رواية /حزينة على ماضي ولىّ و فات

البارت 13 سما صحيت من النوم على احد يهز كتفي لمار:حالة سما حالة سما سما وانا راسي مصدع ومالي خلق حتى اتكلم مارديت عليها بس فتحت عيوني وشفتها لمار:حالة سما فهد يصيح بغرفة بابا ورحت اقوم بابا عيا يقوم فزيت من السرير لاشعوري طلعت من الغرفه بسرعه متجهه لغرفته انبتهت على نفسي قبل لادخل غرفته مسكت لمار:بابا اكيد نايم .. يعني خلاص ماراح يقوم اذا دخلت لمار بدون ماتتكلم هزت راسها بالايجاب تقدمت خطوة وتراجعت خطوة .. فزيت على نفسي علي زيادة بكاء فهد بسرعه تقدمت ودخلت الغرفه واتجهت لسرير فهد لقيت الغرفة زي الثلج التكييف مره عالي ناظرته لقيت منسدح على بطنه ومتغطي كله باللحاف مابان منه الا شعره.. والغرفة ظلللام يالله يالله اناظر سرير فهودي من النور اللي من الباب حملته بين يديني ولمست جبينه بخدي :ياحياتي انت تعبانه مرتفعه حرارتك .. ليت بالثور اللي نايم ولا فيك اف بس ليش ينومه عنده دامه كذا يعلي التكييف حرام مفروض يقدر انه طفل ومايتحمل طلعت من الغرفه رحت بسرعه اعطيه فيفادول وكمادات .. صار له ساعتين وهو على نفس الحالة ماهي راضيه تنزل حرارته ياربيه وش اسوي وهذا الى الحين ماقام .. بس يصيح مو راضي يسكت وانا جالسه احط الجهاز على اظنه واقيس حرارته مانبتهت الا وقف جنبي .. حوالت اتحاشاه بقدر الامكان بس فهد يارب .. يارب يحس على دمه ويشوف انه مصخن ويوديه للمستشفى حرام الولد اخاف يموت بين يديني تقدم مني كم خطوة وحط يده على جبين فهد طالعني وسأل:من متى وهو مرتفعه حرارته؟ سما ببرود اتكلم رديت بعد فتره وانا ماني طايقه حتى اسمع صوته .. صوته لحاله ينرفزني :مدري عنك راكانببداية عصبية:وشلون يعني ماادري عنك سما ببرود اكثر ابي استفزه :يعني انه كان نايم عندك .. وانت حضرتك معلي التكييف لأخر شي والولد على طول تصخن مايتحمل ماعنده مناعه لسا ماكمل السنتين حرام عليك راكان بعصبيه وبصوت عالي:دامك قلبك عليه على قولتك .. ليش ماجيتي تاخذينه وتنومينه عنك .. يكفي لقيته جالس بالصاله لحاله سما بدهشه من اللي اسمعه الحين يحط اللوم عليمو كأنه الخطا راكبه من ساسه لراسه: انا راكان:ايه انتي .. اصلا انتي وحده انانيه وماهمك الا نفسك .. خليتي الولد لحاله لحد ماتصخن "تقدم ودف يدي من على فهد وشاله وطلع" حسيت بطعنه بقلبي .. انا انانيه .. انا .. والله ماعندي من الانانيه ذرة .. لو جينا للمنطق انت ابوه وانت اولى من فيه بس لانك رجل خلاص يعني ماتتحمل مسؤوليه .. والله كل يوم اكرهه اكثر من اليوم اللي قبله .. وكل يوم يصعب العيشه معاه اكثر .. انا خلاص مااقدر اكمل ......... جالسه اطالع التلفزيون ماشفت الا كيس انمد قدامي لفيت شفت سعود بابتسامه :تفضلي يانور عيني مدت يدها للكيس بتفتحه طلعت منه عقد مسكته بيدها وتطالعه مبهوره بجمال العقد :ألماس سعود باس يدها:مايغلى عليك رمت نفسه بحضنه :الله لايحرمني منك قبل جببنها وهي وبحضنه :ولا منك ........... ركضت بطفوله وبراءة تركت يد امها وذهبت تركض الى المهرج الذي يوزع على الاطفال بعضا من السكاكر سوزان:حبيبتي داليا كوني حذرة سوزان :حسنا يا أمي اخذت من المهرج سكاكر لونها اورانج رجعت الى امها وامسكت بيدها سوزان:داليا هل تريدين المثلجات ؟! داليا وهي تقفز وبعنفوان الطفولة وشقاوتهم:أجل أجل اريد بعضا من المثلجات قرصت خدها سوزان:حسنا ياجميلتي .