 |
 |
 |
 |
|
 |
||||||||
 |
 |
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
أدوات الموضوع | انواع عرض الموضوع |
|
|
|
|
|
|
|
|
|
||||||||
|
|
|
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
أدوات الموضوع | انواع عرض الموضوع |
07-26-2011
|
#11 | |||||||||||||||||||||||||||||||||||||||||||||||||||||||||||||||||||||||||||
 
|
في بيت عبدالرحمن ..
عبدالعزيز ( بصدمه) : عذاااااااااااااااااااااااااري عبدالرحمن : قصر صوتك فضحتنا أبوي داخل عبدالعزيز : مهي مها عبدالرحمن(يشرب عصير ويتسند على المسند(مركى)) : قلت عذاري مهي مها عبدالعزيز : كيف عرفت من بنت عمتك عبدالرحمن : لا من أمي عبدالعزيز : كيف سألتها عبدالرحمن : مجنون أنا أسألها عبدالعزيز(يوقف يجلس جنبه) : أجل عبدالرحمن : كنا نتقهوى مع أمي وأبوي وخواتي المهم قالت أمي بيت أبو إبراهيم بيطلعون البر سأل أبوي كلهم قالت أمي أيه قال كان خلوها في العطلة أفضل قالت أمي لا أم إبراهيم تقول الطلعة عشان عيال أختها المرحومة يغيرون جو والنفسية التعبانه خصوصا بنتها عذاري تقول البنت تكسر الخاطر مهي الأولى سألتها أختي يمه هي ما عندها إلا أخت صح قالت أمي أيه أخت وحده الله يرحمها وبنت أختها تصير بنتها بالرضاعة سألت أنا أختي بس بدون أحد ينتبه بس بنت وحيده قالت أيه ما عندهم غير وحده واسمها عذاري عبدالعزيز(أبتسم) : عذاري حلو أسمها عبدالرحمن : عزوز عبدالعزيز : وحشتني (لف لعبدالرحمن) أبي رقمها عبدالرحمن : مو عندك عبدالعزيز : لا كل ما أتصل يعطيني مغلق من صار اللي صار في المجمع ما كلمتها عبدالرحمن : طيب عبدالعزيز : وش طيب عبدالرحمن : وش أسوي لك عبدالعزيز : جيب الرقم عبدالرحمن : شايفني شركة الجولات عبدالعزيز : لا شايفك عندك مشاعل عبدالرحمن : مشاعل ما عطتني الرقم لسمر تعطيني لعذاري عبدالعزيز : زيد لها العطايا بس أبي الرقم عبدالرحمن : صدقني حاولت بس هي رافضه تصدق هذاك اليوم جات عمتي واهي المهم قدرت آخذ الجوال وأفتش فيه عن أسم سمر بس أبي أوصل لها وما انتبهت أنها واقفة لما رفعت نظري شفتها تبتسم وباستهزاء قالت رقمها مسحته من جوالي لا تفتش عنه أنا أوصلها لك بس أنت تكلمها لا عبدالعزيز : طيب قل لها إذا عندها رقم عذاري تعطيني طلبتك عبدالرحمن : والله ما أظن تعطيني عبدالعزيز : أتصل يمكن تعطيك عبدالرحمن(يأخذ الجوال) : بتصل وأشوف (أتصل عليها) ألو مشاعل (بفرح) : حمني عبدالرحمن (في برود) : كيفك وكيف عمتي مشاعل : بخير عمتك بس أنا (بدلع) مو بخير عبدالرحمن(رفع حاجبه) : وش فيك مشاعل : من زمان ما شفتك ليه تتغلى عبدالرحمن : مشاعل مشاعل (بدلع أكثر) : لبيه عبدالرحمن : بسألك سمر مشاعل(قاطعته وبعصبيه) : أففففففففففففف للحين ما نسيتها كل مره تسولف عنها الله يأخذها من طلعت بحياتنا واهي قالبتك جعلها للمرض عبدالرحمن(قاطعها بعصبيه) : جــــــــــــــب بسم الله عليها في عدوينها يا رب مشاعل (عصبت) : ما تهون عليك عبدالرحمن (عصب زياده) : مشااااااااااااااااااااااااعل