رواية جفاف وردة بيضاء في رُكن الذكريات / 39

..( البارت التاسع والثلاثون )..
.
.
.
‏يا قَلبُ صَبراً جَميلاً إنّه قدرٌ
‏يجرى على المرء من أسرٍ وإطلاقِ
‏لا بدّ للضيقِ بعد اليأس من فرج
‏وكلّ داجية يوماً لإشراقِ .
‏
‏" محمود البارودي "
.
.
.
تجاوزتهم وجلست في مقعدها ونظرها على الطاولة .
وقفت الاُخرى بدهشه : شادن بنت عايد مداومه .
صديقتها هزت راسها : وربي توني شفتها .
عدلت مريولها وتحركت بتوتر .
صديقتها : اسيل وين رايحه ؟! .
اسيل بربكه : بروح اشوف بعيوني .
اطلت مع باب الفصل فتحت ثغرها غير مُصدقه ، وعدلت وقفتها مُتامله نظرات البنات لشادن .
عضت ابهامها وبضيق : صدق مجنونة كيف تداوم واخوها مايدرون وينه .
صديقتها : هي اصلاً غريبه اطوار .
نظرت لها بعدم رضا : وليش تقولين كذا ؟! .
بللت شفاهها بعدم اهتمام : وانا صادقة ليه جايه مدرسه حكومية وعندهم ذا الخير .
تركت صديقتها مُتجه لشادن .
رفعت شادن نظرها على صوت ليس غريب منها : كيفك شادن .
ابعدت راسها ب اشمئزاز وكُره .
اسيل ب استغراب من حركتها : سويت لك شي ؟! .
بحده وحادقتيها السوداء تلمع : مو لازم انتظر حتى يصير .
اسيل بهمس ونظرات البنات عليهما : امك قبل فتره كلمتني عشان اقنعك تداومين .
قاطعتها شادن بتنهيده : وها انا داومت .
اسيل بحنان والدمع في عيناها لم يفتها : حابة تجلسين معي .
حركت راسها برفض .
تنهدت اسيل وبمحاولة جديدة : طيب ..
قاطعتها صارخة : انا قلت لا ماتفهمين ؟! .
احدى فتيات الصف : اصلاً كيف لك وجه تداومين ي اخت المجرم ؟! .
الجميع استدار بصدمه لما تفوهت به على دخول الاستاذة .
شادن ابعدت الكرسي للخلف ووقفت بقوة ونظرت جهة الفتاة ذات الملامح السمراء وبحده : عيدي .
اقتربت الاستاذة مُغيرة مجرى الحديث : يلا كل وحده لمكانها بتبدا الحصه .
تحركت شادن جهة الفتاة غير مُبالية بما يُقال : قلت عيدي .
الفتاة بوقاحة وابتسامة شامته : بدل ماينحاش ليش مايسلم نفسه ؟! .
قفزت صارخة ودموعها تُغطي وجنتيها : والله لا اوريك .
بدا صُراخ الطالبات بالارتفاع ذُعراً ، تقدمت اسيل بخوف وسحبت شادن صارخه لصديقات تلك الفتاة : اخذوها .
في غمضة عين اختفو الطالبات هرباً الا اسيل وخلفها صديقتها .
صديقة اسيل : استاذة مي راحت تنادي المُديرة .
فكت ذراعين شادن وبهدوء همست : بتجي المُديرة .
تحركت بدون ردة فعل ساحبة حقيبتها خلفها .
شهقت صديقة اسيل : بتطلع ؟! .
اسيل تحركت راكضة : شكلها .
ارتدت عبائتها على صُراخ الُمديرة وخروج جميع الطالبات من فصولهم : قليلة ادب .
توقفت عن لف طرحتها واستدارت بعينان حادة مُشتعله والدموع للان تملئها : اذا قام ابوي بالسلامه راح اقول له عنك .
واكملت بتهديد : وانتي عارفة ابوي مين وايش يقدر يسوي .
فتحت المُديرة ثغرها من جراءتها وبخوف : حبيبتي ماقصد .
تركتهم خلفها وهي تضع حقيبتها خلف ظهرها خرجت من المدرسة بعد جدال طويل مع الحارس وامر المُديرة له بفتح الباب وتركها تخرج .
سارت بخطوات ضايعه ووقفت بعيداً عن المدرسة باحثه بعيناها .
امالت ثغرها وعينها تسقط على من قدمت لاجله .
توتر من عيناها الموجهه له : اقولك قدامي .
وقف وبتلعثم همس : وش تقول ؟ .
الحارس : اللي سمعته .
جابر بنبرة حاول ان تكون هاديه وعيناه على عمه : شوي وجايك .
وكما توقع سؤال عمه : من ذا ؟! .
مرر كفه على عُنقة : هذا خويي مازن .
قاطعه : مازن ماهوب عاجبني .
جابر يصطنع الغضب : اجل من يعجبك ؟! .
بدون مُبالاة مرر سبابته على طاولة المكتب برسمة مُبهمه : الا وش قلت ؟! .
بلع ريقة : ع ايش ؟! .
جمع كفيه : ع الاجتماع اللي بعد ايام ؟ .
جابر بدون مُبالاة فالاهم الان مايدور بعقله : انت خيط وانا بلبس .
مسح على ثغره ولحيته الخفيفه واشار للباب : تقدر تطلع الحين .
جابر بهدوء مُتردد : وش بيصير في انس العايد ؟! .
اعاد بظهره للخلف وبتفكير : ماتوقعت الموضوع يكبر كذا .
جابر بتساؤل : يعني ؟ .
اشعل سيجارته وبعدم اهتمام : بيجلس عندنا لين يصحى ابوه .
واكمل نافثاً : عرفتو منهي بنته زوجة انس ؟ .
حرك راسه : لا .
بملامح غاضبه : وش تنتظر ؟ .
بهدوء وتفكيره يذهب بعيداً : ماقدرنا نوصل ، وحتى عمتي لما حضرت اكتشفت انها ماتعرف منهي .
حرك راسه ب اشمئزاز : عمتك مامنها فائده .
ضحك : كل شي ولا عمتي .
اشار له بعيناه : اطلع اطلع .
.
.
___________
وقف امام المكان الذي يقبع انس فيه ، تقدم وفتح الباب نظر له بهدوء كان يتكي بظهره على الحائط خلفه وينام بسُبات .
تنحنح جابر .
فتح عيناه بتعب واضح .
جابر ومُعاملة عمه لانس لاتُعجبة : كيفك اليوم ؟ .
اغمض عيناه : زي ماتحب .
تإمل معصميه والخطوط البنفسجيه من لف الحبل عليها : كلها وقت .
قاطعه انس : ي رحوم .
استدار بعدم اهتمام ، لكن سرعان ماتوقف وملامحه تتصلب مُستوعبة عدم وجود حبل على معصميه .
اغمض عيناه من ذراع انس التي طوقت عُنقة هامساً : اشتقت ي كايد .
جابر صرخ : امممممممان .
سحب سلاحة من جيبة الخلفي فاهماً مقصدة والحُراس يطوقون المكان .
