 |
 |
 |
 |
|
 |
||||||||
 |
 |
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
 |
|
|
أدوات الموضوع | انواع عرض الموضوع |
|
|
|
|
|
|
|
|
|
||||||||
|
|
|
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
|
|
أدوات الموضوع | انواع عرض الموضوع |
|
#1
01-11-2019
|
||||||||||||||||||||||||||||||
|
||||||||||||||||||||||||||||||
رواية قلوب غلفها الحرمان 2
فتحت عينها بصعوبه وكانت الإنارة في وجهها فعلى طول غمضت عينها وبعد مده فتحت عينها بخفيف وتحس بريحه المعقمات داخله بحلقها تحركت شوي بس حست بيد على يدها ولما لفت استغربت وبخفيف: وين أنااااااااا ...؟؟؟ الممرضة بابتسامه: بالمستشفى... المهم لا تتحركي عشان المغذي ... وإذا أحتجت شيء ضغطي زر الأستدعاء ...(وطلعت) ملاك ظلت تتذكر اللي صار وطاحت دموعها بس لما حست بأحد يدخل على طول مسحتها ولفت لقت جدتها وعمتها وأعمامها ... ملاك من الخوف منهم بلعت ريجها كانت تعتقد أن كل غضبهم من اللي صار بينفذوه فيها لمعت عينها بالدموع ... الجده بحنان : كيف الحال ملاكي ؟؟؟؟؟... ملاك فتحت عينها بهدوء ودمعتها نزلت بهدوء : بخير ... (غمضت عينها) وين أبوي ؟؟؟؟؟؟... أبو جاسم أخذ نفس : بالبييييييييت ... ملاك قلبت وجهها عنهم : ليه جبتوني المستشفى ؟؟؟... الجده تبرر: أنت تعبانه و ... ملاك : عادي أمرض وأشفى وإلا يمكن الله ياخذ أمانته فيييييييني ... الكل مره وحده: اسم الله عليك ... هدى بابتسامه : أشوف صار عندنا بنت أخو شحلاتها ملكة جمااااااااااااال ... (مو تغير الجووووو) أبو محمد : أسم على مسمى ... ملاااااااااااااك ... ملاك ابتسمت بخجل وتوتر: لا تبالغوا ... ترى جمالي عادي زين إذا صار فيه ذرة منه ... الجده: حرام عليك ... كلك على أمك ... ملكة جمااااااااااااال ... ملاك تذكرت صورة أمها: أمي ... يا ريتها خذتني معاها (صاحت) كان على الأقل ارتحت ... (وظلت تصيح بصمت) حز في خاطرهم اللي يصير بس قطعت عليهم الممرضه: أنا وش قلت ؟؟... البنت الإنفعال مو زين لها ... الكل الحين بررررره ... الكل طلع بدون ما يتجادلوا وأما الممرضه عطت ملاك منوم وفي دقايق صارت في عاااااااااالم النياااااااااااااااااااام ************************************** اليوم اللي بعده طلعت ملاك من المستشفى بإصرار منها هـــــــــــــــــي وفي العصر الكل كان بالمستشفى وانصدموا لما عرفوا ... أبو جاسم بعصبيه : وكيف تسمحوا لها تطلع وهي بهذي الحاله ...؟؟؟ الممرضه وهي خايفه: قالت أن أبوها ينتظرها بره و ... أبو محمد: يعني كذبت عليكم .؟؟؟؟؟؟.. الممرضه نزلت راسها وأما الجده : خلاص مو مشكله ... نروح لها بيتها ... أبو جاسم: يمه بعد اللي صار ... الجده : ما أقدر أتركها مع أبوها بهذي الحاله ... أخاف يذبحهاااااااااااا ... الكل سكت ما عرف يرد وكلهم طلعوا ... علي بخفيف لجاسم: الكل مهتم فيها ... لهذي الدرجه بنت العم حلوووووووه ... (غمز لجاسم لأنه عارف أنه شافها) اما جاسم عطاه نظرة فهم منها أن مو وقت الاستظراااااااااف ومشى عنه ************************************ في بيت أبو سالم اللي صار كله والهواش والحاله كله ناتج عن توتر أبو سالم واللي لسوء الحظ ما شرب حبوبه المهدئة وصار ما يروح للطبيب النفسي اللي عاطيه مواعيد كل 3 أو 4 شهور يروح له ولأنه صار له 7 شهور ما راح صار اللي صار ... سمعوا صوت الجرس ... سالم بسرعه نقز وراح يفتح الباب وبعد مده ما سمعوا إلا : ملااااااااااااااك ... (طالعها بتكبببببببر ) شتبين ؟؟؟؟؟؟؟؟؟؟؟ ملاك ابتسمت بتعب واضح : سااالم ... مدت يدها بتحضنه وهو بعد منها منقرررف: تعال ... اشتقت لك ... سالم طالع فيها من فوق لتحت ومشى وهي هزت راسها بأسف عليه ودخلت لهم الصاله : سلااام .. أبو سالم على طول وقف من الصدمه : مـ ... (ما عرف ينطق الاسم) أم سالم وقفت وبحقد: ولك عين بعد اللي صار تجين بيتناااااااااا... ملاك تطالع فيها بنظرات تايهه: وين أروح ؟؟... أم سالم: أي مكان ... (تكتفت) مو كفايه الإهانه اللي حصلها أبووووووك بسبتك ؟؟... ملاك بسرعه : ما عاش من يهين أبوي وأنا حيه .. أم سالم: خلصينا ... تبين شيء ... وروحي غرفتك خذي ملابسك وطلعي .. ملاك حست بخنجر يطعنها : أطلع ... (بصوت مبحوح) وين أروووووح ؟؟... مالي غيركم ... (طالعت أبوها) يبه أنا اا... أم سالم تنرفزت وعلى طول تقدمت وسحبت ملاك من يدها وصارت تجرها وراها ولما عاندت على طول أم سالم سحبت شعرها الطويل الناعم الأحمر نوعا ما وملاك تصرخ عليها : اتركيني ... اتركيني حرام عليك ... أم سالم وهي تدزها : أحرمت عليك عيشتك ... شيلي أغراضك ولا عاد أشوف وجهك هنا ... فاهمه ... ملاك بإصرار: ما راح أطلع لو تموتيييييييييين ... أم سالم بعد بدت تضرب ملاك بدون رحمه وترفس فيها وسالم وسجاد يطالعون أختهم كيف تتلوى من الألم وسالم نظراته لانت على شكل اخته ملاك وامه تضربها بس ما في يده شيء وسجاد دموعه تطيح من عينه على اللي يشوفه وهو ساكت ... بعد عشر دقايق هدأ المكان لأن أم سالم لما حست أن ملاك خلاص ما تتحرك تركتها وطلعت وأما ملاك بعد عشر دقايق فتحت عينها وبصعوبة اعتدلت وبصعوبة مسكت الكرسي ووقفت وتوها بتمشي للثلاجة بتشرب ماي ما حست بنفسها إلا أحد يمسكها قبل لا تطيح على الأرض ويسندها على الجدار تأملت فيه: عمممممممممي ..؟؟؟(مستغربة وش اللي جابه) أبو جاسم حط صبعه على فمها : ولا كلمه ... (صب لها ماي وشربها) قومي معاي ملاك: ما أبي .. أبو جاسم بعطف: ليه مصره تظلي في الجحيييييييييم ملاك نزلت راسها: أروح ويييييين ؟؟.... ما عندي أحد .. أبو جاسم ابتسم: وأنا وين رحت ؟؟... قومي معاي ملاك طالعت عمها: عمي ... بظل مع أبوي ... أبوي يحتاجني و ... أبو جاسم اعتفست ملامح وجهه : يحتاجك وهو يعذبك .... قومي معاي جدتك تنتظرك والكل معاها ... ملاك: بس ... أبو جاسم سحبها من يدها : يالله أم سالم وراه وهي متغطيه : قلت لها طلعي ما رضت ... الحمد لله إنك جيت تاخذها ... جابت لنا النكد حسبي الله عليهاااااااااااااا أبو جاسم أحتقرها ومشى وهو ماسك يد ملاك اللي شدت عليه وطلعوا للصاله وشافت أبوها وجنبه عمها محمد وعمتها هدى وكانوا يتكلموا مع أبوها بس لما وصلت سكتوا ... هدى بحنان قربت لملاك: الحمد لله على السلامه ملوووووك ... أبو سالم: ملاااااااك ... روحي مع أعمامك ... ملاك أنصدمت : وين ... وين أروح ؟؟ هدى تشد على كتفها : بيتنا ... قصرنا واللي بيكون قصرك ملاك بسرعه: لا أنا بظل هنا مع أبوي أبو سالم صرخ عليها: روحي معاهم ... ملاك خافت وهدى على طول حضنتها وسحبتها معاها وطلعوا ... أبو محمد ابتسم : مشكور يا أخوي .. أحلى هديه قدمتها لنا ... (وسحب أخوه أبو جاسم وقبل لا يطلعوا) أبو سالم : سلمان ... لف أبو جاسم وطالع أبو سالم مستغرب: اهتموا فيها ... تراها غاااااااااااااليه ... وهي أمانه برقبتك ... ليوم الديييييييييين ... أبو جاسم استغرب وبعد مده ابتسم : ما طلبت ... هذي بحسبه بنتي ... (وطلعوا) أبو سالم ما تحمل وتهاوى على الكنبه وصاح تذكر كيف كان شكلها ودموعها اللي كان يشوفها تقريبا يوميا وما يتذكر إنه مره شاف إبتسامتها ... *************************************** في القصر البنات مسوين حوسه جو من الفرح بتنظم لهم بنت جديدة ولاااااااا واللي محمسهم أكثر إنها بنت بريطانيه وناااااااااااااااااسه ... سوزان بحالميه: حلييييييييييييوووووووووووه ...؟؟ ريم: تجننننننننننن ؟؟ هديل: بصراحه ... أنا ما ركزت على ملامحها عدل بس ما فيها شيء من عمي نور: أحسن ..وش تبي فيه بعد اللي سواه فيها .. هديل بحزن: بس عمي فيه حاله نفسيه ... يعني أكيد مو بوعيه ... نور: بس كيف يسوي لها كذا ... والله العظيم من الكلام اللي سمعته أحس نفسي بصيح أول ما أشوفها أم محمد اللي سمعتهم : أقول لما تجي لا أحد يحسسها إنها غريبه ... فاهميييييين .. البنات بصوت واحد: فاهميييييييييييييييييييييييييييييييييييييين والشباب مسكوهم طناز علي: أقول شباااااااب ... لما تجي لازم نطلعها من البيت.. فاهمييييييييين كل الشباب: فاهميييييييييييييييييييييييييييييييييييييين علي: عفيه على الحلويييييييييييييين نور بقهر : إذا صار على كيفك ذيك الحزه طلعها علي يقهرها : إلا بكيفي نور انقهرت وبسرعه : يمه أم سلمان ... (برطمت) شوفي علووووووووووه ... علي شهق وعينه طلعت قداااااااام : أنا علووووه ... نور بقهر تحرق دمه : أي علوه ... علوه ... علوووووووووووووووه ... علي وقف وشلح رفع كم قميصه : الحين أرويك من علوووه .... (وتوه بيمشي إلا تنسحب يده من جاسم اللي عطاه نظرة تهديد وأما نور ما بين منها إلا غبارها ... الكل : هههههههههههههههههههههههه فجأة ما سمعوا إلا صوت هرن وكلهم عرفوا أن البنت وصلت ... الجده ما تحملت وعلى طول طلعت وشافت ملاك وهي مستحيه منهم وعمها ماد يده على ظهرها ويكلمها بحنان : دخلي ... هذا بيت جدك .... الجده بفرح: كلللللللللللللللللللللوش ... (وبسرعه حضنت ملاك) ملاك ما بادلتها شيء يمكن لأنها ما تعودت على حنان أحد أو عطفه وعاشت حياتها كلها ضرب وسب وشتم فما بادرت بشيء والكل لاحظ هالشيء ... الجده تباعدت عنها وبفرح: تعالي يمه ... تعالي عمرررررررررري ... (سحبتها من يدها ودخلتها) ما دخلت إلا حست بشيء يتنثر فوقها رفعت راسها ما شافت إلا الخادمات يطيحوا بلونات بألوان مختلفه ... (أوامر هديل ونور) وبعدها تقدمت هديل بباقة ورد كبيرة وكلها روز بيض وقدمتها لملاك اللي ظلت تطالع فيهم مستغربه وساكته ... هديل بفرح: الحمد لله على السلامه .... يا بنت عممممممي ملاك ظلت تطالعها من ورى نقابها وبعدها تقدمت نور وقدمت لها هديه مغلفه وبعدها ريم قدمت هديه ثانيه مغلفه وبعدها سوزان اللي تقدمت وبخجل : ما أعرف ... أحترت وش أهديك ... (مدت لها جالكسي) هذا أكثر شيء أحبه ... ملاك نزلت راسها بإحراج وأما الجده زقرت : وأنتوا وش تسوون هني ؟؟؟... عاد ملاك رفعت راسها ما شافت إلا كل الشباب قبالها انحرجت أكثر من قبل والجده زقرت: ما تستحووووووووووووون ما كملت إلا الكل: أفلتتتتتتتت ... (والكل إنحاش) ************************************ ملاك صار لون وجهها أحمر.. فجأة كذا ماتت ضحك اللي خلى الكل يضحك على نعومتها العفويه..