روآية ثقيلة مزحة الدنيآآ ..لا تفوتكم ..كآآملة

◙◙◙
الجزء الــرآبع..!
◙◙◙



نزل من سيارته .. ودخل البيت .. يوم دخل الفله شـم ريحة طبخ .. وصوت احد يغني ..
أتـجه لـ المطبخ شاف خالتـه جالسه تطبخ!..تكتف وسنـّد نفسه ع الباب..:تؤ تؤ وش هالصووت الجميييييييييل
لفت خالته وابتسمت :ههههههههههه نواف!..متى دخلت.."وقالت بمرح" ..عجبك صوتي؟
نواف اخذ له كاس:شوية عجبني.."راح يصب له مويه "..الا امي نايمه؟
خالته وهي ترجع تلف ع القدر وتحرك شي جوآه : لا قامت شفها بـرآ فالحديقه
نواف يحط الكاس ع الطاوله:طيب مريوووم!..متى بيخلص الغدى ..جايع!
مريم:ربع ساعه إن شاء الله
هز راسه وطلـع يشوف امه .. راح ورا الفـيلا الصغيره واللي على قدهم .. 3 عايشين مع بعض .. مسـتوى مادي متوسط ولا ناقصهم أي شي..

اخذ نظارته اللي كان ملعقها على جينه اللي على صدره .. ولبسها عن الشمـس.. شاف امه جالسه وقدام النخـله ..وتقطع التمر وتحطـه فالسـله

نواف جا من ورا امه وحب راسها ..:كيف الحال؟
التفت له :هلاوالله وغـلا بـ نوافـي..
نواف يجلس ع الثيل عند امه ويناظر السـله .. وعافس ملامحه لان الشمس كانت عليه :ليه تتعبين نفسك .. رفع راسه يناظرها الانها كانت جالسه على بلكـه :..قايل لك خلي الشغـاله
ام نواف تبتسم:متعتي فهالشغل يانواف..يكفـي ان ابوك هو اللي علمنـي

فجـــــأه!
أستوعبت هي وش قالت..وقفت يديها عن الشغل وكأن صابها فتور فجأه.. رجعت تشتغل وقالت تصرف:ورا ماتروح تغير
نواف يطنش كلامها:كنت بزور ابوي اليوم .."وناظر يدها اللي فيها تمر وهو يكشر من هالشمس"...بس مدري راجع من الشغل تعباان وهلكان..وجاايع
ام نواف:قل لـ مريم تحط الغـدا؟
نواف:قلت لها .. وتقول ربـع ساعه..

قام وهو ينفض التراب من ثوبه:أبروح اغير .. لين يجهـز الغدا


الاسـم/ نواف عبدالعزيز آل ".............">نفس عايله ناصر وعيال عمه
العمـر/ 26سنـه
الشهاده/ بكلريوس هندسـه كهربائيه

الاسـم/ مريم عبدالواحد
العمـر/ 24
الشهاده / ثالث ثنوي أدبي

◙◙◙◙◙

اول مادخلت الشركـه .. جيت ابدق الكرت ..عشان مايحسبوني سحبت ع الشغـل .. كان في رجال واقف قدامي .. انتظرته ووقفت قدام المرايه وانا اصلح شماغي .. حطيت يدي على عند ذقني وانا اتحسسه ... والله بادي يطلع يبي لي حلاقه كذا !..اوكي!..ابتسمت بحيث تبين أسنآني وهـ فديتني انا واسناني وفمي بكبـره .. اهبل !
ههههههه مشكله الواثقين ..
انا عاجبني..انتوا عاد مدري عنكم

لفيت شفت الرجال رايح من فتره .. ههه ناظرت يمين ويسار اشوف في احد شافني وشك في عقلي ولالا .. بس الحمدالله

دقيت الكره ورحت المكتب .. اول ماجيت المكتب كان فهد جالس ويسولف مع سـأمي

سطام:السسلام عليكم
الكل :وعليكم السسلام
فهد يناظر سطام اللي اتجه لـ كرسيه :وينك يارجـال!..امس ادق عليك بس ماترد!
سطام:كنت طالع ونااسي جوالي بالبيت
فهد يحس ان في سطام شي لانه مو من عوايده مايرجع يدق: طب مارجعت تدق علي؟
سطام مسك القلم وهز كتوفه و ناظر الورقه اللي معه:مدري!..اصـلا نمت بدري اليوم

مـــــرت ثوااااني هدوء .. شوي طلع سامي الولآعـه .. وحط الزقاير في فمـه
توه بيولعها الا
فهد: ساامي الله يخليك ترا خلقه المكتب مخنووووق...فالله يعاافيك دخن بـرآ
رفع سامي حاجب وكن الحكي مب عاجبه .. قال سطام:صادق والله .. برا احسسسن لك
قام سـأمي وطــــلع!

فهد:والله حاله
سطام:هههههههههه شكل ماوده يطلع ..
فهد:مب على كيفه!

◙◙◙◙◙

كان منسدح على بطنـه وغرقان في ساابع نومه .. رن جواله ..مد يده للكمدينـآ يجنبه ..واخذته

ناصر:همممممممم
صوت بنت :أهلييين وسهلييييين نصور ..ويك آب وش فيك ناااايم!
ناصر:أهـلا سحر!..وش بغيتي حياتي
سحر بـ ضحكه :نثنـق!..حبيت اسمع صوتك..
ناصر:طيب ياقلبي انا ناايم الحين وش تبين فيني وانا كذا
سحر تتنهد:يصير صوتك أحلـى لما تقوم من النوم ..فديتك ..
ناصر ابتسم:سحورتي وربي تعباانه .. تبغين شي ابرجع انوم..
سحر: نو!..بس ترا الساعه 9 ونص .. اذا بتروح لشغلك ماي ديـر
ناصر فتح عيونه:صدق؟.."سكر عيونه بـ خيبة امل"..لااااا ابي انوووووم تعباااان
سحر كنها تكلم بزر:يااااقلبي ع التعبانين ..تبي اجي اسوي لك مسـاج
ناصر ضحك:مب شينه!
سحـر:هههههههه إن يور دريم ...اوك قلبي .. يـللآ ويك آب !
ناصر:طيب يالعنقليزي .. قمت


لما سكرت من سحر .. طبعا ماتعرفون سحر هذي وحده متعرف عليها .. داخله كلية الاداب قسم انجليزي .. وآخر سنه هي الحين .. نص حكيها انجلش ..

دخلت الحمام ..واول ماطلعت رحت لـ دولابي مدري وش البس .. أخر شي رسيت على ثوب رمادي وغتره ..

لما خلصت مره نزلت الدرج الاقرب لـ غرفتي .. يوم وصلت تحت لقيت امي ماسكه علبة العلاج حقها وبترقـى .. حبيت راسها :كيف الحال يمه
امي: الحمدالله بخير .. ماشاء الله توك تروح الشغل
ناصر:وش نسوي يـا أم ناصر ..
امه تقلب وجهها : كم مره قلت لك كانك تعزني قلـي قللي يمه ولا ام محمد
ناصر:ياحوول ذا المحمد .. ماشفته واحس اني اغار منه
خنقتـه العبره: وش تغـار منه فييييه ياعميري .. خلها على ربك بس .. المهم رح لا يصول عليك ابوك
ناصر:إن شـاء الله يالله فمان الله

◙◙◙◙◙

في وحده من ثانويـات الرياض ..

- شوبك؟..مالك سرحاانه
شالت يدها عن خدها .. لفت لـ صديقته اللي قالت :ماكلتي شي!..لا يكون ماحليتي كويس بالامتحان
ملاك: لا مو على كذا يـأ فيّ.. بس احنا بأي شهر
فـيّ: شهـر (.....) ليه؟
ملاك ضاق صدرها: تخيلي ما جتني الدوره الشهـريه من 3 شهور
فـيّ شهقت:أمـاااااانه!..مجنونه روحـي أكشفي يمكن فيك شي ..
ملاك:تخيلي بس اقول لـ أمي ابروح لـ دكتوره ..يااااااامحلي!..مستحييييل اطب هالنوع من العيادات
فـيّ تمزح:اعترفي حامل من مين
ملاك شوي وتصيح: فيونه اتكلم جد!....3 شهور مب بسيطه وانا كملت الـ 18 من الصيفيه .. وش اسوي؟
فـي : امممممم انا قلت لك روحي اكشـفي!..وراح تعرفين
ملاك:مسسسسسستحيل!

◙◙◙◙◙


- بنات خل نطلع اليوم ..
نجـلا: شلون نطلع نسيتي اليوم إجتماع امك ..
خجل:إيييييه صح !..الله يذكرك الشهاده يختي نسيت
نجـلا:ندووي تعالي عندنا ..
ندى:بشوف امي اذا بتوافق جيت ..
خجل بحمااس:ايييييييه تذكـرت ..امس كلمت اخوي بنـدر .. تحيلوا وش يقول!!
نجـلآ:ايييش؟
خجل:بـ يجي قريب بس ماقال متى
ندى:آآلله يعني بيجي ملكتك
خجل:مدري عنه ماقال .. بس اهم شي انه بيجي
نجـلآ:يللاه .. اهم شي سلاماته ويجي يبارك لك فيس تو فيس ..
خجل:اييه عيت عليه يبـارك لي قلت له لازم تبارك لـي وانت فالرياض

◙◙◙◙◙

خبطت بالطاوله وهي معصبـه ..:ايش تقول انت .. انا ماصار لي شهر متخرجه من وين اجيب لك خبره ..من يون اجيب لك
الموظف المصـري:انا آسف يامـس .. بس القوانين دي مش من عاااندي..دا المدير عاوز كيـدا ! .. اعمل ايييه بـأهـ
جوان: وير از يور مانجـر .. أي ونت توك تو هيـم!
المصـري:الاستـاز فيّـصل .. مش فااضي لـ حضرتك .. لو سمحتي .."ويأشر ع الباب"..من غير مطرود
جوان طارت عيونها .. قامت :طييييييييب طييييييييب!..انا اوريك ..ستيووووبد!

طلعـت وراحت متجـهه عند الاستقبـال .. بس استوقفتـها لوحه زي الخريطـه لـ الشركـه .. شافت مكتب المدير اللي فالدور الخـامس .. وكان كله في أي بيـز..
أتجهت لـ الدور الخامس وهي معصبـه لي متى وهي تدور وظاايف ..وكل مره يقولون لازم خبره وكل واحد يتفـنن لها بـ حجم الخبره اللي يبيها .. ويوم لقـىة شركه عربيـه ولا خليجيه .. يقولها يبي خبره خمـس سنوات هي من وين تجيب هالخبـره منه!!..
بس اللي قهـرها هنا اسلوب الرجال المصري معاها .. من اول مادخلت ..
جوان تكلم نفسهـا :بهزء هالمدير .. وبطلـع!

اول ماوصلت ..فآجأها الكم الهـأئل من الخليجيين .. وخصوصـاً اغلبهم وااصح عليهم انهم خليجيين وضوح النهـأر ..
وقفت ماكانها ماتدري وين تروح ..شافت استقبال قدامها بس خافت يكون خليجي
بلعت ريقهـا .. واتجهت لـه .. :اكسكيوزمي!
رفع الرجال عينـه ..وتنفست جوان برااحه مو بخليجي ..:كان يو هليب مـي ..

◙◙◙◙◙

دخل سامي عقب مادخن وخلـص .. جلس على كرسيـه .. وطالع سطام :اقول سطام
رفع سطام عينه عن الاوراق اللي معـه : آمـر
سامي:مايـامر عليك عـدو .. بس ابسألك معك سلف !
سطام عقد حواجبـه :سلف كم يعني؟
سامي:حول الـ 10
سطام :عشـر الآلف؟؟؟
سامي :ليه ماعندك
سطام ماحب يكذب عليه :والله شـف .. هو عندي هالمبلغ بس اني موزيـه لليوم اللي بحتاجهم فيه ..أعذرني
سامي:والحين ماتسميها حاجـه ..
سطام بـ شك:وشوله
سامي:محتـاجها يا أخي
سطام:وبترجعها؟؟..تراك قد اخذت مني ولا رجعت كانك تذكر ..
سامي:المسـامح كريم .. بعدين ابرجعها لك دبـل
سطام ينهـي المسأله :والله شف ان عطيتك ماراح ترجعهـا وبنتزاعل .. وان ماعطيتك بعد بتزعل ..فـ ألاحسن ازعل وفلوسي معـي
فهد:هههههههههههههههههههههه
سامي بـ قهر ورفعة حاجب وكنه يتوعد: آخـر كلام عندك
سطام ينزل عينه على ورقته :ولا عندي غيره ..
فهد:سامي ياخي في بنوك تعطي قروض .. ليه ماتتسلف من هناك احسن لك
سـامي : ........................"مارد "

◙◙◙◙◙

وصلت في نـص السيب .. سيـب عريـــض مره .. على جنب في كم مكتب ..

- قود مورنـق!
التفت شفت واحد سعـودي .. واضح من شكله ومخارج الحروف عنده :هـلآ
استوعبت اني قلت "هـلا" ياربييييييه وش سويت انا
حسين :أكششـخ خليجيه .. من وين ؟
جوان :ير از يور مانجـر؟
حسين:ياشيخه اصير لك ماانجر.. بس من وين انتي
جوان:لو سمحت!..احترم نفسـك ..
حسين :إن شاء الله عمتي!..وش بغيتي
جوان:مكتب المدير .. هناك ..
وتـأشر على الباب اللي قدامها ..
حسين : اممممممم عندك موعد؟؟
جوان :وش عليك!..انت السكرتير ..
حسين:لا مب السكرتير .. بس اقولك اياهامن الحين اذا ماعندك موعـد.. ترا السكرتير ماراح يدخلك لو تناطحين السمـآ ..
جوان : شكـراً ع التشجييع ..
حسين:ههههههههههههههههههههه اهم شي قلت لك ..
جوان : لا إن شـاء الله .. ابدخــل !


◙◙◙
الجزء الخـــآمس..!
◙◙◙




أبَدْ عآديّ ...!

وشْ بـ يَصِيرْ لآمنْضِآعتْسِنينّي !
...............................ضِآعتْ سِنينّي !
............. .................ضِآعتْسِنينّي!

عُمر فآنيّ .. بـأعِزيْترّبتيّ (فيَنيْ)


كانت تمشـي وهي لافـه الجاكيت الاصفـر عليها ..الشمـس بدت تغرب .. وبـدآ الجو يظلم .. ويبرد.. دموعها ماوقفت .. وصلت عند المطعـم القريب من الفنـدق وجلست على اقرب طاوله وابعـد طاوله عن الناس .. عدلت حجابها واخذت لها منـآديل .. مسحت دموعها
وهمست لـ نفسها : خلك قويه نوره .. مو أنتـي اللي تنكسرين عشان رجال لا رآح ولا جـآ ..


!.... حَزينة....!
لحظة المغــــًـربْ..}
تموتْ الشَمس مجبورةتكابر
ودها ترجعٍ
وتعطِي الناس من نورهـٍ
ترىهذا"أنا" بدونكْ
بنفسْ الشْكل
"والصُورة"

/

مسك يدها ونزلت راسها وهي تسـأله : وش كثر تحبني احمد؟
احمـد: كثـــر كل شي ..
طالعته :يعنـي مستحييل يجي يوم وتتركنـي صح؟
احمد بـ عيونه اللي كانت تطفـح "حب" : أكيييد .. مايفرقنـآ الا الموت إن شاء الله وهذا احنـآ مملكين وكلها كم يوم وتصيرين بس لــــي!

/
وقفت وهي بـ كوشتها تعدل فسـاتها الابيـض..ابتسمت بـ حب وهي تشوفه مقبل عليها ووراه ابوها واخوانها وخالها .. بس ماكانت تشوف الا هـو ..اول ماوصل عندها كان مبتســم وقال : يــآلبى هالخشه وهالوجـه
ضحكت وقالت له : ولك تــؤبرني هالشواارب !!

/
◙◙◙◙◙


اخذت شنطتها وهي تسكر جوالها .. حطت جوالها بالشنطـه وقالت:اوك دكتوره انا طالعه ..أنتهـى دوامي تامرين على شي؟
د.أسمـاء: سـلامة ألبك حيـاتي .. وانا كمان رايحه!

طلعت من المستشفـى كله .. ورحت البيت .. اول مادخلت بيتنا سمعت صوت اختي جـود
- عبييييييييد اسكت ولا قسسم بالله بهالمركه على وجهـك
عبدالله:مب بيتك لحالك >اكره هالكلمه

اخذت جود الاب توب وتـوها بـ ترقى فوق
هيله :لحظه لحظه .. على وين عمتي؟
جود : أبقـرآ قصه ووأخوكم الملييح مايخلي احد في حاله
هيله :ودروسك ؟..ذاكرتي؟
جود:يـاليل ذا الدروس .. ايه خلصت
هيله:امداك؟
جود ترفع يدها في وجه اختها وتوريها الساعه:السـاعه الحين 8 .. امداني خلصت مذاكره وتحضير بعد
هيله:أمــــآ تحضرين كثري منها هذي
جود:وش قالوا لك ..مابعد زيّـت شعري عشان احضر ..
ابتسمت هيله:طيب خذي الاب ولا تطولين لاني ابيييه
جود:طيب

رقت جود فـوق .. وهيله راحت لـ أمها

◙◙◙◙◙

كان جالس في صـالة البيت .. كانوا امه واخته أحـلام يتقهوون .. دخلت ملاك
مــلاك:هاااااي افري ون
ام سطام:وينك ماتنشـافين ..
احلام:ساكنه فوق
ملاك وهي تجلس وتاخذ الزمزميه وتصب لها قهـوه:مالتس دخل انتي بعد .. انا وامي نصلـح
ام سطام:اختـس التسـبيره يامال الجدري .. اخترميها
ملاك بـ دلع:لا والله .. تجلس تشببـتس علي .. ولا تبين ارد
سطام :اقول يمـه متعب وينه فيه؟
ام سطام:مدري عنه الظاهر ناايم
كان سطام بـ يعلق ..بس سكت ..
ملاك وهي تنزل فنجالها:آآآآآآآلله من هالقهـوه الزينه .. من مصلحها؟
احلام:امي
ملاك:كشششخه يمه تصلحين قهـوه..اثرك راعية بيت وسنعه
ام سطام:شكلـتس تحسبيني صديقتـتس
احـلام:هههههههههههههه
ام سطام:معد به بـني!

رن جوال سطام ..رفعه وكان المتصل رقم غريب .. حطه عـ الصامت وخـلآه جنبه
احلام:ليه ماترد
سطام:رقم غريب .. تلقيـنه واحد لعاب ولا شي
احلام:اها .. الا سطـام وش صار على رقيتك ..
أبتسم سطام:مدري والله الى الان ماقالـوا لي شي ..
ام سطام :الله يكتب اللي فيه الخيـر
ملاك:اهم شي الرااتب .. كم؟
سطام:هههههههههههههههه هذا همك؟
ملاك:افكووورس .. يالله بليـز
سطام مارد ..وقالت ملاك:مسسسسوي ماتبي تقول
احلام : يختـي الرجال مايحبون يقولون رواتبهم لـ احد
سطام:لاتخافين بـ يزيد .. يـاحبك لـ الفلوس انتي بس
ملاك:مب كثر نوير ..
احلام:اقول سطاموووو..ماعندك قصايد خبري عاشقها
أبتسم :مب قصايد قصــايد!..تقدرين تقولين طـرطيش
احلام:اللي هو .. سمعــنا
فتح سطام جواله ..:بوريك وحده .. توها جايتني وسـائط
احلام:اوك
سـطام : ـنـي لـقيـتـك بـ/ أغنيـة ..
لـ .. { أمـ كُـلـثـومـ
وَ كـنـي قـريـتـك في
روآيـة .. { شكـسْـبيـر
فـي كـل شـي أتـخَيـلـك
لآنـي ـآلـوحـيـد ـآللـي ..
عـلـى بـحـرك ؛؛ يـع ــومـ ]
وَ ـآللـي عـرف مرسـآهـ
فـي رحـلـةـآلـسـيـر
|| لـحـظـة حَ ـبـيـبـي ..
قـبـل يسبـقـنـي ـآلـنُـوومـ ؛؛
بَـ/ ضـمـكْ لــ صـدري
ليـن .. {تـصـبـح عَـلـى خ ـيـر !!
أحـلام:يــــــاكشخه والله منتب سهل
سطام:هههههههه .. حلوه
ملاك:مررررره ..سمعنا وحده ثانيه
سطام:اوك ..ولقـآ وحده".. قآلوآ هلـَـَـَي وش فيكـ
مآترقد الليل [ ؟! ]

ترى السهر مالهـ عواقبحميده,‘
كآنكـ مريض روحواعمل تحآليـٍـٍـٍل,‘
يشرح لكـ الدكتور وصفهـ مفيدهـ,‘

قلت انشدوا رآإعي آلرموشالمضآليل~


اليوم صآر الحل وآلربط بيدهـ
قآلوا:تحبهـ[ ؟! ]
قلت:بالحيل بالحيلّّ

مـلاك:يـــــــآهووووه .. ثانيه ثـانيه
سطام:تراك ماتنعطين وجه انتي واختك
احلام:وش دخلني؟؟؟؟
ملاك:هههههه
سطام:آخر وحده ..

فتح الرسايل مره ثانيه ..وتوه بـ يدور دق جواله نفس الرقـم اللي تو
سطام يقوم:بــــرب

طلـع وهو يضغط عـ الزر الاخضر
سطام:آلو
صوت بنت :أهليــن سطام
.. من هذي ..عقد حواجبه يحاول يتذكر صوتها .. بس ابد مايعرفها عشان يتذكرها ..:هلا مين معي؟
البنت بـ غنج :كيفك اول شـي
سطام أخـذ نفس لا يقوم يفقع وجهها : الحمدالله بـ خير بس من معـي
البنت بـ حروف بعييده عن بعض وكأنها تدخل هالكلمـه بالغصب في اذن سطام : مجنـــونـتك!
سطام:نعـم؟
ضحكت بـ دلع وهي تكـرر:إيه مجنونتك ..وش فيك مو مصدق؟
سطـام:أقول لايـكثر من انتي ومن وين تعرفيني؟
تنهد:ليه تستغرب ان عندك وحده تحبك .. واحد مثلك جميـل ورزه وجسـم
قاطعها هـ الوقحه قبل تكمل!..قال بـ برود :انتي الحين داقه علي تعلميـني اني زين..دآري!
حـس انها تستـانس على عصبيته .. قام ومثل دور البـآرد:المهم اخلصي علي وش تبين؟
بـ همس:أبيك انت ..يصلح؟
سطام نفذ صبره:يـــــاليل البعـارين .. شوفي ياانك حرمه قولي لي من انتي ووش تبين ولا بسكـر منتيب اكبر همي يـالله!
البنت :أممممممم ..قلت لك ..أبيك .. واحبــك ..يعني لما تجيك وحده وتقول لك احبك ..ترد عليها كذا؟
طلع سطام برا البيت .. سكر باب الشارع وأتجه لـ سيارته
سطام تنهد وقال بـ هدوء:أسمعيني يابنت النـاس .. ماأظن ان يهون عليك تخسرين ثقة اهلك عشان وناسة ساعه او اقـل .. تعوذي من أبليـس .. وسكري جوالك
البنت:حبيـبي سطام .. انا مستعده أخسـر عشانك كل شي .. انت تدري اني تطلقت من زوجي عشانك؟؟
انصــــدم ..:ايش؟؟؟؟؟
البنت:انا احبك ياسطام الله يخليك افهمني!..وريحـني انا الليـل ماأنومه ..لانك مو جنبـي ..
سطـــــام:................"مصدوم من الوقاحه وكل شي"
البنت:عـ العموم فكـر .. وترا اسمي اريج!..اخت فهد
وسكرت


◙◙◙◙◙


وقف قدام المــرايه وعدل جاكيته الاسود ..كان لابس بنطلون جيـنز وتي شيرت ابيض .. اخذ كاميرته اللي مايقـدر يستغـني عنها .. الشنطه وكل عدتها
نزل الدرج ..وهو نازل تذكر ان اليوم إجتـماع أمـه..امه جامعه الحريم عندها .. كل من هب ودب صار يدخل بيتنا في هاليوم ..
طلع مع باب ثـاني غير الباب الرئيـسي .. وراح عن البـاركنق عشان ياخذ سيارته .. وهـو مـاشي مايدري عن العيون اللي تراقبـه ..





يَآزينْ جَويّ يَومْ أطِالَعڪ../بـسِڪآت~


وَديْ بـ طِولْ العِمرّ .. !



[ سِآڪتّ ]



................وَ أطِآلَعڪ !



تِقطعْ عَيونيّ منَ عيَونِڪ مسِآفاتْ



وَ ألمِسْ عيوْنيْ فيْ يَدينڪ وَأضِيعڪ



مَرآتْ تَبعدنيّ وَأقِربڪ مِرآتْ



.................. مِرآتْ



.......مِرآتْ



وَ دي مِرآتْ أحِسْ بـلَذتِڪ وَ أتِجرعِڪ






كانت جالسه عـ المرجيحه .. وتهـزها بـ شويش .. وهي تناظره يمشـي ..
أبتسمت من قلب وهي تشــوفه
همست بينها وبين نفسهـآ : رجع بدر واخيـراً.. تكحلت عيني بـ شوفته ..الحمدالله!

الاســم/ مرام يـاسر الـ"......"
العمـر/20 سنه
الشهاده/ طالبه جامعيه تخصص إدارة اعمال



◙◙◙◙◙

طلعت من غرفتها ..ماسكه ظهرهـا الحمل متعبها حيـل بس وش تسـوي .. جلست عـ الكنبه حقت الصاله .. جتها رساله عـ الجوال فتحتها
لبيــــﮧ / . .
{ لبيــــﮧ / . .
{لبيــــﮧ / . .يـاشوقــכּ لجلڪ دعـــاني
أجــيڪ و أشواقــيي تقــول {لبيــــﮧ . . .
.......................{لبيــــﮧ . . .
............ {لبيــــﮧ . . .
{ لبيــــﮧ . . .

جنبـڪ يصيــر العمــر لـﮧ طعــ0ـ
ثـــانـي . .
أحـسب قيمـــﮧ الــؤقــت و أحصيـﮧ }. .
لا جـاد وقــتيب اللقــى لو ثــواانـي ..
cـندي تســاوي
...................(ڪل )
............................... cـمري ثـوانـيـﮧ

المرسـل>>حبيـبي سعود

أبتسمت بـ حب .. وش طاري عليه ..
لحد يستـغرب هذا سعود عليه مسكــات .. صدق من شبـهه بـ الاطفال
دورت في جوالها رساله تناسب .. وهي تدور جتها رسـاله
فتحتهــا

مشتـآ آ آ آ ق صدقني ..

لـ عـطفك و راجيك !

{ أرجوك ,,

لاتكسرعيوني بـ فرقاك
رغبهـ طفل كلي
يحبك و يغليك "
كنك حنان الأم ,,
والجنةأرضاك !
ياشيـخ ماهو هين
انسى واخليك ..
بمـوت أنـا
إذا
[ القلبينسـاكـ ] !

المرســل>>حبـيبي سعود

أبتسمت ..وتطورت هالبسـمه لـ ضحكه .. رجعت تفتـح الرسـآيل تبي ترد له .. بس رن مره ثـأنيه ..
رسـآله جديـده!
فتحتـها
اسكن وسـط عمـري
ولك مني ( وعد ) بـ اني
~ أشيل ~ الهم من صدرك
واضمّه فيحضن قلبي ..!
| بـ داوي | لك انا جراحك
وبهدي ~ فرحي ~ لـ أحزانك
وبخليجرحك اللي فييك
يقول | أبعـد أنا ما أبيك |

مب صــآحي هالانسـان فييه شي .. مسكت الجوآل وضمته لـ صدرها.. تنتظر رساله جديده .. بس ماقدرت ودقت عليــه

ردت وبـ صوته ضحكه:ههههههههههههه هلا!
ديمـه:يـاشيخ احبك !
سعود:شلون يعني تحبـيني .. ترا انا إنسـان ما أرضى الا بالحب الشريف العفيف الطاهر
ديمـه:هههههه حـالتك صعبـه ..
سعود:وش رآيــك؟؟..حسيت اني اشتقت لك وقلت ارســل لك
ديمـه:كل ماجيت ارد رسلت بس بقولك أيـاها ..
سعود عقد حواجبه:تقولين ايش؟
ديمـه:برد ..حافـظه بيتين كذا ..أهدِيتِنِي–{وٍوٍردهـ..~~
وأهدِيتِ لِك–{قَلب..!!
بينِي وبينٍك..
وٍوٍردٍتٍك كَآنت–{أحلَى..!!
سعود:هههههههههههههههه .. يـأحبني لـتس مير
ديمه: قـل آمين
سعود:آميييين
ديمـه:الله لا يحرمني منك !
سعود: ولا منك يـــــارب .. "قال وهو يحك راسه"..يختي كلهم يعـايروني
ديمـه:من يعايرك بس وانا امعط شعره
ضحك:اخويــآي .. يقولون مب مرتك امك ولا البيـبي سيتر
ديمـه ضحكت لانهم صادقين:ههههههه .. قل لهم انتوا غايريين !
سعود:أقـول حيـاتي
ديمـه:لبيـه
سعود:مسـافة الطريق طيب؟
ديمـه:اوكـي انتظرك

أبتسمت .. وضمت جوالها .. وهـي تتذكر كل لحظـه عاشتها مع سعود .. رجعت تفتح جوالها .. وتقـرا الرسايل ..تذكرت إن هالنوع من الدلال والحب ماكانت تلقـآه عند اهلها .. وأخوانها الـ 2

/

- يـاأخي خذها انت انا عندي عيـال وحرمه
اخوها الثاني:طيب انا ومرتي نبي ناخذ راحتنا .. خذها انت تكفـى!
الاول:طيب تقدر تستفييد منها .. شف لك حل المهم خذها تفكـى
الثـاني:طيب شف انا عندي لك حـل ..أسبوع عندي وأسبـوع عند .. اعتقتد كذا فييه عدل
الاول:حلــــو!

/

- اسمعـي كل بيت له قوانينه !..اول ماترجعين من الجامعه تنامين لك شوي ثومن تستلمين شغل البيت مع الخداامه .. مب كل شي يصير عـ الشغاله
طالعت في اخوها تستنجد فيه..لكنـه قال بـ عدم مبآلاه وهو يطالع الجريده:أسمعي كلامها يـاديمه!..هذا النظــــــآم
/

- اسمعي طول هالاسبـوع اللي تجلسيينه هنـا..ياويلك سامعتني ياويلك ان شفتك برا غرفتك!..والاكل يوصل ليييييين عندك!
ديمـه بـ قل حيله:أن شاء الله

/

هالايـام كلها راحت من يوم راحت عند سعـود .. منقذهـآ من اخوانها والمسميـن بـ"عزوتها" ..
رجعت بـ ذاكرتها لـ اول ايام الملكه
/

- ديمـه حياتي خوفتيـني عليك .. وش فيك ؟
ديمه تسمح آثر دموعها لا يشوفها عقب ليـل طويل من البكـي:مافيني شي .. "ابتسمت بـ مرح"..تفضل جـوآ
توها بـ تدخل بس هو مسك يدها ووقفها.. لفت له كان يطالعها بـ تفحص:تبكـين صح؟
هالسـؤال خلها فكها السفلي يرتجف .. كانت شفايها ترتعش بلآ شي ..:لآ
هـي قالت لا من هنا .. ودموعها تفجرت من هنـا .. مسك يديها الـ2 ..
سعود:علميـني وش فيك
لكنها كانت منزله راسها .. تحاول تسكت .. بس يمكن وجوده يحسسها بـ الامان .. او يمكن تبي تتدلع شوي .. قرب لها وضمـها لـ صدره ومسح على شعرها :ديمه الحين تقولين لي وش فيك .. ولا ترا والله معد اقبـل عليك
وخرت عنه بـ حيّـآ .. ومرسومه على ثغرها ابتسامه:اتدلع .."طالعته"..عادي
أبتسم:لا اللي فيك مو دلع ..يالله عاد ترا بديت استحي من كثر ماأقول وش فيك
ديمـه:ههههههههههه .. سعود صدقني إن حسيت اني مسـتعده اقول .. صدقني بـ أقول لك !
سعود :بعتـبره وعـد!
ديمه:ههه وعـد!

/

صحاها من سراحانها صوت الباب وهو ينفـتح .. دخل سعود وسكر الباب وراه .. دخل الصاله وهو يحط المفتاح في جيبـه : السلام عليكم
ديمه ماسكه كرشتها:وعليكم الســــلام!
سعود:أخبــار ولدي الحبيب !
ديمـه:هههههه تراك وااثق انه ولد
سعود يجلـس جنبها .. وينزل راسه عند بطنها ويسمـع .. قام يهز راسه كأنه يسمع شي يقول البيـبي ..:إن شاء الله بقـولها..ابششر وانا ابوك بس انت لا تضرب امك الله يعافيك وتشوت .. ترا مايمدحون التشويت في بطون الحريم!
ديمـه:هههههههههههههه
رفع راسه وطالعها:شفـتي!..يقول قـل لـ مرتك تراني رجال!
ضحكت ديمـه: آلله من الفقش!..طيب رجال رجال! ..
عدل سعود جلسـته وارتخى ع الكنبه .. فصخ شماغه وهو يرخي راسه بعد ..لفت له ديمه:وش فيك تعبـان!
سعود:لآ .. بس أتليّـن شويتين
ديمـه مالت لـ تحت ..عشان تفصخ جزمة سعود .. لكن سعود وخر رجله بسرعه : وش تسوين؟؟
ديمه رفعت راسها وهي شيل شعرها عن وجهها : افصخ جزمتك .. وش فيك؟
سعود:لآ !..وش تفصخين جزمتي! .. انتي مابقـى لك الا ششهـر وتولدين .. شلون تهزعين كذا
ديمـه:طيب انا اخدك .. انت تعبـان
سعود:اذا تبين تخدميني .. لاتفصخينها ..
ديمـه:إن شـاء الله !.الا جبت الاغراض من الصيدليه ..
سعود نسـى:أي اغراض؟
ديمه :يوه سعود .. الاغـراص اللي وصتك
سعود يتميلح:لا يـاقلب سعود .. نسيت!
ديمـه:داريه..هو انت ماشاء الله ذاكرتك اصليه
سعود مسوي زعلان:تحمــدي تراك حامل
ضحكت ديمـه:ههههههههههههههههههههههههه


◙◙◙◙◙

◙◙◙◙◙


نزلت يدها عن شعرها وهي تأفف .. من ساعه وهي تحاول تصلـح فيه .. لفت راسها تشوف شعـرها كانت الشعره حقتها قويه وثقيله .. ويجي كيرلي طبيعي .. كان طويل يوصل لين نص ظهرها..بس مع الكيرلي يوصل للتحت كتفها .. آخر شي قررت تجيب السيرآميك تستشـوره .. تعبت من شعرها الصعب ..

