 |
 |
 |
 |
|
 |
||||||||
 |
 |
| قصايدليل للقصص والروايات "حصــري " للاقلام الجميله التي تنسج من الخيال نور |
|
|
أدوات الموضوع | انواع عرض الموضوع |
|
|
|
|
|
|
|
|
|
||||||||
|
|
|
| قصايدليل للقصص والروايات "حصــري " للاقلام الجميله التي تنسج من الخيال نور |
|
|
أدوات الموضوع | انواع عرض الموضوع |
|
#1
08-16-2020
|
|||||||||||||||||||||||||||||
|
|||||||||||||||||||||||||||||
روايتي السادسة: العمر لحظة
العمر لحظة
البارت الأول ضياع العمر شقاء و لكن ضياع النفس موت لهذا ضحي بعمرك ولا تضحي بنفسك... وأنت الذي أخلفتني ما وعدتني وأشمتّ بي من كان فيك يلوم كانت مشغله محاضره خالد راشد في التلفزيون وشابكته على النت بعنوان( حسن ظن بالله)، ويالسه ترتب غرفتها وتلم اغراضها وتعدل ملابسها تنهدت بضيق على حياتها اللي عايشتنها بس طلعت منها تنهيده وهي تقول: لعله خير ،، كملت ترتيب اغراضها وشافت شنطه اللي صار لها سبع شهور ما انفتحت ولا لبست منهم شي تنهدت بضيق من هالزواج الغريب بس بالنسبه لها مب غريب هي عارفه ليش تزوجت وليش تواجدت في هالمكان وبذات عند هالشخص ،، طلعت منها تنهيده تعب وكملت ترتيب غرفتها وفتحت خزانة ملابسها، وبدت تسوي جرد للملابس اللي ما تلبسهم وحطتهم في شنطه لانها ناويه تتخلص منهم ما تبا شي في الكبت عشان محد يقول انها ميته عليه،، بدت تطلع الملابس وترتبهن في شنط وهي في داخلها حسره على عمرها وعلى نفسها بعد مارتبت الأغراض في شنطه تنهدت براحه وابتسمت ابتسامه رضى على نفسها وعلى اللي سوته وتنهدت بالراحة ،، حطت الشنط على طرف خزانة الملابس ،، القت نظره على غرفتها على سريع واتجهت لشموع المزينة على التسريحة وشغلت الشموع لتبعث لنفسها الاطمئنان وراحة النفسية والجسديه دخلت الحمام تسبحت عالسريع ونشفت شعرها وتلبست ،وطلعت من غرفة الملابس وهي تتنهد برضى ومسكت الريموت بعد ما انتهت محاضرة خالد راشد ،، حطت لها موسيقى كلاسيكية هادية واتجهت للرف اللي كان بأخر الغرفة واستغلته وسوته ميني بار وحطت فيه مكينة كوفي وماي وثلاجة فيها سويتات وكيك وغيرها من هالاشياء وحاطه عليها اضاءه خفيفه ،، طفت انوار الغرفه جميعها. ماعدا الضوء الخفيف اللي بلون الأخضر والازرق يشع من الزاويه اللي فيها كورنر الكوفي،، تنهدت براحه وهي تشوف ان قرب اذان المغرب عشان تصلي وتنزل تحت عند اهل زوجها خلصت الكوفي وراحت تيلس على كراسي شرفه بعد ما افتحت باب الشرفه وخفضت انوار الشرفة واسترجعت بذاكرتها لورى لفتره من الزمن الذي مضى ،، كانت يالسه في غرفتها وتفاجأت بدخول اخوها عليها وهو على ويهه اجمل ابتسامه قرب منها وهو يقول: بنت ابوها وين وصلت.. ابتسمت وهي تحاول تحسسه بانها قويه : ولا مكان يا الغالي .. ناصر تنهد براحه : زعلانه على اللي صار هزت راسها بنفي وهي تتصنع راحه والابتسامه،، بادلها الابتسامه وهو يقبل جبينها : الحمدلله عيل اظني حان الوقت اللي اقولج فيه مبروك ي احلى عروس .. انصدمت من كلمته اللي شلت اطراف لسانها عن الكلام وتمت بس طالعه بعيونها ولا