فتحت الستارة وجلست تشوف شوراع كوريا وهي ميته فيها آخير راحت كوريا .. راحت أخذت لها شاور وسوت نيولوك كوري وطلعت حيل ستايل .. نقرت على السرير وقعدت تصحي زياد ..
العنود: زياد ..
ماتحرك ..
العنود قعدت تمرر يدها بشعره وتصحيه ..
العنود: أنا كيس نوم بس منيب مثلك يله قوم .. زياد قوم .. أبي اشوف كوريا خل ننزل نتمشى ..
تحرك زياد ويده على عيونه لان عنود فاتحه الستاير كلها ..:عنود سكري الستاير..
العنود: لاقوم ..
زياد: عنود متى نمنا صلينا الفجر ونمنا .. خليني انام شوي..
العنود :لامالي شغل قوم..
بعد يدينه عن عيونه وشافها ابتسم وهو منعس وجلس ..
العنود تمسك خدوه: حبيببببببببببي زيود .. شاطر يله قوم ..
جا يمسك خدوها هربت بسرعة ونقزت : لآ خدودي بعد عنها..
ضحك ورد انسدح : اجل بنام ..
العنود: لاقوم ..
زياد يحط المخده بحضنه ويكمل نومه ..:خليني امسك خدودك واقوم ..
العنود بوزت وتكتف ..
جلس زياد ماتحملها تزعل وتتضايق لو مزح ..قام لها ووقف قبالها ودنق..:فكي التكشيرة فكيها ..
العنود ضحكت بنذاله : ماتقوى زعلي نياهاهااها..
ضحك زياد بجنون عليها ..
العنود: يله روح خذ شاور ونطلع يللللللله ..
زياد: تامريني أنتي..
مشى يحضر له ملابس وتالي دخل يأخذ شاور ..
جلست العنود تلف بالجناح وتشوف تصميمه وهي خاقة معه ..
تالي جلست تنتظر زياد يخلص ..
طلع زياد وقعد ينشف شعره وتالي حط جل وحط عطر وطلع للعنود كانت مفهية على مسلسل كوري ..
زياد مسك خدودها على خفيف وباسها :مشينا..
العنود: ايه .. زياد الحين حنا وين ؟
زياد: جزيرة جيجو
العنود: اها ..طيب الفندق شسمه ؟
زياد: لوتي ..وفيه هنا مدينه العاب كبيرة خل نزورها .. وتالي لما نرجع نمر للحديقة اللي هنا ..
العنود: أبي اروح السوق..
زياد: من عيوني..
العنود: طيب راح نفطر هنا أو برآ..
زياد: لابرآ احلى..
قامت معه ولبست حاجبها وجاكيت طويل بحيث مايبان لبسها حيل ..
نزلوا للشارع ..
زياد: تبين نركب تاكسي أو باص ..
العنود: لا باص أحلى ..
ركبوا ..
مشى شوي الباص ونزلوا للمطعم ..
زياد: تبين مطعم ماك دونالد أو مطعم دومينوز بيتزا ..
العنود: عاااتي اي واحد ..
دخلو ماك دونالد .. افطروا وتالي قعد يتمشون في المحلات الريفية وعنود كل ماشافت شي من الاشياء الكورية شرتها ..
العنود : طيب الحين شرينا اشياء كثيرة وأبي نروح للالعاب..
زياد: طيب خلي اليوم تنسوق وتنمشى وبكرة الالعاب..
العنود: أوك ..
قعدو يمشون لان الاماكن قريبه من بعضها ..
زياد: تعالي شوفي هذا مقهى ستايل بيست ..
دخلوا وجلست العنود : ياااربي وناسه لو كنت كورية ..
زياد: بالله ..
العنود: يهبلون هالكورين .. نظام وكل شي ..
زياد: أنتي اللي تهبلين ..
ابتسمت وكلمت تسولف له ..الين جا الطلب ..
العنود: خلصت ..
زياد : ايه .. خلي نقوم ..
العنود: اوك ..
ماحسوا بالوقت مع السوالف والتمشية والتسوق ..
العنود: أوف زياد لنا أكثر من 9 ساعات ..شوف هنا سوبر ماركت خل ندخلها..
