رواية يدري إن اسباب ضعفي نظرته يدري إني ما اقاوم ضحكته كامله

في بيت فهد .............

وضحه صحت وصلت وغيرت ملابسها بعد ما أخذت دوش تبعد تعب جسمها اللي تحسه بعد عرس البارح

وضحه : فروحه يالله أصحي
فرح(تتغطى) : خليني أنام
وضحه : صارت الساعة 1 طافتك الصلاة قومي اليوم الجمعة يوم مبارك بأذن الله
فرح : أعوذ بالله الظاهر الكل راح بيت عمي يالله نصلي
وضحه(تلبس نقابها ولفتها) : لا سبقتك وخلصت الحمد لله أقول وش رأيك نسوي لنا غداء
فرح : صدق جوعانه بس مالي خلق أطبخ أحس بتعب والله
وضحه : طيب خذي دش أنتي بعد ما تصلين وأنا بسوي لنا نودلز(أندومي) أسهل حتى أنا عجزانه أسوي
فرح(تحب خدها) : ربي لا يحرمني منك خلاص أخذ دش وأنزل
نزلت وضحه وسوت لهن نودلز ولما حطتهن بالصحون نزلت فرح وهي تنشف شعرها بالفوطة
وضحه(ابتسمت) : حمام الهناء يا رب عقبال حمام صباحه العرس يا رب
فرح(ابتسمت بحيا) : ههههههههههه الله يهنيك و عقبالك
وضحه : هههههههه يكون خير تعالي بس كلي قبل يبرد وما يكون لها طعم
فرح تخلي شعرها طايح على كتوفها ينشف وحطت الفوطة على طرف الكرسي وتجلس
فرح : ما فيه أحد
وضحه : لا الكل في بيت عمك
فرح : وضحه
وضحه : هلا
فرح : وش صار على موضوع الخاطب
وضحه : اوكيه
فرح : وقرارك
وضحه (رفعت رأسها لها) : موافقه
فرح (نزلت رأسها بحزن) : ليه
وضحه : نصيبي وأبوي قال لي أن بيقول لعمي أبو خالد يوديني أسوي التحاليل
فرح : طيب
وضحه(أنتبهت لها ولحزنها حبت تغير السالفة) : إلا صدق وش صار لما سمر عرفت عن مشاعل لأني طلعت قبلكم ورجعت مع إخواني وأمي لهنا
فرح : هههههههههههههههههههههههههه يوم عرفت انفجرت فينا وزعلت علينا
وضحه : لا صدق
فرح : أقسم بالله
وضحه : ليه زعلت
فرح : تقول كيف تتصرفن كان قلتن لي مو إحنا شله ولا أنا همشتوني على الرف صرت
وضحه : أوووف لهذي الدرجة
فرح : أيه سمر متضايقة من مشاعل كثير واللي سوته مشاعل ضايقها أكثر كيف تتجرأ
وضحه : زين ما أمسكتها ولا مسحت فيها بلاطهم
فرح : صدقتي
وضحه : اجل بكلمها
فرح : لا تتعبين نفسك
وضحه : ليه معقولة ما ترد
فرح : لا رضت بس أمس طاردتنا تقول يا ولكم إذا جيتن بكرى بنام
وضحه : الحماره تطرد ههههههههههههههه
فرح : شفتي قوة عينها ههههههههههههههههههه
بهذا الوقت دخل فهد اللي توه راجع من الدوام
فهد : السلام عليكم
فرح : وعليكم السلام
وضحه(في نفسها) : أعوذ بالله وش هالصباح مالت عليك
فهد(ينغزها في كتفها) : هيييه ردي السلام ترى السلام لله
وضحه(بدون نفس ) : وعليكم السلام
فرح : توك راجع من الدوام
فهد (بدون نفس) : لا توني بروح للدوام خبله أنتي ما تشوفيني جاي ولبس العسكري علي
فرح(تغير السالفة عرفت إن نفسيته زفت) : تغديت
فهد : لا ومشتهي آكل
فرح(مدت له صحنه) : خذ بالعافية
فهد : لا
وضحه( في نفسها) : أحسن
فهد(مد يده وأخذ صحن وضحه) : أبي هذا
وضحه : هيييييييه ليه كذا أختك قالت خذ صحنها ليه تأخذ صحني
فهد(حط أصبعه على رأسه) : كيفي
وضحه(توقف وبعصبيه) : يعني نذالة وحقارة
فهد(حط الصحن ووقف) : نعم أنتي قد اللي قلتيه
وضحه(بتحدي) : أيه قده وأنا بنت محمد
فهد كانت نفسيته سيئة وماله خلق شيء ووضحه طاحت فيها
فهد (قرب ولف يدها ورى ظهرها) وتقولين بعد أيه يا مال الوجع
وضحه : آآح عورتني فروحه فكيني من هالمجنون
فرح(تقرب) : يا ويلي منك يا فهد هدها
فهد(بعصبيه رفع يده) : وأبعدي لا أعطيك كف أنتي الثانية أشوف لسانك صار طويل ولا يوم شفتي اهلك قلتي عادي قادرة على فهد بعدك ما عرفتي فهد يا ماما
وضحه : يا مهبول أستح واتركني ما يحق لك تلمسني والله لأقول لجدي ليكسر عصاه على ظهرك تحسب آآآح ما وراي رجال
فهد : طيب خليني أشوف من يوقف ضدي وأنتي بطلع جنون فهد عليك مو تقولين مجنون بوريك الجنون على أصوله يالبدويه
ام خالد(تدخل) : يا ويل حالي فهيد وش تسوي اترك البنت
فهد (بعصبيه) : بكسرها وأعلقها في رقبتها أجل تقول لي مجنون
الأم (تقرب وتبعده عنها) : علامك منت صاحي ترى هذي وضحه مو فرح مهي محرم لك تلمسها عيب عليك
وضحه(بعصبيه) : والله يا عمه ما قلت له شيء وأنه ما عاد يستحي ولا يراعي حرمات الله والحلال والحرام هين والله لأقول لأبوي عن سواياك
فهد : رووووووووووحي زين درب يسد ما يرد
الأم : يتفضحني عند خالك تبيه يقول إني ما عرفت أربي ولدي وأنه ما يعرف إن اللي يسويه حرام وان وضحه مهي محرم لك لو محرم لك محد يقول لك شيء لو تذبحها خلني اورح أكلمها قبل تقول لهم وتسبب لي مشكله
فرح(تشيل الصحون عشان تغسلهن) : صدق منت صاحي متهور
فهد(رفع حاجبه) : تظنين تقول لخالي
فرح (حطت يدها على خصرها ) : لا احلف ترى زودتها توصل فيك تمسك يدها وكأنها حلال عليك لمسها والكلام معها
فهد : ما قصدي بس هي تعصبني بتصرفاتها لدرجه أنسى كل العادات والتقاليد
فرح(بخبث) : تصرفاتها ولا أهي نفسها تعصبك (لفت تغسل الطبق ) بصراحة مدري أنت تحير يا فهد وتصرفاتك بعد مع إن مي وسمر كانوا يعصبونك أنت وفيصل دائم بس ما تتصرف معهن مثل مع وضحه
فهد : وضحه ما تخاف مني سمر ومي يخافن لو عصبت وصرخت يسكتن وبس وضحه شيء
فرح(رفعت حاجبها وكتمت ابتسامتها) : كيف
فهد(بعصبيه) : يعني عينها قويه أقول أمشي بشوف وش يصير قالت لهم ولا لا
فرح : طيب بغسل أيدي انتظرني
فهد : بطلع قبلك
فرح : يالخائن
دخل فهد ولا أنتظر فرح وشاف وضحه جالسه جنب جدها وتساسره(تهمس له)بأذنه
الجد(بعصبيه) : فهيدوه وووجع
فهد(بلع ريقه) : هلا
الكل سكت ولف صوب الجد وفهد
فرح(من ورى فهد) : جالك الموت يا تارك الصلاة
فهد(بهمس) : شكلها قالت للجد يا ويلي طحت ولا احد سمى علي لو قايله لخالي يهون حبت خشم ويصدق الجد ولا بوس الرجل يصدق عاد وضيح الغاليه حسبي الله عليها هالبدويه ودتني في خبر كان
فرح : يا ويلك والله معصب
الجد : أنت تسمع ولا لا
فهد : سم
الجد : تعال تعال
فهد : جاك يا جدي
الجد(يأشر بعصاه ) : أجلس هنا قدامي يا مال الوجع
فهد(يجلس ويطالع للوضحه) : وأنا وش سويت
الجد : ليه (قاطعته الوضحه وهمست بأذن جدها اللي أبتسم) خلاص لخاطرك بس
فهد(رفع حاجبه) : وش اللي خلاص
الجد : وليه اللقافه
فهد : قلت الأمر يخصني
الجد : سامحناك يالله قم
فهد : لا بعرف أول معصب والحين تبتسم
الجد (لف للوضحه) : كيف ما أبتسم والغاليه عندي ربي لا يحرمني منها
فهد(في نفسه) : ربي لا يخليني إن خليتها هالغاليه
الجد (لف له) : بعدك جالس قم قلت لك
فهد : واللي خلاك تعصب
وضحه(تبوس رأس جدها) : خلاص جدي خله سر بينا طيب (ورفعت حاجبها واهي تطالع لفهد)
الجد : طيب طاب حالك تم
فهد قام وجلس جنب خالد وأهو يعض على شفايفه وميت غيض الدوام أول متعبه وكملت الوضحه بعد عليه خلاص بينفجر وش الأمر اللي صار بين الجد والوضحه خلاه يعصب وبعدها بكلمه منها خلته يبتسم ويسكت وش قالت له بالحالتين وقلبت عقله من نفسيه لنفسيه

خالد(بهمس) : وووووول أحس بحرارة طالعه منك كل هذا عصبيه
فهد(يصر على ضروسه) : خويلد أسكت أحسن لك ترى مو ناقصك
خالد : أعوذ بالله بقوم قبل تاكلني حرمتي تبيني
فهد : طس قبل أخليها تترمل
خالد : فال الله ولا فالك
فهد(ألتفت له وبعصبيه همس) : خالد
خالد : خلاص قمت
أم خالد : يمه ما تبين تنامين شوي قبل صلاة العصر ورآكم طريق
الجدة : أيه والله ودي أنام شوي بس ركبي توجعني وضحه وضيح
وضحه : لبيه
الجدة : قومي جيبي لي زيت وشوي ملح وتعالي ادلكي ركبي
وضحه : تأمرين ألحين بجيبه
أم وضحه : والله يا عمه من الرقص البارح نقول لك اجلسي تقولين لا
الجدة : والله شسوي عرس منى الغاليه
فرح : عرس منى ولا تبين تثبتين أنك للحين شباب
الجد : أيه أم محمد شباب عشان كذا ما أخذت عليها
الجدة : تبي تعرس علي ولا تفكر فيها بعد ما ركبت طقم سنون يالشايب
الجد : طاحت سنونك بلا ماني شايب يالعجوز اللي تشكي ركبها المرضانه انتي ما شفتيني يوم أرقص بوسط الرجال البارح محد قدر يرقص مثلي قل لها يا أبو خالد
أبو خالد : عمي أمس ما شاء الله عليه رقص رقص ولا ولد في العشرينات
الجدة : أهو أبو العشرينات يعني مراهق
الجد : مراهق مراهق اجل بدور لي مراهقه مثلي
الجدة : أنت بس فكر وشف وش بيصير فيك صدق بعد ما شاب ودوه الكتاب
الكل : هههههههههههههههههههههههههههههههههه
أم خالد : الله لا يحرمنا منكم
الكل : أميييييييين
الجدة : يا وضحه وينك ترى قلت لك زيت ما قلت شاي أخلصي علي
وضحه (تحرك الزيت في الصحن وتجلس عند جدتها) : جيت يالغاليه
الجدة : ادلكي ركبي عدل يمكن تهون عن وجعها
وضحه : تأمرين
أبو وضحه : يا ما شاء الله على عرس البارح ومشاري ولد ما شاء الله عليه أجودي تحس يوم تشوفه إن قلبك ينشرح له وكأنك تعرفه من زمان
فهد : صدق يستاهل مشاري رجال كفو والله ومنى تستاهل كل خير يوم ربي عوضها بمشاري الله يهنيهم
أبو وضحه : الفال لك يا رب
فهد ألتفت يم الوضحه اللي تدلك ركب جدتها وتذكر كلامها (ما يحق لك تلمسني) وألتفت لأمه (وضحه مهي محرم لك لو محرم لك محد يقول لك شيء لو تذبحها ) وألتفت لفرح وتذكر يوم قالت (تمسك يدها وكأنها حلال عليك لمسها والكلام معها )
فهد أبتسم بخبث وأهو يرد يطالع لوضحه اللي ما انتبهت لك كل همها ترضي جدتها المتذمرة من تدليكها لركبها
فهد : قريب يا خال
أم خالد(بفرح) : يعني عزمت تتزوج وأنا أمك
فرح : والله خلاص بتترك العزوبية وتعرس
فهد(أبتسم) : أيه الله يهنيني ويهنيها معاي
وضحه(في نفسها) : قل الله يعينها اللي بتاخذك أكيد مهي بنت باره في أهلها وداعين عليها بواحد مثلك
الجدة : علامك صرتي رخوة يوم جيتي المدينة وش هالتدليك ادلكي عدل يا بنت
وضحه : حاضر
أبو خالد(أبتسم) : والله يا ولدي هذي الساعة المباركة يوم تعرس
فهد(باس رأس أبوه ورجع مكانه) : الله لا يحرمني منك يا رب
الجده : خلاص يا مال العافية عطيني قلاص ماء
وضحه(تقوم وتخذ الصحن) : حاضر يا جده
فهد(يوم شاف وضحه جايبه للجدة ماء أبتسم ولف لأبوه) : خال ما سألتني من بخطبها
أبو وضحه : ما عاش من يردك الكل يتشرف فيك يا ولد أختي
فهد(طالع لوضحه) : تعتقد يا خال
وضحه عقدت حواجبها يوم شافته يطالعها وعلى وجهه ابتسامه ما طمنتها
الأم : حاط في بالك وحده يعني
فهد(يوقف) : لا يمه ما عندي هالسوالف يالغاليه بس هي فجاه دخلت مخي واللي يدخل مخ فهد الله يعينه
الجد : داخل حرب ولا زواج
فهد : الزواج والحرب واحد في الفائز (لف لوضحه وبخبث) وفيه الخسران يالله بروح أنام شوي قبل الصلاة مع السلامة
الكل : مع السلامة
صعد فهد واهو يطالع لوضحه ويغني أغنيه

يايمه قومي أخطبي لي قمر سهرني في ليلي

وضحه(جلست جنب فرح وهي شاردة في كلام فهد ونظراته وتفسيرات في مخها تجي وتروح أول مره يطري العرس رغم أنه معارضه وكيف يطالع لها ولا أهتم بالموجودين وكيف محد انتبه لنظراته اللي تدل على قلت الأدب وكيف وكيف قطع سرحانها ضربت فرح على كتفها
وضحه(تدلك كتفها) : وووجع وش تبين عورتيني
فرح : تكفين يالحساسيه ساعة أكلمك ولا تسمعين وين سرحتي
وضحه (تفرك أيديها ببعض) : ولاشيء إلا وين الكل
فرح : هههههههههههه والله منتي معنا أمك وأمي وجدتي راحن ينامن شوي وأبوي وأبوك راحوا للمجلس عند خليفة ومساعد وخالد صعد مع زوجته فوق وجدي انسدح وتغطى في عباته(بشته- مشلحه) ونام قال صحوني قبل صلاة العصر بيصلي في المسجد
وضحه : تعالي نسوي قهوة لهم أنا سويت أمس الصبح تشيز كيك بالفراولة عشان أبوي وأخواني من زمان مشتهينه من أيدي وسويت للكل عشان يذوقونه طبعا غير الكيكه اللي راحت بوجه فهد
فرح : تشيز كيك أمس
وضحه(تمسك يدها) : تعالي بتشوفينه يهبل ويشهي تعبت فيه بس لخاطر أبوي فديته وخليفة وعلي
فرح تدخل المطبخ وتبلع ريقها وتقول الله يستر
فرح(تمسك يدها) : أقول تعالي بعدين أشوف وش رأيك نسوي نسكافيه
وضحه : طيب بس شوفيه يهبل
فرح(بهمس) : الله يستر يا رب الله يستر
وضحه فتحت الثلاجة وقعدت تدور صحن التشيز كيك وسكرت الثلاجة ولفت لفرح
وضحه : وين الشيز كيك أنا حطيته أمس وقلت للخدامة محد يلمسه
فرح : هاه
وضحه (تأشر على الثلاجة) : انا حاطته بنفسي والله هنا
رغد(تدخل) : أقول لك من أخذه
فرح(تصر على ضروسها ) : رغود مالك دخل
وضحه(حست في شيء لفت لرغد) : قولي وأعطيك أيس كريم
رغد(بفرح) : أقسم فهودي أخذه أمس لما كنت في الصالون مع البنات
وضحه : متأكدة
رغد : أيه حتى قلت له انه لك قال أنه أنتي راضيه يأخذه وبعد قال يعلن شكلها البدوية تعرف تسوي غير اللقيمات شيز كيك ترى فهد اللي يعلن مو أنا
وضحه(لفت لفرح وصرت على ضروسها تكتم غيضها) : خلاص خذي الأيس كريم وروحي ولا تقولين له انك قلتي لي عشان ما يضربك زين
رغد : خبله أقوله هذا أيده والقبر يالله بروح أشوف سنو وايت على سبيس تون
فرح : حسبي الله على إبليسك من بنت
وضحه : كنتي تعرفين
فرح : لا والله بس شكيت ما أنا كنت معك طول الوقت
وضحه : هين يا فهد أنت بديت والبادي أظلم
فرح : تعالي جلسي بسوي لك أحلى نسكافيه
وضحه تجلس وتردد في سرها أستغفر الله تحاول تهدأ قبل ترتكب جريمة في فهد اليوم
فرح(تجلس جنبها) : خذي أحلى نسكافيه لأحلى وضوحه
وضحه(تأخذ الكوب) : تسلمين
فرح : صدق وضوح وش قلتي لجدي قبل شوي خلاه يعصب على فهد
وضحه : بقول لك بس لا تقولين لأحد خصوصا فهد توعديني
فرح (تشرب وترد الكوب) : أوعدك
وضحه : ههههههههههههههه قلت إن فهد أخذ مني غداي ولا خلاني آكل وجدي زعل
فرح : بس ههههههههههههههه
وضحه : بس والله جدي دائم يهاوش خليفة يوم يأخذ مني أكلي ويصير نحيس
فرح : والله رحمت فهد قلت انك قلتي له عن مسكه لك وهواشه
وضحه(في نفسها) : أقول له ليه مجنونه خليها بالقلب تجرح ولا تطلع تفضح
دخل فهد وأهو يعدل شماغه ..
فرح : ما نمت
فهد : لا طار النوم
وضحه(يأستهزاء) : يا حرام وش خلاه يطير يمكن يوم حظه السعيد يوم طار
فهد(يقرب منها ويشيل كوب وضحه) : اللي شاغله تفكيري
وضحه(تخزه) : هييييه أنت ترى سكت لك
فهد(يذوق كوبها ويرده) : ووووع الله يديمها نعمه خذي
وضحه : تحلم أشرب بعدك
فهد(رفع حاجبه) : لك الشرف
وضحه : بسم الله علي بايعه عمري
فرح : ليه أخوي جربان
وضحه(رفعت حاجبها ) : لا مو جربان بس ينفث سم والعياذ بالله
فرح : قصدك انه ثعبان
وضحه : أيه
فهد(بعصبيه) : ثعبان يلدغك يا رب
وضحه : بسم الله علي عدويني يا رب ان شاء الله اللي يكرهني
فهد(أبتسم) : الحمد لله ماني منهم
وضحه(عقدت حواجبها ما حبت نظرته ووقفت) : أروح أصحي جدي للصلاة أحسن
فهد : روحي
وضحه(وقفت عند الباب ولفت لفهد) : اممممم فهد
فهد(لف لها) : نعم
وضحه : أعجبك التشيز كيك أمس
فهد(يمسح على بطنه) : يم يم كان روعه
وضحه : بالعافية أنا بروح لجدي ( في نفسها) هين يا فهد والله لأخليك تتوب ولا تلمس أشيائي أعلنت الحرب يا فهد ويا خاسر يا رابح
فهد(لف لفرح) : غريبة
فرح : وأنا بعد متعجبة ضنيتها تذبحك
فهد : بصراحة ماني مرتاح
فرح : يمكن قالت ما ينفع معك شيء أسكت عنه أحسن
فهد : هاه يمكن أنا بروح للمجلس حاب أجلس مع خليفة قبل يمشون ونسولف
فرح : أجل أنا بطلع أتوضأ وأنزل أسوي مع وضحه قهوة وشاي



******************************************



في بيت سالم ..

سمر لبست بعد ما صلت العصر وقررت تنزل رن جوالها وشافت الرقم ابتسمت أخذته وطلعت من الغرفة وردت

سمر : هلا بأهل الشام
لمى : هلا بأهل المملكة أخبارك سمسم
سمر : بخير أخبارك أنتي وأخبار خالي والكل
لمى : تمام بس ناقصنا شوفتكم
سمر : كنت أظن بتجون لعرس منى
لمى : عندي امتحانات و مشغولين بتحضير عرس ولد خالك إلا شخبار العروس
سمر : بخير هذا أحنا ننتظر جيتها
لمى : ويه يا حلوها سولفي لي وش صار
سمر : كان حفله روعه رغم أنها في البيت بس كانت على مستوى بس تعبت أمس من الكعب والشغل
لمى : هههههههههههههه نردها لك بعرسك يا رب
سمر : فال الله ولا فالك
لمى : هههههههههههه للحين رافضه الزواج
سمر : أيه يا أختي أبي أكمل وش أتزوج كل صاحباتي اللي تزوجن تركن الدراسة لا واللي كملت ذابحها الحمل ولا غيرت زوجها ولا تذمره من قلت الاهتمام فيه ومقابله كتبها وبحوثها
لمى : بس بس هههههههههه أجل بتصيرين عانس
سمر : عانس عانس
لمى : طيب نجود عندكم
سمر : لا يا قلبي عليها سافرت بعد العرس مباشره يا دوب بدلت ملابسها وأخذها زوجها وسافروا
لمى : يوووه الله يهديه ليته انتظر لين ترتاح واليوم جمعه على الأقل أجازه
سمر : مدري صدق متهور
لمى : أوكيه أتركك سلمي على الكل وعلى البنات أذا شفتيهن
سمر : يوصل سلامي للكل
لمى : يوصل مع السلامة
سمر : مع السلامة (سكرت الجوال وابتسمت يوم شافت عذاري وجدتها وسلمت) هلا وغلا
الجدة : هلا فيك وينك من اليوم
سمر : بغرفتي كنت أدرس لاختبار متى جيتو
عذاري : يعني ما صار لنا 10 دقائق
سمر(تجلس جنبها) : ليه ما صعدتي
عذاري : لما وصلت كانت عهد وخالتي أو عهد وأمك جالسات ما حبيت أتركهن
سمر(تلتفت حولها) : وين راحوا
عذاري : عهد دخلت المطبخ تجيب القهوة والشاي و خالاتي قالن بيصلن ويجن
سمر(توقف) : بروح أشوفها
دخلت وانتبهت لعهد مبوزه ولفت شافت فيصل متكتف عند الطاولة ويبتسم
سمر : علامكم
عهد(بعصبيه) : قولي لأخوك أنا ما علامي شيء
سمر(لفت لفيصل) : فيصل وش فيك على عهوده
فيصل(ببرود) : ولا شيء
عهد : لا شيء وشيء أنا تعبت منك
فيصل : أنت وش كلام الليل يمحيه النهار وش تكلمنا فيه قبل أمس
عهد : ما أذكر نسيت
فيصل : الظاهر تبين لك قرصة تذكير (لف لسمر) تبين شيء
سمر : هاه أيه بآخذ القهوة والشاي لجدتي
عهد : انا بوديهن
فيصل (أشر لها) : لا سمر توديهن أنتي خليك بتكلم معك
عهد : اجل الكلام
فيصل : عشان تنسين سمر خذي الصينية وأطلعي
سمر : حاضر(وبهمس) الله يعينك يا عهد
عهد : ..................
فيصل : اجلسي
عهد : ما أبي عاجبتني الوقفه
فيصل : طيب على راحتك بكره موعدك الأول مع الدكتورة سهام
عهد(لفت لها ) : بكره
فيصل : أيه
عهد : متى أخذت موعد
فيصل : أمس
عهد : بس أنا مو مستعدة وأنت ما قلت لي
فيصل(رفع حاجبه) : وش تستعدين له عرس أهو ترى موعد بس
عهد(بلعت ريقها) : بس أنا ما أبي
فيصل : من شاورك
عهد : نعم ترى أنا اللي بتعالج
فيصل : عارف بس ترى أنا اللي أعرف لو تركت الأمور بيدك ما أخذتي موعد ولا شيء و تؤجلين
عهد : أنت ليه كذا
فيصل : ليه كذا وش تقصدين
عهد(دمعه عيونها) : أنت كل شيء تقرره أنت تختار لي أنت اللي تبيه يتنفذ ليه ما تسمع لي لي أناني تبي كل شيء مثل ما تخطط له أنا بشر تعبت من الضغط تعبت حس شوي فيني خنقتني حرام عليك
طلعت عهد من المطبخ وفيصل مصدوم إن فكرتها عنه إن اللي يسويه بسبب أنانيته ما تعرف أن يبي يشوفها أحسن إنسانه لما انتبه أنها مو موجودة طلع ورآها الكل كان في الصالة وانتبه لعهد يوم طلعت تبكي وانتبهوا لفيصل لما طلع ورآها بس عهد وصلت للغرفة وقفلتها قبل يوصل وتسندت على الباب تبكي فيصل دق الباب


ألم .. بيني وبين نفسي ..!!
يقول لي .. عطــــــني آمــــالک وخــــذ يـآسـي
وســـــوي من بقايا الحزن في ليـلـک
قصايد // تصبح وتمسي ..!!
وودعهم بعدــه الناس .. تراهم // ما يحبونک ..!!
ترى // ماعاد يبـونــک
لأنــــک .. تختـــلف عــــنهـم
وتلبس ثوبــک الأسود ..!!
مطرَّز بــ الحزن .. والخوف
لأنك تنظر لــ أبعد .. من حدود الــــنظر .. والشـــــوف
وأقـــــــول أحسـن ..!!
أودِّع ناس }
وتبــــکِ نــآس
لأن عيون .. بعـــــض الناس
ماتبــــکِ ..!!