رمشت حتى رمشه ،، اما هو فضحك ولوح بيده وطلع عنها وخلاها في حيرتها وبعدها تفاجات بأن غانم لغى الخطبه بسببت مسجات حمد وخبر فهد بالمسجات وان حمد وشموخ بينهم علاقه وهذا اللي جبر حمد يتزوج شموخ وفهمها ان زواجهم ع ورق لانه بروحه هو مظلوم ما طرش هالرسايل وقالها تتقبل واقعها المرير ردت على واقعها المرير على صوت اخت زوجها وهي تبوسها على خدها: فديت السرحانين اللي باين ضيق فيهم.. ابتسمت مجامله وهي مستحيه من لبسها قدام اخت ريلها : فديت عمرج حبيبتي سامحيني ما حسيت فيج والله .. شما بضحك وحب: اكييييييد لانه الحب شال العقل اكيد تحاتينه الله يرده بسلامه لج .. ابتسمت بحزن بس حاولت ما تبين : ويرده لكم سالم ان شاء الله ... شما بحب: فديت قلبج والله انج غير عن حريم اخواني كلهم انتي غير حظ حمد فيج والله انه عرف يختار .. تنهدت بعد تنفس طويل وكملت بمصداقيه: انا اللي عرفت اختار احلى اخت زوج في دنيا.. شما بصدق: بموووت من الشووق عليج من يومين ماشفتج وحمد محرم حد يوطوط عندج فالغرفة شكله يغار عليج منا نحن ... ابتسمت بضيق وهي تحاول ما تنبه شما على هالنقطه بس هي اذا تمت على هالحالة شما بتشك : ههههههههه ممتلكات خاصه لاخوج يمنع الاقتراب منها. شما تحضنها بصدق: قسممم بالله يحق له مالومه اللي تكونين ملكه ويخليج.. حاولت انها تغير الموضوع لان طاريه وايد يكدر بالها: اسوي لج معايه كوفي شما بنذاله: تصدقين من دخلت غرفتج من باب صالتج يا الحب ،، اشم ريحة الكوفي اللي مختلطه بعطورج والله العظيم انا قايله حمد يوم يرد من سفر ويشوف كل هالتغيير اللي سويتيه في قسمج الخاص اعتقد ما بيطلع ولا بنشوفه بعد الا اذا سوينا له تلفون.. ضحكت باحراج وفي خاطرها والله بعدج عيل ماعرفتي حمد زين للأسف انه الواقع غير عن الخيال اللي راسمتنه في بالج ،، حاولت تشتت شما بكلامها وهي تضحك: ههههههه بقوم ابدل لبسي عشان انزل تحت وياج ... تنهدت شما بوناسسه وفرحه ياخي تحب هالانسانه من دخلت حياتهم وتحس وايد أشياء تغيرت في بيتهم حتى في خوانها واولهم حمد اللي كان ما يقعد في البيت ،،انتبهت شما لرنة تلفون الحب وشافت رقم دولي قالت هذا الحب متصل اكيد ردت عليه بدلع: هلا والله.. استغرب نبرة صوت ودلع وكمل: اهلين وسهلين .. شما بحيا انتبهت انه مب صوت حمد ومن شافت شموخ طالعه من غرفة الملابس حطت التلفون في اذنها وشموخ طالعها باستغراب وردت على تلفون: مرحبا ابتسم بتنهيده طويله وهو يرد: مراااحب ملاييييين والله ولا يسدن في ذمتيه.. استغربت شموخ نبرة صوت اول مره تسمع هالنبرة وطالعت شما باستفهام وتاشر لها بمعنى منو هذا وشما ترفع كتوفها بمعنى مادري .. ضحكت شموخ بلا شعور وهي ترد: المرحب لاهان امر اخويه من بغيت .. ابتسم بلا شعور ما يعرف أصلا ليش اتصل ومايعرف أساسا شو سبب اللي خلاه يتصل بس باستهبال رد: عفوا مب تلفون فاطمه .. تنهدت براحه وهي ترد : لا اخوي غلطان... في خاطره لا والله مب غلطان لكن الصد والحظ والنصيب والقدر اللي ضدي ولا انا مب غلطان سكر بعد ما شاف ان هي اللي انهت المكالمه