غرز السلاح بجانب راسه وبنبرة غاضبه : راسه من راسي ، تبونه حي تخلوني اطلع حي .
جابر ضغط على اسنانه : اطلقو .
احد الحُراس بتلعثم : بيذبحك .
ضحك انس ب استفزاز : يومنا شكله واحد .
ابتعد الحارس الواقف عند الباب بمعنى اخرج .
انس وهو يفهم مقصدة : نزلو الاسلحة .
الجميع انزلها .
اشار انس للواقف يمين : تعال .
تقدم .
انس ب امر : اربطة .
الحارس بملامح مصدومة نظر لجابر .
جابر بغضب : وليش يربطني؟! .
صرخ انس : اقول اربطه .
هز الحارس راسه وتقدم يربط جابر .
سحب جابر جهتة : يلا روح وقف معهم .
وتحرك انس ببطء للباب ساحباً جابر معه .
تقدم حارس بخفه لسلاح .
صرخ برعب والرصاصه تعبر ظهر كفه خارجة من باطنها .
وبوعيد : انا وش قلت .
ضغط بقوة على عُنق جابر شاعراً بتحركة وبهمس : شغلنا ماخلص .
هتف بنبرة مكتومة : واحد يجي يسكر الباب .
تقدم احدهم واغلق عليهم الباب ، ترك جابر بحركة سريعه واقفل الباب عليهم .
ابتسم بشماته دافعاً جابر امامه وهو كان ينوي الهرب .
ثم صرخ لجابر : وين سيارتك .
التزم الصمت بعدم اهتمام .
ادخل فوهة السلاح بُعنقة وبقسوة : وين سيارتك .
اشار جابر لسيارة القريبة .
مد كفة : اعطني المفتاح .
رفع جابر حاجبه الايمن وب استفزاز : اكيد تمزح ؟! .
ادخل يده بجيبه واخرج هاتفه رماه بعيداً : هذا مانحتاجه .
وسحب المفتاح واركبه بالقوة في الامام وبدا يربط جسده بالمقعد .
اغلق عليه الباب وسار بخطوات سريعه ركب مكان السائق وبشتيمة تبعها وعيد : مو لحالكم تعرفون تخطفون .
.
.
_____
عاد للخلف بخطوات سريعه مصدوماً من تقدمها ناحيته .
صرخت في الشارع على رؤية اسيل : امسكية .
اسيل بصدمة من تقدم رجل ناحيتها يركض وصُراخ شادن خلفه .
رمت حقيبتها امام سيرة ، تعثر بقوة ليسقط على انفة .
جلس بألم مُغطياً نزيف انفه .
رفع راسه على وقوف شادن فوقه وبكُره : وينه ؟! .
الحارس مُصطنعاً عدم الفهم : منهم .
اخرجت الصوره وغرستها امام ناظريه : هذا .
الحارس بتلعثم وملامح جابر بالورقة امامه تُرعبه .. كيف عرفت ؟ .
صرخت من جديد : اقولك وينه ؟! .
هز اكتافه بخوف : مدري مدري .
بهمس حاد : هو منهو اصلاً ؟! .
صرخ ؛ مدري مدري .
دست الصورة في حقيبتها وبصوت عالٍ : احد يربطة .
تقدم رجل متوسط العمر وربطة بشماغة بقوة .
وصل صوت رجل بعيد : يمكنها المغلطه وتحطها براسها ، تراك ماتعرف بنات الي ..
قاطعته ب اشمئزاز : قُل خيراً او اصمت .
عاد خطوه للخلف بغضب من جراءتها .
هتفت بنبره مُتعبه : كلمو الشرطه تجي تاخذه .
اسيل بهمس : وليش ؟! .
شادن بحقد : كل شي يعرفه .
وصل لها صوت رجل : وش مسوي لكم .
شادن بكُره غاضب : يعرف وين مكان اخوي .
الرجل ب استفهام : وين اخوك ؟! .
انزلت نظرها : خطفه .
صرخ : كذابه .
احتد صوتها : انا كذابه ؟! .
ضربه من يقفه خلفه : ولك عين .
اخرجت اسيل هاتفها وبتلعثم وهو يفتح الخط : راكان الحق .
راكان وقف بخوف : وش فيه ؟! .
اسيل بهمس وعيناها في شادن الواقفه ونظرها للمجرم على قولها : شادن اخت انس داومت اليوم ، ولما لحقتها اول ماطلعت من المدرسه لقيتها تلحق رجال ..
قاطعها راكان : شوي شوي مافهمت .
اسيل بنبرة مُرتجفة : اقولك شادن اخت انس العايد مداومه اليوم ، وماسكه رجال عند المدرسة وتقول دقو على الشرطه لانه هو اللي خطف اخوي .
سحب سلاحة بصدمه : اسيل ارجعي للمدرسه انا جاي الحين .
اقفل الهاتف ناطقاً لسكرتير : كلم سعود يجيني عند مدرسة **** الان .
بعد نص ساعه حاوطت سيارات الشرطة المدرسه .
نزل راكان رفع حاجبه وعينه تقع في اسيل ، ابعدها لشخص المربوط بين رجال الشرطه .
تجاوز التجمع مُخرجاً بطاقة هويتة : معكم المحقق راكان الصايل ، انا المسؤول عن ذي القضيه .
الشرطي : اي قضية .
همس : خطف انس العايد .
الشرطي هز راسه بتفهم : اي مركز ننقله له ؟! .
راكان اشار لرجال خلفه : رجالنا بياخذونه .
بعد دقائق استدار على صوت سعود : عسى ماشر ؟! .
راكان امال ثغره بتهكم من انتفاخ عيناه من اثر النوم : خربت عليك ؟ .
مسح شعره : اصلاً انا نمت .
اشار راكان بعينه : الا اقول تعرف ذيك ؟! .
نظر لمن يُشير فتح ثغره بصدمه : شادن ؟ .
دفعه من كتفه : لاتفضحنا .
سعود بخوف تحرك : وش صاير .
سحبه راكان ناطقاً ب اعجاب : صح اعرف انس ، بس ماتوقعت ان عنده اخته بذي الشجاعه .
سعود بعدم فهم نظر له .
اكمل راكان : شكت بواحد يلحقها ، وفعلاً طلع من ..
قاطعه سعود : لاتقول من خاطفين انس .
هز راسه : مع الاسف .
مسك جبينه : انت وش تقول .
ربت على ظهره : وصل بنت عمك لبيتهم .
تحرك سعود جهة شادن .
راكان اشار بكفه لاسيل : تعالي .
اقتربت بخوف .
بحده : وش مطلعك من المدرسه ؟! .
بخوف مُتلعثم : انا طلعت ورا شادن ماحبيت اخليها لحالها .
عقد حاجبيه : احلفي ؟! .
ضمت اصابعها لبعضها وبرجفه : ابي ارجع للبيت .
ضحك ساحبها معه : الحين وش فيك مو على بعضك .
بنبرة باكية : مو متخليه ان هذا مجرم .
قاطعها : ي خوافة ، خليك مثل اريان .
التفتت له : بوش ؟! .
راكان : لما حاوطو انس بالمزرعه ورموه ..