فيصل : عهودتي أفتحي
عهد(تصيح) : ما أبيك رووووح
فيصل : طيب قلبي أنتي فتحي بكلمك بفهمك لا تبكين يالقلب

خلي دموعك في عيونك وانا ابكيك:
خلي الحزن لي وانسي الحزن تكفـى ..}

عهد (تحط أيديها على أذونها) : روووووووووووووووووووووووح
فيصل(يدق الباب) : عهد فتحي (أنتبه لأحد يكلمه لف وأبتسم) مناااي
منى(تسلم عليه) : هلا فيصل أخبارك
فيصل(يبتسم بحزن ويطالع للباب) : ما تسرك
منى(انتبهت للباب) : عهد
فيصل (يأخذ نفس ) : عهد تظن أني أناني
منى : ليه وش صار
فيصل : قلت لها عن موعد الدكتورة سهام قالت أن اللي أسويه عشان إني أناني ما سألتها ولا أهتميت لها
منى : أنت تسوي كل هذا عشان تشفى وتكون طبيعيه
فيصل : أنتي عارفه بس هي تفكيرها غير
منى : طيب أنا بتصرف روح للمجلس عند أبوي ومشاري
فيصل(أبتسم) : صدق نسيت أنك عروس
منى(ابتسمت واستحت) : .............
فيصل : الله يسعدك أنا بروح أسلم على المعرس
منى : خلاص روح وما ترجع إلا وتكون الأمور بخير
فيصل : صدق ما تسمع لأحد غيرك كلميها
منى : لا تحاتي (دقت الباب) عهد
عهد(تبكي) : خليني منى لو سمحتي
منى : أفااا ما تفتحين لي
عهد : والله تعبانه
منى : طيب فتحي رجلي تعورني تعرفين ما اقدر أوقف كثير
عهد(فتحت الباب وضمت منى) : تعبت
منى(تمسح على ظهرها) : اهدي عهوده اهدي تعالي نجلس
دخلت عهد ومنى وجلست جنبها على السرير وحطت العكاز جنبها
منى : سمعي يا عهد أنا تكلمت معك عن سالفة الدكتورة سهام والعلاج وأنتي وافقتي وبخصوص الموعد لأن سهام كثير مشغولة بين عيادتها الخاصة وشغلها في المستشفى وهي لخاطري قبلت في زيارتك لها ومراجعاتك ولا والله عليها ضغط كبير .. بخصوص الموعد فيصل ماله دخل بالسالفة أنا خبرته أمس وأنا اللي أخذت الموعد وقلت له يخبرك .. ليه يا عهد زعلانه
عهد(بهمس) : خايفه
منى(عقدت حواجبها) : خايفه من شنو
عهد : خايفه من كل شيء
منى : مثل
عهد : ما أبي أتكلم عن ذكرياتي ما أبي أعيش مرارة الواقع ولا ألم الماضي ما أبي أعترف بأحداث مريت فيها خايفه (أرتعش جسدها) ما أبي فيصل يعرف عني ولا يعرف عن اللي أمر فيه ما أبي يعرف على ذكرياتي ولا يعرف وش تعرضت له ما أبي أحبه ما أبي أعيش معه ما أبي ما أبي وبالنهاية يتركني مثل كل اللي أحبهم يرحلون صعب (وحطت أيديها على وجها تبكي ) صعب أرد الماضي
منى(حضنتها ) : بس عهد اهدي (قررت تسكت لين تهدأ وبعد ما حست أنها هدت ورفعت رأسها ابتسمت منى لها) هديتي
عهد(هزت رأسها وهي خجلانه من منى) : .....................
منى : عهد
عهد(رفعت رأسها لمنى) : .................
منى : كلنا لنا ماضي لازم نمر فيه ونتخطاه وفي يوم نضطر نرجع لهذا الماضي بس لازم نكون أقوى منه أنا كنت متزوجة قبل مشاري (شافت علامات الصدمة في وجه عهد ابتسمت وكملت) صار لي 5 سنوات مطلقه منه وراني ألوان العذاب أهو وأمه واخته وعائلته من ضرب أهانات نفور زوجي مني وكره لقربي تحملت وقلت هذا اختياري لين تمادي وعرفت انه بيتزوج ذيك الليلة ما أنساها طردني من البيت ما علي إلا جلال الصلاة ما اهتم إني زوجته كان متسلط حقير حتى الدين ما راعاه ربي أرسل لي إنسان سوى لي جميل كبير لولا الله ثم اهو كان الله يعلم أكون عايشه ولا أكون مخطوفة او .. او .. او يمكن تتخيلين البنت لو طاحت في أيدي ناس ما ترحم ولا تراعي الله وش يصير لها عشت في عالمي بعيد عن الكل كنت اكتم واكتم في قلبي واشكي لربي انهرت في يوم ودخلت الطب النفسي .. هناك عرفت إن اللي سويته خطأ كان لازم اطلع من المكبوت وأتكلم بكل اللي أحس فيه بس أنا ما كنت اعرف إلا سهام صاحبتي وأختي منال الله يرحمها بس هم أقرب الناس منال ماتت وسهام صديقتي كانت تدرس بالخارج مع زوجها طب نفسي وتكمل الدراسة .. بعد ما تعالجت صرت أنام على المهدئات والمنومات وأبوي ما عجبته الوحدة اللي أعيش فيها وابتعادي عن الناس بعد سنه حلف أبوي أكمل دراستي وتعرفت على نوير والشلة واللي أسعدني انك تعرفين نوير وأنا التقينا بعد ما انقطعت العلاقة بينا بسبب خالك الله يسامحه تغيرت كثير شوي شوي ابتعدت عن المنومات والمهدئات صرت اجتماعيه ولما رجعت سهام قدرت بخبرتها كصديقه وخبرتها اللي اكتسبتها كدكتورة تعرف مني أحاسيسي ومشاعري همومي و وين الألم ساعدتني أطلع المخبي واشكي .. ترى مو لازم تحسين بالخجل اعترفي باللي تحسين فيه أنا لو كان عندي أمل تسولفين لي لكنت قلت فضفضي لي بس أنا أبقى أخت زوجك وتبقى حواجز سهام دكتورة حالفه القسم بحفظ أسرار مريضها لو ما أرتحتي قولي لي وأنا أوقف الجلسات
عهد : وفيصل
منى(ابتسمت) : أنا أتصرف معه
عهد(هزت رأسها بلا) : أنا ما قصدي عن الجلسات أنا قصدي بيحضر الجلسات بيعرف عنهن
منى : أنت وش تبين
عهد : ما أبيه يسمع لي
منى : ليه
عهد : لان كثير أمور لو تكلمت فيها ممكن يكرهني
منى : مستحيل يكرهك فيصل
عهد(دمعت عيونها) : لا بيكرهني أهو أصلا ما يحبني عشان يكرهني بس ما أبي يكون موجود
منى : طيب بقول له
عهد : لا لا تقولين أنتي أصري عليه
منى : فيصل عنيد
عهد : مالي شغل أنا ما أبي يعرف شيء
منى : خلاص أنتي لا تعصبين وأنا بتصرف (ابتسمت) يالله خلينا نطلع لهم أنا بسافر بعد شوي ولما جيت جيتك أنتي أول يالله هم ينتظروني
عهد(ابتسمت) : طيب بغسل وجهي وأجي
منى(أخذت عكازها وتسندت عليه) : أنا سابقتك

جلست منى نص ساعة عند أهلها وبعدها طلعت من عند أهلها لأهل مشاري يسلمون ويودعونهم عشان يسافرون وبنفس


***************************



في بيت أبو خالد ....

أهل وضحه يجهزون الأغراض في السيارات عشان يتجهون للقريتهم وضحه طلعت تسلم على أخوانها اللي دخلوا المجلس بعد ما خبرهم خالد إن وضحه تبيهم وضحه بكت يوم سلمت عليهم و خليفة أخوها حس فيها شيء من بكاها يعرف أخته
خليفة : وضحه وش فيك
وضحه(حاضنته) : خليفة أنتبه لأبوي وأمي
مساعد : وأنا نسيتي توصينه علي
وضحه(ابتسمت ومسحت دموعها) : أنت رجال ما يحتاج أوصي أحد عليك
مساعد( نفخ صدره) : تسلمين
خليفة : مساعد كمل الأغراض وأنا بلحقك
مساعد (سلم على وضحه) : لا تهملين نفسك و ادرسي يالغاليه
وضحه : الله لا يحرمني منك
خليفة(يطالع وضحه) : فيك شيء
وضحه(تبتسم) : لا
خليفة : أنا أعرفك (مسك يدها وجلسها وجلس جنبها) تكلمي
وضحه : شوي بعدكم مضايقني أممم خليفة بطلبك طلب
خليفة : عيوني لك
وضحه (تغمز له) : خل عيونك للعنود الله يحفظها
خليفة(أبتسم) : عين لك وعين لعنود آمري
وضحه (تلعب بطرف شيلتها (لفتها)) : إذا اتصلت تجي تأخذني
خليفة : افاااا ليه
وضحه(دمعت عينها) : لان بيكون الشوق ذبحني لكم
خليفة(رفع رأسها بأيده) : بس
وضحه(ضمته وزادت دموعها) : بس يالغالي
خليفة (مسح على ظهرها بحنيه) : خايف عليك
وضحه : أنا بخير(ابتعدت ومسح دموعها وتبي تغير السالفة) إلا ما قررت تعرس
خليفة : بعد شهر تقريبا
وضحه(تشهق) : أهئئئئئئئئئئئئئئ
خليفة : علامك
وضحه(تحط يدها على خصرها) : لا والله احلف ومتى كنتوا ناوين تقولون لي أذا راحوا المعازيم ولا أذا جبت أول ولد
خليفه : ههههههههههههههههههههههه والله ضنيت قالوا لك
وضحه : والله زين سألتك ولا ما عرفت
خليفة(يبوس رأسها) : طيب آسفين
وضحه (استحت أخوها الكبير ويبوس رأسها) : تسلم يا تاج راسي
مساعد(يدخل) : خليفة أبوي يقول يلا مشينا
خليفة (يوقف) : جاي

سلموا على وضحه وعلى أهل أبو خالد و توكلوا على الله واتجهوا لقريتهم وضحه طول اليوم جلست في الغرفة ما كانت تبي تشوف أحد تحس في ضيقه وتحس إن وجودها غلط وتصرفات فهد تتعبها و الكلام اللي يدور حولها والحوار اللي سمعته بين أمها وعمتها أم خالد خوفها لما رجعوا البارح من العرس نزلت وضحه بعد ما غيرت ملابسها تبي تسهر مع أمها وتسولف معها قبل يسافرون ووقفت لما سمعتهن يسولف عن فهد شدها السالفة


أم وضحه : وفهد ما تبين تزوجينه
أم خالد : والله فهد ما هو راضي يعرس
أم وضحه : ترى العيال كذا اخطبي له مثل ما سوينا في خليفة وكاهو يبي يعرس ويدعي لنا يوم خطبنا له و العنود ما شاء الله عليها تهبل وفرح بتعرس والبيت بيفضى عليك زوجيه خلي حرمته تساعدك لما فرح تروح لبيت رجلها
أم خالد : والله ماني رافضه وأنا في خاطري بنت وحده لفهد
أم وضحه : من
أم خالد : وضحه
وضحه حست أنها تجمدت يوم سمعت إن ممكن تكون لفهد أكره الناس في الوجود وانصدمت أكثر يوم سمعت كلام أمها
أم وضحه : والله فهد ما ينرد خير الرجال وكفاية أن ولد عمتها بس يا أم فهد
وضحه(صحت من سرحانها بدق الباب مسحت دمعتها) : من
رغد : رغوده
وضحه : تعالي
رغد : وضحه أمي تقول تعالي تعشي
وضحه : ما أبي بنام
رغد(انتبهت لعيون وضحه) : طيب
نزلت رغد وقالت لأمها إن وضحه بتنام وجلست تهمس فرح انتبه فهد أن في أحد يطالع له رفع رأسه شاف فرح ورغد يطالعن له وباين في عيونهن الغضب عقد حواجبه فرح ورغد نزلن رأسهن يوم شافنه يسألهن وش فيهن ولا ردن عليه بان في وجهه العصبية بعد العشاء فرح أخذت الصحون للمطبخ تغسل دخل فهد وأستند على الباب
فهد : فرح
فرح(معصبه ولا طالعت له) : ............
فهد (عصب) : أكلمك ما تسمعين
فرح : ...........
فهد(قرب منها ولفها له بعصبيه) : فرح ما تسمعـ.. (أنصدم بدموعها) تبكين
فرح(سحبت يدها ولفت عنه) : اتركني
فهد(رد لفها له) : ليه تبكين أحد زعلك أحد قال لك شيء قولي لي وشوفي وش أسوي فيه
فرح (رفعت عيونها له وبعصبيه) : ووضحه
فهد : وضحه وش فيها هي مزعلتك
فرح : وضحه من يأخذ حقها منك
فهد(أنصدم) : مني
فرح( اتجهت للباب) : ما أبي أتكلم معك
فهد(اتجه لها وسد الطريق عليها) : كلميني وش فيك تبكين وش دخل وضحه
فرح(ضربته بعصبيه على صدره وأهي تبكي) : حرام عليك بتذبحها صارت ما تأكل ولا تشرب صارت تسكت طول الوقت وجالسه في غرفتها صارت ما تذاكر ومهمله صارت ما تكلمني أنت السبب ارحمها ليه تكرها
فهد(مسك أيدها وضمها له) : اهدي
فهد مسك يدها وجلسها على الكرسي وسحب كرسي وجلس قدامها
فهد : أنا ما أكره وضحه وتصرفاتي لأني تعودت عليها ما أحس بينا حواجز
فرح : بس وضحه
فهد : وضحه بنت ولا كل البنات بس هي شوي تعصبني وأنا إنسان عصبي طيب ليه قبل شوي أنتي ورغد تطالعون لي وكأني مالك حلالكم
فرح : مو مأكل حلالنا بس مزعل أغلى ناسنا
فهد(أشر لنفسه) : أنا ومن هو أغلى ناسكم
فرح : وضحه
فهد : لا يكون قصدك اليوم الظهر
فرح (تمسح دموعها) : وضحه شافتها رغد تبكي
فهد : تبكي
فرح : أيه دموع وضحه صار لها فتره ما توقف تحسب إني ما أحس فيها بس هي تبكي ومرات تقوم بالليل وتنزل للمطبخ وتجلس تبكي بروحها
فهد : أنا السبب
فرح : أنت أحد الأسباب السبب الثاني .........
فهد : كملي ليه سكتي
فرح : فهد أنت خطبت
فهد : لا
فرح(طالعت لعيونه) : فهد
فهد : هههههههههههههههههههه وش تبين وشنو دخلك ودخل وضحه بخطبتي
فرح(وقفت) : لان وضحه سمعت أمها وأمي يتكلمن عن موضوع خطبتكم
فهد (أنصدم) : مستحيل ما عندي خبر وبعدين أنا آخذ وضيح ليه قلن البنات عشان آخذ البدويه
فرح(لفت بعصبيه) : أنت لمتى كذا مغروووووووووووور
فهد(شاف فرح تطلع وضحك) : ههههههههههههههههههههههه ياحلوك يا فرح

فرح صعدت وفتحت الباب بشويش وشافت وضحه متغطية ونايمه غيرت لبسها ونامت بعد ما صلت ركعتين لله وضحه أول ما حست أن فرح نامت عدلت نفسها ومسحت دمعتها تفكر للحين باللي صار هي ما عندها غير عمتها أم خالد وأم وليد ولو يطلبن من أبوها إن تأخذ واحد من عيالهم ما يرفض ولو طلب أبو خالد أن وضحه لفهد ما راح يعارض وهذا اللي استنتجته من اللي سمعته من كلام أمها مع عمتها (وقفت واتجهت للشبك تطالع للشارع وأنواره) كيف تتخلص من فهد هي ما تقدر تعيش معه وليه خطبها ولما سألت فرح حلفت لها ما تعرف شيء عن الموضوع أجل متى تم وأنا مالي قرار نسيت أن أبوها وجدها عقليه قديمه ما فيه رأي للبنت أنا ما أبي أخالفكم بس بفهد ما تقدرون تجبروني فففففففففففففففففهههههههههههههههههههههههههدددددددد دددددد أكره إنسان أناني مغرور متهور قليل أدب أنا وضحه آخذه يا ربي كيف أتصرف كيف تعبت من التفكير أنا لو أبوي طلبني ما اقدر أرده خصوصا أن فهد بالنسبة لأبوي شيء له مكانه خاصة بقلبه أفففففففف لو أبوي يحب خالد أو محمد أو ناصر ممكن أصدق بس فهيدوه وش ينحب فيه (انتبهت لشخص يطلع من البيت و بانت ملامح الغضب والغل يوم عرفته وفي قلبها) عسى روحه بلا رده عسى يجي خبرك يا رب لي أعووووووووووووذ بالله أعوذ بالله وش قاعدة أقول الله يخليه لأهله يا رب ويبعد عني يا رب ما أبي فهد أنا وأهو ما يصير وربي راسي يذبحني من التفكير بروح آخذ حبه قبل ينفجر حسبي الله ونعم الوكيل

لبست لفتها ونقابها ونزلت للمطبخ تدور لها عصير و علاج لرأس نفسها مسدودة وقفت تشرب عصير وحست بحركة قامت ترجف خافت انه فهد إلا متاكده انه فهد لأنها شافته يوم طلع أكيد رجع نسى شيء ويوم لفت شهقت من الخوف

الــبـــ ( 20 ) ــارت

-----------------------------------



لبست لفتها ونقابها ونزلت للمطبخ تدور لها عصير و علاج لرأس نفسها مسدودة وقفت تشرب عصير وحست بحركة قامت ترجف خافت انه فهد إلا متاكده انه فهد لأنها شافته يوم طلع أكيد رجع نسى شيء ويوم لفت شهقت من الخوف

اهئئئئئئئئئئئئئئئئئئئئئئئئئئئئئئئئئئئئئئئئئئئئئئ

ما حست بنفسها إلا واقفة فوق الطاولة وترتعش

وضحه : يمه يمه وش هذا القطوه وش كبره تتت روووووح يمااااااه (شافت القطوهه يعوي مياااوي ويقرب منها) لا لا لا تقرب يا ويل حالي حسبي الله على عدوك يا فهيد أكيد انك فاتح الباب ودخل مجنون منت صاحي
فهد(اللي مستند على الباب وماسك ضحكته على شكلها) : مجنون يسطرك زين
وضحه رفعت رأسها يوم سمعت الصوت من الخوف قطوه وفهد كانت بتطيح وقدرت تثبت نفسها على الطاولة
فهد : انتبهي
وضحه ( وقفت من جديد) : فهد طلبتك أبعد القطوه
فهد(أستغرب وقال) : تخافين من القطاوه
وضحه : أيه طلبتك و أبعدها بروح
فهد(لازال لا وضعه) : غريبة ههههههههههههههههه
وضحه (رفعت حاجبها) : وش الغريب
فهد : ساكنه بالقرية وتخافين من قطوه عاد ما حط الله كثر القطاوه والكلاب عندكم
وضحه : طيب و أبعدها هذا أنت عرفت
فهد : أخاف أشتغل عندكم بصراحة (يسوي نفسه يتثاوب) بروح أنام ومالي خلق أشيل قطوه أو ألمسها
وضحه (شافته يطلع والقطوه تتحرك بالمطبخ) : فهد تعال فهد
فهد طلع من المطبخ ووقف عند الدرج قرر يترك وضحه على أعصابها شوي وبعدها يرجع ويطلع القطوه
فهد(في نفسه) : خليك توك هذا رد على سالفة البالونات والكيكه هههههههههههههه
فجأه سمع صرخة فهد دخل للمطبخ شاف وضحه طايحه على الأرض والقطوه من قوة الصرخة طلعت من الطبخ
فهد : وضحه
وضحه(رفعت عيونها له وكلها دموع) : قلت لك تعال ما سمعت
دخلت أمه وأبوه وفرح وخالد أم خالد وفرح راحن لوضحه اللي طايح في الأرض وأبوه لف له معصب
الأب : وش سويت في البنت
فهد(أرتبك) : ما ما سويت شيء
الأم(طالعت له وبعصبيه) : وليه تبكي
وضحه(تصيح) : ......................
فهد : أقسم ما سويت شيء لها
وضحه(طالعت لعمتها ومسحت دموعها) : فـ هـد أهئ ما سوي شيء أنا جـ.. جـيـ.. جيت للمطبخ وشفت قطوه ونطت علي أهئئئئئئئئ فهد ما سوى شيء
فهد طالع لها كسرت خاطره وندم على اللي سواه فيها أول مره يشوف وضحه كأنها طفله تبكي وأيدها على عيونها حسها رغم قوتها اللي تدعيها إلا أنه طفله
فرح : بسم الله عليك طيب خلينا نصعد
وضحه(وقف ) : آآآآآه (رجعت وجلست) آآآه عمه
الأم : بسم الله وش فيك
وضحه(تمسك رجلها وتصيح) : تعورني يا عمه
فرح(حطت يدها على المكان) : هنـ.
وضحه(تمسك يدها) : لا تلمسينها توجعني فرح
الأب : الظاهر انكسرت
خالد : فرح جيبي عباتها ولبسي بنوديها المستشفى
فهد : أنا بوديهن
الأب : لا أنت ولا اهو أنا بوديها أم خالد لبسي بنروح
فهد(غمز لخالد عشان يساعده) : ................
خالد : يبه خل فهد يأخذهم للمستشفى وبعدين ما باقي شيء على الصلاة
الأم : خلاص يا أبو خالد خل فهد يوديهم
فهد(لف لفرح وما انتظر جواب أبوه) : فرح يالله أنا بنتظر في السيارة
لبست فرح وجابت عبات وضحه اللي تتألم من رجلها وطلعوا للمستشفى فرح جلست عند اخوها قدام ووضحه وراها ووصلوا للمستشفى والدكتور قال أن ألتواء خفيف في القدم ولفها لها وقال لا توقف كثير عليها وبعدها رجعوا للبيت وعند الباب فرح سانده وضحه وقبل يدخلون
فهد : وضحه
وضحه(ماسكه يد فرح ومستنده عليها لفت له) : نعم
فهد : أسف
فرح (طالعت للاثنين متعجبة) : وش فيه
وضحه(رفعت حاجبها) : فهد يتأسف والله دنيا
فهد : والله ما قصدت
فرح : فهموني وش صاير
وضحه(لفت لفرح) : أبدا أخوك المحترم فتح باب البيت ودخلت القطوه ويوم شفتها ووقفت على الطاولة دخل أهو ولما طلبت منه يطلع القطوه قال ما له خلق يشيلها أو يلمسها ونطت على القطوه وطحت
فرح(أنصدمت) : معقولة فهد ليه
فهد : ........................
وضحه : فرح خلينا ندخل رجلي توجعني من الوقفة
فهد : وضحه
وضحه(ما لفت له صرت على ضروسها) : أكرهك
أنصدم فهد وفرح اللي جمدوا هم يعرفون أنها تكرهه بس ما ظنوا أنها ممكن في يوم تقولها صراحة وعلى الملأ وضحه تركت يد فرح اللي وقفت تطالع فهد وتسندت بخفيف على قدمها وصعدت لغرفتهن
فرح(لف لفهد المصدوم) : فهد
فهد : دخلي أنا بروح أصلي الفجر بيقومون للصلاة
فرح (حزنت يوم شافت ملامحه وبهمس) : طيب

أم خالد رفضت إن وضحه تروح للكلية اليوم ووضحه طول اليوم نايمه من ألم رجلها اللي ما يسكن إلا مسكن وفرح ما قالت لأمها عن اللي عرفته إن فهد سبب لوي قدم الوضحه سمر ومي عرفن باللي صار للوضحه وبلغن عذاري وليالي اللي أتفقن بعد صلاة العصر يزورنها .......

