 |
 |
 |
 |
|
 |
||||||||
 |
 |
| …»●[دواويــن الشعــراء والشاعرات المقرؤهـ المسموعهــ]●«… { .. كل ماهو جديد للشعراء والشاعرات من مقروء و مسموع وتمنع الردود .. } |
 |
|
|
أدوات الموضوع | انواع عرض الموضوع |
|
|
|
|
|
|
|
|
|
||||||||
|
|
|
| …»●[دواويــن الشعــراء والشاعرات المقرؤهـ المسموعهــ]●«… { .. كل ماهو جديد للشعراء والشاعرات من مقروء و مسموع وتمنع الردود .. } |
|
|
|
|
أدوات الموضوع | انواع عرض الموضوع |
|
#1
12-16-2012
|
||||||||||||||||||||||||||||||||
|
||||||||||||||||||||||||||||||||
|
احبك من زمان البرد : بندر المحيآ
 احْبَك مِنْ زَمَانْ البَرَدْ..احْبك مِنْ زَمَاْن اليَاسْ ,, بندر المحيآ   بندر بن محيا بن علوش المحيّا شاعر سُعودي .. من مواليد 1981 ..، طالب دراسات عليا في جامعة الأمير نايف .. كانت بدايته عام 2001 ! أولى قصائده المنشورة كانت من خلال مجلّة فواصل ..، بعد ذلك إستمرّ في نشر نتاجه في المطبوعات الخليجية والصُحف اليوميّة ..! ( بندر المحيّا ) لهُ العديد من الأمسيات النّاجحة أوّلها كان في مدينة الجبيل .. تلاها الطائف / الرياض / الدوادمي و دولة البحرين الشّقيقة ..! إنضمّ الشاعر بندر المحيّا إلى لعديد من المنتديات الأدبيّة في الانترنت عام 2001 ..، وله العديد من المشاركات الشعريّة بها .. كان أغلبها قصائد شعبية كما أنّ له قصائد في الشعر الفصيح ..، والعديد من المواضيع المتنوّعة !  عبدالله الكايد : المحيا( لحظة تجلي حالمة ) في هيئة بشر .. إنصاته .. شعر حديثه .. شعر وشعره .... ( بندر )!! شاعر اثق بـــ شعره وأقول أثق لأن ملامح قصيدته هي ملامحه .. وهو من أندر الشعراء الذين يشبهون جمال قصائدهم لــ حدود التوحّد بــ صراحة هو ( غروري/ذائقتي ) الشعرية والإنسانية أيضاً..!! محمد يسلم : بندر المحيا، هذا النحيل الممتلئ بكل ما أنزل الله في الأرض من أخلاق وأصاله، وشعر، لم أتوقع أن اجده هذا الرجل الذي أربك الساحه بأبيات خلدها التاريخ كوسام، في كل شيء مميز، من قلبي اتمنى له التوفيق وفاله البيرق والمليون وفاله كل ما هو أهل لهْ ..! محمد جارالله السهلي : بندر كارثه شعريه إنتبهوااا !! سلطان الإسيمر : بندر المحيا صمت كثيرا وآآن للشعر ان يتكلم بلغته التي يريدها بندر اختصر كثير مما يريد ان يقوله شعراء جيله شاعر يستطيع الربط بين الواقع والخيال .. وخير الكلام ماقل ودل ( بندر حاله استثنائيه شعريًا واخلاقيًا ) ! فاطمة المشيقح : بندر بن محيا ، شاعر يمد انامله بتجاه السماء .. لتتقد بالصباحات الشعر معه يرتدي الحُلى الأجمل !!  عــلـــيـــاء : فــ بعض أحيان أحس إنّي كذا ! شاعر وله جمهور !! ....................وأحس إنّي في بعض أحيان أقول أشياء " ما تنقال " ..! أغاني للقـُرى! الارض داس إبتسامتهـا القسـاة فليـل ديـجـور ..، ....................وأجدادنا فـ المقابـر مـادروا عـن ظلـم الأحفـاد !! شــارع شــعــول من وين أببدا كلامي ؟ ويش أبا آقول ! ....................