 |
|
|
10-06-2011
|
#171 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 
|
الـــــبـــــ(46 ) ــــــارت
------------------------ في مكان آخر والنار تشتغل في صدرها من سمعت جدتها تقول لها فهد راح يوصلنا وضحه رفضت تتغدى انسدت نفسها وهي جالسه في غرفتها دقيقه توقف ودقيقه تجلس وهي تعض أصابعها قهر حلفت جدتها إن فهد يوصلهم يزورون ليالي لان ام فهد راح تمر اختها ام وليد والأم حمده وفرح والجده قالت راح تروح معهم وحلفت على الوضحه ما تجلس لوحده وتروح معهم اتصلت على فرح وطلبت ما تروح عشان تقدر تجلس بس فرح قالت ان فهد اصر تروح حست وضحه ان فهد عنده خبر بروحتها وان يخطط على شيء ارتعشت خوف وضمت نفسها لها تحس اليوم في شيء كبير بيصير بس شنو ما تدري قلبها ينذرها هالروحه فيها مصيبه والمصيبه من ورى رأس فهد طالعت ساعتها باقي ساعه كامله على موعد وصول فهد عشان يأخذهم لبيت زوج ليالي وهي تفكر كيف تتخلص من الروحه معهم وكيف تتجنبه واهو يحاول بأي طريقه يوصل لها وضحه(عضت شفايفها بعصبيه ) : اوووووووووف (سمعت ضرب الباب) مـــــــــــــــن الخدامه : انا وضحه (بعصبيه) : ولعنه وش تبين الخدامه : ماما كبير يقول وزحه يجي وضحه : طيب طلعت الوضحه وشافت جدها وجدتها جالسين بالصاله والغداء قدامهم وضحه : هلا جده الجده : جدس يقول ما يتغدى إلا وانتي قدامه وضحه : مو مشتهيه بالعافيه الجد : وش فيس وضحه : راسي مصدع شوي مو مشتهيه الجد : فيس شيء اعرفس قولي لي من مزعلس وضحه(انتبهت لغمزات جدتها تحذرها) : ما فيني شيء ومحد يزعلني الجد : جلسي وتغدي وضحه (تجلس جنبه) : حاضر ( بدت تآكل وبعد صمت رفعت راسها) جدي الجد : هلا وضحه (تصد عن جدتها عشان ما تتراجع) : العصر عندك شيء الجد : لا آمري وضحه : بروح مكتبه معاك عندي اشياء ناقصه الجد (ابتسم) : حاضر الجده : خليها باسر اليوم بنروح لبيت رجل ليالي نبارس لها وضحه : ما اقدر اجل لازم اليوم الجده (رفعت حاجبها فهمت انها تتحجج) : عطي جدس وش تبغين يجيبهن لس وروحي معنا وش بيقولن عماتس مهي حلوه بحقس الكل يروح وانتي لا وبعدين كيف تبغينها باسر وباسر الخميس مهنا دراسه وضحه(عضت شفتها) : هاه صح بس خفت جدي يكون عنده شغل بكره الجد(ما فهم شيء ابتسم) : لا تخافين دام باسر الخميس خليها باسر وروحي لبنت عمتس حق وواجب وضحه : بس انا الجده (غمزت عينها ) : العصر بتروحين يعني بتروحين خليس الساعه 4 جاهزه سمعتي وضحه (وقفت) : فهمت اسمحوا لي بروح غرفتي الجد (يطالع وضحه ) : وش فيها الجده (تآكل وهي تصد عنه عشان ما يحس) : دلع وش فيها سذا دلع الجد : البنت مالها رغبه تروح كنت اظن اول وحده تتحمس هي وش فيها الجده : معترضه على اللي بيوصلنا الجد : ليه من الجده : فهد الجد (رفع حاجبه) : وش الجده : قبل تقول شيء ناصر بيسافر ومحمد مشغول ما يقدر ما فيه غير فهد وحتى خالد ما قدر عنده شغل الجد : والسواق ليه ما يوصل الجده : مدري الجد : وش ما تدرين وضحه ما هي حابه تروح لانه فهد الجده : فهد ولا غيره (وقفت) وش دخل يعني بياكلها معليك ترى الوضحه لحمها مر الجد : وش لحمها مر وضحه عارف انها قدها بس البنت مهي مرتاحه خلاص