لا تخليني أجيك وتكرهين عمرك انطمي وأسمعيني مشاعل ( لازالت على عصبيتها من سيرة سمر) : وش أسمع التغزل فيها ولا انك مشتاق لها لا ما أبي اسمع(سكرت الجوال بوجهه ولا انتظرت رده عليها) عبدالرحمن(طالع الجوال ورماها على الكرسي وبعصبيه) : حيوانه تسكره بوجهي هين يا مشاعل بس أشوفك والله لأوريك عبدالعزيز(عصب) : وأنت ما تعرف تسوي شيء لازم تذكر سمر وتخرب علي كل شيء عبدالرحمن (لف له معصب) : واهي عطتني مجال كن بقول لها بسألك سمر عندها بنت خاله بس هي ما عطتني مجال سمعت أسمها تقول مقروصة عبدالعزيز : والحل وش أبي رقمها كيف عبدالرحمن : اشرب عصيرك وأهدى رقمها بيوصلك عبدالعزيز(باستهزاء) : إذا وصلت لرقم سمر توصل لرقم عذاري عبدالرحمن : هههههههههههههههههههه تستهزئ مقبولة بس أوصل لسمر ما راح أعطيك رقم عذاري عبدالعزيز(بخبث) : أخاف أنا أوصل لرقم عذاري وأنت ما تحصل رقم سمر عبدالرحمن : نشوف عبدالعزيز : نشوف إلا منت معشيني ترى جوعان عبدالرحمن(يوقف) : تستاهل دقائق ويكون العشاء جاهز عبدالعزيز(يفكر بعد ما طلع عبدالرحمن) : طلع اسمك عذاري لي شهور معك على أساس أنك مها آآآآآآآه يا عذاري يا حلو اسمك بس ليه قطعتي علاقتك فيني ليه أنا ما سويت شيء يزعلك بس أبي أكلمك أبي أسمع صوتك آآآآآآخ قولوا لها تكفون اني لها مشتاق قولوا لها قلبه تحرق به الاشواق قولوا لها عن حالتي والي جرى من بعدها قولوا لها ياصحبتي اسهر اناجي طيفها قولوا حياته في جلد ماغير شوفك مايبي قولوا لها تكفون اني لها مشتاق قولوا لها قلبه تحرق به الاشواق عيشتي صارت ملل مابها شي جديد تايه وضاع الامل وماتحقق ماابيه عمري حرام والله حرام ماتسألي يوم علي ماظنتي تقسي علي وانا الرجى لو ارتجيه قولوا لها تكفون اني لها مشتاق قولوا لها قلبه تحرق به الاشواق دخل عبدالرحمن ومعه صينيه عشاء وحطه وقرب عبدالعزيز وسم بسم الله وبدأ العشاء *********************************************** ثاني يوم بالبر البنات صحن بدري الساعة 8 طلعن بعد مالبسن وأخذن جلالاتهن لقن أمهاتهن جالسات في ظل الخيمة البنات : السلام عليكم الأمهات : وعليكم السلام أم إبراهيم : أيه عفيه بناتي نامن مبكر وأصحن مبكر سمر : لا يمه الليلة سهر ام إبراهيم : إيه تعجبت السنع كيف نزل عليكن فجأه عذاري(لفت لسمر) : صدق جبتي المسجل والأشرطة سمر : أول ما حطيته اهو الأم حمده : تبن ترقصن البنات : أيييييييييييييييه أم خالد : ما تبن تفطرن ليالي(توقف) : بروح أجيب لنا فطور سمر(توقف) : بروح معك دخلت المطبخ و سمر تسوي شاي وليالي تسوي توست لها وللبنات بهذي اللحظة دخل سالم سالم(أبتسم يوم شافها) : صباح الخير ليالي(حطت جلالها ولا ردت) : .................... سمر : صباح النور يا خوي سالم : أيه والله فيك الخير مو مثل بعض الناس الله يعافينا ليالي(تصر على ضروسها وفي نفسها) : الحقران يقطع المصران سمر : فطرت يالغالي سالم (يطالع لليالي تحشي التوست) : لا بعدي (قرب واخذ توسته حطتها ليالي بالحصن بعد ما حطت فيها جبنه وقعد