تجميعي : ديوان بقصائد متنوعة لـ صانع الكلمة " أحمد الصانع "

مذكراتي ، صارت بـ داخل الدرْج
من بعد موتي [ علّموا الناس عَنْهَا ]


ما أبي أطوّلها عليكم بـ { هالهَرْج }
فـ أجسادنا الأرواح ، محدٍ ضمَنْهَا


لي مُهرةٍ .. أمسِك رسنها بلا سِرْج
تبكي علي - لا من : ترجّلْت مِنْهَا

قولوا لها : إنْ طق في عينَهَا - عِرْج
كثر البُكى ما يردّني ، ولا " حِزِنْهَا " !

:



مُنذ بدء الخليقه : به ذكور وإناث ،
ــــــــ طيّبه لـ كل طيّب و الخبيثه لـ خبيث


أقتنص لي قصيدة ، ــــــــ ومو حرام أقتبسها فكرتي من : حديث ،


الحرام : إني أقدر وأنكب المستغاث
ــــــــ وآكل أموال قاصر و أدري إنّه وريث



ــــــــ يحصد الشر - قلبٍ يزرع الخير حيث :


للغدر والمصالح تلقى ناسٍ لهاث !
ــــــــ ومو غريبه تلاقي لك : غثيثه و غثيث !!


هذي الدنيا بيتك همّتك بـ الأثاث
ــــــــ أوّل الغيث قطره - تبدي وتصير ، [ غيث ]


مَرّك الغيم لكن مَر ، دون إكتراث !
ــــــــ وإنت صحراك جردا بـ المطر : تستغيث !


ــــــــ غلطتك .. . كنت تِجْمَع في حياتك رثيث


ما أبي تطيح لما تنصدم بـ الرثاث
ــــــــ للـ عُلى و المعالي ، خل سيرك : حثيث


ــــــــ [ الغدر ] و [ الغرور ] وفزعتك للـ [ .... ]


:

نقط بــ أتركها للتأويل ،
و كل واحد و .. تربيته ]

.. } مقتطفـــــات { ..





يا قلبي ........ شفت هـ الدنيا . ترى فيها " حزن " و / أفراح
و كل واحد على كيفه ! { يحس } بـ أحزانه و أفراحـه ...... هذا . .
إللي ( منصدم قلبه ) وقال بـ حسرته : [ أففــ رااااح . ]
و . . . ذاك إللي بعد ( مايروح عنَّه ) يقول : - أف راحـه !!






إيه – شاعر . تعشق الكلمة : حروفي :
و المشاعر ما بكت ! إلا بـ قصيدي ,
من خلقني الله و أنا .. [ حرّ / و وفيّ ]
لو " صبع " إيدي ( غدر ) ؟؟! آآ قصـ إيدي !






لك بقول إللي بقوله .... و أنتـَ حر !
..............( ما لفت " غيرك " من الناس / إنتـباهي )
يا [ أحبك موت ] . . . و إلا [ أنتحر ]
.............. يعني إفهَم , يا بشر إن إنتـ : بـاااهي !!

إفترض اني نسيتك ياحبيبي افترض
والمشاعر ازعلت مني وصارت معركه

كنت افكر لوتركتك وقال قلبي أعترض
شيل هالفكره .. لأنك مو بكيفك تتركه

تصدق النسيان حل(ن) من حياتي انقرض
ولوتمنيته فراقك مااظني ادركه

انت فوق الاختيار ياغرام ٍ انفرض
بالغصب قلبي يحبك والله ماهي فَبرِكه

الله يبعد عنك عيون الخلايق والمرض
وقلبي في شتّى امورك بالنصيفه تشركه

قلبي مصباحك وانت آمر اطلب اقترض
تصبح احلامك حقيقه لو بيدّك تفركه

لك غلا في وسط قلبي من عيوني ينعرض
ولك معزه ولك محبه شربكه في شربكه

وهذي لك [بوسه] كبيره وادري توفي بالغرض
واعتبرها لك غنيمه من ضحايا المعركه



آحمد الصــــانع

....
...
..
.