انا بوصلها ولما تخلصون اتصلوا واجي انا والسواق نآخذها الجده : وليه كل هذا الهم دام الكل رايح تروح ولا الدلع ذابح بنت محمد الجد (يوقف ) : وش دلع البنت عارفه بلعب ولد بنتس فهد مهو هين وانا خابره حربايه واللي يبيه يوصل له الجده : بالله مدري وش فيك عليه يعني الولد تسلم وقال يبغى يرجعها وانه عرف قدرها بس العند راكب راسك وراس وضحه الجد : النفس عافت وش تبغين اغصبها لا الجده : ما قلت اغصب بس عطه فرصه صدقني يا ابو محمد فهد تغير والله تغير الولد يحبها الجد : ......................... الجده(تقرب له) : طلبتك قول تم طلبتك بس هالمره خل الولد يكلمها يمكن لو يكلمها تلين أحنا وش نبغى غير السعاده لهم ترى البنت يسألوني بالمجلس بين الحريم والله يشهد علي علام حفيدتس تطلقت قبل العرس الجد : ما عليس من كلام الناس الناس تحسي سثير الجده : طيب خله هالمره الجد : بس الجده(تمسك يده وتقاطعه) : لا بس ولا شيء لا تكون سذا ضده خل الولد يرجع حرمته بنت ولدك مقوي شوكتها انك معاها خله الجد : عشانس بس هذي آخر فرصه له الجده : راضيه الجد : بروح انام شوي قبل صلاة العصر الجده : على راحتك ( غسلت ايديها واتجهت للوضحه دخلت وشافتها جالسه وماده البوز ) علامس وضحه : ما علامي بس افكر أنا حفيدتس مثل ما فهد حفيدس ولا لا الجده (تجلس جنبها) : ليه وضحه : اشوفس تدافعين عن فهد وانا ولا على بالس تشوفين وش في خاطره وش يبغى وانا لا الجده : من قال وضحه(صدت عنها) : واضحه ما يبغى لها كلام الجده : عشان ابغى ارجعس له يا حبيبتي كل اللي اتمناه انس تعيشين حياه زينه وضحه (وقفت ) : حلوه هذي حياه زينه مع من فهد الجده : وش فيه فهد وضحه : قولي وش ما فيه بسم الله عليه بنات ما خلى وكلام علي ما خلى لا تقولين يحبني يعني سذا من الله نزل عليه الوحي وحط حبي في قلبه الجده : يا بنتي وش فيس الله يغير ولا يتغير وضحه : والنعم بالله بس سذا ظلم عشان يبغيني تبون ترجعوني له وانا فكري شوي فيني وش ابغى الجده : توس صغيره ما تعرفين المصلحه ماخذتس عزت النفس والعناد وضحه : طيب والله لأجنن ولد بنتس وأخليه يكرهني كره العمى الجده(ابتسمت) : مهو منجن فيس بس انتي ثقلانه وضحه : باين جعله الجنون اللي يرقده في مستشفى النفسي الجده(عصبت) : يهب يا وجهس فال الله ولا فالس لا تخليني ازعلس يا بنت محمد وضحه : ايه زعليني بس ولد بنتس لا فوق راسه ريشه مالت عليه الجده(توقف ) : ما منس فود عنيده أروح ارتاح وخليس جاهزه الساعه 4 سمعتي وضحه(بدون نفس ) : ايه (شافت جدتها تطلع وتسكر الباب أخذت الجوال واتصلت) ألو السلام عليكم نايم خليفه (يتعدل) : وعليكم السلام هلا وغلا وش فيس وضحه : وش ما في وفهد وراي خليفه(رفع حاجبه واهو يطالع لزوجته) : وش فيه سوى لس شيء وضحه : فوق راس جدتي بس يحشيه يبغى يرجعني خليفه(صر على ضروسه) : يخسي وش يحسب على كيفه وضحه : يا خليفه انا اقدر له بس جدتي خليفه : يا ويل حالي جدتس ذي وش الحل معها وضحه : وش الحل تعبت تعبت ابيه يبعد عني يكفيني خيره وشره يا اخي الرجوع مو غصب وش اهو ما يفهم خليفه : انا بكلمه وأشوف وان ما ابتعد بالطيب اجيه من القريه واعلمه كيف يبعد