 |
 |
 |
 |
|
 |
||||||||
 |
 |
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
 |
|
|
أدوات الموضوع | انواع عرض الموضوع |
|
|
|
|
|
|
|
|
|
||||||||
|
|
|
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
|
|
أدوات الموضوع | انواع عرض الموضوع |
|
#1
09-22-2020
|
||||||||||||||||||||||||||||||
|
||||||||||||||||||||||||||||||
رواية الملك لله صحيح لكن انتى من بين خلق الله ملكي البارت الثالث عشر
البارت الثالث عشر ...
مدخل : ياللي ملكت الروح وشلون بتروح وشلون تتركني وانا مغرمٍ فيك في جهة ثانية علي كان يكلم عبيد .... علي تنهد بعصبية قال: اففففف انا والله محد طالعلي عثه غير اخوك هذا افففف .. عبيد تنهد وقال: تبا صدق انا غسلت ايدي من خالد خلاص عرفت انه مينون فيها ماقدر اسوي لك شي ثاني ... علي تنهد وقال بهدوء تام: يعني شو استسلم من اول مره .. عبيد تنهد وقال بهدوء تام مع ضيقه: والله عاد كيفك يا علي ماعرف طريقة ثانية افيدك فيها ... علي تنهد وقال بحيره: والله مادري اخوك قفل علينا من كل نواحي .. عبيد: خيره والله لان امك مب راضية عليها ولا تباها لك ... علي توه يستوعب كلام امه: يمكن صح الله المستعان زين فديتك برايك ... عبيد تنهد: فمان الله ... وسكروا الخط ... في بيت قوم بو زايد .. ام زايد: سلمى وين ريلج زايد صار له فترة مايي البيت .. سلمى تتنهد : والله مادري به يا عمتي صاير الفتره هذى جبريت محد يروم يناغيه عياله وهم عياله مب لاقين وقت يقعدون وياه مادري بلاه ... ام زايد بطرف عينها : بينكم شي سلموه سلمى تتنهد: ماشي ام زايد بقهر: والله ي سلمى ان زعلتي زايد لو بكلمه يا ويلج مني تعرفيني كله ولا عيالي انا ما يهنون عليه ... تنهدت سلمى وسكتت .. اما في جهة ثانيه في شقة زايد شيخه كانت منسدحه ع الكرسي وناشله شعرها وطالع تلفزيون غفت عينها من دون ما تحس طلع زايد من الحمام وهو متلبس البجاما اتجهه للصالة ولقاها نايمة قعد ع الكرسي وقال بهمس وهو يلعب بشعرها : شويخ عيوني .. شيخه انتبهت ع صوته وفزت له وقالت بحب : فديتتت عينك غفت عيني من دون ما حس ... زايد يحضنها وبهمس : ما اشتقتي لي .. شيخه بحيا: كل يوم اشتاق لك وكل يوم احبك اكثر من الاول زايد يحضنها ويبوس رقبتها: فديت نبضج والله اني ولهان عليج مووت .. شيخه تتعلق في رقبته وبهمس تقوله: اه من حبك ذبحني قتلني صرت اسيرتك وانته سجاني ... زايد يمسك ايدها ويقومها: اشلج .. شيخه تضحك: لا لاتشلني ولا شي ... زايد يضحك ويشلها بين ايديه وقال: اعشقج يننتيني .. شيخه تدفن راسها في صدره حطها ع الشبرية وانسدح عدالها ورن تلفونه لف ع تلفون وحطه سايلنت.. شيخه بحب: رد فديتك .. زايد تنهد وقال بقهر: انا الحين مب في مود يسمح اني ارد انا اليوم ملك لج ومابا زعل وهي ما وراها الا الحشرة وصدعة الراس ..