***************************

في بيت الجوهره...

الجوهره بلغتها أمها الصبح عن بندر غداء عندهم وهي من الصبح نفسيتها زفت وكل المدرسات والطالبات لاحظن حتى خوله ولما عرفت السبب عذرتها الجوهره مو قادرة تنسى حركه بندر في الملكة .. الجوهره تعمدت تتأخر في المدرسة طلبت من مدرسه تأخذ مكانها في الأشراف على خروج الطالبات لين تروح آخر طالبه وكل ما اتصلت أمها تقول وش أسوي فجأه غابت مدرسه وأضطريت أمسك مكانها وهي من داخلها فرحانة وكل شوي تتصل على أختها هديل وتسأل وش صار وعلى الساعة 2,15 رجعت للبيت ودخلت نزلت اللفة عن رأسها وحطتها على كتوفها وعبايها طايح وهي ماسكتها وتلعب في شنطتها وتغني


رجعت لحبي الاول
رجعت لقرة عيوني
انا غلطان من اول
تركت اللي يحبوني
ورحت لناس ما ترحم
ولا تقدر ولا تهتم
صحيح ان البشر يخطي
ومع كل جرح يتعلم
حبيبي دنيتي عمري
انا مالي احد غيره
عرفت ان الهوى الاول
صعب يا ناس تغييره
وحشني موطن احساسي
وحشني همسه وعطره
انا محتاج اشكيله
واحط راسي على صدره

حبي الأول
عبد الله رويشد


الجوهره دارت على نفسها مبسوطة يوم اتصلت أختها وقالت أن بندر راح وباين عليه زعلان ويوم وقفت شافت أمها جالسه بالصالة وابتسمت لها بس اختفت البسمة يوم شافت اللي جنبها أنصدمت بندر وكان باين انه معصب يهز رجله بعصبيه صحاها صوت امها

الأم : تعالي سلمي
الجوهره(هزت رأسها بلا وطلعت تركض لغرفتها) : ...................
الام (انحرجت من بنتها) : السموحه يا ولدي
بندر(أبتسم يخفي غضب قلبه ) : معليه يا عمه يمكن تعبانه (يوقف) طيب أسمحي لي
الأم : اجلس ألحين تجي
بندر(يتحجج) : معليه سلمي عليها هذي طلعتي من الصبح بروح أرتاح
الأم : لا تزعل
بندر(يبوس رأسها) : ليه ازعل يالله سلمي على عمي لما يصحى
الأم : الله يسلمك وسلم على الوالدة
بندر : يوصل مع السلامة
الام : مع السلامة
طلع بندر وصعدت أم الجوهره للجوهره معصبه ودخلت كان عندها هديل ومزون
الأم(بعصبيه) : وش اللي سويتيه
هديل(تحاول تهدي أمها ) : يمه شوي شوي هي ما عرفت انه هنا
الأم : عارفه هي تحسب انه راح كل شوي تتصل عليك وأنتي تقولين لها كل شيء ورحت وأجبرت مزون تقول انه راح اجل طول الوقت عناد يا الجوهره
الجوهره(توقف) : مو فيك يمه فيه
الام : أنتي بتذبحيني وش هالحركات أستحي على عمرك هذا زوجك
الجوهره(بعصبيه) : قلت لك البارح ما راح أقابله وش انتو على كيفكم كل شيء يتحكم فيني عمي يتحكم فيني ولد عمي ويوم افتكيت منهم يتحكم فيني هذا
الأم(بعصبيه) : بـــــــــــــــــنـــــــــــــــــــــت
الجوهره(نزلت رأسها ) : ............
الأم : هذا زوجك تكلمي في احترام عنه والحين تتصلين عليه وتعتذرين عن تأخرك وعن الطريقة السخيفة اللي تركتيه فيها
الجوهره(رفعت عيونها مصدومة) : اتصل
الأم : أيه أتصلي
الجوهره : مستحيل
مزون(انتبهت لامها عصبت) : بتتصل يمه
الجوهره(لفت لمزون بتتكلم بس مزون غمزت لها) : بتصل
الام : يالله أتصلي
الجوهره(بلعت ريقها) : بعد شوي
الأم(تصر على ضروسها) : ألحين يا جويهر ألحين
الجوهره(بترجي) : يمه
الأم : ......................
الجوهره(شافت إصرار أمها) : يمه طلبتك اجليها
الأم : لا تبينه يقول إني ما عرفت أربي
الجوهره(نزلت رأسها وبعدها أرفعته وابتسمت) : بس أنا ما أعرف رقمه
الام : جوهـ..
الجوهره(تقرب منها وتحب رأسها) : أقسم بالله ما أعرف بكره بسأل خوله عنه وبتصل وأعتذر منه (في نفسها) يحلم والله
الأم(هزت رأسها) : لا حول ولا قوة إلا بالله الله يهديك أنا بروح أرتاح
هديل(بعد ما طلعت أمها ابتسمت) : خطيرة ما تعرفينه
الجوهره(ترمي نفسها على السرير وتبتسم) : أنا صدق ما أعرفه لان من سجله أمس بتلفوني ما شفته والله ومسحته يوم جيت هنا ههههههههههههههههههههههه
مزون(تجلس جنبها) : مجنونه مو خايفه
هديل(تستند على الجدار وتكتف أيديها) : بندر ما راح يعديها لك
الجوهره(تغمض عيونها) : هذا أذا وصل لي دام بعيده ما علي منه (رن جوالها نغمة رسالة) هدول فتحي الرسالة مالي خلق أفتح عيوني أو أتحرك
هديل(مدت يدها للشنطه وفتحت الرسالة ويوم قرتها شهقت) : أهئئئئئئئئئئئئئئئئئئئئئئئئئئئئئئئ
الجوهره و مزون : شنووووووووووووووووو
هديل : هههههههههههههههه ولا شيء بس شركة الجوال تقول سددي الفاتورة
الجوهره(رمتها بالمخدة بعصبيه) : حماره خوفتيني
هديل( تلعب بحواجبها) : دام خايفه منه ليه سويتي فيه كذا ههههههههههههههه
الجوهره (رجعت وغمضت عيونها) : مو خايفه
هديل(تمد لها الجوال) : اجل خذي و وريني شجاعتك
الجوهره(تمد يدها وتاخذ الجوال) : ورينا وش الشجاعـ..(وسكتت واهي مركزه على الرسالة)
هديل(تغمز لمزون إنهن يطلعن) : ....................
مزون(بعد ما طلعن وسكرن الباب عليها) : بندر
هديل : أيه
مزون : شنو كتب
هديل : بندر قال انه ما راح يعدي اللي صار بخير وأن عرف أن الحركة مقصوده بتأخرها وما تبي تشوفه
مزون : بس
هديل : قال إن قريب بيرد لها اللي سوته مو بندر اللي ينتظر وينهمل
مزون(رفعت حاجبها) : عشتو وش يقصد أهو وش يحسب نفسه
هديل : أسكتي أنتي ما تعرفين شيء
مزون : فهميني
هديل : خليني أفهم وبعدها أفهمك بس قلبي مو مرتاح بندر اللي أعرفه عنه انه عصبي كثير
مزون : وش عرفك عنه
هديل : دائم أسمع من خوله لما تزور الجوهره وتسولف معها عنه
مزون : يعني تقصدين يضربها على حركتها أو يطلقها
هديل : فال الله ولا فالك عشان مرت عمي وبنتها يفرحن لا الله لا يقوله تعالي عندي بحث بسوية وأنتي ادرسي وخلي الجوهره تحل أمورها
مزون : الله يستر
الجوهره (لازالت عيونها تقرى الكلمات مره وثنتين ) : يماااااه وش يقصد هذا (فجاه رن الجوال في أيديها من الرعب رمته واعتدلت واهو يرن) أكيد أهو لا لا ما أبي أرد والله يذبحني ( انقطعت الرنة ورجعت مره ثانيه قررت ترد واللي فيها فيها شالت الجوال ويوم شافت الرقم على الشاشة ابتسمت وردت) هلا خوخه
(بعصبيه) : خوخه هاه يا جويهر أنا بندر
الجوهره من الخوف سكرت الجوال بوجهه وجلست على السرير تحس رجولها ما تشيلها صورته وعصبيته خلت قلبها يرجف رن الجوال شافته رقم خوله قررت أنها تسكره نهائي ما تبي تواجه أو ترد عليه توها حست بتهورها هذا بندر ويا ما تسمع عنه وعن عصبيته بس ما فيه مجال للتراجع قررت تنام شوي بعد ما تصلي العصر وفعلا صلت ونامت


بندر في غرفة خوله يروح ويجي مره يمين مره يسار واهو مقطب حاجبيه وينفخ دليل على عصبيته مي وخوله يطالعن له و أهن كاتمات الضحكة بعد ما رجع وقال لهن وش سوت الجوهره فيه
بندر (لف في عصبيه) : ليه ماسكات الضحك
مي وخوله : هههههههههههههههههههههههههههههههههههههههههههههه
مي(توقف) : وربي هههههههه نكته يا خوي
خوله(تغمز لها) : بس مي
مي : هههههههههه أنا بروح أتجهز عشان بروح بعد الصلاة لوضحه أسمح لي هههههههههههههه
خوله(توقف قريب من بندر) : ليه معصب
بندر(لف لها وبعصبيه) : قهرتني أنا بندر انتظر البرنسيسه وش شايفه نفسها
خوله(تكتف أيديها) : مو أنت خليها تنتظرك يوم ملكتك ولا حرام عليها حلال عليك
بندر(رفع حاجبه) : اهاااا السالفة كذا توني فهمت يعني ترد لي الحركة
خوله : هاه لا ما قصدت اللي فهمته
بندر : لا قصدتي أنتي أقرب وحده لها وفاهمه لها هين يا الجوهره (طلع من الغرفة) يماااه
خوله : يا ويل حالي هذا وش بيسوي خلني أشوف أحسن (نزلت ورآه وأهو بالصالة ينادي أمه) وش تبي في أمك
بندر : بتعرفين ألحين يماااااااااااااااااااه
الأم(طلعت من المطبخ) : علامك تصارخ
بندر : بعرس
الأم وخوله : شنوووووووووووووو
بندر : اللي سمعتيه بعرس خلال أسبوعين
خوله : أنت صاحي وش أسبوعين
الأم : ما تقدر تتجهز البنت
بندر : عنها ما تجهزت
خوله : وش تصرفات البزران هذي بندر أعقل
بندر(صر على ضروسه) : هي بدت بكره بعطيك المهر تودينه لهم يمه وتقولين عندها أسبوعين وأنا بجهز القاعة وكل شيء وعيال خوالي ما يقصرون
الأم : على بركة الله
خوله(لفت لها) : عايشه من صدقك تطاوعين هالمتهور هذا عرس مو عشاء
بندر(يطلع جواله ويبتسم بخبث) : عادي زمان ما كان يسوون عرس بس لخاطركم بسوي ولا أقدر أجيبها من شعرها لهنا
خوله : وش هالتهور أعقل يا بندر حرام عليك الجوهره ما راح تستحمل طريقتك لا تزيد الضغط عليها
بندر(بعد ما كتب شيء وأرسله دخل جواله بجيبه) : ههههههههههههههههه من يلعب مع بندر كأنه لعب بالنار خليها تحس بالنار اللي لعبت معها يالله أنا طالع بروح مجلس خالي فهد وأبلغهم
الأم : على راحتك
خوله : بندر وش تبلغ على الأقل شوف ظروفهم يمكن ما يرضون
بندر(وقف عند الباب) : خليها بس ما ترضى وربي اليوم تكون في بيتنا هي زوجتي شرعا وقانونا والزواج أشكال بس يعني مظاهر
خوله : بندررررررررررررررر (لفت لعايشه اللي جلست ومسكت التلفون) عايشه أنتي موافقة على كلام ولدك
عايشه(ماسكه النوتة(المذكرة) وتشوف الأرقام) : وش فيها هذا يوم المنى يوم يعرس أنا ما صدقت
خوله(تقعد جنبها) : يا عايشه ولدك مسويها عناد مو حب في البنت والعرس حرام
عايشه : وش حرام هي زوجته خليه
خوله : عايشـ.
عايشه(ترفع يدها يعني بس) : ألو السلام عليكم .. هلا أم الجوهره أخباركم
خوله(وقفت وبعصبيه صعدت لغرفتها أخذت جواله ) : ألو هلا إبراهيم .... معصبه إلا بنفجر من بندر وعمايله .. بقول لك أسمع وش صار





******************************************



: اهئئئئئئئئئئئئئئئئئئئئئئئئئئ
فيصل(ألتفت لها) : بسم الله وش فيك
عهد(ضمت يدها لها و قربت في الباب) : هاه ولا شيء
فيصل(يحاول ينتبه للطريق واهو يسوق) : علامك
عهد : لا لا تلمسني
فيصل(صر على ضروسه) : ألمسك يا ماما أنتي زوجتي وبعدين تحسبين متعمد الحركة لي ساعة أكلمك ما تردين على وش فيك سرحانة
عهد(تعدلت بس ضمت أيديها) : ولا شيء
فيصل : وش قالت لك الدكتور سهام
عهد(بلعت ريقها) : عادي
فيصل : وش العادي اللي خلاك تسرحين من طلعتي منها
عهد(طالعت لخارج الزجاج) : عادي
فيصل( رفع حاجبه) : عادي يا عهد زين عادي عادي مصيري أعرف
عهد(في نفسها) : آآآآه يا فيصل وش تبي تعرف أني مو مثل منت فاهم يا رب أرحمني ما اقدر خلاص أتحمل (انتبهت إن هذا مو طريق البيت) وين رايحين
فيصل : عازمك على العشاء
عهد : برجع للبيت
فيصل : بعد ما تنعشى نرد
عهد : فيصـ.. (قطع كلامها صوت جواله)
فيصل (يرد على جواله) : هلا .. بخير تسلم أخبارك أنت .... فيك شيء (ألفت لعهد ورد طالع الطريق) طالع مع الأهل أتعشى برى آمر ... فهد صوتك مو عاجبني .. طيب نتقابل في الليل في الأستراحه اوكيه سلم على الأهل ... مع السلامة
عهد : فيصل
فيصل : قلت بتعشى برى يعني بنتعشى ما أبي نقاش
عهد : ..............



********************************


في بيت فهد...

-------------------------


وضحه(بعصبيه) : آآآآآآآآآآآآآي ميوه
البنات : ههههههههههههههههههههههههههههههههههههههههه
فرح(تصب لهن قهوة وتقدم الحلى) : ههههههههههه وربي نكته
ليالي : ما ضنيت فهد قاسي خصوصا على (غمزت لها) القلب
وضحه(سحبت مخدة ورآها وحذفت ليالي اللي تفادها وبعصبيه) : حمااااااااااااااااااااره
ليالي : هههههههههههههه وش فيك
سمر : صايره عصبيه وضحه علامك
وضحه(كتفت أيدها وبوزت) : انتو مو فاهمين شيء
مي : طيب فهمينا
وضحه(غمضت عيونها تخفي دمعتها) : ولا شيء
عذاري (حست وضحه مو قادرة تتحمل حبت تغير السالفة) : بنات
البنات ألتفتن لها حتى وضحه فتحت عيونها وطالعت لها
عذاري : اممممممم ترى بسافر
سمر(سكتت تعرف السالفة كلها) : .....................
مي : وين
عذاري : لأبوي
ليالي : أخيرا قررتي تشوفينه
فرح : فرحتيني بقرارك خصوصا لما عرفت وش صار آخر مره
وضحه : عذاري
عذاري(رفعت رأسها لها) : ......
وضحه : صدقيني شوفتك له بتسعده وخصوصا لما تسامحينه وتنسين الماضي
عذاري(بهمس) : الماضي
ليالي حست عذاري بتدخل بدوامه أفكارها والماضي قررت تقطع عليها وابتسمت
ليالي : كم بتجلسين
عذاري : يومين أو ثلاثة
البنات انصدمن بس يومين أو ثلاثة بالكثير
مي : يومين بس تظنين بيكفي تجلسين مع أبوك
عذاري : أجلس أنا رايحه أشوفه بس مو اجلس
فرح : يعني شوفته مو مثل الجلسة معه
وضحه : أنا ضنيت تجلسين شهر يعني بما انك ما عندك جامعه ولا كليه وبعد قلت من زمان ما شفتيه
عذاري : شهر ههههههههه وربي قويه لو أسويها
سمر(بهدوء) : بس هذا أبوك
عذاري(ابتسمت) : عارفه
مي( انتبهت لعيون عذاري تحس الدمعة على طرف الرمش ابتسمت) : بنات سمعتن آخر خبر
فرح : لا وش صاير بعد
مي : بندر قرر يتزوج بعد أسبوعين
البنات : لااااااااااااااااااااااااااااااااااااااااااااااااا اااااااا
مي(خافت) : ووووووووجع خرعتني وش صاير
سمر(تصر على ضروسها) : أخوك هذا ما عنده حس بالمسؤولية
مي : وش فيه
سمر : داخلين على اختبارات
ليالي : صادقه سموره وقته غلط صراحة
وضحه : وليه مستعجل
مي(ما حبت تقول عناد في الجوهره) : أبدا الظاهر أعجبته الجوهره وقرر يتزوج
فرح : الظاهر الغداء عندهم أثر عليه ميثه قالت أن راح اليوم لهم
مي(ابتسمت) : إيه الله يسعدهم يا رب
البنات : أمين
ليالي : ما نلحق نفصل الفساتين
فرح : هالعائله نكته بصراحة كل شيء فجأه أذا بيعرسون
سمر : إلا بلغتوا العروس وأهلها
مي : أيه أمي بلغت أمها وأمها قالت ما عندها مانع و خالتي خوله قالت بتروح لها أذا محتاجه شيء
عذاري(رن جوالها) : ألو .. هلا سلطان .. أوكيه طالعين .. مع السلامة (لفت لسمر) سلطان يقول أطلعن
سمر(تلبس عباتها) : وينه سالم
عذاري : يقول أنشغل (لفت للوضحه) ألف سلامه عليك
وضحه : الله يسلمك
سمر(تغمز لها) : انتبهي من القطاوه مره ثانيه
وضحه(تغمز لها) : القطوه بقطع ذيلها وأنا بنت محمد
البنات (فهمن عليها ) : ههههههههههههههههههههههههههههههه
سمر وعذاري : باي
البنات : باي
فرح : تتعشون عندنا
ليالي(تطلع جوالها) : لا أنا مشغولة ما أقدر
وضحه : وش ورآك شركات ولا بنوك
ليالي : ها ها ها سخيفة وراي سوق وعرس بندر الفجأه بروح لنصوري أتحايل عليه يمكن يوديني
مي : ما تأخذيني معك
ليالي(لفت لها) : والله
مي : مهبوله عشان بندر يذبحني
ليالي(ابتسمت بخبث واهي تتصل في ناصر) : تعالي يمكن نويصر يشوفك ويأخذك وتصيرين مرت أخوي واطلع عيونك
مي : ووووجع آخذ نويصر بعيد الشر عني
ليالي (سوت نفسها معصبه) : نعم نعم وش فيه ناصر
ناصر(يطالع جواله ويسمع صوت ليالي) : ألو ليالي
سالم(معه) : وش فيك
ناصر (يرجع الجوال على أذنه) : مدري بس كان ليالي تقول نعم وش فيه ناصر
سالم(أشتاق لصوتها ) : حطه سبيكر
ناصر : حاضر (شغل السبيكر)
سالم(رفع حاجبه ) : هذي مي
ناصر : اووص خلنا نسمع (أبتسم يوم تذكر الموقف معها)
مي : وش فيه كأنك ما تعرفين أخوك
ليالي : لا علميني
مي : ليه منتي عايشه في الرياض ما شاء الله عليه رقمه منتشر
ناصر(أنصدم وطالع لسالم) : .................
ليالي (شهقت) : وش تقولين
مي (توقف وبعصبيه) : ليه تتغيبين ولا ما تعرفين
ليالي : صح كان كذا بس تغير يعني كل الشباب لهم حركات بس يتغيرون مع الوقت
مي : ما يهمني وناصر مهو اللي أحلم فيه
سالم(طالع ناصر ) : ناصر
ناصر(صر على ضروسه) : ولا كلمه لو سمحت
ليالي : مي
مي(رفعت خشمها بغرور) : لو كان أخوك آخر رجال مي ما أخذته
ليالي(سكرت الجوال) : أفاااا يا مي
مي : هههههههههههههههههههههههههههههههههههههههه
البنات طالعن بعض ما فهمن وش فيها فجأه انقلبت تضحك
فرح : يمه وش فيها هذي
مي : هههههههههههههههه
ليالي : مي
مي(قربت وضمتها) : لا يكون صدقتي وربي أمزح معك
ليالي : تمزحين
مي : سوري لولو وربي ما قصدت شيء بس شكلك تحفه ههههههههههههههههههههه
وضحه : قطعتي الرجال وتقولين مزح الحمد لله ما سمعك كان ذبحك
فرح(تبتسم) : صدق ناصر حبوب بس هدوءه يخوف الله يصلحك يا مي وربي صدقت
مي(بحيا يوم تذكرته) : لا وربي ناصر ما شاء الله بندر يمدح فيه أهو وسالم لو مرات لهم حركات بس رجال ينشد فيهم الظهر و ما يعيبه شيء وألف بنت تتمنى مثل ناصر زوجه له ويا حظ من تكون نصيبه صح له حركات بس هذي طبيعة الشباب و مو أنا اللي أقيمه بس شفت أن الجو هدوء قلت أسوي نفسي معصبه وأني البنت المتمردة آسفه هههههههههههههههههه
ليالي (في نفسها) : أنا وش سويت كنت أبي أحرج ناصر بعد سالفته معها يوم عرس منى من قال لي وأنا أتحلم إن مي من نصيبه وأتمنى وأسولف له عنها عشان يفكر فيها بس الظاهر جبت العيد يووووووووه ناصر سمع كلامها بس ما يعرف أنها مزح (طلعت الجوال بسرعة)
فرح : وش فيك
ليالي : بتصل بناصر
مي(شهقت) : لا يكون تقولين له وربي امزح أقسم بالله
ليالي (ترفع الجوال وتقول لها) : أصصصصص ... ألو ناصـ.. .... أسمع ....... أنت فهمت غلط ..... ناصر لا أسمع وربي إني كنـ... هي ما قصدتــ.. (لفت لمي) لا بس أسمعـ..
مي(حست بنظرتها شيء ) : ............
ليالي : طيب بلبس وأطلع مع السلامة
مي : شنو صار
ليالي(تلبس عباتها) : مي يله لبسي
مي : وش دخلني
ليالي : عمتي عايشه طلبت من سالم وناصر يوصلونك البيت
مي : بندر بيجي
ليالي : لا مشغول
مي(تأخذ جوالها) : بتصل بأمي أخاف تسوين فيني مقلب(اتصلت وكلمت أمها وبعدها سكرت) طيب بلبس يالله مع السلامة
فرح وضحه : مع السلامة

