رواية وجهان العمله واحدة البارت الثاني

Prt " 2"

نزلت وضحى من السياره داشـه المجمع ... مالها خلق ترجع البيـت بتتغـدى هني وبالمرهـ بتمر تتشرى لها كم شغله أحتفال بأنهـا خلصت أخر أمتحان
أتجهت للأصنصير وضغطت علشان يفتح دقايق مرت وأنفتح البـاب كان فاضي مافيـه حد ... دخلت وهي تعدل شيلتهـا اللي كاشفه أكثر من ماهي ساترهـ ولما صارت داخل جات بتسكر الباب ألا أثنيـن يدشون معاهـا ماعبرتهم وتمت صادهـ عنهم تطالع الناس من الأصنصير وهو يرتفع لفوق لـ دور اللي طلبته .... كانوا يقطون نغزات ويبلفيت يكلمون بعضهم .... وهي متأكدهـ أنهم يقصدونهـا
حاولت ماتعطيهم أهتمامهـا ولا حتى سمعهـا واول ماتوقف الأصنصير مرت من بينهم طالعه وطلعوا وراهـا .... طلعت جوالهـا ودقت على امها تعطيها خبر أنهـا بتتغدى برى
رن شوي بعدها جالها صوت أمها : ألوو ...
وضحى ببتسامه : ألو هلا يمــه ... أنتي بالبيـت ؟
أم وضحى : لا ببيـت خالتج ... عندهـا ناس .....
وضحى : أها ... زيـن تراني بتغدى برى مب راجعه البيت اللحيـن ...
أم وضحى : على راحتج ... بس حطي بالج على روحج ..
وضحى : لا تحاتيــني .... بس قولي لأبوي .. لأني أدري ماراح يرد على رقمي لا شافــه ..
أم وضحى : آآووكي ... بقوله .. وأنتي دقي على البيت وقولي للخدامه تحط الغدى ... علشان أخوانج ياكلون ماينطرونج
وضحى : أن شالله ... يلا باي ...
أم وضحى : باي ...

سكرت وضحى ورجعت تضغط رقم بيتها وأول ماشالته الخدامه قالت لها تحط الغدى وتخلي أخوانها يتغدون لأنها مابترجع اللحيـن ولما تأكدت أنهـا راح تنفذ اللي طلبته منهـا سكرت وهي تدخل مطعمها المفضل وتاخذ لها طاولـه لشخصيـن وتقعد فيــها .... لما قعدت رفعت عينها تشوف الأثنين اللي طلعوا وراهـا بالأصنصير للحيـن موجوديـن وله لا .... بس مالقتهم
شكلهم لقـوا ضحيه ثانيـه تعبرهم وتعبر سخافـة عقولهم !!!!
نادت الجرسون وطلبـت غداهـا اللي كان عباره عن شوربـة دياي .. وعصيـر كوكتيل .. يبلفيت تبي تحافظ على رجيمها ولايقتهـا الجسديـه
ماطول الطلب ليـن وصل ... وبعد ماسمـت بلشـت أكل
.
.

بينما بـ بيت رفيجتها
كانت قاعدهـ بالصاله تكلم المطعم " كنتاكي " وتقول له بالضبط شتبي .. وبما أنه ريم أختها احذاهـا ومسندرتهـا تبي وجبـة اطفال رئفـت بحالهـا وطلبت لهـا ووصـته يجيب سلطة الفواكه أهم شي
وأول ماخلصـت ألا بدخلـت غانم عليها : هاا خلصتي أمتحانج ؟؟
نوره وهي تحط السماعه : يب وأفتكيـت ... وقاعدهـ احتفل
غانم بستغراب : تحتفليييـن ؟؟
نوره : آآي أتصلت على كنتاكي وطلبت مطااافي " طلع صوت بطنهـا من اليوع وقالت بعد ماأستقرت يدهـا على بطنهـا " ماتتخيل شقد مستانســــــه .. لو لي أجنحه جاان طرت من زماان !
غانم وهو يقعد على الكرسي : وأن شالله من بيطلع يجيبـه ؟
نوره بتلقائيه : أنت ؟
غانم طالعها : لا والله ..؟ أشوفج تعودتي علي ... أمس كاتب لج واليوم أجيب بلعتج ....!!
نوره : تبيني أنا أطلع أأجيبببـه ؟؟ آووكي بطلع بس أأذاا هاوشني نواااف وله أبوي بقول له غنوووم معاند
غانم بدون أهتمام : آآووكيه !
طلعت أم نواف من المطبخ وهي تقول : يمه نواري تعاااالي سوي السلطه ....
نوره فزت وراحت لها بدون ماتجادل وهذي أول مرهـ ... وهي تسمع رنيـن التلفون بالصالـه
دخلت المطبخ وسيدهـ صوب الطاولـه ..
أمها وهي تروح تشرف ع الجدر : شعندج مستانسـه اليوم ... شكلج مبيضه الـوي
نوره وهي تقعد على الطاوله وجدامها الخضـرهـ : آآكيييد ... الأمتحان كان سهل موووووووت مايبيله شي وأستغربت أنه ماجابوا شي من الدرس الأخير
أم نواف : يلا .. الله يوفقج يايمــه ..
نوره وهي تقطع الخيار : وأجيييييب الـ 97 يااارب .....
دش غانم عليهم المطبخ وهو يقول : نورووهـ ... سلووى تبيج ؟
نوره ألتفتت عليه وهي تقول بغرابه : سلووي ! ويـن ؟
غانم : بالتلفون بعد ويـن ... قومي حاجيهـا
أم نواف : ماتجوفهـا تسوي السلطه .. قول لها تسكر ... بدق لها نوييييير بعديـن
غانم بعد تردد يطلع وله مايطلع من المطبخ قال : لا .. لا ! فشله .. توني قلت لها صبري شوي ,, مب حلوه بحقي أرجع أقول لها مشغوله نوره دقي لها وقت ثاني
نوره وهي تقطع الخيار بأندماج : والله هذي مشكلتك ماني طالعه من هني ألا بعد ماأكمل اللي بيدي
غانم : حرام عليج البنت تنطررر ...
نوره : خل تنطر ,, شنو بتموت أذا ماسمعت صوووتي ؟
غانم : والله بطقاق يطقج أنتي وبنت خالتج ,, أنـا رايح داااري وخليها تتنقع ع التلفون ليـن تحس على دمها وتسكرر زيييـن ..
عطاها ظهره وطلــع ,,,
نوره وهي تناديـه : غنووووووووم ,, والله لو تسويهـا مايحصل لك طيييييب .... عيييييب ياللي ماتستحي
غانم طل عليها وهو يقول : مخلي الحيا لج ,,, " يأشر لها بيدهـ " بااي !
رجع طلع وهو هالمره متجهه فوق لدارهـ وتارك وراه نوره تصارخ من قمة راسها
نوره وهي تقوم : أأووووريييك يالخااايس ,,, تصيمخ .. تصييمخ يعلك الصمخ
أم نواف ألتفتت عليها وعطتهـا نظره لأنـها ماتحب تسمع هالدعااوي !
نوره : زيييـن أأسفييـن ,, بس ولدج ييييعل ويرفع الضغغط ,,,,
أم نواف وهي مازالت مجابله الجدر : بدل هالهذره روحي كلمي البنت ..أخوج معلقها ع الخط !!
نوره : أأووووووف ,,,
طلعت من المطبخ وهي تحلطم على غانم لحد ماوصلت لتلفون شالته وقالت على طول : يعني ماتدريـن هالحزه حزززت غدى ؟ شله تدقيــن
سلوى : صج أنج قليلة أأدب وذوووق.. اللحيـن بنت خالتج العزيزه تتصل لج تقوليـن لي هالحجي ,,, آآووكي يانوير خل أجوفج جاايـه تلزقيــن فيني تبيـن تعرفيـن النتاايج والله ماأأأقووولهـا لج لو على قص رقبتي
نوره قلبت الموجه لما سمعت التهديد : وه يافديتج ويافديت اللي يابتج ,,, أتغشمر معاج يالدبببــه .. صج منتي وي تغشمررر
سلوى بغرور مصطنع : ززيييـن أمي تقول بنجيكم العصر ,, علشان تروح مع خالتي المستشفى
نوره : حيااكم ,, تعالوا حد قال لكم لا .... بس يكون بعلمج .. وضيح بعد قلب قلبي راح تجيني العصر بعد
سلوى عقدت ملامحها على هالطاري : وضيح الهايته الضايعه ذييييج ؟؟ أم لساان طقاقه ؟؟
نوره بجديه : سليييو .. ماأسمح لج ترى .. مثل ماأنتي بنت خالتي تراها رفيجتي الروح بروووح
سلوى : والله محد بيضيعج غيرررهـا ,, هذي مالها واااالي ...... تصدقيــن سمعت أنهـا واايد فرررري يعني عاادي تكلم شباااب على قولتهـا مجرد صداقـه
نوره بعصبيه : سلوووى !!!!! لا تطلعيـن حجي عليهـا ساامعــه ... وضحى أأشرررف من اللي يقولون عنها جذي .. ومستحيل تسويهـا ... بس جفتوا البنت متحرره شوي قمتوا تطلعون عليها حجي وكلام ماصااار
سلوى بأستغراب وهي عاقده ملامحها : شدخلني أنا ... مب أنا اللي قايله هالحجي ..... سمعته !
نوره : لا تنقليـن حجي منتي واثقه فيــه .... واللحيـن يلا باااي وراي شغل مب متفرغه لج
سلوى : شبلاج عصبتي .. لهدرجه كلمة الحق تززعـــل ....
نوره بتنرفز : باااااي !
سكرت بويهـا بقوهـ وقامت متنرفزهـ ودشت المطبخ ...
قعدت على الكرسي ومسكت السجيـن بعد ماحطت الخيار اللي خلصت تقطيعه بالمله العوده اللي أحذاهـا
وأبتدت تقطع الطمااط وهي معصبــه وحالتهـا حالـه ..
أم نواف بدون ماتلتفت عليها : شكانت تبي منج ؟
نوره بعصبيه خفيفه : تقول بيجون العصر علشان تروحيـن مع خالتي المستشفـى
أم نواف : ووووي تصدقيـن نسسسيت سالفة المستشفــى ,, زيــن ذكرتني سلوى ...." غطت الجدر " ... يلا بعد شوي بيخلص الغــدى
ألتفتت على بنتها وهي تقول : هااا خلصتي !!؟
نوره هزت راسها بالنفي ..
أم نواف وهي تجي تقعد بالكرسي المجاور لبنتهآ : هاتي هاتي ,, مامنكم فايده بنات هالأيام ,,,
عطت أمها السكيـن بدون أي تردد وقامت طلعت من المطبخ وهي متنرفزهـ من سلوى وطريقة كلامها عن أعز ربعهـا
قعدت بالصاله وأنسدحت على الكرسي شغلت التلفزيون وطولت عليه بطريقه مزعجه وهالحركه تسويهـا تلقائياً أذا كانت معصبـه
جنهـا ماتبي تسمع الأفكار اللي تدور ببالهـا !!


