اشتقت لك يابلسم جروحي

بارت 9
في يوم الاربعاء ـ في المستشفى الساعه 12ونص الظهر
كانوا لمياء وصبا بسااابع نومه لانهم ماناموا الا متأخر من السهر ،
كان جوال صبا يرن وصبا انزعجت من الصوت تبي تنام زيين ، رفعت الجوال ترد وهي مغمضه عيونها تقريبا نص نايمه ونص صاحيه ، ردت وهي ماتعرف مين اللي داق ؟؟
صبا : الو ...
فيصل : هلا والله براعيه الألو ..
صبا : فيصل ؟؟
فيصل : بشحمه ولحمه ..
صبا وهي تتثاوب : فيصل انقلع ابي انام ...
فيصل : افا افا وهذا وانا باقول لك خبر يفرح يا عرووس ...
صبا : عروس !! ، فيصل وش قاعد تخربط انت ؟؟
فيصل : صبا انا ما اخربط ، مازن اليوم كلم ابوي واتفق معاه على وقت الملكه ..
صبا الى الآن ما استوعبت اللي يقوله فيصل وتوقعت انها بحلم للحين : طيب طيب يلا انقلع بنام ...
سكرت التلفون بوجهه وحطته على الطواله وكل هذا وهي ما استوعبت اللي سمعته ، قعدت 10 دقايق على السرير ،
وفجــــــــأأه ، نطت من السرير وفتحت عينها واستوعبت اللي صار ، دقت على فيصل مره ثانيه اللي رد عليها وهو يقول : ههههههههههه ، اخيرا استوعبتي يا عرووس
صبا منصدمه الى الأن : فيصل ، فيصل انت صاحي ، عد الكلام اللي قلته قبل شوي عده ... !!!
فيصل : ههههههه يا حليلك ، اقول مازن قبل شوي راح لابوي وقال له يبي الملكه بكره ...
صبا بصدمه : إيــــــــــــــــش ؟؟؟ !!!!
فيصل : ههههههه ، صدق او لا تصدق ، تخيلي ؟؟
صبا : فيصل ولد خالتك ذا صاحي !! وشو بكره وانا وين رحت ولا اخذتوا رايي على طول قررتوا بكره ؟؟؟
فيصـل : وشو انتي الله يهديك ما ناخذ رايك والحين انا داق وشولوه هآ ؟؟
صبا وفيها الصيحه : فيصل الله يعافيك وشو بكره ما جهزت شي ؟؟ حرام عليكم لا لا مستحيل بكره توني ما استعديت ..
فيصل : وليش ما استعديتي ؟؟ الفستان وجاهز له اسبوعين مخلص ، ماعندك شي؟
صبا : حتى ولو ، باقي المكياج والشعر والاكسسوار ، باقي اشياء كثيره ، وبعدين موب بس عشان كذا ، ما قلنا لأحد وانا ماستعديت نفسيا ...
فيصل : نفسيا !! ليش انتي بتاخذين بعبع هذا مازن !!
صبا : يووه فيصل الكلام معاك ضايع ، المهم هي كلمه وحده مستحيل بكره الملكه لو إيش م س ت ح ي ل ،، فآآهم .. !!
فيصل : طيب ومتى تبينها يا آنسه صبا ؟؟
صبا : ما ادري اشوف بعد اسبوعين ثلاثه يسير خير ، خلني ارتب اموري واوضاعي وبعدين املك ..
فيصل : أحح ، اسبوعين ثلاثه ، شلون بقول لمازن كذا ؟؟ ، عز الله بينهبل !!
ابتسمت صبا وقالت : كيفه مالي دخل اقل من اسبوع مستـحيل ..
فيصل : طيب طيب خلاص ، الا انتي متى بتجين البيت ؟؟
صبا : اممم ما ادري بشوف لمياء هي ودها تطلع اليوم من المستشفى بنتفاهم مع عمي واشوف ، يلا فيصل مع السلامه ..
فيصل : مع السلامـه ..
اول ما سكرت صبا من فيصل ، نقزت لسرير لمياء وهي تهزها وتقول : لمياء قومي قومي لمياء بسررعه ماتصدقين وش صاار قومي ..
لمياء فتحت عيونها شوي وقالت : يوووه صبا وش فيك خليني انام ..
صبا : لمياء قومي ، هذا موب وقت النوم تخيلي وش قال لي فيصل ؟؟
لمياء ورجعت تسكر عيونها : وشو .. ؟؟
صبا اخذت نفس وقالت : لمياء ، مازن يبينا نمـــــلك بكره .. !!!
فتحت لمياء عيونها فجأه من اللي سمعته وجلست زين على السرير وقالت : إيش ؟؟ وشلوون ؟؟ ليش ؟؟ وش صار ؟؟
صبا هزت راسها : تخيلي ،، يا ربيه ماني مصدقه ، لا لا مستحيل اللي صار ، يا ربيه ..
لمياء : دقيقه دقيقه ، وش السالفه الحين ... ؟؟
صبا : فيصل قبل شوي دق عليَ وقال ان مازن قبل شوي كان عند ابوي وقاله انه يبي ملكتنا بكره !! طبعا انا رفضت لو ايش تكون الملكه بكره مستحيل قلت لفيصل يقول لمازن انها مستحيل تكون اقل من اسبوع ..
لمياء : صبا ، رجلك هذا مهبوول ، تووه ماصار على رجعته 3 ايام قال بيملك ، لهالدرجه مستعجل ؟ ، وانتي ليش بتتأخرين كذا موب انتي ودك تتزوجين من زمان هاذي هي جت من الله ، انتي ماعندك شي !! فستانك من زمان مخلص ..
صبا : لميـاء ، بالعقل انتي الثانيه !! وشو بكره ؟؟ خليني استوعب الحين وارتب شغلي وبعدين السالفه كلها فستان !! ، الشعر والمكياج وهالخرابيط وين راحوا ؟؟ ، انا مابي ملكه أي شي ابي ملكه حلوه صح بسيطه بس ابي شي حلو ، ابي بوفيه واعزم القريبين واستانس ، مابي شخطه توقيع وخلصنا ..

لمياء : ايه صح نسيت انك صبا ماترضين بالقليل والبسيط ههههه ، طيب يعني متى تبينها ؟؟؟
صبا : ما ادري اقل شي الخميس الجاي اقل من كذا مستحيل ..
لمياء قامت من سريرها تروح للحمام : طيب يلا اجل بتروش الحين وانتي كلمي ابوي يكتبلي خروج عشان نلحق من اليوم نتجهز انا وياك ، قدامنا اسبوع واحد ..
صبا : طيب انا باغير ملابسي واكلمه ، وانتي استعجلي اوكي ..
لمياء : اوكي ..
دخلت لمياء الحمام تتروش وصبا غيرت ملابسها وكلمت عمها تقوله عن خروج لمياء وبلغها عمها انه نص ساعه وهو عندهم ..
بعد ساعه كانوا صبا ولمياء متجهزين ، لبسوا عبايتهم واخذوا شنطهم الصغيره ينتظرون عمهم يوقع ويجيهم وطبعا بعد طلعه الروح وافق الدكتور وسمح للمياء تطلع بس ترتاح بالبيت فتره ، بالسياره كانت لمياء اللي تعبانه شوي مسنده راسها ومالها خلق تتكلم او تتحرك ، نزل ابو نواف صبا بيتها وراح هو بيته ..
بعد صلاه العصر من نفس اليوم ، نادى ابو فيصل وام فيصل بنتهم صبا وبلغها ابوها برغبه مازن في ان الملكه تكون بكره ..
صبا : يبه انا آسفه ممكن تقول لعمي وولده ان الملكه اقل من الخميس الجاي لأ ..
ابو فيصل : ليش يا صبا ؟؟ عندك شي ما خلصتيه ؟؟
صبا : ايه يبه في اشياء كثيره ما رتبتها ، وانا الصراحه وودي يكون فيه بوفيه ومعازيم من اقاربنا خوالي واعمامي على الاقل ، ان سمحت يبه الله يعافيك قله باجل الملكه ..
ابو فيصل : خلاص حبيبتي مالك الا اللي يرضيك ، وانا بكلم ابو مازن وان شاء الله انه ما يخالف هو ومازن ..
صبا بنفسها ( غصبا عنه ما يخالف هالمازن ) : طيب مشكور يبه ، بالإذن ..
.................................................. ...............
في بيت ابو نواف ، كانت لمياء قاعده مع اهلها بالصاله هم كلهم قعدوا بالارض الا لمياء ، فراس وجنا اصروا تقعد على الكنبه ووراها ميه مخده وحطوا طاوله قدامها تحط رجولها فوقها ، كانت مستانسه اخوانها مدلعينها على الأخـير ..
لمياء : ههههه ياحليلكم اذا كذا بتدلعوني ان صار لي حادث اجل كل يوم برمي نفسي بالشارع ..
ام نواف : هـوً بسم الله عليك يا بنيتي ، اذا عالدلع كل يوم بندلعك بس بـلّيه ترمين نفسك بالشارع ..
جنا : ايوه هي كل يوم دلع وحنا ؟؟ وين رحنا ؟؟ شوفي يا لمياء اليوم بس دلعناك ونلبي طلباتك لكن من بكره بتدلعيني وتلبين طلباتي و نفس الشي فراس ، حنا ماندلع ببلاش ..
لمياء : هههههههه ، وانا اقول من وين الطيبه نزلت فجأه !! اثر السالفه وراها مصالح ، ايه ان شاء الله مررره بدلعكم انقلعوا بس ، واذا على دلعي خلاص شكرا باعتمد على نفسي باقي اليوم ارتحتوا ..
نزلت رجلها من فوق الطاوله وقامت من الكنبه وقعدت جنب ابوها وقـالت : هاا شفتوا انا مافيني الا العافيه وما احتاج لدلعكم ..
نواف : ههههههه ، الا اقول يبه انت ماقلت شي لمشاري عن حادث لمياء صح ؟؟
ابو نواف : لا ما يحتاج نقوله البنت ماصار لها شي كبير اخاف يخاف عليها ، ولا لازم نقوله يا لمياء ؟
لمياء : لا لا ما يحتاج زي ماقلت يبه ان مافيني شي لا تكبرون الموضوع ، الا سمعتم بالخبر الجديد ..
جنا : وشو ؟؟
لمياء : مازن ولد خالتي كلم زوج خالتي ابو فيصل وقاله انه يبي ملكته هو وصبا بكره !!
فراس : ايه صح قال لي فيصل اليوم ، بس وراه مازن مستعجل توه ماله كم يوم على رجعته !!
نواف : طيب وصبا وافقت .. ؟؟؟
لمياء : طبعا لأ ، تقول تبي ملكه حلوه وتستانس فيها موب أي خرابيط وبعدين هي ما جهزت عمرها ولا اشترت كل شي ..
ام نواف : طيب ومتى بتخليها صبا ؟؟
لمياء : ما ادري بالضبط بس تقول اقل شي الخميس الجاي ..
فراس : ههههههه اما هالصبا مستحيل ترضى بشي بسيط لازم تسوي اللي براسها
لمياء : نفس كلامي ، بس بعذرها تبي تستانس بملكتها وتفرح فيها ..
نواف حب يرفع ضغط اخته وينرفزها : طيب لمياء تدرين ان مشاري جا وقال لابوي يبي الملكه بعد يومين ؟؟
لمياء انهبلت يوم سمعت هالكلام من اخوها : هاااااا ، خير ان شاء الله خير على كيفه هو ؟؟ ( التفتت لابوها وكملت ) يبه من جده نواف يتكلم ولا يخربط ..؟؟
ابو نواف عارف اللعبه ويبي يلعب باعصاب بنته : ايه وشفيك من جده جاني امس الظهر وقال لي وانا وافقت الملكه بتكون بعد يومين ، عادي وش فيك خفتي ؟؟
انصدمت لمياء يوم سمعت هالكلام ولا درت انهم لاعبين عليها : و .. وافـققت يبـه ما ... مــااني مصدقه !!!
هنا فراس وجنا ما قدروا يمسكوون نفسهم من الضحك على شكل لمياء واضح انها ميته رعب : ههههههههههههههههههههههههههههههههههههههههههه
لمياء يوم ضحكوا عرفت انهم لعبوا عليها ، وقفت ومشت للدرج وهي تقول : هي هي هي مرره يضحكـ ،، سخيفه حركتك يا نوافوه .. بس تشوف ان ما خليتك تندم ..
اول مارقت اول درجه سمعته يقول : لا لا ياختي خوفتيني ، سوي اللي تبين ماهمني ..
لفت عليه لمياء وقالت بخبث : مايهمك حتى ... نوره ؟؟؟
نواف كان حاط يدينه ورى راسه ومغمض عيونه ، يوم سمع اسم نوره فز وقال : نوره ، وش دخل نوره فينا ؟؟
لمياء : لها دخل ونصين ، بااي ..
شخطـت على غرفتها وقام نواف يلحقها يبي يشوف وش تسوي ؟؟ وهو يرقى الدرج سمع اخوانه يضحكون عليه وفراس يقول : الله يعينك يا نواف عز الله منت مفتك من لمياء بتسويلك داهيه وتدخل نوره فيها شلوون ؟؟ الله اعلم !!
نواف صفطه وراح لغرفه لمياء فتح الباب شوي شوي وشاف لمياء واقفه عند التسريحه ومعطيته ظهرها وشكلها تكلم بالجوال وتقول :
نوره شوفي بقولك الحين شي يخليك تغيرين نظرتك لنواف ..
ايه ، انتي ماتدرين وش يسوي من وراك ..
لا لا غــير اعظم واعظم ..
ايه اسمعي اسمعي ..
تخيلي مره كان طالع للـ ...
قاطعها صرخه نواف وهو داخل الغرفه وقال : لــــــــــــــــــــــــــــــــــا ....
لمياء لفت وعلى وجهها ابتسامه خبث : ايه نوره هاذي جنا تصارخ ،، ايه وش كنت بقول ، تخيلي مرره أ ..
ما قدرت تكمل لأن نواف حط يده على فمها وناظرها بحقد وهو يقول بهمس : سكري
بعدت لمياء يده عنها ولفت عنه وقالت لنوره : نوره حبيبتي اكلمك بعد شوي ، يلا مع السلامه
لفت لمياء للنواف وسكرت جوالها وهي تناظره ببخبث : خــير ..؟؟؟
نواف قال بصوت خايف : حبيبتي لممو ، من جدك بتقولين لنوره شي عني ، انا حبيبك نواف اللي ماترضين عليه شي ، كذا تسوين فيني كذا !! عشان كلمه !!!
ما قدرت لمياء تتحمل وهي تشوف شكله الخايف كسر خاطرها انفجرت بالضحكـ : هههههههههههههههههههههه يا حليلك يا نواف مشت عليك اللعبه ههههههههه
نواف انهبل : ايووه ، كانت لعبه يعني وانا اللي خايف تقولين لها شي ..
لمياء : يا غـبي اصلا ما كنت اكلمها كنت متأكده انك بتلحقني عشان كذا سويت نفسي اكلم نوره ، وبعدين تعـال انت سويت شي غلط يخليك تخاف كذا خلك واثق من نفسك ما دامك ما غلطت ..
نواف : حتى ولو ... وانا وش دراني فيك تقولين لها كذبه ولا نصب من راسك ، وبعدين ترى حركتك اقوى من حركتـي ..
لمياء : المهم انها وحده بوحده انت لعبت علي انا العب عليك ، اقوول اطلع يلا ابي اقعد بغرفتي لحـالي ..
نواف وهو يلف يبي يطلع : ان شاء الله عمتي ، وترى بنروح حنا العيال لبيت خالتي ابتسام ( ام نوره ) عازمتنا عندها بعد العشاء تجين معنا ..؟؟
لمياء غمزت له : رايح عشان حبيبه القلب هآآآ ؟؟
نواف : اقوول بلا هرج بتجين ولا لا ؟؟
لمياء : ما ادري اذا كانت صبا بتجي باجي ..
نواف : طيب ، قوليلي قبل اذا بتجين ..
طلع نواف من غرفتها ، اما لمياء فتحت الاب توب وعلى الماسنجر ....
.................................................. ...............