وضحه : ايه تكفه باقي لي اقل من شهرين انتهي دراسه ما ابغى ارجع له ابي اخلص واروح لكم و وتكونون حولي تحموني منه المغرور الأناني خليفه : وانا اخو الوضحه لو ما تبغينه لو دفع مال هارون لو جاب جاهيه ورجال يطلبون ما ترجعين له خليس في دراستس ابي نسبه تبيض وجه اخوس وضحه(ابتسمت) : ما انحرم يالله سلم على الكل مع السلامه خليفه : مع السلامه (سكر واهو يهز راسه) لا حول ولا قوة إلا بالله العنود : وش فيها اختك خليفه : ما فيها خير ذاك المريض فهد اللي يبغى يرجعها يحسب على كيفه العنود : طيب أنت ليه ما تصلح بينهم بدل تفرق خليفه (رفع حاجبه) : اخرب العنود(تجلس جنبه) : ايه عطوا الرجال فرصه ترى مثل ما قال عمي وجدتي صار احسن من قبل وبس يتمنى رضاها خليفه : يالعنود فهد ما ترك في قلب اختي ذره تغفر له كل شيء شين سواه ما عاد قلبها يتحمل فرصه ثانيه تضنين ما اتمنى اختي احسن البنات وعايشه راحه وحياه ولا احسن بس البنت خلاص ما تبي غير دراستها وبعدين اللي متقدم لها يتمنى بس يناسبنا ويناسب ابوي ويقول ابي فتره العده تكون تفكير لها ولما قلت الوضحه قالت موافقه العنود : انت تعرف انها وافقت عشان تبي تتخلص منه وبس مو حب او همها تتزوج يعني هروب خليفه : عارف بس اللي متقدم لها وربي زين الشباب ويستاهل الوضحه العنود : وفهد ولد عمتك مو قليل عنه رجال والنعم صح انه عرف بنات بس هذا ما يقلل من الرجل فترة مراهقه او فتره وتعدي بس هذا مرحله يمر فيها أي شاب ولانك بس تشوف اختك زعلت حكمت ان علاقتهم لا يمكن تستمر واظن ان فهد انجبر على طلاقها مع ان رفض طلقها وكان متمسك فيها لآخر لحظه بس امه هي اللي اجبرته عشانها وعلى فكره يا خليفه ما يجوز اللي صار خليفه : العنود تكفين لا تدخلين خليهم سذا احسن وضحه وفهد نار وبانزين احسن يبتعدون عن بعض (أخذ جواله) هذا الواحد لازم ما يحترمه العنود : وش تبغى تسوي خليفه(يحط الجوال عند اذنه) : تشوفين .. الو السلام عليكم فهد(استغرب اتصاله) : وعليكم السلام هلا والله خليفه كيفك خليفه : بخير كيفك انت وعمتي وعمي فهد : بخير ( حس ان خليفه عنده كلام بس متردد) خليفه فيك شيء خليفه : هاه لا ليه تسأل فهد : لان من آخر مره شفتك فيها بطلاق اختك ما كلمتني ولا رفعت السماعه تتطمن علي يعني قبل تتصل باليوم مرتين او ثلاث بس من صار اللي صار ما اتصلت فيني معقوله يا خليفه خلاف عائلي ينسيك فهد خليفه : ما نسيت بس اللي صار صدمني هذي الغاليه فهد : مو بس غاليه عندك بعد عندي خليفه(استغرب) : عندك فهد : ايه خليفه(بأستهزاء) : سذا وحي نزل عليك نسينا يا فهد زواجك او اهانتك لها او أخذك حقك بالغصب فهد : يحق لك تستهزأ بس أنا فعلا اغليها وبعد احبها خليفه(أنصدم) : تحبها فهد : ايه احبها وابيها وصدق بقول لك شيء سالفه خطبت واحد لها صدق خليفه : من قال لك فهد : هي خليفه : كيف تقول لك فهد : قالت وخلاص المهم صدق خليفه : ايه فهد (عقد حواجبه) : يعني خليفه : يعني بس تخلص عدتها بيملك عليها فهد : وأنا خليفه : وش فيك فهد : هذي زوجتي خليفه : طليقتك فهد : طيب بس أنا ابي أرجعها خليفه : هي ما تبي فهد : مو كيفها خليفه : لا والله بكيف من انت