كبرياء رجل وشذوذ إمرأه ...

في عتمة الليل الكل نايم ماعدا أبطالنا اللي كل واحد فيهم
تعقدت حياته ويفكر انه ما في حل ....
اللي جالس يناجي ربه انه يفرج له واللي مستسلم لوساوس
الشيطان واللي كل همه في الدنيا هو كيف يرضي الطرف
الثاني أو كيف يحافظ على حبه
\\
//
في اليوم الثاني.....
في بيت بو نواف الساعة الحين 9 صباحا....
بو راشد تحت ينتظر ميثه اللي الكل كان مستغرب انها
للحين في غرفتها بعكس الأيام اللي راحت كانت من تجلس
لصلاة الفجر ما ترجع تنام ومن الساعة ثمان تكون لابسه
عبايتها وجالسه تنتظر خالها
أم تركي" اجلس اخوي بروح اصحيها ...ما ادري شفيها
أدق عليها ما ترد
بو راشد" لا خليج هنا أنا بسير أناديها
صعد بو راشد ودق الباب عليها ...ومن سمعت صوته
راحت فتحت الباب بسرعة
بو راشد" وش فيج بنتي ما لبستي ؟؟
ميثه " تعبانه شوي وما بروح
بو راشد" ما نمتي ؟؟
ميثه تنزل راسها " لا
بو راشد يمسكها من يدها ويجلس ويجلسها جنبه
بو راشد" ايي أبوي....أنا بتكلم معاج وابغيج ما تستحين
مني أنا بحسبة ابوج ....
ميثه بهدوء" أكيد يا خالي
بو راشد"انت تبغين راشد ومستعدة ترتبطين فيه وهو على
هذا الوضع ؟؟
ميثه تجمعت بعيونها الدموع
؟؟؟؟؟؟؟؟؟؟؟؟؟
,,
نزل بو راشد بسرعة وكأنه يفكر بشي وفي شي شاغله
..توجه للمستشفى ما دخل إلا ولقى راشد جالس على
الكرسي المتحرك وواقف جنب باب غرفته وعيونه على
بوابة الدخول
بو راشد يمسك الممرضة " كيفه الحين ؟؟
الممرضة" ما نام البارح إلا لما عطيناه مهدئ ومن انتبه
الصباح طلب إن إحنا نطلعه بره مع انه خطر عليه
خصوصا إن ورآه سفر وممكن هذا الشي يكون مرهق
بالنسبة له
تركها بو راشد وراح لعند ولده مسك كرسيه ودفه للغرفة
وساعده حتى يتمدد على سريره
راشد" محد وياك اليوم؟؟
بو راشد " خواتك وأمك يجهزون أغراضهم
راشد سكت شوي" أشوف ميثه تعبت وبطلت تزورني
بو راشد" البنت عند أهلها ما نقدر إن إحنا نلزمها بعد
راشد بزعل" ايي أحسن بعد
بو راشد يتقطع قلبه على ولده لكن هذا طلبه وهو يتحمل
,,
مالك جلس من النوم وهو تعبان كثير لأن نومه كان متقطع
مو عارف ينام وفي راسه مئة مشكله ومشكله
راح سحب فلوس لأمه واشترى شوية أغراض ...
أم مسعود" الله يعطيك العافية
مالك يعطيها ورقه" هذا رقمي الجديد أنا ببات في مزرعة
بو عبدالله ...إذا في شي ضروري دقوا علي
عطاها ظهره ومشى لكن صوت مرام وقفه
مرام" ما بتكون موجود ؟؟
مالك" وجودي زي عدمه ...
مرام تمسكه" كلامك مو صحيح ...علاقتي معك مو علاقة
أخوه وبس , لكني ما راح اطلب منك وجودك كصديق أنا
أطالبك كأخ المفروض توقف معي بهذي الليلة
مالك بزعل " وش اعتباري أنا ؟؟ انتي اللي اخترتي وانتي
اللي حددتي ...وأنا !! أنا ما كان لي أي دور
اسم بس رجال بالبيت لا أكثر ولا أقل
مرام بضيق" اجلس طيب أفهمك وجهة نظري على الأقل
مالك يلتفت لها" انتي اللي ما خليتي في مجال للتفاهم
مرام تبكي" لا تنسي إني يتيمة
مالك ما قدر يتحمل كلمتها وطلع وصفع بالباب من ورآه
كان أقسى شي بالنسبة له إن خواته وأمه يتأذون بسببه ,
كان يسعى دائما انه ما يخليهم يحتاجون شي لكنه نسى
أهم نقطه.... الحنان اللي هو محتاجه أكثر منهم ومو
صحيح من قال إن فاقد الشيء لا يعطيه إلا بالعكس
فاقده يعطيه أكثر ......
من بعد ما طلع مالك تحولت سعادتهم إلى بكي وألم
متواصل ...
كلمة مرام زيدت حزن أمها وذكرتها باللي راح
..............
,,
في بيت بو نواف ...بالموت سحبت حالها أم عبد الرحمن
وصعدت فوق حتى تتطمن على نوره اللي من أمس
ما حطت بحلقها شي ...حتى الماي محرمته على حالها
فتحت الباب ولقتها مرمية على الأرض وراسها ينزف
ابتدت أم عبد الرحمن تصرخ ...الكل صعد فوق ومن
شافوا نوره بهذي الحالة تأزموا كثير وصارت حالتهم
بالبلى ....
رفعها طارق بين يدينه ومددها على سريرها وصار يبعد
شعرها عن وجهاا وهو يناديها ...
لكن الحمد لله كان الدم من جرح بسيط في جبهتها أثر
اصطدامها بالجدار ....
حاولوا أنهم يصحونها والحمد لله نوره صحت ولكنها كانت
تبكي ومنهارة
طارق يشربها ماي" سمي بالله ...نوره شوي شوي
نوره تضرب حالها" تركوني ...لا حد يجي جنبي
بو نواف بقسوة" نوره ...منو يستاهل تسوين بحالك كذا
هاا؟؟
نوره مو هامها كبير ولا صغير صارت تصرخ فيهم
نوره" ما أبغي أشوفكم ...انتوا بتحرموني من مالك
خلاص خلوني لأن الموت عندي أفضل من إني أعيش
بدونه
بو نواف ما يقدر يشوفها بهذي الحالة طلع وترك المكان
أم عبد الرحمن لامتها بين يدينها وجالسه تقرى عليها
...ونوره كانت دايخه من قلة الأكل
طارق يطلب من أمه إنها تجلس جنبها وما تتركها ...الله
العالم وش تسوي بحالها بعد
أم عبد الرحمن" وش واقف تسوي انت يا الغبي؟؟
طارق معصب" واقف أوريك طول ثوبي...زين ولا
أطوله؟؟
أم عبد الرحمن" روح نادي لنواف راحت روحك
طارق" ما ني رايح ... واللي تبغينه سويه
صحيح عجّيز الرجال نايم مع حرمته تبغيني أجره جر؟؟
ماله داعي كل هذا...ونوره الحمد لله طيبه وش له وجع
الراس انتي بعد
أم عبد الرحمن معصبه" اتفوو عليك وعلى من جابك
طارق عصب منها" اوووف...بس أتزوج بهج من ذي
البلاد انتوا نشبه وربي
طلع من عندهم وهو يتحلطم وأم عبد الرحمن تركته يولي
...اليوم مو فاضيه له
لكن قلة احترامه لها ما راح تمشيها له كذا بالساهل صارت
تتوعد فيه انت جبت الهم لنفسك يا طويرق وتحمل
؟؟؟؟؟؟؟؟؟؟؟؟؟
,,
في جده .. وصلوا بالسلامة
وقف ماجد عند بيتهم والتفت لصيته كانت نايمه ومو حاسه
بالدنيا
ماجد بهدوء" حبيبتي ...
صيته قامت بسرعة وصارت تتلفت حواليها
ماجد" نورتي جده يا قلبي
صيته ما التفتت له ....نزل ماجد ونزل الشنط ودخلوا داخل
كان البيت رهيب ...كانت صيته مبهورة من جماله وتنسيقه
ماجد" يمـــه ....دلـــع
صيته وطي صوتك يمكن نايمين
ماجد" ههه لا مو نايمين ينتظرونك حبيبتي
صيته باستغراب" ليه ..انت قلت لهم
ماجد" أكيد ...تبغين جيتك تكون عاديه يا قمر
لازم استقبالك يلوق فيك ولا لا ؟؟
أم ماجد تطلع لهم " هلا والله با لغلا كله
كللووووووووووووش ...الله يهنيكم ياعيالي
سلمت عليهم وهم بعد باسوا راسها ويدها ...شوي وتجي
دلع عندهم وهي مبسوطة على الآخر
ماجد كان واقف ولام صيته لصدره بجنب أمه وأخته
...صيته كانت محرجه مرره لكنها ما تقدر تقوله شي قدام
أهله ...من واجبها تحترم زوجها وما تنزل من قيمته قدام
أحد حتى لو كانت شايله عليه قد الدنيا..
كانت ابتسامتها ما تفارق وجهها وكلامها كان حلو
كثير...لكن من راحوا غرفتهم رجع الشحوب لوجهها
ماجد يمسكها " خلاص يا قلبي ما حاجه تعطين الأمور أكثر
من حقها
صيته عصبت كثير وكانت بتنفجر فيه لولا إنها مسكت
حالها وراحت جلست على الكنب
ماجد صار يطالعها وهو يفكر بينه وبين نفسه ...الله يعيني
عليك يا صيته شكل زعلك شين
...............

.....



كبرياء رجل وشذوذ إمرأه
البارت الثامن والثلاثون

ماجد يمسكها " خلاص يا قلبي ما حاجه تعطين الأمور أكثر
من حقها
صيته عصبت كثير وكانت بتنفجر فيه لولا إنها مسكت
حالها وراحت جلست على الكنب
ماجد صار يطالعها وهو يفكر بينه وبين نفسه ...الله يعيني
عليك يا صيته شكل زعلك شين
\\
//
\\
في بيت بو نواف.....
أم عبد الرحمن من بعد ما راحت نوره في سابع نومه
تركتها وراحت تحت عند أم نواف اللي كانت تتوسل رب
البيت انه يطلع بنتها من اللي هي فيه ويبعد عنها مالك
اللي من شافوه ما جاب لهم غير النكد
أم عبد الرحمن تجلس وهي تنفخ" وأخيرا نامت ....
البنت ما فيها قوه أصلا طاحت من قلة الأكل
أم نواف تبكي" الله ارحم بعباده ...هو اللي بيطلعها من اللي
هي فيه
أم عبد الرحمن" لازم تشوفون لها حل ...بتموت وهي بعز
شبابها
أم نواف تطالع فيها وهي زعلانه" بسم الله على بنيتي....
أم عبد الرحمن التفتت عنها وهي تتحلطم " محد بهذا البيت
يتحمل من الثاني كلمه ....عمى إن شاء الله
يدخلون نواف ونوف عليهم ....
أم عبد الرحمن ترحب" هلا وغلا بعيالي....نور البيت وربي
نواف يبتسم لها ويروح يحب على راسها" هااا نلحق على
الفطور ولا لا ؟؟
نوف" هههه الحين بيأذن الظهر وإحنا تونا جالسين لا تفشلنا
مع الجماعة
أم عبد الرحمن"لالالالا.... ولا تتواخذين ولا تتفشلين يا بعد
روحي , ناموا على راحتكم واستانسوا عدل وارموا كل شي
ورى ظهوركم
نواف جالس يضحك لكنه من شاف أحوال أمه تغيرت
أحواله ...
نواف يروح يجلس جنبها " هااا يا لغالية وش علامك
؟؟اليوم نفسيتك مو طبيعيه
أم نواف ما تمالكت أعصابها وصارت تبكي" عساني للموت
يا ربي ....الهم يدورني دواره
نواف متفاجئ ويطالع جدته" خير وش صار؟؟
أم عبد الرحمن زعلت فجأة" اوخيتك يا نواف...
ما كملت كلامها وصارت تتبكبك
نواف ما قدر يتحمل وفز من مكانه" خير ؟؟وش صار ؟؟
أي أخت ؟؟
أم عبد الرحمن" نوير منو غيرها ,والله هذي البنت مسوالها
عمل ... أكيد مالك ساحرنها
نواف جلس مكانه وألوانه متغيره وقلبه مو بمحله
نوف بهدوء" للحين تبكي؟؟
أم عبد الرحمن بضيق" بعيد عنك طاحت من طولها من قلة
الأكل...
أم نواف تترجى نواف "يمه وليدي روح كلمها ,على شان
خاطري... لو لي معزه عندك
نواف التفت على نوف اللي ما تدخلت بالسالفة لا من بعيد
ولا من قريب...
نواف" وينها الحين ؟؟
أم عبد الرحمن " أنا تركتها نايمه
قام نواف من عندهم وصعد فوق عند نوره
دق الباب لكنها ما ردت..فتح الباب بشويش عليها
لقاها جالسه على السرير وماسكه جوالها وتكتب مسج
لكنها من شافت مالك خبت الجوال تحت البطانية
نواف بحنيه "عذرا لأني دخلت كذا من غير استئذان لكني
دقيت الباب ما رديتي علي
نوره ما تكلمت له وحتى عيونها ما رفعتها عليه
نواف" نوره ...ليه كذا؟؟
نوره ".........
نواف" يعني الحين انتي تبغين تقنعيني انك تحبين مالك ؟؟
نوره"............
نواف" طيب انتي تحبينه آمنا بالله ...لكن سؤالي لك
معقولة حب ابتدى غلط تكون نهايته سعيدة ؟؟
انتي علاقتك مع مالك بشنو تصنفينها ؟؟
لا تكذبين على حالك وعلينا ...ما تقولين لي كيف تعرفتي
عليه وكيف حبيتيه ؟؟
طيب اتصالاتكم وعلاقتكم اللي ما كان احد يعرف عنها
ولدت في داخلكم حب جامد مثل هذا الحب اللي انتي
جالسه تضحين على شانه؟؟ تتوقعين هذا كلام معقول ؟؟
اسألي حالك هل بعد الزواج راح تتولد داخلكم ثقه
لبعضكم بعض؟؟
نوره ما كانت ترد على نواف وهذا الشي بدأ يوتر نواف
كثير
نواف" تفكرين انتي بطريقتك راح تجبرينا إن إحنا نوافق
عليه ونخليك تبيعين حالك على وهم اسمه الحب؟؟
نوره بزعل" هذا الحب اللي تقول انه وهم انت جالس تتنعم
فيه وتتمنى الساعات ما تمر حتى ما تضيع منه ولا لحظه
يعني حلال عليك وحرام علينا ؟؟
نواف بعنف" أنا لما حبيت حبيت حب شريف وطاهر ...ما
نظر له إبليس نظره دونية أو تلاعب فيه يا نوره ...
حبنا تشهد له الملائكة انه من أجمل العلاقات اللي توجها
الزواج وأضاف لها بريق من الماس...
نوره تبكي بدون صوت كانت دموعها تنزل على خدها
الناعم بشكل جارح لدرجة إن نواف كان مستغرب من ردة
فعلها هذي وكيف إنها مستسلمة للحزن ونوره عمرها
ما قهرها شي
نواف يحاول يمسك أعصابه لأن الغضب ما يجيب نتيجة
خصوصا مع نوره
نواف يمسح دموعها بمنديل" نوره حبيبتي ...
نوره رفعت له راسها "............
نواف" أنا مستعد أوقف معك لأني ما أقدر إني أشوفك بهذي
الحالة لأنك تعنين لي كثير ...انتي روح البيت يا نوره إذا
ما كنت تدرين أخذيها بحسابك ...ممكن نكون قاسين عليك
شوي لكن انتي بمثابة الجوهرة والواحد ما يفرط بأشيائه
الثمينة بهذي السهولة صح ولا لا
نوره وكأن انفتح لها باب الأمل من جديد".........
نواف" لكن ابغي أسالك سؤال بالأول
انتي ماليه يدك من مالك عدل ...يعني تحسين إن هو
الرجال اللي يستحقك؟؟
نوره تبكي" ايي أنا أحب مالك وهو يحبني أكثر...كلامك
صحيح يا اخوي يمكن علاقتنا كانت غلط في البداية لكن
الحين هو جاي يخطبني منكم لو انه واحد يبغي يلعب أو
يضيع وقت ما كان جا لين هنا برجليه
نواف لاحظ إن نوره كانت ترجف لمها لصدره حتى يطمنها
وهو بعد شاف إن كلامها صحيح وهو لازم يوقف جنبها
ويكلم أبوه
طلع نواف بعد ما وعدها انها راح تكون لمالك لكنه من
سكر الباب صارت نوره تضحك من قلب وتنطط على
السرير
نوره" هه مسكين يا نواف...تفكرون تقدرون على نوره ؟؟
نوره إذا بغت شي بتسوية غصب عن الكل
.......................
,,
في جده ظلت صيته تحت مع أم ماجد ودلع لحد بعد الغدا
وهم يسولفون ويضحكون ...كانوا يطلبون من صيته إنها
تطلع فوق حتى ترتاح لكنها كانت كارهه إنها تروح فوق
ويتسكر عليها وماجد باب بعد اللي صار ...
ماجد" صيته ...صبي لي شاي
أم ماجد" خلاص يمه شربت كثير...روح ارتاح ما نمت من
البارح
ماجد بحنان " كيف أنام وحبيبتي جالسه تحت ...حاولت إني
أغمض عيوني لكن ما قدرت تعودت إني أنام وأنا ماسك
يدها وبوجهي يلعب نفسها
صيته صار وجهها أحمر لكنها اكتفت بابتسامه"......
دلع انحرجت لكنها عبرت عن إحراجها بضحكه" ههههه
أم ماجد " قومي يمه ريحي راسك وريحي هذا الفقير اللي
رجع جاهل فجأة ما ينام إلا لما تكون أمه جنبه
ماجد يبتسم" ايي صح ....وإذا ما بتصعدين بجلس هنا
للصبح
أم ماجد" يا حبي لك يا يمه ما تغيرت حتى لما كبرت ..
ما أنسى يوم كنت صغير انيمك على سريرك وما تطلع
الشمس إلا وانت بجنبي
دلع" هههه ايي دائما أمي تخبرني عنه وتقول ما تصحيه إلا
والعلامة في الفراش
صيته حاولت تمسك نفسها لكن ما قدرت" ههههه
ماجد بزعل" خلاص عاد لا تطلعون البلاوي
صيته توقف" يا لله أنا بصعد فوق ...ودك بشي خالتي
أم ماجد" تسلمين يا قلبي ...الله يعطيك العافية يا عيوني
ماجد يتمسخر" شفتي كيف العيشة ببيتنا مريحة ..يعني
رتبتي السفرة مع دلع شوفي شقد يشكروك يعني لو بكره
تطبخي الغدا وش راح يسوون لك ؟؟
صيته تضحك من غير نفس" كلكم ذوق
أم ماجد" نعم ...تطبخ ؟؟ هي خليها تتدلل,
الغالية أمانه عندنا ولازم نحطها بعيونا
ماجد يبتسم" عسى عمرك طويل يا الحنون
صيته" ما تقصرين خالتي ...يا لله أنا بروح ارتاح
دلع" لا تطولين بالنوم حبيبتي ما شبعت منك طيب؟؟
صيته" ماشي الحال جهزي القهوة بعد ساعتين ودقي لي
دلع " ههه صار
راحت صيته فوق ... وماجد يغمز لأخته ويتوعد فيها إنها
تدق لكن دلع كانت تنفض له يدها يعني إنها مو مهتمة منه
صعدت صيته فوق وماجد ورآها ....
ماجد يتصداها بصدره" لا تدخلين ...بالأول غمضي عينك
صيته ما كان لها خلقه وزاحته بيدها ودخلت لكنها تفاجأت
من اللي شافته ...
كان ماجد مهيئ الجو كثير وحاط لها موسيقى هادئه و ورد
ممتد على الأرض صارت صيته تمشي بشكل عشوائي
وتدوس على الورد لحد ما وصلت الغرفة ...كانت الشقة
حلوه كثير عبارة عن صالة صغيره ومنها لغرفه كبيره
فيها على الجنب زاوية من الكنب الفاخر وتلفزيون بلازما
...وبعد كذا غرفة تبديل ملابس توصل لدورة المياه
والجميل إن الغرفة فيها سلم
ماجد بهدوء" تفضلي ...السرير فوق
صيته بدون اهتمام" لا ...بدخل اتحمم بالأول
ماجد يتركها" براحتك
صيته حست إن ماجد زعل ...لكن الظاهر إن زعله اليوم
هو آخر اهتماماتها
.............
,,
في المستشفى وعند راشد ...كان بو راشد يخلص الأوراق
وراشد جالس في الغرفة ينتظره
يدخل عليه بو راشد ومعه ثلاث ممرضات ودكتور
بو راشد " يا لله أبوي كل شي جاهز
راشد" وين الكرسي ؟؟
الدكتور" لا راح ينقلونك بالنقالة
راشد بضيق" مستحييييييل.... هذا اللي باقي بعد
وش رايكم تنقلوني بتابوت بعد ؟؟
بو راشد" لا أبوي وش له هذا الكلام ؟؟
راشد بصوت متقطع" ما ني طالع إلا على كرسي
بو راشد يطالع بالدكتور اللي بان عليه انه زعل من
طريقة راشد وأسلوبه لكنه كان متفهم لحالة المريض
ومرت عليه أشياء كثيرة مثل كذا
الدكتور" ما في مانع ...جيبوا له كرسي كل شي ولا راشد
زينة شباب دبي
راشد ارتاح نوعا ما ....جابوا له الكرسي
وطلعوا للسيارة
راشد" أبوي ... وين أمي والبنات ؟؟
بو راشد" مع نواف بيوصلهم للمطار
راشد" ما حاجه كلفتوا على الريّال كنت طلبت لهم تاكسي
أحسن
بو راشد" والله نواف ريّال والنعم فيه ...أصر انه يوصلهم
وقال بعد يبغي يشوفك قبل ما تسافر
راشد بزعل" وش بيشوف يعني ..جيمس بوند ؟؟
بو راشد ما علق على كلامه وفضل انه يسكت خصوصا إن
راشد مو على طبيعته ولا عارف وش قاعد يقول بسبب
الظروف الصعبة اللي جالس يمر فيها
وصلوا المطار وراشد كان طول الطريق لازق وجهه
بالنافذة ورايحه أفكاره لعالم ثاني والله وحده يعرف وش
كان يفكر فيه راشد...
هل يفكر بالأيام الحلوة اللي قضاها في هذي البلد أو الأيام
الصعبة اللي أثرها الحين انطبعت على قلبه قبل جسمه؟؟
وصلوا ودخلوا لصالة المغادرين وشاف راشد نواف جاي لعندهم
...وعلى وجهه ابتسامه عريضة
لكن راشد راحت عيونه لجهة البنات ولمح ميثه من بينهم
صار وكأنه مو مصدق حاله وراح بعيونه على أبوه اللي
ابتسم له وصار يطبطب عليه وهو شارد بفكره على لقائه
الجميل بميثه وكلامها له
.........................
بو راشد" ايي أبوي....أنا بتكلم معاج وابغيج ما تستحين
مني أنا بحسبة ابوج ....
ميثه بهدوء" أكيد يا خالي
بو راشد"انت تبغين راشد ومستعدة ترتبطين فيه وهو على
هذا الوضع ؟؟
ميثه تجمعت بعيونها الدموع "............
بو راشد" اييي بنتي ....أنا عارف إن الوضع صعب لكن
ربج أرحم بعباده
ميثه تبكي " راشد ما .....
بو راشد" ما أبغيك تصيحين ,ابغيج تعرفين ان معزتج بقلبي
معزة بناتي وانتي الكلام اللي بتقولينه لي ما راح يدري
عنه لا راشد ولا غيره ...وإذا علي تطمني وتأكدي إني ما
بزعل
ميثه بزعل" كيف تفكرون ولو لدقيقه إني ممكن اترك راشد
؟؟ و ليه ؟؟
بو راشد" ما تنجبرين يا ميثه
ميثه" محد جابرني يا خالي ...راشد روحي وأنا ما أقدر
أعيش بدون روح
راشد ذبحني ...راسلي رسالة يقول لي انتي بطريق وأنا
بطريق , ما أعرف كيف يفكر
وما ادري كيف هنت عليه بهذا الشكل ولا كأني ميثه اللي
يعرفها زين ...
بو راشد تجمعت الدموع بعيونه" هو لأنه يحبج يا الغالية
وما يبغيج تتعذبين معه
ميثه تبكي" وأنا أموت فيه وسعادتي بوجودي معه
بو راشد" يعني فكرتي زين وتبغين تروحين معه ؟؟
ميثه" أروح معه وين ما راح هذا لو يبغيني أعيش
لكن لو أصر على رأيه أنا بظل هنا وحيده من دونه
بكون جسد من غير روح
بو راشد يبوسها بين عيونها وعلى وجهه نظرة امتنان
ما تنوصف لهذي الإنسانة اللي الله راضي على ولده لأنها
كانت من نصيبه
بو راشد" خلي راشد علي يا بنتي انتي بس صيري جاهزة
زين أبوي؟؟
ميثه تهز براسها وهي مبتسمة
.......................
راشد يطالع فيها وهي بعد تطالع فيه ...
كان وده يصرخ بالدنيا انه يحبها للجنون ويفديها بعيونه
لكن معقولة ميثه تستاهل واحد مثلي
؟؟؟؟؟؟؟؟؟؟؟؟؟؟
,,
في الشرقية ...عند مرام اللي فارشه الفستان على الأرض
وجالسه تطالع فيه
ولا كأنها عايشه باليوم اللي تمنته سنين مع الإنسان اللي
اختاره قلبها قبل عيونها
تدخل عليها رغد " مرام ... وش جالسه تسوين ؟؟
مرام تطالعها" جالسه ...
رغد " من جدك انتي ؟؟
تدرين الحين العصر وانتي ما سويتي شي بحالك لا تحممتي
ولا ضبطتي شعرك ولا شي
مرام " طيب طيب في وقت وش فيك انتي ؟؟
رغد تجلس جنبها" أمورك غريبة يا مرام
مرام تطالعها ببرود" وش الغريب فيني ؟؟
رغد" قلتي ما تبغين كوافيره قلنا انتي كوافيره وبتضبطين
أمورك.... لكن السؤال وين الفرحة اللي تكون في وجه
العروس يوم عقدها؟؟أنا اليوم ما شفتها فيك
مرام من غير ما ترد عليها توسدت رجليها وغمضت
عيونها ورغد مستغربه من اللي جالس يصير
,,