قلت .. أبحكي .. ما رأيته .. وما سِمَعتَه للذينه ..

يسمعُونِي , و يفهمُونِي , دَام خفَّاقِي كفَلها


" قصةٍ " صَارت و عِبرَه و " نُور دَرب " العارفينه

وإستَحَت ( كِل القِصَايِد والكُواكِب ) مِن خَجَلها


شاعرهـ . لا يُمكِن إنهَا تِعترف مِثل : السفينه

لا بَغَت تغرق ؟ تِكابِر ! حتَّى تتناسَى خلَلها


, السهل فيها صَعَبهَا , وما تبي تِرسى في مينه ,

أبحَرَت رَغم العَواصِف . . . والصَّعَب فِيها سَهَلْها . . .

مِن تِغزَّل ؟ ما عِجَبهَا ... لو مِسَكهَا في يمينه .

ومِن عَرَفهَا ؟ مافَهَمهَا . لو قراها في غزلْها ...


تكتِب " اللي صار فِيها " و " الجُروح المستكينه "

و القوافي / صَارت أجمَل ! لا بِدى فِيها زعلها /..


ولو يكذِّب ؟ ما تِصَدِّق لو يقول إنْهَا : ثمينه
ولو وصَفهَا ؟ مِن خياله ؟ ما وصِفهَا في مثلها ,


تِنْصِدِم لا شافَت إنهَا - هَزَّت قِلوبٍ رزينه

صارت الوردَهـ ..الوحيده.. و النَّحَل ناوي ( عسلها )


مِن سَألهَا عَن خَبَرها قالت [ أشوى صِرت زينة ]

وهيَ تدري في النهايه ؟ إنْهَا في قِمَــة مللها !


ما شِكت تكْسر خواطـر . . . وما بِكَت دَمع المهينه . . .

ما رجت { رغـم المصايب }, و إنْعَدَم فِيها جهلها


ويُوم خان الحُب ؟ قالَت : ِيلعَـن الحُب وسنينه :

نفسها نفسٍ - عزيزه و " ما إنوَلَد " مِن هو يذلها


ما بقى للِّيل داعـي .... . بعد ما راحت حزينه

وما بقى للحب معنى . .... بعد ما حُبها خذلها


مِن قِدَر قلبه و جَرَحهَا ؟؟ مِن ذِبَحهَا في إيدينه
؟؟


ما عَـرَف ( " قِيمَة وفاها " ) لِيته والله ما وصلها !


كِلْ شَي فِيهَا . ! يحبَّه ! . و ما تبـي إلا / حنينه

كامله و الكامِل الله يـا كِثِر و الله , خِصلها

... الأصيلة يوم صَارت في وسط عينه رهينه

؟؟قام - يضحَك مِن غلاها عِند ~ كِل اللي عَذلها ~

ويَسرِد القصَّه الطويله ــــ و يقلُب الزينه بشينه !

والخطا ؟ سوَّاه مِنْها . ما رَحَم " طِيبَة أصِلْها "


ولو أحَد عَنَّه سَألْهَـا ؟؟ قالت : الله بَس يعينه :

مـا تبي تحكِي , و تِذِمَه , لو سَألها مِن سألها ,

كانت ( أكبَر ) مِن جحُودَه يُوم عاشَت له سِجينه .

ما خَطَت مَرَّه !! في حَقه و - يا كبر والله عقلها


وكان ( أصغَر ) مِن صِغيرٍ عِندَه سِكينٍ سنينه ...