يأكلها) سمر(تمد له كوب حليب) : خذ أشرب بالعافية سالم : مشكورة تم الحال أن ليالي تخلص التوست وتحطه بالصحن وسالم يأخذها ويأكلها وسمر تضحك عليهم وسالم ساكت وبكل برود يأكل اللي تسويه وليالي بس تردد في نفسها الحقران يقطع المصران بعد 6 توسته خلاص ليالي مو مستحمله ليالي(لفت له وبعصبيه) : ســـــــــــــــــــــــــــــــــــــــــــــــــ ـم طلعت ليالي معصبه وسمر تضحك وسالم مسك بطنه وجلس على الأرض سالم : آآآآآآآآه يا بطني كثرت بالاكل سمر : هههههههههههههههههههه من قالك تعاندها (قربت تجهز فطور للبنات وتضحك على سالم اللي ماسك بطنه من التخمه) جزاك وأقل من جزاك 6 توستات انت 2 يالله يالله سالم (أبتسم ) : أحبها وأموت فيها وربي ليالي حلم الطفولة أنا أغايضها وأعاندها أبي اسمع صوتها إن شاء الله تسب بس أبي أسمع صوتها وحشتني ووحشتني وأبي اجلس معها مثل قبل اسولف واضحك أبيها ترد ما تتغطى عني عشان أراقب ملامح وجها ضحكتها أحبها لما تضحك وتبان غمازاتها " الغـــاليــه " ودي ابوح بغلاها لاشك يمنعني عن البوح غير العادات قلبي متيم ياهلــــي في هواها بس الحيــا .. له سلطه تقهــر الذات هناي ياهل الـــهوى من هناها بس انتظر ليل واجي لاهلها بالمسرات ياما تخيلت الحـــلا من حــلاها وياما عليها صوت القلب بســـكات وياما تصورت الســـعاده معاها وطرزت شوفتها قصــايد وابيـــات قولوا لها "قلبـــي" سبقني وسبق هلــي وجاها حتى ولو كان الحكـــي فيه غصـــات وقولوا لها اني "امــــوت "بغــــــلاها واوقات عمري دونها ما هــــي اوقات سمر(شايله الصينيه) : يمه يالخيانه خليتيني ورحتي ليالي : فيك الخير والبركة خوله(كانت عند خيمه الرجال) : السلام عليكم يوووه منين طالعه الشمس اليوم البنات صاحيات بدري البنات : أيوه يا أبله خوله : شاطرات يالله قومن سمر : لااااااااااا تقولين الغداء بعد ليالي : الساعة8 ونص عذاري : نطبخ مندي إحنا وضحه : ما أبي تعبت أمس مي وفرح : وإحنا بعد خوله : هههههههههههههههههههههههههههه لا ما قصدي ما تبن تلعبن الجو حلو كثير وفي هواء البنات(وقفن) : إلا الجدة : أجلسن افطرن وبعدين روحن خوله : طيب وين منى أم إبراهيم : راحت تغير لطلال توه صاحي من النوم مي : وميثه وسلمى وينهن خوله : هههههههههههههههههههههه الخوات سهرانات البارح مع رجالهن على ضوء القمر مثل ما قالن لوقت متأخر وبعدهن خيشات نوم الكل : هههههههههههههههههههههههههههههههه سمر(تسمع منى تنادي) : جايه أعذروني بس لا تروحون من غيري (اتجهت للخيمة ودخلت) هلا منى (تمد جوال سمر لها) : سمعي هذي رغد أذا سألتك عني قولي نايمه بعد ما صحيت سامعه وإذا قالت تلفوني قولي ناسيته سمر : مع أني مو فاهمه بس تأمرين (أخذت جوالها) ألو ... صباح النور يا هلا برغوده ...... تمام وأنتي .... وناسه كثير يا ليتكم جيتو معنا .... منى (لفت لمنى) نايمه بعدها ما صحت ....... ههههههههه لا نايمه بدري أنا والبنات ... أيه تلفونها نسته في البيت من الحوسه والأغراض نسته ....... خير فيه شيء