قصة انتقام

من فترة جالي بلاغ بالعثور علي جثه لفتاه تدعي نرمين تبلغ من العمر 20 سنه علي الفور انتقلت لمكان الواقعه برفقه وكيل النيابه وخبير من المعمل الجنائي
القتيله تم قتلها خلف عمارة باحدي المناطق السكنيه الجديده
تم رفع البصمات ونقل القتيله للمشرحه
بواسطه سيارة الإسعاف التي تم إستدعاؤها

وبسؤال والد المجني عليها اذا كان لدي القتيله أعداء او بتتهم أي شخص في قتلها قال :-
" أنا بنتي يافندم طول عمرها في حالها
ومفيش بينها وبين اي حد عداوه "

وبسؤاله عن سبب تواجدها في هذه المنطقه قال :-

" بنتي كانت اتعرفت علي بنت في الفيس بوك والبنت دي جات زارتها في مره وبعد اسبوعين طلبت من بنتي انها تزورها في بيتها الحقيقه كنت رافض زي ما يكون قلبي حاسس لكن بنتي صممت وقالت علشان متزعلش يا بابا
قلت لها طيب متتأخريش واتصلي عليا دايما
ويا ريتها ما راحت وحصل اللي حصل أ .هـ "

وبإستدعاء [ م ، ر ] صديقه المجني عليها لسماع اقوالها قالت :-

" اليوم اللي نرمين اتقتلت فيه بعتت لي رساله علي الواتس بتعرفني انها وصلت المنطقه اللي انا ساكنه فيها وصفت ليها الشارع اللي فيه بيتي وقلت لها انا هنزل استناكي علي اول الشارع وبالفعل نزلت وقفت عشر دقايق لقيتها إتأخرت قلت اتصل عليها تاني اتصلت لكن لقيت تليفونها مقفول أ.هـ "

وبعد عمل تحريات مكثفه وبعد الإستماع لشهاده [ ع ، س ] الصديقه المقربه للمجني عليها قالت :-

" كان في شاب اسمه [ ج ،ب ] من دفعتنا كان بيحب نرمين جدا حب من طرف واحد وحاول كذا مره يوقفها علشان يكلمها لكنها كانت بترفض وقبل نرمين ما تتقتل بيوم الشاب حاول يكلم نرمين لكن طريقته كانت مستفزه نرمين اتعصبت عليه وزعقت ليه قصاد الطلبه وقبل ما يمشي قالها

" أنا هخليكي تندمي علي اليوم اللي زعقتي ليا فيه " وبصراحه شوفت في عينه نظره انتقام ولما عرفت بخبر قتل نرمين كان الشاب دا اول حد قلت عليه انه الجاني أ.هـ "

تم إستدعاء [ ج ،ب ] لأخذ أقواله وبسؤاله عن ما تم ذكره
من قبل صديقه المجني عليها قال :-

" فعلا دا حصل وقلت كده لكن كان تهديد وهمي كلام وقت غضب انا فعلا بحب نرمين وبرغم الاهانه اللي اتعرضت ليها لكن عمري ما خطرت في بالي فكره اني انتقم منها واقتلها "

وبسؤاله عن مكان تواجده وقت وقوع الجريمه قال :-

" انا رجعت البيت العصر وكنت مخنوق ونزلت
حوالي الساعه 4 العصر اتمشي في الشارع لوحدي "

= لكن في شهود شافتك وانت داخل بيتك الساعه11 معني كده انك فضلت 5 ساعات برا البيت والجريمه تمت الساعه 9 ونص بالظبط زي ما الطب الشرعي أثبت
أنت كنت فين الساعه 9 بالظبط .