عند طلال....كانت الدنيا كلها له
جالس يرتب حاله ....تدخل عليه شيماء وهي لافه شعرها
ولابسه بجامه
طلال باستغراب" ورى ما لبستي للحين ؟؟
شيماء تبتسم له" تدري كم الساعة الحين ؟؟
طلال" ايي ادري بس يدوب مو بعدين تأخروني أنا
بصراحة بروح ما ني منتظر أحد
شيماء" هههه الله يسعدك
طلال" وياك يا قمر ..على فكره أنا دعيت أحمد على العقد
تدرين بعد هو صار منا وفينا اليوم
شيماء اكتفت بابتسامه راحت وتركته يكمل تجهيزه
,,
في المزرعة كان مالك راكب على الخيله اللي كانت تجول
به في كل مكان وهو ما عطيها حقها بالسوط
بعد ساعة نزل من عليها من بعد ما تعب جسمه من التجول
وتعب راسه من التفكير في الكل ...
أهله ونوره وعمه وماجد , لكن يا ترى هل كلهم يستاهلون
تعبك يا مالك ؟؟
...دخل داخل الخيمة اللي كان بو عبد الله مجهزها وكأنها
خيم زمان ..شكلها كان روعه ومريحة إلى ابعد الحدود
و بو عبد الله ذوقه يتعدى الوصف لأنه مزج بين الحاضر
والماضي في هذي المزرعة اللي كانت فوق الخيال
جلس مالك وفتح له سيجاره وظل يدخن وحده ورى وحده
كانت السجاره ما تطفي غير لما تشغل أختها ...
ما كان مالك مبالي بشي , حياته مو له للشيطان يلعب فيها
على راحته ولا كأن مالك إلا الخادم الخدوم له ...
يكفيه انه هالك حاله ومتعب نفسيته وظالمها
وكأنه جالس يعاقب نفسه على جرم الزمن اللي قسى عليه
من غير ما يكون له ذنب... وهو كذا جاه اتصال
مالك ببرود" هلا
نواف" هلا مالك ...معك نواف
مالك" اهلين ...منين جبت رقمي ؟؟
نواف" اللي يسأل ما يتوه يا ولد عمي ...ممكن أتكلم
معك شوي ؟؟
مالك بهدوء" خير ؟؟
نواف" أبغي أعرف وش بينك وبين نوره ....يعني لأي
مدى علاقتكم ومن متى ؟؟
مالك" ما بيني وبين نوره إلا كل حب صادق أنبنى على
عواطف مليانه بالاحترام
نواف بجديه " يعني انت تحب نوره وتبغي ترتبط فيها ؟؟
مالك بخبث " أتوقع إن الموضوع انتهى من يوم انطردت
مثل الكلب من بيتكم
نواف" محشوم يا ولد العم ..لا تقول هذا الكلام
مالك" أي حشيمه ؟؟ ليه عمي خلى للحشيمه مكان في بيته
يا نواف ؟؟
نواف" خلاص امسحها في وجهي ولا تصير حساس
مالك بزعل" كلك خير يا نواف وانت على عيني وراسي
لكن اللي ذابحني إني ما استاهل اللي جاني وبصراحة ما
توقعت منكم اللي شفته ....
أنا جيتكم برجولي ودخلت مكان كنت محرمه على نفسي
إني أدخله ما فكرت في يوم أجي أطالب عمي بشي ويوم
موت مسعود ما جابني غير قلة الحيلة كنت أتمنى إن احد
يمسك كتفي ويطبطب عليه ويحسسني انه جنبي
كنت أتمنى إن عمي يقوم بهذا الدور لكن للأسف ما صار
لكن من يومين يوم جيتكم كنت قاصد القرب منكم في نوره
نواف بضيق " ايي بس انت حاولت تستفزنا وتثير جنونا
باتصالك بنوره وقدام الكل
مالك يتمسكن" نواف ...أنا أحب نوره من ساسي لراسي
نوره كل شي حلو بحياتي اللي ما ذوقتني الخير
نوره الملاك اللي كل إنسان يتمنى انه يعيش بقربه لو دقيقه
فرجاءا لا تلومني على أي تصرف أتصرفه حتى أتقرب من
نوره وأحمي حبي
نواف" أنا يفرحني كلامك وانك شاري اختي وحابب تسعدها
لكن اسمح لي طريقتك كانت استفزازيه كثير انت تدري إن
أهم شي عند الواحد شرفه وشرف عيلته
مالك" نواف ...مو أنا اللي ينقاله ذا الكلام
أنا أحط نوره بعيوني وما تنسى إني ولد عمها وشرفها هو
شرفي وأنا أخاف عليها من نسمة الهوا
نواف" كلامك صحيح لكن مكالماتك لها ومسجاتك كلها ما
توقف بصفك ...
وين عاداتنا ووين تقاليدنا أنا عارف إن الحب جنون لكن
حط نفسك مكاني محد يرضى انه يكتشف إن أخته فالتها فل
من ورآه ويتقبل بكل صدر رحب , انت ترضاها على حالك
يا مالك ؟؟
مالك" خلاص كل شي راح أنا غيرت رقمي ....
ونوره ما أدري عنها شي وما اتصلت فيها بأي طريقه من
الطرق تطمن يا نواف
نواف ارتاح كثير من كلامه" والنعم فيك والله يا مالك
وأنا من تأكد من هذا الشي زين بدليل انك ما تدري بمرض
نوره للحين
مالك يتصنع اللهفة" نوره ؟؟ خير وش فيها طمني تكفى يا
نواف
نواف" والله نوره مو بخير دمعتها ما تنشف من خدها
وطول الوقت مالها إلا سيرتك وحتى الأكل والشرب ما
طبوا فمها من صار اللي صار
مالك بهدوء" ليتني استاهلها
نواف بابتسامه" انت تستاهلها يا مالك
مالك بخبث" لو أستاهلها كان وافقتوا علي وما تعذبت على
شاني كل هذا العذاب
نواف" لا تخاف يا مالك أنا واقف معكم وقول نواف قال
مالك على وجهه ابتسامه " وش قصدك ؟؟
نواف بحده" ما راح ألاقي لأختي واحد أخير منك ....الحين
اركب سيارتك أنا انتظرك
مالك بفرح" من جدك ؟؟ وعمي ؟؟
نواف " هههههه خلي كل شي علي وعلى فكره نوره تتمنى
تسمع خبر طيب يا ليت تكلمها تطمنها عن حالك
مالك" صار ...ثلاث ساعات وأنا عندكم
سكر مالك الجوال وعلى وجهه ابتسامة رضى
مالك" والله وجا اليوم اللي تترجاني فيه يا عمي العزيز
وتعرف إن مالك إذا وعد وفى
..................
,,
في دبي وصلت الطائرة وميثه للحين بعيده عن راشد
لا سمع صوتها ولا شاف ملامحها ....كانت نظراتها
تتهرب منه , وراشد بعد ما كان مصدق ويفكر في نفسه
معقوله ميثه بتجلس معي على طول ولا بتجلس يومين
وبتمل مني
؟؟؟؟؟؟؟؟؟؟؟؟
في السيارة ....
بو راشد" الحمد لله على سلامتك يا ولدي
راشد ببرود" الله يسلمك
أم راشد" الحمد لك يا ربي على هذي النعمة إحنا في بلادنا
من بعد هذي الغيبة
راشد كان يفكر بينه وبين نفسه رجعت لك يا دبي لكن
شلون ؟؟؟ على كرسي بعجلتين بدونهم أنا ما أسوى شي
والله يا زمن ما تضحّك احد إلا لما تبكيه
بو راشد" هاا اشتقتي لدبي يا أم راشد ؟؟
أم راشد بفرح" ايي والله اشتقنا لريحه ترابها بلد الخير
وأهم شي إن إحنا رجعنا سالمين غانمين وعندنا هدية من
السعودية
راشد ما تكلم بكلمه مع إن فرحته بميثه ما تنوصف ممكن
جالس يخبي ويكذب على حاله لكن نظراته لها تثبت انه
ميت بهواها مووووت
طروب" هههه أمي مو سايعتنها الفرحة صارت تشعر بعد
الكل ماعدا راشد " ههههههه
وصلوا البيت
نادوا على البواب اللي بسرعة جا ركض رفع راشد
بمساعدة بو راشد وجلسوه على الكرسي وراشد كان
متواخذ كثير لأن ميثه كانت واقفة وتطالعه
ميثه بكل هدوء استأذنت خالها إنها هي اللي تمسك الكرسي
وتدّخل راشد للبيت
من مسكت الكرسي الكل راح من قدامهم وراشد ساكت لكن
الوضع ما كان عاجبه
ميثه رفعت لثامها واتجهت براشد للحديقة
راشد بتردد" ميثه من هنا البوابه وين رايحه ؟؟
ميثه" لا تخاف ما نسيت لكن أنا ودي نروح نشم هوا
في الحديقة وش رأيك؟؟
راشد اكتفى بالسكوت".............
وقفته ميثه بجنب الكراسي اللي في الحديقة وجلست قدامه
ميثه كانت تطالع براشد اللي ما كان يلتفت عليها أصلا
وكأنه يهرب من واقعه المر
ميثه بجرأة" حبيبي ...
راشد الفتت انتباهه هذي الكلمة وأجبرته انه يسلط أنظاره
لميثه
ميثه بهدوء" تذكر هذا المكان ؟؟
راشد" وش فيج يا ميثه لا يكون تفكريني فقدت ذاكرتي فوق
الشلل اللي صابني؟؟
ميثه ضايقها كلامه لكنها حاولت تتجاهله " يوم كنا عندكم
في دبي آخر مره كنت جالس مع إخوانك وإخواني تسولفون
وتضحكون وتلعبون وإحنا كنا نطالعكم من هذي البلكونه
راشد رفع راسه للبلكونه تجاوبا مع كلامها "........
ميثه" تدري؟؟ وقتها ما شلت عيني من عليك تدري ليه ؟؟
كانت فيك جاذبيه غريبة تجبر الواحد ينسى حاله وهو يطالع
فيك وقتها بس تمنيت انك تكون من نصيبي
راشد يطالعها وعيونه تتلاعب فيها الدموع" زمن راشد
الجذاب راح ...إنتهى
ميثه بقوه" غلطان يا راشد ....أنا للحين أشوفك راشد
الأولي طريقة كلامك ونظراتك وابتسامتك ما تغير شي
بالنسبة لي
أنا للحين ما نسيت مسكة يدك ليدي لما وعدتني انك
تعيشني سعيدة طول عمري
راشد بحسره" ليتج سمعتي كلامي وابتعدتي عني
ميثه بزعل" ترجع وتقولها مره ثانيه يا راشد ؟؟
راشد بصوت متقطع" من حبي لج يا ميثه
ميثه" وهذا الحب بالنسبة لك ؟؟؟
انك تتركني أعيش الفراق لبعدك وأنت الهوا اللي أتنفسه
هذا العدل تعتبره؟؟
أنا للحين شاريتك يا راشد بالرغم من الكلام القاسي
اللي كتبته لي في رسالتك تكفى لا تخليني أتندم إني
سامحتك
راشد ما قدر يتكلم وظل ساكت لكن سكوته فجر عواطف
ميثه اللي كانت تترجى انه يتجاوب معها
عندها انهارت وصارت تبكي ..كان صوتها يقطع قلبه
ومانعه حتى يتنفس
راشد بزعل" ميثه أنا مو قاسي أنا احبج على شان جذي ما
أبغيج تخسرين شبابج مع واحد مثلي
ميثه تحط يدها على فمه حتى ما يكمل" بيعني بالسوق يا بعد
عيني بس لا تقول هذا الكلام ...
أنا مرتاحة كثير والله مرتاحة دوم إني اسمع صوتك
وأشوف نظراتك لي
راشد بحب يمسح دموعها" تدرين فيني ما أحب أشوف دموعج
ميثه" الدنيا فيها أشياء حلوه كثير
خلينا نطالعها بمنظور ثاني ....أنا زوجتك وواجبك علي
إني أكون جنبك وواجبك لي انك تحبني أكثر من ما أحبك
وتحطني بعيونك
راشد أخيرا ارتسمت على شفايفه ابتسامه" أحبج وربي حب
محد ينافسج عليه
ميثه صارت تطالعه بنظرات أمل وتفاؤل
راشد بحب" نورتي دبي يا الغالية
ميثه" نورت وجهك ووجهي بابتسامتك
راشد بفرح" أنا مستعد أتحمل ضيم الدنيا طول ما انتي
جنبي يا بعد جبدي
ميثه والفرح ينط من عيونها" وش رايك ندخل داخل ؟؟
راشد بحنيه" انا بين يدج وديني وين ما بغيتي
..................
,,
في الشرقية كانت مرام جالسه على الأرض في غرفة
الضيوف
شيخه بفرح" هااا يا عروس جاهزة ؟؟؟ الشيخ وصل
رغد " لحظه لا يدخل خلينا نجيب الفاكهة يقولون يفضل
نحطها وقت العقد
مرام بضيق" لااا منو اللي بيدخل؟؟
شيخه" محد ...أصلا الشيخ ما بيدخل أبوي هو اللي بياخذ
الوكالة منك
مرام بحزم" محد بياخذ الوكالة مني إلا مالك
رغد باستغراب" وين مالك؟؟
مرام بضيق" شوي ونشوفه عندنا أنا متأكدة انه ما بيتركني
في هذا اليوم
شيخه" خلاص ننتظر..بس لو تكلمونه
أم مسعود بضيق" دقينا عليه ما يرد
مرام نزلت راسها " ما راح اعقد إلا لما يجي
شيخه تطالع عمتها اللي كانت متضايقة كثير " ننتظر
ما عندنا شي
..............
,,
قدام بيت بو نواف كان مالك واقف يطالع البيت من بره
وكان يكلم نفسه ....راح أدخلك وأنا رافع الراس يا بيت
الشيوخ
في المجلس كانوا جالسين نواف وطارق وبو نواف...شوي
إلا ويدق الجرس
نواف" طارق قوم افتح ...
بو نواف" ما أبغيك تتكلم أو تتدخل فاهم؟؟
نواف " على أمرك ...
يدخل مالك عليهم" السلام عليكم
بو نواف" اجلس هنا
كان يأشر على مكان بعيد شوي عنهم حس مالك إنهم
جايبينه يحققون معه لكن هذا كله مو على مالك
بو نواف" وش عندك ؟؟
مالك" أنا؟؟ هههه ما عندي شي
بو نواف ابتدئ يتوتر" وش له جاي ؟؟
مالك ببرود" والله نواف قالي تعال أنا جيت
بو نواف" تكلم باللي عندك بخصوص نوره
مالك باستهزاء " وتعطيني الأمان يا شيخ؟؟
بو نواف عصب وقام من مكانه ...لكن نواف هدأه وجلسه
وراح لمالك وطلب من عنده انه ما يستفزه لان هذا الشي
مو من صالحه ولا من صالح نوره
مالك بهدوء" يا عمي بو نواف أنا جاي طالب القرب منك
في بنتك المصون وبحكم إن أبوي ميت وما عندي أحد اشد
فيه ظهري جيتك لحالي
بو نواف بحده" وش عندك ؟؟
مالك" ما عندي شي غير راتبي وبيت أبوي
وطبعا البيت مو لي بروحي انت عارف ان البيت للورثه
بو نواف" شلون بتتزوج وانت حافي منتف؟؟
مالك" أنا بحجزها لحد ما ربك يسترها
بو نواف" لا يكون تفكرها شقه بتحجزها ؟؟
مالك بضيق" وش تبغي أقولك يا عمي أنا ما عندي شي
حتى أتزوج وافتح بيت غير راتبي وما يصير أتزوجها
وأبهدلها معي
بو نواف" وطالما انت عارف إنها مو من مستواك ليش
جايها خاطب؟؟
مالك ببرود" الحب يا عمي قتّال
بو نواف بحده" طلع الفلوس اللي بجيبك
نواف متواخذ" يبه وش له هذا الكلام؟؟
بو نواف بصراخ" لا تتدخل
مالك بابتسامه رفع المحفظة من جيبه وحسب اللي بداخلها
مالك" تفضل يا عمي ما بداخلها الا 322 ريال
طارق كان جالس يطالع فيهم وخاطره انه يضحك لكنه
خايف من أبوه....استلم بو نواف من عنده الفلوس والتفت
على نواف
بو نواف بحده" نواف دق على الشيخ حتى يجي نعقد على
نوره ومالك وهذا مهرها
مالك وقف على طوله وهو مو قادر يستوعب
؟؟؟؟؟؟؟؟؟؟؟؟؟؟؟؟؟؟





كبرياء رجل وشذوذ إمرأه
البارت التاسع والثلاثون

مالك بابتسامه رفع المحفظة من جيبه وحسب اللي بداخلها
مالك" تفضل يا عمي ما بداخلها الا 322 ريال
طارق كان جالس يطالع فيهم وخاطره انه يضحك لكنه
خايف من أبوه....استلم بو نواف من عنده الفلوس والتفت
على نواف
بو نواف بحده" نواف دق على الشيخ حتى يجي نعقد على
نوره ومالك وهذا مهرها
مالك وقف على طوله وهو مو قادر يستوعب
؟؟؟؟؟؟؟؟؟؟؟؟؟؟؟؟؟؟
\\
//
\\
في دبي تجمعوا كلهم على السفرة ماعدا ميثه وراشد
راشد يطالع بميثه" حبيبتي من وصلنا وانتي ما ارتحتي
ميثه " مرتاحة كثير وأنا بجنبك
راشد يبوس يدها" الله لا يحرمني منج ...صحيح الله ما
يقطع من جهة إلا ويوصل من جهة ثانيه
ميثه "ودك أجيب لك الأكل هنا لعندك ؟؟
راشد" وش رايك ناكل بغرفتي اللي راح تنور بدخولج فيها
ميثه خجلانه"............
أم راشد جايبه له عشاه لعنده" ما اوصيج براشد يا ميثه خليه
ياكل كل الأكل حتى يرد عضمه
ميثه" بهدلتي حالك يا خالتي
أم راشد" وه هذا غناتي ويحلى التعب له
راشد" تسلم الأيادي يا غالية ...
يمه وصيها علي خليها تهتم فيني زين أنا مريض وتلزمني
رعاية
أم راشد" هذي القمر ما تحتاي توصيه ....تحبك وهمها
رضاك
راشد صار يطالعها وعلى وجهه ابتسامه" أدري يمه
تخبريني عنها ؟؟
ميثه" وش رايك تحب الليمون بالشوربة؟؟
راشد" إييي والله أحبه وأحب تشربيني إياها بعد
ميثه صارت تطالع بخالتها وهي محرجه
راشد" أنا مريض وما أقدر ارفع الملعقة أكثر من مره
....أتعب
أم راشد" أكليه يا يمه هذا ريلج لا تستحين
راشد" يمه أسمع أبوي يقول بنيلس بالملحق
أم راشد" اييي يمه بس يبغي له ترتيبات وأثاث انت راح
تيلس في غرفة الضيوف وميثه عند البنات لحد ما نرتب
لكم الملحق
راشد مذهول" لا ...ما يصر كذا أنا بمكان وزوجتي بمكان
؟؟ أنا مو موافق
أم راشد" كلها يومين وراح تصير معك ...لا تستعيل وأنا
أمك
راشد يبتسم" هههه طيب بس لازم تيلس عندي لحد ما أنام
وبعدين براحتها
أم راشد" والله مرتك يمك وانت أبصر بحالك
راحت أم راشد عنهم عندها ميثه صارت تطالعه
ميثه" خجلتني منها كيف تقول قدامها كذا عني ؟؟
راشد" حقي ...زوجتي وبكيفي
ميثه" هههه والله انك عجيب
راشد" عارف عارف ...بس يا لله أنا جعت بتأكليني ولا
لا ؟؟
ميثه" لا ... والله استحي قدامهم
راشد" وأنا قلت لك بوسيني ؟؟ يكفي إني بيلس بالغرفة
لحالي لحد ما يجهزون لنا الملحق
ميثه" ههههه
راشد بزعل" لو ما بتأكليني ما راح أسوي العملية
ميثه"؟؟؟؟؟؟؟؟؟؟؟؟؟؟؟؟؟
..............
,,
بو نواف بحده" نواف دق على الشيخ حتى يجي نعقد على
نوره ومالك وهذا مهرها
مالك وقف على طوله وهو مو قادر يستوعب" معقولة
الكلام اللي اسمعه ؟؟؟
بو نواف" مو انت تبغي نوره ؟؟ نوره لك
نواف بزعل" اييي يبه بس مو بهذي الطريقة
بو نواف" يا تعقد اليوم ولا اتكل
مالك جلس وهو براسه ألف سؤال يحتاج إيجابه وأولهم
كيف تكون نوره من نصيبه؟؟
,,
وصل الخبر من طارق لنوره اللي طلب منها ترتب حالها
نوره بفرح" من جدك ؟؟ لا تكذب طارق تكفى
طارق" وربي ما كذبت اللي سمعته إن مهرك 322 ريال
نوره وعلى خدها دموع الفرح تلم طارق وتبوسه" حبيبي يا
اخوي لك هديه على هذا الخبر
طارق باستغراب" من جدك فرحانة؟؟
نوره" بمووووت وربي هذا الحلم اللي كنت أحلم فيه طول
عمري ...وأخييييرا يا مالك
طارق طلع من عندها وهو مستغرب ؟؟؟؟؟
نوره راحت عند المرايه تطالع بحالها
شافت وجه شاحب لكنه مليان فرحه وحب صارت تدور في
الغرفة على حالها وهي تغني وترقص
تدخل عليها أم نواف" ههههههه وش جالسه تسوين ؟؟
نوره" يمه أبوي وافق أخيرا ...
أم نواف" عارفه يا بنتي الله يسعدك لكن دخلي تروشي
بسرعة الشيخ على وصول
نوره وهي تسحب المنشفه من على الشماعة" يا لله يا لله
خمس دقايق ...
أم نواف فتحت الدولاب تطلع لها فستان يستاهل هذي
المناسبة المميزة والمفاجئة بنفس الوقت
...........
,,
في الشرقية عند مرام ...........
شيخه " مرام الحين الساعة 9 متى يعني؟؟ الشيخ ما راح
ينتظر أكثر وطلال بدى يتوتر
مرام دموع بس".............
أم مسعود" ذكري الله يا بنيتي ...أخوك ما تشغله عنك إلا
الظروف
شمسه" والله حقه طلال يزعل ويروح ما يرجع وش ذا
اللعب بالأعصاب ؟؟
شيماء تسحبها وتطلعها لبره
طلال من بعيد" شيخه ....أم محمد تعالي
شيخه " يا لله اخوي دقيقه
مرام تطالعها"...........
شيخه بحيرة" وش أقوله الحين ؟؟
مرام بزعل" قولي له ما اقدر بدون وجود مالك ... شيخه
تكفين خبريه إن هذا الشي غصب عني مو بكيفي
شيخه تطالع بعمتها...اللي كانت محتارة وما تقدر تقول شي
طلعت شيخه لطلال اللي كان واقف ينتظرها
طلال" وش جالسين تسوون لهذا الوقت ؟؟ أحرجتونا مع
الشيخ عنده ارتباطات ومشاغل كثير غيرنا بيروح لها
شيخه" هدي يا اخوي لكن مرام مو راضيه تعقد
طلال بذهول" شنوو؟؟ شيخه وش قلتي ؟؟
شيخه بضيق" مو راضيه تعقد إلا لما يكون مالك موجود
طلال " ليش هو كان لعب عيال ولا كيف ؟؟
شيخه" لازم تعذرها يا اخوي نفسيتها تعبانه ووجهها متورم
من البكي
طلال تأزم " يعني مالك وينه؟؟
شيخه" ما أدري ... وهم يكلمونه ما يرد عليهم
طلال" يعني كيف ننتظر؟؟ بجهنم إن شاء الله وش دخلني أنا
فيه ؟؟ المفروض إن عنده علم بموعد العقد
أنا ما راح انتظر احد ...ولو يبغي يجي كان هو أول واحد
كان موجود
شيخه" طلال المفروض تكون انت العاقل وتتفهم
طلال معصب "طيب وينها هي الحين .... خليني بدخل
اكلمها
شيخه" لااااا وش تدخل البنت تعبانه كيف بتكلمها أصلا هي
ما راح ترضى
طلال بيجن" خبريها لو ما عقدنا اليوم ما راح نعقد بيوم
ثاني ...خبريها إني مو لعبه بيدها
شيخه" اذكر الله يا اخوي ...ولا تعقد الأمور
طلال متنرفز" هذا اللي عندي وعندكم ربع ساعة يا أما
تحلون اللغز ولا بعدها ما بتشوفوني
راح طلال وهو معصب حده ...رجعت شيخه لهم
شيخه" والله مو عارفه وش أقول
أم مسعود" لا تقولين شي صوت طلال كان واصل لعندنا
مرام تبكي" خلاص براحته خليه يروح
شيماء تروح تجلس عندها" مرام لا تعقدين الأمور ...تكفين
لا تخلين سبب بسيط يدمر حياتكم وحبكم
مرام" كلكم مو حاسين فيني ...أنا ما أقدر اعقد واخوي
الوحيد مو جنبي, حرام عليكم كلكم ضدي
أم مسعود" يمه عقدي اليوم والحفلة نخليها ليوم ثاني
شيخه" كلامك عين العقل عمتي ....العقد اليوم ولما يرجع
مالك نسوي الحفل ,وعندها مالك هو اللي يقدمك لطلال بيده
ها وش قلتي؟؟
مرام تمسح دموعها" براحتكم
أم مسعود " يا لله يا بنات دقوا على بو طلال يجي ياخذ
موافقة مرام
.....................

