 |
 |
 |
 |
|
 |
||||||||
 |
 |
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
 |
|
|
أدوات الموضوع | انواع عرض الموضوع |
|
|
|
|
|
|
|
|
|
||||||||
|
|
|
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
|
|
أدوات الموضوع | انواع عرض الموضوع |
|
#1
03-17-2018
|
||||||||||||||||||||||||||||||||
|
||||||||||||||||||||||||||||||||
رواية /حزينة على ماضي ولىّ و فات
البـــــــــــارت الســـــــــابع
حصة:اقولك يابنت الحلال ضفي ولدك عني خليني اكلم زين صالحة وهي ماشية بتدخل الغرفة : .. حبيبتي اذا شلتي ولدك راح اشيل ولدي حصة بصراخ:والله انك قليلة ادب انا عرفة انتي خليتيه هنا لانك شفتيني اكلم قلتي اخليه رادار لي بالصالحة ينقل لك الكلام.. "بهدوء"والله عيب هالتصرفات بزر هذا لاتعلمينه الحقد ونقل الكلام من الحين اتقي الله يامرأة صالحة :كيفي ولدي وانا حره حصة:بس هو اخو عيالي بعد ..افهمي يامرأه صدق اني ماطيقك ولا اواطنك بعيشة الله بس الشكوى الله نرضى بالواقع وربي ولدك زين هذا حامل اسم ابونا اذا تفهمين .. مير ماظنيت انك تفهمين "وهي تأشر على عقلها"هذا تنكة .. والله كأني انفخ بقربة منشقة صالحة استفزاز:موتي موتي من القهر يالعجوز "وهي تأشر على يزن ولدها" يزوني مثل ماوصيتك زين زين: طيب حصة :الحمدلله والشكر مريضة مانشره عليك " وهي تقوم وتكمل المكالمه" ..ايه كملي السالفة وش صار بعد 
 
|
|
03-17-2018
|
#2 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 
|
يتـــــــــــــــتبع البـــــارت الســــابع
........................... بأحدى المدارس وقت الفسحة سهى:اقول فطيم الى الحين اخوك يصفقك بالطالعه والنازله فاطمه بفشله تحسفت بيوم انها فضفضة لها :شي مايخصك سهى بصوت عالي:يابنت الحلال مافيه احد غريبة قولي وش اخر هوشاتك انتي وياه فاطمة قامت من عندهم:والله انك وقحة .. وماتربيتي سهى بصوت اعلى وبستهزاء:ههههههه مخلين الادب والتربية لك .. نسينا نسينا يافطيم ..ولا خليني ساكتة ازين سحر جاية تركض عند سهى:سهى سمر تعبانه مره من الحصة الثانيه وتقول ابي اطلع تعرفين رقم ابوي يجي يطلعها سهى فزت بخوف: احلفي .. ايه اعرفة .. وش اللي صاير سحر: اناادري لاتسأليني الحين بسرعه خلينا نروح نتصل اخاف يجيها الصرع الحين و تتفشل عن البنات سهى بضيقة بصدرها : لا ان شاءالله بسرعه امشي خلينا نروح للمرشدة ظلت عيون تراقبهم لاحد مادخلوا المبنى "عرفت اقهرها بمين" سهى بحزن على حال سمر وهي حاطه راس سمر على صدرها وضامتها:وش فيك ياقلبي فيه احد مضايقك والله لااكوفنه لك بس تكلمي لاتحرقين قلبي .. ولا ليكون صالحة قالت لك شي الصبح سمر ببكاء: مافيه شي سهى بشك: صالحة صح؟ سمر زاد صوت بكاءها وهزت راسها بمعنى ايه سهى:بنت ال.. استغفرالله بس ماابي استأثم .. قولي لي وش قالت لك والله ماتمسي وهي بخير انتي بس خبرينا السالفة كلها سمر:الصبح وانا طالعة للمدرسة مسكتني وقالت صالحة:تدرين ياسمر قبل فترة جاني اخوي للبيت وشافك بالغلط ومن عقبها وانتي ببالة وصار الولد هيمان فيك .. وبس يسألني عنك .. وكلم امي عشان تخطبك له بس رحت لها وانا اركض ابي انقذ الموقف .. قلت لاخوي انك بك صرع وانك مريضة وماتصلحين له .. تدرين وش قال .. قال لا والله خايف على عيالي يجيهم المرض وراثة .. والله والله مره رحمناك انا وياه قلنا كل هالجمال .. فيك هالمرض اللهم عافنا .. صدق ان الزين مايكمل سهى وهي عاضة يدها من القهر: والله مااخليها .. من زينها هي واخوها الجوكر .. والله انك تسوينهم كلهم لا بارك الله فيهم سحر:ياعمري انتي ان شاءالله انها خيره لك لاتضيقين صدرك وبعدين ماتعرفين صالحة بس ودها تقهرنا حنا وامي لاتواخذينها من الغيرة سمر:بس انا خايفة سحر: من وشو سمر:خايفة انها تنقل الكلام بين الناس و .. وينقطع نصيبي .. يعني مااحد يتزوجني وانا فيني هذا المرض سهى:تعوذي من ابليس ولاتفكرين بالمستقبل وانتي ماتدرين وين الخيره فيه خلي امرك على الله الفراشة:يالله ياسمر ابوك جاء يطلعك سحر:يالله حبيبتي البسي عباتك .. وتكفين اول ماتدخلين ادخلي غرفتك ونامي