زياد: دخلنا ..
دخلوا وشرت العنود أنواع الحلويات وطلعوا ..
بالفندق رمى زيان نفسه على السرير : عنود بنام ولاتصحيني من الصبح نلف والحين عشر وبناااااام ..
.
.
.
الرياض ..
الساعة 4 ونصف العصر ..
توها شهد جايه من الدار وحيل مرتاحه أنها وصديقاتها رسموا البسمة على وجوه الاطفال وطلعوهم .. وفرحتهم أكثر لما رجعوا من الملاهي وشافوا غرفهم وأسرتهم والالعاب المعبية الغرف فرحت أكثر رفعت يدها ودعت: يالله أدخلت الفرحة على قلوب الاطفال من غير حول لي ولاقوة كله بفضلك لاسواك أرحم أمي وأبوي وتقبل ماكان على نيتهم ووسع قبورهم وازرقني بطفل يملأ علي دنياي يارب..
تفأجات لما ضمها عبدالله وآمن معها: آآآمين ..
شهد: عبدالله أنا متفائله كثير..
عبدالله: وأنا أكثر ..
جلست وجلس جنبها ..
شهد: مع المغرب موعدي بالمستشفى..
عبدالله: عندي خبر.. ان شاء الله نلاقي خبر يفرحنا ..
شهد بـ امل: ان شاء الله ..ماكلمت عنود قريب..
عبدالله: البارح تدرين الحين هم في كوريا ..
شهد: جد.. مو مفروض اسبوع كامل في سويسرآ ..
عبدالله: الا ..بس تلاقينهم حبو يغيرون جو ..
طالع ساعته :الحين عندهم الساعة عشره وشوي بعد ..
شهد: ليه كم الفرق؟
عبدالله: الظاهر ست ساعات .. لان احنا الحين العصر وهم الليل ..
شهد: اها ..
.
.
.
المستشفى..
بعد المغرب..
شهد: الحمدلله على كل حال ..
الدكتورة: مابعد بان شي.. بس الحمل راح يبان لو فيه خلال الايام الجاية..
شهد: ان شاء الله ..
عبدالله: طيب مافيه اعراض قبل؟
الدكتورة: أكيد فيه وحام .. ويعتمد على طبيعتها .. ممكن تتوحم بسرعة وتتعب بالوحم وممكن يكون الوحم جدا قليل ومو متعب ..
عبدالله: الله كريم ..
الدكتورة: راح نوقف العلاج كله .. عشان نتطمن أن مافيه حمل مع خروج التحاليل وننتظر مدة بسيطة ولو مافيه حمل نتابع العلاج ..
شهد: أوك ..
.
.
.
ببيت أبو عبدالله ..
وجن : طلال منيب راجعه ..
طلال: ليه ؟ وجن اعقلي ..
وجن: منيب عاقلة .. اعقل أنت أول..
طلال: الحمد لله هذاني عاقل..
وجن: واضح..
طلال: ياوجن .. والله بقدر أجيبك بالقوة لو بغيت.. بس ماأبغى يكون في حياتنا هالتصرفات..
وجن: شاطر وأنت تسوي هالتصرف.. صدقني لو فكرت بس تسوي تسذا.. ماراح اقول لك وش راح يصير .. بس حينها تشوف وجن صدق اللي تركتها ولافكرت ..
طلال: وجن تدرين خليك الين اتكرم عليك واقولك عن سبب غبيتي..
طلع وهو معصب..
وجن: فالح يقول ارجعي..
طلعت من المجلس وهي اخلاقها زفت..
.
.
.
يوم السبت ..

شقة شهد وعبدالله ..
شهد: لا راح أروح للدوام ..
عبدالله: اقولك الوالد يقول لا ..
شهد عصبت : عبدالله .. عمي ماله كلمه علي فهمت .. ولا أنسان له كلمه علي .. أنا حره نفسي وتصرفاتي وشغل راح اشتغل لو كلف حياتنا ..
عبدالله : يعني ياحياتنا ..ياشغلك ..!