نجـلا تكلم نفسها: كن ماوراي الا انت!..
اول ماظبط شعرها .. اخذت شنطتها مربعـة الشكل وكبير شوي .. لبست عبايتها .. وطلعت ..
وهي ماشيـه صادفت مرة ابوها .. طالعتها من فـوق لـ تحت : على وين إن شاء الله ..
نجـلا:بروح لـ خجل
ساره:الا قولي تهيتـين انتي وهي كن ماوراك رجـال!.."رفعت اصبعها فـ وجه نجـلا"..اصبري علي ان ماكشفتك يانجلا..على بالك ابوك مايدري عن سوايـاك
نجـلا:أي سوايـآ انتي ..تستهبلييين؟
سـاره: لاتنسين ان علاقتك مع ابوك ممكن تنعـدم بـ إشاره من اصبعي الصغير .. فـ عشان كذا اعقلـي يانجـلا
نجـلا ترفع طرحتها لـ شعرها:أقول مع السسسسلامه!

وطلعت


◙◙◙◙◙

فــــــي بيت فهد
- وش فيـك سرحان!
سطـام التفت لـ فهد: ابد .."يصرف"..اهوجس بالشغـل
سـامي :إييييه وش عليك ترقيت !
سطام:لا والله هالترقيه لين الحين حبر على ورق
فهد:الا على طاري الشغل دريتـو ان في زيادة رواتب!
التفت سطام:وش دراك؟
فهد:العالم كلها تحكي ..
سطام:طبعـــوا الخبر؟
فهد:لا .. بس كلاً يدري .. ليه ماتدري
هـز سطام كتوفـه ..غريبـه! ..
سـامي:اقول فهيداان.. ماعندك فلم ولا أي شي
فهد قـام:الا ذكـرتني ماخذ من اختي فـلم إنمـــــآ إييييه
قام عشان يجيبـه .. فهد اول ماقال اختي ..دق قلب سطام .. حس كن احد مروعه
سامي:وش في لونك انقلب؟
سطام:هاه!..لا ولا شي ..
رن جوال سـامي ..وهو قام:دقاايق ..
وطلـع برا الملحـق .. جلس سطام مع نفسـه وش يسوي بهالمصيبه اللي حلت عليه .. وتـوه يفكر بـ مصيبه الا تدخلت عليه مصيبـه ثانيه

- أهليييين سطام!
سطـام طارت عيونه من اللي شافه دخلت عليه بنت لابسه فستان حرير ومبيـن معالم جسمها..بلـع ريقه وده يصـرخ عليها ..ويخاف يدخل فهد ويشوفهم كذا ..
أريج:سطـام حبيبي وش فيك...فكرت باللي قلت لك عليه
سطام منزل راسه :الله يلعــنك ..اطلعـي براااا
أريج:سطام بليــــز انا قلت لك افهمني والله احبك!

رفع سطــام راسه ..لان طرف ثالث دخـل!


كان سـامي!.. ويطالعهم بـ ذهول .. يناظر اريج اللي اول مادخل التفت له ..وطلعت هروله .. شوي وارتسم على ثغـر سامي إبتسامة سخريه!
سامي وهو يجلس:اخت خويك يـاسطام..قويه ترا!
سطام يحـس مايدري وينه فيـه ..وجهه صار احمر من اللي قاعد يصيـر .. وقلبه يدق ويحس انه في لحظه ممكن يوقف ..لف على سـامي:وش قلت؟
سـامي:اقول انها قويه تخوون ثقة خويك اللي مدخلك بيـته
سطام بـ إنفعال :أسسسسسسكت!..انت ماتدري وش اللي صاير عشان تجي تتهمني
سكت سـامي .. ولا رد وكأن كلام سطام ماخش مخـه .. وهذا اللي قهـر سطام
سكــوت سامي!

- آسف شباب تأخرت عليكم

سـامي بـ دقه: لا في نااس مبسووطين يوم رحت .."وطالع سطام"..على قولتهم يلعب السبلـه!
طالعه سامي وهو ماسك السي دي:ها؟؟
سامي:اقول شغـل الفلم بس ..

◙◙◙◙◙



كانت تنزل من الدرج .. وهي تعدل البالطو حقها .. شـافت ام حسن الخدامه والمربيـه .. الام لهـآ .. كانت ترتب السفـره
جوان:ام حسن ..مادق عمي؟
ام حسـن:لاءه.."وهي تحط صحن الفاكهه كـ آخر شي ع السفره"..مش حتآكلي
جوان طنشت سؤالها:وش رايك ادق؟
ام حسـن:على عمك؟
جوان:نو!..ع الشغـل
ام حسـن:اممممممممم هو أل لك الاتنيـن .. اصبري شوي
جوان:اوكـ..ارودي اليوم الاحد مابقـى غير يوم واروح لهم!
ام حسـن:حـ ننزل السوبر ماركت..نشتري شوية حاجات
جوان:وش عندك؟..حاجات ايش؟
ام حسـن:اغـراض البيت
جوان:أهـآآ
ام حسـن:يالله ..كـوولي!
جوان اخذت لها فطيره:لا بطلع ..أغير جو شوي

◙◙◙◙◙


جلست على الكنبـه وتسند عليها ..راسي بـ ينفجر من التفكير مدري وش أســوي .. وشكل احمد وهو سكران في راسـي ماراح .. ولو اغفـى اشوفه
ماكنت متوقعه ان اللي اشوفه بالمسلسلات راح اشوفه عـ الواقع .. ولا وفي مين في زوجي
سمعت صوت الباب .. وقفت ..مدري من الروعه .. او ايش .. قلبي بـدا يدق
دخل وهو يـترنح .. كان يغني بـ لسان ثقيييييل .. هذا هو من يسكر يجلس غني وهذا هو الشـي اللي يقهـر ..
كان لابس جينز وقميص أبيض مفتوح وطالع صدره ..طالعها من فوق لـ تحت .. كانت لابسه بدي وردي وبنطلون بيجاما حرير .. ورافعه شعرها
احمد:أنتـ..انتي نوره ولا؟
نوره شوي وتصيـح:أستـــح على وجهك يـــا أحمد!
تقدم لها .. ومسك شعرها وجـرها له :أسمعـي حبيـبتي !..راح تنزلين معآي الحين ..تجربيييين الحيـآة الصححح!
نوره مسكت يده:آآآآآي اتركني ولا قسم بالله ياأحمد بـ تندم
أحمـد:ههههههههههههههههههه مابقى الا هي بعد .. تهدديني؟ .. بس شوفي حياتي انا بعلمك الحياه شلون .. راح اعوضك عن كل سنوات الحرمان اللي عشتيـها!
أخذها مع شعرها وجرها ورآه كأنها "كلب" وانتوا بـ كرامه .. ولا هو حاس أصـلاً بـ شي .. وش تنتظر من واحد سكــرآن ..
نوره وهي تمسك الباب وتصررخ:احمد احمد خلنـي..احمد حسسسسسبي الله عليك !
وقف احمد ونزل لـ مستواها ..حط اصبعه عند فمه:اوووووص!..ولا كلمه يابنت الذين ..
جرها وراه ودخل الاصنصير .. تركها وقاامت حاولت تفتحه بس بعدها عنـه .. نوره وهي تصيـح بـ شكل يقطع القلب:وش تبي مني ..فوق انك خربااااان تبي تخربني؟؟
أحمـد:أنــا ماأخربك ياقلبي انا أفتحك عـ الدنيـا .. تخلف يااخي انتوا يالسعوديين حارمين نفسكم
نوره بـ حقد وهي بين دموعها:هذا الديــن يامتخلف.. مو سعودي ولا بنقـالي

على انه كان يترنح وهو يمشـي وكل شي فييه ثقيـل ويحس بـ ثقل في أنه يشيل نفسه بس كانت عنده القوه الكافيه انه يجرها ورآه ..
اخذها مع يدها ..بس هي تركته بـ قوه:ماراح أجـي يالوااااااطي!..مو انا اللي تجرني على اشياء زي كذا
احمد بـ سخريه:اقول ياشريفـة مكة .. امشي بس .. ولا بمشيك انا
نـوره:سوو اللي تبي ماراح اجي معك .. رح أخــرب لحالك ياحمــــار
مسكها مع شعرها :انــا حمآر يالـ...

وقـام يسب .. صدق من قال ما تعرف معدن الشخـص الا إن سافرت معه .. وهذا هو احمـد يظهر على حقيقته ..
جرها معه فاللوبي والناس تناظر .. نوره حالها يليّـن الصخر ماتدري تفك نفسها ولا تغطي نفسها لانها لابسه بيجامه ولا كانت ساتره بـ ما يكفي ..
نوره:أحمد..احمد الله يخلييييييييك اتكرني خلااااص سوو اللي تبي بس خلنـي!!!
احمد رماها ..وقـال وهو رافع يدها اللي بـ يالله تثبت ..لانه الحين فااقد التركيـز ..:شوفي يابنت الفقـر .. أنا رجال اهم ماعلي ونااستي ووناسـة ربعي ..واللي احبهم .."نزل لها وقرب لها"..وانتي من اللي أحبهـم ..فـ أبي ونااستك صدقيني ماراح تندميـن!..وبتشكريني يوم من الايـام!


- وش تســوي يـا أحمد!
طالعت نوره فالرجال اللي ماكان احسن حال من احمد .. كان فـ يده شرآبيـن ..
احمد لف لـ خويه:هـلا والله ريـاض .. هات اللي معك ..

مد رياض صديق احمد ..الشراب ونوره تناظر وترتجـف ..جلس احمد .. وتعمد يجلس على رجولها عشان ماتقدر تقوم .. عطاها احمد كاس زجاجي جواه شراب لونه مثـل عصير التفـاج ..أبتسم :ترااه من الانواع الفـآخره .. الحلو لك يـا حلو
نوره ترتجف وتناظره وتنــاظر الكأس ..قالت بـ خوف:تخليني اشرب هذا يا أحمد؟
احمـد:ههههههههه .. عاادي ليش انتي معقده يختي؟..الناس وصلوا القمـر وانتي توك
ضربت نوره يد احمد وطااح الكأس ..وانكب اللي جواه .. طالعه احمد بـ غضب .. ضربها مع راسها:يـــاحقيره!!!! .." ونادا ريـاض " ريياااض هات الثااني ..أبييييه مركـز خلها تسكر!!..معد تشوف شي ..
مد رياض لـ احمد الكأس وهو مبتسم .. والوضع معجبه ..
صرخت نوره:وخــــــــروا عني .. احمد وخـر .. خلـ.....

- يـا أخي انت ماتستحي على وجهك؟؟..خااااااف ربك يـــا أخي
أحمد رفع راسه شـاف رجال:خير إن شاء الله !!!
الرجال كان واقف ومعصصب .. ووراه بنت واضح عليها الخوف ..وماسكه يده متحجبه شكلها فالـ 18 او 19 ..اما هو يعطي عمره عـ الـ 30
وقف احمد :رياض امسك نوره خلني اتفااهم معه
رياض: Come to your father
قرب رياض ومسك يد نوره ..أقشعـر جسمها وكل خليه داخلها هااجت :أبعــد عني .."التفت لـ رجال"..الله يخلييييييك لا تتركني

احمد:خيييييير اخوي؟
الرجال:يـاأخي خااف ربك .. ماتستحي على وجهك تجرجر وحده من محارمك كذا ..
طبعا الرجال مايدري انها زوجته ..
احمد :امنعـني
كان الرجال اقـوى جسم و اطول و اعرض.. واحمد حتى كان سكرآن .. دفه وطااح عـ الارض .. وبعد ريـأض اللي كان مقرب من نوره .. ونوره تحاول تبعد عنه .. بعده عنها بـ قوه ..
قربت لها البنت ..كانت لابسه شـآل وغطت نوره فيه ..
البنت :سوو لك شي؟
نـوره وهي تتقطع من البكـي:لآ ..
الرجال:وين غرفتك .. لاتنزلين من السويت لحالك
نوره بـ حزن ينهـشها:هذاك ..اللي كان يجبرني اشرب .. زوجي
شهقت البنت :زوجـــك؟؟؟؟؟؟..
الرجال مب اقل صدمه:طيب وين اهلك؟
بكت نوره اكثر:ماقلت لهم ..بيخافون علي
الرجال:مب عذر .. لازم تقولين لهم
نوره:اقولهم عشان تتقطع قلوبهم؟؟...ماعندهم فلوس يرجعووني .."مسك يد البنت"..تكفييين رجعوني الرياض..والله ادفـع اللي تبييينه بس انا ماأعرف اول مره اركب طياره هالمره بس .. والله لكم اللي تبووونه
التفت البنت لـ الرجال: وش رايك إبراهيم ..
إبراهيم قام:مانقدر نرجعك اختي ..
نوره لمت نفسها وغطت نفسها بـ الشـال ..ولا قدرت تنطق بـ حرف اول مره تتعرض لهـ المذله ..
البنت:ليييه طيب
إبراهيم:انتي تدرين يـا روان اننا جايين هنا عشان ريـان .. ولا نقدر نتـركه عشان نرجعها ..
روان:بس .."تنهدت وطالعت فالبنت"..تعالي معآي .. والله امي بتحبك ..
هزت نوره راسها وقامت :مشكوره يــــا.....
روان تقوم وراها:روان .. وانتي؟
نوره: ..نوره..مشكوره ياروان ..بس انا برجع للسويت ..
روان:طيب اذا رجعنا وخلصنا من علاج اخوي رجعناك معانا والله!..
نوره أبتسمت:لا ماراح ارجع الا مع زوجي.."بـ سخريه"..خبرك شهر عسـل وش بيقولون عني الناس ..


◙◙◙◙◙




فـ اليوم الثـاني..!

وانا طالع من مكتبـي ..كنت رايح لـ مكتب المدير لأن توه يداوم..دخلت عليه
- السـلام عليكم
المدير بـ ملامح جامده:هلا سطام تفضل اجلس
جلست وانا متوتر..وجهه مايبشر بـ خير..:سم طال عمرك
المدير:طبـعاً ياسطام ياولدي..انت تدري بـ موضوع زيادة الرواتب
أبتسمت :أيه ادري..
المدير: الموضوع ماكان اكيـد..وبعدين انا علمتك وقلت لك ان الموضوع سـر
سطام:ايه وانا سويت مثل ماقلت لي..ماقلت لـ احد
بـ عصبيه:وانا اشووف العكس..الخبر منتشـر بـ الشركه كلهاا..والكل يدري
سطام: بس طال عمــ....
المدير:سطـام..انت من احسـن الموظفين اللي توفظـوا عندي بـ الشركه..وأسمح لي انا..
قاطعته :اسمعني ياعمي..انا ماقلت لـ احد مستعد احلف لك..صدقني
المدير:يعني محد يدري الا 2 فـ هالشركه..معقوله نادر ذراعي اليمين هو اللي قايل لـ الموظفين؟؟..مافي احد غيرك..انا لازم أ...
قلت وانا ادعس على كرامتي خايف انه يطردني من هالشركه..:انا اللي اصرف على اهلي ترا انا على الله ثم على هالراتب
المدير:انا ماراح اخصم من راتبك..بس انـسى الترقيه ياسطام
سطام :بس صدقني..انا ماقلت لـ احد
المدير:آسف انا مقدر ارقيك..بس انت خيبت ظني ياسطام
سطام:انا قلت لك قبل..صدقني انا ماقلت لـ احد حتى اهلي
المدير:انا ماعلي الا من اللي اشوفه قدام عيوني..تقدر تتفضل الحين
قمت وانا مب مستعد انزل كرآمتـي لـ الارض واجلس اترجـا فيه..رب العالمين معي وانا مظلووم.. يمكن بعضكم مايشوف فيها تنزيل من الكرامه .. بس انا إنسـان كرامتي حسـاسه جداً..
ويمكن ربي صارفني عن شي..وهالترقيـه مو من صـالحي..

دخلت المكتب .. وشفت وجـه سـامي
ماسلمت ولا شي .. مااالي خلقه من بعد أمـس هالحثاله !.. يشك فيني ويحسبني من نوعيته ..ولا اكلم مين ..اخت فهد ...أعــــز أصدقاااي

◙◙◙◙◙

كنت ماسكه شنطتها الغـوتشي وتصلح معطفها بعد مانزلت من السياره .. صلح حجابها ..ودخلت الشركه ..
مشت لين وصلت الاصنصـير .. وهي تحاول تنظم عملية التنـفس عندها ..ذكرها الشعور بـ أول مره دخلت فيها جامعة أمريكـا .. واول يوم لها فالمدرسه .. كل شي جديد عليها .. الحين هي جديده على هـ الشركه ويمكن ماتتوظف .. هالشي فـ علم الغيب بس هي دعت ووصت ام حسن تدعي لها ..

Where are you goingطالعها السكرتير ..وقال بـ اسلوب ينرفز:
جوان:
I have an appointment with the
Director
السكرتير:انتي جوان عبداللطيف؟
جوان:يسس ..

رفع السكرتير .. ودق كم رقم ..:آلو...عمي اللي أسمها جوان عبداللطيف يـت!..أدخلها؟...إن شاء الله .."صك السماعه"..تقدرين تتفضلين

دخلت جوان وهي تجمع نَـفَسها .لمت اوراقها...فتحت الباب .. شافت مكتب وسيـع وفخم .. وريحة عطر رجالي تفوح فالمكان ..دخلت سكرت الباب وراها ..لقت واحد متسند وقدامه شاشة الاب بوت وأصبعه السبابه والإبهام ماسك ذقنه ويقـرآ شي بـ إنسجام .. وقفت جوان وهي تطالعه ماتوقعت بـ تشوف واحد توه شباب
جوان:قود مرونـق
طالعها "فيصل"..عقد حواجبه ..:هـلآ
دق قلبها أكثر من اول..نظرته ترووع هالإنسآن ..شلون عرف انها عربيه ..حتى شكلها مايعطي أساساً ..
سند نفسه عـ الطاوله ..وأشر ع الكرسي بـ يده:تفضلي اخت جوان!..ولا انا غلطان؟
تقدمت جوان وجلست:لا ..جوان عبداللطيف الـ"......"..
فيصل:طيب؟..وش اقدر اساعدك فيه؟
جوان طالعت اوراقها وحطتها عند عالطاوله:انا جيت هنا وقدمت على وظيفـه .. ورفضوني بدون سبب مقنـع
اخذ منها الاوراق القـى نظره سريعه .. ورفع عيينه لها:شلون بدون سبب مقنع؟
جوان:يقولون ماعندك خبره
فيصل:طيب؟..إحنـآ طالبين خبره اقل شي 5 سنين .. وانتي اصـلاً توك متخرجه
جوان:طيب لـ كل قاعده شواذ .. انا اعرف انجليـزي .. وكمبيوتر .. وتخصصي يناسب الشغل هنا
فيصل ماقدر يمسك نفسه:هههههههههههه
جوان استغربت منه:وش اللي يضحك؟
فيصل: لاتنسـين ان إحنا بـ أمريكا يعني الكل يعرف انجليزي
انحرجت منه .. صدق والله رااحت عليها هالنقـطه:طيب وش قلت
فيصل:والله يــامدام انا مقدر أسـوي لك شي .. انتي ادرى بالقوانين
جوان:اولاً انا ماني مدام .. ثـانياً وش قوانينه هذي انا ابي اكسب رزقي
فيصل :طيب .. خلي أوراقك هنـا .. وإن شاء الله راح نشوف لك .."أخذ كرت من صفة الكروت الموجوده "..هذي أرقام الشركه كلها .. اتصلي بكره
اخذت جوان الكرت :وراح تقبلوني
فيصل حط ملفها على جنب ورج لـ الاب:مدري ماأوعدك
جوان:أوكي .. ثـانكس!

طلعت

◙◙◙◙◙


انسدحت وانا آطـآلع السقف.. وكتابي على صدري..آآه ياقلبي..ليش يامرام تحلمين بـ شي بعيد بعيييييييد .. ولايمكن تملكيــنه .. شي يمكن نجوم السمـآ اقرب لك .. نزلت دمعتـها.. حب من طرف واحد..وأصعب شي ان الطرف الثــآني مايدري عنك..هو ياليته يدري اصـلا ان في وحده فـ الوجود اسمها مرآم ..
وتحبـــه تحبــه تحبــــــــــــــــــه!!!!...
تذكرت شكله يوم كان يكلم احد من اصدقـآه .. لين ابتسم ياربي ..احس بـ يغمـى علي.. ولا ضحكتــه ..يمكن انتوا اذا سمعتوها تقولون شينه ضحكته ووش معجبك فيهـآ..بس يقولون القرد فـ عين امه غـزال..هههههه بسم الله عليه مو قرد بس..

- مـرآم .. تذاكرين ولا نايمه
قمت وانا امسح دمعتــي..حالتي صعبه .. :لا يمه اذآكر..بس الظاهر نمت شوي
ام عبدالله : ماتبين تاكلين
طالعت ملزمتي..:لا باقي لي كثير
ام عبدالله :لعد تنومين الله يعافيك .. خلصي عشان تنومين معد الا خير
طالعت الساعه بدري والله :ان شاء الله



◙◙◙◙◙



مسكت وحده من القــدور وجلست تطـق..:اشب جمــري على جمــره ..واذوووب كلي على كلــــــــي..الحب ماصآر من نظره ..

- بس بس بس!!!!!!!!...أرحمـيني وراحمي نفســتس!
ضحكت وانا انـآظر وجه امي المعصـبه:طربـــــآنه!
ام مشـآري:يـ الله انستــبي الغـدآ ابوتس هالحين بـ يجي
مـلآك:يمـه احيانا احس نفسي شغاااااله
ام مشـآري:اقول لايكثر هرجتــس..
وطلعت

مسكت المـلآس وهي تحلطم:لاحوووووول..وش ذا القرف..لوهم يعطووني راتب ..والله لـ أشتغل بس..إفففف.."ولفت تحرك اللي فـ القدر"..ياربييييييييه !!!..متى اخلص الجامعه وأتوظف واشتغل زي النــآس..

- قامت تحلطم الشــغاله
لفيت ..:ع الاقل انا احسسن منك يـ العااااااطل
متعب مايدري وش يقول:على تبــن!!!!...
مـلآك تكمل اغنيتها اللي خربتها امهـآ:يـ اللي عشقتك ابي العشــره..والله ابي عشرتك يـ اللي..
متعب:اشتغلت الطقــآقه !!..صوتك بـآآآيخ !

طلع متعب عن اخـــته وآتجـه لـ الصـآله..وهو داخل كان ابو سطام جـآي
ابو سطام:لآ إلـــه الا الله .."شاف متعب اللي تقدم وحب راسه"..يـاهلا والله وغلا بـ ولدي متعب
متعب:وينك يبـه ماتنشااف..هالمره زودتها فالمزرعه ترا اشتقنا لك
ابتسم ابو سطام ..وهو متجه لـ الصاله بـ يجلس:أبد ياابوك .. بس ضايقن صديري شوي..اختك نوره لها فقده والله ..

- لا والله ..وانا يعني مالي فقـده؟؟؟
ابو سطام:عاد انتي يـارفلا شي ثاني
ملاك تحط يدها على فمها ..يقالها مصدومه:رفـلآ؟
متعب:روحي جهزي الغـدى بس؟
ملاك تجلس ع الكنب:قلت لـ الشغاله ...مالي خلق

- السسلآم عليكم!
الكل :وعليكم السلام
ابتسم سطام يوم شاف ابوه راح وسلم عليه:هلا والله يبه تو مانور البيت
ابو سطام :منور بكم ياولدي..الا انت وش اخبارك.."وبـ همس له"..مع امك؟
ضحك سطام بـ عذوبه:هههه ..نزقح ..
أبتسم:ههههههه تحمل وش نسوي .. الجنه تحت أقدام الامهات
سطام:وهذا اللي نسـويه
متعب:يبـه أبشرك سطامووه ترقـى
ابو سطام بـ فرحه وعلى دخلة ام سطام:لا عاااااد ..ألف ألف ألف مبرووووك ياسطام
سطام:بس
ام سطام وهي تفرش السفره:بعد حـييّ هو .."وناظرت متعب وملاك"..في ناس لاشـدوا حليهم يلقوون كل خير .. بس في نااس عجازين
ملاك تناظر متعب:ننسب إنّـا صح؟
متعب:شكله والله
سطام يتغصب الابتسامه:بس ..بقولكم شي ..
ابو سطام تقدم عـ السفـره:رح غسل يدك .. وتعال كل ثومن قل كل اللي تبي

◙◙◙◙◙

- هـلا والله بـ جوان
ارتـاعت ..ولفت لقت حسين:بسسسم الله شلون عرفت اسمي؟
حسـين:ههههههه .. لاتنسين انك تركتي اسمك عند السكرتير
جوان:وش بغيت؟
حسين يحك راسه:لا بس بـ سلم!..اشتقت اتكلم نجدي مع احد
جوان:لا يـأشيخ!
حسين:هههههههههههههه
جوان وهي تكذب:اوكي انا مستعجله .. لازم اروح

وأتجهت لـ الاصنصير!

◙◙◙◙◙

حطت الملعقه عـ الصحن:وش قلت؟؟
سطام وهو يناظر صحنه:بس صدقيني يمـه والله اني مظلوم
متعب عصب:ماعليك منه هالنـــــادر!..انا اوريك فيه بـ دعسه بسيارتي
ابو سطام :وش تدعسه انت ووجهك .."ناظر سطام اللي كان ضايق صدره..وحط يده على فخذه"..لا يضيق صدرك يـابوك!..انت مظلوم والله مايضيع حـق عبد!
ملاك:والله انه يقهــر..
ام سطام:الا زااد انت وراك تعلم!!!..يعني ماتقدر تصبر لين ينشرون الخبر
سطام:يمـه انا ماقلت لـ احد ..حتى فهد خويي..أصـلا نااسي الخبر
ابو سطام بـ نبره صارمه:خـلاص ياحصه انتهى الموضوع .. لعد تفتحونه من جديد
ام سطام وهي تقوم ..وواضح انها زعلت :الحمـــــدالله!
وطلعت
كل الانظـار اتجهت لـ سطام ..اللي جـآ بيقوم بس وقفه ابو سطام:ترا ان قمت بـ حرج عليك ياسطام!..أتركها لين تسفهل!
سطام:بس
ابو سطام:خلـــها قلت لك كانك تبي رضـآي


مُوٍ حُزٍنْ . . }-

لَكِنْ حَزٍيْنِ . . !
لَكِنْ حَزٍيْنِ . . !
لَكِنْ حَزٍيْنِ . . !
لَكِنْ حَزٍيْنِ . . !

◙◙◙◙◙

نزل من الدرج بـ يجامته..خطواته توضح انه واحد ..مــال .. مال من كل شي ..من الدنيا ومن الشغـل

- وش فيك يـابوي؟
ناصر وهو يروح لـ أمه اللي جالسه فالصاله عـ الجهه اليسـار:مدري ..الحين الظهر وبـ يجي ابوي .. وراحت علي نومه ولا رحت الشغل..
ام محمد ..رحمت ولدها الـ"شبه" وحيد ..عرفت ان يقصد تهزئ ابوه:طيب؟
ناصر يتثـآوب .. ويرخي راسه:رجلك بـ يهزئني كـ العاده
ام محمد:طب وش رايك توديني الموعد فالمسـتشفى هالحين ..واقوله انك كنت عندي
ناصر:صـدق؟
ام محمد:أيه صدق..بس توعدني وعد
ناصر:أيش؟
ام محمد:هم وعدين من واحد
ناصر:ايوه؟
ام محمد:اول مره تتخلف عن شغلك فاهم؟
ناصر:ابشري ..أو احاول هع..الثاني؟
ام محمد تهز راسها منه:والثـأني .. ابيك توديني بـ غير سيارتك ذا اللي كنها صندقه!..
ناصر فقـع ضحك:ههههههههههههههههه ..أبششششري.."قام"..صبر يـام نـ..احم قصدي ام محمد..بروح اغير ملابسي واجـي معاك

◙◙◙
الجزء الســادس ..!
◙◙◙




وقف عند باب المستشـفى .. ونزل من السياره ولف لـ الجهه الثانيه ..كانت امه تنزل .. مسك الباب لين توقف على رجولها ..
اول مااستقرت عـ الارض .. سكر الباب ..
ناصر:انتي كل كم يصير عندك موعد؟
ام محمد:العاده كل شهر .. بس أحياناً توجعني ريجـلاتي واظطر اروح
ناصر:سـلامة قلبك يـمه!..في عودينك
ام محمد:مالي عدوين الحمدالله ..

◙◙◙◙◙

كانت جالسه عـ السرير .. وعليها عبايتها وجنبها شنطتها وتناظر نـدى بـ ملل
نجـلا وهي تحط يدها على خدها : ندوووي بليـز!.. بسسسرعه تأخرنا
نـدى وهي ماسكه الاستشوار:دقاايق ..بس هوآ عشان شعري!
نجـلآ قامت وراحت لـ التلفزيون .. وفتحتـه ..اخذت الريموت وجلست تقلب في المحطات .. مالقت شي شدها وسكرته ..فتحت الدسك توب حق نـدى ..بس فتحت الشاشه لان ندى من النوع اللي مايسكر جهازه الا وقت النوم ولا وقت ماتكون طالعه ..
كانت فاتحه ايميـلها وحاطه بالخارج ..
نجـلا:ماتسكرين ايميلك انتي؟
نـدى وهي تستشور:اييييييييش؟
نجلا:ولا شي ..
فتحت المستندات..ثومن الموسيقـى..شافت اللي عندها لكن ماتقدر تشغل لان ندى تستشور .. وصوت الاستشوار عااالي مره ..
سكرت الشاشه بـ ملل وهي تتـأفف ..لفت بـ الكرسي وهي ترجع شعرها على ورآ .. كانت مبسوطه علييه لانه مليّـس وطاايل شوي وااصل لـ نص ظهرها ومن تحت شوي ..
جت عيـنها على باب غرفة نـدى اللي انفـتح ..ودخل ........

- نــدى ياهووو .. كم مره قاايل لك لا تدخليين حمامي!!!..ماتسمعين؟
رفعـت عينها العسليه له..شافته واقف عند الباب ومعاه فوطـه .. وعلى ذقنه رغوة الحلاقه..وكان معصب شوي
نـدى سكرت الاستشوار :خير مادخلته!
خالد: لاتنــافخين وجع!..الا داخله اجل من حاايس الحمام ..حتى مكينة الحلاقه مدري وينها
رفـع عينه وشاف نجـلا اللي كانت تطالعه ..يوم طالعه من ماتدري وش تسـوي .. رفعت الطرحه ..بعدهـا هو طلع
التفت نـدى:آآآسفه والله نجـلآتي .. وقسسسسم نااسية انك هنا من شفته يناافخ ضاعت علومي
نجـلا الى الان واضح عليها الارتباك:لا عادي

◙◙◙◙◙


سكرت التلفـون من "ملاك".. ورقت فـوق .. وراحت لـ غرفة بنت عمها الثانيه "الجوري" اللي كانت جالسه عـ السرير .. ومنحنيـه عالاب توب وشعرها مغطي وجهها

هيـا:أهلييييين يالدفـره
رفعت الجوري راسها:هههههههه أهليـن! ..تتهزين انتي وذا الوجه
هيا:من جدك انتي ترااك نسبـه .. والله ابوي ماسـوى خير يوم شرآ لك الاب
الجوري:حراام عليك والله اكلم جوان اختـي الحبيـبه!
هيا جت جنب الجوري .. وطالعت الشـاشه




جوان توبكها
Baby it's you

الجوري
{تنآسى..حآجتيّ لق'َـَـَربہ"




Baby it's you
Eeh men jd..bs en shallah ee8blony=(

هيـا التفتت على الجوري:يقبلونها وين؟
الجوري وهي تكتب عـ الكيبورد :قدمت على وظيفه في امريكا

Baby it's you
Al mshkela eno klhom gulf


{تنآسى..حآجتيّ لق'َـَـَربہ"
ههههههههه .. عادي عشان تحسين بـ الانتماء

Baby it's you
Ooh plzzz baby

{تنآسى..حآجتيّ لق'َـَـَربہ"
هههه .. صادقه والله بيضايقونك الخليجيين .. بس عاد وش تسوين ..

{تنآسى..حآجتيّ لق'َـَـَربہ"
بعد ماتدرين يمكن مايوظفونك عندهم

Baby it's you
Thanx sweety(فيس يتغصب الضحكه)

{تنآسى..حآجتيّ لق'َـَـَربہ"
هههههههههه سوري عـ التشجيع ^^"

هيـا قامت:إذا خلصتي مسولفه مع اختك .. تعالي غرفتي خل نسولف انا وانتي شوي
الجوري وعينها عالشاشه:طيب


◙◙◙◙◙

دخـل أمه عند الانتظار .. وراح عند الرسبشـن ..
ناصر:ألسلااام عليكم .. اخوي موعد لـ مضاوي الـ.........
حق الرسبشن قام يطقطق فالكيبورد .. وبعدين:والله اخوي الدكتور طالع الحين
ناصر:شلون؟..طيب انتوا معطينا الموعد اليوم ..
حق الرسبشن:السمووحه اخوي..بس الدكتور عنده ظرف طارئ .. تعالي اليوم الساعه 9 يكون هو فـاضي

ظرب ناصر الطاوله ضربه خفيفه وهو يقول:شكــراً ..