وشل تلفونه واغلقه... شيخه بحب: تصدق زايد ما توقعت ايي اليوم اللي باخذك فيه من مرتك وعيالك .... زايد يسحبها صوبه وقال: انتتتتي عشق ما يوصف وبعدين انتي ما تتقارنين فيها خليج منها وقربههها من حضنه زود وهو يقول: طبييج منها واشبعيني حب .. ابتسمت بحب وهي تشد ع حضنه زود ... الصبح الساعه ٨ ونص انتبه مايد انه نايم عدالها قام بسرعه وهو يقول في خاطره الحمدلله قمت قبلها ولا والله لو قامت وشافتني بتسويلي سالفه دخل الحمام وتسبح وطلع ولبس كندورته وظهر في صاله خاري ....رن فونه وشاف المتصل سعيد رد : هلا سعيد .. سعيد: اهلين والله اخبارك خالد : بخير ونعمه الحمدلله انته شخبارك سعيد: بخير ولله الحمد .. خالد: عطني دقايق وبتصل بك انته الحين لا تتصل .. سعيد تنهد وقال بحيره زين اوك نتريا بنشوف شو تسوي .. سكر خالد عن سعيد ... أميل بقلبي عنك ثُمّ أرُدهُ ؛ *وأعذرُ نفسي فيك ثُمّ ألومُها* عند عليوه نشت وهي تحس عمرها متكسرررة وما استوعبت هي وين ولا في اي مكان نشت وهي تشوف الساعه قربت ع ٩ تنهدت بتعب وشافت عمرها لابسه لبس الملجة تحاول تذكر ما قدرت تذكر من تعب تحس بعدها مسطلة نشت تسبحت وطلعت وحطت كريم ع جسمها وشافت شنطتها فتحتها وطلعت لها لبس ولبست لبسها ويلست تستشور شعرها وتنشفه وشوي تبطل الباب ودخل خالد عليا من ربكه وقلبها يدق مليووون دقه بندت الاستشوار وقالت: خالد خالد يبتسم بحب: يا عيون خالد عليا بخوف: شو اللي صار وكيف انا ييت هنيه وليش انته بالذات موجود.. خالد يطالعها بتفاصيلها ويلس قدامها وقال: عليا انا عرفت صدق وعرفت ان هذا ملعوب من مايد . عليا : مب شي يديد انا اعرف الصدق انته اللى ماتعرف عامي عيونك عن الصدق وتبا تصدق الكلام اللي واصلنك خالد يتنهد : زين مب هذا موضوعنا الحين شي الاساسي اللي لازم تعرفينه انى انا اباج ويايبنج هنيه عشان تردين لي … عليا بصدمه: لا مستتتحيل خالد مستحيل انته اكيد ينيت … خالد بقهر: انزين ليشش … عطيني سبب واحد يخليج ما تبين تردين .. عليا تتنهد: انته شكاك .. خالد: اوك انا وياج شكاك صح وكنت اشك فيج بس والله عرفت صدق وعرفت ان انتي مافي منج اثنين والله يا عليا اني ندمان ع كل لحظه شكيت فيها فيج وع كل لحظه من عمرنا راحت ومسك ايدها وقال بحب ممزوج بدفء بصوته: خلينا نرد مع بعض وخلينا نعيش حياتنا مع بعض خلينا اثنين يكملون بعض نفس اي اثنين يعشقون بعض ... عليا تسحب ايدها ولكن خالد رص ع ايدها بقوة وقالت عليا بتنهيده: انته خالد كنت بالنسبة لي اجمل حلم بس انته هدمت كل شي مايد يعرف ان انا وانته ع علاقه من قبل ودليل ان فالملجة عقب ما صار اللي بيني وبينه قال خلي خالد ينفعج كنتوا تعرفون بعض وتباني بكل بساطه اوافق عليك خالد انته بتعيشني في جحيم انا ادري . خالد يرفع رأسها: واللي خلقج وخلقني اعيشج احلى عيشه انتي لي انتى ملكي فهمتتتي ... عليا بضيقه: شو المطلوب خالد: توافقين عليه .. عليا: ماقدر اعرف اني بعيش طول عمري في جحيم ... خالد يمسك ايدها: لا والله مالج الا اللي يرضيج ي روحي.... عليا تنهدت بتعب وقالت : سو اللي تباه .. خالد حضنها بقو من الفرحة وقال: نملج ابتسمت ابتسامه باهته وسكتت وكمل خالد وقال : وعقب بسوي لج حفله عقب ما نملج فالمحكمة . تنهدت عليا وراحت عنه صوب المرايه ...