وبتر حديثه مُتذكراً انها لاتعلم ، وان تلك الحادثه كانت سر بينهم .
نظرت له : كمل ؟! .
دفعها : اركبي اركبي بس اوصلك ، ترى وراي اشغال .
في الخلف .
بغضب : انتي كيف مداومة وابوك بالمستشفى واخوك ماندري وينه .
نظرت له ثم تحركت تاركته .
توقفت اقدامها على كلماته : شادن انا اكلمك .
تمنى انُه صُم قبل ان يسمع : ومن انت ؟! .
ادخل كفيه في جيب بنطالة هاتفاً بتساؤل : ماهوب وقت استهبال .
نظرت له بعيناها التي يعشقها وبقسوة : وانا ماستهبل .
واكملت ضاغطه على اسنانها : وين اخوي ؟! ، والله عيب للحين مالقيت ولد عمك ي ولد عمي ولا حتى خيط ؟! .
وتركته صاعده مع سائقها .
نطق وصوت الطرف الاخر يصل له : اجمعي اغراضك انتي وامي شوي وجايكم .
نوره بعدم فهم : وليه نجمعها ووين بنروح ؟! .
سعود وحرة غضبه يُلقيها عليها : شادن مداومة ولا كاني قايل لا اشوف احد طالع من البيت .
واكمل صارخاً : بالله ذا وقت دوامت ولا دروس ؟! ، جهزو اغراضكم باخذكم عندهم .
همست نوره : وليه كل ذا ؟ .
بعد صمت اكملت : اذا بتحط حرتك فيني عشانها فلا تنسى اني اختك .
و نطقت بعد ثواني قصيرة وانفاسه الغاضبه تُسمع : بعدين انت عارف علاقة امي ب ام انس .
قاطعها : واحنا مهوب في وقت علاقات امي .
هزت راسها : طيب طيب .
اغلق بوجهها .
.
.
____
وقف في مكان بعيد وتحرك جهة جابر وتاكد من جديد من ربط معصمية بقوة .
ابتعد من السيارة وسقط بقوة على ساقية بدا بالسُعال .
ضرب صدره محاولاً تخفيف ألم السُعال .
فتح عيناه وامال راسه بتهكم سرُعان ماوقعت عيناه بالجالس بعيداً وصوت سُعاله يصل له نظر لقيود معصميه وبكُره : الله **** .
رفع نظره على صوت انس : كيف نومة الخطف ؟! .
وصعد ناطقاً : ع الاقل ماقمت على اصياخ تحرق جسمك ، ولا ضرب من ناس ماتعرفهم ، ولا فيه واحد يلعب من وراك ب اسم خوي .
ضحك جابر ب استفزاز : والله قليلة ذي ، باقي كثير .
تحرك انس بسرعه وسحبه من ياقته بقسوة صارخاً ببحة : لا اسمع صوتك ي قليل الشرف .
همس جابر بغمزة : تتوقع عمي قد خطف زوجتك رهينه ولا ؟! .
ضربة على وجه : قسم بالله لا اذبحك .
قاد السيارة بسُرعة جُنونية .
اغمض عيناه ماسكاً نفسه من صوتة الرخيم : ليه ماتوديني لشرطة وتريح راسك ؟! .
التزم الصمت مُتذكراً كيف هرب من بين ايديهم .
رفع راسه على دخول حارس يحمل قليلاً من الطعام ونصف كاس ماء .
جلس امامه وبكُره : سم ان شاءالله .
ركل صينية الطعام بساقيه وبغضب : وتعرفون الله .
الحارس رفع الصينيه بقسوة وضربها بجانبة : **** **** . وحمل الاكل هاتفاً ب استفزاز : مت جوع .
حرك ساقيه بقوة مُحاولاً فك الرباط .
بعد دقائق محاولة استسلم رامياً ظهره للخلف .
فتح عيناه شاعراً بحدة شي تحت ساقه .
حدق في شظية كاس الزُجاج .
اعتدل في جلسته بعد محاولات عدة ، زحف واستدار بحركة سريعة ، سحب شظية الزُجاجة الحاده ، وضغط عليها ب اصابعه حتى لا تقع .
اغمض عيناه ، عاضاً طرف شفاهه من جروح كفيه بسبب الشظيه .
تنهد براحة والحبل بدا يخف شدة .
بعد مرور ساعتين .
دلك رسغيه بإلم ، ووقف مُبتسماً مُتنفساً الراحة شاعراً بالحُرية .
.
.
_____
تتوسط جانب السرير وقدميها تُلامس الارض ، عاد لذاكرتها يوم وقع الخبر عليها .. حديث راكان عنه ، وشرح موضوعه بُعمق هو ماصابني بهذا الحُزن على حالته وحالة عائلته ، وارهقني الشعور بتانيب الضمير .
اغمضت عيناها مُصطنعه النوم على صرير الباب وصوت اسيل : اما نايمة ؟! .
هند خلفها : قلت لك نايمة .
اسيل مسحت وجهها : لازم اعلمها .
هند سحبتها من ذراعها مُغلقة الباب : وش بتقولين بس تبين تزيدين عليها ؟! .
اسيل بضيق : اللي يشوفك يقول انها تحبه .
ب استغراب هتفت : ولازم تحبه ، هو زوجها واكيد بتتضايق ولا شايفتها بدون احساس ترى هي بالاخير انسانه ؟! .
تركتها اسيل ودخلت غرفتها واستلقت على سريرها .
روان فتحت عيناها : وش فيك بعد ؟! .
استلقت على جانبها الايسر وبهدوء وعيناها على ملامح روان : كنت ابي اقول لاريان سالفة شادن اليوم .
وصل صوت روان بعد ثواني صمت : غريبه راكان ماسالك ليه جايبه جوالك معك للمدرسه .
وضعت ذراعها على عيناها وبهمس مُتعب : لا .
روان بجدية : لاعاد تاخذين جوالك معك ، اذا مسكوك بيطردونك .
هزت راسها بنُعاس وهي تدخل في النوم .
زفرت روان انفاسها واغمضت عيناها تستدعي النوم .
في الخارج دخل حاملاً الهاتف .
وبتحلطم : ب ٥٠٠ وادفعها انا وش مكلفني .
والدته بعدم رضا : وانت ماتعرف تسلم ؟! .
فهد قبل اعلى راس والدته وجلس : يمه اعذريني .
قاطعته : وش سالفه ٥٠٠ .
انزل جاكيته الاحمر وبتافف : شفتي اللي جاء مع علي .
ام علي ب استفهام : راجس ؟! .
رفع حاجبه : ماشاءالله وتعرفين اسمه .
ام علي ضربت فخذه : وليه ان شاءالله ماتبيني اعرف من يجون ويروحون مع عيالي .
نظر للهاتف وهو يُضيء باسم ماجد : نساه مع علي ، وعلي وداه للاتصالات وتركه هناك على ان خويه ذا ياخذه لكن ماشاءالله على خويه نساه وعود لديره وراح وراه علي ، وتوه علي كلمني اطلعه .
ام علي بعدم اهتمام بالسالفه : وليه ماترد .
فهد رفع الهاتف : وليه ارد مهوب جوالي .