رجع لـ امه ..
ام محمد :هاه وش صار؟
ناصر وهو يمسك ييد امه ويتجـه لـ الاصنصير:يقولون اليوم الساعه 9 تعالي الدكتور عنده ظرف طارئ على قولته
◙◙◙◙◙


وصلـوا ندى ونجلا لـ بيت خجل .. طول الطريق ساكتين .. اول مادخلوا القصر ..نجلا سبقت ندى .. بس ندى مسك يدها ..
ندى:لحظه نجول
التفت نجـلا:هلا
ندى:زعلتي من اخوي؟
نجلا وجهها صار احمر: لا .. عادي يانـدى
نـدى:والله آســفه وقسم انه مايدري انك بتجين
نجلا:نديوووو لا يكثر امشي بس

◙◙◙◙◙




دخلت الجوري عند هيـا اللي كانت واقفه عند المرايه ..
الجوري: خلصت هذره .. وش عندك سواليف
التفت هيـا وهي فاكه الكشره من الحلق لـ الحلق :خلصصصصت الروايه
الجوري:جــــد .. واخيراً .. صار لك شهر تقرين فيها
رمت هيـا نفسها ع السرير وقالت بـ حالميه:ودي اتزوج واحد وأتلاااااعن انا وهو ..والعن خاامسه وهو يجلدني..وبعدين نحب بعض وكأن شيئاً لم يكن ..آآآآآآآآلله وناااسه
الجوري:ههههههه حالتك صعبه .. عاد لازم تاخذين ولد عمك حركات روايات ..
هيـا:من فييه ماعندي عيال عم الا متعب وسطام .. وش رايك أي واحد؟
الجوري:خذي سطام .. لان متعب ماتوظف
هيـا:ههههههه مصدقه انتي آخذ عيال عماني .. تخيليني بس.. لا جد يختي في اشياء تقهـر فالقصص
الجوري تجلس عالكرسي:زي؟
هيـا قامت وجلست :كلــــهم حلوين ماشاء الله عليهم..مدري من أي كوكب جايين
الجوري:امممممم لاحظت هالشي بالقصص .. بس تدرين مره قريت قصه ان وحده عاديه خذت شيين .. ههههه ماقدرت اكملها صرااحه ..بس ماأحب اللي من تبدا القصه لين تخلص وهي تقول ان البطله تهبـــل والبطل وخري عنه وسيم ورومنسي .. وششششهم وأبن قبيله
هيـا:اثرك سطحيه انتي وذا الوجه؟
الجوري:مو مسـألة سطحيه .. بس انا إنسانه قاريه قصه ابي اتخيل .. وش حادني اتخيل شي شيييين .. واحد شين وزوجته قبييييحه!
هيـا:طيب كلهم أغنيـاء .. وكلهم مثالييين
الجوري:ههه مسألة ان كلهم اغنياء هذي عشان تبي تبين لك الكمال ..او يمكن جانب إيجابي فالقصه .. هي تبي تكتب مشكله غير المشاكل الماديه اللي طفشنا منها فالمسلسلات.. او مثلاً تبي تعذب الابطال عذاب معنوي مو مادي ..مسألة مثاليين مب كل القصصه هذا اولاً ثانيـاً .. انا قريت قصص عالميه .. كل ابوهم اغنياء..عادي

- شـو عم تعملـوا هوون
التفت هيـا لـ عليا وتقلد نبرة صوتها:ياشين السرج عالبقر
عليا تركت الباب ودخلت :مالتس دخل انتي .. ورا ماتنزلون .. ترا مايمدحون الجلسه هنا
هيـا:ليه وش فيها غرفتي
عليـا مسويه تذب:بسم الله الرحمن الرحيم ماأبي اقول اسماميهم
هيـا قامت:لا والله ..ارحميني ..غرفتك كلها حشرااات وصوارير وظواطير وكل ابو شي
عليا:احسـن من .. "وسوت نفسها خايفه"..لا بسم الله ماأبي اقول اسماءهم .. عاد في غرفة هيـا عـ الريحه على طول يطلعون
هيا ارتاعت وشك في نفسها قامت تتلفت فالزوايا .. راحت لها :حمااااااره غرفتي مافيها شي
انحااشت عليا :ههههههههههه انا ماقلت الا الصدق
وحطت رجلها ونزلت تحت وهيـا لحقتها
ضحكت الجوري على خبالهم .. :ههههههههههههههههههههه
نزل وراهم ..

◙◙◙◙◙



ششَآفوآ إنيْمَآأبيـטּّ.. !
وحسسسبوٌآ هَآلجـرحْهـَيــטּّ,,


حط راسه عالدركسون .. الى الان ماشاف امه من بعد الغـدا .. ضايق صدره حيل .. حطوا نفسكم مكانه .. وانكم جالسين عالغدا وامكم قامت بـ سبة فعل فعلتوه او كلمه قلتوها ..تنهـد ورفع راسه ..سند نفسه وسكـر عيوونه ..



آإבـس آإنَيْ وآإنٌـآـآشهٌقْ.. آإجـيبٌ ~[همٌومْ هالدنّيـْآإ ]~ لـصٌدريْ ..


كله كووم ..وسالفة اريـج اللي مضيقه صدري كوم ثـاني ..مدري وش أسـوي
خصوصاً ان سامي عنده علم بالسالفه ولا ..ياليته فاهم صح .. حتى لو كان فاهم صح .. سامي حمـار!.. ومن اول يوم فالشركه وهو يكـرهني فالله .. ويتمنـى لي الشر .. وهذا هو مسك علي شي .. وشي كبيــر ..
سطام وهو يحرك السياره: لا إلــــه الا الله

راح لـ مكان شغل مشعل .. نزل من سيارته ودخل لين وصل مكتب مشعل .. اللي كان منغمـس فالشغل وراسه غاايص تحت الاوراق
سطام:الســــلام عليكم
رفه راسه :هلا والله وعليكم السـلام ..
تقدم سطام وجلس عالكرسي عند مكتبه ..وقال بإبتسامه:اشتـقت لك
مشعل بـ طرف عين:الله من النصـب!
سطام بـ عين حاده:كبرك انا امزح معك
مشعل حط يديه تحت ذقنه:وانت الصاادق .. انا اكبر
سطام :الا اقول يالكبير .. متى بتخلص .. "ناظر ساعته"..صار لكم ربع ساعه مخلصين دواماتكم
مشعل وهو ينزل راسه لـ الاوراق:مابعد صفرت طلِـعه
سطام عالهموم اللي كان شايلها بـ صدره .. وصعوبة التمثيل بالنسبه له بس انه انفجر :ههههههههههههههههههههههههههههههههههههههههههههههههه هه
مشعل رفع راسه .. وابتسم:هههههه ترا طلعة كذا والله
سطام:حلوه العفـويه يـاخالي
مشعل..خالي؟..السالفه فيها إنّ:يـاخي شف انت من الصبح تتميلح علي .. تبي سلف ماعندي.. قروض ماأعطي .. اكفلك وهالحركات .. أسمــــــح لي!
سطام:مشعلوه لا يكثر .. خن نطلع ضايقة بي الدنيا..صاكتني غلقه
مشعل:أكيد قايم متأخر
سطام:خلص شغلك يالله بس
مشعل:إن شاء الله عمـي

طالع سطام في خاله .. وده يستشـيره في سالفة اريج بس ..صعبه ..هو كأنه يشووه صور اهل اعـز اعـز اصدقاه عند خاله ..خصوصاً ان مشعل يعرف فهد
سطام:مشعل
مشعل وهو يجمع اوراقه:هممممم
سطام:لو مثلاً جتك اخت اعز اصدقاااك ..طيب؟..وقالت لك انها تحبك وتبي تكلمك .. وخرابيط البنات .. وش راح تكون ردة فعلك
مشعل:بسفهـآ ..
سطام:اممممممم طيب!..وإن درا احد من الناس اللي يكرهونك .. وانت ماتستبعد انه يروح يقول لـ خويك
مشعل:بروح اقول لخووي ظف اختك عني الله يعافيك ..يعني اتغدى فيه قبل يتعشـى فيني
سطام طالع الفـراغ ..هو فكر يقول لـ فهد .. بس والله صعبه مرررره صعبه وش اقوله ..أقول اختك ازعجتني .. ولا امسك اختك عني ..صعبـه والله !



◙◙◙◙◙

كنت لامه رجولي وجالسه ارتجف عند السويت .. الى الان مادخلت .. واحس الدنيـا تدوور فيني .. رااسي احس انه ينبـض عوار وعيني تدمع من الصدااع .. من كثر دمووعي اللي تنزل اربـع اربـع .. يـــــارب وش اسوي وش اسوي ..

- انتي لين الحين هنــا ؟؟
رفعت راسي .. لقيته واقف .. وقفت قدامه :أفتح الباب
احمد: مـــــاحزرتي ..أمشي معاي يالله
نوره:احمد .. الله يخليك خلني في حالي .. رجعني الرياض وانت اجلس سوو هنا اللي تبي ..
احمد:تحتمين فذاك الرجـال .. انا اوريك .."مسك يدها"..يالله امشي معااي

اخذها معااه وهي ماشيه وراه وقلبها تقطع من البكـي .. نزل تحت عند اللوبي ..وهي شدت على شال روان ..تبي تغطي نفسها .. راح عند زاويه فاللوبي الكبيــر .. وفتح باب كبير ودخل .. وهي دخلت وراه .. طالعت المكان بـ دهشه وذهول .. ودموعها على خدها .. كان شبه ظلام .. وصوت الاغاني يصدح فالمكان .. ونااس يرقصون .. تلقـائي هي رجعت بس مسكها احمد
احمد:على وييييييييين حياتي؟
نوره تصيـح وهي منهاره :احمد ..أحمــــــد الله يخليييك اسوي لك اللي تبي ..تكفـى بس خلني اطلع

احمد مارد .. لف يديه على كتفها ومشـى لين وصـل عند طاوله عليها 3 رجال وحرمتيـن
جلسها عالكرسي غصب ..:اجلسـي هنا .. وانا بروح اجيب لك شي ينشرب .. ماراح اطول .."وكلم اللي بالطاوله"..شباب خلوها عندكم ..امانه ههه
وراح

لميت الشال علي .. وانا اطالعهم .. كانت نظراتهم لي تروع .. شوي لهوا عني بس واحد منهم عرفته هذا "رياض"..قرب لي .. بس انا قمت
طالعت الباب ..وأتجـهت له بسرررعه بس الناس اللي يرقصون منتشرين في كل مكان ..يــــــالله وش هالفساد عندهم ..
حسيت بأحد يمسك يدي .. التفت كـان رياض
رياض وجفونه ثقيله من فرط الشرب:على وين ياقـمر؟ تو السهره فالبدايه
بعد يدي عنه ومن غير شعور دفيـته .. وركضـت فإتجاه الباب .. طلعت برآ .. بس أستوعبت اني الحين ضـايعه؟..وين اروح ؟

مدرٍي وِش صآرٍ ..
........................ وٍش حصلٍ ؟
ڪل شي تغيـَـَـَرٍ وٍآنفصل !
ڪآنت الفرٍحه عندنآ تبقى دهرٍ ،،
وٍڪآنت البسمه تملى النظرٍ /

ألتفت يميـن ويسار .. لو ادري وين سويت روان عالاقل رحت عندها ..
بس ماباليد حيلـه ..
طرت في بالها فكـره بالنسبه لها "جنـونيه"
سطـــام!..
لو قلت له وشلون بيقدر يتصرف ؟..أكيد بيقدر يدبر نفسه ..أكيـد
فجـأه طرت فكـره ثانيه .. أرتسمت على ثغرها إبتسامة خبث ممزوجه بـ نصر .. لفت ودخلت جوا مره ثانيه
من متـى نوره ينـداس على كرامتها .. ومن متى هي تهين نفسها عشـان رجال
لا رآج ولا جـآ


وكان احمد شايل معاه كاسين صغار .. ومتـجه لها
احمد:وين رحتي؟؟
نوره بـ غنج:آآسفه ياقلـبي! .. بس كنت أبي الحمام ولا عرفت وينه
ارتسمت إبتسامة ذهول على وجـه احمد :هااه؟..نوره؟
مسكت يده وقربت لها وقالت بـ دلع :عيوون نورتك ..
ابتسمت:امشي خلينـا نروح عند ربعي

سحبهـآ ورآه .. وهي مكشره منه ..بس لازم تسايره لانها بحـآجته!

◙◙◙◙◙

حطت رجل على رجل وهي عالكنبه .. وأبتسمت لـ "مرام" : طيب إذا طلعنا من المكتبه وين تبين نروح؟
مرام وهي تحط بعض الاغراض في شنطتها : اممممم بكيفك .. لو تبين نرجع البيت ماعندي مانع
إيمان قامت وحطت شنطتها على كتفها وهي تناظر ساعتها:أسـاساً مابقى شي عالصلاة .. يعني مايمدينا نطلع من المكتبه الا مذن المغرب خلينا نرجع بيتي .. ونروح بعدها لـ المطعم .. "ابتمست"..عازمتك
مرام ضحكت:إيييه المكافأه طالعه ..صايره كريمه!

طلعوا من غرفـة مرام .. أتجهت مرام لـ غرفة امها اللي كانت ملاصقه لغرفتها دخلت ودخل النور مع فتحها لباب .. اللي امتد لين وصل السرير وين ماكانت امها منسدحه .. والغرفه بآرده وهاديه جداً

"رفعت راسها" - مين عبدالله؟
مرام: لا يمه انا مرام
ام عبدالله :هلا مرام ماجتك إيمان؟
مرام وهي ماسكه أكرة الباب:ألا وهذاني طالعه تامريني على شي؟
ام عبدالله :لا ياقلبي سلامتك .. وانتبهي على نفسك ولا تأخرين
مرام:إن شاء الله .. "جت بتطلع بس تذكرت "..يمه ترا باقي ساعه الا ربع عالصلاة ..يعني لاتنومين
ابتسمت :إن شاء الله

طلعوا من وهم متجهين للباب .. اسوفهم صوت

- على وييييين ؟؟..
التفتت مرام :وين يعني!.. المكتبه ؟
جواهر:عبدالله داري؟
مرام وهي شاده على يدها لاتقوم الحين تسطرها:وانتي وششش عليك؟؟؟
جواهر ترفع سبابتها :أسمعي يا مرام .. ترا أن دريت انتس طالعتن منّـا ولا منّـا .. بدون علم عبدالله .. والله ان ادفتـس بـ يدي
مرام وهي تلف وتقول بـ برود :أن صرتي وليـة أمري ..ذيك الساعه حاسبيني.."وفتحت باب الشقه بتطلع"..يالله إيمـان!

طلعـوا واول ماستقروا بالسياره سألت إيمان
إيمان :وش فيها مرة اخوك؟ .. وش عندها خايفه على سمعتك وشرفك هههه
مرام :تبي تحافظ على سمعتي نظيفه ودها أحد من آل "فلآن"..يجون يخطبوني
إيمان:آلله هذولي مره وحده؟؟..تحلم ماقلنـا شي .. بس عاد مب كذا
مرام بـ سخريه وآلم :مدري الظاهر تدري اني آبي بدر هههه
ايمان مسكت يدها: ما على ربك شي بعييد ماتدرين !
مرام تلتفت على ايمان : لا ماأقدر اتزوج بدر .. انتي تدرين ان اسمي واهلي مايساعدون .. وبعدين لو فرضـنا اني بنت ناس قد المقام؛ هم عندهم البنت لولد عمها
إيمان: يوووه آخر واحد فكّـر كذا طاح عليه بيت طين فالدرعيـه
مرام:هههههههههههههه


◙◙◙◙◙


كان جالس فالصاله .. وفي حضنه الاب توب .. رفع عينه الناعسه على صوت أخته وهي تغنـي : الليـله ياأم العروسه .. الله يتـمم هناكي .. الليـله ليله سعييده ..
سطام وعينه عالشاشه:لا إله الا الله
ملاك:ارحمنــــــي ياللي ماتسمع
سطام: أنا احاول اتوب .. مب زيك
ملاك:إييييييييه ..بتوب قلت لي؟..الله يثبتك ان شاء الله وينفع بك ومنك قل آمين
سطام:تتهزين؟
ملاك ترفع يدها:أنـآ؟..حشى لـ الله !

- ملاك .. جيبي القهـوه يمـي!

قامت ملاك تجيب قهـوة المغرب لأبوها .. وابو سطام جلس عند التلفزيون ..

رن جوال سطام .. اللي كانت عينه عالشاشه .. رد من غير لايناظر الرقم
سطام: إيـوه!
...: أهليييين سطامي
سطام كشر .. بعد السماعه عن اذنه ..ونزلها وخلااها

وأريـج تتكلم و تتكلم بس محد يرد ..

◙◙◙◙◙


كانت ساكته وعليا وهيا يتكلمون .. في مثل هالمواضيع ماتحب تتدخل ..
هيـا:الله يهديه مالك .. وقسسسم محد جايب لأمي السكر الا هو ..
عليـا : اسكتي ماتدرين امس ..امي تدق وتدق ..ولا له حسس
هيـآ :يالله مابقـى الا شوي على رجعتـه .. وبترتاح امي
عليـا:أشك انه اصلاً رايح دراسه .. اجل احد يعاف ديرته ويحب لندن
هيا بنص عين :اقول ياوجدك بس تروحين عنده
الجوري:هههههههههههههههههههههههههههههه
عليا:اروح سياحه مب صياااعه
هيا ترمي المخده عليها:لا يكـثر .. مب عشاانه اخوك تطيحين الميانه .. قال ايش قال صياعه
عليـأ:إيييييه ..مالك من يومه اصلاً مب راعي درااسه

×مالك/ أخو هيا وعليا وولد عم الجوري .. إنسان دااج بعمنى الكلمه .. ماأنقبل بالجامعه وراح يدرس بـرآ ×

◙◙◙◙◙

فتح باب سيارته بـ عصبيه .. ركبها وسكره وهو يسب ويعلن في حظـه .. حرك سيارته متـجهه للبيت و الموقف يرن في راسه
/

رمـى الملف في وجهه ..:تسمي هذا شغل؟
سعود طالع في أبـوه :ليييه وش فيه شغلي؟
ابو سعود وجـهه احمر وكأن الدم تجمع في وجهه كله من العصبيه:سعود متـى بـ تكبر؟؟.. لين متى الاهمـال؟؟..ولا عشان شركـة اهلك يعني خلااص معد تهتم؟؟
سعود بدا يتوتر ويعصب:يبـه وش اني مسويه الله يهديـ....
قاطعه وهو رافع السبابته بـ توعد:أسمعني ياسعوود .. يا أنك رجالن اشغل زي الناس ولا شركتي تتغذرك!!!!
/

نزل من السياره ودخل البيت .. كانت ديمـه فالاستقبال لان هذا موعد رجعته .. طنشها وراح الغرفه .. فصخ شماغه وثوبه واخذ له بيجامه كانت ديمه مطلعها له واخذ له فوطه .. ودخل الحمام ياخذ له شـآور ..

◙◙◙◙◙


كان لا يده حول كتفها ومسنـد نفسه عليه .. من فرط الشرب .. وهي تمشي وتحاول توازنه .. وهو يغنـي
احمد:قـله!..الي وصلني منه يكفيني عمـر!..كيف يبرى طعن سكين الغدر .. آآآه قله كان لي عنده قـدر!
نوره وهي تحلطم :من جد والله .. اللي وصلني منك يكفيني .. مب بس عمر .. لو في اطول بعد!

اخذت الكرت من طيبه وفتحت السويت .. دخلت هي وهـو ورمتـه على اقرب كرسي .. وهو بـدوره ..هجد!..وبعدها غط في ساابع نومه
وقفت قدامه تطالعه ..بـ ملامح كلها قسسوه وكره وظلم! ..بس هالنظره مالبثت .. شوي بس..وطاحت من طولها وأجهشت بالبكـآء ..كانت تبكي خوف وقهـر ..طعنه من الهحبيب اللي علقت عليه آمالها وأحـلآمها ..

/
مد لها الكاس الزجاجي .. وداخله سايل لو يطب جوفها ..خسرت كل شي وأولهم دينها ..
غصبت شفتها عالبسمه .. وقلبها يدق بسررعه كبير..وصوت ضميرها اللي تحاول تسكته وتصم آذانها عن سماعه ..أخذت الكاس بـ يد ترجف .. طقـوا كاساتهم في بعـض
ريـاض:ابقترح عليهم نخب!.."طالع نوره"..إنضمام نوره لـ شلتنا

الله والشـله ..بدورا يشربون الا انا .. قربته من شفايفي حسيت ان ريحته تلسـع خشمي بـ بقوه وكأن ولا أحد من حواسي متقبل هالشي .. احكمت صك شفايفي وسويت نفسي اشرب .. وانا أحس بالذل والهوان
/

مسعت دموعي .. ورحت للسرير ..رمست نفسي ..وانا ابكـي .. وأحس الدنيـا ضايقه فيني
يـارب ساعدني

◙◙◙◙◙
طلع من الحمام .. وفوق راسه الفوطه .. لقـى ديمه جالس عالسرير ومعاها جوالها .. رمى الفوطه وانسدح عالسرير .. قامت ديمه وحطه الجوال عالكومينه .. وراحت تشيل الفوطه وتعلقها مكانها ..
ديمه :وش فيك؟
سعود وهو حاط يده على عيونه :مافيني شي !
ديمـه راحت عند وجلست على حافة السرير ..حطت يدها عند صدره .. شال يده وأبتسمت هي ..:طيب وش فيك داخل واخلاقك في راس خشمك؟
سعود سكت شوي:... عادي!
ديمه:ماتبي تاكل شي؟
سعود قام وجلس على حيله:بس متهاوش مع ابوي
ديمه ..مابان عليها أي دهشه ..لأنها مو اول مره وشي طبيعي لان ابو سعود شديد شوي مع عياله .. مسكت يده وشدت عليها:عـادي هذا ابوك ..وبعدين هو ماهاوشك الا يبي لك الاحسسسن
سعود:بس قهرني .. تخيلي ديمه رامي الملف فوجهي؟..مانيب بزر انا
أبتسمت:زي ماقلت ابووك .."وبمرح"..لو يذبحك حلال علييييه
سعود طالعها وهو رافع حاجب:لا ياشيخه!..يذبحني مره وحده ماتسوى علي ياعمري يا أنا
ديمه:هههههههههههههههههههه وانطق 4 شهور بالبيت يووووه
سعود:لا يـــاشيخه هذا اللي شايله همه.."ظرب يديه فـ بعض"..ودي اشوف وجهك لين قالوا لك سعود مات
ديمه كش جلدها .. ماتتخيل هاليوم ..بس قالت :هههههههه شلون انت بتصير ميت وقتها
سعود:أبدبر نفسي المهم ترااني جاايع خصوصاً مع الشور اللي اخذته ..جعت زياده
ديمه تقوم بصعوبه بسبب حملها:يالله مشينــا لطاولة الطعام

صدقنيّ }- أإنكٍ كل مآٍ مريَتٍ ‘

رٍوٍحٍ'ـَـَيّ نــأإدتكٍ . . . . !

مآكنهأإ تعرٍف سوىّ :

أإسٍ'ـَـَـَـمك ~
أإسٍ'ـَـَـَـمك ~
أإسٍ'ـَـَـَـمك ~

◙◙◙
الجزء الســابع ..!
◙◙◙



كان جالس بالانتظار حق الرجال .. ويهـز رجله ..يكـره الانتظار كره العمـى .. ناظر ساعته روليكس .. كانت تأشر لـ 9 وسبع دقايق .. وهم قايلين له 9 يكون الدكتـور فـاضي
بـدا يتوتر .. واحد مثله يكره الانتظار مرررره .. وأخلاقه وصلت لرآس خشمه

- مدآوي ال"........"
قام بسرعه وماصدق خبر انه نادى أسمها .. راح انتظار النساء واخذ امه ..وأتجـه لـ مكان الدكتوره ..
دخلـوا عند الدكتـوره أسماء طبيبة ام محمد

د.أسمـاء:ولك أهلييييين وسهليييين أِم مْحمَد ..
ام محمد تجلس عالكرسي وتفتش .. وقبالها ولدها ناصر:هلا بتـس اكثر
دأسماء:إييه اخبارك .. شو عامله مع البَردْ
ام محمد:والله الشكـوى لله ..رجيلاتي صايلتن علي بسبت هالبرد
عقدت الدكتوره اسماء حواجبها .. بس ابتسمت :بتحسي بألم شي؟
ام محمد:إييه والله .. من الليل امس وهي توجعني ..

أنفتح الباب ودخلت ممرضه شكلها سعوديه ..ومنقبه وعليها تنوره جينز ..
تكلمت ووضح من لهجتها انها عربيه ..او سعوديه خاصه:آسفه عتأخر دكتوره ..بس كنت بالستراحه
ابتسمت الدكتور:ماتعلميها مره تانيه .. عنّـا ضيووف
ابتسمت هيله لـ ام محمد:حيـّـآ الله ام محمد .. وانا اقول المستشفى منور
ناصر اللي مانزلت عينه عن هيله .. وإبتسامه مرتسمه على وجهه ..
ام محمد:هلا بك يآمي ..
قامت ام محمد بمساعده من هيله .. والدكتوره اسماء اللي لحقتهم ..
سكـروا الستاره .. كان نااصر معطي السرير ظهره .. نزل ظهره وارخى جلسته وقام يلعب بالجوال .. اخر شي طفـش ..فتح البلوثوث ..ودور اسماء يمكن يلقى احد ونفس الشي مالقى ..توقع تكون الممرضه السعوديه فاتحه بلوتوثها .. بس شكل مافي أي جهـآز ..مد يده في جيبه ..وطلع سماعات الجوال .. شبكها وقام يسمع اغاني ..

دقـآيق! .. طلعت هيله .. طاحت عينها علي وهو مرخي جلسته وطقطق برجله عالارض .. ويدندن مع الاغنيه .. لفت وفتحت الستاره وكانت ام محمد جالسه عالسرير .. وتعدل عبايتها ..
مشت الدكتوره اسما وجلست عالكرسي .. وناصر يوم شافهم خلصوا .. شال السماعات وسكر الاغاني ..
جلست الدكتوره وجت ام محمد وجلست .. اما هيله فكانت عند السرير واقفه
د.اسما:اممم .. لازم نعمل لك إشاعه..
ناصر:وشو له ؟
د.اسما بضحكه:ماتخاف استاز محمد .. "تغير لون ام محمد بس سكتت" .. بس شي عادي ورتيني ..كل فتره لازم نعمللآ .. منشان صحتها
ناصر:أهآ .."طالع امه"..يالله ام محمد وراك مشوار
ام محمد:الله يعين
د. أسماء:هاد إبنك
ام محمد:إييه .."وصححت لها"..ناصر!
الدكتوره اسما:اهاا..لكان فينو لمحمد؟
ام محمد أصفر وجهها .. وطالعت ناصر اللي عصب :وانتي وش دخلك .."وحط يده عالطاوله وهي ارتاعت"..يالله بس نبي نخلص الباقي ماورانا الا انتي
ام محمد بعتاب:نـــاصـــر!!!
هيله بلهجه حاده مثل نظرتها :لو سمحت عدل اسلوبك ترا مناب في شارع!!!
طالع ناصر هيله بنظرات غضب:وانتي وش دخلك؟..احد كلمك!
هيله: لامحد بس كذا مزاج برد ..وفيك خير افتح فمك
قام ناصر من مكانه ..وقف قبالها .. وعينه بعينها:وش قلتي؟!
قامت د. اسماء .. ووقف بينهم :خلاااص هيله .."والتفت لناصر"..سوري استاز .. بس هيا مابتعرف شو عم تحكي
هيله :لا اعرف .. "طالعت ناصر بنظرات حاده"..واعيد لو فيك خير افتح فمك
ناصر بـ هدوء بس داخله معصصصب لأبعد حد:أسمعي يابنت الناس..الظاهر ماتدرين انتي تتعاملين مع مين .. ياأنك تأسفي وقولي آآسفه ياعمي ناصر .. ولا راح تشوفين شي ..عمرك ماااشفتييييه
ام محمد قامت بصعوبه :ناصر الله يرضى لي عليك .. وخر عنها
هيله بإستهزاء قهـررر ناصر:هـهه!..انا أتأسف لك ؟..والله لو رزقي عندك ماأنطق بها ..وبعدين انا ماغلطت عشان أتأسف!
بعد ناصر عنها بع
ترجي امه له .. ولا تكلم بكلمه ..اخذ امه وطلـع!

◙◙◙◙◙

فتحت عيونها العسليه .. اول شي حسبت نفسها في غرفتها .. يوم استوعبت لقت نفسها في غرفة "خجل" ..ونايمه عالكنب وعليها لحاف
رفعت راسها وبعدت خصل من شعرها اللي صبغته مايله للأشقر ..راحت عليها نومه .. قامت رتبت شعرها شافت خجل اللي كانت نايمه .. الظاهر نامت يوم شافتها نايمه ..دخلت الحمام غسلت وجهها .. جت بتتوضى بس تذكرت ماعليها صلاة .. سكرت المغسله وطلعت من الحمام ..اخذت عبايتها وطلعت

دقت عالسواق .. ووقفت سيارتها قبال بوابة القصر .. وهي طالعه شافت في وجهها بندر اللي كان نازل من سيارته .. اول ماشافها ابتسم
بندر:يآهلآ ويامرحبـآ ..نجلا بنت عمي عندنا؟
أبتسمت نجلا :هلا بك اكثر ..الحمدالله عالسلامه
بنـدر:الله يسلمك .. اجل طالعه؟
نجلا:إيه والله ..
بندر يسكر الباب حق سيارته :بدري .."يناظر الساعه"..تونا تسـع!
نجلا:من عمرك بس واري امتحان ولا درست كويس
بندر:اوكي بالتوفيق ..
نجلا:وياك ان شاء الله

راحت للسيارتها التاهو .. وركبت واتجهت لـ البيت .. وهي داخله رقت فوق وسمعت صوت التلفزيون محطوط على فلم
اتجهت للـ القسم الخاص بإخوانها ..انفتح الباب اتوماتيكياً .. كانت صاله مكونه من طاولات منها بلياردو وهوكي .. وفريره ..وفيه بولنج وتلفزيون شاشـة بلازما 50 بوصه .. كانت صاله شبابيه وفالاخير عند التلفزيون فيه جلسه ارضيه كانت يزيد منسدح ويطالع فلم أكشـن

نجلا:السـلام
التفت يزيد وشاف اخته:هلا نجول .. جيتي
نجلا راحت عنده :ايه وش عندك وش تناظر
يزيد :اناظر push مدري وش اسمه
نجلا:وش هذا
يزيد:جالس اناظره ان خلص قلت لك
قامت نجلا:لا شكـراً مالي فالاكشن .. انا بذاكر وانام اخوك وين
يزيد وعينه عالشاشه :ايهم؟
نجلا كانت تسأل عن مشاري .. بس قالت :كلهم
يزيد:مشاري هايت فالشارع .. وفراس يمكن عند مرته
نجلا:لا مب عند خجل .. توني جايه من عندها
يزيد وعينه عالشاشه:مدري عنه
نـجلا:اوكي..
وطلعت ..طلعت جوالها واتصلت على مشاري
مشاري وعنده صجه :أهلييييييين
نجلا:هلا ميـيش وينك ؟
مشاري:طالع مع اخوياي ليه؟
نجلا:طيب متى ترجع ؟
مشاري:تبين شي؟
نجلا:لا بس ماعندك مدرسه؟
مشاري:ليه ولية امري مثـلاً
نجـلا:ميش انا اختك الكبيره .. يالله بس عند الهياااته وتعال
مشـاري يتهزا فيها وبدلعها:نجيـلآ لآ يكثـر لاتسوين فيها ابويـآ
نجلا حمر وجهها من العصبيه:مشـآري تعاااال يعني تعاااااال
ضحك مشاري:ههههههههههههههه طيب بس مب الحين بتعشى واجي
نجلا:اوكي.. يالله باي
وسكــرت قبل لا يقول بـأي !

وهي ماشيه ومتجهه لغرفتها .. استوقفها صوت من زمان ماسمعته .. تيبست مكانها خوف ورهبه من هالصوت اللي خلا الرعب يدب في كل خليه ..
التفت وشافت ابوها كان لابس ثوب بيت لانه يحبه ويرتاح فيه .. ومعاه جريده ومتجه لها ..يوم التفت وقف مكانه :تعالي لغرفتي أبيك!
نجلا:إن شاء الله !

مشت معه وهي ماتدري وش يبي .. وش ممكن ابوها يبي وهو مايطلها الا فالـ3 سنوات مره .. يمكن بيحددون ملكتها مع ناصر .. لالا إن شاء الله لا.. هم متفقين ان الملكه ماراح تكون فالوقت الحالي .. خصوصاً ان خجل وفراس زواجهم قريب ..
دخلت غرفته اللي كانت بارده جداً .. وخصوصا انهم فالشتاء .. كانت ريحة الزقاير والدخان تعج فالمكان .. راح ابوه وجلس عالجلسه المقابله عالسرير .. كان قباله قهوه وزقارته بعد .. رفع عينه اللي كان فيها كثير من عين فراس ..
ابو فراس:وش انك مسويه يانجلا؟
نجلا ارتاعت:وش سويت
ابوها بحده:انا أسألك لا تجاوبين بسؤال!
نجلاء : طيب انا مـ..مدري ايش تتكلم عنه
ابو فراس:ساره تقول انك تطلعين .. وتهيتين ماترجعين الا آخر الليل .. وجوالك داايم مشغول ..ودايم لين سألتك وين رآيحه تقولين انك عند خجل!
نجـلا:اساسا متى دقت علي وصار جوالي مشغول .. هذا اولاً ثانيا انا لما اطلع ماأهيت انا عند خجل اجهز معها للزواج
مسك ابو فراس ذقنه .. كان عذر مقبول بالنسبه له .. :طيب ليه ماترجعين الا آخر الليل!
نجـلا:يبه انا ماتجي الا 11 الا انا فالبيت والله
ابو فراس: نجـلا .. ترا انتي بنتي الوحيده وانا معطيك الثقه لا تخليني اندم
نجـلاء:وانا قد ثقتك يبـه!..سـ..ساره فاهمه غلط يمكن
ابو فراس:خـلاص روحي غرفتك

طلعت من غرفته وهي خانقتها العبره .. وش حادها تتحمل شك ابوها فيها .. حتى في بداية حياتهم مع ساره .. اخوانها شكوا فيها .. تكرها وتكـرها .. بس المشكله ماتقدر تسوي أي شي لها ..
وهي ماشيه صقع كتفها في كتف احد يوم شافت لقت ساره اللي كانت لابسه عبايتها وشكل توها جايه من زواج .. عطتها نظره وراحت للغرفه !

◙◙◙◙◙


مـن بكره .. قام من سريره ولبس ثـوبه ..نزل تحت لقـى اخته ملاك جالسه فالصاله وفاتحه التلفزيون
سطام:مشينـآ؟
ملاك تقوم وتاخذ شنطتها:مشيـنا!

أتجـه سطام ومعاه اخته للسياره ..فتح الدرج وطلع نظارته الشمسيه ولبسها ..
رن جواله اللي كان موسيقـة لازاد
المتصل >رقم غريب

سطام:آلووو
..... : آآلله حلوو صوتك الصبـاح وانت توك قايم !
التفت سطام على ملاك .. جا بيسكر بس ماقدر وجا بيهزاء ونفس الحكايه مايقدر تكلم كنه يكلم واحد معاه بالشغل : نعم وش بغيت؟
اريج:جنبك احد؟ .. يااحظه ليته انا
سطام :................
اريج:سطام حياتي .. فكرت باللي قلت لك عليييه
سطام :لآ والله مانيب فاضي لك .."سكت شوي تمويه للملاك "..يالله اجل فمان الله
وسكــر
ملاك :اما وانت تتكلم برسميه .. بصرااااحه !
سطام يبتسم :هذا واحـد بثر الله يخسه ..قسسم لين دق ودي اكسر الجوال
ملاك تضحك:هههههههههه اشوى اني مب هوو
سطام :بسم الله عليك منه !
ملاك:مين مين مييييين ؟...تكفى قل لي
سطام:اقول لا يكثـر ملاكووه ترا اخلاقي في راس خششششمي!
ملاك تمسك يده :سطـــــامي ..بليييييز!
سطام يطالع في الطريق والجوال في يده شوي ويكسره :.............
ملاك خذت الجوال.. وتحطه في حضنها وتمسكه بقوه لاياخذه:يووووووو أنا أكلمـ...