,
,
,

كان واقف مصدوم من هاللي فتح له البــاب ...!! والغريب أنه يشبهه .. ويشبهه وايد بعد ... اللهم اللي جدامه كاسي شعرهـ الشيب المختلط باللون الأسود.. بينما هو بعـــز شبابــه !!! ....... دقايق و ......... و أستوعب !!!!!!
دفع الباب برفق ودخل الحوش وعينه معانقه وي أبوهـ .... ولما سكر الباب شاف أمه اللي لزقت بذراع هاللي يشابهه وقالت بحب وفرح : أبوكـ رجع يازايد .... ! رجع ؟
زايد ماكان عارف شيسوي ... يصرخ من الفرحه ولـه يصيح من القهـر على الأيام اللي أنحرم فيها منه .... وله يسأل أمه ليش ماردت عليـه وهو حارق تلفون البيـت من الأتصال !! ليش خرعته عليهـا هالكثر ؟
وله يقول لهـريال اللي يشابـه أبوهـ .. ! شكثر أحتاج له قبل ... و شكثر هو مستانس لشوفته اللحيـن...؟؟؟؟

أو يقترب منه ويطيح بأحضانه ويتعلق به بأقوى ماعندهـ علشان مايقدر أي مخلوق ينتزعهـ من صدرهـ من يديد !!!!
ولــه يترك لهم الحوش ويدخل داااخل محاوله بأنه يقنع روحه أنه هذا مجرد حلم جميل يداعب مخيلته ....!وبعد ساعه أو أقل راح يصحى وينصدم بالواقع المر

ماكان عارف شيقول أو شيسوي أو شلون يتصرف... كان واقف بكل غباء العالم يطالع بأبوهـ ..... وكأنه الزمن توقف عند هاللحظه
بو زايد اللي حس الدنيا كلها فرحانه لفرحه أقترب منه وهو يقول بعد ماحط يدهـ على كتف ولدهـ : كبرت يازايد !! ... صرت طولي .....
مافكر أنه يحظـنه خايف من ردة فعلــه .. خايف يحظـنـه وينصدم بـه يدفـعه بشراســه وهو يرفض وجووووودهـ ...... من 20 سنه وهو خايف من هاللقـى .... وهذا هو وصل هاليوم
بينما زايد نزل نظره لعند يد أبوهـ اللي محطوطه على كتفه وحس بالدموع أبتدت تحارب علشان تطلع لنور ورجع طالع وي أبوهـ بملامح خاليـه من أي تعبيييير يذكر ....!!
بو زايد وهو يضغط على كتف ولدهـ : زايد تكلم ..!! أبي أسمع حسك .... 20 سنه محرررروم منه ..
زايد غمض عينه بقوهـ لما نبش أبوهـ الماضي .. 20 سنه !!! 20 سنه من عمرهـ عاشهـا بدون مايقول كلمة يبـــه ..... وعقب كل هالوقت يبيـه ينطق ؟
فتح عينه بعد مازحفت دمعه على خدهـ غصباً عليه وقال وهو يطالع امه : يمـــه ...!!؟ .. أأكييد أحلم .... تكفيـن قوميني ماأبي أعيش بوهم
أم زايد بحب وهي تحط يدها على خد ولدها : مب حلم ياولدي ,,, هذا أبوووكـ ... أبوك اللي دومك تحن تبيييــه ...... كاهو جااك !!
زايد نزل نظره لتحت يحاول يخفي الحرب اللي أعلنت عن أبتداءهـا بملامح ويهـا اللي أكتساهـا الحزن بكل وحشيـه .. وأبتدى يذرف دموع بدون مايدري لييش ... يحس الطفل اللي داخله رجع صحى من يديد وحس بالألم اللي حسه لما كان صغييير بعد ماأنحرم من أأغلى الناس له
بو زايد أقترب منه وأنتهز الفرصـه وحظــنــه .. قال وهو يطبطب على ظهره ويقول بحنان : لا يازايد ... لا ياولدي ...... ماأبيك تصييح !!!
زايد حظن أبوه بقوه وهو يقول : لــ ـ ـ ـ ـيـ ـ ـ ـ ـش يبــه ... ليـ ـ ـ ـ ـ ـش !!
بو زايد تنهد وهو يقول : مقدر ومكتوب ... ماعندنا أعتراض على قسمته .....
زايد : يبـه أحتجت لك ...!! 20 سنه وأنا محتاج لك ...... 20 سنه وأأنـــا أنكووي من القهــر والحقد علييييــه ..
بو زايد : اللي أخذ حق ملايـيـن قبلي وقبلك ... ماراح ينساانــا ... قول بس حسبي الله ونعم الوكييييييل
زايد وهو يصيح من قلب وجنه يااهل مب ريال بالـ 24 من عمرهـ ....ويقول بألم وصوت مب عالي بس نبرته مسموعه وبوضوح : حسبي الله ونعم الوكيييييييل ... حسبي الله ونعم الوكيييييييل !!
أم زايد أمسحت دموع أستقرت على خدهـا وهي تشوف أسرتهـا بعد كل هالسنيـن تلتم من يديد ....
زايد وراسه مازال على كتف أبوه وهو يصيح من كل أنحاء قلبه : يبـه تدري .. كل يوم يمر أأأكررره ذاك الحقيير أكثررر ... وهالـ 20 سنه كلها مرت وأنا أخطط شلون أأهدم حياته مثل ماهدم حياتي وشتتني حتى قبل لا أأوعى على الدنيا عدل !!
بو زايد وهو مازال حاظن ولده بقوه لصدره وحابس دموع تقاوم تبي تطلع لكن بدون فايده : مايستاهل توسخ يدك فيـه ... والله مايستااهل
زايد أبتعد عن أبوه وقال بأنفعال : بلا يستاااهل ... يستاهل ونص ..... " يأشر على نفسه " اللي عشته طول هالسنيـن والله لا أأدفعه ثمنه غاااااااالي وغااالي وايد ..
أم زايد تمسك ولدها من ذراعه وهي تقول محاولة منها أنهـا تقلل أنفعاله وتسكر هالموضوع وهالطاري : أمش يبـه .. أمش خل ندخل دااخل ....
تحركت خطاه وهو مازال متعلق بيد أبوهـ لحد ماوصلوا الصاله .. قعد زايد على الكرسي ونزل راسه بالأرض بعد ماأستقرت أصابع يدهـ الثنيـن براســه وسط خصال شعرهـ وكمل صيااح
بو زايد أقترب من ولدهـ ورجع حظنه من يديد يحاول قد مايقدر يخليه يهدى .... لكن مافي أمل .. بايـن أنه الجروح اللي بصدرهـ رجعت أنفتحت وتوسعت لما شاف أبوهـ وماراح تتسكر ألا لما ياخذ بثارهـ
ماراح تتسكر ألا لما يشوف اللي كان السبب بضياع شباب أبوهـ ..منهزم جدامه وذليل مثل ماصار فيهم ... معقولة ينسى الذل اللي عاشته أمه بذيج السـنيــن
مب سهله أنه يتناسى صوت أمه المكسور ودموعهـا الذليله وهي تترجااهـ يطلع ريلها من السـجـن وتحاول تليـن قلبـه بذاك الولد الصغير اللي كان متعلق بـعـبـايتهـا بينما هو يقول وبكل بساطه
" تبيـنـه يطلع ... ترجعيـن لي !! "
آآي ذل وأي أهانه ذاقتهـا منه ساعتهـا,,, تترك اللي صانها وصان كرامتهـا وحبها وأحترمهـا من كل قلبــه .. وترجع للي حبها وبجنون لكن أبد ماأحترمهـا ولا حط لها قدر !!!
شلون ؟؟؟؟
يذكر وبوضوح لمـا نزل لمستواه وهو ماتعدى الـ 4 سنيـن .. وقال بعد مامسك ذقنه " زيوود يبـه .. تبي تشوف بابا !!؟ "
هز راسـه بالأيجاب ولمحة اليتم لمعـة بعينه رغم أنه أبوه عايش
أجابه ببتسامه صفرهـ خبيثه " قول لماما ترجعه ... تراهـا تقدر بس ماتبيـه .. وتبي تحرمك منه !!! "
ألتفت زايد ساعتها لأمه يطالعها بنظرات وكأنها يسألها " صج يمه ؟؟ تقدريـن ترجعيـنه !! زيـن رجعيـه "
سمع صوت امه وهي تقول من كل قلبها " حسسسبي الله ونعععععم الوكيل فيييك يافايـــز ,,, حسبيي الله ونعم الوكيل فيييك "
ثار غضبه مثل ماكان دايماً يثور ومسكها من معصمها بطريقه تـعور وهو يقول " لا تتحسبيـن علي ... كل اللي سويته تستاهلونه أنتي وياهـ وأذا مفكره راح تليـنيـن قلبي بهلـ ولد فأنسـي ,, مردهـ بيكبر وبينسى أبوهـ وسنيـن أبوهـ ,, وأنتي الله العالم أذا راح تقدريـن تربينه عدل بروحج وله لا ! أذا هامتج مصلحته رجعي لي وأنا مستعد أتكفل بتربيته وأعتبرهـ ولدي اللي بالغلط جبتيـه من هالخااايس سعووود ....وأذا مازلتي معاندهـ... خلج ....!! ليـن نزل اللي براسج تعالي لي ... ووقت ماتحبيـن راح نملج !!.. "
سحبت يدهـا من يده بكل قوتهـا وهي تمسك ولدهـا وتقربه صوبهـا " لو أشوفك تموت جداامي ماأرجع لك ,,, مستحيل أخلي الجنه وأجي لجهنم الحمرى بنفسي.. وسعوود اللي مب عاجبك أشرف منك ,, وأذا في حد تاجر فمحد غيييييرك راعي المخدرات عشـت معاك 7 شهور من عمري عرفتني بكل صفااااتك الخايسـه مثلك .... بس ماأقول ألا روووح الله لا يووووفقك .. والله يرويييييك يووووووم أشوفك فيــه ميت ذل جداامي "
مسكت ولدهـا وطلعت من قصرهـ على بيتهـا ,,,,, وتركته وراهـا
تركت وراها الأنسان الوحيد اللي بيده يطلع ريلها من السجن مثل مادخله

هالذكرى المره كانت تحووم حول راس زااايد اللي مازال على وضعه
وكل ماله يضغط على راسـه باأقوى ماعندهـ


.
.

في الشركه

الساعه 12 ونص

بعد ماوقع ع الأوراق قام شال روحه وطلع من مكتبـه وعطى السكرتيره خبر أنه رايح البيت وأي حـد يتصل يسئل عليه تعطيه خبر أنه مشغول ومب فاضي
ركب سيارته وهو طالع من الشركه متجه للبيـت رغم أنه جاته فكره مينونه راح تخليـه يوصل لبيـت أم زايد .... علشان يشوف سعود .. يمكن كان ودهـ يتشمت !!! آو كان وده يشوف رفيجه السابق ؟
لكن شي داخله أمنعــه وخلاهـ يقصر الشـر ويروح لبيـتـه عند أهلــه ... ويحاول يطوي صفحه من الماضـي الله العالم أذا راح تنتثر أوراقهـا من يديد جدامه ولـه لآآ ...
أقل من ساعه وكانت سيارته تستقر داخل فلته .... سكر الباب ونزل من السياره .. توهـ بيدخل داخل ألا صوت هرن برى !!
ألتفت وراهـ على الباب الكبير لقـى واحد نازل من السياره وبيدهـ كنتاكي !! تأكد أنه في حد مشتهي خساير فلووس وطلب من برى
أتجه له وحاسبه وأخذ الأكل ... ودش دااخل لقـى نوره قاعدهـ مع التلفزيون ومطوله عليه بطريقه تسندر ,, أبصم ع العشره أنه أأخر بيت بالفريج يسمع !....
بو نواف : السلام عليكم ...
نوره شافت أبوهـا داش مع أكلها قامت فزت رايحه له: وعليكم السلام والرحمه ... " تاخذ الأكياس " عنك عنك يبــه ...
بو نواف بتسأل : أأنتي طالبـه هالخرابيط ؟؟
نوره بغنج بعد ماخفت نوبـة غضبهـا : أأيــه أأنــا ,,, تجي تحتفل معاي !!
بو نواف : ومن متى أنا اكل هالسموم ... روحي قولي لأمج تحط الغدى ...
نوره بعد ماخذت الأكياس وطلت فيهم تتأكد من اللي طلبته : للحيـن ماجهز الغدى ,,, " تطالع أبوهـا " أنت جاي مبجر !! ....
بو نواف : آوكي عيل ... لين خلص الغدى عطوني خبر ... ميت يووع
نوره : آووكي ...
بو نواف وهو يأشر على التلفزيون : وقصروا على هالأذيـــه ,,, أنـا بالحوش وأأسمـع صووتــه ,,,,
نوره بأحراج : آآن شالله يبـــه ,,,,


تركهـا وراح صوب الدري .. أصعده وأتجه فوق لغرفته وأول ماصار داخلهـا سكر البـاب وراهـ وشال الغتره من على راسـه وحذفهـا على الجلسـه الصغيره اللي مسويهـا بغرفته
وفتح كم أزرار من عند الرقبـه وأطلق زفيير حاااد .. سعود مب راضي يفارق بالـه ... من درى بالخبر وهالأسم يتردد بأذنه
مفكر يروح لـه مب علشان يستسمح منه ,, لا ,,,
ودهـ يطلب منه ينسى اللي صار وينساه هو نفسـه بكبرهـ ...
,,, سعود أخذ أغلى شي عندهـ وبالمقابل ردهـا له وأخذ أغلى شي عند أي أنسان ... الحريـه !!
ومثل ماخلاهـ يصيح دم على خسارته لـحبيبته ... وأحساسه أنه أنطعن بالظهر من رفيجه
خلاهـ يصيح دم على فراقه لزوجته وولدهـ !!
مافكر ياخذ حقـه لما كان زايد توهـ بالمهااد ... لآ ... لما كبر وصار يفهم ولو أقل من القليل دمر حياتــه
وخلاهـ ينسحب من بيتـه جدام ولدهـ بكل ذل !!! وهالحركه عندهـ قمة الأنتقام
تدرون ليــش ... لأنه كانت متوقع وشبـه متأكد أنه لو شافـ زايد أبوهـ بهلـ منظر وعرف سبب أخذ الشرطه لــه ,, راح يكرهه ,,, ويكرهه موووتـ
علشـان لما يطلع سعود من السجـن ... يلاقي ولده كارهه ومفتشل منه بعد !!
.
.

