مدونتي هي نبرة جريح

سرقني الوجد من بين الحنايا
وتاهت الروح في ثنايا فكرها

ياطيف زارني وهيض سمايا
أرفق بقلب مغرم في سحرها

ذابت الروح في داخل حشايا
ياليت الغالي يهديني عطرها

كل الأمنيات خانتني بالعطايا
وتميت كني غريب في ذكرها

ما أقسى الألم وسطوة عنايا
كل السوالف ما أصدقت بخبرها

أحبك من هنا لآخـر محطات الغلا لهناك ..
وأحبك كثر ما يهوى رضيع الصدر غفواته




أحبك يا بعد كل الحروف و يا علّها تفداك ..
أحبك يا بعـد بـيت القصيد و كـل غاياتـه





أحبك يا بعد عمر قضى مني على ذكراك ..
أحبك يا بعد من داج بدنيا بخطـــواتــه





أحبك يا دفـ برد ـى السنين إليا غفت بحماك ..
أحبك يا أمل عمري الوحيد و يا بعد ذاته




أحبك يا بعد قلب نزف كل هالغلا لرضاك ..
أحبك يا بعد كل العيون ونزف دمعاته





أحبك كثر ما تبرَى جروح لامست يمناك ..
أحبك كثر ما يلجأ فقير الحال لسكاته




أحبك بس لو تعرف وش اللي بالحشا ينخاك..
{{ وربي لو كشفت اللي لك بقلبي مت لرضاته }}




أنا وشلون أبين لك غلاك ولهفتي للقياك ؟؟
ألا وشلون قلبي يعبر لك عن اللي بين طياته ؟؟!!




أنا لو قلت لك بأبعد و بأرحل و أنتحي وانساك ..
لساني و أعرفه لا زل و يا شينه بزلاته




أنا و الليل و أبيات القصيد في أمل لقياك ..
أقول للشعر وليل الحزن يعد نجماته




نعزي نفسنا ننتظر تسابق لهفتك وخطاك ..
تقول أن الخطى تقصر ولا تسبق لهفاته





أماني عاشت بصدري أغاني داخلي تهواك ..
تموت أن غبت و أن رديت عاش الليل وأبياته





دخيل الصبح في وجهك دخيل الليل لا غطاك
(( يموت بغيبتك قلب نزف لك حر حسراته ))..





ودخيل الرمش لا سيّر على خدك بجياته ..
دخيلك تدمح الزله وغلطاته وهفواته

ضيعني

يخطي الخطوه قدامي وانا اشوف
كل خطوه في قلبي ترسم علامه
يجن عقلي وأصفق عليه بالكفوف
الناعم اللي يتعمد يسوي أفلامه
ساعه يسلسل الشعر فوق الكتوف
وساعة يطق حذاي ويبخل بسلامه
ما درا اني عليه من الوجد ملهوف
و لا درا اني احتري حرف من كلامه
حرف ثمين ماهو مثل باقي الحروف
حرف يطيب قلبي منه ومن سهامه
يا ناعم العود اركد يكفي صد وعزوف
يكفي عتب ويكفي هجران وملامه
حسبي على عاذل قلبه مكفوف
وحسبي على من زور في كلامه
انا ضيعني الهوى و مليان الردوف
الله لا يجزيك خير يا مصمم البجامه