,,
في جده .....
يدخل ماجد الشقة ويسمع صوت صيته تدندن بأغنيتها
المفضلة ((أحبك)) بدورة المياه
ماجد جلس وفتح التلفزيون وكأنه كان يتابع شي
طلعت صيته لكنها تفاجأت بوجوده " بسم الله الرحمن
الرحيم
ماجد بضيق" شفتي عفريت ؟؟
صيته" لا عذرا لكني قفلت الشقة ما توقعت احد يدخل هذا
الوقت
ماجد" الظاهر انك نسيتي إني زوجك وهذي شقتي بعد
وعندي مفتاحها ؟؟
صيته" خلاص ماجد لا تكبر الموضوع ما صار شي
ماجد بهدوء" أتمنى
صيته دخلت غرفة الملابس تلبس ...
ماجد بحنان" حبيبتي
صيته" هممم
ماجد" أنا عازمك على طلعه أوريك جمال جده
صيته تطلع له" مو اليوم
ماجد كان منجذب لها كانت لابسه الفستان اللي يحبه عليها
...فستان ليموني قصير فيه حزام ابيض عريض وجزمه
بيضا وشعرها مخليته على راحته
صيته لاحظت نظرات ماجد " وش فيك تطالع فيني كذا ؟؟
ماجد يقرب منها" لبستي الفستان اللي احبه ... افهم من كذا
انك لابسته على شاني؟؟
صيته تطالع بحالها" ما انتبهت ..على العموم كويس انه
عجبك
ماجد" يعني من رأيك نسهر بالبيت ؟؟
صيته" اييي راح يجون جاراتكم يبغون يتعرفون علي
ماجد يطالعها بنظرات غريبه" اهاا وكل هذا الزين لهم ؟؟
صيته بلا مبالاة " أنا اليوم صورتك يا ماجد وإذا كنت حلوه
راح يقولون زين ما اختار ماجد .... ههه وهم ما يدرون
إنها كانت صدفه
ماجد فهم هي شنو تقصد من كلامها " أجمل صدفه
صيته تطالعه " أتمنى
ماجد" بالتأكيد راح يشوفون جمال مو معقول ...لكن يا ليتك
تقرين على حالك حتى ما تصيبك العين
صيته" هههه لا توصي حريص جدتي عودتني على طول
أقرى على حالي المعوذات حتى لو كنت بين حبايبي
ماجد بحب" تقصديني أنا؟؟
صيته تتهرب منه تطالع نفسها بالمرايه نظره أخيره" يا لله
استأذنك بروح الحين يمكن الضيوف وصلوا
ماجد يمسك يدها" حبيبتي...ما تلاحظين من جينا جده
ما جلسنا مع بعض؟؟
صيته ببرود" في وقت ان شاء الله
ماجد يقرب منها ويهمس لها كلمات حب صادقه
صيته" ماجد ...انت عارف اللي صار... يعني ما حاجه
تلبس لي قناع الحب وأنا عارفه شعورك تجاهي زين
ماجد بزعل" صيته انتي زودتيها وأنا ما أسمح لك تعامليني
بهذي الطريقة
صيته تتحاشاه " انت اللي جبرتني يا ماجد
ماجد" وأقدر أجبرك على أشياء كثيرة بعد
صيته بخوف" هذا الواقع ...أنا ما جبت شي من عندي أنا
اعرف شعورك تجاهي على شان كذا ما يحتاج نلعب على
بعض ونتصنع الحب قدام الناس
ماجد وعيونه بعيونها" خير خير ...أنا بسوي كل اللي تبغين
يا صيته وبعدها لا تلومين إلا حالك فاهمه ولا لا؟؟
طلع من قدامها وهي ترجف من الخوف كان ماجد في قمة
غضبه وهذا الشي بدى يوترها وخلاها تسأل نفسها هل اللي
جالسه تسويه صح أو غلط
؟؟؟؟؟؟؟؟؟؟؟؟؟؟؟؟؟؟؟؟
,,
في الرياض وعند عريس الغفلة ...وصل الشيخ وكان الكل
متأزم وكأنها جنازة مو زواج
ولما سأل الشيخ كم المقدم تفاجأ بالسعر اللي همس له بو
نواف له ولما سأل عن المؤخر
مالك تفاجأ من رد بو نواف يوم قال المصحف الشريف
كانت تصرفات بو نواف غريبة كثير
بعد ما طلب الشيخ انهم ياخذون وكالة العروس طلب بو
نواف إن العروس تدخل قدام الشيخ حتى يسمعها بإذنه
كان العقد بارد ما فيه احد غير نواف وأبوه وطارق حتى بو
تركي ما كان عنده علم
شوي وتدخل نوره وهي لابسه عبايتها وشيلتها وحاطه على
راسها طرحه خضره طويلة راحت وجلست قدام مالك
كمل الشيخ الإجراءات وبارك لهم وراح طارق يوصله لعند
الباب عندها بس قام نواف وبارك لمالك ورفع طرحة نوره
وبارك لها
مالك ما رفع راسه لها أبدا ولا حتى طالعها مع إنها كانت
تطالع فيه وعيونها ما شالتها من عليه
دخلوا أم عبد الرحمن وأم نواف وهم يزغردون لكن صرخة
بو نواف فيهم خلتهم ما يقدرون يتنفسون بعدها
بو نواف" مالك...خذ عروستك واتكلوا على الله
نواف باستغراب " ياخذها ؟؟ ياخذها على وين ؟؟
بو نواف" مالهم مكان ببيتي ...حتى زيارة ما أبغي أشوفهم
جايين وطابين ذا البيت برجولهم
نوره" يبه ...انت وش تقول ؟؟
بو نواف" اللي سامعتيه ...انتي ما بغيتي مالك وكنتي
بتذبحين نفسك على شانه هذا هو يمك روحي معه
أم عبد الرحمن" صل على النبي وين تبغيهم يروحون بهذا
الوقت ؟؟
بو نواف معصب " الفنادق ماليه البلد ....ولا ولد الأجاويد
ما عنده فلوس يدفع للفندق
مالك يطالعه والحقد بينط من عيونه "...........
بو نواف "أم نواف ....روحي حطي لنوره كم غرض
وخليها تروح
نوره بحزن" ليه يبه... ليه تسوي فيني كذا ؟؟
مالك جالس بس يسمعهم ويفكر بالمصيبة اللي حطت فوق
راسه"..........
نواف" يبه اسمعني ..
بو نواف بصراخ" بس ولا كلمه ...أنا قلت مالك ونوره
مالهم جلسه ببيتي وأنا ما اثني كلمتي
مالك بضيق يمسك يد نوره " يا لله نوره وش تنتظرين ؟؟
نوره تبكي" انتظر يا مالك ...
مالك" تبغيني أتهزأ واسمع إهانات اكثر من كذا ؟؟
نوره تطالعه وهي تبكي"..........
أم نواف" لحظه مالك أحط لها كم غرض...
مالك" دام إنها معي ما راح تحتاج لشي لا منكم ولا من
غيركم ...يا لله في أمان الله
راح مالك ويده بيد نوره اللي كانت تبكي من قلب كان هذا
الشي اللي ما توقعته من أبوها
نواف بحده" مالك انتظر ...
مالك يوقف ويطالعه بدون ما يتكلم"...........
نواف" ما راح تخلي نوره تسلم على أمها وجدتها؟؟
مالك يطالع بنوره" أنا انتظرك بالسيارة
عندها ترك مالك يد نوره اللي راحت جهة نواف ورمت
حالها في حضنه وصارت تبكي على صدره
نواف متضايق " حبيبتي لا تبكين ..أروح فدوه لعيونك يا
بعد عيني خذي هذي
نوره" شنو ؟؟
نواف" هذي بطاقة بنك فيها ما يقل عن 200 ألف خليهم
عندك يمكن تحتاجينهم
نوره" الله لا يخليني منك ...لا تنسوني خلوني أشوفكم
نواف" أكيد لا تحاتين إحنا مالنا غنى عنك ... يا لله روحي
سلمي على أمك وجدتك
راحت نوره سلمت عليهم وهم دموعهم ما تبارح وجههم
ونوره حايره في عمرها ونست الفرحة في هذي اللحظة
هناك عند مالك اللي كان جالس في سيارته وهو يفكر باللي
صار شاف نواف قدامه ...طلع مالك من السيارة
نواف" بالله لا تواخذ أبوي على تصرفه ...أنا مو واقف
معه لكنه ما ينلام يا مالك ولا تنسون انت ونوره إن انتوا
اللي بغيتوا هذا الشي ولازم تتحملون
مالك " لا تشيل هم إحنا بخير طالما راح نكون مع بعض
ولبعض
نواف" الله يسعدكم ...ما أوصيك على نوره يا مالك
مالك" في عيوني ..كيف توصيني على روحي يا نواف؟؟
نواف" تسلم روحك ...خذ هذي ألفين حتى تشوفون لكم
فندق تباتون فيه
مالك يبعد يد نواف عنه" افا بس يا ولد العم ....عندي خير
نواف" اعذرني يا خوك بس قلت يمكن مو شايل بجيبك
فلوس غير ....
مالك" هههه غير مهر نوره ها ؟؟
نواف" هههه يا لله الله يسعدكم ..أشوفك على خير
تطلع نوره من عندهم وهي مو شايفه قدامها من البكي
وتركب السيارة
مالك" سلام
نواف" سلام
.............
,,
في الشرقية بعد العقد جلست مرام في غرفتها وقفلت الباب
عليها
وطلال جالس في المجلس مع أهله وهم يتكلمون ويسولفون
وهو مو وياهم
تصرف مرام هزه من داخله وخلاه ما يفكر غير بموقفه
وهو جالس معهم... وطول اليوم كان تفكيره كيف يجلس
معها وكيف كلمها وكيف يعبر لها عن اللي بداخله
ما شاف حاله إلا يوقف" أنا ماشي
أم طلال" يا لله يمه إحنا بعد بنمشي معك
طلال" لا أنا بروح بروحي .... بروح عند أحمد
شيخه" إحنا بنروح مع أبوي... اخذ راحتك انت
راح طلال وهو نفسيته تعبانه كثير ...عندها بس استأذنوا
الجماعة وراحوا
راحت رغد ودقت الباب على مرام اللي فتحت لها الباب
وهي ما عطتها ظهرها
رغد" راحوا ...
مرام" في وداعة الله
رغد" طلال متضايق كثير أتوقع انه بيكلمك
مرام" هذا ما يخصك...يكلمني أو لا
رغد" عارفه ...على فكره أمي كلمت مالك وقال انه كان
عنده شغل وما قدر يجي ويمكن ينام بره الليلة
مرام طالعتها من غير ما ترد عليها"...............
رغد" لا تخافين أمي ما قالت له شي
مرام" رغد أنا بنام لو انتي ما فيك نوم طلعي بره
رغد" بمسح ماكياجي وبنام
مرام" خلاص ما ابغي اسمع صوتك
رغد تطالعها وهي تغطي حالها بالبطانية وصوت بكاها
واصل لآخر الدنيا
.................
,,
في السيارة عند مالك ونوره كانت تبكي ومالك مو
ما عطيها وجه ...
وصل لعند فندق (.....) نزل مالك بعد ما قفل على نوره
الباب وطلب منها إنها ما تنزل لو تأخر
دخل لقى موظف الاستقبال قابله بابتسامه كبيره
مالك" السلام عليكم
الموظف" وعليكم السلام ...أهلا وسهلا
مالك " لو سمحت في عندكم غرف فاضيه ؟؟
الموظف" اييي بالتأكيد
مالك" بكم الغرفة عندكم؟؟
الموظف" ب 1200 مع وجبة الفطور ...تحب تشوفها ؟؟
مالك صار يفكر بينه وبين نفسه ويقول إن هذا مبلغ مو صغير هذا بقيمة راتب تستلمه أمه من الشؤون بالشهر
وانه بهذا المبلغ يقدر يشتري لخواته أسره تريحهم من
نومه الأرض.... أو انه يشتري لهم مكيف يحطونه
بالمطبخ بدل ما يشغلون لهم مكيف الصالة ويفتحون
باب المطبخ حتى يجيهم رذاذ الهوا.... أو يشتري لهم
دفايتين زيت تريحهم من برودة الجو.... أو انه يشتري
لأولاد أخوه ملابس يفرحون فيها
شكر مالك الموظف وراح من عنده وركب السيارة
نوره" هااا ما في حجز ؟؟
مالك " هااا ..لا عندهم الغرف فل
قلت له مو مشكله ناخذ سويت لكن بعد ما عندهم
نوره" والحل؟؟
مالك" من رايي إن إحنا نمسك الطريق للدمام
نوره" براحتك حبيبي
مالك" ههههه
نوره تبتسم له" وش اللي يضحكك ؟؟
مالك" منو يصدق إني راجع للشرقية ويدي بيدك
نوره" هذا لأن إحنا وقفنا قدام العالم حتى نحمي حبنا
مالك يطالع نوره وهو يضحك من داخله لأنه ما قدر يقول
لها السبب اللي خلاه ما ياخذ غرفه في الفندق إن هذا المبلغ
يجيب له ثلاث من شاكلة نوره
؟؟؟؟؟؟؟؟؟؟؟؟؟؟؟؟؟
,,
في جده كانت الجلسة ولا أحلى وكانوا جارات أم ماجد
رهيبين وجلستهم ما تنمل ...لكن صيته في نهاية الجلسة
ما كانت على بعضها
أم ماجد" يمه صيته إذا تعبتي روحي غرفتك لأن إحنا
جلستنا مطوله
صيته" هههه والله ما ودي أقوم لكن بروح اكلم أهلي وأغير
ملابسي
أم شاهين" الله يسعدك يمه وسلامي الخاص لجدتك اللي
حبيناها من زود كلامك عنها
صيته" هههه يوصل
راحت صيته في غرفتها وهي متضايقة وتحس إن معدتها
ثقيلة عليها ...
راحت لدورة المياه وغسلت وجهها وبدلت ملابسها
وتسطحت على الأريكة
دخل عليها ماجد وهو مو ناوي انه يكلمها بسبب تعاملها
الجاف معه....لكن من طاحت عينه على وجهها وشاف
شحوب لونها قرر انه يكلمها
ماجد" حبيبتي بك شي ؟؟
صيته" سلامتك لكن أحس إني تعبانه ومعدتي شاده علي
ماجد بخوف" قومي اوديك الدكتور لازم نتطمن عليك
صيته" ههه ما فيني شي بس خالتي ما خلتني أقوم لين
شربتني دلة القهوة
ماجد" ههه سوتها فيك ؟؟
صيته" ليه هذي كانت عادتها ؟؟
ماجد" تخيلي مانعها الدكتور من شرب القهوة ولأنها متعودة
تسويها كل يوم صارت تجلس أبوي وتخليه يشربها
صيته" هههه يا ليت خبرتني بطني بينفجر
ماجد" قومي نتمشى بره بالحديقة يمكن ترتاحين
صيته ببرود" لا بكلم بيت أهلي وبعدين بنام
ماجد بزعل" براحتك
جلس ماجد بجنبها ومسك الروموت وصار يقلب بالمحطات
عندها خذت صيته جوالها ودقت على جدتها أم عبدالرحمن
اللي ردت عليها وهي تبكي
صيته بصرخه "جدتـــي
أم عبد الرحمن" قلبها انتي يا بعد كل هلي ...شلونك يمه؟؟
صيته" أنا بخير وعافيه ومو قاصرني شي غير شوفتكم
أم عبد الرحمن" هاا بشري يمه عسى ماجد مريحك؟؟
شوفي خبريني كل شي صار بينكم
صيته" ههه ماجد ما في مثله وخالتي حاطتني على كفوف
الراحة ودلع بعد يا حبي لها صايره أكثر من أخت
ماجد صار يطالعها وعلى وجهه ابتسامة رضى"......
أم عبد الرحمن" وييه دلع ...ما ادري وش فيني معها
صيته" ما ادري عنك بس لا يسمعك طارق
أم عبد الرحمن" هذا هو يمي ويشد السماعة من إذني
طارق" هلا وغلا ...طارق زين الشباب يتكلم
صيته" هلا والله بالوسيم
طارق" قولي قسم ؟؟ أنا عارف هذا الشي بس وش نقول
للي ما عندهم ذوووق
صيته" طارق ما أوصيك على الغالية لا تزعلها
طارق" منو؟؟ سحوره ؟؟ هذي بقلبي ...هي الهوى والماي
بدونها ما أسوى شي
أم عبد الرحمن" غصب عن اللي جاب أبوك
طارق" أقول أختي وش سويتي بموضوعي
صيته" أي موضوع؟؟
طارق" دلع ...كلمتيها لي
صيته" أنا جالسه أمهد الطريق وعلى العموم في أشياء كثيرة
تسرك يا لحبيب
طارق" تكفين أختي حبيبتي قولي وفرحيني
صيته تواخذت" ماجد بجنبي ويسلم عليك
طارق" اهاا فهمت عطيني إياه خليني اتميلق له
صيته" هههههههه يا لله هذا هو معك
ماجد" هلا وغلا بالنسيب
طارق" هلا فيك ...هاا بشرنا عن أمورك عسى بس مو
مأذيتك صيتوه
ماجد يمسح على شعرها " أفا بس صيته بلسم على القلب
هي مثل نسمة الهوى كيف تأذي؟؟ وثانيا انتبه على كلامك
لأني ما أرضى فيها
صيته نزلت وجهها وعليه ابتسامه عريضة
طارق" افا بس
ماجد" أنا بس ودي تقول لي كيف البيت بدونها ؟؟
طارق" والله البيت ممل حد الجنون
ولا اليوم مالك ولد عمي عقد على نوره وأخذها معه وأنا
حاط وجهي بوجه سحوره
ماجد ارتبك كثير وصار يطالع بصيته
طارق" يا لله اسلم عليك ...بوس لي صيته طيب؟؟
ماجد بهدوء" مع السلامة
سكر ماجد وصيته تطالعه" ليه سكرت ابغي اكلم أمي
ماجد" ما ادري طارق سكر الخط
صيته" خلاص بعد شوي بكلمهم
ماجد بتردد" صيته ليه ما قلتي لي إن نوره عقدوا عليها
اليوم وراحت مع زوجها
صيته تطالعه باستغراب"..........
ماجد بغصة " أنا أكيد بفرح لهم لو انتي خبرتيني لأن
نوره أختي ومالك اعز أصدقائي
صيته" نوره عقدوا عليها ؟؟؟؟؟؟؟؟
................
,,
في دبي في غرفة طروب ...
ميثه " الحمد لله راشد نام ...كان تعبان كثير
طروب" راشد يحبج كثير يا ميثه ولولا وجودج كان راشد
في خبر كان
ميثه تبتسم" الله يخليه لي
طروب" أنا آسفة يا ميثه ...قلت لك كلام ما ينقال بس والله
غصب عني
ميثه" طروب انتي مثل أختي نوف والله العالم وش قد أنا
احبك وأحترمك وتأكدي إن راشد كل حياتي ولولاه ما
كانت لحياتي طعم
طروب" يا ربي تكتب لي واحد يحبني ويموت فيني
ميثه" لا تستعجلين ...نصيبك بيصيبك
طروب" إيييه الله كريم ...أنا بنام تبغين شي؟؟
ميثه" لا أنا بقوم أتوضآ وأصلي ركعتين شكر لرب العالمين
طروب " يا لله وأنا بعد
راحوا ثنتينهم وصلوا ركعتين شكر لله وكل وحده رفعت
كفيها وصارت تدعي للي بخاطرها
شوي إلا ويدق جوال ميثه اللي رفعته بسرعة يوم شافت
المتصل ((عديل الروح ))
ميثه" حبيبي....صح النوم...إن شاء الله ..... ثواني وأنا
عندك
سكرت الجوال بسرعة وراحت بتنزل تحت
طروب" خير ميثه ؟؟
ميثه" لا كل خير بس راشد عطشان بجيب له ماي
راحت ميثه لتحت وخذت كاس الماي لراشد ودقت الباب
ودخلت
ميثه" تفضل حبيبي ...
راشد ياخذ منها كاس الماي" الله يعطيك العافية... لا يكون
أزعجتج ؟؟
ميثه" انت تآمر يا الغلا كله
راشد ساكت"........
ميثه بتكسر حاجز الصمت اللي بينهم " وش اللي صحاك
من نومك ؟؟ لا تقولي حلمان فيني
راشد بضيق" يا ليت كنت أكون بخير..الألم والعجز يا ميثه
هم اللي صحوني من نومتي
ميثه بحنان " ما أحب أشوفك ضعيف كذا
راشد" أتمنى والله ...لكن غصب عني كل ما أفكر ببكرة
أقول بقلبي يا ليت الزمن يوقف
ميثه تقرب من عنده"ليه يا راشد ؟؟ بكره حلمي وحلمك
بكره كل شي بالنسبة لنا ...بكره مستقبلنا
حبيبي أنا استند عليك ...لازم تكون انت القوي
راشد يطالعها بحب" ما تمنيت تكون أول ليله لك ببيتنا أنا
بصوب وانتي بصوب
ميثه" قلبي معك لو كنت بالسعودية
راشد بحزن" وش ذنبك حتى تتعذبين معي
ميثه تحط راسها على صدره" ذنبي إني أعشقك وراضيه
بنصيبي ويكفيني وجودي بحضنك
انت ما تعرف انك كل شي بالنسبة لميثه وان ميثه بدونك
ما تسوى شي
صار ماجد يحرك بشعرها ودموعه على خده
..............
,,
في السيارة كان الجو كئيب وممل ...كان مالك يفكر بكل
شي ...كيف يواجه أهله وكيف يعيش مع نوره اللي ما يكن
لها غير الكره والحقد
نوره" حبيبي ...
مالك" هممم
نوره" باقي كثير ؟؟
مالك يطالعها" تعبتي؟؟
نوره تبتسم له" لا ...كيف اتعب وانت بجنبي
مالك يلف عنها وبقلبه هموم الدنيا
طول صوت المسجل حتى ما يسمع صوتها ولا نفسها
وصار يردد بقلبه

(كذب ظني)
كذابــة يا دنيا الوله والشـــــوق تحبيني
ترى عيونك من انخلقت وهي تنــاجيني
وتمهد لي طريق النور ولحضنها تحييني
وتهديني شموع الليـــــل وبقلبها تراعيني
ومن اصرخ الآه لصدرك تلميني وتحميني
وبهمس الصوت تسليني ولجناحيك تناديني
*************
كذب ظني من وكلتك على قلبي تحرسينه
وعلـى جناح الشــــــــــوق تلمينه وتسلينه
وبجمال الكون المزدهر بنور وجهك تهنينه
لكن ضعت من سمعتك بعالي الصوت تناجينه
ولقلبي المنتحب بالعشق تحت أقدامك تدوسينه
من قال قلب بعد عن عينك بقساوه تهجرينه
معقولة ليد الشيطان وتحت أنيابه تعوفينه؟؟
*غروب*

كبرياء رجل وشذوذ إمرأه
البارت التاسع والثلاثون

مالك بابتسامه رفع المحفظة من جيبه وحسب اللي بداخلها
مالك" تفضل يا عمي ما بداخلها الا 322 ريال
طارق كان جالس يطالع فيهم وخاطره انه يضحك لكنه
خايف من أبوه....استلم بو نواف من عنده الفلوس والتفت
على نواف
بو نواف بحده" نواف دق على الشيخ حتى يجي نعقد على
نوره ومالك وهذا مهرها
مالك وقف على طوله وهو مو قادر يستوعب
؟؟؟؟؟؟؟؟؟؟؟؟؟؟؟؟؟؟
\\
//
\\
في دبي تجمعوا كلهم على السفرة ماعدا ميثه وراشد
راشد يطالع بميثه" حبيبتي من وصلنا وانتي ما ارتحتي
ميثه " مرتاحة كثير وأنا بجنبك
راشد يبوس يدها" الله لا يحرمني منج ...صحيح الله ما
يقطع من جهة إلا ويوصل من جهة ثانيه
ميثه "ودك أجيب لك الأكل هنا لعندك ؟؟
راشد" وش رايك ناكل بغرفتي اللي راح تنور بدخولج فيها
ميثه خجلانه"............
أم راشد جايبه له عشاه لعنده" ما اوصيج براشد يا ميثه خليه
ياكل كل الأكل حتى يرد عضمه
ميثه" بهدلتي حالك يا خالتي
أم راشد" وه هذا غناتي ويحلى التعب له
راشد" تسلم الأيادي يا غالية ...
يمه وصيها علي خليها تهتم فيني زين أنا مريض وتلزمني
رعاية
أم راشد" هذي القمر ما تحتاي توصيه ....تحبك وهمها
رضاك
راشد صار يطالعها وعلى وجهه ابتسامه" أدري يمه
تخبريني عنها ؟؟
ميثه" وش رايك تحب الليمون بالشوربة؟؟
راشد" إييي والله أحبه وأحب تشربيني إياها بعد
ميثه صارت تطالع بخالتها وهي محرجه
راشد" أنا مريض وما أقدر ارفع الملعقة أكثر من مره
....أتعب
أم راشد" أكليه يا يمه هذا ريلج لا تستحين
راشد" يمه أسمع أبوي يقول بنيلس بالملحق
أم راشد" اييي يمه بس يبغي له ترتيبات وأثاث انت راح
تيلس في غرفة الضيوف وميثه عند البنات لحد ما نرتب
لكم الملحق
راشد مذهول" لا ...ما يصر كذا أنا بمكان وزوجتي بمكان
؟؟ أنا مو موافق
أم راشد" كلها يومين وراح تصير معك ...لا تستعيل وأنا
أمك
راشد يبتسم" هههه طيب بس لازم تيلس عندي لحد ما أنام
وبعدين براحتها
أم راشد" والله مرتك يمك وانت أبصر بحالك
راحت أم راشد عنهم عندها ميثه صارت تطالعه
ميثه" خجلتني منها كيف تقول قدامها كذا عني ؟؟
راشد" حقي ...زوجتي وبكيفي
ميثه" هههه والله انك عجيب
راشد" عارف عارف ...بس يا لله أنا جعت بتأكليني ولا
لا ؟؟
ميثه" لا ... والله استحي قدامهم
راشد" وأنا قلت لك بوسيني ؟؟ يكفي إني بيلس بالغرفة
لحالي لحد ما يجهزون لنا الملحق
ميثه" ههههه
راشد بزعل" لو ما بتأكليني ما راح أسوي العملية
ميثه"؟؟؟؟؟؟؟؟؟؟؟؟؟؟؟؟؟
..............
,,
بو نواف بحده" نواف دق على الشيخ حتى يجي نعقد على
نوره ومالك وهذا مهرها
مالك وقف على طوله وهو مو قادر يستوعب" معقولة
الكلام اللي اسمعه ؟؟؟
بو نواف" مو انت تبغي نوره ؟؟ نوره لك
نواف بزعل" اييي يبه بس مو بهذي الطريقة
بو نواف" يا تعقد اليوم ولا اتكل
مالك جلس وهو براسه ألف سؤال يحتاج إيجابه وأولهم
كيف تكون نوره من نصيبه؟؟
,,
وصل الخبر من طارق لنوره اللي طلب منها ترتب حالها
نوره بفرح" من جدك ؟؟ لا تكذب طارق تكفى
طارق" وربي ما كذبت اللي سمعته إن مهرك 322 ريال
نوره وعلى خدها دموع الفرح تلم طارق وتبوسه" حبيبي يا
اخوي لك هديه على هذا الخبر
طارق باستغراب" من جدك فرحانة؟؟
نوره" بمووووت وربي هذا الحلم اللي كنت أحلم فيه طول
عمري ...وأخييييرا يا مالك
طارق طلع من عندها وهو مستغرب ؟؟؟؟؟
نوره راحت عند المرايه تطالع بحالها
شافت وجه شاحب لكنه مليان فرحه وحب صارت تدور في
الغرفة على حالها وهي تغني وترقص
تدخل عليها أم نواف" ههههههه وش جالسه تسوين ؟؟
نوره" يمه أبوي وافق أخيرا ...
أم نواف" عارفه يا بنتي الله يسعدك لكن دخلي تروشي
بسرعة الشيخ على وصول
نوره وهي تسحب المنشفه من على الشماعة" يا لله يا لله
خمس دقايق ...
أم نواف فتحت الدولاب تطلع لها فستان يستاهل هذي
المناسبة المميزة والمفاجئة بنفس الوقت
...........
,,
في الشرقية عند مرام ...........
شيخه " مرام الحين الساعة 9 متى يعني؟؟ الشيخ ما راح
ينتظر أكثر وطلال بدى يتوتر
مرام دموع بس".............
أم مسعود" ذكري الله يا بنيتي ...أخوك ما تشغله عنك إلا
الظروف
شمسه" والله حقه طلال يزعل ويروح ما يرجع وش ذا
اللعب بالأعصاب ؟؟
شيماء تسحبها وتطلعها لبره
طلال من بعيد" شيخه ....أم محمد تعالي
شيخه " يا لله اخوي دقيقه
مرام تطالعها"...........
شيخه بحيرة" وش أقوله الحين ؟؟
مرام بزعل" قولي له ما اقدر بدون وجود مالك ... شيخه
تكفين خبريه إن هذا الشي غصب عني مو بكيفي
شيخه تطالع بعمتها...اللي كانت محتارة وما تقدر تقول شي
طلعت شيخه لطلال اللي كان واقف ينتظرها
طلال" وش جالسين تسوون لهذا الوقت ؟؟ أحرجتونا مع
الشيخ عنده ارتباطات ومشاغل كثير غيرنا بيروح لها
شيخه" هدي يا اخوي لكن مرام مو راضيه تعقد
طلال بذهول" شنوو؟؟ شيخه وش قلتي ؟؟
شيخه بضيق" مو راضيه تعقد إلا لما يكون مالك موجود
طلال " ليش هو كان لعب عيال ولا كيف ؟؟
شيخه" لازم تعذرها يا اخوي نفسيتها تعبانه ووجهها متورم
من البكي
طلال تأزم " يعني مالك وينه؟؟
شيخه" ما أدري ... وهم يكلمونه ما يرد عليهم
طلال" يعني كيف ننتظر؟؟ بجهنم إن شاء الله وش دخلني أنا
فيه ؟؟ المفروض إن عنده علم بموعد العقد
أنا ما راح انتظر احد ...ولو يبغي يجي كان هو أول واحد
كان موجود
شيخه" طلال المفروض تكون انت العاقل وتتفهم
طلال معصب "طيب وينها هي الحين .... خليني بدخل
اكلمها
شيخه" لااااا وش تدخل البنت تعبانه كيف بتكلمها أصلا هي
ما راح ترضى
طلال بيجن" خبريها لو ما عقدنا اليوم ما راح نعقد بيوم
ثاني ...خبريها إني مو لعبه بيدها
شيخه" اذكر الله يا اخوي ...ولا تعقد الأمور
طلال متنرفز" هذا اللي عندي وعندكم ربع ساعة يا أما
تحلون اللغز ولا بعدها ما بتشوفوني
راح طلال وهو معصب حده ...رجعت شيخه لهم
شيخه" والله مو عارفه وش أقول
أم مسعود" لا تقولين شي صوت طلال كان واصل لعندنا
مرام تبكي" خلاص براحته خليه يروح
شيماء تروح تجلس عندها" مرام لا تعقدين الأمور ...تكفين
لا تخلين سبب بسيط يدمر حياتكم وحبكم
مرام" كلكم مو حاسين فيني ...أنا ما أقدر اعقد واخوي
الوحيد مو جنبي, حرام عليكم كلكم ضدي
أم مسعود" يمه عقدي اليوم والحفلة نخليها ليوم ثاني
شيخه" كلامك عين العقل عمتي ....العقد اليوم ولما يرجع
مالك نسوي الحفل ,وعندها مالك هو اللي يقدمك لطلال بيده
ها وش قلتي؟؟
مرام تمسح دموعها" براحتكم
أم مسعود " يا لله يا بنات دقوا على بو طلال يجي ياخذ
موافقة مرام
.....................
,,
في جده .....
يدخل ماجد الشقة ويسمع صوت صيته تدندن بأغنيتها
المفضلة ((أحبك)) بدورة المياه
ماجد جلس وفتح التلفزيون وكأنه كان يتابع شي
طلعت صيته لكنها تفاجأت بوجوده " بسم الله الرحمن
الرحيم
ماجد بضيق" شفتي عفريت ؟؟
صيته" لا عذرا لكني قفلت الشقة ما توقعت احد يدخل هذا
الوقت
ماجد" الظاهر انك نسيتي إني زوجك وهذي شقتي بعد
وعندي مفتاحها ؟؟
صيته" خلاص ماجد لا تكبر الموضوع ما صار شي
ماجد بهدوء" أتمنى
صيته دخلت غرفة الملابس تلبس ...
ماجد بحنان" حبيبتي
صيته" هممم
ماجد" أنا عازمك على طلعه أوريك جمال جده
صيته تطلع له" مو اليوم
ماجد كان منجذب لها كانت لابسه الفستان اللي يحبه عليها
...فستان ليموني قصير فيه حزام ابيض عريض وجزمه
بيضا وشعرها مخليته على راحته
صيته لاحظت نظرات ماجد " وش فيك تطالع فيني كذا ؟؟
ماجد يقرب منها" لبستي الفستان اللي احبه ... افهم من كذا
انك لابسته على شاني؟؟
صيته تطالع بحالها" ما انتبهت ..على العموم كويس انه
عجبك
ماجد" يعني من رأيك نسهر بالبيت ؟؟
صيته" اييي راح يجون جاراتكم يبغون يتعرفون علي
ماجد يطالعها بنظرات غريبه" اهاا وكل هذا الزين لهم ؟؟
صيته بلا مبالاة " أنا اليوم صورتك يا ماجد وإذا كنت حلوه
راح يقولون زين ما اختار ماجد .... ههه وهم ما يدرون
إنها كانت صدفه
ماجد فهم هي شنو تقصد من كلامها " أجمل صدفه
صيته تطالعه " أتمنى
ماجد" بالتأكيد راح يشوفون جمال مو معقول ...لكن يا ليتك
تقرين على حالك حتى ما تصيبك العين
صيته" هههه لا توصي حريص جدتي عودتني على طول
أقرى على حالي المعوذات حتى لو كنت بين حبايبي
ماجد بحب" تقصديني أنا؟؟
صيته تتهرب منه تطالع نفسها بالمرايه نظره أخيره" يا لله
استأذنك بروح الحين يمكن الضيوف وصلوا
ماجد يمسك يدها" حبيبتي...ما تلاحظين من جينا جده
ما جلسنا مع بعض؟؟
صيته ببرود" في وقت ان شاء الله
ماجد يقرب منها ويهمس لها كلمات حب صادقه
صيته" ماجد ...انت عارف اللي صار... يعني ما حاجه
تلبس لي قناع الحب وأنا عارفه شعورك تجاهي زين
ماجد بزعل" صيته انتي زودتيها وأنا ما أسمح لك تعامليني
بهذي الطريقة
صيته تتحاشاه " انت اللي جبرتني يا ماجد
ماجد" وأقدر أجبرك على أشياء كثيرة بعد
صيته بخوف" هذا الواقع ...أنا ما جبت شي من عندي أنا
اعرف شعورك تجاهي على شان كذا ما يحتاج نلعب على
بعض ونتصنع الحب قدام الناس
ماجد وعيونه بعيونها" خير خير ...أنا بسوي كل اللي تبغين
يا صيته وبعدها لا تلومين إلا حالك فاهمه ولا لا؟؟
طلع من قدامها وهي ترجف من الخوف كان ماجد في قمة
غضبه وهذا الشي بدى يوترها وخلاها تسأل نفسها هل اللي
جالسه تسويه صح أو غلط
؟؟؟؟؟؟؟؟؟؟؟؟؟؟؟؟؟؟؟؟
,,
في الرياض وعند عريس الغفلة ...وصل الشيخ وكان الكل
متأزم وكأنها جنازة مو زواج
ولما سأل الشيخ كم المقدم تفاجأ بالسعر اللي همس له بو
نواف له ولما سأل عن المؤخر
مالك تفاجأ من رد بو نواف يوم قال المصحف الشريف
كانت تصرفات بو نواف غريبة كثير
بعد ما طلب الشيخ انهم ياخذون وكالة العروس طلب بو
نواف إن العروس تدخل قدام الشيخ حتى يسمعها بإذنه
كان العقد بارد ما فيه احد غير نواف وأبوه وطارق حتى بو
تركي ما كان عنده علم
شوي وتدخل نوره وهي لابسه عبايتها وشيلتها وحاطه على
راسها طرحه خضره طويلة راحت وجلست قدام مالك
كمل الشيخ الإجراءات وبارك لهم وراح طارق يوصله لعند
الباب عندها بس قام نواف وبارك لمالك ورفع طرحة نوره
وبارك لها
مالك ما رفع راسه لها أبدا ولا حتى طالعها مع إنها كانت
تطالع فيه وعيونها ما شالتها من عليه
دخلوا أم عبد الرحمن وأم نواف وهم يزغردون لكن صرخة
بو نواف فيهم خلتهم ما يقدرون يتنفسون بعدها
بو نواف" مالك...خذ عروستك واتكلوا على الله
نواف باستغراب " ياخذها ؟؟ ياخذها على وين ؟؟
بو نواف" مالهم مكان ببيتي ...حتى زيارة ما أبغي أشوفهم
جايين وطابين ذا البيت برجولهم
نوره" يبه ...انت وش تقول ؟؟
بو نواف" اللي سامعتيه ...انتي ما بغيتي مالك وكنتي
بتذبحين نفسك على شانه هذا هو يمك روحي معه
أم عبد الرحمن" صل على النبي وين تبغيهم يروحون بهذا
الوقت ؟؟
بو نواف معصب " الفنادق ماليه البلد ....ولا ولد الأجاويد
ما عنده فلوس يدفع للفندق
مالك يطالعه والحقد بينط من عيونه "...........
بو نواف "أم نواف ....روحي حطي لنوره كم غرض
وخليها تروح
نوره بحزن" ليه يبه... ليه تسوي فيني كذا ؟؟
مالك جالس بس يسمعهم ويفكر بالمصيبة اللي حطت فوق
راسه"..........
نواف" يبه اسمعني ..
بو نواف بصراخ" بس ولا كلمه ...أنا قلت مالك ونوره
مالهم جلسه ببيتي وأنا ما اثني كلمتي
مالك بضيق يمسك يد نوره " يا لله نوره وش تنتظرين ؟؟
نوره تبكي" انتظر يا مالك ...
مالك" تبغيني أتهزأ واسمع إهانات اكثر من كذا ؟؟
نوره تطالعه وهي تبكي"..........
أم نواف" لحظه مالك أحط لها كم غرض...
مالك" دام إنها معي ما راح تحتاج لشي لا منكم ولا من
غيركم ...يا لله في أمان الله
راح مالك ويده بيد نوره اللي كانت تبكي من قلب كان هذا
الشي اللي ما توقعته من أبوها
نواف بحده" مالك انتظر ...
مالك يوقف ويطالعه بدون ما يتكلم"...........
نواف" ما راح تخلي نوره تسلم على أمها وجدتها؟؟
مالك يطالع بنوره" أنا انتظرك بالسيارة
عندها ترك مالك يد نوره اللي راحت جهة نواف ورمت
حالها في حضنه وصارت تبكي على صدره
نواف متضايق " حبيبتي لا تبكين ..أروح فدوه لعيونك يا
بعد عيني خذي هذي
نوره" شنو ؟؟
نواف" هذي بطاقة بنك فيها ما يقل عن 200 ألف خليهم
عندك يمكن تحتاجينهم
نوره" الله لا يخليني منك ...لا تنسوني خلوني أشوفكم
نواف" أكيد لا تحاتين إحنا مالنا غنى عنك ... يا لله روحي
سلمي على أمك وجدتك
راحت نوره سلمت عليهم وهم دموعهم ما تبارح وجههم
ونوره حايره في عمرها ونست الفرحة في هذي اللحظة
هناك عند مالك اللي كان جالس في سيارته وهو يفكر باللي
صار شاف نواف قدامه ...طلع مالك من السيارة
نواف" بالله لا تواخذ أبوي على تصرفه ...أنا مو واقف
معه لكنه ما ينلام يا مالك ولا تنسون انت ونوره إن انتوا
اللي بغيتوا هذا الشي ولازم تتحملون
مالك " لا تشيل هم إحنا بخير طالما راح نكون مع بعض
ولبعض
نواف" الله يسعدكم ...ما أوصيك على نوره يا مالك
مالك" في عيوني ..كيف توصيني على روحي يا نواف؟؟
نواف" تسلم روحك ...خذ هذي ألفين حتى تشوفون لكم
فندق تباتون فيه
مالك يبعد يد نواف عنه" افا بس يا ولد العم ....عندي خير
نواف" اعذرني يا خوك بس قلت يمكن مو شايل بجيبك
فلوس غير ....
مالك" هههه غير مهر نوره ها ؟؟
نواف" هههه يا لله الله يسعدكم ..أشوفك على خير
تطلع نوره من عندهم وهي مو شايفه قدامها من البكي
وتركب السيارة
مالك" سلام
نواف" سلام
.............
,,
في الشرقية بعد العقد جلست مرام في غرفتها وقفلت الباب
عليها
وطلال جالس في المجلس مع أهله وهم يتكلمون ويسولفون
وهو مو وياهم
تصرف مرام هزه من داخله وخلاه ما يفكر غير بموقفه
وهو جالس معهم... وطول اليوم كان تفكيره كيف يجلس
معها وكيف كلمها وكيف يعبر لها عن اللي بداخله
ما شاف حاله إلا يوقف" أنا ماشي
أم طلال" يا لله يمه إحنا بعد بنمشي معك
طلال" لا أنا بروح بروحي .... بروح عند أحمد
شيخه" إحنا بنروح مع أبوي... اخذ راحتك انت
راح طلال وهو نفسيته تعبانه كثير ...عندها بس استأذنوا
الجماعة وراحوا
راحت رغد ودقت الباب على مرام اللي فتحت لها الباب
وهي ما عطتها ظهرها
رغد" راحوا ...
مرام" في وداعة الله
رغد" طلال متضايق كثير أتوقع انه بيكلمك
مرام" هذا ما يخصك...يكلمني أو لا
رغد" عارفه ...على فكره أمي كلمت مالك وقال انه كان
عنده شغل وما قدر يجي ويمكن ينام بره الليلة
مرام طالعتها من غير ما ترد عليها"...............
رغد" لا تخافين أمي ما قالت له شي
مرام" رغد أنا بنام لو انتي ما فيك نوم طلعي بره
رغد" بمسح ماكياجي وبنام
مرام" خلاص ما ابغي اسمع صوتك
رغد تطالعها وهي تغطي حالها بالبطانية وصوت بكاها
واصل لآخر الدنيا
.................
,,
في السيارة عند مالك ونوره كانت تبكي ومالك مو
ما عطيها وجه ...
وصل لعند فندق (.....) نزل مالك بعد ما قفل على نوره
الباب وطلب منها إنها ما تنزل لو تأخر
دخل لقى موظف الاستقبال قابله بابتسامه كبيره
مالك" السلام عليكم
الموظف" وعليكم السلام ...أهلا وسهلا
مالك " لو سمحت في عندكم غرف فاضيه ؟؟
الموظف" اييي بالتأكيد
مالك" بكم الغرفة عندكم؟؟
الموظف" ب 1200 مع وجبة الفطور ...تحب تشوفها ؟؟
مالك صار يفكر بينه وبين نفسه ويقول إن هذا مبلغ مو صغير هذا بقيمة راتب تستلمه أمه من الشؤون بالشهر
وانه بهذا المبلغ يقدر يشتري لخواته أسره تريحهم من
نومه الأرض.... أو انه يشتري لهم مكيف يحطونه
بالمطبخ بدل ما يشغلون لهم مكيف الصالة ويفتحون
باب المطبخ حتى يجيهم رذاذ الهوا.... أو يشتري لهم
دفايتين زيت تريحهم من برودة الجو.... أو انه يشتري
لأولاد أخوه ملابس يفرحون فيها
شكر مالك الموظف وراح من عنده وركب السيارة
نوره" هااا ما في حجز ؟؟
مالك " هااا ..لا عندهم الغرف فل
قلت له مو مشكله ناخذ سويت لكن بعد ما عندهم
نوره" والحل؟؟
مالك" من رايي إن إحنا نمسك الطريق للدمام
نوره" براحتك حبيبي
مالك" ههههه
نوره تبتسم له" وش اللي يضحكك ؟؟
مالك" منو يصدق إني راجع للشرقية ويدي بيدك
نوره" هذا لأن إحنا وقفنا قدام العالم حتى نحمي حبنا
مالك يطالع نوره وهو يضحك من داخله لأنه ما قدر يقول
لها السبب اللي خلاه ما ياخذ غرفه في الفندق إن هذا المبلغ
يجيب له ثلاث من شاكلة نوره
؟؟؟؟؟؟؟؟؟؟؟؟؟؟؟؟؟
,,
في جده كانت الجلسة ولا أحلى وكانوا جارات أم ماجد
رهيبين وجلستهم ما تنمل ...لكن صيته في نهاية الجلسة
ما كانت على بعضها
أم ماجد" يمه صيته إذا تعبتي روحي غرفتك لأن إحنا
جلستنا مطوله
صيته" هههه والله ما ودي أقوم لكن بروح اكلم أهلي وأغير
ملابسي
أم شاهين" الله يسعدك يمه وسلامي الخاص لجدتك اللي
حبيناها من زود كلامك عنها
صيته" هههه يوصل
راحت صيته في غرفتها وهي متضايقة وتحس إن معدتها
ثقيلة عليها ...
راحت لدورة المياه وغسلت وجهها وبدلت ملابسها
وتسطحت على الأريكة
دخل عليها ماجد وهو مو ناوي انه يكلمها بسبب تعاملها
الجاف معه....لكن من طاحت عينه على وجهها وشاف
شحوب لونها قرر انه يكلمها
ماجد" حبيبتي بك شي ؟؟
صيته" سلامتك لكن أحس إني تعبانه ومعدتي شاده علي
ماجد بخوف" قومي اوديك الدكتور لازم نتطمن عليك
صيته" ههه ما فيني شي بس خالتي ما خلتني أقوم لين
شربتني دلة القهوة
ماجد" ههه سوتها فيك ؟؟
صيته" ليه هذي كانت عادتها ؟؟
ماجد" تخيلي مانعها الدكتور من شرب القهوة ولأنها متعودة
تسويها كل يوم صارت تجلس أبوي وتخليه يشربها
صيته" هههه يا ليت خبرتني بطني بينفجر
ماجد" قومي نتمشى بره بالحديقة يمكن ترتاحين
صيته ببرود" لا بكلم بيت أهلي وبعدين بنام
ماجد بزعل" براحتك
جلس ماجد بجنبها ومسك الروموت وصار يقلب بالمحطات
عندها خذت صيته جوالها ودقت على جدتها أم عبدالرحمن
اللي ردت عليها وهي تبكي
صيته بصرخه "جدتـــي
أم عبد الرحمن" قلبها انتي يا بعد كل هلي ...شلونك يمه؟؟
صيته" أنا بخير وعافيه ومو قاصرني شي غير شوفتكم
أم عبد الرحمن" هاا بشري يمه عسى ماجد مريحك؟؟
شوفي خبريني كل شي صار بينكم
صيته" ههه ماجد ما في مثله وخالتي حاطتني على كفوف
الراحة ودلع بعد يا حبي لها صايره أكثر من أخت
ماجد صار يطالعها وعلى وجهه ابتسامة رضى"......
أم عبد الرحمن" وييه دلع ...ما ادري وش فيني معها
صيته" ما ادري عنك بس لا يسمعك طارق
أم عبد الرحمن" هذا هو يمي ويشد السماعة من إذني
طارق" هلا وغلا ...طارق زين الشباب يتكلم
صيته" هلا والله بالوسيم
طارق" قولي قسم ؟؟ أنا عارف هذا الشي بس وش نقول
للي ما عندهم ذوووق
صيته" طارق ما أوصيك على الغالية لا تزعلها
طارق" منو؟؟ سحوره ؟؟ هذي بقلبي ...هي الهوى والماي
بدونها ما أسوى شي
أم عبد الرحمن" غصب عن اللي جاب أبوك
طارق" أقول أختي وش سويتي بموضوعي
صيته" أي موضوع؟؟
طارق" دلع ...كلمتيها لي
صيته" أنا جالسه أمهد الطريق وعلى العموم في أشياء كثيرة
تسرك يا لحبيب
طارق" تكفين أختي حبيبتي قولي وفرحيني
صيته تواخذت" ماجد بجنبي ويسلم عليك
طارق" اهاا فهمت عطيني إياه خليني اتميلق له
صيته" هههههههه يا لله هذا هو معك
ماجد" هلا وغلا بالنسيب
طارق" هلا فيك ...هاا بشرنا عن أمورك عسى بس مو
مأذيتك صيتوه
ماجد يمسح على شعرها " أفا بس صيته بلسم على القلب
هي مثل نسمة الهوى كيف تأذي؟؟ وثانيا انتبه على كلامك
لأني ما أرضى فيها
صيته نزلت وجهها وعليه ابتسامه عريضة
طارق" افا بس
ماجد" أنا بس ودي تقول لي كيف البيت بدونها ؟؟
طارق" والله البيت ممل حد الجنون
ولا اليوم مالك ولد عمي عقد على نوره وأخذها معه وأنا
حاط وجهي بوجه سحوره
ماجد ارتبك كثير وصار يطالع بصيته
طارق" يا لله اسلم عليك ...بوس لي صيته طيب؟؟
ماجد بهدوء" مع السلامة
سكر ماجد وصيته تطالعه" ليه سكرت ابغي اكلم أمي
ماجد" ما ادري طارق سكر الخط
صيته" خلاص بعد شوي بكلمهم
ماجد بتردد" صيته ليه ما قلتي لي إن نوره عقدوا عليها
اليوم وراحت مع زوجها
صيته تطالعه باستغراب"..........
ماجد بغصة " أنا أكيد بفرح لهم لو انتي خبرتيني لأن
نوره أختي ومالك اعز أصدقائي
صيته" نوره عقدوا عليها ؟؟؟؟؟؟؟؟
................
,,