فهد : لي الحق فيها أكثر من أي انسان خليفه : نصيبك وانتهى معها فهد(وقف واصر على ضروسه) : لا ابتعدى مر شهر وباقي على العده شهرين وبهذا الوقت ثق يا ولد خالي اختك لي لي خليفه(وقف وعصب) : انت شنوووو ما تفهم البنت ما تبيك يا اخي حل عنها فهد : اها يعني هي شاكيه لك صح خليفه : ايه فهد : طيب خليفه : وش طيب احسك تهدد فهد (بعصبيه) : ايييييييييه وشوف الرجال اللي متقدم ترده قول ما عندنا بنات للزواج ووضحه لي لي خليفه (بعصبيه) : شوووووف آخر مره أحذرك أختي لا تقرب لها وتخطيطك انت وجدتي بعيد عن اختي فاهم فهد(رفع حاجبه) : قالت لك كل شيء اشوف خليفه : من ضيقتها خانقها انت وجدتي وش تبون غصب لا مو غصب هذي بنت محمد اذا ما تعرفون فهد : لا نعرف بس بعدكم ما تعرفون فهد اول كان امنيه ارجعها بس ألحين لا برجعها غصب عنكم فاهم غصب وطعني لا تعطي الرجال كلمه على حساب زوجتي خليفه : فــــــــــــهــــــــــــد فهد(سكر الجوال بوجه خليفه واهو معصب ) : هيييييين رايحه تشتكين له تحسبين بينفعك آآآآآآخ صبرني ياربي للعصر أخذ شماغه وطلع من غرفته معصب شاف خالد اخوه يصعد السلم خالد : السلام عليكم فهد (بدون نفس) : وعليكم السلام خالد : وش فيك فهد : مقهور يا خوي وش شايفين نفسهم خالد : من فهد : خليفه ووضحه خالد : وش صار فهد(بعصبيه) : يا اخي ابي ارجعها لي هي رافضه واتصلت على اخوها يهدد ابتعد عنها خالد : وش فيك على البنت مو طلقتها فهد : ابي ارجعها ابيها يا خالد خالد : عناد فهد (بألم نزل عيونه) : حب خالد(انصدم) : حبيت فهد : ايه وربي حبيت (بأستهزاء ضحك) تخيل فهد يحب ومن البدويه خالد (ابتسم) : سبحان الله (حط يده على كتف فهد) ياخوي لو لك نصيب بترجعها غصب عنهم فهد : مو معطيني فرصه خالد : النصيب اذا لك تأخذها خل اتكالك على الله فهد : ونعم بالله خالد : وين رايح الناس ظهر فهد : متضايق بطلع شوي خالد : لا تطلع وانت كذا ارجع غرفتك وتعوذ من الشيطان فهد (تنهد) : حاضر خالد ابتسم وتركه واتجه لجناحه فتح الباب شافها منسدحه على الكنبه اول ما شافته وقفت وهي تبتسم ابتسم لها قربت وباست خده ومسكت يده ميثه : وين كنت حبيبي خالد (يمشي معها للكنبه) : كنت مشغول ميثه : ما تغديت صح خالد(يرمي شماغه) : ايه والله وودي انام تعبان ميثه(تطالع ساعتها) : ما باقي شيء على الصلاه طيب تحب اسوي لك شيء تآكله خالد(يمسح وجهه) : اعوذ بالله أي شيء خفيف ميثه(تبتسم وتأشر على عيونها) : من عيوني دقائق بس لا تنام خالد(مسك يدها) : خليني اروح معاك اخاف انام ميثه : تعال دخلت هي وخالد المطبخ التحضيري الصغير وبدت تسوي له سندويشات وتصب له عصير وحطت له مخلل وزيتون صغير دقائق بس وخلصت حطتهم على الطاوله وجلست جنبه خالد ابتسم واهو يمسك يدها وباسها ابتسمت بحب له ميثه : بالعافيه خالد : يعافيك يا قلبي (بدأ يأكل واهو يطالع لها) وش فيك ميثه : وش فيني سلامتك خالد : بعيونك كلام صح ميثه(نزلت عيونها) : لا خالد(حط السندويش ورفع ذقنها بأصابعه) : عيونك تفضحك ميثه(ابتسمت وبعيونها دموع) : تعرف اني احب خالد (ابتسم) : وأنا اموت فيك قولي لي وش فيك ميثه( أخذت يده وحطتها على بطنها وبحب