و لما صارت في إيدينه ؟ مادرى إنِّه [ قِتلها ]


عِزِّتي لِك يا وُفاها ,., مـا رَحَمهَا مِن مدينه ,.,

كِل مِن فِيهَا " جَرَحهَا " و إنطُفَت شَمعَة أملها


ما عطاها الحَظ مَـرَّه .! عَاشَت و مَاتَت / حزينه

والمشاكِل ؟ مـا تِجيهَا إلاَّ مِن { أقرَب أهلها}

[ تحيا الأمة العربية ]
********

حقوق إنسان ،
وأطفالٍ نردد داخل الطابور :
[ تحيا الأمة العربية ] .
/
/
[ تحيا الأمة العربية ] :

ولا تحيا سوى الأحزان !
إذا كنا نبي نلعب . .
ركضنا داخل البستان
ونكبر دون ما ندري عن الحرمان !
عن المعنى الحقيقي لكلمة : الأوطان
/
/
نسمّي دون ما ناكل . .
نخاف نموت !
ومن منكم ما يخاف الموت ؟
يموت اللي يروح المسجد يصلّي ،
ونصلّي أحيان :
[ تحيا الأمة العربية ] .

/
/
[ وين الأمة العربية ] !

عن المسجد
نقول اللـه أكبر كل لحظه ،
ونستشهد قبل ما نسجد . .
كان ياما كان في مثل الزمان ،
مدرسه وأطفال ناقصهم حنان !
كثير أموات في غزه ،
وقليل أكفان !
/
/
مثلكم دايم نردد :
[ تحيا الأمة العربية ]
[ تحيا الأمة العربية ]

ومتنا من سبب ( تحيا . .
. . هالأمة ) وأخرس الشيطان .






إيه يا فصل ( الإهانه ) و البرود ،
___________ المطر . . طق المطر من غير حزّه !


تلعَب الأشبال في ساحة أسود . .
___________ يا طهر أرواح تتساقط ~ بـ عزّه

الغضى : يشبه رصاصات الجنود ،
___________ وريحة البارود ، هذا جو { غزّه } !


شفت ساقي الورد في إيده قيود . .
___________ ودمعة الأطفال موقف وإستفزّه

جاه جندي وقال أحس إنك : حقود
___________ ما خذيت من العرب إلا [ المفزّه ] !


لو يغز الشوك شخص من اليهود . .
___________ نحرق { البستان } و كل اللي يعزّه !

( الوجود ) .. إنك تصير : بلا وجود ،
___________ مافهمت الدرس ؟ والساقي يخزّه . .

{ لك حدودك } بس أنا مالي حدود ،
___________ وأي مُسلم يوقف بدربي أهزّه !


من رفعت الراس يا ساقي الورود ،
___________ نزّلوا راس العرب : بــ أطفال غزّه . .
___________ نزّلوا راس العرب : بــ أطفال غزّه . .
___________ نزّلوا راس العرب : بــ أطفال غزّه . .
___________ نزّلوا راس العرب : بــ أطفال غزّه . .

أنا ما أبيك في قلبي | معاهم |
بغيت ~ الكل
من حولك . . . في قلبي
وحضرتك
بـ :: النص .!

قبل مايقفي بك و ( نخسِر )
بعض !!

بـ إسم ثاني تناديني
تقول المخطي لسانك ،
حسافه ..
كيف ما قدّر " لسانك " قلبي العاني ؟
تقول إنّه خطا منّك تذكّرت أكبر إخوانك !
وأنا إللي من كثر حُبي أنادي
بـ إسمك إخواني !

ماكنت لك
[ واحد ]
أساوي ملايين ؟
وشلون خنتيني على شان
[ واحد ] !

ولا تورّيني : [ برهانك ] ،
يا خوفي تغلط بـ إسمي
وتزوّد ثورة أحزاني
أنا ملّيت أطوّف لك وأقول المخطي
لسانك ..

عليك إنْ شفتك " أسمّي "
عسى تبقى . . وأدعي لك ،
لأنك نعمه من ربي :
حمدت الله على النعمه !