تردين بنكهة الفراولة أليس كذا ؟ داليا:ياه كم انتي عظيمه ياأمي .. لا يخفيك شيء كهذا .. متيقظه لكل الامور ... سوزان امسكت شعر داليا تداعبه ذهبت لتشتري المثلجات من البقال الصغير الذي يقطن بجانب بيتها خرجت من البقال ورفعت رأسها لسماء لتنظر لها .. ياه اظن انها ستمطر الان واعطت المثلجات ابنتها وامسكت بيدها وأخرجت الشمسية لتقي نفسها وابنتها من البلل من مياه المطر دخلت لغرفتها اللي تقطن فيها هي وأبنتها اغلقت الباب وذهبت لتسكب لها بعضا من الماء لتبلل ريقا الذي جف من المشي مسرعه.. احست بضيق تنفسها امسكت الماء وشربت اكثر فأكثر والدموع اخذت مجراها على خديها .. وضعت الجوال على المنضده من امامها وصارت تأخذ شهيق وزفير اكثر .. لا تعلم ماذا تفعل .. فاليوم طردت من الشغل .. لاتعلم ماذا سيحل بها هي وابنتها في هذه المدينه لوحدهما .. كيف ستتمكن من العيش .. والاعتناء بطفلة في مبلغ زهيد جدا .. في تعمل عملين في اليوم في الصباح وفي المساء .. حتى تستطيع كف احتياجاتها مع ابنتها .. تأملت الغرفة التي تسكنها مع ابنتها هي اقل مايقال عنها بأنها غرفة تستطيع انتي تأوي فيها مع ابنتها الجدران يخيل لرأي بأنها ستسقط في اي لحظة .. السقف اه وما ادراك مالسقف فجزء منه مكسور .. ويدخل منه مياه الامطار .. ويبلل المكان .. والجزء الاخر يظلهم ..والزاوية سرير خشبي يدور في ذهتي عند رؤيته بأنه يبلغ من العمر المائه .. بالكاد نستطيع النوم فيه ..والشباك على السرير .. تأملت داليا واقفه عنده تتفرج على الناس في الخارج او بالاحرى تتأمل في ارجوليهم وسيقانهم .. فالغرفة تقل تحت السلالم في السرداب .. يااه انني محظوظه عندي بنت مثلها فهي قليلة الطلابات مقدرة لظروفي ..قنوعة تلك الداليا .. فهي لاتطلب مثل بنات جيلها اللواتي يتنعمن في كنف والديهم ويحظون بالدلال والراحه والترف .. اشعر بالحزن عليها .. انني لم اوفر كل وماتحتاجه فتاة في مثل عمرها .. هذه هي داليا تحب التأمل كثيرا .. قليلة الكلام جدا .. هادئة .. ولا تطلب الكثير من الحياة سوى حياة تنعم بالراحه معي.. تقدمت من عندي ابنتها ووقفت الى جانبها وامسكت بيدها .. وصارت تتأمل معها الشارع امامهم والمطر يغطي الشارع من البلل .. والنافذة مليئة بقطرات من المطر من ..حمدت الله كثيرا بأنني استطع استأجر غرفة هنا .. فأستجأر غرفة في هذه المدينه بهذا المبلغ الزهيد بحد ذاته انجاز .. كان الله في عوني..