ولفت صوبه وهي تقول: خالد افهمني ما قدر اكون لك افهمني . خالد يتجه صوبها وقال: ليشششش ... عليا قالت : بس ماريد عرس ولا اريد ارتبط بحد ... خالد قرب منها وقال: عليا انا ما قدر ع فراقج انا اباج راضي فيج بكل حالاتج ... عليا تتنهد : مممماقدر ونزلت دمعتها خالد بهمس: ليش هالدموع كلها الحين في شي انا ماعرفه. عليا تعض شفايفها وخالد يهزها بقو : شوووفيججج تكلمي انا اعرف انج مب بنت اوك شو شي اللي يخليج ترفضين... عليا تشاهق: خلاص تعبت والله خالد تعبت مب قادرة اتحمل كل هذا انته من صوب واخواني من صوب وكل واحد يبا يخلص الموضوع وينهيه حسستوني عله ع قلوبكم .. خالد بحب : انتي احلى واغلى عله ع قلبي عليا ابتسمت بين دموعها: انته شو شايف فيني زود .. خالد: كل شي قلبج لي وانا لج واوعدج ما تعرفين الدموع بعد اليوم .... عليا تنهدت وسكتت. خالد يطالعها وقال: ها خلاص موافقة عليا بعد صمت قالت : بس بشرط خالد: تم شرطج موافق عليه عليا: سمع اول شرطي بعدين قول موافق عليه ولالا خالد: قولي يلا اسمعج عليا: كيف عرفت الصدق ومنو خبرك من وين تاكدت من يقول ؟ ان العتب اصله كلام السكوت احياناً اقوى من العتب ! عليا : بلاك ساكت خالد خالد تنهد بصمت وعقب قال: خلاص موضوع وانتهى امره وانا ولى الامر الحين فانسي الموضوع رجاء … عليا: بس هذا شرطي ولا نسيت من حقي عشان باجر ما تشك فيني .. خالد تنهد بضيقة وقال في خاطرة لو تموتين ما قلت لج صدق … عليا: خالد بلاك خالد: عرفت ان مايد وخلود هم اللى ورى الموضوع وعرفت ان اللى صار بينج وبينه في ليلة الملجة كان بالحلال مب مثل ما قال انج من قبل مب بنت .. عليا: تصدق قمت اشك فنفسي كل واحد متناقض بالكلام اوك هالكلام انته تعرفه من قبل شو اللى غيرك انته كنت تقول قاطعها خالد بعصبيه وقال: خلاااااااااااااااااااااص بسسس عاد مابا اسمع طاري الموضوع هذا نهائيا والا والله يصير كلام ثاني ان سمعته منج .. تنهدت بخوووف عليا وهى تقول في خاطرها على كثر خوفي منك على كثر ماحس باماني وياك … من حقي أبعد عن الزحمه وكثر العلوم و أفكاري ، اللي من الدنيا طفح كيلها في بيت قوم بو مايد … ام مايد تتصل على مايد اللي مسافر المانيا : هلا بوليدي شحالك مايد بتعب: بخير يعلج الخير انتى شحالج امه: لخير ونعمه وشحال امل وليدك ربه بخير مايد : بنعمه ولله الحمد انتى شحالج وشحال اخواتى امه: كلهم بنعمه يسرك حالهم ولا يضرك .. مايد تنهد بتعب وقال : مالقيت علاج لى يا امي كل واحد من دكاترة يقول ان الخطورة اكثر من نسبة الشفاء .. امه تتنهد بتعب وكمل مايد وهو يقول: حوبتها يا اميه لحقتي ظلمت بنت عمتى ولحقتنيي حوبتها يا امايه .. امه تنهدت بصمت وهى عارفه ان كلام ولدها صح وعقب قالت : لا ظلمتها ولا شي انته ما سويت شي يظلمها .. مايد بقهر وعصبيه: الا ظلمتها واخذت منها اعز ما تملكه وبهدلتها وفضحتها وقفت نصيبها .. امه بقهر : بسسسس يا مايد بسسسس لا عاد اسمعك تيب طاريها انته ما غلط هي اللى غلطت وتتحمل اغلاطها .. تنهد مايد بعصبية وقهر وقال: قوم عمتيه علومهم ما عندهم يديد.. ام مايد: لا غير ملجة حمد وراشد .. مايد تنهد وقال: نصرا عرست امه: لا بعدها . مايد بتنهيده: عليا ما انخطبت امه: لا منو يباها … مايد سكت وهو عارف كل اللى هو فيه من حوبتها ودعوتها عليه … في مكان اخر ..0 في بيت قوم بو حمدان0 حمدان يالس ع لاب توب في الحوش والعنود قاعده عنهد وقالت : حمدان انته ما بتعرس .. حمدان بضيقه: لا ما افكر العنود: ليش شيخه عرست وانا شفت نصيبي وانته بتم في الببت بروحك ابويه محد ما ييلس وامايه الله يرحمها لو كانت موجوده كان ملت البيت علينا تنهد بحزن وقال: العنود العنود باهتمام: ها حمدان: تخيلي امايه تطلع عايشة العنود: ياليييييت والله … حمدان بضيقه لف عليها وقال: لو حد يا وقال لنا ان امايه حيه بنصدق العنود: هي انا عن نفسي بصدق .. حمدان ابتسم بالم وقال: الله يرحمها .. العنود بحزن: اميننن حمدان رن فونه وشاف الرقم وشله: هلا بشيخه البنات اللى من عرست ما شفناها .. شيخه تضحك: ههههههه فديت روحك شخبارك حبيبي حمدان: بخير ونعمه الحمدلله فيدتج انتى اخبارج شيخه: تمام يسرك الحال وين فالبييت حمدان: هى شيخه: يلا انا وزايد عند الباب قام حمدان واقف متجه صوب الدروازه وقال: يلا الله يحفظج . فتح الدروازة وهو يشوف سيارتهم توها داخله الدورة تتنهد بفرحه وقفت سيارة ونزلوا شيخه وزايد وسلمت عليهم ويت العنود وسلمت عليهم … وقعدوا في المنصه … في بيت قوم بو سعيد ام سعيد تسال سعيد: انزين يعنى شو سعيد: يعني بيضغط عليها لين توافق ويملجون ويفكونا عاد.. ام سعيد: زين بس لا تطول عنده وتخلي اختك رغيد سعيد يصب له فنيان قهوه: لا بيوون اليوم ان شاء الله نصرا نازله من دري: هايييييييييييييييات سعيد طالعها بنظره وقال في خاطره الله يصبر هالمسكين عليج .. امها: شو بعد هايااااااااات هاي سلمي سلام المسليمن .. حمد توه ينزل من دري سلم ويلس يتقهوى … امه بحنيه : حمد حمد: عونج امه: لا تزعل مني فديتك حمد بضيقه: امايه انا مب زعلان فديتج انا عادى بس انا قتلج هذي اختى والكل يدور مصلحتها وانا ماشوف مصلحتها ويا خالد … امه: حمد وانا امك اختك منو بيفكر فيها محد بيفكر فيها عقب اللي صار بينها وبين مايد ، وخالد يوم يا وتقدم ياي شاري ويعرف بالموضوع اما علي ما يعرف بشي تبانا نفضح عمارنا ونفضح بنتنا … تنهد حمد بضيقه وكمل قهوته بصمت اما نصرا قالت: هى والله حتى انا قلت محد بيفكر فيني عقب سالفتها .. عطاها سعيد نظره وشوي انفتح الباب ودخلت نورة وريلها فيصل وربعت في حضن امها .. ام سعيد: فديتتت هالويه انا… فيصل سلم ع الكل وكان يتمنى انه ما يشوف عليا .. نوره تمسح دموعها : والله ماعرف يا اميييييييييييييييه كيف طاح تنهد فيصل بتعب وقال: والله يا عمتى من متى وانا اقولها الله بيعوضنا ما تفهم ام سعيد تمسح ع راسها وقالت بهدوء ممزوج بعتب : ليش ما تخبرني مب امها انا .. تنهد فيصل وقالأ: ما كانت تباني اخبرج عشان حمد وراشد ما تخترب فرحتهم.. مسكها حمد وحضنها وهو يمسح على راسها : خلاص نوير فديتج شو فيج الله بيعوضكم ان شاء الله ، وانتوا توكم صغار .. سعيد بحب: هي والله توكم صغار والله بيعوضكم .. نوره عقب تنهيده قالت: وين شما وعليا .. ارتبك سعيد وقال: عليا مب موجوده بتي بعد شوي اما شما فوق تريح . انسدحت ع ريل امها وقالت بعبره: كنتتتتت اسمع دقات قلبه وكنت فرحاااااااااااااااااااانه بخبر حمللللللللللللللي امها: خلاص عاد نوير لو امج الله يرحمها هنيه ما كانت رضت وهي تشوف دموعج .. تنهدت بتعب .. وفيصل كمل سوالف ويا سعيد .. في ابوظبي … 0 شقة خالد0 عليا: خلاص انزين لا تعصب قوم ودني بيت اهلى لوسمحت خالد: زين اوك .. رتبت اغراضها وطلعوا وركبوا سيارة .. رن تلفون خالد وتفاجا برقم مايد وماحب يرد قدام عليا .. وتموا طول طريق صامتين لين وصلوا العين .. عليا تنزل من سيارة ودخلت البيت لفت على اليمين وشافتهم.. سلمت من بعيد ويت بتروح فوق وقفها صوت امها وهي تقول: تعالييييييييييييييي سلمي على اختج عليا توجههه نظراتها لفيصل وهي تقول: مابا محظوووووووووووورة اختى عليييه .. وراحت فوق … تنهدت بتعب نورة وهي تشوف نظرات فيصل اللي تلاحق عليا وقالت ام سعيد: ما عليه يا وليدي سامحنا .. فيصل يحرك حاجبه: ما قالت شي غلط انا مانع نورة منها .. انصدم سعيد وقال: ليشششششششش.. فيصل: حياتي الخاصة ومابا حد يدخل فيها .. تنهد سعيد وسكت وقالت نصرا من دون مبالاه : ما ينلام ما يبا حرمته يلحقها شي من عليا يخافها تخرب حرمته .. نطر فيصل حوايبه وقال سعيد بعصبية : اصصصصصصصصصصصصص وقققص بالسانج الوصخ … سكتتت نصرا وشوي دخل خالد سلم وقعد .. وقال وهو يتكلم ويا ام سعيد وسعيد : ها متى ان شاء الله .. ام سعيد بتنهيده: اليوم.. خالد: زين يلا ع البركه فيصل نطر حوايبه وقال: انزين ما تعرفنا عليك خالد يطالعها وقال: انته منو فيصل: انا ريل نورة خالد: هي زين زين عيل انا ريل عليا .. انصدم فيصل وانصدمت نوره معقوله عليـــــــــــــــــــا وكيف يعرف عن موضوعههها لالا … خالد طالعهم وقال : حوووو ليش طالعون بعض بلاكم فيصل رفع حوايبه: عليا متى عرست خالد: ما عرست الحين بنعرس ان شاء الله فيصل : حد يفهمني سالفة كيف انته ريلها .. حمد تنهد وضحك وهو يقول: يا ولد الحلال خالد يبالغ بالكلام قصده يقولك خطيبها وبيستوى ريلها بعده ما ستوى فيصل يطالع سعيد وبنظره فهمها سعيد هز راسه بهيه تنهد براحه فيصل وقال: يلا انزين بالبركة … انتهى البارت 
 
|
|
09-22-2020
|
#2 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 
|
يسلمو على طرحك الروعه
|
|
 
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
العرض العادي