بالجامعه

الساعه 2 الظهـر

نواف وهو يشوف ساعة يده وينصعق من الوقت : آوووووف !! تأخرت وآآيد ع البيــت ... المفروض أتغـدى هناك
واحد من ربعه : ياأخي مب لازم ترجع اللحيـن قولهم عندكـ محاضرات
نواف : مو يالذكي أنا قايل لهم الصبح ماعندي غير محاضرتيـن ,,, وكاني خلصتهم .. المفروض اللحيـن أكون بالبيت أزحـــر
رد عليه الثاني : زيــن وسعد !! بطوفها له جذي بالساهل ؟؟؟؟
نواف وهو يلقط أغراضه المنثره ع الطاوله : يعني شتبيني أسوي له ,,, هذا واحد عقله بجييبـه مب محتاااج له !! وأنا عن نفسي مب راعي مشاكل وهواش
الأول بستهزاء : أقول ياولد الهاي باي ... ترى اللي قلته له ذاك اليوووم ماراح يعدي بالساهـــل ودامك مب راعي مشاكل على قولتك جهز مفااصلك لأني حاسهم بينطحنون ومن قلب بعد !
نواف بغرور : يخسي ألا هو ,,, لو يمسك شعره مني أوديه ورى الشمس .... مو ناقصني الا عيال شوارع يتطاولون علي !!
الثاني رفع واحد من حواجبه وقال : عيل ياحبيبي روح تفاهم معاهـ على روااق لا تصير فضيحتك ببيزهـ اليوم أو باجر !!!!
نواف وهو يقوم بعد ماشال كتبـه : تعرفون تاكلون تبـن .... تراكم تعلوووون على أخر الدواااام ... يلا يلا بااااااي ....
الأول : بااااي !! ... نشوفك بالطواري
نواف عطاهـ نظره وهو مبتعد عنه ..... مب ناقص ألا سعد يمد يدهـ .. صحيح هو ماعمرهـ تهاوش باليد ألا على أيام الأبتدائي وأول أعدادي!! ... بس بعد ماراح يسمح له يضربـه .. شنو الدنيا فوضى !!
ماقال شي غلط ,, هو صج عفـن وتربيته تربيـة شوااااارررع !!!
راح لسيارته الفخمه المصفوفه برى وركبهـا وتحركـ من جدام جامـعـته للبيـــت ...
توقفت سيارته عند أشاره مروريـه ,, فطلع جواله ع السريع وأتصل على البيـت
شوي ألا صوت غانم يجيـه : هاا !
نواف : هووى ينفخك .... الناس تسلم !
غانم وهو مشغول باللي بيده : زيـن شتبي ؟؟ أخلص وراي غدى أنا !!
نواف يوطي صوته لا شعورياُ : أبوي وصل وله للحيـن ؟؟
غانم : خبرك عتيييج اليوم راجع مبجر ,, وأول واحد قاعد ع طاولة الطعام هو .... ولا وينطرك بعد
نواف حس أنه راح ياخذ محاضره طويله عريضه آول مايـوصل فقال : زيـن سأل عني ؟؟ جاب طاريي !!
غانم : لحد الحيـن لا ,, بس شكله راح يسأل لأنه ميت يوع وأمي مو مخليته ياكل لا هو ولا أحنا ألا لما توصل سعادتك
نواف : أوكي أوكي كاني قربـت بس شارعيــن ودواار وأكون عندكم ..
غانم بلا مبالاه : اوكيـه !
نواف بعد ماولعت الأشاره الخضره : آآووكي غنييم أخليك اللحيـن ,, باي
غانم : باي !

سكر ورجع لطاوله وأول ماقعد سألته أمه : هذا أخوك ؟
غانم : آيـه ,, يقول شارعيـن ودوار ويكون عند البيـت ,,,
أم نواف : يعني نموت جوع علشان خااطرهـ ....
غانم : والله أذا مافيج صبر أكلي وخلينا ناكل ... وهو أذا رجع يروح ياكل اللي بقـى بالجدر
أم نواف : هو قال مابيتأخر ... مافيها شي لو ننطرهـ 10 دقايق زياده ..
غانم وهو يتسند على الكرسي ويقول بتحسر : ياحظج يانوييييير كلت وشبعت ومسحت يدها بالطوووفـه ,, وأنا هني أنطر الفرج .. شكلي برووح أسحب لي كم قطعه من عند ريمووهـ أسد بهم اليوع
أم نواف عطته نظره لأنه يسويها
غانم ألتفت على ابوه وهو يقول : يبـه تكفى فهمها ... ميت يوع أنــا ... مب ماكل شي من الصبح !!
بونواف كان يسمع غانم بس بدون مايرد عليـه لأنه باله منشغل بشي أهم من سالفـة غانم !!
غانم : يبـه ....! يــبــه ؟ يايبــــه !!!!! " بصوت عالي " يبـآآآآآآآآآآآآآآآآآآآآآآآآآآهـ ...
بو نواف صرخ فيـه بعد ماطالعه بغضب : وحطبـــه !!!! شتبي
غانم بصوت واطي : يوعان .. ومرتك ميوعتني زيادهـ
بو نواف بعصبيه: و جوع ينهش بطنك,, أصبببر ليـن يوصل أخووكـ مابيصير فيك شي لو نطرت 10 .. 15 دقيقه زياادهـ ,,,
غانم نقز : شنو 15 !! توهم كانوا 10 ....
بو نواف : والله لو يصيرون 20 .. بتنثبر مكانك تنطر أخوك الكبير يوصل ...
غانم وهو يتكتف : والله مايسوى علينا هالأخوو ,,,

عم الصمت بالصاله قاعديـن ينطرون نواف يشرف وبعد أقل من 10 دقايق ألا باب الصاله ينفتح ويدش نواف مع كتبـه وهو يقول : سلااااااااااام عليكم
غانم : وعليكم السلام ,,, كاهو سعادة الشيخ نواف وصل ,, يصيييير أأكل اللحيـن ..؟
بو نواف : اكل اكل لا تموت علينــا ...
نواف أقترب منهم وقال : هااا شطابخيـن لنـا اليوم ...
أم نواف : مجبووووس من اللي يحبه قلبك ...
نواف : آوكي عيل أبدل وأنزل ...
توهـ بيترك المكان رايح فوق ألا بو نواف يوقفه : تعال تعال تعال !!!
نواف كان ناوي يشررد ويخلي أبوهـ ينسى السالفه لكن لما سمعه يناديـه توقف وألتفت عليه وهو عارف بالضبط شراح يقول له
بو نواف : كل ذولا محاضرتيـن بس ؟؟ عيل لو أربع وله خمس ؟ متى بتوصل أن شالله ؟؟ ..12 فليل !!
نواف يحاول يشرح الموضوع : ماهو أنا بعد محاضرتي الأولى طلعت من الجامعه وجبت نوير البيـت وبالرجعه للجامعة كان الطريج زحمه مووووووت ,, وعلى ماوصلت كانت طايفتني نص المحاضره الثانيـه فقلت ماله داعي أحضر واأأفشل عمرررري ... قعدت ليـن خلصت المحاضره وقمت انقلها من واحد من الربع وعـ.........
بو نواف يقاطعه: بس بس واللي يرحم والديك ... ماأبي أسمع قصة حياتك .. ثاني مرهـ ليـن ماكان عندك محاضرات وايد ماله داعي تهييييت ... تتغدى بالبيـت وعقب الغدى تطلع تهيت بكيفك فاهم ,,
نواف بأحترام وطاعه : أن شالله يبـه ,,,
بو نواف : يلا أشوف روح بدل وتعال ... ذبحتنا يووع ..
ترك الصاله وأتجه فوق وهو يغلي من داخله
" شنو أنا ياهل علشان يحدد لي متى أجي ومتى اروووح ... والله فشله كل يوووم ماأأتغدى مع ربعي بحجـة أني لآزم اتغدى بالبيييـت .. نوير وهي نويييير عايشه حياتهـا أأحسن مني
وأنـــا يالريال يتأمرون علي سو جذي لا تسوي جذاااااك .. كلم هذا لا تكلم هذااك ,,,, هذا من مستواك وذاك أقل منك ,,,,, لا تماشي عيال الفقررر أنت ولد عزز,,,, عيال الفقر بيشفطوون فلوسك وبيقطونك ع الحديدهـ !!! عيال الفلوس ماراح تهمهم فلوسك ...راح يرافجونك لذاتك مب لمخباتك ...آآووووووووف من هالقوانيـن اللي تعل القلب ,,,, !! "
وصل غرفته وهو يتحلطم دااخلــه وبدل ثيابه ولبس بلوزه سبورتيه كات مع شورت ورجع نزل تحت علشان يتغدى
لقـى غانم الوحيد اللي قاعد ياكل بينما أمه وأبوهـ كل واحد سرحان بشي !!
أنظم للجلسه وأبتدوا الكل ياكلون بهدوء كالعادة