عطاها سطام نظره خلتها تخاف ..قال وهو يرص اسنانه ..وبأسلوب جامد:ملاك هاتي الجوال دام النفس عليك طيبـه!
ملاك تعاند:لآ ! .. اول شي لما أكلمك عطني وجه
صرخ في وجهها :مـلاك وورب الكعـبه ان ماجبتي الجوال..إن يجيك شي عمرك ماشفتييييه!
ملاك خافت ..وتيبست في مكانها ..
اخذ هو الجوال من حضنها.. وقام يـطالع الطريق وشكله وااضح انه معصب

"كله هذا بـ سبتك يـا أريج الزفت!..حتى اعصابي ماعاد املكها"


◙◙◙◙◙

فتح باب سيارته ..وهو يطالع فوق وكأنه يتحسس الجو .. قال وهو يمط الجاكيت اللي عليه
"إفففف وش هالحـر عندكم فالرياض .. وتسمون هذا شتـآء "

شغل السياره وانتظرها تحتمـي .. شد قبضته عالدكسون وهو يحس بحراره دااخله ونااااار تشتعـل وتسعـر .. اجل ممرضه متنفه حتى اصلها ماينعرف وشهوو تجي تعلي صوتها علي؟؟..انا ناصـر ولد عبدالرحمن ؟
حرك السياره ..ويحس ان مووده من امس منقلب .. وصل للشركه وقف السياره ورمى المفتاح للحارس وقال من غير لا يناظره :لبقهـآ !

دخل الشركه ونفسه في رااس خشمه كله بـ سبة هيله ..
وهو ماشي بالسيب .. شاف واحد من الموظفيين :السلام استاذ ناصر
كمل ناصر طريقه ولا رد .. هذا طبع نااصر ان تنرفز من شخص واحد .. يكره الدنيـا كلها وكلهم لازم يتنرفوزن معـآه !

فتح باب مكتبـه وسمع 2 يتكلمون

- وش عنده ..شكله صايل
رد الثـاني:ايه والله شكل الاخلاق واصله فوق ..

التفت عليهم ..وصرخ:وانتوا وش دخلكم ؟..معصب ولا مروق يالله كل واحد يشوف شغله لا اخصصم كل رابتكم حق 3 شهوور قداام !

مشـوا ولا تكلموا ..
دخل المكتب .. وسمع صوت طارق وراه
طارق:وش فيك بعد؟.. وش عندك معصب ..
جلس ناصر على كرسيه ..اخذ نفس :مــــزااج
طارق :طيب ترا اليوم ابوك سأل عنك .. وقلت له انك جيت
ناصر: مـشكور
طارق: لاجد وش عندك معصب .. ماسمعت صوتك توو وانت تصرخ عالموظفين
ناصر:ولا شي بس اليوم حـر وحايمه كبدي من الدنيـا كلها
طارق:ودي اصدق
عصصب ناصر منه:عمـرك ماصدقت ..
طارق:طيب طيب .. انا بروح اجيب قهوه وبجيب لك معاي و تفطر بلكن تروق


◙◙◙◙◙


عالسـاعه 9 ونص .. قام من النوم .. طالع السـاعه وهو فاتح عين ومسكر عين .. "آلله 9 ولا قمت للشغل ؟ ..يالله اليوم إجازه"
قام من السرير وشاف ديمه زوجته نايمه بجنبه شكل راحت عليها نومه ولا قومته .. قام غسـل وجهه خمس دقايق الا هو مصحصح ..راح عند المطبـخ وقف وهو يحك راسه ..مايعرف يسوي حتى بيـض ..
فتح الثلاجه لقى ببسي و2 سفـن آب وراوخ
اخذ له ببسي .. وشاف سله محوطه جنب الفرن سله وفيها كروسونات ..اخذ له 2 وولع الفرن وحماها شوي ..
وأتجـه للكنبه وجلس عليها وولع التلفـزيون ..


◙◙◙◙◙

جلس عالكرسي .. وفهد جنبه .. يحس بـ توتر خصوصاً مكالمة اريج اليوم لخبطت ابوه ..مايدري شلون يتصرف اول مره يحس نفسه تايـه وضاايع ولا يدري شلون يفكـر المشكله انها اخت اعـز اخوياااه
مسك القلم يبي يكتب بس مخه ابد مب معه .. ولو مخه يتكلم كان قال
"مانيب رايق لك انت وشغلك" .. أخـذ نفس ولا طلعه لـ برا .. يمكن يوصل للمخ .. زفـر وهو مسكر عينه

فهد :وش فيك سطاموه .. مب على بعضك؟
ارتبك وناظر فهد:هاه؟
فهـد:من قال هاه سمع !.. وش فييك؟
طالع سطام مكان سامي اللي كان خالي تنفـس براحه .. لو كان فيه وش بيسوي ..اكيد بيذب وحده من كلماته اللي تسـم البدن وتنرفزه وتطلعه من طوره !
طالع الورقه قدامه ولا يدري وش يسـوي .. يحس انه يخون خويه وصديق عمـره .. وخساااارته كبيـره وقويه!..بالنسبه له
سطام ناظر فهد:فهــد انا !.."وسكت"
فهد يحثـه يتكلم :انت.. وش فيك؟
سطام:اوعدني انك ماتفهـم غلط
فهد:إن شاء الله بس وش فيك

سطام طول عمره ماعنده الجراءه انه يواجهه .. خصوصاً في مواضيع زي كذا
- ســــلام شباب

التفـتوا للسامي
فهد يناظر ساعته:بدري 9 ونص كان ماجيت ؟
سامي:ودي والله .."وتثااوب"..بس خفت ينخصم من راتبي ..
فهد:هههههههه والله انك يايعها بـ نص ريال
سامي يناظر سطام .. اللي كان يخـزه بنظره :زي بعض النااس بايعين عشرة عمر
فهد ناظر سطام اللي شوي ويقوم يدفـنه :وش سالفتكم انتـوا؟
سطام :..............
سامي:أبـد .. سلامتك !

◙◙◙◙◙

طالعت ساعتي وش عندها ديمه الى الان ماقامت ..رحت الغرفه ..فتحت دولابي وانا اقول :ديمـــــه !
اخذت لي بنطلون جنز مع تي شيرت ..لبست وطالعتها الى الان نايمه
سعود:ديمـــه !
ديمـه :.........." لآ رد "
رحت عندها ووقفت ..كانت لافه عالجهه الثانيه ومعطيتني ظهرها شكلها تعاند
مديت يدي وحطيتها على خدها .. حسيت قشعريره سـرت في جسمي .. قلبي نبض نبضـه قووووويه ..ومن بعد هالنبضه صارت نبضااته كلها تتسـارع .. خدها بـآآآآآرد مررررره
لفيتها لي كانت شفايفها بيضـآ .. جلست عالسرير :ديمـه ..ديمه عمري قومي الله يخليك لا تسوين فيني كذا ... ديمه قووووووووومي!

اخذ لحاف وغطى جسمها يمكن تدفـى .. بس لـ لحظه حس انه يلعب على نفسه ..رفعها وضمها لصدره ..:ديمه .. ديمه ردي تكفييين!
شالها .. وهو يقول:ديمه قلبي اصبري .. لاتموتيييين ديمـه !

ركبها فالسياره .. وأتجـه لأقرب مستشفى .. اول ماوصل الطوارئ اخذوها منه .. ووسط الزحمه والربكـه جلس هو عالارض ويحس ان دقايقها معدوده ..او لا خلصت ..مسك راسه و شريط ذكرياته معها يمر ..من ملك عليها ليوم العرس .. لكل يوم حلو ومُـرّ مروا به .. تعوذ من الشيطان وقام يدعي ربه انه يسهل عليهم .. وتطلع الدكتور وتبشـره انها بخيييييير .. قام من مكانه وراح لغرفه اول مادخل ..شافهم يتكلمون في مابينهم .. اخذوا السرير وانقلووه وهو وراهم

سعـود:what happened to my wife
الممرضه بدون مقدمات:your wife is dead
وقف مكانه يترجم ..مــــاتت!..يعني جد؟..حس ان بيفقد الوعي بأي لحظه .. اتنبـه لنفسه .. وركض للممرضه



مآتت الفرحٍ‘ـــــــہ



مآتت الفرحٍ‘ـــــــہ










سعود منهآر .. قال بترجي الدنيا كلها ودموعه تنزل:روحي اكشـفي عليها مره ثانيه ..تكفيييين تأكدي
الممرضه مافهمت عليه بس قالت قبل لاتلحق سرير ديمه : should we generate
(لازم نولدها)

جلس عالارض .. لم نفسه وهو يتنفس بصعووبه .. :ياارب يااااارب ماأبي الطفل ابي زوجتي .. تكفى ياارب لاتاخذها مني خذني انــا بس هي لا !


صــآبنْيمِثل"آلسُڪۈِت . .!

--{آلمُزِعج . . آلمُحرِج:ڪ‘ َـلآم~

آتنَفسأبـْي أحگي . .!

....... أنـگسْرِرِ

....... أنـگسْرِرِ

....... أنـگسْرِرِ


مآقلت شَي . .!

◙◙◙◙◙


طلعت من زحمة المقصف .. وهي ترتب شعرها ..
- وأخيـراً
ملاك تفتح عصيرها التفـاح :وهـ مابغيييت ..حشى مجاعة افريقيا
فيّ:هههههه وجع استغفري يامال العنقز .. الحين معد تلقين شي تاكلينه
ملاك:ههههههههه

جلسـوا مع البنات .. وقاموا يسولفون .. جت في وسألت ملاك على جنب
فيّ: الا وش صار عليك .. لين الحين ماجتك الدوره؟
ملاك كانت بتاكل الكروسون .. بس ضاق صدرها ونزلته..حطت يدها على بطنها: لآ لين الحين .. بكمل الاربع شهور
فـيّ:مجنووونه وربي مجنـونه!..روحي للطبيبه
ملاك:مستحيييييييييل لو وش يصير والله ما أطب هالعياده
فـيّ: خبله ترا هالاشيـاء ماتستهينين فيها .. اكشفي ملوكه عشاني طيب
ملاك:مانيب كااشفه لو تناطحين السماء .. يعني ماراح اكشـف!

◙◙◙◙◙


جـته الممرضه .. ووجهه يبشـر بخير .. قمت ووقف قبالها وكأني ابي اسمع زيين ..
سعود:هاه .. بشريني!
الممرضه : congratulatins..shes a girl
سعود:ديمـه .. ديمـه وش صار عليها .. my wife?
الممرضه بحزن مصطنع :I'm sorry ..ur wife is daed

أرتخت غضلات جسمـه .. ودموعه اخذت مجرها على خده .. أسبل قامته عالارض بـ كل قسوه من غير رحمه لـ جسمه .. غطى وجهه وهو يبكـي على زوجته




مـَـَـَـَـآت‘

كلّ شي كنتً{آحسٍ‘َـَـَه



‘



حيّ‘ ..فيّ هآذيُ[الحيآه]

" الأملُ" /في رٍجعةالأحبآب!


........ [صٍ‘َـَـَوٍت الأمنيآتً]


وٍوٍ كلّ شي كنت آحبهُ‘


مـرّ. . .وٍدعٍ‘ َـَـَني!


.......................وٍ/ فــَـَـَـَـآت ‘




في دآخله صرخه ودها تطلع .. بس شي يمنعه .. يبي يبكي .. يبي يحـرر الحزن اللي داخله بس مايقدر يحس بـ شي طااابق على صدره ..
صارت اوصاله ترتجف .. والدنيـا تدور فيه .. راح من غير رآي لـ الغرفه اللي طلعت منها الممرضه .. دخل لقـاها ممده ..ركض لها مثل المجنون ودموعه حجبت الرؤيـه عنه .. فتح اللحاف وشافها ممده .. مد يده لها بحضنها كانت مثل الجليــد ..
ضمها لصدره وكانت باارده مره ..كان يبي يدفيها بحرارة جسمه ..شـم ريحة عطرها .. قرب انفااسه لـ شعرها ويستنشقه
سعـود:ديمـه ..ديمـه الله يخليك لي تكفييييين لا تموتين .."ومن قلب"..تكفيييييين

بس كانت جثـه هامده بين يديه ..

◙◙◙◙◙

◙◙◙◙◙


في جامعة الملك سعود !

جلست عالثيّـل بـ ملل .. وهي تناظر البنات اللي رايحين وجايين :يختي مشكله إذا عندك اخوان و مرة ابو والله حاله
خجل وعينها علبنات بعد :..مشكله اذا مابقى على زواجك الا كم شهر .. وانتي مالك نفس حتى تدخلييين السـوق!
نـدى وهي تناظرهم:مشكله اذا كان عندك صديقتييين .. وكلن على همه سـرى !
ضحكوا خجل و نجلا على انفسهم:ههههههههههههههههههههههههههههههههههه
نـدى شوي وتصيح :بنات تخليوا داقه مشوار من بيتنا .. وهذي اخرتها تعتذر الحيوااانه!..والله خالد عصصب علي يوم قومته
خجل:والله انتوا حاله .. تخيلي اقوم اخوي بندر يوديني الجامعه
نجـلا تحط يدها على خدها:ونـاسآ!
ندى تقلدها:سح وناسا بس مو داايم!
نجلا بدت تعصب:ندييييييو ياحماااارآ اخلص من ميش تجين انتي!!!!
خجل :والله نجوله دلعك مره حلوو
نـدى بـ نغزه:ترا خالد مره ينبسط على صوتك ودلعك
نجـلا حمرت خدودها..ولا تدري وش تقول . من جابوا طاري خالد :ماقد سمع صوتي .."ورفعت راسها بتكبر"..وبعدين وش علي منه معجبه ولالا
ندى تتذكر:الا والله .. مره دقيتي على جوالي وكان مقفل قمتي دقيتي عالثابت ومن حظك كان خالد جنب التلفون ورد ..
وخجل تدري ان نجلا تموت بس تبي تسـأل وش قال بس الثقل مانعها فسألت : ووش قال ؟ ..خق؟
نـدى:اوووووووف .. وش خق! .."وتقلد صوت نجلا اللي كله دلع " .. آلوو السلآم عليكووم!..ممكن نآدآ
نجـلا:وجعـآ انا ماأتكلم كيذا !
ندى:جد جد !..حتى قام يعايرني يقولي صيري مثل صاحبتك .. خخخ يحسك من بنات الاينـو!
نجلاء غطت وجهها بـ إحراج:لآ !...ورشييييييييم!..
خجل:هههههههههههههه .. لايق عليك تصيرين من بنات الاينو .. "وتقلد نجلا"..إينو انا مرررررآ تفشاانه ..مرآ مرآ مرآ اليوم فـلآ!!
ندى:ههههههههههه ابوك يالتناقض!..تفشانا وفـلآ! (طفشانه و فـله)
نجلا تمسك شنطتها وترميها على ندى:وجع انا مو من الاينـو !!!!
خجل:ههههههههههههههههه ..
ندى:ههههههههههههههههههههههه ..

◙◙◙◙◙

طلع من الشغل بدري .. ركب سيارته الجيب .. فتج الدرج وطلع نظارته .. حط دقنه عالدركسون .. وهو يفكـر وش يسوي مع هالمصيبه .. هذي هي اريج ناويه تقضي على صداقته مع فهـد .. وعبت جواله كلها رسايل حب وغرام وشـوق ..
تنهـد من أعماقه ولا يدري وش يسوي .. اول مره يحس ان مخه مقفل ولا يقدر يفكر او يسـوي ولا شي .. وده يستنذل عليها ويعلم الهيئه ..المشكله انها اخت صديق عمره .. ووده انه يلعـن ابو جدها بس ..يبي يعطي فهد خبر عن حركات اخته لا يصير متهم بدال لايكون مظلوم
يحـس بالجبن .. او خايف يفقد صديقه بيـر اسراره .. الشخص اللي يوقف معاه في كل شي .. وعلاقتهم حتى احسن من علاقته مع مشعل ..
وش يســوي مع هالعله اريجووه!

شغل سيارته ..وهو يدري ومتأكد ان سامي ماراح يخليه في حاله
لا الخوف اسـاساً من سامي!
.. وهو فالطريق دق جواله
المتصل>مشعل

سطام وهو ماسك الدكسون ويلف:هلا مشيعل
مشعل:اقول سطام .. انت فالشغل ابجيك ..بما اني فاضي
سطام : لا والله طلعت
مشعل:على وين
سطام:رآيح البيت ليه بغيت شي ؟
مشعل بـ جديه :والله ودي اكلمك شوي ..
سطام :اوكي .. تعالي البيت
مشعل :وش رايك تجي عندي فالشقه .. مب احسن؟
سطام:طيب عطني دقايق مسـافة الطريق


◙◙◙◙◙

عقد مابين حواجبه ..:من جدك انت؟..حرررررمه تقلب مودك يامال المدري وش
ناصر وهو يطالع طارق بـ قهر وعصبيه:هي ماقلبت .."وقال وده يشق ثوبه من القهر".. من هي اصلاً عشان اعصب نفسي عشانها .. بس انا افكـر شلون أأدبها
طـارق :والله حالتك صعبه يانـاصر! .. تراها ممرضه على باب الله .. تلقاها تدور لقمة العيش ولا هيب لمك احمدربك بس
طالع نـاصر في طارق بنظره عميـقه وهو يمرر راحة يده على ذقنه يتحسس شعر ذقنه :قلت لي تدور لقمة العيش؟
طارق يفهم ناصر:اسمعني ناصر انت في غنـى عن المشاكل .. خلك اكبر عقل واحسن منها .. وأتركها في حالها .. تلقاها مراهقه ومهايطيه
أبتسم نـاصر نص إبتسامه ..وكان يطالع فالفراغ :تدري!..عرفت شلون اخليها تحب رجولي .. وتقولي تكفـى عمي ناااصر..سامحني!
طارق:نويييييصر تكفـى خل عنك حركات المبزره .. عشان خاطري تكفى!
قام ناصر ..واخذ لابتوبه ..ودخله في شنطته ولا تكلم
طارق:هاه وش قلت
ناصر ياخذ الشنطه :يصير خير ..يصير خير!
وهو طالع قاله طارق:على وين طيب؟
ناصر يكره هالسؤال:بشششم هواء ..تراني خلقه كاااره نفسي !

وطلـع وسمع طارق صوت ناصر يقول للسكرتير : إذا سأل احد عني .. قل عنده شغل ضروري بــرآ !!!

◙◙◙◙◙

نزل من السياره متجهه للبيتهم .. اول ماوصل نزل وهو داخل البيت شاف خالته جالسه عند التلفزيون .. وتناظر مسلسل ..
نواف:السـلام عليكم
مريم التفت له .. وابتسمت :هلا والله وعليكم السلام
جلس وفصخ شماغه وحطه جنبه ..وفتح اول زرارين :وين امي
مريم:عند الجيران
نواف:وش عندها !
مريم :مدري .. تلقاها زياره عاديه ..

سمعوا صوت الباب اللي احدث صرير على فتحته .. دخلت حرمه كبيره عليها عبايه عالرآس .. وشبه اللي تعرج .. فتشت :السلام عليكم
مريم ونواف:وعليكم السلام
قـام نواف كان بيتجهه لغرفته ..بس راح اول عند امه وحب راسها :أخبارك يالغلا!
ام نواف:الحمدالله ..أقول نواف حبيب قلبي اذا ماعليك امر .. رح خذ الغدا من الجيران .. هذا ولد الجيران بيجيبه الحين ..
نواف:طيب

طلع برا وفتح باب الشارع .. وكان ولد الجيران متجه لهم ومعاه حافظتين ولافهم بسفره .. كان عمره عالـ14 سنه


◙◙◙◙◙


رمي بـ جسمه عالكنبه :وش بغييت ؟
مشعل :ابد بس حبيت اعرف وش فيك .. شكل ضايق صدرك
سطام :مب كثر ما أنا شايل هـم!
مشعل بملامح عبيطه ههه:وش الفرق؟
سطام:في فرق بين الحزن وضيقة الصدر على شي صار.. وانك تشيل هم شي مابعد صار
مشعل:طيب .. وش الهم اللي انت شايله ؟
سطام طالع الارض يفكر .. أخـذ نفس :مدري .. أ .. امممم ..
تنفـس بـ هدوء يحاول ينظم تفكيره .. يقول؟..ولالا ؟..لين متى بيتكم يعني؟..هذا هو هزآء ملاك عشان جوال ولا قدر يتحمل أي شي منها .. كله بسبة هالريج ..يمكن بو يفضفض يرتااح
سطام: اخت فهد
مشعل استغرب:وش فيها؟
سطام :تدق علي كل يوم .. وتقول انها تحبني ومدري وش ..
مشعل:من جدها ذي؟؟..مب هي متزوجه .."وقام يتذكر"..اتذكر فهد ماعنده الا هالاخت .. ومتزوجه واحنا رايحين زواجها
سطام:تطقلت ..بس المصيبه ايش؟
مشعل:أيـش؟
سطام يتهزا : تقول انها متطقله عشـأني!
مشعل:اوووومـآ .."سكت شوي"..والله مشكله .. ووش ناوي تسوي؟
سطام:مدري
مشعل:عشان كذا سألتني وس ابسوي لو صار لي كذا !
سطاام يطنش حكيه:متردد .. ولا ودي اقـول لـ فهد
مشعل:فكـر ياسطام .. ترا السالفه ميب هينه ..لآزم لازم تقول لفهد
سطام:مايمديني افكـر .. انت تدري ان سـامي ...........

وقـال سطام السالفه..
◙◙◙◙◙




كآإن مآإآتقدر تخ‘ـٍفف هـمق‘ـلبي
..
.......................................لآتزيدهـٍـ‘ ..|~

◙◙◙
الجزء الثــامن ..!
◙◙◙



كل الصالات الاربع اللي كانت مفتوحه على بعض .. مليـانه بالحريم .. وماخلت من صوت الهمسات .. والبكي ..
بس خلينا نتعدى هذول .. ونروح لـ أصحاب البيت ..
كانت خجل جالسه وماسكه كاس المويه وتطالع فالفراغ .. ودموعها تنزل وماخذها مجراها بكل اريحيه !
حست بيد تمسك يدها .. كانت نجلا .. قالت بصوتها النااعم : حبيبتي خجل .. تبين نرقى فوق؟
هزت راسها .. وقامت قامت وراها نجـلا ..لما مشوا حطت خجل الكاس عالطاوله الزجاجيه اللي بنص الصاله .. وأتجهوا لـ الاصنصير .. ورقـوا فوق لغرفة خجل

وهم فالطريق .. بدت خجل تبكي بـ صوت عاالي وهي تتذكر كل لحظه حلوه قضتها مع ديمـه ! .. وكيف كانت إنسانه طيبه وخلوقه .. قربت لها نجلا وحضنتها .. وهي تبكي معاها وتمسح على شعرها :بس خجل بس .. وربي تراك كسرتي قلبي ..

نجلا كانت كائنه ضعيفه .. ولا كانت تملك القـوه في انها تواسي بنت عمها وصديقة عمرها .. ضمتها اكثر وصارت تصيح معاها ..
◙◙◙◙◙


يآمِڪآنهْ !
يآمِڪآنهْ !
يآمِڪآنهْ !
يآمِڪآنهْ !


يسألونِيّ وَ [ التِعبْ ] يَفِضحْ عَيونيّ !


وَينْ رآحْ ؟ !


وأسِڪتْ . . .وأبَلعْ جرآحْ

◙◙◙◙◙



كان هذا ثالث يوم لها تداوم فيه في هالشركه .. والى الان مابعد وضحت لا إيجابياتها ولا سلبياتها .. حطت الملف اللي خلصت منه على جنب وهي تتنهد بـ أرتيااح .. طالعت شاشة الكمبيوتر اللي كانت على شاشة التوقف .. واسـم الشركه يتراقص عليها .. حطت يدها على خدها وهي تتـأمل في الاسـم ..
تخيلت لو ان راتبها يصير عالي .. وتصير ذات مركز .. هل ياتـرآ عمها بيقبل يرجعها للرياض .. أبتسمت بـ غرور وانتصـآر .. ساعتها بيصير عندها جـواز دبلوماسي .. وتقدر تســــــآفر من غير شور عمها ..

اممم هي تلعب على نفسها ولا على نفسها ؟ .. اكيد ماتقدر تدس خيط فإبره الا بشور عمها .. بس لآ ! .. هي عندها جنسيه امريكيه .. وعمرها تعدى الـ 18 .. والـ 21 بعد !.. يعني تقدر تسـافر
بس المشكله مب هنا .. المشكله في ان من راح يستقبلها فالرياض ..
أمنيـتها ترجع الريااض .. ودها تشوفه من 6 سنين تقريبـاً ماشافتها .. اشتاقت لـ حرها وبردها .. اممممم الحين عندهم شـتاء ..
اووف يـآشين برد الرياض يدخل فالعظاااااام !

- اللي وااخد عـألك!
رفعت عينها المايله لـ الزراق .. كان حسين واقف تقدم وجلس عند مكتبها .. وحط رجل على رجل : أخبـآرك ؟
جوان حركت الماوس وراحت شاشة التوقف : فـآين
حسين: فـآين ولا كلينكس .. هاهاهاههها
طالعته ورفع حاجب .. عدل جلسته وقال: إحــــم ! .. الا اقول وش اخبارك الشغل معك؟
جوان :امممممممممم .. توني في طور التعلم .. يبي لي وقت
حسين :اخسس ياطور التعلم .. اوكي "وقام"..تبين مساعده شي .. تراني فالخدمه
لا شعورياً ارتفعت عين جوان عالموظفه الاجنبيه اللي كانت معاها في نفس الغرفـه .. ورجعت تطالعه:إن شاء الله !
أبتسم وطلع ..

تنهـدت وهي تهز راسها .. شكل هالانسان ماراح يعتقها لوجه الله !!!



◙◙◙◙◙

كان حاط يده على خده و عينه في التلفزيون .. بس تفكيره مب معه ابداً .. كانت اخته وامه يحطون الغـدآ .. واخوه الاصغر قدامه ومتحمس مع مسلسل ..

"وهي تلوح بيدها قدامه"- هييييييه ..يـآأبوو
متعت وهو لاف براسه جتهم:تحلفووون انها ابو شنب !!!
ملاك تحط يدها على خصرها: أصـه بس
متعب:ههههه أصـه .. طيب اتحداك وش إعرابها؟
ملاك:متعبووه لا يكثر .."وتكلم سطام"..سطاموه!..منتب متغدي؟
سطام يهز راسه وعينه عالتلفزيون بس التفت يوم سمع امه : ليش ماراح تتعشى؟
سطام :شبعان

جلسـوا كلهم .. وبعد دقايق قالت ام سطام: تعال يابوي تغد .. اقص يدي تسانك ماكلن شي
سطام أبتسم :والله يمه ماودي ماكل..فطرت متأخر اليوم
متعب:احسسن بعد توفر
مسك سطام المخده ورماها على متعب .. اللي بغـآ يعض باللقمه
سطام:مزديـه فيك يمكن تعقل ..
ملاك :وتلقى وظيفه
متعب:بيجيك كف انتي بس شوفي متى
قام سطام ..وطلع جواله من جيبه واتصل على فهد ..

فهد:هـلآ ابو فهد
سطام وهو يطلع من البيت :على كيف اُمك
فهد:هههههههههههه إيـه !
سطام:المهم انا زهقااان وودي اغير جو
فهد:والمطلوب؟..
سطام :فاضي خل نطلع اناوياك؟


◙◙◙◙◙

هَكِـِـِذْآ’ تحْمُلْنےّ رٍيَـَـًآحٍ آلـ | أقـِـِـِدَآرٍ . . . !
هَكِـِـِذْآ’ تحْمُلْنےّ رٍيَـَـًآحٍ آلـ | أقـِـِـِدَآرٍ . . . !
هَكِـِـِذْآ’ تحْمُلْنےّ رٍيَـَـًآحٍ آلـ | أقـِـِـِدَآرٍ . . . !

◙◙◙◙◙

نزل من السياره مــاله خلق يسمع كلمة "عظم الله اجرك "..ولا " احسن الله عزاك"..خـــــلاص ..معد يقدر يستحمل ..
بنته اللي كملت 3 أيـام ماشافها ابد .. ولا حتى سمع صوتها !
مشى بخطـى متثاقله لـ الشقه .. طلّع مفتاحه من جيبه .. مالقـآه .. اكيد !..
لان ديمه مب فيه عشان تذكره
تسنّد عالباب .. عينه حمرا .. ووجه اسود .. ثوبه مهمل حتى ازاريره ماسكرها ..

- إيييه يابيه !..مش عاوز تخش؟
فتح عين وحده وشاف الحارس : جب لي مفاتيح مامعي!
الحارس:سـواني بس !

ومشى الحارس العجوز بـ خطى بطيئه وهو شبه اللي يعرج بسبب كبر السن .. واتجه للأصنصير ..
تنهد سعود من أعمـــــاقه :يكفي بكي سعود .. منتب حرمه ولا بزر!!

يا ضيق السّما .. هـ [ اليوم ] .. !

......................................... يا ضيق السّما .. !
......................................... يا ضيق السّما .. !
......................................... يا ضيق السّما .. !


يوم جاب له الحارس المتفاح .. دخل الشـقه اللي كانت موحشششه من غير ديمه .. كانت طـلآم مافي الا نور المطبخ التحضيري .. مسح عينه عالشقه كلها
جلس عالكنبه بتعب اللي داااايم يجلسون عليها .. مرر اصابعه على الكنبه وعيونه تحمل الكثير والكثيــر .. من الحزن . تنهد بصوت مسمووع ..
يكفــــي!!
لين متى ياسعود حالك بيتم كذا .. حتى بنتك ماتدري وين اراضيها !!
فتح عينه عالغرفه حقتهم .. المكان اللي ماتت فيه زوجته ! .. ومرره عيونه عالمطبخ لما تجي تسأله وش يبي ياكل قبل يطلع للشغل


آلأمآڪن }- آآآه يآس‘ـَـَخف | آلأمآڪن . . !
لآنظرٍت * وٍمآلقيتڪ " وٍلآ تنهدت وٍش‘ـَـَڪيتڪ . . }
وٍلآ آنتهى ‘‘ ليل ‘‘ آلموٍلع دوٍن / وٍص‘ـَـَلڪ وٍص‘ـَـَوٍتڪ . . !آلأمآڪن }- ڪلهآ . . [ نفس آلأمآأإڪن ] . . *
هم وٍآش‘ـَـَبآح وٍمسآڪن . . . !
هم وٍآش‘ـَـَبآح وٍمسآڪن . . . !
هم وٍآش‘ـَـَبآح وٍمسآڪن . . . !

◙◙◙◙◙

وقفت عند السرير يوم شافت بنت عمها نايمه .. طلعت من الغرفه بهدوء .. وقامت تمشي في الاسياب لين وصلت عند غرفه طقت الباب ولا احد رد مثل ماتوقعت.. فتحت الباب .. كانت غرفه واسعه وفيها سرير نفرين .. الوان الغرفه متراوحه بين الذهبي والاصفـر .. وانواع الروقان .. دخلت وهي تعدل طرحتها على كتفها .. وشافت الشغاله متمدده ونايمه جنب طفله صغيره ..
تقدمت بهدوء .. فتحت الشغاله عينها ورفعت راسها وقالت بهمس عشان ماتقوم البنت :what r u doing here
نجلا تجمعت دموعها يوم شافت بنت سعود الصغيره ونايمه بكل براءه .. كان حجمها صغير جداً .. حتى المخده حقت السرير اكبر منها .. :اممممممم .."بلعت ريقها وتحاول ماتصيح"..i come to see the girl
الشغاله: (إنها نائمه)
نجلا : (هل يمكنني ان احملها؟)
الشغاله :يس افكورس

مدت نجلا يدها .. وشالت البنت تأملت في وجهها وأبتسمت بحنيّـه ورحمه .. اعتصر قلبها على هالبنت اللي عاشت من غير أُم من انولدت على هالدنيـا .. محد بيقدر يفهم شعورها مثل نجـلا .. لانها مجربه .. ومايحس بالنار الا رجل واطيها ..
زمت شفتها ببإبتسامه ومودعها متجمعه في محجر عينها ..
الشغاله تناظرها بلقافه
نجلاhe is cute

ضمتها لصدرها .. وجلست عالكرسي .. وبنت سعود الى الان في حضنها ماتدري كم مر من الوقت بس تحس بـ شعور حلوو وهالطفله البريئه بين يديها ..
عفست ملامحها .. ورفعت يديها الصغار .. وقامت تصيح وكأن الصياح بصعوبه يطلع ..صار وجهها احمر
استعت ابتسامتها .. رجعت خصله ورا اذنها ونزلت راسها وباسته ..
نجلا:يــانااس تـزنن .. وهـ بس !

◙◙◙◙◙


احكمت ربط بالطوها .. وعدلت حجابها وهي تتأفف لانها مب متعوده على شي اسمه حجاب الا بالسعوديه بس ..
طلعت من المكتب وهي تدعي ي نفسها انها ماتصادف البثـر حسين .. وهي طالعه بطولها الحلوو الافت .. وعيونها اللي تجذب ومشيتها اللي كلها غـرور .. ببساطه كانت جذابه
وهي تمشي فتحت شنطتها تدور نظارتها .. ومنزله راسها .. ماحست الا هي صاقعه في جسم رفعت راسها وشافت قدامها رجال .. بعد عنها شوي ..وعرفته على طول
كان لابس قميص كحلي مخطط بـ أبيض .. وجاكيت رسمي .. ومع بنطلون جنز .. بس شكله ماكان رسمي لان القميص مفتوح وشعره مهمل .. ومسوي ديرتي .. يوم كانت قريبه منه انتبهت لـ عيونه الحاده مثل السكين .. ضيقه و مكسـوه بالرموش .. رفع عينه لها .. وهي تمتمت بـorry
فيصل: لا عادي انتبهي مره ثانيه !

مشـى وهو شايل شنطة الابتوب .. طلعت هي بعد وكان هو قدامه بطوله الفارع ..
جوان بصوت هامس:كنه باب! .. "تكتفت وهي تدلك نفسها"..اوف عليه جسم وربي صقعه اليييييمه!

يوم طلعت لقته واقف .. شفهته وراحت عند سيارتها المرسيدس البيضا .. وهي بتركب التفت له بتشوف وش عنده واقف .. لين الحارس يقدم سيارته .. مآيبآخ وسبور شكلها .. ركب ورمى الاب في المرتبه اللي جنبه .. وانطلق
وهي وراه بس عالبيت !

◙◙◙◙◙

دخل سطام للمجلس حق فهد .. شاف فهد قدامه .. تمتم في نفسه "ياحول وش جايه ذا " ..
سطام:السـلام !
فهد + سامي: وعليكم السلام
فهد:تفضل سطام
داخل سطام وجلس .. كانت الجلسه عاديه جداً خاليه من تنغيزات سامي لسطام ..