طلعت مي و ليالي وركبن السيارة كان فيه سالم وناصر سلمن وردوا السلامة كان الهدوء هو سيد الموقف ووصلوا لبيت العمة عايشه نزلت مي ووقفت عند الباب تطلع المفتاح ناصر ما تحمل نزل رغم طلب سالم وليالي
مي (حست خلفها أحد لفت شافت ناصر واستحت منه) : هلا ناصر تبي شيء
ناصر(يكتم غيضه لا يعطيها كف) : حبيت أقول لك الكلام اللي قلتيه بحقي مردود عليه
مي : الكلام
ناصر : لو كنت آخر بنت يا مي ما قبلت فيك فاهمه
مي (من الصدمة طاح المفتاح منها ووقفت تطالع له) : .........................
ناصر : و أذا ناصر مو عاجبك يمكن يعجبك الرجال اللي عمتي عايشه تدور لك على واحد يأخذك منهم يمكن يقبل فيك وما أكون آخر رجال بالدنيا و لأني ما أتمنى آخذ وحده كل ما جلست أمها بين الحريم تدلل عليها وتمدح فيها يمكن وحده فيهن تتعطف عليها وتأخذها لولدها والحين أتمنى ما تجيبين أسمي على لسانك لان ما يشرفني مثلك تنطق أسمي فاهمه ..
مي أنصدمت وأنجرحت كرامتها حست بدوخة مسكت باب البيت قبل تطيح حست الباب انفتح كان الخدامة دفتها ودخلت البيت تركض
ناصر(نزل اخذ المفاتيح و عطاهن للخدامة) : عطيهن مي وسكري الباب
الخدامة : حازر
ناصر(دخل السيارة) : السلام عليكم
ليالي وسالم : وعليكم السلام
ليالي : ناصر
ناصر : ما أبي أسمع شيء
ليالي (بعصبيه) : لا بتسمع مي ما كانت تقصد
ناصر(لف لها قبل يتحرك وبعصبيه) : ما أبي أسمع أسمها فاهمه
ليالي(بصراخ ) : مي كانت تمزح أقسم بالله وتقدر تسأل فرح هي كانت موجودة والله تمزززززززززززززززززح
ناصر(سكت وطالع لسالم وبعدها لليالي وبهمس) : تمزح
ليالي(لفت للشباك تشوف بيت عمتها) : والله مزح وما كانت عارفه إني بسوي فيها مقلب كنت بحرجها بس انقلبت الأمور مي دائم تحب المزح وقالت بسوي نفسي جديه ولو مره أقسم بالله ما كانت تعرف ولا تقصد ( ألتفت له بعصبيه) أنت مجنوووون وغبي ومتهور أعرفك
ناصر(لف يطالع البيت) : ...............
سالم(بهدوء) : ناصر عطني بسوق عنك
ناصر ما عارض عطاه المفتاح وجلس مكان الثاني وخلي مكان السائق
سالم(يسوق) : ليالي
ليالي(بعصبيه) : نعم
سالم : ووول عليك ترى أخوك اللي مزعل مي مو أنا
ليالي : أوووه اخلص علي وش تبي فيني
سالم(صر على ضروسه) : تكلمي عدل لا كف بعدين وش أبي فيك أتصلي عليها الظاهر أخوك خربها
ليالي(تطلع جوالها تتصل) : ما ترد
سالم :حاولي مره ثانيه
ليالي : طيب (حاولت ما ترد)
ناصر(بهمس) : لا تتعبين نفسك
ليالي : وش قايل لها ترى مي وربي حساسة كثيرة ووش قلت يا ناصر
ناصر : .................
ليالي (بصراخ) : ناصر
سالم : بس خليه لما يروق يقول لك
ليالي(صرت على ضروسها) : اكلم ناصر مو سالم
سالم(أبتسم) : لك الشرف والحين بس
ليالي(عصبت) : لا تقول لي بس
سالم (بخبث) : على قول أخوانا في الإمارات بسك رمسه (غمز لها لأنها كانت خلف السائق يوم أخوها يسوق)
ليالي (بهمس) : الأمارات
ناصر(بهمس) : لولو بس
ليالي (نزلت عيونها يوم شافت سالم يطالع لها من المراية ولاحظت ابتسامته) : زين
سالم مروق رغم الإعصار اللي في قلبه من هدوء ناصر وقرب ليالي اللي جالسه خلفه وكل شوي يطالع لها من المرايه وشغل أغنية


فـكـونـي مـنـه .. احلام

فكوني منه لا أموت
صرت مدمن شوفته
لو دقايق غاب عني
قلبي تضعف دقته
ليتني غمضت عيني
قبل عيني شافته
انا جرحة عندي رقة
والحنان بقسوته
وناره بالنسبه لي جنه
وكيف عندي جنته
أمنعوني من غرامه
كرهوني بسيرته
حاولوا تشوهون اسمه
في عيوني وصورته




ليالي تحاول تشغل نفسها عن سالم والأغنية اللي تعرف يقصدها فيها تكتب رسالة لمي ترد عليها وتدعي ربها يستر من الجاي وصلوا ليالي وطلع سالم مع ناصر لكوفي شوب يحاول يطلعه من صمته وصلوا ونزلوا طلب لهم كابتشينوا ناصر ساكت ويفكر ليه تهور وسالم يحس أن لو ناصر كتم بينفجر
سالم : ناصر تحبها
ناصر(أنصدم رفع لها رأسه) : وش قلت
سالم(أبتسم) : ليه مصدوم شكلك وتصرفك يقول تحبها
ناصر(بلع ريقه ) : مي
سالم : لا خدامتهم فيروز مدري زمرد
ناصر : ههههههههههههههههههههه الله يقطع شرك
سالم : أيه أضحك والحين رد على سؤالي
ناصر : لا ما أحبها
سالم : طيب
ناصر : أسمع عنها دائم وبندر دوم يسولف عنها يعتبرها بنته
سالم : متأكد
ناصر : متأكد أنا عصبت لأنها قالت الكلام قدام أختي والبنات حسيت بأهانه وعصبت بس حبيت أرد لها الكلام
سالم : وأنت ما قصرت
ناصر(أبتسم بألم) : فوق ما تتصور
سالم : وش قلت
ناصر : اسمع دائم من أمهاتي عن أمها وان تسولف عنها وتبي تزوجها وكأنها تعرض بضاعة على الناس ومي كثير منزعجة من حركات عمتي عايشه وقلت لها وإذا ناصر مو عاجبك يمكن يعجبك الرجال اللي عمتي عايشه تدور لك على واحد يأخذك منهم يمكن يقبل فيك وما أكون آخر رجال بالدنيا و لأني ما أتمنى آخذ وحده كل ما جلست أمها بين الحريم تدلل عليها وتمدح فيها يمكن وحده فيهن تتعطف عليها وتأخذها لولدها
سالم(أنصدم) : مجنووووووووووووووون
ناصر(يطالع الكابتشينو) : صح مجنون بس كنت معصب كل ما أتذكر كلامها وقمت أتكلم بدون وعي ما قصدت والله ما قصدت
سالم(أبتسم) : تذكرني بمجنون ينقال له سالم سوى مثلك وخسر بس الفرق إني خسرت قلبي وأنت خسرت بنت عمتك الوحيدة
ناصر(طالع له) : تظن تقول لبندر
سالم : هههههههههه يعني كل هذا خوف من بندر مو من شعور مي
ناصر : صدقني مي عزيزة علي هي بنت عمتي وأخت بندر بس بندر إعصار يخوف
سالم : اجل أنصحك لا تطلع من بيتكم لا يكون ينتظرك عند البيت
ناصر : هههههههههههههههههههههه تخيل تذكر سالفة خالد وميثه
سالم : هههههههههههههه أذكر يومين ما طلعنا خفنا منه ومن عمتي لين عطانا الأمان
ناصر : صح بس عقب ما لعن شكلنا وقال لو تدخلنا يا ويلنا
سالم : والحين يا يولك أنت ههههههههههههههه
ناصر : هههههههههههههههههههههه




************************************



في بيت الجوهره ..

اللي حبست نفسها من سمعت خبر الزواج وان أمها ما عارضت حتى لما خوله زارتهم ما قابلتها وكانت بس تبكي من القهر كيف يسوي كذا فيها ليه أناني ليه مغرور تحسب أن الله عوضها عن ولد عمها بس لقت إن ولد عمها أرحم من بندر ...
أم الجوهره : الجوهره فتحي يا يمه
مزون : فتحي بكلمك
هديل(تبكي) : ما يصير حرام اللي يصير بندر ما يحس حرام بيذبحها
مزون : ليه يمه الجوهره تعبانه
أم الجوهره : يا يمه ما اقدر أقول شيء والله هذا زوجها
هديل(تبكي) : والله لو ما تكلمينه لاتصل على أمه حرام أسبوعين هي للحين مو قادرة تتقبله يجبرها على العيش معه
مزون (بدت تبكي) : يمه طلبتك حرام الجوهره ممكن يصير فيها شيء تصرفي
الجوهره تسمع لهم وهي مو قادرة تتكلم مقهورة منه انتبهت لجوالها ومسكته وبقهر أرسلت له رسالة تحاول تطفي قهرها منه


بندر جالس مع إبراهيم يحاول يقنعه يتراجع على طلب خوله اللي اتصلت وقالت له كل شيء وبعدها اتصلت وقالت له عن الجوهره يوم عرفت بالخبر وصله المسج وفتح جواله قرى الرسالة وبعدها ضحك
إبراهيم(سحب الجوال منه وقرى الرسالة وبعدها طالع له) : مجنون
بندر : ههههههههههههه مهي هينه
إبراهيم(يحط الجوال على الطاولة) : تقول لك حقير وطلقني وتضحك
بندر : معناها ههههههههههه وصلها الخبر وهذا اللي أبي تعرفه
إبراهيم : بندر وش السالفة ليه تسوي في البنت كذا حرام عليك ترى مو كل الحريم مثل أم شوق يا أخي أنت بتوصل البنت الانهيار
بندر : ما عليها شر والله كثر المستشفيات الطب النفسي
إبراهيم(صر على ضروسه) : بندر
بندر : نعم
إبراهيم : أذا لي معزه أجله
بندر : بعد أسبوعين
إبراهيم : طيب يعني اللي يشوفك ما يقول فشلنا في ملكته ما يبي يعرس
بندر : عادي
إبراهيم : طيب أنا بطلب منك طلب (شافه بيقاطعه ) لا تتكلم اسمع أبي اطلب منك تأجل العرس (رجع بندر يبي يقاطعه) انتظر أنا ما أقول أجله سنه اجله على الأقل شهر طلبتك أذا لي معزه عشان خاطري وخاطر خوله اللي متضايقة بسبب رفيقتها طلبتك بندر أنت ما بلغت عمامي ولا الشباب قل بأجله وافق عشان أبو فهد
بندر : .................
إبراهيم : طلبتك
بندر(زفر وبعدين أبتسم) : إبراهيم والله صعب أنا خلاص قررت وبعدين ما أقدر أأجله ناسي عرس خليفة ولد محمد(أخو وضحه)
إبراهيم : يعني مصر
بندر : مصر ولا سوريا ههههههههههههههههه
إبراهيم(يصر على ضروسه ولا أهتم له يتصل) : مجرم وعنيد الله يعين حرمتك عليك ببلغ خوله إني ما قدرت أفففففففف منك
بندر(أبتسم وسكت) : ......................



*****************************************



دخلت عذاري وسمر مع سلطان البيت ..

بعد السلام جلسوا مع والأم و الجدة

سلطان : خالتي وش أخبار منى
الأم : بخير لله الحمد تسلم عليكم
سمر : يوووه يعني أتصل وأنا مو فيه
الأم : لا بس قالت وصلوا بالسلامة
الكل : الحمد لله
الجدة : عذاري فيك شيء
عذاري : هاه لا يمه ما فيني
سلطان : صدق ترى حجزت تذاكر السفر بعد بكره
عذاري : بسرعة
سلطان : وش سرعه صار لنا أسبوع متكلمين بالسالفة
عذاري : من يروح
سلطان : أنا وأنتي
عذاري : وأبوي فهد
الأم : أبوك فهد مشغول شوي
عذاري(لفت لها) : اجل نؤجل لين ينتهي
سلطان : افااا يعني ما أكفي
عذاري : ما قصدت بس أبي أبوي فهد معي
أبو إبراهيم(دخل على آخر كلامها) : وهذا أبوك فهد آمري
عذاري وسلطان سلموا عليه وجلسوا بس عذاري جلست جنبه
سمر(بوزت) : لا ترى أغار كذا
الأب(أبتسم وأشر جنبه الثاني) : تعالي هنا
سمر(ابتسمت وجلست جنبه) : الله لا يحرمني منك
الاب : ولا منكم (لف لعذاري) آمري
عذاري : أبيك تروح معي لجده
الأب (لف لسلطان) : سلطان معك
عذاري(قربت من أذنه وهمست) : يبه خايفه
الأب(لف لها وبهمس) : من شنو
عذاري (طالعت لسلطان وبعدها له وبهمس) : يتركني عندهم
الأب (رفع حاجبه) : ومن قال سلطان قال لك شيء
عذاري : سمعته مره يقول لولد عمي ما اقدر أخليها تبقى بس أنا أخاف يقنعونه لما نكون عندهم وسلطان ما يرد لأبوي أحمد شيء طلبتك أبيك معي تأخذني وتردني أعرفك ما تخليني هناك (باست يده وحست الدمع بعيونها) يبه
الأب(ضمها) : أهدي خلاص لعيونك بأجل الشغل لا تخافين لو الكل ضدك أنا معك
سلطان(طالع لهم وبعدها لجدته) : وش فيه
الجدة : مدري
سلطان : عذاري فيك شيء
الأب(أبتسم) : تتدلع بس سلطان أحجز لي بسافر معكم
الأم : ما تقول عندك شغل
الأب : بروح أغير جو الشغل بأيد إبراهيم
الأم(تطالع له بنص عين) : تغير جو أخاف ناوي على شيء
سلطان(بخبث) : يمه أخاف ناوي يعرس ترى يمدحون بنات جده
سمر(بخبث طالعت سلطان) : وش عرفك في بنات جده أخاف روحاتك عطتك خبره في البنات
سلطان : وووووول عليك قلبتي علي
الكل : هههههههههههههههههههههه
سمر(مسكت يد أبوها) : اللي يقرب صوب فهد أقلب الدنيا عليه
الأب(باس خدها) : ويلوموني فيها يا ناس
الأم : أيه محد يلومك دائم هي معاك بنت أبوها صدق
عذاري(ابتسمت براحه وفي نفسها) : الله لا يحرمني منك ويستر من الجاي

وحنا بعد نقول لك يا عذاري الله يستر من الجاي ^_^

*******************************



في اليوم لثاني في الجامعة ...


البنات يسولفن ويضحكن ومي في همها وتحس بالخنقه سمر منتبه لها وسألتها قالت ولا شيء بس تفكر في عرس بندر .. اللي فجأه قرر ولا حسب لقصر الوقت بس عناده يبي يكسر الجوهره ويعاقبها ..

مي (وقفت) : بنات أنا رايحه
بدور : وين
مي : بسبقكن على المحاضرة
سمر(توقف) : بروح لها بنات انتبهن لوضحه ترى سلحفاء مع رجلها
وضحه(بعصبيه) : سلحفاء تعضك
سمر : ههههههههههه ما عندها سنون (انتبهت لمي اللي ابتعدت) باي
مي ماسكه كتبها وضامتها لها ما حست إلا بيد تمسك يدها لفت وابتسمت
سمر(بهمس) : ناصر
مي(وقفت وطالعت لها بصدمه) : وش عرفك
سمر(تضربها بشويش على كتفها) : كنتي بتخبين علي
مي(تكمل مشيها) : وش تبيني أقولك لك أقول كلام مثل السكين صدمني فيه ولا أقول لك عن أمي وكيف تعرضني عل وعسى أحد يقبل ببنتها كأني بايره ولا دائره على حل شعري ولا عانس مو بنت 20 سنه ولا أقول سيرتي على كل لسان من فعايل أمي آآآآآآآآه يا سمر آخر شيء أتوقعه إن رجل أين كان قريب ولا بعيد يستهزأ فيني
سمر : ناصر كان معصب وقام يتكلم وأهو مو حاس
مي : من قال لك عن السالفة
سمر : ليالي قالت إن تتصل فيك بس ما تردين و رحت وسألت سالم وقالي أن ناصر متندم ويتمنى تسامحينه
مي(ابتسمت باستهزاء) : فضيع يحسب واحد من ربعه أسامحه ولا وش شايفني عادي أنجرح وأقول مسموح يا ولد خالي وش يظن ما عندي كرامة إذا القريب قال هذا الكلام اجل البعيد وش يفكر فيني
سمر : مي
مي : رجاء سمر لا تتكلمين بالسالفة وناصر اعرف أرد عليه وش شايفني صدق ما عرف مي للحين
سمر : يمه تخوفين وش بتسوين بتقولين لبندر
مي : امممم يمكن أسويها وتعرفين بندر
سمر : لا مي حرام عليك بندر ما يرحم
مي : خليه يعرف إن كلامه مردود عليه ولا يفكر ما عندي رجال يردون عليه
سمر : بس أنتي قلتي كلام قوي والرجال ألزم ما عليه كرامته
مي : مو غلطانة الغلط من أخته اللي حبت تحرجنا بس أنقلب الأمر
سمر(تطالع لكتبها) : الظاهر إن لولو تفكر أنك تصلحين لناصر وتتمناك زوجه له
مي(ضحكت بألم) : هههههههههههههههههههه ليه قلوا الرجال آخذ ناصر وبعدين ماني محتاجه يا كثر الرجال اللي يتمنون مي ما عرفتي أمي وش تقول سطر رجال ينتظرون أشارة مني (دمعت عيونها وبهمس) الله يسامحك يا يمه صرت مهزأة للي سوى واللي ما يسوى
سمر وقفت مكانها مصدومة وانتبهت لمي تبعد قررت تخليها شوي بروحها خافت تنزل دموعها قدام البنات

*****************************

في المكتب ..

سالم(يرد على جواله) : الو هلا أبو سلطان
عبدالرحمن : هلا سالم أخبارك
سالم : تمام وأنت
عبدالرحمن : بخير مشغول
سالم : شوي آمر
عبدالرحمن : والله اشتهيت أروح للشرقية وقلت إذا حاب أنت وعيال عمك تروحون معنا
سالم(حط القلم وتسند على الكرسي) : من انتو
عبدالرحمن : عبدالعزيز و في من عيال عمي بعد و إخوان عزيز
سالم : صدق مشتهي شوي أرتاح من الشغل شوف بطلب أبو عمر أجازه وبشوف الوالد إذا وافق بقول لعيال عمي صار
عبدالرحمن : صار إلا وش رأيك تجون اليوم عندي في المجلس
سالم : ليه فيك شيء
عبدالرحمن : لا بس حاب انتو هالمره تجون بدل اجيكم
سالم : خلاص بقول لناصر والشباب وهالله هالله في القهوة
عبدالرحمن : تستاهلون يالله أخليك مع السلامة
سالم : مع السلامة
عبدالرحمن(لف لعبدالعزيز) : تم
عبدالعزيز(جالس معه بالمكتب) : مجنون من صدق بتسويها
عبدالرحمن : جننتني مشاعل مو راضيه تعطيني الرقم ولأنها حافظته مسحته من جوالها
عبدالعزيز : تقدم لها ونخلص من هالسالفه
عبدالرحمن : باقي آخر شيء أنا دائم أجي عن طريق مشاعل بشوف أذا أنا أجبرتها بتخضع ولا تستمر على عنادها
عبدالعزيز : اخاف ينعكس الأمر عليك وتندم يا عبدالرحمن
عبدالرحمن : ما عليك اليوم بجيب رقمها ومن أخوها بعد
عبدالعزيز : كيف
عبدالرحمن : بيجي اليوم وخليه يتعشى ولما يطلع يغسل أيديه بأخذ جواله واطلع الرقم منه
عبدالعزيز : طيب وش عرفك برقمها أكيد مو كاتب أسمها
عبدالرحمن : شيء طبيعي بنقل الأسماء لتلفوني وبعدها أتفضى لها
عبدالعزيز : صدق مجنون
عبدالرحمن(أبتسم) : مجنون سمر هههههههههههههههههههههههههههههههههه
عبدالعزيز : والله خايف ينقلب الأمر عليك
عبدالرحمن : ما عليك إلا وش سويت بسالفتك
عبدالعزيز : آآآآآخ لا تذكرني وربي متضايق وأمي رافضه تسمع لا و هذاك اليوم حطوني في موقف مع بنت خالي على أساس أشوفها صدفه وأنا طالع من غرفتي
عبدالرحمن(غمز ) : حلوه
عبدالعزيز : على تبن زين
عبدالرحمن : ههههههههههههه عصب يا أخي يعني أقول يمكن حلوه تقبل فيك
عبدالعزيز : ليه شايفني قرد
عبدالرحمن : لا مزيون ما شاء الله
عبدالعزيز : أعرفك لما تستهزئ بس روح عساك تذوق اللي أذوقه في مشاعل
عبدالرحمن(أشمئز من أسمها) : لا تذكر أسمها والله كنت بذبحها لولا تعوذت من الشيطان
عبدالعزيز : تذبحها ليه
عبدالرحمن : أيه
عبدالعزيز : متى وليه
عبدالرحمن : امس عمتي كانت عندنا في البيت وقالت لي فجر انهم فيه قلت مالي خلق لمشاعل و سوالفها البايخه قررت ادخل من الباب الخلفي ولما وصلت سمعتها تكلم وحده من صاحباتها
مشاعل(بعصبيه) : حيوانه .. ما شفتي شكلي كلي فراولة ووووووووع .. والله ما اخليها تمر والسلام أهانتني ... آآآآخ اللي مقهوره منه أن التصوير اللي صورته ضاع ... هههههههههه وحياتك كان ما تطلع الشمس إلا وموزع ......... فضيحة ههههههههه سمر فهد سالم الـ.. بحفلة وعادي تركيب وحركات (ما حست إلا باللي مسكها بكتفها ولفها بعصبيه شهقت) عبدالرحمن
عبدالرحمن والغضب أعماه من اللي سمعه وعطاها كف
طرااااااااااااااااااااااااااااااااااااااخ
مشاعل(مسكت خدها وأهي طايحه على الأرض) : .........
عبدالرحمن(قرب منها ومسكها بكتفها بقوة وبعصبيه) : صورتي سمر يالحيوانه تبين تنشرينه
مشاعل (خافت) : أن أن
عبدالرحمن : حقيرة كنت تبين تضيعينها ليييييييييييييييييييييييه وش سوت لك البنت أنتي مجنونه مو بس تضيعينها تضيعين عائله كاملة قبيلة
مشاعل (تبعد يده) : تألمني أتركني
عبدالرحمن(صر على ضروسه) : تعرفين لولا إني خائف أدنس يدي كان أذبحك وبمكانك هنا أدفنك
مشاعل (قدرت تبعد يده وتوقف وبعصبيه) : تذبحني إيه مو سمر هذي ما ترضى عليه
عبدالرحمن (بصراخ) : مو القصه هذي سمر ولا مو سمر القصة إن هذي سمعت ناس وبنات ناس أنت وش تحسبين كل البنات مثلك
مشاعل : وش فيني
عبدالرحمن : وش فيك قولي وش ما فيني هايته ومن مكان لمكان سهرات وأرقام شوفي أنا ساكت لك عشان أمك وأذكر آخر مره تكلمت قلبت أمك علي وقالت مالك دخل
مشاعل : صح مالك دخل والله هالكف لأرده لك
عبدالرحمن : نعم
مشاعل : وش تظن أنا مشاعل
عبدالرحمن : وأنا عبدالرحمن وحطيها حلق في أذنك لا أقطع أذنك سمر تبعدين عنها والله يا مشاعل لامحيك من الأرض فاهمه
مشاعل : لا
عبدالرحمن( قرب منها وأهي هربت داخل وصر على ضروسه) : حقيرة
عبدالعزيز : بصراحة صدمني كلامك لهذي الدرجة بايعه كل شيء
عبدالرحمن : مشاعل ينخاف منها وما أظن سمر تقدر عليها وخصوصا أن أفكارها شيطانيه
عبدالعزيز : الله يستر منها
عبدالرحمن(يطالع ساعته) : يالله هذا وقت رجوعها
عبدالعزيز : عبدالرحمن
عبدالرحمن(مسك يده) : أمش
عبالعزيز : وش عرفك بوقتها
عبدالرحمن(أبتسم ) : عارف


******************************





في باريس ....

