يا غايب وش اخبارك

ياغايب وشهي اخبارك
عسى الي زارني زارك
حبيبك بعد مشوارك
طفى في الدرب قنديله

ليا من ناحت الورقى
طرت لي لحظة الفرقى
وطاحت دمعتي الزرقى
ولا لي منها حيله

ضناني الشوق لو تدري
وضاق امن الهجر صدري
وقود الياس من صبري
نحل حالي ياعزي له

خفوقي مسكنك وحدك
عسى عادك على عهدك
ياويش اللي بقى بعدك
سوى جرح وتهاويله

وذكرىً تفتق اجروحي
وتبري حالي وروحي
ولا احداً يدري بنوحي
ولا لي غيرك اشكي له

لو ان الماء معي ضامي
وقوتي شك واوهامي
تراها ماتت احلامي
وحظي منهدم حيله

تعال ورجع الماضي
مدام ان العمر قاضي
انا في رجعتك راضي
عتابي عنك باشيله

دخيلك قاطع اغيابك
ولاتبطي على احبابك
تراي اموت واحيابك
وابيك بجنبي الليله