,
,

فوق بغرفة نوره اللي تغدت قبل الكل مثل ماتعرفون ..
كانت توها طالعه من الحمام بعد ماأسترخت كل مفاصل جسمها من بعد التعب الجسدي والنفسي اللي سببته الدراسـه
وشعرها الأسود اللي يوصل لفوق نص ظهرها بشوي كان مستلقي على أكتافها بشقاوه
خذت الفوطه ونشفت شعرها ع السريع وهي تنثر قطرات الماي المتعلقه فيه بعشوائيـه بالغرفـه
ولما نشف وصارت كل خصله من خصال شعرها مفترقه عن الثانيه بطريقه مموجه ناعمه طلعت لها ثلاث مشابيص ورفعت شعرها لفوق وثبته بهم
وصار مرفوع بطريقه غير مرتبـه وخصال وايد نازله منه ورغم هذا كان طالع عليها كيوت
كانت لابسـه بنطلون جينز ضيق يوصل لتحت الركبـه مع بودي وردي هم ضيق .. بنص كم ... ومكتوب عليه بالوسط باللون الأبيض " 88 " وحزام وردي يزيـن خصرهـا
وحطت لها كحل خفيف بعينها وقلوس وردي ... ولما خلصت كشختها ... طلعت من غرفتها على الصاله اللي فوق والعاده مايكون فيها آحدى ألا أذا جالهم حد ومعاهم بنات تمتلي الصاله اللي تحت بالحريم وهذي تكون للبنـات ...
تربـعـت فوق الكرسي بعد ماحذفت المخاد تحت ع الأرض وسحبت الريموت وأبتدت تفرفر تتنقل من قناه لقناه ....
رن التلفون المجاور لها وبنفس الوقت رن التلفون اللي بالصاله تحت لأنهم نفس الخط
شالته قبل لا يتليقف غنووم تحت ويشيله ذبحته التلفونات : ألووو ..
وضحى : يافديت راعية أحلى ألووو ..
نوره أبتسمت وقالت : مروقـه أشوفج ....
وضحى : أأكييييد ....! " تعدد لهـا " تغديــت برى وخميت لي كم محل وتمشيـــت وغيرررت جووو .. وتوني داشـه البيــت شبي أكثر من جذي دلال
نوره : مدلعه روحج ع الأخر أشووووف
وضحى : من حقي يافديتني .... أقوول نوروهـ شرايج بدل ماأأجييج البيـت ونجابل بعض .. أمرج ونطلع نتمشــى اليوم ماودي أقعد بالبيـت دقيقـه وحده ... خاطري الدنيا كلها تدري أني خلاص بودع أيام الثانويــه
نوره بنذاله : وشله هالثقـه ,, يمكن ترجعيـن تجابليـن وي مس ريم السنه اليايـه
وضحى : يعلللج يالبووومـه ,, عن النذاله عااااد ... ترى والله ماأحب هالطاااااري ... بمووت لو أعييد السنه تدريـن شنو بموووت ....
نوره : أتغشمررر يبـــه ,,,
وضحى : لا تتغشمريـن معاي جذي ,,, " تنافخ " أووف ... تعلق بررريلي يامال الويعه .. لحظة لحظة نويير شوي " أختفى صوت وضحى "
نوره أبتسمت على خبال هالبنت وشوي ألا صوتها يرجع : ألوو
نوره : ويـن ذلفتي ...
وضحى : فلافي العنزز تعلق برييييييل .. شمخني
نوره ضحكت : وانتي للحيـن ماغيرتي هالأسم ,,,
وضحى : ولا بغيييييرررهـ كيفي عاجبني ...
نوره بطنازه : والله جنج تقوليـن فلافل ..... هههههههههه من أسمع أسمه أيوووع
وضحى : جبب يالخايسـه ماأرضى على فلافي
نوره : وي مالت عليج وعلى هالقطو العفن فووقج ....
وضحى : تاج رااسج ساامعــه .... " تغير الموضوع " زيـن ها شقلتي ؟ أأمررج نطلع نتمشى وله لا !
نوره تذكرت سلوى وتنكدت قالت : لا ماأقدر أطلع اليوم ,, تعالي لي أنتي ..
وضحى : وليش أن شالله ؟ لا تقوليـن مسوين لج منع تجول !
نوره وهي تلعب بطرف البودي : لا شدخل !... بس خالتي وعيالها بيجونـا اليــوم .. ومب حلوه أطلع وهم جاينـا ..
وضحى ببساطه : آوكي عيييل ,, بجيج أنـا ..... دام خالتج وعيالها بيجون أأكييد بتكون القعده ونااســه ... أحب لمة البنات
نوره بقلبها " لو تدريـن أنه سلوى ماتطييقج !! " : زييييـــن .. متى بتوصليــن !!
وضحى : أممممم شووفي اليوم بكنسل غفوتي علشان خااطرج بس ... وبعد مااأريح جسمي شوي راح أأجيييج .. شقلتي ؟
نوره : أووكيـه أنطـــرج ,, مو تطنشيـني
وضحى : ماعاش اللي يطنشج .. يابعد روح روحي ....
نوره تتنهد : آآووكي !
وضحى بحمااس : نووووري ...
نوره : نعم !
وضحى : أتوقعيـن أشريـت اليوووم ...
نوره : ثياب عطورات أكسسوارات جواتي نعل " الله يعزكم " ...!!
وضحى : لا لا ,, غيييير ذولا كلــهم ؟؟
نوره بنغزهـ وبلمحة طنازه : كتــب ؟!!!
وضحى : هيهيهيهيه ياخف دمج ... لا أشتريت أأأحلى فللللللم لأحللللللى هيييرررتك
نوره نقزت بوناسه : شلااااااااااااااااااااااااااخــه .... شريتيييييييــه !
وضحى بوناسـه هي الثانيـه : آآآآييييه شريييييته ... الغلاف بس يذوووووووب ... الله يستر من الأحداااث شكلي بنتهي
نوره بحب غزى قلبها : يافديته وفديت قلبـه وفديت أمه النحل اللي جابت عسسسسل مثله .. " على هالجمله كان نواف جااي فوق وسمعها أتفـدى " أأحبببببه أأعشششششققههه آمووووووووووت فيييييــه
يافديت كل شعببببببــه دااامـه منهم
وضحى بعبط : ترى راعي الدكان من شعبــه ؟ آآكييييد تعشقيييـن
نوره : وووع !! شجاب لجاااب ..... ذاك قمرر وهذا اللهم لا شماته ...." تتنهد بحالمة " آآآآآآهـ متى يجي ياخذني ويحطني ع الجيكره اللي ماخذهـا ... متى يارب متى
وضحى : يلا منااك ,, أذا جا ياخذ وحدهـ مابياخذ غير وضيييييح بنت أبوهـا
نوره : بأحلامج ... لو شافني بيذوووووب من جماااااالي .... يحصل له نويير بنت فايييز تعشقــه .. آآآآآآآآآهـ .... قلبي يعورني من يجي طاريـه .....
نواف دش الصاله وهو عاقد ملامحه وقال : منووو هذااا ؟؟
نوره أنقزت من دخول نواف المفاجأ عليها : بسم الله .... مافي كح كح ... أأحممم .. دستووووور !! داش لي على غفله
نواف بتجاهل لكل كلامها : منووو هذا اللي تفديييــنـــه ...
نوره متعمده تغييضه : ريلي .... شلك خص أنت ؟
نواف يقرب منها بجديه : نويير من صجي أتكلم ماأتغشمر معاااج أنا ,,,, منو هذاااااا ؟
نوره تصرقعت منه لما قرب منها ..عادي يلخها بكف يطير السماعه من يدهـا فقالت : ممثل .. مممممممثللل ! وه ... كلاني ... حرااام بعد أتفدى ممثلي المفضل ..؟
نواف طالعها من فوق لتحت بعد مارخت أعصابـه وقال : عبالي بعد !
نوره تنزل السماعه من على أذنها وتتخصر : شعلى بالك أن شالله ؟؟؟ ... لا عيووووني ماني من البنات اللي ببالك
نواف يسكتهـا : زين زيـن .. ماأبي أسمع محاضرتج ..... رايح أنــام .. قصري على هالتبـن " يقصد التلفزيـون " ووطي حسسسسج ...
نوره تتكتف : أن شالله عمي نوااف ,, أي أواامر ثانيــه ؟
نواف : بفكر وبرد عليييج ....
عطاهـا ظهره وهو رايح لدارهـ اللي تعتبر الأقرب لهلـ صاله ....
نوره ترجع تحط السماعه على أذنهـا وماتسمع غير ضحك وضحى اللي ميته ع التلفون : ضحكتي من سرررج بلا ,,
وضحى وهي ميته ضحك : والله أخووووج فله ,,,,
نوره : ألا عله من علل الزمااااان ,,,, ماخلاني أتونس بحبيب قلبي
وضحى وهي تمسح دموعهـا : زيـن زيـن .. سكري اللحيـن بروح أطلع الفلم من كووومـة الأفلام اللي شريتهـا علشان لا أنساهـ
نوره بفضول : أشريتي بعد ؟ هندي وله أجنبي
وضحى : عربي و هندي وأجنبي ,, كل فلم عجبني خذته
نوره : ياااااي أبي أشوووف معاج ...
وضحى : ماراح أشوف ولا فلم ألا معااج ,, الأجازهـ طوويييـله تعالي وخلينا نشوفهم مع بعض
نوره بحماس : آآوووكي بكلم أبوي اليوم أجييس النبض أذا رضى عطيتج خببببر وأكون من باجر الصبح عندج ههه
وضحى : حياااج ع الأقل تونسيني بدل قعدتي مع يهاااال !!
نوره : آآووكي ....
وضحى : يلا بااااااااي
نوره : باياااااااات ...

سكرت وقامت فلت تنزل تحت الصاله لقت أبوها قاعد يسولف مع امهـا وغانم توهـ يقوم من ع الطاوله بعد مالحس صحنه ونص الصحن اللي جدامه : يبــه يبــه !
بو نواف التفت عليها : هلا ؟
نوره : يبــه وضووح رفيجتي قاعده متملله برووحها بالبيـت خلني أرووح لهـا اونسهـا ,,,
بو نواف : اليوم جايه خالتج ,, ويـن تروحيـن ؟؟
نوره تجي تقعد ع الكرسي أحذاه : مب اليوم ,, باااجر !
بو نواف : آوكي ,, بس ماأتأخريييييــن ..
نوره تبوس راسه من كل قلبها : آآآآآآآآآآن شالله ياأحلى أبووو بالدنيااا ...
أم نواف : بس باجر ورااج غسيل الثييياب ... عبالج بغسل كل ذولا برووووحي
نوره تلوي بوزها : يمه ! .... توني مأجزهـ حراام عليج ......
أم نواف : والله كييفج ,,, الثيياااب شكثرهـا ,,, ماني مغسلتهـم برووووحي ...
نوره تلف ع الطاوله متجها صوب أمهـا وتحظنهـا برجى : تكفييييييييييييييييييييييييييييييييييييييييييييييي ين !
أم نواف تتغلى : مافي ...
نوره : أرجووووووووووج ... طلبتتتتج ... تكفييييـن وترى كلمة تكفى تهززز حرييييييم
بو نواف أبتسم على جملتهـا !!
أم نواف وهي تبعد نوره عنهـا : ووه .. هديني خنقتيني ,,,,, زيـن بتروحيـن ..
نوره أنقزت من الوناااسـه : يسسسسسسسسسسس
أم نواف : بس بشرط
نوره : تشرطي يابعد كل اللي يتشرطووون ....
أم نواف : يااالمصلحه .. لو اللحيـن قلت لج لا .. جان عفستي البيت علي
نوره بدلع : ماأسويهـا ...
أم نواف : زيـن سمعي ,, روحي حطي ثيابج وثيااب ريمووهـ بالغسااله .. خليهم ينغسلوووون .... وبااجر كييفيج أذا بتروحيــن ,, بس لو ماأنغسلوا مافي رووحه
نوره بسرعه : من عيوووووني كمم حنان عندي أنــــــا !! ووووحـــده تسوى كل سمياتهـا ...
تركت الصاله تركب الدري طيرااان وسيده دشت غرفـة ريم اللي كان ديكورهـا طفولي بحت .. ولقطت الثياب المحتاجه غسيل وراااحت غرفتهـا وسوت نفس الشي وطلعت من الغرفه تركض ونزلت الدري سيده للحمام اللي تحت " وأنتوا بكرامه " وحذفت الثياب دفعه وحده دااخل وحطت عليهم صابون ولما شغلت الغساله طلعت وهي راجعه الصاله مالقت أبوهـا
مافي ألا أمهـا تشيل الصحون
قالت نوره بحماس واصل التوب عندهـا : هاااا ! حطيتهم بالغساالــه .... أأروووح أجهز روووحي
أم نواف : عنبوو ؟ من اللحيــن !!
نوره تروح تتمسكن على امها : .... لأنه يمـه .. خااطري ...... آمممم ..! أأ......
أم نواف : شفيج تقطعيـن بالحجي ؟ شتبيـن !! روحه وبتروحيـن ؟ جايـه تتلزقين شله بعد ؟
نوره : آبي أبات عند وضحى
أم نواف : أحلمي أبوووج يرضــى ,,,
نوره : زيييـن لييييش ,, ماعندهـا أخووان كبـار كلهم يهااال ,,, وأبوهـا مايجي ألا تالي الليل وماتشوفه كلش .... يخاف علي شحقـه ..
أم نواف : هو بيت خالتج مايخليج تباتيـن هالدور تناميـن ببيت رفيجتج ,,؟ أحلمي " أتجهت للمطبخ وهي شايله بيدهـا كم صحن ولحقتهـا نوره وهي تحن "
نوره : مايرضى أنام ببيت خالتي علشااااان ريل خالتي اربع وعشرين ساعه بالبيت ,,, بس بيــت وضحى ماعندهـ عذر !!!
أم نواف وهي تحط الصحون بالمغسله : والله هذا أبوج عندج روحي كلميــه ,, أنا مالي شغل .... رغم أني متأكده مليون بالميه أنه بيسكر باب الغرفه بويهج
نوره تتكتف : آوووووووووف .... كله لا لا لا لا ,, مافي أأيه !
أم نواف ترجع تطلع من المطبخ تجيب باقي الصحون ووراهـا نوره : لا تحنيـن على راسي ... روحه وبتروحيـن خلاص بلا طمـــع
نوره غسلت يدهـأ من موضوع الرقدهـ ببيت وضحى فرجعت ركبت الدري متجهه فوق لدارهـا تريح وترتاح
.
.