ضروري ... مشاري .. طيب أبلغها مع السلامة منى : هاه وش حصل سمر : أول انتو زعلانين من بعض منى : أيه وش تقول رغد سمر : تقول مشاري يقول أتصلي عليه أول ما تصحين منى : يجيب الله مطر سمر : يعني ما بتتصلين منى : لا خليه يبي يعند أنا اعند منه سمر : ههههههههه يا قويه طيب تبين شيء منى : لا (أبتسمت ) يبيني أتصل عليه ههههههههههههههه توك يا مشاري أنا منى مو أي أحد قلت اخليه يومين .. لازم اثقل عليه خله يعرف انا مين .. انا مو لعبه بإيديه خوفي يتمادى ويزيد .. ويعود عيوني الألم الشر برى وبعيد .. مو انا اللي انظلم ماني باللعبة جديدة .. انا لما ازعل عنيده خله يعرف انا مين .. انا مو لعبه بإيديه مانفع طيبي معاه .. صبره عليه بالشوف والله العظيم والله .. ليصير عبره للألوف ماني باللعبة جديدة .. انا لما ازعل عنيده خله يعرف انا مين .. انا مو لعبه بإيديه سمر (طلعت للبنات) : آآآآآآآم باك البنات (بصوت عالي) : أحلى باااااااااااااااااااااااااااك سمر(رفعت أيديها) : بسم الله خرعتوني خوله : يلا بنات نبي نتسابق من الأسرع ليالي : وش الجائزة خوله : اللي تختارنه البنات(تجمعن وتشأورن ولفن لخوله) : اتفقنا خوله : أسمعكن ليالي : لأني اكبر وحده بتكلم سمعي يا عميمه أذا فزتي نسوي العشاء أما إذا فزنا عليك تعفينا من الطبخ الأيام اللي بنبقاهن هنا بالبر خوله (ابتسمت) : تم طيب من الحكم منى(طلعت تستند على عكازها) : أنا حددوا البنات نقطة الانطلاق ونقطة النهاية كانت منى بعكازها واقفة وتأشر لهن يستعدن الشباب والرجال كانوا يراقبون السباق اللي بدا من غير علم البنات وكل بنت تبذل جهدها وعند نقطه النهاية وضحه (جلست من التعب) : انـ انـ أنـــ أنا فزت (تأخذ نفس وتطلعه من الجهد ) يماااااااه أووووه تعب البنات (بفرح) : عاشت وضحه الحمد لله فزنا وافتكينا فهد : يا هب يالبدويه سبقت عمتي هذي أول مره احد يسبقها دائم هي الفايزه وضحه (سمعته ووقفت ورفعت حاجبها) : ايه بدويه ريحتي بن وبهار ٠٠٠٠٠٠٠هذا شرف ماهو بحقي خطيه أنا بدويه بنت حر من أحرار ٠٠٠٠٠٠٠فزعات ربعي بالشدايد قويه فهد (باستهزاء) : لا صدق عارف منتي بدويه أبو خالد(صر على ضروسه) : فهد الجد : أستح على وجهك فهد : ما قلت شيء هي قالت أنا بدويه وضحه : معليه يا جدي أنا قلت بدويه هو صادق (أشرت على نفسها) بنت البدو يابنت مضرب للأمثال غير الجمال وطاعة الله خجولـه زينه على كل المزاييـن تختـال مثل القمر ينشاف محدن يطولـه ماحطت اصباغ ولا حطت ضلال ولاسيرت في السوق سير مهبوله ماتنخدع في كل ماكـر ومحتـال اللي لهم في السوق صوله وجوله تحمي شرفها خوفة القيل والقـال درب الدنس والشين ماهي بحوله ريميـه ماصادهـا كـل ختـال حتى من نسام الهبايـب جفولـه وضحه : وسلامتكم (وفي نفسها) يا أني أكرهك يا فهد تعتقد أني بدويه واني ما أعرف الزين والمكياج واللبس و تقارني في الحقيرات اللي ما يخافن الله اللي تعرفهن طس الله يقلعك الكل : صح لسانك البنات : للووووووووش عاشت وضوحه وضحه : تسلمون فهد (أبتسم باستهزاء ولف