لاتحتكين فيها ابدا ماحنا ناقصين لوعة وجعة راس معها هي وامي سمر:طيب سهى بعبط:ياحظك بتطلعين وحنا منطقين الا 2 سمر مالها نفس وتضحك ابتسمت مجامله ............................. ريما:يعني لازم هالسفرة حبيبي سعود بملل:ياحبيبتي ماتفهمين انتي اقولك لازم هالسفرة بترفع راتبي .. وتبيني اكنسلها ليش.. عشان بتشتاقين لي ريما:اف طيب .. ابي اروح معك .. سعود بنرفزه اكثر:ياقلبي ياحياتي من الصبح وانا اقولك السفرة كلها رجال وش تبين انتي داخله بينهم ان شاءالله كلها اسبوعين واجي انطق عندك سعود بصوت وااطي ماتسمعه ريما :وش هالبلشة يارب .. ابروح افك عن نفسي شوي ريما:وش تقول سعود :ولا شي بس جهزي اغراضك اوديك عن اهلك ريما بدلع :ليش .. انا ابلس هنا .. ماابي اروح لاهلي سعود :ياحبيبتي انا جالس اسبوعين هناك .. تبين تجلسين لحالك هنا اسبوعين مستحيل اخليك ريما بدلع وهي تقرب من عنده :تخاف علي سعود:ايه .. بس يالله جهزي اغارضك ريما بحلطمه :طيب ................................ جهزت الغداء كالعاده انتظرته ماجاء الى الحين تالا:خالة سما .. صار لي ساعه جاية ابي شي اكله جوعانه سما بحلطمة: كله من ابوك هذا اللي يتأخر ويأخرنا معها ... تعالي حبيبتي احطلك غداء ابوك شكله توه تالا:يوم كانت فيه ماما كان يجي بدري على طول نتغداء مع بعض بس الحين لا سما قعدت اطالعها فترة ومشيت للمطبخ احط لها الغداء جلست معها اغديها دخل علينا بالمطبخ تالا ركضت وتعلقت بحظنه واناكنت جالسة بالكرسي ومعطتهم ظهري تالا وتبوسه على خده : بابا ليش تأخرت راكان:كان عندي شغل يابابا ووشوش بأذنها بحيث اني مااسمعه تكلمت تالا:خالة سما بابا يقول اغرفي الغداء طالعته وقلت:ابوك شكله من كثر التعب من الشغل مهوب قادر حتى يتكلم راكان طالعني ببرود :جيبي لي مويه وبلا كثرت كلام سما كبرت عقلي ورحت وجبت له المويه وغرفت الغداء راكان:اليوم المغرب بنروح نسلم على اهلي.. امي تبي تشوفك سما:ان شاءالله تالا: الله مشتاقة لجدتي حيل راكان:حتى هي مشتاقة لك تالا:يوم كانت فيه ماما كنا دايم نروح لها راكان :الله يرحمها ويغفر لها بعد الغداء شلت الصحون ووديتهم المطبخ سما:تالا تعالي ساعديني وشيلي صحنك وصحن لمار راكان بسرعه: تالا اجلسي مكانك .. هاذي اميرة وماتسوي شي ليش تبين تشغلينها خدامه عندك سما باستغراب: والله معلومه صراحه صار الواحد اذا اشتغل وخدم اهل بيته من الخدم راكان:اخر الكلام تالا ماتشيل شي بهالبيت .. والله بدينا شغل مرت الابو سما:تالا مثل بنتي واعز بعد ..وبربيها على الشي الصح .. انها تسمع كلام اللي اكبر منها.. لاتحسبه فخر منك انك تكبر راسها وتخليها اميره عندك .. ترا بكرا انتي اللي بتتحسف و.. راكان قاطع كلامها: انا ابي اتحسف .. ويالله ياتالا تعالي نامي عندي .. ماابي اسمع صوت سما:بجد انسان حقير ومايتعاشر كملت شغل البيت وكلمت امي ام سامي:هلا بهالصوت هلا بطوايفي .. اخبارك يمه عساك مرتاحه سما بغصة :هلا يمه الحمدلله بخير وانتي اخبارك اشتقتلك والله .. ايه الحمدلله مرتاحه ام سامي:سامحيني يابنيتي ت سما تقاطع كلامها : يمه لاتقولين كذا خلاص هذا نصيبي وانا رضيت فيه وعسى ان تكرهوا شيئا وهو خير لكم ام سامي:الله يكملك بعقلك يمه .. من يومك عاقله وكنت دايم اقول انتي والوحيده من عيالي اللي ماغلبتيني بتربيتك عسى الله يوفقك يارب.. يمه ياسما ترا راكان رجال حبيب وطيب .. بس انتي افهميه زين .. واكسبيه بمعرفتك سما : ان شاءالله "وانا ماعجبني الكلام "الا يوم قولي لي اخبار خواتي حصيص وابتهال وريما وسموي هذا اخباره وينه ماله حس من زمان عنه ام سامي:يسلم عليك والله دايم ينشدني عنك .. وريما زوجها بيسافر وبتجلس عندي اسبوعين سما:اشوا عشان تعتني فيك .. .والله يايمه انك دايم بباال قلت الحين مين يسوي لك الفطور ويجهز اغراضك وسامي ولد مثل ماتعرفين دايم برا بس اشوا الحمدلله انه ريما بتجلس عندك عشان تعتني فيك ام سامي :ياقلبي انتي الله يخليكم لي يارب والله كلكم ماتقصرون الله لايحرمني منكم انتهى البارت السابع بقلم: سلام
|
|
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
العرض العادي