ودموع) : انتظر 7 شهور وتلقى معي من يشاركني حبك خالد (طالع لها وبصدمه) : حامل ميثه(زادت ابتسامتها وهزت راسها نعم) : ................. خالد (يلمس بطنها ) : كم ومتى وكيف ميثه : داخل الشهر الثاني من اسبوع كنت شاكه بس حبيت اتاكد ورحت امس وتأكدت وكيف من الله اللي عوضنا يا حبيبي خالد : انا بصير ابو يعني بيقولون لي ابو وليد ميثه : واحلى ابو وليد بالدنيا خالد (دمعت عيونه) : فرحان ومدري وش اسوي عشان اعبر احس الفرحه خانقتني ميثه : بسم الله عليك تصدق حلفت ما اقول إلا لك اول وأمس رجعت متأخر حسيت ما راح تتقبل الخبر واليوم طلعت بدري ما لحقت اشوفك وانتظرت على الغداء ما رجعت خالد : اسف انشغلت هاليومين بالشركه عندنا مشكله ادري مقصر ميثه : لا والله بس الله يعينك فرحان يا خالد خالد : يا قلب وعيون خالد فرحان فرحان لدرجه احس اني شبعت و ان التعب راح والنوم طار آآآه الحمد لله اللي عوضنا ميثه : الحمد لله بروح اتصل ابشر امي خالد (يوقف واهو يشوفها وقفت) : ما قلتي لها ميثه(تمسك خشمه بشويش وهي تبتسم) : قلت لك حلفت اول واحد انت خالد (يضمها ) : ويلوموني فيك مبديتني ومخليتني اول ميثه : انت أول الناس بكل شيء بس خلني اروح اكلم امي ابشرها خالد : أممم طيب اجليها شوي ميثه : ههههههههه خلودي خالد : بعد خلودي لا أأجل امك واهلك بعد ميثه : والله امي تزعل كذا خالد : لا كله ولا زعل امك اعرف عمتي لو زعلت ممكن تحرمني من شوفتك لين تولدين ميثه : ههههههههههههههههه اجل انتبه تزعلني ولا تزعل امي تنحرم مني خالد : انحرم من الكل إلا انتي ما اقدر روحي كلمي امك بدخل اغير لبسي وآخذ دش ميثه : على راحتك حبيبي ( اتجهت للصاله اخذت الجوال وجلست تتصل) ألو السلام عليكم ام بندر : وعليكم السلام هلا ميثه ميثه(عقدت حواجبها) : يمه وش فيه صوتك وينك وش هالازعاج ام بندر(بحزن) : انا في المستشفى ميثه(بخوف) : مستشفى وش فيه يمه صاير لك شيء ام بندر : لا صاير أختك ميثه : مي وش فيها أم بندر(دمعت عيونها) : رجلها اللي ما يخاف الله ضربها كسرها يا ميثه ميثه(بصدمه توقف) : شنوووووووووووووو ام بندر : اختك تعبانه يا ميثه حسبي الله عليه ما ترك فيها شيء صاحي ميثه(دمعت عيونها) : يمه انا جايتكم الله ينتقم منه ام بندر : طيب ميثه(سكرت وراحت لخالد) : خالد خالد خالد (ألتفت لها وتوه يبي ينزل ثوبه شاف الدموع خاف) : وش فيك ميثه(تبكي) : مي بالمستشفى تكفه ودني لها خالد : بسم الله عليك وش فيها مي ميثه : رجلها الله يأخذه ضربها الحيوااااان خالد(ضمها له وهي تبكي) : طيب اهدي بلبس ونروح غيري لبسك ميثه(تمسح دموعها اللي تنزل حزن على اختها) : دقائق تبي تأخذ دش خالد : لا يالله لبسي نزل خالد وميثه وطلعوا متجهين للمستشفى ومحد حس فيهم لان الوقت الظهر وكلن في غرفته أول ما وصلت للمستشفى شافت أخوها بندر سلمت عليه ودخلها غرفه قال ان أمي وخوله داخل دخلت وسلمت وأنصدمت من شكل مي ميثه(التفتت لامها وهي تبكي) : حقير هذا مو بشر شوفوا وجها ورأسها ملفوف بشاش ويدها مكسوره وش خلى شنو ذابحه احد من اهله يسوي كل هذا فيها خوله(تقرب وتضمها) : أهدي والله مو عارفين وش السالفه وليه ضربها