- في الوقت دا كنت بكلم واحد صاحبي في موضوع كده كلمته حوالي ساعه ونص وبعد كده نهيت المكالمه يعني 10 ونص بالظبط وللاسف مسحت سجل المكالمات من عندي

= طيب في بنت من اصدقاء المجني عليها قالت انك عارف بيت الضحيه و كنت بتراقب كل تحركاتها وبين بلدك والمكان اللي تمت فيه جريمه القتل 45 دقيقه يعني ساعه ونص رايح وراجع يعني ممكن تكون راقبتها في اليوم اللي خرجت وقتلتها ورجعت تاني لبلدك

- يافندم محصلش اقسم بالله ما حصل انا مخرجتش من بلدي والله ما قتلها انا كلمت صاحبي من الساعه 9 للساعه 10 ونص متواصله بلا انقطاع والجريمه تمت 9 ونص

بعد استماع النيابه لاقوال الشاب المتهم اخلت سبيله لكن تم استدعاؤه مره آخري وحبسته اربع ايام علي ذمه القضيه بعد ما تقرير المعمل الجنائي اللي وصل متأخر أثبت ان من ضمن البصمات اللي تم رفعها كانت خصلات شعر وبعد تحليلها بواسطه التحليل الطيفي ومطابقتها بخصلات شعر المتهم ثبت انها نفس العينه

الحقيقه كنت متابع سير القضيه اول بأول وكان عندي احساس كبير ان الشاب دا برئ رغم ادانته مبفرحش ان قضيه تتقفل بسرعه ويكون عندي احساس 1% ان المتهم برئ لذلك قررت اتتبع تليفونه دا طبعا تم بعد ما تم التنسيق مع إدارة المعلومات القضائية، بجهاز الاتصالات، اللي بيتولى مسئولية تقديم مثل تلك التقارير الخاصة بتتبع التليفونات المحمولة بعد استئذان النيابة أو المحكمة ، علشان نقدر نحدد بعدها مكان وجود الجانى فى وقت حدوث الجريمة، ودا طبعا بيتم عن طريق رصد المكالمات الواردة والصادرة وتحديد «برج الشبكة» وهو برج الإرسال الذى يغطى منطقة بعينها فمثلا مدينة ***** اللي عايش فيها الشاب المتهم بجريمه القتل يوجد بها محطة إرسال
وهي اللي بتنقل إشارات الاستقبال والإرسال اللي تم التحدث فى نطاقة ومن هنا بنقدر نحدد المكان وبالتالى الوصول إلى الجانى أو تحديد وجوده أو عدمه فى مكان الحادث ساعة وقت قوع الجريمة

خدت إذن نيابة فورا وتم اخطار شركه المحمول التابع لها المتهم لان كل شركة لديها شبكات إرسال منتشرة فى أنحاء الجمهورية ومن خلال رقم التليفون بنقدر نحدد محطة الإرسال اللي بيستخدمها من يحمل التليفون
ولو اتحرك إلى منطقة أخرى بنقدر نعرف مكانه

كنت مستني تقرير شركه الاتصالات بفارغ الصبر
ولما وصل اظهر براءة الشاب المتهم بقضيه القتل وتم الإفراج عنه بواسطه النيابه لان ثبت بالفعل انه اجري اتصال هاتفي من الساعه 9 لـ 10 ونص ليله وقوع الجريمه
ومخرجش من منطقته في نفس الليله
لكن الأغرب في القضيه ان خصلات شعره وصلت ازاي لمسرح الجريمه برغم انه مغادرش بلده ليله وقوع الجريمه

قضيه كان فيها ألغاز كتيرة ومحيره
ولكن كان في خيط قلت ممكن يوصلني لحاجه وهو متابعة كل المتصلين بالقتيلة على تليفونها المحمول ، كل من اتصل بها ليله وقوع الجريمه تم استجوابه وثبت عدم تورطه فى القتل ولكن القتيلة تلقت اتصالا من رقم هاتفى قبل الجريمة بحوالى نص ساعه
ولكن المشكلة أن الاتصال كان من كابينة فى أحد الشوارع، وباستخدام الكارت المدفوع مقدما.