◙◙◙◙◙

عذّبتنيَـﮯ الذّكرىَـﮯ [فيڪ]
قلتَ فيَـﮯ نفسَيَـﮯ آجيَڪ!
وانتَ تَعرفَ اטּ ●قلبَيـﮯ ●
يعشَقَڪ ويمَوتَ فيَـ[ڪ]
ومـטּ سؤالَڪَ ليشَ جيتَ
ماقَدرتَ اقولَ ابيَڪ
وقلَتَ لكَ : -َمريتَ اسَلمَ-
ياللهَ ماطَولَ عليڪ~
ڪَنتَ احسبَك { بالوَفاَ }
طيبَ وقلبَڪَ حنَوטּ~
وآنَڪَ اصدَق منَ يحبَ
وآنَڪَ اخر مَن -يخَوטּ-



◙◙◙◙◙


كانت تدور في محـلات الملابس .. ماسكه شنطة غوتشي .. ونظارتها برادا .. وكل شي عليها كان ماركه او يكون بـ شي وشويات ..
كل تبضعها كان لأهلها .. مابقى شي ماشرته يالملاك او لـ أمها او سطام ومتعب ومشعل .. كـلاً شرت له ..
وهي اكتفت بكم قطعه .. لكنها مبسوطه لانها بتخلييييه يصرف ..
ابتسمت يوم تذكرت ان خالها مشعل يدور على زوجه الحين .. حاسبت عالاغراض اللي معاها .. وراحت لـ محل فساتين سهرات
وهي داخله ..سمعت صوت ناس عربْ .. التفت وشالت نظارتها
كانت بنت متحجبه عمرها عالـ 17 سنه ماسكه فستان وتوريه امها :يمه الله يخليك ابي اشتريه ..
أبتسمت لانه عرفت البنت هذي روان ..
الام :قلت ماأقدر .. مامعي دراهم يختي
تقدمت لهم .. أبتسمت :أهليين
التفتوا علي .. وابتسمت لي روان:اهلين يا ..أأ
نوره:نوره .. مالحقنا نتعرف هذاك اليوم
روان:هلا نوره ! .. اخبارك
نوره :الحمدالله انتي كيفك ؟
ام إبراهيم:تعرفون بعض انتوا؟
روان:أيه يمه هذي نوره معنا في نفس الفندق .. تعرفت عليها قبل فتره ..
مدت يدها سلمت علي .. وانا حبيت راسها إحترماً لها ..
دقايق كانوا يسولفون عن باريس والطبيعه فيها وغيره قالت ام ابراهيم
: يالله احنا نستأذن .. تامرين على شي
نوره:سلامتك
روان:زورينا والله انا وأمي نزهق بالفندق
نوره:ماتطلعون
روان بضيق:لا احنا جايين هنا علاج
طالعت ام ابراهيم:ليييه سلامات
ام ابراهيم :الله يسلمك .. بس ولدي تعبان
نوره طلعت منها الكلمه لا شعورياً :ابراهيم؟
روان ضحكت:هههههههه لا .. ريان اسمه ابراهيم الكبير بس ريان بيني وبين ابراهيم ..
نوره ابتسمت:أن شاء الله ان لقيت وقت جيتكم !
علموها رقم السويت والدور .. وراحوا .. انتبهت نوره ان روان حطت فستان قبل لاتروح ..اكيد كانت تبغآه !
اخذته وشافته كان فستا اسود نعووم وحلوو .. يوم سألت عن السعر كان معقول ..دورت لها فستان لها ولأمها ولملاك .. واخذت الفستان لروان !
طلعت من المحل .. ومعها نون مايعلمون من الاكياس .. رجعت للفندق طبعاً مشي .. اول ماوصلت عرض عليها واحد من العاملين انه يساعدها بس هي رفضت .. رقت فوق للغرفه وحطت الاغراض .. وانسدحت عالسرير ..
قامت تفكر في روان واهلها .. أبتسمت روان بـ عمر الجوري بنت عمها .. تذكرت جماعتهم اول .. وكيف كان هبالهم

/

كانوا جالسين عالثيّـل في بيت عمها .. ماحسوا الا بموويه تجيهم من ورا .. كاموا من غير شعور .. وويوم التفتوا لقوا انها الجوري ترشش عليهم !

عليـا:وووووجعه مليتينا
الجوري:ههههههههههههههههه احسسسن
ملاك وهيا اللي كانو مع بعض فالشر والخير:عليها يالله
قاموا كلهم ومسكوا اللـّي (خرطوم الماء) ورشـوا عليها ..
اخر شي تسدحوا فالحوش لين جتهم تهزيئه محترمه من عمهم

/

أبتسمت على هالكريات الحلوه .. وش كثر حنّت عليها .. انقلب عالجهه الثانيه وهي تفكر وين احمد الحين ؟..لين الحين سكــرآن ولا وصاحي وجالس مع اخويآه .. قامت ووقفت تطالع نفسها بالمرايه .. وتطرد هالتفكير من راسها ..بـ قريح ان شاء الله عمره ماصحى !
خلااص هي ماتبي تتذكره ..طلعت جوالها من جيبها .. فتحت الرمز وشافت الخلفيه صورته .. لفت على ورا ورمت الجوال عالسرير بـ قهر ..
طالعت شكله فالمرايه ..هي مب هـي!..تغيره كثييييييير نحفت وهزل جسمها .. والهم كبرها سنوات قدام .. قررت انها تعيش حياتها .. وتاخذ منه كل شي مادي انحرمت منه يوم كانت عند اهلها .. واول ماتاطى رجلها الرياض .. تخلعــــه!
وبـ فلووسه!

مالي..{ مزاج
ارجع اقلب دفاتر
اوراقها تجريح..
وسطورها عتاب..
مالي ..{مزاج
انظر لصورة قديمه
فيها الملامح تضحك..
بوجه كذاب!..



◙◙◙◙◙

عالمغرب دق جوال يـ نغمة لا زآد .. ارتاع لانه يحسبه أريج .. بس الحمدالله
المتصل>مشعل
- آلووو
مشعل:هلا سطام .. وين بتصلي المغرب اليوم في مسجدكم؟
سطام : لآ .. انا عند فهد الحين
مشعل:أهـا قلت له طيب؟
سطام ناظر سامي اللي كانت عينه عليه: لا ماقدرت
مشعل: ومتـى ناوي تقوله ..
سطام قال بطريقه بحيث يفهم مشعل ولا احد يشك: لا مافي احد بس سامي
مشعل فهم عليه:اها يعني فيه سامي .. اجل انا ابيك وش رايك نطلع
سطام:ورا ماتجي هنا طيب؟
مشعل كشر: انت تدري اني انا وسامي مانتخاوى .. بعدين مجلس خويك يجيب التكه .. تعال
سطام:هههههه طيب .. بروح اصلي واجيك وينك فيه

وحددوا المكان ..
اول ماخلصت الصلاة طلعـوا من المسجد .. كان سطان منحني يلبس جزمته .. وجاه سامي ..
سامي:أقـول سطام
سطام من غير لا يناظره :نعم؟
سامي:وش صار عالسلف .. يتعطيني؟
سطام عدل وقفته ..وناظر سامي:تبيني اسلفك؟
سامي:إيه ..
سطام:في بنوك .. ترا تسلف اذا ماتدري
سامي:ياخي البنوك تتعامل بالربـاء .. وانا رجال مالي خلق لا تأخرت زادوا علي الفلوس
سطام:قلت لك .. انا فلوسي من توظفت وانا اجمع فيها .. وبيجي اليوم اللي بحتاجها
سامي رفع حاجب وكأنه يتحدى: وهذي ماسمى حاجه انا خويك!
سطام:لا ماتسمـى حاجه
سامي:اقولك انا خويك
سطام يسايره:اسمعني .. الحاجه اقصد فيها .. اذا كان علي دين .. او احتجتها بشي ظروري مايتحمل التأجيل .. فهمت!

مشى سطام وهو متجه للسيارته .. ركبها ورآح لمشعل
طلع فهد وكان يستغفر .. وقام يتمتم بـ:اللهم انت السلام ومنك السلام تباركت وتعاليت ياذا الجلال والاكرآم ..

التفت لسامي اللي كانت يطالع المكان اللي مشى من عنده سطام بـ حقد وقهر
فهد:وش فيك !
التفت سامي .. سكت شوي .. ثم قال:فهـد!..انت صديقي وانا احبك مثل اخو لي
فهد مفهـي:طيب؟
سامي :ماينفع نتكلم كذا .. خل نروح لبيك اول ..

.. وأتجهـوا .. وسامي ماقدر يصبر .. يبي يشفي غليله هو خلقه يكره سطام .. و لا يطيقه ويتمنى له كل شـر! .. ولا يتحمل منه اي حركه
فهد:ماودك تتكلم
سـأمي:أسمعني يافهد ! ..

◙◙◙◙◙


يآنقطة آلضع‘ـفْ فينيْ

ع‘ـندْ ع‘ـدوآنيٍ

يآمشكلة مآع‘ـرفتْ آح‘ـلهآ بدريٍ

آلظآهرْ آنيْ ع‘ـلى مآقآلوآ آخ‘ـوآنيٍ

آضلْ موهومٍ لينْ آص‘ـيرْ

فيْ { ق‘ـبــــــــــــريٍ }..~~


◙◙◙◙◙

جلس عالكرسي فالكوفي شوف .. وهو يحس بـ ضيق كبر الدنيا .. وكبر الهم اللي هو شايله
مشعل:وش فيك
سطام:قلقـآن !.."بلع ريقه"..قبل شوي سامي طلب مني سلف!.. وعييت اخاف يعبي راس فهد علي
مشعل:يابن الحلال!..عشان سلف بس!
سطاام:سامي إنسـأن خسيس..توقع منه أي شي!..
مشعل:لا ماأظن يتوصل به السخاافه يزعل عشان شي زي كذا
سطام:إن شاء الله !..ماقلت لي وشوله جايبني!
مشعل:سطام .. تراك مذنب الين ماتبت براءتك
سطام عصب:وش مذنب يـا أخي !..أنا كلمتها وقمت أخمبق ..وقلت تراني احبك وطلقت عشانك؟!
مشعل:انا اقصد رح كلم فهـد .. مالك الا كذا ..
سطام:مشعل ..فهـد عشرة عمر!..اعرفه اكثر من نفسي .. تدري بمجرد اني اقوله وش بيصير ..بعض النظر انه بيذبح اخته لانها ماهمتني .. اولها صداقتنا راح يصير فيها شرخ كبييير .. علاقتنا بتخرب كثيـر ..وبعـدين فهد حساس درجه اولى لو بس مجرد قلت اختك ..بيكرهني لين يوم الديـن !
مشعل:طيب وش احسن لك انه يكرهك .. ولا تصير مظلوم
أبتسم رغم عصبيته .. وقال: اعرف اتصرف ترا..ولا مامليت عينك
مشعل:ههههه ألا .. رجال وخمسين رجال .."فكر وقال"..وش رايك تغير رقمك
سطام:فكرت فيها.. هي هي ..ماتغير شي.. بتاخذ رقمي من جوال فهد !
مشعل:يعني انت ماتبي تكلم فهد
سطام:حاولت ..صعبه والله صعبـه ..
مشعل:نعنبوو عداونك رجال طول بعرض!..ماتعرف تواجهه
سطام:المسأله مب مرجله .. ولا قـوه !..انا طبعي كذا ..شخصيتي كذا يآخي ..مب لانك تعرف تواجهه وتنطل فالوجه يعني كلاً مثلك !..انا رجال ماأبي اتكلم مع خووي عن اخته ..ولا أملك الجـراءه اساساً! ..حاولت كم مره وربي ماقدرت الحكي معيي يطلع ..ادري غبـاء .. وقلة حيله بس هذا اللي ربي عطاني .."أبتسم"..المهم وش عندك مناديني ..
مشعل أبتسم :ابد بس حبيت اسولف معك .. مشتاق لخشتك يالمزيون
سطام بـ شك:إيييه مزيون قلت لي؟؟..
مشعل:هههه لا يرتفع جوك بس..هذي من آثار الفرحه ..بس ببشرك بشاره!
سطام:ههه وشي؟
مشعل:امك لقت لي العروس اللي يحبها قلبي على قولتها
سطام اتسعت إبتسامته :صدق عاد؟..مبروك الف طعش مليون مبروك
مشعل:الله يبارك فيك..الفال لك ان شاء الله ..
سطام:ان شاء الله ..

وسكتوا وسطام حب يتلكم قام سأل : من هي بنته وش اسمها
مشعل يمزح:وش عليك من اسمها؟
سطام:ههه اقول رح مسوي غيره انت وذا الوجه
مشعل:هههههه اسمها مدري ماسألت حصه .. بس بنت ال"فلآن" ..وهي مُدرسه عمرها 26 ..امممممم مدري وش بعد
سطام:حلـو نفس اللي انت تبيه
مشعل:إيـه ! .. ياحليلها
سطام: هههههههه من الحين !



◙◙◙◙◙


فهد وقف عند باب بيتهم .. بعد ماوصلوا وأنهـى سامي كلامه ..او قنابله اللي كان قاسيه على مسامع فهد ..
فهد تجمعت شايطين الجن عند رآسه .. وافكاره تروح وتجي وتفتر:انت وش تقول؟..سطام صديقي من الابتـادئي؟؟..مستحيل يخون ثقتي وصداقتنا
سامي بكل ثقه:انت ماهنت على لا انت و سمعتك وسمعت اختك!..فعشان كذا قلت لك
تذكر ذبآت سامي لسطام ..اللي كان ساكت .... عشان كذا سطام كان متغير فالاوقات الاخيره .. بس لا ..سطام مايسوي زي كذا !
فهد بدا يصدق ..شي يقول لاتصدق شي يقول تأكد .. شي يقول
"وش اللي يخليه يكذب؟" .. لآ..سامي من يومه حقير .. لالا ..ماتوصل انه يكذب في زي ذا الامور..هو ماقال الا انه متأكد .. ولا مافي رجال عاقل يقول كذا من فراغ ..مسك ياقة ثوب سامي ..وعروقه طلعت من القهر والعصبيه :سـأمي ابقتلك ان اكتشفت انك نصصصاب!
سامي دخل داخله شوية خوف .. بس كمل كذبته وبكل هدوء:في مثل يقول احذر عودك مره .. وصديقك الف مره .. هاللي مدخله بيتكم لعب بذيله من وراكم .. ومنت مصدق .."بتردد" .. أسأله او أسأل اختك

تركه فهد وطلع مفتاحه وفتح الباب ودخل .. ركض مثل المجنون وهو يطوي الارض تحته .. فتح الباب على اخته في غرفتها اللي كانت منسدحه عالسرير وتلعب في وحده من خصل شعرها .. وتضحك .. قامت مرتااعه وسكرت الجوال
أريج:فـ.."بلعت ريقها"..فهد!
فهد:أريج..من وين تعرفيين سطام

انصدمت اريج.. وتلون وجهها باللون الاحمر .. حست بدوخه وان الدنيا تدور فيها .. لو احد يسألها وينك فيه ماراح تقدر تجاوب
اريج:هاه؟
فهد يرص أسنانه:قلت لك من وين تعرفين سطام
اتخذت اريج موقف الدفـاع .. قامت ووقفت وكان بينهم السرير .. وقالت بخوف:هـو!..هو كان يدق علي .."وقامت تصييح"..فهد والله انا ماأكلمه هو اللي داايم يدق ويتحرش فيني !..أنـ..أنا من زمان ابي اقولك بس خفت ..خفت تذدقه وتكذبني لانه صديقك
فهد تقدم لها..ومسك رقبتها .. وهي قامت تصرخ :فهــد .. فــهد الله يخليك خلني..انا مالي ذنب اذبحه هو!!..هو اللي جاني انا قلت له انا اخت صديقك !
فهد يتنفس بصعوبه وقهـر .. تركه بـ قرف واشمئزاز .. طلع جواله وطلع من الغرفه ..

وهو ينزل الدرج .. وحاط السماعه في أذنه .. اخذ نفس عشان يبين صوته طبيعي
فهد:آلو سطام وينك فيه؟
سطام مبتسم عقب خبر مشعل:انا في الكوفي(......)
فهد:أوكي! .. انا جاي باي

سكر وراح لسيارته وشخخخخخخط بها على هناك !

◙◙◙◙◙

دنيآ كفى الله شرهآ ..!
دنيآ كفى الله شرهآ ..!
دنيآ كفى الله شرهآ ..!

◙◙◙◙◙

وصل عند المكان اللي هو يبيه .. لبق سيارته ونزل بسرعه .. حتى انه بغى مايصك بابه .. اول ماوصل للجلسات .. كانت شبه مليانه .. دار ينظره عليها .. وشاف 2 جالسن .. سطام ومشعل ..
أتجه لهم ..وهو يهرول .. والوساوس كلها تترامى عليه من كل جهه .. والشيطان فوقه ..اول ماوصل عند الطاوله كان سطام معطيه ظهره .. وقف جنبه ..اول مارفع سطام عينه .. كان مبتسم بس اخفت البسمه يوم شاف وجهه .. وصوت داخل سطام يقول ان سامي لعب براس فهد .. وحشااه له بكذب أكيد .. مسكه فهد مع ياقة ثوبه وقومه .. لين وقف .. التفتوا لي كل اللي فالكوفي .. وقف مشعل .. مسك فهد يهديه :فهد .. فهد هد نفسك وش فيك ..
فهد سكر عيونه ورص على اسنانه:مشعـل .. خلني و لا الله لا أحط هاللي فيني فيك! .. "فتح عيونه وناظر سطام اللي كان هادي"..يالخاين يالخسيس..انت منيب كفـو احد يوثق فيك!..انت وآآآطي!

قاطعته يد مشعل اللي امتدت بينهم .. لين صار كل جسمه بينهم .. لكن فهد بعده بكل قووه لين صقع مشعل بالطاوله ..
سطام عدل وقفته .. وقال لمشعل:مشعل لا تدخل .. انا اعرف اتصرف.."يكلم فهد"..قلي وش قال لك النذل سامي..
فهد يصارخ بهستيويا:مالك دخل وش قاللي .. ماااعليك من سامي عليك مني الحين .. ليش؟..ليشششششش تسوي كذا ياسطام ..تراني فهد ياسطام مب واحد ثاني!
سطام بهدوء غريب ..وكأنه مخدر بسبب هالسب والشتم اللي يجيه .. بس قال: وانت صدقته؟

جـن جنون فهد .. ورفع ياقة سطام اللي كان اطول من فهد بس هاللشي ماأعاقه ابد .صقعه فالجدار .. وسطام سكر عينه من الالم بس كان ساكت .. يبي يدافع عن نفسه وسط هالتيار من السب والاهانات .. يبي يتكلم ويدافع بس هجوم فهد اللي الجمه وخـلاه يسكت وكأنه شخص حُكم عليه بالاعدام وينتظر القصاص .. كان يطالع فهد اللي يسب ويلعن .. واللي يحس انه بينهبل لو ماذبح سطام .. لكن الوضع زاد عن حده .. لانه كان ساكت هالشي قهر فهد وجمع شياطين الجن والانس فوق راسه ..حس ان حقد الدنيـا كله جاله ..حس بـ كره واشمئزاز وندم لانه فكر يصادق سطام .. يحس ان قلبه وعقله يتضاربون .... وده يذبحه الحين ويخلص عليه!..بس هذا سطـام!..ياناس تدرون منهو سطام!..مسكه بقوه اكبر وسطام واقف .. لاهو اللي هاجم ولا هو اللي دافع .. حتى مابـرر .. مجرد اكتفى بكلمة "وانت صدقته؟" ..
انقهـر فهد من سكووته .. وحس انه يبي يزيد عليه .. لو يقدر ذبحه ورجع خلاه يحيـآ وذبحه مره ثانيه

سطام ماوعـى الا على كلمة .."ياولد الحرآم"..عصصب .. وبعده بقوه .. وقال بقهر شخص مظلوم :أسمعني يافهد انا ساكت وتاركك تتهمني وتظلمني ..قلت صديقي وبينا عشره .. اما انك تجلس تسب في عرضي انا ماأسمح لك ولا لأي واحد غيرك ..فـاهم؟
فهد بسخريه:وش دعـوه عاد اللي صنت العشره ..
سطام رفع حاجب بـ تحدي..ورمى قنبله قبل يطلع:انت من الاول..مفروض تمسك اختك!..ليه جآي تتهمني والسالفه تخص عرضك انت!..وبعدين انا رجال..والرجال مايعيبه شي!.."والتفت لمشعل"..يالله يامشعل!

غ'ـَـَريبــہ كيفٌ ـآلزمـَـَنْ , يرحـَـََـَلٍ
......................................... وأورٍآقٌ آلعٍ ـمرٍ تذبلّ }—



ومشـوا .. وهم ماشين صرخ فهد :لوك صـدق مظلوووم!..كان عالاقل جيت هنا عندي وبررت!..اثبت لي صدق انك مظلووم! مب تلقيني ظهرك وتمشي!..يا .. يارجاااال!

وقف سطام والتفت له .. عطاه نظره تسم البـدن!..وكمل مشيه


◙◙◙◙◙

... عجزٍت آعبرٍ !
...... عجزٍت آبڪي !
.............. عجزٍت آبوٍح !
بآللي فـ دآخـَـَـل الرٍوٍوٍح
مدرٍي وٍش آسوٍي ؟
مدرٍي وٍش آقوٍوٍل . . !
كل شي بدآخلي ينوٍوٍح "


◙◙◙◙◙


في ليله صافيه .. وكانت قطرات المطره لا تهداء .. والسكون اللي يعم الحيّ .. تربعت فيلا ضخمه ذات مساحه خضراء شاسعه .. تسكن فيها احد افراد العائلات او الطبقات المخمليه
نزل الدرج بكسل وتثاقل .. وهو نازل شاف امه وابوه جالس في الصاله .. أتجه لهم وجلس معاهم : السـلام
امه:هلا وعليكم السلام
ابوه:صح النوم .. متاك نايم؟
ناصر تأفف .. الحين بتبدا المحاظرات : مدري .. بس مب من زمان مره مره
ابو محمد:إيييه ..

ارخى راسه وهو يسمع سواليف ابوه اللي ماتستهويه .. كان يتكلم عن الشركه وعن الارباح والخساير .. ومعرض السيارات حقه .. وأمه تسمع بإنتباه وبعد كل جملتين تقول "أيه"..او "ايوه"..بمعني كمل!.. ماقد عنى له الشركه او معرض السيارت شي له .. على ان الكل يحسده عالعز اللي هو عايش فيه .. بس انه يكره الشغل .. سكر عيونه والمكان هادي الا من صوت ابوه والفناجيل مع الدله ..

- هوو نويصر وش بلآك
فتح عينه .. بس الى الان مرخي راسه ..:زهــق!
ابو محمد:في جمعه فالمزرعه .. ورا ماتجي ماقد شافوك ياكافي
رفع ناصر راسه .. :لا ماأبي .. مب لازم يشوفوني
ام محمد مسكت يد ولدها : طيب ورا ماتطلع تشم هوآ شوي
ناصر وهو الى الان فيه النوم ولا بعد صحصح .. مغتلق بسبة نومه الملخبط:مدري ..
قام وطلع برا .. يشـم شوية هوآ ..


◙◙◙◙◙

دخلت المستشفى .. ومريت من الباب اللي انفتح اتوماتيكياً .. شفت انواع حالات الطوارئ .. طبعاً شي تعودت عليه .. أحس من إجابيات شغلتي كـ ممرضه اني تعودت على مثل هالحالات .. يوم حطيت اغراضي .. رحت عند الدكتوره .. عشان ابا شغلي ..

بس معورني قلبي لاني قبل لا أطلع تطاقيت مع جود اختي

/

- أنتـي حجـر ماتفهمين اصـلاً .. ولا وش عرفك!
هيله بهدوء وصرامه : عالاقل الحجر يقدر يعيش ويستمر .. اما لو بصير مثلك راعية مشاعر بزياده .. ماراح اتحمل هالدنيا ولا دقيقه وحده ..وبعدين وش دخل المشاعر في سخافاتك!
جود : لأني ابي اصير زي صديقاتي .. ولا أبي احس اني اقل منهم صرت سخيفه؟ .. مب شرط لانك ماعشتي حياتك بسبـة الفقر لازم اصير مثلك! .. في فـرق بيني وبينك
هيله عصبت: وش الفـرق .. انتي امعه وانا ابي مصلحكم ؟؟..هذا الفرق
جود:لا مب هذا الفرق .. الفرق إننا بشر ونحس اما انتي فحجر!..او اقسى بعد .. ماتحسين ودي يوم احس ان عندي اخت كبيره .. فيك تبلد وربي حتى اليهود مب مثلك!
هيله بـ برود ورفعة حاجب:..خلصتي؟..لان عندي شغل
جود:أكـرهك..أكـرهك .. اصلاً انتي مدري وشوله عايشه..موتي احسن لك
ورقـت فوق تركض

/

كـلاً لعن حظه
ليـآ خاب ... – { مـره
وش حيلتـِـِـہٌِ اللي عآش عمره ,‘
بلآ حظ !!
بلآ حظ !!
بلآ حظ !!

◙◙◙
الجزءالتـــاسع..!
◙◙◙



طلع من القصر .. وركب سيارته مرسيدس بانوراما حط بشته جنبه .. عدل مرايته ويطالع نفسه .. التجاعيد اللي بانت في وجهه والشيب اللي خـط على شعره وشنبه ولحيته الخفيفه ..
أتجـه للمكان متعود يروح له كل فتره .. لبق سيارته ومشى وهو يردد بـ:لا إله الا الله .. اللهم صلي على محمد
شايب كان باين عليه الوقآر .. هدوء غريب يسكنه ماكأنه يحس بحرب داخله .. ظلم وقهر وخوف .. اتجه لغرفه حافظها مثل اسمه .. دخلها .. كانت هاديه .. ويحلف ان ماحد يدخل على هالمريض أبـداً .. كان يطالع بالمريض بـ حقد .. كان مدد ولا يدري وش يصير حوله .. 28 سنه!..28 سنه وهو يتردد على هالمكان ولا حتى تحرك هاللي اسمه عُمر .. حتى طرف واحد ماحركه !..
رفع عينه للسما .. ودعا ربه انه يقومه .. اخذ نفس وجلس على الكرسي اللي جنبه .. أبتسم بسخريه ممزوجه بقهر وحقد :يعني مصـر تعاند ياعمر!..ماتخاف ربك فينا .. ولا في مرتي هالمسكينه اللي كل ليل تناجي ربها تبي ولدها .. بسك نوم وقم علمني وين ظنـآي !.."ارخى حواجبه".. انا مستعد اتنازل عن كل حقوقي في خطف ولدي .. بس قـم الله يرضى عليك

هذا هو!..كان يسكنه تنااقض غريب .. مرات يحس انه محتاج لـ هاللي اسمه عمر..ومرات يحقد عليه ..ولو بيده انهـا حياته اليوم قبل بكره .. بس هو لازم يتحمل لان محد بيعرف مكان محمد الا هـو ..

أبيع العمر ڪلہ

بس أعرف " شي واحد "

وش راح تجاوب ربڪ لما ياخذ حقي منڪ. .؟


سكر عيونه يمنع دموعه اللي دايـم تنهدر بسبة هالحاله اللي هم فيها ..
كل يوم يعشم نفسه وزوجته ويقول يمكن بكـره يصحى عمر.. ثقته بربه واسعه وكبيره .. بس يبي شي يطمنه ..شي يجدد الامـل داخله ..
كم مره حلم انه يشيل ولده ويضمه .. بس معد به محمد الصغير .. الحين هو صار رجال .. كبيـر ومايندرى يمكن تزوج وعنده عيال ..
معقول يصير عنده أحفـاد وهو مايدري ..
طيب محمد وش شعوره الحين .. يحس نفسه لقيط؟ .. ولا عنده اهل
في دار الايتام ولا القطـآ .. مانسى كلمة عبدالله يوم قال ..
"بس لاتخاف انا عم رحوم خليته بين يدين امينه يتربـى"
تسللت دمعه من غير شعوره ..ونزلت على خده .. وكأنه تبي تطفي لو شوي من الناار اللي تسعر داخله .. بس هيهـآت .. مستحييل تطفى النار ..الا بشوفة محمد!
سـألم معافى ..يجيه لين عنده فالبيت!

◙◙◙◙◙


النآس في[بسمتـٍـٍـٍي]بآلحيل منخدعهـ‘

يآإكم ورآهـَـَـَـَا طفيت[النآر] بانفاسي,

بعض"الموآإأجع"لهآ مآتنفع الفزعهـ‘

كلمآ جرعت,,الحزن,,رد امتلى كآسي,




◙◙◙◙◙

كانت منسدحه عالسرير على بطنها .. ومعها قلم وتحل واجب البلآغه .. حطت القلم وحطت راسها فوق الدفتر .. :اووووف من هالدرااسه اللي تجيب المرض ..
قامت وجلست .. شالت شعرها الفحمي اللي جاي على وجهها ورجعته ورا اذنها .. قامت للتسريحه .. واخذت ربطه وربطت شعرها .. شافت نفسها بالمرآيـه .. شافت بطنها من تحت اللي بادي يكبر .. حطت يدها على بطنها بخوف وتوتر ..بدت جبهتها تتصبصب عرق .. اخذت نفس:أهـدي ياملاك .. ماله دااعي دكتوره يعني وش فيك كلها بس الدوره تأخرت عليك !..

جلست عالسرير وهي تحس بتوتر وقلق نفسي .. وش الحل الحين مع هالدوره اللي ماجت الى الان ؟

◙◙◙◙◙


- بصراحه سطام انا ماأبي ازييد عليك ..بس كلمتك مالها داعي
سطام اللي كان جالس في سيارة مشعل .. لانه عيّآ عليه يسوق ..كان جالس ورافع رجله عالمرتبه ومسند راسه على يده وماسك جبهته بأصبعه السبابه والابهام .. والرجل الثانيه يهزها بتوتر .. زام شفته لا يتفلت بكلمه من العصبيه والقهـر اللي فيه .. ويطالع فالشباك.. اللي امتلى مويه بسبة المطر
مشعل :سطـام هد نفسك .. انت ماسويت شي .. والله بينصرك
سطام يطالع قطرات المطر اللي تتساقط عالرصيف والشـآرع .. وده يقوم ويكتشف ان اللي صار كابوس ..
مشعل مسك كتف سطام :ســطام!
سطام اكـتفى بـ:ودني البيت !

أتجهوا للبيت والكل ساكت .. شغل مشعل المسجل على إذاعة القرءآن .. كان الجوو ساكن وهادي .. وريحة المطر اللي تسللت للسياره ..

جرحْ !

صعب يشفى .. !
صعب يشفى .. !
صعب يشفى .. !


وصلـوا للبيت ونزل سطام ودخل .. حتى ماعطى كلمه للمشعل .. لبق مشعل سيارته ودخل ..
كانت ام سطام فالصاله .. دخل سطام حتى ماألتفت شاف اذا احد فالصاله ولالا .. اتجه للدرج بس استوقفه صوت

- على وين؟.. ماودك تسـلم!
وقف .. يوم لف شاف امه .. تغصب البسمه :هلا يمه ماعليه ماشفتك
ام سطام بعصبيه:وينك من الصبح مالك حس .. ماكن عندي ولد
سطام .. اخذ نفس .. استغفر في نفسه ..قال بـ حلم:كنتي تبيني؟
ام سطام:إيييه! ..
سطام:دقيتي علي !
ام سطام:لا
سطام نسآ نفسه ولا له خلقها ابد : اجل خـلااص!
توه بيقفـي .. نادته بعصبيه :سطااااام ..قل آمين الله لا يوفقك لا دنيـا ولا آخره .. كانك سبب شقآي .. إن جاني شي فهوو منك
لف سطام وقال بقهر:وش تبين اسوي لك يعني؟..اعلم الغيب انا .. يوم انك تبيني كان دقيتي علي!!!
ام سطام:وترفع صوتك علي!..
شد قبضته عالدربزين ..بلع ريقه ويحس انه شوي ويقوم يذبـح نفسه ..ماله خلق.. مـــاله خلق ابد !.. بس لو يخلوونه شوي بس مع نفسه !
ام سطـام :ياخسـآرة تعبي فيك بس..يالعـآق!

دخل مشعل .. وهو كان سامع اخر الكلام ..قال يهدي اخته:شوي شوي ياحصه .. هو الحين مهوب رآيـق..خليه شوي بس
ام سطام تناظر سطام :ولييه مب رايق..صديقه انا ولا واحد من الشـآرع .. لازم يرووق لي ..أنـا امه
سطام سفهم ورقـآ فوق لغرفته .. دخل غرفته وسكر على نفسه الباب .. رمى نفسه بالسرير ..

آنـآششد هموٍميْ ع ـنِ|سببْ|ح ـزنيْ،/
تـ ج ـآوبنيْبـ وٍنينً وٍ ح ـرقهـ،ٍ للآع ـصآب،/!ليه يـآ هم،/
ليه ليْ نآسسسن بيْ تـ غـتآبْ،!
وشْ آلششين آلليْ بدرٍ منيْ؟!
وشْ آلليْ فينيْ آنًـآٍ ينٍـ ع ـًآبْ،/!؟
مـآ ظنتيْ آنيْ آخ ـطيتً لـنيْ
بديتً آدوٍرٍ لحـقدهمٍ آسبـآإب،/
ج ـآإوبنيْ يـآ | همٍ| تكفىآ ع ـلمنيْ
آخ ـطيت يوًم آني ع ـديتهمً آصح ـآإبْ!
مـآلقيت جوآب ع ـن سبب ونيْ،/
غ ـير آلآٍلمً بـ|زمنٍ لـ عـآبْ|~
كبروٍنيْ يـآهمٍ علىآ صـ غ ـر سسنيْ.!وقدروٍآ يكوًنوًنٍ لـ | فرحٍ ـتيْ | سسلآإبْ !
تششوفنيْ قدٍآمكٍ آششكيْ آلحآل كنيْ

ع ـجوٍزتدوٍر لهآ ونٍيسْ وٍ آحـبآإبْ،/!


قام ورجع جلس مره ثانيه .. عض شفايفه وسكر عيوونه وهو يتذكر ملامح وجهه فهد الغاضب .. كره فهد .. لييش يصدق؟..لهدرجه اللي كان بينهم ولا شي ..
مقعول من البدايه وهم كذا .. صدااقة لعب ..صـداقه بزران !
اقـل نسمة هواء تخرب كل هـذا !

" ليشش تسوي كذا ياسطام ..تراني فهد مب واحد ثاني!"
" ليشش تسوي كذا ياسطام ..تراني فهد مب واحد ثاني!"
" ليشش تسوي كذا ياسطام ..تراني فهد مب واحد ثاني!"

مسك رآسـه ورص على اسنانه ..قال بقهـر :وانت يافهد ليش تصدق ..لييييه !
فتح جواله .. وفتح على رقم فهد

زم شفته وهو يرص على اسنانه اقوى من اول ..رمى الجوال .. وأنسدح وجواه شي يشتعل يبي يطفييييه مايدري كيف!
بدا تنفسه يسرررع .. يحس قلبه مقبوص .. وكن شي طابق على صدره ..كآرهه فهد ..كـره قوي ماقد حسه إتجاه فهد ..
ليش كذا ..ليه يحس انه غلطان مع انه صـح!
بس لآ هو مفروض يتكلم ..يبـرر !
لآ فهد من الاول صدق سـامي .. كذبني ..مابعد هذي شي؛ مفروض ان هو الغلطان ..ومثل ماسمع لـ الواطي سامي..يسمع لي انا بعد !