إيييه [ ضايق ] من غيابك
ومات فيني الإحتمال ..
بس تأكَّد هذا حظي ..
وهذا في دنياي فالي ..!

ما بقى أي شي [ غالي ] ..
وضعت في كلمة ( تعال ) ..!
وما ذبحني غير إنِّك . . . . . يا بعد دنياي ." غااالي " ..!

قلت ما أسمَع ..
وعاد الكلمه مرَّاتـٍـ وقال :
لا إتّهَرَّبْ من سؤالي ..
لا إتّهَرَّبْ من سؤالي ..!
وين ودَّته الليالي ؟!
حيييل يحرجني [ السؤال ] ..
والمُصيبه إنِّي مدري ..!
وين ودّتك الليالي !!

آآآحبـك .. من هنا .. لـ أرضك .
ياليتك " ساكنٍ " / أرضي
أنا ما أقول [ يا حظّك ]
بـ حبك قلت : ياااحظّي !

أنا مو قادر : آفضك :
يا " سيرة " حُب . . . ماتقضي
أنا عايش على - نبضك
حبيبي والعمر يمضي ...

عجزت أعيش بـ عمري هذا
/ بدونك !
ويّاك أنا إما ( أكون ) أو
فـ ( لا أكون )

من خان لـ أجلك
,’, مو ضروري ,’, يخونك
لـ أني لـ أجل [ عينك ]
أنا خاين – عيون !!

دام الصداقه مشكله . . .
يا صديقي ؟
خلاص أنا . . .
ما عدت ،
غاوي مشاكل !

لا تهمّك . .
عيني لو يوم : إغرقت
لأني كلّي - قبل لا أعرفك . . . .
( غريق ) !

منت آخر شخص . .
والله :
ما إفرقت !
ومنت أول . . من جرحني ,
لا تضيق !

كنت ساكت . . .
لين جرحي من إيدينك . . .
صـاح/بيّ
و الله مو لايق عليك ,
تلبس ثياب الـ [ رجوله ]]

تعال , دامه
[ صعب ] قربك / دخيلك
وإلا السهل من حضرة الحُب
ما أبيه
أقول أبيك ,,
وقلت : ممنوع أجي لك
ما تدري كل ممنوع / لي رغبةٍ فيه

جيتك ..
رغم طبعي وكل المبادي
عنِّك نهيت القلب
ما طاع شوري !!

أسأل
متى بتروح
وأقول : عادي !!
وإنتَ وجودك في حياتي
ضروري ,




كنت أظنِّك ..
من عيوني ما تطيح
لين في " عيني "..
إرتفَع غيرك ,
و ..
طحت !!

خنتني !
وشلون ؟!
علِّمني الصحيح !
وين عنِّي رحت / عنِّي وين رحت ؟

ليه غايب ؟
ليه ناسي ؟
وش علامه !!
قلبك اللِّي إشتاقْ لِي وشوقي يفُوق!!

رحتْ عَنِّـي
وقلبي ما كَمَّلْ كلامه
سَاعتِكْ .. .
ما عِندهَا تقدير وذوق
بالسلامهـ ..
وأدري ما فِيها سلامه
مِنْ يفارقْ عينكْ (الحِلوَه) ويروق !

لا تقول: الحَلْ إنِّكْ تِلقَى لِكْ,
عاشِقْ غَيور
إنْ حَبِّتِكْ عِينه ترى ..
ما حَبِّتِكْ
عِين الدهر !!

ماني متخيِّل
أشوفك مو معاي !
ياللي تسوى في عيوني
" كل شي " !

لو يقولوا ..
[ يا أموت أو أتركك ] ....؟!
والله إنِّي من غلاتك ..
راح أموت !!

{.. مدخل

لأنك تنتعش فيها ؛؛
ابكتبها هنا لأجلك ...!
وكل ما ضاق - بك - صدرك ؛؛
ت [ع] ال وانتعش فيها ...!

