 |
 |
 |
 |
|
 |
||||||||
 |
 |
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
 |
|
|
أدوات الموضوع | انواع عرض الموضوع |
|
|
|
|
|
|
|
|
|
||||||||
|
|
|
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
|
|
أدوات الموضوع | انواع عرض الموضوع |
|
#1
08-06-2019
|
||||||||||||||||||||||||||||||||
|
||||||||||||||||||||||||||||||||
رواية / سأنتقم لكن بهدوء/البارت الثالث
3 جالسه في غرفتها النوم مجافيها منسدحة في السرير وتناظر النافذة كيف انه الضوء الشمس تسلل لغرفتها يالله النوم بعيد عن عيني بعد ما فقدت ولدي؛ مو مصدقه ولدها راح عنها تحس بضيقة والقهر ودها تفجر شيء بدخلها تطلع كل اللي في قلبها على اقل تبكي دموعها حجر ما تنزل لو بكيفها ظلت تبكي حتى تجف الدموع بس مستحيل كم مره حاولت فيها العنود انها تبكي بس ما تقدر حتى لما مات ابوها دموعها ما نزلوا عليه ظلت ساكته ما تكلمت تنَظر اللي يعزونها عليه اه يبه وينك لو انك موجود ما صار لي كل هذا؛ اليّتم شيء فضيع خاص اذا كان ينظلم من اهل واللي حولينة صح عمي ما قصر معي فعلا اعتبره ابوي بس هو ظلمني لما اجبرني اتزوج ي ليت ظليت عانس ولا تزوجت أحس تغيرت حالتي انا وحده الثانية يارب؛ اخذت جوالها دخلت الواتس اب فتح على محادثة تقرا رسالة قبل سنة نذل لا بعد مطلقني صار على طلاقهم السنه كامله ؛ '' انا طلقتك '' الحقير ونذل اصلا انا اكرهه مالت ولا مالت فكهه منك. طلعت من الواتس تبغى تعرف كم الساعة شفتها ٨ انصدمت اصلا من بعد الصلاة الفجر ع السرير النوم مو راضي يجيني شكلي بأخذ مهدئات عشان انام بسخريه اصلا أنتِ حتى قبل لا تفقدين ولدك انتِ بنتك اخذها منك من بعدها نوم ما يجيك الا بالحسرة فتحت الكاميرا تشوف الضربة اللي جات في راسها لونها بنفسجي يالله كيف الضربة صارت كذا صحيح الضربة توجع بس ألم فراق حبيبي اكثر ألم من الوجع الضربة حبيب ماما راح وتركها؛ تسمع احد يطق باب الغرفة تبعد البطانية عنها سكرت الجوال حطت ع طاوله جنب السرير بصوت مبحوح من تعب: مين تدخل العنود لبس عبايته بـ تروح الجامعة اول سنه لها :ي بنت ما نمتي قومي افطري لك شيء انتِ من امس ما كلتي شيء وان شاء الله خلودي شفيع لك ي قلبي تنظرها تحس ما فيه حيل تجادلها وخاصه تحس روحها متعبه بالحيل :خليني في حالي ما بغى شيء وابغى ارتاح وي ليت بعد ارتاح واريحكم مني العنود بعصبيه: وش هـ الكلام والله لو يسمعك ابوي يعصب منك ومن كلامك ترى بعدك في شبابك يعيش حياتك ترى الدنيا ما توقف ع احد فاهمه يلا قومي :قلت لك خليني بالحالي ترى انا تعبت بالحيل ما فيني اتكلم معك ي ليت بعد توصلين هـ الكلام لعمي وتقولي له بطلع من البيت بروح بيت اهلي وبجلس هناك الى للابد ي ليت بعد؛ اخوك زفت اذا سمعتوا عنه شيء لا يدور علي انا مرتاحة في بعده العنود انصدم وش جاب طاريه الحين: من جدك انتِ عشان يزعل ابوي بضيقة انا مو مهم عنده مو كافي أني تدبس بهـ الزواج غصب والحين انا مطلقه خلاص طفح الكيل وانا مو ناقصه