يحس ان ان رجولـته اهتزت قدام نفسـه .. كره نفسه اكثر من كرهه لـ فهد اللي نزل بـ كرامته لـ الارض .. كـره صمته الغبي .. اللي يحطه في مواقف اغبى ..
يكره نفسـه يكرها يكــرها!..

كذا يافهد ..كذا قدام النـاس !.. بس ماأقول الا "الله لآ يحللك ولا يبيحك لا انت ولا أختك "


◙◙◙◙◙

ع’ــجزِ ينطقْ بكلمـہ آه .. رغ’ــم أإن الألمْ وـالآــہ
دوٍآهمٍ ص’ــرخـہ أحزأإنــــًـہ



◙◙◙◙◙

وصلت للغرفة الملابس ..حطت الاكيآس على جنب .. حطت الجوال بإذنها الثانيه ..

خجل :اوكي فراس .. انا بدخل اخذ لي شور توني راجعه من السوق .. تامرني على شي؟
فـراس:إييه
خجل: .....
فراس:أبي بـوسه !
شب وجهه خجل .. :هاه
فراس:هههههههه من قال هاه سمع !..ابغا بوسه تراني معطيك وجه في ايام خطبتنا .. الحين عاد يحق لي اطالب بحقوقي .. يالله
خجل بترجي:فـرآس!..بليز لا
فراس يقلد نبرتها:بليـز انتي .. يالله حياتي ..وحده بس وبسكر
خجل:فـراس!
فراس:امم طيب ..بس المره الثانيه ماافي .. ولا ابيها عالهواء مباشره!
خجل:هههههه ايه يصير خير ..
فراس:شـف تسكتني!..اجيك؟
خجل:لالا ..امزح والله
فراس:إييييه اشوى.."بغرور"..مشكلتي شديد يختي!
خجل:أرحمـني هههه

سكرت منه ..طلعت للغرفتها حطت الجوال عالتسريحه .. وراحت للسريرها وفتحت الاب توب .. كانت تجس بـ شي غريب لما تكلم فراس
بس اللي تعرفـه انها ماتحبـه لاو تميل له.. مثل ماحبت سطام ومالت له !
جاها الالهام لخاطـره
فتحت منتـدى مشاركه فيه وفتحت على قسم الخواطر
كتبت

" ممتع..
وقمة اللذة ان تستشعر نكهة المتعة في قمة المك..
والأمتع إذ ذرفت دموع المك وانت تبتسم بعذوبة..
حينها..
حين تُسأل عن مصطلح الألم
تبحث عينيك عن الإجابه المفقودة لوضعها في مكانها..
لكن يضل المكان خآلي..
لأنك بلا تعقيد
سيت الالم..وأحساسه..
وأطلقت العنان لـ تلذذك ومتعتك"

فتحت إيميلها اوف لاين تبي تشوف نجلا اذا داخله ولالا ..

كانت نجلا ..أوف لاين .. سكرت الاب من غير لاتسوي تسجيل خروج ..واخذت الروب ودخلت الحمام


◙◙◙◙◙

طلع من غرفـة النوم ولبس بدله أي كلام وراح للبيت ابوه .. اول مادخل القصـر ..
كان عند المدخل مرايه ..شاف شكله كنه واحد توه طالع من السجن ..
وهو مار من الصاله كانت امه جالسه تتقهـوى وتناظر التلفزيون ..
سعودالسسلام عليكم
امه :هلا وعليكم السلام
راح وجلس عندها :كيف الحال
ام سعود:بخير انت شلونك عشاك احسن
سعود :بخير
ام سعود سكتت شوي .. حطت الفنجال وداخلها كلام كثيـر .. قالت بتردد :وش بتسمي بنتك
سعود تضايق من هالطاري :مدري ..مــدري عنكم سموها اللي تبون
ام سعود مسكت يده البارده :تراهي بنتك ..ارحمها ياسعود انولدت على هالدنيا ماله ام !
سعود :ياليتني مالحقت عليها ..ليتها ماتت!
ام سعود :اسسسغفر الله ياسعود!..هذا كلام رجال عاقل!
سعود:سموها ديمـه !

ام سعود :طيب انت شفتها؟
سعو قأم :ولا أبي اشوفها ابد .."ج بيطلع من الصاله"..انا بروح لغرفتي بنوم
ام سعود ببتسامه خفيفه:بتنوم عندنا اليوم
سعود:إييه .. ماقدرت اتحمل الشقه اكثر بدوونها ..موت بطـيء!
ام سعود:بسم الله عليك .."يوم عطاها ظهرها وراح"..سم بالرحمن واقرا قران
سعود:إن شـآء الله !

أتجهه لغرفته القديمه .. راح مع الاصنصير لان الدرج بيكون طويل عليه .. هذا هو ماله خلق من ماتت ديمـه !
دخل الغرفه حقته يوم كان عزوبي .. اخذ له دش..اخذ المصحف من المكتبه حقته المغبـره ..من زمان عن الغرفه !..انسدح وفتح القـرآن .. وبدآ يقرا
واحلى ذكرياته مع زوجته تروح وتجي في راسه .. شلون كذا تموت فجأه ..ماكان فيها شي أبـد
أدري انه موتتها في وقتنا هذا طبيعيه ..لأنها سكته وفي آخر الزمان يكثر الموت كذا .. بس فجأه وهو الى الان مب مستوعب كان معها ويسولف ويضحك وكل شي .. وآخر شي ..يوم قام ..الا هي ميــــــته!


◙◙◙◙◙



ترىآ لـ الآن عطرڪْ..

مـاا بـرَح صدري


اذا ضمّـيييت نفسي حيييييل


شمّـيته
شمّـيته
شمّـيته
شمّـيه



◙◙◙◙◙


وهي داخله الشركه وواصله معها .. طاح منها ملف من الملفات اللي بيدها .. تأأفت ونزلت تجيبهم .. وهي تسب وتشتم بالانجليزي ..

- ودي يوم اشوفك مرووقه اعوذ بالله !
رفعت راسها .. وعدلت وقفتها ..وعدل شنطة الاب توب على كتفها:هلا حسين
حسـين:اخباارك بنت بلآدي
جوان:انت الحين وش فيك طااير ببلادك!..اللي يسمعك الحين يقول مشاق لهم ..

مشت وهو مشى جنبها بس هي اسرع منه وهو كان شبه اللي يلحقها
رد عليها بثقه كنه يبي ينرفزها عالصبح:الا والله اني مشتااق لبلآدي الجميله
جوان وعينها عالاصنصير:اييه مره جميله تراها صحاري ..اذا ماتدري يعني
حسيـن:لا فيه خضره تسر الناظريين
جوان:اششوى ان مافيه الا ابها وطايرين بها !
حسين ماقدر الا يضحك :هههههههههههههههههه ..اكششخ تعرفين والله !
أبتسمت ..دخلت الاصنصير وهو دخل معها .. كانوا ساكتين ..قالت :وين مكتبك؟
حسين :ليش ناويه تزوريني..
جوان عينها على قدام ولا تبي تناظره..:no ..it's just a question
حسين يناظر السقف:اجل مب لازم تعرفين
جوان غيرت رايها ..بس تبي تعرف وين المكتب:يمكن ازورك يوم من الايام
حسين :ليه تبين تخطبيني؟
جوان التفتت له وقالت بستخفاف:r u kidding?
حسين هز كتوفه :ميـبي!
جوان: طيب أي دور ؟

أنفتح الاصنصير .. وطلعت .. تفاجات انه طلع معها .. وقفت والتفتت له ..
جوان:وين ؟
حسين شك في نفسه :وشو
جوان :ليه تلحقني؟
حسين:وش فيها
جوان: u r bothering me
حسيـن:أفـاا .. انا ازعجك؟ .. انا بس حريص انك توصلين لمكتبك بسلآم ..."سكت شوي وقال"..يابنت بـلآدي!
جوان:انت وبلادك تراك ذلييت امي عليها !
حسين :هههههههههه .. طيب امزح ..

سفهته ومشت للمكتبها .. يوم وصلت التفتت لينه رآيح .. جلست وسلمت عالموظفه اللي معاها بنفس المكتب .. كان مكتبها صحيح صغير بس يطلع على منظر حلوو ..وحلوو شكله ورآقي .. الشركه كلها حلووه .. كان يحجبهم من المكاتب الثانيه ..جدار صغير ومايغطي شي ..يعني لو توقف بتقدر تشوف اللي بالمكتب الثاني ..بس من فوق الجدار الصغير ..يفصل بينهم قزاز .. وعازل عن الصوت .. موقعها كان حلوو تقدر تشوف الناس اللي تمر .. لان الجزء العلووي من الجدار كان عباره عن زجاج ..فتحت لابتوبها ..وفتحت ايميلها ..
كانت الجوري اون لاين ..

Baby it's you
Heey sweety

{ الجـوري ~
أهلا أختيي الحبيبه

◙◙◙◙◙


وقفت قدام الباب .. وبتردد ظربت 3 ضربات .. كانت متردده ..بس تردد داخلها هم اللي عزمووني .. مب انا اللي جيت من نفسي ..
سمعت صوت رجول ..انفتح الباب ..فتح لها رجال على طول عرفته ..
إبـرآهيم !

نوره :السـ..السلام عليكم
ابراهيم:هلا
نوره:ووين روان
ابراهيم :لحظه ..

دخل وسمعته ينادي روان بصوته الخشن كان عالي .. دقايق وجتها روان .. أبتسمت واتسعت ابتسامها :أهلييين وسهليييييين
نوره :هلا والله
روان تدخل جوا:دقيقه بس ..

ودخلت حتى نوره معد شافتها .. بس سمعت صوتها وهي تقول:إبراااهيم ادخل غرفتك ولاتطلع .."رجعت"..تفضلي
نوره مستحيه:احس اني جيت بوقت غلط
روان ناظرتها مفهيه:ليه؟
نوره:مدري .. اخوك فيه
روان:لو تحترينه والله ان تموتين ولا شفنااك .. هو كذا لزقه اعوذ بالله منه
دخلت .. وجلست معاهم

◙◙◙◙◙


طلع من المستشفى وهو مبسوط .. وإبتسامه مرسومه على ثغره .. يحس بنشوة نصر .. ماقدر يكتم ضحكته وضحك بصوت عالي مطنش اللي حوله ..
حس انه مجنون ..بس كل شي يهون عند كرامته .. ماهمه اهم شي انه رد إعتباره ..

ركب سيارته .. ورآح يمر خويه طارق ..
اول ماوصل جا طارق وركب ..
طارق:سلام
ناصر:هلا وعليكم السلآم ..
طارق يتفحصه :وش عندي .. مبسوط اليوم
ناصر ضحك :ههههه دوم !
طارق:ايه دوم ..بس وش عندك ..خلني انبسط معك
ناصر بفـرح وكأنه يستمتع بس بقول السالفه : تخيل ....

/
دخل مكتب مدير المستشفى
- هلا أخوي ؟
ناصر يصآفح الرجال .. ويجلس عالكرسي ويحط رجل على رجل :معك ناصر بن عبدالرحمن آل "........"
المدير تغير وجهه بإحترام زاايد:هلا والله وغلا ..آمرني وش بغيت !

/

طارق طارت عيونه:من جدك رآيح المستشفى ؟
ناصر :إيه .. انا قلت لك اني ابخلي هاللي اسمها هيله تندم
طارق: ووش سويت
ناصر قال ببطئ وكأنه يتلذ بكل حرف يقوله : تشتغل لمدة شهـر من غير رآتب
طارق انصدم أكثر من قسآوة ناصر : اصدمني وقل انه وافق!

/

المدير يحط القلم اللي في يده ..:أبشر استاذ ناصر .. رآح احرمها من راتب هذا الشهر .. واحنا الزم ماعلينا رآحة مرضانا
قام ناصر وفي وجهه علامات الفرح والنصـر ..
/

طارق:ناصر..قطع أعنـاق ولا قطع ارزآق !
ناصر:اللي يسمعك الحين يقول قاطع رزقها ..شهر ترا ماتضر
طارق:دامها ماتضر .. وشو له تسوي كذا !
ناصر:عشان تعرف انها مب قدي ..وتعرف ان لي نفوذ بكل مكان ..حتى مكان شغلها
طارق:نــاصر اعقل وحط راسك بعقلك
ناصر:وش تبي انت الحين ..أعقـل؟!..ترا مانيب اصغر عيالك انا تقولي اعقل!

وصلوا عند إستراحه .. دخلوا ناصر وطارق .. وكان فيه ناس من ربعهم ..
ناصر:سـلآم شباب!
الكل:هـلا والله وغلا !!


◙◙◙◙◙

كانت تمشي في سيب الفندق .. وهي مبسوطه يوم تذكرت ردة فعل روان يوم عطتها الفستان .. أبتسمت بألم وهي تشوف روان مع امها .. تذكر الايام اللي كانت تقضيها مع امها .. نزلت منها دمعه .. رفعت يدها جت بتسمح دموعها شافت ساعه من إختيار احمد ايام ملكتهم .. طالعتها ..وبدت سيل من الدموع الحاره يجري على خدها .. تذكرت يوم كان سطام يقولها .. استخيري .. خلينا نسأل عنه ..صحيح سطام ماسمع لها وسأل عنه ..بس قـدر الله وماشاء فعـل !
هذي هي تدفع ثمن غلطه سوتها .. انها تزوجت عن طريق الــنت!
بس كل شي صار في ايام الملكه يثبت لها عكس اللي هي تشوفه ..
رجعت لها كم ذكرى يوم ايام ملكتهم

تذكرت فرحة امها واختها .. والكل بيوم زواجها .. وصلت عند السويت وطلعت الكرت عشان تدخل

ترىآ آلذكـَـَـَـَـرىآ ولُو حٍ ــلوٍه طوٍآريهآ تهـَِـَِـِد{ آلحيـَـَـَـل


دخلت شافت احمد ..وقفت تطالعه بإستغراب .. وش جابه هذا مب المفروض انها هايت بالشوارع ويسربت ..أسغفر الله بس ..
طنشته ورآحت عند الشماعه تعلق جاكيتها ..
احمد قام وجا لعندها:وين كنتي؟
نوره . تلف وتروح عند شي زي قطعة خشب تنحط عندها الجزم وانتوا بكرامه .. ولا ردت عليه
احمد:نوره وين كنتي ؟
نوره تهز كتوفها ..:مب لازم تعرف .. احنا اصلا من جينا وانا في وادي وانت في وادي
أحمـد لانت ملامحه :نـ..نوره انتي شربتي شي
التفتت عليه عاقده حواجبها :شي
احمد:اقصد انا كنت اغصبك تشربين ؟..شربتي شي ولا
نوره عطته ظهرها .. ومشت للسرير ..وقالت من ورا قلبها:وليه تسأل .. انت تشرب يعني اعتقد عادي لو شربت انا
احمد مطنش كلامها:تبين نرجع ؟
نوره فتحت عينها ..داخلها شي فرح وتهلل ..وكأن الشمس اشرقت عليها من بعد ليل وظلام طوويل .. :نرجع السعوديه؟..الريـآض؟؟؟
احمد هز راسها بـ:إيه
نوره:ايه ابي ارجع .. "تذكرت يوم تكلم امها "..خالي خطب وزواجه قريب وابي احضر

كانت تتكلم بشكل عادي جداً .. وكأنها ماشاف زوجها سكران قبل هالوقت ..بس كانت تبي تنسـآ ..شي جواها يقول سايريه وشي ثاني يقول..ذليـه عشان كرامتك!
وكيف يتجراء يفكر ياخذك وهو سكرااااااان
أحمد : طيب .. انا مامشيتك الى الان
نوره :مب لازم ماأبي منك شي .. كل اللي أبيه اني ارجع للريـاض !
أحمـد طلع جواله ..وطلع بـرآ السويت :بحجز من الحين !
وطلـع

جلست عالسرير وهي مبسووطه ..رفعت الجوال وأتصلت على سطام لانها من زمان مادقت عليه
لكنـه مايرد ..رجعت تدق من جديد ..بس مـا في احد يرد


◙◙◙◙◙

كان جالس في سيارته .. في أرض فاضيه ..فاتح الشباك .. ووالهواء يداعب خصلات شعره القصير ..الاسـود ..كان الجوو بآرد خصوصا انهم في عز الشتاء ..كان الجو ساكن ..الصمت هو سيد المكان ..الا من صوت قطرات المطر اللي ترتطم بالارض .. المطر اللي كثر هالايآم .. رفع عينه البنيه للسمآء ودعا ربه انه ينصره .. ويحنن قلب امه عليه ..لان ضربتين فالراس توجع ..امه زعلانه عليه ..وصديق عمـره وتوأم روحه ظالمه .. ولا هو أي ظلم !
كان ثاني رجوله ومسند يده عليها .. وحد ظهر يده تحت ذقنه ويطالع فالـ"لآشيء" ..نظراته كانت عميقه وكلها حزن ..
تنهد وسكر عينه وسند راسه عالمرتبه .. راسه انشل من كثر التفكير ..
حس بإهتزاز جنبه ..التفت كان جواله .. اللي محطوط عالصامت
سطام يكلم نفسه:ياحول اكيد نوره !
ناظر المتصل >مشعل

رجع سكر عيونه ..ماله خلق يكلم احد ابد ..نوره اتصلت عليه مرتين ولا يبي يرد عليها ..أطلق آه تحمل الكثير من الالم والقهر .. والظييم ..


هناك في ركـنٍ بعيــد
في أقاصي روح مهمله
أنـزوى قلبي والى جوآره عقلي المصدوم بـ‘هم احاول ان اصغي لصوت عقلي لأجد له ارتطاما عنيفـاً
أيعقل ان مثلي يُقراء بـ/ هذا الشكل البآرد ؟!
أي صقيع تحفته روحي هذا المسـاء ؟ >
هل كان عليهم ان يقطعـوا حكمهم الشنيع عليّ ؟ بـ هذا الشكل الاكثر قسوه
ثم لِم لَمْ اخبره بـ كل شيء
وهل اذا اخبرته سوف أنجو من عينيه !؛ من سيآط كلماته ؛ من ريبـته ؟!
وألآن .. تبقـى "هل" الاكثر إلاماً ؛ هل سوف يصدقني لو قلت له الحقيقه ؟!
هذه الـ"هل" تجعل مسافات الالم شــآسعه !
تمزق روحي المتشعثه ثم تذروها للرييح
لأبقـى انا وفي نفس الركن عآريـاً من كل شيء
عارياً الا من وجعي بـ هم ,‘
إلا من ألف ألف ألف ..خيبه تطوقني وتحكم قبظتها على عنقي المنهـك !

◙◙◙
الجزء الحـآدي عشـــر..!
◙◙◙


قامت من النوم ..كانت الساعه 7 ونص .. والكويز بيبدا عالساعه 9 .. راحت للحمام وانتوا بكرامه عشان تتروش ..
يوم خلصت وقفت قدام المرايه تشوف المويه اللي قطر من شعرها ..ملامحها الدقيقه والناعمه .. زمت شفايفها القـرمزيه ..
تذكرت امس مرة ابوها يوم تتهمها بأخلاقها .. وانها راعية رجال ..حاولت تنسى لا تعكر يومها .. مع انها متندمه ليش انها صاحت .. وقدامها
طلعت من الحمام ..رآحت غرفة الملابس .. فتحت الدولآب تدور لبس يصلح للجامعه .. آخر شي رست على لبس اخذته ..طلعت من الغرفه ورمته عالسرير ..نشفت شعرها وحطت المستحضرات الروتينيه اللي تحطها على جسمها كل ماطلعت من الحمام ..من كريم وغيره
خلصت فتحت لابتوبها ومن ثم ايمليها لقت ندى اون لايـن

كِلْ مَا وَلهَتْ ومَا لقيتِكْ بِينهمْ ودِيٌ [ أبكِيٌ ] ’ >>ندى

وٍرآء كل مستبدة [● حكـــِـِـِـِـِـآية.!~ >>نجـلاء


وٍرآء كل مستبدة [● حكـــِـِـِـِـِـآية.!~
صبآح الخير

كِلْ مَا وَلهَتْ ومَا لقيتِكْ بِينهمْ ودِيٌ [ أبكِيٌ ] ’
أهلا صباح النور السرور ..
كِلْ مَا وَلهَتْ ومَا لقيتِكْ بِينهمْ ودِيٌ [ أبكِيٌ ] ’
قآيمه بدري وش عندك؟

وٍرآء كل مستبدة [● حكـــِـِـِـِـِـآية.!~
عندي كويز اليوم .. ولآزم اروح

كِلْ مَا وَلهَتْ ومَا لقيتِكْ بِينهمْ ودِيٌ [ أبكِيٌ ] ’
ياكشششخه ..يادفرهـ!

وٍرآء كل مستبدة [● حكـــِـِـِـِـِـآية.!~
ههههه جد!..لازم اروح لأنو لو مارحت يمكن يجيني حرمان =(

كِلْ مَا وَلهَتْ ومَا لقيتِكْ بِينهمْ ودِيٌ [ أبكِيٌ ] ’
أهـاا .. الله يوفقك ..طيب متى بتروحين؟

وٍرآء كل مستبدة [● حكـــِـِـِـِـِـآية.!~
والله ودي أطلع تسع الا ..تجين معي؟

كِلْ مَا وَلهَتْ ومَا لقيتِكْ بِينهمْ ودِيٌ [ أبكِيٌ ] ’
بشوف كان خويلد بيعطيني وجـه اجي بدري !


◙◙◙◙◙


{ يآرب } ڪف ۶ـني ڪل الَم وحُزنَ و هَم !
◙◙◙◙◙


كانت تمشي .. وتترنح بالمكان .. جآ في بالها أحمد ..ودها تسب وتلعن فييه بس لسآنها ثقيـل ولا يساعدها ابد .. وتحس اساسا ماتقدر تركز في فكره وحده ابـد
قالت وهي تترنح للـ السويت :أحـ...أحمد ..الله ياخذك اكرهك وربي .. انا قلت ماأبي اشرب ..بس غصبـتني !..

وصلت عند السويت ورجولها ماتشيلها .. دورت الفتاح في جيبها وماافيها حيل ابد بس تبي تحط جسمها ..
مالقته ..جلست عالارض .. وهي تنااادي :احمد!...احمد افتح الباب ..افتححححه! ... احماااااااااااااااد !

◙◙◙◙◙

يآقلبي ..}
شفت هـ آلدنيـآ .. ترى فيهـآ .. ~ حزن وآفـرآح ..
وڪـل وآحــد على ڪيفـﮧ ..{ يحـس ..ْ
...................... بـ آحـزآنـﮧ وآفـرآحـﮧ ..!!
هـذآ آللي منصـدم قلبـﮧ ..} وقـآل بـ حسـرتـﮧ .. ~ آفف رآآآح ..!!
وذآڪ آللي بعـد مآيروح عنـﮧ ..{ يقــول .. آفف رآحـﮧ ..!!
آفف رآحـﮧ
آفف رآحـﮧ
آفف رآحـﮧ

◙◙◙◙◙

سكرت الاب توب بعد ماكلمت ندى ..جت بتاخذ عبايتها وهي طالعه فتحت باب غرفتها .... وتذكرت انها ماراحت الحمام وانتوا بكرامه .. وهي ماتقبل حمامات الجامعه ..
تركت الباب .. وراحت عند السرير .. حطت عبايتها وراحت الحمام ..

دقايق الا وهي طالعه اخذت شنطتها واوراقها عشان تراجع .. راحت للباب لقته مسكـر .. تتذكر انها تركته مفتووح ..فتحته لقته مقفــل!
حاولت تفتحه ثانيه ..بس نفس النتيجه ....مقــــــــفل!

حطت عبايتها عالارض .. وفتحت شنطتها تدور الفتاح مالقته ..اصلا هي تتذكر انها معلقته عالباب .. وكان موجود قبل لاتدخل الحمام ..
دورت جوالها .. ونفس الشي مب موجود .. حست بالدم تجمد في عروقها .. الحين كيف تطلع ؟..ومن بيدري عنها .. راحت عند الشباك اللي كان وااسع وممتد من اول السقف لييين الارض ..
فتحت وحده من الشبابيك بتنادي الحارس او واحد من الخدم.. بس غرفتها تطل على القصـر من الجنب .. ولآ احد يروح منااك
فكرت في فراس اكيد ناايم ومشاري فالمدرسه .. ويزيد يمكن بالجامعه او نايم .. بس كيف توصل لهم!

صارت اطرافها ترتجف .. حست ان الدم معد يوصل للأطرافها .. راحت عالسرير .. وانسدحت ! ..
رفعت يدها اللي اتسكرت ..حاولت تفتحها ..بس ماقدرت .. نزلت دمعتها
ماتقدر تحرك يديها .. حاولت تفتح فمها .. بس لسانها ثقـل .. وشفتها انطبقت على بعض وصعب صعب تفتحه .. قالت بهمس :لا لا مب وقته بليز لا !

التفتت شافت لابتوبها .. فكرت تروح بس ..عبثـاً !!!
يدها متشنجه .. ولو فتحته .. محد اون لاين فالمسن لان خجل وندى فالجامعه اكيـد
نزلت دموعهاا .. تحس انها الحين معزوله عن العالم ..
دعت ربها في سرها ان تطلع من هنا ..
هذي اكيييد سوير الله ياخذها يارب !!!!




◙◙◙◙◙

- انت الحين تبيني اصدق انك إنسان مسكييين وميسوور الحال؟..
حسين يرجع على ورا من هجوم جوان علييه .. :وشو طيب .. صدق انا انسان مسكين
جوان شوي وتذبـحه :آآي وييل كل يوو حسين!..وش موديك الدور الرابع .. وبعدين المدير فيصل وش يبي بك داامك ضعيف ومسكييين!!!
حسين يبلع ريقه :هاه .. انتي الحين وش فيييك شايشة اعووذ بالله منك .."يهديها"..انتي اجلسي اول !
جوان جلست .. :اوكي .. يالله علمني .. من انت ووش تصير ووش وظيفتك بالظبط ؟
حسين يتلفسف وجلس عالكرسي .. وحط رجل على وشبك اصابعه :والله اسمعي اختي .."سوا نفسه ناسي"..جوان؟..

رفعت حاجب وكمل:شوفي انا بكون معك صريح .. وبحكم أني ما أحب الكذب واعتبر نفسي إنسان نزيه وشريف وشخص له ثقله في المجتمع ولبنة صالحة فيه ..
جوان :yes yes ..what ever
حسين ضحك .. وكمل:هههههههههه ..انا بصراحه اشتغل فالدور الرآبع .. ومكتبي عاليمين .."وتحمس فالوصوف بيقهرها"..هما وانتي ماشيه لفي وامسكي الخدمه بيجيك حرف تـtـي .. بتلي وامشي قداااام ..
جوان :طيب ليش تكذب ؟
حسين :ماجـ...

طـق طــق !!
دخل واحد شكله خليجي .. قال ويقصد حسين :استاذ حسين .. الملفات اللي طلبتها جاهزه طال عمرك!
حسين التفت له :طيب ثواني .. "قام "..عندي شغل لازم اروح

ورآح

جوان كانت مصدوومه .. توقعت حسين موظف ملحط ..مع ان وااضح انه ولد نعمـه بس مب لدرجة انه يشتغل مع الـ vip فالدور الرابع !
طالعت الحرمه .. :excuse me
الحرمه :يس !
جوان تأشر عالباب اللي طلع منه حسين: Do you know what is the work of this man
الحرمه :i don't know..but He is the son of the owner of the company

انصدمت جوان .. طول الوقت وهي تهايط على ولد صاحب الشركه ؟؟ ..ولا قال شي!..
حست انها بتفقد شغلها .. بس لا !..هو من الاول يتلصق فيها .. وكنه يعرفها من زماان ..
طيب فيصل وش شغلته؟ : ( حسناً .. وماهي وظيفة السيد فيصل؟ )
الحرمه : (انه المدير.. ابن عم حسين! )
جـوآن قدرت تستوعب:اها !

اجل فيصل المدير .. وحسين ولد عمه .. شكل ابو حسين معطي فيصل الاداره لين يقوى عظم حسين .. ويقدر يدير كل شي .. لان باين على جسين انه صغير



◙◙◙◙◙


"ردت بإنفعال"- خجييل من جدك ماتدرين عنها؟.."طالعت ساعتها"..الحين 9 ونص وهي لين الحين مابينت
خجل وباين عليها الخوف والقلق .. وماسكه جوالها :ادق مقفـل جوالها
ندى حطت يدينها على خدها :ياربييييييه عسآ ماصار لها شي بس .. البنت عندها اختبار مب معقوووله بتتأخر كذا من غير سبب قووي !
خجل شوي وتصييييح : ندييييو لا تخوفيني بليــز!
نـدى :دقي على فراس ..اكيد يدري وينها
خجل حمر وجهها لانها الحين بتصيح :ادق عليه مايرد ..حاطه صامت يمكنه نايم الحين
نـدى تقوم وتاخذ شنطتها مسكت جوالها : انا اعرف شلون اتصرف
خجل تقوم وراها .. :وش بتسوين !
ندى تطلع عبايتها من الشنطه :بدق على خالد يوديني للبيتهم .. مافي الا كذا
خجل ترفع جوالها : انا بدق على سواقي
ندى:يالله دقي
دقت خجل .. ثواني ورد السواق :يس مـس
خجل : سرآج .. انت وين ؟
سراج:سديق مال انا .. انتي كلام 11 نص انا عند جامعه .. ليس كلم ساعه 9 نص
خجل:وين صديق انتا؟
سرآج :عند بيت مدام نوره
خجل :الله !!!..اوكي اوكي تعال جامعه الحين

وسكرت
ندى بقلق:ها بيجي؟
خجل :بعيييد هو عند بيت خوالي ومرره بعيد عن الجامعه ..بس الشكوى لـ الله !
ندى تدق على خالد وتكلم خجل:قولي للسواقك يروح عند بيتهم .. اذا سيارتهم فييه ولالا .. وانا بروح مع خالد يمكن فيها شي ولا شي
خجل شهقت وحطت يدها على فمها :تهقيين توترت من الامتحان ..وأترفع الظغط
ندى ..سكتت شوي .. وقالت:احتمال ... مدري!

مشت للبوابه


◙◙◙◙◙

دخلت الشركه وانا حاط يدي على قلبي .. ماودي اشوف فهد ..
دخلت المكتب .. بس كان مكان مكتب فهد .. جالس واحد ماأعرفه .. ناظرت مكتب سامي كان فآضي .. اكيد مابعد جآ.. دوام شيوخ الاخ .. متى ماصفى كيفه قام وجآ ..
جلس .. توه يستقر دخل واحد من الموظفين .. سلم على سطام .. وقال :الا وين فهد ياسطام !.. من امس مدري وينه

ماحب يقول مدري .. لان المعروف بين الناس انهم اصدقاء من زمااان .. بس اظطر يقول : مــدري والله ..
الرجال : شكله ترك الشغل هنا ..
سطام هز كتوفه : مدري
الرجال بتفحص وشك :صاير شي بينكم ؟
سطام فتح ملف قدامه .. وقال وهو يحاول يبين انه متضايق من سؤاله :لآ !

◙◙◙◙◙

تعلمت ازيف ضحـٍـٍـٍگُتي
والقـلوب أسـٍـٍـٍـرار .. ‘
بـ /عين مـٍـٍـٍـن يجهل أحـٍـٍـٍـزآني .. / "


◙◙◙◙◙وقفت ندى عند الباب حق قصر ابو نجـلا .. توها بتنزل مسك خالد يدها ..
التفتت له .. وقال بـ قلق : وعلمني وش صار عليك .. مب تلطعيني كني سواق!
ندى : ان شاء الله ..

نزلت وفتح لها الحارس الباب .. راحت علطوول متجهه للغرفة نجـلا .. فتحت الباب كان مقفول ..
طقت ..محد يرد ... رجعت تطقه بس مافي احد يرد ..
ندى:نجلا .. نجلا افتحي انا نــــدى!!!
لكن مافييه رد .. طلعت جوالها .. ودقت عليها بس جوالها مقفـل !!! ..
كانت خااايفه ماتدري وش تسـوي

آه كم كنت أقسىا من [ الظروف ] .. !

.......... يا قسوتك .. }

.......... يا قسوتك .. }

.......... يا قسوتك .. }


كانت راقده .. تحس ان اطرافها هدت شوي .. وحست انها احسن من اول ..سمعت صوت دق فالباب .. بس ماقدر ترد لانها حست لسانها ثقييييل حيل .. حتى شفايفها ماتساعدها
حاولت تفتحها .. وكثرة الطق توترها .. سمعت احد يتكلم .. ماقدرت تميّز وش يقول بس عرفت انها نـدى .. من صوتها ..
كانت تبي تقول انا هنا .. طلعيني !..انقذيني من مرة ابوي الله ياخذها ..
بس ماتقدر ولا شي من اعضائها قدر يساعدها ..


/

عند ندى نزلت تحت عند خالد .. اللي قام يفكر معاها
خالد مال شوي لجهة شباك ندى عشان يقدر يشوف البيت .. :طيب يمكنها طالعه
ندى شوي وتصيح : لا .. سألت السواق يقول انها دقت عليه قالت له يجهز السياره .. بس انها ماطلعت لين الحين !!!
خالد : طيب .. وش بتسوين تكسرين الباب مثلاً !
ندى طالعت اخوها :تعال خالد معي خل نكسر الباب الله يخليك
خالد طارت عيونه :نعم نعم نعم؟..تبيني ادخل بيتهم؟..وان شافني اخوها ولا شي .. والله قصاص الله لايعوق بشر
ندى :لآ بنقولهم اننا نبي نساعد بنتهم .. وش قصاصه
خالد تسند وطالع قدام :لا مره بيصدقونك
ندى :نجلا يتقولهم انك تبي تساعدهم
خالد:لا؟..وان صارت ميته!!!!
ندى أرتاعت :وجع!...فالك ماقبلناااه ! .. اخاف ارتفع عندها الظغط .. ياربيييه .."خنقتها العبره"..خالد اخاف انها مشنجه جوآ وش نسوي
خالد بدا يخاف .. ويقرصه قلبه :طيب ماتدرين عن احد من اهلها!
ندى فتحت باب السياره ..:مالي الا اطق على غرفة اخوها فراس
مسكها خالد ..:اقول بلا مصالة بزراان!..وش تطقيين على رجال!
ندى :طيب بقول للحارس
نزلت وتفاجأت ان خالد نزل وراها .. قال وهو يعدل جاكيته بحكم انه برد .. راح عند غرفة الحارس وطق عليه الباب .. طلع له .. وسأله عن نجلا ..
الحارس : واللهي ماطلعت لحد الحينآ
خالد رفع راسه للقصر وانعكست صورته على نظارته الكلاسيكيه : طيب ممكن تشوف لي فراس ! .. "رجع ناظر الحارس"..ولا احد من عيال ابو فراس
الحارس: كلهووم طالعين ..
خالد:طيب ماعليه دق !
الحارس هز راسه:مأدر (مقدر يعني هع)..انت مين؟
خالد ..اخذ نفس .. :اسمي خالد ..يرحم لي والدينك دق البنت تعبانه فووق..
الحارس :مش أي واحد يجي ندخله او نصدقه ..لو سمحت اخويآ .. روح!