منى فرحانة وتحس الدنيا مو سايعتها وخايفه من هالفرحه

منى(طالعت لمشاري وابتسمت) : الأكل حلو كثير
مشاري : تستاهلين تحبين بعد الأكل نتمشى ولا نرجع للفندق
منى : مثل ما تحب
مشاري : الجو حلو نتمشى وبعدها نرد كلمتي أمك
منى : كلمتها تسلم عليك
مشاري : الله يسلمها ويسلمك يا رب أممم منى
منى : هلا
مشاري : حاب أتكلم معك بشيء
منى(ابتسمت) : آمر
مشاري : بخصوص الأطفال
منى(استحت) : تو الناس
مشاري(مسك يدها) : لا أنتي فهمتيني غلط أنا أقصد ما أبي أطفال
منى(رفعت رأسها مصدومة) : شنو
مشاري : فهميني ما أبي أطفال
منى (سحبت يدها) : ما تبي أطفال
مشاري : منى
منى(تقاطعه) : ليه في شيء فيني عشان ما تبي أطفال مني
مشاري : لا أقصد
منى : اجل
مشاري : ما أقدر أقول لك بالوقت الحالي
منى : لا فاهمتك
مشاري : وش الفاهمه
منى : انت ما تبي مني (دمعت عيونها) لأني عرجاء
مشاري(أنصدم) : لا
مني(تسند على عكازها) : لو سمحت رجعني للفندق
مشاري(يمسك يدها) : جلسي نتفاهم
منى(تسحب يدها منه) : تقولي ما تبي اطفال مني ولا تبي تقول السبب لي وتبيني اجلس أتفاهم
مشاري(يوقف) : قصري صوتك
منى : اقسم بالله إن ما خليتنا نمشي لا يصير شيء صدق بتندم عليه يا مشاري
مشاري(عصب) : منى
منى(تركته وطلعت برى المطعم) : ......................
رجع مشاري ومنى بعد ما مشاري وقف تاكسي والصمت طول الطريق ومنى تحاول تتغلب على دموعها لكن محال صدمه واهي بشهر العسل يقول لها ما يبي منها أطفال حلم كل زوجين مشاري رفضه ليه لأنها معاقة تذكرت زوجها عمر اللي وصاها ما تحمل وتستخدم الموانع الحمل تذكرت أنها تعجبت منه ليه يرفض وفهمت مع الوقت أنه رفض لأنه ما يشوف المعاقة مؤهله أنها تكون أم وإنها امرأه ناقصة ما صدقت وصلت للفندق ما انتظرت مشاري تسندت على عكازها وطلعت من السيارة ودخلت الفندق انتبه لها مشاري وأهو يدفع الأجرة لصاحب التاكسي دخل الفندق واتجه للجناح أنتبه أن عبايتها وشنطتها على السرير واهي مو موجودة وسمع صوت بكاها وشهقاتها بالحمام جلس وحط رأسه بين أيديه وتنهد وش الحل يا مشاري هذا كل اللي يفكر فيه

(نترك منى ومشاري شوي لين منى تهدأ ومشاري يفهمها ليه طلب منها هالطلب وإحنا نفهم بعد ^_^)


********************************


نعود للرياض

--------------------


تحس بصداع وودها بس توصل البيت ترتاح مرجعه رأسها للخلف على مسند السيارة وما فيه صوت الوضحه ومي هاديات كلن يفكر بهمه حست السيارة وقفت فجأه فتحت عيونها

سمر : منيررررررررررررررر وجع كيف وقفت كذا
منير : ماما
سمر : ماما بعينك كبر عيالك أنا
منير : سوري بس هزا نفر
سمر(تعدل وطالعت السيارة قدامها) : وش هذا
مي (بخوف) : يمه هذولا وش يبون
وضحه : لا يكون بيخطفونا
سمر(عقدت حجانها) : مدري لحظه منير أرجع بالسيارة
منير : في نفر يسكر سيارة ساني ورى
سمر ووضحه ومي لفن وتفاجئن بسياره ثانيه ورى سيارتهن
مي : وش نسوي
وضحه : خلونا نتصل على العيال يجون
سمر : هاه لحظه (أشرت لهم يعني وش تبون ) الله يستر
نزل عبدالرحمن اللي كان متلثم عشان منير ما يعرفه أهو وصاحبه عزيز اللي طلب من واحد من أصحابه يساعده ويوقف خلف سيارتهن يمنع رجوعها


انتهى البارت

تحس بصداع وودها بس توصل البيت ترتاح مرجعه راسها للخلف على مسند السياره ومافيه صوت الوضحه ومي هاديات كلن يفكر بهمه حست السياره وقفت فجأه فتحت عيونها

سمر : منيررررررررررررررر وجع كيف وقفت كذا

منير : ماما

سمر : ماما بعينك كبر عيالك أنا

منير : سوري بس هزا نفر

سمر(تعدل وطالعت السياره قدامها) : وش هذا

مي (بخوف) : يمه هذولا وش يبون

وضحه : لا يكون بيخطفونا

سمر(عقدت حجانها) : مدري لحظه منير أرجع بالسياره

منير : في نفر يسكر سياره ثاني ورى

سمر ووضحه ومي لفن وتفاجئن بسياره ثانيه ورى سيارتهن

مي : وش نسوي

وضحه : خلونا نتصل على العيال يجون

سمر : هاه لحظه (أشرت لهم يعني وش تبون ) الله يستر

نزل عبدالرحمن اللي كان متلثم عشان منير ما يعرفه أهو وصاحبه عزيز اللي طلب من واحد من أصحابه يساعده ويوقف خلف سيارتهن يمنع رجوعها وأشر لها وأهو يرفع جواله يبي يكلمها

سمر(شهقت) : حيوان هذا يبي نتكلم بالجوال

مي : من يبي بالضبط

سمر(عصبت) : والله فاضيه تفكرين باللي يبي ياربي وش هالمصيبه

وضحه : وش نسوي

سمر(كتفت أيديها) : سوات الله أبرك خليه يخيس في الشمس ويمشون منير قفل البيبان ولو شفت أحد يقرب من السياره حرك لو تدوسه فاهم

منير : بعدين نفر يموت

وضحه(بعصبيه) : يموت قلعته بس ما يصير فينا شيء

عبدالعزيز : عبدالرحمن وش نسوي البنت الظاهر ما تبي

عبدالرحمن : مو كيفها أوصل لهنا و ما أستفيد

عبدالعزيز : لاحول ولاقوة إلا بالله وش هالمصيبه ياولد بلا حركات بزران وخلنا نوخر أفرض مر أحد وعرفنا

عبدالرحمن : من يبي يعرفنا متلطمين والسياره مستأجر محد بيعرفنا

عبدالعزيز : والشمس

عبدالرحمن : ههههههههه لا تحاتي صبغتك ما تتغير

عبدالعزيز(عصب) : يا حمار تتطنز

عبدالرحمن : هههههه مو أنت خايف على لونك وبشرتك (لف لسيارة سمر) شكلها معصبه وتتكلم في الجوال

عبدالعزيز(خاف) : اخاف تتصل باخوانها

عبدالرحمن : ممكن لو شفنا سياره قريب أو تقرب على طول نهرب

عبدالعزيز : يعني جيمس بوند يا خيو الله يستر علينا من هبالك اللي مدري وين بتودينا أفكارك المجنونه

عبدالرحمن : كل خير إلا تذكر سميه اللي قعدت أسبوع ألحقها من مكان لمكان لين رضخت وقعدت تقول يوه شفتك مصر رضيت أتعرف عليك وكل ضنها أن اللي سويته حب لها مع أن كان تحدي بينا تذكر

عبدالعزيز : أذكر طيب هذي بعد تحدي

عبدالرحمن(لف لسمر) : هذا تحدي بين عقلي وقلبي العقل يقول أنها مثل كل البنات بترضخ وقلبي يقول أنها غير عن كل البشر والبنات

عبدالعزيز(لف لها) : ياليت يمكن هالبنت تجيب راسك وتكسر غرورك ويمكن تكون السبب الرئيسي في أنك تعقل

عبدالرحمن : هههههههههههههههههههههههههههههههههه

سمر(أنبهت لجوالها يرن قالت للبنات يسكتن) : ألو هلا يمه .... مافيه شيء بس منير يغير التاير (دولاب السياره) .. لا يمه لا ترسلين أحد من العيال أشوفه كأنه خلص ... طيب مع السلامه

مي : يووووه صدق تأخرنا

وضحه : ليه ما قلتي لها ترسل واحد يلعن شكل هالمستهتر ويعلمه ما يتعرض لبنات الناس

سمر : طيب أقول لهم ويجون طيران يا يسوون حادث لا سمح الله ولا هالانسان المستهتر يكون خريج سجون يطعن أحد منهم وتصير جريمه (خطرت في بالها فكره) منير

منير: يس

سمر : لا تلتفت معاك جوالك

منير : يس

سمر : طيب عطي جوالك من تحت الكرسي أو من جنب مو ترفعه

منير : شنو يبي في زوال في زوال أنتي

سمر(بعصبيه) : يا جعلك للزوال من زين جوالك اخلص علي لا أكسر راسك

منير : زين زين انا يعطي زوال بس مافيه يكسر أو يخرب انتي

سمر : طيب عمي

وضحه : بتكلمينه

سمر(تاخذ الجوال) : وش أسوي باين مهو صاحي على الأقل نعرف وش يبي

مي : نعرف نعرف المهم يبعد ويخلينا في حال سبيلنا والله لو أمي تعرف ما تخليني أعتب الباب من بكره وش من بكره من اليوم ما أشوف الشارع لتحبسني

عبدالعزيز(يجلس على مقدمه السياره) : حمني إلا بسألك اللي خلقها ما خلق غيرها يا أخي ألف بنت تتمناك

عبدالرحمن(يتسند على السياره) : ألف وحده تتمناني وأنا أتمني وحده اللي أهي هذي

عبدالعزيز : الظاهر راسها ناشف

عبدالرحمن : وهذا اللي عاجبني فيها

عبدالعزيز : يعني اللي عرفتهن ما يعجبنك

عبدالرحمن : أنا أبي أسألك لو أنت تبي تتزوج تاخذ من اللي عرفتهن وتعرفت عليهن

عبدالعزيز : طبعا لا

عبدالرحمن : طيب ليه

عبدالعزيز : اللي ترضى تكلم واحد ما تعرفه ترضى تكلم ألف واحد واللي تسلم نفسها لولد وتثق فيه كيف أثق فيها أهي ما حافظة على نفسها وامانة أهلها وربها كيف أثق مستحيل

عبدالرحمن : هذا قصدي أبيها وقوره محترمه محافظه على نفسها حتى لو ضايقتها أو هددتها أبيها شامخه ومعتزه في نفسها .. اللي أسويه نوع من الاختبار أشوفها تخضع ولا لا

عبدالعزيز : تخضع

عبدالرحمن : أذا خضعت لي بقضي الوقت تسليه ومكالمات وبعدين يصير حالها حال البنات اللي عرفت وأذا رفضت من بكره أخطبها لو تبي

عبدالعزيز(رفع حاجبه) : خذ البنت تأشر لك بالجوال الظاهر رضخت على بالي راسها ناشف

عبدالرحمن(يطلع ورقه كبيره من السياره) : كلهن نفس الشيء يسون نفسهن عفيفات ومحترمات بس يرضخن

عبدالعزيز : وش تسوي

عبدالرحمن : أكتب الرقم لها عشان تتصل

عبدالعزيز : ما تخاف يعرف منير الرقم ويعطيه الشباب

عبدالرحمن : خبل أكتب رقمي هذا الرقم الثاني

عبدالعزيز : ههههههههههههههه رقم الحلوات

عبدالرحمن : ههههههههههههه صح رقم الحلوات

مي(تلف لسمر) : هذا وش يسوي

سمر: مدري يرسم ولا يكتب

مي : شنو

وضحه : يعني شايفتنا جنبه يا خيه

سمر : والله فاضي صدق خبل

البنات : ههههههههههههههههههههههههههههههههه

وضحه : شوفن رفع اللافته هذا رقم جواله الظاهر

مي : من اللي رقمها

وضحه : أنتي

مي(بخوف) : ياويلي ويلاه وش انااااااااااااااا

وضحه : يالخبله أنطمي يالله سمر خلصينا منه

سمر: زززززين بتصل

مي : قولي له يتحرك

سمر : وش شايفتني وليه أمره خليني أتصل .. ألو

عبدالرحمن : هلا وغلا

سمر : أنت ما تستحي وخر السياره

عبدالرحمن : تامرين أمر كم سمر عندي

سمر(انصدمت) : تعرف أسمي

عبدالرحمن(يركب سيارته) : وأعرف كل شيء عنك بعد مو زوجة الستقبل

سمر(بخوف) : انت من

عبدالرحمن : أفاا ما عرفتيني يالريميه

سمر : لا تكون

عبدالرحمن(يقاطعها) : عبدالرحمن

سمر(عصبت) : يا غبي يا حمار ياللي ما تستحي تحسب تملكني في هذا الأسلوب وخر السياره لا أقول لأبوي والله لأقوله

وضحه(بهمس) : من

سمر(تهمس وتبعد الجوال) : الزفت عبدالرحمن

مي ووضحه(شهقن) : شنوووووووووووووووووووووووو

سمر : اوووووووص .. ألو

عبدالرحمن : أحلى ألو في الدنيا سمعتها

سمر(عصبت) : سمعت الرعد بأذونك خلص أبعد تاخرنا على أهلنا

عبدالرحمن : طيب طيب لا تعصبين ,,طيب بسالك هذا رقمك

سمر(بطنازه) : لا رقم سايقنا (بعصبيه) وخرررررررررررررر

عبدالرحمن : ههههههههههههههههههههههه طيب طيب بس لا تعصبين بتصل فيك الليله

سمر(بستهزاء) : انتظر اتصالك على أحر من الجمرررررررر

عبدالرحمن : باي حبي

سمر سكرت الجوال بدون لا ترد أبعد عبدالرحمن سيارته وتبعهم لين وصلت وضحه ومي اللي أتفقن ما يتكلمن بالموضوع وهددت منير لو تكلم تذبحه تخاف تصير مصيبه ويمنعونهن من الدراسه بسبب الخوف عليهن من اللي صار والخوف الاكبر على مي اللي سمر متأكده ان عمتها عايشه ممكن تظن شيء حتى لو مو حقيقه من كثر ما تسمع من الناس وسوالف البنات نزلت من السياره وشافت سيارة عبدالرحمن وقفت رفعت الجوال تتصل

عبدالعزيز : الظاهر الأخت أشتاقت تبي تتصل

عبدالرحمن : يا ربي مو قادره على فراقي هههههههههههههه .. ألو هلا قلبي

سمر : قلبك للبط زين

عبدالرحمن : أفا ماكنا حلوين

سمر : عسى أيامك ما تحلى أنت بهذي الحركه اللي سويتها بينت انك حقير وما تربيت وما عندك أخلاق ولا غيره على بنت بلادك ما تستحي عيب

عبدالرحمن : طيب ليه الغلط لو تعرفيني تتغير نظرتك من صوبي وتعرفين اللي سويته لأني أحبك اليوم بتصل عليك بالليل

سمر(رفعت حاجبها) : تتصل الليله

عبدالرحمن : الله يصبرني لليل

سمر : أجل تسلى مع سايقنا

عبدالرحمن : وش دخل السايق

سمر : على بالك مجنونه أتصل عشان هددتني من جوالي هذا جوال سواقنا يا بابا

سكرت الخط بوجهه وعطت منير الجوال وعطته 200 ريال ودخلت البيت

عبدالعزيز : عطت الجوال السواق وش السالفه

عبدالرحمن : ههههههههههههههههههههههه أموووووت عليها

عبدالعزيز : وش صار انهبلت

عبدالرحمن (يحرك السياره ويفك اللطمه عنه) : البنت أتصلت من جوال السواق تقول لي مجنونه أتصل عشان هددتني من جوالي

عبدالعزيز : صدق مجنون خلصنا خلنا نبعد قبل ينتبه أحد لنا

عبدالرحمن(أبتسم) : بعشيك على حسابي

عبدالعزيز : هذي بركات الريميه والله لأخسرك بسبب الخوف اللي حسيت فيه اليوم من جنونك

عبدالرحمن : بس صدق مغامرة

عبدالعزيز وعبدالرحمن(طالعوا بعض) : هههههههههههههههههههههههههههههههه

عبدالرحمن (أبتسم وأهو يفكر فيها ) :

ياما نصتني نظرة العشاق وأقفيت

ماهو غرور بس ماتهتويني

ولنظرتك ياعزوتي وقفت وأمليت

حسيتها بكاملي تحتويني

في بيت الجوهره ...

عَهْدٍ على ذِكْرَى الأَلَم والْمَهَآنه

........ لآخذْ بثَـآر دمُوعنـآ يآخفوقي

جَرْحٍ بجرح وكل خيآنه بخيآنه

......... حقّي وَجَرْحي له مِن ابسط حقوقي

أم الجوهره(دقت الباب) : الجوهره

الجوهره(تمسح دمعتها) : أحم أدخلي يمه

أم الجوهره (جلست جنبها على السرير) : كيفك ألحين

الجوهره(غمضت عيونها تداري دمعتها) : مثل أمس مثل بكره مثل كل يوم بس الحمد لله

أم الجوهره : على فكره ترى بندر حط في حسابك المهر

الجوهره : ما أبيه

أم الجوهره : هذا مهرك كيف بتتجهزين

الجوهره : ما بنجهز مثل ما أنا

أم الجوهره : وش تبين الناس يقولون عنا كل عروس لها تجهيزات ولبس ومكياج وعطورات

الجوهره : كل عروس مو العروس المغصوبه

أم الجوهره : مغصوبه

الجوهره (قربت من أمها) : يمه قولي له ما أبيه حرام أنا تعبت أول ولد عمي وألحين بندر يمه أنا (دمعت عيونها) أغضبتك في يوم وعاقبني ربي على تقصيري معك

أم الجوهره(ضمتها) : بسم الله عليك لا والله يابنتي أنك باره فيني

الجوهره(ضمت أمها) : اجل ليه يعاقبني ربي في بندر

أم الجوهره : تعوذي من الشيطان ما يجوز هذا الكلام هذا قسمه ربك وعسى أن تكرهوا شيء وهو خير لكم بندر مو بالسوء هذا

الجوهره : أجل أنا السيئه أكرهه يمه أكرهه ليه يسوي كذا فيني حرام عليه

أم الجوهره : تعوذي من الشيطان وقومي صلي ركعتين لله وادعي وتعالي مزون مسويه لنا قهوه و خلت السايق يجيب لنا كيكه تعالي يا بنتي لا تحبسين نفسك وخواتك فرحانات لك ويخططن لزواجك يبوه أحلى من زواج ريم بنت عمك ويتحدن

الجوهره (مسحت دموعها وأبتسمت بمراره) : هذا اللي كاسر ظهري خواتي يمه كيف بتدبرون أموركن مع عمي وعياله

أم الجوهره : الحمد لله لا تحاتين ألحين لنا سند

الجوهره : سند

أم الجوهره(أبتسمت) : بندر صار زوجك وحسبت ولدي

الجوهره (توقف) : اعوذ بالله هذا كل سالفه طالع لي فيها

أم الجوهره(توقف) : روحي صلي ركعتين وتعالي للصاله طيب

مآتشين إلآ تزيــن بـ " قـدرة الله "

و مآتضيق .. إلآ على ربـك فرجهــآا

الجوهره(حبت راس أمها) : حاضر يمه

*****************************************

في بيت سالم ...

دخلت سمر وسلمت وجلست جنب جدها وتلفت حولها ..

سمر : أمي وين

الأب : عند خالتك ام فواز تساعدها في البيت

سمر : خلاص بينامون في الملحق

الجد(يشرب قهوته) : خلها على الأقل البنت ترتاح من فيصل وجنونه

سمر: ههههههههههههه جدي لا يسمعك فيصل

الجد (أبتسم) : لا تحاتين عنده دوام اليوم

سالم(يدخل ويسلم) : السلام عليكم

الكل : وعليكم السلام

سمر(تصب له قهوه) : تفضل

سالم : زاد فضلك

الجد : إلا صدق هالمهبول بندر حدد عرسه

سمر : أيه مي قالت لنا بعد أسبوعين

الأب : وليه ما أجله شهر

سالم(يشرب القهوه) : يبه يقول عادي عاد تعرفه عنيد

الجد : الله يعين البنت عليه

الأب : الله يعين الكل عليه

سالم(يحط الفنجان) : يبه بطلب شيء

الأب : آمر تبي تعرس بعد

سالم(أبتسم) : لا تو الناس الشباب يبون يطلعون الشرقيه كم يوم بطلع معهم

الأب : من عيال عمك

سالم : أنا ومحمد وفهد وناصر وأصحاب لنا

الجد : يا ولدي وين تبون تجلسون

سالم(لف لجده) : في شاليه عبدالرحمن سلطان

سمر(من سمعت أسمه عصبت بس سكتت) : ..................

الأب : ومن فكرته

سالم : فكرت عبدالرحمن

سمر(وقفت ماهي مستحمله تسمع عنه) : أسمحولي بروح أساعد عهد

الجد : روحي (لف لسالم) وعرس ولد عمك بندر

سالم : بنجي قبل العرس

الأب : ما تساعدونه

سالم (سند ظهره) : اليوم حجزنا القاعه وطبعنا الكروت على المغرب بيطلعوا ونوزعهن أنا وناصر وبعض الشباب وأهو ما يبي عرس كبير وفيصل وأبراهيم وخالد وسلطان معه

الأب : وشغلك

سالم : طلبت من العم أبو عمر ووافق وطلبت من سلطان يمسك مكاني ووافق

الجد : سلطان ماعنده شغل

سالم : إلا بس قال بيمر بين فتره وفتره ويساعد العم أبو عمر

الأب : طيب موافق

سالم(باس راس أبوه وأبتسم ) : مشكور بروح أبلغ الشباب

الأب : الله يحفظك

سالم(طلع وطلع جواله) : ألو هلا حمني أقول عندك شيء المغرب ... طيب أسمع بمرك نروح نوزع كروت عرس بندر .... ناصر بيطلع مع محمد أخوه وفهد مع واحد من أصحابه يالله نلحق نوزع كل الكروت .. هههههههههه أيه وافق خلاص نتفاهم لما نلتقي .. مع السلامه

سمر(دخلت الملحق وسلمت) : السلام عليكم

الكل : وعليكم السلام

سمر : تبون مساعده

الأم : أيه تعالي ساعدي عهد في المطبخ ترتب الاغراض

سمر : حاضر(دخلت المطبخ) هاي عهودتي

عهد : هلا سمسم

سمر : اساعدك

عهد : تسلمين خلصت كنت بسوي لي نسكافيه تبين معي

سمر : ما أقول لا اليوم ماخذه راحتك

عهد(أبتسمت) : الحمد لله

سمر : ههههههههههههه عشان فصول مو هنيه

عهد : صدق أيه (أبتسم وفي نفسها)

الضيقه ألي تلـوف الصـدر وتحوفـه

في كل ليله وروحي صـرت أنازعهـا

ياليتهـا بيـن كـل الخلـق مصروفـه

ولاّ ليا جات صـدري قمـت أوزعهـا

مير البـلا بالضلـوع العـوج محفوفـه

ما أقدر عليها ولانـي قـادره أمنعهـا

سمر : هههههههههههههههههههههههههههه صريحه (رن جوالها وجلست على الكرسي) لحظه هذي عذوره .. ألو هلا عذاري

عذاري : هلا سموره وينك

سمر : عند عهد فيك شيء

عذاري : بروح للسوق تجين معي

سمر : وش عندك

عذاري : بكره مسافره جده وماني عارفه أجهز شنطتي متوتره

سمر : خلاص بقول لأمي وبخلي سالم يوصلني لعندك

عذاري : سمر قولي لخالتي تنامين عندنا طلبتك

سمر(أبتسمت) : حاضر يالله مع السلامه

عهد : خير فيها شيء

سمر : عذاري بكره بتسافر تشوف أبوها وهي متوتره تبيني أبات عندها اليوم

عهد(تمد لها النسكافيه) : بعد 20 سنه الله يعينها يارب

سمر : بس فتره وتعديها لما تقابله بترتاح اوكيه بروح أشوف سالم أذا بيوديني بنام عندها

عهد : والكليه

سمر : باخذ معي أغراضي في شنطه وبقول لمنير يمر الصبح علي مثل كل يوم عادي

عهد : سلمي عليها

سمر (تحط النسكافيه وتبتسم) : يوصل يالله مع السلامه

عهد : مع السلامه

********************************

في باريس ...

منى ما تكلمت مع مشاري إلا في أيه ولا ,, ولا تجلس معه ,, إذا جلس في الصاله راحت للغرفه وأذا دخل الغرفه طلعت

مشاري شوي يفقد أعصابه على الوضع بس ماهو عارف وش يسوي لها ويرضيها وحتى الاكل تاكل بروحها قرر يتكلم معها طلع من الغرفه شافها جالسه تتابع التلفزيون و اول ما شافته يقرب تسندت على العكاز تبي تقوم بس مشاري سحب العكاز منها وأبعده عنها

منى (بعصبيه) : جيب العكاز

مشاري : بتكلم معك

منى(تمد أيديها تبي تاخذه) : ما بتكلم معك

مشاري : مو كيفك ,, منى سمعيني بس

منى(تسند على الكرسي وتوقف) : تحسب ما أقدر أتحرك من غيره ( تحركت بس ما توازنت وطاحت) آآآآه

مشاري(يقرب لها ) : بسم الله عليك

منى(تبكي وتدف يده) : لا تلمسني

مشاري(أبتسم وشالها) : عنيده

منى (حطت أيديها على وجها تبكي) : اكرهك

مشاري(همس ) : بس أنا أحبك حرام عيك تكرهيني

منى(تدفه عنها وبعصبيه) : نزلني هين تحبني

مشاري(جلسها على الكرسي وجلس قدامها على الأرض) : طيب سمعيني

منى(تسكر أذونها بأيديها) : ما أبي أسمع

مشاري : طيب أنتي فاهمه غلط

منى(تصر على ضروسها وتبكي) : لا مو فاهمه غلط تحسب ما اقدر أهتم في ولدي لأني عرجاء صح تشوفني ناقصه

مشاري : لا

منى(ضربته على صدره) : ليه مثل عمر ما يبي مني عيال لأني عرجه

مشاري(عصب ومسك أيديها ) مـــــــــــــــــــــــــــنـــــــــــــــــــــ ــــــى

منى(بكت وسحبت أيدها منه) : ......................

مشاري(جلس جنبها وحضنها ومسح على شعرها) : منى أنا ما كنت بقول لك بس سبب أني ما أبيك تجيبين عيال أن أرسلت لمستشفى ألماني أوراق عن حالتك وحالة رجلك وعندنا موعد بعد رمضان عندهم قالوا أن ممكن يسوون تصحيح لعظمة الرجل وتمشين عادي بدون عرجه خفت أن تحملين وتتأجل العمليه

منى(أبتعدت عنه مصدومه ) : شنو

مشاري(أبتسم) : .............

منى : عمليه وألمانيا

مشاري : أنا ما اتمنى يكون أطفالي إلا منك بس انا سألت طبيب عظام عندنا في المستشفى لما ملكت عليك وعرضت عليه الاوراق والأشعه اللي عطاني ايها أبراهيم وقلت له هل عادي حالتك لما تحملين يعني لها تأثير

منى(أستحت لما قال تحملين ونزلت راسها) : ...............

مشاري(أبتسم وكمل) : العظمه ما تتحمل ثقل الجنين وممكن تضطرين طول فتره الحمل للنوم على ظهرك عشان ما تسببين ضغط على رجلك وانا يا منى مو مثل عمر هو مهو رجال على اللي سواه فيك

منى(رفعت حاجبها) : الظاهر تعرف عني كثير

مشاري : اكثر مما تتصورين يا مني وألحين عرفتي ليه رفضت تحملين

منى(هزت راسها ) : أيه

مشاري : ولازلتي تكرهيني (لما شافها ساكته قرب منها ) مناي

منى : لبيه

مشاري : تكرهيني

منى (هزت راسها بلا ومستحيه منه) : ...........

مشاري(أبتسم) : يا بعد عمري وروحي

القلب يمك يامنا الروح ينساااق

ياللي ليا شفتك يزيد إشتيااقي

وصبري ترى يازين ماعاد ينطاااق

ماعاد لي بدنيتي شي باااقي

منى (أبتسم وطالعت لعيونه ) : ........

ياطول بالي ياحبيبي ياطوله،،

أثر المحبه تحرق أهل الهوى حرق..

عز الله إني ماأطيح بسهوله ،،

لكن معاك الطيحه أسرع من البرق ..

مشاري : فديتك

منى : أحم مشاري جوعانه

مشاري : هاه

منى : جوعانه

مشاري : ألحين

مني : أيه

مشاري(يرجع شعره) : يعني لازم ألحين ما يتأجل

منى(هزت راسها لا) : .............

مشاري(وقف ) : طيب أمرى لله بغير لبسي وتغيرين ونطلع ناكل

منى(ترفع نظرها له) : طيب عطني العكاز

مشاري(يلف لها) : ليه

منى : بقوم أغير لبسي نبي نطلع

مشاري(قرب منها وشالها) : ما يحتاج العكاز انا أوصلك

منى(أبتسمت) : كيفك من بيتعب أنت وبالنهايه بتقول توبه وتعطيني العكاز

مشاري (باس جبينها) : تعبك راحه خلينا نروح نغير قبل أغير رأي

منى : اوكيه

في بيت ليالي ...

ناصر (يلف لها ويكتم ضحكته ) : طيب ليه مبوزه

ليالي : قهر

ناصر : لا غيره

ليالي : أنا أغار

ناصر : أيه لاني بروح للشرقيه وأنتي تجلسين هنا

ليالي : مالت عليك بس البيت بيفضى أنت ومحمد بتروحون أنا وش أسوي

ناصر : أدرسي

ليالي : كررررركرر يعني قاط نكته

ناصر : طيب بعرف وش اللي مزعلك

ليالي : بجلس بروحي
ناصر : تبيني آخذك معنا

ليالي(تصفق بفرح) : تاخذوني والله

ناصر(رفع يده) : طسي لا كف صدقت الخبله

ليالي : الخبل أنت

محمد(نازل) : وش فيك

ناصر : معصبه أن نبي نروح للشرقيه وتبقى لوحدها

ليالي : البيت يبي يفضى علي من أقابل

محمد : طيب هذي طلعت شباب وبعدين أنتي عندك دراسه لو ماعندك كان أخذت سيارتي وأخذتك معنا

ناصر(فتح عيونه) : معنا

محمد : يا غبي ناسي أخوي وليد في الشرقيه نحطها عنده

ليالي : أففففففف صدق الدراسه السبب

محمد(قرب منها ومسح على راسها) : طيب وش رأيك أطلعك نتعشى

ليالي (وقف) : نطلع

ناصر : خذوني معكم

محمد : لا رح مع فهد توزعون البطايق

ناصر : مو على أساس أن انت تروح معه

محمد : لا بطلع لولو رح أنت

ليالي : بروج أجيب عباتي

محمد : انتظرك

ناصر : لا صدق صرت انا المقهور تطلعون وانا أدور على البيوت

محمد(غمز له) : وبكره تدور في الشرقيه يالله بطلع أشغل السياره

ناصر : اجل خذني معك لبيت عمي عشان فهد

محمد : اوكيه يالله مشينا

ناصر(يلبس شماغه) : مشينا

****************************************

في سيارة سالم أهو وعبدالرحمن أخذوا الكروت العرس ويوزعونها على حسب العناوين اللي بالورقه

سالم(يسحب كرت من الصندوق) : بوصل هذا الكرت أعتقد هذا البيت الصح بيت متعب خلدون الـ...

عبدالرحمن : تحب أنزل أنا

سالم : لا خلك مرتاح

عبدالرحمن مد يده ويشغل المسجل على أغنيه

ماأقول

عبدالله رويشد

..

ما قول انا كلمة حبيبيواناديلك
خايف اذا تسمعها تغترعلي
وابداخلي ودي انا انتحرفيك
لكن اقول بنفسي أصبرشويه

فيني العواطف صبرها خلصوتبغيك
وخايف ابوح ابيوم سرالعاطفية
ودي اقول اشعار بعيونكواغنيك
بس مابي تدري عن غرامكاللي في

سمع تلفون سالم يرن قصر على المسجل ورفع الجوال يطالع من أذا كان الوالد بينزل يعطيه بس أنتبه أن مكتوب آخر العنقود وقعد يفكر من يقصد ومو مكتوب أسم أذا بنت ولا ولد بس يمكن يقصد أخته لأن يعرف هي آخر وحده طلع جواله وسجل الرقم ونزل الجوال مكانه وأبتسم أخيرا قد يجيب الرقم بنتظر ويجرب لين يرد البيت ويتأكد أذا مو أهي يمسح الرقم وأذا أهي معناها الفرصه جته لحد مكانه مد يده وزاد على صوت المسجل يستمتع مع صوت عبدالله رويشد

بمنع شعوري عن شعورك ليناخليك
تقدم فؤادك بالهوى ليهدية
وان قلتلك اني احبك لااوصيك
حط بالك تصد وتخلينيبأذيه

ماحس وأهو يسبح في عالمه الخاص ويفكر فيها إلا بمن طفى المسجل تعدل بجلسته

لي قلب ماحد هز عرشه ولاجاه

وماحد تجرا يطلع في كتابه

كم مر من عنده حبايب بدنياه

وكم واحد ينثر لقلبي إعجابه

لكن قلبي ماحد منهم أغراه

كل الوجوه اللي تمره تشابه

إلا أنت صوتك كل ما قلت ابنساه

أحس لك وحشه و قدر و مهابه؟

سالم(أبتسم) : عايش جو الأخ

عبدالرحمن(يبتسم له) : الأغنيه روعه وصوت عبدالله أروع إلا صدق ترى دق جوالك وانت مو فيه لين سكت

سالم(يحرك السياره ويمد يده لجواله وشاف الرقم) : هذولا الاهل بتصل أشوف وش فيه .... ألو هلا ... آمري ....... هههههههه طيب بجيكم بس سلطان وين .... أها لا خلاص العشاء على حسابي .... لا ما يحتاج أعرف وش تحبين تاكلين 24 ساعه بوجهي ........ ههههههههههههه لا خلاص سحبتها طيب بعد ساعه ونص أمر عليكم هالله هالله بالقهوه والشاي ... لا لا ,, منك لا

الله يخلي لنا مي تسويهم لو أنتي كان ما ذقتهم

فديتها أعرفها أخوها ما يهون عليها تجربين أنتي فيني خليها تسوي لي ... طيب لما أجي مع السلامه

عبدالرحمن(يخفي أبتسامته وفي نفسه) : أهــــــــــــــــــــــــــــــــــــــــي عرفتها صح أهي متأكد انا يوم تأخر علي قلت وش فيك تأخرت قال وديت أختي بيت جدتي وااااااااااااااااااااااااااااااااااااااااااااااااا ااااااااااااااو كأني كاسب مليون أخيرا عرفت رقمك ههههههههههههههه قلعتك يا مشاعل ماني محتاج لك

سالم : تصدق عرس بندر سبب لنا لخبطه وحوسه

عبدالرحمن : صدقت مدري كيف قرر فجأه توه من يومين مملك

سالم(غمز له وأبتسم) : الظاهر العروس خذت قلبه وعقله

عبدالرحمن : هههههههههههههه عقبالك

سالم ( أبتسم بحزن واهو يتذكر ليالي) : تو الناس علي الفال لك (وفي نفسه)

خل الحـزن في خافقكـ وادفن الهم

لالا تبيـن للخـلايـق بلاويـكـ

دام الحـزن في داخل القلب ملتـم

كف الحكي يكفي من الهم مافيكـ

عبدالرحمن : يوووه لا تذكرني ,, في البيت بس ينتظرون أخوي ضاري يرد يبون يزوجونا مع بعض

سالم : ضاري أول مره أسمعك تسولف عن أخ أسمه ضاري دايم سيف

عبدالرحمن (أبتسم) : ضاري أخوي من أبوي

سالم : ما شفته أذا جيتكم

عبدالرحمن : مسافر يدرس بكندا أدارة أعمال وهذي آخر سنه له عمره 30 سنه



سالم : ماشاء الله يعني أبوك متزوج 2

عبدالرحمن : أيه أم ضاري توفت يوم كان عنده سنتين...

أمي ما قدرت تحمل بعد ما جابت أخوي سيف وأختي أم عيسى مشاكل صحيه وخلت أبوي يتزوج بس زوجته كانت سوريه مو سعوديه ويوم طلبت من أبوي تروح تزور أهلها لانها من تزوجت وجابت ولدها ماراحت لهم قال أبوي تسافر بالطياره بس أهي قالت بترافق أخوها اللي كانت يشتغل بالسعوديه رفض ولما أصرت قال ما تاخذين ضاري هي وافقت لانها تحب الوالده وتعرف أن أمي تحب ضاري كثير بس الله شاء وأنقلت السياره فيهم ماتت أهي

وأخوها صابته كسور وتعافى وبعدها أمي أهتمت بضاري وبعد 5 سنوات حملت باختي وبعدها انا وضاري يحبها كثير ما يرفض لها طلب بس أهو يبي يدرس بالخارج يتمكن من أدراة الاعمال

سالم : بس معقوله ما خلص للحين وعمره 30 سنه

عبدالرحمن : لا خلص بس كمل دراسات و أشتغل عشان يكسب خبره بالميدان

سالم : صدق طموح وناوي يرد ولا لا

عبدالرحمن : قريب بيرجع ما باقي شيء

سالم : وأحنا بعد ما باقي شيء على الكروت إلا تحب تجي معي لبيت جدتي

عبدالرحمن : لا نزلني بيتنا باخذ سيارتي للأستراحه

سالم : طعني قهوه وشاي وحلى

عبدالرحمن : بالعافيه مواعد عبدالعزيز في الأستراحه

سالم : على راحتك

وصل سالم عبدالرحمن للبيت وطلع لبيت جدته بعد ما أخذ من المطعم لهم عشاء ووصل وأستقبلنه سوالف وضحك لين الساعه 12 قرر يرجع البيت بعد ما وصل سلطان ولأن بكره سفر وسمر عليها جامعه

*****************************************

اليوم الثاني ..

وضحه من سمعت البارح من فرح ان فهد بيطلع مع الشباب للشرقيه كم يوم وأهي داخله المطبخ من رجعت من الكليه دخل فهد بعد ما رجع من الصلاه يشرب ماء

فهد : هاي

وضحه : .............

فهد : ليه ما تردين

وضحه(مشغوله) : ما سلمت عشان أرد عليك

فهد(بأستهزاء) : الأخت متدينه السلام عليكم يا أخت البدو

وضحه : وعليكم السلام

فهد(في نفسه) : هذي وش تسوي حتى مالفت لي وانا وش دخلني خلني أطلع أنتظر الشباب برى نمشي قبل صلاة المغرب

وضحه(أنتبهت بيطلع) : فهد

فهد(يلف) : نعم

وضحه(تمسك صحن ) : أنعم الله عليك أقول مو انت تحب الجيز كيك

فهد : هاه

وضحه(تطالع الصحن) : حبيت أسوي لك ولأصحابك جيز كيك ولنا صحن

فهد(رفع حاجبه) : ليه

وضحه : أممممم كذا واحد لنا وواحد لكم

فهد طالع للصحن اللي في يدها وطالع الصحن الثاني اللي على الطاوله

فهد : ليه مو الصحن الثاني ليه هذا

وضحه(رفعت كتوفها) : عادي

فهد(بتشكيك ) : اخاف منك لك كل يوم هاديه هذا الهدوء قبل العاصفه

وضحه(تلف عنه وتحط الصحن) : كيفك يا ولد عمتي ما تبي لا تاكل آكله انا وعمتي وعمي والبنات وأمممم أرسل هذا الصحن لخالد وميثه (أخذت لها قطعه واكلتها وآخذت ثانيه واكلتها) والله شيء طعم الفراوله

فهد أشتهى ياكل خصوصا يوم شافها أرتاح أن مافيه شيء مستحيل تضر نفسها قرب وسحب الصحن منها وبدأ يأكل

فهد : صدق حلو باكله قبل يجون عيال عمي

وضحه(تبعد عنه ورفعت حاجبها) : ماتبي تنتظرهم

فهد : ليه

وضحه : عشان يذوقونه

فهد : لا حاب آكله أنا

وضحه(لفت عنه وأخذت كوب تشرب منه وفي نفسها) : كله يا فهد بالعافيه عليك جاك الموت يا تارك الصلاه على يد البدويه

فرح(تدخل) : واااااااو جيز كيك وفراوله أكيد وضوحه مسويته

فهد : لا تقربين

فرح(بوزت) : يمه اناني أبي شوي قطعه

فهد(يأشر على الصحن الثاني) : خذي قطعه من هذا الصحن

وضحه : فهد لا تكون أناني خلها تاكل قطعه والثاني لما يجي عمي

فهد : من كبر الصحن ما يكفي خصوصا أنا ما أقاوم الجيز كيك

فرح : أناني

وضحه : ترى الانانيه مو زينه

فهد : كيفي

فرح(بعصبيه) : عساك الاسهال زين يا بطين

وضحه(أبتسمت وفي نفسها) : ههههههههه قريب يا فروحه

فهد (عقد حجانه وحط يده على بطنه) : علامي بطني

وضحه(بأستهزاء) : يمكن اكلت كثير

فرح : هذا لو ياكل صينية جيز كيك عادي

فهد(يوقف ويطلع بسرعه) : ..........................

وضحه : هههههههههههههههههههههههههههههههههه

فرح : وش فيه

وضحه : هههههههههههههههههههههههههههههههههه

فرح : وضحه وش مسويه

وضحه(جلست ما قدرت تجلس ونزلت نقابها) : هههههههههههههههههههههه

فرح : وضحه وش سويتي يالهبله بفهد

وضحه : أخوك راح فيها

فرح(تحط يدها على صدرها) : سممتي أخوي يا بنت محمد

وضحه : وش سممت ماني مجرمه بس حققت لك أمنيه

فرح : شنو

وضحه : هههههههههههههههه هذي دعوتك بالأسهال

فرح : أسهال

وضحه(ترفع أصبعها للسماء) : من الله حقق امنيتك يا فروحتي

فرح (تجلس جنبها) : لا صدق وش سويتي وش حطيتي في جيز الكيك

وضحه : مسهل

فرح(تشهق) : مـــــــــــــــــســـــــــــــــــهـــــــــــــ ــل

وضحه(أبتسمت بخبث) : أيه

فرح : ليه وكيف

وضحه قالت لها كل شيء وأنها تنتقم منه وسوت الجيز كيك وحطت فيه مسهل

فرح : بس أنتي كلتي منه كيف ما صار فيك شيء

وضحه : أبدا شفتي هذا الكوب

فرح : وش فيه

وضحه : فيه ليمون أسود وقرنفل وسكر وماء يريح البطن

فرح : أعشاب بدويه

وضحه : صح وهي وصفه مجربه زين وبعدين أكلت قطعتين مو كل الصحن مثله هههههههههههههههههههههههه

فرح(طالعت الصحن الثاني) : وهذا فيه شيء

وضحه : ههههههههههه لا والله مافيه شيء بس صحن فهد

فرح(توقف) : ينخاف منك بروح أشوف وش صار بخوي

وضحه : ههههههههههههه تعرفين وين تلقينه

فرح : هههههههههههه يمه منك (دخلت غرفة فهد) فهد فهودي

فهد(بصوت عالي) : بالحمام انقلعي

فرح(تكتم ضحكتها) وش فيك

فهد : ما أدري

فرح(أنتبهت لجواله يرن) : جوالك يرن

فهد : شوفي وش مكتوب فيه

فرح(تطالع وأبتسمت) : مكتوب النسيب

فهد : هذا محمد طيب بطلع أرد

فرح نزلت وحصلت وضحه تغسل الصحون

فرح : هههههههههههه تخفين معالم جريمتك

وضحه : ههههههههه لو قدر يثبت على شيء إلا شخباره

فرح : بالحمام

وضحه : ههههههههههههههه يستاهل

فرح : منتي هينه يا بنت محمد سكتي لين جاك الوقت الصح وضربتي ضربتك

وضحه : أخوك تعبني كثير خليه يذوق شوي من العذاب بس بطريقه ثانيه ههههههههههههههههه

فرح : ههههههههههه (توقف بعد ما سمعت جرس البيت) بروح أشوف من بالباب (لفت اللفه وقربت من جهاز البيت وضغطت الزر) مين

: فهد موجود

فرح : أيه أخوي

: ما أصلح أخوك الله يصلحك

فرح : نعم

: هههههههههههههه والله صادق

فرح (عصبت) : تقلع قال صادق قال

: عيب عيب هذا الأسلوب معي

فرح : لا والله جايني تعلميني العيب

: أقول روحي نادي فهد

فرح (عصبت) : ما راح اناديه وأنطق بالشمس زين

(بهمس): فروحتي أهون عليك

فرح(تشهق) : تعرف أسمي

: ههههههههههههههههههههههه

فرح(بعصبيه) : ضحكت بلا ضروس

: وشلون أصور معك يوم العرس فشله معرس بلا ضروس

فرح(أنصدمت وبهمس) : محمد

محمد : يا قلبه
فرح(حطت وجها بين أيديها متفشله وتكتم شهقه) : .....................

محمد : وينك الشمس حرقتني ما تبين تدخليني ترى أصير مضحكه لسالم وناصر تراهم معي

فرح(أبتسمت ولفت اللفه وتغطت فتحت الباب) : حياك

محمد(دخل وأبتسم وسكر الباب) : السلام عليكم

فرح : وعليكم السلام

محمد : شخبارك فرح

فرح : بخير وأنت

محمد(يتلفت حوله) : تمام وين فهد

فرح : في غرفته يتجهز

محمد(أبتسم) : وحشتيني ليه متغطيه أنا زوجك

فرح(أستحت ) : أسمح لي بنادي فهد

محمد(مسك يدها ) : وين خلي فهد على راحته ما صدقت أشوفك

فرح(تحاول تسحب يدها مستحيه منه ومن فهد لو شافهم) : طيب هد يدي

محمد : بشرط اول شيلي الشيله

فرح (بهمس) : طيب أترك يدي عشان أشيلها

محمد(أبتسم وترك يدها) : وهذي أيدي خليني أشوفك قبل أروح الشرقيه

فرح أول ما ترك يدها ركضت للمطبخ مستحيه منه

محمد (أبتسم) : تضحكين علي يا فروحه

فرح(دخلت المطبخ ترجف) : يماااه

وضحه(تقرب لها ) : شنو فيك

فرح : محمد محمد

وضحه : محمد من راعي الدكان

فرح(تضربها على كتفها) : وجع محمد زوجي وحبيبي وعمري

وضحه : وش فيه صاير شيء

فرح(بخجل) : لا بس واقف برا

وضحه : بالحوش

فرح(تبتسم وتهز راسها نعم) : ..............

وضحه : وش يبي

فرح : يسأل عن فهد

وضحه : يا حليله ماطلع من الحمام

فرح : وضوح لو عرف فهد يبي يقلب عليك البيت

وضحه(خزتها) : من يبي يعلمه

فرح : هاه

وضحه : والله يا فرح لو عرف لأتصل على أبوي يا خذني من عندكم ولا أرد

فرح : لا لا ما بقول شيء والله ... يوووه نسيت محمد

وضحه : روحي له

فرح : أروح

وضحه : زوجك روحي له نقعتي الرجال في الشمس

فرح : أخاف فهد يطلع ويشوفني ويهاوشني

وضحه : ههههههههه تطمني فهد بالحمام

فرح : وضوووح (صعدت غرفة فهد ) للحين في الحمام

فهد : اذلفي عني

فرح : جوالك يرن

فهد : من مكتوب

فرح : النسيب

فهد : هذا محمد ردي عليه وقولي بنزل

فرح(تاخذ الجوال) : ألو

محمد(يطالع جواله) : هذا مو جوال فهد الظاهر غلطت

فرح : محمد

محمد : فروحه

فرح(أبتسمت) : أيه

محمد : ليه هربتي

فرح : ..........

محمد : ليه ياعمري هذا وأنا حاب أشوفك قبل أسافر

فرح(تضيع السالفه) : تبي فهد

محمد : فهد مقابل وجهه كل يوم شبعان ما تبين تنزلين تسلمين قبل أروح

فرح : فهد بالحمام وأنت بكرامه

محمد : بس دقايق دام فهد مشغول تعالي والله بسلم

فرح : فهد محمد يبيك

محمد(عصب) : خلاص ما أبيك ولا أبي فهد

سكر الجوال وأهو معصب من يوم ملك عليها ماشافها عمه رافض مبدأ المقابلات وفهد مثل أبوه بس خالد متفتح أكثر منهم دام زوجها راضي بس أبوه رافض مرات يشوفها لما تكون في بيت أهله طبعا بمساعدت ليالي أخته تحط فرح في مواقف محرجه وتحرجها وفرح قليل تروح لبيت عمها أبو وليد تعرف محمد وليالي يخططون لمواقف تلتقي فيه بس مرات الشوق يسبقها وترضى تشوفه حتى مع وصات فهد لها << نشوف يا فهد تتمسك بمبدأ ما نشوف الخطيبه ولا لا ^_^

فرح حست انه زعل طالعت باب الحمام وفكرت فهد مشغول ههههههههه ليه ما أشوفه بعدين ما يصير يروح واهو زعلان مني << يا حنونه هههههههههههه

نزلت للمطبخ بعد ما مرت على غرفتها حطت كحل وغلوس خفيف تعطرت وشافت أن دراعتها مناسبه وضحه أبتسمت يوم شافها و مدت لها صينيه فيها عصير وقطع حلى جيز كيك كأنها متأكده أن فرح ماراح تفوت فرصة شوفته أخذت الصينيه وطلعت شافته قريب من الباب بيطلع

فرح : محمد

محمد(أبتسم يوم سمع صوتها بس ما ألتفت) : ....................

فرح : أفااا زعلان مني

محمد : ...............

فرح(عقدت حواجبها وقربت بعد ما حطت الشيله على كتوفها) : محمد

محمد : هلا

فرح : بكلمك لا تروح

محمد : مستعجل قولي لفهد ننتظره بالسياره

فرح(بوزت) : مستعجل تقعد مع فروحه

محمد(لف لها وأبتسم) : لأجل فروحه أخلي العالم بس فروحه ما تقدر تترك العالم لأجل حمودها

فرح(بحيا) : أترك الدنيا مو العالم لأجل حمودي

محمد : لمن العصير

فرح : لك حياك نجلس لين فهد يطلع

محمد : يطلع ليه وينه

فرح : هاه يسبح

محمد(قرب وأخذ الصينيه منها ) : خلينا نجلس في المجلس

فرح(أبتسمت) : مثل ما تحب

في السياره .......

ناصر : اففففففف وش فيهم تأخروا

سالم(جالس ويلعب بجواله) : مدري أتصل عليه

ناصر (يطلع جواله) : بتصل وشوف وين طسوا صار لهم نص ساعه

سالم : يمكن يساعد فهد

ناصر : لو بيهاجر كان خلص الشنطه .. ألو وينك

محمد : ويني في بيت عمي

ناصر : احلف لنا نص ساعه منقعين وين فهد

محمد : في غرفته

ناصر(رفع حاجبه) : وانت وين

محمد : في العسل ههههههههه

ناصر : يعلن شكلك أنت مع الحبايب

محمد : هههههههههه أيه

ناصر : انت بالعسل وأحنا في البصل

سالم : هههههههههه العم عايش جو بس فهد وينه عنه

محمد(اللي سمع سالم) : فهد ياخذ دش ما نزل

ناصر (يلف لسالم) : يقول ياخذ دش

سالم(رفع حاجبه) : والله لو معرس كان خلص نص ساعه يتسبح

ناصر : محمد ترى طفشتنا تبون تجون ولا والله أحرك السياره وأخليكم هنا

محمد : خلاص خلاص طالعين يالله مع السلامه

ناصر: مع السلامه

محمد(يوقف ويلف لفرح) : فرح وش فيه فهد

فرح : مدري

محمد : طيب خذي لي درب بصعد لغرفته

فرح : حاضر(قامت بس لفت يوم محمد مسك يدها) محمد

محمد(أبتسم وقربها باس جبينها) : انتبهي لنفسك

فرح : حاضر

محمد : صدق لا تشترين فستان لعرس بندر

فرح(عقدت حجانها) : لا يكون ما تبيني أروح

محمد : هههههههههه لا بس حاب أجيب لك فستان من الشرقيه على ذوقي

فرح(أبتسمت) : الله لا يحرمني منك

محمد : تبين لون محدد

فرح : يكفي اللي تختاره يكون محدد لي أنا

محمد(ابتسم) : فروحه شوفي الطريق لي أحسن لي ولك

فرح : هههههههههه حاضر

محمد صعد أهو وفرح لغرفة فهد لقاه منسدح على السرير

محمد : أنت نايم وأحنا ننتظرك تحت

فهد(مغمض عيونه وحاط أيديه على بطنه) : هلا محمد

محمد(قرب منه) : وش فيك

فهد : بطني يوجعني

محمد : من شنو

فهد : مدري والله مغض فضيع

محمد : قوم نوديك الطبيب

فهد : لا تتأخرون عشاني روحوا أنتوا

محمد : لا وش نروح نوديك للمستشفى وبعدها نروح

فهد : والله مو قادر أروح

محمد : الروحه من دونك ما تسوى (مد يده وسند فهد) تعال فرح شوفي لي درب

فرح (حزنت على أخوها) : حاضر

تغطت وضحه يوم شافتهم ينزلون وتندمت يوم سوت بفهد الانتقام خصوصا انه كان شكله تعبان يوم محمد يسنده طلع محمد وفهد وفرح دمعت عيونها

فرح : يا قلبي يا فهود شكله تعبان

وضحه(نزلت راسها) : .........................

*****************************

في مطار جده .....

سلطان وأبو أبراهيم وعذاري توهم وصلوا لجده وعذاري ماسكه يد أبوها فهد وترجف وأهو يبتسم لها يحاول يخفف توترها

الأب أحمد

الجده علياء

العم حسن

عبدالله 32 سنه / علي 28 (متزوج الهنوف بنت عمه عندهم ولدين يوسف و ياسر 4 سنوات وسنه) /عامر 25 ( مملك على بنت عمته تغريد) /سعاد 30 (متزوجه ولد خالتها يوسف عندها آيه 12 سنه وعندها نواره 8 سنوات وحامل بالشهر 6 /ريما 23 /وداد 21/معاذ 10

العم سعود/

زينه 22 /الهنوف 26 /منيره 18 /أحمد25 (مملك على بنت عمه ريما)

العمه هيا

/ حسين 30 (متزوج بنت عمه حنان وعنده ولد حمود 8 سنوات وبنت أسماء 5 سنوات /حسن 28 / تغريد 24/فيصل 10

( على فكره ترى مو كل الشخصيات أساسيه في منها ثانويه وبس ^_^)

سلطان : هذا عبدالله ولد عمي (قرب منه وسلم عليه) هلا عبدالله

عبدالله : هلا بسلطان (لف لأبو أبراهيم) نورت ياعم جده

أبو أبراهيم : منور بأهلها

عبدالله : حياك الله يا بنت العم

عذاري(مارفعت عيونها وبهمس) : الله يحييك

عبدالله : حياكم

سلطان : والشناط

عبدالله : السواق ينتظرهم الكل متشوق لكم

عذاري(تهمس لأبوها فهد) : يبه خايفه لا تخليني

أبو أبراهيم : ما أخليك يا قلب أبوك

وصلوا للبيت أنبهرت عذاري في الفيلا كبيره كثير وبوابه حديديه مذهبه وشافت سيارات كثيره

أبو أبراهيم : ما شاء الله

عبدالله اللي جالس قدام مع سلطان وأبو أبراهيم جلس خلف مع عذاري رغم أن الشباب طلبوا يجلس قدام أحترام لسنه إلا أنه رفض عشان عذاري

عبدالله : هذي فيلا عمي أحمد و جنبها فيلا أبوي وفيلا عمتي أم حسين بعد كانت فيلا جدتي بس جدتي سكنت مع عمي أحمد ويوم ترملت عمتي عطت الفيلا لها ولعيالها وعمي سعود ساكن بعيد شوي بس كل يوم واهو عندنا

سلطان : الكبيره لأبوي ومافيها غيره أهو وجدتي يعني بتاخذين راحتك عذوره

عبدالله : حياكم وصلنا سلطان دخل اختك وانت ياعم فهد حياك في المجلس أبوي فيه

أبو أبراهيم(لف لعذاري يوم ضغطت على يده وهمس لها) : أنا بالمجلس والله يا أبوك ما اتحرك لين تقولين

عذاري(باست راسه) : الله لا يحرمني منك

نزلت معهم ومسك سلطان يدها وأهي تمشي معه كل شوي تلف تشوف أبوها فهد وأهو يبتسم لها خايفه ما تعرفهم خايفه من شوفته خايفه من أستقبالهم لها وكيف بتكون مشاعرها سمت وقرت الفاتحه وكل آيه تذكرها تحس تبي تبكي صحاها من شرودها صوت سلطان لما قال درب لفت له وبعدها أنتبهت وين دخلوا لصاله كبيره وكانت كلمة روعه قليله فيها فخمة رغم أن بيت أبوها فهد فخم لكن هذا البيت أفخم وطرازه مو خليجي طراز أوربي أكثر أنتبهت للي يهلي فيهم لفت وشافت حرمه كبيره ولكن مو كبيره كثير ترك سلطان يدها وقرب وسلم عليها وباس راسها أنتبهت أن قال لها ياعمه قربت بأشارة سلطان وسلمت عليها تحس أنها مخدره تسوي كل شيء مو حاسه تتحرك بالريموت بعدها دخلوا غرفه كانت ريحة المعقمات فيها تصورت أنها دخلت مستشفى مو غرفه لفت شافت حرمه كبيره بالسن تجلس على كرسي تلبس لفه وتسندت على عكازها قرب سلطان وسلم عليها وسوت مثله عرفت انها جدتها ماحست تجاها بشيء مو مثل جدتها مزنه ماتدري ليه يمكن ما تعودت عليها لفت له آخيرا شافته جسم هزيل موصول بمغذي (دريل) دمعه في طرف عينه وأبتسامه رغم الألم على وجهه حست بقلبها ينبض بسرعه تحس ان ما فيه هواء تذكرت لما قالت لها سهام أذا توترتي خذي نفس وطلعيه قرب سلطان وسلم عليه

سلطان : يبه كيف حالك

الأب(بتعب) : بخير نورتوا جده

سلطان(أبتسم) : بوجودك (لف لعذاري) عذاري تعالي سلمي وبعدين ليه متغطيه ترى ما فيه أحد

عذاري نزلت غطوتها وقربت بخوف وسلمت عليه بس بعدت عن السرير ما جلست

الأب : كيفك يا عذاري

عذاري(بهمس) : ب بـ بـ بخير

العمه : ما شاء الله يا حسن بنت حلوه وين مخبي هذا الزين

الأب(يطالع لعذاري) : صدقتي بنتي حلوه ما شاء الله

سلطان : طالعه على أخوها

العمه : ههههههههههه صدق ماخذ بنفسك مقلب

الأب : سلطان مزيون

سلطان(قرب وباس راسه) : على أبوي من وين آخذ كل هذا الزين غلا منه

عذاري انتبهت أن أبوها وعمتها وسلطان يسولفون بس وفي شخص ساكت في الغرفه لفت لها وشافت ان النظر موجه لها أهي ولا كأن في أحد غير عذاري في الغرفه وشافتها توقف بعد ما تسندت على العكاز

الجده : حياك يا بنت أحمد أنا بغرفتي يا هيا

العمه : بوصلك يمه

سلطان : انا بروح للمجلس

عذاري (لف له) : وانا

سلطان (لف لها وأبتسم) : وين تبين تروحين المجلس معي

عذاري : لا ما اقصد بس

سلطان : جلسي هنا عند أبوي وبتجي عمتي والبنات وحريم عمامي ما اقدر أجلس هنا

الأب : تخافين مني

عذاري (لف له بتقول أيه بس شافت نظرته رأفت لحاله) : لا

الأب(أبتسم) : خلاص تعالي جلسي جنبي

عذاري شافت الكرسي اللي كانت جالسه عليه جدتها جلست عليه وانتبهت لسلطان يطلع كانت بتصرخ تقول لا تطلع خذني أبوي فهد نزلت راسها وما رفعت النظر تطالع لأيديها مو قادره تطالع له رفعت راسها لما سمعته يقول

الأب : تدرسين يا عذاري

عذاري : لا

الأب : ليه

عذاري(في نفسها) : وش أقول انت السبب ولا أقول موت امي وظهورك في حياتي في قلبها وش أقول لمن انجح وأجتهد ولمن أهدي نجاحي

الأب(عاد السؤال) : ليه يا عذاري ما كملتي دراسه

عذاري رفعت نظرها له بس لفت للباب اللي أنفتح ودخلت جيش بنات فتحت عيونها من هذولا حست بخوف هي بروحها ما تعرف أحد والبنات بعمرها تقريبا حمدت ربها يوم شافت العمه هيا تدخل

العمه : يا مال العافيه ما قلت لا تدخلن كلكن تخرعن البنت

أنتبهت لوحده تقول لها يمه معناها بنتها

تغريد : يمه نقعتونا ما صدقنا طلع سلطان نشوف بنت خالي

الأب : ههههههههههه اقربن هذي بنتي (لف لعذاري) هذلن بنات عمامك

عذاري وقفت تسلم عليهم كانت العمه هيا تعرفها بالبنات وأهي تسلم

العمه : شوف يا خوي بناخذ بنتك ونخليك ترتاح

الأب : خذيها بس أنتبهي للغاليه بنت الغاليه

العمه : بعيوني (لفت لبنتها) تغريد خذي من بنت خالك عباتها وغطاها وحطيها بغرفتها وقولي للخادمات اذا وصلن الشناط يحطونها في غرفتها

عذاري : مافيه أحد

العمه : لا محد بيدخل ,, تبينهم يدخلون وهالقطيع موجود

أبتسمت يوم سمعت أعتراض البنات على كلمة قطيع نزلت عباتها كانت لابسه بنطلون مع بلوزه شيفون لتحت الساق طلعت معهن وجلسوا في المجلس بس اللي أنتبهت له أن الطابع الخليجي هو الغالب على المجلس حتى الجلسه أرضيه قدوا القهوه والشاي والحلى الفاخر حست نفسها اميره (رن جوالها فتحت شنطتها وأبتسمت يوم شافت الرقم)

عذاري : ألو .. هلا يمه

الجده : هلا عذاري كيفك

عذاري : بخير يمه كيفك أنتي

الجده : بخير متى وصلتوا

عذاري : من نص ساعه شلون خالتي وسمر

الجده : بخير خذي خذي هالخبله لازقه عند أذني

عذاري : ههههههههههه أعرفها عطينياها

سمر : ألوووووووووووووووو

عذاري : بطيتي أذني هلا سمسم

سمر : أشتقت لك

عذاري : ماصار لي 3 ساعات مودعتك

سمر : انتي توحشيني في الرياض كيف وأنتي في جده هاه بشري كيف أبوك واهله

عذاري(لفت حولها الكل يطالع لها أنحرجت) : بخير

سمر : وكيف أستقبلوك

عذاري : بخير

سمر : امممممممممم عندك أحد

عذاري : أيه

سمر : اوكيه أكلمك الليله مو تنامين

عذاري : طيب سلمي على خالتي والعيال

سمر : يوصل مع السلامه

عذاري : مع السلامه

العمه : أهلك

عذاري : أيه جدتي تسلم عليكم

الكل : الله يسلمها

وداد : تقولين لها يمه عبالي امك

عذاري(تذكرت امها حبست دمعتها) : لا جدتي حسبت أمي الله يرحمها

الكل : الله يرحمها

: يمااااااااااااااااااااه

العمه : وصمه تصم العدو

عذاري : هذا صوت رجال أبي لفتي

البنات : هههههههههههههههههههههههههههههههههههههههه

العمه(عصبت) : وجع ضحكتن من سركن

عذاري : وش فيه

تغريد : هههههههههههه تقولين رجال والله لو فصول يسمعك لا يتشقق من الوناسه رجال

العمه : فيصل رجال غصب عنكن

وداد : لا أسمحي لي عمره 10 سنه نص نصيص ياعمه

عذاري : عمره 10 سنه

فيصل : يمااااااااااااااااااااااااااه

العمه : تعال محد غريب

فيصل : وبنت عمي احمد

عذاري(رفعت حاجبها وأبتسمت) : ......................

العمه : هذي حسبت اختك

فيصل : اخاف تعجبني عاد اخطبها

الكل : هههههههههههههههههههههههههههههههه

فيصل : آآآآآي

العمه : وش فيك

فيصل : يمه هذا عبدالله ضربني

العمه : تستاهل لسانك طويل

عبدالله : عمه تعالي بسلم عليك

العمه(توقف) : جايه لك

طلعت العمه ودخل ولد عمره 11 سنه أبتسمت يوم شافته منزل راسه والبنات ضحكن

زينه : يا جعل دوم الحياء يا سيد فيصل

فيصل : طول عمري حياوي (رفع راسه وفتح عيونه وفمه)

تغريد : ياويل حالي فيصل وش فيك (لفت لعذاري ) الظاهر أخوي ما عمره شاف بنات يوم شافك

عذاري(أبتسمت ونزلت راسها مستحيه) : ........................

دخل ولد قريب من طول فيصل ووقف جنبه ما لف للبنات

معاذ : فصيل تعال نلعب كوره (مارد عليه) فيصل وش فيك فيصل ( لف للبنات مسوي نفسه معصب) وش سويتن في فيصـ (سكت يوم شاف عذاري) مزيونه منين جبتوها

البنات : هههههههههههههههههههههههههههههههه

سعاد : تسلفناها من بيت الجيران

معاذ(عقد حجانه) : ما عندنا جيران لحظه انا شفت يوم نزلت من سيارة عبدالله لا يكون أعرس وفكنا من حنت عمي

البنات كتمن الضحكه يوم شافن وجه عذاري اللي يعطي ألوان من الأحراج

سعاد : لا هذي بنت عمي أحمد أخت سلطان

فيصل(اللي صحى من مطالعتها) : يا ويل حالي خالي عنده مزيونه

الهنوف : بتنضلون البنت قل أعوذ برب الفلق

وداد : هذي عذاري (لفت لعذاري) وهذولا التوأم المتخلف فيصل ومعاذ

البنات : هههههههههههههههههههههههههههههه

عذاري(وقفت وسلمت عليهم مصافحه وأبتسمت) : تشرفت بشوفتكم

فيصل ومعاذ استحوا وطلعوا من المجلس لفوا لعبدالله اللي يكلم العمه وكلموا الطريق يسولفون

فيصل : أقول والله ماني غاسل يدي

معاذ : ليه

فيصل : المزيونه عذاري سلمت علي اقول كم الفرق بيني وبينها

معاذ : لحظه بحسب

العمه : وش عندك تحسب

فيصل : يعني اذا مافيه فرق بخليك يا يمه تخطبينها ما تتفوت هالمزيونه

العمه : يالله سترك تبي تعرس

فيصل : إلا يمه هي طالعه على من ,, كل بنات العائله يخرعن إلا هذي تهبل

عبدالله(رفع حاجبه) : فصيل طس ولا تقعد تسولف بسوالف اكبر منك

فيصل(بخبث) : أقول مو معناها جبتها يعني لك تغير من سوالفنا عنها

معاذ : تصدق الظاهر كل من جاب له احد صار له

فيصل : لا كل من جاب أحد صار وراه الاثنين

معاذ وفيصل يضحكون والعمه كتمت الضحكه وعبدالله عصب عليهم ويوم شافوه انحاشوا منه

العمه : هههههههههههه الله يقطع شرهم

عبدالله : مهبل منين يجيبون هذي السوالف

العمه : بزران

عبدالله : بزران متي يكبرون المهم مثل ماقلت لك بكره في عشاء كبير أعزموا من القرايب أبوي يقول يبيه عشاء فخم يليق في عيال عمي و العم أبو أبراهيم

العمه : إلا كم يوم بيجلسون

عبدالله : بيجلسون 4 أيام عشان العم أبو أبراهيم عنده شغل لازم يرد

العمه : طيب يروح اهو ويخلي عذاري وسلطان

عبدالله : سلطان بيرد الليله الرياض يقول عنده شغل ماسك شغل أخوه بالرضاعه اللي مسافر الشرقيه وموصيه

العمه : طيب عذاري لو بقت عادي بين أهلها

عبدالله(يصر على ضروسه يكتم غيضه) : البلا اهي اللي قايله

العمه(رفعت حاجبها) : ماتبي تجلس معنا يعني رافضتنا

عبدالله(كتف أيديه) : والله ماني قادر انسى اول مره شافت عمي وكيف حالته كانت احس بالقهر ودي اعطيها كفين هالدلوعه

العمه : صدق أذكر يوم رجعتوا من الرياض وبقى مريض أيام بس لحظه وش تعطيها كفين

عبدالله : قهرتني عمي فرحان بشوفتها واهي ماتبي تشوفه

العمه : ههههههههههههههه الله يستر من عصبيتك

عبدالله : بروح احسن قبل انفجر وهالمخبل يبون يخطبونها

العمه(بخبث) : ما شاء الله ما صار لها ساعه و بدو الخطاطيب يهلون عليها تستاهل بنت أحمد

عبدالله : عمه روحي شوفي من تبين تعزمين وانا بروح المجلس إلا وين جدتي

العمه : في غرفتها

عبدالله : بروح اسلم عليها

اتجه لغرفة جدته دق الباب ودخل شافها جالسه عند الشباك الكبير قرب وسلم عليها

الجده(أبتسمت) : هلا بولدي

عبدالله : كيفك يا جده

الجده : بخير

عبدالله : علامك جالسه هنا بروحك

الجده : أفكر

عبدالله : بشنو

الجده : بعمك أحمد يوم جاه خبر ان بنته بتجي اليوم وبس فرحان ويبتسم نسى حتى المرض

عبدالله (ابتسم) : صدقتي يا جده الدنيا مو سايعته من الفرحه

الجده : عبدالله

عبدالله : لبيه

الجده : أذا طلبت منك شيء تسويه

عبدالله : انتي ما تطلبين انتي تامرين ياجده

الجده : تتزوج عذاري

عبدالله (بصدمه) : شنووووووووووووووووووو

---------------------------------

انتهى البارت

الـــبـــ (22) ـــارت




-------------------------------




للرياض ..





--------------------------





دخل فهد ومعه كيس علاجه سلم على أمه وأبوه وجلس على الكرسي



فهد : آآآح



الأم : بسم الله وش فيك



فهد : الأبره توجع يا ثقل أيد الدكتور



وضحه وفرح كتمن ضحكتهن



رغد : أكيد بكيت



فهد : أبكي



رغد : أيه الأبره توجع



فهد(يسوي نفسه يبكي) : أيه قلت ما أبي قالت أبي أمي أبي أبوي بس قال لا



رغد (كورت يدها مثل الملاكمين) : كان عطيته بقس وهربت



فهد(يحك رأسه) : نسيت خلاص مره ثانيه أتذكر



الكل : ههههههههههههههههههههههههه



الأب : وش قالوا لك



فهد(يطالع الكيس) : قال يمكن مأكل أكل مو نظيف بس أنا ما أذكر مأكل شيء غير (رفع نظره لوضحه) تشيز كيك



الأم : كلنا أكلنا منه



فهد : ما صار لي شيء إلا يوم أكلته



فرح(انتبهت لوضحه اللي نزلت عيونها وفهد يخزها) : يتخيل لك كلنا اكلنا منه



الأب : إلا ما تبي تسافرون



فهد : إلا فرح جيبي لي شنطتي



الأم : تقدر تسافر



فهد : أحس اني أفضل بعد الابره الحمد لله وعلاجي معي يالله يا فروحه قومي الشباب ينتظروني



وضحه(وقفت) : عمه أبيك شوي



الأم(توقف) : طيب



دخلن المطبخ



الأم : فيك شيء



وضحه(مستحيه) : أبي أقول لك شيء



الام : وش



وضحه قالت لعمتها وش سوت في فهد والعمة ضحكت تعجبت وضحه أن العمة تضحك فكرت تزعل أو تهاوشها



الأم(تجلس) : يعني حطيتي له مسهل هههههههههههه



وضحه : اقسم كنت بس بنتقم منه على اللي يسويه فيني ما قصدت إن يوصل لحد المستشفى



الام : هههههههههههههههه الظاهر كثرتي المسهل ههههههههههه



وضحه(ابتسمت) : الظاهر



الأم (وقفت وغمزت لها) : خليه درس له



رغد(تدخل) : ماما فهد يقول تعالي بسلم عليك قبل يروح



الأم : طيب



طلعت العمة ووضحه وسلمن على فهد اللي طلع مع الشباب متوجهين للشرقية بعد ما صلوا المغرب مشوا لها والدعاوي معاهم بان الله يحفظهم يا رب





*****************************




في بيت سالم ..




سمر تحضر قهوة لجدها رن جوالها ما شافت الرقم رفعته




سمر : ألو



: ألو



سمر : من



: أنا



سمر(رفع حاجبها) : لا اللي جنبك



: ههههههههههههههههههههه



سمر : فاضي تضحك ( في نفسها) لا يكون سلوم يسوي فيني مقلب يا ويله



: سمر



سمر(بلعت ريقها ) : من أنت أنت سالم



: لا أنا عبدالرحمن يالريمية



سمر شهقت من الخوف و سكرت الجوال مصدومة كيف جاب رقمها رن مره ثانيه شافت نفس الرقم خافت وقفلت الجوال تخرعت يوم لمستها الخادمة



سمر(تلف) : بسم الله خرعتيني



الخادمة : سوري بس قهوة فنش



سمر(تأخذها) : عطني أعوذ بالله من الشيطان الرجيم



طلعت سمر وجلست جنب جدها وصبت له بعد دقائق دخلت عهد وسلمت وجلست



سمر : عهد



عهد : هلا



سمر : ما باقي شيء على العرس وأنا ما شريت شيء له أبي أروح السوق وش رأيك تجين معي



عهد : ما عندي مانع بس فيصل



سمر : وش دخل فيصل



الجد : كيف وش دخله رجلها لازم تقول له



سمر : ما قصدت طيب فيصل في الدوام كيف ننتظره يعني



عهد : اتصلي عليه وقولي بأخذ عهد معي



سمر(بخبث) : وليه ما تتصلين



عهد : هاه



الجد : قومي أتصلي على رجلك وإذا رفض عطينياه



عهد : بعدين جدي اتصل عليه



الجد : روحي عشان تلحقن تروحن



عهد(تتوعد سمر بعيونها) : حاضر



أشرت لسمر بدون لا يشوفها الجد كم رقم فيصل سمر عقدت حجانها وأشرت ما تعرفينه هزت رأسها لا أشرت لها بالأرقام كم اتصلت عهد واهي تتمنى ما يرد بس رد



فيصل : ألو



عهد : .............



فيصل : ألو



عهد : أحم ألو



فيصل : من سمر



عهد : لا أنا



فيصل(أبتسم عرفها) : أنت من



عهد : أنا أنا عهد



فيصل : اوووووه أنتي عهودتي قلبي حبيبتي زوجتي حياتي



عهد(تقاطعه) : بس



فيصل (بهمس) : أحبك



عهد(استحت) : ف ف فـ فـيصل



فيصل : عيونه



عهد(في نفسها) : والله فاضي



فيصل : اشتقتي لي



عهد(رفعت حاجبها نست هي مو بروحها وفي نفسها) : واثق



سمر(تهمس للجد) : الظاهر ولد أخوك مأخذ راحته



الجد(أبتسم) : الله يهنيهم ويرزقك



سمر(بوزت) : جدي



الجد(مسك أذنها) : أبي أفهم ليه عنيده



سمر(تبعد أيد جدها بشويش وتفرك أذنها) : والله مطيعه ماني عنيده



الجد : إلا عنيده وراسك يابس



سمر : بشنو



الجد : أبوك قال لي رفضتي متعب ليه



سمر : مو اللي عرفته أن ما يبي أكمل دراسة اجل ليه تعبت 12 سنه وبعدها دخلت الكلية وش هالفكر المتخلف



الجد : متخلف كان ممكن تجلسين معه وتتفاهمون



سمر : بذمتك لو صرت حليلة له ما راح يرضى خلاص صرت زوجته لا خل على البر أحسن



الجد : بتعنسين أو تخلين أبوك يزوجك غصب عنك



سمر : غصب عني لا أبوي ما يسويها وبعدين توني صغيره ليه مستعجلين على زواجي توها مناي متزوجة



الجد : وأخو صالح



سمر : ما اقدر أبعد عن الرياض اللي أبيه يأخذني أبيه بالرياض



الجد : اجل متعب ما عليه كلام أنا اقدر أقنعه يخليك تكملين دراسة تراه رجال زين وأنا جدك



سمر تحس تورطت بس فرج الله لها يوم عهد جتهم والجد لف لها ونسى الجواب اللي ينتظره من سمر



الجد : هاه وش قال



عهد : قال طيب



سمر(بفرح) : واااااااااااو



عهد : بس أهو يبي يودينا



سمر : عليه دوام



عهد : قال يبي يستأذن ويجي



سمر : لو أنا اللي طالبته كان قال تقلعي مع السائق بس أنتي غير



عهد(ابتسمت) : غيرانه



سمر : موت ههه



بعد 10 دقائق دخل فيصل وسلم على جده وجلس جنب عهد



الجد : صبي لرجلك قهوة



عهد : حاضر(صبت له وحاولت يدها ما تلمس يده) تفضل



فيصل(انتبه لطريقة مسكت الفنجان فمسكه متعمد يلمسها ) : زاد فضلك



عهد(حست أن الفنجان بيطيح منه بعدت وضمت يداها) : ......................



سمر(ابتسمت) : ...........................



فيصل : هاه ما تبن تروحن



سمر : بلا بنروح



فيصل : صدق لزقه ترى سألت عهد



سمر : أفااا قويه بحقي



فيصل : مو أذا ما راحت عهد ما فيه روحه عشان كذا أسأل عهد



عهد : أذا سمر تحب نمشي ألحين



سمر : فديتك (وابتسمت)



فيصل : لولا خاطرك ما طلعت المهم أنتي وش تحبين وخلي سمر عنك مو مهمة حتى لو ما راحت يكون أحسن من وجود العواذل



سمر : هذي ثاني مره



الجد : فيصل وش فيك



فيصل : ولا شيء بس أسوالف



سمر(طالعت فيصل) : الظاهر الأخ مو حاب أني أروح



فيصل : من قال



سمر(توقف) : محد لازم يقول أسمحوا لي



عهد : سموره ما تبين السوق



سمر(طالعت فيصل) : مو لازم



الجد(لف لفيصل ) : فرحان يوم زعلتها



فيصل : كنت امزح والله ما قصدت أزعلها



الجد : مزحك ثقيل تقول لها خلي سمر عنك مو مهمة



عهد(توقف) : وأنا ما أبي أروح اسمحوا لي



فيصل(يطالع لها) : الحين طلعت من الدوام عشانكم ويوم وصلت تقولون ما تبون تروحون



الجد : فيصل



فيصل : لبيه



الجد : مرات المزح يضايق يعني تكسر خاطر أختك عشان تبين حبك لزوجتك حتى لو مزح يؤثر عليها وتحسب أنها مو مهمة عند أخوها وما يشوف مثل زوجته على حساب أخته أنا عارف تحب عهد وتحاول تقرب منها بأي طريقه بس طريقتك غلط حاسب على مشاعر أختك وزوجتك



فيصل(أبتسم) : حاضر بطلع لسمر أراضيها وبعدها بشوف عهد



الجد(أبتسم) : روح



فيصل(صعد ودق الباب) : سموره ... سمر فتحي بتكلم معك ..... سمر (ما ترد عليه قرب أذنه) سمر والله أمزح فتحي ... فتحي سمسم والله كنت أمزح



سمر كانت تسمعه بس ما تبي ترد عليه مهما كان يمزح ما يقلل من قيمتها قدام أي أحد حتى زوجته هي استغربت كيف أن سمر اللي مهمة عند فيصل صارت مو مهم بوجود عهد تحس بشوي غيره بس ما تكره عهد تعرف أن فيصل يبي أي طريقه يقرب منها بس مو على حسابها أهي لازم يعرف أن سمر تحس مو حجر الواحد يستهزأ فيها أو يقلل من وجودها بحضور اللي أهم منها بقلب أي شخص



فيصل يأس من أنها ترد نزل ويوم شاف جده رفع له كتوفه بمعنى عجز طلع للملحق عهد رفضت تسمع له وتحججت أنها تبي تأخذ دش أضطر يرجع دوامه ويتفرغ لعهد وسمر لما يرجع من دوامه

جده ..

---------------

نعود لجده ولصدمه عبدالله في طلب جدته

عبدالله(يوقف) : مستحيل
الجدة : ليه هذي بنت عمك
عبدالله : عمي على عيني وراسي بس هالدلوعه مستحيل
الجدة : عبدالله
عبدالله : جدتي طلبتك ألحين عشان راحة عمي تطيح بكبدي
الجدة : وش تطيح في كبدك البنت ما شاء الله عليها مزيونه
عبدالله(يأخذ نفس ويجلس جنب جدته) : سمعي الزين كل بنات عمامي مزايين وبنات خوالي بعد بس هذي دلوعة وما تحترم ولا تحس لو تحس وعندها قلب كان حست في أبوها المريض كان حست في أهميتها عنده باست رأسه أحضنته مو قلب عندها حجر أشك أنها تحس

اللي ما حس فيه عبدالله إن معاذ وفيصل يسمعون وش يقول ^_^

الجدة : مو مهم تحس المهم إن عمك يحس في راحة ويفرح
عبدالله : ما فهمت
الجدة : خذها ولو تبي يا عبدالله أزوجك اللي تختارها بس تأخذها وتكون قريبه من عمك (دمعت عيونها) عمك يموت أبيه يفرح و أهي ولا حاسة ولا حاسة بس لما تكون زوجتك ما لأحد أمر عليها غيرك
عبدالله (باس رأسها وضمها) : اهدي يا جده ما يصير إلا اللي تبينه
الجدة : يعني وافقت والله يا عبدالله لأزوجك اللي تبيها غصب عن الكل بس تأخذ عذاري وتصير قريبه من ولدي وقدام عيونه
عبدالله(أبتسم) : أنا أوعدك تكون قريبه بس أني آخذها صعب أنا ما وافقت
الجدة : ليه
عبدالله : ما اقدر أنا ما أتقبلها ولا أحبها ولا أطيق وجودها بمعنى أكرها
الجدة : طيب فكر عشان جدتك بالموضوع
عبدالله : بفكر بس ما أوعدك بشيء اتفقنا
الجدة : الله لا يحرمني منك أنت بس فكر ويكون خير
عبدالله(باس رأسها) : بروح المجلس
الجدة : الله يحفظك يا رب

فيصل ومعاذ طالعوا لبعض بعض الكلام فهموا وش معناه وبعضه لا وانسحبوا بشويش لا يحس عبدالله فيهم

فيصل : معاذ فهمت شيء
معاذ : شوي شوف الظاهر جدتي تبي عبدالله يتزوج المزيونه
فيصل : بس عبدالله يقول أنها دلوعة طيب وش معنى يوم تقول تأخذ اللي تبيها
معاذ : مثل خالي سعيد عنده زوجتين
فيصل(فتح عيونه) : شنووو يعني يبيها ويبي وحده ثانيه ما يشبع
معاذ : لا عبدالله ما يبيها طيب وش القلب والحجر ما فهمت
فيصل : ولا أنا أقول أمش ندخل المجلس قبل يشوفنا
معاذ : صدقت أمش

طلع عبدالله معقولة جدتي تطلب مني آخذ الدلوعه اللي قست قلبها على أبوها مهي كفو تكون زوجتي تخسي
جدتي المهم عندها تكون قريبه من عمي بنفذ اللي تبين بس بعيد عني بعيد عن حياتي

دخل عبدالله وجلس جنب حسين صديق عمره حسين لفت انتباهه إن عبدالله متغير لف له
حسين : عبيد وش فيك
عبدالله : عبيد أصغر عيالك عبالك حمود ولدك
حسين : هههههههههه ندلعك وش فيك
عبدالله : ما فيه شيء
حسين : في شيء صاير داخل
عبدالله(عقد حواجبه) : ما فهمت
حسين : تبتسم
عبدالله : أبتسم وش الغريب ليه ماني من البشر عشان أبتسم
حسين : أنت المرعب كيف تبتسم أصلا لو عبدالله حسن الـ.. أبتسم نسوي حفله
عبدالله ضحك على تعليق حسين لدرجه إن الكل ألتفت له في المجلس وهذا أحرج عبدالله اللي ضرب حسين في كوعه
عبدالله (بهمس) : الله يخسك فشلتني
حسين(لف له) : قسم بالله صاير شيء وما راح أتركك لين تقول لي وش صاير
عبدالله : أخاف أم حمود تخليك تنام في الصالة أذا تأخرت
حسين : عادي أروح لامي مشتاق لها بس تقول لي وش اللي صار داخل
عبدالله(لف يطالع قدامه وبهدوء أبتسم) : جدتي بتزوجني
حسين نسى وينه ومع من جالس وشهق لدرجه الكل ألفت ثاني مره بس هالمره النظر لحسين اللي أنحرج وعبدالله كتم ضحكته على ولد عمته
حسين(أبتسم) : فشله ههههههههههههه
عبدالله : ملقوف هههههه
حسين : ومن تعيسه الحظ اللي بتزوجك أيها جدتي
عبدالله : أفاااااا قويه
حسين : والله صادق بتاخذ المرعب
عبدالله : ماسكين علي المرعب
حسين : يا أخي أنت دايم عابس و معصب محد يقدر يخالف أمرك تخرع وتخوف حتى البزران صاروا يعرفون المرعب بس يشوفونك يهربون
عبدالله : أف أف صدق أني جدي كثير بس مو لدرجه أخوف
حسين : لا لدرجه كبيره أنت ما تبتسم أبدا إلا أذا عند جدتي وخالي
عبدالله : إلا على طاري عمي ترى هي اللي جدتي حاطه العين عليها
حسين حس كأن ماء بارد غرقه فتح عيونه عبدالله أستغرب هدوئه يوم لف له أبتسم وضرب خده بشويش
عبدالله : حسين حسونه سكر عيونك كأنك خبل
حسين(رمش بعيونه) : نعم من قلت
عبدالله(كتف أيديه وسند ظهره على الكرسي) : بنته
حسين : ومن متى هالحب نعنبوا إبليسك اليوم شفناها
عبدالله : .......................
حسين : عبيد وش السالفة
عبدالله(يوقف) : كل شيء بوقته حلو أنا بطلع أكلم السموحه
حسين(في نفسه) : بيتزوج ومن بنت خالي أحمد كيف ومتى فكر فيها لا يا عبدالله يا خوفي تخفي شيء مستحيل الأمر كذا فجأه نبض بقلبك يا ويل حالي وش ناوي عليه ومن شفت داخل معقولة خالي طلبك لا لا لا مستحيل
طلع عبدالله وجلس على الكراسي في الحديقة يفكر طلع سيجاره و أخذ له نفس ونفثه وأهو يفكر
عبدالله (في نفسه) : أففففففف منين طلعت لي هالعله مو مرتاح لا زواج ولا هم الله يسامحك يا جده حطيتيها براسي والله ما ابي ارتبط وتصير تسألني وين رايح ومنين جاء وبكي ودلع ماصخ (رفع نظره شاف ولد عمته حسن ) لحظه أنا ليه ما أقول لجدتي يأخذها حسن أفتك حسن الوحيد اللي ما تزوج ولا خطب وأفتك أنا وأفك عمري من هالبنت (أبتسم ) والله وجبتها يا أبوالعبد حسن يأخذها وعلى الأقل تكون قريبه من أبوها وأشيل نفسي من هالسالفه والله لو أخذتها لتشوف أيام سوده أنا مو قادر أنسى حركتها السخيفة اللي كانت السبب في أزمة عمي كان بيموت من حزن قلبه يوم صدته آآآآآآخ لو أعطيك كف الظاهر ما تربيتي والدلع اللي عشتي فيه خربك يا بنت احمد (طالع ساعته) يوووه حسبي الله على عدوينك من كثر ما أفكر نسيت صلاة العشاء خل أقوم أتوضأ وأصلي

****************************************

في باريس ...


-------------

منى ومشاري طلعوا يتمشون ورن جوال مشاري شاف الرقم وأبتسم

مشاري : هلا والله سليمان
سليمان : بنجور
مشاري : ههههههههههههه بنجور
سليمان : مو لايق مالت عليك أخبارك
مشاري : بخير أخبارك أنت وأهل المملكة
سليمان : بخير وش أخبار الجو في باريس
مشاري : برد شوي
سليمان : اخص يالحظ وإحنا غبره ورطوبة وين أنت
مشاري : أتمشى قريب من برج أيفل
سليمان : أنتبه لا تطيح
مشاري : هههههههههههه وش فيك مهتم لي
سليمان : مو لعيونك
مشاري : قلت والله منت خالي
سليمان : خالي ولا عمي خخخخخخخخ
مشاري : سخيف ههههههههههههه أخلص وش تبي
سليمان : بخطب
مشاري(بعد الجوال ورد يكلم ) : وش قلت
سليمان : بخطب
مشاري : مو معارض الزواج
سليمان : يا أخي أول معارض معك بس يوم خونت وتزوجت قلت أسير في طريق الزواج
مشاري (أبتسم) : مبروك من
سليمان : أخت المدام
مشاري(عقد حواجبه) : أي مدام
سليمان : اللي على يمينك لو ماسكه يدك اليمين ولا على يسارك لو ماسكه يدك السيار
مشاري(ألتفت وأنتبه لمنى اللي ماسكه يده وأبتسم) : اها فهمت ومن فيهم اللي تبي تخطب
سليمان : أختها بالرضاعة
مشاري : وكيف عرفتها شكل عندك معلومات كثيرة
سليمان(بهمس) : بيني وبينك شفتها بس أهي ما تعرف
مشاري : سليماااااااااااااااااااااااااااااااااااااااااااااا ااان
سليمان : أقسم بالله صدفه مو قاصد أقسم
مشاري أنتبه لمنى اللي قالت له أقصر صوتك فضحتنا تلفت حوله شاف الناس تطالع له ابتسمت متفشل
سليمان : هههههههههههههههههه شكلك جبت العيد تحسب بسوق الغنم تصارخ
مشاري(عصب) : كل تبن و لما أرد الفندق أتصل عليك
سليمان : طيب وما أوصيك
مشاري( يلعب بأعصابه) : بنتبه لنفسي
سليمان : مالت عليك ماهميتني أوصيك تضبطنا عند المدام يمكن تصير حلقه الوصل بينا وبين أختها وتوافق
مشاري عصب ولا خلاه يكمل وسكر يوجهه الخط معصب
منى(تبتسم) : شكل سليمان عصبك
مشاري : سخيف
منى : سمعتك تبارك له بيعرس
مشاري : أيه
منى : الله يهنيه
ما حبت تتدخل أكثر خصوصا ان سليمان ومشاري حسبت إخوان لين أهو يحب ويقول لها
كملوا مشي لين تعبوا وردوا الفندق ومشاري سكر جواله بيخلي سليمان على نار عشان عصبه

********************************************
في بيت أبو إبراهيم ...

سمر في غرفتها تكلم أختها نجود ....

سمر : حركه سخيفة وربي قهرني
نجود : طيب ليه سوى كذا ترى يمكن يمزح
سمر : لو يمزح مو كذا يا نجود كرهت نفسي كأني راميه نفسي وداخله بينه وبين زوجته يا أختي ما باقي يقول لا تروحين أحسن
نجود : وعهد وش سوت
سمر(ابتسمت) : فديتها زعلت لزعلي
نجود : كيف عرفتي وانتي قلتي صعدتي غرفتك
سمر : جدي لما نزلت أتعشى قال لي وكيف فيصل عصب وطلع هههههههههههههههه
نجود : لا تأخذين الأمور بحساسية ترى فيصل ما يقصد
سمر(بوزت) : عارفه بس يمكن لأني ما تعودت يرد لي طلب بهذا الشكل صدق أبوي ما جاك
نجود : ليه أبوي في جده
سمر(رفعت حاجبها) : معقولة ما عرفتي بابا وسلطان وعذاري عندكم اليوم العصر وصلوا لكم
نجود : مستحيل يجي وما يمر علي
سمر : راحوا لأهل سلطان وعذاري
نجود : والله أخيرا عذاري بتشوف أبوها
سمر : أيه يا قلبي عليها رفضت تروح لين أبوي وعدها بيروح معها ولا يخليها لحالها
نجود : اجل بتصل على أبوي كيف ما يمروني والله أزعل وصالح لو عرف بيزعل
سمر : خلاص أتصلي وأنا بتصل على لولو أسولف معها
نجود : ما عندك كليه بكره
سمر(تطالع الساعة ) : تو الناس الساعة 11 ونص
نجود : سمسم نامي بكره تتكلمين معها
سمر : اف زين
نجود : اوعديني
سمر : طيب تصبحين على خير
نجود : وأنتي بخير
سكرت نجود عن سمر و ترددت تتصل على أبوها خافت يكون نايم اتصلت على سلطان سلطان كان سهران مع الشباب في مجلس عمه حسن ولما شاف الرقم أبتسم
سلطان : هلا والله
نجود : لا والله تقول هلا والله
سلطان : هههههههههههههه أكيد عرفتي
نجود : إيه عرفت اجل لو ما اتصل بسموره ما عرفت أنكم هنا
سلطان : لا والله
انتبه أن الكل سكت ويطالعه أبتسم يعرف وش يفكرون فيه
سلطان : يا عمري أنتي
احمد : يهب يغازل
عامر : والله ضنيت إن مو راعي حركات
سلطان : ههههههههههههه طيب وإذا قلبي زعل كيف أراضيه
عامر : ألحق يراضيها
سلطان : خلاص بكره اجيك أنتي تأمرين يا روحي
أحمد(لف لعامر) : تظن يا خذنا معه
عامر : وش يبي فيك يمكن أنا يأخذني أنا أحلى واكشح
أحمد : لا تسمعك تغريد
عامر(يلعب بحواجبه) : تغريد مهي سامعه بس ريما ما تنام اليوم إلا واهي سامعه وش قلت
أحمد : يلعن شكلك نسيت أنها أختك
عامر : ههههههههههههه طحت محد سمى عليك
حسن(أبتسم) : الظاهر نسيتني مو تغريد أختي
عامر(ضرب جبهته) : وووول أنت هنا
حسن : ههههههههههه لا هناك
عامر : أقول ما تستر على الموضوع
أحمد : هههههههاااااااي كفو ولد عمتي أيه عطه
سلطان : طيب يا أم محمد سلمي على النسيب وبكره أتغدا عندكم اوكيه ... ببلغه مع السلامة
حسن(ضرب عامر وأحمد على روسهم) : الله ومن التفكير الوصخ
أحمد : أأأح وش قلت اهو يقول عمري وروحي
سلطان(حط جواله) : عادي أختي الكبيرة وأقول لها عمري
عامر : أيه صدق نسيت أن لك أخت هنا
حسن : بتروح لها
سلطان : إيه بكره بقول لأبوي فهد ونروح
أحمد : وعذاري بعد
سلطان : أكيد مستحيل أخليها لو عرفت رحنا لام محمد واهي لا تقلب الدنيا وأبوي فهد كله ولا زعلها
عبدالله(تعدل) : لهذي الدرجة
سلطان : شوف عذاري وأختي الثانية
عامر : ما أذكر عمي عنده بنت ثانيه
حسن(ضربه على رأسه) : يا خبل يقصد بنت العم أبو إبراهيم
عامر (طالع لحسن بنص عين) : أقول أحد قال لك راسي جدار تضرب فيها كل مره
حسن : لا أبشرك مهي جدار بس فخار ما فيها مخ
الكل : هههههههههههههههههههههههههههههههههه
سلطان : هذي بنت أبوي فهد آخر العنقود الوحيدات اللي أبوي فهد ما يرد لهن طلب وطبعا أخوي بالرضاعة سالم هذا عاد كله كوم وأهو كوم
عامر : أقول ما تزوجني أختك اللي من أبوك فهد
سلطان : ليه
عامر : يعني يمكن أن طلبت أبوها شيء ما يردني
سلطان(أبتسم) : ولو زعلتها يوم بتلقى قدامك 4 رجال
عامر : من
سلطان : أنا وأعوذ بالله من كلمت أنا وإبراهيم وفيصل وسالم اوووه لو سالم شم خبر أن عذاري أو أختي الثانية فيهن شيء يا ويلك لو طحت بيده صدق أنه مو سمين بس عليه قوه ما شاء الله
عبدالله : ما يفرق بينهم أقصد ما عمر عيال العم فهد فرقوا بين خواتهم وعذاري
سلطان : لا هم إخوانا بالرضاعة وعذاري مثلها مثل أي بنت على فكره الكل يعز عذاري ويحسبها حسبت بنتهم ولها الفزعة لو قالت آه تلقى الكل حولك ويويلك
عبدالله(في نفسه) : الله يستر الشغله تخوف (لف لحسن) يا ويلك يا حسن لو زعلت بنتهم ههههههههههههههه شكلك صدق بينرحم لو طحت بيدهم لحظه شكلي أنا اللي أنرحم خططت وخطبت له واهو لا داري هههههههههههههههههههههههههه
حسن (ضرب كتف عبدالله) : وش تفكر فيه
عبدالله(يوقف) : بالنوم يالله تصبحون على خير
سلطان : أنا بعد بنام تصبحون على خير
الكل : من أهل الخير

*****************************************

اليوم الثاني ....

في بيت بندر ..

مي نزلت ورأسها صدع وعيونها منتفخة من البكي حطت كحل عشان من سألها تقول الكحل السبب باست رأس أمها مع أنها عارفه أن أمها زعلانه ولا ألتفت لها بس احترام لها خوله تتفطر حاسه أن في شيء صاير لأنها البارح راحت مع ميثه السوق وعايشه ومي كانوا في البيت ويوم وصلت ميثه لبيتها ووصلت ما شافت مي وقالت أمها أنها نايمه بدري بس اللي ما تعرفه أن مي متضايقة ونامت تبكي

خوله : ميمي وش فيكي
مي (ابتسمت رغم الحزن) : سلامتك خالتو
خوله : وعيونك
مي(رفعت نظرها لامها ونزلتها يوم أمها طالعت لها) : من الكحل
خوله : منتي رايحه للكلية
مي : إلا بس ما عندي محاضرات بدري على الساعه 10 محاضره وحده
خوله : أيه صدق وش على فستان العرس
مي : بعد يومين يخلص
خوله : أذا أحتجتي شيء قولي لي
مي(تطالع لها يوم وقفت) : ما تقصرين
بندر(نازل ويعدل الشماغ) : السلام عليكم
الكل : وعليكم السلام
بندر(باس رأس أمه) : ................
الأم(ابتسمت) : ربي لا يحرمني من هالزول يا رب
خوله تأكدت أن في شيء لأنها ما عطت وجه غير لبندر قررت بس ترد تسأل مي وتشوف وش صاير
بندر : ولا يحرمني منك شوق وين
الأم : راحت للمدرسة
خوله : يالله أنا أستأذن
الكل : بحفظ الله
بندر : يمه اليوم الأثاث يوصل أنا بكون مشغول طلبت من خالد يكون موجود عشان العمال
الأم : الله يهنيك
بندر(لف لمي الهادية وأبتسم) : مي
مي(رفعت رأسها) : لبيه
بندر : ترى وصيت لك على غرفة كاملة بعد
مي(دمعت عيونها ) : الله لا يحرمني منك (باست رأسه) يخليك لي
الأم : وليه الغرفة
بندر : مي كان بخاطرها من زمان تغير غرفتها وتستاهل أخت بندر
مي(توقف) : بروح غرفتي
بندر(عقد حواجبه) : مي فيك شيء
مي : لا بس راسي مصدع السموحه
بندر(لف لأمه) : وش فيها
الأم : لا تفكر يمكن ما نامت عدل روح لشغلك
بندر(يبوس رأسها ويوقف) : مع السلامة
الأم : مع السلامة
صعدت الأم وفتحت غرفة مي اللي كانت جالسه على سريرها وسانده رأسها بركبتها اللي ضامتها لنفسها
الأم : مي
مي(رفعت رأسها) : هلا
الأم : وش قررتي
مي : .....................
الأم : ترى الأمر منتهي بس أنا حبيت أعطيك خبر
مي : وليه تسألين يوم قررتي
الأم : كل مره سكت عنك خلاص كل شيء له نهاية
مي : نهاية (دمعت عينها) أنا بنتك
الأم : لأنك بنتي أبي مصلحتك
مي : مو كذا أنا ما اصدق وش قلتي
الأم : لمصلحتك وبلا هالدموع زين ترى مو ذابحتك
مي (توقف وتدمع عيونها) : ذبحتني يا يمه
الأم(بعصبيه تنهي الجوار) : بلا هالحركات الدلوعة ما تصلح لك ترى كبرتي

طلعت الأم ومي انهارت على السرير تبكي أرسلت لسمر ما راح تروح اليوم للكلية وسكرت جهازها ما تبي تكلم أحد وتذكرت كلام ناصر وجرحه

مو عاجبك يمكن يعجبك الرجال اللي عمتي عايشه تدور لك على واحد يأخذك منهم يمكن يقبل فيك وما أكون آخر رجال بالدنيا

مي تحس مخنوقة تبي تصرخ

لااااااااااااااااااااااااااااااااااااااااااااااااا ااااااااااااااااااااا

حطت أيديها على أذونها وكلام ناصر يتردد في عقلها

وما أكون آخر رجال بالدينا
ما أكون آخر
رجال
رجال
رجال


**********************