بعد العشاء ، اجتمعوا العيال اللي هم نواف ، فراس ، فيصل ، مازن ، ماجد ، خالد ..
اما البنات ماكان فيه الا صبا ولمياء اللي جوا واصلا هالجمعه بس للشباب على قوله خالتهم ..
ام محمد ( خاله ابطالنا حرمه طيبه وحبيبه اكبر عيالها محمد اللي بعمر نواف ومتزوج يسكن هو وزوجتـه سمر بنفس البيت لهم على زواجهم سنه وزوجته حامل ، بعدين نوره اخر سنه جامعه ، نوره بنت مرره ناعمه وكيووت ملامحها صغيره وناعمه دايم تستحي ولا تتكلم كثير من زمان وهي مخطوبه لنواف والملكه بتكون قريب ، بعدين نهى اللي بسنه اولى جامعه هاذي نهى خفيفه دم وروحها حلوه ، بعدين ريما اللي بثاني متوسط )
ام محمد بمجلس الرجال : يا هلا والله بعيالي اسفرت وانورت ، والله جمعتكم توسع صدري وتونسني ...
محمد كان يصب القهوه لمازن ويقول : ترى هالكلام لك انت بس ، بس هي تتكلم بالجمع عشان الباقين ما يصيحون ..
الكل : ههههههههههههه
ام محمد : محمد اهجد واللي يعافيك وفكنآ من شركـ ..
فيصل : إيه والله انت لو تهجد تريحنا وتريح العالم كله بسكوتك ..
ام محمد : ماشاء الله محمد عكس نوره هذا بآلع راديو وهذيك ماتتكلم الا بالقطاره ..
الكل : هههههههههههههه
.................................................. ...............
اما عند البنات كانوا صبا ولمياء بغرفه نوره ومعهم نهى ...
صبا : اقوول نهى وين ريما وسمر ( زوجه محمد ) ماشفناهم ؟؟
نهى : سمر رايحه لبيت اهلها ، اما تبين ريما تقعد معنا ، اظنها قاعده بغرفتها كالعاده تكلم وحده من صديقاتها هالبزر ماتدري وين الله حاطها ؟؟
صبا : انتي كل الدنيا عندك ماتدري وين الله حاطها ، كل ماشفتي احد ولا تلكمتي عنه ، ما ادري وين الله حاطه ، ما ادري وين الله حاطها ؟؟
لمياء ونوره : ههههههههههه
نهى : لا واللي يعافيك عاد انتي اللي ماشاء الله ماتقصرين وسالفه اليوم وش صار عليها .. ؟؟
صبا : أي سالفه ؟؟
نهى : يعني ماتدرين ؟ سالفه الملكه يماما ..
صبا : يووه حتى هنا انتشر الخبر وهو ماله يوم ؟؟
نهى : يماما نسيتي ان خالاتي وكاله رويتز أي شي يسير كل القبيله تعرفه ، وعاد تعرفيني انا اذني تحكني ان ماقطيت سماعات عند امي وهي تكلم بالتلفون وبكذا عرفت ان السالفه فيها انتي ، وبعد التحقيق تم اكتشاف الامر ..
صبا : ههههههههههه اما انتي نهى تنفعين تسيرين بالاستخبارات الاميركيه بيستفيدون منك كثير ..
لمياء : ههههههههههه ولا عاد يخلونها برج المراقبه احسن .. ههههههه
الكل : هههههههههههههه
نوره : ايه صح صبا متى بتخلين الملكه ؟؟
صبا : اليوم فكرت انا وامي متى نخليها وقررنا الخميس الجاي ان شاء الله وترى انتم اول الناس جايين مفهووم ( لفت على لمياء ) ترى من بكره انا وياك من العصر بالراشد اوكي ..
لمياء : ههههههه وهالمره صدق بنروح الراشد ..؟؟
صبا فهمت عليها : ههههههه لا صدق ..
نوره : اجل صبا ماراح يمديني افصل فستان للملكه وش اسوي ؟؟
نهى : وليش تفصلين واحد جديد ، دولابك ملياان فساتين جديده مالبستيهم ابد وفظيعين ينفعون لملكه صبا ..
نوره : بس صبا موب أي احد عشان البس من عندي ، لازم افصل للملكه فستان
صبا : وشدعوه عاد البسي أي خرقه عندك وخلص الموضوع ..
لمياء : لاتخافين بقوول لنواف انك تهـبلــــــــين ..
نوره استحت وضربت لمياء على راسها : اعقلي يابنت ..
الكل : هههههههههههههه
.................................................. ...............
بعد ساعتين من الجمعه الحلوه تعشوا الكل وبعدها قعدوا شوي قبل ما يروحون البيت ، فراس واللي كان يسولف مع ماجد دق جواله شاف الرقم ورد ..
هلا والله عامر ..
أيه الحمدلله وانت ؟؟
اممم لازم الحين ، أجل الموضوع لبكره
طيب طيب هذاني جاي
لا لا عادي
يلا مع السلامه ..
وقف فراس وانتبه مازن له وقال : وين يابو الشباب ؟؟
فراس : والله بروح الحين واحد من الجامعه متصل يبيني اروح اطبع اوراق للبحث الاخير وملزم الحين لان ماعندنا وقت ...
فيصل : طيب اصبر شوي حنا كلها نص ساعه ورايحين امش معنا ..
فراس : والله ما اقدر ( التفت يدور خالته ) الا وين خالتي بسلم عليها واطلع ..
راح عند باب المجلس وطق الباب : خـالتي ،، خالتي ...
ام محمد كانت بالمطبخ لما سمعت فراس يناديها تركت اللي بين يديها وراحت له ..
ام محمد : هلا فراس وش بغيت ؟؟
فراس : خالتي انا بامشي الحين ، الله يجازيك خـير استانسنا بهالجمعه الحلوه معك
ام محمد : وين بدري اقعد شوي وبعدين رووح ..
فراس : والله شسوي خالتي ضروري بروح ، ( لف لمازن ) اقووول مازن باخذ سيارتك اروح فيها طيب ..
نواف : وليش ان شاء الله ماتروح بسيارتك ؟؟
مازن : يعني عشان سيارتي جديده مالها يوم تبي تفرفر فيها هاآآ ؟؟
فراس : ماشاء الله عليك عرفتها ..
مازن : خلاص خذها وانا بروح مع اخوك او فيصل ..
ماجد : اجل مازن انت رح مع فيصل وحنا مع نواف طيب ..
مازن : خلاص طيب ..
فيصل : الحين كل واحد فيكم يعزم الثاني على سيارتي وانا مالي رايي سيارتكم هي؟
الكل : ههههههههههههه
مازن : لا انت الخير والبركه ، بس عاد انا اعطيك خبر موب استئذن منك ..
فراس : هههههههههه يلا بس انا طالع ..
طلع فراس واخذ سياره مازن ، الباقي قعدوا نص ساعه زياده وبعدها اتصل نواف وفيصل على خواتهم عشان يطلعون ..
صبا كانت توها مسكره من فيصل وقامت تلبس عبايتها ..
نوره : ليه عاد تو الناس بدري ؟؟
صبا : وين بدري ؟؟ الساعه بتصك عشر وحنا ماطلعنا ، بس الحمدلله استانسنا الصراحه الجمعه مررره فله ..
لمياء قامت بعد : وهذاني انا بعد بلحقك يقول نواف ان ماجد وخالد بيجون معنا ، وانا وين اروح وين اضف وجهي ؟؟
صبا : هههههههه تعالي معنا ..
لمياء : اممممممم ماعندي الا انتي ، يلا اجل ادق على نواف واقول له ..
دقت على نواف وعطته خبر ان صبا بتوديها بيتها ، لبسوا البنات عباياتهم واول ما طلعوا برى شافت صبا مازن راكب قدام جنب فيصل بسيارته ، استغربت وقالت للمياء بهمس : وش جابه ذا الحين شلون بركب السياره وهو موجود ؟؟
لمياء : عادي يا بنت الحلال وشفيها !! اقوول بس اركبي ..
ركبوا البنات ورى : السلام عـليكم ..
مازن وفيصل : وعليكم السلام ..
فيصل : حركاات لمياء معنا ، وينك ياختي من زماان ما جيتي عندنا ولا كلمتينا ؟؟
لمياء تهمس لصبا : وشلون من زمان عنها وهو امس شايف وجهي وشايلني ..
لمياء : السموحه منك يافيصل ماحصل لي اجي عندكم دايم ، الجايات اكثر ان شاء الله ...
صبا : ههههههههههه
فيصل : سلامات صبا ليش الضحك ؟؟
صبا بصوت واطي : لا ولاشي ..
فيصل حاس ان صبا ولمياء يضحكون عليه ، فقرر يحرج صبا واسهل شي لكذا مازن ..
فيصل : ايه مازن قالك ابوك ان صبا رافضه الملكه ..
صبا بقلبها " رافضه ياكبرها عند الله انا اجلتها وانت خليتها رافضه تشوف يافيصل تشوف "
مازن : ايه ادري وهي حره تخلي الملكه أي وقت تبيه ، وانا جاهز باللي تامر فيه ..
لمياء همست في اذن صبا : ياحليله رجلك فشل اخوك خخخ
صبا بنفس الهمس : ههههه ، يعجبك ..
فيصل : بس مازن يرضيك الملكه تكون بعد شهر ؟؟
مازن باستغراب : شهر !! انا سمعت من امي انها الاسبوع الجاي !!
فيصل : اول قالت الاسبوع الجاي والحين غيرت رايها
صبا انقهرت من فيصل وعرفت انه يبي يفشلها قدام مازن ، عشان كذا قالت بصوت عالي : مازن ماعليك من فيصل الملكه ان شاء الله بتكون الخميس الجاي اذا ودك ؟؟
مازن ابتسم عليها وقال : والله الود ودي الحين ...
سكتت صبا وفضلت ماترد عليه اما لمياء كانت ماسكه نفسها لاتضحك على شكل فيصل المنهبل من تصرف صبا الجريء ...
سكتوا 10 دقايق بعدين قال مازن : فيصل ترى ببدى دوامي السبت هذا ان شاء الله
فيصل : ليه ؟؟ انت المفروض دوامك بعد اسبوعين !! ليش الحين ؟؟
مازن : ابد طول وقتي فاضي وماعندي شي قلت ابدى الشغل احسن لي ..
فيصل : والله لو انا مكانك لما اتخرج سنه كامله ما امسك شي ، وانت على طول تبي تشتغل ياخي ارحم نفسك شوي ، استانس بعدين لاحقين على الغثا ..
مازن : هههههه عاد صار وقررت السبت ان شاء الله بداوم ..
فيصل : كيفك ..
بعدها وصله بيته ووصل لمياء بيتها وراح هو وصبا لبيتهم
...............................................