رجع خالد عند ندى اللي كانت توها مسكره الجوال من كانت تكلم ..والظاهر انها خجل .. سألته علطوول اول ماسكرت وبسرعه:هاه شصار؟
خالد بضيق:معييّ يدق .. يقول مب أي احد يجي لازم نصدقه .."كمل "..دقي على وشسمها خويتك نسيييت!..حيا مدري مستحيه ..
ندى ماقدرت الا انها :هههههههههههههههههههههههه ...طيب
خالد أبتسم :دقي عليها .. هي بنت عمها اكيد بيسمع كلامها الحارس
ندى طلعت جوالها .. توها يتدق انفتحت البوابه .. وطلعت منها لكسز سودا .. شافوا اللي يسوق يمكن يكون واحد من اخوان نجلا .. كان لابس غتره بيضا .. واسمـر .. شكله سواق ..
ندى:هذي مرة ابو نجلا ..

ركضت للشباك اللي ورا بسرعه قبل تشمي السياره .. لان السياره تمشي بطئ بحكم انها على زحليقه ..
انفتح الشباك طلعت لها حرمه فالـ 40 متحبجبه ..باين عليها الغرور .. والترف ..:نعم ؟
ندى :خالتي ماتدرين عن نجلا شي ..ادق عليها جوالها مقفل
الحرمه تسكر الشباك : والله منيب امها انا ولا ابوها عشان اعرف عنها أي شي ..
ندى : طيب نبي سبيييير لمفتاح غرفتها .. "بترجي"..تكفيييييين اخاف ان الظفط مرتفع عليها ويمكنها مشتنجه

ساره كانت تسكر الشباك ..بس جابت ندى طاري الظغط .. فتحته قبل لاتسكره كله .. رمت عليها مفتاح .. ورجعت سكرت الشباك ..
ورآحت !

ندى اخذت المفتاح اللي طاح فالارض .. وجا خالد وقف جنبها :وجع عليها اخلاق!
نـدى .. ماردت وركضت لجوآ .. اول ماوصلت لغرفة نجلا .. دخلت المفتاح ولفته .. وانفـتح الباب .. اخذت نفس براحه .. دخلت الغرفه .. كانت غرفة نجلا اول شي يجي فالوجه .. زي السيب الصغير وعالسيار حمام وانتوا بكرامه .. دخلت ولقت نجلا منسدحه .. ركضت لها جلست جنبها عالكرسي .. ومسكت يدها ..بس مب راضيه تتحرك .. كانت نجلا فاتحه عينها .. وتطالع السقف ودموعها تنزل
ندى تحاول تفك يد نجلا اللي انفبضت ..وتكلمها :نجول .. نجلا حياتي كلميني
طالعتها نجلا .. وهزت راسها .. وكأنه تقول ماأقـــدر !
حاولت تقومها ..لكن عبثـاً .. لأن عضلات نجلا كانت متشنجه .. قامت ندى وتركت نجلا ..ونزلت درج القصر ركض .. حتى انها بغت تطيييح كم مره ..طلعت من الباب ..حق الحوش وركضت لين وصلت عند الباب اللي يودي عالشارع ..تغطت أي كلام ..
خالد :وش فيك ندى؟..
ندى تصييح:خالد ..خالد تكفى خل نشوف وش فيها ماتتحرك ابد ..اخاف انها من زمان كذا ..

خالد ماكان يدري وش يسوي مايقدر يدخل صعبه .. :طيب ابدق عالاسعاف .. روحي خليها تلبس عبايتها
ندى:شلووون
خالد بعصبيه ..بس ماصرخ:مدري روحي شوفي شلون .. لبسيييها انتي..

ألااا يَاا جَرحٍ بـِ صَدْري
مَحد يَدري
عَنْ أوجَاعك .. سوىَ ضلوُعي
ترَفّق بي .. عشَانك إنت !!
أنَاا لَوْ مِت بـَ اسبَابك
مَحد يآويك مِنْ عقبي ..

وصلت سيارة الاسعاف .. دخلوا رجالين ..دقايق طلعوا وشالين نجلا .. لحقهم ندى وخالد ..لين ركبوا نجلا بالسياره .. ورجع خالد لسيارته .. وندى وراه ولحقوا سيارة الاسعاف ..

وهم فالطريق ..دق تلفون ندى
المتصل>خجل

ندى:هلا
خجل بـ قلق:هاه وش صار .. فتحتوا الباب .. انا فالطريق للبيت عمي
ندى بـ قهر:سوووير مرة عمك جعلها الموت ان شاء الله !..هي اللي قافلته عليها ..
التفت لها خالد .. ثم رجع يطالع الطريق .. كملت ندى تكلم خجل : تخيلي خجيييل فتحت عليها الباب البنت مرتفع ظغطها ومتشنجه ..وهذا احنا الحين نقلناها للـ مستشفى
خجل حطت يدها على فمها بـ شهقه:مسـشفى؟؟؟؟؟؟؟
ندى : لاتخافين .. نجلا مو اول مره يرتفع عليها الظغط بس انا اخاف انها طولة وهي متشنجه..
خجل تنهي المكالكه:الحين بجي ..وين بتوديونا
ندى: التخصصي .. بتجين
خجل:أكيييييييد .. يالله!!



◙◙◙◙◙



◙◙◙◙◙


فصخت نظارتها .. وصارت تنظفها بـ طرف بلوزتها .. ثمن رجعت تلبسها .. :اسعد الله من يشتري لي نظاره مآركه!
ايمان :ههههههه .. اذا اخذتي بندر ان شاء الله
مرام تحط يدها على خدها .. واليد الثانيه ماسكه في الببسي .. وعاضه على المصاص .. وتنفست بـ ملل : إن انذر لايف ان شاء الله
ايمان :خليييك متفائله!..ليه التشائم
مرام :مدري .. كيذا ..المهم بتجييني اليوم عشان اختباري
ايمان بـ خبث:نسيتي اليوم ايش؟..في روحه لـ بيت ام سعود ..
مرام :ايييه صح! .. من زمان ماجمعت ام سعود الحريم .. لان مرة ولدها ماتت
ايمان :الا رحتي العزآ ؟
مرام:ايه بس ماطولت !
ايمان :اهاا

◙◙◙◙◙

فأ إ أ إ صــل ٍ .. !!

لح'ـَظة بسّ شويّ . . }-

بآخذُ ليّ ’’ شهيقُ ’’

وٍديّ آفضفضُ مدآمّ إنّي | سهرتُ |

آلبلىّ }-

مآهُـِوّ لأنيّ مس'ـَتضيقُ . . !

آلبلىّ }-

فينيّ فرٍحّ بسُ مآ شع'ـَرتُ . . !

كنتٍ نآوٍيّ ~

[ مآ أضٍ'ـَيقُ ]

وٍَ

[ مآ أضٍ'ـَيقُ ]

كنتٍ نـآوٍي
كنتٍ نـآوٍي
كنتٍ . . . . . ‘

لكنُ . . -{ مآقٍ'ـَـَدرتُ . . !


◙◙◙◙◙

لبس نظارته من d&g .. بـخ بختين عطر .. وطلع .. شاف اخوه كان لابس شماغ وثوب ومعطيه ظهره لانه يسكر الباب ..التفت وابتسم له
سعود يعدل شماغه:هلا بندر
بندر: هلا بك .. وينك ماتنشاف
سعود ماجاوب:بتروح الشغل
بندر:ايه .. وانت؟
سعود :أيـه ..اجل خل نمشي .
بندر .. وهو يمشي جنب اخوه وبيطلعون : ماودك نمر على بنتك .."لف له"..الا وش سميتها؟
سعود بـ ضيق:ديمـه

هنا سكت بندر .. لان حس ان سعود مايبي يتكلم

◙◙◙◙◙

"ابتسم يطمنهم" – ماتخافيييش ياستي! .. دي عال العال
ندى :وش عال العال .. شف البنت ماتقدر تتحرك
الدكتور يطالع نجـلا اللي منسدحه .. وتطالعهم .. قال يسألها:اسمك إيييه؟
نجلا تبي تفتح فمها ..ماقدرت .. قالت ندى :نجــلا آل "......."
الدكتور سألها مره ثانيه .. :عندك كآم سنه؟

حاولت هالمره تتكلم .. تحاول تفتح فمها وتحرك لسانها .. لكن خذولها .. سكرت عيونها العسليه بقووه وتحاول .. لكن ماقدرت ..
رفعت يدها تبي تأشر له بـ رقم أثنين ..لو عالاقل تبين له ان عمرها 22 سنه !
بس ماقدرت ..طالعت يدها وهي تحاول تفكها .. بس مافي فايده ..تقطع قلب ندى عليها .. وااضح انها مب قادره تتكلم ولا تتحرك يدها .. مسكت يدها اللي كانت مرتفعه :عمرها 22 ! ..
الدكتور:إييه يامدام .. انا عاوزها هيآ اللي تجاوبني ..
ندى عصبت:ماتقدر ياخي .. ليش ماتراعي حالتها شوي
الدكتور :انا دكتوور واعرف اكتر منك ..عالعموم خلوها ترتاح نووص ساعه .. وبعدين تقدر تخرج!

لله دره هـ [ الحزن ] .. !

دايم / أنيق

مايعرف إلا { .. القلوب الطيبه

............. { .. القلوب الطيبه

............. { .. القلوب الطيبه


كان يدور من ورا الستاره.. ويحس بتوتر .. يحس انه يبي يكسر كل شي قدامه .. يفرك يديه بـ توتر .. رن جواله ..
المتصـل >راكان

خالد: هلا ركوون
راكان : وينك ! .. مالك حس من الصبح
خالد جلس على كرسي .. وحط رجل على رجل :أبد بس صديقة ندى اختي تعبت ولا عندها احد
راكان :الله صديقة اختك .. وش عليك منها ماعندها اخوان
خالد سند راسه: عندها ثلاثه
راكان:طيب؟

رفع خالد عينه كانت وحده متحجبه ..جايه وشبه تهرول .. عرفها هذي بنت عم نجـلا .. وصديقة ندى .. رجع ناظر الارض .. وكمل يكلم راكان

خالد : اممممم .. ياخي المسلم لازم يساعد النفر ..هذا وشسمه .. المسلم اخوه
راكان:الله من زين الحكي !..المهم بتجي؟
خالد:مدري والله ..الحين انا في المستشفى .. ولا ادري متى ابطلع
راكان:هي وش فيها؟

طالع خالد الدكتور وهو يطلع .. وقام بيلحقه :اسمع ركيين ..اكلمك بعد شوي طيب؟
وسكـــر ..
لحق الدكتور ..:يادكتور!
وقف الدكتور .. وناظره :ايوه
خالد:المريضه اللي طلعت منها وش فيها
الدكتور حط يده على كتف خالد بـ مياانه:لا ماتخفشش .. بس اتفااع فالظغط
ومشـى ومشى ورااه خالد .. لين وقف جنبه :الظغط مايسوي كذا .. البنت تشنجت ..
الدكتور :تعال معايا المكتب !


◙◙◙◙◙

فتحت عينها ببطئ .. حست بصدااع شديييد .. جت بترفع راسها بس ماقدرت .. حست جنبها يعورها مرره لان نومتها غلط ..
اول ماأستوعبت .. لقت نفسها نايمه بالسييب ..
شهقت شهقه قوويه وهي تطالع حواليهااا .. كانت نايمه بالسيب جنب السويت .. تسارعت دقات قلبها بـ شده .. وحست بدووخه .. انهمرت الدمووع وجلست تصيييح .. اجهشت بالبكاء لدرجة الصداع اللي تحسسه زاااد بشكل قاسي ماتتحمله
نوره :حسسسسسسبي الله عليك يااحمد ..حسبي الله عليك ..جلعك الموت قل آآمين .. ضيعتني .. خليتني اششششرب ياأحمد ..
قامت مثل المجنوونه .. حاولت تفتح الباب بس ماقدر .. طقته يمكن تكسسره ..ماهمها! اهم شي تدخل .. لكن مافييه فايده! ..
جلست وتسندت عالباب وهي تصيييح بصوت مسموع .. وبشكل يقطـع القلب ..

◙◙◙◙◙



مالي ذنب ،!

غير أني حبيته [ شوي ]

لا وربي مو شوي ‘,

كنت { أحبـِـه

كثر نبضات القلوب ...

كثر ما بـ الكون هذا من ذنوب ...

كثر ما قلت " والله .. والله .. والله من حبـِـِه أتوب

ولا أتـــوب"
◙◙◙◙◙


"عقد مابين حواجبه"- مافهمت عليك يادكتور .. انا اعرف ظغط الدم ..بس ماأعرف الظغط النفسي ..
الدكتور :بص ياأستاز .. هيآ حاله بدنيه ونفسيه .. بيحس بيها المريض ازا شعر بالخطر .. و عدم الامان .. وهو الأنهاك النفسي والبدني والشعوري المستمر
خالد :طيب وش سبب الظغط اللي تعاني منه نجلا ؟ .. ليش هالشعور بالخطر
الدكتور :غالبـاً .. تكون البيئه الاسريه .. او بيئة العمل .. او المحيط الاجتماعي عموماً .. واحيانا الحاله النفسيه لـ عقل الشخص نفسه
خالد : طيب ليييه تتشنج ..
الدكتور :دا شيء طبيعي .."وكمل".. عندك احيانا يكون عندو زياده في نبضات القلب .. وهبوط في الشرايين هبوط درجة حرار الجسم .. واحيانا يصاحبو ضعف في عام لنشاط الجهاز العصبي ..بس نجلا الحمدلله مافيهاش حاجه تستحق القلق .. لان دي الاعراض بتكون في مرحله متقدمه من المرض ..
خالد : يعني ممكن يصير فيها كل هذا ؟
الدكتور :أيـوه ! .. وممكن اشد ..
خالد:طيب وشي الاعراض اللي ظهرت في نجـلا ..وهي خفيفه؟
الدكتور : صدآع ..ارتخاء لعضلات او تشنج .. الم في الظهر والفك ..الارتعاش .. خفقان تعرق راحة اليد .. الدوار.. البكاء لسبب غير واضح
خالد : يعني هي تحتاج طبيب نفسي؟
الدكتور : اممم لاءه ..
خالد:انا احس من كلامك انه مرض نفسي اكثر من انه عضوي
الدكتور : بص ياسيدي .. "ويجيب مثال".. مريض الربوو .. هوا شخص طبيعي جداً ..بس هوا بيتأثر بالغبار .. نفس الحكايه مع مريض الظغط النفسي .. هوا شخص طبيعي جدا جدا .. بس قدرته على تحمل مشاكل الحياة اللي قد تكون متوسطه نوعاً ما للشخص الطبيعي ..بتكون ضعييفه ..
خالد: طيب وش تنصحها فيه؟
الدكتور: بس انصحها بالاهتمام بالنوم والغذاء والرياضه.. ولازم تقوم بـ تمارين استرخاء .. زي التأمل .. وتأمل الجوانب الإجابيه ..واحيانا الجوانب الايجابيه في المشاكل .. لازم تنمي ثقتها بنفسها .. وتتمتع بشيء من تقدير الذات .. وانها شخص مهم في المجمتع المحيط بيها .. وتتكلم مع شخص بتثق فييه عن مشاكلها ومخاوفها ..



◙◙◙◙◙


ماتدري كم مره من الوقت وهي تصيح .. ولا تدري كم صار لها وهي جالسه هنا بالسيب .. ولا كم نامت هنا .. وبهالملابس ولا عليها شي يسترها ولا يغطي حتى شعرها ..
كانت تحس بخوف كبيير يسيطر على كيانها كله .. شعور بعدم الامان زااد عندها لدرجه انها تبي تموت ولا تحس بهالعذاب .. تحس قلبها بيوقف او بيطلع من محله من كثر ماهو ينبض بشكل يخووف ومزعج ! .. داخلها رعب ..رعب مايوصف
من كان يصدق ان مثل هالمشروبات الروحيه بتدخل جوفها
محتاجه لـ أحد بجنبها .. محتاجه لـ سند .. رجال تسند ظهرها عليه .. وينك يا أحمد .. ويــــنك !


سمعت صوت يناديها بلهفه : نـوره !
رفعت راسها .. قامت وركضت له وضمته بقووه وهي تصيييح .. ضمها هو بدوره ماتدري كم مره من الوقت وهي بحضنه .. يمكن كثييير .. او يمكن شوي .. اللي تعرفه انها حست ان نص الخوف اللي تحس به رآح ..
بس الى الان داخلها خوف .. لان سبب امانها الحين .. هو نفسه سبب خوفها الليآلي اللي راحت .. سبب رعبها .. والسبب الاول والاخير ..السبب الرئيسي اللي خلاها تسكر امس !
مسح على شعرها وهو يعض على شفته ومسكر عينه لاتنزل دموعه .. بعدت عنه شوي وصارت تضربه على صدره .. وهي تقول بشكل هستيري : لييه ليييييه يااحمد ..ليش تسوي فيني كذا .."طالعته يعبون ماليانه دموع" .. ليش تخليني اشرب! .. اهوون عليك يا أحمد .. اهوون علييييك أحمـ
احمد يطالعها وجهه باين فيه التعب .. :أششش نوره ..الله يخليك !..نوره انا اول ماصحيت جيتك ركض .. خفت صار فيك شي .. ولا سويتي في نفسك شي .. نوره انا اسف الحين نرجع الرياض اذا تبين! ..
نوره بعدت عنه .. مسحت دموعها : منيب راجعه معك!..ابدق على واحد من اخواني يرجعني ..
احمد يتقدم لها .. :نوره ! .. سامحيني!
نوره صرخت وهي تحس بدوخه: وش اسامحك علييييه ! .. انا معد اقدر اتحمل العيشه معاك يااحمد ..طلقنـي خلااص !
احمد تقدم لها .. ومسك يدها : الى الان مابعد راح منك تأثير الشرب !..لازم ترتحااين شوي
نوره تفك يدها بقوه : ولك عييييين بعد تقولي كذا !!! .. من وسع الوجه تقولي مابعد راح التأثيير !

◙◙◙◙◙

تدري وش هدنـي ؟!
اني عجـزت أفطم قلبي عن حبـگ
................................. عن حبـگ
...................................... عن حبـگ
........................................ عن حبـگ


◙◙◙◙◙

في شارع العليـآ ..
كان جالس على كبوت سيارته .. انطلقت منه ضحكه رنانه .. وطب من الكبوت ووقف وهو حاط يده على كتف طارق ..:الطيبه هاليومين .. ماتنفع ابد
طارق يوخر يد ناصر:اقول لا يكثـر .. اللي يسمع يقول مرره الدنيا معذبتك ..
ناصر ..ميل شفته .. وهو يفكر .. ثم قال :شف بصراحه صح ان الدنيا حلوه ولا عذبتني .. بس ولو لازم تصير قاسي لو شوي
طارق .. اها انت بـ ..

مر من جنبهم جمـس فيه بنات .. كلهم فاتشات ومولعين المسجل على آخر شي .. وشكل توهم طالعين من الجامعه
فتحت وحده من الشباك .. وأبتسمت للناصر وطارق ..
طارق على طوول طالع ناصر وهو عارف ردة فعـله .. دخل اصبعينه في جيبه كالعاده لا خق صفّـر مدري وش الحكمه .. :يااويل حالي بس
طارق: لاتقول بتلحقهم !
ناصر ..:لآ وش القحهم .. عندي بنات لين قبل

تو مكمل كلامه الا يرن جواله .. رفع جواله كانت سحر ..
طارق :مين ؟ .. لاتقول وحده من بناتك لأني جايع وابدخل المطعم
ناصر: طيب برد عليها .. والحقك رح اطلب .. وابجي !

راح طارق ورد ناصر
ناصر : هلا والله وغـلا ..
سحر : هآي نصور ! .. اخبارك
ناصر: تمااام بشوفتك .. او قصدي بسماع صوتك
سحر : I miss u
ناصر : مي توو .. بس مقدر اكلمك الحين .. لازم اسكر .. تامرين على شي حياتي ؟
سحر تفكـر :امممممممم .. غن لي !
ناصر : وش اغني لك بس
سحر :اني ثينـق!
ناصر .. قام يفكر .. آخر شي غنآ لها غربي من اللي تحب بدآ يغني وهو يحريها تخف عالاغنيه .. شقهت وكمل هو بضحكه حلوه : baby u know I miss u..i just wanna kiss u ..i can't right now so baby
Kiss me thru the phone
سحـر : وااو .. Kiss me thru the phone...i like it
ناصر :داري انك تحبين ذا الاغنيه ! .. عشان كذا غنيتها
سحر: ههههههه لا والله في وقتها بالظبط
ناصر .. :يالله عاد خويي ينتظرني ..مع السلامه
سحـر : بآي




◙◙◙◙◙

رمت الجوال جنبها .. واطالعت فيها وفي يدها حلآو مصاص:انتي ماتطفشييين من اللاشعآر !
مرام تبرد اظافرها .. قالت من غير اهتمام :عادي .. احد يطفش من مشاعر !
ايمان ..تطلع الحلاوه من فمها . ولمت شفتها وهي تناظر السقف وتفكر .. آخر شي قال :اممممممممم .. ليش ماتقولين له !
مرام رفعت عينها ذات الرسمه الخليجيه : من اقوله ؟
ايمان :بندر بعد كم واحد تحبين انتي !
مرام حمر وجهها وطارت عيونها :ش واقوله !
ايمان : وش تقولين له بعد .. "وبحالميه "..انا احبـك !
مرام .. وقفت برد اظافرها .. وجلست تفكر .. رجعت تبردهم مره ثانيه وقالت : لآ ..صعبـه مررره .. مقدر انا كذا
إيمان :اوكي خلي حبك يندفن .. ولا جاك نصيبك واظطرتي تتزجين غير الانسآن اللي تجبييين بتقولين ياليت
مرام ..: ......
ايمان تكمل : و لآ ! .. إن تزوج هو واساسا مايدري ان فيه وحده تحبه .. بتمووتين قهر !
مرام بـ قهر : لا ماأظن يتزوج الحين .. تووه
ايمان :ايي توه الرجال ماعليه قاصر ! .. بيطق الـ 30 وانتي تقولين توه ؟
مـرام :يعني ؟
ايمان :يعني قولي له انك تحبيييينه !
مرام :شلون ؟..اطلع له كذا فاتشه !
ايمان : ولا عاد اللي يهتم ..شوفي اخته خجل .. تركب مع السواق من غير محرم وتفتش .. عاادي عندهم ..فكري يابقره عالاقل اذا حبك وتزوجك بينقذك انتي وامك من عبدالله اخوك البثـر !
مرام : والله من اشوفه انسـآ وش اسمي .. تبين عاد اتذكر وش اقوله
ايمان:شوفي لاتستبقين الاحداث !.. اليوم انتوا بتروحون لهم .. ان شفتييه استغلي الفرصه .."وجتها فكره"..ولا عندي لك فكـــــره ماتخرش الميه!
مرام:أيش؟
ايمان :عندك رقم جواله ؟
مرام بحيّـآ :إيييه ..
ايمان بـ خبث:اكششششخ وشوله ماخذته!
مرام ماناظرت ايمان :كذا ..حب استطلاع
ايمان:طيب دلي ارسلي له مسجات .. واشعار واغاني .. لين يبدا مخه يجيب ويودي !
مرام :هاه ؟ ..
ايمان ترمي عليها المخده :اتركي عنك الفهاااوه يابقـره !
مرام :وجع لاتبسيين .. طيب بشوف !
ايمان :أبدي الحين ارسلي له يالله ! ..كل ذا الاشعار على غير سنع

مرام :أستحي!
ايمان ترمي الجوال عند مرام :وووووجع رساله ماقلت كلميييه !
مرام تلقط الجوال .. :طيب أف منك ..ذبانه! .."ظغطت في الجوال شوي "..هذاني ارسل!


◙◙◙◙◙

كان طالع من الشغـل .. وماسك شنطته في يده .. عدل نظارته عن الشمسيه .. أتجهه للسيارته بس لفت نظره سيارة سامي .. كان راكب جنبه واحد مب غريب عليه
هـــذا فهد !

يآ قلـبي .. أبتعـد وأرح ــل ..| ~

طنش وركب سيارته ..هذي آخرتها .. فهد ينتقل للفرع ثاني من شركتهم .. بسبب سامي
واللي يقهـر .. ان سامي صادق فهد !
يصطفل هو ويـآه !



◙◙◙◙◙

فتحت عينها .. طالعت السقف اللي بدا يوضح شوي شوي .. هالمره نومتها مريحه شوي .. طالعت جنبها شافته يطالعها .. سكرت عيونها ماتبي تشووفه !
احمد ببتسامه باهته :صحيتي وأخيراً !
نوره قامت ولا عطته أي اهتمام .. وأتجهت للحمام ..
لحقها ومسك يدها قبل لاتدخل .. قربها له ومسك وجهها بين يديه .. :نوره حبيبي ! .. لين الحين زعلانه
نوره .. بسخريه جرحت احمد : لآ بسم الله عليك !.. مافي شي يزعل ابد .. "بـ قهر"..المسأله مو ازعل عليك وتراضيني..المسأله اكبر يا أحمد .. أكبر مما انت متصور! ..عمرك شفت زوج يجبر زوجته تشرب .. عمر شفت واحد في شهر العسسسل يخلي زوجته تروح حفلات نااس ..أستغفر الله بس! ..ناس مدري وش اقول عنهم .. احمد انت سكيـــر وانا بنت ناس ولا أتحمل اجلس معك ثانيه وحده ! ..واول ماأرجع تطلقني !
احمد : اطلقك ؟..نوره وحبنـا ؟
نوره :أي حب هذا اللي تقول عنه !..دام الحب في نظرك كذا ..انا مستغنيه عنه ..وبعدين علاقتنا من الاول غلط ..والحين اثبت لي هالشي
احمد ..:ما أشوفك قلتي هالكلام يوم اخطبك
نوره ببتسامة سخريه وآلم : لأني ماعرفتك زيين ! .. وكنت عمياانه والي اعماني حبي لك ..اما الحين .. لو في قلبي بس ذرة حب لك .. صدقني أبشيله من صدري
احمـد :لهالدرجه يانوره .. كل هذا هذا حقد
نوره بـ قهر منه : احمد !..انت ضيعت مستقلبي .. ضيعت فيني اشياء كثييير ..خليتني اسوي اشياء ماكنت يوم افكر اسويها .. يكفي انك اهنتني قدام الناس ياأحمد ..طلعتني فاللوبي تحت وانا مالبست شي يسترني ..مفروض انك تخاف علي اكثر من نفسي .. بس كنت مخدووعه فيك كثيييير !
ماقـدر يرد ! .. بس انه ضمها لصدره واحكم تسكير يده عليها .. نزلت دموعه بـ غير شعور منه ! .. يحبها بس .. أطباعه ورغباته ماتتماشا معه ومعاها ..
معادله صعبه !.. ولا راح يقدر يحلها !

آما نوره ماأكتفت بـ دمووع وبس ..صآحب هالدمووع الكثير والكثير من الالم والشهقات تصاحبها أسمه.. كانت تبكي في حضنه .. كلمه او لمسه منه تنسيها كل اللي سوآه ..حتى انها تنسـى كرامتها .. الكلام اللي قالته له قبل شوي .. جرحها
أكثـر مما جرحه هـو !


آرٍم علي يمين آلفرٍآق !
أزرٍع بيني ۉبينڪ حرٍمه آلتلآقي
فـ‘ آنآ تعرٍفني
بغيرٍ آليمين لن آفآرٍق
لن آفطم عنڪ قلمي
لن آلملم منڪ آۉرٍآقي !!

◙◙◙
الجزء الثــآني عشـــر..!
◙◙◙



"الهــدوء الذي يسبق العاصفه "


كانت تصيـح وهي مرره مقهوره .. ومغطيه وجهها بيديها ..
ندى :خلااص حبيبتي نجلا والله ماتسوى عليك ..تراني قلت لـ خالد يجيب لك عذر .. وراح تعيد لك الامتحان

كفْ يآ دمْع . . . !
كفْ يآ دمْع . . . !
كفْ يآ دمْع . . . !

,

وهي طالعه من المستشفـى .. وندى ماسكه يدها .. والى الان الافكار توديها وتجيبها مع هالاختبار ..
سمعت صوت رجولي من وراها : كيفك الحين ؟
التفت نجـلا .. وشافت خالد اللي كان لابس ثوب وشمآغ .. و ونظارته مغطيه نص ملامحه ..
نجـلا خنقتها العبره ..احكمت طبق شفايفها القرمزيه .وطالعت فالارض .. حمدت ربها ان النظاره اخفت عيونها .. ولا كان درا انها بتصيييح ..
ندى عرفت ان نجلا بتصيح ... فـ قالت :الحمدالله تو تقولي انها احسن !
خالد .. يطلع مفاتيح سيارته .. : طيب تركب معانا ولا تروح مع السواق
ندى تطالع وجهه نجلا بـ تفحص : نجلا وش رايك تجين معنا
خالد عدى من عندهم .. وقال : خليها تجي معنا .. لا تشاورنيها !

وراح يقرب السياره من الباب ..

جت خجل تهرول .. :سوري تأخرت .. بس كنت اكلم وحده من البنات فالجامعه
ندى: لاعادي .. الا مارد عليك فراس
خجل : معد دقيت عليه
ندى : اجل ترا نجلا بترجع معاي .. انتي عندك محاظره الحين
خجل : لا عادي انا ارجع مع نجول
ندى :انتي عند محاظره انا ماعندي شي يستاهل اليوم .."وكملت وهي ماسكه يد نجلا" .. خلها عندي وتحت عيني احسن وبصراحه انا ماأأمن مرة عمك عليها
رفعت نجلا راسها .. بس ماتكلمت .. قالت خجل بعيون حايره :سوير هي الي قافله عليك الباب ؟
نجـلا :..........
ندى :أيييه .."كملت تكلم نجلا"..انا مدري ليه ساكته كل هالوقت !

سمعـوا صوت البوري .. كان خالد واقف عند الباب .. راحوا وركبت نجلا ورا وندى جت بتركب معها بس خافت خالد يسطرها لانه مايحب يصير لحاله قدام كنه سواق !



◙◙◙◙◙
في شــركه عبدالرحمن .. أبو محمد !!!


"قال وعيونه طايره"- نووويصر وش هالمقاطع اللي عندك بالجوآل
ضحك نآصر :هههه عادي ماآفي أي شاب ماعنده مثل اللي عندي
طارق وفتح عالصور : طيب وهالصور ؟..ياصورك وانت تتميلح.. ياصور حريم .. ولا مفاصيخ الله يسترنا دنيا وآخره !!

وناظر صورت وحده بنت شكلها سعوديه ..
كانت ماسكه الجوال تصور نفسها قدام المرايه وشكلها بغرفتها .. مميله شعرها ولبسها .. حدث ولا حــرج !
وهو يسمع تعليق ناصر :اجل تبيني احط صورة وحده لابسه عباية راس مثلاً ؟؟
طارق طنش كلامه وقال: من هذي ؟
ناصر خطف الجوال من طارق :ووووجعه! .. لا تناظر بناتي !!
طارق رفع حواجبه:الله من البنات !.. كل وحده ادج من الثانيه
ناصر:هههه تعبير كلامي فقط لا أكثـر .. ولا بسم الله على بناتي من هاللـ
قاطعه:طيب فهمت الحين تجلس تسب في خلق الله .. المهم وش عندها امك داقه تو ؟
ناصر ظرب جبهته :يوووووه !!..تصدق نسيت انها اساسا داقه علي .."وكمل".. تقول ان عندها موعد في المستشفى المغرب .. ههههههههههههههههههههه
طارق:طيب؟..وش اللي يضحك؟
ناصر:بشوف هذيك .. نسيت اسمها ..
طارق:منهي؟
ناصر:هذيييك اللي اسمها اسم عجايز .. الممرضه اللي حرمتها من راتب هالشهر
طارق:هييييييله!!!
ناصر يضرب الكتب :هيله ياسلآم عليك !!! .. "ويفرك يديه بحماس"..العن ابو الفله ياحسام !...وربي ودي اشوف وجهها اليوم ..
طارق :الحمدالله والششكر !!

◙◙◙◙◙

- ماشاء الله خطبتوها ؟
ام سطام تبتسم :إييه .. وكل شي تم بحمدالله .. بس باقي تحللون ..
مشعل يميل شفته بـ تذمر كنه بزر :بس والله قهر ..ليه اهلها كذا مايبوني اشوفها
ام سطام :عاد هذا طبعهم ..ماتشوفها الا في يوم العرس
مشعل: قهر والله
ام سطام:اوصفها لك؟
مشعل يجلس زين :ايييه ...اييه تكفييين !
ام سطام :والله شف انا شفتها على مريتن .. البنت حلوه .. ومملوحه شعرها اسود طويل ..
مشعل:طيب من تشبهه ..
ام سطام :شلون من تشبه
مشعل يحرك يده : يعني كذا ..ممثلين مغنيين
ام سطام :والله مدري ماأعرف من تشبه ..بس البنت زيينه
مشعل : حلو الشكل اوكي ..وكيف ستايلها وهيك اشياء
ام سطام بـ نص عين:وش تحتسـي انت؟
مشعل:يعني كيف تلبس .. وهل هي تعرف تهتم في نفسها؟
ام سطام:اييه الله حق البنت لبسها حلوو وشعرها بعد .. لو ملاك مادحتن لبسها ..لا جت عندك تحس ان اللي قدامك بنت مهوب بنـي هاليومين تحلق شعرها مدري وش خلت للرجال!
مشعل :طيب وين بتحطون عرسي
ام سطام :اللي يسمعك الدراهم مضايقتنا .. حطه فالبيت
مشعل :لا والله !..لا والله لـ أحطه في الرياض ولا نيـآره ..ماأبي عروس البيوت هذي
ام سطام :وش فييه عرس البيت ..مهنا احسن منه .. هادي ورايق
مشعل: لا انا ابي عرس يتكلمون عنه كل النـاس ..
ام سطام :عشان تجييك عين ! ..
مشعل: ابقـرا على نفسي
ام سطام :والله محد ماسكك معك دراهم .. سوو اللي تبي !

دخل سطام .. :السلام عليكم
مشعل : شطام معك سلف متين الف؟
سطام يجلس :لا والله معي خمسيه ماعندي فكـه
مشعل: ههههههههههههههههه ياشينك
سطام :وشوله الميه؟
مشعل: ابي اسوي زواج
سطام:عاد بـ 200؟
ام سطام :وازيدك من الشعر بيت .. اهل العروس يقولون مب حاطين شي
مشعل ارتاع:ليييه؟
ام سطام:يقولون لو يجي ياخذها الظهر عادي..هم يشترون رجال على حسب كلامهم
مشعل : لاحووووووول وش البخل
ام سطام:لا والله مهوب بخل الا عين العقل


◙◙◙◙◙

كانت حاطه يدها على خدها وتناظر الشارع .. وقفوا عند إشاره وهي تفكر بالاختبار اللي فاتها ..

