 |
 |
 |
 |
|
 |
||||||||
 |
 |
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
 |
|
|
أدوات الموضوع | انواع عرض الموضوع |
|
|
|
|
|
|
|
|
|
||||||||
|
|
|
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
|
|
أدوات الموضوع | انواع عرض الموضوع |
|
#1
08-20-2019
|
||||||||||||||||||||||||||||||||
|
||||||||||||||||||||||||||||||||
رواية / سأنتقم لكن بهدوء/البارت السادس
6 تحاول تفك يده من خصرها .... يمه من هو اللي نايم جنبي هي خايفة بالحيل قلبها يدق بسرعة دموعها تجمعوا في عيونها هي متأكدة انها سكرت الأبواب كلها يارب ارحمني برحمتك ... قدرت تفك يدينه عنها نزلت من سرير بسرعة فتحت انوار بصدمه وهمس سعد تصرخ وش جابه هنا الحيوان اتجهت الجهة الثانية من السرير ضربته ع يده تصرخ : قوم ي الحيوان وش جابك عندي سعد انزعج من صوتها : خليني انام ي بنت .. الجوهره : قوم والله ما تجلس هنا دقيقه وحده وش جابك عندي هنا ترى انا مو زوجتك ... تلعب فيني ع كيفك بصرخة قوم برا يلا سعد قام من سرير نايم بدون بلوزه قرب منها سكر فمها جلس ينظرها شاف دموعها متجمعه في عيونها ابتسم : وش تبغين مني انت الحين ما تشوفيني نايم الجوهره وجها صار احمر من الاحراج : انت قليل الادب وخر عني انا ما حل لك ... انت وش تبغى مني ها سعد يلعب بطرف شعرها بخبث : ابغى اشوه سمعتك انا الحين نمت معك ... شهر شهرين يمكن يصير الحمل باسها ع شعرها جوهره كزته عنها : وخر عني انقلع اطلع برا تخسي تقرب مني ... سعد يضحك : وش جالس أقول لك انا لي ساعه أتكلم يمكن يصير فيه الحمل ي خبله جوهره اخذت الاباجوره وحذفتها عليه بس ما صادته انكسرت : طلع برا ي البزر ... حتى اخوانك عادل وسيف ما يفكرون نفس تفكير الوسخ ... انا بنت عمك تسوي فيني كذا سعد عصب من كلمتها : مين البزر انا ... والله ي جوهره لا اخليك تبكين الدم اصبري علي ... كل اليوم راح تشوفيني هنا عندك لا اخليهم يتكلمون فيك جوهره : راح أقول لـ ابوي عن سوأياك معي .تدرين انك قليل تربي ...يوم أني زوجتك ماكنت تعرفني والحين حليت في عينك ي الحيوان سعد بحقره : روحي قولي لهم .. بقول انا كنت مسافر انتوا تدرون وشوفوا بنتكم مين لعبت معه جايها تحط بلاها علي كيفي اسوي فيك اللي ابغاه محد درى عنك جوهره تصرخ : اطلع برا لا بارك الله فيك .. انا اكرهك أتمنى اموت ولا أكون زوجه لك الله يأخذك ليت رافضتك يوم يعرض علي أبوي زواج منك ما شفت منك يوم واحد فيه راحه الله ينتقم منك سعد قرب من السرير اخذ بلوزته: عاد انا اللي ميت عليك ... اسمعي يصير فيك شيء تجين تبلغيني سامعه ي ويلك مني اذا صار الحمل ما تقولين لي جوهره بحقد : راح انزله مو على كيفك ولد حرم والله ما يتم اذا صار الحمل سعد ينظرها بكراهية : تبغين اخلص عليك سوي اللي قلتيه الحين ... طلع تركها محطمه ... يتمنى يسمع صوتها وهي تبكي راح تطربه والله أتمنى بس اشوف دموعها ع خدها ... تخيل ي سعد تروح تقول لـ ابوك عادي مو مشكله عندي ... خليها تروح تقول لهم ... ابوي اكيد ... بـ يحاول يحل المشكلة ..بـ ارتباطنا ما كأني سويت شيء ههههههههه مسكينه ي جويج .. ما تقدرين تطلعين من مشكلة الا تدخلين بمشكلة الثانية ارتاح الحين كسر لها شوكة بقي ما شفتي شيء ي جويج والله الدم المها ما يروح عبث ... راح اخليك تتمنين الموت ... الكل ساكت و يدافع عنك ...وخاصه أبوي لأنك بنت اخوه أكيد بدفع عنك اما المها ... بنت الجيران ليش يدفع عنها ... ماتت موته طبيعي لا تظلم الجوهره ي سعد كلكم كذابين هي اللي ذبحتها ... ماتت من الغيرة لأني احب المها وما احبها ... صبرك علي لـ اخليك تعيشين في حاله نفسية الدرجة ما تثقين في احد طلع من البيت .... ابتسم مسكينه الحين راحت عليك ي جويج دايما غبيه .... وغباءها راح يوديها في ستين داهيه ... الحين كم الساعة تثاوب ما شبعت نوم وسبب هي ... رفع يدها شاف الساعة 1 بتجي ع 2 * * * * عند جويج تبغى تبكين بس دموعها مو راضيه تنزل دموعها تعاندها حسبي الله ونعم الوكيل فيك ي سعد طيب يمكن يكذب عليك يمكن ما قرب منك حست بأمل يرجع لها قامت راكض الحمام وقفت عند المرايا تبغى تشوف أي اثر يدل انه صادق .... اشفت اثار في رقبتها .... انقرفت جلست تستفرغ اللي في معدتها .... جلست ع ركبته تحاول تصرخ او تنوح تبغى تطلع كل اللي في قلبها ... دموعها رافضها تنزل ياربي انصر ع من ظلمني ابغى اعرف ان وش سويت له عشان يطعني في شرفي ... الله لا يحللك ولا يسامحك ...قلبي يدق بقوة يعورني وش ألم اللي احس فيه لو اسال أي احد عن هـ مشكله صارت لبنت غيري بقولون هي اللي اغرته .... تعبت خلاص متى ارتاح ,تصرخ ...لازم اوقفه عند حده هـ البزر قامت ضغطت ع نفسها ... ما تدري وش تسوي طاح الفأس براس مو عارفة وش تسوي المشكلة هي بتأكلها بـ حالها ...انا ليه انظلم كذا .... وش سويت في هـ دنيا عشان ... اذوق هـ الظالم ...مو كافي ... علي أني انحرمت من بنتي سنه كامله ... ولدي مات بعدها... وصارت ما انام الا بمهدئ ..يمكن لأني امس .. اكلت حبه كامله عشان كذا ما حسيت لما دخل ... البيت لالا الجوهره لا تستسلمين له ...قومي وخليك قويه لا تخافين منه ...ايه صح اهو عنده المفاتيح البيت لازم تغيرين ، المفاتيح البيت من بكره ... ما راح اسلم من هـ ثعلب حسبي الله ونعم الوكيل & & & & أمس بيت أبو اياد أمل لما دخلت البيت حست بحنين ...لـ الماضي لما كنت زوجة اياد تحس بالغصة واقفه في حلقها ... هي قالت ما راح تتزوج غيره ... بس ظروف اجبرتها ... تغير مسارها اللي كنت بتمشي عليه .. هي تكرهه زياد ... ما تطيقه لأنه هو سبب في حرماني من ولدي الله لا يسامحه ...ما دري عندي حساس انه ولدي حي يرزق بس ما في دليل ملموس ... اخ يمه ... ما تهنيت فيك ... شافت ام اياد تطلع من المطبخ راكضت لها ترمت في حضنها ... تبكي ... ع كل اللي صار من ظالم وحرمان ... دموعها انزلوا ام اياد تبكي معها: هلا بنتي ... أمل كيفك يمه ... شلونك عساك طيبه ... هلا بريحة غالين .. أمل تبوس راسها ويدها: الحمد لله طيبه ... بعد ما شفتك ي الغالية زياد شاف الموقف ما تحمل ... دموع امه ... قال اخليهم بحالهم ... صعد ... غرفته يريح تعبان من أمس مرتاح عدل أمل جالست مع ام اياد تسوالف معها ...يمكن تشوف ولدها حاسة ان يكذبون عليها بسالفة انه مات في هـ لحظة ... يقطع عليهم سوالف دخول اياد وهو يتافف : اوف ما بغى اروح المدرسة .. ليه جدي يخليني اروح اغصب الا بعد أتعذرت من تبن .. سمير زفت ام اياد تضحك عليه : ي ولد تعال سلم تستاهل انت غلطان اياد ابتسم : ابوي جاء صح يلا سلام ...رمى شنطة متجاهل أمل راح يركض فوق حق ابوه ... مستأنس أنه ابوه رجع من سفرته ما شافه من أمس أمل حزنت لما شافت بس اياد يعني صدق مات ولدي ودها تبكي حسبي الله ونعم الوكيل انتبهت لتصرف اياد : يمه ولد ولدك غير مؤدب ... المفروض يسلم عليك .. بـ اول بعدين يروح عند ابوه .. ام اياد : هذا ولد زياد وش نقول .. الا يمه انتِ خلاص فصخي عباتك .. الحين انتِ زوجة زياد ولدي واللي في بيت اهلك أمل بضيقة : طيب ... يمه ... الحين ابغى ... اروح غرفتي ارتاح ودها تقول غرفة لي بـ حالي يارب تفهم علي ام اياد ابتسمت لها: ايه يمه فيه غرفة لك هنا تحت أشرت ع الغرفة... انا حالفه اسوي حفله لكم أمل بـ تعترض بس ام اياد سكتها: لا ما فيه انتم عيالي لازم افرح فيكم أمل ابتسمت بعدين تناقش معها في هـ سالفة : لك الي تبغين ي امي ... الحين بريح عن اذانك ام اياد : ايه خذي راحتك وانا أمك ... بعدين أجلس معك الحين روحي ارتاحي أمل اتجهت الغرفة ... خلاص أنتهت ما عاد فيها تحمل أكثر من كذا لازم ترتاح ضغطت ع نفسها كثير... كيف بتعيش في هـ البيت مرة الثانية ...