في دبي في غرفة طروب ...
ميثه " الحمد لله راشد نام ...كان تعبان كثير
طروب" راشد يحبج كثير يا ميثه ولولا وجودج كان راشد
في خبر كان
ميثه تبتسم" الله يخليه لي
طروب" أنا آسفة يا ميثه ...قلت لك كلام ما ينقال بس والله
غصب عني
ميثه" طروب انتي مثل أختي نوف والله العالم وش قد أنا
احبك وأحترمك وتأكدي إن راشد كل حياتي ولولاه ما
كانت لحياتي طعم
طروب" يا ربي تكتب لي واحد يحبني ويموت فيني
ميثه" لا تستعجلين ...نصيبك بيصيبك
طروب" إيييه الله كريم ...أنا بنام تبغين شي؟؟
ميثه" لا أنا بقوم أتوضآ وأصلي ركعتين شكر لرب العالمين
طروب " يا لله وأنا بعد
راحوا ثنتينهم وصلوا ركعتين شكر لله وكل وحده رفعت
كفيها وصارت تدعي للي بخاطرها
شوي إلا ويدق جوال ميثه اللي رفعته بسرعة يوم شافت
المتصل ((عديل الروح ))
ميثه" حبيبي....صح النوم...إن شاء الله ..... ثواني وأنا
عندك
سكرت الجوال بسرعة وراحت بتنزل تحت
طروب" خير ميثه ؟؟
ميثه" لا كل خير بس راشد عطشان بجيب له ماي
راحت ميثه لتحت وخذت كاس الماي لراشد ودقت الباب
ودخلت
ميثه" تفضل حبيبي ...
راشد ياخذ منها كاس الماي" الله يعطيك العافية... لا يكون
أزعجتج ؟؟
ميثه" انت تآمر يا الغلا كله
راشد ساكت"........
ميثه بتكسر حاجز الصمت اللي بينهم " وش اللي صحاك
من نومك ؟؟ لا تقولي حلمان فيني
راشد بضيق" يا ليت كنت أكون بخير..الألم والعجز يا ميثه
هم اللي صحوني من نومتي
ميثه بحنان " ما أحب أشوفك ضعيف كذا
راشد" أتمنى والله ...لكن غصب عني كل ما أفكر ببكرة
أقول بقلبي يا ليت الزمن يوقف
ميثه تقرب من عنده"ليه يا راشد ؟؟ بكره حلمي وحلمك
بكره كل شي بالنسبة لنا ...بكره مستقبلنا
حبيبي أنا استند عليك ...لازم تكون انت القوي
راشد يطالعها بحب" ما تمنيت تكون أول ليله لك ببيتنا أنا
بصوب وانتي بصوب
ميثه" قلبي معك لو كنت بالسعودية
راشد بحزن" وش ذنبك حتى تتعذبين معي
ميثه تحط راسها على صدره" ذنبي إني أعشقك وراضيه
بنصيبي ويكفيني وجودي بحضنك
انت ما تعرف انك كل شي بالنسبة لميثه وان ميثه بدونك
ما تسوى شي
صار ماجد يحرك بشعرها ودموعه على خده
..............
,,
في السيارة كان الجو كئيب وممل ...كان مالك يفكر بكل
شي ...كيف يواجه أهله وكيف يعيش مع نوره اللي ما يكن
لها غير الكره والحقد
نوره" حبيبي ...
مالك" هممم
نوره" باقي كثير ؟؟
مالك يطالعها" تعبتي؟؟
نوره تبتسم له" لا ...كيف اتعب وانت بجنبي
مالك يلف عنها وبقلبه هموم الدنيا
طول صوت المسجل حتى ما يسمع صوتها ولا نفسها
وصار يردد بقلبه

(كذب ظني)
كذابــة يا دنيا الوله والشـــــوق تحبيني
ترى عيونك من انخلقت وهي تنــاجيني
وتمهد لي طريق النور ولحضنها تحييني
وتهديني شموع الليـــــل وبقلبها تراعيني
ومن اصرخ الآه لصدرك تلميني وتحميني
وبهمس الصوت تسليني ولجناحيك تناديني
*************
كذب ظني من وكلتك على قلبي تحرسينه
وعلـى جناح الشــــــــــوق تلمينه وتسلينه
وبجمال الكون المزدهر بنور وجهك تهنينه
لكن ضعت من سمعتك بعالي الصوت تناجينه
ولقلبي المنتحب بالعشق تحت أقدامك تدوسينه
من قال قلب بعد عن عينك بقساوه تهجرينه
معقولة ليد الشيطان وتحت أنيابه تعوفينه؟؟
*غروب*





كبرياء رجل وشذوذ إمرأه
البارت الأربعون

في السيارة كان الجو كئيب وممل ...كان مالك يفكر بكل
شي ...كيف يواجه أهله وكيف يعيش مع نوره اللي ما يكن
لها غير الكره والحقد
نوره" حبيبي ...
مالك" هممم
نوره" باقي كثير ؟؟
مالك يطالعها" تعبتي؟؟
نوره تبتسم له" لا ...كيف اتعب وانت بجنبي
مالك يلف عنها وبقلبه هموم الدنيا
طول صوت المسجل حتى ما يسمع صوتها ولا نفسها
\\
//
\\
في جده .....
ماجد بتردد" صيته ليه ما قلتي لي إن نوره عقدوا عليها
اليوم وراحت مع زوجها
صيته تطالعه باستغراب"..........
ماجد بغصة " أنا أكيد بفرح لهم لو انتي خبرتيني لأن
نوره أختي ومالك اعز أصدقائي
صيته" نوره عقدوا عليها ؟؟ من وين جبت هذا الكلام؟؟
ماجد يبعد عينه من عليها" وكأنك توك تسمعين مني
صيته" والله أنا مو عارفه عن ايش تتكلم ... ولو عقد عليها
معقولة نوره تروح كذا بدون ما تسوي حفله ؟؟
ماجد معصب" والله هذا كلام طارق إلا إذا كان أخوك كذاب
وأنا ما أعرف
صيته تطالعه بضيق" وانت وش مزعلك من الموضوع ؟؟
ماجد يلتفت لها" منو قال إني زعلان ؟؟ أنا بس مستغرب
من اللي جالس يصير
صيته من غير اقتناع " صحيح ؟؟ يصير
راحت صيته من عنده لكنه راح ورآها ومسكها من يدها
ماجد" صيته...
صيته تطالعه ومستغربه من الزعل اللي باين في عيونه
صيته بخوف بسيط" يدي يا ماجد وش بلاك
ماجد" قولي لي وش يدور براسك المريض هذا ؟؟
صيته بضيق" أنا اللي راسي مريض ؟؟
ماجد يشد على يدها" صيته ما احبك تتكلمين معي بهذي
الطريقة وثانيا إحنا من رجعنا من الرياض وانتي قلبتي
حياتي جحيم
صيته والدموع متجمعة بعيونها " أنا اللي حياتي جحيم يا
ماجد أنا الضحية في زواجنا هذا مو انت
ماجد ترك يدها وفي عيونه كلام كثير لكنه اكتفى بالسكوت
وصعد فوق واخذ له بطانية ومخدة
صيته" وش جالس تسوي؟؟
ماجد" بشوف لي مكان ثاني أذوق فيه طعم الراحه
صيته" ماجد بلا هذي الحركات ..بعدين الكل بيستغرب من
نومتك بره الشقة وبيعرفون كل شي
ماجد بضيق " هذا اللي هامك يا صيته؟؟إذا انتي خايفه من
انهم يعرفون أنا اللي بصحيهم الحين وبقول لهم
صيته" لا مو صحيح ماجد لا تتهور
لكن ماجد راح عنها والشر بعيونه...صيته راحت ورآه
وهي تناديه لكنه مو ما عطيها وجه
دخل غرفة الضيوف وقفل عليه الباب ...وقفت صيته عشر
دقايق قدام الباب وهي مترددة إنها تدق عليه.. لكنها قررت
إنها تصعد فوق في شقتها, وبالفعل
................
,,
في بلد الرومانسية والكلمة الجميلة
كان تركي متمدد على الأرض وهو مو بدنيانا بدنياه المليانه
حرام وبجنبه سمير وسلاف
تركي بصوته المزعج " بحبك يا لبنان يا وطني بحبك
بشمالك بجنوبك بسهلك بحبك هههههه
سلاف " ههههههه وهي بتحبك كتير
تركي يميل لها" ههه بس هي اللي تحبني؟؟
سلاف بمياعه" وأنا بموت فيك
تركي" تئبري عضامي إن شاء الله
سمير" ههه شو ها لغزل هاد بدي امشي وأفتح الكم المجال
تركي" والله تسوي خير بس قبل عطني حبتين من اللي
عندك
سمير" مو كتار؟؟
تركي"أي كتار أنا تركي مو أي أحد
سمير " بس لساتك ماخد وحده
تركي بضيق" ما جابت لي راس ...أقول عطني لا تكثر
هذرة
سمير" انت بتئمر أمر
أخذ تركي الحبتين وقام على طوله بيروح غرفته لكن
العجيب انه طاح على الأرض وزلزلها من تحته
راحت سلاف لعنده وسمير لحقها ولكن تركي كان غايب
عن الوعي وراسه ينزف
سلاف بخوف" ولي مات يا سمير سدئني الكلب مات
سمير بحده" اسكتي ما بدي اسمع صوتك هلأ بيفيئوا
الجيران من صراخك
سلاف " شو بدي اعمل
سمير " لا تجننيني يكفيني اللي أنا فيه
سلاف" في بيتي مات هلأ بيسجنوني
سمير" وانتي شو خصك فيه؟؟ هو اللي أخد جرعه زايده
من المخدر
سلاف بحيرة" والحل ؟؟
سمير " خلينا نشيلوا ونزتوا بشي مكان
سلاف" شووو ؟؟ ومين راح يشيلوا ؟؟هادا بدوا العمارة كلا
تجي تتساعدنا
سمير" كلامك معئول ..إلا إزا
سلاف بخوف" الا إزا شو ؟؟
سمير " إلا إزا أطعناه شئف
سلاف تطالعه بذهول "؟؟؟؟؟؟؟؟؟؟؟؟؟
,,
في الشرقية وصلوا مالك ونوره أخيرا ...
ومالك يحس إن جسمه مو له ونوره عبئ عليه كيف ورط
حاله فيها ما يعرف
مالك" نوره ..بدون صوت أمي أكيد نايمه ما نبغيها تصحى
طيب؟؟
نوره" وين حبيبي ؟؟
مالك" وين يعني ؟؟؟بيتنا
نوره" بيتكم ؟؟ بس ...
مالك يقاطعها ويسحبها للداخل وهو يأشر لها لا تتكلم
دخل البيت لقى الأنوار مطفيه لكن صوت التلفزيون يشتغل
كانت أم مسعود جالسه بالصالة ونامت بجنب التلفزيون
مالك يروح لعندها ويكلمها بهدوء" يمه ...نايمه ؟؟
أم مسعود تجلس من النوم" كنت أنتظرك يمه تأخرت
مالك" إيي لكن أنا قلت لك احتمال أنام بره
أم مسعود بضيق" عمرك ما سويتها يا يمه ...
مالك" قومي نامي بغرفتك يا الغالية
أم مسعود" تعبت وأنا أتقلب على الفراش لكن أبد ما قدرت
قلت أجي أجلس في الصالة على الأقل صوت التلفزيون
يسليني ولما ....
سكتت أم مسعود وهي تطالع جهة نوره
مالك يفتح النور ويقرب نوره لأم مسعود" يمه هذي نوره
بنت عمي بو نواف
أم مسعود بذهول تطالعه" خير ؟؟أهلها فيهم شي ؟؟
مالك " نوره تعالي سلمي على أمي ...يمه أنا تزوجت نوره
اليوم
قربت نوره من أم مسعود بتبوس يدها لكن أم مسعود
سحبت يدها عنها ...صارت نوره تطالع بمالك اللي كان
ساكت وينتظر ردة فعلها
أم مسعود" الله لا يبارك فيك ...يعني خربت ليلة أختك
وبغيت تخرب حياتها وانت ميت بالعسل ؟؟
مالك" يمه تكفين سمعيني
أم مسعود بحده" ولا كلمه ...يا حيف على تربيتي لك
راحت وتركتهم ومالك مثل البركان لو أحد يدوس له على
طرف بينفجر جلس بالصالة وجلست نوره بجنبه وهي
مذهولة من الواقع اللي صارت فيه
,,
عند سلاف وسمير وتركي اللي كان متمدد على الأرض
جثه هامدة
سلاف" لااااااا يا سمير ما بئدر
سمير " انتي لاتئربي منو أنا بدبر حالي بس انتي جيبي لي
أكياس زباله وسكين كبيره
سلاف تبكي" مستحيل يا سمير ما بئدر
سمير متضايق" والحل طيب ؟؟
سلاف" أي حل إلا هادا الحل
سمير " لئيت الحل يا سلاف بس بدك تعزريني
مسك سمير شعر سلاف وضربها بالجدار وهي تصرخ
ورماها على الأرض ورفع الكاس وكسره وجرح حاله وبعد
كذا دق على الشرطة وقال لهم إن في شخص تهجم عليهم
في البيت
كانت سلاف تبكي من الخوف ومن ألم راسها شوي إلا
بدخلة الشرطة ومعهم الإسعاف ...بلغهم سمير إنهم ما
يعرفون هذا الرجال لكنه صار له يومين يطارد سلاف
لأنه عاشقها واليوم تهجم عليها وهو سكران
الإسعاف جاوو ينقلون تركي ورفعوه وريحة الوساخة اللي
تجيب المرض طلعت من رفعوه
الضابط" شيلوا الميت ... وانتوا تعالوا معنا
الممرض" حضرة الضابط هادا حي مو ميت
عندها سلاف وسمير ؟؟؟؟؟؟؟؟؟؟؟
.............
,,
في الشرقية بعد نص ساعة ..
وعند مالك ونوره ....قام مالك وورآه نوره
راح لجهة غرفته وأول ما فتحها شهقت نوره من المنظر
اللي شافته
مالك يبتسم لها" بسم الله عليك ...خفتي ؟؟
نوره ".........
مالك "هذي غرفتي يا حياتي وراح تكون غرفتك من اليوم
ورايح
نوره تطالعه وهي مستغربه وبعدين حولت نظرها للغرفة
اللي كانت مرتبه بشكل دقيق ولا عود بالأرض لكنها شافت
السرير بثلاث أعمده حديد والرابعة خشب والمكتب منتحل
يا دوب يشيل كم كتاب من فوقه وعلى جنب الغرفة في
مغسله تحتها سطل يحوي الماي اللي ينزل منها وبجنب
المغسلة دورة مياه صغيره
مالك يمسك يد نوره" تعالي جلسي لا تنجلطين من المفاجئة
نوره تجلس على السرير وتحط يدها على المفرش اللي كان
يضايق أكثر من انه يريح كان خشن وخيوطه طالعه من
كثر الغسيل والمخدة اسم بس
مالك يطالعها" متفاجئه يا حياتي؟؟
نوره تطالعه" ما توقعت وضعكم كذا
مالك" وش فيه وضعنا ؟؟
نوره" مالك انت دكتور بيطري واللي يجيك معقول ...يعني
غرفتك وكأنها في ...
مالك" كملي كلامك وكأنها في مزبلة صح ؟؟
نوره بدون تعليق"...........
مالك " شوفي يا قلبي بحكم انك شريكة حياتي لازم تعرفين
الفلوس في شنو أصرفها
شوفي يا طويلة العمر أنا استلم 6400 ريال كراتب شهري
وتقريبا من العيادة أطلع 2000 ريال
2500 كمبيالة أخذتها على شان عملية مسعود اللي راح من
بين ايدينا كذا في لحظه
و600 ريال ثمن تأمين على الحياة حتى ما يضيعون أمي
وخواتي من بعدي
و1500 ريال أشيلهم للإيجار تبع العيادة..و2500 ريال
مصروف للبيت وللفواتير
والحين كم يبقى ...كم يبقى يا مالك ؟؟
ايي يبقى من الفلوس اللي عندي تقريبا 1300 ريال
300 ريال لأمي مصروف يدها وخواتي ثنتينهم 500 يبقى
500 مصرف السجاير والسيارة ...لكن من اليوم ورايح
راح اشيل لك 250 ريال منهم حالك حال مرام ورغد
هاا وش رايك ؟؟ لا تقولين عني بخيل بس هذا الوضع
وأنا ما أقدر أنام على مفرش من نعام وخواتي بكره ما
يلقون اللقمة اللي تغذيهم ..
تدرين لما توظفت فرحت كثير قلت بنعيش حياه جديدة
ما قدرت أوفر إلا للسيارة اللي أخذتها بالتقسيط وبالموت
خلصتها ,
لكن الله شاء إن مسعود يموت ويحط الحمل كله علي
...غير كذا الكمبيالة اليوم تسحب كل الراتب
نوره" تدري حبيبي انت كبرت بعيني اليوم
مالك يطالعها باستغراب"........
نوره " لكن اعذرني يا عمري وضعكم هذا متعب وأنا ما
أقدر أنا أعيش هنا في هذا الوضع
مالك يطالعها بزعل كبير".............
نوره بهدوء" عذرا حبيبي بس في إمكاني أساعد
مالك بابتسامه مليانه خبث" كيف؟؟
نوره بحب وتفائل " شوف حبيبي هذا نواف عطاني بطاقته
للصراف يقول بالقليل فيها 200 ألف
يعني نقدر ناخذ شقه مرتبه لنا ونأثثها بأحسن الأثاث ونعيش
بالمعقول
مالك " اممم ...نوره وين البطاقة ؟؟
نوره تطلعها من شنطتها" خذ حبيبي وأخيرا بتشوف الدنيا
مالك بينفجر من الضيق" وانتي اللي بتوريني إياها ؟؟
نوره" لا أنا ما اقصد ..لا تصير حساس حياتي
مالك يمسك البطاقة ويطلع ولاعة من جيبه ويحطها على
البطاقة اللي ابتدت تمسك ببعضها
نوره" لا مالك وش جالس تسوي انت ؟؟
مالك" أنا جالس أعذب حالي فيك
نوره" هااا ...مالك وش تقول ؟؟
مالك بجنون" تفكريني أنا تزوجتك حبا فيك ؟؟
نوره تطالعه وكأنها مو مصدقه ".......
مالك باستهزاء "هههههههه والله انك على نياتك يا نوره
معقولة نوره اللي خلت العالم كله يجري ورآها
اليوم تطيح بشر أعمالها ؟؟
نوره بخوف" مالك لا تسوي كذا ..انت تخوفني
مالك بصراخ " خافي يا نوره.... خافي
عيشي الألم والضيم اللي عشناه أنا وعائلتي بسبب أبوك
عيشي لحظه من لحظات حزني على أمي وهي تترجى
الشؤون حتى يعطونها الألف وأبوك ما كل حلال أبوي
وموته ناقص عمر وبعد كل هذا يتكلم عليه بموته ويتبلى
عليه بعد ...
الخوف اللي انتي تتكلمين عنه انتي ما عرفتيه ولا ذقتيه يا
نوره بيوم ....سئليني أنا وخواتي عنه
نوره ملتمه على حالها ومالك يدور في الغرفة وعيونه
ما شالها من عليها
مالك ودمعته على خده "نوره تدرين بطفولتنا إحنا كيف
عشنا ؟؟
إحنا عشنا بباقي الأكل اللي تاكلونه ....تعرفين بقايا الأكل
اللي ترمونه ؟؟إحنا هذي الوجبة الدسمة بالنسبة لنا وإذا بقى
فتات منه ما نرميه نخليه ليوم ثاني وناكله مو لأن إحنا
متواضعين ,لالالا.... لأن إحنا بكره ما راح ناكل غير
خبز وجبن لو رميناه ...تدرين الرز على طول بدون
لحم , نحاول نقنع أنفسنا إن إحنا نباتيين لكن هذا الكلام
مو صحيح...
نوره إحنا بالبرد أمي تجمعنا بغرفه ونلتم على بعض حتى
كل واحد فينا يدفي الثاني ...وهم في الصيف ما عندنا غير
مكيف واحد ...عشنا طفولتنا بدون خصوصية ...ما عندنا
حد نسأله عن مشاكل المراهقين وعن العوارض اللي
صابتنا من بعد البلوغ واللي كانت تحسسنا بالرعب
تدرين إن إحنا نحط راسنا على المخدة وعقلنا يفكر ببكرة
ما ندري راح نقدر نشتري أدوات الرسم اللي طالبها منا
المدرس أو راح نقدر نشتري جزمه سبورت حتى ما
يحرمنا مدرس الرياضة من الحصة
كنا نخجل نطلب من أمنا مصروفنا للمدرسة إذا نست
تعطينا إياه ....عشنا طول حياتنا وحنا نتمنى هذا وذاك
نوره تبكي" مالك أنا مالي ذنب باللي سواه أبوي فيكم
....أترجاك حبيبي أنا حبيبتك نوره
مالك يبكي " لا تقولينها لا تقولين هذي الكلمة مره ثانيه
على لسانك ...
تعرفين انتي ايش يا نوره ....انتي الجسر الذهبي اللي راح
يوصلني لعمي وفلوسه ...عن طريقك راح اسحب دمه
قطره قطره
نوره بخوف" مالك أنا بقول لأبوي يعطيك كل شي بس
اتركني..تكفى
مالك" أتركك ...هههههه هذا حلم يا نوره ,مثل حلم إبليس
بالجنة
تدخل أم مسعود الغرفة ووراها البنات
أم مسعود" مالك وش بلاك تصرخ كذا ؟؟ صوتك لبره
نوره بخوف " خالتي لحقيني بيموتني
أم مسعود بحده " مالك ....اترك البنت
مالك بزعل" يمه طلعي بره
نوره" لا خالتي لا تطلعين ..بيموتني
أم مسعود " لا تخافين ما يقدر يسوي فيك شي
مالك بكل قوته يطلع أمه وخواته ويقفل الباب عليهم
وأمه من ورى الباب تهدي فيه وتطلب منه انه يذكر ربه
ويفتح لها الباب حتى تعرف السالفه لكن مالك ولا كأنه
يسمعها
نوره خايفه منه" مالك ...بعطيك الفلوس اللي تبغيها بس لا
تحركني
مالك" من هذي الناحية تطمني يا نوره ...مو أنا اللي أفكر
فيك , لكن لازم أبوك يذوق طعم الخوف وإن كان خوفه
عليك
نوره بصراخ" طيب وش ذنبي أنا هاا
مالك" ذنبك انك بنته ...ذنبك انك دمرتي حياة أغلى صديق
لي وحولتيه لخادم عندك ..ذنبك انك مثل قطعة الحلى وكل
واحد ذاق منك شوي
نوره بدون ما تشعر عطت مالك كف على وجهه كردة فعل
على كلامه لكن هذي الضربة خلته يتحول فجأة لإعصار
ثائر ...وصار يضربها بجنون وهي تبكي وتترجاه انه
يتركها
تركها مالك وطلع من الغرفة وقفلها عليها وصار يدور
بالصالة يكسر هذا ويرمي هذاك وخواته وأمه كانوا
يبكون على مالك وعلى اللي جالس يسويه بحاله وفيهم
فجأة ما لقاه إلا طاح للأرض عندها تتابعت صرخة البنات
وأمهم عليه
...............
,,