ودخل الخيمة) : ............... الرجال رجعوا للخيمة والحريم لخيمتهم والبنات كانن متجهات لخيمة الأمهات لأنها اكبر وبيجلسن معهم يسولفن وضحه انتبهت أن أحد يناديها وضحه(ألتفت) : هلا جدي الجد : حبيت أتكلم معك فرح : حنا بنسبقك للخيمة وضحه : طيب الجد : سمعي يا بنتي لا تأخذين بخاطرك من فهد هو كذا مسحوب من لسانه وضحه : لا يا جدي عادي الجد : أنا عارف هو كثير يضايقك حتى أبوه شكى لي منه وأنا أوعدك أني أوقفه عند حده تراك بحسبت بنت من بنات عيالي وبمعزتهن بس إذا قال شيء قولي لي وضحه (انحرجت من طيبت الجد) : ما أنحرم منك يا جدي تأمر على شيء الجد : لا روحي الله يحفظك دخلت وضحه عند البنات وتسمع سوالفهن وتبتسم لهن وهي من داخل متضايقة حاسة بضيق بقلبها ودائم تكتم بس هالمره تحس قلبها مكتوم كثير بس عزة نفسها ما تخليها تشكي ما تعودت تشارك احد همومها أو مشاكلها غير أخوها الكبير اللي يفهمها حست محتاجه له بهذي اللحظة تبي تكلمه بس ما عندها جوال تكلمه وتستحي تطلب جوال من عماتها أو فرح فضلت تسكت كعادتها كل مره بهذي للحظه رن جوال سمر واهي مو عارفه ترد على رغد بشنو تطالع لمنى اللي تهز رأسها بلا تقصد ما راح تكلمها وسمر حايره الجدة : سمر صدعتي راسي بجوالك سكتيه سمر(تهمس لمنى) : يهاوشوني بسبتك آآآآخ سمر فهد تنهان أم إبراهيم : سمر ما تسمعين جدتك من اللي يتصل سمر : رغد الجدة : من رغد عذاري : يمه هذي أخت رجل منى الجدة : منى ليه أخت رجلك تتصل منى (أبتسمت تدعي البراءة) : وأنا وش عرفني يا جده أم إبراهيم : طيب ردي ولا ردي يا منى منى(جالسه على كرسي عشان صعب تجلس على الأرض تتسند على عكازها) : بروح أصلي الظهر سمر(توقف) : صح حتى أنا بروح أصلي أعوذ بالله حرام آخر الصلاة أم إبراهيم( تعجبت) : علامهن مهن صاحيات (أخذت الجوال) ألو هلا رغد .... بخير كيفك وكيف أمك ... الحمد لله البنات راحن يصلن الظهر .. منى بخير ...مدري والله قالت لها ولا لا... لا صاحية من بدري ... طيب الله يسلمك سلمى على أمك وسهام .. مع السلامة الجدة : وش عندها أم إبراهيم : تسلم يمه يالله خلنا نصلي الظهر قومي الجدة : يالله بتوضأ أم إبراهيم (بعد الصلاة دخلت الخيمة مع منى وسمر وجلست) : اجلسن وقولن لي الحركة اللي قبل شوي ليه سمر : يمه ما دخلني هذي منى السبب الأم : منى منى(خزت سمر) : ما تعرفين تسكتين وتمسكين لسانك سيده دو دو دو دو سولفتي تقولين سيلانيه الأم (تضربها على يدها بخفيف) : أمك يالخبله مو قايله لأحد قريب أهي (لفت لسمر) خلينا بروحنا سمر (وقفت) : حاضر الأم : هاه قولي لي ليه ما رديتي على رغد وتتهربين وليه كذبتي أنك صاحية متأخر وبعدين ما قالت لك سمر أن رغد تقول مشاري اتصلي عليه منى : كل هذي أسأله طيب وش اجاوبك عليه ولا أقول لك خليني على راحتي الأم : لا احلفي يا بنت فهد منى : يمه لا تتطنزين أنتي مو عارفه وش السالفة واهو وش سوى فيني الأم : قولي منى قالت لامها وش صار بالضبط وأنها سوت هذا الشيء عقاب له لأنه خلاها على أعصابها وإنها تعمدت تترك