تقول : آسف ..؟! يا خلف الله !!
بقى ب ( وجه ) التسامح / دم ...؟
أسامح كل شي إلا الخيانه , ونشوة إعجابك

أنا .. يا لك أجي واحد يساوي في عيونك كم
وإلا ما أجي عندك وأغير , ناتج أحبابك

تجيني .. والندم واضح ولا أقدر أقولك : سم
لأن الجرح من شافك تضايق قال : وش جابك

وإذا تحسبني برجع لك .. بلاش تفكر وتحلم
لأني مو مثل أول أحقق , رغبة أهدابك

قديمه لعبتك هذي .. وكفايه .. ما أبي أفهم
[ رجاءا ] ..
إبتعد عني أنا مو ناقص ألعابك

بقيت لي بغياب روحك ... مساكين !
...... عيني .. وقلبي .. والأمل ... والأماني !!؟ كن الثواني ... في غيابك سكاكين !
...... ليتك تذوق شوي .... / طعم الثواني ! القلب ماهو قلب والعين .. مو عين !
...... حتى مكاني ... ما أحسه ... / مكاني ! شفني على جال السهر أنطرك لين !
...... حسيت بان الجال .. / يصفق عشاني ! مديت قلبي ! قبل لاآمد ...... يدين !
...... وطلبت كلي ! . قلت : جالك .. هذاني !

والحين شفنا وين !؟ .. واحلامنا وين !
...... ضعنا اندور ... للسعادة ....../ مواني ! وش بيننا !؟ إلا التعب واسود البين !؟
...... وشي لعب في حسبتي .. واحتواني ! كل شي بكاني من غيابك إلى اللحين !
...... حتى عدوي ! .. من غيابك ../ بكاني !! ماعاد تفرق جرح واحد ! ... وجرحين !
...... الموت واحد .. له عذابك .... / خذاني ! ياصاحبي .. يكفي غيابك .. وبعدين !؟
...... ماخفت ربك بس ... أنت و زماني !؟

ماني أول من يحب ومنت آخر شخص خان
المحبه في زمانك [ بحرها ] من غير مينه

[ الفشل ] .. كان النتيجه وأعتقد آن الأوان
أبني مستقبل حياتي وأنسى قصتنا الحزينه

خطوتي الأولى غيابك , راح أطبقها عشان
يبكي قلبك لا فقدني والندم .. يملي سنينه

جاي تسأل عن مكانك !! هو بقى فيني مكان ؟
الله يرحمها المشاعر اللي كانت لك رهينه

قلت لك قلبي [ مدينه ] فيها لك حشمه وشان
لكن إنت الحين أغرب شخص في هذي المدينه










ما أبي من زود حبي .../ أربكك !
لما تسألني أحبك ..؟ قلت أموت !!

إنت مثل الحلم ولما أمسكك
أدري إنك واقع / وتطري البيوت ..

يا عيون الريم وشلون أشبكك ؟!
من يشوفك قال : ما شا الله توت ..!

إنت فكره و ماني قادر أحبكك
فوت في قلبي .. بلا إستئذان فوت !

في حياتي ,, صرت دايم ( أدركك ) !
أشبعك وأجوع لك وأعطيك قوت

لو طريقك يتعب القلب أسلكك
بعد صوتك ما يعوض أي صوت !!

أدري يا قلبي .. غيابه / يهلكك ..
داخلك عايش .... وفي حالة ثبوت !

كيف أعبر عن شعوري و أملكك ؟!
خايف أتكلم .. يداهمني .. السكوت !

لو يقولوا .. [ يا أموت أو أتركك ] ....؟!
والله إني من غلاتك .. راح أموت !!

كذب .. من قال : ما أحبك .! , وفيني ( ما أظنه ) حس ......
كأنه حبنا : جيش كبير : وحضرته / جاسوس !!