ننتظر تصحى وتقول لنا ميثه : من متى وهي نايمه ام بندر : عطوها منوم لها أكثر من 3 ساعات ويمكن تنام لليل ما ندري ميثه : الله لا يوفقه وش تبون تسوون تبون تسكتون بندر(اللي دخل من الباب) : والله ليشوف شيء ما شافه بحياته ميثه(تقرب منه وهي تبكي ) : تكفه يا خوي اذبحه هذا ما يستاهل يعيش بندر(ضمها يهديها) : راح اخليه يتمنى الموت على اللي بيشوفه أم بندر : بتروح له بندر : ايه بعد الصلاه بروح له خوله : لوحدك بندر : لا معاي إبراهيم وعيال خوالي أم بندر : وش ناوين عليه بندر(طالع لمي) : خلي نمسكه وتبي تجيك الأخبار ( رن جواله وطلعه استغرب من المتصل) ألو هلا جدي ... آمر ... ليه .... طيب فهمت ..... بعد الصلاه حاضر .. مع السلامه أم بندر : وش فيه بندر(يتجه للباب) : جدي يبي اروح له قبل اروح لسطام واتفاهم معه انا بجلس برا لين الصلاه بصلي واروح لجدي لو صحت مي اتصلوا فيني بأي وقت خوله : حاضر ميثه(تقرب لمي وتبوس راسها) : بناخذ حقك يالغاليه وبيندم الحيوان على اللي سواه مهي بنت عبدالله اللي يصير فيها كذا أم بندر(دمعت عيونها ) : حسبي الله عليك يا سطام خوله : عايشه تعوذي من الشيطان انتي وميثه مي بخير وبتكون بخير كلنا حولها ميثه وأم بندر : يارب --------------------------- في مكان ثاني .. منسدح ورأسه على حجرها وهي تلعب في شعره ومغمض عيونه مستمتع بقربها ويتمنى ربه ما يحرمه وجودها سمر : نمت عبدالرحمن( على الوضع ومغمض) : لا سمر : شكلك رايق عبدالرحمن : اكيد بقربك بكون رايق وما اتمنى ابتعد عنك سمر : انت دام بقربي حتى لو غايب عن العين بقلبي عبدالرحمن : فديت القلب سموره بطلبك لا ترديني سمر : آمر حبيبي عبدالرحمن (يتعدل) : ابي نحدد زواجنا سمر : زواجنا عبدالرحمن : ايه زواجنا سمر : .......... عبدالرحمن : بخليه في العطله وش قلتي سمر : شنو بالعطله يعني بعد شهرين ما الحق اجهز عبدالرحمن : شنو ما تلحقين ابيك كذا مو طالب شيء لو بفستانك هذا سمر : بس انا داخله على اختبارات وما اقدر من الطرفين عبدالرحمن : طيب عندك شهرين وبعطيك شهر بعد يعني 3 شهور على شهر 8 وقبل رمضان نتزوج يعني اكثر من 3 شهور وافقي عاد ابي اشوفك كل يوم وبكل لحظه سمر : طيب خلني افكر عبدالرحمن : موافق بس توافقين سمر : ههههههه شلون موافق بس توافقين يعني تعطيني فرصه افكر بس لازم اوافق عبدالرحمن (يرجع ينسدح ويحط راسه) : مو مشكلتي اعطيك كل الوقت بس توافقين ابي اتزوج اللي كبري تزوجوا وخلاص سمر : يكون خير عبدالرحمن : شهر 8 العرس سمر(بوزت) : حمني عبدالرحمن (يمسك يدها ويحطها على شعره) : أشششش سمر : يمه منك عبدالرحمن : يمه منك انتي ههههههههههههه سمر : ههههههههه اقلبها علي عبدالرحمن(يمسك يدها ويبوسها) : الله لا يحرمني منك سمر : ولا منك عبدالرحمن : وبتوافقين سمر : هههههههههههههههه افكر عبدالرحمن : قلت لك بهذاك الوقت بجي آخذك يا تكونين جاهزه يا آخذك بفستانك اللي عليك سمر(حطت أيديها على خصرها) : تهدد عبدالرحمن ( سوى نفسه خايف): لا سمر : ههههههههههههههه عبدالرحمن (يطالع لها) : لبى الضحكه يالغلا سمر : لبى قلبك أمممم حمني متى طيارتكم عبدالرحمن : الساعه 7 