بعد اسبوع من الاحداث وتحديداً في يوم الملكه ، الساعة 9 ونص كانت صبا فوق بغرفتها معاها لمياء وصبا ميته رعب ، لبست فستانها و الكوافيره مخلصة منها من زمان كانت جاهزه ولمياء تحثها تنزل لانها تاخرت كل الناس من زماان جايين ، كانت الملكه لا هي كبيره مرره ولا صغيره عزموا الخالات والخوال والعمات والأعمام وبناتهم وعيالهم وصديقاتها المقربات ولأن البيت كبير كفى للمعازيم ..
لمياء كانت لابسه فستاان مرره نااعم وبسيط كان علاقي لونه احمر على عنابي تحت الركبه بشوي ماسك على جسمها وعند الخصر رابطه فيونكه ناعمه ولبست كعب على لون الفستان اما شعرها ما لعبت فيه كثير رفعت شعرها على فوق ونزلت خصل بالفير ، اما مكياجها كان ناعم نفس الشي ومابالغت فيه ، لمياء طلعت مرره كيووت وناعمه بالفستاان وكثير عجبتهم على بساطه الفستان كانت طالعه فيه خياال تهبل ..
اما صـــبا العروس ..
كان فستانها من قدام لنص البطن كله زخارف شكلها كانها الماس متداخل مع زخارف سوده وبعدين من تحت طاغي عليه اللون الاسود وفيه لمعه بيضه ، كان مخصر على جسمها وطويل له ذيل قصير من ورى ، مع كعب ابيض ، وشعرها فاتحته ومسويه فيه فير ولان طوله لتحت الكتف بشوي طالعه عليها التسريحه خياال ، والمكياج كان بسيط وناعم ومعطيها حلاوه ونعومه ، كانت صبا بذيك الليله ملكه جمـال .. !!
طبعا صبا كانت معصبه من شي واحد هي كانت مفصله مع الفستان شـال ولما لبسته لمياء وبنات خالاتها قالوا لها افصخيه احلى بدونه مغطي على شكله الفستان ومخربه وهي طبعا رفضت وبعد الاقناع وافقت بالمووت ..
صبا بغرفتها كانت متوتره ومرتبكه لدرجه كبيره شوي وتصيح ، توها امها طالعه من عندها بعد ماوقعت وصارت زوجه مازن ، لمياء تحاول تهديها وتهون عليها..
لمياء : صبا يلا امك تقول الزفه بتبدى يلا بسرعه خلاص تاخرتي ..
صبا شوي وتصيح : لمياء مابي مابي انزل خلاص موب لازم ملكه ..
لمياء : صبا وش هالكلام .. ( مسكت يدها بقوه ووقفتها بالغصب ) يلا بسرعه بقول لنهى يشغلون الزفه وانتى وقفي عند الدرج واستعدتي يلا ..
مشت صبا شوي شوي وهي تحس قلبها بيوقف طلعت من الغرفه ووقفت عند الدرج بس من بعيد يعني محد شافها اما لمياء نزلت وراحت لخالتها ام فيصل : خالتي يلا صبا جاهزه نقول لمازن يدخل ..
ام فيصل : يلا انا بكلم فيصل واقوله يخلي مازن يدخل بالصاله وانتي قولي للناس تتغطى وتبعد عن الكرسي اللي بيقعد مازن وصبا فيه ..
لمياء : ان شاء الله ..
راحت لمياء وعلمت الناس ان المعرس بيدخل اغلب الحريم اللي ماهمتهم مرره الزفه راحوا للمجلس الثاني واما البنات لبسوا عباياتهم ينتظرون صبا تنزل ، لمياء لبست عبايتها وتلثمت وراحت فوق عند صبا اللي واقفه ترتجف ..
لمياء : ها صبا خلاص جاهزه مازن الحين بيدخل ..
صبا ماتت رعب : لاتقولين ، لا لا مابي ..
مسكت لمياء يد صبا وقالت : تعوذي من الشيطان مافي شي ، يلا بسم الله ، انا بسكر الانوار واشغل نور الدرج الخافت واول ماتسمعين الزفه توكلي وانزلي انا بكون تحت عند نهايه الدرج لاتخافين بكون قدامك طول الوقت ،( باستها على خدها ) يلا حبيبتي الف الف مبروك يا حرم مازن ..
ابتسمت صبا بصعوبه وقالت : الله يبارك فيك ..
سكروا كل لمبات الصاله وشغلوا النور اللي على الدرج ، بدت الزفـه بموسيقى استمرت شوي ، وبعدهـآآ طلعت صبا ونزلت الدرج شوي شوي على زفه ( لمعه الالماس ) اول مازلت صبا كل البنات زعرطوا لها وصوروا ..
وصلت لآخر الدرج وقدامها مازن قاعد على الكرسي مبهور بجمالها ، تغيرت له صبا كثير وزاد جمالها عن اول بميه مرره ، طالعه ناعمه وتجنن ، ¬تقدمت لعنده لما خلصت الزفه وهو وقف سلم عليها وقعدوا جنب بعض ، صبا كان بيوقف قلبها من الخوف ، اخيرا .. اخيرا جا اليوم اللي تكون فيه جنب مازن ، اليوم صارت زوجه مازن ، وهذا هو جنبها وهي حلاله خلاص ..
مازن : الف مبروك صبا ..
صبا بصوت واطي وهي منزله راسها : الله يبارك فيك ..
لمياء دمعت عينها وهي تشوف صبا اختها قدامها قاعده بملكتها لفت يمين لقت ام صبا تدمع راحت جنبها وقالت بصوت واطي : خالتي مايسير تصيحين لاتزعلين صبا ، افرحي خالتي افرحي ..
ام صبا : والله يابنيتي هاذي دموع الفرح هاذي بنتي الوحيده حبيبتي هاذي اشوفها اليوم قدام عيني ولاتبين ادمع لها ..
لمياء : معليش خالتي عشان صبا لاتصيحين قدامها ..
ام صبا : ان شاء الله
مسحت دموعها وتقدمت لصبا ومازن وباركت لهم ونفس الشي ام مازن راحت تسلم عليهم ، لمياء ماتحملت تسكت ، راحت زغرطت بصوت عالي وهي تناظر صبا اللي ضحكت على لمياء ، دخل فيصل وابوه يسلمو على صبا ، تقدم ابوها لها وحب جبهتها وقال : مبروك حبيبتي الف مبروك ..
وهي بدورها حبت راسه : الله يبارك فيك يبه ..
تقدم لها فيصل وقالها بإذنها : الله الله كل هالجمال لمازن .. ارحميه شوي ..
استحت صبا ولاردت عليه ، هو ضحك عليها بصوت واطي وحب جبهتها وقال : الف مبروك صبا تستاهلين ..
لف لمازن وقال : مبروك مازن تستاهل صبا والله يوفقكم ..
مازن : آمين ، والله يبارك فيك وعقبالك إن شاء الله ..
طلع فيصل مع ابوه ولمياء تقدمت وهي متغطيه راحت عند صبا وحظنتها وهي تقول لها بهمس : ماقدرت اشوفك حلوه كذا ولا اضمك ، الف الف مبرووك صبا
صبا : ههه كم مره قلتيلي هالجمله اليوم ..؟؟
بعدت عنها لمياء : وطول العمر بقولها لك ..
صبا : يا بعد قلبي انتي ، الله يبارك فيك والدور جاي عليك ..
بعدت لمياء عنهم وراحت تجيب الشبكه اللي كانت على الطاوله البعيده حطت العلب قدامهم على طاولتهم ورجعت مكانها تصور ..
مازن فتح العلبه الأولى اللي هي الدبله مسك يد صبا البارده من الخوف ودخل الخاتم باصبعها وقرب يدها لفمه وحبها ، استحت هي لما سوى هالحركه قدام بنات خالاتها و رجعت يدها بسرعه لحظنها ، مازن ابتسم لها وفتح العلبه الثانيه واللي كانت سآعه الماس مرره فخمه وتجنن ، دقايق وكانت الساعه على يدها ، فتح العلبه الكبيره واللي كانت طقم الماس بعد ، بلعت صبا ريقها وقالت بنفسها : ياويلي بيلبسني كل ذا .. ؟؟
اول شي اخذ مازن عقد الالماس ولفت صبا على جنب عشان يقدر يسكره ، اول ماسكره همس بإذنها وقال : تهبلـين حبيبتي ..
هنا صبا راحت فيها من الحيا وصار وجهها احمر ، حمدت ربها انه همس بإذنها ولا قال قدام الناس ، لفت عليه واعطاها ابتسامه ذوبتها ، رجع يلف على الطقم واخذ الحلق ، وهنا الطامه الكبرى ، صبا ماتت خوف شلون بيلبسها بتكون قريبه مرره منه ، وهو جنبها رايحه فيها شلون اذا حست بانفاسه قريبه منها !!
قرب مازن من اذنها اليمين وبدى يلبسها الحلق ببطء لأنه كان مستمع بقربها منه وماوده يخلص ، عكس صبا اللي ميته خوف وتبيه يخلص بسرعه ، خلص من اذنها اليمين ولفت عشان يلبسها الحلق الثاني بالاذن اليسار ، هنا صبا تمنت الأرض تنشق وتبلعها كان قدامها عيونها على عينه وهو يبتسم لها وهي ما تدري وش تناظر ولا تقدر تحرك راسها وتلتفت لانه قاعد يلبسها ، اول ماخلص حست براحه كبيره ، لبسها اخيرا الاسواره الروعه ، وبعدها بدوا البنات يزغرطون مره ثانيه ، وقف مازن واستغربت صبا ليش وقف ؟؟
مازن : يمه شوفي لي الطريق انا وصبا للمجلس ...
صبا هنا انهبلت !!!!!!!! للمجلس !! قالت بنفسها : يا ويلي للمجلس بقعد معاه لحالنا ، الله يعين ياويلي ..

وقفت معاه ومشوا للمجلس ، دخلت صبا المجلس الفاضي ووراها مازن اللي سكر الباب ، كانت ميته رعب ومرتبكه لها 5 سنين ماتكلمت معاه لحالهم ، قعد مازن على وحده من الكنبات وهو يناظرها يعني تعالي اقعدي ، تجاهلت نظرته وقعدت بعيد عنه
ضحك ضحكه خفيفه وقام : ودي اقعد قربك ممكن ؟؟
صبا ودها تقول لأ ، لا تقعد خلك بعيد .. بس قالت بصوت واطي وهي منزله راسها: اكيد ..
قعد مازن جنبها و هو يناظرها وبعدها مسك يدها وقال : شخبارك صبا ؟؟
استغربت صبا وش هالسؤال ؟؟ هذا سؤال يسئله الحين !!
لما شاف مازن انها طولت بالرد قال بابتسامه : شخبارك من بعد 5 سنين وانتي بعيده عني ؟؟
صبا فهمت قصده وقالت بصدق : زعلانه عليك ..
ابتسم مازن لها مازالت طفله بنظره ببرائتها وعفويتها : زعلانه علي ليش ؟؟
صبا : لانك .. لانك .. ما سألت عني ، توقعتك نـ.. نسيتني ..
مازن : انا انساك !! انسى العالم كله ولا انساك ، صبا حبيبتي انتي كنتي دوم فبالي ما غبتي عني ولا لحظه ، كيف انساك ؟؟
نزلت صبا راسها من الحيا وسكتت ..
مازن : ادري تضايقتي لاني ماكنت اتصل فيك ، لكن تاكدي ان غلاك بقلبي زي اول واكثر بعد ، ( رفع راسها بيده ) صبا ناظريني وشوفي عيوني وتعرفين الصدق..
ناظرت فيه صبا وشافت بعيونه حب ما ينوصف بالكلام ، نفس العيون اللي كانت تناظرها من قبل ، نظرات الغلا والشوق والحب ، هنا تأكدت صبا انه يحبها زي ماهي تحبه وهذا مازن حبيبها القديم ..
ابتسم مازن وقال : ها عرفتي الحين شلون احبك ..
صبا اكتفت انها ابتسمت له ..
مازن : طيب وانا للحين تحبيني ولا اخذ قلبك احد ثاني ؟؟
انصدمت من كلامه وقالت من كل قلبها : شلون احد ثاني غيرك ياخذ قلبي وانت اللي ملكته ، انا ولا عمري حبيت غيرك ولا راح احب ، مازن انا ..
دمعت عينها واستحت من الكلام اللي قالته ، نزلت راسها وماكملت ...
مازن مسح دمعتها باصبعه : يا بعد قلبي انتي خلاص دريت بحبك لي ما يحتاج دموع عشان تثبتين لي ..
ابتسمت صبا له وهو كمل : الا صبا وش هالجمال انا كنت ادري انك حلوه بس عاد موب كذا ترى اخاف اتهور بعدين ، خفي عليّ ، ماني مصدق ان قدامي زوجتي
ضحكت صبا ضحكه خفيفه .. وهي فرحانه لانها صارت زوجته وفرحانه اكثر لانها عرفت ان مازن يحبها مثل اول واكثر ..
بعد ماقعد مازن عند صبا شوي ، سلم عليها ووعدها يجي الاسبوع الجاي عندها وطلع ، بعدها طلعت صبا للحريم اللي راحوا يتعشون وتعشت بغرفتها مع لمياء وبنات خالاتها ..
وانتهت ليله الملكه وفرح صبا فيها مايوصف لانها صارت زوجه اغلى انسان عندها

.................................................. .............

