أما تعيش وموقفكـ ماتخليـهـ ... ولا تموت وموقفكـ يذكرونـه

أنا إعتزلت الشعر لا عاد تطريه
وأيضا تركت الحب للي يبونه


لا ينتخي فيني ولا ني بناخيه
والكل منا دمعته في عيونه


تعبت من كثر المشاوير والتّييه
ولا صار عندي بالمواقف مرونه


أبنسحب من دون أصوات تنبيه
يوم الأوادم تنسحب إبرعووونه


ولا عاد تنشدني عن الحال وشفيه
من ينشد المجنون سبّة جنووونه ؟


تبي تشوف القلب وشفيه مافيه
هذي بطولاته وهذي طعووونه


قلبي على لامااااه ماتت رجاويه
بين الامل والياس ضاعت ضنونه


والمشكله ماله مع الناس تشبيه
عجزت أبلقى في العرب يشبهونه


يعني بدوني عاش والوقت يمشيه
وشلون عيـّا الوقت يمشي بدونه


يعني كذا وإلا كذا خااان ماضيه
ومن خان يلقى له حبيب ( ن ) يخونه


مبغاه كان إني من القلب باغيه
عند الكرامه ما رضيت المهونه


خلاص بعد اليوم مانيب طاااريه
لو كل نبضات الغـــــلا يعشقونه


إمـا تعيش وموقفك ما تخليــه
وإلا تموت وموقفك يـذكـرونـه




...

وسلامتكم

قصيـــــــــــده للشاعــــر

عبدالمحســـن العصيمـــــي

أتمنـــى تعجبكــــــــــم