قبل ما يقول أي شي ثاني .. ضحكت شما وبهبال : سامحيني شموخي والله اني اتحسبه حمد قلت بغلس عليه.. ماهتمت وايد في المكالمه لانها ما تعني لها شي وابتسمت وهى ترد: عادي ماعليج أصلا ما اهتميت لا تحاتين يلا ننزل .. شما تتفحصها بنظراتها وهي طالعها باعجاب: بتظهرين جيه. شموخ تبتسم وهي طالع نفسها في المرايه بعد ماخففت الميك اب وايد وعدلت حجابها وهي طالع نفسها بالمراية وتنظر لنفسها نظرة رضى واعجاب ،، شما تصفررر وباعجاب: قسم بالله انج حلووه لالا أي حلوه الا قمررر ،، ضحكت من خاطرها وهي تشوف شما وقالت: ههههههه حسستيني واحد من شباب لا تيلسين طالعيني بها النظرات ماحبها .. طلعن ونزلن تحت سمعن صوت ريياييل في صاله شموخ تغشت (تغطت) ،، سلمت على عمها(أبو ريلها) وباست راسه ،، وهو بدوره وقف احتراما لها وحضنهـــا بحب ابوي حاس فيها وعارف ولده انه مسود وييهه وان هي ساكته احتراماً لعمها ومبينه لهم ان الأمور بينهم طيبه الا عمها اللي فاهم حركات ولده وعارفها زين وشي هذا كبر بنت الناس في عينه وايد حاوطها من كتوفها وهو يبتسم لها: شحالج الغاليه ربج بخير .. ردت باحراج ودها تبعد عنه لانها مستحيه منهم وايد بس إصرار عمها انها تبقى قريبه منه عدلت وقفتها وابتسمت: بخير يعلك الخير يا الغالي انته شحالك ربك بخير ، بشرني عنك .. قعدها عداله وهو يبتسم ويلف لها : بخير يا بنتي ولله الحمد ،، شحال حمد ربه بخير ومتى بيرد( يعرف ان ما عندها جواب ويعرف ان حمد ما يتواصل وياها بس يبا يثبت لنفسه انها أخير عن بنت اخوه ) ردت مجامله وهي تعدل غشوتها وتفرد ظهرها وبثقه بنتها في نفسها: بخير يعلك الخير يا الغالي ،، يرد السلام عليكم كلكم ويبشركم انه بخير وانه بيرد قريب باذن الله .. ابتسم ورفع عينه لولده مبارك وقال بنظرات عيونه شفت بنت العرب والناس كيف تداري على ريلها ابتسم ورد: الله يسلمه ويسلم من ياب سلامه.. مبارك رد لبوه النظره وابتسم واحترم وجودها ومستحاها وقال: الله يسلمه من الشر ان شاء الله ويرد بالسلامه.. ابتسمت بحيا وهزت راسها.. شما تبتسم وهي تقعد عدال مبارك: خذتي الجو عنا يا بنت سهيل .. ضحكت باحراج وهي ترد عليها: ما بج قصور الغاليه انتي شمعة الجلاس .. شما تضحك: أي شمعه الجلاس بالله عليج الا استويت سويت ذايب ومنتهيه صلاحيته بعد .. ضحك الجميع على شما وسوالفها... دخلت ام مبارك وياها حرمة ولدها سالم ( العنود) يايات من سوق سلمن وقامت شموخ وتلقت لعمتها عند الباب شلت الأغراض من ايدها بعد ما باست راسها وهي تبتسم: عنج الغاليه ... يعطيج العافيه.. ابتسمت بضيق على حالة ولدها اللي تعتبر نفسها انها بلته بزواج هذا ،، وهي في خاطرها تقول من يرد حمد بزوجه بنت عنه يكفي اني ظلمته بزواج هذا وهو ماله ذنب في المطبخ شموخ ترتب الأغراض ويا سونيتا وتحط كل غرض بمكانه الخاص اللي في ثلاجة واللي في الخزنات وغيرهن من أغراض المطبخ والتزاماته، سمعت صوت من وراها: لين متى تدعين المثاليه.. سوت عمرها ما تسمع وحمدت ربها ان تلفونها رن وردت من دون ما تشوف رقم : الو حمد انصدم من نفسه