هل راح تستمر فرحه صبا بملكتها ولا بيخرب عليها شي ؟؟؟
مازن بيقول لصبا عن عقمه ؟؟ وهل راح تتقبل المفاجأه وترضى ؟؟
لمياء ومشاري وسعادتهم ؟؟!
وهل راح يختفي ناصر من القصه وينتهي دوره بمجرد السجن ولا يرجع هو وجماعته ؟؟
احداث كثيره راح تكون بالاجزاء الجايه

بارت 10
في يوم السبت ، بعد يومين من الملكه ، وبالجامعه كانوا البنات صبا ولمياء واسماء ورنا ودلال قاعدين على وحده من الطاولات في فتره البريك ، طبعا كان كل حديثهم عن ملكه صبا واللي حضروها صديقاتها ...
رنا : انتم الحين خلوكم من صبا وفستانها وقولولي وش رايكم بمازن زوجها ؟؟ بالله موب يجنن ؟؟ آآآآه عذاب هالولد يجنن ماشاء الله ...
دلال :آآآه وش اقول انا ياختي وش ذا العيون ؟؟ ولا الخشم ؟؟ ولا الشعر ؟؟ ما اقوول الا ياحظك فيه ياصبا رجلك مزيوون ، وه وه وه يا ملحه ..
ابتسمت صبا على كلامهم وكلمه ( رجلك ) بس مثلت العصبيه وقالت : هاا عاد حدكم تتكلمون عن مزوني ترى هذا حقي انا ، بعدين ماشاء الله قازينه قز وهو ماطـول ، خييير ؟؟
اسماء : هههههههه ياختي وش نسوي اخوانا قروود والمزايين قليل ويوم شفنا مازن انهبلنا وش هالمزيوون وقعدنا نفصفصه من فووق لتحت ..
لمياء بغرور : صح مازن مملوح بس مستحيل يجي ربع ( بدلع قالت ) ميشو ..
رنا : ميشو !! مين ميشو ؟؟
هنا صبا فقعت ضحك : هههههههههههههه ، لا يكون ميشو مشاري ها لمياء ؟؟
لمياء : ايه ، عندكم مانع انتي ( وتقلد صوتها ) مزّوني ، وانا ميشو ..
رنا : ههههههه لمياء واللي يرحم والديك وشو ميشو !! خكري هو ؟؟ دلعي مشور مش مش ، موب ( بدلع ) ميشو ...
لمياء : وععع مش مش !! انا عاجبنـي ميشو كيفي حررره ..
دلال : هههه الحمدلله والشكر ، المهم ماعلينا ، ها متى بتخلون المــلكه يا حرم ميشو .. ؟؟؟
لمياء : اممم ، ما ادري ما قررت الى الان ، انا اقول الشهر الجاي بس ذي ( تاشر على صبا ) تقوول ان متأخر مرره ..
صبا : ايه والله وشو بعد شهر !! خليه بعد اسبوعين ، بعد الاختبارات على طول ، بعد شهر كل الناس بتسافر ..
رنا : ايه صح حنا اختباراتنا بتبدى السبت الجاي وبعدها على طول الملكه يكوون احسن تبكرين عشان انا بسافر ..
صبا : حركآآت ، ويين ؟؟
رنا : انا واهلي قررنا هالسنه نروح اسبانيا ، فظيعه هالبلد مرره رووعه ، وروحتنا بتسير بعد الاختبارات باسبوع ...
لمياء : اللـــــه اسبانيا يآ حظكـ ، ودي مره اروحلها ..
صبا بخبث : قولي لميشو تروحون لها شهر العسل ..
لمياء ضربت صبا على كتفها : انطمـي ..
اسماء تناظر ساعتها : اقوول بنات يلا المحاضره بتبدى ..
قاموا البنات من الكراسي ، مشوا كلهم وهم يتضحكون ، وفجأه وقفت لمياء تمسك راسها من الالم اللي جاها ، انتبهت صبا للمياء واقفه وراهم وماسكه راسها بالم ، قالت للبنات : بنات انتم اسبقونا على داخل وانا ولمياء بنلحقكم ..
دلال : طيب ننتظركم بالقاعه ..
دخلوا البنات ورجعت صبا للمياء : لمياء وشفيك ؟؟ راسك يألمك ؟؟
لمياء : ياربيه شكله صدااع بس مرره يالم شديد ...
صبا : طيب عندك بنادول ؟؟
فتحت لمياء شنطتها وطلعت حبه بندول : ايه هذا هو ..
اكلت لمياء الحبه بعدين قالت : امشي صبا يلا ..
صبا : متاكده انك بخير ؟؟ ليش ماترتاحين وكيفها المحاضره ..
لمياء بتعب : لا صبا عادي له فتره الصداع ملازمني تعودت عليه ...
صبا : من متى ؟؟
لمياء : تقريبا من قبل اسبوع ونص من يوم طلعت من المستشفى بعد الحادث ..
صبا : والى الآن ؟؟!
مشت لمياء وجنبها صبا : ايه الى الان ، بس بعد صارت تجيني حالات ارجع فيها كل اللي اكلته ..
صبا : غريبه وش جآك ..؟؟
لمياء : عادي فترات مرض بسيطه وتروح ، يلا ندخل ..
دخلوا بعدها لمحاضرتهم مع البنات ..
.................................................. ...............
في نفس اليوم ، بعد صلاة العشاء كان ابو فيصل وعياله كلهم متجمعين بالصاله يسولفون ..
بعد السوالف قال فيصل : اقول صبا ، مازن وده يجي يشوفك هالاسبوع متى تفضين؟؟
صبا استحت تتكلم بهالموضوع قدام ابوها : امممم ما ادري أي يوم عادي انا ماعندي شي ..
فيصل : خلاص بقوله الاثنين ، طيب ..
صبا : طيب ..
ام فيصل : الا صبا حبيبتي ، اختباراتك بتبدى الاسبوع الجاي يعني لازم تشدين حيلك شوي وتجيبين درجات حلوه زي ماعودتينا ..
صبا : ان شاء الله يمه ببيض الوجه لاتخافين عليَ، خافي على هذا ( تاشر على فيصل ) ..
فيصل يتصنع الدهشه : انــا !!! اصلا وانا مغمض عيوني بالراحه اخذ كامل ما يحتاج حتى مذاكره ..
صبا : ايه مرره كثر منها ، ماتحتاج مذاكره !!
ابو فيصل : اقوول عاد هاذي آخر سنه لك ، ابيك تشد حيلك وتتخرج عشان تتوظف بشركتنا ..
فيصل : احح يبه على طول رحت للوظيفه عطني استراحه سنه بعدين اتوظف ..
ابو فيصل : احلف بس ، مافي السنه الجايه بتداوم بالشركه تبي ولا ماتبي
فيصل بطفش : ان شاء الله يبه ..
اما صبا حطت يدها على فمها تكتم ضحكتها على التهزيئه اللي جت فيصل من ابوها، شافها فيصل وقال : ايه اضحكي وت***ري تشوفين ان ماوريتك شغلك ..
راحت صبا تجلس جنب ابوها ومسكت يده وقالت بدلع : ماتقدر تسوي شي مدام بابي جنبي ..
قلدها فيصل بصوتها : بابي جنبي ، الله يعافيك انتي وهالصوت اللي كانه ليفه تتزحلق على تايد ..
ام فيصل وابو فيصل ضحكوا على كلام فيصل ، اما صبا عصبت وقامت ترد عليه : ولا انت اللي اول ما اسمع صوتك من بعيد كانه كفرات مغرزه بالبر ...
مره ثانيه رجع الكل يضحكون من رد صبا الا فيصل اللي قال : قولي قآ ، اقوول يابنت انتبهي على دمك لا يثقل عشان ما يهج مازن منك من اول ليله ..
عصبت صبا بزيااده من فيصل وقالت بنفسها ( طيب يا فيصلووه ان ماوريتك شغلك ما اكون صبا ) : اقوول يبه ، في شي صار لنا انا وفيصل ماعلمناكم اياه ، يوم الثلاثاء اللي قبل اسبوعين كـا ..
ماامداها تكمل جملتها الا قاطعها فيصل : صبــا بـس ... ولآ كلمه ..
ناظرته صبا بخبث : ليش خايف من وشو ؟؟
ناظرها فيصل بتهديد : تعالي شوي بقولك شي باذنك ..
قامت صبا وقربت جنبه : ووشو إن شاء الله ؟؟
قرب فيصل من اذنها وقال : اسكتي احسن لك عشان ما اقولهم عن اللي سويتيه مع مازن بظهر ذاك اليوم ...
لفت وجهها له وقالت باستغراب : ليش وش سويت .. ؟؟
ضم فيصل يدينه لكتفه علامه على الضم وهو يناظرها : فهمتي وشو ؟؟
انهبلت صبا يوم عرفت حركته قصده لما ضمت مازن بدون ماتقصد ، احمر وجهها وما ردت بكلمه وحده ..
فيصل مامسك نفسه ومات ضحك عليها ، ابوهم وامهم استغربوا وش جاهم ذولا ؟؟
ابو فيصل : الحين وش سالفتكم انتم ؟؟ صبا وش تقصدين بسالفه فيصل وشو ؟؟
فيصل : ماعليك منها يبه ، ماعندها سالفه ..
صبا قامت من عندهم ووجهها للحين احمر متفشله من اللي سوته وبنفسها تلعن فيصل وتسب مازن اللي علم فيصل ..افف حقيرين ..
راحت فوق لغرفتها تبي تبعد عن نظرات فيصل المحرجه لها ....
.................................................. ...............