ام علي : قول ان جواله نساه عندنا ، يمكن انه واحد من اخوياه ويبيه ضروري .
هز فهد راسه بتإييد لحديث والدته نطق قبل ان يصل له صوت الطرف الاخر : قبل لاتتكلم الجوال ماهوب مع صاحبه .
ماجد ب استغراب وقف : وانت من ؟! .
فهد بتسليه وصوت الطرف الاخر يرتفع حده : لما يوصل الجوال لصاحبه افهم منه .
صرخ ماجد بغضب : وصاحبة وينه وكيف نساه معك ؟ .
فهد عقد حاجبيه من صُراخ المدعو ماجد : راجس نساه عندنا .
هتف بحده : راجس ؟! .
فهد تافف : وانت ليه معصب الحين ؟! .
ماجد ب استفهام : انت وينك ؟! .
فهد رفع حاجبه : وانت وش فيك تحقق معي ؟! ، كلم راجس وتفاهم معه انا وش دخلني .
واغلق الخط ناطقاً بغضب : الشرهه على اللي يسوي لكم خير .
والدته : وش فيه ؟! .
وقف ساحباً شماغه : مافيه شي ي طويلة العمر ، بنام اذا اذن العصر صحيني .
هزت راسها وجلست تُناظر للعب الطفله ريما .
ام علي ببتسامة : ريما روحي نادي اريان .
وقفت تحمل دُميتها وخرجت .
تنهدت بضيق .
بعد وقت قصير دخلت اريان تربط شعرها الاسود الطويل .
رتبت بجانبها وببتسامه : وتقول هند انك نايمه .
اريان بكذب : كنت نايمه بس صحتني ريما .
ام علي نظرت لعيناها : تكذبين على امك ؟! .
مالت على والدتها وبهمس : ماعاد قدرت انام صاير يجيني ارق.
ام علي مسحت على ظهرها : وش تقولين عني وانا اللي ظلمته وقدام امه .
وهمست مُكملة : نزورهم في العصر .
حركت راسها برفض .
اضاقت عيناها : وليش ؟! .
زفرت انفاسها : بس .
هزت راسها بتفهم : اللي يريحك .
اقتربت ريما : متى نروح للبقاله .
ام علي : وش بقالته ؟! .
اشارت لاريان : انتي وعدتيني .
اريان وقفت بتعب : حبيبتي بعدين .
بكت صارخة : تكذبين علي .
جلست امامها ومسكت كتفيها : متى كذبت عليك ، والله انا تعبانه .
ام علي بعينان مُهدده : خلي اختك وارجعي للعابك ولا رحت نومتك غصب .
كتمت شهقتها وابتعدت جالسه امام اللعابها .
زفرت ضيقها وبهدوء ابتسمت : خلاص بعد صلاة العصر ، نقول لتركي يودينا .
قفزت صارخه : ايه ايه .
تنهدت ام علي بضيق من حالتها .
.
.
___
نزع ملابسه والغضب يُعمي عيناه .. كيف اصبح هاتفها مع راجس .
ارتداء ثوب كحلي وغترة شال رمادية بنقوش كحلية .
نظر لشكله بالمراءة نظرة اخيره مُغلقاً ساعة الجلد البُنية على معصمه وتحرك خارجاً .
سحب نفساً وهو يراها كيف نساها ! .
نوف اقتربت ب ابتسامة جميلة زادت جمالها : وين طالع ومخليني ؟ .
تجاوزها : نوف لاتجلسين بالبيت لحالك روحي عند عمي عايد مع اهلي ولا روحي لاهلك لين ارجع ، يمكن اتاخر بالجيه .
تقدمت بخطوات سريعه ووقفت امامه وب استفهام : رايح لها ؟! .
ابعدها عن طريقه : وانا كم مره اقولك لاعاد تساليني وين رايح ؟.
قبلت خده : اسفه .
بنصف عين نظر لها ثم خرج .
صرخت ضاربة الارض بقدمها : اكيد لهااا ، اعرفه لما يفكر فيها .
تنفست بحنق وصعدت للاعلى ، سانتظره لان اخرج لمكان .
.
.
___
دفعه بقوة حتى ضرب ظهره الحائط خلفه .
بحث بعيناه عن شي يربطه فيه ، تنهد بضيق والتعب يزيد عليه ويطبق على انفاسه .
اغمض عيناه على صوت جابر : ماراح انحاش لاتخاف .
اقترب وهو يدفعه بقوة صارخاً : لا اسمع صوتك .
جابر ب استفزاز اكتسبه من عمه غمز : تدري ليش ماراح انحاش ؟ .
اكمل هامساً : لانك انت اللي بتوديني له برجولك .
قبض على عُنقة صارخاً وصُداعه يزيد : اقولك ولا صوت .
هز راسه ببتسامه مُستفزة : طيب ، بس نسيت اقولك عمي الحين يدور علي .
اجلسه من عضدية بقوة وتحرك خارجاً عاد بعد ثواني قليلة يحمل قُماش استدار خلف ظهره .
وصل صوت جابر قبل ان يربطة : ماحب الظلام .
انس بشماته سحب راسه للخلف : ولا كلمة .
جابر بهدوء صادق : عندي فوبيا من الظلام .
تجمدت نظارته في ظهره ثم وقف تاركه .
جلس امامه بتفكير طويل .
نظر له بتامل وهو يرى حركتة الكثيرة وضغطه على راسه .
انزل نظره على صوته المتهكم : انا كيف ماشكيت فيك .
واكمل : شكيت بهيلدا لانها .
قاطعه جابر بقهر : لانها كانت غبيه .
انس وقف مُتقدماً وهو ينحني هاتفاً ب استفهام حاد : انت مين ، وش تبون منا ؟ .
جابر عاد للخلف براسة : اسال ابوك منهي زوجته اللي قتلها قبل عشرين سنه ، وتعرف وقتها حنا من .
صرخ باصقاً بشتيمة : ابوي اشرف منكم .
التزم الصمت جابر وعيناه تنظر للفراغ .
خرج انس مُغلقاً ازرة بالطو جابر الاسود الطويل على جسدة ، واغلق الباب الحديد بقفل صعد للاعلى ودفع الخزانة القديمة على الباب الذي يؤدي لذاك الممر السري .
خرج من منزلهم القديم .
صعد سيارة جابر وتركها في ابعد نقطة ، اشار بيده لسيارات العابرة صعد سيارة اُجره ووصف له .
وقف في مكان بعيد ونظره للمنزل .
هُم من يحتاجهم الان حتى يُساعدوه .
مسك عضده مكان الرصاصة سابقاً ومكان الحرق الان زفر انفاسه بإلم .
جلس مُنتظراً طويلاً ، ومُراقباً الوضع بصمت .
وقف على صوت اذان العصر وهو يرى رجال الحي يتحركون للمسجد .
مسح راسه باحثاً عن خُطة لدخول ومُقابلة راكان .
.
.
___
تركي بنُعاس : اريان خليها بكره ، والله تعبان ، طالع من محاضره لواحد فجر راس ام امي ، وجاية تقولين ابي البقالة .
هزت راسها بتفهم ونظرها لريما .