سمر : مجهز شناطك عبدالرحمن (يقعد ويضرب على جبينه) : يوووه كنت بجهزها الظهر سمر : تلحق تجهزهم عبدالرحمن : يعني باقي ساعه كذا لازم نكون في المطار سمر : طيب بتروح يعني عبدالرحمن (يطلع جواله) : بتصل بهجوره تجهزهم وبرسل سواقكم يجيبهم لي مالي خلق اتحرك من عند الناس العسل سمر : ههههههههههههه عبدالرحمن : بس يارب ما تذلني سمر : تبي اتوسط لك عبدالرحمن : ياليت سمر : اتصل وعطيني اكلمها عبدالرحمن : اوكيه (أتصل ولما رن الجوال ) خذي كلميها سمر (تسمع هاجر تهاوش ابتسمت) : ................ عبدالرحمن : يا ويلنا ههههههههههههههه سمر : ألو هاجر(بعصبيه) : دحووووووم لا تكلمني كذا تقرر تسافر ولا تقول لي اعرف من سليطين وسلوم سمر : هاجر هاجر(استغربت الصوت طالعت للجوال) : من انتي سمر : انا هاجر(تقاطعها) : شوفي هذا جوالي عمي عبدالرحمن ومتزوج اعرف عيونه زايغه مغازلجي بس تراه متزوج ولا مو وحده ثنتين عساه ما يشبع واللي اعرف وحده زعلانه ولا يمكن تكونين انتي لانها زعلانه منه والثانيه ومن سابع المستحيلات تكونين انتي لانه ما يطيقها فلو فلو كنت زوجته 3 وهذا اللي ما استبعده يعرس عادي كأن العيد عنده تكفين لا تقولين وتصدميني لاني بذبحه واذبحك سمر : هههههههههههههههههههههههههههههههههههههه عبدالرحمن (تعدل وأخذ الجوال) : هجور وش قلتي لا يكون بس فضحتيني هاجر : ومن هذي اللي فضحتك عندها عبدالرحمن : انتي خبله هذي سمر هاجر(بصدمه) : احلللللللللللللف عبدالرحمن : والله قولي لي وش قلتي البنت ماسكه بطنها تضحك هاجر : قلت اخاف انتي زوجته الثالثه وانك مغازلجي هههههههههههههههههه عبدالرحمن (صر على ضروسه) : حسبي الله عليك من بنت ما صدقت اتصالح معها تبين تخربين علي هاجر(بفرح) : احلف تصالحتوا عبدالرحمن (يطالع سمر اللي ابتسمت) : ايه وابشرك حددنا العرس شهر 8 (شاف سمر تبي تتكلم حط يده على فمها) وبمناسبة البشاره الحلوه ابي اطلب منك تجهزين لي شنطتي السفر بخلي سايق اهل سمر يمر ياخذها يالله مع السلامه هاجر : تبشر مع السلامه سمر(تبعد يده ) : شنو حددنا انت حددت مو حددنا ومن قال وافقت عبدالرحمن (يحط جواله ويبتسم) : تلقين الخبر انتشر والكل عرف ان العرس شهر 8 سمر : يعني تحطني قدام الامر الواقع هاه طيب يا عبدالرحمن شوف من العروس اللي تحضر العرس عبدالرحمن (يمسك يدها قبل توقف) : وين سمر : بروح داخل وش تبي دام تقرر كل شيء بكيفك عبدالرحمن (يحاوط خصرها ويبوس خدها) : تكفين بلاها زعل الأسبوعين اللي مروا علي هم في هم سمر : طيب خل العرس بعد رمضان عبدالرحمن : لو علي خليته بعد اسبوع سمر : هههههههههههه اجل قبل رمضان احسن عبدالرحمن(بفرح ) : وافقتي سمر (ابتسمت وهي تحط يدها على خده وبحب) : ما اقدر ارفض لك طلب عبدالرحمن (يتأمل عيونها ويده على يدها اللي على خده) : احبك سمر : وأنا بعد عبدالرحمن(يتأملها وباسها بين عيونها) : وش تسوين فيني انتي سمر (ما فهمت) : وش عبدالرحمن : بقول لك تخيل أن الله بغـى وشـاء القـدر هـو والظـروف وقال القدر أختـار أمـا فـي نظـرك أو مسمعـك يعني أذا أخترت النظر كـن الحكـي مالـه حـروف ولا أذختـرت السمـع أسمـع ولا كـنـي