المؤشرات الأولية تقول أن صاحب الاتصال هو القاتل،
ولكن كيف الوصول إليه؟
استعنت بصديق ليا اسمه تكنولوجيا الاتصالات، وتم استدعاء مهندس من الشركة المالكة لكبائن الشوارع.. قلت له هل ممكن نعرف نحدد شخصية المتصل

المهندس قالي إن كمبيوتر الشركة اللي بيقوم بخصم ثمن المكالمة من رصيد الكارت يمكنه تقديم كل المكالمات التى تمت من الكارت، وبالفعل قدرنا نحصل علي عشرة أرقام.. قام المشتبه به بالاتصال بها من الكارت.. وموعد كل مكالمة.. وطبعا تم الوصول إلى الأشخاص العشرة وتم الكشف عن شخصية المشتبه به.. الذى استدعته الشرطة.
وسألته عن علاقته بالقتيلة.. وكانت المفاجأة
ان المشتبه به بعد ما تم القبض عليه وإجراء عده تحقيقات معه تبين انه صديق مقرب للشاب المتهم بقتل نرمين
وكان علي علم بكل تفاصيل علاقه صديقه بالقتيله
وقال في التحقيق :-

" انا وجمال كنا في كافيه واستغليت انه دخل الحمام فتحت موبايله وجبت رقم نرمين المتسجل عليه وحفظته
ويصادف ان اليوم اللي كلمتها فيه اتقتلت
لكن انا معرفش مين نرمين دي ولا عمري شوفتها
وعرفت صدفه من جمال انها اتقتلت أ.هـ "

بعد إنتهاء التحقيق مع المشتبه به تم حبسه من قبل وكيل النيابه علي ذمه القضيه اربع ايام ولكن محامي المشتبه به قدر يثبت بالأدله والشهود عدم مغادره موكله للبلد ليله وقوع الجريمه و التحريات اللي تمت اثبتت صحه هذا الكلام
وتم إخلاء سبيل المشبه به بضمان محل اقامته .

برغم كل التحريات اللي بتم وكل خيط ممكن يوصلنا للجاني الا انه في النهايه بيكون عكس توقعاتنا
وان القضيه بتاخد مسار تاني وبتكون اكثر تعقيداً
وعلي وشك انها تتحفظ ضد مجهول

لكن كان في خيط كنت متأكد 100% اني لو قدرت اوصله هعرف القاتل الحقيقي وهو ان القاتل الحقيقي علي علاقه وطيده بجمال وعارف تفاصيل علاقته مع نرمين وقدر يضع خصلات شعر جمال المتهم الاول في موقع الجريمه علشان يثبت ان جمال هو الجاني ولكن التحريات اثبتت عكس ذلك وان جمال برئ كذلك المشتبه به برئ يبقي السؤال
من الجاني الحقيقي ؟ وايه علاقته بجمال؟
وايه الدافع ورا قتله لنرمين ؟ وقدر يحصل علي خصلات شعر جمال ازاي ؟ ألغاز كتيره محيره لازم تتحل

المثير للجدل في القضيه ان المعمل الجنائي مؤخراً
ارسل تقرير جديد للنيابه العامه بيقول فيه :-

" انه تم العثور علي قطع جلد صغيره جدا بداخل اظافر المجني عليها وبتحليلها ثبت انها ليست للمجني عليها بسبب هذا التقرير امرت النيابه بإستدعاء المتهم الاول في جريمه القتل ويدعي جمال وصديقه المشتبه به ويدعي سليم حسن لمعرفه ما اذا كانت قطع الجلد الصغيره تتطابق مع اي منهم ام لا كده القضيه اتحصرت بين جمال وسليم
والقاتل الحقيقي واحد منهم دا كان اعتقادي
او شك ليس في محله ولكن ثبت عكس ذلك

تقرير المعمل الجنائي اثبت ان قطع الجلد الصغيره غير متطابقه مع أي منهم وبالتالي تم تبرئه السالف ذكرهم من قبل النيابه بعد شهرين من التحقيقات والتحريات النيابه حفظت القضيه ضد مجهول بدأت أباشر عملي واعتقدت ان القضيه انتهت لكن اللي حصل بعد كده كان غير عادي

جالي بلاغ بالعثور علي جثتين لشابين في نفس المنطقه اللي اتقتلت فيها نرمين انتقلت لموقع الحادث تم رفع البصمات ونقل الجثتين للمشرحه وطبعا تمت تحريات وتحقيقات زي ما بيتم في أي قضيه قتل لكن تقرير المعمل الجنائي أثبت
إن وفاه الضحيتين طبيعيه وليست جنائيه

