نكسرالخاطر

علامك جيت ياقلبي وراجع خاطرَك مكسـور
أبد لاينكسر خاطرك دامـه صاحبـي جايـر

أبي تنسى مبادئنا وتتـرك طبعنـا المغـرور
وأبي هالحين ترجع له.. وقلّه يطلب ويامـر

وإذا جت عينك بعينه أبي تشهد شهادة زور
بأني مذنب ومخطي.. وقلبه ناسـي وغافـر

وقلّه لايخليني على حزنـي أبـات شهـور
لأن الموت أشوالي وأنا من طبعـي ماكابـر

ولايفكّر يقول: انسى وغيري بالبشر مذكور
لأني ماخبر غيره / قسـم بالله مـو خابـر

أحس اللي خلق زينه خلق باقي البشر ديكور
وأحس الورد لاشمه يميـل وينثنـي شاكـر

وربي هالبشر بعده هياكل والبيـوت قبـور
ولابه شي بالدنيـا يجـاري غيابـه الكافـر

حبيبي يابعد كل الحبايـب والزمـان يـدور
علامك ماتخاف الله تعال وشوفنـي وناظـر

ألا ياصاحبي القاسي بدونك هالحياة تغووور
ألا ياسبّـة جروحـي..ألا ياحظـي العاثـر

أحبك يامنى عمري وغيرك يمسك الطابـور
أحبـك يامولّعنـي وأذوب بصوتـك الخاثـر

أنا من كثر مااحبك أحس إني معك مسحـور
فديتك خلني مسحور إذا تبقى لـي الساحـر

تعااال وخذني بكيفك.. قصيد ولو تبي جمهور
فداك اللي قصدته أمس واللي بَقصِـده باكـر

لك الله وانت خابرني شجاع ولاعلي قصـور
ولكن لو وصل أمري بيدّك... آآه ياساتـر!!

دخيلك انتبه! لا..لا.. تمادى مع رجل مقهور
ترى قهر الرجال أكبر من اللي تحسب وفاكر

أنا حبي معك والله عفيف وطاهر ومستـور
حشا.. صعبه تلاقي قلب شروى قلبي الطاهر

إذا ناوي تجربني ترى وقتك معـي مهـدور
أموت بنار طغيانك.. ولاينقال لـي صابـر!

أمانه روح ياقلبي وأبي تضبط عليه الـدور
أمانه طيييير له تكفى وأبي هالحين ياشاطـر

أبيك تحب لي راسه وتنسى طبعنا المغـرور
ترانا اثنيننا والله بدونـه نكسـر الخاطـر!!

الشاعر/عبدالله الظفيري

صح لسانك ولسان شاعرها يالغلا

اختيار موفق فديتك

يسلمو بروقه ع المرور

اسعدني تواجدك

جميل هذا الموضوع
والاجمل انه منك

احتوى على كل معاني الابداع
فزادني تشوقا للرد عليه

الف شكر

يعطيك الف عافيه عالطرح

وربي مايحرمنا من تواجدك وجديدك وننتظر

ابدااااعك الراااااقي

مرررة رووعه


يعطيك العااافيه

اختيار راائع جروحه

قصيده جدا راااااائعه

لاعدمناك يا الغلا

صح ذوقـــك الع‘ـطروالـــرآإقي

أبدعت وأح‘ـسنت الإخ‘ـتيآإر
لآ عدمنآإج‘ـديدك ولآ ننح‘ـرم منه
تقبلي مروري البسيط لك

تسلمييين غلاتي
على روووعه القصيدة
ارق ستارز
لاعدمنا روووعه جديدك
ودي

بسمة جروح