بيت وضحى
كانت حاطه " فلافي القطو " بسريرهـ الخاص فيه وتقول له بصوت واطي : يلا نـام .. مو أشوفك جايني فووق لسريري .. ساامــع ..!! " مررت يدهـا بحرص على شعرهـ الأبيض الناعم وأبتدت عيونه تسكر لحد ماغمض وأستسلم لنوم " تركتـه بعد ماوقفت على طولـها ...
وراحت صوب الكيس اللي حاطتهـا على جنب والمليانه أفلام ..
طلعتهـا وأبتدت تنبش فيها عن الفلم اللي وعدت بـه نوره أنهـا بتجييبـه وبعد أقل من دقيقه لقته .. طالعت الغلاف شوي وهي تتمعن بملامح البطل وبعدهـا حطتهـا جنبها ع السرير وهي تقول : يازيييـنك بس ....

.
.
العصر بـ بيت بو زايد
كان فوق بداره يقـرى قرآن وهو على سيــادتـه بعد ماحمد ربـه مليون مره أنه طلــع من الســجن ولقـى أهله مازالوا يحبونــه !!
ومازالوا يغلونه مثل أول ,,, وبالأخص زااايد اللي توقع أنه راح يرجع يلاقيـه عاييفــه وكارهه ويطالعه بكل نظرات الأحتقــــار ..
على صوت طقت البــاب سكر المصحف بو زايد بعد ماباســه وشــاف زايد داش وعلى ويها أبتسامه : تقــبــل الله ...
بو زايد وهو يقوم ويحط السياده على طرف السرير : منا ومنك ياولدي ... تعال يبه أقعد معاي .....
زايد ببتسامه عريضه : أأمي مطرشتني أنــاديك ... مسويـه كيك تحتفل بطلعتــك
بو زايد بحب : وهذي أمك ماتيووز عن حركاتهـا ....
زايد : ماتنلام !
بو زايد وهو يتجه صوب ولده ويحوطه من كتفـه وكانوا تقريبا بنفس الطول رغم أنه بو زايد أطول بشوي من زايد ولده : طباخهـا للحيـن حلوو ؟ ولــه صار مر من تركتكم ..
زايد بصدق : والله كل لقمه ناكلها مالها طعم بدووونك يبــه ....
بو زايد يطبطب على كتف ولده : ولا تزعل ,, بيصير لها طعم من اليوم ورايـــح ....
زايد أبتسم وكمل مشي وهو نازل مع أبوهـ لتحت ووصل قبله
أم زايد وهي تحط الصحون أحذى بعضها وتقول بصوت شوي عالي علشان يسمعها بو زايد : تو مانورت الصالــه فيييييكم ..
بو زايد : منوووره فييييج ....
أم زايد تلتفت له وتطالع بنفس النظره المعتاده : سوويـت لك كيكتك اللي تحبهــا ..
بو زايد أقترب منهـا ووقف مجابلها وقال بصوت شوي واطي مليان حب : للحيـن تذكريـن ؟
أم زايد بلمحة خجل بسبب نظرات بو زايد لهـا ,, ووجود ولدهـا معاهم : معقوله أنســى ,, " تضحك بالخفيف " بس هالمره حطييت سكر مب ملـــح ...
بو زايد وهو يبعد خصلـة شعرها اللي مازال بني مموج مع أمتزاج خصل خفيفـه رصاصيـه : ملح ولـه سكر ...مب مهم ..!! آهم شي .. يكون من تحت يدج ,,,
أم زايد وهي ترجع تبعد الخصله من التوتر والأحراج وتقول وهي تأشر على الكيكه بعينها : مااتبي تجررربهـا ؟؟
بو زايد كان ساكت يتأملها .. ماجاوبهـا ... نظراته كانت تفضح الشوق اللي بقلبـه
بينما زايد واقف على جنب حاس أنه ماله لزمه وأحراج أمه مخليه ينحرج هو بــعــد ....
رن تلفون الصاله وأنقذهـ ,, راح سيده لتلفون بدل وقفته اللي مامنهـا لزمه وشاله : ألووو ...
صوت ريال خشن وقاسي قال : ألوو .. زيووود !!!
زايد تنهد لما عرف صاحب الصوت : آآيـه زاايد ... شلونك يـدي !
الجد بغضب : ماني بخييييير ؟؟ وويـن أمك !!
زايد : كااهي هنــي ,,, " يرص ع الكلمه " مع أبوووي
الجد ولع : يعني صج الكلام اللي يقولونه الخلللق ؟؟؟؟ مسود الوي رجع لكم !!
زايد تركزت عليـه نظرات أبوهـ وأمه فقال وهو يحاول يرسم أبتسامه على ويها : أأووكي يدي بوصل له سلااامـــك
الجد بنفس العصبيه : الله لا يسلللمــه ,,, عطني أأمـــــك خل أتفاهم معاااهــا ,,
زايد : آآووووكي يـــدي ,, حط بالك على روووحــك ... أهم شي صحتك ....
الجد صرخ من قمة راســه : زيووووووود !! أقولك عطني امك ماتفهم عرربي !! عطني أياهـا ....
زايد : آآوكي بااااي .. " سكر التلفون "

بو زايد بتسأل : هذا يدك ؟
زايد بأرتباك مب واضح لأبوهـ لكنهـ مبيـن كوضوح الشمس لأمه : أأيـه يدي ,,, يسلم عليييييك واااايييــــد
بو زايد بلمحة أبتسامه : الله يسلمــه ,,,
طالعت أم زايد ولدهـا وعرفت من نظرته أنه ولا حرف من اللي قاله زايد ... نطق به أبوهــا ,,!!
زايد يغير الموضوع علشان لا يتكهرب الجو : زيييييــن ,, مابنااااكل يعني !! ترااااني مييييت يوووع !
بو زايد : قول لأمك ,,, ننطرهـا تتصدق علينا بكم لقمــه ..
أم زايد تلتفت على الكيكه وتقطع بصمت وهي مبتسمه أبتسامه من ورى قلبهـا طااري أبوهـا خلاهـا تحس بخوف خفيف شكله ماراح يسكت
سكت طول ذيج السنيـن على أمل أنه ماراح يطلع ويمكن يموت بالسجن وياخذ وياهـ فضيحتــه لكنه طلللـــع ورجع لبنتــه
وهو مايأمن بنته مع تاجر مخدرااات !
.

صوووت الجرس حاشر البيييت وهو طالع ركض يبي يفتح البــاب
أقل من دقيقه ألا هو عند باب الحوش فتحه وهو يلهث وقال : سووووري نقعناااج
وضحى تدش معصبه : فطسسسست حررر ,, والله بغييت أركب سيارتي وأأرووح بيتنـا أبرك لي
غانم يرز نفسه : لا بس خبرج محد يفتح الباب غيري ,, وأنا كنت مشغول شوي دااخل مع شويـت معجبااات .....
وضحى بدون ماتعطيـه وي : آآي زييـن ,,, نوروه وينهـا ....؟
غانم : ببيت الجيران ؟ ويـن يعني دااااخل ...
وضحى طنشته وهي رايحه دااخل وصوت كعبها له أيقاع مميز ع الأرض
غانم رفع واحد من حواجبه على حركتها : صج مغروره !!! مالت عليج وعلي اللى يعطيج وي ...
دشت الصاله وتفاجأت بالحريم الموجوديـن قالت : السلام عليكم ...
ثلاثتهم قالوا : وعليكم السلام ..
راحت سلمت عليهم ولما وصلت حق أم نواف سألتهـا بأحترام : خالتي ,, نوره وين ؟
أم نواف : نووره فووق مع البنــات ,,,
وضحى : آهـا ,, آوكي أأخلييكم ..." أبتسمت "
وتركت لهم الصاله متجهه لصاله اللي فوق وهي تركب الدري كانت تسمع صوت حشره فوق وصرااخ يهاااال وحاله وأول ماوصلت لقت ثلاث بنات صغاار قاعديـن ع الأرض منثريـن الألعاب
وبنت بعمرها قاعدهـ أحذى نوره ولا وحدة تكلم الثانيــه ... نوره تطالع أظافرهـا ,, والثانيـه عينهـا على اليهــال
وضحى بصوت واطي : نوير وعله تعل عدووووج .. خست عند بابكم .... تعرفيـن شنو خسسست
نوره لما شافتهـا شقت حلجهـا من عقب الكئابـه اللي كانت فيها وقامت تسلم عليها : ويييينج تأخرتي ...
وضحى وهي تسلم على رفيجتهـا : أنا اللي تأخرت وله أنتي اللي ناسيتني عند باب البيييت ؟
نوره : والله غنووم مادري شبلاهـ مافتح ,, شكله لاهي مع ولد خالتي ...
وضحى وهي تعدي نوره علشان تسلم ع البنت : زيـن زييـن ماعلينـا ,, خل أأسلللم ... " سلمت وهي تسأل " شلوونج ؟
سلوى وهي تتصنع الأبتسامه : الحمدالله بخيير ,, وأنتي شلوونج !
وضحى بروح حلوه : كنت بخييير ,, بس لو مانقعتني بنت خالتج ذي ... !
سلوى أبتسمت بدون لا تعلق وعينهـا بتاكل وضحى وهي تتفحصهـا من خصل شعرهـا السودهـ الطالعه من تحت الشيله .. لحد العبايه اللي راسمه جسمها رسم
وضحى تلتفت على نوره : جبببت الفلم ,,, هاا نشووفـه ... ولــه نقــعد نسولف سوالف بايخه ...
نوره : لا لا نشوف الفلم ,, قاعدهـ أنطرج عشانه ....
وضحى بتسأل وهي تشوف الصاله المعفوسـه وصوت اليهال اللي شايل المكان : بنشوف الفلم هني !!!!
نوره وهي تمسكها من ذراعها : آآآكيييييد لا ! .. أمشي .. أمشي بدااري " تلتفت على بنت خالتهـا " أأمشي سليووو بنشوف فلم هندي ..
سلوى مشت معاهم بدون ماتجادل وعينهـا ماأنزلت عن وضحى ... كانت تطالعهـا بنظرات احتقاااااار
" ماجذبت يوم قلت ضاااايـــعــه ؟؟ "

دخلوا غــرفـة نوره الواسـعــه واللي مختاره نوره بنفسها كل قطعة أثاث فيهـا وكل أكسسوارات الغرفـه بعد
وأتجهوا صوب التـلـفزيون
وضحى وهي تطلع الفلم من شنطـة يدها : هااااج .. شغليـه على ماأفصخ عبايتي
نوره خذت الفلم ويـنت ع الغلاف ... راحت بسرعه لـ D V D ودخلت الفــلم وسلوى عند راسها وتهمس : من صجكم بتشوفون فلم هندي ؟؟
نوره ببتسامه عريضـه وهي تتعبث بالريموت : والله بيعجبج الفلم وخاصـه الممثل ...
سلوى : ليش من متى أنا أشوف هندي ؟ هذا اللي ناقص بعد !! ...
نوره وهي تشغل الفلم : تبيـن تشوفيـنه حيااج ,, ماتبيــن الصاله اللي برى وااســعــه ..
سلوى تتخصر : طرده ؟
نوره تلتفت عليها : شدراني عننــج ؟ أقولج بيعجبج تقوليـن لي ماتبيـن تشوفيــن ,,
سلوى بتنرفز وبصوت واطي : يعني ليش أنه رفيجتج جااات صرت ماأهمج ...أشوف وله ماأشووف كله وااحد !! زيــن يانويــر خل تنفعج .... " عطتهـا ظهـرهـا وطلعت من غرفتهـا وهي مسكره الباب وراهـا "
وضحى بعد مافصخت عبايتهـا وطوتهـا عدل فوق سرير نوره الكبير ...: ووي شبلاها بنت خالتج طلعت ؟
نوره بدون أهتمام : زعلت !
وضحى وهي تقترب صوبهـا : زعلتت ؟؟ من شنووو !!
نوره : شدراني عنهـا ,,, أصلاُ أنا متنرفزهـ عليهـا من الظهـــر ومن جااات وهي نفسها بخشمهـا !! شسوي لها يعني ؟ بتزعل بتزعل وبترضى
وضحى بلقافه : وليش متزاعليـن ؟
نوره كانت بتزل بلسانهـا وتقول " بسبتج " لكنهـا غيرت السالفـه لما أبتدى الفلم : كااهــوو بـــدى ,,
وضحى تطالع التلفزيـون بعد ماقـعـدت ع الأرض مجابلته : قعدي قععـــــــــدي ,,, لا يطوفنـا شي ..
قعدت نوره جنب رفيجتهـا ومن أبتــدى الفلم عم الهـدوء عندهم ...!