ريما كتمت دموعها وتركتهم .
لحقتها اريان وبهمس : بنروح وماحد يدري .
ابتسمت الطفله ضاحكة .
ارتدت اريان عبائتها وخرجت بخطوات سريعه حتى لا يراها فهد .
تنفست براحة مُغلقة الباب خلفها وريما تمسك كفها الايمن بمرح .
اتجهت للبقالة القريبة نسبياً .
دخلت خلف ريما .
تحركت ريما بسرعه لتختفي خلف الارفف باحثة عن ماتُحب .
ابتسمت اريان وهي لا تسمع الا صوت سعادتها .
استدارت بسرعة بعدم تصديق على صوتة الرخيم المبحوح : ماتوقعتك عند اهلك .
اريان عادت للخلف وانفاسها تضطرب : انس ؟ .
انس وعيناه في عيناها وكلام ذاك الرجل يعود له : ايه انس .
احتضنته بقوة مُتناسية المكان وبصُراخ : ماصدق انت حي .
اغلق ثغرها وبحده : ليكون جايه عند اهلك احداد علي وانا مدري .
تجاوزت علقم حديثة .. لان يتغير اسلوبة مهما حدث : فهمتني غلط .
ابعدها عنه ساحباً معصمها : مو مهم ، المهم لازم نطلع قبل احد يشوفنا .
اوقفته وبعدم فهم : من بيشوفنا .
وعيناه تنظر في المكان : كلام كثير ، هذا مو وقته .
اريان بخوف همست : بس اختي هنا .
انس نظر لعيناها وبعدم اهتمام : ماهيب اختك .
تركته وتحركت هاتفه بصوت عالٍ : ريما .
سحبها بقوة هامساً : توعديني تودينها وترجعين ؟! .
هزت راسها وخرجت تاركته خلفها .
خرج من البقالة بعد وقت قصير مُراقباً الوضع .
همست مُقبلة خدها : نسيت اغراضي في البقاله بروح اجيبها وارجع لاتقولين لاحد اوك ؟! .
هزت راسها وعيناها على كيسها المليئ .
اغلقت الباب بعد تاكدها من دخولها ، زفرت انفاسها هامسه : الحمدلله يارب .
سارت بخطوات واسعه للبقالة ، لكن استدارت على صوت تصفيرة ، كان يقف بعيداً ونظراته تُراقبها .
اقتربت منه وعيناها تشُع ابتسامة ، توترت من نظراتة الغريبه .
مسك كفها وشدها خلفة ناطقاً : للحين ابي اعرف وش مرجعك لذا البيت ؟.
لم يفتها لون بشرته الشاحب واحمرار كفة اليُمنى واثار الحبال على معصميه وتجاوزت حديثه بتساؤل خائف : انت بخير ؟ .
بترت حديثها وهو يسحبها ويقف امامها مُعطياً سيارة بعيدة ظهره هامساً : لو تاخرت دقيقه كان كنتي معهم .
لم تفهم شي حتى رأت من بتلك السيارة يتوزوعون بمهاره في الحي .
تحركت بخوف هامسة : انس انا ماكنت ادري .
قاطعها راكضاً : اريان لازم نطلع لو شافوني رحنا فيها .
وقفو خلف بناية بطوابق كثيره انحنى ب انفاسه مُضطربة ، استدارت على انفاسه الغريبه لها .
بلعت ريقها هامسة من ملامحه التي تغير لونها : فيك شي ؟ .
ضم ذراعه اليُسرى لصدره وبصوت مخنوق : وقفي لنا سيارة بسرعه .
نظرت له بخوف وتحركت على نبرته الحادة : اقولك وقفي لنا سيارة .
بعد دقائق نطق بنبرة مُتوجعة : وقف عند اقرب صيدلية .
نزل ونزلت خلفه دخل ووقف وعيناه للخارج : ابي كريم للحروق ، وشاش وقطن .
واستدار بنظرة لصيدلاني : و اقوى مُسكن صُداع .
الصيدلاني بهدوء : لازم وصفة طبي ..
قاطعه بتوجع : حالتي واعرفها .
نظر الصيدلاني لعيناه ثم جبينه وهمس : عندك صُداع نصفي .
رفع عيناه بملامح مصدومة .. كيف عرف حالته في دقيقة ؟! ،
عدل قُبعة البالطو مُغطياً راسة وملامحة اكثر : بتعطيني اللي ابي او اروح صيدليه ثانية ؟! .
الصيدلاني بعدم راحة من شكلة والفتاة الواقفة بعيداً وتنظر للخارج بترقُب : تبي شي غيرها ؟! .
عاد بنظره لاريان ثم نطق سريعاً : ابي عدسات لونها بُني .
خرج بعد وقت من الصيدلية ناطقاً : برجعها لك .
اريان جارته بالسير : ترجع وش ؟! .
انس وعيناه على الطريق : الفلوس .
امالت ثغرها وبهدوء : ي تفكيرك ، متى بنرجع البيت ؟! .
توقف ناظراً لها بسُخرية: ومن قال بنرجع ؟! .
بتلعثم وخوف : انا ماقلت لاهلي .
تجاوزها : احسن ماقلتي ، ولا ماشفتي اللي كانو عند بيتكم .
قاطعته ببرود : اكيد كانو يلحقونك .
ضحك بتهكم : قالت يلحقوني .
سارت بجوارة وعيناها على حركاتة ، نطقت بعد صمت : جوالي نسيته بالبيت لازم اعلمهم ، اكيد بيخافون علي .
بهدوء وهو يُخرج حبة ويدسها في ثغرة مُبتلعها دون ماء : راح نكلمهم ، بس لازم نكون في مكان امان .
همست : هم منهم وش يبون منك ؟ .
التزم الصمت بسير مُتعب .
حركت راسها ب اسى .

.
.
___
خرج من المركز بضيق رغم كل هذا لم يتفوهه بكلمة او معلومة عن انس .
وصلت له رسالة ( في فندق ***** حجز ب اسم فيصل الزايد ) .
ابتسم ب اشمئزاز : واخيراً .
وقف امام الفندق واتكى براسه على المقود بتفكير طويل ، تنهد ونزل .
وقف امام الاستقبال : هنا حجز ب اسم فيصل الزايد ؟! .
بحث موظف الاستقبال ثم نطق وهو يمد كفة : البطاقة .
مرر كفة على شعره وبكذب : انا بسوي مُفاجاة لزوجتي وهي مع عمها وتوني جاي من سفر .
الموظف بعدم اهتمام : القوانين قوانين صعب ندخلك .
قاطعه احمد مُخرجاً بطاقة العائلة التي تحتوي على اسمه واسم وتين وانزلها امام الموظف : وتين احمد مساعد الناصر ، والحجز ب اسم فيصل بن مساعد الناصر .
الموظف هز راسه وحديثه يراه فعلاً صحيح .
اعطاه بطاقة الدخول .
ابتسم وصعد للاعلى .
فتح الباب بخفة وابتسم مُتذكراً تلك الليلة كيف قضتها بين احضانه .
تنهد وهو يبحث عنها .