كيف دق رقمها سكر الخط في ويهها وتنهد بضيق لف عليه ربيعه وقال: بلاك بو شهاب .. حمد تنهد وابتسم بتسامه باهته: اتصلت بحرمتيه بدال ما اتصل ببنت عمي يا عزوز .. عزوز ضحك وهو يذكر غانم اللي اتصل بالحب من شوي وخلى عمره غلطان عشان مايحسسها بذنب ولا يبا يقلب المواجع تنهد بغصه وهو يربط الاحداث بين حمد وغانم وهو عارف شي اللي هم ما يعرفونه عارف انها مظلومه لكن ما بيده دليل وحمد ملجته على حب حياته بعد مايرد من الدورة ( اللي هي بنت عمه) ... اما عندها فاستغربت انه سكر الخط وقالت بينها وبين نفسها احسن بعد من قال اني أبا اسمع صوتك أصلا مصدق نفسك وايد وعاطي عمرك ثقه مالت عليك وعلى ويهك الخسف انقهرت من حركته الخايسه وهي ناويه تينن حمد يوم يرد بعد ما سمعتهم قبل كم يوم عمها وعمتها يتكلمون عن حمد وملجته على بنت عمه الريم وان حمد كلم عمه وقال له ان يبا الملجة عقب ما يرد من سفر باسبوع.. تنهدت تطرد هالافكار من مخها اساساً هي ما تحبه واللي صار نفس الحلم حتى هي مب عارفة كيف أصلا تم زواجها من حمد حاسه بنوع من الغبن فيها والقهر البارت الثانـي - يا زهرة ، كسرت قانون رقّتها من أين للزهر قلب مثلما الحجر؟ إنّي أشاهد في خدّيك ملحمة بين النجوم وبين الشمس والقمر في دولة اوروبيه وبعيد عن اماراتي الحبيبه .. يالس مع صديقه الروح بروح وهو يقول: اتدري أن الى الان ما زلت غاضباً منك على فعلتك السابقه . ابتسم بحب وبمصداقيه: لم افعل الا الفعل الصحيح الذي كان لابد من فعله منذ زمن غير بعيد.. بغضب رد عليه: ولكن ليس بهذة طريقه اقسم بربك بانها وردة منفتحة وانته بفعلك هذا ستجعلها تذبل بين يدي انسان قاسي.. ابتسم بالم وامل في نفس الوقت ورفع كوب القهوه وشرب منه ورد بهدوء: لا عليك انها فاتنه تعرف كيف تتصرف عند الرجال وبين الرجال وعند اللزوم ،، فهدأ من روعك يا صديقي.. رمقه بنظرة حاده وبدا يشرب من كوب القهوه فلاحظ وجود شخص ما بالقرب منهم ،، ابتسم واتكأ على طاوله ووضع يده تحت ذقنه وهو يشاهد الشخص المقصود جالس في احدى طاولات وبهمس : التفت الى الخلف يا عزيزي لترى المفاجأه التي تنتظرك ،، ابتسم وهو ينظر الى الساعه تشير الى الساعه الخامسه فالتفت على عجل وذهل من صدمه ورمش بعينيه اكثر من مره وهو يراه لا يكاد يصدق ما يراه تنهد بضيق وهو يلتفت لصاحبه: ايعقل هذا يا مارك ضحك بخيبه وهو يردد: اذاً تقول بانها تعرف تتصرف عند رجال ،، مالي اذاً أرى سعيد الحظ هنا؟! بظنك ماذا يفعل هنا ما عطى مارك وقت يكمل كلامه وقام يبا يتجه صوبه يبا ضربه وينتقم منه مسكه مارك وهو يقول: هل جننت يا غانم !! متاذي ستفعله !! هل نسيت بانك انته من تسبب في ذلك!! وبنظرة حده وجمود وقف وهو يحاول انه يتماسك مب سهل عليه يشوف حب حياته في ايد غيره ،، بس هي سبب هي اللي خانتني !! انا ما خنتها ،، انا احبها !! هي تللي استغفدتني وكلمته من ورايه انتفض على مسكة مارك اللي رص عليه بيده وهو يقول: هدأ من روعك يا صديقي لم اقصد استفزازك بل قصدت ..... قاطعه غانم وهو يزفر بقوه وقال: يكككفي مارك لا اريد الخوض في هذا الموضوع لذا حان الوقت ان انصرف الان الى العمل اراك لاحقا وخذ اغراضه وراح تبعه مارك وهو يرمق حمد بنظرات كره وقهر على اللي سواه بغانم ..