طلعت من الغرفـه وهي معصبه كانت متوقعه تلحقها نوره وتستسمح منهـا لكن كل هذا ماصـار
نزلت تحت الصاله وهي تتصنع الهدوء لأنه أمهـا مع خالتهـا وأختهـا العوده تحت وماتبيهم يحسون بشي ,, لأنهم أكيد بيسألونهـا شفيج !! شراح تقول لهم ساعتهـا
رفيجـة نوروهـ مب عاجبتني !!؟
أول ماوصلت لقتهم بعبيهم وتوهـا بيطلعون
سألت : بتروحون اللحيـن ؟
أمهـا : آي يمــه ,, حطي بالج على أخوانــج ...
سلوى بضجر : آآوكي ..
أم نواف : روحي قعدي فوق مع نورهـ وضحى بتتملييـن هني برووحــج ..
سلوى ترسم الأبتسامه بالغصب : لا ماأبي ,, قاعديـن يشوفون فلم هندي ... وأنــا ماأأأطيييق الهنوود !
أختها " هنادي " : وووي عيل ربي يعيـنج ...
سلوى بعد مالمعـت فكره ببالها : شرايكم تاخذوني معاكم ؟
أم هنادي : لا مافي ,, توج تحنيـن أبي أروح بيت خالتي وأبي أروح ولما جبتج .. تبيـن تهديـن البنات وتجيـن معانا !!
سلوى تمد بوزهـا : بتملل !!
أم هنادي : قعد بالصاله عييل شوفي التلفزيـون ,, الله مكثر المسلسلات هالحزهـ
سلوى وهي تطالع تحت بيأس : آنزيـن ,,
أم هنادي : يلا عيل نخليج ...
سلوى : الله معاكم

طلعوا الحريم الثلاثه وخلوا سلوى بالصاله بروحهـا متملله والصاله هذي هاديـه عكس الأزعاج اللي مسوينه خواتهـا الصغار فوق ,,
وأبراهيم أخوهـا ماتدري وين ذلف .. من دش وشاف غنووم وهو مختفــي ,,,!!!
مشت بخطواتهـا لصاله وهي تعدل شيلتهـا وقعدت ع الكرسي ...وبدون ماتغير القناه كان محطوط مسلسل خليجي على قناة الرأي قعدت تشوف بملل وهي شايله بقلبهـا على نوره ..

.
.
فـ غرفه فوق بالطابق الثاني
كانت ظلام مافيها ألا نور خفيف باهت اللي يتسلل من الدريشــه ودرجة الحراره واصلـه لتجمد !!!
كان منسدح بسريرهـ ويتقلب يميـن ويسـار من الأزعاج اللي برى بسبب صوت صراخ اليهال اللي شايليـن البيـت على راسهم
لحد ما وصل حدهـ ويأس أنهم يسكـتـون قام قعد وبعد اللحاف عنه بكل قوته لدرجة أنه طااح نصه من الصوب الثاني ,,, وطلع من غرفته وهو معفس تعفس محترم !!
صرخ فالبنات الثلاث اللي قاعديــن يصارخون ويطقون بعض بالألعاب يبلفيت يلعبوون : بسسسسسسس !! مححد نااايم هنــي ؟؟
أنكتمت أنفاسهم مرهـ وحده !! وهدت الصاله .. ماغير صوت أغاني هنديـه منبعثـه من غرفة نوره
نواف وهو يقرب منهم خطوه : شيلوا خرابيطكم ونزلوا تحت أأشووووف ... وأن سمعت حس وحده منكم لا أأقطعه فاهميييــن ,, يلا أشوف بسرررعه
قاموا وكل وحده خذت لعبتها ونزلوا تحت وريم تطالع أخوهـا بنظرات حققد لأنه فشلهـا جدامهم ...
أول مانزلوا البنات تحت ..
ألتفت متجه لغرفة نوره اللي مطوله ع التلفزيــون حدهـ ومصدعه راســه علشان يحط حدهـ لسخافتهـا
فتح البـــاب بقوه لدرجة أنه صوت رضختــه أنسمعت وسمع صوت صرررخـــه حاااده طلعت تلقائياً وبايـن أنهـا صرخت خوف
قال وهو واصل حده : صمخــــه أنتي صــمخه ماااااعندج حـــــد نـــايـ ......
هدت اعصابه فجأه لما أأنصعق بأنه اللي كان ناوي يهزئها مب اخته مالقـى نفسـه ألا وهو طااالــع بــــرررى بسرعه من الأحرااج
بينما وضحى اللي تصرقعت من دخووولــه ورضخت البــااب وصوته الرجولي الخشـن ..
قامت بسرعه وراحت لباب الحمام وهي تطقه بقوه على نوره : نووووووورروووه فتحي ,,,
نوره بعد أقل من ثانيـه فتحت وهي طالعه : هااااا شتبيــن ؟؟؟
وضحى تتخصر : شلون يسمح لنفسـه أخوووج يدش علي الغرفـه بدون استأذان ؟
نوره : غنوووم دوومــه جذي ..
وضحى بعصبيه : مب غااانــم ,, الثاااني نواااف !!!
نوره بغرابه : نوااااف ؟؟
وضحى : أأيــه نواف ,, شنو الدنيا فوضى يدش ويصارخ عليييي ,,,,
نوره بأحراج : سوري وضحى ,, أكيد مايقصــد .....
وضحى تقاطعهـا: يقصد وله غيرهـ ... علمووهـ شلون يطق البــاب قبل لا يدرعم ... مايدري أنه رفيجتج عندج ....
نوره : لا مايدري مااعطيته خبررر
وضحى وهي تحرك يدهـا بعصبيه : زيـن نقول مايدري أني موجودهـ ..!! مايعرف يعني أنه خالتج جايتكم ,, يمكن تكون سلوى معاااج مب أنــا .... ولـه عادي الحبيب يدش وهي موجودهـ ,,,
نوره تحاول تهديـها : خلاص وضحـى .. هدي أعصابج برووح أكلمه أنــا ...
وضحى تتكتف وتصد عنهـا : كلمييـه وفهميـه أنه من الأدب والأخلاق يطق البــاب قبل ,,, وأذا مايعررف عااادي أعلمه .. " بصوت واطي " جليل حيا !
نوره طلعت من غرفتها وكان نواف واقف قريب من البـاب برى وسمع كل كلامهـا قال بغضب حتى قبل لا تبدأ نوره بالكلام : قولي لهـا ,, أنا متعلم الحيا قبل لا أأشوووفهـا وخل تحترم نفسهـا !! ماكنت أأدري أنه سعادة جنابها دااخل ,,, والله لو أأدري جان مادخلت وطحت بلساانهـا الطووويـــل
نوره طول كلامهـ وهي تأشر له يوطي صوته لأنه وضحى عادي تطلع له وتكمل سلسلة الصراخ ..قالت بصوت واطي : معللليييش نواااف ,, هي معصبـه بس
نواف بغضب : تعصب على غيري مب علييييي ,,,,
نوره تحاول تخليـه يبتعد عن الغرفه علشان لا تسمع وضحى كلامه : زيييــــن خلااص روووح غرفتك ,, ماأأبيــهـا تتنرفز
نواف : خل تتنرفز شسوي لهـا .. ناقصني بعد وحده مثلهـا تغلط علي " يغير الحوار " وأأنتي أأشوووف قصير على التلفزيوووون لأني أأبييي أنــاااااام !!!
نوره : زيــن زيييين والله بقصر بس روووح فضحتني جدااامهــا ,,,
نواف تراجع خطوهـ وتوهـ بيروح ألا تطلع له وضحى بعد مالبست عبايتهـا ولفت شيلتهـا على راسهـا : تعاال تعاال ,,, من أنت علشان تعلي صووتك ؟؟ وتصـارخ جذي .... غلطاااان وتزفر بعد ؟؟
نواف طالعهـا بقهر ووجهه الكلام لأخته بعد مانزل نظره لهـا : نورووهـ قولي لهـا تقصر الشر وتدش دااخل ,,
وضحى بقوه : ليش أن شالله شبتسوي ؟؟ بتضربني مثلاً ....
نواف لنوره : نووروه اخذي رفيجتج ودشي دااخل ,, ماأأأبي أأغلللللط عليهـا ,,,
طالع وضحى من فوق لتحت وأتجه لغرفته ,,,,, دخلهـا ورضخ الباب وراااهـ