خالد يكلم ندى لكن نجلا سمعت لان المكان هادي : ندى ماعندك محاظره ؟
ندى وعينها قدام .. ومنزله حق المرايه اللي فالسياره عن الشمس : لا .. مافي شي مهم
خالد يكلمهم ثنتينهم:طيب افطرتوا ؟
ندى التفتت على نجلا اللي سانده راسها عالمتربه :نجوله افطرتي؟
هزت راسها :مشكوره مـاأبي شي !
خالد يطالعها من المرايه : بس انتي تعبانه .. ولازم تاكلين لك شي .. أي مطعم تبين انا مستعد اوديك لوه فآخر الرياض
ندى :طيب لو كان في آخر السعوديه ؟
خالد :ماعندي مشكله عادي !
ندى :اجل نبي البيك اللي في جده
خالد :اقول لاتاخذين وجه عاد ..فاضي لك انا اطقها مشوره حول الـ 6 ساعات عشان مطعم ..
أبتسمت نجلا إبتسامه باهته .. دايم سواليف ندى عنها هي واخوها تضحكها .. وهذا هي الحين تشوفهم عالوآقع ! ..صحيح مب اول مره .. بس دايم تضحك عليهم وكأنها اول مره
ياليت خالد اخوها .. او عالاقل اخوانها يصيرون مثل خالد

ندى مسويه زعلانه :لا والله ؟! .. يعني نجلا ايه وانا لا
خالد يستهبل: نجلا ضيفه ولأننا عرب ونحب الكرم
ندى :ارحمني ياحاتم الطائي .. "التفتت لـ نجلا "..نجييييل ياغبيه لا ترفضين ترا والله هالعزيمه ماتتكرر ..صدقيني !
خالد :وجع انتي من تحبين اكثر الاكل .. ولا انا ؟
ندى تفكر :والله شف انت اذا مت ابقدر اكمل حياتي بدونك ..أما الاكل مقدر اكمل حياتي من غير الاكل
خالد ناظرها بـ نص عين :ماينشره عليك انتي تفكرييين بـ بطنك!
ندى :ههههههههههههههههه

◙◙◙◙◙

يوم رقـآ للغرفته .. راح عند الاب توب .. فتحه وفتح كم موقع ..بس مافي شي شد انتباهه ..
فتح إيميله .. دخل اون لاين .. بس محد حاكاه ..من كثر هاللي في إيميله الحين عشان يحاكييه احد ..
دخل احد منتديات الرياضه ..قرآ له كم موضوع وطفش ..
سكر الاب توب .. وسند راسه عالسرير ..كان قدام السرير مرآية التسريحه ..قام يطالع نفسه .. رجع ناظر لاب توبه اللي عكس صورته ..
مايدري كم مره من الوقت وهو جالس كذا
سمع صوت دق الباب .. قال بصوت ثقيل من الملل : أدخــل !

دخل ملاك .. :مرحبـاً ياأخوي الجميل جداً
سطام :خير اللهم اجلعه خير
ملاك تضحك :ابي اطلع تكفــى
سطام :الحين انا بسألك .. من لاعب عليك وقايل لك ان مالي شغله في الدينا الا اني اطلعك ..
ملاك :لانك اخوي
سطام :و متعب
ملاك:متعب مدري وش عنده من قام على طول طلع .. المهم ابي لبس لان امي تقول نوره بتجي بكره فاللـيل!
سطام :البسي من الخلاقين اللي عندك
ملاك:يووووووووو سطاااامي تكفـى
سطام:مالي خلق منيب موديك لاتصجيني
ملاك انقهرت:اففف يامصلكم من اخوااان

ورآحت

◙◙◙◙◙

دخل مكتبه .. وورآه اخوه وكانوا يسولفون عن الشغل .. جلس على مكتبه واخوه عالمكتب اللي قدامه ..
سعود :حسيت اني واحد في ثالث ثنوي وغاب له فتره عن المدرسه وتراكمت عليه دروس
بندر :ههههه ياشين احساسك
سعود يحط رجل على رجل :الا معدبك مسافر ؟..ولا خلصت دراسه
بندر : بـاقي رسالة الماجستير .. مدري وش اخليها عنه
سعود : طيب دورتك؟
بندر: الا خلصت .. بس يقولون في معارض بيتم افتتاحها في الامارات وفييه في فرنسآ وغيره .. كلها للتوصير والرسم واللي حولها
سعود :وبتروح ؟
بندر يهز كتوفه: مدري والله ..لأن زي ماقلت لك رسالة الماجستير الى الان مابعد خلصتها .. بس ودي .."سأله"..تخاوي ان رحت؟
سعود الرفض وراضح على وجهه : لاوش يوديني مالي نفس
بندر : رح معي غيّـر جوو .. مازهقت من الرياض ترا صار لك سنه او اكثر ماسافرت
سعود ماطالع بندر :ما حصل لان ديمه كانت تدرس ومرت الايام ولا رحنا وبعدها عاد حملت
بندر :الله يرحمها.. انت الحين تعال معي نغيّر جوو .. صدقني تريح نفسك وتريّـح امي معك !
سعود سكت ولا تكلم .. وكن ماوده .. بس ماحب يرد ..عشان مايطولون بالنقاش .. احترم بندر سبب سكوته
رن جواله كان واحد من اخويآه .. حط عالصامت وشاف رساله جايته .. ماأهتم لها وحط الجوال عالطاوله..
بندر :الا انت في مكتبي ولا ضيفتك
سعود أبتسم : لا والله .. توني شارب شاهي عند ابوي .."سأله" .. الا وش بتخلي رسالتك عنه
بندر يهز كتوفه :والله يآخوي الى الان مدري .. بس في فكره مسيطره على مخي
سعود :وشي؟
بندر أبتسم : خياليه جداً .. ماعليك منها بس ..

◙◙◙◙◙

نزلت من السياره .. كانت متجهه للبيت ندى توها مخلصه محاظرتها وبتروح تشوف شلونها ..رن جوالها
المتصل>فراس

أبتسمت ..بس مب لأن فراس داق ..لا ! .. لانها تذكرت سطام وانها معد تفكر فيه زي اول ..صدق اللي قال "البعيد عن العين بعيد عن القلب "
ردت عليه :أهلييين حياتي
فـرآس :هاه؟
خجل استحت :اقول اهلين حـ..حياتي
فراس ش في نفسه:تكلميني ؟
خجل حمر وجهها :فرآس بلا إسهبال!..
فراس:يالبآه .. وش تبين بس !
خجل بـ ضحكه :انا وش ابي انت للي داق
فراس عدل جلسته : صدق تو تكلميني؟
خجل : إيه ماعندي احد غيرك
فراس : اخق انا كذا ..مقدر
خجل :.........."مستحيه"
فراس: وش عندك داقه علي ياقلبي
خجل تذكرت :إيييه .. "مسويه زعلانه ومعصبه"..كذا يعني فالوقت اللي احتاجك فييه ماتكون موجود
فراس بـ حيره :محتاجتني انا؟
خجل :ايييه ! .. كم عندي من زوج ؟
فراس :واحد الله يخليييه لك
خجل :ههه آمين ! .. بس خلااص رآح وقت الفزعه
فراس:وش كنتي تبين
خجل: لآ بس نجلا تعبت
فراس عرف وش فيها :ارتفع الظغط؟
خجل :إيييه
فراس بـ قلق:والله اني اشيل هم هالبنت .. اللي يقهر انها تسكت ..طيب وش صار عليها؟..وليه ارتفع
خجل بضيقة صدر :اخاف اقولك وتزعل علي نجول .. فـ سوو نفسك ماتعرف اوكي
فراس:ليه تزعل ؟
خجل:مدري عن اختك هي غريبه
فراس: طيب وليه
خجل :اممممم ساره مرة عمي .. قفلت عليها الباب وكان عندها كويز اليوم !
فرآس:سـاره ؟..وش دراك
خجل: ندى صديقتي تقوله .. تقول يوم جت بتوديها للدكتور ... ساره هي عطتها المفتاح
فراس :لا ماأظن ان ساره سوتها ..وبعدين اذا بتقفل عليها ليش تفتح لها بعدين
خجل:يمكن ماتوقعت يرتفع الظغط..وبعدين وش تفسر وجود المفتاح معها؟
فراس : ساره معها سبير للمفاتيح البيت كله ! .. الا غرفنا انا و اخواني
خجل : انا متأكده انها هي وبثبت لك ..شلون اختفى الجوال ؟..وبعدين كيف ضآع مفتاح نجـلا فجأه

◙◙◙◙◙

في نفـس الوقت
ندى جالسه عالكرسي وتناظر نجلا اللي جالسه عالسرير .. وحاظنه المخده .. :طيب ليه ماتعلمين ابوك ..ليه ماعلمتينا إنّـا
نجـلا : يمكن تحسينه سبب سخيف .. ليش اصير سخيفه واقول
ندى :حتى لو احنا صديقاتك .."بمرح"..هذا انا .. اقولك عن مشاكلي مع خويلد ! ..وتعتبر اشياء سخيفه
نجـلا أبتسمت .. ثم قالت : مافي شي .. بس

وقالت نجلا السالفه لـ ندى من يوم كانت ام 10 سنين

/
كانت في الشهور الاولى من الحمل .. ومافي احد مثلها ..وقدها بفرحتها .. على انها بتصير ام قريب بس ماراعت شعور هاليتيمه اللي عندها .. بنت زوجها اللي مابعد فهمت فالدنيـآ شي !
كانت تجبرها على اعمال فوق سنها بحجة انها بنت ومكان البنت البيت ..اونها لازم تصير تنظف وتكنس وتكوي وتغسل .. عشان "يحبونها الناس" ..
وهي كانت تمشي ..ونجلا الصغير في نص مدخل الصاله والبرد عالابواب .. كانت ماسكه الفوطه وتنظف بلاط القصر .. اللي مايندرى متى بتخلص منه !

كانت ساره تمشي .. وداخلها شعور ولذه من هالمنظر ! .. منظر البنت اللي مابعد كملت العقد الاول من حياتها .. تنظف مدخل قصر بيديها الصغيره الناعمه ..
مادرت الا وهي بالارض طايحه ! .. بسبب المويه المنتشره في المكان

/

ندى ماقدرت تمسك نفسها :هههههههههههههههههههههههههههههههههه
نجلا ببتسامه:ليه تضحكين ؟..
ندى :اهم شييي ..اتخليها بس طاايحه ..هههههههههه آآه يابطني ..كملي كملي!
نجلا بآلم من هالذكريات .. : رحت لها بعد كم يوم من طيحتها .. وإجهاضها
ندى ارتاعت :سقطت بسبب الطيحه؟
نجلا شوي وتصيح لانها تحس نفسها السبب :إييه
ندى حست على نفسها : عاقبها ربي لانها كرفتك .. كملي
نجلا :المهم كنت شايله معي ورد .. وكنت متوقعه انها ترمييه في وجهي بس تفاجأت بالعكس .. يوم جا فالاخير وطلعت من المستشفى قالت انها رآح تكتم عالموضوع .. ولا راح تعلم ابوي عن اللي صار ..
ندى فهمت:الحقيييييييييره! .. تبيك تحسين بالذنب .. وتبيك وشسمه .."ماقدرت الا انها تصررخ "...آآآآآآخ تقههههر!

جاهم صوت ام خالد من تحت وهي تصرخ :ندى وجع قصري صوتتس!
ندى بـإحراج:إن شاء الله ! .."تكلم ندى"..هع معليش !
نجلا :ياحبي لها امك وربي! ..
ندى : المهم كملي
نجلا : وبس من هذاك اليوم وساره ماتجيب عيال وكله بسبب طيحته لانها سقطت مرآ ..وطيحتها كانت إليييمآ ..ولاعد تتحمل الحمل مره ثانيه ..وانا السبب في انها عايشه من غير عيال
ندى :ماعليك منـ

قآطعها الباب اللي انفتح .. دخلت ام خالد الي لابسه جلابيه عنابي .. ورافعه شعرها اللي يتخلله بعض الشيب .. ووراها خجل اللي كانت مستحيه من ام خالد
ام خالد :هذي صديقتكم .."تناظر ندى"..مدري متى بتتعلمين السنع .. صار لها سنه عند الباب ..
ندى تناظر خجل :مادقيتي علي !
خجل :الا جوالك مقفـل !
ندى اخذت شنطتها وفتحتها لقت جواله طافي لان مافي شحن .. :هع ..نسيت ماكان فيه بطاريه
ام خالد :الله يتكفل بـتس ..

راحت للنجلا اللي كانت عالسرير جالسه ..وقالت لها بحنان :شلوتس هالحين يمي.. احسن ؟
نجلا ببتسامه :الحمدالله والله ..بخير !
ام خالد تسمح على شعرها .. وتبعده عن وجهها:تبين تاكلين شي ؟
نجـلا تحط يدها على يد ام خالد الدافيه : لا خالتي مشكورآ .. ماأبي آكل شي
ام خالد :اجل ترا الغدا محطوط تحت عالطاوله ..كانكم جعتوا حموا لكم اللي تبون
الكل :ان شاء الله !


◙◙◙◙◙

أض‘ـحڱ .. ۈٍڱـِـِأنْيّ رآيـَِـَق البـآلْ خ‘ـآليُ ۈٍالنِـِآسّ تح‘ـسدنيّ ۈٍأنآ { آمِـِـََََِـَوت ..

................... بَسڱآإت !

◙◙◙◙◙

جلس فيصل على الكرسي في مكتب حسين الوسييع .. واللي كان يطلع على مساحه خضراء ..لا بأس بها ..كان فيها اشكال وانواع من الناس ..كان مكتبه فخم ووحلـو .. ويليق بـ ولد صاحب الشركه
طالع فيصل حسين اللي غايص جوآ اوراقه وقال بصوته الهادل المخملي:وش تسوي انت؟
حسين :اصبر الحين بخلص !

ثـواني وخلص حسين .. :ايوه ابن عمي وش تشرب ؟ شـآهي ؟
فيصل:امممم .. إييه !
حسين رفع السماعه وطلب 2شاهي
وسكر السماعه ..شبك أصابعه وناظر ولد عمه اللي يلعب بشي زي التحفه محطوطه على مكتب حسين للزينه : شف يا فيصل ومن الأخير وبدون لف ودوران وعشان ما نتعب بعض بالتلميح وخرابيط ما لها أول ولا تالي .. أدري إنك مستغرب ليه ناديتك لمكتبي .. لكن الموضوع مهم ولو ما أثق فيك كشخص يكتم السر ما ناديتك للمكتب .. وبعدين انا بصراحه معتبرك مثل اخوي الكبير ..طبعاً الكبير لانك شوي وتوصل سن اليأس ..وانا بسم الله علي تونـ...
قاطعه فيصل وعينه عالتحفه لين الحين :تراك قلت من غير لف ودوران .."وطالعه" .. غير كذا وش ا للي ما نتعب وخرابيط وتلميح وش انت ناوي عليه؟
حسين يتفلسف :شف يآخوك ..طبعاً انت إنسان رحيم وقلبك هاللي مصدي داخل ضلوعك لين الحين عايش .. واظن والله اعلم ان عندك دم
ناظره فيصل :ترا بتجيك طاوله تفتح لك دمجتك!
حسين :طيب امزح .."ويكمل"..المهم بـ حكم انك اكبر مني فالسن ..فـ أكيد انك لامست جمييع خلآيا المجتمع .. وتعرف الـ
فيصل قاطعه مره ثانيه : من اللي كذب عليك وقال اني لامست خلايا المجتمع؟ أنا يالله أحك خلايا خشمي حتى ثلاثة أرباع جسمي ما لمسته وأنت تقول إني لامست خلايا المجتمع .. غير الموضوع بالله عليك عشان ما نخسر بعض ..
حسين :فيصل عاد تراني جاد في كلامي
فيصل يحك أذنه :طيب يالله وش عندك!
حسين :طبعاً انت تعرف جوآن
فيصل لين الحين متحمس مع هالتحفه اللي يلعب بها: لآ منهي؟
حسين ياخذ منه التحفه لان ارتفع ظغطه .. وطالعه فيصل :كم عندنا من موظفه سعوديه في الشركه ياجنط انت وهالزفت اللي تلعب به
فيصل :شف ياولد عمي الصغير .. او على قولتك يااخوي الصغير .. من كلامك اللي تو ان لك عندي حاجه فـ أحسن لك احترمني ولا والله ان تحلم بس البي حاجتك!
حسين :اف ياخي تعرف شلون تلوي ذراعي ..المهم ماعرفت البنت ؟
فيصل :إيه عرفتها المهايطيه ..وش فيها؟
حسين :أبي ارقيها !
فيصل رفع حاجب بتسآؤل :ليه ؟..وش هالعدل الي نزل لك فجأه
حسين : وش دخل العدل؟
فيصل: لا في غيرها كثير يستاهلون الترقيه اكثر .. ولا عشانها من الجنس الناعم يعني؟
حسين تسند :البنت جايزة لي !
فيصل : لآ ! ..إن جآ ابوك وشافها مب قايل لك شي ..بيقولي انا ..ولا في مكان فاضي الا مكان سكرتيري الله يذكره بالخير.. ولو احط هالحرمه بتطلع عني اشاعات
حسين :ايووه خلها سكرتيره
فيصل :من جدك انت !.. لآ منيب حاط حرمه !
حسين :وليـه ؟
فيصل رجع يلعب بالتحفه :بس ! .. وشوله احط حرمه سكرتيره ..ياأخي فتن ذا الحريّم !!
حسين :ماتشوف في المسلسلا يحطون من ذا الزيوون .. وجوان ماعليها قاصر .. توقطر ملح
فيصل ناظره : مفصفص امها انت!
حسين ضحك بس من غير صوت : هاه وش قلت ؟
فيصل :والله انت وأبوك تصلحون !..الا تعال ورا ماتخليها سكرتيرتك انت !
حسين : انا عندي ذا الخليجي لين الحين مدري وش جنسيته ..صعبه اكرشه عشان احط جوان !.."يحاول يخليه يوافق"..يالله عااااااد
فيصل :قلت لك انت وأبوك تصلحون !..مالي دخل ..إن وافق ابوك انا موافق! .. بس شف غلط واحد منها والله لـ أرمي ملفها في وجهها !!

◙◙◙◙◙

ركب السياره .. وحط شنطة كاميرته جنبه .. كان يكلم خويه .. اول ماسكر منه ..شآف عنده رساله غير مقروءه

لما فتحها ..

"" آڷنآڛ ... !
ٿۉصف آڷي ٿعزهـﮧ بـ " ڪْڷمـﮧ " غآڷي
ۉآنآ ڷۉ قآڷۉآ " ڪْڷ آڷغــڷآ " مآ ٿڜفي آڷعڷـﮧ ،،

ڷۉ جآ " آڷمٿنبي " ڪْآن آحٿآر فـ حآڷيـ ،، ؟
مآ يدري يڪْٿب " فخر " أۉ مدح أۉ يجمعـﮧ ڪْڷـہ . .!
............... ............. ......................... ڪْڷـہ . .!
......... ............... ............................. ڪْڷـہ . .!
.................. ............. ...................... ڪْڷـہ . .!


صحيح هۉ آمبرآطۉر آڷڜعر أۉڷ ۉ ٿآڷي ،،
بڛ ۉآللهـﮧ[ غڷآڪْ ] عندي مآٿجمعـہ " ڪْڷمـہ "

عقد بندر حواجبه ..من هاللي مرسل .. رقم غريب !.. حذف الرساله ولا فكر فيها .. اكيد شخص غلطان
وشغل سيارته ومشـى !

◙◙◙◙◙


وهو طالع من الشغل .. مرت من عنده سيارة سآمي .. وكان راكب جنبه فهد !! ..
ولـ المره الثانيه !
ماكان سطام متوقع لـ ليوم واحد ان فهد بيفقد عقله كذا !.. ويماشي واحد مثل سامي !
ركب سيارته وهو يقول في نفسه "بـ كيفه هو وسامي .. اثنينهم يصلحون لـ بعض"



كان ماشي بسيارته و المشاهد اللي تمـر في بآله ..كلها عن يوم كان بالكوفي .. وتهزيئ فهد له .. وكيف انه سكت ..
وشكثر يكره الصمت عليه !..ووش كثر يحبـه ! .. هذا هو سطام دايم ساكت حتى لو كان صح مايحب يبرر .. أعتبروه صعف شخصيه .. بس الصمت مب مقيآس للضعف ! .. لأن السكوت لـه لغته اللي مايفهمها الكل

كل يوم قضآه بحياته مع فهد جالس يمر بمخيلته .. وقلبه المنكسر ينبض نبضات قويه وكأنها تقوله .."يكفي لعد تتذكره"
هو ماقهره شي كثر انه نسى كل اللي كان بينهم ..وصدق سـآمي!



منتْ آخرْ شخصْ ,

. . . . والله } مآ إفرقتْ !

و منتْ أوّل مِن جرحنيّ . . | !



متسند ويطالع في الشوارع .. حتى هو مب احسن حال من سطام ..
سامي ناظره .. ميل شفته وهو يقول في نفسه "ياحول من ذا الادمي بيرفع ظغطي "
سامي :وش فيك فهيدان .. ولا حنيت يوم شفت سطام ؟
فهد .. بنبره عميقه : تتوقع ياسامي اني استعجلت في حكمي على سطام ! .. سطام واعرفه عشرت عمر مايسويها !!!
سامي : فهد انت شفت بـ عينك ردة فعله .. هو إنسان انقاد ورا رغباته الحيوانيه .. ولا رآعى عالاقل انها اختك !!! .."ويزيد عليه"..هذي اختك يافهد عرضك انت ..وبعدين كيف تصدق الغريب .. وتكذب اختك المسكينه اللي مالها للشيطان طاري!
فهد :ضآيق صدري حييل ياسامي !..وضميري مأنبني
سامي:هذا لانك طيب .. وسطام تغير معد هوب سطام الاولي يوم كنتوا مع بعض ..انت مشكلتك طيب وعطيته الثقه وهو خانها !
فهد بـ حقد ..لان كلام سامي زاده : صآدق والله ! .. حسبي الله جلعه يشوفها بخواته


◙◙◙◙◙


بعد ما أوفىا البشر راح وخذلني

الفرح في دنيتي أصبح / أحزان

ماهو صعب ألقىا من يصدقني

الأصعب أصدّق بـ هالدنيا إنسان

◙◙◙◙◙


كآن يهوجس بأخته اللي تتعب ولا تتكلم .. حط يده على خده و2 من اخويآه يسولفون مع بعض ..

- هيييه !.. وين وصلت ؟
فراس التفت للصديقه : ابد قريب !
الاول :اكيد رآيح مخك لـ حبيبة القلب ..صوووح ؟
فراس ابتسم من تذكرها :وهـ بس يآحبي لها !..جعل عمري يروم فدوه لها بس
الثاني : هذا وإنا ماقلنا شي
فراس تنهد :وقسم بالله اني احبها اكثر من نفسي حتى !

م‘ـَوت اح‘ـَبك

م‘ـَوت اح‘ـَبك

م‘ـَوت اح‘ـَبك

ماهي كِلمه أو . . { ش‘ـَعور

م‘ـَوت اح‘ـَبك

م‘ـَوت اح‘ـَبك

م‘ـَوت اح‘ـَبك

يعني ح‘ـَبك ليـ [ح‘ـَياه ] . . !الاول :اسمعني فراس لو كانت تقولك "ويقلد اصوات البنات"..فراس تعال .."وعدل صوته"..انا ماسكك كذا نذاااله لا تروح لها .. وش بتسوي ؟
فراس: بفك يدي
الاول خش جو مع التخيلات:لااا انا ماسكك بقوووه مره ..
فراس علطول :بقطع يدي والحقها !
الثاني :وووووجع!..حبْ ماقلنا لا بس مب كذا !
فراس: والله مايحس باللي احس به الا اللي يحب صدق !..مثلي يعني طبعاً !
الاول : هههههههههههههههه .. انا ماأستغرب .. من عرفت فراس وهو يهذري بـ بنت عمه زي المجنون ..قسسم بالله روميو مايجي نصك
فراس يطالعه:ههه مجنون وبس .. "وبشوية الم لانه يدري ان حبه لها اكبر من حبها له"..والله قمت اخاف على عقلي من هالحب !
الثاني :الله يخليكم لبعض يارب
الاول : يالله هذي هي الحمدالله .. من نصيبك
فراس تنهد وطالع السمآ اللي بدت تمطر :الحمدالله !!!

مسك جواله وارسل لها

"اشًتقت لڪ..!!

ع‘ـسًـآك بـ ~ أح‘ـسًن الأح‘ـوٍآل..~~

ع‘ـسًـآني --{ ج‘ـيت ع‘ـلى بآلڪ ..

مثل مآنت ~ شًغ‘ـلت البآل..!!"

◙◙◙◙◙


آلجنوٍن " ع‘ ـَـَيوٍن وٍعيوٍنڪ { وٍطن . . !
وٍآلوٍطن من | غ‘ـَـَيرٍ عينڪ * وٍش يڪوٍن . . . }
[ . . لآ شوٍآرٍع . . ]
[ . . لآ آمآني . . ]
[ . . لآ سڪن . . ]
آنتي بـَ / لحآلڪ زٍمن { دآخل زٍمن . . ~
ڪيف | عمرٍي ينحسب × لوٍ يحسبوٍن . . !

◙◙◙◙◙


كان يمشي السيب الطويل لين صول للغرفته .. سمع صوت نفس الصوت اللي سمعه أول .. صو بكآء طفل .. حس ان مليون شعور تحرك داخله واشتعل يوم سمع صوت بنته تصييح ! ..

من غير رآي منه اتجهه للمكان الصوت .. وقف عند غرفه لما فتحها حس بخيبة امل .. لانها كانت فاضيه .. سمع الصوت ثانيه كان عاليمين شوي اتجهه للمصدره كانت غرفه مسكره .. فتح الباب واتضح صوت البكآء مره .. وصار يسمه زين .. زين !

شاف الشغاله شايله بنت لابسه وردي وصغيره .. حتى عمرها ماتجاوز الـ أشهر من صغر حجمها .. ليه لا .. هي حتى ماخذت وقتها اللي يكفي في رحم امها !

راح واخذها من الشغاله وآمر الشغاله انها تطلع
جلس عالسرير وهو يتأمل ملامح وجهها .. استغرب من شي انه اول ماشالها سكتت وكأنه حست انها بحضن ابوها .. وكأنه شمت عطره ممزوج بعطر امها اللي رآحت حتى من غير لاتودعها !
أبتسم وهو يحس بخيبة امل لانها ماتشبه لأمها .. كانت ماخذه ملامح ابوها وشوي من خجل !! ..

/
قالت وهي ماسكه بطنها:تدري وش ودي ؟
سعود وعينه عالجريده : وشو ؟
ديمـه تتسند وتناظر السقف تفكر :ودي اللي في بطني ياخذ ملامح وجهك
سعود طالعه :ليه؟
ديمـه ابستمت :ودي يكون حلوو عليك
سعود :لا انتي احلـى
ديمـه :ههههه حلو المجامله .. بس جد !..ودي يصير يشبه لك انت !
/

أبتسم وهو يشوفها تطالعه .. كانت تشبه له هو وخجل ولا فيها من ديمه الا شوي ! ..
الدموع شوشت عليييه الرؤيه ..صوت جوآه يانبه ليه يترك بنته كذا .. مب يكفي انها الحين من غير .. بعد يبي يحرمها من ابوها ؟؟
سكر عينه ونزلت دمعته وطاحت على خد بنته ..
أبتسم لها زي المجنون كأنه مايبيها تحس انه يبكي ..
تثاوبت .. وسكرت عيوونها كأن جفنها ثقل عليها .. حواجبها الخفيفه نزلت شوي واعلـنت نوم هالصغيره
ضحك بألم وضمها للصدره .. وتمتم: الله يرحمك ياديمـه !!..


◙◙◙◙◙


عالمغرب .. كان نازل الدرج .. ومعاه بوكه ومفتاحه سمع صرآخ امه جآي من الحوس
- سطاااااااااام !...يالله يآأبوي تأخرنا !!!

طلع سطام عند امه .. اللي كانت لابسه عبايه عالرآس فيها شوية لمعه ..:وينك ياخي سنه !
سطام يعدل غترته :والله وشسمه .. كنت فالحمام
ام سطام تمشي قدامه : طيب طيب ماعليش .. امش يالله

ركبوا السياره ورآحوا المستشفى .. دخلت ام سطام للدكتور لان كان عندها موعد كالعاده لازم ترجع كل ماخذت لها كم شهر ..
شي روتيني بحكم انها كبيره فالسن

اما سطام كان يمشي في ممرات المستشفـى .. والطفش لعب به لعب .. حتى انه قام يقرآ اللوح المعلقه عالجدران ..


ومـَـًآزلتُ ڪِــِـِـٍمآ أنـَـَآ أشـِـِتآقٌ
بص‘ـَـَمت وأتـِـِلهفُ بع‘ـَـَـًمقْ......
.وآבـنٌ بسرعـﮧ الـَـَـًبرقٌ
ومـِـِآزلـَـَتٌ ڪمـِآ أنـِـِآ أنـَـَآم على
!! الـבـِـِلم وأسسس‘ـَـَـَتيقـَظ علىْ الـَـَـًوآقع

كانت تمشي في أسياب المستشفى .. وشافت ولدها واقف ويقـرآ لوحه عن السكر وعلاجه واسبابه وطرق الوقايه منه .. أبتسم وهي تشوفه معطيها ظهره !

قربت له وحطت يدها على كتفه .. وقالت بصوتها الحنون : ناصر يا أبوي ورآ ماتجلس في الانتظار ياقي وقت !!
التفت للحرمه كان واقف كانت وصل للنص صدره .. طالعها هذي مب امه ابد .. ولا تشبهه لها ..كانت مضآوي تطالعه ولا حتى رمشت .. وهو كأنه يبي يوريها وجهه عشان تعرف انه مب "نــاصر" !! .. بس شكلها مافهمت عليه
قال وهو مبتسم : انا مب ناصر !
ناظرت فيييه وشي جواها تحرك وتهيّـج .. حست بنفاضه تسري بكل اطرافها وكل شريان فيها احتفظ بالدم ولعد توزع بـ كل جسمها .. قالت بصوت واهن : مـ..محمد ؟

سطام عقد حواجبه .. :نعم ؟؟
ام محمد بلعت ريقها .. تجمعت دموعها وهي تناظر قدامها ..مزيج بين ناصر وعبدالرحمن .. وعمها الله يرحمه .. محـــمد ! ..
كأن هالـ 3 واقفين قدامها .. معقول في إنسان ماخذ من كروموسومات العائله ..بدون لا يكون فيه صلة قرابه !
أكيييد انه محمد !..أكيـــــد .. سطام استغرب من هالحرمه الواقفه .. مايدري ليه لان قلبه لها .. رحمها وهي تناظره وكأنها ترجي منه شي ..
مدري كم بقـوآ كذا يطالعون بعض

أُم .. ؟! ~
لكن ‘ مآ قدرت تحضن ..| ولدها


سمعت صوت ناصر من وراها .. :يمه تعالي انا هنا ..
وقف ناصر وشافهم كذا يطالعون بعض .. طالع في امه اللي كانت تناظر في سطام ..وعيونها مليانه دموع .. رجع ناظر سطام اللي يطالع في عيون مضآوي

ناصر يناظر سطام وفي راسه حرش:خيير يالاخو!...مشبه؟
سطام ناظر ناصر .. :لا حصل خير .. بس هي تو تناديني تحسبني شخص ثاني
ناصر: تستهبل انت؟.. ولا تستهبل
سطام رفع حاجب:شآيفني كبرك انا ..عشان استهبل معك؟
ناصر وقف قدامه شوي ويقوم يضربه بس وقفته امه ..قالت:..وش أسمك يآبوي ؟
ناصر :يمه وش تبين بأسمه .. امشي بس الله يهديك عندك موعد
سطـام يعاند :اسمي سطام
ناظره ناصر .. وقال :ماتسمعني تو اقولها خل نمشي وشوله تحكي ؟ .. ولا الدعوه عناد يعني؟ ..
سطام : انت كم مره لازم اقولك اني مب كبرك عشان استهبل معك ووتحاكيني كذا !.. ماعلمك ابوك شلون تحترم اللي اكبر منك ؟
ناصر :شف وقسسم بالله ماحدني الحين من اني اقوم افرشك الا امي اللي جنبي .. والله لـ أقوم الـعن خامسك واعلمك شلون تحترم عمانك!
تو سطام بيرد اللي شكله مستخف في ناصر .. بس قاطعته مضاوي :ناصر انا سألته وابيه يجاوب .. "وبفشيله"..ماعليه ياأبوي هو مايقصد .."وابتسمت بآلم".. بس اني سألت لانك تشبه لـ ولدي محمد !
طالعها ناصر مصدوم .. شك ان امه انهبلت يوم انها تنادي واحد تحسبه ولدها اللي مات من حياتهم من اكثر من 20 سنـه ..أبتسم سطام وقال:الله يخليييه لك !
مضآوي : ومن انت ولده ؟
سطام :آلـ"......"
ناصر بضحكه خفيفه .. طالعته امه بعتاب .. وقال :بالله وش اصلكم؟
سطام يهدوء :عيآل آدم وحوآء
ناصر:أضحك مثـلاً ؟.. اقص يدي من نص كانكم قبايل
سطام ضحك بسرخيه :ههه .. والله ان عقلك افاقه محدود جداً ..أجل قبايل هاه؟
نادته امه .. رفع عينه من فوق ام محمد .. لانه كانت اقصر منه .. ابتسم لها وقال:يالله مع السـلامه .."وطالع ناصر"..مع السلامه ياولد القبايل!
ورآح
ماتدري ليه مضآوي حست بألم وقهر لما رآح هالولد لـ أمه !.. وكأنه تحسد هالحرمه على ولدها .. اللي شعور الامومه داخلها تفجر لما شافته وكلمته !


عَج ‘ـــــزْت أأعبــٍـٍـٍـٍــرر ...
عَج‘ــــزْت أأبكــٍـٍـٍـٍــي ...
عَج‘ـــــزْت أأبــٍـٍـٍـٍــووح ...
أأبــٍـٍـٍـٍـــووح ...
أأبــٍـٍـٍـٍـــووح ...

بـاّللـ‘ـي فِــيّ دَاّاّخِــل اّاّلــرووح ...
مَددري !! وِش‘ أأسسوي ..؟
مَددري !! وِش‘ أأقـــــوول ..؟
كِـِـل شَــي بــِـِـِـدَاّاّخِــلِــي يُنُــٍـٍـٍـٍــووحْ ~