والشباب رجعوا ووقفوا لأنهم شافوا جدتهم حاضنه ملاك اللي دمعت عينها وصاحت وهدى تقدمت لها : ملاااك شفيك ؟؟؟... ملاك وصوتها خفيف: ليه يسووا كذا ؟؟... أنا ما أستاهل كل هذا ..أنتـ ... أبو جاسم حضنها :أنت تستاهلين وأكثر ... بكرة لازم أسوي حفله لك ... ملاك بسرعه : لا عمي ما ... ابو محمد : بنات جهزوا بكره حفله كل البنات بصوت واحد بفرحه : وااااااااااااااااااااااو علي بسرعه : شباب بكره فيه عيييييييييييييش ولححححححححححححححم ... كل الشباب ضحكوا حتى جاسم ......(لا تستغربوا) .... جاسم من النوع الثقيل وغامض نوعا ما ... وأكبر شباب العايله ..وابوه ماقال له يصعد لهم في اليوم المشؤووم الا لانه عارف ان ولده بهيبته وثقله وبجسمه الرياضي ..اكييييييييييد بيكون فمحل اختياره..واتوقع صدق.. الجده سحبت ملاك : يالله تعالي أرويك غرفتك ... ملاك أول ما طلعوا كلهم من عندها بدت تصيح خايفه من كل شيء مو حاسه بالأمان في هذا المكان وبعد التعب نامت ... ***************************************** اليوم الثاني في الظهر الجده مع جاسم وعلي كانوا على الغدى وأبو محمد معاهم مع ولده محمد ... أبو محمد: يعني للحين نايمه؟؟ الجده: أي ... ما أبي أجلسها الحين ... تعرف أكيد تعبانه دخلت هدى وتخصرت : الله الله ... بديتوا عني ... ما أقبل ... (وانظمت لهم) بعد الغدى الساعة 3 طلعت هدى لغرفة ملاك ولقتها جالسه تقرأ قرآن ... سكتت وظلت بس تسمع بخشوع حتى دموعها طاحوا لأن قراءة ملاك وترتيلها يبعث في القلب الخشوع والخضوع وأول ما خلصت ملاك على طول هدى مسحت دموعها وابتسمت : ما شاء الله عليك صوتك حلوووووو ... ملاك بخجل : تسلمين هدى وقفت : يالله غدىىىىىىىىىىى ملاك وتحس نفسها متضايقه: معليش عمتي ... مالي نفس ... هدى قربت لها وباستغراب: وش اللي مالك نفس ... أنت ناسيه أنك بحاجه للغذاااااااااء ... ؟؟ ملاك بتردد : عمتي ... أبوي ما أتصل .؟؟؟.. هدى بعد ما فهمت سبب عدم قبولها للأكل ردت : لااا ... (وتخفف على بنت أخوها) أكيد إنشغل ملاك بسرعه : عمتي أبي أكلمه ... (تجمعت الدموع بعينها) هدى: طيب ... بعد الغدى ... ملاك بإصرار مسكت يد عمتها : لااا ... الحين ... تكفي عمتي ... عشان خاطررررررري ... هدى : طيب ... (عطت جوالها لملاك ) تعرفي الرقم وإلا... ملاك بسرعه : لا حافظته ... وبدت ملاك ترسم رقم أبوها على شاشة الجوال وبعد ثواني دقت إتصال .. بعد مده جاوب عليها صوت : سلااام ... ملاك استغربت وطالعت شاشة الجوال : خيييييييير ... من معااااااااااااااااااااااااااااااي ... الرجال: أنت تقربي لصاحب الجوال ؟؟... ملاك حست بخوف : أي ... وين أبوي؟؟ .... الرجال وعرف إنها تكون بنته سكت مده وبعدها قال : أتمنى أن أحد يجي ياخذ العيال ... ويكمل إجراءات الدفن ... عظم الله أجركم ... (عرفتوا ليه قال لعمها انها امانه عنده) ############################## 
 
|
|
01-11-2019
|
#2 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 
|
سلمت يمنآكـ على مآحملتهـ لنآ
موضوع عآلي بذوقهـ ,, رفيع بشآنه مودتي
|
|
 
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
العرض العادي