مشاكل العنود تنظرها تقول البنت متغيره بالحيل تحسها مو طبيعية أحسها عايشه بس بالجسد أحس روحها مو معنا حتى نظرات عيونها تأيهه طلعت من الغرفة نزلت تحت تشوف أمها و ابوها تطمن عليهم خايفة عليها هـ البنت بـ تروح منا أبوي سبب الله يهديه وهو اللي خلها تتزوج وهي رافضه هـ الفكر من الاساس؛ دخلت الصالة بـ ابتسامة صفراء :صباح الخير ع الحلوين ام سعد :صباح الخير ابو سعد يبتسم لها: هلا عنوده كيف حالك وانا ابوك جلست جنب ابوها :تمام بتنهيد انت كيفك ي بوي ابو سعد مستغرب العنود هادية وش فيها :انا بخير وان ابوك انتِ مو طبيعية فيك شيء العنود بحزن : الجوهره تبغى تطلع من البيت وتروح بيت ابوها تقول ما تبغى تجلس عندنا خلاص ضاقت بها الدنيا في هـ لحظه سعد دخل بعصبيه لما سمع كلام اخته : خليها تطس بالي ما يحفظها ابو سعد بعصبيه :نعم جاي بشرك بعد ما نقطعت سنه كاملة ما كانه عندك أهل سعد دخل حط بنته ع كنبه جالسه تلعب ع الايباد مبسوطه قرب من ابوه بيسلم عليه ابتعد عنه :لا تقرب مني وش تبغى جاي ها العنود تحاول تهدي أبوها : يبه أهدا مو زين لك العصبية وانت توك طالع من المستشفى وانت ي استاذ في شيء اسمه التحية وانت تدخل تسلم مو تروعنا كذا سعد تجاهل اخته وكلامها :يبه وش فيك علي الى هـ الدرجة سحرتك بنت اخوك طيب انا ما تزوجتها الا عشانك ولا هي من يبغاها ولا يطل في وجهها ابو سعد بغضب :والله ما تستأهل ظفر أرجولها متحسف الى اليوم أني زوجتك اياها لو يرجع فيني الزمن لا خليت حمد يأخذها كان يبغاها كان يترجاني ازوجها اياه بس انا قلت الجوهره محد ياخذها الا ولدي بسخريه يليت قدرتها ولا شيء عندك مو بس حمد في غيرك يبغاها وللحين وان شاء الله بزوجها له سعد يحس بحرقه من كلام ابوه وده يروح يضربها الي ان يرتاح بس الضرب ما ينفع معها :بنت اخوك ع جثتي تتزوج غيري لو فيها موتي سامع يبه لو فيه موتي الجوهره تسمع صراخ تحت وش سالفه صاير شيء ليكون عمي تعب عليهن نزلت تحت بسرعه خايفة ع عمها نزلت الدرج تشوف عمها معطيها ظهره وفي واحد يكلمه ويصرخ باسمها سعد معقول رجع سعد انتبه انه في احد معهن في الصالة ينظرها وش هذي مو معقول هذي الجوهره اللي تهتم في مظهرها؛ هذي وحدها مهمله لنفسها يفحصها بنظراته الى الدرجة انتبه انها مو لابسه عباية شكلها شاكة في سالفة طلاق مو مهم أبوسعد انتبه لولده انه ينظر ناحية الدرج لتفت شاف الجوهره نزلها بجامه واسعه شعرها مرفوع ب اهمال تدور بعيونها على بنتها نزلت من الدرج متجاهلتهن كلهن متجه ل بنتها بس وقف في طريقها سعد :وين مستحيل اخليك تقربين وخاصه انك ذبحتي زوجتي ي ليتك انتِ اللي ميته مو هي ام سعد وجعها هـ الكلام :سعيدان وجع وش هـ الكلام تدعي ع بنتي قدامي لا ما ربيتك انا كذا وش جاك صاير قاسي سعد يشوف نظرات الشوق لبنتها راح يحرق قلبها اكثر شال بنته يرد ع امه :انا مو قاسي بس هذي هي سبب في موت زوجتي هي اللي قتلتها ما راح اسامحها ولا راح ارحمها راح انتقم منها الجوهره تنظره بصمت كل شيء يدور حولها