رحلة ذهاب

ياصاحبي نقش الحجر ماهو مثل نقش الخضاب
تشهد له اعقود الزمن لويبعثون انقابها

لوعانت الدمعه شقا مافادها طول انسكاب
العين لو تقطر ندى تجرح كبود اصحابها

لامن برق عرض السما قلبك من الهتان ذاب
وشلون لو ترخي عليك الهاطله تسكابها

لاهبت ارياح الصبا من مفرق الوادي تساب
ترحل من ابلادك بعد يستوطنك لعبابها

تاخذك لعيون المها رحلة ذهاب ابلا إياب
الجادل اللي ماتحوز الا النجوم إعجابها

فلايداوي علّتك منها سوى شهد الرضاب
البارد الحلو الزلال اللي يعضّه نابها

هيهات تبلغ لك رجا في مال ولا في نشاب
ماتفتديها لو تبيع النفس في مطلابها

اصبر وتلقى لك جزا عند الولي حسن الثواب
لنّ الجزع في حادث الدنيا يزيد اتعابها

ياكم غريقٍ مانجا من صبوته تحت اللجاب
يصرخ ولكن مالقى فزعة غيوث انجابها

اللي شكى قبلك لقى سيله على هشّ الرغاب
تمزَّعت خيمة رجاه اللي رست باطنابها

انظر تجد أن الرضى كم يشبه لعود الثقاب
لوتشعله يحرق ضغاين نفسك ويجتابها

إقنع بما خصك ودع هوج المشاريه العباب
إستمسك بعروة عطا مالك سوى مقضابها

اللي تلحف بالعنا مال الهنا فيه انتساب
لاتنهض عزومه ولا ترقى على مرقابها

المنتصر لوهو تفكر بالعجب ثاب العجاب
لجل العقول اللي سمت بين البشر بالبابها

دوك القلم واكتب سواليف الفيافي والسراب
واكتب سواليف السحاب اللي تجيك اسبابها

سولف مع الما والقمر والليل والخيل العراب
انشد نواحيت الجبل عن نسرها وعقابها

انطق عن اللي هبوته مازايلت عنه الشغاب
اللي يسامر ليلته يشره على مسغابها

اضرب برجلك فوق الارض يطير بالعج الهباب
اضرب مغاليق القفول العوج تفتح بابها

اضرب على صم الصخر تفلق جلاميد الهضاب
اضرب مفازات الوطى يِربع مراح اترابها

لاتشكي الضيقه ومثلك يرتقي متن السحاب
لاتنظر ابعين الضعيف اللي تحت جلبابها

سافر مسافات الزمن تلقى عن الحيره جواب
تجلى معاسيم القتام اللي تغيض احسابها

لاثارت الغبرا مدى من خلف ركضك لاتهاب
اللي تقفى خطوتك مايلحقك مرهابها

إشره على نفسك ولا تلحق سوى نفسك عتاب
مادام عزمك شعلتن ماينطفي ملهابها

بادر لمهزاعك ولا تلهيك سلمى والرباب
خلَّ الطيور الطايره تتبع مسير اسرابها

رج المدى يامندفع مادمت في عمر الشباب
لاتنثني عن غايتك حتى يطير اغرابها

بالمشرقين إنشر دوي يبقى مثل وشم الكتاب
خصايصه ماتنثني لوينثني طلَّابها

دونك مداخيل الطموح اللي تقضّبك النصاب
لاتلتهي عنها ولاتقبل سوى مذهابها

لاتشتكي من ميل حظ ولاهموم ولاعذاب
شيل الحمول الكايده بخيولها واركابها

يكفي عيال الريح لو يرضون والعالم غضاب
ماهمهم لو خشخشت رقطا، تموت بغابها

كن صارماً ولاتكن عند العدا سهل الجناب
لولا العصا ثم الحصا تنبح عليك كلابها

ياوارد الما لاترد الا مواريدٍ عِذاب
واللي تكدر شربها لاتختلط بأحزابها

إصدع ينابيع النقا واكشف عن العذب النقاب
تروى وتروي من ظمت نفسه، ويبذل مابها

تعشب لك اقطار المدى وتبدل الأرض الإهاب
عقب المحل تكسى حلل تضفي متون اصلابها

حين الغصون الجافيه تلبس من الخضره ثياب
تبْسم لك ازهار الرضى يوم اهتدى ترحابها

تلعب جوازيها طرب مانالها منك ارتياب
تأمن غوايل دهرها يوم استوى معذابها

دام العمر سكة سفر تقضي بها رحلة ذهاب
اغنم سويعاتك بها قبل يتبعثر مابها

مادام لك حين الاجل في عمرك الثاني زهاب
إنعم وطب نفساً بعد روحك هنا مشرابها

في وقتنا اللي يعتلي في قمته ضج الصخاب
ماتستريح ولا تريح بركضها واجلابها

لو كان لك ماينكشف جوف الصناديق الحجاب
لك ماظهر منها كفى عن ماتغيض أربابها

اخير من جمع القشور الفانيه جمع اللباب
اللي تسدك عن تماثيلٍ هوت بأخشابها

إمَّا كذا ولا تبي تصبح مداهيلك خراب
مابين ناب الهاويه ولاَّ تحت مخلابها

الحكمه اللي ذعتها تلقى بها فصل الخطاب
إن تنتفع في حكمها تحرص على مكسابها

يلين لك عقب القسى مطلع مراقيك الصعاب
والأرض يصغر من طموحك ماحوته اقطابها

أعبر على صدر الطريق الصلب لوفوق الحراب
لين النجوم الساريه تلوي عليك ارقابها


مُواسي.

سلمت اناملك لروعة ذوقك
يسعدك ربي ويحقق أمانيك

:





















أطّروَحُة غّآمُرةَ
سَلمْتمَ وِدٌمتْم كَماَ تّحبُوٍن وَتُرضّوٌنّ

الله يعطيك العافيه على الطرح
اللي كله ابداااااااع

حضوري شكر وتقدير لك
ولاهتمامك في مواضيعك

اخوك
نجم الجدي

طرح جميل

انتقـآءْ رآئــع, وطرح جميــل كجمآل روحك

سلمت يمناك
طرح جميل جدا

بيض الله وجهك
طرح واختيار روعه للموضوع
لاحرمك الله رضاه

‏لك كل
تقديري واحترامي


مجنون قصآيد