&^ عذب احساسي ^&

يامسوي الشوق سو اشواقنا دله
واسكب لي الحب من مشروبك الكايف
بهر لي الود وان فاح الغلا زله
خلك بزلة جمموح العاطفة رايف
فنجال حبك لذيذ ويطرد العله
يطرب له الكيف يالي بالغلا نايف

بوحي

اكتب لها حلوالقصايد والأبيات
واكتب خواطرصادق العشق فيها
واجي على الموعد مع الشوق لهفات
اسابق اوقات اللقاء واحتريها
يمكن تجي واروي قصيدي حكايات
سوالف عين الغرام تحكيها
ويروح كل الليل وتغيب نجمات
وانا على رجوا وعوده يجيها
مغيراعاتب سرعة الوقت بسكات
واشره على وقتي ولا اشره عليها



بوحي

بسمتي اقوى من اصرار الدموع
اضحك بوجه السنين الجايرة
للظروف القاسية ماني خضوع
اتجلد للجروح الغايرة
اكتم الآهات مابين الضلوع
لوصرخات المشاعر ثايرة
ضحكتي لاصرت مابين الجموع
تترك عقول العواذل حايرة

بوحي

شبيه صويحبي سبحان رب يخلق الأشباه
عطاك الله من نفس الوصوف الي لمحبوبي
تشابه طلته نوره بياضـه لمعــة محـــياه
وحتى بالصدف اسمه لقيته فيك مكتوبي
شموخك عزتك رفعة مكانك كنها اياه
تقول ان الحلا الي في حبيبي فيك مسكوبي
الا حسبي على بدر تجلى جابلي طرياه
شبيه صويحبي قلي وش الي جابك دروبي

بوحي

للمسا في عينها قصة حنين
سالفة مابين نجمات وقمر
الضيا من خدها نوره يبين
والشفايف ماخذه لون الجمر
بوحها يفرح به القلب الحزين
غنوة يحيا بها ليل السمر
ياحكاية ضمها حضن السنين
ما أمل فصولها طول العمر

بوحي

فز الخفوق وثارة العاطفة تو
والشوق حرك شي بالقلب راكن
على الذي له بالهوى صادق النو
الي بوسط القلب والروح ساكن
انا مع الأشواق في ليت مع لو
وهوبعد مابين يمكن ولكن
متى على الله يصفي الوقت والجو
والقى وعدنا في جميع الأماكن



بوحي

يالي تحــاول بالجـــفا تقتــل الــود
وش فيــك دايم تستفزه غــرامي
ياشوق حبي مافرضته على حد
الي فــرضته طيبـتي واحــترامي
مـن حبني مـن جـد حبيته بجـد
صدق المشاعر واضحه في كلامي
والي يحــبك بعــض الأيــام لـوصد
لابـد يقبــــل بـه عـــظيم الهــيامي


بوحي

مسموح والله ياهــوى البــال مسموح
مسموح ماجا منــك ياكامــل الــزين
ودي اضمك واترك الدمع مسـفوح
يمطرعليك الشوق من دامع العــين
بترك عيوني تكشف السر والبوح
عشان تعرف مسكنك يالغلا وين


بوحي

مساء الخير والجــو العليــل الــرايق الصــافي
مســاء يــزرع البســمة على اعلى محيــاكم
مساكم صحة تضفي عليكم لبسها الضافي
ونعــمة امــننا تبـقى ورب البيت يرعـــاكم


بوحي

حيرتني فيك ياأغلى محبيني
القلب لاحب ماهو للهوى جاحد
بين غلاتك اذا بالحيل تغليني
خسارة الحب لاجا من طرف واحد

بوحي