ليله كئيبة على أبطالنا ....
نوره كانت تبكي وتصرخ فيهم حتى يطلعونها لحد ما نامت
ومالك اللي أمه وخواته سهروا عنده يقرون عليه ويصلون
ويدعون إن الله يفك أزمتهم
ميثه نامت عند راشد وبينها وبينه خمسة أمتار وهو طول
الليل كان يطالع فيها وهي هلكانه من التعب
ماجد اللي كان يتقلب على الكنبة وكأنها مكسيه بالشوك
وصيته اللي دموعها غرقت المخدة اللي هي نايمه عليها
وتركي اللي صار الحين في غرفة العناية المشددة بعد
الضربة اللي جته براسه
وطلال اللي كان يقلب في العلبة اللي فيها الطقم وهو يلوم
مرام ألف مره
,,
في اليوم الثاني بالرياض وفي فيلا نوف ونواف ....
كانت نوف في المطبخ تجهز الفطور ...ما حست إلا نواف
يلمها له
نوف" نواف....
نواف" روحه انتي ...عنك عنك
نوف" بتموتني بخوفي ..
نواف بزعل" لا تقولين كذا مره ثانيه
نوف " ههه مدري عنك ...تجيني من وراي وانت توك
على السرير حتى ما غسلت وجهك
نواف يتركها ويروح من غير ما يكلمها
نوف عرفت انه زعل تركت اللي بيدها وراحت له ...لقته
بدورة المياه يغسل وجهه وينظف أسنانه
نوف بابتسامه" نعيما حبيبي
نواف ببرود" شكرا ...
نوف " وش بلاك وكأنك ما ودك تكلمني
نواف يطالعها" ما فيني شي ...
نوف" نواف لا تبيخها وش قلت أنا حتى تزعل مني كذا ؟؟
نواف" ما بيني وبينك كلام تكفين لا تحاولين
نوف تمسك يده" من جدك ؟؟
نواف يكتم ضحكته" امممم
نوف" خلاص أنا بروح وإذا بغيت شي أنا تحت
نواف" تعالي
نوف تبتسم له" نعم ...
نواف" وش بتسوين بالمطبخ ؟؟
نوف" بسوي لك فطور ..
نواف" لا أنا عازمك بره
نوف بصراخ" والله ...وكأنك عارف إني ميتة ملل
نواف" يا لله جدتي تنتظرنا
نوف تطالعه" بناخذها معنا؟؟
نواف"هههه لا بنروح إحنا عندها ...مسويه كوارع ودقت
علي ولزمت أروح
نوف" لا نواف أنا ما أحب الكوارع وثانيا ريحتها تأزمني
نواف" قومي بس لا تكسلين ...بلا دلع يا حلوه يا لله
نوف " طيب بس بطلب من عندك طلب
نواف" أي طلب ؟؟ انتي تتشرطين وتآمرين يا لغلا
نوف بابتسامه" والله انك بتخربني بدلالك ودلعك
نواف" هههه يعني وش يرضيكم يا حريم دلعناكم زعلتوا
من دلعنا وش نسوي نظربكم ؟؟
نوف" كذا؟؟ طيب ما راح أقول
نواف بزعل" جربي ما تقولين
نوف "ههههه خلاص بقول
نواف" قولي بسرعه لا تبرد الكوارع
نوف" خاطري اطلع لي يومين مليت البنات تفرقوا كل
وحده بصوب وانا تركوني لحالي
نواف يبغى يجننها" خلاص حبي حطي لك ملابس وروحي
عند اهلك يومين
نوف تضايقت لكنها كابرت" طيب مو مشكله بعد ما نرجع
من بيت عمي بجهز لي ملابسي
نواف" هااا يلااا ولا ارجع أنام؟؟
نوف بزعل" دقيقتين وأنا جاهزة
,,

في الشرقية ........
فتح مالك عيونه وشاف حاله نايم في الصالة ...على طول
حط يده في جيبه وارتاح كثير لما شاف المفتاح للحين
بمكانه ...قام والتعب هالك جسمه وراح جهة غرفته
وأخذ نفس طويل قبل ما يفتح الباب ...
فتحها ودخل لقى نوره نايمه على السرير وعبايتها للحين
عليها ....
كانت نوره نايمه وشهقاتها تتابع وحده ورى وحده
مالك شاف الدم نازل من جبهتها وهذا الشي ضايقه كثير
...استغفر ربه وجلس عندها
مالك بهدوء حط يده على خدها اللي كان ازرق من الضرب
لكن نوره حست فيه وقامت مفزوعة
مالك بلا مبالاة" يا لله قومي تروشي وغيري ملابسك
نوره" ما عندي ملابس
مالك يطالعها " خذي ملابس من مرام وأنا بروح اجبي لك
ملابس بعد الظهر
نوره بضيق" ما أحب البس ملابس مو لي
مالك بحده" أتوقع يا نوره للحين ما برد وجهك من الضرب
حتى تشتاقين لغيره
نوره" ايي عارفه الرجولة عند قليلين الحيلة بمد اليد
مالك تنرفز كثير" أنا لك يا نوره ...وقولي مالك قال
راح مالك من عندها وهي تبكي
مالك رجع الصالة وجلس وهو متضايق كثير .. وهو كذا
مرت من عنده مرام
مرام ببرود" صباح الخير
مالك" عليك
مرام " تبغي فطور
مالك" لا مشكورة
مرام تروح تجلس عنده " انت أحسن ؟؟
مالك يهز براسه يعني لا "....
مرام" خير حبيبي وش فيك ؟؟
مالك" قلبي يا مرام يشكي الهم
مرام" لا تحمل نفسك فوق طاقتها ...ولا تلبس قناع يحجب
شخصيتك انت مو الشخص اللي البارح
مالك تنزل منه دمعه حاول انه يمنعها لكن للأسف خانته
ونزلت ..عندها مرام ما قدرت إنها تشوفه بهذا الوضع
ففضلت إنها تقوم عنه
مالك" مرام خلك مع نوره وتحملي ما يجيك منها لأنها بدون
تربيه
مرام هزت براسها له وراحت عند نوره
,,
في جده ...صحى ماجد من النوم من بعد ما تكسر ظهره
من نومة الكنبة وراح فوق
دق الباب على صيته اللي كانت مقفلته عليها
صيته تفتح الباب وعيونها عليه ...لكنه دخل من غير
ما يصبح واخذ له ملابس ودخل يتروش
صيته جلست على الكنبة وهمها اكبر من الدنيا وجلست
تنتظره , بعد ما خلص لبس ملابسه
ماجد ببرود" بغيتي شي ؟؟
صيته" اييي انا اليوم بروح المستشفى
ماجد باهتمام " خير صيته فيك شي ؟؟
صيته" ما ادري أحس على طول تعبانه
ماجد" يا لله لبسي وخليني اوديك
صيته" لالالا ...لا تشغل حالك بروح مع السائق
ماجد" اوووف..صيته مصختيها
صيته بزعل" لا تصرخ بوجهي
ماجد سكت شوي" أنا ما اقصد ...لكن انتي تنرفزيني
صيته" أنا عارفه إني مو مصدر سعادتك أنا على طول
أنرفزك وأضايقك... ومحد يجبرك انك تعيش مع وحده
انت رافضها لأنك ما راح تتقبل منها شي لو هي ملاك
ماجد بزعل" رحمي حالي يا صيته يكفيني صدك لي
وشعورك تجاهي وكأني المذنب الوحيد في كل هذا
تكفين ريحي راسي وخليني احبك أكثر
تدرين انتي الحين وش جالسه تسوين ؟؟؟
انتي بتصرفاتك تخليني أتندم إن قلبي اليوم صار ينبض
بحبك..أنا جالس أبين لك انك تعنين لي الكثير لكن انتي
بصدك لي تحسسيني إن ما في مجال إن إحنا نستمر مع
بعض أكثر من كذا
كلمات ماجد وترتها كثير وحست إن الدنيا تدور فيها
جلست على الكنبة وعلى خديها دموع الزعل والضيق
جالسه تجرح خديها
ماجد جلس جنبها" انتي بخير؟؟
صيته تبكي "..........
ماجد" لا تبكين ما أقدر أشوف دموعك
صيته بحده" روح من وجهي يا ماجد ما أبغي أشوفك
ماجد" صيته انتي قاسيه
صيته" وانت قاتل ...قتلت قلبي وقطعت أوصاله
ماجد تضايق من كلامها وطلع من الشقة وصفع بالباب
............
,,
في الشرقية وفي بيت أم مسعود.....
كانوا جالسين على سفرة الفطور..
مالك يطالع بمرام" وين نوره ؟
مرام" تقول ما تبغي تطلع من الغرفة
مالك بضيق" لين يصير بكيفها
أم مسعود" مالك خلها على راحتها يكفيها ما شافته منك
البارح ...على العموم لي كلام معك
مالك بعالي الصوت" نــــوره
طلعت نوره وهي لابسه بجامه مرام ورافعه شعرها وكانت
ناعمة كثير
نوره " نعم
مالك " تعالي جلسي معنا
نوره" أنا مو بالعادة افطر ...ما يجيني نفس الصباح
مالك" لا العادات بتتغير ...تعالي يا لله
وسع لها مكان وراحت جلست بجنبه وهي منقرفه من
السفرة واللي عليها
مالك" أكلي أنا ما أحب آكل وأحد يطالع فيني
نوره" ما أحب البيض ...
مالك" تبغين جبن ؟؟
نوره تهز براسها يعني لا ..
مالك" طيب طالما مالك خاطر بالأكل قومي سخني لي
حليب
نوره" لا
مالك بحده" ايش؟؟
نوره بصوت مغبون" ما أحب ريحته
مالك " ليه قلت لك اشربيه ؟؟ قومي سخني لي إياه بسرعة
قامت نوره وراحت المطبخ بعد ما أشر لها مالك عن مكانه
غمز مالك لرغد حتى تروح معها
أم مسعود" وش بلاك يمه انت ما تحب الحليب
مالك بهدوء" عارف
بعد عشر دقايق ...جابت نوره الحليب وهي تمشي بشويش
خايفه لا يطيح من يدها
نوره" خذ
مالك" تأخرتي كثير وأنا خلصت فطوري شربيه انتي
نوره تضايقت من حركته وحطت الحليب وراحت الغرفة
وهي تبكي
أم مسعود" ممكن تفهمني وش جالس تسوي ؟؟
مالك بضيق" جالس أعاقب نفسي فيها
أم مسعود" عاقل انت ولا كيف؟؟
مالك" يمه تكفين خليني أربيها زين ...ولو لحظه حسيت إن
انتي أو وحده من خواتي عطتها وجه زايد أو خدمتها قسما
بالله لا أطلع من البيت ولا أحد يعرف مكاني
مرام" طيب لا تزعل نفسك
مالك" صحيح مرام مبروك ...نستني حتى أبارك لك
أم مسعود" بعد ايش بعد ما بهدلتنا البارح وضايقت طلال
وخلتنا كلنا على أعصابنا
مالك" ليه؟؟
رغد" رفضت تعقد إلا لما تجي انت ...وبالموت أقنعناها
وطلال طلع وهو زعلان
مرام تبكي "......
مالك" إن شاء الله كل شي يكون تمام لا تحاتون
مالك قام لغرفته وما فتح الباب إلا ونوره جالسه تبكي
وتتكلم من جوالها
هي شافت مالك تغيرت ألوانها
نوره" لا والله ما فيني شي ...بس اشتقت لك يمه
...واخواني شلونهم ؟؟ سلمي لي عليهم وجدتي تكفين
مع السلامة يمه وما تنسيني دقي علي كل فتره ..مع
السلامة
مالك بحده" جيبي الجوال
أخذ الجوال من عندها وحطها على آخر المكالمات لقاها
بالفعل داقه بيتهم
نوره" مالك ..عطني الجوال والله ما قلت لهم شي
مالك" انسي شي اسمه جوال
نوره" وشو هذا ؟؟ إحنا في زمن الاستعباد؟؟
مالك" مو مشكله حياتي ...تحمليني شوي وتحملي بعد
شوقك للمعجبين لحد ما ترجعين من بيت أهلك
نوره تبكي " حرام عليك يا مالك أنا وش سويت لك حتى
تعاملني كذا ...هذي عقوبتي لأني حبيتك؟؟
مالك" هذا الكلام مأكول خيره يا بنت عمي ...الاسطوانات
هذي ما تمشي علي فتكفين ريحي حالك وريحيني
طلع مالك من البيت بعد ما وصى أمه وخواته إنهم يحطون
عينهم عليها حتى ما تطلع من البيت
,,
في بيت بو نواف.........
أم عبد الرحمن" وش بلاها نوف مو عاجبتني
طارق" والله يا سحوره شكلها مو مرتاحة مع نوافو
نوف" نواف ما في مثله
نواف" وشهد شاهد من أهلها
طارق" غلطان من يحط حاله بين البصلة وقشرتها
أم عبد الرحمن" لا تلوع كبدي وحط لسانك بحلقك واسكت
طارق" أفا ...
نوف" ههههههههه
نواف" خلونا من النجره ...نوف خاطرها تغير جو يومين
وتقول إنها اشتاقت لصيته ...وش رايكم نروح جده ونجلس
يومين؟؟
نوف تطالعه بابتسامة رضى".........
أم نواف" والله يا ليت
طارق" قول قسم ؟؟ آآآآي يا بااااي انت ما في مثلك ومثل
أفكارك يا خوي
أم عبد الرحمن" أنا ما نيب رايحه
طارق تضايق" ليه؟؟
أم عبد الرحمن" مالك دخل
نواف" ما راح نروح بدونك يا جدتي
أم عبد الرحمن" خلاص جلسوا كلكم
طرق" مو بكيفها ما تبغي تروح تجلس مكانها
أم عبد الرحمن" انطم وتراك ما تسوى شي بدوني وهذا
أخوك بيلغي السفرة كلها على شاني وانت مالك كلمه
فاهمني يالدثوي
نواف" خلاص لا تزعلي حالك يا جدتي أهم شي رضاك
أم عبد الرحمن" رضاي إني أجلس ببيتي
نواف" خلاص صار
قامت أم عبد الرحمن وهي كلها سعادة إن كلمتها بتمشي مع
إنها بتموت وتشوف صيته لكنها تكابر
طارق يتحلطم " وش هذا؟؟ صحيح الكبر شين
نواف" عيب يا طارق
طارق" من حرتي هذي العجوز قاهرتني
نوف" طارق أقول شي وما تزعل مني ؟؟
طارق" ومنو يزعل منك ومن كلامك البلسم يا نوف؟؟
نواف يطالعه " والله ؟؟
طارق" هههه هذي مرت اخوي وحسبة اختي لا تصير
غيور
نواف" ايي افكر
نوف" شوف روح لها وكلمها بأسلوب حلو وتلاقيها تفهمت
لك ..وجدتي ما يبغى لها إلا كلمتين بذوق
نواف" ولا تقول لها سحوره
طارق" ههههه وش أقول لها نوره ؟؟
نواف" اووف والله لو تدري انك تعرف اسمها تجيها صدمه
عاطفيه ههههه
طارق" هههههه لا بسم الله عليها بس يعني الأوراق
الرسمية كلها عندي ومعقولة في احد ما يعرف اسم
جدته؟؟
أم نواف" ما تشوفها حرب ومحارب مع نوره تتضايق إن
سميّتها ما طلعت عليها وتحاربني ليه ما سميت صيته نوره
على اسمها
نوف" ههههه يا حبي لها الغالية
راح طارق بسرعة لعندها ودق عليها الباب
طارق" ادخل جدتي ؟؟
أم عبد الرحمن" ادخل وش له تدق الباب ...مسوي روحك
ذرب وثلاث أرباع راسك يطل من الباب
طارق" والله خفت ...قلت يمكن لابسه قميص نوم ولا شي
أم عبد الرحمن" ما تجوز انت ؟؟
طارق يروح يجلس جنبها ويبوس يدها" ممكن نعيش هدنه
لمدة عشر دقايق
أم عبد الرحمن" ما أقدر بس بحاول
طارق" ليه ما تبغين تروحين جده ؟؟ معقولة ما ودك
تشوفين صيته بالله
أم عبد الرحمن" إلا ودي أشوفها بس ما ابغي أشوف قليلة الحيا
طارق بزعل" قصدك دلع؟؟
أم عبد الرحمن " ايي بالله ليه في غيرها ؟؟
طارق" انتي تدرين إني حابنها وودي إياها على سنة الله
ورسوله ؟؟
أم عبد الرحمن بخوف" لا مستحيل أنا مو موافقة
طارق" طيب وش رايك في رغد بنت عمي ؟؟
أم عبد الرحمن" إذا تبغي أبوك يذبحك فكر فيها
طارق" طيب مشاعل بنت جيرانا العم بو صالح
أم عبد الرحمن" مليهه والهبال فنها
طارق" وسعاد أختها؟؟
أم عبد الرحمن" ويه هذي عاد دمها دبس على قلبي ما
أطيقها
طارق بهدوء" انتي رافضه البنات ولا رافضه فكرة
الزواج؟؟
أم عبد الرحمن" هااا ...وليه تعرس انت قاصرك شي ؟؟
طارق" قاصرني ؟؟ أي أكيد قاصرني أكون مثل نواف
وماجد ومالك كل واحد عنده زوجه وبيت
أم عبد الرحمن"..........
طارق" أشوفك ساكتة؟؟
أم عبد الرحمن بضيق" كلهم راحوا وخلوني ..وإنت بعد
بتلحقهم
طارق" أنا إذا تزوجت بكون مثل نواف كل شوي يجي
يشوفك ويتطمن عليك وبعدين عيالنا يملون عليك البيت
ومنو ما يتمنى يكونون أحفاده حواليه؟؟
أم عبد الرحمن صارت تبكي ".........
طارق يلمها له ويبوس راسها " خلاص أهم شي رضاك
يا يمه ...ماله داعي تنزلين دموعك الغالية على شان أي
سبب مهما كان
أم عبد الرحمن تلم طارق لحضنها" الله لا يحرمني منك يا
غناتي
طارق"؟؟؟؟؟؟؟؟؟؟؟؟
,,
في الشرقية عند المغرب كانت نوره جالسه وحاطه يدها
على خدها وتبكي
دخل عليها مالك على طول مسحت دموعها ورفعت شعرها
اللي مثل الحرير عن وجهها
مالك كان يطالع بجمالها الرباني اللي ما كان مصطنع كانت
خدودها ورديه من كثرة البكي وعيونها الملونة تلمع من
الدموع حاول مالك قد ما يقدر انه ما يدقق في ملامحها
مالك" بتظلين على طول كذا في غرفتك ؟؟
نوره" وين أروح ؟؟ الحديقة؟؟
مالك عارف إنها تتمسخر لكنه طنشها ولا كأنه سمعها "
قومي لبسي ...جبت لك ملابس
مد يده بالكيس مسكته من عنده وفتحته لقته جايب لها
جلابيات للبيت
نوره" مالك ...وش هذا ؟؟
مالك يتمسخر عليها " جلابيات ...ما بغيت اكسر بخاطرك
جبت لك إياهم على مستوى ...كلفوني 300 ريال يعني
أكثر من شهريتك لكن أنا كريم وانتي إن شاء الله تستاهلي
نوره بقرف " يعع أنا ما أحب البس الجلابيات ...وثانيا
مقاسهم كبير علي كثير
مالك بخبث " والله عاد أنا ونظرتي تدرين للحين ما حالفني
الحظ وعرفت مقاسك
نوره بتهديد " لا تلمح لشي ...إعرف إن منيتك أقرب
مالك" أنا ما فكرت باللي جالسه تفكرين فيه ... ولو
خاطري بشي ما راح آخذ الإذن منك ومثل انتي ما تحبين
تلبسين ملابس بعد احد انا بعد مثلك تذكري كلامي زين
نوره بصراخ" انت كيف تفكر ...انت نمو صاحي
مالك يقرب منها" جربي انك تطولين صوتك مره ثانيه
فاهمه ؟؟
نوره بخوف " ما ابغاهم ...جيب لي طقمين بنطلون
وبجامتين
مالك" ما عاد ابغي أشوفك تلبسي بنطلون... وشعرك على
طول ارفعيه لا تخلينه على وجهك كذا كأنك طالعه من
سجن
نوره" بس خواتك يلبسون
مالك" والله خواتي براحتهم لكن انتي زوجتي وأنا من حقي
أمنعك
نوره باستفزاز " خايف يا مالك ؟؟
مالك يطالعها" خايف ؟؟ من شنو ؟؟
نوره" يمكن خايف انك تشوفني جذابة وما تقدر تمسك حالك
عني
مالك "هههه .. ضحكتيني وأنا ما ودي
نوره ...انتي بتسوين كل اللي أقوله لك , وزمن الحرية
والاستخفاف انتهى وجا زمن الطاعة لكن مو أي طاعة
الطاعة العمياء
نوره تطالعه بخوف"؟؟؟؟؟؟؟؟؟؟؟؟؟؟


.....