يوم الاثنين بعد آذان المغرب بدقايق كانت صبا تشوف شكلها النهائي عشان مازن اليوم بيزورها بعد صلاة المغرب ، البيت كان فاضي اهلها كلهم راحوا لبيت خالتها ابتسام ( ام محمد ) الا فيصل من العصر جالس بالصاله يتابع افلام ...
انتهت صبا من لبسها ومكياجها وهزت راسها علامه رضا لشكلها ، كانت لابسه تنوره لنص الساق جينز مرره نايس وبلوزه بنفسجيه نص كم ومخصره على جسمها ، وحول خصرها شريط ستان وعلى جنب فيونكه موف كيووت ...
كان شكلها بالمره ناعم وهادي ومكياجها نفس الشي بسيط وناعم ، لبست لها صندل موف على لون الفيونكه ، اما شعرها ماخبصت فيه وخلته مفتوح وزينت شعرها بطوق ناعم وبسيط محلي شعرها الناعم ...
رشت من عطرها (باريس ) ونزلت تحت تشوف القهوه والحلا بالمطبخ ، انتبهت لفيصل للحين على بجامته قاعد يناظر فيلم ، صرخت فيه : فيصلوووه ، للحين ماغيرت ملابسك ، الصلاة بتبدى الحين وانت مالبست ثوبك ، يلا قم ..
فيصل : طيب اعصابك لاتصارخين علينا ، الحين بقووم اففف ...
قام بتكاسل وهو يحك شعره ، رقى فووق لغرفته يغير ملابسه للصلاه ولمازن اللي بيجي بعد الصلاه مباشره ..
راحت صبا للمطبخ تشوف القهوه والحلا وغيره ...
.................................................. ...............
هـَذَّآ الحَّنـآنْ إليْ لَه القَلبْ {.. محتَّـآج ..!
أرجوٍكـْ زِيـدْ بِآلـعـطَّـآ وإحتـِوينيْ .
وإنْ كَّـآنْ شِفـتْ في ّوِصآليِّ لّكـ × إحْرَّآجْ ×
فِي صمْت أَحِبكـْ بِيّن ... قَلْـبِي وَّ بِيـــنِّي ..}
............... ~
كان ينزل الدرج وهو يصفر ويلعب بالمفتاح اللي يبده ، انتبهوا اخوانه اللي كانوا بالصاله لتصفيره ولفوا يناظرونه ...
ماجد : اخس يالحركاات وش ذي الكشخه على وين رايح ؟؟
مازن يتصنع الغرور : احم احم طول عمري كشخه ، ووين رايح ، رايح لبيت خالتي منيره ( ام فيصل ) .....
خالد : وماهي المناسبه ؟؟
مازن : اروح اشوف صوصتي ...
ماجد : ههههههه صوصتي هاا ، عز الله بتنتحر صبا انا سمعت هالدلع منك ..
مازن حط اصبعه على راسه : والله كيفي زوجتي ادلعها باللي ابي ، عندكم مانع ؟؟
خالد : لا ماعندنا مانع ..
مازن : اجل يالله بمشي مع السلامه ...
خالد وماجد : مع السلامه ...
طلع من بيته وركب سيارته وهو متجه للمسجد القريب من عند بيت خالته عشان على طول يطلع ويروح لبيتهم ...
كان يفكر باللي سواه .. صح ولا غلط ؟؟ هل كان قراره بالملكه متسرع ولا هذا وقته! هل راح يظلم بهالقرار صبا ولا لا ؟؟؟
فجأه خطرت على باله فكره !! اليوم لما يشوفها راح يقولها عن عقمه ، لازم يقول لها قبل الزواج لازم ...
لكن ردة فعلها ، ايش راح تكون ؟؟
هذا اللي مايعرفه ، لكنه ان شاء الله اليوم بيعرفه وبيد صبا القرار .. بترضى باللي كاتبه الله وتكمل حياتها معه !! ولا بتطلب الطلاق ؟؟
هز راسه بقوه وهو يقول : لا لا وش هالكلام !! مستحيل صبا تطلب الطلاق علشان سبب زي كذا ، هي تحبني ومستحيل تنفصل عني ..
تنهد وتمنى من كل قلبه تبتل صبا معاه وتسير شريكة حياته ..
ولكن .. ليس كل ما يتمناه المره يدركه ....
.................................................. ...............
السلام عليكم ورحمه الله ، السلام عليكم ورحمه الله ...
خلصت صلاتها ، ولفت جلالها وسجادتها ورتبتهم على جنب ، نزلت تحت مره ثانيه بعد ماصلت المغرب ، لقت التلفزيون مشغل والصوت عالي .. ابتسمت وقالت : اكيد هذا فيصل المطيــور ، ينسى كل شي وراه ..
سكرت التلفزيون وقعدت على الكنب تنتظر فيصل ومازن يجون ...
ما امداها دقايق تنتظر ، الا سمعت صوت ضحكاات من باب الصاله ويدخل فيصل وهو لاف راسه على ورى يضحك .. دخل البيت وسكر الباب وراه ، شاف صبا قاعده على الكنب تناظره ..
فيصل : اقوول صبا ترى مازن جا ودخلته على المجلس بروح عنده وانتي جيبي القهوه ولحقيني ..
وقفت صبا تسوي اللي قالها عليه ، لكنها شافته يناظرها من فوق لتحت ولا تحرك ..
حطت يدها على خصرها وقالت بدلع : سلامات فيصل مضيع شي فيني .. ؟؟
صفر فيصل بصوت عالي وقال : الله الله وش هالجمال ، ان دخلتي الحين على مازن بيغمى عليه على طول ..
ضحكت صبا خفيف وقالت : لا تبالغ عاد ...
فيصل : لا والله ما ابالغ ، خفي على الولد شوي ،، وبعدين تعالي هو بس له الزين وحنا تورينا شيفتك هاا ؟؟
بوزت صبا وقالت : شيفه ها ؟؟ اصلا انا بكل حالاتي اهبل ، وبعدين تقارن نفسك بمازن ، انت ماتستاهل اوريك هالزين اللي عندي ..
فيصل : ايه قولي من الاول عشان مازن حبيب الـ ( حط يده على قلبه وغمز لها )
مشى فيصل بسرعه قبل ما تصطره ، اما صبا صرخت عليه : فــــــــــيصل ووجع ، استح على وجهك ..
عصبت عليه وراحت للمطبخ تجيب القهوه وهي تتلحطم ، مسكت صينيه القهوه الجاهزه وتنهدت وهي تناظر بالمرايه اخر نظره قبل ماتدخل ..
وصلت لباب المجلس واول ما دخلت قالت بصوت واطي : السلام عليكم ...
التفتوا لها فيصل ومازن : وعليكم السلام ..
حطت الصينيه على الطاوله يمينها وما امداها تصب فنجان قهوه لهم ، الا قال لها مازن بابتسامه : وش اخبارك صبا ؟؟
التفتت له صبا وقالت بحيا : الحمدلله وانت ؟
مازن : تمام ، تعالي اقعدي ..
صبت لاخوها ومازن فنجانين قهوه وهي تقول : إن شاء الله بس بصب لكم قهوه ..
فيصل : والله ياصبا حركاات وصرتي تصبين قهوه ، من متى ؟؟
صبا رفعت حاجب وهي تناظره ولا ردت عليه ..
اخذت القهوه لهم وبعدها قعدت بكنبه بعيد عنهم شوي ، كانت تسمعهم وهم يسولفون بسوالف عاديه وهي ساكته تسمعهم وتلاحظ نظرات مازن لها من بين فتره وفتره ، بعد مده تقريبا ربع ساعه وقف فيصل وقال : يلا اجل باطلع اتركم .
صبا : ويين بتطلع ؟؟
فيصل : لاتخافين بامر على البقاله اجيب لي كم شي وبرجع البيت اقعد بالصاله ، ( التفت لمازن وغمز له ) انتم خوذوا راحتكم ...
انحرجت صبا من كلامه ، بعدها طلع فيصل ومازن وقف يناظره وهو يسكر الباب ، التفت لصبا وقرب منها وهو يبتسم ، قعد جنبها بس بينهم مسافه قصيره وهي منزله راسها وميته حيا ووجهها انصبغ الوااااان ...
مازن : صبا حبيبتي ..
رفعت صبا راسها له ، اما هو كمل : انتي تقرين على نفسك قبل ماتروحين الجامعه الصراحه اخاف عليك من العين ، يشوفون كل هالجمال ولا يحسدونك ؟؟
نزلت راسها مره ثانيه وقالت : لاتبالغ في ناس احلى مني بمليون مرره ..
مازن فتح عيونه بقووه وهو يناظرها منصدم : فيه ناس عندهم اكثر من ذا الجمال ! لا لا صبا اشك اصلا في احد بربع جمالك ..
استحت صبا زياده وقالت : مازن خلاص عااد ...
ضحك مازن وقال : ههههه خلاص طيب بنبطل مدح بس عاد صبا قللي من حياك ذا ترى انا خلاص صرت زوجك يعني عادي تكلمي معي بدون حيا ، وين ايام قبل 5 سنين ؟؟؟
صبا بوزت وقالت : عاد قبل 5 سنين كنت بزر اقط وجهي عليك ولا استحي على دمي ..
قبص خدها خفيـــف مره وضحك وهو يقول : فديت اللي يقطون وجههم انا ..
قامت صبا من مكانها تاخذ نفس شوي ، وقفها مازن ومسك يدها : وين وين ؟؟
صبا لفت عليه : برجع بس خلني اجيب لك شاهي ...
شدها مازن لعنده اكثر وقعدها بالغصب : خلي الشاهي بعدين انا ابيك الحين تقعدين جنبي ومعي والشاهي لاحقين عليه ...
صبا ابتسمت له : طيب ...
مازن كان يقول بنفسه ( الحين اقولها عن عقمي ولا لا ؟؟ اكسر فرحتها واخرب عليها ؟؟ ياربيــه ما اقدر اقولها كل ماشفت عيونها والفرحه باديه عليهم ينشل لساني ولا اقدر اقول لها شي .. )
صحاه من تفكيره صوتها الناعم وهو يقول : مازن .... مازن ..
مازن انتبه لها : هلا صبا ..
صبا ناظرته باستغراب : ايش فيك سرحت ؟؟
مازن : لا ولا شي ( تغير صوته للجديه وكمل ) .. صبا حبيبتي بقولك شي مهم مرره
صبا عفست حواجبها وقالت : وشو ؟؟
مازن تردد ولا عرف وش يقول : صبـاا .. انـ. اا .. انا .. أأ ..
سكت ولا قدر يكمل ، ماقدر يكمل ويقولها خاف يخسرها ان قال لها الصدق وتتركه، صعب ، صعب عليه يقولها صعبه مرره ..
صبا : مازن ايش فيك ؟؟ ايش كنت بتقول لي ؟؟!
مازن : انسي الموضوع ، مافي شي مهم لاتخافين ، ( يصرف الموضوع ) الا اقوول صبا انتي عندك رقم جوالي ؟؟
صبا استغربت من كلامه وانه غير رايه فجأه بس مااهتمت مره بالموضوع : لا ما اظن ، عندي القديم بس ..
ضحك مازن وقال : يوووه لحد الحين عندك ؟؟
صبا بعفويه : طبعا ، مستحيل امسح شي يخصك ...
مسك يدها وباسها : بعد قلبي انتي ..
استحت زياده وتمنت انها ما قالت هالكلمات ، نزلت راسها وهي متفشله من اللي قالته ..
مازن رفع ذقنها بيده وهو يقول : وش قلنا هالحيا بطليه مانبيه ، المهم اذا ماعندك رقمي الجديد ، برسلك اليوم رساله مني وانتي احفظي الرقم عندك خلاص ..
ابتسمت له وقالت : ان شاء الله ..
قعدوا بعدها يسولفون وهم مستانسين ببعض ، وكل واحد يحكي شعوره للثاني إما بالكلمات او نظرات العيون اللي تكفي ...
بعد اكثر من ساعتين وهم في غمرة ضحكهم وسوالفهم دخل عليهم فجأه فيصل وهو يمثل العصبيه ... : ماشاء الله لكم ساعتين مقابلين خشش بعض مازهقتم اففف ..
مازن وهو يضحك على فيصل : وانت وش حارق رزقك مرتي وانا حر اقعد معها الوقت اللي ابيه مالك شغل ..
فيصل : يبابا هالكلام قله لما تتزوجون موب الحين وهي قاعده ببيت ابوها وعند اخوها ...
لف يناظر صبا وهو يقول : انا ما أدري وشلون متحمله هالغثا ، ما اقوول الا الله يصبرك .. ( وقف ونزل راسه لها وهمس باذنها ) صوصتي انا الحين بهج من اخووك اخاف ياكلني ، بس الليله انتظري اتصال مني اوكي ...
ابتسمت بحيا له وهزت راسها بإيه ، لف مازن لفيصل : يلا مع السلامه فصــيل
فيصل رفع حاجب : فصيل بعينك ، خيير !! بديت تموون بزياده من يوم ما ماملكت على اختي هذا وانتم ماتزوجتم اجل وش بتقولي بعدين ( باستهزاء ) لا يكون فيفي ....
مازن : ههههههههههه ياحليلك بس ( لف لصبا ) مع السلامه صوصتي ...
خلاااص وجه صبا انصبغ بالوان قاعد يدلعها قدام اخوها ،، يوووه عاد الحين فيصل بيمسك عليها هالكلمه وتعليقاااااااات ماتنتهي ... افففف
طلع مازن من المجلس لباب الشارع رايح لبيته ،، وهو متشقق من الفرحه كان قبل شايل هم كيف بيقول لها عن العقم لكن لما شاف وجهها والبراءه اللي فيه وعيونها اللي تشع بالفرحه ماقدرت نفسه تكسر فرحتها وهي تحبه صعبه يقولها شي مثل كذا لانها اذا تحبه زي قبل فهو متوقع تسوي أي شي له ، أي شي في سبيل حبها لمازن حتى لوكان هالــــــــشي .... تخليها عن الاطفـال .. !!!!!!!!!!
لكن هل راح تكووون حياه صبا هاديه كذا ومافي شي يملى قلبها وحياتها غير مازن !! صح انه حبيبها الاول والأخير ومستحيل تتخلى عنه ، لكن زينه حياتها وسلوتها مين ؟؟؟ ميين غير مازن ؟؟ هل مازن راح يكفيها عن الأطفـال ومشاعر الامومه اللي من الحين تفيض من صبا !! اللي معروفه بشغفها الشديد بالأطفال وحلمها يسير عندها ولد من مازن ؟؟ .. مازن اللي عارف انه مستحيل يتحقق حلمها معه للأســـــــــــــــف ... للأسف ..
لكن ....
للقـــدر كلام آخــــــر !!!
.................................................. ...............

يتبع

في اليوم الثاني ، يوم الثلاثاء صبا كانت دايخه ولا نامت زيين كانت تكلم مازن بالتلفون للفجر ماتركها ساعتين كامله وهي تسولف معه او بالاصح تستمع له وهو اللي يسولف لها ....
راحت صبا اليوم الجامعه وهي مالها خلق نفسها بخشمها لكن وش تسوي هذا اخر اسبوع وبعدين على طول اختبارات وهي ماتبي تحمل أي مواد وتزهق روحها ، عشان كذا بتشد على نفسها شوي لما تخلص وتفتك ...
كانت قاعده مع البنات وتوهم طالعين من عند دكتوره يستفسرون من عندها على بعض الاشياء .. جلسوا البنات وكل وحده تقول جدول مذاكرتها وغيره ...
رنا حست بصبا الدايخه واللي مو معهم آبد : سلامات صبا وش فيك ?? كأنك دايخه؟
صبا : هاا ... ايه والله دايخه وودي انام ، لاني امس بالليل مانمت زين ..
لمياء ضحكت على شكل صبا وهي عارفه ليش ما نامت لكن قالت بخبث : ايه صح صبا ليش مانمتي ؟؟
صبا تناظر لمياء وهي رافعه حاجب ( تعرفين ليش مانمت ليش تسألين ) : ابد بس مازن امس على الساعه 2 الليل كلمني الين الفجر كان يناقشني بشؤون الزواج والعرس وما خلصنا الا على الفجر.
لمياء : يناقشك هآآ !! كثري منها وبعدين من متى والرجال يتدخلون بشؤون العرس على قولتك ؟؟ ! .. ( ناظرتها بخبث يعني كاشفتك كاشفتك ) ...
صبا انقهرت من لمياء وودها تصفقها وهي مرره اخلاقها بخشمها ( وقفت بكسل وقالت للبنات من غير تناظر لمياء ) : انا بدخل انتظركم اذا خلصتـم ...
دلال مدت يدها ومسكتها من ذراعها توقف صبا : لا لا لا صبا بليييز اقعدي خلينا نسولف ولا عليك من هاذي ( تناظر لمياء ) طوول عمرها تحب تتحرش خليها كيفها....
قعدت صبا عشان دلال : اوكي بقعد عشانك ترى ..
دلال : ههههه بعد قلبي انتي ادري ما اهوون عليك تخليني بين العصابه ذيك ( تاشر على رنا واسماء ولمياء اللي قاعدين جنب بعض ) هذولا ماهمهم الا التحرش والسب اما انا وياك مسالمات ....
لمياء : قالت ايش قالت مسالمات ،، اييه مرره واضح .. اصلا السلام بوادي وانتم بوادي ..
صبا ناظرتها بغرور : هه ،، احلفي بس .. اختصري الطريق وقولي انك تبين ترفعين ضغطي بحركاتك اللي ماتهز فيني شعره..
رنا تكلم اسماء : غريبه من متى صبا ولمياء يتهاوشون .. !! بالعاده قلوبهم دايم على بعض ونادر اشوفهم يتناقرون .. !!