غدا سأذهب صباحا لاجد لي عمل ............. سمر :حبيبي شوف اذا قدرت يمكن ارسلك صورتي بس طلعة مستحيل اطلع معك ......:ياقلبي ما طلبت الكثير .. والله بس خمس دقايق ونرجع .. حياتي .. مالي خاطر عندك سمر:الا لك كل الخاطر بس انا هاليومين ظروفي صعبه مااقدر اطلع واخذ راحتي .. استناني شوي .......:ننتظر امرنا لله .. بس اسمعي تراني ماارح اتنازل عن الصوره سمر:ههههههه يالطماع تبي كل شي صورة وطلعه ......:ايه في احد يمل من تأمله للقمر سمر:اه منك يالعيار ........... دخل العصر ومعاه فهودي .. عطاني اياه وحط كيسة العلاجات بالطاوله راكان:هذا مضاد عطيه كل 8 ساعات .. لاتهملينه وتنسين مثل العاده سما ماحبيت اكبر الموضوع مشيتها مابي نفس حتى اتجادل معاه اخذت الكيسه ومرت من جنبه ولا تكلمت بدخل غرفتي جت بسكر الباب وشي منع الباب انه يتسكر دخل الغرفه .. استغربت وجودها طالعني وقال:بعد المغرب بوديك لامي تجهزي سما تكتف وببرود:من قالك اني ابي اروح راكان بنبرة حاده:ما احد قالي ..واصلا ماجيت اشورك حيت اعطيك خبر بعد المغرب تجهزوا .. طلع وسكر ضربت الارض برجلي وانا ضغطي مرتفع اف ياربي مااطيق امه ماابي اقابلها بعد المغرب تجهزت غصبن علي ونفسيتي زفت مالي نفس الطلعه وصلنا البيت وكالعاده مافيه احد الا امه البنات ينذكرون ولا ينشافون سلمت على ام راكان حسيتها مره قويه شوي وتفرض كلمتها على راكان لو بالغصب .. وهو يسمع كلمتها .. شوي وطلع راكان وجلست انا وياه والبزران .. سوي ولا ينزلون بتمخطرون البنات الوحده كأنها تمشي على بيض قمت وسلمت عليهم وهم يسلمون علي ببرود سولفنا عن اشياء عامه .. انهار اخته الوسطى:الا اقول سما بكل صراحه يعني لاتزعلين مني بس شلون اخت رجل اختك وشلون قدرتي"وهي تمسك ثوبها من عند صدرها وتنفث:اعوذ بالله الله لايقوله ماقدر ماقدر سما بصدمه من وقاحتهم ماتوقعتهم بهالوقاحه وقلة الادب انصدمت وبان على وجهي الصدمه وظليت اطالعها وهي تنتظر من رد مسكت يدي وقالت:لاتزعلين مني انا كذا صراحه اللي بقلبي على لساني مااعرف اجامل سما بعصبيه اردح طلحت كل حرتي منها ومن اخوها: حبيبتي اذا انتي انانيه وماتفكرين الا بنفسك فهذا شي ثاني انا ماتزوجت اخوك الا عشان عياله .. او بالاحرى عيالي .د وانا احق فيهم من اخوك هذا اللي مو داري عنهم .. وبعدين وش هالوقاحه اللي فيك تتكلمين معي بهالطريقة وهالاسلوب الزباله وانا اول مره اجلس معاك حتى مااعرفك اللي اللهم انك اخت زوجي المصون ... اذا اهلك ماعرفوا يقصون لسانك انا اعرف .. على الاقل احترمي اني اكبر منك بعض النظر اني مرت اخوك ياقليلة الادب "صرت اشهق بقوه وبعصبيه حسيت اني بديت انتفض من العصبيه قهرتني حسبي الله عليها" سمعت صوت من وراء عالي وجهوري وقوي :سسسسمأاا ارتعبت ولفيت لقيته واقف عند الباب اتجه لي بسرعه وشفتها واحس الدموع بعيونها وراحت وتركتني معاه وقفت بتحدي قدامه مدري منين جتني القوة وبثواني حسيت خدي زي النار .. اه ضربني .. هاذي ثاني مره .. ماني مستوعبه .. لا وعند امه وخواته .. بكل قوتي ضربت صدره والدموع بعوني:والله مو رجال اللي تمد يدك على زوجتك راكان مسك يدي بقوة بفحيح وعينه بعيني ترفعين صوتك على امي او وحده من خواتي شفتي لسانك هذا اقصه سما تكلمت والغصه بحلقي:رب خواتك زين عشان تشوف اذا الناس يثدرون يرفعون صوتهم عليهم ولا لا "نفضت يده"بعد عني والله ماني جلستلك دقيقة وخلي خواتك يصيرون شغالات لعيال "بعصبيه اكثر اخذت عباتي وشنطتي واتجههت لباب الشارع دقيت بسرعه على سامي مايرد ودقية على طلال سما