عبد العزيز كان متضايق من المنظر اللي شافه غانم مستحيل ينسى اللي صار ومستحيل ينسى غدر حمد له ،،الخيانه اللي تجيك من الرفيق تطعنك وما تقدر تغفر لها لو بعد حين ،، واااااه من القهر والكدر والضيم لو اجتمع في قلب من كان يحبك ويحمل في قلبه لك احترام واليوم يتبدل شعور ويصير عكسه ،، تنهد بضيق وهو يشوف حمد يضحك ولا يبالي بشي قطع عليهم سوالفهم فهد اللي ياي صوب حمد وقف احتراماً له وقال فهد:عسى ما شر ي حمد ليش طولت في سفرتك ؟؟ ابتسم وقال : شوي شغل ضروري اخلصه مروح مهمه من دوام .. فهد بحده وجمود وهو يرمقه بنظرات غريبه فهم عليه حمد وتنهد وفي خاطره نظرات الاتهام لين متى بتلاحقوني فيها وده يصرخ ويقول له ما خنة ثقتك فيني صدقني انا نفسي مظلوم مادري كيف صار هذا كله،، حس بنبرة فهد وهو يطبطب على كتفه ويقول: ما توقعتك تغدر بي في يوم من الأيام .. مسح ويهه بتوتر بيده وهو يقول : ما عاش من يخونك ويغدر بكـ يا الغالي ،، تنهد فهد بضيقه وقالها بغصه: حط اختي في عينك ي حمد وراح عنه... تضايق حمد من معاملة فهد الجافة له دق بريله على الأرض بقوو وهو يشل اغراضه ويروح صوب شقه وصل شقه وأتصل لعمه حدد ملجته بالريم باجر بما انهم كانوا فاحصين من قبل وعقب صار اللي صار وقعد يرتب اغراضفي شنطه عشان يرد .... اما عند الحبيب المحروم من الوصل ... - أعدني منك إليّ فإنّني لطالما هربت من الهوىٰ وبلاؤه لكنني هويت وجار عليّ الهوىٰ وخذلني " سأبقى علىٰ العهد دائماً " أليس ذلك ما به عاهدتني أين اليمين وأين ما عاهدتني؟ فر اغراضه ع الشبريه وفر تلفوناته وقعد على شبريه وهو يحط ايديه على شعره تتهد بضجر وقهر وهو يشد شعره بيده بالم عشان يحس باالم قللبه كيف يعتصر من القهر والضيم تنهد بضيق على رنة تلفونه شاف الرقم وطنشه وفره عداله بضيق تنهد بقهر وضيم الخيانه بعد العشره والوفى تعورر وتعور وايد وتعذب القلب ودك تمسك شخص هذا وتضربه لن يخيس من ضربه بقهر قام يدق على ارقام دقتها صبوعه وتول ما سمع صوت ببحه قال بحده: سيديات وين ؟؟؟ .....:سلمتهم لطويل العمر عصب وبقهر : كييييف م تقولي ... .....: من نصيب طويل العمر انتهى دورك ي المجهول . بضيقه يمسح ويهه وبتوتر: تشوف منو المجهول وطويل العمر لي صرفه وياه سكر الخط في ويهه ... وقام تلبس وراح عند طريل العمر ... اول ماوصل شاف المركب المليان والمراكب الفاضيه والمراكب الخاصه بطويل العمررمصفوفه سلم ودخل بعد ما عرض بطاقته ورصل عنده وهو يسلم ويفول: ليش تشل السيديات مب هذا اتفاقنا ي سرور .. ابتسم بعد ماحط الكوب اللي في ايده على طاوله وقال بقهر: الا وقته اني اساااومه بسيدي عشان يرضخ لطلباتي.. بقهر قال: حمد ما فتكر بشموخ عشان انته تساومه بشموخ ... تابع البارت الثانى 
|
| مواقع النشر (المفضلة) |
| الذين يشاهدون محتوى الموضوع الآن : 2 ( الأعضاء 0 والزوار 2) | |
|
|
 |
العرض الشجري