والناس ماتســـمع " المجروح " لا قال ! شَمس مَالهَا مَغـْرِب .. وَ لا أقول : الرِّضَا قمّة عَذَابك قَبْل ما أرِيْدك ..، ....................أقول : إن الرِّضَا نَهْر ٍ لك بقلبي عَجَز يَنْضَب !! ريحة طيب .. لو ماجمعنا الياس والتغريب ..، ....................هربت عن وجهك ورى سنيني !  -1- نجم الجدي اليوم والمنبـر مراكـب شعـر فبحـور الخليـل ______ والريح هبت والبيـارق جالهـا صـوت احتفـال ما جا على بالي كلام و شـي مـن هـذا القبيـل ______ الا تذكرت ان بعض الشعر ضـرب مـن الخيـال جتني كذا ماخترت ابكتبها على بحـر(ن) طويـل ______ احيانا(ن) الشاعر قبـل يختـار يدخـل فإحتمـال بين الحنايا احس رمي وهج نـوق ودبـك خيـل ______ كنك تشوف اقواسهـا مسـرح وساحـه للنـزال مثل الشجاع اليا اوقضه من غفوته صوت الدخيل ______ انا اعتبر شعري شجاع ورجل من روس الرجـال وان مات في سمع الغواهي موتبي موت النخيـل ______ واليا حيا كنه علم من نـار فـي روس الجبـال اليـوم واقـع ساحـه الشعـار فالواقـع جميـل ______ يامـن تحبـون الجمـال وتستشفـون الجمـال قصيدتي عذرا تهـز الصمـت بالخصـر النحيـل ______ امن الوله كحلتهـا حبـري ومـرت مـن خـلال صدري .. وانا مانيب لا جتني بعد غيبـه بخيـل ______ افتح لها قلبي من اوسع بـاب لـدروب الوصـال يا حضره الجمهور ليـه لفكارنـا عابـر سبيـل ______ والصدق في كل المواقف تـاج راس وراس مـال وانا علي اذكر محبـه موطنـي مـع كـل جيـل ______ في كل موقف موطنـي غالـي علـي ولا يـزال لي ديرة(ن) فيها يقام الحـق حـق(ن) مايميـل ______ المستقيمـه يمهـا كـل ماستقـام القلـب مـال عنـدي كـأن ترابهـا مـن زعفـران وزنجبيـل ______ لو انها في نظرة الناظـر صحـاري مـن رمـال داري مرابط خيل وسيوف(ن) رهيفـات وصهيـل ______ داري سعوديـه .. خليجـيـه .. ولله الكـمـال صبو لهـا دمـي وكفـي دون غاليهـا صقيـل ______ صدري لها درع(ن) حصين(ن) ما يهد ولا يـزال راس(ن) مايعشق موطنه لو ارتفع يبقـى ذليـل ______ وقلوب ما تنبض بحب أوطانهـا فيهـا اعتـلال انا يانجم الجدي ماني فـي نظـر عينـك سهيـل ______ اخترت اكون لك السما لا غابـت نجـوم الليـال من يوقض الحكمه بسمع الناس قل صبر(ن) جميل ______ على سبيل امثال تظهر حكمـه ويضـرب مثـال لا صرت تجني مـن حديثـك لا تحدثـت القليـل ______ الصمت في حضره جمال الحرف هو معنى الجمال -2- والله يابو ضحكة ٍ فيها نهاريـن ............قبل اتكسّر على صورتك الأوزان لقيت فيها السما والأرض والطين ..............وتاريخ غامض بلا معنى وعنوان فـ خيوطها ثرثرة شاعر وقافين ..............وبحر ٍ تحت زرقته لولو ومرجان! وفيها من التوت مايغريك يالتين ..................ومن الثمر لاتدّلى عَقْد رمّان وفيها العنب سلسل غصون البساتين ..............يوم البنفسج تحضنها بالاحضان! سْقوفها من زبرجد طـّل مابين : ................ستاير ٍ ما حكت للريح نسيان! يسولف السمع فيها جنب ليلين ................