كبرياء رجل وشذوذ إمرأه
البارت الواحد والأربعون

نوره باستفزاز " خايف يا مالك ؟؟
مالك يطالعها" خايف ؟؟ من شنو ؟؟
نوره" يمكن خايف انك تشوفني جذابة وما تقدر تمسك حالك
عني
مالك "هههه .. ضحكتيني وأنا ما ودي
نوره ...انتي بتسوين كل اللي أقوله لك , وزمن الحرية
والاستخفاف انتهى وجا زمن الطاعة لكن مو أي طاعة
الطاعة العمياء
نوره تطالعه بخوف"؟؟؟؟؟؟؟؟؟؟؟؟؟؟
\\
//
\\
في لبنان ...وفي المستشفى وعند تركي
كانت الأجهزة مسورته وهو ما بقى منه غير قلب ينبض
سلاف كانت تطالعه من الباب الزجاجي ودعواتها كلها عليه
ترجوا ربها انه يموت وتتخلص منه
الدكتور " مرحبا
سلاف بتوتر" أهليين
الدكتور" حضرتك تئربيلوا شي؟؟
سلاف" أنا؟؟لالالا
الدكتور يطالعها باستغراب".......
سلاف " هو صاحب ابن خالتي ...كيف حالته ؟؟
الدكتور" حاله ما بيطمن ..تعرفي حدا يئربلوا ؟؟
سلاف" أهله كلهم بالسعودية وما بعرف ولا رقم لأحد منهم
الدكتور " اهاا..خلاص حنا راح نبلغ السلطات السعودية
يستلمونه ...حنا ما بدنا نتحمل المسؤولية
سلاف بخوف" لهاي الدرجة حالته خطره ؟؟
الدكتور" للأسف ....الأخ تركي يشكو من الإيدز
سلاف بخوف" شووووووو
...............
,,
في الشرقية وعند شيماء اللي كانت جالسه وحاطه سماعة
التلفون على إذنها وهي تتبسم
تدخل عليها شمسه " للحين ما عقدتي وانتي على طول
تكلمينه بعدين بتبيخين عنده
شيماء تغمز لها إنها تطلع بره
شمسه" لا والله ...أعتقد هذي غرفتي بعد
شيماء بهدوء" احمد ..أكلمك وقت ثاني ...مع السلامة
شيماء تطالعها بنظرات زعل".........
شمسه" لا تطالعيني كذا.... ملل هناك شيخه جالسه مع
طلال وما تبغيني أكون معهم وانتي هنا بعد ماسكه
التلفون صار لك ساعتين ...لا يكون تفتكرينه حلاوة؟؟
شيماء تطلع من عندها من غير ما ترد عليها ..
نزلت تحت ودقت الباب عند شيخه وطلال ...لكن محد رد
عليها لكنها دخلت وهي ساكته
طلال معصب" ما راح أنساها لها لو شو ما صار
شيخه" وش ها لهبال ...الحين انت بتموت فيها.... أقول
لا تكابر
طلال بضيق" يعني اللي سوته فيني سهل ؟؟
شيخه" خلاص هي دقت البيت تبغي تكلمك وتقول انك
ما ترد على جوالك ..أقول لا تزيدها عليها يكفيها اللي
هي فيه
طلال" عارف أنا متعمد إني ما أرد عليها وثانيا هي اللي
جابته لنفسها ...تتحمل
شيخه" تدري البارح مالك دخل عليهم وبيده عروسته
طلال يطالعها بذهول" من جدك ؟؟
شيخه بضيق" ايي والله وخالتي انزعجت كثير
شيماء بتردد" ومنهي عروسته ؟؟
شيخه باندفاع " بنت عمه بو نواف اللي عايشين بالرياض
طلال" غريبة ؟؟ هو ما يكره كثرهم
شيخه" وش تقول بعد ..الحب أعمى
شيماء بضيق" بس ماله حق يتزوج ومحد يكون عنده خبر
شيخه وطلال صاروا يطالعونها وما تكلموا بكلمه
شيماء" على العموم ...الله يوفقه
شيخه" إن شاء الله
دق جوال طلال لكنه طنشه ...
شيخه" رد يا طلال لا تصير عنيد كذا
طلال رفع الجوال لكنه تفاجأ من المتصل " هلا والله ...لا
ما عندي شي...البيت لا ....خلاص ربع ساعة وأنا عندك
سكر طلال الجوال...
شيخه" منو ؟؟
طلال " مالك يبغي يشوفني
الكل "!!!!!!!!!!!
,,
في جده ....دخل ماجد الصالة لقى الأنوار مطفيه وصوت
التلفزيون عالي ودلع ومحمد جالسين يشوفون فلم
ماجد" وش كل هذا يعني على أساس إنكم في سينما ؟؟
دلع" وش نسوي خلينا نفرح روحنا كل ما اشتقنا للسينما
سافرنا ...ما في حل إلا هذا الحل
محمد" هههه والله جيت بوقتك يا عسل...الفلم توه مبتدي
تعال لا يفوتك.
دلع" ايي تكفى اخوي شكله مرعب أنا أخاف...تعال اجلس
جنبي حتى أحس بالأمان
ماجد" والله ودي لكني تعبان ألف
دلع" تعال بسوي لك عصير كوكتيل ...ولا ليمون أفضل ؟؟
محمد" قومي سوي لي صار لي ساعة أترجاك ولا كأنك هنا
والحين ماجد جالسه تعرضين عليه خدماتك وتخيرينه بعد
دلع تمسكه من خده" أموت بالغيرة والغيورين
محمد" لا يكثر بس ...سكتي وخلينا نشوف الفلم
ماجد" دلع ...وين صيته؟؟
دلع" صيته تعبانه شوي...صعدت ترتاح
ماجد بخوف" خير؟؟
دلع" ما ادري بس حالها مو عاجبني ..تقول يمكن عندها
هبوط بالضغط
ماجد توجه للدرج وصعد وهو يركض لكنه لما وصل
للشقة أخذ نفس وفتح الباب بشويش خاف تكون صيته
نايمه وبالفعل كانت صيته نايمه على الكنبة
يقرب منها ماجد ويجلس عندها ويحط يده على راسها
يتطمن إذا ما فيها حرارة ...لكنه لاحظ فيها حرارة بسيطة
كان يطالعها ويحس بالذنب هو اللي عصبها اليوم وخلاها
تبكي وأكيد حالتها من نفسيتها التعبانه لكن وش الحل ؟؟
ماجد يبوس جبينها" غلاي
صيته كانت غرقانه في النوم"............
ماجد يرفعها ويصعدها على سريرها فوق عندها حست فيه
صيته وترجته انه ينزلها لكن التعب مو مخليها ترفع راسها
حطها ماجد على السرير" صيته وش بلاك عمري ؟؟
صيته صارت تبكي" تعبانه يا ماجد
ماجد بخوف" روحي فدوه لك ...قومي خليني أساعدك
تلبسين ملابسك
صيته " ما اقدر أحس جسمي ميت
ماجد" صيته لا تخوفيني عليك
صيته" خليني بنام
بالفعل راحت صيته في النوم وماجد جالس يمسح على
راسها ويطلب منها تسامحه ...لكن ليتها صيته سمعته بهذا
الوقت يمكن تغير الحال
............
,,
في الشرقية ....
مالك " والله أنا بعد يوم عرفت بالسالفة تضايقت
طلال" مرام كان تصرفها غريب كانت وكأنها ما تبغيني
...وكأنها مغصوبة
مالك باستغراب" كيف تقول مغصوبة وهي اللي حاربتني
وحاربت الدنيا كلها حتى تاخذك
طلال بضيق" وش تسمي اللي سوته البارح ؟؟
مالك " والله وش أقول لك ....طلال اتمنى انك تفهمني أنا
أحاول جاهدا إني أريح كل اللي حوالي لكن ما ادري كيف
كل شي أسويه ينقلب ضدي ...
يعني أنا أسعى إني أوفر حياه جميله لخواتي واصريت على
مرام إنها تاخذ عبد الله حتى لو هي ما تبغيه بس على شان
يريحها وينسيها اللي شافته
طلال بزعل" انت تفكر المادة هي الأساس بهذي الدنيا ...
ومن غيرها ما يسوى الإنسان ؟؟
مالك بجديه " ايي المادة هي الأساس لأن الفقر يمحي كل
شي والمادة تشتري كل شي الحب والحنان والعطف
والدليل إن الحرمان علمنا اللي ما علمتنا إياه أمي
الحرمان صعب يا طلال ومو أي واحد يقدر يقدّره إلا
اللي عايش فيه.. شوفني قدامك مجرد إنسان خالي من
الأحاسيس والعواطف
أنا مجرد مسخ اللي يقرب مني ما يقدر يتحملني ...
السعادة ما ذقتها وحتى اللي حوالي حرمتهم منها ... قلة
وجودي بهذي الدنيا أفضل
طلال" مالك ...انت تظلم نفسك
مالك بضيق" طلال.. انا أناشد الواقع وهذا اللي جالس
يصير سواء عاجبنا أو لا
طلال ساكت ".........
مالك" قوم معي
طلال" على وين ؟؟
مالك " نصلح اللي كسرناه
بعد نص ساعة في بيت أم مسعود ....
دخل مالك البيت لقى أم مسعود جالسه ومرام ورغد ونوره
مالك بلا مبالاة بنوره" السلام عليكم
الكل ماعدا نوره " وعليكم السلام
مالك بضيق" مرام جيبي لي كاس ماي للمجلس
مرام" إن شاء الله
أم مسعود" معك أحد ؟؟
مالك ببرود" لا
راح مالك للمجلس عندها راحت نوره للغرفة وقفلت عليها
الباب
عند المجلس مرام تدق الباب ....
مالك " تعالي مرام ما عندي احد
دخلت مرام المجلس وتفاجأت بوجود طلال اللي كان
يطالعها بكل حب وعتب ...كانت تطالع تخاطيط وجهه اللي
انرسمت في مخيلتها من طفولتهم
رجعت مرام لبره لكن صوت مالك سبقها " مرام تعالي
رجعت مرام وهي متوترة حدها ...
مالك " قدمي الماي لخطيبك لا تحرجينا معه ويقول ما
تفهمين في الذوق
مرام للحين واقفة"..........
مالك بابتسامه" اخذوا راحتكم
راح مالك ومرام للحين واقفة "......
طلال يوقف لها وياخذ الكاس من يدها وعيونه ما شالها من
عليها
طلال" كيفك يا عروس
مرام مو قادرة تتنفس "......
طلال " ما راح تجلسين ؟؟
مرام رفعت عينها له لكنها بسرعة نزلتها" خليني أغير
ملابسي
طلال يمسك يدها " تعالي باللي انتي لابسته
كانت مرام مبسوطة لكن إحراجها غطى على كل شي كيف
تقابل طلال أول مره وهي لابسه بجامه
طلال بغزل " بالبجامه وقمر ...كيف كنتي البارح ؟؟
مرام بخجل ترتب شعرها" خليني بروح البس لي شي
مرتب وارجع
طلال يطالعها" أكيد بترجعين ؟؟
مرام تطالعه" ربع ساعة وربي أنا عندك
طلال يبتسم لها" طيب
راحت مرام من عنده تركض وهو مبسوط فيها على الآخر
.........
,,
في الرياض وعند نواف ونوف ....
نواف" هلا وغلا
مالك" هلا فيك ...كيفكم ؟؟
نواف" والله بخير مشتاقين يا الغالي
مالك" تعالوا خلونا نشوفكم نوره بعد اشتاقت لكم
نواف" بشرنا عنها ؟؟
مالك" بخير وعافيه ...وبجيتها نورت البيت
نواف" البيت منور بأصحابه ...على العموم إحنا قررنا إن
إحنا نروح جده نجلس يومين وش رايكم تجون معنا؟؟
مالك" والله ما اقدر ...عندي خيله محتمل ولادتها في
ها ليومين وما اقدر أروح واتركها
نواف" هههههه ...يا قلبي على الرومانسية
مالك" ههههه أعجبك أنا
نواف" يعني لو نوره بتولد وش بتسوي ؟؟
مالك " ههه يمكن أولد عنها
نواف"ههههه الله يهنيها فيك , إلا أقول النور يمك أكلمها ؟؟
مالك" أي والله وهي بعد تبغي تكلمك ...اسمعني يا نواف
نواف" سم
مالك" سم الله عدوك ...بس قلت أخبركم إني أنا ونوره
إن شاء الله بنروح ألمانيا بنجلس أسبوع فإذا اتصلتوا فينا
ولقيتوا جوالاتنا مقفولة لا تحاتون طيب؟؟
نواف" لاااا وش هذا الخبر؟؟على العموم ما أوصيك إذا
احتجتوا شي أنا موجود
مالك بضيق " خيرك سابق يا النسيب
عطى مالك الجوال لنوره ...
نوره" الوووو
نواف" هلا بالعرووووس
نوره تبكي" هلا اخوي كيفكم ..أنا مشتاقة لكم كثير
نواف" له له له ...وش له الدموع والبكي , خليك
مبسوطة يا عمري هذي الأيام ما ترجع انبسطي قد ما
تقدرين
نوره" طيب ...
نواف" بغيتي شي قلبي ؟؟
نوره " اييي
نواف " آمري
نوره بصوتها المهزوز من كثر الخوف " سلم لي على أمي
وأبوي وقول لهم يسامحوني لأن الدنيا حياة وممات يمكن ما
ارجع لهم عايشه
نواف بخوف" وليه تقولين هذا الكلام ؟؟
نوره وعينها على مالك اللي كان معصب كثير منها " الدنيا
كذا هذا قدر
نواف" تطمني أبوي يومين ويرضى عليك المهم...بس
نجي من جده ننتظر منك زيارة لنا طيب ؟؟
نوره" أتمنى والله
نواف" هذي نوف معك
نوف" السلام عليكم
نوره" هلا عمري كيفك ؟؟
نوف" الحمد لله ...نوره انتبهي على حالك ولا تخلينا نحاتيك
نوره تبكي" أنا بخير ومالك مو مخليني احتاج شي...
نوف" الله يخليه تاج فوق راسك يا رب
نوره " إن شاء الله
نوف" يا لله في وداعة الله يا الغالية ودك بشي ؟؟
نوره" لا الحمد لله كل شي فوق الخيال ما تقدرون
تتصورون كيف؟؟ لكني فاقدتكم ومفتقده صيته , تكفين
يا نوف خليها تكلمني
نوف" إن شاء الله لا تحاتين ...مع السلامة
سكرت نوف من عندها وهي مدمعه ...
نوف" كسرت خاطري والله
نواف" الله يهنيها ...هي اللي اختارته أكيد مبسوطة معه
نوف" الحمد لله
نواف" وش كنتي تقولين من شوي ؟؟
نوف" ههه اييي أقول إن طارق جهز شنطته البارح
نواف" هههه الولد غرقان
نوف" هههه والله انه عجيب ما توقعته بيقدر يقنعها بهذي
السهولة
نواف" هو طارق كذا إذا بغى شي يجلس يحن لين يصير
اللي يبغيه... ما تشوفينه كيف عزمها على العشا وراحوا
مطعم ؟؟
نوف" هههه وخالتي كانت متشيكه على الآخر
نواف" هههه تفكر بتروح زيارة لأحد ريحة البخور واصله
للحديقة
نوف" هههه أموت فيها الله يخليها لنا ويديمها فوق روسنا
نواف" إن شاء الله بيخليها نحتمي تحت ظلها ...إلا أقول
انتي لا تعطين صيته خبر طيب ؟؟
نوف" عمري صيته أخيرا بشوفها ...متى بنروح عندهم ؟؟
نواف" يعني بعد بكره ...بس هااا مو تجلسين عندها
وتنسيني
نوف" وأنا اقدر يا قلبي انت ..
نواف" تكفين ما اقدر على الكلام الحلو ... وربي أحس إن
قلبي بيفز من مكانه
نوف" اهااا زين ما نسيت ... وش كنت تتآمر انت وطارق
من وراي
نواف" متى ؟؟
نوف" نواف عن هذي الحركات ... تراها ما تمشي علي
نواف" ههه بل ...مفاجئه بس خربتيها
نوف تبتسم" وش هذي المفاجئة ؟؟
نواف" بكره بتعرفين
نوف" لا نواف حبيبي قول ....
نواف يتصنع النوم"..........
نوف" نواف ...نواف
...............
,,
في الشرقية وبغرفة نوره ومالك ..
مالك" خلاص بطلي من البكي وبعدين ؟؟
نوره جالسه تبكي ومو مهتمه من كلامه ...
مالك" قومي سوي لي عشا ميت من جوعي وما تعشيت
نوره" وش أسوي لك ؟؟
مالك" كفته ...
طلع مالك من الغرفة وراح للصالة وجلس بجنب أمه
نوره تروح له وتجلس جنبه وتكلمه بصوت واطي " مالك
...ما اعرف أسوي كفته
مالك بملل" خلاص سوي لي بيض
نوره تنزل راسها" ريحته كريهة ما أطيقه
مالك يقرب منها" بس أنا أحبه يا نوره
أم مسعود" كيف ما تحبي البيض يا يمه البيض مغذي
ومفيد ...
نوره" ايي بس زفر يا خالتي وأنا ما أحب الزفوره
مالك باستفزاز" بكره لما تحملي وش راح تآكلي ؟؟ لازم
تآكلي بيض حتى يتغذى الجنين
نوره بضيق " أنا ما أحب الجهال
مالك ببرود" بس أنا أحبهم يا نوره
نوره تغير السالفة " مو اليوم انت أكلت بيض؟؟
مالك" ايي أكلت بيض بالجبن والحين ابغي بيض بالطماطم
نوره" وش هذا إدمان ؟؟
مالك" سميه مثل ما تحبين
نوره بزعل" ما اعرف والله يا مالك...وش رأيك أسوي لك
بريد وجبن ؟؟
مالك يطالعها" بزر أنا تسوين لي بريد بالجبن قومي يا لله
بلا كسل يا عروس
راحت نوره المطبخ وهي متضايقة من مالك وطريقته وقفت
تطالع بكل زاوية في المطبخ وهي حايره بعمرها لكنها
رجعت لهم الصالة
مالك يطالعها " هااا وش صار ؟؟
نوره محرجه" خالتي ما شفت البيض وينه ؟؟
أم مسعود" يمه البيض بمكانه بباب الثلاجة
نوره" بالثلاجة ؟؟ أنا أدوره بالمخازن
مالك ما قدر يتمالك نفسه وصار يضحك بجنون "هههههه
نوره تضايقت وصارت تطالعه وبعيونها متجمعة الدموع
مالك" هههه آآآه يا يمه مو قادر بطني بيتفجر
أم مسعود" خلاص يمه روحي شوفيه
راحت نوره وهي متضايقة ودموعها على خدها
أم مسعود" رغد روحي معها
مالك يمسك يد رغد" جلسي
أم مسعود" حرام عليك يا يمه ...البنت متعودة على الخدم
والحشم من حقها ما تعرف شي
مالك سكت والضيق مبين من عيونه وكان يقول في نفسه
كذاب يا مالك همك أكبر من الدنيا أصلا حتى ضحكتك
كانت في غير محلها انت متأزم كثير والله العالم على
شانها ولا على شان حالك
أم مسعود" يمه رجع البنت لبيت أهلها
مالك بزعل" نعم ؟؟ نوره هذا مكانها لين أنا أقرر اني
اتركها ذاك الوقت أقول لها مع السلامة
أم مسعود" يا يمه لا يكون الله يعاقبني ببناتي ...حرام عليك
اللي جالس تسويه فيها
مالك بضيق" ليه وأنا قاتلها ؟؟ هذا هي جالسه معززه
مكرمه.. تبغي تعيش أحسن من كذا ؟؟
على كل اللي سواه أبوها فينا انتي للحين كاسره خاطرك...
هي وين تلاقي ناس مثلنا بالله هااا؟؟
أم مسعود" أبوها جزاه عند ربه أنا وكلت همي له ..لكن
البنت مالها ذنب تدفع ثمن أخطاء غيرها
مالك بضيق" نوره ذبحتني يا يمه
أم مسعود بجديه " مالك انت تحبها ؟؟
مالك وكأنه تلقى صفعه على وجهه " وش تقولين يمه ؟؟
أم مسعود" أنا أسألك إذا كنت تحبها أو لا
مالك بصوت متقطع " هههه انتي غريبة يا غالية أصلا
نوره ما ....
قاطعت كلام مالك صرخة نوره اللي كانت بالمطبخ ...
فز مالك لعندها لقاها على الأرض وماسكه يدها
مالك" خير نوره ...وش فيك؟؟
نوره تبكي" يدي احترقت يا مالك
مالك بخوف" لا تخافين يا عمري ...قومي آخذك للدكتور
نوره تطالع عيونه وكأنها تدور فيهم الحنان" بموووت يدي
توجعني
مالك" بسم الله عليك ...أنا آسف يا نوره يا ليتني ما طلبت
منك شي
نوره دموعها على خدها وترجف من الخوف" يمكن
تشوهت يدي يا مالك الحقني الله يخليك
مالك" أنا معك لا تحاتين بس انتي قومي معي اوديك
للدكتور يا قلبي
نوره مو قادرة تتماسك رفعها مالك على يده وهو ميت من
خوفه عليها ... وصار يصرخ على رغد إنها تلحقه لغرفته
,,
هناك وعند طيور الحب ...طلال ومرام
طلال بهدوء" بالله بتضلين منزله راسك كذا ؟؟
مرام رفعت راسها وعلى وجهها ابتسامه جميله ".....
طلال" تعبتيني من كثر ما تكلمت أبغي اسمع كلامك
مرام" ههه وش تبغيني أقول ؟؟
طلال بعشق" قولي لي أحبك
مرام نزلت راسها وهي بتموت خجل".....
طلال" هههه امزح معك ... بس لا تظلين كذا تكفين ,
أخاف مالك يجي يقول لي اتكل وأنا ما شبعت منك
مرام" هههه طيب وش أقول ؟؟ أنا بنت أميل للهدوء نوعا
ما ....خدوم لو احد يطلبني عيوني ما اقصر
طلال بلهفه" عيونك لي فاهمه ؟؟
مرام" ههه مثل ما تآمر
طلال" ما يآمر عليك عدو يا نور قلب طلال
مرام محرجه" بوقت الشدة تلاقيني بسبع رجال
طلال" اووف ...الله يستر هههه
مرام" ههه لا يعني تقدر تعتمد علي في كل شي ..أخواني
علموني كيف اعتمد على حالي وأمشي أموري بنفسي
طلال"طيب فهمنا .... والعاطفة وينها ووينك ؟؟
مرام بخجل" انولدت من طاحت عيني عليك
طلال يرفع راسها بيده" يعني كان الشعور متبادل ؟؟
مرام" اممم
طلال بعشق " بمناسبة هذا الاعتراف الخطير ... ممكن
أطلب طلب ؟؟
مرام تطالعه بخوف" لا
طلال" ليه ؟؟
مرام ساكتة"..........
طلال" ما كنت أبغي أكثر من إني أشوف شعرك نازل على
وجهك
مرام طالعته براحه كبيره وفتحت شعرها اللي نزل على
طول على وجهها ... مسك طلال خصلة من شعرها
وقربها له وباسها ومرام كانت خجلانه كثير ....
طلال يمسك يدها ويكلمها بكل حب" أخيرا تحقق حلمي
وانتي بجنبي الحين
مرام بس سمعت صوت نوره راحت لها ركض لقت مالك
رافعها وموديها للغرفة
مرام بلهفه" خير مالك ؟؟
مالك متوتر" نوره احترقت ...ساعديها إنها تغير ملابسها
مرام" يا الله ...لا يكون الحرق كبير ؟؟
مالك" ما أدري ما قدرت أشوفه
نوره" ما اقدر يألمني كثير
مرام تروح لنوره" وريني يا عمري يدك ...لا يكون الوضع
متأزم وإحنا نضيع وقتنا بالصراخ
رفعت نوره يدها عن الحرق عندها بس اهدأت نوره شوي
مالك" هاا مرام كيفها يدها ؟؟
مرام" خير يا مالك ليش خايف ؟؟ كلها لسعه ما تتعدى حجم
حبة الحمص
مالك يطالع بنوره اللي كانت تمسح دموعها وتنفخ على
الحرق بحرص شديد
نوره بخوف" تتوقعون يحطون لي عليها جبيرة ؟؟
تركها مالك وطلع بره وهو مبتسم من الموقف اللي صار
على نوره وكيف إنها كبرت الأمور وخلتهم كلهم يخافون
مثلها... لحقته أم مسعود وهي تضحك
أم مسعود" الحين عرفت الإجابة على سؤالي
مالك بضيق" أي سؤال يمه ؟؟
أم مسعود" يوم سألتك تحبها أو لا
مالك بزعل كبير" كلكم مجانين بهذا البيت
طلع مالك من البيت وهو يفكر بالموقف وبسر اندفاعه لنوره
وانه كان خايف عليها كثير ويسأل حاله ألف مره ..معقول
نوره صوبتني بقلبي ؟؟ معقولة أنا انجذبت لها وحبيتها؟؟
ممكن يكون السحر انقلب على الساحر
؟؟؟؟؟؟؟؟؟؟
,,

في دبي وعند راشد اللي كان جالس بالحديقة .. وعيونه
تتنقل بين العشب اللي تحت رجوله ...
تطلع ميثه وتشوفه جالس سرحان ...ترددت أكثر من مره
إنها تكلمه كانت خايفه إنها تضايقه لأنه بها ليومين يحب
يجلس وحده كثير
ميثه" حبي..
راشد يطالعها بابتسامه صفره " هلا بيج
ميثه تمسك يده" مو بعادتك ...خير ؟؟
راشد يطالعها" كل هذا وتسألين إذا خير أو لا؟؟
ميثه تجلس جنبه" حبيبي ...هانت
راشد" اممم
ميثه تغيير السالفة" نوف كلمتني اليوم وخبرتها إن رحتلنا
بإذن الله بكره
راشد ببرود" شو أحوالهم ؟؟
ميثه" طيبين ...وتقول بكره بيروحون على جده يزورون
صيته
راشد" حلو
ميثه " وش فيك مكتم ؟؟ فكها يا عسل الدنيا ما تسوى
راشد بضيق" يضايقني إني أشوف نظرة ألا مبالاة منك يا
ميثه
ميثه بذهول" أنا ؟؟
راشد بحده" بكره راح يتحتم مصيري يا ارجع راشد الأولي
يا خلاص ما في بعدها أمل
ميثه بزعل" قصدك إني مو مهتمة؟؟
راشد يلف الكرسي ويصد عنها " .........
ميثه" أنا أحاول إني ازرع الأمل بقلبك ...
لا يكون تفكر ضحكي هذا عدم اهتمام فيك وبالمشكلة اللي
مو ملازمتك انت لوحدك ...
راشد انت ما تعرف شنو تعني لي؟؟
انت كل شي بالنسبة لي ...ومو لأنك فقدت إحساسك
برجليك يعني انك ولا شي
أنا أعشق روحك اللي سكنت فيها ... وأحب عيونك اللي
تحتويني ...واموووت في قلبك اللي عشقني
راشد يلتفت لها ودموعه على خده" ميثه عذريني لكني تعبان
كثير ...الدكتور لما شاف الأشعة والتحاليل قال إن نسبة
نجاح العملية 40 % بس
ميثه بضيق" لو 10% يا راشد راح تروح وتسوي العملية
...ما راح نقطع الأمل بالله
راشد" والنعم بالله بس
ميثه تشد على يده وتطالعه بعيونها اللي كان راشد يحاول
يستمد الأمل من خلال عيونها ..
سكت راشد عندها ميثه مسكت كرسيه وتوجهت للداخل
وقلبها متفتت عليها
..............
,,
في جده ....
ماجد جالس على السرير وعيونه على صيته اللي كانت
تعبانه كثير ...على طول نايمه وما تطيق تاكل
فتحت صيته عيونها لقت ماجد في وجهها
صيته بتعب" كم الساعة ؟؟
ماجد" الحين الساعة 11
صيته بتقوم لكنها ما توازنت وجلست على السرير
ماجد بخوف" صيته وش بك ؟؟ جننتيني يا بنت الناس
صيته تطالعه" أنا بخير
ماجد" قومي غيري ملابسك يا قلبي لازم اوديك للدكتور
صيته" ما أبغي أروح ...ما أحب المستشفيات
ماجد" انا ما قلت نتمشى حتى تقولين تحبين أو لا
صيته بتوتر" أنا عارفه وش مشكلتي
ماجد بحده" لا يكون انتي دكتورة وأنا ما أدري
صيته ببرود" انا حامل يا ماجد
ماجد مو مصدق" هااا ...حامل ؟؟
صيته تهز راسها يعني ايي "..........
ماجد يلمها له وهو فرحان كثير " يا بعد عمري انتي
خليك مرتاحة يا عمري لا تجهدي حالك طيب؟؟
صيته تطالعه" هذا الطفل غلطه يا ماجد
ماجد يطالعها وهو معصب" شنووووو؟؟
صيته تنزل راسها" أقول إن إحنا غلطانين ...كيف ما خذنا
احتياطنا ؟؟
ماجد بيجن " كيف تفكرين ؟؟ انتي زوجتي مو عشيقتي يا
مدام
صيته" الطفل ماله ذنب انه يعيش بأجواء كلها مشاحنات
ماجد" المشاحنات هذي انتي السبب فيها يا صيته
صيته" انت أناني وما تحب غير حالك
ماجد بعنف " تدرين ؟؟ أنا تعبت منك متى بتسامحيني
وتعرفين إن نوره ماضي وانتهى من حياتي؟؟
صيته" ما اقدر أصدقك
ماجد" لا تصدقيني ...أصلا لو أنا احلف لك ألف يمين اللي
براسك براسك ما بتغيرينه لأنك ما تقيسين الأمور بعاطفتك
..الأعمى شاف وعرف إني ميت فيك لكن انتي لا
صيته تبكي" أنا ما ابغي الطفل هذا
ماجد بيموت " شنووووو؟؟
صيته تبكي"..........
ماجد" انتي مو صاحية يا صيته ... والله لو تفكرين تنزلين
الطفل ما بتشوفين خير
صيته تبكي" أنا ما أبغيك يا ماجد أنا أكرهك
ماجد يطالعها بضيق"........
صيته تصرخ فيه" كيف ترضاها على حالك تعيش مع وحده
تكرهك ؟؟
ماجد يحاول يتماسك " والحل ؟؟
صيته باندفاع" بروح بيت أهلي ..أنا اطلب الطلاق
ماجد بزعل" شيلي أغراضك ما راح يطلع الصباح إلا
وانتي عندهم
صيته"!!!!!!!!!!!
راح ماجد من قدامها عندها رمت حالها على السرير وهي
تبكي من قلب
نزل ماجد وهو متضايق لحد الجنون ...رمى حاله على
الكنبة وهو ينفخ
بو ماجد" وش فيك يبه؟؟
ماجد" أنا وهي بننفصل
دلع" وش تقول؟؟
أم ماجد" انت منصاب بعقلك ؟؟
ماجد حاط يده على راسه ومو راضي يتكلم
بو ماجد بهدوء" في مجال نتدخل
ماجد ضيق" ما اعتقد ..الموضوع انتهى
راحت دلع من قدامهم لعند صيته اللي كانت تبكي من قلب
دلع " وش اللي سمعناه يا صيته ؟؟
صيته" ما أدري يا دلع ... ماني عارفه وش سويت
دلع" ماجد متأزم كثير ودموعه على خده
صيته بخوف" دبريني يا دلع ...أنا كنت متضايقة وما
اعرف كيف قلت له كل هذا ؟؟
دلع" يعني انتي ما تبغين تنفصلين ؟؟
صيته" أنا مشكلتي إني أحبه وأموت فيه والله لو يتركني
أموت
دلع" طيب ليه اصريتي على الطلاق؟؟
صيته تصرخ فيها" ما أدري يا دلع ...أنا حامل ما ابغي
طفلي يعيش من غير أبوه
دلع" انتي حامل ؟؟
صيته تهز لها براسها يعني اييي
دلع" خلاص سوي اللي أقولك عليه ..طيب؟؟
.................
,,
في الشرقية .......
رجع مالك من بره لقى محد موجود بالصالة ...
راح جهة غرفته عندها سمع صوت مرام ونوره يتكلمون
مرام" مثل ما قلت لك طيب ؟؟
نوره" لا ما أقدر
مرام" لا تخافين ...مالك طيب كثير
نوره " أنا مو خايفه منه بس ما أبغيه يزعل مني
مرام" هههه وش هذا الحب
نوره" وش الفايده ؟؟
مرام" انتي سوي اللي أقولك عليه
مالك يدخل عليهم عندها فزت نوره وعدلت جلابيتها اللي
كانت مرفوعة
مرام" الله يهديك يا خوي ... متنا من خوفنا
مالك يشيل شماغه" ما يخاف إلا اللي مسوي شي ..أو ناوي
يسوي شي
نوره" لالالا ما سوينا شي
مالك يطالع يد نوره اللي كانت لافتها على طول الذراع كان
وده يضحك عليها لكنه تمالك نفسه
مالك" نوره جيبي كاس ماي
نوره تروح" طيب
مالك" مرام ...وش كنتوا تتكلمون فيه ؟؟
مرام" كانت تكلمني شقد هي تحبك
مالك ابتسم ابتسامه بسيطة بعدها " مرام ...ما أبغيك تقوين
شوكتها علي
مرام" أنا بس ألاحظها إنها تخاف منك ...قلت اكلمها عن
قلبك الطيب والحنون
مالك ببرود" خليها تخاف يا مرام لأن في ناس تخاف ما
تستحي
تدخل نوره تعطي مالك كاس الماي " تفضل
مالك" حطيها على المكتب ...ثانيا كاسة الماي ما تتقدم من
غير صحن
نوره بضيق " إن شاء الله
استأذنتهم مرام وراحت ...توجه مالك لعند الباب وسكره
عليهم دخل مالك دورة المياه عندها تمددت نوره على
السرير ...
طلع مالك من دورة المياه " إذا جلستي للصلاة جلسيني
نوره" طيب
أخذ له مالك الفرش وفرشه وتمدد عليه ... كان يفكر باللي
صار في اليوم كله ...ويستغفر ربه عن أخطائه
التفت جهة نوره اللي كانت مغمضه عيونها مثل الطفل اللي
يتصنع النوم ...كان يترجى من ربه انه يساعده وما يخليه
ينجرف ورى عواطفه لنوره اللي صارت لعنه على كل من
يقرب منها
...........
,,
في جده....
نزلت دلع وهي تصرخ وبلغتهم إن صيته أغمى عليها
فزعوا كلهم وراحوا ركض لعندها ...مسكها ماجد ولمها
لحضنه ...
ماجد" حبيبتي وش فيك ؟؟
أم ماجد تبكي" يا بعد عمري ... وش صار فيها ؟؟
بو ماجد" وديها للمستشفى بسرعة
لبسوها عبايتها وراحوا للمستشفى اللي بلغوهم إنها حامل
لكنها محتاجه للراحة وللتغذية السليمة
حطوا لها مغذي وعطوها ابره ...طلب منهم ماجد إنهم
يخلونها عندهم لكنهم بلغوه إن الأمر مو مستدعي كل
الحوامل يمرون بهذي الحالة
طلعت صيته من المستشفى وهي خايفه من ردة فعل ماجد
وكانت تفكر بينها وبين نفسها هل مازال مصر على انه
يوديها بيت أهلها أو لا
وصلوا البيت صعدت صيته شقتها وغيرت ملابسها
وتمددت على السرير وهي تعبانه كثير وعلى وجهها آثار
التعب محفورة
تمدد ماجد جنبها على السرير وروحه عندها
ماجد بهدوء" انتي أحسن ؟؟
صيته" الحمد لله ...بس أنام بصحى طيبه أكيد
ماجد" أشكرك انك قبلتي تجلسين إلى بكره
صيته تضايقت من كلامه هذا دليل على انه للحين فاهم إنها
تبغي تروح بيت أهلها عندها صيته غمضت عيونها وما
تكلمت بكلمه
ناموا ماجد وصيته وهم جنب بعض وكل واحد وده يمسك
بيد الثاني لكن كرامته ما تسمح له
............
,,
في اليوم الثاني وعند الساعة 4 طارت طيارة بيت بو نواف
إلى جده وهم في غاية السعادة ...........
في المطار كان طارق يده بيد أم عبد الرحمن ما تركها
لحظه وكل شوي يجيب لها شي تشربه لحد ما عافت
العافية من ورآه
التقوا مع بيت بو ماجد على البحر مثل ما كانوا متفقين مع
ماجد...كانت صيته جالسه على الكرسي ويدها بيد ماجد
اللي كان يكلمها ومو منتبه للي حواليه
أم عبد الرحمن تشوف طارق توجه للبحر وهو متضايق
أم عبد الرحمن" طارق تعال ...تونا جينا وش بك ؟؟
طارق" دلع راحت هناك أخاف تغرق
كان البحر مخيف وعاصف وقفت أم عبد الرحمن تتعكز
على عصاتها كانت خايفه على طارق كثير
وزاد خوفها يوم شافت دلع راجعه بدونه
كلمتها أم عبد الرحمن وسألتها عن طارق لكنها ما عطتها
وجه ...أم عبد الرحمن تصرخ على نواف انه يروح يشوف
أخوه لكنه ملتهي بنوف ومو منتبه لها كلش
كانت حالتها للبلى وخصوصا يوم سمعت صوت طارق
يصرخ ...جدتـــي
انتبهت أم عبد الرحمن على حالها إنها كانت تحلم والدخان
مالي الغرفة وصوت سيارات الإسعاف بره وطارق يصرخ
فيهم وينادي على جدته
بالموت قامت من السرير وتوجهت للباب ...لكن النار
جالسه تآكل فيه أكل
ابتعدت أم عبد الرحمن عن النار وهي دايخه من ريحة
الدخان اللي تشبعت في جسمها صارت تذكر الله وتتشهد
لأنها تأكدت إنها ما راح تطلع من هنا إلا عند الباري
.......
بره كانوا الناس ملتمه على طارق وهو وده يدخل لجدته
لأن أمه وأبوه طلعوا وهي لسه داخل ...كانوا يصبرونه
لأن رجال الإطفاء جالسين يستعدون للدخول بعد ما أرشدهم
طارق عن مكان نافذتها
لكنه ما قدر يصبر وراح دخل داخل البيت واللهيب أكل
ثلاث أرباع الفيلا
بالموت قدروا إنهم يطفون الجزء القريب من غرفة أم عبد
الرحمن ودخل رجل الإطفاء وساعد أم عبد الرحمن وطلعها
من الفيلا وكان نواف موجود وهو اللي تلقاها
نواف بخوف " الحمد لله على سلامتك يا الغالية
أم عبد الرحمن بفزع" طارق وينه ؟؟
نواف" لا تخافين عليه توه كان هنا
أم عبد الرحمن" توني سمعت صوته وهو يصرخ ويناديني
من داخل البيت
نواف التفت حواليه لكنه ما شاف طارق ...ترك جدته
وراح متوجه للفيلا لكنهم مسكوه وهو يصرخ فيهم
نواف" طارق داخل ...طارق بالفيلا
وجهوا الماي إلى المدخل حتى يقدرون أنهم يدخلون للداخل
ونواف يصرخ من راسه ويترجاهم يتركونه ...لكنهم
مسكوه وبعدوه عن النار
بعد ساعة ....انطفى الحريق لكنه أخذ معه أغلى ما في
البيت ...طلعوا رجال الإسعاف وعندهم جثة طارق متفحمة
وسط النار جنب غرفة جدته








