أبرحل والله العالم وش اللي بداخلي

أبرحل والله العالم وش اللي بداخلي مـن شـوق
وأبطوي صفحـة ٍ عّيـا زمـان الجـور يطويهـا

أبرحل تايه بغربة وطـن مالـي عليـه حقـوق
.وطن وحدوده عيونـك ودمـع ٍ حايـر ٍ فيهـا


أبرحل دمعة ٍحارت من أدنى الموق لأقصى الموق
خذلها الوقت يـوم أنـه حرمهـا مـن هقاويهـا


أبرحل وأجمع آلامي وأبرقـع ثوبـي المشقـوق
وأبفهق عن دروب الشك رجلـي قبـل تمشيهـا


أنا أدري أن الزمن قاسي وأعرف أني بليا ذوق
ونفسي يوم ودعتك رمـت فـي النـار رجليهـا


عمر هالحب مايفنى مدامه في الحشـا مخلـوق
ولـو دنيـا العنـا جـارت وورتنـا بلاويـهـا


أبنسى آه كيف أنسى وأنا اللي من زمن محروق
أكذّب كاني قلـت أقدر أنسـى بعـض ماضيهـا


آلا ياحظي المقفـي علامـك للشقـى مطفـوق
أنـا طالبـك لاتفتـح لعينـي ســدّ واديـهـا


أبنسى كيف والذكرى وسط قلبي تسوقه سـوق
وهذا طيـف عاتقهـا وهـذي رجفـة يـديهـا


أنا في ذمة الله ما علي مـن الشقـا والعـوق
أنا في ذمـة اللـي لاقبـض هالـروح يحييهـا


جعل عين ٍ بكت للحب أبد ما تنحرم مـن مـوق
ولا تفقـد ولوطالـت ليالـي الهـجـر غاليـهـا


وعين ٍ خانت العشرة عساها أمر الولي من فوق
عساها فـي زمـان ٍ دبرتـه ضاعـت خطاويهـا


وأبرحل والله العالم وش اللي بداخلي من شـوق
وبطوي صفحـة ٍ عيّـا زمـان الجـور يطويهـا




منقووووول لعيوووونكم ..

يسلمو قلبي عالطرح الرائع

وربي مايحرمنا منك ولامن تواجدك

الراقي

عمر هالحب مايفنى مدامه في الحشـا مخلـوق
ولـو دنيـا العنـا جـارت وورتنـا بلاويـهـا

لاهنتي تعوبه قصيده رااائعه فديت رووحك والله

ألف شكر

مروري شكر وتقدير للمجهود الراقي

الله يعطيك العافيه
اختيار راائع وموفق
ماننحرم من جديدك المميز