وضحى وهي رافعه واحد من حواجبهـا بعصبيه : شفييـه هذا !!!!
نوره تهديهـا : ماعليج منه ,, توهـ قايم من النووم ومعصب ... بعد شوي بيجيني وبيقول لي أستسمح منج
وضحى وهي تدش الغرفه بعد ماسحبت شيلتهـا من على راسهـا : مااأبيـه يستسمح ,, خل سماحه له .... مالت عليــه
نوره : هذا الفله اللي حاشرتنـا عليـــه ... أخوج فله وأخوج فله ...
وضحى : يامال العله أن شالله ,,,
نوره : زيـن خلاص ترى ماصار شي ,, وأنتوا مكبريـن السالفه على ولا شي
وضحى تلتفت عليها وتقول بأنفعال : ماصار شي ؟؟ داااش لا أحم ولا دستور وتقوليـن ماصار شي ,,, ليش عيوني .. مو شايفه لبسي ؟؟؟؟
نوره طالعت لبسهـا ع السريع اللي كان عبارهـ عن بلوزه بدون أكمام اللهم خيطيـن واحد على كتفها اليميـن والثاني ع اليسار ..ممتزجه بدرجات التركوازي وبرمودا أبيض يوصل لنص ساقهـا : زيـن شتبيني أسوي ,, أروووح أأطقــه ؟ أنـا عارفه أنه ماكان يقصـــد لأنه مايسويهـا ,,, فخلاص !! أنسي ,,
وضحى : والله لو أنتي مكاني جان سويتي لي سالفه .. وقلبتي الدنيا على راسي .... !! ومارضيتيهـا على نفسج ! بس ليش أنه أنــا اللي بهلـ موقف السخيييف فعاادي عندج !!!
نوره وهي تحط يدهـا على صدرهـا : آنـا ؟ .. الله يسامحج
وضحى وهي تقعد على طرف السرير بحيث أنهـا مجابله التلفزيـون اللي راح ثلث الفلم بدون لا يشوفونه وأزفرت بقوهـ : آوووف ,, سوررري نوره ماأقصد..... بس أخوج !
نوره وهي توخر قذلتهـا عن ويهـا : حصل خيير ....
وضحى تمت ساكته وهي شايحه بنظرهـا بعييد تحاول تهدي أعصابهـا
بينما نوره ماتدري شتسوي وتعذرت بأنهـا بتروح تجيب قلاص ماي وماحاولت تمنعهـا وضحى
طلعت من الغرفه وسكرت الباب وراهـا .. وهي منحرجه ..!
نزلت تحت الصاله لقت البنات محتليـن جزء بسيط من الصاله بينما سلوى قاعد مجابله التلفزيون وعلامات الملل مبينه عليها
نوره غيرت طريجها بدل المطبخ راحت لسلوى وقالت : ماتبيـن للحيـن تجين معانا ؟
سلوى طالعتها وقالت بسخريه : زيـن والله ذكرتيني ؟ عبالي نسيتي أني موجوده تحت !!!
نوره تقعد أحذاها : آآووووف .. زيـن أسفـه .... مع أني ماغلطت ..
سلوى : أي أنتي ماتغلطيـن ,, أنــا بس اللي الغلط راكبني من راسي لساسي
نوره يبلفيت تبي تنكت : زيييـن أنج تدريــن ..
سلوى طالعتهـا بنص عيـن وصدت عنهـا
نوره برجى : سلوى بلييز .. خلاص عاد ,,,
سلوى تلتفت عليها وتقول : ياختي أنا غاويـه زعل ,, معلقه روحج فيني ليش ؟؟ خلاص ... خليني بحاالي ... وقت ماترجع أأمي من المستشـفـى بروح بيتنـا ..... !!
نوره تدفعهـا بدفاشه : مابتروحيــن ,,
سلوى توخر يدهـا : لا برووح ... مالي قعده هني أصلاً ,,,, ولا تسويـن روحج مهتمه فيني وايد وبزعلي آآدري ماهميتج !
نوره تفتح عينهـا على كبرهـا ببتسامه عابره : ترااج حساسـه وااايـــــد !!
سلوى تصد عنها : مب شغلج !
نوره تطل بويها : عـــن الــدلــع ...! يلالالا عاااد .. والله وضحى حبووبــه لا يغرج شكلهـا
سلوى : : حبوبه لنفسهــا ,,, تربيتي ماتسمح لي أرافج وحده مثلها
نوره عقدت ملامحها : شقصدج ؟ أنــا مو متربيـه ؟!!
سلوى : والله أنا ماقلت جذي ,,, كيفج أذا بتحللين كلامي على هواااج .....
نوره قامت وقفت وقالت : جووفي تدريـن أني ماأحب دلعج ,, فلما يليـن راسج تدليـن غرفتي .... مابترجاج أأكثثثرر !
سلوى : آآآي ! أوكي ...
نوره أبتعدت عنها وراحت المطبخ خذت لها قلاص مااي وشربته دفعه وحــده من القهـر
ورجعت طلعت من المطبخ ومرت على سلوى وهي رايحه فوق ,, ومن الدري سيده على غرفتهـا فتحت البــاب ودشت لقت وضحى رايحه راده بالغرفه
نوره : ريلاكسسسسس !! ريلاااااااكسسس !! راسج دااار
وضحى تطالعها ببتسامه : أأنطـــرررج !
نوره : جاان نزلتي لي ...؟ تراج مب غريبه عشان تستحيـن
وضحى : ماادري .... بس أبي أطلــع !
نوره بستفسار : والفلم ؟
وضحى : رااح نصه ماشفنــاه ...
نوره : عاادي نعييييده ...
وضحى : ماني بمزاااج يسمح لي أكمله !!!
نوره : علشـ...
وضحى قاطعتهـا : آآآييــه ...أأيــه ...." تقترح " شرايج تجين معاي
نوره : كم مره أقولج ,,, سلوى عندي ماأقدر أأطلــع
وضحى : زيـن ناخذهـا معانا !!!!!
نوره : ماأظنهـا بترضــى ,,
وضحى : وليش ماترضى ؟
نوره : ببساطه لأنها ماقالت لأهلهـا أنهـا بتطلع ,, ولو سووتهـا بدون شورهم بتنزففففففف
وضحى : آآففففف يالتعقيييد اللي أنتوا فيــه ...
نوره تقعد ع الأرض ماجابله التلفزيون : قعدي قعدي خل نكمل الفلم ,,,
وضحى وهي متجهه للباب وتقفله مرتيـن وترجع لنوره : اللحيــن أحسـن ,, علشان أظـمـن أنه محد يدرعم علينا مثل الباشا مطيور
نوره بضحكه خفيفه : ههههههـ ياهلـ نواف ,, كل يوم مطلعه له أسم
وضحى : خلينا من طاريـه تراني للحيـن متنرفزه منه ,,,,, شغلي الفلم خل نجووف
نوره وهي تعيد الفلم من يديد : عند شنو وقفتي !
وضحى تحاول تتذكر : ممممممممم ... لمـــا تهاوش مع يدته
.
.
.

اليوم التالي


نزل من سيارته وسكر البــاب وراه بعد ماجيك ع الكشخه بدريشة سيارته اللي عاكسه صورته
ومشى دااش الجامعه ,, بخطوات شبــه سريعه لأنه متأخر .... لكن سرعة خطواته توقفت لما أصطدم بواحد خلى خطواته تتوقف غصب
كانت ملامحه ماتبشر بالخير لا هو ولا شلة السفاحيـن اللي وراهـ كانوا 4 ومع اللي دعمه صاروا 5 !!
عقد ملامحه وحاول يطوفـه لكنه رجع وقف جدامه .. حاول مرهـ ثانيـه ونفس الشي
نواف وهو يصد لليسار بتملل : ياليييييل مااأطووووولك !! " يطالعه " ياعمي فج !!
يقرب صوبـه خطوه : أظــن في حساب بيني وبينك لأزم نصفييـه على روااق ...
نواف بثقه : والله ياحبيبي مابيني وبين ولا واااحد بهلـ جامعه حساب ... وأأذا براسك شي طلعه على غيري..... " يغير الموضوع " اللحيـن ممكن تفج أنت وشلة القرود اللي ورااك ... عندي محااضرة مبتديـه من سنة يدك
سعد وهو يسحب هالكم كتاب اللي كانوا بيد نواف ويحذفهم على واحد من شلته : للأسف أنه لك حساااب معااااي ,, وأأذا ماتذكر .. عادي ياروح أمك أذكرك
وبحركه سريعه منه عــطى نواف بكس خلاهـ يرجع أأميااااااااال ورى ,,
وبعــدهـا ماحس بنفسـه نواف ألا وهم يتحاذفونه جنه كووره اللي يرفس من صوب واللي يضرب من الصوب الثاني
وهو ماغير يحاول يداافع عن نفســـه بدون فاايـــده كانوا 5 ,, بينما هو وااحد !!
بعد أقل من 5 دقايق ألا وشباب يتجمعون حولهم يشجعون ومن بينهم كانوا ربع نواف ,, !!!!
كانوا يطالعونه ببتسامه على جنب ,, وكأنهم مستانسيـن بمنظره وهو ماسحيـن بكرامته الأرض
.
.
بينما من الصوب الثاني كان من وصل الجامعه وهو شبه متوتر رغم أنه كان مستانس .. ومن أطلعوا من المحاضرة وفهد ماغير يحن عليه يبي يعرف شفيــه وزايد مب راضي يقول
فهد بنفاذ صبر : ياخي ليش مو عادني مثل أخوك ..!! ليش تخش عني وأنـا عمري ماخشيت عليك
زايد : تدري أني ماأحب أتكلم عن حياتي الشخصيه مع اي أحد .. فلا تتعب نفسك
فهد : اللحيـن صرت أأي أأحـــد ..ماأقول ألا الله يسامحك بس .. صج لا قالوا من لقـى أحبابه نسى أصحابـه
زايد طالعه وهو رافع واحد من حواجبه لأنه كان يقصد بهلـ جمله أبوه
فهد صد عنه بدون مايجادل وقال : أمش خل نروح الكافتيريا خل نـشرب لنـا شي ,, رفعت ضغطي
زايد رسم شبح أبتسامه على شفاته وهو ماشي متجه للكافتيريا وأحذاه فهد اللي يمشي وهو مكشر يبلفيت زعلان !
زايد وهو يمدد ذراعه على كتف فهد : تراك مب شي لا زعلت
فهد : أنــا حررر !
زايد بضحكه خفيفه : بلا حركات التغلي هاا .. تراني كاشفك
فهد يزفر ببتسامه خفيفه : يعني الواحد مايقدر يمثل أنه زعلان عشان يجرجرك بالحجي !!!
زايد هز راسه بالنفي : لا !!
فهد طالعه وهو يقول : زيـن يازيوود ياولد سعود !! هذا ويهي أأذاا صارحتك بشي مره ثانيه .....
زايد يغمز له : أنت حر على قولتك ! اذا تبي تقول أنـا موجود وأذا ماتبي كيفك! ماني ميت على أسرارك !!
فهد يدفعه بقوه : ياملغك !
زايد ضحك من قلبه على شكل فهد بينما فهد بادله الأبتسامه وهـو مستغرب من حال هالريال !! اللحيـن يضحك عادي بعد دقايق يكشششر !

كانت خطواتهم تقودهم لصوب الكافتيريا بس صوت الصراخ والتشجيع اللي صاير بالجهه المعاكسه للكافتيريا جذبهم
زايد توقف وهو يقول : الظاهـر صايره هوشــه !!
فهد بحماس : أأمش أمش خلـ نطمشش !!!
زايد : ياحبك لشماته ....
فهد ببتسامه كلها بلاهه : تلميذك ...
راحوا لصوب الهوشـه وكانوا في شباب وايد متجمعيـن ومايسمعون غير كلمات سب بذيئه تطلع على لسان سعد وربعه اللي طايح طق بواحد أنقلب لون ثوبه الأبيض ألى رصاصي وغبره
زايد وفهد أحشروا روحهم بيـن هالحشد علشان يشوفون الهوشـه من قرريب
وأول مالمح زايد اللي ينطق تسلل لقلبه شعور غريب !! هو بروحه اللي يعرف معناهـ
حاول يخترق الحشود علشان يدش بالهوشه لكن يد فهد اللي مسكته من معصمه خلته يوقف ويلتفت عليه بستغراب !
فهد : موقعنا هني أوكيييه ,, ليـن قربت زياده يمكن تاكل حصتك من الطق .... وبدل ماتطمش ع الهوشـة تنطق معاهـ
زايد : ومن قال لك أني داااش أأتفررررج مثل هالعالم !
فهد بغرابه : عيييل !!
زايد بأسلوب غامض : بداافـع عنه !
فهد وهو يقوي قبضته : من صجك أنت ,, أقول أنثبر بمكانك مانبي مشااااكل
زايد طنش له وسحب يده بقوه منه ودش بـ حلبة المصارعه اللي صايرهـ !!!
وبعد جهد جهييد وهو يبعد هالأجساام اللي تتناوب على نواف ,,, قدر يوقف فاصل بين نواف وبينهم
سعد بعد مارجع خطوه للورى بغضب وأنفعال ويلهث من قلب .. قال : شتبي أأنت داااااش عرررررض !! ودك تنرض وياااه ؟ ماعندنا مانع تررررررى
زايد بقوه : مو لعنتوا والد والديـه ! خلااااااص هدووهـ
واحد من ربعه وهو يدفع زايد بدفاااشـه بغى يطيحه : هديناه وله ماهديناهـ ,, مببب شغللك هذااااا
زايد التفت عليه بعصبيه وبنبرة تهديد قال : جوووف لا عاااد تجيسني وله والله مايحصل لك طييييب !!!
قرب صوبه زياده وهو يقول : شبتسوي !!! شبتسوي ؟
زايد يقرب صوبه بعد مالزق فيه : مابيسرك اللي بسويــه ,, أظــنك عارف سمعتي بالجامعه !!
بصوت رجولي خشن : لا يابو سمعه ,,, مااأأأعرررفهــا ... وأأذاا مصر تحافظ على كرامتك أحسن لك توخرررر
زايد وهو مازال على وضعه بكامل ثقته : آآسفــ ,,, ماني متحرررك من هني ,,, واللي ماتطوله بأيدك وصله بريولك
فهد وهو يصارخ علشان يسمعه زايد : زيووووود لا تدخل رووحك بمشااااكل معاهم !!
زايد كان معطيه الاذن الصمخه وبعينه نظرة شريه كلها تحدي
بينما سعد طنش لزايد ورجع طااح طق بنواف اللي كان يحاول يوقف..!! ..وهالمره أضطر يتهاوش مع زااايد علشان يكمل ضرب بنوااف
فتجمعوا الخمسه على زاايد وكان راح يصير فيـه نفس اللي صار بنواف لولا تدخل فهد لما شاف رفيجه بينرض وكم وااحد يعزون زاايد
لحد ماكبرت السالفه وصارت هوشة بين حزبيـن ناس مع زايد وناس مع سعد
بينما نواف قام وقف بمساندة بعض الطلاب وهو يتنفس بصعوبـه عقب الضرب المحترم اللي خذاهـ وحاولوا يبعدونه ولو شوي عن مكان الهوشــه علشان لا يرجع ينرض من يديد !!
وأنتهت السالفه بأدارة الجامعه وأساس المشكلة متجمعيـن هنـاك
" سعد والأربع اللي معاه + زايد + فهد + ونواف المتكسر تكسير ! "