قبض على كفة مُهدئاً غضبه وفتح الباب لتقع عيناه في النائمة بهدوء .
وقف مكانه بتأمل طويل لها مُتنهداً .. رغم ماتفعله له يبقى حُبها يزيد ويُريدها اكثر .
اقترب هاتفاً بهدوء : وتين .
هزها لتستيقظ جالسة بشهقة رُعب .
اغلق ثغرها هامساً وعيناه في عيناها : وين فيصل ؟! .
دفعته صارخة : فيصصل .
سحبها ببتسامه شامته : يلا بنطلع قبل يجي .
قفزت واقفه وهي تُهدد : انت وش جايبك ، والله اعلم عمي .
ادخل يديه في جيوب بنطالة : ماقلتي له انك زوجتي ليش ؟! .
عادت للخلف من تقدمة : لانك ماقلت من اول .
ببتسامة : ولو تدرين اني ماعلنت زواجي عشانه وش تسوين .
بحركة سريعه نزلت ناوية الهرب ، سحبها بقوة حتى ضربت بصدرة وبغضب : لمتى بتهربين مني ؟! .
بتنفس مخنوق من هذا القرب : عمي فيصل لايشوفنا .
اقترب اكثر لملامحها وبغضب هادي : انا ماقلت لاتروحين معه ؟! .
صرخت : هذا عمي انت متى تفهم .
هزها بقوة من ذراعيها : لاتقولين عمي .
اغمضت عينها بألم من هزه وبهمس : تراك اوجعتني .
بردت عظامها شاعرة بدفء شفاته على شفاتها وصوت همسه : يكفيني انس تختفين انتي بعد .
بلعت ريقها وفتحت عيناها على صوت باب الشقه ينفتح .
تلونت ملامحها وبرجفه ابتعدت : بيشوفنا ي ويلي .
لم ينطق احمد كلمة على دخول فيصل ناطقاً : للحين نايمة الحلوة ؟! .
عاد خطوة للخلف وهو يرى احمد يقف خلف وتين التي كانت تُنزل راسها وتُغطي وجهها بكفيها .
صرخ فيصل بعدم تصديق مما يرى : انت وش تسوي هنا .
بلل شفاته وانزل نظره لوتين : اسالها .
وتين بتلعثم : فيصل لاتفهم غلط .
اقترب بخطوات واسعة : وش مافهم غلط الكلب ذا معك ولحالكم .
ضاعت الكلمات في بلعومة واحمد يدفعه بقوة صارخاً : الكلب والله انت .
نظر لوتين خلفه محاولاً استيعاب ماقالت : هو زوجي زوجي .
رفع نظره لاحمد وبفحيح : سويتها .
غمز له احمد وبهمس : من ٣ سنوات بعد .
تجمدت عيناه هاتفاً بكلمات عجزت ان تخرج : مُستحيل مُستحيل .
واكمل متُهكماً : ماصدق .
مسد على صدره هامساً بقرف : لازم تصدق ي تاجر المُخدرات .
ابتعد على دخول وتين بينهم وهي تحتضن فيصل باكية .
ابتعد بشفقه على حالها .. كيف لو علمت ان من تقف امامة وتحتضنه الان هو اكبر مروجين المُخدرات .
همس في اذنها قبل ان يهرب : وتين لاتصدقينه مهما قال عني من يومة يكرهني .
وخرج بسُرعة .
تجمدت من تصرف فيصل وهروبة تاركها مع احمد وبكُره : انت وش قلت له ؟! .
احمد بعدم اهتمام : عرف حجمة بس .
صرخت بقوة ودموعها تنزل : انت متى تفهم مابيك بحياتي ، يكفي لا هنا وبس .
صرخ هو الاخر مُفرغاً غضبه فيها : من متى كانت لارادتك شي ؟! ، ترى انا للحين متحمل دلعك وساكت ولا ابي ضايقك ، ولا كان عرفت كيف .
قاطعته باكية ، وتُـغطي اذنيها : مابي اسمع لا لا .
تنهد بتعب لا يستطع تحمل صوت بُكائها اقترب مُحتضنها : انا اسف .
دفعته وتحركت لعبائتها : انا اكرهك .
نظر لها بملامح مُتعبة : اكرهيني لكن الحين لازم نطلع من هنا .
ركضت للحمام تاركتة خلفها وصوت تقيئها يصل له .
اقترب بسُخرية : اكرهيني زي ماتبين لكن مُستحيل اخليك ومع فيصل .
واكمل بقهر : وهذي اخر مره تروحين مع احد بدون اذني .
مرت من امامة واغلقت ازرة عبائتها بصمت .
وقف ينظر لها بتامل .
رفعت عيناها بسكون : بتوديني عند عمي ابو مساعد ؟! .
هز راسه بهدوء : لا بتروحين معي لبيتي .
.
.
___
برجفة وتلعثم : كشفني كشفني .
بصوت ثقيل : من اللي كشفك ؟! .
فيصل : احمد ماغيرة .
بتفكير : اها تقصد زوج بنت اخوك ؟! .
اغمض عيناه : وانت وش دراك .
الطرف الاخر : لو كنت ذكي وبحثت عن معلومات عنه بتطلع لك .
ضرب بالمقود راسه وب انفاس عالية : كيف كيف قدر يتزوجها .
الطرف الاخر : خليتها توقع ع الاوراق بس ؟! .
ضرب جبينه مرة اُخر بقوة : ماقدرت ماقدرت .
اغلق الخط ناطقاً وهو يرمي الهاتف بعيداً : مامنه فائدة .
الجالس بعيداً : بنحتاجه في الاجتماع وتقول مامنه فائدة .
حرك راسة بعدم اهتمام .
نطق الجالس بعيداً : جابر للحين مالقوة وهو المهم بكل ذا .
وقف ونظرة لشوارع الرياض من نافذتة الكبيرة : عمة بيشق الارض ويطلعه ، ولا ماتعرف زياد الراشد ؟! .
ضحك البعيد وبتفكير : وماخفت لما قتلت زوجتة .
نظر بعيناه للسيارات البعيدة وبهدوء : لما يعرف ان بنته حية بينسى زوجتة صدقني ، موضوعها هو الاهم الان .
البعيد وقف بنبرة مصدومة : بنتة حية ؟! .
هز راسة : اية حية .
وبضحكة شر : وتصدق اني انقذت عايد من كل ذا وانا احط مكانها بنت ميته .
اقترب البعيد وبعدم فهم : انت وش تقول ؟! .
رتب على كتفة : كل شي مع الوقت بيظهر لاتستعجل .
وابتعد ناطقاً : هي لي من ولدت ، وبترجع لي غصب عنهم ، وقتها اقتلهم كلهم .
.
.
____
صرخ وهو يضربة : كيف مالقيتوه ؟! .
الحارس برجفة : دورنا بكل مكان .
ضغط على اسنانه : كان جبتو لي اخته ولا زوجتة اي من كان .
الحارس بتلعثم وعينان زياد تُخيفة : الشرطة مكثفينهم على بيتهم ، وزوجتة نراقب بيت اهلها بس مانعرفها .
فتح عيناه مُهدداً : وانت تنتظر تعرف منهي ، اخطف لي اي احد .