التلفون مو نسته الأم : ههههههههههههههههههههههه منى : ليه الضحك أنا معصبه وأنتي تضحكين الأم : يا خبله يتغلى بعدين أنتي ما تعطينه ريق حلو منى :مالي دخل خليه يتغلى أنا بعد اتغلى مو ميته عليه الأم :يا غبيه أتصلي وراضيه منى (بإصرار) : لا أسمحي لي أقول لك لا عذاري(دخلت) : العذر يمه بس حطوا الغداء يالله الأم : جايين حبيبتي (لفت لمنى) يعني ما راح تتصلين منى : لا الأم (توقف) : على راحتك يالله نتغدى منى : يالله بعد الغداء الرجال ناموا شوي والحريم الكبار بعد أما البنات تجمعن في الخيمة لان برى حر وسون لهن شاي بالزعفران وشاي بالنعناع وشاي أعشاب عشان يهضمن الغداء ومكسرات << ذكرني بطلعت البر أنا وخواتي ههههههههههههههههه وطلعن مانابولي وبدن يلعبن فرح ولليالي وسمر ووضحه أما عذاري ومي يتابعن وميثه وسلمى يسولفن على جهه سلمى : هاه كيف خالد معك ميثه(بحيا) : الحمد لله خالد طيب سلمى : ما جاب لك موضوع عن السفر ميثه : سفر شنو سلمى : شهر العسل المؤجل ميثه : لا وفاة عمتي أثر فينا بس خالد وعدني بعمره سلمى : الله يهنيكم يا رب ويرزقكم بالذرية يارب ميثه : لا شنو أنتي تو الناس سلمى : شنو تو الناس في بنات من ليلة العرس يحملن ميثه(استحت وضربتها على يدها بخفيف) : أسكتي يا حبك للفشله سلمى : هههههههه أعلمك بس آآآآآآآآح شكلي بعلم خالد عليك ميثه(ابتسمت) : عادي ما يقول لي شيء سلمى : يالواثقه سمر : أووووف زهقت أنا بوقف لعب مي : لا لا يوم أنهزمتي كملي سميروه سمر : سميروه بعينك اللي انغلبت وضحه شوفيها بالسجن وضحه : اهئ أهئ طلعوني تكفون توبه مظلومه يا بيه فرح : لا لا كسرت خاطري ليالي : بنات خلنا نسامحها حرام عذاري : لا والله عشانها بنت خالك تدافعين عنها فرح : لا حرام سمر : أيه تدافعين عنها أنتي الثانية عشان مصلحتك فرح : أي مصلحه سمر : لأنك تبينها لفهد مي : ما تبين عليها سوابق وتصير خريجه سجون وضحه(ضربت مي وسمر وعصبت) : حماااااااااااااارااااااااااات حجزوكن رجالك يا رب وانتن ما تبنهم ووووووووووع فهيد لا تتفاولن علي سمر(تدلك كتفها) : أأأأأأأأي فال الله ولا فالك مي : إيه إيه أمييييييييييييين بس أعرس ادعي بعد البنات : هههههههههههههههههههههههههههه ليالي : بنات وش رأيكن بقهوة ونطلع حلى من أغراضنا وضحه(توقف) : أنا بزينها(بسويها) تبشرن فرح : عاد يا بنات أنتن أول مره راح تذوقن قهوتها ما شاء الله عليها وضحه(تبوسها على خدها) : فديتك يا بنت عمتي محد مقدر مواهبي غيرك سمر(بخبث ترفع حاجبها) : أيه تفديها مو أخت زوج المستقبل وضحه(تقرصها بكتفها) : ووووووووووووجع زين سمر : آآآآآآآآآآآآآح يا شريره يا شرسه عسى فهد يأخذك يا رب آآآآآه تعور وضحه(ترفع يدها) : شنووووووو سمر(تحط يدها على رأسها) : توبه توبه يا ربي أستغفرك البنات : هههههههههههههههههههههههههههههههههه وضحه : ناس ما تجي بالطيب
|
|
«
الموضوع السابق
|
الموضوع التالي
»
Loading...
| |||||||||||||||||||||||||||||||||||||||||||||||||||||||||||||||||||||||||
العرض الشجري