المدير وهو يطالعهم بأحتقار بعد ماعرف السالفه : أحنا بجامعه محترمه ,, مب بالسكه علشان تتهاوشون بهلـ وحشييييــه .. " يوجه الكلام لسعد " لا بعد .. ليش خليته حي للحيـن " يقصد نواف " جااان ذبحته وأفتكيييت ؟؟؟؟ .. تدروون أنتوا الـثمانيـه تستحقون الطرد ومحد راح يلومني لو طردتكم !!!! وبالأخص أنت ياسعد .. هذي ولا المره المليون اللي أشووف ويهك عندي هني انت وهلـ شله اللي وراااك كم مررره كتبناااكم تعهد وفصلناكم 3 أيام أو أسبووع !!! هااا ؟ كم مررررره ؟
سعد ماكان يرد .. كان مكتفي بأنه يتكتف ويصد عن المدير وكأنه مب عاجبه الكلام
المدير بحزم : أنـا أهم شي عندي سمعة الجامعه ,, وأذا لقيت أنه فيها نااس يحاولون يشوهون سمعتهـا بأي طريقه ماراح أتردد في فصلهم ,,, واللحيـن أنتوا الخمسه اليوم تاخذون ملفاتكم ومن بكره ماأبي أشوف ويهكم هني ,,,,
سعد اللي كان واصل حده : آآآآحسسسسسسن .... يوووم عيييييد فرقاكم .. ليش الدوحه مافيهـا غيركم يعني ,,,؟ بدل هالجامعه أأألللللللف !
طلع من مكتب المدير وهو معصب ورضخ البـاب وراهـ بكل قوته بينما باقي شلته مازالوا واقفيــن ,,,
المدير وهو مازال معصب : لحقوه أشووف ؟ شتنطروون !! ... ومن باجر ماأبي أشوفكم هني !! سامعيني !
هزوا راسهم بالأيجاب وكلن يحمل بعينه نظرة كره للثلاث اللي قاعديـن هني ومعاهم المدير بعد ,,, وأبتدوا واحد ورى الثاني يتركون المكتب
بينما زايد وفهد ونواف مازالوا بأماكنهم .. والوحيد اللي كان قاعد هو نواف وأنتوا أدرى ليش ..
المدير وهو يطلع أوراق ويمدهـا لهم وهو مازال عاقد ملامحه : كلن يوقع أأشوووف ,, هذا تعهد أنكم ماتعيدون هالتصرف الهمجي مره ثانيــه ,,, لأنه لو تكرر راح تنفصلون حالكم حال سعد !!! محد أحسن من حد هني

أول واحد وقع .. زاايــد .. ولما خلص ترك المكتب وطلع بدون ماينتظر يسمع كلمة زيادة ولحقه فهد لما خلص وتم نواف هناك ..
فهد بتنرفز : شفتت ,, هذي أخرت فزعتك ... كان ممكن ننطررد مع شلة الززززفت سعد ... بسبب تهوورررررك !!
زايد بصرخة كلها عصبيه : فهد واللي يعافيك مااالي خلللللللق عتاااااب !!! سويت اللي يريحني وماجبرتك تدخل معااااااي !
فهد يوقف ويطالعه بغضب :ماجبرتني ؟؟.. هذا جزاااااي داش اداافع عننننك ,, " بأسلوب سخريه ممزووج بغضبه " يالشهممممم!
زايد : جزاااااك الله ألف خيررر وكثر الله خييرررك ,, بس ثاني مرهـ لا شفتني ودي بمشكله لا تحشر روحك معااي وتجي تعاتبني بالاخيييير !!
فهد : زيييين ياأستاذ زاايييد ,, اللحيـن طلعت أنـا الغلطان... علشاني للحظة فكرت أداافع عنك !!!! والله لو هااادك ومخليهم يطحنونك معاااه أأحسن لي
زايد بنفس نبرة الصوت : ماني مستعد أوقف أتفررج مثل غيري وهو ينطق بهلـ طرريقــه .. تدري لو محد فينا تدخل وتركنااهـ جاااااان مااااااات
فهد : وخييير ياطيييييير ,, ماااات ولـه بالطقاق .... شلنا خص أحنـــا أأهله وله اخواااانــه ؟ هو دخل نفسه بهلـ مشكلة ويتحمل نتايجهـا ......!!
زايد : عيل أعذرني يافهد ... أنــا مو نفسسسســــك !
فهد : ومن متى كنت نفسي أصلاً ,,,, ! شوف زااايد أأحسن شي لا أكلمك ولا تكلمني اللحيــن ... لأنه لا أنـا ولا انت بمزاااج رايق وأاحتماااال كبير نخسر بعضنا بسبب كلمة نقولهـا بلحظة غضب !!
زايد جنه ماصدق على الله : عيل .... بــااااي !

مشى عنه زايد وتركه وراااهـ وبعد خطوات عديده اختفى عن نظره
نزل نظرة بالأرض ورفس أقرب طوفـه لــه من القهــر !! ... كان متوقع ينقلب مزااج زاايد .. بس مو بهلـ سرررعــه
قطع حبل أفكااره القصييير خروج نواف من غرفة المدير وغترته على كتفـه مر صوبه وهو متجه لبوابة الجامعة اللي دخل منها
وشكله رايح بيتـــه ومطقع لكل محاضراته اللي للحيـن ماحضر ولا وحدة منهم .......
.
.
.

بيت بو نواف
: كل اللي حاب أقولك أيــاه ,, أنـه ذنبي برقبتك ...وأني ماراح أنساهـا لك ! صدقني يافايز ماراح أنساهـا
بو نواف يوقف بشموخه وهو يقول : كيفك أذا ماتبي تنسى ,, بس ترى بالأول والأخير أنت اللي بتتعب .... لو تتكلم من اليوم ليـن بكرة ماراح تغير شي ,, واللي راااح مابتقدر ترجعــه بالساهل ياسعود
بو زايد وهو يوقف ويطالعه بنظرات تحمل الحقد : آآبي أأفـــهم شي وااحد ... طول هالسنيـن ودي أعرف جوواابــه ..... شلووون هنت عليك تسوي فيني جذي !!
بو نواف : مثل ماهنت عليييييك يومك أأخذذت أأغلى النـاس لي ,,
بو زايد : أنت أأكثر واااحد تدري أنــي ماخذتهـا ألا بعد فترة من طلاقكم !! ومو ذنبي أأذاا نصيبي كان معاهـا ,,,,
بو نواف يغير الموضوع : شوف شوف,, هالموضوع أنا دفنته من سنيـن معاااك ,,,, وماأبي أأرجع أفتحه ...
بو زايد : ولا انـا حاب أفتحه ,,, لا حباً فيك وبصداقتك اللي حرام ينقال لها صداقه أصلا .. ولا حباً بالسنيـن اللي قضيتهـا بتهمه أنـا بري منهـا ,,,, وكان المفروض تكون أنت مكااني !!! بذمتك راضي عن نفسك وأنت تعمر بيتك وتأكل عيالك ومرتك فلوس حراااام على حساب شباب يموتون كل يوم !!
بو نواف بغضب : موو شغلك هذااااا .. حراام وله حلال ... أأنـت أأخرر واحد يتكلم عن هالأشيــاء يالـ " بسخريـه " يالتااجر !
بو زايد رسم أبتسامة سخريـه وهو يقول : تجذب الجذبه وتصدقهـا ,,,,
بو نواف : سالفة مررت عليها سنيـن لا تجي تنبش فيهـا اللحيـن ,, كنت ناوي أجيلك لبيتك وأقولك تنساني وتشيلني من بالك نهائيا ... وتشيل من بالك أني بيوم عرفتك أو عرفتني !!! حتى السلام ماابيه منك لكنك وفرت علي مسافة الطريج وجيتني بنفسك !! .... واللحيـن بس ارتحت لأنه وصل لك الحجي اللي بغيت أقوله ,,, !!!!
بو زايد طالعه من فوق لتحت وقال : صج لا قالوا العشررررة ماتهون ألا على ولد الحراااام ...!!!!!!!! ع العموم أنــا طالع ... بس تأكد أأنــي فيوم راح أأخذ حقي منك .. أذا مب اليوم بااجر !! أذا مب بااجر اللي بعدهـ ,,,,
اللي خلقني ماراح ينساانــي ,,, وبكل ركعة بصلاتي بدعي عليييك ..... وياليت أأشوووف فيييك يووووم يافااايــــــز !!
بو نواف وهو يمشي بكل ثقـه صوب باب الميلس ويفتحه : أأوكي ! الله معااك
بو زايد تحرك طالع من الميلس وعينه على بو نواف .... لحد ماترك له الميلس وبعد خطوات واسعه طويله شوي ترك له البيت كله وركب سيارته مبتعد عن هالبيت

سبحان اللي يغير ولا يتغير .. بالأمس كانوا أأعز ربــع وكل لحظة حلوه ومره مرت عليهم مع بعضهم
واليووم صاروا أأأألـــد أعداااااء ,, وكل واحد فيهم يتمنى يشوف الثاني طاااايييييح علشان يشفي غليله .. ويتشمت فيـه
بو زايد عض على شفته السفليه وهو يسوق بقهر ...
" ماعليـه ياسعود ,, ماعليـه .. أصبــر ..... الظالم مهما طااالت ساعات وناسـته لأازم يطيييح وطيييحه قويـه بعد ..! وفاييييز ماراح يطوول آآكيييد .....
لأزم أأسسكت وأأدوس على جرحي وأأكتم .... علشان بس ماأحسس زايد بالكره اللي بقلبي على هالفايز ,,,, كفايـه حاول فيني اليوم الصبح ومنعني مليون مرهـ من هالرووحــه خايف علي من اللي كان رفيجي ....
ومن حقــه ,,, اللي دخلني بتهمه مثل هذي السجن 20 سنه ,, يقدر يسوي ألف شغله غيرررهــا ,,,,, مااافي شي يدووووم .. اليوم أنـت مستانس ياافــااايز
بااااااجر راح تصييييح دم .................................................. .......................! "

هالجملة ,, كانت أأخرررر جملة يقولهــا بو زايد بحياااتـــــه !!


نهاية البارت الثاني

الله يعطيك العافيه على الطرح
اللي كله ابداااااااع

حضوري شكر وتقدير لك
ولاهتمامك في مواضيعك

اخوك
نجم الجدي

سلمت يمناك
طرح جميل جدا

كـــ العادة إبـداع رائـع
وطرح يـسـتـحـق المتـابـعـة
بـــــ انتظار الجديد القادم


:
مع التحية والتقدير ..

سَلِمَتْ يدآك على رَوْعَة الطَّرْحْ
وَسَلِمَ لنآ ذوقك الراقي عَلَى جَمَآلِ الاختيار
لَگـ ولــ حضُورِكْ الجميل كُلَّ الشُّكْرِ والتقدير
اسأل البآري لك سعآدة دائمة
وِدِّي وتقْدِيري لِـ سٌمُوكْ

قلائد أمتنان لهذة
الذائقة العذبة في الانتقاء
لروحك الجوري

أناقة طرح وجاذبيه
إهتمام و..

اجتهاد واضح في الطرح
وذائقة عالية المستوى

استمعت النفس بما مرت عليه هنا،،،
فبهذا العطاء سنرقي

من أعماق القلب أشكرك

اخوك
محمد الحريري

المشاركة الأصلية كتبت بواسطة نجم الجدي

الله يعطيك العافيه على الطرح
اللي كله ابداااااااع

حضوري شكر وتقدير لك
ولاهتمامك في مواضيعك

اخوك
نجم الجدي

شكراً من القلب على جمال حضورك
اسعدني تواجدك الرائع بمتصفحي
لا حرمني الله روعة وصالك
كل الود وباقة ورد’

المشاركة الأصلية كتبت بواسطة ضامية الشوق

سلمت يمناك
طرح جميل جدا

شكراً من القلب على جمال حضورك
اسعدني تواجدك الرائع بمتصفحي
لا حرمني الله روعة وصالك
كل الود وباقة ورد’

المشاركة الأصلية كتبت بواسطة دلع

كـــ العادة إبـداع رائـع
وطرح يـسـتـحـق المتـابـعـة
بـــــ انتظار الجديد القادم


:
مع التحية والتقدير ..

شكراً من القلب على جمال حضورك
اسعدني تواجدك الرائع بمتصفحي
لا حرمني الله روعة وصالك
كل الود وباقة ورد’