حبيبي . . .
طالبك لقن عذولي , و , حاسدي كم درس .....
أبي ترجع و تقراني من عيوني بلا قاموس ,

يا غالي . . .
وش تبي أكثر ؟ يا (( سادس )) هـالحواس الخمس !
فراقك حلم أزعجني ويجيني دوووم ه الكابوس ,

غيابك : ليل : يا وجه القمر , وإلا , يا طهر الشمس .....
سواد / وظلمة عيى يفيد ..... ويضوي الفانوس

كسرني البعد , و , أشواقي !! رغم إني عزيز النفس
حبيبي . . .
كل ما أنسى ! يذكرني بك الطاووس

عليك شلون ما أزعل؟
وتسوي أشياء تجرحني !
تضايقني ب أفعالك ..
وتظن إنك مفرحني ؟
تسود وجهي ب طعونك ..
وتبيض ( وجه ) أحزاني ..!
[ ياليت ] اللي حصل منك ..
حصل من واحد ثاني !
مثل غيرك ومنت غير ..
جرحت جروح ما طابت ..!
هقيته فيك يطلع خير ..
ولكن هقوتي خاااابت
صدمني الكل ..
ومو ناقص !
بعد منك تجي صدمه
تحطها بذمتك ( عادي )
وسيعه صارت الذمه !
بسيطه كانت أحلامي ..
توقعتك تحب لي الخير
وتدور .. راحة أيامي !
وأشوف إن الحقيقه غير ..
تحب الخير ل جروحي ؟
حبيبي الوقت ما قصر
وكلمة حق .. يا روحي :
( جميع الناس تتغير ) !!!

أحبك ( لا ) ما أبيها !
أبي أكثر من [ أحبك ] ...
ومدامك دنيتي فيها
حبيبي ما أبي أكثر !

قدرت أنسى جميع الناس
وفعلا صرت أنا ناسي ..!
يا ماخذ مني الإحساس
أبي أنساك ....
ما أقدر !!
معاي إنت أكون بخير
وقلبي حيل مستانس ..
عن العالم حضورك غير
وفيك [ الكل ].. متأثر !

تبي تقسى تبي تبعد ؟
وأنا أشتاق لك وياك !
تعال إن جابك الموعد
أنا ما أبيك ( تتأخر ) !

حزين القلب ب غيابك
وفيه الجرح ما يصغر
أقول أشفى مع المده !
وأشوفه يكبر ..
و يكبر .....!

مخرج..}

أ
ح
ب
ك
× لا عدمتك حب ×
وجعلي فدوه لك
يا
’ كل اللي بقى لي ،
و يا
’ بعد اللي حوآليي ،

:

نعم ....... . دوّختني !! , قول : اشبلاهم ؟! :
" ترى " الراحه " من الحسَّاد ( راحت ) .... .
أبيك , الحين تسكِت - أششـ / بلا : هم ! -
أنا من وقت . . . عيني . . . ماستـ[ راحت ]

:






:

- كيف " أحللها ! " على نفسي و ..... هي
: طاهره : و تِحْرَم على ( كل الوجود )
ليتها الدنيا على ماتشتـ/هي . . .
من كثر ما تدعي في [ وقت السـ جود ]

:









:

في البدايه .. قلتي : والله إنتـ فاارق
وللـنهاية " درب موحش " , و إختـصرتي .
كان ما دمتي [ حبيبه ] ؟ لا إنتـفارق
يعني لو ما صرتي / حُبي ؟ .. إختـ صرتي !

:







:

أنا للحين أقول إنك " حبيبي " .. وما أقول ( الحق ) !
وكل ما أحبس الضيقة بـ صدري ؟ - أفرج الكلمات .
أشوف [ الموت ] وما أقدر بـ هاللحظة أقول : إلحق
أنا وقلبي وأحاسيسي . . . عشانك . . . عشنا والكـلـ / مات

: