علمني كيف أترك يدك في عز حبي لك كاملة

البارت السادس
_____________
يوم الخميس
الساعه :01:00 صباحا
المستشفى
__________________
نوره
قال لنا الدكتور ان عبدالله عنده ضيق في التنفس !!!
نوره : امايه ذكري الله الله يهديج ماله داعي هالدموع
أم عبدالله : يا بنتي هذا الغالي فديته بسم الله عليه عين صابته
آآآآآآآه من طاح عبدالله و حالتنا معتفسه طول الوقت جالسين بالإنتظار
ننتظر تتحسن حالته أو حتى يفوق و نشوفه
لنا عشر ساعات ننتظر الله يشفيه و يطمنا عليه
يانا الدكتور ..
الدكتور : و الله متعبين نفسكم ماله داعي الإنتظار حالته مستقره و الحمد لله
أم عبدالله : و الله يا ولدي ما اروم اتحرك من هالمستشفى الا لما اتطمن عليه ما فيني هبه أروح البيت بدون ما اتطمن على ولدي
الدكتور : الله يهديك يا حجيه روحي ارتاحي و تعالي الفتره اليايه
فجأه طلعت الممرضه و خذت الدكتور على جنب و قاموا يتهامسون و الله انفجعنا بصراحه
الدكتور : أبشركم الحمد لله المريض في أحسن حال وين أماني ؟؟ المريض يبيها
تشققنا من الوناسه و خصوصا أمايه بصراحه أحسها تعبانه حيل استانست المسكينه
مب مصدقة !!
نشت أماني من مكانها و راحت ورى الدكتور تدرون أحب هالهدوء اللي عايشه فيه هالبنت
مالها هبه عالنقرة و الرجه !!!
ود : و أنا ما يبيني المريض !!!
نوره : ودو طلب أماني بالإسم و بعدين لا تقولين مريض بسم الله عليه ما فيه شي
أم عبدالله : ما يصير أشوفه أبي أشوف ولدي
نوره : بنشوفه كلنا ان شاء بس اهدي أمايه الله يهديج راح موعد دوا الضغط
أم عبدالله : ملحوقه يا بنتي !!
اتصلت على البيت أتطمن على عيالي فديتهم و الله اشتقت لهم !!
___________________
يوم الخميس
الساعه : 01:30 صباحا
المستشفى
دبي
_________________
أماني :
أول ما دخلت عليه طالعني بإبتسامه حلوه بس ابتسامة واحد تعبان و مرهق
يلست على الكرسي بعد ما سلمت عليه
عبدالله : كيفها !!
عرفت انه يقصد أميره
أماني : الحمد لله بخير
عبدالله : أبيها !!
أماني : سافرت لديرتها
نزل راسه بحسره
قلت أبي أرفع معنوياته
أماني : كلمتها
رفع راسه بفرح و طالعني
عبدالله : ................
أماني : تدري انها كانت حاسه انه فيك شي ؟؟ و كل ساعه تتصل تسأل عليك
طالعني مبسوط كأنه كان متوقع
عبدالله : فديت قلبها اللي حس فيني و الله اننا روحين في روح
ابتسمت بهدوء أفكر كيف ان الحب عجيب
رن جوالي و طبعا كنت متوقعه المتصل
أماني : مرحبا الساع
أميره : مرحبتين
أماني : أبشرج الأمور يدلع علينا ما فيه الا العافيه
من سمعني قام يبتسم و يأشر لي يبيني أحط على الاسبيكر
حطيت اسبيكر ...
أميره : صدق و الله الحمد لله الله يبشرك بالخير آآه اللحين أقدر أنام و أنا مرتاحه
أماني : الله الى هالحزه ما نمتي
أميره : لا يا قلبي ما قدرت و عبدالله تعبان و الله متولهه عليه
أنا خلاص ماسكه الظحكه ضاق بها قلبي من سمعت كلامها المسكينه ما تدري اني حاطته على الإسبيكر !!
و عبد الله مستانس ..
أميره : أماني اشفيك !!
أماني : سلامتج ... مستانسه على عبدالله .... تدرين اني عنده و يالسه عداله بعد
أميره : و الله سلمي عليه
عبدالله : أسمعج يا غناتي و الله أسمعج فديت القلب اللي يسأل علي
أنا مت من الظحك مب متخيله شكل أميره اللحين هههههههههههه
رديت خليته على سماعة الجوال
أماني : و الله مب قصدي
أميره : رديته عالسماعه ؟؟
أماني : ايه ؟؟
أميره : أجل اسمعي الموشح ... كذا يالخاينه تحطينه على الاسبيكر يا ويلك مني وينك عني بس !!
أماني : و الله كان متوله يسمع صوتج
أميره : تدرين و أنا بعد متوله عليه
أماني : صدق ما تستحون
أميره : هَو ليه ؟؟
أماني : مدري عنكم مب متفيجة لكم طايحيني لي حب و تغزل ما تحشمون نفسكم جدامي يا مال الضعفه أنا اللي عطيتكم ويه !!
عبدالله نقع ظحك
أميره : يااااه روعه لهجتكم أدري انك تهزأيني بس ما فهمت شي
أماني : هههههههههههه من قرادة الحظ !!!
أميره : بالعكس من حلاوة الحظ
عبدالله قام يأشر لي يبي يكلمها !!
أماني : و تبي تكلمها بعد و الله هزلت على قول المتنبي
أميره : هههههههههههه يا حبي لك رهيبه ..... يالله يا قلبي الحمد لله اني تطمنت عليه
أماني : مشكوره على السؤال
أميره : و لو يا قلبي هذا واجب
أماني : تسلمين
انتهت المكالمه و عبدالله عيونه متعلقه عالجوال
أماني : شو ابويه اشفيك ؟؟
عبدالله : مستانس و الله فديتها و الله يخليها لي
أماني : تحبها !!
عبدالله : قليله عليها هالكلمة تدرين أحبها حييييييييييييل
قمت أتأمله بصراحه أول مره أشوف الحب بهالطريقة آآآه الله يهنيهم
طلعت أنادي امايه و ود و نوره يسلمون عليه و أنا أفكاري في ذيج اللحظه متوقفه عند عبدالله و أميره
____________
يوم الجمعه
الساعه : 11:30 صباحا
سيارة أمير
_____________
أميره :
من الوناسه نمت و الصدفه في حضني
أم أحمد : قومي يا بنت خلاص بنسري للمزرعه وش فيك ؟؟
أميره : يمه خليني أنام الله يخليك بجيكم مع السواق
أم أحمد : هَو ليه ما تقومين معانا !!!
أميره : يمه الله يرحمك تركيني أنام
أم أحمد : كيفك براحتك و على فكره رنا اتصلت و قالت مهي برايحه
نفضت البطانيه عني و قمت مفجوعه
أميره : نعــــــــــــــــــــم ؟؟!!!
أم أحمد : اتصلي عليها و شوفيها أنا بروح لأنهم ينتظروني بس لا تتأخرين يا بنتي ما نبي نتفشل وش بيقولون عنا !!؟
بوزت من القهر
أميره : ان شا الله
أوف عاد هذا مب وقته رنو الزفته مب رايحه !!!
رن جوالي و رديت
أميره : هلا
الهنوف : هلا أميره وش فيك ؟؟
أميره : توني صاحيه من النوم
الهنوف : ول عليك و حنا هنا متقطعين نبي نشوفك ؟؟
أميره : وصلتوا ؟؟؟
الهنوف : ايه يا قلبي من زمان !!
أميره : و بنت عمك المصون راح تروح و لا لا
الهنوف : رنوه لا نايمه للحين و تقول ما راح تجي خواتها جو و هي ما بعد جت
أميره : نعم .... و الله هذا اللي ناقص ما عليك فيها بجرها لكم من شعرها !!

الهنوف : ههههههههه عفيه عليك و الله محد يعرف لها غيرك ؟؟
أميره : هههههههه سلمي لي عالبنات على بال ما أجيكم
الهنوف : ان شا الله يوصل
سكرت من الهنوف و دقيت على رنا
يا ربي ما بغت ترد !!!
أميره : ما بغيتي يالشيخه ؟؟؟
رنا : يوه يا أميره قلبتي اماراتي و بعدين وش عندك داقه ؟؟؟
أميره : سمعت خبر ما عجبني قلت أتأكد ؟؟
رنا: يا ربي من إيش ؟؟
أميره : يقال انك ما بتروحين للمزرعه ؟؟
رنا : طبعا يا حبي ما يبيلها كلام أميره بليز سكري السماعه أبي أنااااااااااااام
أميره : نعم و الله بتروحين معي كلهم راحوا ما بقى غيرنا أقول قومي يالله و الله فشله قدام الناس وش فيك غيرتي رأيك ؟
رنا : شف بالله قامت تتكلم مثل أمها
أميره : اسمها عمتك حصه
رنا : يا شيخه الله يهديك
أميره : و ليه ما ودك تروحين ؟؟
رنا : أموره أنا بسألك نفس السؤال ؟؟
أميره : أنا بروح يا قلبي
رنا : يا ربي ما أطيق قعدة البنات ذولي يقهروني و بعدين بنقعد ثلاث أيام و الله كثير بأختنق
أميره : أقول هذا مهو مبرر اللحين بعد ساعتين بمرك مع السواق و نروح رتبي أغراضك و يالله طلعوا خواتك أسنع منك
رنا : أموره بالله لا تغصبيني على شي ما أبيه
أميره : بدونك ماله داعي أروح بأنفذ لك كل طلباتك مهما كانت بس تروحين !!
رنا : صدق و الله كل طلباتي مهما كانت !؟
أميره : طبعا يا روحي أكيد كم رنا عندي
رنا : أجل خلاص اتفقنا ......... اممممممم على فكره الهنوف مسويه لك مفاجأه ؟؟
أميره : و الله شي صراحه فديتها بعدي يا الله أجل سكري بسرعه خليني ألبس
و بسرعه أخذت لي شور و صليت و استشورت شعري و رتبت أغراضي و كشخت و تعدلت و سويت كل شي يصلحوه البنات
من مكياج و خلافه و نزلت للصاله و قلت للشغاله تطلع تنزلي شنطتي ثلاث أيام مب هينه و أنا راعية قش واجد !
جلست أنتظرها لقيت أمير بوجهي
أميره : خير ليه ما رحت
أمير : تدرين توني قبل ساعه كلمت الوالده و قالت لي
أميره : أها ... و بتروح !!
أمير : ما تشوفيني كاشخ طبعا رايح اللحين
أميره : يا هو يا كاشخ ما يمديني ........... و أنا بعد بروح اللحين
أمير : وش رايك نروح سوى !
أميره : بس بنمر رنو و ناخذها معانا
طالعني مستغرب و مبسوط في نفس الوقت
أمير : حلو لقينا لنا وحده نستهبل عليها و أستانس على خبالتها هالخبله ههههههههه
أميره : خير ان شاء الله ما أسمح لك ترى
أمير : آسفين يا صاحبة السعاده
ضحكنا على دلاختنا و طلعنا حط الشنط بالسياره و مشينا
رحنا لرنا و طلعت لنا بعد ايش !!!؟؟
أول ما ركبت و شافت أمير بره السياره
سلمت علي و قالت :
رنا : يوووووووه مالقيتي غير هالبني آدم يوصلنا
أميره : هو اللي قال بيودينا
رنا : حسبي الله عليك انتي و مفاجآتك
أميره : أوووش ...شوفيه جا !
قالت بضيق
رنا : وش فيها يعني !! مره يقهرني هالإنسان
دخل أمير و طالعنا من المرايه العاكسه
أمير : كيفك يا رنا ؟
قالت بضيييييييق
رنا : بخير
أمير : أفا و الله يا بنت العم وش جا عليك ؟؟
كنت متوقعه أي مشكله بتصير بينهم لأنهم دايما ناقر و نقير !!!
من مذكرات رنا
_______________

يوم الجمعه
الساعه : 01:20 ظهرا
سيارة أمير
_____________
رنا :
ما توقعت ان المزرعه بعيده هالكثر
و المشكله انها مزرعتنا !!
و هالإنسان اللي يسوق يرفع لي ضغطي
أوف من القهر
نزل يشتري لنا أغراض من السوبر ماركت
رنا : أوف يا أميره خربتي علي الطلب الأول اللي بأطلبه منك
أميره : ليه !!
رنا : يا شيخه كنت متوقعه انك بتجيبين السواق طلعتي جايبه لي هاللي مدري وش بقول عنه ؟؟
أميره : وش كنتي بتسوين يعني ؟؟
رنا : أسوق يا حبي أسووووق ؟؟
أميره : ايشششششششش !!! ترانا في الرياض مب في دبي
رنا : و اذا يعني ؟!!
طالعت للسوبر ماركت و أنا أفكر أصلح فيه مقلب و أحلى شي انه حاط السياره بعيد عن السوبر ماركت حلو ونااااسه
أميره : رنا وش تفكرين فيه ؟؟
فتحت الباب و طلعت من السياره و ركبت من قدام و جلست مستانسه قبالي الدركسون و أميره مصدومه سكرت الأبواب أتوماتيكيا عشان ردات فعل أميره غير مضمونه !!
و شغلت السياره بكل روقان و بعدتها بعيد عن المحطه
خليه أحسن يطلع من السوبر ماركت ما يلاقي سيارته ههههههههههههههههه بينهبل
أميره : يالمجنونه ارجعي للمحطه
و صارت تضربني بعلبة المناديل
شغلت على الإف ام و أنا مروقه بس ودي أشوف ردت فعله و على حظي طلعت أغنية ناويلك على نيه استانست و الله !!!
أميره : قليلة حيا و الله انك مجنونه قومي يا بنت ردي السياره مكانها و الله يا ويلك منه بيذبحك !!
رنا : ههههههه مو أنا اللي يذبحني أميرو حقك ؟؟
رن جوالي الا رقم غريب
رنا : نعم
......... : تدرين انك ما تنعطين وجه
رنا : أقدر أقولك بكل تحدي اني بسوق و سقت و لا لاء يا امير و بعدين من وين جبت رقم جوالي !!!
أمير : صدق ما تستحين دواك عندي بس أوصل للسياره
رنا : هههههههههه بتجينا سيرا على الأقدام و لا أجيك بالسياره يا مسكين ههههههههههههههههههه
أميره : و ربي ما تستحين و لا تعرفين الحشيمه
رنا : و اللي يرحمك اسكتي مب راده عليك اللحين يا امورتي
أمير : و الله ان جيتيني المحطه بالسياره ياويلك و الله ما تشوفين خير
رنا : يالمسكين بتجينا ماشي و انت شايل كل ذيك الطلبات يا حراااااام هههههههه
عصب زياده
أمير : و الله ان جيتي للمحطه يا ويلك !!
و سكر السماعه
طلعت من السياره و رجعت لمكاني الأول ..
أول ما ركبت قامت أميره تضربني بعلبة المناديل لأنها خشب أقوى من يدها طبعا !!
أميره : وربي مجنونه حسبي الله و نعم الوكيل ما تعقلين انتي !!
قمت أضحك بهستيريا مديت يدي و عليت الصوت على الأغنيه و شوي جا أمير
أول ما دخل السياره رمى لنا الأغراض ورى بكل عصبيه و ضرب زر رفع الصوت بقوة .... مدري كيف سكره !!
و أنا في ذيك اللحظه كنت كاشفه وجهي و مبتسمه التفت لي معصبببببببب
تدرون انه أول مره يشوفني !!!؟؟
يوم شافني كنت متوقعه انه بيرفع يده و يضربني بس مدري شاللي جا عليه و سكت طالعني تقريبا دقيقه كامله و أنا أطالعه كأنه مستغرب !
أميره : صدق انك ما تستحين غطي هالوجه مالت عليك ترى هذا أمير مب محمد أو حامد
ارتبكت من جد و غطيت وجهي و هو رجع لقدام و عدل المرايه و مشى كان طول الطريق ساكت ؟؟؟
يوووووووه طفش المسكين انقهر مني
رنا : يا ربي هالأغراض اللي راميها لنا هنا ضايقتني !!
قالي بقرف
أمير : افتحي الباب و ارميها
رنا : من صدقك انت ؟؟
و لا رد علي ...
رنا : كيفك لا ترد
أميره : رنا و بعدين معاك ما راح أطلع معاك بعد هاليوم وش هالبزرنه اللي انتي فيها ؟؟!!
انصدمت منها
رنا : بزرنه !!!!!

أمير مات من الضحك
أمير : عافيه عليك اوخيتي جبتيها في الصميم يا هووووووووو و الله سنايدي سمعتي يالبزرنه
طبعا يقصدني ....
رنا : البزره اللي تتريقون عنها اللحين أحسن منكم
أمير : ههههههههه الإعتراف بالحق فضيله و اعترفتي بنفسك انك بزره هههههههههههه يالبزره
و أميره قامت تضحك ....
قهرني تدرون يعني وش قهرني و أميره بعد رفعت ضغطي حيل طيب ان ما وريتهم السنع ما أكون رنو !!!
_____________
يوم الجمعه
الساعه : 03:00 عصرا
استراحة خالد بن عبدالرحمن
_____________
أمير :
وصلنا الإستراحه و أنا طول الوقت أضحك على هالبنت و الله مرجوجه
نزلت من السياره و هي تدبج الباب بقوه
وجع خلعت لي باب سيارتي ول !!!
بعد ما نزلوا البنات قلت للخدم ينزلون الشنط من السياره و يودون السياره للجراج
كنت مضايق بس استانست على رنا و هبالتها كل شي كنت متوقعه منها الا انها تسوق ..... خبله !!!
يا ربي ما أحب الطلعات العائليه و خصوصا انهم يمللون الا طبعا ولد عمي سامي عبيد حبيب قلبي
دخلت سلمت عليهم كلهم على الشباب و الشيبان و تحمدو لي بالسلامه و طبعا أبوي خزني بكم كلمه و كم نظره معروفه !!!
جلست مع أبو عبيد قصدي عبيد اللي متخيل دايم انه لو تزوج و جا له ولد بيسميه على اسمه فدايم أقوله أبو عبيد
عبيد : و الله لك وحشه
أمير : من صدقك توني شايفك أمس
عبيد : لا يا شيخ
أمير : و الله
عبيد : ههههههههههه تصدق توني أدري ؟
جلسنا نضحك من التناحه اللي حنا فيها
أمير : وش فيك يا رجال ؟؟
عبيد : و الله و أنا أخوك اليوم سطل !
أمير : ليه عسى ما شر ؟
عبيد : قومني أبوي من بدري من الساعه سبع
أمير : لنا الله يا رجال عندنا و عندكم خير
عبيد : أشوفك مستانس ؟؟
أمير : ايه و الله كله من هالخبله
عبيد : مين أميره ؟؟
أمير : لا بسم الله عليها عاقله لا اقصد رنا
عبيد : بنت عمي خالد
أمير : ما غيرها ...
تعدل في جلسته و طالعني باهتمام يعني يالله هات اللي عندك !!
جلست أقوله كل اللي صار و قام يضحك و هو مستغرب !!!!!!!!!!!

يوم الجمعه
الساعه : 06:10 مساءا
بيت عبدالله الله يرحمه
دبي
______________
عبدالله
طلعت من المستشفى ....... ما احب المستشفيات ما اواطنها بعيشة الله
يو يماعتنا يسلمون علي بعد ما سمعوا بالخبريه
كانت أماني تراعيني و تساعدني و تسولف معاي و لا كأنها كانت قبل تكرهني و ما تدانيني مثل
ما كنت متصور ....و الله هالبنت حنونه لأبعد درجه عشان جذي أبوي كان يعطيها أكبر اهتمام
يت خالتي صالحه و بنتها شمه .... و شمه هذي تصير بنت خالتي و بنت عمي عبدالعزيز
صالحه : شاخبارك الحين يا ولدي ؟؟
عبدالله : الحمد لله سلمج الله
صالحه : عسى ما تعبت وايد
عبدالله : لا الحمد لله رخصني الدكتور و قالي صحتك تمام
شمه : شخبارك عبدالله
التفت لها و ابتسمت
عبدالله : الحمد لله كيفج انتي شخبار دراستج
ابتسمت لي بخجل
شمه : الله يسلمك
قامت بتشل العصير من عالطاوله طاح الكاس من يدها فقمت أشيل الكاس طبعا بعد ما انكسر
عبدالله : فدوة راسج ما حصل الا الخير
طالعتني و طالعتها بصراحه البنت فلقة قمر بس بصراحه ........... ما تعيبني !!!
يلست شوي هي و امها و راحو
يلست مع أماني
أماني : شرايك في شمه ؟؟
عبدالله : ما عليها زود
أماني : ما فهمت
عبدالله : مب شينه ؟؟
أماني : مب شينه !!! البنت مثل القمر
عبدالله : خلاص لا تاخذين رأيي فيها
أماني : أدريبك تفكر في وحده بس
و الله انها صادقه متوله عليها و ميت فيها
_____________
يوم الجمعه
الساعه : 09:30 مساءا
استراحة خالد بن عبدالرحمن
________________
أميره
و الله وناسه
شفت الكل مستانسين يا الله اليوم رووووووووووووووعه
شفت جدتي شهده و تونست معها صراحه مره شي
و جلست مع خوات رنا هيفا و رانيا و الجوهره
و بنات عمي فهد الهنوف و أصاله و وعد
و بنات عمي ابراهيم هلا و حلا و نادية زوجة أخوي أحمد طايره من الوناسه !!
بصراحه رجعت لوناستي اللي أحبها حيل ...
أما رنا نسيتها لأني زعلانه منها و هي بعد زعلانه مني لأني فشلتها قدام أمير هههههههههههه

هلا : وش فيك يا رنا اليوم ؟؟
رنا : تعبانه شوي
قمت أنا ضحكت
طالعوني البنات بإستغراب
رنا : و الله انك سخيفه
أميره : شكرا
و البنات ماتوا من الضحك على اشكالنا
و رنا كانت مقهوره ..
الهنوف : أميره تبين تشوفين المفاجأه أكيد رنا قالت لك اننا مصلحين لك مفاجأه
طالعتها مستانسه
أميره : أكيد طبعا عاد رنا طال عمرها ما ينقال لها أسرار
رنا : لا يا شيخه
الهنوف : المفاجأه تتنتظر في الحديقه الجنوبيه قريب من مزرعة الآس
أميره : ايه عرفتها ؟؟
الهنوف : شوفيها و تعالي قولي لنا رايك ؟؟
أميره : أكيد تجنن دامها منك ياقلبي ..... رنا تجين معاي
رنا : لا
أميره : كيفك براحتك ؟؟
حسيتها انقهرت زياده
أصاله : بكره بنسوي حفله تنكريه خاصه فينا يالبنات
أميره : واااااااااو روعه أول مرة تسوونها و الله فكره حلوه
هلا : طبعا خلنا ننبسط و نستانس
قمنا نتناقش في أمور الحفله و نوزع المهام !!!
طلعت من عند البنات و رحت للحديقه الجنوبيه اللي هي نفسها حديقة الريحان أو الآس على قول الهنوف تدرون وش لقيت ؟؟؟!!!!!
شمـــــــــــــــــــــــــــــــــــــــــــــوخ
واااااااااااااااااااااااااااااااااو
من قوة المفاجأه صرخت و رحت ضميتها يا الله
و أول ما شافتني اصهلت بقوة شكلها مبسوطه يا روحي على شموخ
أميره : كيفك يالغلا و الله اشتقت لك حيل بس شلحيله !!
مدري و الله أحسها تفهمني و تفهم وش أقول حسيت عيونها تدمع
يا حبي لها ...
أميره : و الله كبرتي يا شموخ ؟؟
شكلهم عانوا مساكين لين جابوها لمزرعه عمي خالد أصلا شموخ ما ترضى بأحد غيري !!!
للحين مثل ما هي بنفس جمالها و قوتها فكيت عنها السرج مدري أحسه يآلمها يمكن عشاني دلعتها و خليتها حره بدون قيود !
فصارت ما تبي غيري حتى الحبال و اللجام و كل شي مركبينه عليها فكيته لها حسيتها انتعشت المسكينه ..
يالله من جد وحشتيني ...
قمت أمسح على ظهرها و أغنيلها و قمنا نتمشى في المزرعه
أميره : تدرين يا شموخ صارت لي أشياء كثيره و أنا بعيده عنك حتى الهوا اللي أتنفسه بعيد عنك مب هوا
و قمت أضحك مبسوطه و أغني ... !!!
مب قادره أمسك نفسي و دي أركب عليها و بعدين مب لابسه ملابس مناسبه يوووووووه
جلست معها أسولف لها ساعه تقريبا و فجأه صهلت بقوه و صارت تضرب الأرض برجلها بقوه و شكلها معصبه التفت أشوف وش فيها تنرفزت بهالطريقه .......!
لقيته واقف وراي !!!
و قفت مصدومه لدرجة ان البكله طاحت من شعري بدون ما أحس و تناثرت خصلات شعري على وجهي مع قوة الهوا !
حاولت أكون هادئه ثابته بس ما قدرت يدي ترتجف بقوه التفت لشموخ و حاولت أهديها مب راضيه تهدى !!
ألتفت للشخص اللي جاني و قلت :
أميره : ناصر ..... حتى لهنا لحقتني !!!
بدا يقرب خطاه مني
مديت يدي و قلت :
أميره : ابتعد عني بعيد لو سمحت
ناصر : لأني أحبك حسيت انك هنا و جيتك ..
أميره : حبيتني أي حب هذا اللي تتكلم لي عنه خلاص أنا نسيتك قتلتك من حياتي ليه ترد لي و انت ميت ؟؟؟
انصدم من كلامي و قالي :
ناصر : انتي لي مب لغيري تحاولين تضحكين على نفسك بهالكلام
أميره : لا أنا صادقه انت بالنسبه لي انسان ميت من زمان ؟؟
شموخ هاجت زياده
قلت ببرود
أميره : هيجت الفرس و بس .... لو سمحت ابعد عن هالمكان
كان هو مصدوم مب متخيل اني برد عليه بهالطريقه
ناصر : بس انتي للحين لي انا
أميره : لك انت .......... ؟؟؟؟ لا......... أعتقد اني قلت لك انك مت من حياتي و من زمان لا تحاول خلاص انتهى اللي بينا ...انسان باعني أكيد راح أنساه و أبيعه !!!
صفرت لشموخ و على طول جرت لأني خفت عليها تسوي شي بالمكان أو ترفس هالإنسان اللي قدامي و نروح فيها !!
طلبت من أبوي لأنه يعرف في تربية الخيول انه يعلمني كيف أعلمها على بعض الرموز بينا مثل لما أصفر لها مره وحده
ترجع لمكانها اللي كانت فيه ؟؟؟
أميره : ........ اللي بينا انتهى لا تفتكر اني للحين أحبك .... انسى انت مت من حياتي
من زمااااااااااااااان !!
و مشيت هو عصب و مسكني من يدي بقوه و شدني
ناصر : انتي حبيتي غيري ؟؟؟؟؟؟؟؟
أميره : اترك يدي لو سمحت ..... و بعدين هذا شي راجع لي !
ناصر : و الله بتموتين .... انتي لي أنا .... فاهمه و بعدين أنا ما بعتك أنا خفت ..........
قاطعته بعصبيه
أميره : لا تقول خفت !!! خفت ايش و انت ما راعيت حتى مشاعري تركتني ثلاث سنوات بدون خبر عنك و في الأخير
لما تقول الهنوف السالفه و أعرفها منها أقتنعت ان انت خاين و ما عندك مشاعر .... قلت لك انتهى اللي بينا و ابعد يدك عني لو سمحت
قال لي بتحدي
ناصر : انتي لي .... فاهمه و مهما حصل بتكونين لي !!!
أميره : هههههههههه في أحلامك ان شا الله ؟؟؟
ترك يدي معصب و راح
أول ما راح انهرت و الله مدري كيف جتني الشجاعه أقوله هالكلام رجعت للبنات مالقيتهن !
كان ودي أتكلم و الوحيده اللي أبي أتكلم معاها زعلانه مني !!!
______________

يوم الجمعه
الساعه : 11:00 مساءا
استراحه خالد بن عبدالرحمن
_____________
الهنوف :
كنت جالسه في غرفتي انوم ولدي لؤي الصغيرون فديته تعود على حكايات قبل النوم
اتصل علي زوجي المصون هو بندر ولد عمي سعود حنا كذا ما نتزوج الا من عائلتنا ....... الله على الحظ !!!
الهنوف : هلا و مرحبا
بندر : شخبارك
الهنوف : تمام
و بعدها سكت أصلا متزاعلين مع بعض !!
و السبب هي حلا بنت عمي ابراهيم كان يسولف معاها و يضحك و هي قليلة الحيا !!!
معطيته وجه و تضحك معاه و لا تستحي على دخلتي طبعا شفت الموقف و مره انقهرت و بعدها قاعد يبرر لي موقفه بس للحين مب مقتنعه بكلامه نهائيا ..... أصلا هو كان يبي يتزوج حلا قبلي بس مدري وش اللي غير رأيه !!!!
أما حلا ما تطيقني نهائيا !!!
بندر : ما تسألين عني شخبارك كيفك ؟؟
الهنوف : شخبارك ؟؟
بندر : وش فيك تقولينها بدون نفس ؟
الهنوف : ................
بندر : للحين زعلانه يا حياتي و الله فهمتي السالفه غلط
الهنوف : لا يا حبي ما فهمتها غلط و لا شي
بندر : طيب قابليني في مزرعة الورد
الهنوف : لا
بندر : على راحتك
و الله قهرني و لا يحاول فيني مره ثانيه يمكن أوافق !!!
الهنوف : مشكور
بندر : وش مشكور عليه هنوف يا حياتي الله يرحم لي والديك صدقيني فهمتي السالفه غلط
الهنوف : ...........................
بندر : يعني ما راح تردين ؟؟
الهنوف : ...........................
بندر : مع السلامه
الهنوف : ...........................
بندر : هنوف على الأقل قولي لي مع السلامه شي
الهنوف : مع السلامه
بندر : ماودي أسكر تدرين ؟؟
الهنوف : ..........................
بندر : هنوف ؟؟
الهنوف : هلا
بندر : أحبك و الله
الهنوف : .........................
بندر : ما ودك تردين علي ...... على راحتك
الهنوف : ............................
بندر : ادعي لي بكره السباق يالهنا ادعي لي !!
و الله جتني رجفه غريبه يوم جاب لي سيرة سباق الخيل و الله أخاف عليه من هالمسابق !
الهنوف : انتبه على روحك الله يوفقك
بندر : و الله ‍‍‍‍!!!! تقولينها من قلبك
الهنوف : ايه طبعا
بندر : و بعدك زعلانه !!!
الهنوف : ........................
بندر : أجل زعلانه
الهنوف : .....................
بندر : مع السلامه حياتي أشوفك بكره على خير
سكر و أنا قلبي يعتصر و ربي مقهوره أول مره يدخل السباق و حنا متزاعلين يا حياتي و ربي قلقانه عليه !
زين ان ولدي نايم فديته كل الخوف عليه
اندق الباب
الهنوف : تفضل
و دخلت أميره طالعتني و في عيونها الدموع أول ما شافتني سكرت الباب و جات احضنتني
انا تروعت ؟؟؟
أميره : ابعدي ناصر عني و عن حياتي و اللي يسلمك
الهنوف : ..........................
من قوة الصدمه ما عرفت وش أقول خلاص سالفة ناصر و أميره المفروض تكون انتهت من سنين !!!
أميره : نسيته خلاص ....اليوم جاني و قال انه للحين باقي علي و يبيني و الله ما أبيه خلاص انتهى من حياتي
الهنوف : هو رجع لك مرة ثانيه ؟؟؟
طالعتني باستغراب
الهنوف : خبري انه رجع صح بس ما جاب لنا سيرتك و لا حتى طاريك ان شا الله ما يكون ناوي يسوي لك أي شي ؟؟
أميره : ممكن تبلغينه اني نسيته و ما ابيه في حياتي خلاص ما يفهم هالإنسان !!!
الهنوف : ان شاء الله يا أموره بس انتي هدي أعصابك و امسحي دموعك و يعني وش بيسوي ناصر خلاص ياقلبي
أنا مقتنعه بقرارك لأنه فعلا ما يستاهلك و ببلغه ان شاء الله بس انتي اهدي بإذن الله راح أكون
معاك للنهايه ................ ما قلتيلي يا قلبي وش رايك بالمفاجأه ؟؟
مسحت دموعها و ابتسمت لي
أميره : روعه تسلمين لي و الله
الهنوف : الله يسلمك هذا أقل شي ممكن أقدمه لك قلت تستانسين شوي معاها
أميره : أكيد تعبتوا و انتوا تجيبونها للمزرعه ؟؟؟
الهنوف : رفستهم و سوت حوسه بس الله لا يوريك ........ على فكره ما دريتي بكره مسويين سباق للخيل
طالعتني متفاجأه
أميره : و الله ؟؟؟
الهنوف : طبعا و كالعاده بندوره بيشارك !!
أميره : ما شا الله عليه ......... ودي شموخ تشارك
الهنوف : من صدقك و مين اللي بايع نفسه عشان يشارك فيها !!
أميره : عادي مب لازم أحد يقودها
الهنوف : غريبه كيف ؟؟
أميره : خليها بكره و بتعرفين !!
طالعتها بإستغراب هالبنت أم العجايب
كيف بتشترك بشموخ في السباق !!!
( و من الحب مااا قتل ... الحب كلمة رهيبه و لعلهااا من أشد الكلمااات رهبة في هذه الدنيااا ... )
_______________________

البارت السابع


يوم الجمعه
الساعه : 01:20 صباحا
استراحة خالد بن عبدالرحمن
____________________
وائل :
أعرفكم على نفسي وائل بن سعود
متخرج من كلية التجاره من ثلاث سنوات
و خاطب بنت عمي ابراهيم ((هلا))
أهوى شي اسمه خيل !
و على فكره .... انا صاحب فكره سباق الخيل اللي كان بادي من سنتين و تعودنا على كذا على طول كل ما نجي للمزرعه
نسوي هالسباق ....
جلست مع الشباب طبعا الشيبان ناموا و حنا جلسنا عند الخيمه
عبدالمجيد : كيف مبارة اليوم ؟؟
مازن : ماهي بطاله بس الشباب ما كانوا متحمسين
نط لنا أمير برجته
أميره : بكره الحماس صح ؟؟؟
فهيد : تتوقع مين بيفوز ؟؟
عبيد : أتوقع ان بندر بيفوز
وائل : مب شرط عشانه كل مره يفوز بشهبا خلاص ........... يمكن ما يفوز !!!
بندر : ول على عينك مدام وراي حرمة تدعيلي خلاص ان شا الله ضمنا الفوز
ناصر كان جالس معنا بس مو معنا على قولهم الحاضر الغائب !!!
عبدالهادي : تعجبني بروق فرس وائل بصراحه فرس أصيله و قويه و مدربه عدل
دخل علينا سعد و هو متحمس كأنه اكتشف كنز !!!
سعد : قوموا يا شباب تعالوا شموخ أميره في الحديقه الجنوبيه
أمير : شموخ أميره مب معقول وش جابها هنا ؟؟
بندر : الهنوف حبت تسويها مفاجأه لأميره
سعد : ما بتقومون ؟؟
ناصر : لا ما راح أقوم .........
قمنا كلنا بنشوف شموخ بصراحه تعجبني هالفرس مع اني كنت أشوفها من بعيد بس ما أتوقع انها شينة طباع مثل ما يقولون ؟؟؟
رحنا للحديقه الجنوبيه
أمير : نصيحه لله لا تروحون يمها تراها شرسه !
بندر : بصراحه أنا مثل أمير أقول لا تقربون يمها
سعد : وش راح يصير لنا يعني ??
أمير: كيفكم أنا نصحتكم و مالي خص
المهم اننا رحنا لها أول ما قربنا يمها هاجت و اصهلت بعصبيه و شراسه بس بصراحه فرس أصيله و جميله و مميزه بكل التفاصيل
و الغريب ان مالها لجام أو سرج !!!
عبدالمجيد : وش هذا وش فيها هالفرس انجنت !!
و كأنها سمعت وش قال و هاجت زياده ؟؟؟!!
أمير : ابعدوا عنها يا شباب و الله تراها ما تعرف غير أميره
جاب عبدالهادي حبل و مدري كيف لفه على رقبتها و سحبها بما انه يلعب حديد فسحبها بكل قوته
و هي صارت تصارعه ....
وائل : أمير دق على أميره قلها تجي تعدل الوضع الله يرحمك لا تروح تموت واحد فينا
مسك عبد الهادي الحبل و شده و ربطه لشجرة البرتقال الكبيره و هي بس تشد الحبل و تصهل من قوتها تكسرت الأغصان و طاحت
بعض من أوراق الشجر على الأرض
اتصل أمير على أميره
أمير : أميره لحقي علينا شموخ ثايره شوي و تكسر شجرة البرتقال !!
سكر منها بسرعه
وائل : ها وش صار ؟
أمير : و الله مدري عنها بس شكلها بتجي .......... يالله شباب مشينا نرجع أميره اللحين بتهجدها
سعد : أميره بتهجد هالثوره كيف !!!
بندر : يا ابو الشباب في شي اسمه طرق خاصه تعرف الحريم !!
عبدالهادي : و في اختراع اسمه حبل
وائل : الفرس لو هاجت ما يبي لها الا السياسه وش حبله يا رجال ؟؟
شوي جت أميره ....
أحس هالبنت عندها قدرات فوق العجيبه
كانت متلثمه و تطالعنا ..
أميره : وش سويتوا لها ؟؟؟
أول ما طالعتها انفجعت البنت و راحت لفرسها
أميره : وش صلحتوا لها حرام عليكم ليه تربطون لها هالحبال أصلا ليه قربتوا يمها !
عبدالهادي : وخري عنها و أنا أخوك انتبهي لا تتعورين بسبتها
أميره : مب شموخ يا عبدالهادي !!
كلنا قمنا نطالعها بإستغراب
قربت جنب الفرس بهدوء و مسحت على ظهرها و نادتها بإسمها على طول الفرس هدت و لا اللي قبل شوي كانت ثايره ؟؟؟!!
أميره : تدرين يالغلا أدري انهم عذبوك لا تهتمين فيهم دامني معك
فكت عنها الحبل و قامت تلاعبها !!!
أميره : أصلا وش اللي جايبكم عندها !!
سعد : يا أميره يسمونه الله يسلمك الفضول ؟؟
أميره : و ما قام يجي فضولكم الا على شموخ أميره
قامت تطالع فرسها
أميره : شموخي و ربي أدري انك مضايقه لأنك بعيده عن مزرعتنا بس أبيك هاديه يالغلا
عبدالهادي : و تدلعينها بعد ؟؟
أميره : طبعا كم شموخ عندي
أمير : الحمد لله ما عندي مثل هالفرس
أميره : لا حبيبي لك الشرف يكون عندك مثلها
و فجأه اصهلت الفرس كأنها موافقه على كلام أميره
كنت أطالع هالفرس بإستغراب بصراحه أول فرس أقابلها بهالطبع و أميره بصراحه خطيره انها قدرت تروض فرس بهالقوه !!
_____________
يوم السبت
الساعه : 06:20 صباحا
استراحة خالد بن عبدالرحمن
____________
أميره
و الله عيال عماني مراجيج !!
مالقوا الا شموخي يتحرشون فيها !!
رجعت للبنات لقيتهن يبن ينامن ما عندهن أي حماس للسهر
مع انهم وعدوني انه غدا على قولتهن لنا لقاء !!
طلعت للدور الثالث أشوف غرفتي .. طلعت أنا و رنا في غرفه وحده !!! شفتوا الحظ ؟؟؟
دخلت لقيت قشي الكثير و شنط رنا الواجده و ملابسها المنثره على سريري !! حوسه
شفتها صاحيه بس متلحفه ببطانيتها و مشغله الأبجوره و عايشه الجو
أميره : وش فيك ؟؟
رنا : ما فيني شي ؟؟؟
أميره : غريبه كل هالتعاسه اللي على وجهك و ما فيك شي
قامت انفضت بطانيتها بعصبيه و قالت :
رنا : يمكن نطول بهالمكان أكثر من ثلاث أيام
أميره : الله ليش ؟؟
رنا : مدري عنهم توني سمعت من زوجة عمي ابراهيم اننا بنتم أكثر من ثلاث أيام
أميره : وش فيها طيب هدي اعصابك ؟؟
طالعتني بتأمل
رنا : أميره ؟؟
أميره : نعم
رنا : انتي شايفه ناصر أمس
يا ربي وش جاب سيرة هالبني آدم اللحين ؟؟
أميره : ايه و كيف عرفتي ؟؟
رنا : احساس
أميره: لا يا شيخه أقنعتيني انه احساس !
رنا : يمكن ؟؟
قمت أفكر و أتذكر كلام رنا لي بدبي معقوله ناصر بيسوي اللي براسه و تبقى رقبتي معلقة بين يدينه !!!
أوف سيرته تضيق الصدر ....
تذكرت عبدالله و ربي انه على بالي حتى لو ما طريت اسمه على لساني فديته و ربي مدري وش مصلح اللحين ؟؟
أنا ليه حبيت ناصر !!! مدري سبحان الله
رنا : يا ماما نحن هنا
أميره : وش تبين ؟؟
رنا : اللحين هذا رد تردينه علي
قلت بضيق
أميره : رنا لو سمحتي اسكتي عني مب ناقصتك
قمت أفتح شنطتي و أطلع ملابس ركوب الخيل لأنه ما فيني نوم و متواعده مع أصاله اننا نتسابق بالخيول
رنا : على وين ؟؟
أميره : شي ما يخصك لا تسألين عنه !!
طالعتني مستغربه
رنا : ما يخصني !!!... من متى يا اميره ؟؟
عصبت عليها
أميره : يوووووووووووه منك لا تكثرين كلام و بعدين نادي الشغالات يرتبون ملابسك بالدولاب وش هذا حشا اللي يدخل عليك يقول راعية هالغرفه مجنونه !!!

رنا : مجنونه في عينك
قلت أبي أقهرها
أميره : و الله بزرنه
طلعت من الغرفه و صفقت الباب بقوه
رحت لغرفة أصاله
أصاله : للحين مالبستي !!
أميره : معليش آسفه على التأخير شوي بس ألبس و أكون جاهزه
لبست و طلعنا لقينا المزرعه هاديه شكلهم نايمين أحسن شي !!! عشان ناخذ راحتنا
أصاله : المزرعه شكلها روعه مع شروق الشمس
أميره : على قولك بس ما قلتي لي مب معقوله راح نتسابق على العشب
أصاله : ما دريتي اننا صلحنا ساحه كبيره بالمزرعه خصصناها لسباق الخيل
أميره : و الله وناسه الصراحه شي
و رحنا لإسطبل الخيول
مثل ما أعرفه ما تغير كبير و واسع زاد عدد الخيول !!
أصاله الوحيده من البنات كلهم تعشق الخيل و تحبه مثلي
فتحت الباب بكبره عشان فهده فرس أصاله تطلع........... فرسها هاديه بس قويه
أصاله : وين شموخ ؟؟
أميره : بالحديقه الجنوبيه
أصاله : ايش !!!
أميره : تعرفين شموخ مزاجها غريب بس و لا يهمك اللحين بتجي
صفرت لها ثلاث مرات
أصاله : اللحين اللي يسمعك يقول بتجيك .... الحديقة الجنوبيه بعيده من هنا
قلت بثقه ...
أميره : بتجيني ما يحتاج أعرفك على شموخ
ما كملت نص دقيقه الا وجت شموخ
أميره : هلا بالغلا كيفك اليوم ؟؟
أصاله : و الله انها غريبه من جد فرس رهيبه و ذكيه
أميره : شفتي قلت لك
ركبت على فرسي و هي مسكت فرسها من لجامه و مشينا
أصاله : بتسابقين بها بدون سرج
أميره : عادي وش فيها !!
أصاله : ما تخافين تطيحين على راسك
أميره : لا لا يا قلبي مب مع الشموخ الله يحفظها
رحنا لساحة السباق كانت كبيره و أروع بكثير من وصف أصاله !!
بس لقينا عماني جالسين في خيمه كبيره مدري لويش ناصبينها و قدامهم الشاي و القهوه و الفطور السنع
و الله اني جيعانه !!!!!! عليهم ريحة قهوه لا إله الا الله أحسن من اللي يصلحونها الحريم
أكيد أبوي مسويها أو جدتي شهده مع اني ما شفتها اليوم أول ما شافونا قاموا و أنا و أصاله نطالعهم !!
إبراهيم : حيا الله البنات وش عندكن هنيا !!
أميره : بنتسابق ؟؟
رحنا نسلم عليهم
أصاله : وين عمي مساعد ؟؟
سعود : مع الخيول بالأرض الخصبه
الأرض الخصبه ساحه كبيره لتدريب الخيول سميناه كذا لأن أبوي يحب يدرب الخيل فيها يقول أحسن من مزرعتنا !!
سامي : من وين بتبدون السباق ؟؟
أصاله : من عندكم ؟؟
ابراهيم : أميره بتسابقين بالفرس بدون سرج ؟؟
أميره : ايه عادي يا عمي وش فيها ؟؟ تشكون في هالشي !
سعود : ما نشك في فروسيتك بس انتبهي و انا عمك
أميره : ان شا الله على العين و الراس
خالد : تعالن يا بنات افطرن و اشربن القهوه معنا
يااااااااه عز الطلب
أصاله طالعتني تشاورني
أميره : ما يبيلها مشاوره امشي خلنا نفطر ترانا ميتين جوع
جلست جنب عمي فهد و الله انه يحبني أكثر من عياله بس بعد ما تركني ناصر
صار يحاول يرقع عمايل ولده اللي تسود الوجه و يحاول يرضيني بأي طريقه !!
على فكره تراه مسميني الساميه ؟؟!!
فهد : وش أخبار الساميه ؟؟
أميره : الحمد لله يالغالي نحمد الله
فهد : أشوف شموخ اليوم مروقه
أميره : من تشوف الطيبين تروق الله يسلمك
فطرنا ذاك الفطور السنع و شربنا من القهوه و بدينا السباق
_____________

يوم السبت
الساعه 08:10 صباحا
استراحة خالد بن عبدالرحمن
______________
عبدالهادي
يا ربي جفاني النوم
و ما غمضت لي عين !!!
مدري وش جا علي اليوم دخلت صالة الرياضه وسوينا تمارين الصباح أنا و أمير
الأخ راح ينام و أنا ما قدرت أنام فطلعت للمزرعه أراقب شروق الشمس
تمددت على صخره كبيره و قمت أتأمل السما و أتخيل خيالات غريبه !!!
اللحين أنا ما أحب شغل الشركه و لا أدانيه و أكره اني أجلس بدون شغل وش هالتناقض اللي عايشه مدري !!؟؟؟؟
و الوالد الله يسعده مب مخلينا محتاجين شي !!!
كل واحد فينا له رصيد بالبنك وش كبره و سيارات وش كثرها و قصر وش كبره
و من خلصت الجامعه جلست مثل الحريم بالبيت أو اني أطلع مع أخوياي و لازم
أطلع بمضاربه أو مصيبه كل مره أطلع فيها مع الشباب !!
أوووف ما سمعتوا عن واحد مااااااااااال من الحياه .... هو أنا !!!
زواج ما أبي أتزوج فكرتي عن الزواج زوجه غثيثه و عيال و عدم راحه مدري كيف ادخلت هالفكره في مخي بصراحه !!!
مع ان بندر و مازن و أحمد متزوجين بس ما قد أحد شكا من زوجته أنا ما تعودت على القيود و الزواج قيود !!
انا متعود على الحريه حر نفسي يعني ما أطيق أي شي يحسسني اني مقيد !!
و بعدين حكاية ان البنت لولد عمها هذي عاد ما تقبلتها و لا يعجبني هالحصار !!! اللحين كل اللي متزوجين من عايلتنا
ماخذين بنات عمهم يا ضيقه هالتفكير ...
لما أتزوج أبي زوجتي ملكه على عرشي انسانه متعددة المواهب مثقفه و رياضيه مب مشكله لو تعارضت ميولنا المهم انها تكون غير !!!!!
قمت أتمطط بسعاده مدري وش سببها أقولكم من أول تناقض عجيب !!!
و أنا في هاللحظه من التأمل مرت من قدامي بنت معها فرس ما عرفتها و شكلها ما انتبهت لي
.......... : فهده بصراحه برافو عليك بس تدرين أحس انه هالتعادل حلو بينا حنا و شموخ أميره بصراحه روعه !!
أنا طالعتها منصدم في وحده غير أميره تحب ركوب الخيل ما ظنيت !! أجل مين هذي ؟؟
.......... : لك اليوم عندي هديه كبيره بس ما أعتقد انك تقدرين تدخلين سباق الشباب تعبتي اليوم واجد !
معقوله للحين ما شافتني ؟؟؟
الصخره اللي متمدد عليها منزويه شوي فأكيد ما شافتني جلست البنت على حافة الدرج اللي يوصل للأرض الخصبه ..
أنا كنت أراقب و أتأمل بعين فاحصه !
فكت الكاب اللي على راسها و ياليتها ما فكته شعر أسود طويل مثل الليل
و ابتسامه يضوي لها القمر و الله و وجه يقول للقمر قوم و أنا أقعد مكانك
و صوت تتمنى تسمعه طول الوقت !!
......... : مب متخيله نفسي أبعد عنك آه ليتك تتكلمين يا فهده تدرين ودي أعيش مغامرات مثل رنا !!
و ودي أعرف أحب مثل أميره و الله جت الفكره ... وش رايك يا فرسي القويه أغني مع أميره ...أميره صوتها حلو
و أنا بعد و بلا فخر صوتي حلو ههههههههههه أمزح
البنت انهبلت و قامت تكلم فرسها بس أحس أحيانا ان الفرس تفهم !!!
يا أخي تفهم و لا ما تفهم خل عينك عليها الله يحميها .......... بصراحه ملكة جمال !!!
.......... : تدرين بغني معاها أغنية
و صارت تغني :
عودتني اذكر جروح جروح جروح جروح
أذكر جروح ....
عوتني أنسى جروح جروح جروح جروح
أنسى جروح ....
علمتني ان عز الحكي
ألملم جروحي و روح
تعبتني غيــــره ....
و ارتحت لك احساااس
ليه انت انااا احبك ؟؟
هو انت ايه في الناااس !!
يا لايم جروحي جروحي جروحي جروحي
حلمك على العشاااق ....
بعض العيون حروف و بعض الخدود أوراااق
و انت و احساااسك تقدر معي تحلم
و اقدر معاااك أشتاااق ...
تعبتني غيـــــره ....
و ارتحت لك احساااس
ليه انت انااا احبك ؟؟
هو انت ايه في الناااس !!
نقزت من مكاني و أنا أسمعها ...البنت تفاجأت فيني و طالعتني و هي بعد مصدومه
طالعنا بعض مصدومين !!
عبدالهادي : آسف مب قصدي
عصبت البنت و ركبت فرسها و راحت تجاه الإسطبل
و أنا حالي مب حال بعد اللي شفته معقوله في بنات بهالجمال !!

من كثر ما اني ألعب حديد صاير ما أشوف الأشياء الا حديد و بس !!!!!
___________
من مذكرااات أصاااله

يوم السبت
الساعه :10:00 صباحا
في السياره
_____________
أصاله
و ربي فجعني حسبي الله عليه
من هذا !!!
بس يجنن بسم الله عليه ؟؟!!
رحت للأسطبل لقيت أميره و عمي مساعد يحاولون يدخلون شموخ للإسطبل مع بقية الخيل
أميره : ودي تتعلم تكون مع الخيل يا يبه ؟
مساعد : و الله يا بنيتي يبيلها تدريب و بعدين لا تخلينا بالحديقة الجنوبيه خليها بالأرض الخصبه
أصاله : أهلين انتوا للحين تحاولون تروضونها
أميره : ايه ودي بس مب راضيه !!
أصاله : دلعتيها زياده عن اللزوم
مساعد : و الله انك صادقه يا بنيتي
أميره : طيب و الحل
مساعد : روحي ارتاحي و انا أبوك و بوديها الأرض الخصبه بنفسي
أميره : أخاف تسويلك مشاكل ؟؟
مساعد : لا يا بنيتي مب على مساعد
دخلت فهده لمكانها و رجعنا أنا و أميره للصاله لقينا البنات مجتمعات يسولفون
ترى مب عشان شي الا عشان يستعدن للحفله التنكريه و لا ما يصحن لك الا العصر المغرب بالكثير !!!!
هلا : و الله و لا وحده منكم تجلس جنبي أوف على ريحتكن خايسه
أصاله : اقلبي وجهك عاد من زينك
و قمنا نضحك
الهنوف : وش جا على هالشعور وش فيكن كذا يع !!
هيفا : تدرين عاد كله كوم و هالريحه الخايسه كوم ثاني ؟
وعد : يع عليكن روحن تسبحن وش ذا !!
ناديه : مدري وش عاجبكن بالخيل و القرف
أميره : ما أسمح لك تقولين على خيولنا قرف
و قاموا البنات يضحكون
طالعتني أميره بتفهم و قالت :
أميره : يا الله يا بنات باخذ شور و أروح أنام
أصاله : و الله انك صادقه عاد أنا مواصله و تعبانه حيل
قامت الهنوف معصبه
الهنوف : و الله لو تنامن يا ويلكن ما بقى شي على السباق
أميره : يوه يا هنوف بيبدى السباق بعد الظهر
أصاله : يالله عن اذنكن
الهنوف : بمر عليكن بعد ساعه لو لقيتكن نايمات يا ويلكن مني
طلعنا لغرفنا دخلت خذت لي شور محترم و نمت على سريري تدرون انه ما عندي نوم
بس هاللي طلع لي فجأه و أنا مع فهده طير النوم من عيني أدري انه واحد من عيال عمي بس أي فيهم مدري !!
تدرون اني ما أعرف عيال عمي ترى لا تستغربون .. !!
سمعت جوالي يوطوط رفعته بطفش
لقيت رساله وارده فتحتها طلعت من أميره
*****************
قابليني بالركن الشرقي بسرعه البسي عباتك
الموضوع مهم !!!
ملاحظه : يا ويلك أحد يشوفك سوي السرير على انك نايمه فيه و سكري غرفتك بالمفتاح
اجراء أمني لابد منه
******************
نطيت من الفرحه أخيرا مغامره جديده يا سلام وناسه
ارسلتلها ........ Ok
بدلت ملابسي بسرعه و رفعت شعري أي كلام و لبست عباتي و تغطيت و طلعت ..
تسحبت شوي شوي و طلعت من باب المطبخ الخلفي الحمد لله ما في شغالات هنا !
و رحت للركن الشرقي لقيت أميره
أصاله : تأخرت ؟!
أميره : أوش وطي صوتك !!
أصاله : أسفه ... وش السالفه ؟؟
أميره : رنا المرجوجه رجعت للبيت !!! تركت لي رساله تقول ماودها تبقى بالمزرعه و خواتها لو دروا بتصير مشكله !!!
عاد تدرين هيفا و الجوهره و رانيا الله المستعان على ألسنتهن !
أصاله : و بعدين
أميره : بنروح نجيبها ؟؟
أصاله : خليها على راحتها
أميره : لا يا شيخه ماخذه الموضوع ببساطه .... اللي ما تعرفينه انها خذت سيارة عمي خالد المرسيدس القديمه !!
اللي لها سنين مدفوسه بالجراج و راحت بها !!!!
أصاله : بروحها مع السواق
أميره : لا يا شيخه يا ربي على التناحه .... قصدك بروحها مع السياره !
انصدمممممممممممممممممممممت !!!! و صرخت
أصاله : تسووووووووووووق !!!!!!!
أميره حطت يدها على فمي المسكينه خافت
أميره : أوش فضحتينا !!! نكمل كلامنا بالسياره حسبي الله و نعم الوكيل ما أبي أندم اني جبتك معاي !!
ركبنا السياره و قلنا للسواق يسرع قبل ما أحد يشوفنا
أصاله : من متى طلعت ؟؟
أميره : من ساعه
أصاله : هقوتك بنلحقها
أميره : ليه لا لو أسرع السواق أكثر من كذا ممكن !!
أصاله : انتظري بتصل عليها
أميره : ريحي نفسك جوالها مغلق
أصاله : على كذا مصيرها السجن و الفضيحه
ابتسمت لي أميره
أميره : يا قلبي مب مع رنا و تدرين عاد السياره سودا و مظلله كامله يعني محد راح يعبرها و خصوصا اننا بالصبح
سكتنا خمس دقايق
أصاله : مني متخيله شكل الهنوف و هي تدق على أبواب غرفنا و ما تلقانا
أميره : بتجيها جلطه المسكينه
و قمنا نضحك هههههههههههههههه مسكينه الهنوف الله يعينها علينا
___________
يوم السبت
الساعه : 11:45 صباحا
استراحة خالد ابن عبدالرحمن
__________
الهنوف :
ما بقى شي على السباق و أصاله و أميره و رنا ما بينوا
طلعت لهم غرفهم لقيتها مسكره !!! و ما يردون !!
دقيت عليهم الجوال ما ردوا حسبي الله و نعم الوكيل
حشا ذولي مب بنات وين راحو حسبي الله على شياطينهم !!
اسألتني الوالده عنهم ..
الهنوف : مدري يا يمه وين راحوا شكلهم طلعوا من المزرعه أصلا
لو على الدق اللي دقيته الطرمه و اللي ما تسمع فيهم تسمعه !!
ام ناصر : هَو وين راحوا ذولي ؟؟ أكيد أميره ورى هالسالفه
أدري ان أمي حاقده على أميره بس مدري ليه !!!
ام ناصر : سمعي يا بنتي بقول للشغاله تجيب المفاتيح الإحتياطيه للغرف !!
سكت و رجعت للبنات أتفرج على الساحه و الخيل يا رب يفوز زوجي...... و المسكينه أميره بيفوتها السباق
شوي رن جوالي
الهنوف : أميره و وجع وينكم ؟؟
أميره : هههههههههه شوي شوي بنرد للرياض يالغلا
الهنوف : نعــــــــــــــــــــــم ؟؟؟ وش عندكم ؟؟؟
أميره : بنروح نجيب أغراض من السوق و نجي تدرين عاد لزوم الحفله
الهنوف : و اللي بيروح السوق يجيب أغراض يروح بالخش و الدس !!
أميره : تدرين بي عاد أحب يكون حولي أسرار و غموض ؟؟
الهنوف : قولي لأصاله لو جت يا ويلها من أمي متوعدتها قوليلها !
أميره : ههههههههههه هنوف يا حبي انتي أنا اتصلت عليك أبي منك خدمه مب تهزيء و تحذيرات و توعدات ؟
الهنوف : لا و الله و لك عين تطلبين
أميره : هههههههههه يا حياتي عليك أدريبك ما ترفضين لي طلب !
الهنوف : وش تبين ؟؟
أميره : أبيك تطلقين شموخ للسباق
آخر شي توقعته !!!!!!!!!!!!!!
الهنوف : ايشششششششششش شكلك جنيتي ؟؟
اميره : لا يا قلبي بكامل قواي العقليه !!
الهنوف : واضح !!
أميره : هنوف يا قلبي اسمعي بقولك شي خذي مفتاح غرفتي من اسطبل الخيول تحت سرج فهده
الهنوف : وش وداه هناك ؟؟ و أنا وش يوديني هناك ؟؟
أميره : هذا اسمه اجراء أمني ؟؟ ما علينا يا الهنوف بتساعديني و لا لاء !!
الهنوف : بساعدك خلاص أوووف !
أميره : تفتحين باب غرفتي و تلبسين طرحتي و تروحين لشموخ صدقيني ماراح تأذيك بتلقينها في الأرض الخصبه
الهنوف : أها عرفت سرك انتي و شموخ
أميره : هنوف ترى شموخ ما تشوف عميا !
أحس انه هالكلمه نزلت علي مثل الصاعقه
الهنوف : عميااااااااااااااا
أميره : أتمنى انه يبقى سر بينا فاهمه لا تتكلمين أبدا و لا تخلينها تسمع صوتك صفري لها مرتينا صدقيني
بتسير معاك لين توصلينها للسباق خليها تصطف مع الخيل و اتركيها هي بتعرف وش تسوي ؟؟؟
أنا طول الوقت فاتحه فمي من الصدمه
أميره : هنوف كان ودي أسوي هالشي بنفسي بس ما أقدر و شكلي بتأخر عشان كذا مالقيت أحد بيتفهم موقفي غيرك
و أتمنى انه يكون سر بينا ...
رديت عليها بصوت فيه رجفه حاولت يكون عادي
الهنوف : ان شاء الله
أميره : وعدت شموخ بإنها راح تدخل السباق و لازم أوفي بوعدي لها
الهنوف : ان شا الله
سكرت من أميره و وقفت مصدومه مدري وش جا علي أشوى ما في أحد معاي
شموخ ما تشوف !!!
تذكرت مره من سنتين قد جابوا لها طبيب بيطري يكشف عليها بس ما اهتميت اعرف وش السبب !!
انتبهت لنفسي يوه باقي عشر دقايق و يبدى السباق !!
رحت للأسطبل أخذت المفتاح و طلعت أخذت طرحة أميره و رحت للأرض الخصبه
شفت شموخ هاديه تاكل من العشب بهدوء للحين مني متخيله انها ما تشوف قربت منها بهدوء
و صفرت لها مرتين انتبهت على طول و قربت مني و أنا خايفه و متوتره في مكاني!!
....... أضبطي أعصابك يا الهنوف اهدئي !!
مشيت و مشت وراي بهدوء وصلنا لساحة السباق و هي بروحها صفت مع الخيول من كثر ما اني مصدومه بكيت و الله بكيت!!

أول مره أخاف بهالطريقه مدري وش جاني قمت برجع لغرفة أميره لقيت بندر قدامي
طالعني بإستغراب
بندر : وش فيك غلاتي ؟؟
مسحت دموعي بسرعه
الهنوف : ما فيني شي ؟؟ عن اذنك
سحبني بقوه
بندر : وش فيك ؟؟
بس خلاص بكيت ما تحملت
الهنوف : بندر و اللي يرحم والديك اتركني اللحين
تركني بكل هدوء
بندر : على راحتك بس بهالحال اللي انتي فيه اعرفي اني ما راح اشترك بالسباق
طالعته منصدمه
الهنوف : بندر و الله مب بهالطريقة تعاملني أنا ما نمت بسبة خوفي عليك و تقوم اللحين ما تشترك
قرب مني و قالي
بندر : تخافين علي ......... و مع ذلك ما راح أشترك
مسحت دموعي و ابتسمت و قلت :
الهنوف : بندر
بندر : عيونه آمري
الهنوف : غمض عيونك
بندر : غمضت عيوني
قربت منه و بسته على خده و قلت
الهنوف : هذي يمكن تقويك شوي ؟؟
و هربت و أنا أضحك عليه
فتح عيونه و قام يضحك و يلحق وراي شكله يضحك بصراحه !!
و الله انك روعه يا أميره حليتي لي مشكله كانت راح تكبر و تصير مصيبه .........أشكرك
________________
من مذكرات رنااا
_______________


يوم السبت
الساعه : 01:30 ظهرا
بيت خالد بن عبدالرحمن
______________
رنا :
يا زين البيت أوف من المزرعه و اللي بالمزرعه
رنا : سيتي سيتي
سيتي : نعم مسز
رنا : جيبي لي عصير ليمون و كوفي بسرعه
طالعتني الشغاله مستغربه عصير ليمون و كوفي وش هالقرف صح أنا ليه طلبت هالطلبين المتناقضه !!!
رنا : لا لا جيبي عصير ليمون بس
سيتي : أوكي مسز
جلست بالصاله و شغلت التلفزيون جلست سرحانه أفكر وش جابني هنا !!
و ليه أنا هنا أصلا وش أبي من نفسي و من اللي حولي ما أدري
تميت سرحانه أفكر ....
و لا عشاني متخاصمه مع أميره صلحت كذا هذي أول مره أروح لمزرعتنا و أنا مب طايقه أحد و لا بالعاده أنا و أميره نهز المكان هز من الرجه و الوناسه و الضحك
اللحين صدق أنا بزره عمري 22 سنه و باقي بزره يوه يا أميره الله يهديك عفستيني فوق تحت !!!
حطت لي الشغاله العصير
سيتي : مسز رنا أقول لماري تسوي غدا
يحليلها علمناها لهجتنا غصب
و الله مدري أقولها تقول للطباخه تسوي لي غدا و لا لاء تدرون و الله مره جيعانه
رنا : ايه خليها تسوي لي غدا محترم
سيتي : ايش تبغى مسز على الغدا ؟؟
رنا : قولي لها سوي لي كل شي أبي قدامي سفره كامله و لا أقولك لحظه
رفعت السماعه اللي جنبي و دقيت على المطعم فتحت المنيو
و طلبت أشياء كثيره و طلبيات كبيره تدرون مدري وش هي أبي السفره مليانه و بس راح أفتح بوفيه و أنا ما أدري !!
تقريبا طلبت كل شي في المنيو !!!
الشغاله طالعتني مصدومه
رنا : قولي لماري تسوي تورته بالفواكه و تورته شوكولاته و تورته فراوله و تورتة خوخ و مشمش و تورتة بالتوفي و تورته بالتوت
و تكتب اسمي عليها كلها طبعا معدى تورته الفواكه و التوت
سيتي : أوكي مسز
طبعا كانت تقولها بإستغراب فظيع
رنا : على فكره سيتي قولي للخدم كلهم مسز رنا جايبه لكم غدا
قالت عاد و السعاده مشققتها
سيتي : ثنك يو مسز اتذ واندرفول
رنا : لا واندرفول و لا شي هذا يسمونه لحظة تحول !!
و قمت أضحك بهستيريا و الشغاله تطالعني بإستغراب
قمت و تركتها بإستغرابها
رحت لصالة الرياضه فصخت عباتي و صرت أنط بالحبل بسرعه لدرجة اني مب حاسه برجولي !!
فجأه وقفت و قمت أبكي وش السبب مب عارفه ؟؟؟
طلعت على الدراجه و صرت أدوس على الدواسات بقوه و بسرعه لدرجة اني مب حاسه بنفسي !!!
نزلت عن الدراجه خرجت من صالة الرياضه و طلعت على جناحي بالدور الثاني خذت لي شور
طلعت من الحمام و جلست على الكرسي الهزاز حتى شعري ما نشفته قام ينقط مويه على الأرض !!!
فيني شي مب قادره أعرفه ودي أطلعه من راسي كانت قدامي علبة حلاوه كبيره فتحتها و خذت لي و حده و رديت الباقي بقوه على الطاوله !!
انكسرت العلبه و اتناثرت الحلاوه على الأرض !!!
تركتها على حالها و قمت أطالع وجهي بالمرايه و اكلم نفسي
رنا وش فيك ؟؟؟
وش جا عليك ليه انتي كذا ما تتحكمين في نفسك و ما تضبطين أعصابك
قلت بصوت عالي وش تبين انتي وش تبين ؟؟
و قمت أمرر يدي بعنف على شعري يوه وش تبين انتي ؟؟
و قمت أضرب الطاوله بقوة مثل المجنونه تناثرت الأشياء على الأرض و قمت أبكي مب عارفه وش أسوي !!
فجأه طق الباب على طول رديت بعصبيه
رنا : سيتي لو جا الغدا أنا ما أبي أتغدى هونت ؟؟ !!!!!!!
انفتح الباب بوجهي بسرعه حتى قبل ما أكمل كلمتي
وقفت فتره عشان أستوعب و قمت أطالعها
رنا : أميره !!!
صديت عنها
أميره : مب أنا اللي تصدين عني وقت المواجهه اعقلي و اركزي و كلميني
التفت لها بعصبيه
رنا : أنا أعقل منك تدرين بهالشي و لا ما تدرين
أميره : لا يا قلبي أدري بدليل شعرك ما شا الله غرقان مويه و ما فكرتي تحطين عليه منشفه و علبة الحلاوه !!
مكسوره و طايحه و مب قادره تلمينها و أغراضك منثوره على الأرض و ما جمعتيها لا ما شاء الله كل هذا يدللي على العقل اللي فيك !!!
و طلبيات أكل تحت وش كثرها ماليه الصاله و مالقت أحد ياكلها و الدراجه اللي بالصالة الرياضه كسرتيها و أعتقد انك ما تدرين عنها حتى !؟
ماشاء الله طلعتي أعقل مني تدرين !!
أنا انهرت خلاص و قمت أبكي
رنا : أميره و الله ما أدري وش أبي أنا تعبانه حيل يا أميره مدرين من ايش ضايق صدري ؟؟
طالعتني بحنان و سحبت المنشفه من على السرير و حطتها على شعري
أميره : اسمعي اللحين لا تقولين و لا كلمه بنروح نتغدى بره و نعين من الله خير و لا به شي ان شاء الله ولا يضيق صدرك يالغاليه يالله بدلي ملابسك و تعالي ........ على فكره أصاله تنتظرنا بروحها تحت ما أبيها تشوفك
بهالحاله أبي أشوف رنا الجميله اللي الكل يتكلم عن جمالها أما اللي قدامي اللحين وحش بسم الله علي مب انسان !!
قمت أضحك عليها يا حبي لها أميره تعرف متى تضحكني و تعرف متى تزعلني !!!
( من أجمل الأشياااء و أروعهااا أن تجد الصديق الذي يفهمك كأنه أنت و كأنك هو )
_________________________

البارت الثامن


يوم السبت
الساعه : 02:00 ظهرا
استراحة خالد بن عبدالرحمن
______________
أمير :
بدى السباق و اشتد الحماس و كلنا متحمسين
طبعا اللي اشتركوا في السباق وائل و بندر و مازن و أخوي أحمد و عبدالمجيد
كل واحد فينا يشجع له واحد بس فجأه طلعت لنا فرس بدون فارس ادخلت معاهم في السباق بكل قوه لدرجة انها كانت أسرع منهم
تفاجأنا كلنا الصراحه قام أبوي و قال بصوت عالي :
أبو أحمد : شموخ أميره .............. وقفوها لا تسابق شموخ مريضه لا تسابق !!
و طبعا كيف نقدر نوقف شموخ بكل هالجموح و القوة اللي تركض فيها مر السباق و حنا قلوبنا تلعب لعب و أبوي كان شاد على أعصابه هو يدري ان شموخ مريضه
أجل كيف دخلت السباق وين أميره عنها معقوله ما تدري ان شموخ مريضه !!
جيت بأدق عليها أبوي مسك يدي
أبو أحمد : أميره ما تدري ان شموخ مريضه ؟؟
تفاجأت بصراحه !!
انتهى السباق بفوز بندر و طبعا بعد السباق هاجت شموخ مع انها فازت بالمركز الثاني
و محد قدر يوقفها غير الوالد الله يحفظه خذها للأرض الخصبه !!
و تركنا و وجهه متغير طبعا الشباب زعلوا كيف تدخل شموخ السباق بدون فارس
و أنا ميت ضحك عليهم
شوي جتنا مرة عمي أم ناصر
أم ناصر : أميره و رنا و أصاله مهم بالمزرعه ....
قام عمي فهد معصب
فهد : نعم ....... خير ان شاء الله وين راحوا ؟؟

أم ناصر : مدري عنهن اسأل أميره بنت مساعد
مساعد : وش فيها بنتي يا موضي ؟؟
أم ناصر : طلعت ولا يندرى وين خذت البنات ؟؟
سكت أبوي لأنه مب من عادته يعصب قام ناصر يقول :
ناصر : وين بيروحون يعني يا يمه ؟؟
جتنا الهنوف
الهنوف : يا يمه الله يهديك توني مكلمه أميره تقولي انهم بالرياض راحو السوق يجيبون بعض الأغراض للحفله حقت البنات ؟؟؟
قمت أصرف من عندي
أمير : أيه صح أمس قالت لي انها بتروح تجيب أغراض مع أصاله و رنا لزوم الحفله قالت لي أقول لأبوي بس نسيت !!!
أدري اني راح آكل تهزيء بس كله عشان أقهر هالمره يهون
طالعني أبوي بحده !
أمير : ويمكن أصاله قالت لوحده من خواتها
حامد : و بعد رنا قالت لي انها بتروح معاهم
و الله سنايدي ولد العم أدري انه مثل الأطرش بالزفه مثلي بس عرف كيف يتصرف ؟؟
المهم طاح وجهها خرابة البيوت أم ناصر ول عليها من مرة قشره !؟؟؟
راحت تجر أذيال الخذيلة خلفها مثل ما يقولون خخخخخخخخخخ
أمير: يا شيخ و الله فهمتها و هي طايره
حامد : أنا متأكد ان السالفه غير كذا بس خلني أشوفها رنوه ان ما كسرت راسها
الله يستر بس لا تصير لنا مصيبه مب قادر أتخيل وش يصير ؟؟؟
و المسكينه أميره لو تعرف ان شموخ مريضه بتنهار ؟؟
حامد : تعال معاي للجراج القديم شاك في شي
رحنا الجراج القديم
فتحناه و انصدمنا السياره المرسيدس مب موجوده
قمت أطالع حامد و انا فاتح فمي !!! معقول اللي أفكر فيه يكون حصل
حامد : هالبنت وشو بالزبط ؟!! ودي أعرف من أي كوكب نازله علينا لا اله الا الله
أمير : مب معقول !! أقولك تعال نسأل الحارس
رحنا للحارس
حامد : مين من السواقين مب موجود ؟؟؟
الحارس : عبدالرزاق
أمير : أوف أشوى اللي ببالي ما صار
حامد كان معصب حيل
حامد : بأي سيارة طلع
الحارس : الجاكوار السودا
أنا انصدمت
أمير : و المرسيدس
الحارس : طلعت بسرعه رهيبه من البوابه بس ما عرفت مين اللي يسوقها
حامد : بنت الـ .............
أمير : أوش لا تكمل يا رجال بنعرف السالفه قريب بإذن الله
____________
من مذكرااات أصاااله
__________________
يوم السبت
الساعه : 08:00 مساءا
استراحة خالد بن عبدالرحمن
________________
أصاله :
رحنا السوق و تغدينا و عينا من الله خير و كل وحده شرت لها اللبس التنكري اللي بتروح فيه الحفله !!
و رنا رهيبه كانت محتاره وش تختار ؟؟
ما رضت اننا ندخل معها المحل اللي تبي تشتري منه ملابسها قال ايش ما تبينا نشوف وش بتلبس !!
أميره : شموخ فازت بالمركز الثاني قهر أكيد حست اني مب معاها
أصاله : وش دراك ؟؟
أميره : قالت لي الهنوف الخبر بالجوال
رنا : و مين حضرت جنابه اللي فاز ؟؟
أصاله : مين يعني أكيد زوجها
أميره : ايه بندر اللي فاز
أصاله : رنا بسألك سؤال ؟؟
رنا : تفضلي
أصاله : اللحين السياره المرسيدس كيف بتردينها ؟؟
رنا : عادي يا حبي بخلي واحد من السواقين يسوقها و يوديها
أصاله : أها
رنا : بس كل الخوف من حامد هو اللي دايم كاشفني
صرنا طول الطريق و حنا نضحك طبعا خذنا الأكل اللي لقيناه أول ما جينا وش كثره
اضطرينا ناخذ السيارة الكبيره بعد مع سيارتنا اللي جينا فيها عشان نشيل الأكل
و ماري مسويه لنا تورتات خطيره أشكالها وناسه يعني بتصير حفله معتبره
وصلنا المزرعه بعد العشا تقريبا و لقينا قدامنا جيش من المرحبين كأننا جايين من سفر
ناديه : و الله شي ما توقعتكم متحمسين لهالدرجه
الهنوف : هلا و الله ان شالله جبتولنا الغنايم معكم
أميره : طبعا نعجبك حنا
هيفا : رنو وش جبتي لنا ؟؟
رنا : كل اللي تتمنونه
الجوهره : صدق ؟؟؟
أصاله : طبعا يا قلبي اللحين الشغالات بيجيبون الأغراض و تشوفونها
رانيا : أجل ليه طلعتوا منخشين
أنا حسيت هالسؤال مثل الصفعه على وجهي و طبعا التصريفه جاهزه
أصاله : حبينا نسويها لكم مفاجأه
دخلنا للمجلس لقينا زوجات عماني يطالعنا
طالعت أمي اللي كنت متوقعه انها بتذبحني بس كان عادي على قلبها و أنا كنت خايفه منها !!!
أم أحمد : وين كنتوا يا بنياتي تأخرتوا كل هذا تشترون أغراض للحفله
أميره : تدرين يا يمه البنات يحبن السوق و دايم نتأخر فيه
أم ناصر : كل هالوقت سوق ؟؟
طالعتها أميره بلا مبالاه
أميره : تدرين ان المزرعه بعيد مره عن الرياض فماله داعي السؤال عن التأخير
قالت جدتي شهده فديتها
شهده : و الله يا موضي اللي ماكل العلقم في فمه يسكت و ينكتم البنات راحن السوق يعني راحن السوق
خلي ثقتك في نفسك عاليه شوي الله يصلحك !!
طالعت أميره للبنات بإنتصار هههههههههه
أميره : يالله يا بنات كل وحده تروح تجهز نفسها للحفله
طلعوا كلهم بقيت أنا واياها و رنا
زوجة عمي ابراهيم مره حبوبه يا حليلها
أم ناديه : وش جبتوا لنا معكم
أميره : كل الخير يا وجه الخير
أم ناديه : تسلمين لي يا الغاليه و الله لو عندي ولد زوجتك اياه
أميره استحت ...
قامت زوجة عمي سامي هالإنسانه عصريه بمعنى الكلمه
أم سعد : يالله يا حلوات وروني شجبتوا
أم بندر : تدرون متحمسه أحضر هالحفله
أصاله : و لو كلكم معزومات هذي حفلتكم قبل ما تكون حفلتنا
أم ناديه : الله يسلمك يا بنيتي أكيد بنحضر ان شا الله
و أمي ساكته معصبه و مقهوره ليه هي غير عن كل الناس ما أدري !!!
____________
يوم السبت
الساعه : 09:30 مساء
استراحة خالد بن عبدالرحمن
_____________
أميره :
ورينا مرة عمي سامي أغراضنا و جينا بنطلع حتى ما وطينا الدرج

جتنا الهنوف
الهنوف : أميره أصاله رنا .... أمير و حامد يبونك بالخيمه
رنا ضربت الأرض بإنفعال
رنا : حلو كملت ............... أوه هذا اللي كنت خايفه منه !!
قالت أصاله بكل بساطه
أصاله : رنو حبيبي حامد أخوك و أمير أخو أميره أنا مالي دخل
الهنوف : و انتي معهم يالشاطره
أصاله : رينيا
رينيا : نعم مسز
قالت بطفش
أصاله : أوووف طلعي لنا هالأكياس فوق بالصاله
أميره : مشينا بنات
الهنوف : لا تنسون تتغطون هههههههههه أكيد بتتهزأون بيفوتني الصراحه
رحنا لهم لقيناهم بالخيمه بروحهم أول ما شافونا وقفوا
دخلنا ....
رنا : نعم
حامد : قولي السلام عليكم على الأقل
رنا : اخلصوا علينا وش عندكم ؟؟
أمير : وين كنتوا ؟؟
ضحكت رنا بصوت عالي و قالت :
رنا : أبونا عشان تسألنا ههههههههههههههه و الله تطورنا
قمت أدق رنا عشان تسكت محد بيودينا في داهيه غيرها
أميره : رحنا نشتري أغراض للحفله
حامد : طيب يا أميره بما انك عاقله و فاهمه قولي لي وين السياره المرسيدس ؟؟
طالعته رنا
رنا : حلو و الله أجل حنا اللي صرنا ما نفهم
حامد : انتي أصلا بزرنه ؟؟
رنا : لا يا شيخ
أمير : وين السياره خلصونا ؟؟
رنا : انت !!! ........
قاطعها حامد بعصبيه قبل ما تكمل
حامد : يا بنتي انتي وين عايشه احترمي نفسك على الأقل سوي حشيمه للناس اللي انتي معاهم !!!
أصلا انتي ماتعرفين تحشمين نفسك يالبزره
رنا : أنا بزره !!!
حامد : طبعا لأنك اتصرفتي بتصرف غبي تسوقين السياره في شوارع ممنوع فيها السواقه للحريم بتفضحينا انتي !!!
و ماخذه المرسيدس بدون اذن أصلا كيف وصلتي للمفتاح هذي ما تسمى سرقه و بزرنه و تسافرين من هنا ثلاثمية كيلوا للرياض بروحك ما معك أحد أفرض صار لك شي وش بيكون موقفك و محد بيروح فيها غيرنا !!!
و انتم يالعاقلات أميره و أصاله تاخذون عبدالرزاق و تسافرون للرياض لاحقينها لا و الله أفضل تصرف سويتوه !!
بصراحه أبهرتوني بعقلياتكم التوب !!!
أميره : أنا خفت ..........
قاطعني حامد
حامد : ما خلصت كلامي للحين حتى ما سويتوا لنا شوي أهميه و دقيتوا علينا لدرجة انه أم ناصر الله يجزاها خير
جت و شكتكم لعمي مساعد و قدام كل هالرجال شككت في طلعتكم بهالسريه مسويين لي عصابه !!
كلنا طالعناه مستغربين .........أم ناصر !!!!
معقوله حسبي الله عليها
أصاله : أمي !!!!!
أمير : ايه أمك و الحمد لله اننا أنقذنا الموقف بسرعه لو كان من جد تسطرتوا .. و في الأخير انحطت على روسنا حنا !!!
رنا : مشكورين يا المنقذين
كان صوتها مهتز عرفت انها خنقتها العبره
حامد : انتي اسكتي و لا كلمه ..... و هاتي المفتاح !!
رنا : المفتاح مب معاي بالشنطه برسله لك مع الشغاله
قالها بحد
حامد : لا تجيبينه انتي و اللحين .......... يالله تفضلوا
طلعنا من عندهم و حنا على روسنا غيوم و سحب !!!
طلعت أصاله لغرفتها و هي ساكته المسكينه منصدمه في أمها و أنا و رنا دخلنا غرفتنا
فصخت عباتي و جلست
أميره : مالي نفس أسوي شي ؟؟
قامت تدور على المفتاح في شنطتها بعصبيه
رنا : وينه مفتاح النحس هذا ؟؟
سحبته من الشنطه و حطت طرحتها على كتفها و طلعت !!
______________
من مذكرات رنااا
______________
يوم السبت
الساعه : 11:50 مساءا
استراحة خالد بن عبد الرحمن
______________

رنا
نزلت أودي المفتاح لحامد
و أنا متوتره و طاقتني ام الركب أوف مالقى يهزأني الا قدام أمير !!!!!!!
يوووووووووووووووووف مقهوره حيل !
رحت للخيمه مالقيت الا أمير جالس يتقهوى الأخ و مستانس
كنت بأغطي وجهي بس لا و الله وش يعني عاد أنا ما أطيقه
قلت بعفاشه
رنا : حامد وينه ؟؟
هو طالعني مذهول مب مصدق اني بنت من الحركه الدفشه اللي سويتها !!
أمير : اللحين بيجي
طالعته من فوق لتحت
رنا : تدري اني ما أدانيك و لا أطيقك
ابتسم لي بكل هدوء و قام يصب له قهوه و لا حتى طالعي مررررررره قهرررررررررررررررررني
أمير : ههههههههه أدري يا بنت العم ترى نتقاسم نفس الشعور هههههههههه
أنا انقهرت بقوه انقهرت ما تدرون كيف حسيته طيح وجهي بقووووووووووووووه
طلع حتى هو ما يدانيني حاولت أكون طبيعيه جدا و لا على بالي
رنا : عادي خذ راحتك تراني أحترم وجهات النظر مهما ساءت
ما طالعني حتى.. قام ياخذ تمر من الصحن و هو مبتسم لهالدرجه ما يبي يطالع بوجهي !!!
أمير : ما ودك تغطين وجهك تراني ولد عمك مب أخوك أشوفك مطيحه الكلافه و عادي تفصخين الغطوه قدامي !!
هالمره بقوووووووووووه طاح وجهي صدق
رنا : أوف شوف المفتاح هنا لما يجي حامد عطه اياه
طلعت من الخيمه أحس بثقل مب قادره أتحمل كل اللي صار !!
دخلت للغرفه بعد ما شفت الصاله اللي بتصير فيها الحفله
أميره : وش فيك تأخرتي ؟؟
رنا : أخوك هذا رافعلي ضغطي
أميره : ليش ؟
حكيت لها السالفه كلها ماتت البنت من الضحك !!
رميتها بالمخده و قلت :
رنا : صدق ما تستحين
أميره : هههههههههه و الله وسعتي صدري بعد التهزئ اللي أخذناه كنت بعتذر عن الحفله .......بس اللحين لاء هههههههههههه
رميتها بالمخده من قهري و قمت أضربها قامت ترمي علي المخدات مسويين حرب فجأه انفتح الباب
حلا : وش فيكن يالمصرقعات مالبستن هههههههههههههه وش هذا وش هالأشكال ؟؟
طالعنا في بعض من جد أشكالنا تضحك !!
شعورنا منكوشه و طايره و الغرفه حايسه و الأغراض طايحه !
قمنا نضحك
حلا : بصراحه ما يحتاج لكم تنكر كذا تنكركم رائع ههههههههههه
أميره : تتريقين هههههههه !!
حلا : أقول يالله قوموا بسرعه ترى بيبدى الحفل خلاص الشغالات خلصوا الصاله
رنا : ان شا الله
أول ما حلا سكرت الباب فطسنا ضحك
رنا : أميره ....إن عيناك رائعتا الجمال
أميره : لا يالخبله شعرك رائع الجمال ههههههههه تدرين تصلح تكون تسريحه موضة 2012 خخخخخخخخ
رنا : لا ياشيخه عاد شعرك حتى موضة 2000 ما يصلح هههههههه
و قمنا نضحك ...
شوي رن جوال أميره
أميره : اوش هذي أماني ؟؟
رنا : أخت حبيب القلب
أميره : هلا يالغلا ....... مرحبتين
تركتها تكلم و قمت رحت للحمام تسبحت و طلعت لا قبل ما اطلع طالعت المرايه و قمت أحاكي صورتي
لهالدرجة أنا قبيحه عشان أمير ما يطالع بوجهي !!!
لا لا أكيد في غلط ....
طلعت من الحمام شفت أميره
رنا : ها وش صار معك ؟؟
أميره : كلمته ..
رنا : مين ؟؟؟
أميره : عبدالله
رنا : ايشششششششش و الله انك مجنونه !!!!!!!!!!
أميره : لا و الله أماني فتحت الإسبيكر و قام يكلمني قدامها
رنا : و من الحب ما قتل
أميره : وش قصدك ؟؟
رنا : لا و لا شي بس يا ليتك تقومين تنزلين هالجبل اللي على راسك ترى شكلك يخرع ؟؟؟
أميره : هههههههههه على أمرك يا فخامة الرئيس
دخلت تاخذ شور و أنا قمت أستشور شعري و أتمكيج أبي أطلع أحلاهم بس بعد نظرات أمير البغيضه لي
حسيت اني أشين البنات يا ربي ليه هامني رأيه و أنا ما أدانيه يووووف !!!
لا بس بصراحه اكتشفت اني أكذب على نفسي !!!
ما أدانيه كلمه أقولها لكن اللي في داخلي غير !!
( أحيااانااا تختلط الأحاااسيس بجمود ... لتنطلق عبااارااات دسمه معناااهااا الحب )
_____________
يوم السبت
الساعه : 12:30 مساءا
استراحه خالد بن عبدالرحمن
_____________
الهنوف
أما البنات عليهم تنكر رهيب
كنت متوقعه بيسوون مثل عيد الهالويين اللي كله وحوش
حلا متنكره بزي العرب أيام زمان بس مره روعه جاي على ملامحها شي كأنها عروسه مع اني ما أحبها هالبنت !!
و هلا متنكره بزي فرعوني مره حلو و خصوصا رسمة عيونها ذكرتني بكليوا بترا
و أصاله بزي هندي طالعه هنديه هي و هالزمام الكبير على أنفها
و هيفا بزي بدوي بس مره عجبني بالمره حلو عليها مناسبها
و الجوهره زي مصري بلدي و هذا بعد عجبني كأنها مصريه من جد
وعد تنكرت بزي الأمريكيات أيام زمان الفساتين النفاشه و المشد اللي يموت مدري كيف شدته على خصرها بس مره شي !
رانيا تنكرت بزي روماني مره شي بس طبعا الزي الروماني أغلبه مفتوح و خالع!!
أما رنا بصراحه تفاجأنا بزيها لابسه فستان خطيييييييييييير قليله عليه و حاطه قناع على عيونها بس مثل اللي كانت تصير في حفلات الأوروبيين زمان مره شي ...
أميره كانت متنكره بزي ملكي فرنسي قديم رائع بصراحه مره عجبني عاد أنا و ناديه كنا من المتفرجين مع حريم أعمامي
كانت الحفله وناسه لأبعد الدرجات
جدتي شهده عجبتها هيفا لأنها لابسه اللبس البدوي فعجب العجوز !!
شهده : تعالي يا هيفا و الله هالبس عجبني
هيفا : شفتوا لبسي عجب جدتي وااااااااااااااااااو
و باست جدتي على راسها مبسوطه
أم سعد : بصراحه رنا عجبني لبسها قمه صراحه و عصري جدا
أم ناديه : أصاله لبسها أحلى تنكرها مدقن
أم ناصر : هلا بصراحه اهي اللي عجبتني
أم بندر : قصدك رانيا تنكرها بصراحه حلو مره
أميره : تدرون من شاور ما عطى ههههههههههه
أم سعد : عاد انتي رائعه بكل المقاييس هههههههههه
أميره : مشكوره الله يسلمك
دخلنا بالصاله طبعا كلها بلالين و زينات و و ناسه طبعا الأكل اللي جابوه البنات سوى بوفيه كامل !!
و التورتات كلها مكتوب عليها اسم رنا و الله هالبنت رهيبه
طبعا رقصنا و استانسنا و وسعنا صدورنا
رنا : ودي أسمع صوتك أميره من زمان ما غنيتي لنا
حلا : و الله صادقه
الهنوف : تعرف تغني ؟؟
رنا : أفا عليك بس أكيد عليها صوت خيال
وعد : يالله يا أميره بسرعه
البنت استحت !!!
أميره : طيب موافقه بس تغني أصاله أول
حنا ما توقعنا هالكتكوته وجهها صغيرون مرة تجنن ما كنا متوقعين انا تعرف تغني
أصاله : يوه يا أميره ما اقدر
هيفا : ليه ما تقدرين إلا تقدرين !!
الجوهره : يالله أصاله غني أي أغنيه بسرعه ؟؟
حلا : تدرون شوقتوني أسمع صوتها
أصاله : طيب بأغني خلاص اللحين ؟؟
و قامت تغني يا زين صوتها يا ناس
هلااا باااللي يراااضيني ربيع القلب و الولـــــــه
هلااا به يوم يناااديني أعوف الكون على شااانه
هلااا و الله لين أقبل ينااادي الروح و يدلـــــل
و هو في غيبتي يسأل فداااه العمر و زمااانــــــه
حبيبي و لو عليه أزعل و مهمااا صدنااا طــول
عشااان عيونه بتحمل و اضيع بروض ريحااانـه
أول ما خلصت طالعناها مذهولين واااااااااااااااو ما شا الله عليها
البنت طالعتنا خايفه
أصاله : وش فيكم ؟؟
الهنوف : ما شاء الله
رانيا : وين هالمواهب من زمان عني ؟؟
هيفا : روووووووووووعه
هلا : أهم شي ان الأغنيه فيها اسمي عشان كذا حلوه
حلا : لا يا شيخه
ناديه : صوت ابداع
رنا : رائعه بصراحه
الجوهره : رهيبه ما شا الله
أصاله : مشكورين الله يسلمكم خجلتوني
رنا : أميره يالله دورك بسرعه يالله
أميره : طيب
ماااني على كيفك تمشيني الأول تحول يااا نظر عينـــــــــي

راااح الزمن اللي انت تااامرني و مااات الغلااا من بينك و بيني
ماااني على خبرك حبيبي صحيت من حلمي و طيــــــبي
و اليوم ترجع لي تبيني منك تغير كل مااا فينــــــــــــــي
ماااني على كيفك ...
مثلت لي انك محب وااافي و اليوم بين كل شي خــــــــااافي
ياااللأسف خااابت بك ظنوني و ضيعتني و مااا صابني كـــااافي
أعتب على وقتي و زماااني اللي على مثلك رمااانــــــــــــي
و اليوم ترجع لي تبيني منك تغير كل مااا فينــــــــــــــي
ماااني على كيفك ...
وفر كلااامك وفر أعذااارك شوقي تغير عن هــــــــــوااا دااارك
مركب غرااامك تاااه و توهني و اللحين أعاااني من أثر نـااارك
الليل و عيوني السهااارى خليتهم مثل حيــــــــــــــــااارى
و اليوم ترجع لي تبيني منك تغير كل مااا فينــــــــــــــي
مااا ني على كيفك ...
يالله على الروعه بس تصدقون حسيتها تغنيها من قلب و تقصد فيها ناصر !!
رن جوالي
الهنوف : هلا ناصر
ناصر : قولي لها أحبها مهما قالت
الهنوف : مين ؟؟
ناصر : أمورتي
الهنوف : صدق انك مجنون
من جد مجنون المسكينة بتنجلط لو اعرفت انه كان يسمعها !!!
ما راح أقولها شي !!
___________

يوم السبت
الساعه : 01:40 صباحا
مزرعة خالد بن عبدالرحمن
___________
عبدالهادي
تصدقون للحين ما نمت !!
من شفت ذيك البنت طيرت النوم من عيني
وش اسمها ؟؟ بنت أي من أعمامي
كنت طول الوقت سرحان في ملامحها و صوتها و فرسها
رحت للإسطبل دخلت أشوف فرسها فهده
لقيت وائل يشوف خيله
وائل : هلا و الله بعبدالهادي ما دريت انك تحب الخيول
عبدالهادي : كنت أتمشى بالمزرعه قلت أدخل التفرج على الخيول
وائل : وش عندك ؟؟
عبد الهادي : سلامتك
قمت أتفرج على الخيول و أشرت على فهده
عبدالهادي : هالفرس لمن ؟؟
وائل : هذي الله يسلمك فهدة أصاله بنت عمي فهد
حسيت اني ارتحت يوم عرفتها أصاله اللي اطلعت اليوم مع أميره و رنا ....... تشرفنا و الله !!!
عبدالهادي : تشرفنا
وائل : نفس سلالة عائلة شموخ
عبدالهادي : لا تكون شرسه مثل شموخ
وائل : لا تطمن هذي هاديه و عاقله
طلعت من الإسطبل و أنا أضحك و رحت للحديقة الشماليه تفاجأت بأصاله و الحمد لله ما شفتني قمت أراقبها بهدوء
أصاله : تدرين يا أميره مدري ليه الوالده تسوي كذا ؟؟
أميره : و الله يا قلبي مدري وش فيها ؟؟
أصاله : الحمد لله انك ما تزوجتي ناصر تدرين ليه
أميره : ليه ؟؟

أصاله : لأنك حبوبه و طيبه ما يستاهلك لا هو و لا أمي !!
أميره : الحمد لله على كل شي يمكن تكون خيره
أصاله : ودي أغني لك !!!
أميره : غني يا قلبي اللي تبين
أصاله : تدرين وش في بالي أغني لك أغنية تناسبك ؟؟
اتعبتني في البعد أحبك .. و انت جااافيني
و تعبت أبي أجفاااك أنااا في عز حبي لك
تخطي علي لين أحسك طحت من عيني
و يرفعك دمع من السمااا اختااار منديلك
ازعل و شف قلب الرضااا جااا بينك و بيني
ماااشفت أغرب من خطاااك يرد قلبي لك
تغيب و أسأل وين أنااا مدري أنااا ويني
اثري من الحزن اكثري بااالوهم ماااشي لك
غصب علي ماااا هو رضا ناااهت عناااويني
مني و كلي هااارب برضاااي مني لك
أسألك باااللي تعتذر فيني و اناااا الغيني
ماااودي اشكي منك لكن ودي اشكي لك
معقوله انك انت يا الطف من رأت عيني
قااادر تفرقني شتااات و لا اقدر امشي لك
أنا بقيت في مكاني من كثر ما اني رحت و سرحت بعيد مع هالأغنيه و مع اللي تغنيها !!
أميره : مااادمت قااادر بااالجفا تاااخذني بيدينـــــي
علمني كيف اترك يدك في عز حبي لك
أصاله : يا هووووو روعه
أميره : الروعه هو انتي يالغلا
أصاله : الله يسلمك
أميره : عن اذنك حبيبي برجعلك شوي
أصاله : تفضلي
انتهزت الفرصه بعد ما راحت أميره
عبد الهادي : ممكن لحظه
طالعتني البنت منصدمه اللحين أشوفها وجها لوجه
جت بتقوم قلت
عبدالهادي : آسف على اللي صار اليوم الصبح
اصاله : حصل خير
عبدالهادي : ما عرفتيني
اصاله : لا
و الله انصدمت بصراحه حتى ما تعرفني
عبدالهادي : عبدالهادي
أبتسمت لي و قامت
مره انقهرت راحت عن عيني .... بصراحه روعه هالبنت
قلبي تولع بأصاله ؟؟!!
ودعتني بإبتسامه راح تخليني احلم فيها طول الليل
مدري ليه أقول هالكلام و انا ما أعرفه أصلا !!
____________
من مذكرااات أصاااله
____________
يوم السبت
الساعه : 02:15 مساء
مزرعة خالد عبدالرحمن
______________
أصاله
يا ويل قلبي و ربي يجنن
يحسبني عاد اهتميت بموقف اليوم
بسم الله عليه يخبل !!
وش فيني قمت أتغزل في الرجال ؟؟
رجعت لغرفتي أبدل ملابسي طبعا الجوهره بنت عمي المقربه لي صديقتي الصدوقه على قول رنا معي بغرفه وحده
الجوهره : وش فيك بسم الله كأنك هاربه من أحد ؟؟
اصاله : شفته ؟؟
طالعتني مستغربه
أصاله : عيونه روعه ....... رموشه خيال يااااااااااااه
الجوهره : بسم الله على عقلك ......... لاااء البنت عقلها ضرب !!!
أصاله : شفته يا الجوهره آآآآآآه
الجوهره : مين ؟؟
أصاله : عبدالهادي
انقزت البنت من مكانها
الجوهره : حبيب هيفا !!
انا انقلعت عيوني من مكانها
أصاله : هيفا تحبه ؟؟
الجوهره : ايه لا تكوني حبيتيه
أصاله : شفته اليوم مرتين
الجوهره : شف الحظ هيفا تتمنى تشوفه لو مره وحده و لو بالصدفه ؟؟؟ و انتي تشوفينه مرتين باليوم دنيا حظوظ و الله
أصاله : هيفا !!!
الجوهره : قوليلي كل شي صار بالتفصيل !!
جلست قبالها و قلت لها كل اللي صار بينا اليوم
أصاله : وش فهمتي من اللي صار ؟؟
الجوهره : الرجال طاح في حبالك و خلاص ... الله يعين هيفا لأنه يوم جاك المره الثانيه هذا دليل على انه .....
أصاله : دليل على وشو ؟؟
الجوهره : ما يبيلها كلام على انه حبك من أول نظره
تنهدت بحزن مسكينه هيفا و هو بعد مسكين !!
و أنا بعد مسكينه لأني لأني بكل صراحه حبيته من أول موقف صار بينا !!
بدلت ملابسي و جلست على سريري أفكر
الجوهره : زعلتي مني
أصاله : لا يا شيخه بالعكس زين انك قلتي لي عشان ما أجرح مشاعر البنت
الجوهره : بس باين انه حبك انتي
أصاله : لا حتى لو حبني راح أخليه يحب هيفا
الجوهره : .............................
أصاله : لا تقولين لهيفا شي الله يسلمك
الجوهره : أفا عليك يا قلبي سرك في بير بعدين هيفا شينة طباع لا تهتمين لها ؟؟؟
ابتسمت لها و قمت
قمت طفيت النور و تركت الجوهره تنام و رحت للبلكون فتحته و جلست
ياه الهوا حلو مره و القمر ماله اثر اليوم !!
قمت أغني و أدندن مع نفسي
قلت لنفسي :
تخيلي يا أصاله لو عبدالهادي لو خيرك بين حبه و بين بعده
وش تختارين ؟؟؟
قلت بكل ثقه .... بختار بعده لأني ما أبي أجرح أحد
آسفه ....
وعدت نفسي بيني و بين نفسي بهالشي !!!
عشان لو حصل أي موقف اتصرف صح
خلاص اعتبري انك ما قابلتي في حياتك واحد اسمه عبد الهادي
بس كل ما أتذكر عيونه أغير رأيي !!
أنا من صدق حبيته و لا أكذب على نفسي !!!؟؟
( الحب : سفينة تااائهه لم تجد لهااا قااائدا أو حتى مرسااا ترسو عليه )
_____________
من مذكرات رنااا
______________
الساعه : يوم السبت
الساعه : 02:30 صباحا
مزرعة خالد عبدالرحمن
__________
رنا
حزينه !!
هذي حالتي بإختصار الساعات اللي راحت !!
معقول أمير شايفني شينه و دفشه و بزره !!
يااااااااه قديش موقفه معاي قهرني !
ليه اهتميت فيه هو ليه !
دقيت على جواله حتى بدون ما أشاور عقلي هل اللي أسويه صح و لا غلط !!
رد من أول رنه بس أنا سكت ما قدرت أقول حرف ؟
أمير : ألو
رنا : ...............
أمير : رنا !
قلت و الإحراج ذابحني
رنا : أأ ممكن !!
أمير : ممكن ايش !!
رنا : ممكن أشوفك في ......
قلتها و الدمعه تنزل من عيني مدري وش سببها !
قلت و أنا آخذ نفس بصعوبه
رنا : ممكن أشوفك في .... في الحديقه .......الشماليه
و شهقت مدري ليه
أمير : رنا وش فيك ؟؟؟
بكيت و انهرت
رنا : أبي أشوفك في الحديقه الشماليه !!
أمير : ان شاء الله أبشري اللحين بكون في الحديقه الشماليه بس انتي اهدي !!
سكرت منه و رحت للحديقه الشماليه اسحب نفسي سحب !!
( الإعتراااف بااالحب بعد البغض و الكره قاااتل صعب ... و ربمااا يقضي عليك بااالضربة القاااضيه )
_______________

البارت التاسع
____________
يوم السبت
الساعه : 02:45
مزرعة خالد بن عبدالرحمن
____________
أمير
وش فيها رنا ؟؟
روعتني ما تدرون قديش هالبنت عزيزه على قلبي
رغم تهوراتها اللي تعجبني !!
تدرون أبي أعترف لكم اني ...... أحبها!!!!!!!
رحت للحديقه الشماليه شفتها جالسه على الكرسي تبكي !!
أول ما وقفت قدامها رفعت راسها و طالعتني !
وقفت !!
طالعتها و طالعتني مدري وش احساسي بالزبط بس حسيت بنفسي أرفع
يدي أمسح دموعها و أبعد شعرها عن وجهها
شهقت و هي تبتسم
رنا : أنا طلبتك هنا عشان أقولك سامحني و حللني مدري ليه أحس اني
بأموت !!
طالعتها بعصبيه و قلت :
أمير : وش هالكلام الفاضي ان شا الله بتعيشين و يمكن أكثر مني !!
لا تقولين هالكلام .
رنا : احساس فظيع خانقني ......
سكتت و الدمعه تنزل من عيونها
مسكت وجهها و رفعته و قمت أطالعها
معقوله تموت ....!!!
هالوجه و هالجمال و هالدموع و هالإنسانه بكبرها تموت ؟؟؟
لا مب معقول !!
ابتسمت ..
رنا : بتسامحني !!
أمير : طبعا يا بنتي محللك من متى زعلت منك عشان تقولين هالكلام ؟؟
رنا : صدق !!
هزيت راسي و انا مصدوم مني متخيل الحياه بدون رنا !!
ابتسمت لي و هي تمشي بتروح
رنا : الحمد لله ارتحت !!
و هي تقفيني و تروح
أمير : رنا
التفتت تطالعني
رنا : هلا
أمير : أحبك
جت وقفت قبالي و هي تطالعني و ترفع راسي بيدها و تبتسم
رنا : صدق يا ولد العم ...... تدري شعور مشترك !!
ابتسمت لي و مشت
مسكت يدها
أمير : انتي لي ...... اوعديني ؟!!
رنا : أوعدك
__________
يوم الأربعاء
الساعه : 07:50 مساءا
الصحراء
_______________
أميره
مر ثلاثة أيام على جلستنا بالإستراحه استانسنا لأبعد درجه مره وناسه

لمينا أغراضنا بنرجع للرياض ركبت مع أمي و أبوي و رنو يا قلبي عليها و معانا أصاله و الله في هالثلاث الأيام كونا ثلاثي مرعب عصابه حشى مب بنات ...
أمير ركبوا معاه الشباب مرجوج !!
و أحمد شل زوجته و سبقونا
و كل وحده ركبت مع أهلها و ساروا لبيوتهم
و انا اركب السياره شفت ناصر طالعته مدري كيف افسر نظرتي له بس مره يقهرني
و هو طالعني نظراته تقولي ......انتي لي !!
ركبت السياره و جلسنا نسولف لين جا أبوي و حركنا
في الطريق أنواع الضحك و الوناسه
و الله شي أبوي قام يسولف لنا عن أيام زمان و يضحك مع أمي و يمزح معاها
و حنا نضحك عليهم شيبان و اجتمعوا طول الوقت ضحك و وناسه
مر وقت و حنا مستانسين قام أبوي يسألنا وش نبي أغراض من المحطه التفت علي مدري وش كان بيقول .... فجأه صرخت أصاله
أصاله : عمي انتبه للسيارااات ؟؟
مرت اللحظه سريعه أسرع من الخيال وجه ابوي اللي كان يطالعني اختفى و شفت ارتباكه و هو يعدل مساره عشان السيارات بس بلحظه لقيت نفسي برا السياره مدري كيف مرت علي اللحظه بهالسرعه مدري حسيت بألم في رجلي و دم ينزف من يدي شفت السيارات مقلوبه سيارتنا و السياره اللي صدمنا فيها سمعت صوت صرخات أمي و رنا وقفت أبي أشوفهم ما قدرت من قوة الألم زحفت لهم زحفت بكل قوتي زحفت و مع كل خطوه الألم يفتتني قربت من السياره لقيت أصاله تتأوه من بطنها و الدم على وجهها واقفه تطالعني ...
صرخت فيها
أميره : أصاله ساعدي رنا و انا بساعد أمي و أبوي
تسندت على الباب و وقفت أطالع أمي ما كانت حاسه بالدنيا مسكت يدها بقوه و بديت أبعد عنها القزاز قمت أسحب الباب اللي مب راضي ينفتح انفغص مع قوة الصدمه و مع الظلام كل شي كان أسود معدا القزاز اللي كان يلمع مع ضوء القمر صرخت بصوت عالي
أميره : أبوي رد علي الله يخليك أبوي وينك يمه ردي علي !!
حسيت يد أمي ترتخي بين يديني و سمعت صرخت رنا
أميره : رنا رنا ردي علي وش فيك ؟؟
كنت مرتبكه ودي أساعدهم كلهم ما عرفت كيف !!
فجأه صرخت علي أصاله و جات لمي بسرعه و هي تبكي و تسحبني بقوه و المسكينه تتوجع حسيتها لما مسكتني دمها يجري بحراره على جسمي ما كنت مستوعبه انها تنزف بهالغزاره
أصاله : أميره ابعدي عن السياره بتنفجر أميره
سمعت كلامها وصرخت : لااااااااااااااااااااااااااااااااااااااااااااا أبوي أمي رنا
أصاله نقدر نساعدهم يا رنا رنا أرجوك دفي الباب بقوه اطلعي أنا أبي أروح لهم بس أصاله مسكتني بقوه و بعدتني عن السياره و أنا أدفها و أصرخ أول ما بعدت عن السياره انفجرت !!!!
لحظه قاتله مدري كيف مرت في حياتي !!!
اول ما انفجرت وقفت مصدومه طحت على الأرض و عيوني صارت تراقب النار و هي تاكل السياره حسيت اني مت معاهم للحظات بعدين رجعت لألم الواقع و صخبه و قسوته على قلبي
مب متصوره كيف ان النار قاعده تاكل أجسام أعز الناس على قلبي ما حسيت بشي الا بأصاله تحضني بقوه بعد ما انهارت بقربي حضنتني بقوه و أنا أشوف المشهد بصمت ما قدرت أتكلم أو حتى أصرخ اختنقت ارتعشت سكنت حسيت قلبي وقف عن النبض لدقيقه كامله من قوة الصدمه ....
سمعت صوت أصاله و هي تبكي و تشهق و فجأه ضاع صوتها بين السكون و هدوء الصحراء و صوت النار و هي تلتهم كل شي بدون رحمه !!!
تلتهم كل شي بوحشيه و قسوه و جفا تلتهمهم و تحرقني أنا و تعذبني أنا مجرمه مالها أي عقاب مجرمه مالها أي حد أو قصاص تقتلنا و حنا ساكتين نشوفها و نتألم بخوف !!
لحظات مرت علي مثل الجمر و النار تلتهم كل شي ... طالعت السياره طالعت أصاله شفتها تطالعني مبتسمه و هي ساكته وجهها على صدري و
أنفها قريب من جرحي توني أحس بحرارة أنفاسها بس اختفت هالحراره فجأه بدون سبب !!
بعدت وجهها عني و هزيتها و أنا أطالعها مستغربه البنت مبتسمه لي و عيونها تطالعني أول ما تركتها طاح جسمها بين يديني و ملابسها كلها دم !!
حقيقه وحده ما قدرت استوعبها انها ماتت نزفت لين ماتت أنقذتني و راحت روحها ماتت معاهم و تركتني بروحي !!
أصارع العالم بروحي و أتحمل قسوته و غضبه بروحي ليه ليه !!
لاااااااااااااااااااااا مني متخيله ان أصاله بتلحقهم لا لا لاء أنا أحلم قمت أهزها أسمع السيارات توقف و صوت سياره المرور قريبه من اذني و أصوات ركض و أصوات رجال حولي
طالعت لأصاله مسكت وجهها قربته مني طالعته بذهول أبيها ترمش تتحرك تتحسسني انها عايشه باقي للحين تبعدني عن النار تحسسني ان باقي معاي أحد عايش صرخت من صعوبة تقبلي للموقف صعوبة اني اشوفها قربي ميته الموت قريب مني حيل !!!
أميره : أصاله لا تتركيني بروحي أصاله لا تموتين مثلهم انتي يا أصاله عايشه صح أشوفك تبتسمين لي أصاله لا تتركيني بروحي الله يخليك لا تموتين مثل رنا رنا الخاينه تركتني و ماتت أصاله الله يخليك أنا أكره رنا رنا أخلفت وعودها و أكرهك آآآآآآآآآآآآآآآآآآآآه لاااااااااا
أبي أموت معاكم لا تتركوني بروحي لاااااا الله يخليكم موتوني معاكم يا رب موتني أبي أموت خذوني أموت معاكم تركت أصاله و قمت مثل المجنونه نسيت الألم و نسيت الدم و نسيت كل شي و أنا أشوف النار خفت حدتها قمت أركض و أسحب خطواتي أبي أشوف أمي و أبوي و ......رنا لاااااااااااااااااا صرخت بهستيريا و أنا أركض و الرجال يطالعوني
أميره : أمي يا يمه أحبك و الله أحبك لا تموتين أبوي حبيبي وعدتني انك تحضر حفل افتتاح معرضي و عدتني انك توديني معارض فرنسا أبوي بدونك ما أسوى أبي أموت معاك أبي أروح لكم خذوني رنا ليه متي ليه يا رنا مالي غناة عنك خذوني معاااااااااااااااااااااااااااااااااااااكم لا تتركوني بروحي أحتاج لكم آآآآآآآآآآآآآآآآآآآآآآآآآه
أبيكم خذوني معاكم لا تتركوني يماااااااااااااااااااااااااااااااااااااه أبيك في حياتي
لا تتركوني انتوا حياتي قربت من السياره فواحد من الرجال مسكني بقوه و بعدني
أميره : ابعد عني اتركني حرام عليكم طفو النار أكلت أغلى ناسي حرام عليكم أبي أمي أبي رنا أبي أبوي أحتاج لكم أبيكم حرام عليكم ليه تقسون علي ليه تدمروني ليه تقتلوني
ليه متوا و تركتوني بروحي لااااااااااااااااااااا !!!
و اختفى كل شي من حياتي !!!
____________
يوم الأربعاء
الساعه : 08:30 مساءا
دبي في أحد المقاهي
____________
عبدالله
طلعت مع الشباب نغير جو
يلسنا نسولف و نضحك
و خصوصا انه توني طالع من الدوام تعبان
عزمني واحد من الشباب للمقهى
طلبت قهوه تصحصحني بس حسيت نفسي تعبان ودي ارد للبيت
قمت رحت أطلب نسكافيه يمكن يكون أقوى أحس راسي متفجج يعورني حيل
ياني الطلب طبعا كوب معتبر كبير يعدل الراس شلت الكوب و مشيت للطاوله
فجأه بدون ما احس طاح الكوب من يدي و انكسر و تناثرت القهوه على ثوبي
استغربت و حسيت اني صحصحت غصبن علي و قلبي قام يدق بقوه عجيبه
اعتذرت من الشباب و دفعت ثمن الكوب و القهوه و طلعت من المقهى مسرع
مدري وين بتكون وجهتي للبيت للشارع للبحر مدري !!!
لقيت نفسي اتجه للبحر ركنت سيارتي عند الشاطئ
و طلعت ....
شو يا عليك يا عبدالله توك وش زينك وش فيه قلبك يعورك !!
مسكت جوالي و دقيت على أماني
أماني : هلا بهالصوت
عبدالله : هلا فيج ؟؟
أماني : شو يا عليك ما يت البيت ؟؟
عبدالله : انتو بخير !!
أماني : الحمد لله شفيك ابويه تسأل
عبدالله : حبيت اتطمن عليكم تدرين أحب أسوي اكشن
أماني : ههههههههههه تدري ماتطمن هالرمسه بصراحه
عبدالله : شو ياج انتي بعد سمعي بتأخر اليوم قولي لأمايه عشان ما ينشغل بالها !!
أماني : ان شا الله على راسي
عبدالله : يسلم لي راسج
بغيت اسكر بس ...
عبدالله : شخبار اميره ؟؟
أماني : ان شا الله بخير لي كم يوم ما كلمتها بكلمها ان شا الله
عبدالله : سلمي عليها
أماني : بإذن الله
رديت لسيارتي كيف مدري بصراحه
حطيت راسي و عدلت الكرسي
و رحت في نوم عمييييييييييييييييييييق
بس كانت نومه تعيسه و مؤلمه

يوم الأربعاء
الساعه : 03:00 صباحا
المستشفى
_____________
أمير
رجعنا البيت أحمد أخذ أهله و راح لبيتهم
و صلت الشباب و جلست بالبيت تعشيت و عينت من الله خير
استغيبت أبوي تأخر بس قلت أكيد على بال ما يوصل رنا و أصاله لبيوتهم
رحت لغرفتي خذت لي شور و نمت نومه غير مريحه
ما صحيت الا على صوت جوالي ياالله الساعه ثنتين و نص
رديت بصوت تعبان
أمير : هلا
........ : الأخ أمير بن مساعد
قمت و فتحت عيوني عدل
أمير : ايه نعم مين معاي ؟؟
...... : أنا الدكتور سلطان من مستشفى الملك
مستشفى !!! نفضت البطانيه و قمت
أمير : هلا فيك ؟
...... : ممكن نشوفك بالمستشفى الموضوع ضروري يتطلب حضورك
استغربت مين في المستشفى بصراحه خفت و عقلي تقريبا طار
أمير : ان شا الله بإذن الله
قمت بسرعه غسلت وجهي و لبست خرابيط مدري وش هي و طلعت كنت بدق على أحمد يجي معاي بس قلت يمكن الوضع ما يستدعي
اني أزعجه .... نزلت للصاله ما لقيت أحد رحت لغرفة أميره مالقيتها رحت لغرفة الوالد بعد ما في أحد سألت الشغالات بعد ما صحيتهن
ما يدرن عن أحد !!
طلعت من البيت و الشك يلعب في مخي
رحت للمستشفى دخلت حسيت بخوف رهيب أول مره أحس فيه
دخلت للإستقبال و سألت عن الدكتور سلطان و دلتني الممرضه على مكتبه
طقيت الباب و دخلت ؟؟
أمير : السلام عليكم معاك أمير بن مساعد
الدكتور : أهلا وسهلا تفضل
أمير : معليش ما راح أقدر أتفضل لما تقلي وش صاير ؟؟
نزل راسه بحزن و سكت
أمير : ممكن تقولي وش صاير تراني جاي على اعصابي ؟؟
الدكتور : يا أخ أمير شد حيلك انت انسان مؤمن
روعني زياده خيرررررر
قاطعته و قلت :
أمير : دكتور لو سمحت قولي وش صار بدون مقدمات ؟؟
الدكتور : بصراحه البقاء لله عايلتك توفت
في هاللحظه بس جلست على الكرسي و قمت أطالع الفراغ أو اللاشي !!!!
الدكتور : انت انسان مؤمن بقضاء الله وقدره لازم تصبر و تحتسب .......... و هذي أسماء اللي توفوا لأننا نبيك تتعرف عليهم ؟؟
اخذت الورقه بيد مرتعشه و قمت أطالع أشوف الكلمه كلمتين و كأني في عالم غامض يدور فيني !!
الحروف متبعثره في الورقه حتى الجدول أعمدته مب متساويه أو العالم كله في ذيك اللحظه
منهاار !!!!
شفت الأسماء ابوي امي أصاله رنا و باقي ... أميره وين ؟؟؟
أتذكر اني سمعتها تقول انها بتروح مع ابوي !!
قمت من عالكرسي و قلت بعصبيه و صرخت في الدكتور و الدموع في عيني تنتظر تاخذ الإذن عشان تسيل مثل الجمر
أمير : أميره وين !!!
الدكتور : اهدى لو سمحت اختك بخير في العنايه المركزه الآن
رميت الورقه في وجه الدكتور و طلعت معصب تعبان منهار صفقت الباب حتى ما ادري انخلع و لا لاء !!!
طلعت هايم على وجهي أحسب الخطوه و أنا أمشي مب مستوعب شي مب متخيل اللي حصل حسيت كل هذا بالنسبه لي حلم مرعب !!قبل شوي كنت اضحك مع أبوي قبل شوي كنت أسمع أمي تقولي لا تسرع و تنصحني على عدم السرعه قبل شوي كنت أتناقر مع رنا و أسمع ضحكت أصاله
رنا ..............
صرخت بهالإسم في عقلي رنا رنا كانت حاسه انها ...انها بتموت و قفت أتذكر كلامها بذهول
رنا : أنا طلبتك هنا عشان أقولك سامحني و حللني مدري ليه أحس اني
بأموت !!
مدري ليه أحس اني بأموت !!
مدري ليه أحس اني بأموت !!
صارت تختلط الأصوات في راسي تلتحم و تصرخ كنت أمشي في ممرات المستشفى دايخ
بعيد عن العالم اللي كان يحكي أمس عن أمي و أبوي و رنا شي و اليوم شي ثاني رجعني للواقع صوت و هو صوت عمي خالد و هو يبكي !!

الممر ككل كان يضم أعمامي و عيالهم أشكالهم حزينه كئيبه زادتني كأبه و حزن ليت واحد فيهم يقول لي انت تحلم هل هم للحين عايشين و لا باقي ما ماتوا !!!
أحمد كان بينهم مسكني وهزني و هو يبكي بقوه
أحمد : تعرفت على الجثث أبوك وامك توفوا
فجأه سمعنا صوت حاد أكيد صوت أم ناصر !!!
كانت تصرخ في الممر بهستيريا و تدعي على أبوي و علينا
أم ناصر : حسبي الله عليك يا مساعد مت و موت بنتي معاك الله يجازيك انت و عيالك
حسبي الله عليكم و قامت تصارخ بهستريا مسكها عمي و قام يسكتها بس دفته و مسكت في أحمد و هي تبكي و تلطم جو الممرضات و مسكوها و سحبوها و هي تصارخ شكلها يقطع القلب و هي تبكي على بنتها !!!
الحزن صف معانا و لحقنا في كل لحظاتنا كل شي راح .... هذا كل شي بإختصار !!
رنا توفت و ماتت مع قلبي اللي اندفن معاها في قبرها
( الحي أبقى من الميت .... تصريفه مستهلكه من زمااان تنفع للقلوب اللي مااا فيهااا رحمه )
___________________
يوم الجمعه
الساعه : 12:30 ظهرا
بيت مساعد بن عبدالرحمن
_________
أميره
رجعت للواقع اليوم بس و كأني عارفه انه خلاص كل اللي حولي ماتوا !!
طالعت السكون اللي حولي لقيت ناديه تطالعني و عيونها مورمه !!!
أول ما شافتني قمت و جلست جتني و حضنتني
ناديه : كيفك اللحين يالغلا !!
أميره : ...............
ابتسمت و عارفه انها تضحك علي
ناديه : لا ما شا الله عليك اليوم صحتك ممتازه
أميره : ...............
طالعتها بصمت كأنها ما قالت شي !!
نفضت البطانيه بهدوء و وخرت عنها و قمت بصعوبه نسيت انه رجلي تعورني
أول ما نزلت من على السرير طحت قامت ناديه قربت مني و رفعتني و عيونها تلمع من الدموع !!
ناديه : خطر عليك تمشين صحتك ......
قاطعتها ببرود و قلت و أنا أسحب أسلاك المغذيات و الدم من يدي و ذراعي :
أميره : أبي أطلع من هنا ...... أبي أطلع
و قفت و مشيت و أنا أعرج طلعت من الغرفه و مشيت في ممر تايهه أدور على اللي يخرجني من المستشفى مشيت لين وصلت أول الممر لقيت الدكتور بوجهي طالعني منصدم !!!
الدكتور : شلي طلعك من غرفتك
أميره : أبي أطلع من هنا اكتب لي خروج اللحين بسرعه
الدكتور : مستحيل هذا فيه خطر على حياتك
صرخت فيه بعصبيه
أميره : مالك دخل في صحتي ليتني أموت مثلهم وش فايدة صحتي وهم بعيدين عني
أكتب لي خروج أبي أطلع من هالمكان ؟؟
الدكتور : شوفي حتي ذراعك تنزف و جرحك ما تعافى
طالعت الدم في ذراعي !!
و صرخت بهستيريا
أميره : أبي أطلع منها طلعوني
في هاللحظه شفت في وجهي وجه أعرفه الحمد لله انه في عالم الأحياء
ثامر وش جابه و كيف جا في ذيك اللحظه ما أدري !!
طالعني مصدوم أكثر من صدمتي بوجوده نسيت كل شي و رحت له أطالعه أول ما قربت منه ما شالتني رجولي طحت على الأرض ....نزل تجاهي ...
مسكت وجهه و انا اطالعه
أميره : انت حي صح ؟؟
و قمت أمسك وجهه و أحس نبض قلبه بيدي و كأني شاكه انه حي الموت صار بالنسبه لي صوره مرعبه جدا للواقع !!
أميره : تعالجت صح ؟؟
هزيت راسي و كأني مجنونه
قلت له بإستغراب و بإبتسامه ضايعه
أميره : بتعيش معاي و لا بتموت مثلهم هههههههه عادي موت اللحين عشان ما انصدم بعدين!!!
الدكتور كان يطالعني بحزن و عيونه تدمع حسيت بلمعتها و ثامر يشيلني من الأرض
أميره : خلينا نموت سوى أحسن !!
ثامر كان يبكي يبكي بقوه و هو يشيلني
أميره : ثمور حبيبي لا تبكي كلنا بنموت
كنت مجنونه رسمي !!!
وصلني لغرفتي و حطني على السرير
أميره : أبي أطلع من هالمكان
ثامر : ان شاء الله
طلع من غرفتي و ناديه تطالعني بهدوء و تبكي
كنت أحسب ثامر يضحك علي انه بيطلعني من المستشفى
بس جا بعد عشر دقايق و قال لناديه
ثامر : جهزي لها أغراضها اللحين بنمشي
ابتسمت !!
أميره : صدق !!!
هز راسه انه ايه بنمشي قمت لبست عباتي بمساعدة ناديه
ناولني ثامر عكاز في يده
ثامر : شرط انك تطلعين من هالمستشفى تاخذين هالعكاز رجلك ما تتحمل الضغط الكثير
ابتسمت ببراءه و قلت :
أميره : لو على العكاز يهون
طالعني بابتسامه باهته !!!
وصلت للبيت لقيت سيارات كثيره في الحديقه و بره البيت و في المواقف
شفت ثامر يعطي ناديه كيس كبير مليان أدويه
طنشتهم و مشيت بين السيارات جت الشغاله تساعدني بعدتها عني و مشيت
أول ما فتحت باب القصر و دخلت للصاله لقيت الصالات كلها مليانه حريم لابسات أسود
و تطالعني وجيه كثيره أعرفها و وجيه كثيره ما اعرفها يااااااااااااااااااااه كل هذولي يعرفون امي !!! و الله غريبه هذا اللي كنت أفكر فيه لأني ما كنت مستوعبه أبدا فكرة موت أمي !!
جتني الجوهره و هيفا أول ما قربوا مني مديت يدي و أنا أقول بصوت عالي و صوتي يتردد صداه في الصاله !!
أميره : انتوا ليه هنا في أحد مات لكم !!
طالعوني و سكتوا سمعت صوت شهقات التفت لقيتها مرت عمي سامي
أميره : تبكين ليه مين مات لك في هالبيت مين اذا على امي تراها باقي عايشه
بعد كذا صوتي انهار و خنقتني العبره و بكيت ما قدرت أتحمل طول الوقت أضحك على نفسي !!!
قامت جتني و حضنتني بقوه و هي تبكي و الكل كان يبكي من الموقف مدري كيف طلعت لغرفتي بمساعدة ناديه و نمت !!!
بفعل المنومات و المهدئات طبعا !
_____________
يوم الجمعه
الساعه : 05:20 عصرا
بيت مساعد بن عبدالرحمن
____________
ثامر
صدمني الخبر
تعالجت من الإدمان في وقت قياسي و خصوصا اني توني كنت مبتدأ في الإدمان
كنت أنتظر أرجع للرياض عشان أشوف أبوي و أبوس يدينه و رجلينه و أقوله
آسف على كل اللي سويته !!
و اشوف امي اللي حرمني من شوفتها الموت توني ما مداني أرجع يوم الأربعاء
و انصدمت بالخبر كلهم تفاجأوا فيني اكثر من تفاجئي بموت أبوي و أمي
في العزا صرت مثل الآله أقوم أسلم على الناس و أخفي دموعي بشماغي و أجلس
يوم شفت أميره و الحاله اللي وصلت لها تمنيتها تتقطع من البكا و لا تتكلم مثل المجانين
و لا كأنها تدري بالواقع صدمني الدكتور يوم قال لو ما انتبهنا لها يمكن تغيب عن الواقع و يصير عقلها رافض له و بالتالي بتصير مجنونه !!!
كل شي في هالحياه صار هستيري !!
أحمد جالس في العزا مثل الصنم ما يرد على أحد و لا يتكلم
و أمير رافض العزا شكلا و مضمونا و أعمامي بس يهدون علينا و يذكرونا بالله و بالإيمان بالقضاء و القدر !!
يمكن يكون موتهم خيره لأنه هذا اختبار من رب العالمين هل نصبر و نحتسب و لا نتسخط و نلعن !!
الحمد لله على كل شي الحمد لله ؟؟
_____________

يوم الثلاثاء
الساعه : 07:30 صباحا
بيت مساعد بن عبدالرحمن
_____________
أميره
مرت أيام العزا ببطئ مانزلت من عيني فيها و لا دمعه هاديه و ساكته
لدرجة اني حتى لو رديت على الأسئله أحس فكي يعورني من الكلام !!!
كنت في هالأسبوع اللي مر كنت خاضعه لأوامر ناديه الأدويه نوع الأكل الرعايه اللي تحيطني فيها طول الوقت تقرى علي قرآن و مشغلته في غرفتي تذكرني بالله و تحكي لي قصص ناس عانوا أشد مما عانيت وصبروا و احتسبوا الصبر شيب بس ايمانهم بالله ما مسه شعره من سخط !!!
كانت تصبرني و تخفف علي قد ما تقدر و هي مو داريه اني ميته لأني مت معاهم مثل ما ماتوا!!
صارت توعدني اننا بنروح الحرم نعتمر عنهم لو خفيت و نسوي صدقات جاريه عنهم
و نسعدهم في قبورهم يمكن هذا الشي اللي شجعني و صبرني أكثر و كل مره تذكرني ان دموعي تعذبهم في قبورهم أكثر من ما انها تريحهم الدعاء لهم و الإستغفار لهم و الترحم عليهم كلها أشياء تساعدهم و تخفف عنهم !!!
فليش نعذبهم و هم محتاجين لدعائنا !!
كان كلامها يساعدني و يدفعني اني أحبس دموعي خفت أوعد نفسي اني ما أبكي و ما أكون قد وعدي !!!
كل يوم عن يوم أحس ناديه تقرب مني أكثر و تحن علي و على حالي و لما تشوفني ساكته
تحاول تخفف عني بقصص و عبر و أشياء كثيره ترفع المعنويات بس طول الوقت انا ساكته يجون أخواني يزوروني و يسألون عن حالي و انا ساكته ما ارد عليهم !!
أعمامي بعد يزوروني و بناتهم و حريمهم يسولفون جنبي و يحكون و أنا ما أدري عنهم
لأني بكل بساطه في عالم الأموات !!!
جلست بروحي أحكي لنفسي و أتخيل اني معاهم بس للحظه أسأل نفسي وينهم اللحين !!
تخليني ناديه لساعات أختلي بنفسي بس مثل ما تخليني ترجع تلاقيني انسانه خاليه من الحياه !!!
فتحت الدرج اللي جنبي و طلعت الألبوم الكبير كانت أول صفحه فيه مكتوبه بخط رنا
" للصداقه للأخوه للحياه الجميله التي أحياها معك دمتي لي يا أغلى الناس "
التوقيع : رنا
ابتسمت بحزن و أنا ألمس الصفحه
و قلت : حتى هالصفحه ماتت لأن اليد اللي كتبتها أكلتها النار و ماتت !!
قلبت الصفحه الثانيه كانت صوره لي أنا وهي في المزرعه مع شموخ
كانت هالصوره لها في عيد ميلادها اليوم كمان يوم ميلادها و تكمل ثلاث و عشرين سنه
ابتسمت بهدوء ............ قلت و أنا أسكر الألبوم و أرده في الدرج (( هذا لو كانت عايشه )) !!!
وقفت على رجلي كان الألم خفيف في رجلي ضغطت عليها و مشيت عادي لين وصلت البلكون
البلكون مطل على حوض السمك و مزرعة الورد اللي كانت من تصميمي صممتها على طراز قديم مثل القصور القديمه على شكل ممرات دائريه و مربعات تبان من فوق كأنها لوحه هندسيه
و قريب منها مرسمي ...
كان عباره عن جدار من القزاز كبير و في نفس الوقت بلكونه !
ستارتي كانت من اختيار رنا تركواز و أخضر فاتح تذكرت لما رحنا نشتريها !!
رنا : شوفي يا قلبي هالونين مره لايقين على بعض
أميره : لا يا شيخه يع مره ذوقك يع !!
رنا : و الله مافي أحسن من ذوقي
و البايع كان يطالعنا و يضحك
أميره : يوه يا رنا مب عاجبتني
ضغطت على خدي و قالت :
رنا : يلالله يا وحشه خلصيني تبينه و لا لأ
فتحت الباب بهدوء و وقفت على البلكونه مسكت السور و جلست على الكرسي
جلست أتخيل أبوي و وهو يساعدني في تصميم المرسم باقي أتذكر مواقعنا هو كان واقف جنب باب المرسم و أنا كنت جالسه جنب حوض السمك
كنت أروع السمكه الذهبيه بيدي !!
أتذكر أمي كاشخه و لابسه عباتها و تقول لأبوي تبي تطلع معزومه !
سهيت بصفحه من صفحات حياتي اللي قطعها الزمن و أنا قاعده اللحين ألملمها و ألزقها ببعض موتهم ضيعني شتات و رجعني لذكريات مغبره ضاعت و تاهت في خيالي
شوي و أذن الفجر كان صوت المؤذن خاشع يحسسني ان باقي في أمل و باقي في ناس تحبك و باقي للحين الصبر ما شاخ و رب العالمين معاي مستحيل يتخلى عني رددت الأذان و دعيت لهم بالرحمه و المغفره و الجنه و رحت للحمام توضيت و صليت و جلست أدعي و أقرى الأذكار رحت للطاوله جلست عالكرسي و لقيت كتاب لا تحزن أول مره أشوف هالكتاب فتحته !
كان مكتوب عليه اهداء
(( ليه الحزن و ربي معاك في كل لحظاتك
ما ابتلاك الا عشان يشوف صبرك
و ما احزنك الا عشان يسعدك
و ما عذبك الا لينعم عليك
و ما أمرضك الا لأنه أحبك و بيشوف مقدار احتسابك و صبرك
فليه السخط و الوجوم عيشي اللحظه بكل دقائقها و تناسي الهموم
اللي راحوا ما راح يرجعون الا في ذكرياتنا و صفحات الماضي اللي تعيدهم
و يمكن في أحلامنا احتسبي الأجر عند الله لأنه الحياه بالعموم فانيه
و تذكري دايما انه رب العالمين اذا أحب عبدا ابتلاه
أتمنى يفيدك هالكتاب و تلاقين اللي تبينه في داخله
أتمنى لك كل الخير
ناديه ))
ابتسمت ...... يا قلبي عليها آخر وحده توقعت انها بتوقف معاي هي ناديه
و الله أصيله و فيها الخير

فتحت الكتاب و بديت أقراه في البدايه حسيت بالملل بعدين بدا يشدني و كل شوي أقلب الصفحه متلهفه أكمل الصفحه اللي بعدها كلام رائع بمعنى الكلمه خلاني أبتسم بصدق هون علي أشياء كثيره !!
راح الوقت و أنا أقراه طالعت للساعه لقيتها ست و نص قفلت الكتاب و قمت أتسبح و أغسل شعري شغلت مويه دافيه مره حسيتها صارت حاره بس ما حسيتها على جسمي الا لما شفت نفسي محمره في المرايه لبست ملابس عاديه و مشطت شعري اللي غرقان مويه تركته ينشف نفسه بنفسه مثل ما كانت تسوي رنا !
طالعت وجهي في المرايه يالله من زمان عن المرايه صفرت و الهالات السودا تحت عيني
و نحفت كثير عن أول !!!
طالعت في المرايه و كأني أشوف رنا تطالعني
أميره : غريبه انتي ميته صح ؟؟
ابتسمت لي و قالت :
رنا : مين قالك ... أنا عايشه معاك كل ما عشتي أكثر عشت أكثر !
أميره : طيب وين أبوي و أمي و أصاله ؟
رنا : كلهم يسلمون عليك و يبونك معاهم
أميره : و الله !! كيف أروح لهم ؟
لا اراديا التفت وراي عشان أكلمها بس مالقيت أحد !!
كنت أكلم خيالها في المرايه
أميره : تخدعيني !!!
تردد صوتها في الغرفه : ما أخدعك ... ما أخدعك ... ما أخدعك
ابتسمت و قلت :
أميره : نشوف!!
فتحت باب الغرفه و طلعت و هذي أول مره أطلع بره غرفتي من أسبوع
لأني ببساطه ما حضرت العزا !!!
___________________
يوم الأربعاء
الساعه : 08:00 صباحا
بيت مساعد بن عبدالرحمن
_______________
أمير
مر على وفاتهم أسبوع كأنها سنين
صار البيت فراغ يدخل فيه الهوا ويطلع بدون صوت الكل لاهي في أحزانه
كل شي توقف !!
وقفت في الحديقه أسقي الورد
و أحمد و ثامر جالسين يفطروا
أحمد : ياكثر اللي نزلوا نعي في الجريده لعايلتنا
ثامر : الله يرحمهم ..... الوالد ما كان هين
أحمد : طبعا له مركزه في المجتمع
ثامر : و كم جريده منزله ؟؟
أحمد : الى اللحين خمس جرايد
أمير : كيف الشركه هالحين ان ....
جيت بأكمل كلامي لقيتها قدامي من كثر ما تفاجأت طاح خرطوم المويه من يدي
أمير : أميره !!!!!!!!!
أحمد و ثامر فغروا
ابتسمت بهدوء
أميره : السلام عليكم
قربت منها و أنا فاتح فمي
أمير : هلا و مرحبا و غلا صباح سكري و عطري لأحلى اخت بالدنيا
سلمت عليها و بست على راسها بصراحه شجاعه منها طلعتها من غرفتها
أميره : هلا فيك
راحت لأحمد و ثامر سلمت عليهم و جلست و هم من الصدمه مب عارفين كيف يردون عليها !!
أميره : شفيكم ما راح تفطروني و لا تصبون لي شاهي !!!
أحمد : ها الا ان شا الله
ثامر : طبعا أكيد
و قاموا يقربون منها الصحون و يصبون لها شاهي
طبعا رحت قصصت لها ورد جوري من اللي يحبه قلبها
أمير : تفضلي يا حلوه
أميره : مشكور ....... من زمان عن الورد
أخذته مني وشمته و ابتسمت
أميره : ياه أبوي كان كل صباح يصبحني على الورد
طالعتها بحزن و سكت
قصدي سكتنا !!!
أمير : طبعا أميره مالها الا الورد أميرة الورد
ابتسمت بمرح
أميره : أكيد أميرة الورد ... على فكره أبي أسافر !!!
أحمد : آمري انتي بس وين تبين تروحين ؟؟
أميره : أبي أسافر لمكه ناديه وعدتني لو تحسنت صحتي توديني أعتمر و اشوف نفسي اللحين بخير الحمد لله
أحمد : و لا يهمك بس تخف رجولك و نتطمن عليها نروح
أميره : ان شا الله ... أحمد !!
أحمد : عيون أحمد آمري
أميره : زوجتك طيبه و أصيله حافظ عليها و ياويلك تزعلها ترى ما أرضى عليها انتبه تضيع منك تغلط غلطتي و يروح منك أغلى الناس في غمضت عين !!!
أحمد : لا تقولي غلطتك هذا قضاء الله و قدره و اذا على ناديه انتي و ناديه على راسي من فوق
أميره : يسلم راسك
قامت بتروح
ثامر : أميره !!
أميره : هلا
ثامر : انتبهي على روحك و احرصي على صحتك
هزمت راسها و راحت
قمنا نطالع بعض حنا الثلاثه
حسيت ان المصيبه كلها على راسها هي بس مع ذلك حسيتها انسانه قويه أقوى مما تخيلت أو ظنيت !!!
( ليس الظاااهر كااالذي خفى !!! )
( يقولون دااايم لا تستعجل على رزقك )

البارت العاشر
_____________
يوم السبت
الساعه : 09:30 مساءا
بيت مساعد بن عبدالرحمن
دبي
________________
أميره
مرت علي ست شهور و أنا أصارع الألم غير متقبله للواقع و الحياه عايشه عالم الموت بكل أشكاله صحيح في البدايه الكل اعتقد اني صابره و محتسبه و ما أبكي بس مع الأسف كانت فترة شحن و بعدين انفجار في هالست شهور يا كثر ما بكيت يا كثر ما اغمى علي و يا كثر ما تنومت في المستشفى و يا كثر ما رحت عند شيوخ يقرون علي مره أضحك بشكل مرعب و مره أبكي كأي انسان عادي و مره يضيع مني الكلام و أضيع مع الأموات !!!
ناديه كانت متحملتني لأبعد حد كانت أكثر وحده مراعيتني .. الكل تخلى عني طبعا معدا أخواني و عمي فهد اللي ظلوا واقفين معاي لين خفيت و نفسيتي استقرت كنت أسأل نفسي أنا ليه مسويه كذا و في ناس طيبين بالله ما يستحقون انك تعيشين معاهم و عشانهم يا أميره !!!؟؟
اعقلي و اركزي شوي و حاولي تردي لهم الجميل و لو بإبتسامه تحسسهم انك عايشه
اختاري لنفسك نفسيه تساعدك تكملي الحياه ركبي نفسيتك صح و عيشي حياتك !
عذبتيهم بدون ما تدرين كل ما ارتحتي هم ارتاحوا تريحين اللي تحت الأرض و اللي فوقها !!!
سافرت لمكه مع ناديه و احمد و سويت عمره و تصدقتلهم و جلست اسبوع كامل فيها كل الصلوات أصليها في الحرم صرت أسمع اللي حولي و كل وحده منهم تحكي لي قصتها في الحياه و كيف انهم باقي سعدا في حياتهم كل يوم عبره و تجربه تهد جبال و مع ذلك طلعوا أقوى من الجبال و صامدين !! يشيخ الصبر و حنا ما نشيخ !!
رحت للمدينه و صليت و دعيت و أنا أدعي انه ربي يلهمني الصبر و النفسيه الطيبه
رجعت للرياض أنفذ كل الوعود اللي قطعتها على نفسي اولها اني اسعد كل اللي حولي
من الناس الطيبين اللي عطوني كل ما عندهم في وقت شدتي ..
ثامر ما شا الله عليه صار أحسنا كلنا قام يداوم على الصلاه و يحاول يسعد الكل بدى يشتغل مع أخوي أحمد اللي صار شغل الشركه على راسه و خصوصا هو تارك الشركه و جالس يراعيني ...ناديه كانت حامل بالشهور الأولى و حاطتني حسبة عيالها طلال و تركي و الله تدلعني و تراعيني و تقوم على راحتي مع انها تعبانه حيل من الحمل
أمير صاير يقرى كثير و يطالعني و احس انه مخبي آلام مالها حدود في صدره و ساكت !!
طلعت للحديقه أشوف الناس وش مسويين كانوا كلهم مجتمعين بالحوش و ناديه راحت تزور أهلها ....
نطيت عليهم فجأه !
أميره : تشوووووووووووووووون و لا تستحون و تعزموني
ثامر : بسم الله شوي شوي يالغاليه و الله قلنا بتشم ريحة الشواء و تنزل
ابتسمت بمرح
أميره : لا ياشيخ حلوه كلمة الشواء هذي
أحمد : تعالي اجلسي تقهوي عاد قهوة أم تركي مالها حل
أميره : يسعد لي أم تركي و أبو تركي و العيله كلها
جلست أتقهوى و أسولف شوي دخل علينا أمير سلم علينا
أول ما شافني
أمير : و الله كنت طالع لك و زين انك هنا يالله بسرعه غمضي لي عيونك الحلوين
طالعته و قلت
أميره : لا يكون بتفجر في وجهي قنبله ....... و قمت أضحك !!!
أمير : لا يا بنت مساعد غمضي بسرعه
غمضت عيوني
أمير : يالله افتحي عيونك بسرعه
فتحت عيوني و طالعت الشي اللي قدامي بدهشه
أمير: سبرايز
أميره : وااااااااااااااااااااااااااو واااااااااااااااااااو تدري انك رهيب
قمت و سلمت عليه و أنا مبسوووووووطه
طالعوني أخواني و هم مستانسين
أمير : ان شا الله عجبتك
أميره : طبعا يالغالي طبعا جوال ياالله من زمان عن الجوال واااااااو صراحه تدري اني
نسيت شي اسمه جوال !!
فتحت الجوال و شغلته شريحه جديده و جوال جديد
جاني ثامر يطالعني و يقول
ثامر : يا جلالة الملكه ممكن تتكرمين و تعطيني رقم جوالك
انحنى قدامي و أنا أضحك عليه كان رقمي مسجل عالورقه نقلته الرقم هو و أحمد
و بعدها قمنا نتراسل مع بعض بالبلوتوث
أميره : ثامر لا ينحرق شويك ما عندي استعداد يجيني مغص الله يرحمك ههههههههههه
أحمد : مقيوله بنغص و بننمغص هههههههه

ثامر : بسم الله وش فيكم قمتوا علي !!
أمير : ليديز أند جنتل مان أبي أقولكم شي
طالعناه بإهتمام كلنا
أمير : أنا قررت ياجماعه أكمل دراستي
من قوة المفاجأه قمت
رحت عنده
أميره : صدق و الله وش هالمفاجأت الحلوه تدري اني فقدت الأمل في انك تكمل دراستك !!
أحمد : لا يا شيخ تمزح أكيد وين ما سمعنا هالخبر من زمان !!!
ثامر : أخي العزيز أحييك على هالقرار الرائع
أمير : الله يسلمكم يا رب
أحمد : وين ناوي ان شاء الله ؟؟
أمير : بدبي
ثامر : وش معنى ؟؟
أمير : بلد حلو و مرتب و فيه كل المؤهلات اللي تناسبني
أنا كأني انصفعت ((دبي)) من زمان عن هالكلمه حسيت الشريط بدى يلف في راسي دبي ..عبدالله .. أماني... رنا... السواقه ... الطلعات ...... الكوفي شوب .... الصدفه ... الصدفه صدفة عبدالله !!!
قلت بصوت عالي
أميره : الصدفه ......... كيف نسيته لالالالا ما نسيته ؟؟
طالعوني مستغربين
ثامر : أميره معانا .... أي صدفه و مين اللي نسيتيه ؟؟
قلت بمرح
أميره : أمير يا قلبي لو بتسافر لدبي أبي أسافر معاك
أحمد : متأكده من أقوالك
أميره : طبعا
ابتسم لي أمير
أمير : حلو وليه لا عشان القى الدعم الأخوي لو غيرت رأيي
كلنا ضحكنا مستانسين
مرت الأيام سريعه أمير جهز أوراقه و أغراضه و أنا جهزت كل ما يخطر على البال تذكرت كيف رحت المره الأولى مغصوبه و هالمره رايحه بإرادتي !!
أبي أبعد عن كل شي لعالم جديد فيه ملامح جديده أنولد فيها من ثاني !!!
ناديه كانت مضايقه مره ليلة سفرنا و كانت مره حزينه
ناديه : خلاص بتروحين و تبعدين عني ؟؟
أميره : و الله يالغاليه أبي أغير كل شي في حياتي لازم أسافر
ناديه : أميره طيب و حنا !! مالنا غلا عندك و أنا اللي بعد سبع شهور بولد و أبيك تكونين جنبي !!
صدت عني و راحت أنا وقفت في مكاني و الدمعه على طرف عيني
رجعت لفت و طالعتني و جت حضنتني بقوه و بكت !
بكيت من جد و أنا أحس اني مدري كيف راح ابعد عنها هي بالذات و هي اللي كانت في كل لحظاتي و كل ايامي معاي على طول ..
أميره : و لا تزعلين يالغلا ما تبيني أسافر ما راح اسافر بتم معاك هنا
مسكت وجهي و قالت :
ناديه : لا يا أميره يا قلبي فراقك صعب بس أبيك تكونين سعيده و اذا هالشي يسعدك
سافري يا قلبي و تذكري على طول ان قلبي معاك ؟؟
سافرت لدبي و انا اتذكر كلامها بعد ما كان الوداع ساخن و الكل يبكي .. اشتقت لدبي لأرضها و ناسها الطيبين لأسواقها و مولاتها !!
لبناتها لحدايقها لجيراننا لصديقات أمي الله يرحمها للقصر لغرفتي الكئيبه لأرض دبي وسماها
اشتقت له ..... لعبدالله اللي ما ادري وش صار في حياته !!!
وصلنا للقصر دخلت طبعا رصت الخدم و الشغالات كانت في الإنتظار و مديرتهم اللبنانيه صوفي صحيح انها شديده و نظاميه بس أخلاقها حلوه و مخلصه في شغلها !! هذا كلام أمير عنها و لا أنا توني أشوفها و أعرفها أول كنا بدون مديرة منزل و اللحين كل شي تبدل !!!
سلمت علي و قالت :
صوفي : الحمد لله على سلامتك مس أميره
أميره : شكرا صوفي
طبعا كلهم قاموا يتحمدوا لي بالسلامه
أمير : مبسوطه
أميره : الحمد لله
أميره : غيرت الطاقم كله طبعا ماري وسيتي محمد حول كفالتهم على أحمد فصاروا
يشتغلون هنا ؟؟
صوفي : يالله الكل على شغله الأستاذه بدى ترتاح شوي !!
طالعتني برسميه مره
صوفي : بدك شي مس أميره قبل العشا .... العشا راح يكون على الساعه 08:32 أي شي بدك اياه على قائمة العشا ؟
طالعت لأمير بذهول لااااااااااااا وش هذا حياتي حره ما فيها قيود أو حتى نظام كل شي بيتبدل لااااااااااااا و بصير آكل في مواعيد و اعيش بمواعيد لااااااااااااااااااا
أمير : لا يا صوفي مشكوره اتفضلي !!
راحت المره و أنا مقهوره
أميره : ممكن تفسر لي وش هذا اللي سمعته ؟؟
أمير : يا أميره لو سمحتي لازم تتعودين على كذا ما في غير النظام اللي بيجبرني على الدراسه الله يخليك تحملي ما في أحلى من النظام
أميره : يمه بسم الله حتى في الأكل يا شيخ وش هالحياه ؟؟
أمير : قلتي بتساعديني ما توقعت انك كذا !!
أميره : أوف يا ربي طيب خلاص بنعديها
أمير : لا تنسين تراها أفضل مديرة منزل كل الشغل تحت يدها تعرف في كل شي
أميره : باين عليها انها قديره و شكلها مرتب و محترم
أمير : و لا تنسي انك في قصر طويل عريضه يحتاج لوحده تراعيه
أميره : اممم صح ....... طالعته بخباثه و كملت ..... و مين اللي اختارها ؟؟
أمير : محمد
أميره : أها......... لا ذوق ما شا الله ...... يالله أجل يا قلبي أنا بطلع لغرفتي
أمير : انتظري صوفي غيرت جناحك و صار بالدور الثالث الجناح الشرقي
طالعته بإبتسامه >>>يعني وش تبي انت ؟؟؟
أميره : أها الجناح الشرقي ... طيب ... عن اذنك
أمير : تقول انه أوسع و أشرح
أميره : ممكن تقولي كيف أنادي صوفي !!
أمير : اتصلي على مكتبها على هالتحويله .........
صرخت بملل
أميره : آه يا يمه وينك ؟؟
جات صوفي و شافتني شايله شنطتي و بطلع فيها
صوفي : شو هيدا مس اميره كيف بتطلعي هالشنتى بنفسك
صفقت بيدها و قالت :
صوفي : سيتي
في سرعة البرق جت سيتي
سيتي : يس
صوفي : خذي هالشنتى من مس أميره و طلعيها الدور التالت للجناح الشرقي
لا اراديا عطيتها الشنطه و سرت وراها بصمت و أمير ميت من الضحك
أمير : لا تنسين العشا الساعه 08:32 طيب ... أنتظرك ؟؟
طالعته بإبتسامه هاديه و طلعت ... دخلت الجناح الشرقي مع صوفي كان رووووووووووووووعه
ابداع طالعت بإنبهار عجيب ..
أميره : وااااااااااااااااااااااااااااااااااو
صوفي : هيدا التصميم على ذوئي ان شا الله يكون عجبك ؟؟
أميره : بصراحه روعه تدرين كيف كان جناحي جدا بسيط و تقليدي بس هذا مختلف تماما !
و قامت صوفي توريني على الأشياء حسيت الجناح كبير مره علي من سكنا القصر أول مره عمري ما طلعت للدور الثالث بس صراحه شي فوق الوصف ..
صوفي : هيدا الحمام في كل شي بدك اياه
واو على الحمام كبير بالحيل صح كنت ساكنه في قصر بس كان كل شي على ذوقي اكتشفت انه ذوقي كان و لله الحمد مره يع !!!
الجدران مسويتها رخام و اطار الشباك كان من الكريستال طبعا الشبابيك الباقيه كل واحد يحكي عن نفسه
غرفة الملابس كانت جدا راقيه و مرتبه بشكل حلو و الغريب انها مليانه ملابس !!!
صوفي : و هاي الملابس على ذوق مدام ناديه
طالعتها متفاجأه : ناديه !!!!!!
يا حبي لها يا قلبي ما نستني حتى هنا ؟؟
فرجتني على الجناح كامل الصاله غرفة النوم كل شي و في الأخير البلكونه اللي تطل على أروع مكان شفته في حياتي ...
أميره : البحر !!! كيف جا لحد هنا و لا شلتوا القصر و حطيتوه قبال البحر !!!
ابتسمت صوفي برسميه جدا و قالت
صوفي : لا مس البحر هوني من زمان
قمت أضحك بقوه اللحين كنت عايشه شهر في هالقصر معقوله ما انتبهت للبحر هههههههههههههههههههههه
طلعت صوفي بعد ما أدت شغلتها على اكمل وجه ...
فصخت عباتي و جزمتي و دخلت الحمام شغلت المويه الحاره و غطست في البانيو لقيت عالرخام جنب البانيو أنواع الزيوت خوخ و فراوله ورد و بنفسج الخ الخ شلت زيت الخوخ و كبيته في الحوض و أنا أضحك روعه صراحه
ما كان ودي أطلع تسبحت مده طويله ريحة الخوخ دوختني بعدها دخلت غرفة الملابس لقيت ملابس جاهزه على الطاوله كانت بلوزه هاي نك أكمامها طويله لونها بنفسجي و بنطلون جنز أسود طالعت اللبس و قلت يالله أي شي أساسا أنا ما أهتم باللبس نهائيا أو كنت أهتم و بعدين صرت ألبس أي شي !!
لبست هاللبس بعدما نشفت شعري و رفعته بشكل مموج و خلاص ...
جلست قدام المرايه و قمت أطالع وجهي
شعري طال و الا بالعاده أقصصه كل ما يطول اللحين صار يغطي ظهري كله ؟؟
سؤال يطرح نفسه !!!
اللحين شعري لحق يطول بسرعه كنت مقصصته لنص ظهري الله من الكسل ؟؟
طالعت لوجهي حسيت اني منتعشه و وجهي صافي مع اني ما أهتم في نفسي بالله انا جميله !!
و حلوه مثل ما يقولون و الله مدري !!
قمت أطالع صورتي في المرايه و اكلمها تجننين يا أميره يالجميله أمووووه هههههههه
أدري اني خبله بس حلوه ههههههههه أمزح
حطيت جلوس بسيط و قمت اتصلت على ناديه و طمنتها و شكرتها على كل شي و سكرت و نزلت أوف الساعه 08:33 نزلت بسرعه أركض على الدرج لا يروح يزعل أمير على مخالفتي للنظام ؟؟؟
رحت لغرفة الطعام على قولهم و انا اتنهد !!
أميره : تأخرت صح !!
ابتسم لي أمير و قام يطالع لساعته
أمير : دقيقتين
أميره : ساعتي تقول دقيقه ؟؟
هز راسه بتفهم و سكت
جلست على السفره و قمت آكل أشياء غريبه بصراحه أو تقدرون تقولون أكلات مدري وش شكلها !؟
أميره : أمير اذا كان هذا طبخ ماري فأعتقد انها فاشله في الطبخ وش هذا أعرف ماري تطبخ أكل يجنن !!
أمير : هههههههه هذا طباخ فرنسي و ماري ما تسوي شي غير بالطلب
دفيت الصحن من قدامي بهدوء و قمت رحت للمطبخ لقيت ماري كتبت لها وش تطبخ لي
في ورقه و طلعت لغرفتي اطالع للسكون لا حول لي و لا قوه

يوم الأحد
الساعه : 10:20 صباحا
بيت مساعد بن عبدالرحمن
دبي
_____________
أمير :
مر علينا أسبوع تقريبا بدبي
خلصت فيهم أوراقي عشان اسجل في الجامعه و بتبدى الدراسه من السبت
طلعت من الجامعه بعد ما أخذت جدولي حلو مش بطال يناسبني ؟؟
كان ودي أمر على صديقي سلمان بس مالي خلق أحس بضيقه فظيعه
قلت بروح للنادي يمكن أفرفش شوي
رجعت للبيت بدلت ملابسي عالسريع و طلعت سألت عن أميره لقيتها نايمه
رحت للنادي و جلست أتأمل الناس كنت جالس قبال المسبح
أشوف فرقه كلها أطفال صغار و يشرف عليهم مدرب ينطون في المسبح بالدور
أشكالهم منظمه مثل طابور النمل !!
شربت عصير الليمون و قمت أتمشى سهيت بعيد و أنا أتذكر رنا
قديش حبيتها هالبنت ما راح تتصورون للحين أحبها !!
أحبها بألم مكتوم في داخلي ليتني عرفتها عدل قبل ما تغيب عن حياتي ليتني قلت لها انتي ملاكي و روحي اللي خذتيها و بعدتي !!
و قفت أتأمل البنات و هم يلعبون كرتيه وحده منهن لفتت نظري
....... : يالله بنات خلص التدريب كل وحده على قروبها !
كانت تقولها بمرح سألتها وحده منهم
....... :أماني متى نخلص شابتر تو
أماني : نهاية الأسبوع ان شاء الله
جلست أتأملها بهدوء و أسبح في ملامحها و أنا ساهي فيها جاني صوت حاد هزني بعنف
.... : لو سمحت انت وش مدخلك في قسم الحريم هذي قاعة كرتيه حريمي
قلت بإرتباك
أمير : آسف مب قصدي آسف
قمت بسرعه طلعت و أنا ماسك قلبي و الله فشيله هقوتك تكون شافتك !!!!!!!
أكيد وش هالكلام أكيد شافتك و بعدين كيف ما حسيت بنفسي و أنا أدخل هالمكان
ما كان في حراس على الباب !!!
مشيت لين رجعت لطاولتي و جلست صورة هالبنت في بالي و اسمها اماني
رن جوالي يقطع الصمت اللي كنت فيه
أمير : هلا و مرحبا
..... : يا هلا فيك
أمير : يا رجال انتظر اتصالك من يومين و ينك ؟؟
....... : أشغال يالحبيب على بال ما أرتب أشغالي الله المستعان
أمير : الله يحييك أول ما تجي لدبي لازم تمرني بالجامعه عشان اقامتك بتكون عندي بإذن الله
...... : يالرجال ماله داعي أي سويت يضفني و خلاص !
أمير : سويت و انا موجود وش هالكلام ؟؟
فشله في حقي و لا تنسى انك صديق و أخ غالي و عزيز
...... : الله يسلمك ما تقصر
أمير : أجل اتفقنا بإذن الله
...... : ان شا الله
_____________
يوم الأحد
الساعه : 04:00 عصرا
سوق خيري
__________
أميره :
آآآآآآآآآه أي قمت بكسل من النوم بعد ما صحتني صوفي قال ايش طولت في النوم و كانت الساعه توها ثنتين الظهر قمت تسبحت و بدلت ملابسي و نزلت طبعا الملابس صارت صوفي ترتبها و هي اللي تنسقها .........حياه هباب !!!
بس وصلت لمرحله قلت لها تراني أعرف ألبس بروحي صحيح زعلت بس غصبن علي قمت أكشخ عشان تعرف اني أنيقه و اعرف أختار ملابسي بروحي !!
من متى ما أهتم بالأناقه من بعد وفاة هلي الله يرحمهم نسيت الأناقه و اللحين مجبره اني أرد لها !!!!!!!!
نزلت للصاله مالقيت أحد دخلت المطبخ سويت لي سندويش و عصير و طلعت رحت لمرسمي
هذي أول مره أدخله من بعد ما جيت لدبي !!
أول ما دخلت و فتحت النور قابلتني صورته لا اراديه رحت للصوره و رفعتها و انا اطالعه
و أقول : تدري اني مشتاقه لك ودي اشوفك !!!
لمست اللوحه بعد تردد أنفه فمه شعره عيونه
وين صرت يالغالي وين !!
سمعت صوت الباب بسرعه قلبت اللوحه و قلت : تفضل
صوفي : مس أميره .. مستر أمير بيأول انه عنده ضيف بكره الساعه خمس العصر جاي من السفر
طالعت فيها بلا اهتمام
أميره : اكشخ يا حركات
صوفي : و حب يبلغك انه بيعيش معنا فتره !!
مسكت وحده من لوحاتي
أميره : أها و بعدين ؟؟
صوفي : بس هيك مس أميره
طالعت السقف و مسكت ذقني و قربت من صوفي و أنا شايله اللوحه
أميره : شوفي يا صوفي أبي مكان يبيع أغراض رسم و تحف و أشياء كثيره
لا توديني محل فخم لا لا أبي محل كل الناس تدخله أبي اعيش مثل ما الناس تعيش
أشتري اللي يشترونه أروح الأماكن اللي يروحونها !!
طالعتني و على وجهها علامات استفهام
صوفي : مس أميره المحلات الفخمه هي تناسبك كتير و تناسب مستواكي ليه لما تروحي مكان عادي !!
حطيت اللوحه على الأرض و حطيت يدي على كتفها
طالعتني بتحفظ النظام و الإتيكيت
أميره : صوفي يا قلبي قلت لك أبي محل كل الناس يدخلونه بكل طبقاتهم!!
عدلت وقفتها برسميه و قالت :
صوفي : حاضر مس متى بدك تروحي !!
أميره : اللحين ؟؟
طلعت من المرسم و سكرت الباب زين رحت لغرفتي أشوف وش راح ألبس
لبست بلوزه تركواز قطن لف من قدام و تنوره بيضا مشطت شعري بترتيب سويته كعكه
و لبست عبايه سودا ساده على الكتف و لفيت الطرحه على وجهي بحرص و لبست النقاب اللي ما صرت أطلع بدونه ؟؟!!!!
لبست جزمه تركواز بسيطه و شنطه بيضا جدا عاديه و طلعت
رحت لصوفي لقيتها في الصاله تنتظر أول ما شافتني وقفت تطالعني بذهول
أميره : لا تطالعيني كذا لو سمحتي طلبت منك تودينا لمكان عادي و أنا اللحين لابسه عادي
صوفي : لا مس ما كان أصدي بس شكلك حلو كتير و انيق
طالعت فيها ...
أميره : نعم !!!!!!!
صوفي : ايه و الله شكلك مرتب كتير و حلو
أميره : شكرا .... يالله قدامي طبعا انتي اللي بتسوقين
صوفي : ما بنروح مع السايق !!!
أميره : صوفي افهمي اننا بنروح مكان عادي أجل ليش سواق و انتي تعرفين تسوقين !
صوفي : ايه اكيد بعرف !
ركبنا سيارتها و مشينا طبعا هي طول الطريق ساكته و تعاملها معاي خادم و مخدوم مافي أي شي أكثر من كذا !!!
وقفتني عند سوق خيري مليان بالناس و العالم من كل الأجناس صحيح سوق خيري بس كان جدا حلو و مرتب رحت لقسم التحف و قشيت قشه محترمه و بعدها رحت للأدوات المكتبيه أسأل عن أدوات الرسم اللي أبيها صوفي كانت وراي تشيل عني الأكياس يا ربييييييييي منها أحيانا تقهرني !!
أميره : صوفي انسي الرسميه حقتك هذي و امشي جنبي و الأكياس بشيلها أنا و اياك
خلصت من شرى أغراض الرسم رحت لقسم الألعاب ألعاب كثيره كانت موجوده دببه عرايس مسدسات سيارات أصوات كثيره و ألوان أكثر روعه و كان مرتب بشكل مذهل !!
شفت الأطفال واقفين منهم من يشتري و منهم من يطالع بتأمل و منهم اللي حزين مب قادر يشتري أول ما قربت من قسم الألعاب بعدوا عني الأطفال و قاموا يطالعوني برهبه !!
عطيت الأكياس اللي في يدي لصوفي و قربت منهم
أميره : وش فيكم بعدتوا عني يا حبايبي أنا أحبكم ؟؟
فوحده صغيرونه قالت : انتي وحشه ؟؟
أميره : ليه يا قلبي ؟؟
البنت : دايم تضربون الصغار ؟؟
قربت منها بعدت عني !!
تنفست بهدوء
و رحت لعند البايع حق الألعاب و قلت له :
أميره : لو سمحت بشتري منك كميه كبيره من الألعاب
و قلت بصوت عالي
أميره : يا أطفال يا حلوين في ألعاب مجانيه تعالوا مين اللي يبي تعالوا ؟؟؟
جو الأطفال كلهم يجرون فرحانين يطالعوني ببراءه صرت أعطيهم الألعاب و أوزع عليهم
كنت أدور على البنت الصغيره اللي قبل شوي بس ما شفتها بينهم قمت أدور عليها بعيوني لقيتها باقي واقفه في مكانها أول ما شافتني أطالعها طالعتني و جتني ركض حضنتها بقوه و لا ارادي بكيت ما قدرت أحبس دموعي
أميره : يا حياتي يا قلبي انتي لك هديه مميزه
الأطفال اخذوا العابهم و راحوا و الناس كلهم يطالعوني و يبتسمون لي
الرجال و الحريم و البايعين و صوفي
شلت البنت الصغيره بين ذراعي و خليتها تختار اللي تبي فاختارت عروسه كبيره مره
أميره : وش اسمك يا قمر ؟؟
البنت : روعه
أميره : حلو اسمك يا روعه حلو مثلك
بست راسها و قمت أطالع براءتها و هي تتأمل العروسه
طالعت لصوفي اللي كانت دموعها على خدها
قامت تصفق بحراره و هي تقول
صوفي : برافوا مس أميره اتز فنتاستك جود مس أميره فيري جود
توني أستوعب ان كل اللي كانوا في هالمكان يطالعوني كلهم صفقوا لي و هم فرحانين حيل استانست و فرحت أكثر يوم شفت الحرمه اللي وقفت قدامي أخذت روعه مني
أميره : أم روعه !!
طالعتني المره و قالت : لا يا اختي أنا مشرفة المركز اللي تعيش فيه روعه ؟
تبدلت نفسيتي لدرجة غريبه
أميره : مركز ؟؟؟؟
....... : ايه مركز لرعاية أطفال اللوكيميا
على طول طالعت للبنت معقول !!!!!!
لوكيميا !!!
أميره : طيب وين أهلها ؟؟
...... : المسكينه مالها أهل أهلها توفوا كلهم في حادث سير ؟!!
وقفت مذهوله أطالع لروعه حسيت كل شي يرجع كل صفحه من حياتي تقلب من نفسها

تذكرت على طول و حنا في السياره نسولف و فجأه لقيت نفسي بره السياره أصواتهم و هم يصرخون أصاله اللي ماتت بين يديني و هي تبتسم لي السياره لما انفجرت و النار تاكل فيها !!!!
الناس لما تجمعوا أصوات السيارات !!
رجعت للواقع على صوت صوفي
صوفي : مس أميره ... مس أميره
أميره : ها ...
صوفي : مس أميره شو رايك بحسك تعبانه شو رايك نرجع للبيت
أميره : لا خلينا شوي
دفعت للبايع فلوسه و مشيت و أنا أمشي أحس بأصوت في راسي تصرخ
مشيت كثير لين وقفني منظر رجعني لأحداث سنه كامله من عمري !!
قدامي واحد على عربه معاقين يدفه طفل صغير و كانوا واقفين عند قسم التحف
وقفت أطالعهم أشكالهم معروفه وجيههم محفوظه ....أعرفهم عدل رحت لهم بدون ما احس في نفسي !!!
وقفت قدامهم و قلت
أميره : عبدالله !
أول ما شافني تعلقت عيونه بعيوني كان ودي أكشف وجهي عشان يشوفني ينادي بإسمي يتكلم يقول أي شي ؟؟ يقول أي شي طالعته بكل أحاسيسي و مشاعري بس في الأخير صد عني استغربت بل انصدمت !!!
قام يدف عجلات العربه بسرعه أنا كنت مشلوله مب عارفه أعبر صوفي وقفت تطالعني بوجوم !!!
سهيل وقف قدامي و هو ساكت يطالعني كأنه يبي يتذكر !!
سهيل : أميره صح
يوم قالها فرحت أكثر من صدمتي في صدت عبدالله عني !!
أميره : أخيرا في أحد يعرفني في هالبلد
مسكت يدينه و قلت
أميره : ليه عبدالله كذا وش وصله لهالحاله !!
سهيل : طاحت عليه الأعمده و هو يشرف على المشروع
سمعت صوته و هو ينادي سهيل بعصبيه
توي بأتمالك نفسي من الصدمه فتحت شنطتي و عطيته جوالي بسرعه
أميره : سهيل و اللي يعافيك سجل لي رقم أماني بسرعه ضروري
اخذ الجوال و سجل لي رقمها و عطاني الجوال و مشى !!!
طلعت من السوق فرحانه و صوفي تلحقني أخيرا يا ربي أخيرا لقيت رقم أماني
ركبت السياره و صوفي مب فاهمه شي !!
رجعنا للبيت طلعت لغرفتي بسرعه حتى ما فصخت عباتي دقيت على الرقم
اللي سجلي اياه بإسم أماني
دقيت على الرقم بسرعه و قام يرن
و مع كل رنه قلبي يدق بقوه
بعد ست رنات بالزبط ردت قلت بعد تردد و بصوت مهتز
أميره : أ أ ألو السلام عليكم
جاني صوتها مثل ما أعرفه
أماني : و عليج السلام مين معاي ؟؟
أميره : أماني !!
أماني : ايه مين معاي ؟؟
أميره : أنا أميره يا أماني أميره بنت مساعد آل ........
أماني : مين أميره ما أعرف وحده بهالإسم ؟؟
ما تدرون قديش جاني احباط خلاص الكل نساني محد يتذكرني الدمعه صايره على طرف عيني أبي أبكي يا ناس سكت فتره بعدين قلت :
أميره : خلاص مب مشكله شكلي غلطت بالرقم
جيت بأبعد السماعه عن اذني
أماني : لحظه لحظه ؟؟
أميره : نعم
أماني : أميره يا روح قلبي أمزح عليج مين يعرف أميره و ينساها أمزح عليج يا قلبي
من زمان أنتظر أسمع صوتج !!
ما تدرون كيف ارتفعت معنوياتي بشكل للحين في خير في هالحياه
رديت بفرح
أميره : أماني كيفك و الله طيحتي قلبي !!
أماني : هههههههه وينج يالقاطعه كل هالمده
أميره : يا شيخه لنا الله ما ينفع الكلام نهائيا على التلفون
أماني : على قولتج وش رايج نتقابل ؟؟
أميره : حلو ممتاز فكره روعه وين ؟؟
أماني : سمعي تعرفين المطعم الإيطالي
أميره : لا بس بسأل صوفي أكيد تعرفه !!
أماني : هو معروف قريب من ........
أميره : اتفقنا
أماني : اشوفج فيه بعد ساعه
أميره : ان شا الله
بعدها اتصلت على صوفي أسألها عن المطعم طلعت و الحمد لله تعرفه و السواق بعد يعرفه
من كثر ما اني مستانسه نطيت من مكاني و رميت الجوال رحت تسبحت عالسريع
و جا دور اختيار الملابس لبست تنوره سودا تحت الركبه شوي و بلوزه بيضا فيها
خطوط سودا مموجه بشكل عشوائي ياقتها واسعه و بروش على شكل ورده حمرا لبست عليها بوت أحمر جلد كحلت عيوني صح دعجتها مزبوط و حطيت جلوس أحمر خفيف شعري تركته مفلول و ربطه بشريطه حمرا جا دور العبايه اخترت عباه سودا من الأطراف مشتغله باللون الأحمر بشكل جدا خفيف !!
لفيت طرحتي و لبست هالمره برقع شلت شنطتي و طلعت
(انتهز الفرصه فإنهااا لا تتكرر مرتين )
________________________

البارت الحادي عشر
_____________
يوم الأحد
الساعه : 08:00 مساءا
المطعم الإيطالي
دبي
____________
أماني :
يااااااااه يا زمن سبحان الله كنت متوقعه أميره نستنا أو انها توفت مع اهلها في الحادث قطعت الأمل في ردتها !!
و اليوم أشوفها يالسه قدامي مجابلتني غير تماما مختلفه عن أول بكثير
أول ما شفتها ضميتها بقوه ودي أشكرها و ودي أعاتبها و ودي أقولها أشياء كثير !!
طلبنا مكرونه اسباغيتي و بيتزا بالمشروم و سلطه بالدياي و الجبن و عصيرات و مقبلات
يلسنا على طاوله رايقه و الجو حولها وايد حلو
أميره : تغيرتي كثير احلويتي ما شا الله
أماني : يا قلبي لولا الله ثم تشجيعج لي ما وصلت للي تشوفينه كلامج كان يعطيني دفعات قويه لأني أتقدم و أصير مثل ما انتي شايفه
قالت لي بفرح
أميره : رائع مره حلو هالتقدم الى الأمام دائما
أماني : بتظلين متبرقعه كذا على طول !! أبي أشوف ويهج
أميره : المكان مليان ناس ؟؟
أماني : محد راح ينتبه و الضوء هنا خافت
شلت البرقع من على ويها و طالعتني ......
أماني : ما شاء الله حلوه كثير أكثر من قبل بألف مره بسم الله عليج
ضحكت و قالت :
أميره : لا يا شيخه عيونك الحلوين
قمنا نتكلم عن كل شي صار صارت تحكيني عن أهلها و عن الحادث و عن كل شي صار لها بالفتره اللي راحت و قمت أحكيها عن عبدالله اللي كان متوقع ردتها لأنها تقريبا كانت مركبه في قلبه حتى بعد الحادث اللي صار له بسبت أعمدة المشروع حولته لإنسان كئيب و مكتئب !!!
بعد أميره أثر على نفسيته كثير !!
أكثر مما تتخيلون ؟؟؟
دمعت عيونا بدون ما نحس و أميره كانت تحبس دموعها قد ما تقدر !!
أميره : أماني ممكن أشوفه ..... هو أول ما شافني بالسوق صد عني أنا أبيه أبي أكلمه الله يخليك
يت الطلبات و يلسنا نتعشى و أنا أفكر بطريقه تخليه يشوفها !
تعشينا و خلصنا و قمنا نسولف في كل الأشياء اللي صارت ؟؟
لاحظت و حنا يالسين واحد يطالعنا بالأصح يطالع أميره استغربت ...
طالعته بإحتقار ... رد نزل عيونه بالأرض

_____________________
يوم الأحد
الساعه : 09:30
المطعم الإيطالي
دبي
___________
أميره
لما شفت أماني ارتحت نفسيا
الحمد لله قمنا نسولف بعد العشا ..... و هي تسولف تطالع وراي
التفت لورى أشوف شاللي تطالعه مسكتني من يدي بقوه
أماني : لا تلتفتين تركيهم
أنا خفت و قمت
أميره : طيب خلينا نطلع
أماني : لا يا قلبي قعدي ما عليج فيهم
جلسنا شوي طبعا لبست برقعي ألطف و أسلم لي !!
قمنا نسولف شوي لقيت وجه نط بوجهي صرخت بصوت عالي
طلع واحد من الشباب المغفلين
...... : شخباركم يا حلوات ممكن نتعرف ؟؟
طالعته و أنا معصبه شمحسبنا هالمجنون
رفعت يدي بعطيه كف مسك يدي بقوه
....... : لا لا يا قمر ما أتعامل بهالـ ..........
حتى ما كمل كلمته لقيته طايح قدامي عالأرض يتأوه التفت حولي لقيت أماني تتطالعه بشراسه معقوله هي اللي ضربته بهالطريقه أصدقائه أول ما شافوه بالأرض قربوا منا
قربت من أماني ...
أميره : ما في أمن في هالمطعم يمه كيف بنتصرف ؟
الناس كانوا يطالعونا و لا واحد من هالرجال اللي جالسين قال يالله بأفزع لهالحريم الضعيفات ...
خفت خوف غير طبيعي ؟؟
غمضت عيوني و حطيت يدي على وجهي و أنا أسمع أصوات أشياء تتكسر و صراخ و أصوات أشياء كبيره تطيح على الأرض !!
فتحت عيوني لقيت الرجال مطرحين عالأرض و أماني تطالعهم بإحتقار المطعم صار خرابه ؟؟!!
كل شي مبعثر و مبهدل
أماني : و الله ما تسوون جزمتي ؟؟
و أشرت على كل اللي في المطعم و قالت بغرور
أماني : و الله منتم رجال ؟؟
مسكتني من يدي و سحبتني بسرعه
أميره : وين بنروح ؟؟
أماني : أي مكان غير هنا !! بسرعه أكيد بيطلبون الشرطه
ركبنا سيارتها و مشينا!!!
طالعت لها و طالعتني و قمنا نضحك مدري ليه في ذيك اللحظه تخيلت رنا اللي جالسه قربي تسوق لأنه هي اللي كانت راعية المغامرات و حبس الأنفاس قلت بدون شعور !!
أميره : رنا كيف تعلمتي تدافعين عن نفسك
طالعتني بمرح
أماني : يا أميره ركزي يالغلا أنا أماني
أميره : معليش ما انتبهت ذكرتيني برنا الله يرحمها
أماني : كرتيه
أميره : كرتيه !!!
أماني : ايه كرتيه
أميره : كيف تعلمتيها ؟؟
أماني : أبوي الله يسلمج كان مدرب كرتيه و كان مؤمن انه في يوم من الأيام راح تفيدنا هالرياضه كثير و خصوصا ان هالزمن ما فيه أمان !
أميره : صادقه و الله
أماني : عشان شذي من صغري و أنا أعرف لهالرياضه و كل أسبوع أحضر التدريب في النادي !
أميره : نادي كرتيه نسائي !!! و الله تطورنا أول مره أسمع
أماني : لازم تزوريني في يوم من الأيام
أميره : ان شا الله ليه لا !!
رجعت البيت على أمل أني راح اشوف عبدالله في يوم من الأيام و أحكي له عن اللي صار
( استفهااامااات غااائره تطفوى على السطح )
____________________
بداية مذكرات أمــــــــــــــــــــــــــيره
من هالبارت تبدى أميره تحكيلنا عن حياتها بدون تدخل عناصر أخرى ^ _^
و هذا بطلب من شخصيه في القصه بتعرفونها بإذن الله
________
أميره :
روعه وش فيك غلاتي ؟؟
روعه :ما أبي الوح
أميره : وين يا لوحي تلوحين ؟؟
روعه : عند ماما و بابا و ثموري
ليه أنا في صحراء ( الخلااا خااالي و الرب عااالي )أبوي حبيبي قربي و أمي ما سكتني و تشدني لها
شوي أشوفها تترك يدي و تحترق قدامي
صرخت يمممممممممممممممممممممممه أبيك لا تتركيني بروحي يمه
صوفي : مس أميره ..... مس أميره
أميره : يمممممممممممممممممه
صوفي : مس أميره هاو آر يو ؟؟
الحمد لله انه حلم و بعدين أنا وين و ليه أنا هنا ...غريبه ؟؟
قمت أطالع الأشياء حولي و أتذكر ؟؟
كنت بالغرفه وش جابني هنا ؟؟
صوفي : مس أميره انتي بخير !!
أميره : الحمد لله بخير
نفضت البطانيه و قمت و قفت على رجولي بس حسيت بدوخه فظيعه رجعت جلست على السرير آآآآآآآآآه جت بسرعه صوفي سندتني و قالت :
صوفي : مس أميره لازم ترتاحي هيك ما بينفع لصحتك !!
هزيت راسي بتفهم و قلت :
أميره : كم الساعه اللحين ؟؟
صوفي : 09:30 المسا
طالعتها بإستغراب
أميره : الله من متى انا نايمه ؟؟
صوفي : من أمس مس تقريبا نفس التوقيت ؟؟
أميره : معقوله أربع و عشرين ساعه نايمه أووووووف راح الوقت
قمت بسرعه و كأني صحصحت رحت بسرعه للحمام بينما تركتني صوفي و طلعت
خذت لي شور مثلج ... طلعت و أنا أنتفض صليت الصلوات اللي علي استغفر الله كيف نمت بهالطريقه !!!!! رحت غرفة الملابس بدلت ملابسي لبست فستان أبيض طويل تقريبا جبنيز و عليه وردات ورديه رحت للمرايه حطيت مكياج وردي خفيف مع لون عيوني صار شكلي غريب !!! رفعت شعري ببكله ورديه
طالعه كأني طفله بخيت عطري المفضل بنكهة التوت و تمدد على سريري
جيعانه و تعبانه و مدري وش أبي مديت يدي أتحسس تحت المخده لقيت جوالي
فتحته طبعا لقيت مكالمات لم يرد عليها كثيره جوالي بينفجر من عددها من أماني و ناديه و أمير و مسج من ثامر و مكالمه من الهنوف و عمي فهد
قلت لنفسي و أنا أضحك : اكشخ يا قمر و الله و صار لك جمهور ههههههههه
شفت مسج ثامر : محضر لك مفاجأه يا جميل اسألي أمير عنها
لك وحشه يالغاليه ... ان شا الله تعجبك المفاجأه
أخوك المحب ثمور
بصراحه عندي عايله روعه ..
دقيت على ناديه و كلمتها و بعدين الهنوف و كانت تسلم و تسأل
يالله هي أحسن من غيرها اللي حتى ما سأل و لا اتصل و لا كأني أهمهم في هالحياه الطيبين صاروا ينعدون على الأصابع مهما غلطت يسامحوك كل ما تعبت وقفوا جنبك أوفياء مثل الجبل يقدرون يسندونك و يسندون أنفسهم لذالك بكل بساطه أحبهم
أماني طبعا اسبيشل بأكلمها بعدهم كلهم ..
دقيت على عمي فهد
فهد : ياهلا و الله بهالصوت
أميره : عمي حبيبي الهلا اللي تقولها أحلى هلا أسمعها في حياتي جعلها تدوم
فهد : الله يسلمك كيفك يا الغاليه شخبارك و الله لك وحشه
أميره : الوحشه مشتركه يالغلا ... متى نشوفكم ؟؟
فهد : و الله يا بنتي ناوي نصيف عندكم نشوف وش اللي شادكم بدبي !!
أميره : حلوه وجوها رايق
فهد : أجل قريب و حنا عندكم
أميره : يا هلا و مرحبا فيكم ان ماشالتكم الأرض تشيلكم عيوننا
فهد : سلمتي و الله طالعه على مساعد الله يرحمه .......... على فكره يا بنتي لا أنسى
أمس أرسلت لك مفاجأه قولي لأمير يشيك عليها لأني اليوم رحت قالوا لي وصلت
من جد استانست الكل مسويين لي مفاجأت
أميره : واااااااااو يا عمي ليه متعب نفسك يالغلا
فهد : كم أميره عندي يا بنتي لا تنسين لازم يستلمها على بكره الصبح
أميره : ان شا الله
كان ودي أسأله وش فيه الطرد صراحه حمسني ؟؟

بس سلمت عليه و سكرت
نطيت من السرير مبسوطه حيل نزلت تحت أبي أشوف أمير
صوفي : مستر أمير طلع
أميره : قولي لماري تسوي لي أي عشا
صوفي : بدك شي على ذوئي
أميره : يا ريت ؟؟
حسيتها استانست و شقت الإبتسامه وجهها
صوفي : O k مس أميره
أنا فتحت باب الحديقه و طلعت واااااااااااااااااااو على هواك يالإمارات راهي على قولتهم
قمت أتمشى و بعدين البحر مره قريب فأنسامه داخله لصدري بعمق رحت لحديقة الورد
بصراحه (( إمام )) ما شا الله عليه واخذ باله من هالحديقه صح !!
كل يوم الصبح أشوفه من شباكي يجي يرتب الحديقه و يسقيها و يروح عالظهر
الله لا يحرمنا من ابداعه ...
مشيت في الحديقه الورد متفتح و عليه قطرات ندى خفيفه
و قفت عند وردة جوري زهري بنفس لو ملابسي طالعتها و قلت :
تغريني يالجميله عشان أشوفك و ألمسك .. قربتها من شفايفي و بستها و كملت :
تدرين عاد الحياه معاكم أروع بكثير من الحياه مع البشر حتى الغيره بينكم يالورد معدومه مع ان كل وحده فيكم أحلى من الثانيه ... يا شيخه و لا تزعلي انتي الروعه كلها
و قمت أبتسم و أضحك و أغني .... يا بائع الورد !!
رحت عند رشاش المويه و شغلته هو في نص الحديقه و يوزع المويه عليها كلها
شكلها روعه و هي كذا .... أحس اني انتعشت طفيت الرشاش و مشيت
رحت لغرفه العصافير منسقه بشكل روعه مره شي كل أنواع العصافير اللي متوقعينها هنا
كناري و بلابل و هدهد و عصافير صغنونه تجنن و لا ننسى البغبغاء هذا هو اللي يكمل التشكيله !!
قلت لهم : حتى انتوا يا عصافيري صحيح في أقفاص بس مرتاحين من الشر اللي برى
و الموت اللي ممكن تواجهونه برى هالأقفاص خليكم هنا في أمان بعيــــــد عن الشر !!
طلعت من الغرفه رحت للنافوره اللي كانت بوسط الحديقه كانت طافيه رحت لمفاتيح الكهرب و شغلتها روعه ... طبعا لما شغلتها اشتغلت كل الأنوار الملونه اللي بالحديقه و كونت شكل في منتهى الروعه جلست على طرف النافوره و أنا أغني
ألمس المويه و أحس بنعومتها و برودتها و رشات من المويه تجي على وجهي
تنهدت بإرتياح و طالعت السما و النجوم حتى النجوم مرتاحه لا لا النجوم تعبانه مثل القمر مع انه قمر بس حزين يشوف عمايلنا في بعضنا وش بيسوي المسكين غير انه يكون حزين !!
بحزن القمر تفرح النجوم و مع ذلك القمر مثل ماهو جميل يشع و هو يوعدنا بمرور يوم سعيد يخفف آلامنا صرخت بصوت عالي : افرحي يا نجوم ترى القمر حزين و استانس يا قمر ترى فيه مين يحبك و يعشقك ...
نزلت راسي بإرتياح غمضت عيوني و أول ما فتحتها صرخت
أميره : آآآآآآآآآآآآآآآآآآآآآآآآآآآآآآآآآآآآآآآه
قدامي عيون تطالعني غمضت عيوني عشان أستوعب !
قمت من مكاني لحظه حطيت يدي على صدري من الصدمه و هو كان واقف يطالعني
و كأنه هو بعد كان في حلم قال بتردد بعد ما قفاني
......... : آسف ممكن تمرين ؟؟
هربت قصدي ركضت للصاله و أنا مستغربه يوه دقيت على صوفي بسرعه جت !!
أميره : مين هالإنسان الغريب اللي بالبيت
صوفي : هذا ضيف مستر أمير اللي حكيتلك عنه أمس
قلت بعد ما خذت نفس
أميره : أها فهمت
صوفي : بدك شي تاني مس أميره
أميره : لا بس متى العشا
صوفي : العشا جاهز في غرفة السفره
ابتسمت و قمت رحت للمغاسل أغسل يدي
مب مستوعبه وش صار ؟؟
ماراح أقول الوجه اللي شفته حلو لا هالكلمه قليله عليه بصراحه
عيونه بدون مجامله أحلى ما خلق ربي في ذاك الوجه المليح
وجهه غير تقليدي عيونه عسليات بس مب وسيعه و أنف جميل
و شفايف تنطق من حسنها لونه أسمر تقريبا و شعر أسود مقصص بطريقه شبابيه حيل طويل و كان لابسه بلوزه سودا هذا كل شي قدرت أقيمه فيه في هاللحظه اللي شفته فيها .. أكثر شي علق في راسي ريحة الدخان الفظيعه اللي طالعه منه !!
وش فيني قمت أوصف الرجال يالله هو واحد من ألف واحد شفتهم في حياتي !!
دخلت غرفة السفره و جلست على الكرسي الرئيسي
طالعت الطاوله طويله و كراسيها كثيره بس فاضيه من الناس اللي كانوا يملونها بأرواحهم
كان العشا عباره عن شوربة فطر و كعكة تفاح و بطاطس مشويه و صدور دجاج صينيه
أكل غريب و العصير ليمون مع النعناع !!!
فردت المنديل و غرفت لي شوربه و قمت أقلب الشوربه بدون هدف و كأني أشوف وجهي
في صفحة الشوربه أخيرا قررت أشرب منها طعمها كان روعه أما ماري بصراحه خطيره
أحسن من الشيف الفرنسي أكله بدون ملح يع و مب حلو اللهم أكرم النعمه !
طالعت للكراسي و كأني أشوف أصحابها قمت بمرح شلت الصحون و حطيت على راسي منديل و قمت أوقف ورى كل كرسي و أحط الصحن قدامه وزعت الصحون على كل الأماكن و بعدين قلت كأني أكلم رئيسهم :
<< أي أوامر ثانيه مستر مساعد >>
قمت جلست في مكاني و طالعت لخيالي و قلت بصوت فخم
<< لا يا ايميلي خلاص مشكوره بس قولي للين تكلم الطباخ بخصوص العشا >>
قمت و رجعت وقفت :
<< أجيب لك قائمة العشا أستاذ >>
رجعت جلست :
<< لا ما يحتاج أثق في ذوقك يا ايميلي >>
فجأه سمعت صوت تصفيق انتفضت !!
لقيت أمير قدامي
أمير : حمد لله عالعافيه
أميره : بسم الله خرعتني وش فيك طق الباب قول احم شي !
جلست على الكرسي أكمل أكلي
ابتسم و جا جلس عن يميني
أمير : وش عشاك ؟؟
أميره : مثل ما انت شايف و طبعا هذا ذوق صوفي و طبخ ماري
هز راسه و سكت
أميره : تاكل معاي ؟؟
أمير : لا بس خلصي بسرعه عشان ثامر مسوي لك مفاجأه
نطيت من مكاني
أميره : قوم بسرعه خلاص خلصت
أمير : بسم الله وش هالفجعه اللي انتي فيها ؟؟ امشي بهدوء ... يالله تفضلي
انا ضحكت مسك يدي مسوي لي مثل الأميرات تأبط ذراعي على قولهم و رحنا
لصاله كبيره في القصر كنا مخليينها فاضيه ما ندري وش نسوي فيها أكيد سكنها العنكبوت و غطاها الغبار أتذكر ان أبوي الله يرحمه كان يبي يسويها صالة رياضه بدل اللي بالدور الثاني يقول هذي أوسع ..
أمير : يالله يا أميره ... صعبه بس لازم تكوني أميره لشي معينه ؟؟
أميره : يوه خلصني تشوقت للمفاجأه ؟؟
أمير : طيب هدي أعصابك ممكن أسميك أميرة الورد
قلت بمزح و أنا أمسك ذقني و أحرك وجهي
أميره : بالله انفع أكون أميرة الورد ؟؟
قام ضغط على خدودي و قال :
أمير : يا بكاشه انتي الورد كله ......يالله غمضي عيونك عشان بفتح الباب
غمضت و سكت سمعت الباب ينفتح و هوا بارد معطر يلفحني و موسيقى كلاسيكيه جنان
تعزف أنغامها على أوتار هالأجواء بنعومه و خفه !!
قلت و الصبر فلت مني :
أميره : أفتح عيوني و لا باقي
أمير : يالله افتحي
فتحت و شفتها شهقت ما أقدر أوصف لكم شعوري كيف كان في ذيك اللحظه
دخلت و من قوه المفاجأه صرخت واااااااااااااااااااااااااااااااو ما عرفت كيف أعبر قمت أدور في الصاله و ألمس جدرانها !
ضميت أمير بإمتنان و أنا شوي و أبكي أخيرا صالة موسيقى بصراحه روعه روعه و فوق التصور !!
بيانوا .. كمان ... أورج أشياء كثيره و آلات ما أعرفها
أمير : بخليك تتأملين المفاجأه تأخرت على فيصل
ما انتبهت انه راح قد ما اني مبهوره على اللي شفته !!!
دخلت صوفي الصاله
صوفي : كيف شفتي لي هالغرفه !!
قلت و أنا مني منتبه لها
أميره : فووووووووق الروعه
البيانوا كنت أحب أعزف عليه عند رنا لأن أبوي كان رافض فكرة وجود بيانو في البيت
ياه علمني عالبيانو ألبرت الصغير في ألمانيا قبل ثلاث سنوات علمني كيف أكتب النوت الموسيقيه و أعزف عالبيانو .... جلست على الكرسي اللي قبال البيانو و بديت أعزف بهدوء أغنيه راشد !!
اسقيني حب..اسقيني فرقـــــااا
ان صبرت اشقى..وان هجرت اشقى..
العمر يمضي..والجروح تبقى..
اختــــــــر الحــــــل الصعــــــب..
يااا تفااارق يااا تحب..يااا تفااارق يااا تفااارق.. يااا تحب؟
لاتحدد لي مراحل..لا لا لا..
يااا تجيني حب..يااا تودعني راااحــــل...
هذي وردة للهوى..هذي جروحك..عطني روحي
سيدي..او خذهااا روحك..
وش بقى ضاااعت سنيني..يااابعد قلبي وعيني..
يااابعد قلبي وعيني..
اختر الحل الصعب يااا تفااارق يااا تحـــــــــب..
صوفي : برافو برافو ممتاز
أميره : شكرا شكرا
قمت و طالعتها بتساؤل و أنا أدور حول نفسي
أميره : تعرفين للرقص ؟؟
صوفي : طبعا أكيد أنا درست في معهد للرقص !!؟؟
أميره : حلو طيب تعلميني كيف كنتوا ترقصون ؟؟
طالعتني مستغربه و متردده و كالعاده الإتكيت الكلاسيكي يمنعها
و قاعدتها البغيضه انه العلاقه بين الخادم و المخدوم لازم تكون بحدود !؟؟
في هاللحظه رن جوالي
أميره : أهلين يالغلا وينك
أماني : انتي اللي وينج ؟؟
أميره : م و ج و د ه
أماني : ابسطيني معاج الله يهنيج و يسعد قلبج
أميره : باقي في أمل أشوف عبدالله صح
أماني : أكيد ؟؟
أميره : بالله أكيد خايفه من ردة فعله بعد ما صد عني كأنه كان خايف من نظراتي له و هو معاق أساسا مهو مأثر علي موضوع اعاقته كثر ما اني ابيه هو و الله العظيم انه أحسن عندي من مليون واحد يمشي و يتحرك أنا أبيه مثل ماهو لأنه ما يهمني أي شي كثر أهمية اللي داخله بالنسبه لي ؟؟
طبعا من الدلاخه ما انتبهت ان صوفي في الصاله طالعتها بنظره لهيبيه على طول طلعت من الصاله ...!
أماني : من ذاك اليوم وهو حابس نفسه و رافض يكلم أحد
أميره : لنا الله يا شيخه لازم تتصرفين أبي أشوفه و أكلمه

سكرت من أماني ما صار نفسي في شي طفيت الأنوار و طلعت من الصاله على طول على غرفتي أبكي ..... ليه عبدالله يعاملني كذا و أنا اللي أبيه و أتمناه سواء معاق أو بأي شكل ثاني ليه يتعب قلبي بهالشكل مفكر ان صده عني أسعدني بالعكس جرحني فوق جروحي جروح فضلته على كثير و أولهم اللي ماله اسم ناصر يجي اللحين و يصد عني و الله حرام
سألت الليل عنك جاوبني و قالي حبيبك في خيالي حزين
رحت للبلكونه أطالع السما و أشوف البحر و قمت أغني :
حسبت اشواااقنا غااابت واثاااري الشوق تو مااابااان..
واثاااري بقلبي الساااهي حنين لك بعد
باااقي..
انااا ماااكنت احسب ان القلوب الساااهيه تشتاااق..
ولا كنت احسبك في يوم تجي وتحرك
اشواااقي..
سهيت بصفحة كتااابي لقيتك بأول الاوراااق..
انا لاهي مع كتااابي لقيتك كلك
اوراااقي..
الا ياااحبي الأول الا ياااغااايتي مشتاااق..
هقيت مانت في قلبي واثرك داااخل
اعماااقي..
اهلي بك من الفرحة..اهلي بك من الاعماااق..
حسبتك مااانت في بااالي واثرك مااالك
اشواااقي..
آه ليتك قريب و تسمعني و قفت أطالع السما و النجوم
رجعت دخلت لغرفتي حطيت راسي على مخدتي أبي أنام ما قدرت
رحت للصيدليه خذت لي منوم مدري كم عدد الحبوب اللي قشيتها
شربتها و نمت بعمق
*
*
*
*
*
*
*
*
*
*
آه جسمي يعورني عضلاتي كأنها مفصوله عن بعض
فتحت عيوني لقيت نفسي في مكان ابيض غرفه مهي غرفتي
و ناس حولي أولهم ناديه واااو أنا بالرياض معقوله !!
قمت جلست جتني ناديه حضنتني بشوق و لمتني في حضنها و هي تبكي
طالعتها و أنا مبتسمه
أميره : ناديه أنا معكم بالرياض يا ربي على الوناسه
طالعتني و هي تمسح دموعها و تبتسم
ناديه : لا حبيبتي حنا بدبي
أميره : و كيف جيتوا لهنا و أنا وين !!
ناديه : انتي بالمستشفى يا قلبي
طالعت بإستغراب
أميره : بالمستشفى ؟؟؟
طالعت الخيالات البيضا اللي ساكنه الغرفه
هنا مغذي و هنا كراسي و أجهزه
و ستاير بيضا تخترقها أشعة الشمس بهدوء
و كأنها تبتسم لي و تقولي صباح الخير يا أموره لو ما طلعتي تصبحين علي
بأدخلك وين ما كنتي أصبح عليك ؟؟
أميره : وش اللي جابني هنا ؟؟
ناديه : تعبتي يا قلبي و جابوك لهنا ؟؟
تعبت !!!!
رجعت بذاكرتي لورى لقيت ان آخر مشهد من مشاهد أيامي مر علي
قبل لا أجي لهنا هو اني شربت منوم و نمت فكيف تبعت و مرضت !!
أميره : من متى أنا هنا ؟؟
ناديه : من أسبوع و نص
صدمني الرقم القياسي اللي وصلني و دخل في مخي !!!!
أسبوع و نص ليه ؟؟
لا انجنيت و لا مت و لا جتني غيبوبه عشان أقعد في المستشفى اسبوع و نص و الله كل اللي أحس اني نمته هو يوم أو يومين
أسبوع و نص ارتعشت أطرافي بعنف و انا أطالع ناديه !!
سكت مع انه مب وقته هالسكوت
أسبوع و نص و الله كثير ...
سمعت طق الباب ... ناديه بسرعه تغطت و قالت للي يطق
ناديه : تفضل
دخل علينا أحمد و ثامر و أمير
جو سلموا علي بالدور و الله مساكين معذبتهم
أحمد : كيفك اللحين ان شا الله بخير
لها الدرجه مهمه بالنسبه لهم !!
أميره : حمد لله
أمير : و الله خوفتينا عليك
ثامر : تدلع علينا تبي تعرف غلاها عندنا
طالعتهم بذهول غير طبيعي
أميره : أنا ليش هنا ؟؟
أمير : شربتي جرعه منوم كبيره عشان كذا انتي هنا ؟؟
بسرعه مر قدام عيوني كيف اني شربت المنوم ... كم حبه أخذت !! الله العالم !!
غمضت عيوني برعب و ضميت يديني لصدري و الأحداث بدت تختلط في بعض
و الناس أصواتهم صايره تجتمع في راسي و صوت واحد من بين هالأصوات كلها قدرت أميزه !!
صوت رنا : أنا بزره ... أنا بزره و أتخيل شكلها قدامي و هي تقولها تقولها بملامه أنا بزره !!
حرام عليك يا أميره ارحميني ارحميني صوتها و هو يختفي همسات كثيره تهتز في راسي
راح يقتلك ... انا عالمة اجتماع ... للحين تحبينه ... تبكين ليه ليه و بدى الصوت يعلى في راسي ليــــــــــه ليه .....أعرف طبايع البشر ...... ناصر مجنون ....... بيقتلك
....... و من الحب ما قتل ..... أنا بزره يا أميره ... حسيت أنفاسي تتصاعد بقوه و سرعه
و يد حانيه توقف هالأصوات و تخليني أفتح عيني عالواقع
فتحت عيوني و أنا أطالعهم
أمير : أميره انتي بخير
هزيت راسي بعد ما تنهدت
بعد هذا كله كشف علي الدكتور و قال لازم أتم بالمستشفى كمان يوم عشان
يتطمن علي ..
انتهت الزياره و كلهم راحوا و بقيت لوحدي قمت صليت اللي أقدر عليه من الصلوات
و شلت المصحف اللي خلته لي ناديه كانت بتجلس معاي بس أنا رفضت هي يالله يالله
شايله عمرها و وراها عيال بصراحه مشكله ؟؟
كان ضوء الغرفه خافت الا من نور الأبجوره
قريت كم صفحه من القرآن حسيت اني هديت شوي جلست عالسرير متكومه على نفسي و شعوري غريب يقتلني و ينهش من شويت الصبر اللي بقي لي !!
دفنت راسي بين ضلوعي و قمت أبكي بكيت لمده طويله مب حاسه بنفسي فجأه سمعت صوت رنا رفعت راسي لقيتها قدامي تجيني من الظلام .. لابسه شرشف أبيض مغطيها كلها و وجهها صافي و مبتسمه
رنا : ليه تبكين و أنا موجوده ؟؟
أميره : تركتيني بروحي أتعذب و رحتي أنا أكرهك
رنا : ليه تكرهيني و أنا جنبك أحس فيك أحس بكل نبضاتك سكناتك أحلامك و حتى خيالاتك أحس برمشة عيونك أحس فيك لأكثر مما يتخيل عقلك لأني روحك
أميره : بس انتي متي يا رنا ؟
رنا : مين قالك أنا عايشه في حياتك عايشه جواتك داخل عقلك و قلبك و روحك ؟؟
قمت و مشيت تجاهها و هي تبتسم لي بس لما وصلت عندها لقيتها سراب اختفى

صرخت لاااااااااااااااااا أكرهك ليه رحتي ليه !!!بكيت و قمت أكسر الأشياء اللي عالطاوله و أبكي و أصرخ ليه تركتيني و أحس صوتها يتردد قريب من اذني
لأني روحك ... لأني روحك
قمت أصرخ حرام عليك كافي كافي كافي حراااااااااااااااااام
شوي حسيت بالباب ينفتح بعنف و النور ينفتح و الممرضات حولي و أنا أصارخ
و أبكي و الدموع على خدي مثل الجمر
ما حسيت بنفسي أبدا و رجعت للظلام من جديد
*
*
*
*
*
*
*
*
صحيت لقيت نفسي بنفس الغرفه بس هالمره بروحي ياه ضوء الشمس كان يداعب عيوني و يقولي قومي اشتقت لك ..
قمت لقيت الغرفه كلها ورد و ورد يجنن ورد أحمر و أصفر و أبيض
نفضت الشرشف عني و قمت رحت للحمام توضيت و غسلت وجهي يوم شفت نفسي في المرايه صرخت آآآآآآآآآآآآآآآآآآآآآه وش فيه وجهي و قمت ألمس وجهي بخوف ليه كذا منتفخ كأنه أحد ضربني و لااااااا شعري وش فيه كذا منكوش و غير كذا طايل عن أول و الله كأني في ذيك اللحظه مجنونه صدق بصراحه يحق له له أسبوع و نص ما تمشط أو تغسل أو حتى انحط له بلسم دخلت يديني بين خصلات شعري أرتبه على الأقل رفعته كله على فوق و ربطه بالبكله اللي ما فارقت شعري من دخلت للمستشفى (( البكله الورديه ))
طلعت من الحمام صليت و قريت الأذكار و قمت أتأم الورد اللي حولي مخلي الغرفه روعه
أميره : ادخل
الممرضه : أهلين أميره كيفك اليوم ان شا الله أحسن
ابتسمت لها و قلت : الحمد لله
الممرضه : لا الحمد لله صحتك عال العال
دخلت الغرفه و ناولتني بوكيه ورد مرتب بشكل خيالي
أميره : من مين ؟؟
الممرضه : بصراحه ما ادري عطاني اياه و مشى
أميره : طيب شكرا
حطيته عالسرير و شلت الكرت أقراه : لم أعلم انني أهواااك سوى الآن
عشقت عينيك فلم أنم طوااال الليل
أرى هدوئك في الصباااح
و أعشق أنسااام فجرك في المساااء
هذا مااا سطرته نبضااات حبي
و تذكري أنني دائمااا أهوااك
اكشخ و الله صراحه شي و الخط من أساسه روعه خلي عاد الكلام و مين هذا اللي يهواني
و أنا ما أدري عنه !!!
رحت للبوكيهات الثانيه واحد من عمي و ثلاث من أحمد و واحد من أمير
و اثنين من ناديه و واحد صغير فيه ورده حمره كان الكرت اللي مكتوب عليها
أحبك )) بس و توقيع ما عرفت لمين قطع عالمي مع الورد صوت الباب
أميره : تفضل
الممرضه : لك زياره
ابتسمت و تخيلت كأني في السجن و المسجون لما أحد يزوره يجي السجان و ينادي اسمه و يقول له بغلظه : زياره !!
أميره : الي يجيني الله يحييه
التفت للورد أكمل اكتشافاتي لأصحابها !! على بال ما يشرف الزائر أو الزائره !!
كنت أطالع الورد و أبتسم هذا بوكيه ورد من عمي فهد معقوله يكون بدبي عشاني !!
قلت : و الله اني مشتاقه لك حيل ما تتخيل مثل كيف ؟؟
جاني صوت من وراي : و انا بعد يا اغلى ناسي
لا اراديا التفت وشفته قدامي
أول ما شافني مدلي بوكيه الورد و ابتسم لي
ابتسمت له و انا فرحانه مب متصوره الموقف أخذت البوكيه من يده
دخلت أماني في هاللحظه و قالت :
أماني : مفاجأه !
ما قدرت أرد و انا اشوفه قدامي
مدري وش بسوي رحت له مسكت يدينه طالعته أتأمله و هو قام يطالعني
أميره : أحلى مفاجأه
مو مصدقه ......عبدالله !!
ضميت يده بقوه بين يديني حسيت آلامي كلها بتتفرغ فيها برد على قلبي أشياء كثير
و هو مب داري اني أنا في هالمستشفى بسببه !!
عبدالله : شخبارج وحشتيني ؟؟
أميره : لك وحشه مدري كيف أوصفها ؟؟
أماني : صج ما تستحون احشموا نفسكم جدامي شوي عيب .... الله يخلف على أيام الحيا !!
قمت أضحك عليها
عبدالله : اشتقت لهالظحكه .... أميره تكلمي أبي أسمع صوتك متوله عليه
استحيت و سحبت يديني من بين يدينه فجأه !!!!!!!!
أميره : وحشتني
أماني : لا يا الشيخه قولي أكثر
أميره : هههههههه
قمت أطالع عبدالله ودي أكحل عيني بشوفته للحين مثل ما هو ما تغير يمكن نحف شوي
بس هو مثل ما هو عيونه أنفه شعره شفايفه كل شي فيه حلو مثل ما هو ما تغير !؟
وش هالحب العجيب اللي ربطني فيه و هالإحساس الحلو اللي أحسه كل ما أشوفه أحس بالأمان و الحنان يوم اشوف ابتسامته أحس ان الدنيا باقي بخير !!
لو كااان المحبه بيني و بينك جبااال بصعد جبااالك مهمااا تصعب دروبك أغليك يالغلااا و ربي
أماني : نحن هنا !!
أميره : معاك و الله معاك
قام يطالعني و يقولي : أميره
أميره : هلا
عبدالله : حلمت فيج !!
طالعته و قمت أضحك حطيت يدي على قلبي ضحكت من قلب
ضحكنا كلنا مدري كيف مرت اللحظات و هو قدام عيوني
أماني : يالله خلاص انتهت الزياره ؟؟
أميره : بدري تو الناس
عبدالله : خلاص بنخليج ترتاحين و بنشوفج بوقت ثاني لو علي بتم وياج طول العمر
تدرين اشتقت لها العيون و الله
وجهي حمر من الخجل
مدري كيف مر الوقت بسرعه ودعوني و راحوا ؟؟
جعل قلبي يفداك يا بعد هالدنيا
دايم اللحظات الحلوه تمر بسرعه لدرجة اننا ما نحس بلذتها صح الا لما نتذكرها
( و حتى لمااا نتذكرهااا يااا أميره نتمنى رجعتهااا أو أن الزمن يرجع لورى لأيااام الهنااا )

البارت الثاني عشر


أميره :
طلعت من المستشفى و أنا مبسوطه و سعيده رجعت للبيت و للي لقيتهم بالبيت
لقيت ناديه و عيالها و أحمد و ثامر وناسه
سلمت عليهم و جلست معاهم بالصاله نسولف و نضحك
كنت مبسوطه لأبعد حد مدري كيف جيت عبدالله لي رفعت معنوياتي و أنا كنت متخيله انه نساني !!
للحين باقي في ناس تحبني و تبي تسعدني تدور علي عشان ترضيني !
باقي هالدنيا فيها الخير ما مات للحين يبتسم لنا و حنا ما ندري عن وجوده الا لما نتمعن في هالحياه بعمق راح نلقاه ..
طلعت لغرفتي اشتقت لها ياه أبي اتسبح اشتقت للمويه و الإنتعاش اللي أحس فيه لما تلمس جسمي !!!
صحيح اني تعبانه شوي بس تناسيت هالتعب و أنا قرب عبدالله !!
عبيت حوض الجاكوزي بالمويه و حطيت من كل أنواع الزيوت اللي حضرت لي اياها صوفي
تدرون اني اشتقت لها و لأنظمتها اللي غثتني صحيح أحيانا أكسر هالأنظمه بس باقي
أمشي على أنظمتها !!
أول ما جيت من المستشفى سلمت علي برسميه بس حسيت بالشوق في عيونها تدرون وش سويت سحبتها و ضميتها و بستها على خدها !!
كانت مبسوطه لدرجة ان عيونها دمعت أو بالأحرى بكت أكيد ارتاحت مني طول هالأسبوعين
هي تصلح و أنا أخرب مسكينه معاي صوفي !!
صوفي : نور القصر مس أميره
طالعتها بإبتسامه متسائله
أميره : ياه يا صوفي من زمان ما سمعتها (( مس أميره )) حلوه منك !!
طبعا شعري حطيت عليه أنواع الشمبوهات هلكته مسكين
كنت متقرفه من نفسي أسبوعين بدون سبوح كارثه عفنت من جد !!؟؟
حطيت البلسم على شعري يمكن هالتشابك ينفك فركت جسمي باليفه لين حمر !!
طلعت من الحمام بعد ما لبست الروب و قمت أدهن جسمي و أسوي مساج ليديني و رجولي و رقبتي .... ول عليك يا أميره ما هقيت انك معفنه لهالدرجه رحت لصالة جناحي لقيت البخور مسنع من زمان عن البخور آلاف المرات أقول لصوفي تحط بخور تقولي البخور يكتم و صرنا عايشين على الفواحات اللي منتشره في كل القصر و بأشكال منوعه لدرجة انك ما تعرف هذي فواحه و لا تحفه ... طبعا أكيد البخور من حركات نداوي فديت عمرها ...
تبخرت و رحت لغرفه الملابس لقيت عالطاوله جلابيه مخمل طويله لونها سماوي فاتح مزركشه بألوان فاتحه و زخارف مره ملكيه أكمامها طويله و واسعه .. مخصره عاالجسم
لبستها و رحت للمرايه أشوف شكلي !!
لا الحمد لله خف وجهي شوي كان مثل البلونه و كأني جبت ابره و نسمته !!
شعري صار طويل أو اني متوهمه مدري حسيته و هو مموج كذا حلو معطيني منظر ....طيب ليه أقصه و بعدين هاللحين الموضه الشعر الطويل فخليني مع الموضه مشطت شعري و زين المشط مر فيه استشورته على خفيف و خليته مفلول مالي غره صارت الغره طويله
مدري متى بأقص شعري على الأقل أرتبه على طوله حطيت شريطه تفاحي
كحلت عيوني على خفيف و حطيت غلوس وردي و تنقعت بالعطر ما راح أستغرب لو خلصت العلبه للحين احساسي بإني ما تسبحت لمدة أسبوعين مجننني !!
فتحت الشبابيك عشان يدخل الهوا و النور و رحت للبلكونه فتحتها و طلعت لحد السور أتأمل البحر بصخبه و تلاطم أمواجه يصرخ بعنف بدون ما أحد يحس فيه !!
و كأنه يبي يطلع كل اللي في قلبه للعالم اسمعوني ياااااااااا ناس !!؟
و الله مسكين حتى البحر مسكين و أنا في وسط تأملاتي شفت واحد واقف في حديقة الورد يطالعها و يتأملها شوي وقف يطالع المسبح حسيته في ذيك اللحظه يدور على شي بينه و بين نفسه ينتظر شي متوله عليه أكيد هذا صديق أمير اللي شفته ذاك اليوم أحسه مسكين بس مره حلو ... أحيانا أحس اني ما استحي ))) كان يدخن بشراهه الوحده ورى الثانيه و يطفيهم بعصبيه على سور المسبح و يرميهم بالزباله
تخيلت هالمنظر كله في لوحه و الله شي لقيت شي أشغل نفسي فيه !!
طالعت المنظر للمره الأخيره أبي أطبعه في مخيلتي و مشيت ؟؟
جوالي كان في ذيك اللحظه يرن قمت أدور عليه من التناحه لقيته على الطاوله و أنا أدوره تحت الطاوله !!!
رديت بسرعه : هلا و مرحبا
....... : أميره
استغربت الصوت صوت واحد بس مدري مين ؟؟
أميره : نعم مين معاي ؟؟
........ : تدرين اني أحبك غصب علي أحبك
أميره : تدري انك مجنون ؟؟
قفلت في وجهه بسرعه
و أنا أبتسم بإستغراب مين هذا و الله وطلعتي مجننه العالم يا أموره يا معذبتهم !!
قمت ألقيت نظره أخيره على شكلي في المرايه و قلت بتريقه :
أحبك غصب عني أحبك أموت عليك بست صورتي في المرايه و نزلت
لقيت ناديه في الصاله تطالع التلفزيون رحت لها و سلمت عليها
أميره : تدرين اني اشتقت لك
طالعتني بإستغراب
ناديه : هَو يا أميره صلي على محمد توك قبل ساعه شايفتني
أميره :ههههههه اللهم صلي و سلم عليه بس وحشتيني في هالساعه
هزت راسها و قامت تطالع التلفزيون ؟؟
أميره : وش تتوقعين يكون البيبي ولد و لا بنت ؟؟
طالعتني بإهتمام و قالت :
ناديه : تدري يا بنت أبيها بنت و أسميها نادرين أو يارا بس كله من الله حلو
أميره : وش معنى بنت بالذات مب ولد ؟؟
ناديه : ماشا الله يا أميره عندي ولدين كافي أبي بنت عاد عشان تساعدني بشغل البنت لا كبرت !!
قمت أضحك عليها و أقول
أميره : و افرضي جالك توأم بنات
ناديه : أميره شكلك تبين تقتليني أنا اللحين بدخل الشهر الرابع و تعبانه و أحس اني بموت بواحد خلي عاد توأم ؟؟
أميره : بسم الله عليك أقولك شي قومي بوريك مرسمي
مسكت يدها و قمنا نروح المرسم
أول ما دخلنا
ناديه : تدرين يا أميره صوفي حقتكم مره رسميه ما تضحك و لا تبتسم و لا شي ليه !!
أميره : هي كذا من يوم عرفتها بس و الله أحيانا أشوفها تبتسم بس تضحك ما هقيت !!
ناديه : شكلها نظاميه
أميره : أوووووف يا شيخه نظاميه بشكل فظيع تخنقني بنظاميتها أحيانا أصرخ من القهر لما أسمعها تتكلم على الإتيكيت و النظام المنزلي !!!

تدرين حتى أنا مسويه لي جدول بكل شي أصلحه و متحمله هالنظام عشان أمير يركز بدراسته !!
و المشكله أنا اللي وعدته اني أساعده ؟؟
ناديه : مني متخيله انك نظاميه ؟؟
نزلت اللوح و بديت أوريها أعمالي و طبعا لهيت و أنا أركب لوحه جديده عشان أرسم عليها !
جاني صوتها بعد لحظه من السكون
ناديه : أميره مين هذا ؟؟
التفت أطالعها شفت اللوحه اللي بيدها ...... ارتبكت !!!
أميره : صورة لواحد شفته مره عالشاطئ
ناديه : شكل وجهه شدك لهالدرجة عشان كذا رسمتيه ؟؟
حاولت أفرغ ارتباكي في أي شي فقمت أكمل تثبيت اللوحه على الحامل
أميره : يمكن و عموما أشياء كثير تشدني و تجبرني ارسمها
ناديه : بس بصراحه هالإنسان جدا وسيم و مملوح حيل ... مملوح !! لا قليله هالكلمه على هالجمال جذاب جدا !!؟
تدرون اني غرت بس مدري كيف حاولت ما أبين لها أي شي
ناديه : بصراحه ما ألومك لو رسمتيه !!
مسكت اللوحه من يدها و قلت
أميره : شكرا
ناديه : أهاااا ....... عفوا
رديت اللوحه لمكانها بس قلبتها
ناديه : ليه تقلبينها خليها تشوف العالم و النور ؟؟
استحيت و نزلت عيوني بالأرض مدري ليه ؟
ناديه : تصدقين انها أحلى لوحاتك صحيح كل لوحاتك حلوه بس هاللوحه بالذات أحلاهم
أميره : شكرا ...
سكتنا دقيقتين تقريبا جلست ناديه على الكرسي و قالت
ناديه : أميره
أميره : عيونها آمري
ناديه : تحبينه !!
دق قلبي بقوه من سمعت هالسؤال لأني أنا نفسي ما اعرف جوابه !!
أميره : أحبه !!! مين !!؟؟؟
قالت لي بتأمل :
ناديه : صاحب الصوره
انكتمت ما عرفت وش أقول ؟؟
ناديه : مبين من الرسمه انه انسان غالي على قلبك حيل انسان بهالوسامه الصارخه ما اتوقع ان بنت تشوفه ما تحبه ؟؟
التفت لها و قلت و أنا أصرف
أميره : ليه حبيتيه ؟؟
ناديه : عيب يا بنت أنا متزوجه و أحب أحمد زوجي و بعدين مافي أحلى من أحمد في نظري !!
طالعتها و قلت :
أميره : يا عيني يا عيني وش هالغرام و الحب ؟؟ وينك يا أحمد تسمعها
ناديه وجهها حمر مثل الطماط و جتني تضغط على خدودي و تعاكسني
بعدها طالعتني بجديه
ناديه : مين هو !!
يا ربي من ناديه اذا نشبت لك الله المستعان !!
أميره : ناديه يا روحي يالله نطلع من هنا اختنقت
سحبتها من المرسم و طلعنا
أول ما دخلنا للصاله لقينا أحمد
ناديه : السلام عليكم
أحمد : هلا و مرحبا و مسهلا بأم تركي الغاليه أم الغالي
أميره : السلام عليكم
أحمد : و عليكم السلام هلا
أميره : لا يا شيخ ناديه قلت لها مقدمات و أشعار و أنا ما قلت لي إلا ... و قمت أقلده
(( و عليكم السلام هلا ))
فطس هو و مرته من الضحك
أحمد : هذي أم تركي مالها حل
ناديه : تسلم لي يالغالي
و قاموا يطالعون في بعض بكل الحب ؟؟
الله يهنيهم بصراحه ما ألومه فيها ناديه جميله الا ملكة جمال ما شاء الله عليها و غير كذا أخلاقها روعه و ما شا الله عليها طيبه مره و تستاهل كل خير يكفي انها وقفت معاي في أصعب و أشد حالاتي بعد ما الكل تخلى عني !
و قف قدامي تركي و قام يتأملني ...
تركي : عمه أميله في صوت ولااا
أميره : يا قلب أميره وين هالصوت ؟؟
تركي : ولااا في الحديقه
أميره : ورى في الحديقه وش وداك ورى يا قلبي
مسك يدي و قام يسحبني
تركي : تعالي تعالي سوفي
مشيت وراه لآخر الحديقه و وقفنا
شفت .... فرس ... شموخ
شموخ ... وش جابها هنا ؟؟
صرخت بوناسه شموخ و رحت لمها أبي أمسكها
يمكن هذي مفاجأت عمي فهد معقوله !!!
أول ما قربت منها هاجت و صهلت
أميره : شموخ أنا أميره اهدي يا شموخ ..........أنا أميره
زادت هاجت و قامت ترفس صرخت في تركي
أميره : ابعد يا تركي من هنا روح لماما بسرعه
المسكين أول ما سمعني هرب !!
ليه شموخ صارت عدوانيه بهالشكل حتى أنا صارت تنفر مني
مسكت لجامها و سحبتها بكل قوتي ارفستني في بطني .... فطحت على الأرض
من قوة الرفسه بكيت و دموعي سالت على خدي
أميره : ليه يا شموخي ليه أنا أميره ما عرفتيني شموخ سامحيني لو تركتك كل هالفتره
بس باقي أعزك و الله قمت أتألم أبي أروح امسكها هاجت بعنف و عصبيه كأنها تقول ابعدي عني ما ابيك قربي !!
شفتها خلاص بتعطيني الرفسه الثانيه غمضت عيوني أنتظر رفستها يمكن أموت و ألحق هلي على الأقل أموت بيد غاليه مثل شموخ كنت خلاص مستعده للموت !!
غمضت عيوني أتخيل أمي و أبوي و رنا و أصاله سعيدين بوجودي معاهم كلنا في عالم واحد
بس للأسف فتحت عيوني على صوتها و هي تتأوه و طايحه على الأرض
و واحد واقف قدامي ماسك عجره ليتها عصا لا عجره و الدم يقطر منها حشى هذي سيف مب عجره !!!
طالعته مرعوبه هو نفسه الإنسان اللي شفت من غرفتي في الحديقه الإنسان اللي عيونه شدتني !!!
سمعت صوت شموخ تتألم مدري كيف وقفت و طالعته بحقد
أميره : ليه حرام عليك
جريت لشموخي و رحت لعند راسها .............حطيت راسها في حضني
أميره : آسفه يا شموخ آآآآآآآه لاااااااا الله يخليك تحملي علشان خاطري
شفت جرحها قديش كبير و ينزف بغزاره جيت أبي ألمسه سمعت صوت يمنعني !!
........ : لا تلمسيه هالفرس مريضه
طالعته بصدمه كأنه عطاني كف .... مريضه !!! شموخ مريضه كيف !!
شموخ عميا بس مهي مريضه .....شموخ !!
طالعت لشموخ و حسيت بظله يختفي من المكان
كانت عينها مفتوحه أشوف نفسي فيها كانت تطالعني و كأنها رجعت تشوف
أميره : آآآآآآه يا شموخي صبري شوي بس بنادي أمير يجي يشوفك !!
قمت بسرعه و صرت أجري أحس بألم في بطني مكان ما رفستني
قمت أنادي أمير أمير لين رد علي و جاني ما صدقت أشوفه
أميره : الحق شموخ تنزف في الحديقه
رحنا ركض لعندها وقفت جنب أمير و هو قام يتفحصها شوي وقف و قال و وجهه متغير
أمير : شموخ .......... ماتت
كنت حاطه يدي على قلبي بس يوم سمعت هالكلمه ما شالتني رجولي طحت في الأرض بقربها
و بكيت بحراره و قهر
أميره : لا لا شموخ شموخ شموووووووووووووووووووخ لا تموتين الله يخليك حطيت راسها في حضني باقي عيونها مفتوحه أشوف نفسي فيها عيونها مليانه دموع لا لا عايشه
تقطعين كل هالأميال عشان تموتين عندي شموخ لا اااااااااااااا الله يخليك الموت عذبني حتى و أنا عايشه !!
بكيت و صرخت قمت أطالعها و أتذكر وجه أصاله .....
أبعدي عن السياره بتنفجر .... تذكرت صوتها و وجهها و هي حاضنتني ابتسامتها و عيونها اللي كانت معلقه فيني !!!!
دمها الحار اللي أحسه يحرق جلدي و آخر قطره من قطراته تصفت على ملابسي أصاله !!!
صرخت و أنا أبكي أبي ألمس جرحها بس أمير منعني مسكني وشدني بقوه
أميره : اتركني أبي شموخ لا ااااااااااااااا ء
أمير : اذكري الله شموخ متوفيه و دمها فاسد لا تلمسينه
قمت أصرخ بهستيريا
أميره : فاسد زين عشان أموت وخر عني ابعد !!
و رحت قربها أبي ألمس جرحها
جاني كف طير آآآآآآآآخر جنان كان ممكن أسويه في ذيك اللحظه !!
___________________

الساعه : 08:00 صباحا
فتحت عيوني غصب عني من قوة النور اللي جا على وجهي
تلفت حولي بتعب آآآآآآآآه قمت جلست تمططت بكسل فظيع
أي ليه كذا و بعدين مين جابني هنا ؟؟
أنا في غرفتي إلا هذي غرفتي !!
قمت بخمول و رحت للحمام تسبحت و لبست ملابسي و صليت
وجلست عالسرير كان آخر مشهد اتذكره قبل ما أوصل لهنا هو اني طحت عاالأرض
ليش ما أدري ؟؟
حسيت اني مخنوقه دقيت عالسواق و قلت له يجهز السياره
قمت لبست عباتي و تنقبت و طلعت أخذت شنطتي و أغراضي الشخصيه من جوالي
لمحفظة الفلوس للمفاتيح شفت بطاقة الصراف عالطاوله بس ترددت آخذها
تذكرت ان أحمد عطاني هي و قالي هذي بدل بطاقتي اللي احترقت شلتها و حطيتها في شنطتي و طلعت لقيت الكل نايم محد صاحي طلعت من البيت بهدوء ما بغيت أحد يدري عني طلعت على أعصابي ركبت السياره و مشينا !!
مدري وين اقول للسواق يوديني أبي أروح أي مكان المهم أفتك منهم كلهم مدري ليه داخلني هالإحساس !!!
مشت السياره في الشوارع بهدوء الكل كان محتاس اليوم اثنين و الناس بتروح لدواماتها
الشوارع كانت زحمه و الكل منفعل و معصب الإشارات تزمجر بعصبيه بالضوء الأحمر
و الناس تاكل في نفسها من القهر أصوات البواري تعلى و كأنها تعبر هي بعد عن ضيقها
تخيلت ان الكل في الصباح معصب و منفعل و يسب و يلعن حتى السيارات كان لها انفعالها الخاص مشينا مسافه مش بطاله قلت للسواق يقوفني عند كوفي شوب عجبني شكله من بره !!!
دخلته و جلست طلبت طلبيه للسواق و قلت للجرسون يعطيله اياها !!
اخترت لي طاوله في آخر الكوفي شوب تطل على الشارع طلبت لي فطور عباره عن كروسون شوكولاته و موكا بدون سكر قمت أتأمل الشارع فاضي ما فيه الا سيارات قليله كل بعد فتره تمر وحده أكيد كلهم في أعمالهم لاهين خفت الزحمه و خف الضجيج و سكن الإنفعال اللي كان حابس الأنفاس ... الشمس تلفح الشوارع و الناس و تحرق بلهيبها عمال النظافه و الشوارع الخاويه من الناس الا من دخان السيارات الرايحه و الجايه !!
انعكست صورتي على القزاز اللي قدامي قمت أطالع عيوني بصمت و أحكيلها عن فتره صاخبه من فترات حياتي أحكيلها عن الألم و العذاب و اللوعه اللي حارقتني في قلبي على هلي !!
تنهدت و انا أقلب كوبي و الغريب اني طالبته بدون سكر أجل وش قاعده أقلب !!!
أقلب أحلامي و ذكرياتي أقلب أوراقي و صفحات من عمري أدور في دوامه نسجت الحياه خيوطها و حكت صمتها بسخريه رمت علي أحمالها و قالت لي عيشي العذاب بروحك !!!
مرت ساعه و أنا على هالحال لين برد الموكا شربته و قمت ركبت السياره و مشينا
و حنا نمشي كنت أقرى أسماء المحلات و أتأمل الأماكن و أشوف بعض المحلات توها تفتح أبوابها ... بعد ما لفيت و تعبت رجعت للبيت و أنا مالي خلق
أول ما دخلت للصاله لقيتهم كلهم واقفين على أعصابهم
طالعتهم بهدوء و سكت
أمير : ممكن أعرف وين كنتي ؟؟
قلت بكآبه و الله مب ناقصه
أميره : كنت في كوفي شوب
أمير : و لما انك في كوفي شوب ليه مقفله جوالك
ضربت في راسي هالكلمه (( مقفله جوالي !!!!!!!
فتحت شنطتي أتأكد شفت الجوال فعلا مقفل أيه مخلص شحن
أميره : معليش ما انتبهت له
أمير : و عشانك ما انتبهتي حنا نبقى على أعصابنا
قلت بإنفعال
أميره : يووووه يا أمير ارحمني الله يخليك يكفيني اللي فيني
أحمد : مب مشكله اطلعي ارتاحي بس لا تعيدينها مره ثانيه
أميره : انتوا هذا اللي تبونه طول الوقت بالبيت أريحكم قولوا لي موتي عشان ترتاحون مني !!
ثامر : أميره وش هالتفكير و الله مو القصد كل ما في الموضوع اننا خفنا عليك
أميره : خفتوا علي طيب ممكن تقتلوني عشان أرتاح و ترتاحون !!!
ركضت لغرفتي و أنا أبكي حسيت بألم في بطني
بدت الصور تتلاحم في خيالي شموخ .... قمت بسرعه أطالع الفراغ شموخ توفت
هذا اللي اتذكره ماتت !!!
مرت في خيالي صورة صديق أمير و العجره و السيجاره اللي كانت على طرف شفايفه
و الدم !!!
تنهدت بعنف و رجعت جلست عالسرير أبكي
طق باب غرفتي
أميره : تركوني بروحي بعدوا عني ؟؟
ما كملت كلامي الا و انفتح الباب في وجهي
ناديه : و بعدين معاك وش هالصومعه اللي حابسه فيها نفسك ؟؟
جت جلست جنبي
ناديه : متى هالدموع بتبعد عن هالوجه المليح
ما قدرت أتحمل حطيت راسي في حضنها و بكيت
أميره : آآآآآه يا ناديه محد فاهمني قتلوا شموخ و مب بعيده يقتلوني !!
حطت يدها على راسي و قامت تلعب بشعري
ناديه : مين جايب لك هالفكره كل ما في الأمر ان فيصل صديق أخوك
شاف الفرس بتهجم عليك شال العجره و ضربها و بعدين شموخ كانت مريضه يا أمورتي
أميره : لا تقولين عجره هذا كان سيف !!
ناديه : عجره سيف المهم انك بخير
أميره : ليتها رفستني عشان أموت و أرتاح
ناديه : يا ربي رجعنا لسالفة الموت مره ثانيه خلاص يا أميره راعي مشاعري
أنا بدونك ما أسوى قومي امسحي دموعك ارحميني !!
و قامت تمسح دموعي و كملت
ناديه :خلاص عيشي الحياه بسعاده شوي
يا شينك ما يمر يوم الا و انتي تبكين و عيونك مورمه !!!
ابتسمت بهدوء و سكت
قامت تطالعني بتأمل و كأنها تركت العنان لقلبها يقول كل اللي في داخله ...
ناديه : تدرين كنت أبكي بمراره زمان لما سمعت ان احمد خطب وحده من أهل الجنوب
ياني بكيت و صرخت و في ذيك الأيام مرضت لدرجة اني رحت للمستشفى !!
تعدلت في جلستي و طالعتها بإهتمام
أميره : الله لهالدرجه ؟؟!!!!
ناديه : و اكثر تدرين اني كنت أحبه كان مالك مشاعري و قلبي ما تتخيلين قديش !!
طبعا كنت أحبه و هو ما يدري عني بعد ما خطب بنت الجنوب جا مره لبيتنا زياره هو والجماعه أعمامي و عيالهم و حريمهم كلهم !!
كنت في ذيك اللحظه كارهته مدري ليش !!
أنا قمت أضحك .....
أميره : أحمد أحيانا يكون بغيض و جاد ... و أحيانا أحسه شرير !!
حطت يدها على راسي و قامت تلعب بشعري
ناديه : يا بنت عيب !!
قمت أضحك !!
ناديه : المهم يا ستي رحت للمغاسل اللي بالحديقه ذاك اليوم أبي أغسل القهوه اللي انكبت على تنورتي كنت ملتهيه و أنا أفركها لما خلصت رفعت راسي أطالع للمرايه لقيته وراي يطالعني !!!!!!!
قلت بإهتمام متحمسه الأخت !
أميره : واااااااااااو وش صلحتي ؟؟
ناديه : طالعته و تصنمت في مكاني ... هو مدري وش فيه وقف يطالعني و لا استحى و لا قال خليني أبعد ... أطلع أسوي أي شي !!!
أميره : أكيد شاف الزين وش بيسوي المسكين ؟؟
ناديه : تدرين وش قالي ؟؟
قلت و علامات التعجب مرسومه على وجهي !!
أميره : و بعد قلتي و قال ؟؟!!!!
ابتسمت ناديه و كأنها ماسكه كتاب قصص قديمه و صايره تقلب كل صفحه منه تخلصها بإنفعال جديد !!!

ناديه : تخيلي قالي وش جايبك في مغاسل الرجال !!
قلت بعصبيه متحمسه مثل ما قلت لكم
أميره : عمى في عينه صدق ما يستحي !!
طالعتني ناديه و هي تضحك و ضربتني على كتفي
ناديه : يا بنت عيب
أميره : معليش تحمست بزياده كملي ؟!
ناديه : طبعا انا بسرعه جريت لغرفتي و قمت أبكي لك ليل مع نهار و العجيب انه جا اليوم الثاني و خطبني من أهلي !
أميره : عفيه عليه أخوي ما عنده لف و دوران يبيك جاك من الباب و خطبك
قلت بتفكير : عشان كذا ترك بنت الجنوب و فجأه قالنا انه بيخطب بنت عمه
تدرين ان بنت الجنوب هذي كانت عفرا بنت خالة أمي يعني قرايبنا من جهة أمي
كانت مزيونه حيل و مازالت و للحين يضرب في جمالها المثل بس مره مغروره و شايفه نفسها !!!
ناديه : قطيعه تقطعها !!
أميره : بدينا نغار ؟؟
وجهها حمر حيل و قامت تضربني و ترمي علي المخده و بعدين رمت علي البطانيه و دفتني
قمت رميت عليها المخده
ناديه : أي بطني آآآآه لحقي علي يا أميره
أنا خفت و جيت جنبها يا ويلي وش سويت كانت مغمضه عيونها أول ما فتحتهم
قامت تضحك
ناديه : أمزح عليك هههههههههه
أميره : يا شينك يا نداوي ههههههههه
جلست عالسرير و تمددت بحزن
طالعتني بإهتمام و قالت لي
ناديه : وش فيك ؟؟ باقي ما خف حزنك و لا ملي !؟
ابتسمت بحزن لها و قلت
أميره : و لا سانتي
ناديه : طيب وش رايك أحكي لك حكايه
ابتسمت بمرح و قلت
أميره : موافقه يالله

قامت جلست على السرير تربعت و حطيت راسي في حضنها قامت تلعب بشعري و تقول
ناديه : كان يا مكان في قديم الزمان
يحكى عن فلاح في العصر اليوناني البعيد قبل الميلاد بسنوات كثيره
كان هالفلاح يزرع أرضه و يحرثها و يفلحها ... في ذيك الفتره الملك كان فارض عليه هو و كثير من المزارعين ضريبه يوميه كان يتعب المسكين يبدى من الصبح لين المغرب و هو يفلح و يجمع فلوس الضريبه !!!
كان يبقى له من هالفلوس بعد ما يدفع الضريبه ثلاث جنيهات أو ربيات مدري وش كان اسم عملتهم المهم كان مقسمها لثلاث أدوار ربيه ياكل فيها و ربيه يتصدق فيها و ربيه كان يحطها في حصاله يجمع فيها فلوسه ....... الغريب انه كان يختفي كل نهاية شهر يوم كامل محد يشوفه أو يعرف عنه شي...
أميره : أووووووووو وااااااااااااو بصراحه شي وين كان يروح ؟؟
ناديه : شك في أمره واحد من المزارعين تعرفين عاد اللقافه صايره في كل عصر
قال اللحين فلان وين يروح كل نهاية شهر و بعدين قاعد يجمع فلوس كثيره و لا نشوفه عاش حياته فيها ملابسه رثه و بيته ممكن في أي لحظه يطيح على راسه و أكله اللهم لك الحمد !!!
وين يودي فلوسه !!!؟؟؟
في يوم من الأيام قرر المزارع الملقوف يلحقه يشوف وين يروح كل شهر !!
في يوم من ليالي آخر الشهر لحق المزارع الملقوف المزارع المسكين !!
لقاه دخل ساحه كبيره مليانه ناس من كل الأصناف ناس تبكي و ناس تتألم و ناس تشكي و أطفال يلعبون و يبكون و ناس مجتمعه تسولف و تضحك و ناس منفعله و معصبه فالمزارع استغرب وش جايب فلان لهالمكان !!!
راح و سأله وش تسوي كل نهاية شهر هنا ...
رد عليه المزارع : أنا هنا أجي كل نهاية شهر أجلس في هالمكان و أنادي في الناس (( مين يبيع لي تجربته في الحياه )) أنا عندي استعداد أضيع كد و تعب و دخل شهر كامل و لا أخسر صحتي و دموعي لأنه مافي شي يسوى في هالحياه أهدر على شانه صحتي و دموعي و قلبي !!!!!!!!!
أنا بعد ما خلصت من القصه لا اراديا بكيت تذكرت كل آلامي كل شي كنت أعانيه منه
ياه حتى الأولين كان عندهم آلام يشكون منها مع ان حياتهم كانت بسيطه بس كان الألم صديق كل عصر و زمان !!
مسحت دموعي و جلست
ناديه : وش رايك في القصه ؟؟
أميره : من أروع القصص اللي سمعتها و لا ايميلي ما تكتب كلام بهالروعه
طالعت لساعتها و قالت :
ناديه : أوف نسيت بيجونا ضيوف اليوم ؟؟
أميره : عشان كذا مكشخه اليوم على غير العاده مين ان شالله أصحاب الفخامه اللي بيجون !

ناديه : عمي خالد و عمي سامي و عيالهم
تدرون كأنه في دبوس شكني فجأه قلت بصوت عالي و بفجعه
أميره : نعممممممممممممممممممممممممممممممم ليش وش جايبهم هم ما صاروا يدانونيني من بعد الحادث !!! ليه يجون و بعدين باقي ما خلصت الدراااااااااااااااااسه !!!
ناديه انفجعت
ناديه : يا أموره من قالك انهم يلتزمون بدراسه و خلافه و بعدين جايين يقضون كم يوم معانا
و عيب في حقنا يجون لدبي ويسكنون في سويت !!!
أميره : يووووووووووووه عيب عيب عيب مليت من العيب و بعدين أمير عنده دراسه يراعونه شوي !!
ناديه : يوه يا اميره أمير أجل دراسته شهر !
سكت شوي أطالعها
أميره : نعممممممممممم و ليش ما قالي ؟؟
ناديه : انتي مب داريه عن شي يا أميره قومي يا قلبي تجهزي و اكشخي و عيني من الله خير تراهم على وصول ...
أميره : ما أبي أستقبل أحد !!
قامت و راحت للباب
ناديه : كيفك أجل برسل لك صوفي
صرخت بقوه
أميره : لاااااااااااااا الا صوفي !!!
ناديه : ساعه و بطلع لك يا جميل
سكرت الباب و طلعت أوف بالله وش أبي بناس ما يدانوني و هيفا و رانيا و الجوهره
ما يدانوني نهائيا و خصوصا بعد وفاة رنا الله يرحمها و كأني أنا اللي قتلتها عاد هم مره ميتين عليها الا كانوا مايطيقونها و يغارون منها !!!
دخلت الحمام تسبحت بسرعه و طلعت رحت لغرفة الملابس أدور على شي مناسب أنا لو علي ألبس لهم أسود مالت عليهم !!!
فتحت الدولاب و انصدمت مليان ملابس و بعدين وش بختار بالله !!!
اخترت بلوزه نيلي حرير مشجره بسكري و أزرق ضيقه من الصدر و الخصر و أكمامها قصيره
تنربط من عند الصدر بشريطه و تنوره سكري كسرات و لبست صندل نيلي رايق بس بدون كعب لبست حلق لولو و سلسله خفيفه لون تعليقتها أزرق حرقت راسي بالإستشوار من زمان عنه لدرجة اني ما عرفت كيف أمسكه استشورت شعري بعد جهد جهيد طلع شكلي غيرررر !!!
أول مره من فتره طويله أشوف شعري مستشور و الله ناعم هههههههه تناحه معتبره !!!
رسمت عيوني بقلم أزرق و حطيت غلوس لحمي خفيف و تنقعت بالعطر أبي ريحتي توصل لآخر الممر فتحت درج التسريحه و طلعت شريطه زرقا كانت هديه من رنا عليها اسمها و اسمي و التاريخ ابتسمت بحزن لتاريخ يعيد نفسه من ثلاث سنوات .... فرنسا
رنا : هذي هديه لك بمناسبة اليوم العاشر للصداقه
أميره : هههههههه اليوم الألف للصداقه
طالعتنا رمزيه بإستنكار
هذي بنت مصريه تعرفنا عليها في فرنسا
رمزيه : متختشي على دمك انتي وهيا خلصوني !!!
أميره : يا رمزيه يا رمزيه صبرك علينا
طالعتنا و هي مبوزه قمنا ندور حولها أنا و رنا و نغني !!!
يااا رمزيه يااا رمزيه حيلك حيلك شويااا علينااا ... يااا رمزيه يااا رمزيه حيلك حيلك شويااا علينااا
رمزيه : بس خلاص جننتوني بس بس!!
قمت أضحك على أيام ما تنسى
تأملت الشريطه بحنين و شوق !!!
ربطتها في معصمي و صلحت فيونكه و قمت شلت جوالي مدري ليه و هو مفضي و نزلت
كانت الأجواء ريحتها بخور منعش قمت أضحك أكيد صوفي ميته من القهر هههههه أم الفواحات !!!
نزلت لقيت أمير بالصاله
أمير : هلا و الله وش هالزين وش هالملاك لا الاله الا الله ؟؟
حطيت يدي على كتفه و قلت
أميره : هالكلام مب علي يا جميل ؟؟
أمير : و الله من زمان ما شفتك كاشخه
قلت بدلع :
أميره : يختي عليكي وحشه ؟؟
كان مقهور لأنه ما يحب الدلع
أميره : يااااااااااااااي أبي أتلع بره
أمير قام يضحك و يهز راسه
أمير : الحمد لله و الشكر
طلعت للحديقه الجو شي باقي تونا الظهر مشيت في الحديقه أتأمل كل شي فيها
بس مدري ليه حسيت بخيال يلحقني التفت وراي ما لقيت أحد
لقيت قدامي ناديه
ناديه : بسم الله ما شا الله وش هالزين ؟
أنا سكت مدري ليه مب عاجبني الوضع ككل وش فيها ناديه مهتمه لهالدرجه
أميره : نداوي حبيبي لا يكون مسويه شي من وراي !
طالعتني بشكل طبيعي
ناديه : لا يا قلبي وش بسوي يعني يالله بسرعه تقول صوفي انهم وصلوا !!
_____________________________

البارت الثالث عشر


الساعه :12:00 ظهرا

يا ربي ماني طايقه نفسي غصب مسكتني ناديه عشان أسلم على الضيوف
طبعا ما شفتوا نظرات البنات لي و بعد لقيت حلا و هلا خوات ناديه
يا ربي كملت !!!
يا قلبي عليك يا ناديه غيرهم بسم الله عليها فرق بين الشرق و الغرب !!
جلست جنب مرت عمي سامي (( غاليه )) اللي كانت تسألني عن أحوالي و تطالعني بإهتمام !!
جت الشغاله وزعت العصير و طلعت
غاليه : ما شا الله شكلكم غيرتوا الشغالات
أميره : ايه معدا خمسه منهم
طالعتني هيفا و هي تقلب شفايفها بدلع يرفع الضغط
هيفا : و ماري و سيتي كمان من الطاقم ؟!
رفعت حاجب و نزلت الثاني و سويت فيها
أميره : ايه يا قلبي محمد حول كفالتهم علينا !!
عمتي غاليه حست بتولد شرار فغيرت الموضوع
غاليه : ماري طباخه مميزه
أميره : مع ان في شيف فرنسي هو الرئيسي في القائمه بس اني ما أحب أكله
كثر حبي لأكل ماري !!
رانيا : أوف أحس بتعب في ظهري أبي أرتاح
ضغطت على شفايفي بقهر و قلت بصوت مكتوم : عساه بالكسر ان شا الله
ناديه : ان شا الله يا قلبي ............لحظه و بتجي صوفي
أول ما دخلت صوفي أكلوها بعيونهم
غاليه : تشبه كثير لمديرة المنزل حقتي ايميليا
هزيت راسي ايه يعني طيب
أميره : صوفي لو سمحتي ياليت لو تقولين لهم وين غرفهم !!
أبي أقهرهم !!
صوفي : O k مس أميره ... أهلا وسهلا بكم في ضيافة مس أميره و مدام ناديه
بديت أسمع الهمسات و التعليقات الفظيعه و أنا كاتمه ضحكتي !!
قامت صوفي تقول لهم وين غرفهم و طبعا عمتي غاليه بالدور الثاني و البنات بيكونون بالدور الثالث >>>>
معاي !!!
إإإإإإإإإإإإإإإإإإإإإإإإإإإإإإإإيش !!!
رجعت أعيد الكلمه في راسي مره ثانيه معااااااااااااااااااااااااي لاااااااااااء !!!!
معاي في دور واحد !!!!
حسبي الله على شيطانك يا صوفي خلت لهم الجناحين الشمالي و الغربي هيفا و رانيا و الجوهره و حلا و هلا
بيشكلون حزب علي آآآآآآآآآآآآآآه
و عمتي غاليه بالدور الثاني الجناح الغربي الله يعيني مدري لمتى بيبقون هنا !!!
ليت جدتي شهده جت معاهم كان نسيت همي شوي حسبي الله عليك يا صوفي ؟
بعد ما الكل راح لغرفته رحت لمكتب صوفي و صرخت
أميره : صوفي ما ظنيت حكمتك بتوصل انك تخلين هالعقارب معاي بالدور الثالث
قامت من مكتبها و جات تهديني !!
صوفي : مس أميرة هدي أعصابك مو هيك تتاخد الأمور ؟؟ الدور الثالث فاضي إلت خليه للبنات !!!
أميره : لا تقولي بنات الله يرحمك قولي عصابه ؟!!
يوه أنا ليه هنا طلعت من المكتب و أنا أسمع صوت صوفي
صوفي : الغدا الساعه 02:30
أميره : يووووووووووووه اطلعي من مخي واللي يرحم أهلك !!
أنا أحيانا دفشه عفشه الله لا يوريكم !!!
طلعت من البيت كله رحت للحديقه جلست على طرف المسبح أبي أبكي ما قدرت
مب أنا اللي أبكي عشان شي تافه مثل هذا !!!
فيني عصبيه أبي أفرغها قمت فصخت الصندل و نزلت رجولي في المويه و قمت أحركها بقوه ..... غمضت عيوني أحبس حرة فيني مقهووووووووووووره
و أنا في عز قهري حسيت بشي دافي على كتفي !!
فتحت عيوني و طالعت :
أميره : أهلين عبدالهادي
عبدالهادي ولد عمي سامي و في نفس الوقت أخوي من الرضاعه هو و ثامر رضعوا مع بعض
عبدالهادي : هلا فيك
سلمنا على بعض و جلسنا هو بعد سوى مثلي فصخ جزمته و نزل رجوله في المويه
شكله كان مره شي ........ كاشخ !!
عبدالهادي : تدرين أول مره أجي لدبي ؟؟
أميره : غريبه ليه ؟؟
عبدالهادي : تعودنا نسافر لبلاد أوروبا بس لهالبلاد القريبه مننا و اللي أحلى من بلاد الغرب ما نروح لها ...
ابتسمت و قلت
أميره :شكلك طالع ؟؟
عبدالهادي : صحيح كنت طالع بس لما شفتك هونت
أميره : تسلم و الله ............ بس شكلك حزين مره ليه كذا !!
عبدالهادي : هذا ... ""و أشر على قلبه"" ... متعبني ؟؟
ابتسمت بذهول
أميره : أوف شكلك و انت تقولها يروع ... قولي مين هذي اللي متعبتك و أنا أوريها !!
ضحك و قالي :
عبدالهادي : لا أنا و لا انتي نقدر نوريها ؟؟
أميره : لغز هذا و لا وشو !!
طالعنا بعض و سكتنا قمت احرك رجولي في المويه و أفكر أبي أخفف عنه بس مدري كيف !!
أميره : على فكره عطرك حلو و قوي في نفس الوقت
عبدالهادي : الله يسلمك هذا هديه من ثامر
هزيت راسي عشان كذا أقول وش فيه ريحته قويه !!!
باقي لسه حزين قمت أتأمله ... ماشا الله عليه جسم رياضي مميز طويل و أسمراني و حلو و الله أكثر شي يحير في شكله عيونه الواسعه غامضه بشكل مذهل تعجبني العيون السودا
عبدالهادي : طال شعرك يا بنت العم
طالعته و كأني طالعه من عالم ثاني
أميره : ودي أقصه ؟؟
عبدالهادي : بالعكس تعجبني المره اللي شعرها طويل
أميره : خلاص و لا تزعل وش رايك أزوجك وحده شعرها طويل !!
عبدالهادي : و الله لو وحده بنفس جمالك من اللحين أبي أتزوجها
قمنا نضحك .. حتى ضحكته حزينه ليه طيب كنت متخيله ان انا الوحيده اللي حزينه بس في ناس حزنهم يفوق حزني و زياده !!!
قمت نفضت رجولي في الهوا عشان تنشف قام سوى مثلي
أميره : تدري لو صوفي شافتني أصلح كذا لو جاها غثيان ؟
قام يضحك
عبدالهادي : ليه ؟؟
أميره : عشان بأكسر قوانين الإتيكيت و النظام
قمت أقلدها (( مس أميره وت اذ ذيس يعع ))
هههههههههههههههه
مشينا في الحديقه شوي وريته حديقه الورد و بعدين رحنا على غرفة الطيور و ختمنا الجوله في صالة الألعاب ...
أميره : تلعب كرة طاوله ؟؟
عبدالهادي : لا يا أميره ما أعرف لها
أميره : يوووووووووه يا عبادي ما هقيتك ممل !
قام طلع من الصاله لحقته
أميره : لحظه انتظر .... طيب وش رايك أوريك مرسمي !!
عبدالهادي : يالله
رحنا المرسم و قمت أوري له أعمالي طبعا كان جدا منبهر
عبدالهادي : مبدعه ما شا الله
أميره : الله يسلمك
قمت رفعت لوحه من زمان لها سنه و هي هنا !! نفضت عنا الغبار و قلت
أميره : ممكن تجي شوي لهنا !!
قرب و قام يطالع اللوحه اللي بيدي
كان منبهر بقوه
عبدالهادي : هذا أنا !!!! وش فيني وسيم في اللوحه !!
قمت أضحك على شكله
أميره : تدري وش يدهشني في ملامحك ؟؟
طالعني بإستفهام
أميره : عيونك الغامضه اللي كل يوم عن يوم أكتشف أسرارها بصمت
قام يطالع عيوني بتأمل
أميره : ما راح تقولي مين هي اللي معذبه قلبك !!! و لا أنا و لا انت نقدر نوصل لها !!
تدرون كأني حطيت على جلده سلك كهرب 220 زاغ الرجال و طالعني مب مصدق؟؟
أميره : تدري مين هي تراني أعرفها بس ساكته من زمان !!!
حطيت اللوحه عالطاوله و مشيت لين وصلت عند ركن المرسم
أميره : تعال شوفها ؟؟
جاني و هو ساهي في عالم غير عن الواقع
رفعت اللوحه في وجهه و قلت :
أميره : هذي هي اللي شاغله القلب و الإحساس !!
****************************************
رجعت للبيت و انا تعبانه صحيح جلستي مع عبدالهادي خففت علي
بس باقي تعبانه تمططت بخمول يوه ما صارت الساعه 02:30 باقي وقت و أنا جوعانه قمت أشوف أي شي يؤكل في المطبخ كان في مطبخ صغير بوسط الدور الثالث رحت له حطيت مويه بالغلايه و شبكت الكهرب فتحت الثلاجه و طلعت خبز و بديت أسوي سندويش من كل الأصناف مرتديلا جبنه طماطم و أشياء ثانيه حطيته في المكرويف و وقفت انتظره يتسخن و أنا واقفه أشوف المؤقت سمعت صوت ضحكات !!!!
شدني الفضول اني أسمع وش ينقال و مين اللي يضحك ؟!!
رحت للجناح الغربي جيت بدخله لقيت البنات جالسات بالصاله تخبيت بسرعه ورى الجدار عشان لا ينتبهون لوجودي ...

رانيا : أميره هذي مجنونه ما شفتيها كيف تاكلنا بعيونها
الجوهره : و الله حرام عليكم انتوا اللي أكلتوها بعيونكم
حلا : يوه يا الجوهره وش عاجبك فيها تدافعين عنها ؟؟
هلا : أميره هذي غثه المشكله لبسها مره عادي بس مره حلو
هيفا : هي بصراحه مره حلوه تجنن .... ياه لو تكون عيوني ملونه مثلها ؟؟
الجوهره : الجلسه معاكم تطفش حش في حش حرام عليكم
هيفا : وش فيك تنرفزتي ؟؟ و لا متعاطفه معاها عشانها مثلك صديقتها الصدوقه
اللي هي اختي العزيزه توفت ؟؟
هلا : أها قصدك أصاله ..... يا شيخه انتي للحين ما نسيتي ؟؟
الجوهره : بس خلاااااااااااااص حرام عليكم بس حرام !!!
قامت تبكي المسكينه و راحت ركض على غرفتها
أنا نشفت في مكاني ول في ناس في هالحياه بهالقلوب !!!
عشان كذا ملامح الحزن كانت كاسيه وجهها صح أصاله هي صديقة الجوهره و توأم روحها
أتذكر انها يوم الحادث كانت بتجي في سيارتنا بس في آخر لحظه هونت !!
حلا : أختك هذي مسكينه باقي عايشه في الماضي
رانيا : مجنونه مثل أميره خلاص أصاله ماتت و لا هي داريه عنها كل في عالمه !!
هيفا : حمد لله و الشكر على نعمة العقل !!
حطيت يدي على فمي من قوة كلامهن أنا مهما تدنت أخلاقي ما أقول هالكلام !!
اللحين صار الحزن و الحنين و الشوق لأشخاص ميتين عزيزين على قلوبنا جنون و الله انتوا اللي مجانين مب حنا ...... و الله قل عقل فعلا !!
أوف نسيت المويه في الغلايه !!!!