كبرياء رجل وشذوذ إمرأه
البارت الأخير
(الفصل الأول)

بعد ساعة ....انطفى الحريق لكنه أخذ معه أغلى ما في
البيت ...طلعوا رجال الإسعاف وعندهم جثة طارق متفحمة
وسط النار جنب غرفة جدته
\\
//
في الشرقية وعند نوره اللي صحاها من نومها حلم مزعج
جلست على سريرها وهي تسحب نفسها بعمق وكأنها فاقدته
مالك انتبه لها وفتح الأبجوره وراح لعندها
مالك بهدوء" نوره؟؟ خير؟؟
نوره كانت تطالعه ودموعها على خدها من غير ما تتكلم
مالك خاف عليها وجلس عندها وعطاها كاس الماي وكلمها
وهو يرفع شعرها عن وجهها
مالك" نوره ...سمي بسم الله
نوره بخوف"وكأنك مت يا مالك
مالك يبتسم" هذا أنا بجنبك وما فيني غير العافية
نوره تتسائل" كان حلم ؟؟
مالك وعيونه ما شالها من عيونها "إيي
نوره وعيونها له "كانت نظراتك كلها تودعني وكأني ما
راح أشوفك بعدها
مالك ما يتمنى هذا الوقت يجي أبد " انا؟؟ المهم انه حلم
...بس ما ألومك لو تمنيتي انه يكون واقع ؟؟
نوره عندها رمت حالها لحضنه" بعيد الشر عنك يا عمري
مالك وكأنه مو مستوعب كانت ايدينه تلفها وتلمها بعمق
له لكن بعد ما حس بحاله بعدها عنه
مالك متوتر" سمي بالله ونامي
نوره تمسكه من يده" أخاف يا مالك
مالك بحده" وين انتي جالسه ؟؟ انتي ببيتك مو بصحرا يا لله
لا تكثرين كلام ورانا جلسه الصباح
راح مالك وهو ميت بهواها وكأنه بهذي اللحظة استوعب
إن نوره تمكنت منه ورمت شباكها عليه
,,
عند وحشة الليل وعتمته ...والدخان اللي كان يتصاعد
ومعه آخر أنفاس طارق شمعة البيت وفرحته
نواف واقف مذهول يشوف الإسعاف حاملين أخوه طارق
ولافينه بغطى ابيض لكنه كان مخلوط بسواد الرماد والدخان
نواف يتسائل" منو هذا ؟؟
ما في جواب من رجال الإسعاف له وعدوه وراحوا لكن
صرخة نواف وقفتهم ...كان بو نواف جالس وحاط يدينه
على راسه ودموعه تنزل بحسرتها
نواف بحده" منو عندكم أنا أسألكم ؟؟
....." للأسف لقيناه داخل الفيلا شوفوا انتوا منو من عايلتكم
مو موجود معكم الحين وترحموا عليه
كلمته كانت مثل الزلزال اللي هز نواف من أعماقه عندها
تعالت صرخة أم نواف وهي تنادي باسم طاااااارق
حطوا رجال الإسعاف جثة طارق على الأرض
نواف بجنون" وش صااااااار ليه كذا ليه ؟؟
انهار نواف وصار يقول كلام ما يعنيه ..كان الجو كئيب
صراخ وصياح بكل مكان وصوت سيارة الإسعاف ما
توقف... بالموت وصلت أم عبد الرحمن لعندهم ورجولها
صعب تتحكم فيهم ...مسكها نواف وهو ميت من الحزن
وجلسها عند أخوه ..
أم عبد الرحمن وهي تسمي عليه" خلاص لا تصرخون
..طارق نايم لا تزعجونه حبيبي
أم نواف تصرخ" وليــدي تعب سنين عمري
أم عبد الرحمن" اشششش أقولك اسكتي ..ما تدرين إن
طارق يتضايق لو شافكم تبكون؟؟ وثانيا هو نايم
لالالا يمكن مقلب من مقالبه مسويه يبغي يشوف معزته
عندنا شوي وتلاقونه يشيل الغطا بنفسه
نواف يمسك يد جدته يبغي يبعدها عنه لأنه كان خايف
عليها كثير
أم عبد الرحمن " خلوني تكفون ...هذا عيوني المركبة هذا
غلا روحي وضحكة عمري
طااارق قوم يمه ...من متى وأنا أطلبك وما تقولي إن شاء
الله؟؟
قوم يا ولدي بخطب لك دلع حبيبتك خاطري أشوف
عيالك قبل لا أموت ..لأن ما في أغلى من الولد غير ولد
الولد وولده
نواف بحده" جدتي مع منو جالسه تتكلمين ؟؟ طارق خلاص
رااااح
أم عبد الرحمن بصوت متقطع" انطم ...وليدي ما يتركني
هو اللي بيدخلني بقبري...وبيترحم علي
تدري ؟؟ أنا خليته وصيي وكتبت له الأرض الجنوبية
نواف" يمه ما يفيد الكلام طارق راح عند اللي أحسن مني ومنك
أم عبد الرحمن" مستحيــل انت وش تقول ؟؟ طارق
شمعتي لو انطفت أنا مالي وجود
مو حرام هو الشباب يروح كذا وانا اللي شبعت من الدنيا
وهواها جالسه للحين ؟؟
نواف" حرام يمه هذا اعتراض ...أمانه ورجعت لراعيها
أم عبد الرحمن تبكي " دنيتي هو حياتي ..هو ريحة هلي
رجال الإسعاف شالوا جثة طارق وأم عبد الرحمن تتوسلهم
إنهم يكشفون وجهه وتشوف ملامحه للمرة الأخيرة
وصل نواف أمه وجدته لبيته وهو منهار كثير تركهم
وراح للمستشفى حتى يستلم طارق
,,
وقت الفجر ...كان ماجد نايم وقتها سمع صوت الجوال
انتبه على حاله لقى صيته مستنده عليه ونايمه خاف انه
يتحرك ويزعجها ..حط يده على يدها اللي كانت على
صدره وقربها من فمه وباسها ...دق الجوال مره ثانيه
وقتها انتبهت صيته
صيته " خير ؟؟ منو متصل بهذا الوقت؟؟
ماجد يحاول يوصل للجوال" ما ادري والله ...إن شاء الله
خير
ماجد رفع الجوال لقى الاتصال من نواف استغرب اتصاله
بهذا الوقت لكنه ما بغى انه يخوف صيته يكفيها اللي فيها
صيته تطالعه" منو؟؟
ماجد" هذا صديقي مرزوق
صيته باستغراب" يدق بهذا الوقت ؟؟
ماجد" ايي هو بباريس وتوقيتهم غيرنا
صيته راحت لدورة المياه عندها مسك ماجد الجوال وكلم
نواف ومن رد عليه وهو ساكت ولا نطق بكلمه
سكر نواف الخط وماجد جالس على السرير وحاط يده على
راسه ...طلعت صيته من دورة المياه
صيته تناديه" ماجد قوم ما بتصلي؟؟
ماجد".........
صيته تنتظره يتكلم...عارفه انه فيه شي وخايفه تسأله وش
صار
ماجد يرفع راسه وعيونه فيها كلام كثير مو راضي يطلع
صيته" فيك شي ؟؟
ماجد يقوم من سريره وينزل لعندها... يمسك يدها ويجلسها
جنبه ..
صيته بخوف" ماجد خوفتني ...أهلي فيهم شي ؟؟
ماجد يحاول يجمع كلماته " عيوني ...الله يبتلي الإنسان
حتى يشوفه بيصبر أو لا
صيته كانت تنتظره يتكلم لكنه كان باين عليه انه متضايق
ومو قادر يتكلم
صيته بتردد" عيونك ما تبشر يا ماجد
ماجد تغيرت ألوانه" حبيبتي ...ذكري الله كلنا لها
صيته بصوت متقطع" منو مات ؟؟
ماجد تنزل دمعته على خده " عظم الله أجرك بأخوك طارق
صيته " لااااااااااااااااااااااا
,,
في الشرقية وبغرفة مالك اللي كان جالس على فراشه
ونظراته مسلطه على نوره اللي كانت نايمه بأمان الله كانت
آية من الجمال بالرغم من إنها كانت مغمضه عيونها اللي
ما تنوصف من جمالها لكنها كانت أرق وأجمل من النسمة
مالك يتنهد بعمق ويفكر بينه وبين نفسه
معقولة كل هذا الجمال والسحر يخبي ورآه صوره لأمكر
النساء ؟؟
معقولة الله واهب هذي البشره المخملية والشعر الحريري
والجسد اللي ينطق بمعاني الكمال في إنسانه قلبها أسود مثل
نوره ؟؟
معقولة قلبي اللي ما تعلم الكره غير لما عرفك الحين وبهذا
الوقت صار مثل البركان اللي وده ينفجر ويصرخ بحروف
اسمك اللي ملكت كياني؟؟
معقولة المشاعر اللي داخلي تجاهك راح تصبر
مع محاولتي المميته إني اكبتها وما راح تتفجر بين
ضلوعي؟؟
معقولة أقدر أمنع يدي بعد اليوم إنها تلتف حوالين جسمك
الشفاف اللي أسرني ؟؟
آآآآآآه منك يا نوره ...انتي دعوة ظالم علي
نوره بهذا الوقت غيرت اتجاه نومتها وعندها رمت شعرها
للجانب الثاني
حاول مالك بكل جهده انه يغمض عيونه وما يفتحهم لأنه
عارف إن إرادته بهذا الوقت كانت ضعيفه وما وده يسوي
شي يندم عليه
؟؟؟؟؟؟؟؟؟؟
,,

في جده وفي غرفة دلع .... كانت نايمه بأمان الله لحد ما
سمعت صرخة صيته واصله لغرفتها
ما حست بحالها إلا وهي جنبهم ...دخلت عليهم لقت أبوها
واقف وساند حاله على الباب وأمها لامه صيته بحضنها
وماجد كان جالس على الأرض وعيونه مسلطه على صيته
ونظرات خوفه عليها بتتفجر من بين عيونه
دلع مو قادرة تتكلم ...اكتفت بنظراتها للي حواليها
بو ماجد بهدوء" تعالي ابوي ....جلسي
صيته من شافت دلع ما قدرت تتمالك نفسها وصارت
تصرخ بوجه خالتها أم ماجد
صيته" حبيبي اخوي ...ما أصدق انه راح كذا
هو للحين ما شبع من الدنيا ..خاطره يتزوج ويكون أسره
قالي شوفي لي دلع لو هي مرتبطة أو لا ...كان وده
يخطبها يقول لو يلف الدنيا ما يحصل مثلها ...
آآآآه يا طارق ليه كذا ليه ؟؟
دلع خلاص ما قدرت تتمالك نفسها وجلست على الأرض
بجنب الباب لأن رجليها بعد ما تقدر تشيلها
مسكها بو ماجد من يدها ووداها لغرفتها
ماجد يقرب من صيته ودموعه على خده " حبيبتي ...حرام
اللي جالسه تسوينه بحالك
صيته تطالعه " ما أقدر يا ماجد ما أقدر.. هذا طارق فاهم
يعني ايش طارق؟؟
ماجد" خلينا نقوم نروح للرياض أهلك بحاجه لك
صيته فاتحه عيونها له" ما أقدر أدخل البيت وهو مو موجود
... تكفى يا ماجد تحملني أنا مستعدة اكون لك خدامه بس ما
ارجع البيت وطارق مو فيه
ماجد يمسكها يدها وبعيونه حب ما ينوصف " ذكري
الله يا عمري , انتي دنيتي وكل شي لي يا بعد عيني ..اللي
تسوينه حرام أقلها خافي على اللي ببطنك
هدأت صيته شوي وكأن النعاس غلبها ...مددوها على
الكنبة وغطوها
أم ماجد" قوم يمه جهز الشنط وجيب لها شي مريح وخليني
أساعدها بتغيير ملابسها
ماجد" لا يمه أنا بساعدها روحي انتي جهزي نفسك انا
حجزت لك معنا لازم تصيرين معهم بهذا الوقت ومشكلتي
ما اقدر أتصرف بهذي الأمور
أم ماجد تبوس صيته بين عيونها " صار يمه
طلعت أم ماجد من عندهم وقتها راح ماجد وجلس عند
صيته وقلبه بياكله من خوفه عليها
كانت دموعها مغرقه شعرها اللي كان على وجهها ..حط
يده على راسها ومررها على خدودها اللي تجرحت من
دموعها
ماجد بحنان " أنا راح أكون لك كل شي بهذي الدنيا لو
عطيتيني فرصه يا نور العين
.............
,,
في الرياض ومع طلوع الصباح اللي كان ظلام بالنسبة
لبيت بو نواف وهم فاقدين طارق زينة الشباب
أم عبد الرحمن متمددة على الكنبة وهي تبكي وتنوح
وجالسه نوف تحت رجليها
أم عبد الرحمن بحسره" لك الله يا حبيبي ...الله يرحمك
يا لغالي يا نور دنيتي
أم نواف جالسه على السجادة وتدعي لربها بعمق ودموعها
تعيي توقف
نوف" يمه ...خذي الحليب اشربي
أم عبد الرحمن" أشرب ؟؟ كيف أشرب ولا أذوق الزاد
ونظر عيني يوسدونه الثرى ؟؟
نوف تبكي" أمر الله ...اللهم لا اعتراض
أم عبد الرحمن" ما أسامحك يا طارق ...تبيعني ؟؟
والله ما هقيتك ترخص بنا بهذي السهولة
أم نواف قلبها يتقطع من كلام امها " كل شي بأمره ...انتي
تقدرين ترجعينه ؟؟
مثل ما انتي عاجزة انك ترجعينه هو بعد ما يقدر يمنع عن
حاله.. هو ارتاح وترك هم الدنيا لنا
أم عبد الرحمن" ليته أخذ من عمري وعطاه
نوف" جدتي تكفين مالي حمل كل هذا ...وانتي بعد خافي
على عمرك
أم عبد الرحمن" أي عمر هذا اللي أخاف عليه ...تدرين
انتي طارق شنو بالنسبه لي ؟؟
أم نواف تبكي بحراره" حبيبي يعني لنا كلنا هو شمعة البيت
...صورته في كل مكان وكل جدران البيت تنطق باسمه
أم عبد الرحمن بضيق" ما هقيت الزمن بيبكيني عليك يا
حبيبي
تعالت أصواتهم بالبكي وصارت نوف عاجزة إنها تصبرهم
لأنها خلاص مالها طاقه
,,
بعد ثلاث ساعات وقفت الطائرة في مطار الرياض ونزل
ماجد وهو ساند صيته اللي هلكها البكي وقلة الأكل
والشرب ..
وصلها هي مع أمه وراح هو حتى يكون بجنب نواف في
مراسيم دفن وتشييع طارق
كان بو نواف أشبه بالغريب كان واقف بعيد عنهم والحمل
كله على نواف وبو تركي ...
موت طارق وكأنه كسر شوكته كان مستسلم للحزن ورفض
حتى إنه يودع طارق وكأنه يلوم الزمن
نواف على الحالة اللي هو فيها لكنه يحاول انه يكون جامد
ومتحمل لأنه لو ما قام بهذا الدور فما راح غيره يقوم فيه
قلبه على أبوه اللي كان في حاله ما يعلم فيها إلا الله بعد
موت طارق وخصوصا إن بو نواف صعب انه ينشاف بهذا
الموقف ...
وغير كذا كان قلبه مشغول على نوره اللي في الشرقية وما
عندهم خبر وإلى الآن ما قدروا إنهم يبلغونهم
,,
في دبي كان الجو كئيب جدا لما عرفوا بخبر طارق
وميثه كانت بجد متضايقة وما وقفت من البكي من سمعت
إلى الآن
أم راشد" قومي يمه طروب معي نجهز للعشا
طروب" بأمرج يمه
قاموا من قدامهم عندها قرب راشد الكرسي من عند ميثه
اللي كانت منزله راسها وهموم الدنيا عليها
راشد" عيوني ..
ميثه ترفع راسها له" هلا حبيبي خاطرك بشي ؟؟
راشد" إييي ابغي اتكلم معج في موضوع
ميثه" أأمرني حبيبي
راشد" أنا قررت إني الغي الحجز
ميثه تطالعه بذهول" في مشكله ؟؟ حاس بشي؟؟
راشد " لا ...أنا عارف إن قلبج عند أهل الرياض
ميثه تبكي من غير ما ترد".........
راشد" نروح نقوم بواجب العزا ولاحقين على السفر
وبالنسبة للعملية تتأجل
ميثه بجديه" ما راح نلغي السفر ولا نأجل العملية.. كل شي
راح يكون مثل ما خططوا الأطباء
راشد" حبيبتي ..أنا عارف إن اهلك محتاجين لج وانتي
محتاجه لهم بعد
ميثه بابتسامه مصطنعه" أنا دومي معك ما أحتاج أحد
وبالنسبة لأهلي فكلهم مع بعض لكن انت مالك غيري
راشد بابتسامه" شووو يا واثقة
ميثه " هههه ...أنا عارفه انك ما تقدر تعيش بدوني
راشد بجديه" لا والله أقدر أعيش
ميثه بضيق" افا ..
راشد بحنان" لو كاتب لي الله أعيش بدونج راح أعيش...
لكن تأكدي إني راح أعيش بدون قلب لأنه بيتبعج
ميثه ارتسمت على وجهها ابتسامه دافئه "...........
راشد" شووو رايج نطلع على البحر
ميثه" ما عندي مانع
راشد" عطيني موبايلي اكلم السايق
ميثه" بأمرك حبيبي
,,
بعد صلاة المغرب وفي بيت أم مسعود ...ووسط ضحكات
مرام ورغد ونوره يدخل مالك وعلى وجهه ابتسامه عريضة
ولكنها تبدلت من طاحت عينه على نوره
اللي كانت بكامل أناقتها وجمالها ...
كانت لابسه فستان اسود قصير وعلى خصرها ربطه من
الترتر الأحمر وشعرها مخليته على راحته وحاطه عليه
ربطه نفس اللي كانت على خصرها وماكياجها كان هادئ
وبارز من ذوق مرام ...
كانت بالفعل بغاية الجمال والأناقة المدموجة بالبساطة
نوره من لاحظت نظرات مالك لها عرفت مغزاها لأن
الإعجاب كان باين من عيونه .. لكنها وعلى جرأتها ما
قدرت إنها تحط عينها بعيون مالك الساحرة ففضلت إنها
تنزل راسها وتسمع ردة الفعل
مرام تقوم توقف وبيدها صورة نوره اللي حطتها قدام
عيونه
مرام" وش رأيك بلمساتي وذوقي ؟؟
مالك" وين كل هذا ؟؟ ومتى؟
مرام" هههه أخذتها المشغل معي وغيرت لها الديزاين أنا
عارفه إن نوره قمر لكن أناملي خلتها أحلى وأحلى....
وصارت بالصراحة مع مرام أحلى
مالك بنظرات قاسيه" ومنو أخذكم ؟؟
مرام مرتبكه" طلال وصلنا.. يعني منو بيوصلنا ؟
مالك يغير نظراته ويحولها لنوره وعيونه حمر من الزعل "
وإن شاء الله بأمر من ؟؟
نوره فضلت إنها ما ترد لأن صوتها ما راح يطاوعها".....
مرام" إحنا حبينا نسويها مفاجئه لك
مالك سحب الصورة من يد مرام وصاح بنوره اللي كانت
ميته من خوفها
مالك بحده" نوره
نوره وقفت "..........
مالك تركهم بالصالة وراح لغرفته ونوره تبعته وهي تأشر
لمرام إنها خايفه
لما وصل غرفته راح على طول لجهة الدولاب من غير ما
يكلم نوره بكلمه
نوره بحذر" مالك ...وش جالس تسوي؟؟
مالك يطالعها بحده" شيلي ملابسك
نوره بخوف" وين ؟؟
مالك وهو جنب المكتبة ياخذ كتابين " مالنا جلسه بهذا البيت
نوره" وين يعني بنروح؟؟
مالك بضيق" بلا كثر حكي وخلصيني حملي أغراضك
بكيس بسرعة
نوره بزعل" ما أبغي شي من هالخرده
مالك يطالعها بزعل كبير لكنه اكتفى برمي الكتب على
الأرض
نوره تحاشتهم وجلست على السرير وهي تطالعه
مالك بصراخ" لبسي عبايتك يا بنت الوزير
لبست عبايتها وجرها من يدها حتى شيلتها صارت تسحب
فيها وهي طالعه
أم مسعود تتسائل" على وين يا مالك
مالك معصب" على جهنم الحمرا ...
مرام" مالها داعي العصبية هذي كلها...
مالك يفتح عيونه على مرام " أنا قلت لكم مئة مره
لا تتدخلون بيني وبين زوجتي ..صار أو لا ؟؟
نوره بهمس" ومصدق حاله بعد
هي ما كملت كلمتها إلا وحست بيده جايه ناحية خدها لكنها
بدون ما تشعر حطت يدها على خدها وتفادت الضربة اللي
جت على يدها
مالك متنرفز" هذي المرة سلمتي منها لكن تأكدي إن المرة
الجايه ما راح تتلاحقين عمرك
نوره صارت تبكي" خالتي لحقيني ما بيرتاح إلا لما يموتني
مالك" والله انك فاهمه ...كيف عرفتي؟؟
أم مسعود" ما عليك منه يمه ...ما يقدر يسوي لك شي
مالك ماسك أعصابه بالقوة ..لكنها أمه ولها احترامها عنده
وصار يشد يد نوره اللي كانت بيده لكنها كانت ماسكه في
خالتها
أم مسعود" روحي معه يمه وأنا متأكده انه ما راح يضرك
..ولدي وتربية إيدي
راحت نوره معه وقلبها برجولها لكن ما عندها خيار
,,
في بيت بو تركي كانت أم تركي راجعه للبيت بتاخذ لها
ملابس وبترجع لبيت نواف لأن حالتهم صعبه كثير ولازم
يكون معهم أحد
دق التلفون رفع بو تركي على طول
...." الووو السلام عليكم اخوي
بو تركي" وعليكم السلام ورحمة الله
...."الأستاذ بو تركي ؟؟
بو تركي" سم ..
...." معك السفارة السعودية بلبنان
بو تركي" هلا والله ...خير ؟؟
...." إن شاء الله خير بس ولدك تركي في المستشفى
وإصابته كانت خطيرة والآن استقر وضعه وطلبت الحكومة
اللبنانية إن إحنا نرجعه البلد حتى ياخذ العلاج الكافي
بو تركي مو مستوعب " ليه وش صار عليه ؟؟
....." والله للأسف متهجم على عائله لبنانيه وضربوه وبعد
الكشف عليه اتضح إن معه مرض الإيدز
بو تركي صوته ما يساعده" ك..كيف؟؟
...." طائرته بكره على الساعة ثمان وهو كل أمله انه
يشوفكم هناك قبل ما نحوله على الحجز الصحي
بو تركي بكلمات متقطعة وقلب ميت" انت غلطان يا
خوي...تركي ولدي ميت من شهر
..." أنا مقدر زعلك لكن أترجى انك تلبي له طلبه الأخير
بهذي الدنيا ممكن تكون ساعاته محدودة وهو الآن في أمس
الحاجه لكم حتى تكونون جنبه
بو تركي بغصه" أنا ولدي مات ...الله يرحمه ويغفر له
سكر الخط وهو يبكي وكأنه طفل صغير يبكي على لعبته
....كان يفكر في نفسه ويتسائل معقولة يكون هذا متربي
تحت يدي حاله حال نوف وميثه وصالح
؟؟؟؟؟؟؟؟؟؟؟؟؟؟؟
,,
في بيت نواف دخلوا الرجال المجلس ودخل نواف وماجد
لعند الحريم يتطمنون عليهم
كانت صيته ممدده على الكنبه وأم ماجد وأم نواف ونوف
جالسين يقرؤون قرآن ويدعون لطارق بقلب صافي إن الله
يرحمه و ينور عليه
لكن أم عبد الرحمن ظلت تنحب وتصيح ومن شافت نواف
داخل عليها صارت تصرخ بعالي الصوت
أم عبد الرحمن" زفيتوا المعرس للقبر يا خوانه ...زفيتوا
الغالي لحفره ظلمه ؟؟
نواف راح لعند صيته اللي جلست ولمته لها وهي تبكي من
قلب وهو خايف عليها كثير ويحاول انه يتماسك حتى
ما تنهار
ماجد بحزن" الله يعظم أجركم يا خالتي ...كلنا لها
أم عبد الرحمن " معقولة خد طارق اللي متعود على نوم
الحرير الحين يتوسد الثرى ؟؟
نواف وهو منزل راسه بأسى" وقهر عباده بالموت والفناء
...الحمد لله على عطيته
أم عبد الرحمن تصرخ فيهم" ليه ما تبكون ؟؟ ما هقيتكم
بتنسونه بهذي السرعه.. ولا خلاص تطايرت ذكراه مثل
الدخان اللي تصاعد ؟؟
نواف" خافي الله يا يمه ...راح طارق لكن عندك أنا ونوره
وصيته ,قولي الحمد لله
أم عبد الرحمن تشيل حالها وتقوم " محد يسد مكانه هذا
عيوني المركبه ...هذا يسواكم كلكم
راحت أم عبد الرحمن والكل من بعد كلامها يبكي من قلب
ماجد كان يطالع بصيته وقلبه بيتقطع عليها " يمه خليك مع
صيته أنا بشوف لي مكان أنام فيه
نواف" أنا بعد بروح معك لبيت عمي بو تركي خلينا نفضي
البيت للحريم ..
أم نواف" وين أبوك ؟؟
نواف" بيت عمي ..لا تخافين عليه هو بخير
طلع نواف وماجد راح جهة صيته وباسها من راسها
ماجد" خليك قويه وذكري الله ولا تنسين إن طارق الصغير
ببطنك لازم تراعينه
صيته تطالعه وهي تبكي وتهز براسها له يعني ايييي
طلع وقلبه تركه عندها حتى تكون عيونه اللي تحرسها
,,
هناك بالجهة الثانية كان جالس مالك على العشب وبيده
عصا صغيره كان كل ما طلع سرب من النمل من جهة
يحاول يسد عليه الطريق كان جالس بدون ولا كلمه ونوره
كانت جالسه بجنبه وتراقبه
مالك بضيق من غير ما يرفع راسه " وش تناظرين؟؟
نوره ببراءه" اطالع في النمل مو حرام عليك النمل جالس
يحفر ويتعب وانت تهدم كل اللي يسويه ؟؟
مالك يلتفت عليها" انا كذا طبعي أحب أعذب الضعيف
...مو هذا اللي ودك توصلينه لي؟؟
نوره بشجاعة مصطنعه" يكفيني إحساسي إنك مو متقصد
نوره بذاتها
مالك يوقف وهو معصب" من رأيي انك تدخلين داخل تدفين
حالك الجو بارد وجسمك مو متعود عليه
نوره بخوف" وانت ..وين بتروح؟؟
مالك" رايح اتطمن على حبيبتي وراجع
راح مالك من قدامها من غير ما يطالع فيها وهو يعرف إن
حركته هذي بتذبح نوره لان الحريم كتلة من الغيره ..
بالفعل نوره راحت ورآه لكن مو لأنها غارت لأنها ما تقدر
تجلس بمكان ما تعرفه لوحدها
توجه مالك جهة مبنى كبير ودخل فيه ونوره تبعته كان
حوش كبير فيه أنواع من الخيول لكن مالك توجه لخيله
بيضا كانت هادئة لكنها من شافته وحط يده عليها صارت
تصهل وكأنها عرفته طلعها مالك وانتبه عندها إن نوره
واقفة عنده
مالك"بسم الله .... انتي هنا ؟؟
نوره" تفكرني بجلس لوحدي؟؟ مهمها كان اللي بينا انت
كل الأمان بالنسبه لي
مالك وكأن كلامها عجبه " المزرعة لصديقي وأنا أعتبرها
مزرعتي ودوم أجي هنا ويكفيك تعرفين انها لو مو أمان ما
جبتك هنا مهما كان انتي ...زوجتي
نوره" مالك ما يحتاج تكررها على أسماعي ...أنا عارفه
زين انك زوجي لكن ..
مالك أعطاها كل اهتمامه بعد كلمتها " لكن ...شنوو؟؟
نوره" أنا افهم تعاملك معي وعارفه أنا وش أعني لك
مالك بعيون حايره وخاطره يسألها وش فهمتي من تعاملي
معك يا نوره؟؟
مالك" طيب أنا خاطري الف كم لفه مع مهرتي ...
نوره" خذني معك
مالك يطالعها من فوقها لتحتها" بهذا اللبس ؟؟ كيف بتركبين
عليها ؟؟وكأنك مو لابسه شي
نوره بلا مبالاة" منو بيشوفني محد معنا
مالك يبتسم لها" طيب البنات خوافين انتي ما تخافين ؟؟
نوره ابتسامته طيرتها للقمر " ما أخاف وأنا معك
تباعد مالك عنها وراح عند المهره وقرب منها وهمس لها
بكلمتين وكأنه يقولها سر ونوره تطالعه وهي مستغربه
ساعدها وركبها وركب هو قدامها وكان يمشي بهدوء خايف
على نوره اللي كانت ماسكه فيه برقه مبالغ فيها لدرجة انه
ما كان يحس فيها إنها ماسكته..ابتدت المهره تسرع أكثر
وأكثر لحد ما خذت مالك لعالم ثاني شعور لا يوصف نوره
معه وقريبه منه كل هذا القرب كان يتخيل إن أنفاسها هي
اللي تطير شعره معقولة يا مالك إنت بحلم ؟؟
هو متأكد لو أحد قايل له بتمر بهذا الموقف ومع نوره
بالذات راح يجزم له بأنه مجنون
كانت نوره خايفه لكنها تحاول تمسك أعصابها ما تبغي تبين
له إنها ضعيفة لكن المهره صارت أسرع وأسرع عندها
مسكت نوره بخصر مالك بكل قوتها عندها تحول إحساسه
وشعوره كله لعندها وقتها فقد سيطرته على المهره وطاح
هو ونوره على الأرض ..وكأنها رمشة عين
عندها صرخت نوره بجزع
مالك طاح على الأرض لكنه رفع حاله بسرعة وهو ينادي
باسم نوره .. راح لعندها وهي تبكي
مالك" بسم الله عليك حبيبتي ..وش يألمك
نوره تمسك يده" كل جسمي يألمني
رفعها مالك وصار يركض فيها للداخل وجلسها على
السرير ... وصار يطالعها يبغيها تطمنه
نوره بخوف تتحسس جسمها تشوف إذا تعور شي ومالك
يطالعها يبغي منها الرد
نوره" الحمد لله أنا بخير
مالك وكأنه طاح من جبل" الحمد لله ...موتتيني رعب عليك
نوره تقوم توقف" أفهم من كلامك انك مهتم لأمري؟؟
مالك ارتبك من كلمتها " على الأقل لا يكون يجيك شي
بسبتي ..غير كذا الله وياك
نوره بضيق" ليه تعاملني كذا ؟؟
مالك بدون اهتمام" ليه مو عاجبك تعاملي؟؟
نوره تروح تجلس بجنبه عند الأريكه" عيونك تقول أشياء
كثيرة ...لا تحاول تتصنع الكره تجاهي
مالك يضحك باستهزاء"ههههه يا واثقه انتي
نوره بغرور" طبعا والدليل انك ما تمالكت نفسك من حطيت
يدي عليك
مالك ارتبك شوي" ابدا ...كل اللي صار إني كنت سرحان
ونقزتيني
نوره بجديه" تبغي تقنعني إن مشاعرك ما تتأثر لما أكون
بجنبك...وإن عيونك تتلألأ لما تعكس صورتي؟؟
مالك" هه من جدك تتكلمين ؟؟
انتي ما تقدرين تهزين فيني ولا شعره
نوره بضيق" هذا مو نقص فيني النقص فيك انت
مالك" لا تحاولين تستفزيني ...وثانيا أنا واحد ما مريت
بتجارب... طبعا ما تقارنيني فيك
نوره" وش قصدك ؟؟
مالك يفتح الستاره وظهره لها" والله أنا ما أحب اني آكل بعد
غيري وانتي مثل الحلى كل واحد ذاق منك شوي حتى
الذباب
نوره بصراخ" تخسي إلا انت
مالك التفت لها والشر بيطلع من عيونه" ايــش؟؟
نوره تبكي" اللي سمعته وأنا والله والله لو موتك ما خليتك
تلمسني صدق أبوي يوم قال واحد مثلك ما يلوق لبنت
الحسب والنسب
مالك جن جنونه من بعد ما سمع كلامها وراح لعندها
وسحبها من شعرها ورماها على السرير
مالك" أنا بثبت لك إني ولد رجال
نوره تتكوم في زاوية السرير" لا ما تسويها
مالك" ليه مو انتي زوجتي ؟؟
نوره بحده" ما تغصبني وإذا كنت رجال رجعني لأهلي دام
انك تكرهني
مالك صار مثل البركان" أنا رجال غصب عنك وعن أبوك
اللي راح يجي يتوسلني إني أرحمك
نوره من قرب لها وهي تقاوم لكن كان مالك مو بوعيه
لدرجة انه كان قاسي على نوره ونسى بلحظه إنها حبيبة
عمره ولو أنكر
وقتها ما قدرت نوره تصده عنها عندها صرخت فيه
نوره" لاااااا تركي تكفى برحمة والديك يا تركي ارحمني
عندها مالك صار يطالعها مذهووووول من اللي سمعه
مالك " تركي !!!تركي!!!
!!!!!!!!!!!!!!!!!!