هز راسه الحارس وخرج يمسح وجهه من اثر العرق .
مسك راسة : كل شي يالعايد الا ولدي .
رفع الهاتف ورماة بعيداً عنه ورقم اخته ناهد يُضيء : اخر ماينقصني انتي .
وقف بعد تفكير طويل مُشيراً للحارس : عايد العايد في اي مستشفى ؟! .
.
.
__
اوقف السيارة ونظر حولة في القرية تافف كارهاً للمكان .. من كان يتوقع قدومه لهذا المكان بعد تلك الليلة ؟! .
نزل بخطوات ثقيلة والغضب يعود له من جديد .
تقدم جهة منزلهم الذي يعرفة من زيارتة القديمة .
توقفت عيناه على من خرج من المنزل المجاور .
علي محاولاً معرفة صاحب هذه الملامح التي امامه .
ماجد اضاق عيناه وتقدم ناطقاً بصوت رجولي : السلام عليكم .
رد علي السلام وبهدوء مُستفهم : كاني اعرفك .
نظر له ماجد لحظات : لا مانعرف بعض .
علي نظر لملامحة وغرورة ثم هز راسة : شبهتك اجل .
ابتعد ماجد امام نظرات علي واتجه ناحية بيت عائلة ابرار وطرق الباب .
علي بهمس لذاته : متاكد اعرفه ذا .
ظافر من خلفة ونظرة على ماجد : شكله زوج بنتهم .
تلثم بشماغة وتحرك جهة بيت راجس : والله مالومها لما بكت ذا اليوم اذا هذا زوجها .
ظافر خلفه : وش تقول .
وقف حتى يُجارية بالخطوات : ودي اجيب اهلي لديرة ذي ، والله بتتغير نفسيتهم .
ضحك ظافر : وش طاري لك ؟! .
رفع كتفيه : مدري .
لاذو بالصمت على خروج راجس ضاحكاً وهو يستقبلهم : كان شوي تاخرتو بعد .
علي ببتسامة صغيرة : انت قلت بعد صلاة المغرب .
دفعه بمُزاح للخلف : خلاص كنسلنا العزيمة .
علي ببتسامة : زين تسوي نروح نلحق على ذبيحة ام هزاع .
راجس بتساؤل : وش ذبيحته ؟! .
ظافر ببتسامة صغيرة : شكل زوج بنتهم جايهم ، واكيد بتذبح له ذي علومها .
رفع عيناه لسيارة الواقفة بعيداً ثم محسن الواقف امام ذاك البعيد عنهم .
تحرك بعجلة صارخاً بغضب : ولد العايد ذا وش جايبه بعد ماطلقها ! .
لف علي بجسمة بسُرعة هامساً بصدمة : والله شبهت علية ي صغر الدنيا صدق .
ظافر تحرك : وانت بتجلس واقف شكل الدعوة كبيره .
علي ونظره لهم : وش دخلنا ؟! .
لم يشعر ماجد الا بجسده يلتفت وصُراخ من امامة : بي وجه جاي انت ؟! .
دفعه ماجد بقوة هامساً بعينان اشتعلت : يقولون تحوم عند زوجتي ؟! .
راجس وهو الاخر يحمر وجهه : قصدك طليقتك ؟ .
عقد حاجبيه مُستديراً على صوت الجدة : وش ذا الصوت .
اتسعت عيناها رافعه عصاها جهته : وش جايب الخايب ذا ؟! .
حرك عيناه براجس ثم انزلها ارضاً هاتفاً بحدة : جاي اخذ اهلي .
الجدة اقتربت بالعصا اكثر : وش اهلك ؟! .
شد على اسنانه مُتجنباً نطق اسمها : انتي اعرف من اهلي .
الجدة بنبرة كارهه : الطلاق مهوب لعبة .
زفر انفاسه محاولا فهم ماتقول : وحنا بنجلس نتكلم عند الباب .
راجس تقدم : ليكون تبينا نضيفك ؟! .
ونظرة لازال مُعلق في الجدة : ماكلمتك .
الجدة اشارت لمحسن : روح افتح المشب وانا جدتك .
تحرك محسن راكضاً .
دخل قبل الجدة وهو يسمع صوتها : راجس خلنا لحالنا .
راجس بغضب : وتبيني اخليه ومافي البيت رجاجيل .
الجدة بهدوء حكيم : انا جدته حتى لو طلق .
زمجر غضبه ووقف بعيداً ونظره على الباب .
حرك عيناه في المجلس القديم بجلستة الارضية .. قاطع تأملة صوت ام هزاع : ماهوب من مستواك .
نظر لها : وش ذا الكلام .
قاطعته مُشيره لصدر المجلس : ها اجلس .
وبهدوء لمحسن : قول للبنات يسوون قهوة .
خرج بخطوات رجولية لا تمد لعمره صلة .
عدل غترة وبصوت رجولي : ماجيت عشان اجلس .
ام هزاع اتكت على عصاها بكفيها المُجعده : جاي عشان وش ؟ .
ماجد ببطء : عشان اشوف منيف ، واخذ زوجتي .
.
.
____
بعد خروج محسن سقطت على ساقيها وبتلعثم : وش جايبه ؟! .
مها جلست جوارها : يمكن جاي يرجعتس .
ام ابرار بغضب : ويحسبنا بنوافق ترجع .
وخرجت جهة المجلس .
ابرار بنبرة مبحوحة : كيف يرجعني .
مها ببتسامة : وش فيتس مو البنت المطلقة عندها عدة .
قاطعتها ابرار وصوتها يختنق : كيف عدة ؟! .
مها مسحت على ظهرها : ماتم لتس ٣ شهر ، يعني تقدرين ترجعين له .
ابرار رفعت نظرها وبهمس : بس هو مالمسني ، يعني ماعلي عدة .
اتسعت عينان مها لتقف بصدمة مُغطيه ثغرها .
غطت عيناها على ارتفاع صوت والدتها وارتفاع ايضاً صوت راجس .
مها برجفة عادت تجلس : اكيد فيه حل ، يمكن ماطلقتس الا طلقة .
ضغطت على نفسها ووقفت : بس انا مابي ارجع .
.
.
__
ام ابرار : ماكلمك منيف وعطاك فلوس وش تبي يوم انك جاي ؟ .
ماجد ببرود وعيناه مُعلقة في راجس : مدري من كاذب عليكم ، لكن حتى لو اعطاني ملايين الارض ماراح اطلق .
راجس بكُره : اذا جاي ترجع بعد ماطلقت فاتعقب .
بلل شفاته السفلية : ماراح اطلق عشان ارجع .
واكمل : ولا راح اتحرك من هنا لين اشوفها .
اقتربت ام هزاع هامسة قبل ان تخرج : عشانها مهوب عشانك . عض طرف شفاهه على نظرات راجس .
ام هزاع حركت يديها : يلا رجال وبيقابل مرته وش موقفنا .
راجس رفع راسه بملامح مصدومة : كيف رجال ومرته هو ماطلقها .
ام هزاع بغضب : ترادد جدتك ي ***** .