ولا تدري وش يقول انتبه لها سعد واحط بنته ع الكنبة بحركة سريعة قبل لا تطيح لأنه بـ تطيح ع طاوله مسكها بسرعه أبو سعد بعصبيه :اتركها لا تشيلها انت توك تدعي عليها وانت ما تحل لها سعد :يبه مو وقت جدال الحين البنت بـ تموت لازم اشيلها رفعها بخفه يكلم نفسه وش تأكل هذي صاير ضعيفة بالحيل وين جسمها راح ضعفت بالحيل جلد ع عظم وهو شيلها جالس ينظر فيها صح جميله وجذابه بس ما دخلتِ قلبي مستحيل تّدخله بس انا ابغى اعرف من اللي ابوي يبغى يزوجها اياه حس بالقهر حتى لو ما احبها خليني بس اعرف وعلمه شغله كيف يتجر يطلب شيء مو له أبو سعد بقهر من ولده :اقول سعيدان حطها ع الفرش وطلع برا يلا سعد حطها بشويش ع السرير، قام ولتفت ل ابوه توه ينتبه ليد ابوه انه مجبسه :يبه وش فيها يدك صاير لك شيء ام سعد بقسوة :لك عين تسال بعد مو انت تركتنا سنة كامله ما عرفنا فيها انت حي ولا ميت او مسافر ولا جالس هنا وش تبغى تسال عن حال ابوك الحين العنود دموعها في عيونها :خلاص كافي هواش البنت مغمى عليها وأنتوا تّهوشون يمه أخاف يصير لها شيء لأنها ارفضت تروح المستشفى شوف الضربة في جبتها كيف صار لونها اصلا مو جويج اللي اعرفها تغير البنت بالحيل جالست جنبها تصحيها الجوهره اجلسي تكفين انا جنبك اللي تبغينه يصير جوهره تئن من لـ ألم تحس الوجع يقطعها تقطيع بصوت مبحوح : جيبي لي بنتي ابغى اشوفها وخلي هذا تأشر عليه يطلع برا سعد بحده :مالت عليك انا اللي ميت على جلوس بجنبك طلع برا يجيب بنته لها دخل حطها في حضنها جلست تبكي دموع في عيونها أربع أربع تمد يدها ل ابوها :بابا الجوهره تضيقت بنتها ما تعرفها بس مو مشكله اهم شيء اهي في حضني الحين حضنتها بقوة بصوت رايح فيه من تعب :حبيبتي ماما امار انا ماما سعد بخبث وعشان يقهرها أكثر :أسمها المها مو امار وهو يبتسم المها سعد جوهره انقهرت من الاسم صحيح هي ما تكرهه المها بس هي يحق لها تختار الاسم مدت المها العنود بهمس: تكفين خليهم يطلعون ابغى اجلس بالحالي يمكن انام بعد العنود وهي ماسكه المها تصيح تبغى ابوها :لبى قلبي انتِ لا تبكي يارب تجنن هـ البنت انتبهت لكلام الجوهره يلا خلونا نطلع ونجلس مع هـ الحلوه نخلي جويج ترتاح # # # # امس بيت ابو أنس نجلا جالسه مع اختها ساره وبنت عمتها هاجر مرت اخوها تسولف معهم بس عقلها مشغول ودها بسرعه تعرف وش اللي تعرفه حوريه وهي لا ي تري شيء يكدر خاطري مو ودي اعرف بس شكله موضوع تسبير والله اني ما حب تصرفاتك ي حوريه بس ما راح اسكت لك تسثير اخ يارب ساعدني يارب في هـ المحنه الله يستر اذا ما تسان عن زواج الغفلة ي ليت يرجع الزمن واصر ع رايي تسان ما صار هذا حالي الله يسامحك ي بوي تسان صبرت شوي بعدين ردينا عليهن برفض بسخريه اصلا أبوس مافكر فيتس ماراح يشورتس بعد لانتس كل ترفضين خطاطيب عشان تسذا وافق ع طول اخ طلعت تنهيده بصوت عالي ما حست ع نفسها الا وجدتها :وش فيتس عسى رفيقتس زعلان منتس انتِ وش بلاتس فيتس شيء وكاد انه شيء تسبير وانتِ مانتِ بقايله لنا نجلا