وانا عدل صوتي ماابي يوضح له اني اصيح:طلال تعال لبيت اهل راكان طلال:ابشري .. بس وش فيه سما:مافيه شي بس تعال سكرت منه ولبست عباتي استناه بالحوش قعدت اتنظر دقايق لفيت راسي لجهة باب البيت توقعته يلحقي على الاقل مايخليني اطلع من بيت اهله زعلانه حسيت بضيقة اكثر .. يالله لهالدرجة مالي قيمه وقدر :الله لايحدني عليك دق جوالي طلال يقولي اطلعي ركبت السيارة طلال: هلا والله باللي تغلى سما وانا اتصنع الابتسامه :هلا بك طلال:ترا يقولون من تغلى تخلى وانتبهي لاتخلين ياخالة سما وانا مااالي نفس والكلمه تطلع مني بالغصب:ماتغليت طلال يحط راسه على يده:يوه يوه يالكسحه .. واضح مالك نفس لي وودك لو اسكت "حط يده على فمه يسكره"وهذا سكرناه بس قبل قولي لي وش فيك باين من صوتك انك باكيه سما لفيت لجهة الشباك وقعدت اطالع الطريق :مافيني شي طلال:اسمعي ياخالة انا لخليك على راحتك بس متى مابغيتي شي انا لك سما:تسلم يالغالي مايجي منك قصور طلال:وش دعوه ماسويت شي وصلت بيت امي مالقيت احد بالصاله وغرفتها مظلمه يدخلت عليها بهدوء لقيتها نايمه طلعت ماحبيت ازعجها طلعت لغرفتي فوق انسدحت على السرير بعباتي شفت نور جوالي يضوي ماشفت من متصل اغلقته على طول ماابي شي ابي اسكر الغرفة علي ولا اشوف احد نهائيا ابي اعتزل العالم ابي اختفي ماابي احد يدري عني تعبت ومليت .. اخ لو يرجع فيني الزمن وربي مااوافق عليه عيال اختي لهم ربي بيحميهم بس انا خلاص طاقتي كلها نفدت خطيت نفسي باللحاف وغمضت عيوني ابي اناااام وارتاح ................ لا يعني لا مسألة اننا نسافر معهم هاذي تلغيها نهائيا مسكني وحلسني بالكنبه قباله:يابنت الحلال استهدي بالله اول شي بعدين اسمعيني والله مالنا دخل فيهم هم بحالهم وحنا بحالنا بي يعني نتقابل شوي مع بعض ابتهال بعصبيه :والله وهذاني حلفت يارائد سفرة مع امك وخالاتك مااسافره .. وانت بعد ماتسافر رائد بنرفزه وصوت حاد:شوفي عطيتك وحهي وانا تراني مطول بالي على اشياء كثيير عليك .. فلا تسخلين صبري ينفذ ترى مو من صالحك ابتهال الخوف دب بقلبها مسكت يده:ياحياتي ياروحي والله مو قصدي اهلك على عيني وراسي بس من بعد اللي صار انا وياهم مانواطن بعض بعيشة الله يعني لا انا بستانس ولا هم يستانسون مافيه الا انه اخوك منيف يودي اهلك وحنا نسافر لحالنا رائد بصوت هاديء ترك يدي:يصير خير"وطلع وخلاني" اف ياربيه دايم مشاكلي انا ورائد عشان اهله اف منهم .............. جالسه عند التسريحه تمشط شعرها تأملت نفسها تغيرت كثير بالسنوات التاليه نزلت الفرشه على التسريحه وصارت تتحسس الهالات اللي تحت عيونها ناظرت وراها تشوف خواتها مبسوطين وراضين بحياتهم الا هي تعبت من هالعيشه ماتبي كذا هي من كانت صغيره وهي تطمح للاعلى تبين بيت غير فلوس اكثر عيشه غير عن هالعيشه .. دايما تتاخصم هي وخواتها على هالنقطه ندى تصوت من وراها:فطيم .. يالله تعالي كملي شغلك وشفيك بديتي فيه ولا كملتي مو قلت اذا بديت بشي كمليه اف بس منك انا الحق على وشو ولا وشو .. ظلت اطالعها بدون مااتكلم ندى بعصبيه اكثر :فطيموه بسرعه قبل لا يجي اخوك ويحوسنا بسرعه تحركي اف منك وقمت وهي تسحب نفسها تسحب لشغل هاذي حياتها من اول مايقومون هي واخواتها يشتغلون لحتى ماينامون مسكت قطعة القماش وصارت تكمل شغلها شغل بشغل بشغل مافيه شي جديد دخل علي منفس كالعاده ناظرني وانا اشتغل وبرفسني برجله نايف:قومي حطي لي اكل بسرعه قبل لاطلع ماتكلمت ...