اسماء : لاتخافين رنا اقطع يدي اذا ماشفتيهم الليله بوحده من الاسواق ورايحين يستانسون مع بعض نااسين ابوو السالفه .. طوول عمرهم كذا هوشه تاخذ دقيقتين ومناحه على بعض ساعتين ..
دلال : عجبتني ذي هوشه دقيقتين ومناحه ساعتين ،، بس شكل بعض الناس ماعجبهم كلامك ( تاشر على لمياء باصبعها ) ...
لمياء كانت ماسكه راسها من الالم اللي فتكها وموب قادره تتحمل ..
انتبهوا لها صديقاتها وقامت على طوول صبا لها وجلست جنبها ومسكت يدها : لمياء وشفيك ؟؟
ماردت عليها لمياء وظلت ماسكه راسها بيدها الثانيه وضاغظه عليه بقووه ..
رجعت صبا تسألها :
راسك رجع يالمك صح ؟؟
ماردت عليها لمياء لان الم راسها اقوى من انها تتكلم ..
اسماء : طيب لمياء معك بندول يهدي راسك .. ؟؟
واخيرا لمياء تكلمت : اخذته قبل .. قبل ساعتين .. ما فااد .. ( رجعت تضغط على راسها اقووى ) آآآي الم شديد
اسماء ناظرت صبا : غريبه مادامها اخذته قبل ساعتين المفروض يخف عليها ، المهم صبا ( ناظرت ساعتها وقالت ) باقي 10 دقايق وتبدى المحاضره ساعه وتخلص وينتهي الدوام انتي ارجعي مع لمياء بيتها لان شكلها صعب تحظر المحاضره فأحسن لها تروح البيت الحين وترتااح ... وحنا اول ماتلخص المحاضره راح نطمن عليكم اوكي ،، ولاتخافون راح اسجلكم حظوور..
صبا : تسلمييين يآ احلى اسووم مشكوره ،، طيب انا بدق على احد يرجعنا اامممم .. ايه فيصل اخوي يقول اليوم ماعنده شي بخليه يجي وياخذنا ...
بعدت عنهم شوي تدق على فيصل ، طلعت جوالها ودقت على رقمه وحطته عند اذنها ، ثواني ووصلها الرد بعد رنتين ..
فيصل : هلا وغلا باحلى اخت بالدنيا ...
صبا : وهلا والله باحلى اخو بالدنيا ..
فيصل : ههههه لا لا اليوم راضيه عليَ وش الطاري ؟؟
صبا : ابد كسرت خاطري من زمان ماقلت لك كلمه حلوه وطنت ببـالي اليوم اونسك بكلمه من لساني تنسيك عمرك واهلك .
فيصل : احلى يالواثقه بس ،،، اخلصي وش عندك ؟؟ عطينا من الآخر ..
صبا : ما دامك تبي من الآخر بعطيك ،، الله لايهينك لمياء تعبانه شوي وودها ترجع البيت وانا برجع معها فيآليت تجي تاخذنا لبيتهم ..
فيصل : اها وانا اقوول وش سر هالطيبه اللي نازله ،، اخخ بس كلها مصالح ...
صبا ضحكت على اخوها : لا ياخوي وش دعوه لاتخاف مكانتك محفوظه عندي وصدق من قال ياحظي فيك ...
فيصل ( يقاله زعل ) : ايه ايه اضحكي عليَ بكلمتين ،، يا حظك فيني هاا ؟؟
صبا : اقووول عاد فيصلووه بتذلني يعني منت جاينا ولا شلوون ؟؟
فيصل : لا خلاص باجي امري لله .. يلا 10 دقايق وانا عندكم ..
صبا : طيب يلا مع السلامه ...
فيصل : مع السلامه ..
سكرت من فيصل ورجعت للبنات اللي ملتمين عند لمياء : ها لموو للحين راسك يالم؟؟
لمياء وهي ماسكه راسها تحس الالم بيذبحها : الى الان واقوى ، ها فيصل بيجي ؟؟
صبا : ايه لاتخافين قلت له وقال لي 10 دقايق وهو جاي ، اصبري شوي بس ..
قعدوا البنات يسولفون مع لمياء شوي لما يجي فيصل ...
بعد ربع ساعه دق جوال صبا رفعته لقت اسم اخوها ردت عليه :
الو فيصل ..
فيصل : هلا صبا يلا انا برى انتظركم ..
صبا : يلا يلا الحين بنطلع بااي ..
سكرت منه ولفت للمياء : يلا لمياء فيصل برى خلينا نطلع ...
قامت معها بصعوبه ولبست عبايتها بمساعده صبا سلموا على البنات وطلعوا برى لسياره فيصل ، ركبوها وهم يسلمون : السلام عليكم ..
فيصل : وعليكم السلام ..
او ماركبوا وتحرك فيصل لبيت لمياء قال : سلامات لمياء ماتشوفين شر وش جاك ؟
لمياء بتعب واااضح : الشر مايجيك ، آبد بس راسي يالم وابي ارتاح وانام ..
فيصل يناظر صبا اللي قاعده جنبه : اكيد صبا قعدت تقرقر على راسك وتصجك لما بغى ينفجر صح ؟؟
ضحكت لمياء ضحكه خفيفه غصب عنها : لاحرام صبا عسل ماتزعج احد ...
صبا بفخر : بعد تسبدي انتي ( ناظرت فيصل ) احم احم ...
فيصل بسخريه : صبا عسل .. هه كثري منها .. ادري تجاملين عشانها اختك ولا ادري فيها مستحيل تخلي احد بحاله ولا تغثه ...
صبا : انت الحين وش تبي بالضبط ؟؟ فيه احد حارق رزقك عشان تتحرش انا واختي نصلح انت وش تبي جاي تخرب بينا بس صـدق أ..
قبل ماتكمل جملتها سمعت صوت نغمه رساله بجوالها فتحتها وقرت المكتوب :
صبا واللي يرحم والديك انا تعبانه وراسي ينفجر انطمي انتي واخوك لا تتكلمون ، ارسلت لك رساله عشان ماتتفشلين عند فيصل ويرمي عليك كلام مثل العاده يعني عشان خاطري اســــــــــــكتي .. برتااح .. ممكن ؟؟؟
كانت الرساله من لمياء اللي قاعده وراها وراسها بينفجر وماتحملت مناقر صبا وفيصل عشان كذا ارسلت لصبا رساله وافتكت لان صبا اول ماقرت الرساله مسكت ضحكتها على لمياء ونطمت فجأه بدون ماتتكلم ولا كلمه ...!!
فيصل استغرب صبا سكتت فجأه !! ولا تكلمت ابدا غريبه ؟؟!!
فيصل : غريبه !!! وشفيك هجدتي فجأأه ؟؟
صبا سكتت ماتبي ترد عليه عشان مايتهاوشون ...
استغرب فيصل اكثر بس طنش شكلها مالها خلق له ،، ناظر الطريق قدامه وكمل سواقه لبيت خالته ...
وصلوا اخيرا البيت وعلى طووول نزلت لمياء ومعها صبا اللي عطت فيصل خبر انها مطوله عند خالتها شوي ..
دخلوا البيت بمفتاح لمياء واول مادخلوا الصاله فكت صبا غطاها لان البيت بيتها ( على قولتها ) زوج خالتها هو ابوها بالرضاعه وعياله اخوانها بالرضاع يعني عااادي تتحرك وتروح زي ماتبي ..
لمياء على طول توجهت للدرج تبي تناام تعبانه بالمره ،، التفتت قبل لصبا وقالت : صبوو انا بروح انام مرره تعبانه ، بتلاقين امي بالمطبخ قولي لها اللي صار انا مالي خلق اقولها ..
صبا : اوكي خلاص انتي روحي نامي وتطمني بقولها ..
راحت لمياء لفووق وهي مهدووده ، اما صبا اتجهت للمطبخ تتفقد خالتها وتشوف وينها ؟ لقتها قاعده تغسل المواعين مع الشغاله ..
انتبهت لها خالتها وتركت المواعين وراحت لها : هـــــــلا والله بصبا هلا بابنتي ..
سلمت عليها صبا وحبت راسها : هلا بخالتي وامي الثانيه .. شخبارك يمه ؟؟
خالتها ابتسمت على كلمه " أمي " : الحمدلله حبيبتي وانتي وش اخبارك ؟؟
صبا : الحمدلله ماشيه ، الا يمه ترى انا ولمياء رجعنا اليوم بدري من الجامعه موب الحين وقت الخروج ، بس لمياء دايخه ومالها خلق وانا قلت برجع معها ..
ام نواف : حيآك الله البيت بيتك صبا ،، بس وييين لمياء ماسلمت علي ؟؟
صبا : والله لمياء راحت على طوول لفووق تناام دايخه مررره ..
ام نواف : الله يصلحها هالبنت .. طيب صبا حبيبتي بروح اكمل شغلي وانتي سوي اللي تبينه بالبيت ، بس قبل علمتي امك قبل لا تخااف عليك ؟؟
صبا : ان شاء الله الحين بدق عليها واقولها ..
طلعت صبا من المطبخ وراحت للصاله فصخت عبايتها وقعدت على وحده من الكنبات ، رفعت جوالها ودقت على امها .. تطمنها ..
.................................................. ...............