لين اختنق شمعدان وطار دخان! فيها تلّفت يسار وعينك يمين ............وعلى التفاتـك يصب الغيث ودان وعلى شفاهك تلعثم حدّ سكين ..................وخيانة الأحمر النافر للالوان! كن الخشب في براويزه ربيعين .............وأنهار وأعشاب في صدري وهتان يحرث بها الظل حبـْر وتزهر يدين ...........ويحفر لها الحلق صوت وينطق لسان! وتجلس وفي جلسْتك يبيّض نسرين .............وتاقف وفي وقفتك ينهار وجدان! وكم حاجبك عقّل هْبَال المجانين ........وكم هي رموشك تجَغْرف بيد و أوطان! وكم رغّدت خدك عْيون الفقيرين؟ ..........وكم في عيونك سَرح طرقي وهجّان! ماقلت في صورْتك حرب ومعادين ..............ولاقلت فيها رمي بندق ونيشان أقول فيها يزغرد صبح ويبين ............وأطير فيها ..سما..من غير جنحان! أو قل طريق ٍ تواعد فيه قلبين ............واحد نسى قلب واحد كان ولهان! لين احترق فـ انتظاره وامتلت عين ...........وانهدمت ضلوع في صدره وجدران وياهي ملامحك يشربها الغريبين .............ومن أربعين الشبه ماتشبه إنسان! أشوفها اصْدق من دموع المساجين .............اليا اطلبوا رحمة ٍ من كف سّجان وأحس لاشفتها تاقف بي سنين .......وإن جيت بـ اصد عنها..تمضي ازمان! وأشوفها جملة ٍ مابين قوسين ............تفسيرها الدمع والحيرة والأحزان شبّرتها ماتجي بالطول شبرين ..............لكنها السرمدية بعض الاحيان وباقي من الثلث ليل وراح ثلثين ............وأنا اتدّفى على صـورتك بردان سامرتها وانفجر شاعر وصدرين ...........ومْن الوله والحنين ارتبكت أوزان لين نْعَسَت عين..وشوي نْعَسَت عين ........ونمت وتركتك تحاكي صمت الالوان! -3- عـيونك أم الشجـب والتنديـد! أريــد امـوت مْـن الـولـه وأريــد ......... أبـكـي وأنا اصـّلـي عـلى السـجــاد! لـو رمـشــك المســتهـتر العـربــيـد ......... كـنّه عـلى حـدب الـضـلوع أصـفــاد! لحظة تـمـّـل النبـضه الترديــد ......... ويـبـكي ورى حــدب الضـلوع فـْـواد مـرت ثـمـان ســنـين وأنت بعــيـد ................ مابـيـن نـار وأسـئـله وإبـعــاد واليـوم أنا اطريتك وجبـت العيــد ............. فيـنـي .. وقابـلتــك بـلا مـيـعـاد! وهـزّيـت لك قلـبي مـن التغـريـد .......... قـمّ وافـتــح أبواب الحـكي للضـاد هاذي ضلوعي من عــرار وبيــــد .......... ووصلك رفـيــف البـرق والــرعـّــاد! مولود أنا الليله من التنهيـــد ........ طفـــل ٍ ويصــرخ صـرخــة الميـــلاد وموعود أنا الليــله من التسهيــد ....... لو ســال في واد ِ العيــــــون رقــاد ومسجـون فعيــونــك بليـّـا قيـــــد .......... وغريـب عـن صـــدرك بليـّـا بـــلاد يابـو جــروح ٍ كـل يــوم تـزيـــد ...... كــل شــي زاد إلا الـفــرح مــا زاد ! حــاول تشــب بصـوتـك المجـّـيــد: ...... نبضـــة "ولـــه" لاجيــت لك منــقــاد وعـيـونك أم الشـجــب والتـنـديـــد ........... اليا ضـْـحكت لـي ضحكـة الأولاد خلتني البــارح من التنهــيـــــد ........... أفيـق وأصــرخ صــرخة المــيــلاد! -4- شـَارع شعـول.. دنـّت بساق الهجوس المغرم حجول ............