تركت اللي بيدي وقمت للمطبخ احط له الاكل جبت الاكل عنده وحطيته بالارض ناظر الاكل بعدين ناظرني .. اكل بايت .. فاطمه:ايه مو نعمة ربي نايف قام مثل الثور الهايج وشد شعري:عدلي اسلوبك معي لاهد سنونك فاطمه وهي خاسكه يده تخفف من مسكته لشعرها :طيب طيب بس اتركني تركني ورحت بسرعه لغرفتي ق قبل لاوصل حسيت زي السكين ضرب ظهري وتحديدا العمود الفقره .. طاحت الملعقة جنبي ضربني بالملعقة على ظهري .. حسيته انكسر من كثر ماهو يوجع نايف:وانا اكلمك مااتعطيني ظهري لاكسر لك اياه فاطمه .. دموعي اجتمعت بعيوني على طول من شد الالم جت تركض ندى وتهدي وتمسكني بتدخلني الغرفة وانا اشوف المنظر المعتاد امي جالسه تطبطب على نايف وتهدي اعصابه دخلتني ندى الغرفة وجلستني على السرير:الله يهديك يافاطمه وشوله تطولين لسانك عليه تعرفينه هذا مجنون فاطمه بعصبيه وانا اتحسس ظهري ومالي خلق نصايحها صارخت عليه:مالك شغل تفهمين مالك شغل ندى بهدوء ركاده:خلاص ياقلبي خلاص انسدح خليني احط لك مرهم بظهرك دفيت يدها وطلعتها وبصراخ :اقولك اطلعي برا اطلعي ماتفهمين ماابي اشوف احد طلعتها وصكرت الباب وجلست على السرير وانا بصعوبه احط لي مرهم ومع كل مره اصيح زياده ندى طلعت من غرفتها وانا قلبي يعتصر عليها .. هاذي مراهقه وماحد قادر يستوعب انها مراهقه شفت امي جالسه جنب نايف وهي تطلب من برجاء انه ياكل الاكل خايفه عليه يطلع وهو جوعان طنشتهم ودخلت الغرفة الثانيه هاجر:وش فيه بعد ندى:كالعادة نايف وفاطمه هاجر:الله يعيننا عليهم هالاثنين ندى:قولي الله يعيينا على الراس الكبير نايفوه هاجر:عساه للكسر هالراس عشان يعرف ان الله حق ندى بانفعال:ياحيوانه استغفري ربك .. حرام مهما كان هذا اخونا ومالنا غناة عنه هاجر باستخفاف بندى وطيبة قلبها:ايييه مره صراحه اخونا هذا يتمنى الفكه اليوم قبل بكرا .. فييكنا زين من مثاليتك الزايده "وهي ترمي عليه الصوف عشان تكلم ":اكملي بس ازين لك من الهذرة ندى بصوت واطي خايفه منها عشان ماتسمعها:الحمدلله والشكر ماكأنها هي اللي سألت هاجر سمعتها وعطتها نظره ................ انتهى البارت بقلم: سلام

اقتطافة أنيقة
لاعدمنـآ هذا الجمال بالطرح..
بإنتظآرجديدك بكل شوق..
ودي وشذى الورد..

الله يعطيك العافيه على الطرح
اللي كله ابداااااااع


حضوري شكر وتقدير لك
ولاهتمامك في مواضيعك


اخوك
نجم الجدي

*،




آنتقاء مميز .. مَ ننحرم من جديدك

تميز دائم في الاِنتقاء
وفي روعة الطرح
دمت بكل خير

طرح رائع كـ انت
الاناقةة دائما تعتلي صفحاتك
لا حرمنا من منبع الجمال
الذي يزيدنا شوقاً
لـ اطروحاتك

كل الود

حضوركي شرف لي
نورتي عزيزتي
ارتواء نبض

حضورك شرف لي
نورت أخي الكريم
نجم الجدي

حضوركي شرف لي
نورتي عزيزتي
أول أطيافي

حضورك شرف لي
نورت أخي الكريم
محمود