شهد: أنت اللي حدتيني .. أنت خلاص صرت تخلي عمي يتدخل بكل شي.. لو أدري أن الحياة راح تصير ماكان وافقت على الزواج ابد ..حياتنا صارت للاسف مو ملكنا ..
عبدالله : يعني ندمانه على زواجنا..
شهد: مابعد ندمت .. وياخوفي اندم .. الحين خلني اطلع لشغلي مهوب اول يوم اتأخر..
عبدالله : شهد .. تعوذي من ابليس ..
شهد : بسألك سؤال وأبي جوابك ..أنت موافق على شغلي أو عمي بس معترض ..
عبدالله : أنا موافق بس هذا أبوي ..
شهد: خلآص أجل .. أهم شي عندي رضاك ..
قربت منه وبهدوء: عنوني أنت عبدالله وروحي لاتخلي أحد ينكد علينا حياتنا .. خلنا نمشيها بمزاجنا ..
باست خده .. وهو كل زعله راح بلحظه ..
شهد: خلاص رضينا ..
حوط يدينه بخصرها وهو يبوسها: أكيد ..
شهد: أجل وصلني شغلي..
عبدالله : من عيوني ..
.
.
.
بعد آسبوعين ..
ببيت أبو طلال ..
العنود وزياد كانوا جالسين مع أم وأبو طلال والبنات ..
العنود قامت هي والبنات لغرفتها ..
بغرفتها ..
عطت سارة العطر الهدية من شجن وتالي عطتها هديتها ..وعطت نجد مثلها ..
العنود قعدت على طرف السرير: مرآ كانت الرحلة وناسه .. وأحلى حاجه كوريا.. وه يابنات شي ثاني تماما .. شوفوا النظام عندهم خقق وربي..
سارة: ياآلبني بس.. أنا ماأحب شي الا وفيه سنع ..
دخل زياد ..
سارة: يعني نطلع برآ ..
زياد: هههههههههههههه لااجلسوا مافيني النوم ..
أخذ نجد وطلعوا من الغرفة ..
سارة: تهقين شيبي فيها ؟
العنود: أكيد يبي يتطمن عليها ..

بغرفه نجد ..
زياد: كيفك مع الشغل ؟
نجد: تمام ..
زياد: أحسك تغيرتي كثير..
نجد: للاحسن أو العكس..
زياد: بالعكس للاحسن.. رجعتي ومو بشكل كامل لـ نجد اللي زمان..
نجد: حلو تدري مو بس أنت تقول لي تسذا حتى أبوي والدكتور ماجد..
زياد وقف وباس راس أخته بحنان : أبيك تسذا وأفضل..
نجد :الله لايحرمني منك ..
زياد: تعالي نشوف هالمهابيل ..
ضحكت نجد ..
بغرفتهم ..
دخل زياد ونجد وكانت سارة والعنود مندمجين يشوفون الاغراض والتحف اللي شرتها العنود عشان بيتها ..
زياد: شرايك في هالتحفة ..
نجد: واو تجنن .. ماشاء الله ..
العنود: وشرينا آشياء كثيرة بعد بس باقي الشحن ماوصل على بكرة زياد راح يوصل..
زياد: ايه ..
سارة: أبوي يقول الشركة الموكلة في بناء بيتكم رهيبه وله سمعه كبيرة ..
العنود: صح ماوريتكم التصميم اللي طلبته أنا وزياد وه يابنات يزنن ..
نجد: عصري..
العنود: مو مرآ .. لان أحس العصر صار كل الناس عليه .. تصميم غريب..
زياد: فعلن .. لان المهندس يقولي بيتكم أنيق وتصميمه غريب عن الفلل الموجوده بالحي ..
دق جوال العنود وكان أبوها ..
ردت عليها وتالي سكرت ..: زياد بروح لاهلي..
زياد: تونا واصلين ..
العنود: طيب بكلم قيوم يجيني ..
زياد : الا قيوووم لااسمع طاريه .. ماأحبه ..
سارة: حرام عليك يزنن ..
العنود: ايو الله يهبل .. تدري هذا سواقنا ومن أنا بالابتدائي..
زياد تكتف : بالله أنتي وياه تتغزلون في السواق قدامي..
ضحكت نجد بشكل على زياد والبنات..