(الفصل الثاني)

كانت أم عبد الرحمن جالسه على الكرسي وهو جالس على
السرير ويطالعها وهو مبتسم لكنها متضايقة منه كثير
أم عبد الرحمن" ما هقيت ترخص فيني يا القاسي
طارق " مو بيدي ما أقدر أرده عني
أم عبد الرحمن" ارجع يا ولدي لبيتك وأهلك وحياتك
طارق" لا يمه وش أرجع؟؟؟الحمد لله اللي أخذني من دنيتكم
أم عبد الرحمن" مرتاح انت هناك ؟
طارق بهدوء" الحمد لله
وقف طارق وراح جهة الباب لكن أم عبد الرحمن نادته
أم عبد الرحمن" وين يمه
طارق" تأخرت يا الغالية لكني اشتقت لك وقلت بجي أشوفك
أم عبد الرحمن تبكي" خذني يمه وياك
طارق" لا خليك لخواتي وأمي وأبوي ...
راح جهة الباب لكنه التفت لها مره ثانيه
طارق" الغالية.... ابغي منك شي
أم عبد الرحمن" عيوني لك يا كل دنيتي
طارق" أبغي دعواتك انتي وحده خيّره ودعواتك مستجابة
أم عبد الرحمن تبكي" أنا ما وقفت وأنا أدعي لك
طارق " صحيح يمه لكنك ترجعين تحرقينهم بكلامك
ونوحك واعتراضك على امر الله ...
تكفين يمه انا محتاج دعائكم أكثر من البكي
راح طارق من قدامها عندها فزت من نومها وهي تشكر
الله وكلها فرح إنها شافت طارق وحست انه بخير
,,
في المزرعة عند مالك ونوره
وقتها ما قدرت نوره تصده عنها عندها صرخت فيه
نوره" لاااااا تركي تكفى برحمة والديك يا تركي ارحمني
عندها مالك صار يطالعها مذهووووول من اللي سمعه
مالك " تركي !!!تركي!!!
بعد مالك عنها وهي خايفه منه ومن ردة فعله كيف تناديه
بإسم تركي وليه تركي بالذات
؟؟؟؟؟؟
مالك جلس على الأريكه وهو مو مستوعب كان الدم متجمع بوجهه
نوره تحاول تبرر له لكن لسانها عيا يطاوعها
وقف مالك وكأنه بركان مكبوت ممكن ينفجر بأي لحظه
نوره بخوف" مالك اسمعني
التفت لها مالك وعيونه كلها دموع لكنه ما نطق بكلمه اخذ
قميصه المرمي على الأرض وطلع من عندها وقفل الباب
ونوره تناديه وتترجاه يسمعها
لكن مالك صار يصرخ من راسه ويكسر بكل اللي حواليه
مالك بحده وصراخ" أكرهك يا نوره
لو قلبي يعترض راح انزعه وأدوسه برجولي
انهار وجلس عند بابها وهو يسمع بكيها اللي يقطع القلب
وكانت تتمتم له لكنه ابد مستحيل يسمع شي وهو بهذي
الحالة
في اليوم الثاني
............
كان مالك عند بابها ما ذاقت عيونه النوم وهو يفكر باللي
صار ...عقله مو تارك مجال لقلبه انه يقدم الأعذار
قالتها وبوجهي ...معقولة يا قلبي تحب هذي الشيطانه ؟؟
وقف على رجليه فكر انه يدخل لعندها لكنه صد عنها وترك
لها المزرعة وطلع
,,
في بيت أم مسعود...
مرام" يمه أسوي لك شي تاكلينه؟؟
أم مسعود وهي تمسح دموعها" من وين الواحد يقدر يحط
لقمه بحلقه ؟؟ اليوم مات مسعود
مرام " يمه تعوذي من إبليس ..من كلم نواف وانتي حالتك
حاله..هذا أمر الله
أم مسعود" والنعم بالله...إن لله وإن له لراجعون
دخل عليهم مالك وحالته حاله... وسعت له أمه بجنبها
وطلبت منه يجلس
جلس عندها مالك من غير ما يتكلم وحط راسه على
رجليها..حس انه محتاجها كثير بهذا الوقت ما فكر انه
يروح مكان ثاني ..رجليه هي اللي جابته لعندها
أم مسعود" مرام سوي لقمه لأخوك
مالك " مالي خاطر بالأكل
أم مسعود" ما يصير يمه ...انت وراك تعب اليوم والطريق
مو سهل
مالك" خير ؟؟ أي طريق؟؟
أم مسعود بهدوء" ما دريت بولد عمك ؟؟
مالك جلس" أي ولد عم ؟؟
أم مسعود تهديه" تعوذ من إبليس يمه بس الله اختار ولد
عمك طارق وعطاك عمره
مالك يفز واقف" متى !! وكيف؟؟
أم مسعود" العلم عند الله بس نواف اتصل يسأل عنك ويقول
انه مات من أول البارح
مالك حط يده على راسه" يا الله ...والحل؟؟
كيف أخبر نوره بهذا الخبر ؟؟
أم مسعود " خذ مرام معك وحاولوا تعلمونها الخبر بهدوء لا
يجيها شي
مالك نفخ نفخه من قلب" لا خليني بتصرف
طلع مالك من عندها وهي تدعي له إن الله يحفظه ويحرسه
,,
بيت نواف طلعت أم عبد الرحمن من غرفتها وبيدها
المسباح لقت ام نواف جالسه على الكنبة وهي بحاله يرثى
لها ودموعها على خدها
أم عبد الرحمن" قومي يا لله ...مسحي دموعك وإذا كان
قلبك عليه صلي ركعتين له
أم نواف تطالعها وهي مستغربه ...
جلست أم عبد الرحمن وهي تدعي وتستغفر لطارق
دخل عليهم نواف ووجهه شاحب مليان حزن..سلم على أمه
وجدته وباس راسهم وصعد غرفته
دخل غرفته لقى نوف ترتب السرير ...من شافته صيته
ابتسمت له لكنه ما بادلها بالمثل
قربت منه عندها لمها بحضنه وصار يبكي من قلب ونوف
صارت تبكي معه كان كل أملها انه يبكي ويفضفض حتى
يرتاح من الحمل اللي على ظهره
نواف" تعبان يا نوف ...مو قادر أتخيل حالي من غير
طارق ,تدرين اشتقت له ؟؟
تعبت وأنا اقوي حالي قدامهم ..تخيلي اصّبر أبوي وأمي
وجدتي وأنا بداخلي بركان وده ينفجر ...طارق مو اخوي
طارق ولدي
نوف" ابكي حبيبي ..البكي مو عيب الواحد محتاج يعبر عن
اللي بداخله بالطريقة اللي تريحه
طارق راح وارتاح وتركنا لهذي الدنيا الدنيّة
.............
,,
مالك واقف بره الغرفة وهو يسحب أنفاسه ...جمع قوته
وفتح الباب لكنه هلك يوم شاف نوره نايمه على الأرض
وملابسها ممزعه ومتكومه على حالها من البرد ...وقتها
كره نفسه وصار يلوم حاله على تصرفاته معها
مالك بهدوء" نوره
نوره فتحت عيونها لكنها من شافت مالك فزت على طولها
وصارت تلم ملابسها المقطعة على حالها
مالك ببرود" لبسي هذا وغسلي وجهك وتعالي لي بره أبغيك
طلع مالك من عندها وهو يفكر كيف يفاتحها بالمصيبة اللي
جاتهم ...هو نفسه مو قادر يصدق اللي صار ولا كيف
صار
ربع ساعة وطلعت نوره عنده والخوف لابسها لبس
جلست بعيد عنه وكحت كحه رقيقه وكأنها تبغي تشد انتباهه
رفع مالك راسه لها لكنه بسرعة حول نظره عنها وكان
عقله يردد على قلبه لا تنسى اللي صار البارح نوره ما
تستاهل منك ولا حتى ابتسامة رضى
مالك بهدوء" نوره ...اسمعيني
نوره بصوت متقطع" انت اللي اسمعني يا مالك
مالك بحده" يكفيني ما سمعت
نوره تروح لعنده وتجلس عند رجليه وترفع راسها له
طالعني يا مالك واسمعني
مالك يطالعها" خير ؟؟ عندك كذبه نسيتي ما قلتيها ؟؟
تكفين أنا مو فاضي...وعندي كلام أهم بقوله لك
رفع حاله مالك يبغي يوقف لكن نوره مسكت يده وحاولت
تجلسه ...بمجرد ما التفت لها وحط عينه بعينها جلس من
غير تردد
نوره بحده " ما في شي بالدنيا أهم من الكلام اللي لازم
أقوله لك ولازم انت تسمعه
مالك التفت لها من غير ما يتكلم وكأنه ينتظر الكلام المهم
اللي راح تقوله
نوره تحاول تتكلم وتنظم أنفاسها" مالك أنا آسفة إني ناديتك
بإسم تركي
مالك يطلعها وهو متحير من جرأتها "..........
نوره" تركي يعني لي الكثير ...هو اللي غير حياتي كلها
مالك بيموت من القهر" وتقولينها بوجهي بعد ؟؟
نوره تصرخ بوجهه" اسمعني بس
مالك بزعل" راح اسمع بس تأكدي إن هذا آخر حوار بيني
وبينك
نوره ودموعها بعيونها ...وقفت ودارت وجهها عنه لأن
الكلام اللي بتقوله ما تقدر تقوله بوجهه
نوره" مالك .... تركي هو أساس الدمار اللي أنا عايشته
تركي هو من هدم حياتي وخلاني اكره الدنيا وحتى إخواني
تركي هو اللي هدم أحلى ضحكه صادقه بوجه نوره وحولها
لثعبان بصورة إنسان يبث السم على اللي حواليه
تركي الشيطان اللي أسرني وهلكني
مالك" نوره وش تقصدين ؟؟
نوره تلتفت عليه وعيونها جمر من البكي" تركي حاول
يغتصبني مرتين ولولا ستر رب العالمين كنت أنا اليوم
احمل عار بسبب جرم ما سويته
مالك فاتح عيونه لها" ما راح يسوي كذا من غير دافع ..مو
ممكن انتي مهدتي له الطريق؟؟
نوره تصرخ" حرام عليك يا مالك حرام ...كيف أمهد له
الطريق وأنا كان عمري عشر سنوات ؟؟
من يومها وأنا كل همي أحطم كل الرجال اللي من شاكلة
تركي اللي همهم اللعب على البنات بكلامهم المعسول وما
يفكرون إن في شياطين غيرهم ممكن يضحكون على
خواتهم ويبهدلون شرفهم في الأرض
كلام نوره ريح مالك كثير لكن هذا ما يمنع إنه يعاملها
بقسوه لأن بداخله غصه ومو ممكن يسامحها على اللي
سوته بهذي السهولة
مالك يتحاشاها" أنا ما يهمني كل الكلام اللي تقولينه
نوره" بس أنا زوجتك وانت حبيبي
مالك" لو فيك ذرة أخلاق كنتي اعترفتي لي من قبل وما
خليتيني انخدع وآخذك
نوره بهدوء" وش تقصد؟؟
مالك بصوت متقطع" لبسي عبايتك يا نوره أنا أنتظرك
بالسيارة
نوره بخوف" على وين ؟؟
مالك يحط عينه بعينها وكأنه يتودع منها" بعدين تعرفين
طلع مالك ولحقته نوره بعد خمس دقايق وركبت السيارة
كان الصمت يعم المكان ...ما في صوت غير صوت
المؤشر اللي يدل على إن مالك تجاوز السرعة المحددة
فتح مالك النوافذ حتى يشرب خامس سيجاره التفت عندها
لنوره اللي كانت مثل الصنم ولا حركه بس دموع تتساقط
مالك ببرود مصطنع" تبكين؟؟
نوره تصد عنه" لا بس الهوا جرح عيوني
مالك يقفل النوافذ وقلبه يهمس لقلبها بكلمات

كذبيني لو قلت لك بيوم إني ما أغار
من الهوا لين يتجرأ ويلعب برموشك
ويوم الشمس ينعكس ضواها بعيونك
ويوم دمعتــك تكتسح سطــح خدودك
ويوم تعتــلي البحــة جمـال صوتك
**
كذبيني لو قلت لك بيوم إني ما أغار
من عيوني يوم تكتسب نورها من نورك
ومن بسمــتي يوم تنعكس بطيف عـيونك
ويوم لساني بالعشق يردد صدى صوتك
ويوم يدي بالغصب ترتمي على خدودك
تكفين أنا ميت بهواك ومجنون بجنونك
*غروب*
نوره بضيق" ابغي اخبر أهلي إني جايه ممكن يكونون بره
وبعدين أنا أتبهدل
كلام نوره ضايق مالك كثير وصار يطالعها باستغراب كيف
تفكر إني ممكن اتركها كذا من غير ما اتطمن عليها ؟؟
مالك" لا تخافين يا بنت عمي أهلك عندهم خبر
نوره صارت تبكي بصوت لأول مره من ركبت السيارة
مالك بتوتر" وش الحاجة للبكي ؟؟ يتهيأ لي إن فراقي عيد
مو هذا اللي كنت تتمنينه من يومين ؟؟
نوره تبكي من غير ما ترد عليه"........
مالك بهدوء" لو انتي خايفه من كلام الناس أنا مستعد إني
أقول إن الخطا خطاي ومو مهم نظرة الناس فيني
مهما صار تبقين انتي بنت عمي لحمي ودمي
نوره فضلت السكوت وهذا الشي ضايق مالك كثير كان
يتمنى يسمع صوتها حتى ولو كانت بتصرخ كعادتها لأن
هذي اللحظات بالتأكيد هي آخر اللحظات اللي راح تجمعهم
مع بعض
بعد تعب أربع ساعات بالطريق وصلوا للرياض ...نوره
مغمضه عيونها ومالك مو عارف هي نايمه أو لا
مالك بهدوء" نوره ..
نوره تلتفت له وتطيح عينها بعينه" نعم
مالك" وصلنا ...
نوره تعدل جلستها " الحمد لله على السلامة
لحظة صمت كسرها مالك بكلمه هزت نوره من أعماقها
وصارت تطالعه
مالك يتنهد" من جد يا نوره أنا أبغيك تسامحيني على كل
شي.... ممكن ما أكون أنا الزوج المناسب لك وبالتأكيد انك
مو الزوجة اللي ممكن تسعدني أو على الأقل اللي أنا أتمناها
لكن تصرفي ممكن يكون مو مدروس وحاد
نوره تصد عنه" الله اللي يسامح ويغفر.. لكن أنا ما بيدي شي
وأنا السبب في كل اللي صار
مالك يطالعها بحنان ويدعي ربه انه يصبرها على المصيبة
اللي للحين ما عرفت عنها شي
لما قربوا البيت دق مالك على نواف وخبره إنهم قريبين
مروا عند بيت أهلها وهو أسود من الحريق
شهقت نوره " هذا بيتنا ؟؟
مالك" ذكري الله يا نوره
نوره بخوف" وش صار ؟؟
مالك ما عنده الشجاعة انه يخبرها لكن من قربوا لعند بيت
نواف كانت هناك لوحه كبيره عند البوابة فيها صورة طارق
ومكتوب عليها
رحمك الله يا زينة الشباب واسكن الله فسيح جناته
ما لحق مالك انه يوقف السيارة إلا وتفتح نوره الباب وهي
تصرخ صراخ متواصل
طاحت وعلى طول قامت وهي تركض للبيت ومالك ورآها
ويناديها كانت نوره مو مصدقه وتتبع اللوحة, تلقاها نواف
من عند الباب ولمها بحضنه وهي كانت تقول كلمات مو
مفهومه ...أخذها نواف للداخل مالك وكأن جبل جلس على
صدره مو قادر يتنفس وهو يشوف هذا الموقف
جلس عند باب البيت وحط يده على راسه وجسمه كله
يرجف ما حس إلا بيد تطبطب عليه
التفت ولقى ماجد ودموعه بخده رمى حاله بحضنه وكأنه
كان ينتظر أحد يشكي له ويبوح له بهمه
ماجد ودموعه على خده " اشتقت لك يا خوي
مالك يمسح دموعه بكمه ويروح لعند السيارة ولا كأنه يسمع
من ماجد أي كلمه
ماجد بتردد" مالك ...وين؟؟
مالك يلتفت له وبعيونه عتب كبير" رايح للمكان اللي جيت
منه
ماجد بصدق" محتاج لك يا مالك
مالك يبتسم " مو أول مره يا ماجد
ماجد يقرب منه" بس أول مره احتاجك وما تلبي لي
مالك بضيق" بجد أنا الحين متضايق خليني ارتاح
ماجد" راحتك عندي
مالك يطالعه" والله وواثق من حالك ...هذاك أول راحتي
عندك لكن الحين راحتي بالبعد عنك وعن بيت عمي
ماجد" من ورى قلبك وأنا عاذرك
مالك يتركه ويروح يركب السيارة ركب ماجد بجنبه
ماجد" عطني من وقتك ربع ساعة
مالك كان سرحان لعند رجلين ماجد وعلى طول مد يده
ورفع ساعة نوره من الأرض طالعها شوي وبعدين شالها
بجيبه وشغل السيارة وصار يمشي ويمشي وماجد ساكت
لحد ما وقف على جانب الشارع
مالك يطالع بماجد" وين نروح؟؟
ماجد بابتسامه" ما عندهم بحر هاا
مالك ابتسم له أخيرا ...ابتسامة مالك كفيله ببث الأمل
والسعادة بقلب ماجد
ماجد طلب من مالك انه يسوق عنه وبالفعل أخذه لكوفي
هادئ...دخل مالك وهو ساكت
ماجد بتردد" هلكك الهوا يا خوي
مالك طالعه بنظره حادة" ماجد ماني فاضي لسوالفك
ماجد يسكت شوي بعدين يتابع" مالك انت اخوي وحبيبي
ومستحيل أفكر انك تتحاشاني مجرد التفكير يذبحني
مالك باستهزاء" انت بعتني علشان بنت يا ماجد
ماجد" والبنت هذي إلى الآن ما أرضى عليها الأذى ولو
كان الأذى منك
مالك بضيق" لا تنسى إنها زوجتي
ماجد بهدوء" وهي أختي مثل ما انت اخوي
مالك مستغرب من كلامه لكنه ما علق وفضل انه يكمل
كلامه
ماجد بصدق" مالك أنا يمكن تصرفت تصرف غبي يوم
حبيت وحده ما أعرف عنها شي لكني من خذت صيته ملكت
كل حياتي وخلتني أؤمن إن الحب اللي يجي بعد الزواج هو
الحب الصادق ....صيته هي الأخت والزوجة والأم وكل شي
لي بالدنيا , مجرد ابتسامتها ترجع لي الأمل بهذي الدنيا
..زعلها يعني الموت ورضاها هو الفرح والسرور
كان ماجد يتكلم وكله أمل وابتسامته ما فارقت وجهه وظل
يسترسل بكلامه
ماجد" تدري لو خيروني افدي قلبي ولا صيته وربي فديتها
بكل قطره من دمي من غير ندم ولا خوف ..
صيته ...هي أحلى هديه من ربي وعساني ما أفارقها إلا
على موتي
مالك ساكت كان يسمع كلام ماجد وهو مبتسم وكأن ماجد
كان يقرا الشعور اللي بقلب مالك تجاه نوره لكن ماجد أقوى
منه لأنه قدر يعترف لكن مالك إلى متى راح يسكت ؟؟؟
ماجد بفرح" مالك ..أنا بعد كم شهر راح أكون أب
مالك من سمع كلام ماجد ما قدر انه يتمالك نفسه وسبقت
فرحته قلبه قبل ما توصل لشفايفه وترسم جمالها عليها
شعور رائع بالنسبة له كان يتمنى هذا اليوم ويحلم فيه مع
ماجد من أيام الدراسة
ابتسم مالك ابتسامه جميله واخذ أخوه بحضنه وبارك له
...............