وهي زوجه بس مو لي اياد .. تحس بضيقة والقهر جالسه تضغط ع نفسها دخلت الغرفة وسكرت الباب وراءها انتبهت لمفتاح قفلت عليها جلست ع الأرض وتسند ع الباب تبكي وتنوح ... ليش جدتي تظلمني انا بنت ولدها مشكله انه ابوي تحبه بالحيل ، المفروض تكون معي انا حفيدتها مو تظلمني خلاص ما ابغى أعيش واللي كان مصبرني ع هـ الحياه ولدي بس وينه الحين ... اخ يمه .... الظالم شين اه يمه وينك بنتك .. انظلمت من جدتها ومن ... اللي اسمه زياد والحين تضحك بسخرية زوجي ...هو سبب في موت ولدي ... اخ يمه في قلبي حره من يطفيها ياربي اعطني الصبر ..انا ضعيفة بدونك ...دموعها تنزل وحده وراء الثانية ... انا مالي غيرك ياربي ... انت ... اللي بـ تنصرني ع من ظالمني انا كان عندي أمل انه يكون ... هـ الولد ولدي بس زياد متى تزوج وينها امه ... ليه ما جات اخذت ولدها ... المفروض ما تسكت له.. لو أقدر أوصل لها لـ أخليها ترفع عليه قضية ... صح لازم يذوق اللي ذقته بعد ما حرمني من ولدي ايه ما راح اسكت ... انا بس تزوجتك عشان يكون لي مكان ... ام تفكر اني أكون زوجتك تحلم ... $ $ $ $ زياد دخل ... غرفته ... خلاص تعبان لازم يأخذ شاور ...بارد ... يحس حاله ضايع ... مو عارف وش يسوي ... اهو سوى اللي طلبت منها امه ...زياد ... هذي كنت زوجة اخوك والحين زوجتك ... لا تظلمها اكثر من كذا ... لالا انا مو كذا بس صعب علي لأني تعودت عايش بـ حالي وراح أظل عايش بحالي لازم تتعود ع وجودها في حياتك .... ما دري هي كيف تفكر يمكن ترفض وجودك ... انا بعد ودي ... اخليه هـ الزواج باسم بس ... امي راح تلحظ هـ الشيء وانا ما بغاهم ... يحسون في الشيء بيني وبينها لازم ... تفهم هـ الشيء قام بصعوبة لأنه ضغط ع رجله كثير ... اتجه دولاب اخذ له ملابس ... دخل الحمام .انتم بكرامة يأخذ شاور سريع ... طلع من الحمام .... وهو لبس بجامه يبغى ينام ... خلاص ما فيه انه يجهد نفسه اكثر ... في هـ لحظة دخل اياد وهو يصرخ :بابا رمى حاله ع ابوه ... يبكي ليه تروح وتتركني ... مرة الثانية اروح معك زياد ابتسم له ... ابعده عن حضنه : خليني اجلس ي ولد تعبت ... رجولي تألمني اياد خاف ع ابوه مسح دموعه .زياد جلس ع سرير يرتاح : تعال ي الدب ... انا رحت ... وخلصت شغلي وجيت ... يالله جبت لك .. أم مبسوط اياد يتنهد : عادي بس أهم شيء ما تكون شريرة .. اذا شريرة اطلع لها عيونها زياد يضحك: لا ي اياد .. لا تسوي كذا ي ويلك ... بعدين تقول ما عرف يربي اياد بدون اهتمام: مو مهم هي الحين أنت اذا بـ تسفر مرة الثانية ما راح اخليك سامع زياد يضحك عليه : أقول بس قوم اطلع خليني انام ...اظهر نسيت انه انا ابوك اياد يضرب رجول ع الأرض: مو على كيفك بتشوف ... طلع من غرفته زعلان منه ... هو خايف يفقد ابوه ... مثل ما فقد امه ... * * * * أبو فيصل تمشى في الرياض ... تغيرت كثير ... من زمان عنها ... لازم اجي ...هنا ... وشوف الأشياء اللي تطورت فيها... رجعت الفندق بعد الصلاة الفجر .دخل الشقة سكر الباب بهدوء.. خفت صار فيها شيء بعد حركتي ههههه بس الحمد لله طلعت قطوه بـ سبعة اروح ... بس ي أبو فيصل حرم عليك ... البنت ماله أي ذنب ... اهلك اهم اللي تدخلوا في حياتك .. بس انا قلت لها ما بغاك ... طيب تعامل معها بطيب الى ان ... تطلقها تروح في حال سبيلها... خلاص تعبت ابغى انام ... بقى دقايق وتشرق الشمس ... خليني أقوم اشوفها ع اقل اطمن عليها.... قام من مكانه خلاص تعبت من كثر المشي .. دخل الغرفة النوم شافها نايمة ... الحمد لله ما فيها أي شيء... خليني انا انام بعد . طلع جواله من جيب .. وحطه ع طاولة وشبكه ع شحن متنقل ..قرب من السرير ورمى حاله عليه خلاص دايخ يبغى ينام وبس ... يعوض عن الأيام الماضي تعب من كثر تفكير راح في نومه عميق من تعب بعد ساعات اجلست نجلا وشهقت لما شافته نايم جنبها....حطت يدها ع فمها ما تبغاه يجلس .. تحاول تتسحب بهدوء ... نزلت من على سرير ..اخذت جوالها من طاولة تبغى تكلم اهلها...حطته في جيبها تمشي بهدوء كأنها حرميه طلعت من الغرفة البسمة ع وجها : واو انجاز أني طلعت من الغرفة بدون لا اطلع أي الصوت يارب وش اسوي مع هـ الرجال ودي أقول له ...انت ما تبغاني خليني اروح الحين عند اهلي ... بس صعبه شوي ي نجول ... مدري مو عارفة وش اسوي معه ... يارب انا خايفة بالحيل وخاصه الحلم اللي كنت اشوفه . استغفري ربتس ما راح يصير لتس الا كل خير طلعت الجوال تبغى تكلم أهلها ... تطمن عليهم تحس بالغربة بدونهم .. خليني اشوف .. سارة هي اللي تجلس هـ الوقت الساعة الحين ....1:30دخلت الواتس اب حصلتها موجوده دخلت عليها "هلا " ساره ابتسمت "هلا بتس تسيفتس طمنيني عنتس " نجلا ي حبني لتس ي سارة " الحمد لله طيبه , كيف أمي وابوي أميمتي عساهم طيبين بشريني عنهم " ساره تضحك" والله كلهم طيبين بس جدتي .. حزينة ع فراقتس" نجلا تضايقت " يلا هذي السنة الحياة ... مالنا غير نصيب ي بنت الحلال " سارة " أي والله ... الا بسالتس زوجتس وينه عنتس " نجلا ابتسمت " يعني بالله عليتس اكلمتس وهو جنبي مستحيل " سارة "ههههههههههه صح نسيت أنتس تستحين بالحيل ... ماردتس بتعودين عليه " نجلا بخوف من حياتها معه " ان شاء الله ... تكفين ي ساره لا تنسيني من دعاءك " ساره" ان شاء الله من عيوني " نجلا اسمعت صوته يعني جالس الله يستر " اخليتس الحين ... سلمي عليهم سلام عليكم" ساره "يوصل وعليكم السلام " أبو فيصل جالس من النوم مسح ع وجهه ما شفها جنبه وين راحت فيه ...تمغط ياربي ما شبعت النوم ... لازم نمشي بعد الصلاة الظهر ... برجع الشرقية .... بطائرتي الخاصة ... مالي خلق ... اشوف احد ... اكيد اللي اسمها زوجتي تبغى تشوف أهلها ماله ام داعي أقول بس قوم ... اخذ لك شاور ... عشان تصحصح من النوم ...بعدين تفهم معها .... كيف راح تفهم معها وانت م تبغى ...تشوف رقعة وجها ممممم ايه لازم اخذ رقمها ... ايه صح تذكرت لما كلمتني .... تبغى تتأكد انه انا ما بغاها اكيد الرقم موجود عندي خلاص ارسل لها اللي تبغاه منها بدون لا تشوفها قام من السرير بعد عنه البطانية .... تحرك متجه الحمام ...يبغى يروق .... ويبعد عن عيونه النوم ..فتح الشنطة أخذ ملابس منها.... دخل الحمام اخذ شاور سريع لبس ملابسه بنطلون اسود وبلوزة بيضاء طلع من الحمام اتجه الشنطة اخذ العطر تسبح فيه اخذ نفس يشم يريحه ي زين هـ ريحه اخذ نظارته ... وسبحه ... جالس يدور جواله وين رميته ... ليكون بس ما فيه شحن مشكله وينه فيه لتفت شافه ع طاوله ... قرب من طاولة فتح جواله الحمد لله زين شحنته بعد ... اخذه يلا ... لازم أتأكد من مدير اعمالي ... جهز طيارة ولالا ... تحرك طالع من الغرفة يمشي بخطوات واثقة ... مره ع صالة شافها جالسة ولا عبرها ... طلع سكر الباب وراء ... طلع جواله من جيبه.فتح الواتس دخل ع رقمها يذكر سجله بمجهولة ... طلع رقمها رسل لها " اسمعي ي بنت خليك جاهزة بعد الساعة بنمشي الدمام واذا تبغين نمر ع اهلك ما فيه مشكله " نجلا .حز في خاطرها ... انها ولا شيء عنده ... هـ الشيء مؤلم وانك فرض نفسك ع شخص ما يبغاك موجود في حياته ... لو بتسيفي ما جلست عندتس لحظة وحده .... يارب صبرني .. دموعها تجمعوا فيه عينها ...نزلت دمعه وحده وراء الثانية ... ما تسذبتي ي حورية ما يبغاني ابوي باعني برخص مسكت حلقها تحس الغصة واقفه تبغى تطلع ... كل القهر اللي كانت كاتمته لما كنت في بيتهم ... ظلت تبكي الى ان ارتاحت .قامت تغسل وجها لازم تشوف لها حل معه عادي يرجعها بيت أهلها ولا هـ مذله رجعت الصالة تبغى تأخذ مويه من ثلاجة فتحت شافتها مليانه زين انه كريم اخذت علبة مويه ...سكرتها. جلست. انتبهت لجوالها اشعارات واتس بـ الرقم غريب ... فتحته الجوال أدخلت الواتس قرت الكلام شكله ... زوجي العزيز اخذت الرقم تبغى تأكد كان رقمه ولالا حطت في نبربوك ... طلع لها أسماء ولقاب له من ضمنهم اسم لفت انتباهه أسم يمكن اسمه ... تأكدت لما شافت اسم أبو فيصل ردت عليه " بطيب " دخلت جهات الاتصال اسمته شايف نفسه بالحيل ههههه : وش هـ الاسم ي نجلا طويل يستأهل ودي اسميه الحقير ايه افضل غيرته من شايف نفسه الى الحقير هههههههه * * * * بيت أبو أنس جلسين برا... في الحوش فرشين لهم سجادة وجالسين ... دام الجو زين و الهواء بارد ..القهوة وشاي والحليب والرطب ... والحلا والفطور ام انس جالسه تقهوي ... ام حمد وأبو انس ... سعود وأنس جالسين يفطرون أبو انس قام : عن اذانكم ...بروح يم الحلال ... طلع بدون لا يسمع ردهم ساره جلسها وفي حضنها عزم ولدها ... رجاوي في المدرسة ماسك في يدها فنجال القهوة وسرحانها تفكر في اختها الله يسر امورتس ي قلب اختس ... سعود يطفشها: أقول ... سوير وش سرحان فيه... لا يكون بس .. تفكرين ... تروحين يم القصيم لالا أصلا جدتي .. عيت .. ما فيه روحه يلا جلسي هنا وش عندتس هناك ولا بعد أنس بتزوج بنت خالته خخخخخخخخخ سارة لتفت له نزلت الفنجال تضايقت ليه أنس قايل لها شيء عن بنت خالته لحظت هـ يومين يجب طاريها: أقول بس ... مالتس دخل فيني زين ... ان شاء الله أسبوع الجاي ...بروح يمهم ... انت اجلس هنية زين أنس ابتسم ع هدوء ... اخوه يأشر له كمل علي : من قال أصلا خلاص غيرت راي وجدتي قالت لي ... ما فيه روحه سارة انصدمت لتفت لـ جدتها: صدز ي جدتي ...ما تبغيني نسافر ونروح هناك لية طيب ام حمد تضحك لتفت لهم: انتُ متى تعقلون ها ... يضحكون عليتس وانتِ صدقتيهم .. والله ودي تجلسين عندنا ... ما ودي تروحين هناك سارة بحده :ايه هذا عيال ولدتس قليل حيا ,نزلت عزم اعطته امها... قامت معصبه منهم ... وخاصه أنس لها يومين ما تكلمه ... دخلت داخل فيها حر منهم الصراحة ... ما عندهم سالفة .. والله خليني اكمل شغالي بس ... دخلت المطبخ ... تشوف الخدامة تلف الورق عنب ... حشت الفطائر و السبموسة ... اليوم جماعتهم بيجون يباركون لهم الله يعين انا اكرهه ... زحمة التباريك اوف اسمعي :سوما ... لازم يخلص هـ شغل الحين قبل الصلاة العصر زين سوما تهز راسها : جين ماما... 0 0 ام حمد انزعجت من تصرفاتهم معها: انتُ وش فيكم ع لبنيه ... ترى ضايق صدرها ع اُخيتها ... ولا بعد انت الكبير ي قص عليتس سعود وتصدق ... الحين تقوم ي أنس ترضي حرمتس أنس بهدوء: اسفة ي أميمتي ... ان شاء الله مالها الا اللي يطيب خاطرها ... بس لما ارجع من دوام ... قام ام حمد : لا ما فيه الحين تروح لها وطيب خاطرها ... وانت بعد ي سعود قلنا صار عندتس ولد بتعقل الا زاد خبالتس .. أم انس : أي حيلتس فيهم ... ليش تضايقها ... ي سعود اليوم ما نمت زين وهي تفكر في اختها ... انت وش سالفتس معها كل .. تضايقها بسالفة سافر يم القصيم سعود باس راس جدته وامه: ان اسف والحين ادلع اختي الحلوه ... ايه بعد بروح اشوف ولدي صغنونه هههههه تنهد والله ي امي الغالية ما بغى اخوي واختي يروح هناك ضاق صدري لما قال لي أنس بـ يسكنون هناك ... عشان تسذا .. اطفشها يمكن تغير رايه أم أنس تنهدت : أي والله تسف اعايش من دونهم.. وانا بعد ما ودي بروحتهم ... بس شغل اخوتس لازم يروح هناك سعود : الله يوفقهم ويسعدهم ان اشاء الله ... اسمع أنس راح اجي عندتس انا وحمودي اذا اشتقت لتس أنس يضحك ع اخوه ... مهما كبر ما راح يتغير الله يسعده..: احطك بعيوني . يلا عن اذانكم.. تحرك داخل البيت متوقع يحصل سارة في شقتهم ...أمس كان يوم حافل ... يعز علي فراق اختي ... والله العظيم ... تسان عندي إحساس انه هـ الرجال مو كويس بس سمعته سابقته... الكل يمدحه فيه ويشكرون عليه بس لية حاس ... انه اختي ما راح ترتاح معه ...شيء مضايقني في صدري الله يستر بس والله ... لتجي تشتكي منه ... ليشوف شيء ما يسره ابدا .... تحرك بـ يصعد فوق الا سمع صوتها في المطبخ ... اتجه المطبخ ... شافها ... جالسه تشرح ل سوما ... ابتسم ... هـ مجنونه ..صعب ترضى الله يعين قلبتس ي أنس ... تحرك متجه لها ..قرب عندهم :ساره ساره لتفت له شافت قريب منها بالحيل ارتاعت: نعم وش عندتس جاي هنا أنس سحبها معه: اتركي اللي في يدتس تعالي معي ابغاتس .. ساره ... حطت شريحة ... سمبوسه ... اخذها معه لـ شقتهم دخلوا شقه سكر الباب وراهم ساره جلست كتفت يدينها . تناظر أي شيء الا هو تحس بالقهر منه ... دام يبغى بنت خالته... ليه ما اخذها وفكني من هـ المشاكل كلها أنس جلس جنبها لالا زعلها كايد : افا حبيبة أنس زعلانه ... ترى نمزح معك ، انا ما شوف غيرك ولا فكر اصلاَ احد عند هـ القمر ويفكر يناظر غيرها .. ساره تناظره بنص عين : لا صدز واضح ... ودليل انتس عارف من هي بنت خالتتس اللي ما تزوجت للحين شوف اذا تبغاها ... تزوجها ... بس قبلها طلقني . عادي عندي تبغى تسافر بحالتس سافر مو مشكله بس انت شكلتس نيتك شيء الثاني .. قامت توها بتمشي مسكها انس أنس بهدوء : ي بنت الحلال خلاص ما عاد امزح بـهــ سالفه واصلاً مستحيل اسافر من دونتس ... وبعد بنت خالتي متزوجه ارتحتِ الحين ... انتِ ما تعرفيني أني كل امزح معك ياربي ... زعلتس صعب ساره دموعها تجمعوا في عيونها: انت كل شيء عندتس المزح ... ترى اللي يقول مزحة وراءها حقيقة ... نزلت دموعها ... والله ي انس ان تسانتس تبغاها تزوجها بس لا تجرحني تقول ... بتزوج عليتس ... ترى تعور بـ الحيل حتى لو مزحة أنس تنهد :اسف وحقك علي ... ولتس اللي يرضيتس لو انه غالي يرخص لتس ...قرب منها مسح دموعها باس جبينها ساره تأخذ نفس : اسمع تبغى ارضى عليتس لا عاد تمزح معي تسذا سامع ... أنس ابتسم : ان شاء الله ... لتس اللي يرضيتس ي قلبي ...تدرين همس في اذانها أني احبتس * * * * ام محمد جالسه في الحديقة ... تتقهوى مع عيالها ... مستأنسة بـ الحيل .. انه انقلعت عنها امل يزين راحه وهي مو هنا ... وأخيرا ي بنت سورية انقلعتِ عني ...بنتي شيخة للحين ما تدري عنها ....الله يستر اذا درت بـ تسوي لي سالفة ما دري وش تحب فيها ... من زينها اللي عيونها عيون القطوه تخرع ...ايه صح لازم ارمي اغراضها كله في الغرفة اللي تحت ما راح اخلي لها شيء عندي انا برميهم تحت بعدين اتخلص منهم ... ما بغى ترجع لي مرة الثانية .. بكلم ام اياد ما دري وش اسمها بقول لها لا عاد ترجع عندي مرت ولدك ولا اشوفها هههه احسن الحل أبو عمر له أيام حزين ع فراق بنت اخوه الله يسعدك وانا عمك شاف امه سرحان وش عندها خليني اسالها: يمه وش فيك تهوجسين كثير هـ الأيام ام محمد :ما فيني شيء ..لا تخاف علي انا بخير ... الا بسالك ...تعرف ابغى اطمن ... بنت اخوك خلاص صارت رسمي. زوجة زياد .. أبو عمر : كم مرة تسأليني هـ السؤال ليه خايفة تجي عندك .. لا تخافين تزوجها ... وراح يضمن حقها ... ما يضيع ... ولا تجي عندك يمه .. أبو ماهر انتبه الكلام اخوه : ليه وش فيها بنت اخوي سلطان صاير لها شيء أبو عمر بسخرية ما لحظه : أنت تدري عن شيء ... ما تدري الا عن نفسك وعيالك ... بس الحمد لله ي اخوي انك .. تحبها ما صارت مثل امي تكرهها الى درجة خلت ولدي ينزل لي راسي ... تخيل شفته جالس يضربها وامي ساكته له أبو ماهر بضيقة هو صدق بعيد عنهم يتجنب المشاكل مع امه: لا حول ولا قوة الا بالله وش هـ الكلام يمه ... بنت ولدك هذي تسوين فيها كذا خافي الله ي امي كيف توقفين أمام الله ام محمد بعصبية : لا قوموا ضربوني بعد صدق ما عرفت اربي ... انقلعوا عني اذا هذي سالفتكم بنت سوريه والله انها ساحرتكم ...مو شيء بعيد عنها تسويه .. أبو ماهر قام : انا اصلاُ ما حب اجي عندك يمه الا عشان سلم عليك وطلع ... وبس ... انتِ الله يهديك ظلمتي بنت ولدك وانتِ راح تكوني مسؤوله عنها اليوم القيامة انا برئي من افعالك لا تلومني ي أخوي انا ابتعد عن المشاكل ... بس تكفى اعطني رقم زوجها قام أبو عمر متضايقة من تصرفات امه : اخليك يمه ... اهم شيء تطمنت عليك ... انا ما لومك ي أبو ماهر بس اسال عن بنت اخوك ... سلام عليكم ... طلعوا الاثنين مع بعض عند الباب ...ي أبو ماهر رسلت لك رقم زياد... لا تقطعها ع اقل اتصال وانا اخوك أبو ماهر : ان شاء الله وانا اخوك ... الله يسعدها ويعوضها عن الأيام اللي عاشتها مع امي .. أبو عمر : امين ... يلا وانا اخوك بروح البيت اريح بعدين اروح عند الحلال ..سلام عليكم .. أبو ماهر : وعليكم السلام ... كل واحد راح في طريقة ويفكرون في امهم ليه تكرهها كذا وش هـ التفكير الخبيث عشان تخلص من بنت ولدها ام محمد قامت تعكز بعصاتها : أي والله العيال أخر الزمن ... يجون يعلموني في أصول التربية بعد ... خليهم يولون عنك بس ... خليني اروح اشوف الخدامة وش تسوي لازم ... ارمي أغراضها ... دخلت داخل وهي تنادي ماري و صمخ الكلاب ماري جات تركض خايفة من ام محمد : يس مدام .. ام محمد بحده: انا كم مرة اناديك تجين لي بسرعه تتركين اللي في يدك سامعه ماري : جين ماما الحين انت وش يبغى مني .. ام محمد : اسمعي هذا غرفة ماما امل ... كل شيء فيها نزل الغرفة تحت زين ... ابغى الغرفة فاضيه ما فيه ولا شيء زين ماري انصدمت ... ايش هذا ماما ما في حب بنت هو : زين ماما بس شوي يودي تحت مو كله اليوم ام محمد : ايه اهم شيء ترتبين الغرفة ... مو مشكلة اشتغلي فيها كل اليوم ماري : جين ماما .... ام محمد ... شر و فتكيت منها ... الله لا يردها ... المهم اذا صار لها شيء مع زوجها مات ... تطلقت ترجع تشوف المكان مو مرحب فيها ... أحسن شيء سويته خليني اريح شوي قبل اذان ... الظهر * * * * الجوهره دوامت اليوم وهي تعبانة .... مقهورة بالحيل داخلها مكسور ... ليه هي بذات يصير معها كذا ... الله يسامحك ي أبوي ليتك ... فكرت شوي قبل تعرض علي الزواج من ولدك ...ما تدرين انه ذلني ذل ... الى درجة يشوه سمعتي ... الله لا يسامحه ان شاء الله اشوف فيه اليوم ... تحس الغصة واقفه في حلقها... ودها ما دوامت اليوم ... بس ما تقدر ... لأنه ان جلست في البيت بـ تهوجس كثير... بـ اللي صار اليوم حسبي الله ونعم الوكيل .. مو عارفة تشتغل ... مشكله هـ الملف اللي قدامها لازم .. تدقق فيه ..بالحيل بقي اليوم وسلم .. الملف ...المناقصة . لازم ترسي علي عشان ... ابدا اسوي تصميم الجديدة ... الله يأخذك ي سعد استغفر الله ... في لحظة قطع عليها سرحان ... طق الباب .... الجوهره ... تعدل .. العباية بسرعه ... و الغطاء .عشان يمكن اللي وراء الباب يكون الرجال ..تعدلت في جلستها: تفضل دخل سامي .وخل الباب مفتوح .. وهو رئيس قسم الرجال : السلام عليكم الجوهره بصوت واطي : وعليكم السلام ... هلا أ سامي .. وش عندك سامي قرب من طاوله : أستاذة ... هذي ملفات تحتاج توقعيك ... لازم ارويك وين توقعين عليها الجوهره : طيب ... اعطني هـ الملفات وانا بشوفهم بـ اول تعرفني أكون حريصة اني اقراء الملف بعدين أوقع ... سامي باحترام : طيب ... حط الملفات ع مكتبها ..تأمرين بشيء استاذة. توه ... بـ يطلع الا دخل سعد وهو موجود في مكتبها الجوهره وش جاب هنا بعد ناقصتك انا عشان تكمل علي هنا سوّي حالك ما تشوفينه : لا أ سامي ...شكر روح شوف شغلك ... الملفات بس اخلص منهم بكلمك ترويني وين أوقع سعد يخز سامي بنظرات احتقر سامي طنشه وطلع من مكتب .. الجوهره وخل الباب مفتوح ... سعد وده يقوم يضربه ويكسر له اسنانه مع هـ الابتسامة ..تقول اعلان الجوهره جالسه تقرأ الملف المناقصة ولا كانه موجود معها بتركيز بعد سعد حط رجل ع رجل : أقول ي أ الجوهره .. اتركي اللي في يدك واسمعيني ... الجوهره أرفعت عيونها عن الملف : نعم ي أ سعد وش تبغى جاي هنا انت شكلك ... راعي طويله وانا مو مثلك ... اسمع انا مو خايفة منك ولا راح اسكت عن اللي صار سامع سعد تضايق .. وهو عشان كذا جاء ... لازم يسكر فمها البنت مستقويه صفق لها بيده : ما شاء الله لا طلع لك لسنان ..ي جويج ... انا سعد ... اللي ما تطولين بيدك طوليه برجلك ... ما عندي شيء أخاف منه المهم انا جيت بأخذ شركتك هذي ما راح تشتغلين فيها لا بعد جالسه بين الرجاجيل ...صدق ما تستحين الجوهره طفشت منه مسوي فيه الرجال : اول شيء انا الجوهره محد يهددني ... الثاني شيء هـ الشركة ... شركتي بـ حالي الثالث شيء قوم أطلع برا لا انادي عليك الحراس يرمونك برا ترى عادي اسويه انا ما عندي شيء اخسره سعد انقهر وده يضربها الى ان تقول بس ... ايه ... طلقتها قامت تستقوي عليك معليه أحسابك كبر ي هانم : راح اطلع ... بس صدقين اليوم العصر ... راح تسمعين كلامي وغصبن عنك ما راح ترجعين لشركة مرة الثانية... شوفي لبوتيك حلال عليك بس هـ شركة ما راح تدومين فيها وقولي سعد ما قال ... الجوهره بحقد و بـ أصرخ : اطلع برا ... ترى مين فاكر نفسك .. يلا برا في ها لحظه ... جاء الحارس الحارس : لو سمحت اطلع بدون شوشره... لا تخليني اطر اسحبك برا سعد كور يده : هين .. ي زفت ... انا ارويك ... انا سعد ما راح ارحمك ورح تشوفين سعد طلع من مكتبها ... بعد ما طالع الكل جالس يتكلم في جوهره وحده من بنات بحقد عليها: هذي شكلها ... ما تستحي ع وجهها لا بعد هذا طلقها ليش جاء وراءها الا اكيد هي تلحقها حمد لله وشكر ... خايفة محد يتزوجها قلت يلا أحاول ارجع لـ زوجي ترى نعرف حنا هـ الحركات انه يجي الشركة يشوفها يتهوش وياها وين حنا فيه ماريا : أقول كل يرى الناس بعين طبعه ... خليك في نفسك مالك شغل في احد ولا ... راح تشوفين شيء ما يسرك ابدا .. وحمدي ربك انه أستاذة الجوهره وظفتك عندها وانتِ ما عندك مؤهلات البنت سكتت بعد كلام ماريا جالسه تأكل في نفسها ... منى جايه من برا ... متأخرة ع دوام شافت هـ التجمع وش صاير : أقول بنات .. كل وحده ع شغلها ...ليش تاركين شغلكم وجالسين تتكلمون يلا اشوف البنات تحركوا ... كل وحده راحت ... لشغلها .. وهم عارفين منى وش تسوي لهم .. وخاصه انها قريبه من المديرة ورئيسة قسم البنات مني اكيد الجوهره فيها شيء لازم اروح اشوفها .. هي لما كنت بتدخل شاف سعد طالع من الشركة اكيد هو سبب تحركت متجها لمكتب الجوهره طقت الباب ودخلت بدون لا تقول لها تفضلي منى شافت الجوهره منسدحة متضايقة بالحيل ... ياربي وش صاير معها .. لازم اسكر الباب بالمفتاح الجوهره سمعت تقفيل الباب خافت رافعت راسها من ع طاولة ارتاحت لما شافتها منى : هذا انتِ خرعتني منى قربت عند كرسي وجلست شافت وجها الجوهره احمر واضح انها تبغى تبكي مو قادره : جويج تكلمي قولي لي وش فيك الجوهره تتكلم وصوتها فيها البكيه مو عارفه ليه دموعها تعاندها: وش أقول لك وش احكي ... انا خلاص تعبت من حياتي وسبب زفت اللي اسمه سعد منى قامت من مكانها ... قربت من الجوهره : قومي خليني نجلس ع كنبه هناك ... الجوهره قامت معها ... جلست ع كنب ... منى اتجهت ثلاجة اخذت علبة مويه مدت لها: الجوهره .. بسالك انا وانتِ كم لنا سنه مع بعض ونعرف بعض الجوهره اخذت منها ..المويه.أشربت رشفة : لنا سنوات مو سنة او سنتين .. ليه هـ السؤال الحين منى : لأنك ي حلوه ... من تزوجتي ... مجنون ليلي هههههه اقصد سعد ... صارت ما عرفك للأسف... صارتي ما تقولين لي شيء الجوهره بغصة : ي حبيبتي ... ليش اثقل عليك ... ترى كلنا عندنا الهموم و المشاكل ما تخلص ... بس كل شيء له طاقة وانا نفذت طاقتي .. منى : مالك عذر أصلا المفروض تحكين لي مو تسكتين وتكتمين في قلبك ترى يجيب لك المرض والقهر الجوهره تنهدت : بقول لك ... كل اللي صار لي عشان تكونين بعد شاهده معي ... اسمعي * * * أبو فيصل طلعوا من الفندق أخذو اغراضهم ... تنهد طلبت منه يوديها البيت أهلها لازم تسلم عليهم تعطيهم الفستان يرجعون المحل وده ع طول المطار بس لازم ... يخليها تسلم عليهم يمكن ما ينزلون الرياض الا بعد شهر شهرين الله العالم الوحد ما يضمن عمره ...اركبوا السيارة متجهين البيت أهلها .... تحرك مبتعد عن الفندق نجلا ... تفكر فيه غريب هـ الرجال غريبه تصرفاته بعد انا مستغربه من شيء اللي هو أني ما سمعت صوته كل كلامه معي ع واتس اب فقط حتى اذا احد دق عليه ما يرد يكلم بالواتس .. ليكون... اصم لالالا اذاكر حوريه تسلمته ... تضايقت لما وصل تفكيرها انه ما يبغاها تسمع صوته من زين صوتك الحين انا اللي ميته عليتس بس الحق ينقال عليه جمال بس الخلاق زفت ... تنهدت بصوت عالي ... أبو فيصل استغرب وش فيها هذي ... كانه احد مضايقة ... يمكن انا ... مضايقها كان عندها فرصة ... ليش م ارفضت غريبة الاطوار والله لو غيرها يعاملها زوجها نفس معاملتي لها كان طلبت طلاق ولا جلست دقيقه وحده .... وصلوا بيت أهلها رسل لها واتس اب "خمس دقايق تسلمين وتعطين اهلك اغراضك اللي تبغين ترجعينهم سامعه " دق رنة ع الواتس عشان تنتبه له نجلا ارتاعت من صوت جوالها لأنه سرحانه ابتسم ع روعتها طلعت جوالها شافت رساله منه ... اخذت نفس "طيب " نزلت من السيارة ... فتح لها الباب الثاني لأنه مقفل .. اخذت الفستان ....سكرت الباب بهدوء دخلت البيت اهلها...وهو نزل لازم يجامل ع اقل ... ما يبغاهم يحسون بشيء نزل بعدها ... طق الباب الرجال .. أبو أنس : ي أنس روح شوف مين عند الباب خله يدخل أنس قام : سم يبه ابشر ... تحرك ... جاك ي اللي عند الباب فتح الباب شاف نسيبه تضايق شوفته تضايقه ما يدري ليه وش سبب هـ الضيقة لما يشوف الله اعلم حياك تفضل أبو فيصل استغرب مين هذا ...وش يقرب ل زوجتي حاس انه كارهني ليكون شاك بشيء : الله يحيك ... عمي حمد هنا أنس بهدوء: ايه تفضل ... مشى وأبو فيصل لحقة دخلوا المجلس أبو انس شافه فز له يرحب فيه ترحيب حار : ي هلا وغلا ب ولدي وش لونتس عساتس طيب ... بشرني عنتس أبو فيصل أنحرج بترحيبه باسه ع خشم: الحمد لله طيب طاب حالك وحالي يسرك ان شاء الله أبو أنس : تفضل ي ولدي ليش واقف ... تقهوى عندنا وتعشى ويعين من الله خير أبو فيصل : اسمح لي ي عمي ما قدر اجلس بس جيت اسلم عليك وامشي لأنه طيارتنا بعد الساعة أنس يرقب الوضع ... وهو ساكت ... ايه صح دامه ذكر طيارتنا يعني اختي هنا ... طلع من المجلس بسرعه لازم يشوفها ... وقف عند الباب الصالة : يمه عندتس احد ... ادخل عادي أم حمد : تعال ي ولدي ... ما في احد غير خواتس وامتس ... أنس مشتاق لها بالحيل ساعات قليل بس ....واشتاق لها لو ما يشوفها أيام كيف يصبر ع بعدها دخل وهو يرحب فيها قرب منها وباس جبينها : ي هلا وي مرحبا ب نجول ... كيفتس وانا اخوتس طمنيني عنتس نجلا ابتسمت له: هلا فيتس زود الحمد لله طيبه دامكم طيبين .. زين أني شفتك ي الغلا ... المهم لازم امشي الحين ... اسمعي ي سارة لازم اليوم ترجعين الفستان سامعه سارة دموعها في عيونها بس تحاول تمسك نفسها: ان شاء الله .. ام أنس : لا تخافين انتِ بس ... انتبهي ع حالتس واسمعي كلام زوجتس لا تخليني يتكلم في تربيتي نجلا بضيقة : ان شاء الله يمه ؛ سلموا ع سعود... يلا لازم امشي عدلت عبايتها ... سلام عليكم ... طلعت برا ....شافت ابوها اتجهت له سلمت ع راسه اشوفتس ع خير ي ابوي أبو أنس بحزن يدري انه بنت زعلانه منه والله راح تعرفين معزتك عندي .. بعد ما تعاشرين زوجتس باس حبينها : الله يحفظكم انتبه ي أبو فيصل وانت تسوق أبو فيصل ابتسم ع حب ابوها لها مو شيء غريب بس الغريب انه عرضها اشر ع عيونه ...يلا فمان الله ....طلع ولحقته ... ركبوا السيارة طلع الجوال من جيبه رسال رسالة واتس اب حق المدير اعماله يتأكد طائرة الخاصة وصلت ولالا رد عليه "ايه وصلت وكابتن ينتظركم" تحرك مبتعد عن بيت أهلها متجه المطار اشتاق لـ شرقية وخوياه يشين البعد عنهم .... اول ما أوصل هناك اروح لهم ع طول ... راح اوصلها شقة بعدها ... اروح لهم ... الحين انت كيف بتعامل معها ما دري بس الله يسهل كل شيء....وصل المطار ...طفى السيارة نزل بدون لا يكلف ع نفسه يقولها نزلي .... نجلا شكلي راح اتعب معك ... ي زوجي العزيز نزلت ولحقته ..ابتعد عنها بخطوات خافت لازم تلحقه ... انتبهت له انه واقف يكلم شخص ... خايفة تضيع ... أبو فيصل : اسمع روح جيب اغراضي اللي في سيارة وشحن السيارة في طائره الموظف : تامر طال عمرك ... اهم شيء راحتك ... أبو فيصل ابتسم له: الحمد لله مرتاح الله يعطيك العافية ... جيبهم عند طائرتي الخاصة ... تحرك متأكد انه بـ تلحقه ... مشى طالع من المطار متجه الطيارة نجلا والله ... هـ الحركات حركات بزر هو مو واضح عليه كبير ي نجلا كم تعطينه ... يعني 29 ممم 28 يعني كبري مدري المهم .. خليني احلق عليه قبل لا اضيع ... وصلوا عند طيارة ...صعد وصعدت وراء ... حطو اغراضه ... كابتن طيارة يعلن لهم بعد خمس دقايق بـ تقلع طيارة ..... & & & & زياد رجع البيت ... بعد ما خلص شغله تعبان بالحيل وخاصه قضية مازن للحين ... طلال ... ما حصل ولا دليل يثبت براءته مشكله هو ساكت ... الله يعني عليك ي مازن ... لأني حسيت ... انه ما يبغى يتكلم وراضي بحكم اللي يصدرونه له يعني هو مستسلم .. يارب دخل الصالة توه بيصعد فوق الا انتبه في حرمه جالسه في الصالة جميله ما شاء الله تبارك الله استغفر الله العظيم وش جالس تقول ي زياد .. غض البصر مين جاي في هـ الوقت صدق الناس فاضية الحين وقت راحه ترجع وراء ... يارب مسك عصاته تسند ع الجدر اخذ جواله من جيبه دق ع امه يبغى يمر يدخل ردت عليه بعد ثواني ..: هلا يمه .. انتِ وينك مين في الصالة ام اياد مستغربه سؤال ولدها : ما فيه احد الا ... أمل وانا بس ..انت وبنك زياد انصدم ..أخذ نفسه يهدي من حاله : انا عند الباب الصالة دخلت وشفتها ع عبالي ... حرمة ... طيب الحين ادخل ... يلا يمه بسكر ام اياد : طيب ... سكرت منه ... لتفت لـ أمل ابتسمت لها ...أمل يمه أمل كنت تشوف تلفزيون : هلا يمه ... أمري .. ام اياد : ما يأمر عليك عدو وانا امك ... ابغى اسوي لك حفله أنتِ وزياد طلبت لا ترديني أنا ادري أمس كنتي تسكتين. أمل بهدوء واحترام ... لـ أم اياد : يمه تكفين .. ما بغى هـ الشيء انا تزوجت وهو تزوج يعني مو اول مرة ... ماله داعي هـ الحفل دخل زياد ع كلامها ... جلس عند اقرب كنبه ... ينظرها كيف تكلم مع امه ... ايه ... شيء اكيد ما تبغى ايش من طرف زياد ... ي ولد الحلال خلها عنك بس ... سوت حفله ولا ما سوت ... كل هـ الاشياء مظاهره ... اخليني أقوم بس اشوف ولدي توه بيقوم الا اياد نزل اياد يبتسم ل ابوه ...قرب منه وباس راسه ... كل هذ تحت نظرات أمل اياد جلس جنب ابوه ... وهو حط راسه ع كتف : يبه بسالك اخذت الابرة زياد : مممممم بعد شوي... تعرف لازم أكل المهم انت وش سويت ... في المدرسة اياد : تدرين اني كرهه دراسة ... بس برد عليك وقول لك الحمد لله متفوق في دراستي زياد يمسح عيونه من تعب : ي حبيبي لازم ... تدرس كيف بتصير ... شيء مهم في المجتمع اياد يفكر : أصلا انا بصير ضابط الشرطة ليه أتعب عمري ودرس أمل تنظره ... لو ولدي حي يمكن فكر نفس تفكير اياد ... الله يرحمه ويجعل شفيع لي ل ابوه .. ام اياد : لا لا ما فيه ... ي اياد ادرس ... وصير شيء الثاني غير الشرطة ما راح اخليك تدخلها ... كافي علي اياد الله يرحمه تبغى تصير زيه اياد قام من جنب ابوه راح جلس عند جدتها ... وحضنها: لالا خلاص ... بفكر بشغله الثاني بس لا تزعلين ولا تحزني يلا يمه اضحكي ام اياد ابتسمت له : الله يرضى عليك ... ما راح ازعل بس شيل فكرة هـ شغله من راسك أمل تحس بالحزن ... الله يرحمك ي اياد ... شغلتك صارت راعب لخالتي ... أتمنيت أنك ما مت... بس كل شيء مكتوب .. قامت متضايقة .... تبغى تجلس مع نفسها شوي ...: يمه ما عليك امر ممكن اخذ جوالك اكلم خويتي شوي ام ياد : أي يمه جوالي حلالك ... اخذيه .. امل ابتسمت : مشكوره يمه ... اخذت الجوال اتجهت المطبخ كل هذا تحت نظرات ... زياد وده يكلمها شوي ... لازم يفهمها وضعها معه .... بس ما يبغى يلحقها الحين يصبر .. الى ان يقومون .. امه واياد اياد بشطآنه قام لحقها بدون لاحد ينتبه له دخل وراءها المطبخ .. امل دقت ع رايف بس المشكلة ما ترد ع رقم غريب : ياربي منها خليني ادق عليها الى ان ترد اياد : هي انتِ جالسه تلعبين بجوال .. جدتي ايه لو انه بفلوسك ما سويتي كذا أمل : انت تكلمني ... انا اياد يلتفت : ليه في بنت غيرك هنا ..أكيد اكلمك انت ... الا تعالي وش تبغين أناديك خالتي ولا عمتي ولا مرت ابوي امممم ما راح اسميك خالتي لأنه شكلك صغير عمتي ما يصلح حق نفسي اناديك عمتي وانا أصلا ما عندي ولا عمه امممم بناديك مرت ابوي احسن وافخم عليك زياد كان وقف عند الباب ضحك بصوت عالي ع ولده اياد انتبه لوجود ابوه : دوم ي الغالي هـ الضحكة زياد سند جسمه ع الباب المطبخ ابتسم لـ اياد ما رد عليه أمل تنظرهم .... طفشت منهم اجلست ع كرسي : استغفر الله العلي العظيم اياد : ليه تستغفرين ما سوي شيء غلط انا أمل بقلة الصبر : ليه أنت ما شفت احد يستغفر اياد يفكر : لا اشوف كثير مممم جدتي وجدي بعد يستغفرون بس زياد طلع وتركهم ... يتناقشون ابتسم محد راح ...يعرف لك الا ولدي ... زياد ... خلها تتأقلم ع الوضع بعدين أتكلم معها .. اتجه الفوق بيروح يريح وينام ... أمل لما شافت زياد طلع لازم اسال اياد عن أمه اكيد زيادوه ... اخذ من امه ما ستبعد هـ الشيء : بـ سألك انت امك وينها عنك ليه ما اخذتك معها اياد بحزن وضيقه تنهد : ماتت مع اللي ماتوا ... طلع من المطبخ حزين ... راح يركض فوق ذكرت بشيء يحاول ينسى بس فيه مين يرجع يذكره بـهـ الشيء أمل تضايقت : ياربي وش سويت انا ...طفل ما قدر يتحمل الفقد الفقد شيء شين , اروح اسال عن أمه طيب أنتِ ما تدرين ..ايش عن أمه الله يرحمها .... الله يصبر قلبك ي اياد اياد ... صعد فوق تذكر ابوه ما اخذ ابرة سكر لازم يذكر فيها تحرك ... متجه الغرفة ابوه زياد منسدح ع السرير : تعال وانا ابوك ادخل ... اياد دخل عيون حمرا من البكي زياد انتبه لعيونه حمرا خاف عليه: وش فيك صاير معك شيء ليه عيون كذا انت باكي اياد بكذبه :ايه ... لأنه جدي وجدتي يقول لي اذا جاء لك اخو او اخت ابوك بـ ينساك زياد يضحك : تعال ... ما راح يأخذون غلاك وانت ولدي الكبير وانا احبك مستحيل تتغير هـ المحبة صحيح يمكن احبهم بس أنت غير عندي اياد قرب من ابوه جلس جنب ع السرير : توعدني زياد : اوعدك أنت صاير بس تزعل ع أسباب بايخة اياد يحضن ابوه : ما بي احد يأخذك مني حتى مرتك زياد تنهد : لا تخاف ... ما حد راح يأخذني منك ... انا كلي لك .. اياد ابتسم : طيب ... انا اليوم بنام عندك .... مشتاق لك بالحيل زياد : تعال.... اياد راح الجهة الثانية ... ودخل الفرش و انسدح جنب ابوه و حضنه ... * * * * مكان اخر شاعر المظلوم جالس ... في مكان عمله ...يفكر ... كم له وهو ساكن بـ حاله ... اشتاق ... لجمعه لـ اهل ...يحس نفسه منبوذ ... لو انه ... ظل وجلس عندهم ... يمكن يظلمونه أكثر من كذا... اخ ي أخوي انا مشتاق لك بالحيل ... كيف حالك من دوني ... اشتقت لي ولا لا تحس فيني ..ليت بس اقدر اشوفك ... يمكن انا قسيت ع نفسي بس البعد الحل مناسب خاصه أني غير مرغوب الى درجة ... أني حرموني من الورث بدون سبب حتى حضن امي محروم منه ... انا لازم انتقم أكثر لازم اشفي غليل فيهم بس كيف ... ي شاعر .. مدري بس لازم .. اشوف لي طريقة ... لازم احرق قلبها يمكن تحس وتحن ويرجع عقلها لصوابه ضحك هههههههههه اشك بـهـ شيء لو تموت ما أهتمت فيك انتبه ل الجوال نغمة واتس اب ابتسم ... " اشتقت لكم .... اليوم راح .. أكون متواجد عندك انتظرني " مهبول والله ههههههههههههههههههههه رد عليه " حتى انا" .. انتبه ..ع جواله الثاني . لرساله.. فتحها " لا تنسى اليوم عندك امسية شعرية" رد عليه " أكيد راح أجي ومعي شعري ...راح تعجبك الحلقة ... " " أكيد راح تعجبني دام الضيف مميز مثلك .. بـ تنجح الحلقة حتى لو ما ألقيت شعرك .... تعرف لك جمهور" رد عليه بثقة " مشكور ع كلامك طيب ... المهم متى تبغاني أكون متواجد في الحلقة ... " " العفو .... الساعة.. 4 العصر تكون متواجد في القناة ...4:30 يبدا البرنامج " " ايه خلاص انا عندكم ان شاء الله ... اخليك بخلص شغلي " " حياك الله في انتظرك " لازم أخلص شغلي واكون ... هناك انا دقيق في مواعيدي ...ما احب اتأخر ايه لازم تحرك من الحين ...قام اخذ المفتاح السيارة واخذ جولاته معه ...طلع ...بسرعه ... لازم يوصل عند صديق ... مشكله اذا تأخر ....الوضع عندي متلخبط الله يعين ... * * * أبو فيصل وصل الشرقية ... وأخيرا ... الحمد لله وصلت بسلامة ... نزل من طيارة هو ونجلا ... الحراس يلحقونهم ... بـ الأغراض ... وطلعوا السيارة ..... لازم يروح شقة بسرعه ... عشان ينزلها وبروح لـ اخوياه ... ياربي بس يوم اشتقت لهم ولا أقول هروب من الواقع ما تبغى تجلس معها ..صح هذا الحقيقة ... قربوا له السيارة ...ركبوا ... سائق ركب ..حرك متجه الشقة ... جلس ينظرها ... وهو يدري وعارف انها يمكن انكسر خاطرها وتقول وش ه الرجال ...ذه ... ليه يعاملني كذا ما قدر أكون طبيعي معها وانا أحب غيرها وحتى لو حبيت و ادري حبيبتي خاينة بس هذا القلب ... اذا حبيت أخلصت ... معليه كم شهر وترجعين لـ اهلك ...بعد ساعه وصلوا الشقة ... نزل ... ونزلت وراءه ... دخل العمار ... الدور لأول .. شقته .. هو قاصد يختار دور الأرضي ما يبغى يصعد سلالم لأنه هـ العمارة ما فيه ..مصعد ودخلت وراءه ... حطوا أغراضهم عند الباب ...اشر على سائق بيده خلاص روح فتح الباب بالمفتاح ... خله مفتوح اشر لها تدخل ... نجلا دخلت ...تناظر شقة حستها فخمه بس حست بالخوف من لحظت دخولها يارب سهل علي حياتي؛ خلاص هي تعبانة حدها ودها تنام ... شيء يكسر الظهر انك غير مرغوب فيتس وش اسوي ... اذا تمت حالتنا تسذا لازم كل واحد يروح في طريقه قبل لا يصير شيء وتتغير المشاعر .... جلست عند اقرب كنبه ... تبغى تشوف وش يقول له أكيد بـ يعطيها أوامر ... أبو فيصل .. خلص من الأغراض ... جلس ع كنب مقابله هذي ما تتعب وهي لبس العباية ... ما شفت وجهها الا يوم العرس بس حتى ما ذكر كيف شكلها ما علي منها المهم اخليني ارسل لها وش مطلوب منها اخذ جوال فتح الواتس اب " اسمعي ... الغرفة اللي جنب الحمام غرفتك ولا تدخلين الغرف اللي هنا ي ويلك مني سامعه .. بس هذا اللي ابغى منك سوي اللي تبغينه بس الغرف الثانية لا تقربين منهم يلا انا طالع " سكر جواله مو مهم وش ترد عليه المهم تسمع كلامه وبس قام حط المفتاح شقة ع طاولة .... طالع تركها سكر الباب وراءه نجلا قامت فصخت عبايتها ...: معليه ي بنت تحمليه هـ الأيام مارده بـ يتغير لا عرف معدنتس اصبري مالتس الا الصبر .. تحركت تشوف الغرفة اللي قال لها عنها...راحت الممر شافت الغرفة جنب الحمام وباقي الغرف بعيد عن غرفتها ... استغربت بس ما أهتمت ... دخلت الغرفة قليله فيها كلمة تجنن رمت حالها ع السرير تبغى تنام بس ....خخخخخخخخ قامت دورت ع ريموت تكيف شغلته ونسدحت الى ان تنام % % % % نيشان وصل من العمل ... تعبان حده شاف ركان وأبو فيصل... وقفين عند الباب بيتهم مجنون وربي تارك الحرمة بـ لحالها وش يفكر فيه هذ والله لو انا متزوج ما يشوفون وجه الا بعد أسبوعين او شهر هههههههههه نزل من سيارة انتبه ع ... اخته معها بنات يتهوشون وش سالفه ... الله يعيني عليك ي أنمار كل اليوم لك سالفة خليني اشوف وش سالفتهم هـ خبلان ذولا قطعوا شعورهم وهم يتهوشون و الأخت جالسه تتفرج عليهم والله انها هبله هههههه قرب منهم فكهم : هيه انتِ وياه ... وش هـ الخبل ذه وانتِ ي ست أنمار اعجبك الوضع .. وانت ي راكان والاخ اللي جنبك اعجبكم اللي جالسين تشوفنه راكان يضحك : والله بالحيل وخاصة أني نشرتها في السناب وشوف تعليقات بس أبو فيصل بدون اهتمام : وش دخلني فيهم ... لو يفلعون بعض .. أنمار بـ انزعج : انا وش اسوي فيهم ... ما شفت اخبل منهم .. ولا لي دخل فيهم نيشان : ابغى اعرف الحين انتوا وش عليه تتهوشون ان شاء الله هديل دموع ع خدها: انت سبب ترى نيشان انصدم : نعم خير ان شاء الله انا وش دخلني فيكم ولا اعرفكم بعد أي والله أسيل كشتها طايرة وشكلها يضحك : يلا انت الحين تقول لنا مين تحب انا ولا هي راكان مات ضحك ع شكلها : لالالا لازم اخذ صور لك ... التقط لها صور ...وكتب عليها" هههههه وش رايكم في كشتها حلو صح ههههههه" نيشان عصب ع راكان : وانت الثاني حياتك كل تصوير ... زين بعد ما تصور ام بنتك أبو فيصل جالس ع جوال يراقب الوضع بصامت ... هديل بعصبية : قلت لك يحبني انا ... وبتشوفين أسيل تقهرها: أصلا يحبني انا انت يحبك زي اخته أنمار! تحرك لها حواجبها تقهرها أبو فيصل لما عرف سبب خلاص مات ضحك : احلى طلع لك معجبات بعد ههههههههههه يلا اختار وحده منهم نيشان عصب : هيه انت الثاني أي والله لك أعين تتكلم بعد خليك ساكت بس انا ...راح اعلمك ... شغلك بعدين ... انتوا ...يسلك لهم احبكم مثل اختي وبس ... ومرة الثانية انا شفتكم تتهوشون ... اختي ما تمشي معكم سامعين أي والله هذا اللي ناقص بعد بنات اخر الزمن ... توه بـ يدخل البيت اسيل شوي وتبكي بعد كلامه: طيب انت مين تبي نيشان بـ قلة صبر : وش اللي ابي هديل : يعني تبي وحده منا يـ انا او اسيل عادي ما راح نزعل اذا أخترت وحده منا صح اسيل أسيل تهز راسها بـ ايه نيشان استغرب ما فهم عليهم وش سالفتهم ذولا : انتوا وش قصدكم ترى انا ما فهمت عليكم أنمار بطنازه ع صديقاتها : ي اخوي ي الحبيب ... من تبغى تزوج اسيل ولا هديل اختار وحده منهم خلينا نخلص من هـ المشكلة أقول لهم عندي اخوان احلى منك بس ما فيه فايدة ما يبغون الا انت هم ما شفوا وجهك وانت تجلس من النوم كان انصدموا نيشان طارت عيونه .... شاف أبو فيصل ركان ميتين ضحك راكان : هههههههههههههههههههههه حرام عليك تختار وحده خذ ثنتين احسن ههههههههههههه أبو فيصل دموعه نزلوا من كثر ضحك : ههههههههههههههههههههههه مين قدك ي بطل ... اخذهم و ربهم الى ان يصيرون شابات جميلات تصدق خوش فكره لا بعد انت بتصك الخمسين هم توهم شباب ههههههههههههههه راكان : خلاص والله بموت من ضحك عشان كذا واقفين لي في شارع يتهوشون ... ههههههههه نيشان ينظرهم بنص عين : مالت عليكم كلكم ... بعصبيه انتِ ي أنمار ... يلا ادخلي انتم يلا روحوا بيتكم ناقصكم انا ,أي والله ... صدق خبل أنتوا اخواتي وبس أسيل وهديل يحاولون يرتبون كشتهم ...خخخخخخخخخ ... زعلوا من كلامه ... تهوش ع الفاضي ... ما يفكر أصلا فيهم ... أنمار خافت من عصبية اخوها دخلت داخل البيت بسرعه .. راكان ..صور الظهر نيشان ...وكتب تعليق عليه " شفتوا هـ الشخص اللي معطني ظهره .. هـ البنتين ميت عليه ههههه يبون يتزوجونه وهو يتغلى عليهم هههههه اللي يبغى يشوف شكله ... يروح يبحث في قوقل .... عن باباي ترى يشبه بالحيل والله لو يدري وش كتب عنه يذبحني خخخخخ " صور سناب الثانية فيها البنتين بكشتهم ههههههه " الله يعينكم عليه خخخخخخ" أبو فيصل نزل سنابة واكتب فيها " اخ ي الزمن هـ البنتين طقوا بعض عشان هالجيكر.. يبكون بعد ولا جاب خبرهم ههههههه" نيشان : أقول ... امسحوا الصور لا اكسر جوالاتكم الحين أبو فيصل : أقول بس ... الحين انت ... قلت لي بـ تعشيني ..يلا ابغى أكل من أكل امك راكان : ي والله اليوم لازم نستانس ... نفل أمها ... نيشان : أقول طس انت وياه أي والله يفلونها بـ حسابي .. أقول روحوا لـ حريمكم يعشونكم ... وانت ي أستاذ اب فيصل .. جاي عندي وترك عروستك خبل انت أبو فيصل : أقول لا يكثر ... خليها تولي بس ... مو مهم عندي هي .. انا بعيش حياتي مثل ما بغى ... أقول وش رايكم نروح استراحة راكان : والله خوش فكره ... بس خلها وقت الثاني انا لازم ارجع البيت بدري لأنه بكره وراي رحلة ... أبو فيصل : أي صح نسيت .. خلاص الحين خلينا نتقهوى عند الحبيب نيشان ... تحرك داخل البيت... تركهم يتكلمون مع بعض سكر الباب وراءه تكلم من وراء الباب : أقول تقلعوا عند حريمكم ... وبذات انت ي اب فيصل ... لو راكان يسوي في اختك كذا ذبحته أبو فيصل : أقول ي زفت ... عاد من زين قهوتك ... بروح اتقهوى في كافي ... ايه بعد مرة الثانية لا تدخل في شيء ما يخصك زين ... تحرك متجه السيارة تجي مع راكون ولا لا راكان : ايه بجي ... اتجه السيارة ... ركب سكر الباب اسمع ي الحبيب كلام نيشان صح .. أبو فيصل : لا تخليني ارميك الحين ... من السيار ة كيفي انا حر اسوي بزوجتي اللي ابغاه أي والله راكان سكت لأنه عارف اخويه ... اذا تكلموا معه في هـ الموضوع ... ينقلب حاله 180 الدرجة $ $ $ $ سعد بعد ما طردته ... جويج من الشركة طلع معصب ... ناوي عليها ... تصبر علي والله ما راح ارحمها ... انا بس أمنيتي اشوف دموعها ما عمري شفت دمعتها ع خدها هـ البنت قلبها حجر طبيعي البنات اذا احد جرحهم تنزل دموعهم الا هذي قاسية ... وش ناوي تسوي ي سعد ...ممممممم لازم ادبها ..ما راح ترك الموضوع بـ الساهل كذا راح طلع عيونها ...دخلت البيت ويتمنى تكون هنا عشان يأدبها شاف امه وابوه ...واخوانه عادل وسيف وبنته جالس معه ...جلسين يطفشون فيها .وهي تبكي .. قرب منهم وهو معصب ... واخذ بنته : مرة الثانية ان شفتكم ما قربين منها ذبحتكم عادل : اول شيء وأنت دخل البيت سلم وتراك مو داخل ع هنود والثاني شيء ترى انا عمها ي الأخ عادي العب معها ... سيف : صح كلام عادل انت شفيك عصبي بالحيل .. سعد بدون نفس : أقول بس لا يكثر ... كيفي انا وبنتي ما بغكم تقربون منها وبس .. جلس جنب ابوه وبنته في حضنه عادل بهمس لـ سيف : حمد لله وشكر نفسيه افتكت منه جويج سيف : اسكت بس لا يقوم يذبحنا ... شوف شكله احد مصفقه ع ع وجهه ههههه عادل ضحك بصوت : ههههههههههههههههه الكل انتبه له شفيكم خويي قال لي نكته في الجوال بس سعد ما طافت عليه عارف يضحكون عليه بس هو ماله خلقهم أبو سعد ماسك لـ جواله ... يبغى يكلم الجوهره هـلـ بنت من طلعت من عندي صارت كلش قاطعه : ي هلا انتِ وينك فيه .. ما شفنك.. من طلعتي من عندي الجوهره .. بـ ابتسامه : سامحني ي ابوي ... تعرف .. اني مشغولة .. بـهـ الشركة والبوتيك ... ان شاء الله أجيكم قريب أبو سعد بعتب محب : أي واضح بـ تجين تركضين لنا من كثر ما انتِ مشتاقة لنا الجوهره تضحك: افا شكلك زعلان مني .. كل شيء ولا ازعلك وش رايك يبه اشوفك برا .. مو في البيت أبو سعد نسى وجود ولده : أنتِ ليه خايفة تجين هنا عشان سعد صح ي بنت ... ما عاد هو زوجك خلاص .. ما يقدر يسوي لك شيء الجوهره بضيقة تذكرت وش صار أمس واضح بالحيل : يبه افضل ما بغى اشوفه .. بـ المره ...انت اعطني خبر يكون هو مو موجود واجي عندكم أبو سعد متضايق بالحيل ... من سالفة انها جالسه بيت أهلها : طيب ي بنتي ...اهم شيء اشوفك يلا اخليك الحين الجوهره : حياك الله .. لا تزعل مني ي ابوي ان شاء الله تتعدل الظروف أبو سعد : الله يحيك .. ان شاء الله فمان الله ...سكر منها سعد لتفت لـ : وش عندها بنت اخوك تتكلم عني ...ليه انا وحش لـ هـ الدرجة تخاف مني ام سعد ترد عليه: أقول بس ... انت سكت كافي اللي سويته فيها اخذت بنتها من حضنها وطلقتها ظلم ... وانت ظلمتها بسالفة المها زوجتك الله يرحمها سعد بحرقة : يمه انا ولدك مو هي ... هي أقصاها بنت اختك انا اقرب لك منها ,,, ي اخي وش مسوي لكم هي بحقد ايه اهي اللي ذبحت المها انا شفتها بعيوني ام سعد : انت بذات تسكت ... في احد يسوي سوأتك ... بنت عمك من لحمك ودمك جرحتها ... والغريبة شلتها ع راسك ... سعد طنش امه ما في فايدة لازم تدافع عنها لتفت لـ ابوه: يبه .. في شيء بقوله لك ... بنت اخوك خلها تترك شغل .... في الشركة ... ولا والله ... لا افشلها وسحبها من مكتبها قدام موظفيها أي والله ما عندي حريم يشتغلون وسط الرجاجيل أبو سعد بحده: ترى انت مالك حق عليها تسوي اللي تبغاه انت مالك دخل سعد بحقد : انا قلت اللي عندي وانت تعرفني زين ي ابوي ...قول لها اللي قلت تطلع بطيب ... لا اطلعها بالغصب قام انتبه لـ بنته نامت في حضنه دموعها ع خدها .. ي قلبي ع هـ البنت ... تحرك متجه لغرفته ... يبغى يرتاح ... ودي احصل راحة بس وين .. أبو سعد بعد ما صعد فوق : ياربي من هـ الولد والله مو مصدق ولدي ...تغير حيل ... من بعد موت المها ... ما كان كذا ليت سمعت كلام الجوهره ولا ضغطت عليها توافق عليه ام سعد : ما عليه ي أبو سعد كل شيء قسمه ونصيب ... اسمع بهمس ... صديقة بنتي عنيده ... اخوها يبغى يتقدم لـ جوهره ... بس ما دري هي بتوافق ولالا ... المشكلة ولدك بـيسوي لنا سالفة أبو سعد : مو على كيفه ،اذا طيب نتوكل على الله ...بس ما قالت متى يتقدم لها ام سعد : مجرد كلام ... لازم نأخذ موافقة .... الجوهره يمكن ترفض أبو سعد : المهم ترضى الجوهره ما بغى اكرر سالفة سعد مرة الثانية... ام سعد : الله يسهل كل شيء .... ان شاء الله تكلم نفسها لو يدري سعيد مصيبه بطيحه ع راسنا .... الله يهديك ي ولدي ما دري هو ليه كرهها كذا حرام عليه والله انها جميله ادب اخلاق ... تنحب بس ولدي ما شاف هـ الشيء المصيبة اهو طلقها ... ويتحكم فيه ما شفت نذل مثل الله يهديك بس # # # # حازم رجع السعودية قبل يومين ... جالس في الصالة يراجع شغله ... يارب ... تضبط معي هـالمرة .. المصيبة كل ما سويت لعبة ... يكشفها الجوكر ويخرب علي ياربي وش سالفته معي ليه يخرب علي تعبت لي يمكن 3 شهور وميزانيه في الشركة ... منخفضة ما دري كيف خليها ترتفع ...هو يعرف كل تصرفاتي بس ... ان شاء الله ,اللي سويته يمشي عليه ... يارب ...لازم اخدعه بحركة ما يتوقعه ابد ... ما في الا كذا وش تسوي ي حازم وش تخطط له ابتسم جاته فكره في راسه لازم ينفذه والحين ممتاز هالفكره ام حازم انتبهت لـ ولدها سرحان وكثر هـ سرحان عنده بعد ... ما صار عنده عدوا اللي اسمه .. الجوكر : ي ولدي لا تفكر كثير بعد تتعب وترى تفكير مو زين خل كل شيء ع ربك حازم تنهد: ونعم بالله ..بعد وش اسوي شركة من خسارة الى خسارة وانا مو قادر اعوض هـ الخسارة وخاصه هـ اللي اسمه الجوكر ... ضيعت علي كم صفقه الحين .. يارب رسل جات بـ كوب شاي لـ زوجها: تفضل ... وريح راسك ترى انت تشتغل كثير و البيت له حق حازم ابتسم لها اخذ الكوب منها شرب رشفه : ان شاء الله .... بس تحملوني هـ الأيام ... رسل : بس أيام مو بعدين تجي تقول لنا تكفون هـ أسبوع تحملوني كل تقول هـ الكلام لالا ما في ,بس تكفى خذ لك إجازة ... طلعنا نبغى نشم شويت هواء حتى حاتم طفش من جلسة البيت ام حازم : انا معها في القرار خلاص ي حازم سمع اخذ إجازة بعدها ارجع كمل شغلك حازم ابتسم: اسف يمه ويا رسل ..ما اقدر ... لازم اشتغل في هـ الشهر او شهرين عشان اعوض الخسارة ايه ع الفكرة ... ي رسل .. اخوك كلمني أمس... يبغى نطلع معهم ابها ... عشان الجو هنا حار ... انا اوفقت ... انك تروحين معهم انبسطي أنت وحاتم رسل تضايقت : شفت ... انا عارفة أنك بس تسكتني بكلامك .. شغلك اهم مني... ايه اكيد بروح معهم .... قامت وهي متضايقة منه ام حازم : ي ولدي ليه كسرت بخاطرها .... روح معهم أسبوع وتركهم هناك ينبسطوا وتعال بعدها حازم : لا يمه ... ما قدر ... تزعل مني يوم يومين وان شاء الله اراضيها ... تصدقين يمه .. كل اللي جالس يصير لي .. من اللي سويتي انتِ من يومها المشاكل تحذف علينا ام حازم بضيقة : رجعنا هـ الموضوع مرة الثانية خلاص لا عاد تفتحه ... انتهى سالفة من 9 سنوات .. حازم بيرد ع امه بس الجرس الباب يرن بشكل مزعج : بروح اشوف من هو راجع لك ... تحرك طالع من الصالة زين ياللي عند الباب جاك ... فتح الباب طلع شارع ما شاف احد استغرب در بـ يدخل البيت الا جات ضربه ع راسه قويه خلته يطيح ع الأرض 
 
|
|
08-20-2019
|
#2 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 
|
طرح جميل
عوافي
|
|
  القلب يميل لـ من يجتهد في احتضانـه واستيعابـه ، واحتـواءه ، يميل لمن يصارع العالـم لأجلـه ، من يشتاقه بلا سـبب ويأتيـه بلا سـبب ، من يبقى بجواره للأبد
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
العرض العادي