العنود: يؤ .. حرام عليك .. صدقني لو جلست معه راح تحبه ..
زياد: بنت .. هذي اللي الحين بصفقها ..
العنود: جرب اشوف ..
زياد خق مع طريقه نطقها: لا والله منيب مصفقك الا .........
سكت شوي وناظر خواته : ترى ماأبغى أخربكم ..
نجد استحت وطلعت وخاصة أنها خجوله عكس سارة والعنود وخاصة العنود ..
سارة حمر وجهها: وجع صاير رومنسي ..
زياد: هههههههههههههههه .. ياحبني لها بسسس ..
العنود: زيااااااااااد ..
زياد: ياروحه ..
سارة: اقول بطلع بس ..
العنود: اقعدي بس ..
سارة: لابروح .. المهم عنوده ترى الجمعة الاسبوع الجاي عند غدير..
العنود: أوك نروح ..
زياد تكتف: بالله .. مافيه استأذن من زياد ..
العنود : يؤ تصدق نسيت أني متزوجة ولازم استأذن منك .. المهم بروح ..
ضحكت سارة : كخكخكخكخ ..
وطلعت ..
العنود: هين سوير ..
زياد كان ماسك الضحكه ..: أجل المهم بروح .. كأنك تعطيني خبر مهوب تستأذين ..
العنود: ايه اعطيك خبر ..لان متعوده ببيتنا تسذا ..
زياد قام وسكر الباب ورجع جلس:بس هنا غير..
العنود : الحين ليه صكيت الباب .. وبعدين أحس عااااتي .. وبعدين الين الاسبوع الجاي يحلها الف حلال..
زياد : على قولك ..
العنود: المهم بكلم قيوم آوك ..
زياد: قيوم لا ..
العنود: زياد راح اكلمه ..
زياد وقف: امشي أنا بوديك ..
العنود : أوك ..
لبست بس عباتها لانها كاشخه ..
العنود: زياد نادي وحده من الشغالات عشان تجي تشيل الشنطة هذي..
زياد: أنا بشيلها ..
شالها ونزلوا ..
.
.
.
ببيت أهلها ..
لزم أبوها الا يتعشون معهم وجلسوا ..
كانت العنود جالسه جنب أبوها وتسولف له .. وأبوها مندمج معها ..
متعب: مصدق أن العنود وأبوي راح يتركون بعض .. غايبه عنه شهر وعليه زود يعني انساها ..
زياد: ههههههههه .. تأخر الوقت ..
متعب: الله يعينك بس ..
زياد: ههههههه .. اقول العنود شرأيك نمشي..
العنود: لا راح انام هنا ..
أبوعبدالله: خلها الليلة ترقد هنا .. مشتاقن لها ..
زياد سكت مابعد كلمة عمه كلمة..
أم عبدالله : خل الولد كان وده يأخذ مرته ..
أبو عبدالله: ماهوب زعلان مني.. أنا مشتاقن لها وبعدين ودي تسولف لي عن سفرتها ..
زياد: ولايهمك ياعم ..يالله استأذن أجل ..
عمه: الله معك ..
عند الباب..
زياد: متعب نادى لي العنود ..
متعب: ولايهمك .. بس تصبح على خير..
جات العنود ..
زياد: الحين يعني من المغرب الين 11 مامليتي ..
العنود: لآ.. وبعدين مشتاقة لـ اهلي.. وأنت اجلس مع أهلك ..
زياد: عنود بلا عبط .. الحركة اللي الليلة ماتنعاد ..
العنود: لا راح تنعاد.. هذا بيت أبوي ومتى مابغيت انام راح انام .. لاتفكر أني تزوجت يعني خلاص..
زياد: لا ياحلوه الحين عليك ولك حقوق وواجبات .. ومفروض تقولين لي من وحنا بالبيت راح ابات هنا ..
العنود: ماجا على بالي.. وبعدين سويتها سالفه .. حتى أنا كائن حي ماحب الهواش لان لاقفلت أخلاقي أخربها ..
زياد: سبحان الله نفس الحاله ترى .. المهم بكرة بجيك الصباح ..