وزيّـنت فوق الشماغ المترف عقال قلت اقلطي ماورى الحرمان موصول ..............في صدر من ميـّل احزانه ولا مال سكنت بيت ٍ جديد بشارع (شعول) .............وفقدت لي زول يسوى عشرة أزوال ووقفت جنب السهر والنوم معزول .............عن جفن من رمـّدت عينيه وأهتال من وين اببدا كلامي ويش ابا أقول! ...............والناس ماتسـمع المجروح لاقال ! والقاتل البارحه حطوه مـقـتول ..............وفـ عيونهم شفت أنا المقتول قتال! والناس لوصـّدقت بالخلّ والغول ..............ماصّدقت بالقصيد..ألوان وأشكال! والشِّعر انا واصله عرض وعلى طول ............عد ٍ رويـّتـه يوم ٍ أفكاري حـبال في ذمتي كنـّه المرجـان واللـول ...........على الورق وإن قصر فالقاف وإن طال ويامبعد ٍ حول دار الحول والحول! .........وأنـا على حال مامثـله ولا حــال! ياعمّ كل الجروح الزرق .. يحول! ............ وراك ماصرت لجروح الغلا : خال! من غبت والما ظما! والحلم مشلول ............والحزن جرهد ودمعي وادي ٍ سـال! ولاتحسب إني عن الاحزان مسئـول ..............أنت اتحمـّل ذنوبـي يوم الاهوال لاترمع اللغز دام اللغز محـلول ..............ولاتعتذر لي بعذر ..وتضرب أمثال قضيّتي معك دايم ضد مجهـول! ..............وجرايمك صدّ واحسانك لي وصال والبال مشغول! ليه البال مشغول؟! ............وطعونك الخضر ماجت لي على البال! يبل قلبي ليا من جيت هملـول .............وإن رحت قلبي جفاف ونصفه رمال كم نافذه تشتهيك وباب مقـفول ...........وكم ريح عطر ٍ لبيتك جرّت رجَـال! ياللي صباحك معي بالحب مغسول! ...............ترى غيابك دجا وأعمالك أعمال! ان غبت غابت سنين (وكلّت حمول .................متني) ..ومتني عليه حمول ٍ ثقال وبعض الغلا كان مايبنى على آصول ............مثل الرجل كان مات ولا له عيـال ! -5- أطلق فمي! قلت لك والخوف فعيون الصَّبَايا ........... "آه ِ مِن قَيْدكَ أدمى مِعصَمي" "أعطني حريتي أطلق يدايا" ....... مِن سجون الصَّمت ِ بل أطلِق فَمْي! وآنا متخفيّ ورى بيض النوايا ........... ناشف ٍ ريقي قبل يَنْشَف دمـْي ليت ذاكْـرتـْي مثـل وجه المرايا ......... تعكس اللي وسْط بالي : فـ قْلْمي طاح قلبـك فوق طاولـْة الهدايا؟ ........ طيّب : يديني .. وصوتي ونسمي؟! أطول الحرمان : روحي مو معايا ........ وأبخـل الأيـام : حزن ٍ حاتمي ! تسجن احلامي ورى شك النـوايا ..... وش يفيــد ان كان تطلق معصمي؟!َ دمتم بود 
  ربي يحفظك لي ياأمي ولايحرمني اياك |
|
12-16-2012
|
#2 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
:sm2:
|
يعطيك العافيه على هذا الطرح الراقي.. والمحياء شاعر متمكن وقصايده تعجبني لك شكري وتقديري على هذا التميز دمت بإبداعكـ، مـــــ  ودتي
|
|
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
العرض العادي