بعد يومين من جريمه قتل الشابين تم العثور علي جثه شاب آخر في نفس مكان الجريمه المثير للجدل ان تقرير المعمل الجنائي أثبت أيضا ان وفاه هذا الشاب طبيعيه

بعد جريمه القتل الثالثه قلت ان نرمين قبل ما تتقتل اتعرضت لأعتداء جسدي واعتقدت ان جرائم القتل تمت بواسطه شبحها اللي قرر ينتقم من أي شاب يصادف تواجده في هذه المنطقه كان مجرد إعتقاد الله عزوجل أعلم بصحته

بعد أسبوع تم العثور علي جثه شاب للمره الرابعه في نفس المنطقه لكن جريمه دي مختلفه كتير الضحايا الثلاثه مكانش ظاهر عليهم أثار تعذيب و وفاتهم كانت طبيعيه جدا
لكن الضحيه الرابعه كان مشوه جسديا بطريقه وحشيه
وآثار التعذيب علي جسده مرعبه

بعد عمل تحريات تبين ان الضحيه الرابعه كان صديق جمال المتهم بقتل نرمين وانه سبق وتقدم لخطبه اخته لكن تم رفضه لكن العلاقه بينه وبين جمال استمرت وفي شهود بتأكد انهم شافوا حسين نازل من تاكسي قصاد بيته وكانت الساعه حوالي 11 ونص مساء وكان ليله وقوع الجريمه

روحت لجمال بيته وقلت له انا جاي اتكلم معاك بشكل شخصي عايزك تقولي اي معلومه عن علاقتك بـ حسين [ الضحيه الرابعه ] حتي لو تافهه بالنسبه لك قالي :-

" انا كنت حكيت ليه عن علاقتي بنرمين وتقريبا كان عارف كل حاجه و قبل وقوع الجريمه بيومين حسين جه معايا عند الحلاق ولما بدأت أحلق لقيته إستأذن ومشي استغربت لما لقيت الحلاق بيقولي صاحبك اللي مشي ده خد خصلات شعر وقعت منك هو عمل كده ليه ؟ قلت له معرفش وبصراحه نسيت أسأل حسين عمل كده ليه لكن الغريبه ان تاني يوم تمت جريمه القتل ونسيت خالص احكي الموقف ده في التحقيق ومفتكرتش غير حالا أ.هـ "

القضيه اتغير مسارها بالكامل بعد ما اتحفظت ضد مجهول
وثبت ان حسين الضحيه الرابعه هو القاتل الحقيقي
لان تقرير المعمل الجنائي أثبت ان قطع الجلد الصغيره
اللي تم العثور عليها بين اظافر القتيله
تتطابق مع نفس عينه جلد الضحيه الرابعه

الحقيقه اعتقادي طلع منطقي وصح جدا
ان نرمين عادت مره آخري كـ شبح علشان تنتقم من أي شاب يصادف تواجده في هذه المنطقه وسبب تعذيب الضحيه الرابعه قبل قتله بالطريقه الوحشيه دي لانه القاتل

النهاية

*،




آنتقاء مميز .. مَ ننحرم من جديدك

طرح رائع
يعطيك العافيه

سلمت يمناك
طرح جميل جدا

اطيافي
لِرُوحكْ وَردْ مُخْمَلِي’..يَ عَبقِ البَسآتِين ...’♥

نبضها
لِرُوحكْ وَردْ مُخْمَلِي’..يَ عَبقِ البَسآتِين ...’♥

ضاميه
لِرُوحكْ وَردْ مُخْمَلِي’..يَ عَبقِ البَسآتِين ...’♥

راقني انتقائك الماسي
تسلم يمينك
ودام عطائك العذب
پآقة ورد

البرنسيسه
لِرُوحكْ وَردْ مُخْمَلِي’..يَ عَبقِ البَسآتِين ...’♥

تسسلم يدياااتك على رووعه طرحك
الله يعطيك العاآآآآآآفيه ...
وربي يسعدك