العنود: لا تعب نفسك أبوي الحين راح ينام وبكرة بجلس مع اهلي وأخوي عبدالله ووجن وشهد .. وحتى فواز ..
زياد: اقول عنود اعطيتك وجه .. بكرة العصر بجيك ..
العنود: لايكثر..
زياد تنرفز: العنود ..
العنود: زياد تصبح على خير..
زياد: بكرة العصر الاقيك جاهزة..
طلع وهي دخلت وهي تتحلطم : مسوي أنه متزوج ويبي يفرض شخصيته ..
.
.
.
ببيت أهل أنفال ..
أنفال مسكت الجوال وهي مهيب قادرة تسند طولها: ايش عمر وش صار له ..
غيد تبكي : حااااادث..
أغمى على أنفال ماتحملت الخبر..
سمعت أمها صراخها وركضت بسرعة لغرفتها ..
أمها: عبداالمممممممممممممملك ..
جا ولدها الثاني: يمه مهوب فيه عبدالمك ..
أمه: روح صحي أبوك بسرعة .. خله يجهز السيارة ..
.
.
.
اليوم الثاني ..
دخل عبدالله للمستشفى .. ودخل للغرفة ..سلم على عمته ..
عبدالله: شفيها ..
عمته: الله يعوضكم خير في ضناكم ..
سكت عبدالله شوي وتالي قال: الحمدلله على كل حال..ليه اجهضت ؟
عمته: مدري ياولدي ..جيت ولقيتها مغمى عليها بغرفتها وسمعت قبل مااادخل صارخها .. والدكتورة تقول ان الصدمة هي اللي سببت الاجهاض..
عبدالله: اوه..
عمته: الله يعوضكم ..
عبدالله: الله يجزاك خير..
العصر ..
ببيت أبو عبدالله ..
حصة : أنا بروح معك ..
أم عبدالله: ورى ماتروحين معي..
حصة: لا ..بروح مع أخوي ..
أبو عبدالله كان متضايق بالحيل على سالفه اجهاض حمل أنفال..
بالمستشفى..
أنفال : يمه يعني هو زين ..
أمها: ايه الحمدلله .. انفال وأنا امك الصدمة من ايش جتك ..
أنفال دموعها تجري على خدها وبقلبها وبصوتها: الحمدلله انه بخير الحمدلله ..
دخلت غيد ..وضمت أنفال وهي تبكي ..
خالتها: الحمدلله على سلامتك الله يعوضك يابنتي..
أنفال: الله يجزاك خير خالتي..
دخلت حصة قبل أخوها ..
وسملت على أنفال ..واستأذنت خاله أنفال وغيد وام أنفال لان أبو عبدالله راح يدخل ..
حصة : اسمعي كلامي .. الحين بقول كلام وأنتي أكدي على كلامي..
أنفال تطالعها مستغربة منها ..
دخل أبو عبدالله ..وسلم عليها ..
حصة حطت يدها على قلبها : ياضناي أنتي ياأنفال.. أجل شهد هي اللي تسببت بطيحه ضناك ..
أبو عبدالله : أيشششششش ..
حصة: توها وأنا أختك تقولي الحين أن شهد تسببت بطيحه ضنى عبدالله ..
أنفال كانت مذهوله من الكلام اللي ينقال وصدمة ألجمت لسانها تناظر حصة ..
أبو عبدالله عصب : عشان مايجي لها ضنا تقوم تسبب بضنى ولدي..
حصة: دفتها من الدرج .. ياويلها من الله اللي ماتخاف الله .. قتلت ولد ولدك .. الا ياأنفال ماتبين بنت ولا ولد ..
أبوعبدالله: الله يعوضك أنتي وعبدالله .. والمريضة العقيم اللي تسببت لك أنا بعلمها كيف تسوي فيك هالسواة..
طلع وحصة لحقته ..
أنفال كانت مصدومة .. وتناظر دخلت أمها وخالتها وغيد ..
أمها: غريبة ماطولوا..
كانت أنفال تنزل دموعها..:يمة ظلمتها ..يمه كذبت عمتها ..
خالتها: أنفال بسم الله عليك ..
أنفال: خالتي ظلمتها ..