يتبع

مازن اللي كآن بشغله الجديد بشركه معروفه ، كان حايس بأوراق قدامه وضآيع فيهم يدور اوراق معينه طلبها منه رئيسه وهو يفتح بالأدراج ويدور اللي يبيه ، حس بظل شخص قدامه ، رفع راسه وشاف رفيقه سعود يبتسم له وبيده اوراق مادها لمازن ..
مازن اخذ الاوراق من سعود ولما شافها تنهد براحه وقال : آآه اخيرا لقيت هالأوراق العله لي ساعه وانا ادورها وآخر شي القاها عندك هآ ؟؟
سعود : هههههههه وشفيك مازن فاقد الذاكره ؟؟ نسيت امس مرسلي هالأوراق واشيك عليها قبل ماتعطيها المدير استاذ حمد ، وشكلك نسيت تاخذها مني وقعدت تدور بالحوسه اللي عندك ..
مازن ضرب جبهته وهو يضحك : أيــــــــــــه صح نسيييت شللون ماتذكرت !! افف الله يخلف عليّ بس ..
قعد سعود قدامه على كرسي وقال : ماعلينا اهم شي الحين انها عندك ،، الا اقوول مازن ...
مازن : سم ..
سعود : وشرايك بالشغل والشركه ؟؟ عساك ارتحت لها ؟؟ ادري ان الشغل واجد ويتعب لكنه ممتع ولا ؟؟
مازن : ممتع !! الشغل ممتع !!! يرحم امك أي ممتع لا والله انه ثقيل طينه ويزهق ، من جد يتعب ويكرف الواحد ويكسر الظهر بس يعني لازم اتعب شغل ذا موب لعب .
لما خلص مازن من كلامه سكتوا فتره ولا احد تكلم ، فجـــأه ضحك سعود بصوت عالي ومسك بطنه من الضحك ، مازن استغرب وش فيه ذا ؟؟
مازن : سلامات !! وش فيك ميت ضحك ؟؟ ضحكنا معك ..
بعد ما خفت نوبه الضحك بسعود قال : تدري ليه اضحك ، قاعد اقول لعمري حركاااااات وكبر مازن وانا اللي احسبه بزر للأن زي قبل ؟؟ تذكر مازن بكنده قبل 5 سنين اول ماشفتك كنت بزر ولا تدري وين الله حاطك وانا يعنني اكبر منك بسنه اعرف للدراسه برى .. ياااااه يانها اياام فلله ..
مازن : أي والله ايام مستحيل انساها تذكر عمر وسالم الله يذكرهم بالخير عمر معاي بنفس السنه وسالم معك ،، الا على طاري سالم وين ذلف ذا بعد مارجع لوطنه الحبيب ... ؟؟
سعود : هههههه اهم شي وطنه الحبيب ،، والله يامازن اذا ماتذكرت هو من الرياض موب من الشرقيه ،، وياما حاولت اتصل عليه واسلم لكن مايرد عليّ ما ادري لييه يمكن غير رقم جواله !! طيب هذا سالم وعمر اللي معك وينه ؟؟؟
مازن : هههههههههههه عمر !! ياحليله عمر ذا خفيف دم بشكل غير طبيعي هالآدمي تحسه من جد سعودي ،، تخيل اخر سنه عادها من زود الفلاحه اللي فيه ولا يوم سافرنا وهو لا ولا همه عاادي عنده ما كانه مغترب وطالع من ديرته ومشتاق لاهله ، اتذكر قال لي يوم عرف برسوبه : وخير ياطير سنه وحده زياده مافرقت اقعد هنا احسن من حر السعوديه وقرفها .. هنا الجو فظيع ويهبل موب هناك اللي ان قعدت تحت الشمس ساعه وحده تفحمت وصرت شيش طاووق ..
ماات ضحك سعود على كلام عمر اللي يكره جو السعوديه بالمره ويفضل كنده عليها
سعود : ههههههههه ياحليله بس شيش طاووق اجل ههههههههههه ..
مازن : هههههههههههه شفت شلون !! يعني مابقى لنا الا خشش بعض كل واحد يقعد يتمقل بالثاني ويقزقز فيه ..
سعود : اما عااد يتمقل فيه .. موب كانك حافظ وجهي وصامه 5 سنين بعد الحين تناظره .. بس من حقك هو في احد يشوف وجهي ولا يشيل عينه عنه اصلا ياحظك بس انك تناظر وجه سعود ولد عبد الرحمن .. لك شرف النظر ..
مازن : ايه ايه مرره واضح ،، اقول بس ياشينك ان قعدت تتميلح عندي شف وجهك اول وبعدين تكلم ،، وها تراني محترمك عشانك انت اللي مطلع لي هالشغله بس ، يعني يلا ضف خشتك واطلع من مكتبي عندي شغل ..
سعود : افا .. الحين اضف وجهي وامس يوم تراكم عليك الشغل بالفتره المسائيه ( يقلد صوت مازن ) تكفى تعال امسك شغلي بروح للمدآآم تكفى .. ما اقوول الا الله يعين هالمدام حقتك عليك وعلى ثقاله دمك .. مسكينه حظها شين فيك ..
مازن وقف بمكانه : اقوول ترى عطيتك وجه بزيااده يلا عاد طس لبرى يلا ..
سعود قام من مكانه : لا تعال اصفقني بعد ،،، خير اصغر عيالك انا تنافخ .. افف مساكين عيالك مكتوب عليهم الشقى من الحين مع هالأسلوب ...
لف سعود لورى وطلع من المكتب تارك مازن اللي تاثر من كلمه ( عيالك ) وضحك لنفسه بسخريه ..
مازن : أي عيال ياسعود ؟؟ أي عيال اللي تتكلم عنهم ؟؟ مافي ، مافي عيال ..
تنهد من كل قلبه واستعاذ من الشيطان ، رجع لمكتبه يجلس وكمل الشغل اللي بين يدينه ..

حزين أدري !
و أدري لو بغيت أضحك ‘
صرخ بي الحزن :
لا .. | بدري !
.................................................. ...............

الساعه 2 الظهر ، دخل نواف البيت وهو هلكان من الشغل استغرب هدوء البيت الغريب راح للصاله واستغرب زياده لما شاف صبا نايمه على الكنب ورايحه بساابع نومه وموب حاسه باللي حولها ..
قرب منها زياده وهزها وهو يقول : صبا ... صبا يلا قومي نامي فوق قومي ..
صبا : ..........
نواف : صبا قومي نامي فوق اريح لك يلا صبا قومي..
صبا حست باحد يحركها : همممم ..
فتحت عيونها شوي شوي : نواف خلني ابي انام ....
نواف : روحي فوق نامي اريح لك من الكنبه ..
قامت صبا بتكاسل وهي تتثاوب وتقول بنعاس : كم الساعه ؟؟
نواف شاف ساعته : الساعه 2 الظهر ..
صحصحت صبا زين وقامت من الكنب وهي تعدل لبسها : يووه ، اجل كم لي ساعه نايمه .. اكيد 3 ساعات .. نواف شفت لمياء وينها ؟؟
نواف : لأ ماشفت احد اصلا توني جاي ..
اتجهت صبا لعبايتها المصفطه جنبها واخذتها واتجهت للدرج : طيب انا بروح فوق اشوفها ..
راحت فووق وهي للحين تتثاوب ، ماكفتها 3 ساعات كان ودها تنام اكثر بس هالنواف قطع عليها .. وصلت لغرفه لمياء وهي تسمع صوت دندنه خفيفه ، فتحت الباب بدون استئذان ، عادي اختها وتموون ..
لقتها واقفه عند التسريحه وتكد شعرها وهي تغني وبااين المزاج مروق ..
صبا : هذا اللي كانت الصبح تعبانه ها ؟؟ لا ماشاء وين كنا ووين صرنا ؟؟ طالعه تهبلين ..
لمياء لفت عليها وابتسمت : تسلمين ياعمري ادري اني اهبل ،، اصلا اليوم الصبح ماكان فيني شي انتم مكبرين الموضوع صداع خفيف وراح لما نمت وارتحت .. الا انتي وينك مختفيه استغربت ماجيتي تزهقيني وتغثيني بنومتي ..
صبا : حرام عليك انا اغث احد ، انا ما اعرف ازعج احد او اضايقه ، واصلا كنت نايمه من الساعه http://forum.banat-style.com/images وتوه نواف اخوك المحترم مقومني من عز نومي ومخرب علي احلامي السعيده ..
رجعت لمياء لتسريحتها : امحق احلام سعيده ، ليش لاتكونين حلمتي بفلوس الوليد بن طلال ولا حلمتي بـ .. ،، ( ناظرتها من المرايه بخبث وابتسمت لها ) دقيقه دقيقه عرفت بوشو حلمتي .. اكيد حلمتي بحبيب القلب .. صح ولا لا ؟؟
صبا رمت عليها المخده وصرخت : كلي تبن طيب ..
لمياء تفادت المخده وهي تضحك على صبا : هههههههههههه ليش عصبتي عادي ماقلت الا الصدق ،، وبعدين تعالي عندك شي الليله .. ؟؟
صبا : لأ ، ليش ؟؟
لمياء : ودي اليوم اطلع واغير جو ،، بلييز صوصه خلينا نطلع لمجمع الظهران من جد مشتهيه اطلع سوق بليييز ..
صبا هزت راسها لأ وقالت : لا يماما سوري ماني مستعده آخذلي تهزيئه محترمه من امي ، طلعاتي كثرت هالفتره وما اظن بترضى لي اطلع بعد ،، وانتي اذا تبين تطلعين اطلعي خوذي معك وحده من البنات وروحي ماحد ماسكك ...
لمياء : شكلي بروح ،، افففف خلاص مليت طول حياتي من البيت للجامعه مافي شي اكشن ولا وناسه .. روتين ممــــل ..
صبا : ههههههههههههههه والله انك تضحكين اللي يشوفك مايقول ملكتي ماكانت الخميس الماضي ورقصتي واستانسني فيها وكل الاسبوع الماضي نتقضى انا وياك للملكه كنا كل يوم طالعين ، والحين علشان كم يوم ما طلعتي زهقتي !!
لمياء بعصبيه : اففففف منك ما انتي فاهمتني ابد .. الحين خلينا باليوم والمهم .. انا ابي اطلــع ... اطـــــلع .. بروح لاي مكان .. الراشد ، الظهران ، مطاعم ، كورنيش .... أي مكاان المهم اطلع .. واذا ماتبين تطلعين معي كيفك انتي حره بروح لحالي احسن لي اخذ راحتي ماحد يشتري معي ويضايقني ويعلني ..
صبا : طيب خلاص خلاص روحي بس لاتعصبين وتنافخين علينا ، يمه منك اذا عصبتي تخوفين عالم .. انا بنفذ بجلدي واهج لبيتنا احسن من مقابل وجهك اخاف اخر شي تنتهي حالتي للجنون بسبتك ..
التفتت للباب تطلع وقبلها قالت : يلا بااي ..
ضحكت لمياء من كلامها وقالت : هههههههه باايو ..
نزلت صبا تحت عشان ترجع البيت ، وهي تنزل درجات الدرج بسررعه صدمت بنواف بدون ماتنتبه ...
نوااف : اففففف يااعله انتبهي .. مطيووره على وشو ؟؟
صبا : اوه نوااف .. مرره سوري ماقصدت بالغلط والله ..
تجاوزها نواف عشان يكمل طريقه وهو يقول : طيب يلا انقلعي ...
او مامشى درجتين سمعها تقول : دقيقه نواف ، انت مشغول الحين ولا لا؟؟
لف لها وقال : لا فاضي ، ليه تبين شي ؟؟
قربت صبا منه وقالت بترجي : بلييز نواف انت اخوي الحبيب وماترفض لي طلب بلييز ودني بيتنا ..
نواف رجع يلتفت لفوق : بلا حنه ورنه فكينا ، روحي اجهزي وانا دقيقتين وجاي انتظريني ..
وكمل طريقه لفوق .. اما صبا ابتسمت بانتصار وقالت بصوت واطي : الله لايحرمني منك نوافي .. احسن من اخوي العله فيصلوووه
نزلت تحت وتوها تتذكر خالتها !! .. استغربت ان خالتها ماصحتها من النوم ونبهتها على المكان الغلط للنوم .. !! .. بعدين وينها الحين ؟؟ مالها حس ابد ..!!
توجهت للمطبخ وشافت الشغالات قاعدين .. لاشغل ولامشغله ..
سألت وحده منهم : سانيتا .. وين راحت ماما ؟؟
سانيتا : هزا مدام روح مع جنـا عند مداام سوأآد جيران .. ( سأآد = سعاد )
صبا : آها طيب شكرا ...
رجعت للصاله ولبست عبايتها وقعدت على وحده من الكنبات وهي تفكر بخالتها وجنا .. وش ****هم الحين للجيران !!! احد يروح الظهر زيارات وعزاايم ؟؟ لا وبعد جنا معها شلوون ومدرستها ؟؟؟
شالت هالتفكير من راسها بحجه ان مالها دخل وين الناس تروح وتجي ،، كيفهم يسوون اللي يبون .. هي مالها دخل فيهم ..
بهاذي اللحظه سمعت نواف وهو ينزل من الدرج يكلمها : يلا صبا مشينا ..
قامت من الكنبه ومشت وراه متجهين للسياره .. ركب هو مكانه اما هي اشتهت تنرفزه شوي وتلعب باعصابه ( جزاته الحين ****ها ) .. راحت جلست ورى بدال ماتجلس قدام جنبه ..
قعدت بهدوء وبدون أي كلمه .. اما هو لف عليها باستغراب وقال : خيير !! ليش قاعده ورى ؟؟
قالت بنفس الهدوء وهي داخلها ميته ضحك على شكله : يانواف صح انك اخوي بالرضاع بس هذا مو عذر عشان اخذ راحتي معك واجلس جنبك كأنك اخوي صدق .. خلني ورى احسن ..
قال لها بسخريه : احلفي ياشيخه ،، الحين ماصرت اخوك وما ادري ايش ، وقبل شوي انت اخوي الحبيب .. اقوول ترى ماتمشي عليّ حركاتك ذي يالبريئه ، تركتيني قدام كني سواق عندك ..
صبا : ماشاء الله واخيرا عرفت ان خشتك تلبق تسير خشة سواق ... لا صراحه اكتشاف خطير .. والاحلى بعد ذي جبهتك اللي كنها مدهونه بفازلين حق الشغالات ، ابد أي احد يشوف جبهتك يقول جبهة هنود وسواقيــن ...
نواف رفع اصبعه تهديد : صّــبيه ،، اعقلي وابلعي لسانك وبلا خراط فاضي وتعالي بسرعه قدام قبل ما ارتكب فيك جريمه ..
صبا تكتفت وقالت : اولا كم مره اقولكم لا احد يسميني صبيه !! ثانيا موب انت يانواف اللي تهددني وتامرني مفهووم ...
لف ورجع مره ثانيه نواف لوضعه واخذ نفس وقال بصوت هادي بين اسنانه : صبا تعالي قدام بسررعه ..
صبا : انا مـ..
نواف بصوت حاد : تعالــــــــــي قدام ..
خافت صبا من صوته واضطرت ترضخ للامرالواقع ، نزلت من جهتها وركبت قدام جنب نواف وهي تتافف وكارهه خسارتها قدام نواف .. بس يالله لعبت باعصابه شوي ..
نواف : اخيرا سمعتي الكلام .. انا ما اقوول الا الله يعين مازن عليك وعلى لسانك وعنادك ذا ..
صبا بغرور : ومين يحصله لساني وعنادي استاذ نواف ؟؟ ، اصلا ياحظه بس انه اخذني ..
نواف حرك السياره ومشى : ايه مرره كثري منها .. قال ايش قال ياحظه بس انه اخذك ... وينه بس خليه يسمع ...
طنشت صبا كلامه ، والتزمت الصــمت اخيرا .. مثل ماهو سكـــت وحمد ربه انها انطمت ..
.................................................. ...............