مـعـك ما أقدر أشوفك ما أسمعك ولا أسمعك من دون أشوف يـا أسمعـك وأنـا أشوفـك أو أشوفـك وأسمعـك النعمتيـن مكملـه فرحـة لقـاء أغلـى هـنـوف شوفك وصوتك مطمعي قبـل أعـرف وش مطمعـك وجدي وجد أللـي اخيـه بتالـي القـوم محـذوف عليـك قبـل أوادعـك واكـف بـاقـي مدمـعـك من الغلا في ذمتي أن كنك فـي ذا القلـب مغـروف شفت البحر مثل البحـر ماهـوب حولـي أجمعـك الله وهبنـي محبتـك سبحـان المعطـي الـرؤوف وصارت حياتي كلها وهمـي الوحيـد أبقـى معـك وأذا أراد الله وشاء وشـاء القـدر هـو والظـروف أبسمعـك وأنـا أشوفـك أو أشـوفـك وأسمـعـك سمر(ابتسمت بحب) : مثل منت سويت فيني خليت عالمي بس يحتويك وما يعرف غيرك أمنتك الله لا يطول غيابك، وش تنفع الدنيا بليا وجودك يمكن غيابي ما يسبب عذابك لكن عذابي يا عذابي صدودك حاسب ضميرك لا تعجل عتابك وين الاماني وين باقي وعودك؟ غالي و تبقى غالي في غيابك لكن يزيد من غلاتك وجودك.. عبدالرحمن (يضمها له وبهمس) : اللهم لك الحمد الله لا يحرمني منك يالغاليه سمر : ولا منك في نفس البيت ولكن في المجلس الكبير مجتمع الجد وأبو إبراهيم وأبو وليد وأبو خالد وإبراهيم وبندر يتناقشون بسالفة مي ورجلها بندر(يرفع حاجبه) : يعني شنو الجد : يعني خل الرجال لا تعترض له بندر(يطالع ابراهيم اللي مكتف ايديه جنب بندر) : وحقنا الجد : بناخذه ان طال الزمن ولا قصر بس نبي يطلق البنت اول ما نبي مشاكل قبل نطلقها إبراهيم : وأذا رفض ابو وليد : نرفع قضيه ونقدم تقارير حالتها وكيف وصلت للمستشفى أبو إبراهيم : واحنا عندنا محامي ما في مثله ونقدر نثق فيه بندر : من أبو إبراهيم : جراح بندر : والنعم بس وش المطلوب أبو خالد : روحوا لسطام في بيته او بيت اهله وطلبوا يطلق بالمعروف احسن من المشاكل بندر : وان رفض أبو خالد : تروحون مكتب جراح وتعطونه وكاله يرفع قضيه طلاق مستعجله بس بناء على تقارير المستشفى بأذن الله بيحكمون لها بالطلاق إبراهيم (يأخذ نفس) : انا ما اعتقد أن بيطلق بسهوله شكل سطام ما راح يخضع لطلبنا بسرعه الجد : بيخضع بالطيب ولا الغصب بندر : وحقنا يا جدي نتركه الجد : لو تركتوا حق مي انا اللي بآخذه منه بس لما استلم ورقه طلاقها بيدي ابي سطام يعرف ان قدر مي فوق وأن بدل اخو واحد عندها 10 اخوان بسم الله عليهم يسدون عين الشمس إبراهيم : تم يا جدي والله لتسمع الأخبار الزينه وتعرف رد احفاد سالم القوي على اللي سواه بندر : والله لأخلي امه وابوه ما يتعرفون عليه أبو إبراهيم : بندر لا تتهور بندر : لعيون مي اتهور (وقف) انا بروح له بيته او بيت ابوه وبخليه يطلق غصب عنه الجد(يشوف بندر يطلع) : إبراهيم روح معاه تراه متهور لا يذبح الولد والبنت تترمل واهو يدخل السجن إبراهيم (يوقف) : حاضر أبو إبراهيم : إبراهيم إبراهيم : سم يبه أبو إبراهيم : راح اتصل بجراح ابلغه انك أنت وبندر راح تمرون عليه إبراهيم : ان شاء الله ما توصل للمحكمه ويطلق ونخلص الكل : امين إبراهيم : مع السلامه الكل : مع السلامه ---------------------------
|
|
  ربي يحفظك لي ياأمي ولايحرمني اياك 
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
العرض العادي