قعدت أمها وخالتها يسمون عليها ومستغربين ..
.
.
.
شقة شهد ..
فتحت ماري الباب وصفق أبو عبدالله الشغاله كف وتالي دخل غرفة شهد وقعد يضربها ..
شهد بعدت عمها عنها : هيييييييييييييييييي .. بعد لاتضرب..
ضربها أكثر: انقلعي عن بيتي الحين .. تضرين ضرتك وتخلينها تسقط الجاهل .. أنتي يالعقيم ياليتيمة ..أنا مفروض ماأزوجك ولدي.. لو غيري كان زوجك لاي شايب وافتكيت منك ..
دخلت أم عبدالله والعنود ووجن ..
أم عبدالله: شفيه ؟
أبوعبدالله: دفت شريكتها وسقطت .. انقلعي عن البيت ..
أم عبدالله : كيف دفتها ..
أبوعبدالله : اسألي أنفال وحصة ..
العنود: مستحيل هالكلام تسذب..
وجن: يبه كيف تصدق عمتي وأنفال.. حرام عليك..
أبو عبدالله كان معصب بشكل يخوف وخاصه أن معه السكر يعني خلاص..:انقللللللللللللللعي برآ..
شهد: حسبي الله ونعم الوكيل فيك ياعمي أنت وأنفال وعمتي حصة ..
أبوعبدالله : اطلعوا أنتم .. اطلعععععععععععععوا..
طلعهم كلهم ..
نادى الشغاله : تعالي لمي أغراضها معها وخليها تنقلع ..
لمت شهد كل أغراضها وطلعت من الشقة وهي تبكي .. لحقتها الشغاله بشنطتها ..
العنود كانت تبكي من قلبها: أكرهههههه أبوي..
دقت على عبدالله : أنت تعال شوف وش سوى ابوي في زوجتك .. ضربها وأهانها وطردها ..
عبدالله كان بالشركة: ايش.. شهد ..
العنود: ايه بسرعة تعال ..
سكرت ودقت على زياد يجي يأخذها..
.
.
.
بالسيارة ..
شهد : ايه امشي أنا بدلك على الطريق.. آآآآآآآآآه ياعمي عناد وينك بس..
ماري كانت تبكي نفس شهد من الكف اللي أكلته من أبو عبدالله ..
.
.
.
ببيت أبو عبدالله ..
العنود: مستحيل اجلس..
زياد كان يناظر العنود : خلاص عمي معليش خلها ..
غطت العنود وجههت وركبت سكر زياد الباب ..
زياد: عن اذنك ..
.
.
.
ببيت أبو طلال..
بغرفتهم ..
دخلت ولفت على زياد وهي تبكي :زياد ضمني لعندك ..
استغرب زياد من طلبها وضمها وصار يهديها ويسمي عليها ..
العنود غرفت تشيرت زياد : أكرهههههههه أبوي ظلمها يازياد ظلمها..
زياد: ليه ؟
العنود بعدت عنه : تخيل يقول هي اللي تسببت بطيحة البيبي حق أنفال.. الله يأخذ أنفال وعمتي حصة..
زياد: لاحول ولاقوة الا بالله .. طيب وين عبدالله ..
العنود: بالشركة ..آآآآآآآآآآآآآآآه يازياد مخنوقة ظلمها .. لوتشوفها تبكي لو أنت رجال.. تخيل وجهها كله أحمر واثار يد أبوي فيه ..
رجعت دفنت نفسها بحضن زياد ..
.
.
.
أحدى أكبر احياء الرياض ..
فيلآ كبيرة حيل .. بس ساكنها صارو تحت الثرى ..

فتح السواق الباب الخارجي وتالي دخل السيارة .. من دخلت شهد البيت ودموعها صارت تنهمر بشكل أكبر وأكثر.. فتحت الباب الداخلي للفيلا ودموعها ماوقفت من طلعت ..
دخلت للبيت ..

ياشين بيتن عقبكم يا اهل البيت
لا غابو اهل البيت وش ينبغابه ..

انهارات وجلست وهي تبكي بصوت وتشهق من حر فيها ..
.
.
.


خلصصصصصصصصصصصص