08-07-2018
|
|
|
قلب وأماني
هذا القلم آلة حزن تعزف حروف
وهذا الحبرخمر الورق والمعاني,
حبيبتي وان شفتي أبياتي وقوف,
لاتحسبين أن أعذب الشعر جاني
*************
حتى الشعر تعترضه أحيانا ظروف
ويمر في قلبي وينسى لساني,
جيت أوصفك ماتت تحت رجلك وصوف
ويمر في قلبي وينسى لساني,
*************
حبيبتي والليل شماعة طيوف,
عليه علقت الأمل والأماني,
أتذكرك والبرد ووشاحك الصوف
كم كنت محتاجك وكم كنت أعاني
*************
وأتذكرك والحيله تحايل الخوف,
كم كنت خايف لايقصر حناني
كنتي وأنا والليل والجو محفوف
مازاد عنا غير صمت المباني,
*************
كان الهدب مشتاق والرمش مكسوف,
وكان الحكي من شفتينك أغاني
في الليله اللي بدرها صابه خسوف,
كنتي هديه للسما والمواني
*************
طرتي مكانه وأقبل الغيم ملهوف,
يبي يضمك بس نورك أناني
وأنا مثل هالغيم من حولك آطوف
بغيت أضمك بس عيا زماني
*************
نضحك حزن ونشوف ,ونصد ونشوف,
ونضيق والضيقه سجينة محاني
مافيه داعي نخلق أعذار وحلوف
مادام مانقدر نعيد الثواني,
*************
أنتي رحلتي دون " تلويحة كفوف "
وأنا رحلت دون " قلب وأماني "
*************
|
|
|
|
|
العرض العادي