واكملت : اذا هو يبي يرجعها ترجع غصب عنا ، بالاخير هي مرتة .
راجس خرج ساحباً خيبته والحقد يزيد اضعاف . نطق قبل ان تخرج والمكان يخلو الا منهما الاثنان : قلتها لك معلقة ولا زوجة ، بس ماتفهمون .
نطقت مُليتة ظهرها : ولك عين .
تنهد تنهيده طويلة على دخولها الغاضب : يقولون تبي تشوفني ؟! .
ابتسم بشماتة وهو يراها تتغطى عنه بالكامل : الا ماودك تسلمين على زوجك اول ، والله اشتقنا .
بنبرة مُرتجفة اخفتها : انت ماطلقت وارتحنا نطق بعد نظرات طويلة صامتة : ابوك قال كذا ؟! .
اقتربت ضاغطاً على اسنانها : لاتبتلي ابوي .
اقترب خطوة مُستفهماً : كيف مابتلي ابوك ؟! .
واكمل : انتي تعرفين ابوك اكثر مني .
اضطربت انفاسها وبغضب : ارجع وراك .
تقدم اكثر : تعرفين ان هو اللي حط المُخدرات بسيارة سواقنا ؟! .
عادت للخلف وبملامح شحبت صدمة : قلت لك لا تبتلي ابوي .
ماجد وهو يتقدم اكثر : هو اللي جابك ذاك اليوم وهو الوحيد اللي دخل بيتنا .
بلعت ريقها بخوف : كذاب .
ماجد محاولاً استدراجها : هو قال لي ليش اكذب ، وقال انك معه .
بردت عظامها : ابوي وينه ؟! .
بهمس حاد : مصيره بيطلع حتى لو كان تحت الارض ، ويعترف بجريمته الوصخه .
وبتهديد مُشيراً لها : المصيبه اذا فعلاً كنتِ متعاونة معه .
برجفة من تهديده : ترى الست الشهور خلصت
وقف مكانه بضحكة ساخرة : ماخلصت وباقي ايام ولا شفت ريال من ابوك للمعلومية .
و تقدم بسرعه مُنتزعاً نقابها لتتبعه الطرحة ورفع ذقنها شاداً عليه بقوة : الا ماقلتي جوالك وش كان يسوي مع راجس ؟!! .
وب انفاس حارة : تراك للحين بذمتي اذا تخططين علي شي من وراي انتي وهو .
قبضت على رسغه مُتخطية امر الهاتف : وش قصدك اخطط ؟! .
همس ببطء مُشتعل : انتي عارفة قصدي .
سحبت نفسها بقوة وبنبرة مُرتجفة : تراك مطلقني اذا ناسي .
قاطعها ببطء حاد : ي انك غبيه او تستغبين قدامي .
نطقت بعدم اهتمام : اللي تسميها ؟! .
واكملت ببطء : وترى من اول دقيقة طلقتني فيها عدة الطلاق انتهت .
وببتسامة مُستفزة اكثر لكن لم تُخفي حُزنها : لاتنسى انك مالمستني .
عاد خطوة للخلف وهو يفهم الان اكثر : ابرار اُمي قالت لك اني مطلقك ؟! .
حركت راسها برفض وهي تنحني لاخذ طرحتها : مع الاسف كان من حبيبة القلب .
اغمض عيناه مراراً وبهمس غير مُصدق : نوف ؟! .
هزت راسها بضحكة مقهورة : شوف كيف عرفتها ع طول لما قلت حبيبة القلب .
اقترب لها وعيناه تشتبك في عيناها : مُستحيل تسويها .
انزلت عيناها : لا الحمدلله سوتها ولا كيف كنت بدري انك طلقتني .
صرخ بعدم تصديق : رسالتك ذيك كلها عشان نوف قالت اني طلقتك ؟ .
هزها بقوة : تخططين تتزوجين ومن راجس ذا وانتي للحين على ذمتي ؟! .
اغمضت عيناها بخجل مصدوم .
صرخ بجنون : تبين الخلاص مني عشان تتزوجينه ؟! .
ابعدته بقسوة عنها : انا ماخططت على شي ، وافكارك ذي شيلها .
ضرب راسه بقوة : ذاك كيف قالت لك كذا ، وانتي كيف صدقتي .
وتحرك شاداً على اسنانه : ليت الضرب بس بيبرد حرتي .
وتحرك مُجازتها : صارو الحريم هم اللي يطلقون .
صرخت بخوف باكي وهي تُلملم طرحتها على راسها : ي ويلي وين بيروح .
دخلت جدتها ام هزاع وخلفها والدتها على صُراخها : وش فيتس .
ابرار برجفة اشارت للباب الخارجي : ماجد لا يروح ي جدة .
خرجت ام هزاع بتثاقل سريع .
ام ابرار مسحت على ظهرها وبُكائها يُخيفها : اذكري الله ، وش صار لتس .
بشهقات مُتتالية : يقول ماطلقني .
ام ابرار توقفت كفها مُتوسطه ظهرها وبحدة : هذا وانتي سامعته يكذبتس .
حركت راسها برجفة من اثر البُكاء : لا ماسمعته نوف اللي قالت لي .
مها تجمدت خطواتها وكأس الماء في كفها .
ام ابرار بملامح مصدومة : وانتي كيف صدقتيها .
غطت وجهها : لاني غبية .
اقتربت مها بالكأس وبقلق : اشربي موية الحين ي قلبي .
بكفين مُرتعشتين مسكت الكأس هامسه لمها : تخيلي جوالي مع راجس .
واكملت تمسح دموعها : اكيد قال له راجس شي .
قاطعها مُبتلعه ريقها بصعوبة : اهم شي ماطلقتس .
دخلت الجدة بملامح لا تُبشر بخير : اطلعي له ولا عاد تشوفتس عيني يكفي ابوتس اللي غصبه لين تزوجتس مهوب من زين فعولاً معه بعد .
انزلق الكأس بغصة : لية الكلام ذا ي ام هزاع ؟! .
ام هزاع بغضب : ماودي اتكلم كثير ، يكفي كذبتس علينا بالطلاق .
ودخلت ببطء تحمل غضبها معها ، نظرت لوالدتها التي تحركت هي الاُخرى تاركتها بعينان مليئة دموع .
.
.
_____
..( نهاية البارت التــاسع والثـلاثـون ) ..

الله يعطيك العافية

سلمت يمناك
طرح جميل جدا

طرح رائع
يعطيك العافية

ابدااااع راقي..
وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا
تحياتي وعبير ودي

طرررحك رووووعه للموضوووع
والله انك ذوووق

يعطيك العاااافيه

ماشاء الله تبارك الرحمن
ذوق في اختيارك
وعافيه عليك وعلى الطرح الراقي
لاحرمك الله رضاه
‏لك كل
تقديري واحترامي
مجنون قصآيد

دام عطائكم باذخ متصفح يتهاطل علينا جمالا يتعتقُ المسك ويغترفُ من إثركم لتغدو الاماكن هسيسُ زهرٍ وأفياء مَطـــر وينبتُ فيِ إثركم العشب ويخضر كل الشكر لهذا الإبداع

يسلمو ع المرور