يتبع

اما لمياء بعد ماراحت منها صبا بعشر دقايق نزلت تحت بعد ماملت من القعده بغرفتها ، ما لقت احد بالصاله فراحت للمطبخ تشوف وين اهلها ، ما لقت احد نفس الشي ، فرجعت للصاله وقعدت تتفرج على التلفزيون ، بعد دقايق سمعت صوت الباب ينفتح وتدخل امها ومن وراها اختها جنا اللي واضح التعب على وجهها والأنهاك .
اول ما دخلت ام نواف : السلام عليكم ..
لمياء : وعليكم السلام .. وين كنتم ؟؟
جنا ماردت عليها وطلعت فووق على طول ، اما امها ردت عليها وهي تقول : كنا عند جارتنا سعاد بنتها ولدت ورحنا نبارك لها بسرعه ما اخذنا وقت طويل ورجعنا ..
لمياء : يوه يمه وش ****كم الحين عندهم ؟؟ الساعه 2 وربع بدري مره .. كان خليتوها المغرب ولا بالليل ؟؟ بعدين ليش ماخذه معك جنا ؟؟
ام نواف : يابنتي انا اول ماولدت البنت مالحقت اروح لهم ، واليوم تذكرت و بغيت بس اسلم على البنيه وابارك لها لانها المغرب بتسافر للرياض عند بيت زوجها ، اما عن جنا اول مابغيت اطلع كانت توها جايه من مدرستها وقلت فرصه تجي معي تشوف الناس ويشوفونها تدرين عنها ماتحب تطلع وتختلط بالناس واجد وهاذي هي كلها نص ساعه ورجعنا .. طيب انتي وشخبارك الحين ؟؟ انا طلعت وانتي نايمه ولابغيت ازعجك واقومك ...عساك الحين احسن ؟؟
لمياء ابتسمت لامها : الحمدلله مافيني شي .. صبا هالحماره اكيد مخوفتك عليَ بزيااده ،، لاتخافين يمه بنتك مثل الحصان مافيها شي ..
ام نواف : الله يديم الصحه والعافيه علينا ... اقوول لمياء ما كانك ناحفه زياده ؟
لمياء وهي تناظر جسمها : ما ادري ما لاحظت ؟ ليش مرره صرت عصله ؟؟
ام نواف : لا مو مرره ضعفتي ،، ولو ان احد ثاني كان ما لاحظ .. بس لاني امك احس انك ناحفه شوي يعني بطنك اختفى مافي شي آبد ..
لمياء بسخريه : وهو قبل كان فيه شي .. !! بس تدرين احسن كذا ما ابي يطلع لي بطن .. ( وبغرور ) ابي احافظ على رشاقه جسمي ..
ام نواف : الله يصلحك بس ، ماعندك الا هالرشاقه .... المهم وين اخوك نواف ؟؟ المفروض رجع من دوامه ؟؟ وصبا وينها بعد ؟؟
لمياء هزت كتوفها : ما ادري انا قمت ولا لقيت احد ، وصبا راحت لبيتها ، بس يمكن نواف وداها .. اما فراس كالعاده يتغدى برى وبيرجع بعد شوي ..
ام نواف وهي رايحه للمطبخ : الله يهديهم ويصلحهم ان شاء الله ...
.................................................. ...............
وقفت دقات قلبـي وقفت ,,
يوم وقفلـي وناظـر والتفت ,,
من حلاه ومن ضياه ومن سناه,,
لو نظر لشمس غابت وأنطفت ,,
الله وأكبـر يوم ناظـر وابتسم ,,
صاب قلبي من لحظ عينه سهـم ,,
ماقدرت انطق ولاارد النسم,,
كـن روحي فارقتني واختفت...
//
بعد دقايق وصلوا لبيت صبا ، صبا كانت سرحانه وتفكر ولادرت انهم وصلوا ...
نواف : صبا يلا انزلي ..
صبا : هااه ... ايه وصلنا .. طيب يلا بااي
نزلت من السياره بسرعه قبل ماتسمع رده ،، وتوجهت لباب بيتهم ونواف يناظرها من سيارته ينتظرها تتدخل ويمشي ..
طلعت صبا مفتاح البيت من شنطتها وفتحت الباب ودخلت داخل وهي تسمع صوت سياره نواف وهي تمشي .. سكرت الباب وراها وفكت طرحتها وخلتها على كتوفها ..
دخلت الصاله ولقت امها قاعده تتقهوى مثل عادتها بهالوقت .. قربت من عندها وحبت راسها : السلام عليكم يمه ...
ام فيصل : وعليكم السلام ... هلا حبيبتي زين وصلتي الحين توني كنت بقول لفيصل يجيبك .. مع مين جيتي ؟؟
فصخت صبا عبايتها ورمتها باهمال على وحده من الكنبات وقعدت جنبها بكل ثقلها وهي تتنهد : جيت مع نواف ..
قامت امها ومعها صينيه القهوه : طيب تبين احط لك الغدا الحين ولا متى ؟؟
ابتسمت صبا لامها : لا يمه مشكووره مابي شي الحين ، اذا اشتهيت بعد شوي انا بروح احط لي ،، انتي ارتاحي واقعدي سولفي معي ...
ام فيصل : ان شاء الله باجي اقعد معك بس بجيب غدا فيصل واجي ..
صبا كان تلعب بشعرها وتنفشه وتحووس فيه : ليش هو جا ؟؟
قبل ما تجاوب امها عليها ، سمعت صوت ضحكات من فوق وتقترب منهم ، وبعد لحظات شافوا فيصل ينزل ووراه شخص اتضح انه مازن ...
صبا اول ما لمحت فيصل ما انتبهت لمازن اللي وراه وقفت وحالتها حاله وهي تقول بصوت عالي : فيصل تعـال بقول لك شي مـ ....
ماكملت جملتها الا وشهقت شهقه قويه وحطت يدها على فمها ... !!!
فيصل كان واصل بذيك اللحظه لاخر الدرجات ناظرها باستغراب ومازن وراه بالضبط يناظرها وماسك ضحكته عليها .. واضح انها استغربت وجوده ولا درت عنه ..
فيصل : سلامات صبا وش هالشهقه ؟؟ كانك شايفه بعبع ؟؟
بذيك اللحظه بالذات انربط لسان صبا ولا قدرت تتكلم بحرف واحد !! ... وكل اللي يدور ببالها شي واحد .. !! وتكلم عمرها فيه .. شلون شافها مازن بهالشكل ؟؟ ياربيه شكلي مرره يفشل ومبهذل هذا غير شعري الكشه والمكياج وكل شي .. يوووووووه اكيد سمع صوتي العالي وصراخي .. ياربيه وش هالفشيله !!
وش بقول الحين ؟؟ وش اسوي ؟؟ وبعدين ليه كذا شهقت افف وش بيقول عني الحين مرجوجه ومهبوله ...؟؟ ياربيه وش اسوي ؟؟؟
وقف عقلها عن التفكير لما سمعت صوت فيصل : هييييه يا حلو وين رحت ؟؟ صبا وين طرتي ؟؟ ترى الحبيب هنا ..
انحرجت صبا زياده وودها الارض تنشق وتبلعها .. هذا وقت سخافه فيصل وثقل دمه .. عليه كلماات بعض المرات !! ... ماودك الا تصفقه بس ..
تمالكت صبا نفسها ومشت جنبهم منزله راسها تبي تروح فووق وتهرب منهم وطلع صوتها وااطي بالمره وهي تكلمهم : عن اذنكـم ...
راحت فوق ومادرت عن العيون اللي كانت تراقبها !! ... عين مازن ماراحت عنها الا لما اختفى ظلها تماما عن عينه .. وكل ما يشوفها يزيد حبه لها ولشكلها وطيبتها وحياها وعفويتها وبرائتها اللي يعشقها ..
ابتسم لنفسه وهو يقعد جنب فيصل ..........
فيصل اللي ماسك بطنه من الضحك : هههههههههههههههه اما عليها وجه لما شافتك .. تقول طالع لها جني خخخخخخخ مسكينه راحت في خرايطها البنت ..
ضربه مازن على راسه وهو يقول : حدك عاد على صبا ترى ما ارضى عليها .. وبعدين ليه ماقلتم لها اني بجي؟؟ .. زين كذا خليتوها تنحرج وتستحي ..
فيصل : وليه ان شاء الله نقولها ؟؟ موب هي زوجتك يعني عادي تشوفها ما صار شي ان شفتها وهي ماتدري عنك ... وبعدين بالذمه موب احلى تشوفها على الطبيعه بدال التكشخ والتزين الزايد لك .. عشان تعرف حقيقه الوجه اللي انت ماخذه .. ههههههههه
ام فيصل : هو فيصل .. !! وشفيه وجه صبا يهبل ياملحه .. صح ولا لا يامازن ؟
مازن : ايه والله خالتي وانتي الصادقه يهبل ويفتح النفس موب زيك ،، الا فيصل اللي مايعرف يناظر زين .. هذا وهي اختك ها ( ضربه مره ثانيه على راسه وهو يضحك )
فيصل وقف وهو يناظر مازن نظرات خبث : وانت ماشاء الله قزيتها من فوق لتحت عشان تقول عنها كذا .. ( مسك يد مازن وشده بقوه عشان يقوم معه ) اقوول بس يلا قم .. بس اول سيارتك للحين ماخلص منها رفيقك .. ؟؟
مازن بعد ماوقف مع فيصل وقال : الا خلص سعود منها وارسل لي رساله وين يحطها وقلت له قبل شوي يوقفها عند باب بيتكم .. يعني بطلع الحين والاقيها المفروض بوجهي .. ( التفت لخالته ) يلا خالتي مع السلامه ..
ام فيصل : وين الحين تروح ؟؟ تغدى عندنا اول ...
مازن : لا خالتي مشكوره ، اهلي ينتظروني على الغدا .. يلا بالإذن مع السلامه
ام فيصل وفيصل : مع السلامه ...
بعد ما طلع مازن من عندهم ، راحت ام فيصل للمطبخ وقالت بصوت عالي لفيصل: فيصل رح شف اختك فوق وعطها خبر ان مازن راح عشان تنزل ...
فيصل وهو يرقى الدرج : ان شاء الله يمه ..
راح فوق لغرفه صبا وطق الباب عليها ، ولما سمع منها الاذن .. فتح الباب ودخل لقاها قاعده على السرير ومتكتفه وواضح انها مطنقره .. !!
صبا رفعت حاجب : خـير ..!! ليش تارك ضيفك المحترم وراقي لي ..؟؟
فيصل كان ماسك نفسه لا يضحك على شكلها واضح انها معصبه : والله يا اخت صبا ضيفي المحترم على قولتك توه رايح .. وانا جاي اناديك تجين تحت معنا ان بغيتي ..
صبا قامت من على السرير : طيب مشكور انك قلت لي .. ممكن تنقلع الحين وتتركني بالغرفه لحالي ابي اناام ..
فيصل : وانتي الحين ليش معصبه ومطنقره علينا وش سوينا لك ؟؟
صبا : ايه مرره بريئين .. !! ما كأنك قبل شوي فشلتني عند مازن ؟؟ وش يضرك لو قلت لي من قبل انه جاي ؟؟ ، على الاقل اقعد هنا بالغرفه موب افشل روحي قدامه ..
فيصل : طيب الحين افهمي السالفه زين واعرفي ليش جا ، وليش ماقلت لك ؟؟ انا بعد ما طلعت من الجامعه اتصلت فيه اسلم عليه واسولف معه وقال لي انه توه طالع من الشركه وسيارته ماخذها رفيقه ، فقالي امره واوديه بيته ، وانا كان ودي اوريه اوراق وبحوث عندي مضبطها للجامعه وودي اشوف رايه فيها عشان كذا نزلته عندنا وانتي ماكنتي موجوده قعدنا بغرفتي فوق ربع ساعه بعدين نزلنا وانتي مشرفه بالصاله وقاعده تلعلعين بصوتك عليّ ...
صبا عصبت من كلامه وقالت : لــا ،، انا العلع وانت تتطنز وتتمصخر علي ( وتقلد صوته ) هنا الحبيب ، انت ماتستحي خير تقول كذا ؟؟ افهم اني بنت واستحي من هالكلام ، طيحت وجهي وفشلتني قدامه ..
لفت راسها عنه وتوجهت للمرايه ، اما هو ماقدر يمسك نفسه وانفجر ضحك : هههههههههههههههههههههههههههههه اما انتي تستحين ، ليه انتي تعرفين الحيا ؟؟ هههههههه ضحكتيني قال ايش قال تستحي من هالكلام !!! هههههههه وبعدين ماكذبت بشي .. موب هو الحبيب ... ولا ؟؟
انقهرت صبا منه وودها تذبحه قربت منه وجت وراه ودفته من ظهره للباب وهي تقول : انقلـــــــــــــــــــــع ياحماار .. انــــقلع ...
دفته برى غرفتها وسكرت الباب باقوى ماعندها ، اخذت نفس وهي تلعن فيصل وتسبه ، تمددت على السرير في محاوله للنوم ..... وبعد محاولات جهيده ومضنيه نامت ...
.................................................. ...............
انتهى البارت