ضحكت: وش اللي عندي ما راح اقول لكم الله يسعدك ي أميمتي وانا ما عندي الا كل خير ان شاء الله ساره بشطآنه :ايه كل لدلع لـ بنتس نجلا اما انا بنت البطة أسوده ام أنس بعصبيه :وش هـ الهرج تقولين انا سوده والله اللي كبرتس عندهم ذاربه اما انتِ الله يخلف ع أنس ولدي مأخذ وحدتن مهبولة سارة تمثل البتسي :لا خلاص انا انهت اليوم بما فيه كافية اسمعوا انا ان شاء الله بروح يم القصيم ماني ما عوده اهنيه بعد هناك ابوي واخواني بشوفهم تضيقت ام أنس دموعها نزلوا ام حمد:وش بلاتس انت عقلتس بوه شيء اقعدي ما تسانس وين رفيقتس لا يكون مطوعتس بهالحتسي شوفي اميمتس خليتها تبتسي من وراتس ساره تجلس جنب امها وتحضنها :وش فيتس ي الغاليه عسى بس ماكون انا مزعلتس افا عليتس بس ام أنس بضيقه :ي بنتي وش لس بروح هناك تسيف طاوعتس قلبتس تتركين أهلتس تسذا ي بنتي صعب علي فراقتس كافي نجلا بتروح يم الدمام هاجر تراقب الوضع بصامت مسكها جوالها جالسه ع السناب سارة تضايقت :ي أميمتي ما قدر اجلس هنيه صعب علي وخاصه أنه أنس بروح هناك وشغله هناك لازم اروح معه ام حمد :الا انتِ لاعبتاً براسه دواتس عندي بس خليه يجي لقوله يخليتس هنيه اندزلعي عني ساره سكتت مرادهم بيفهمون انه في مصلحتي هـ الشيء تنهدت تنهيده حاره قامت تشوف بنتها وينها فيه اكيد تحوس دنيا طلعت من الصالة صدفت حوريه وعمة زوجها مشاعل ابتسمت لهم :هلا ومرحبا؛ حياكن الله والله اشتقت لك ي دوبه َمشاعل وحوريه ابتسموا لها سلمت عليهم حوريه بدلع :وانا اتسثر الا وين جدتي ساره :في الصالة عن اذنكم بشوف بنتي مدري وين راحت فيها حوريه ابتسمت لها :الله يعينك بنتس طالع عليتس بالحيل ابوها هادئ ما طلعت مثله ايه ع الفكرة ترى شفتها بر تلعب مع خالها اللي هو اخوتس سعود ومسكينه بنتك بـ تلخبط تناديه خالي ولا عمي ههههه ساره ضحكت :في هذا صادزه انتِ الله يعيني عليها اخليتس بروح اشوفها حياكن ادخول البيت بيتكم ما يحتاج؛ وخليها تلخبط ههههههه حوريه ابتسمت على كلامها؛ ادخلوا الصالة سلموا ع الموجودين حوريه فصخت العباية تبغى تأخذ راحتها رتبت عبايته وحطتها ع جنب وجلست وفتحت شنطتها ورفعت عيونها بصدفه شافت نجلا سرحانه وش بلاها تهوجس تسثير وكاد انها خايفة واكيد تفكر في كلامتس يارب والله نيتي طيبه ابغاها تفتح عيونها ما تكون منخدعة بالي حوالها وخاصه خالي دايم يستغل طيبتس ام حمد ابتسمت :حيا الله بنتي وبنيتها تسيفس ي مشاعل وتسف ابو العيال ولدتس فادي ما ينشف كلش قاطع هالولد مشاعل بضيقة لأنها تبغى نجلا لـ ولدها بس ما فيه نصيب وعشان كذا زعلت من نجلا حاولت انه تفركش هـ الزواج بس ما صار اللي تبغاه الله يسعدها يوفقها والله أني تمنيتها لولدي بس مكتوب :نحمد لله على كل حال فادي يمه تعرفين عند شغل وشغله في الدمام مو هنا الله يعين بس حوريه : الله يحيتس ي اميمتي تدرين في اخوي يحب الشغل اتسثر من نفسه بس ها عسى حصلتي له بنت الحلال عاد لا وصيتس ي اميمتي ام حمد ابتسم :ي بشر من عيوني ثنتين هو يأشر بس وانا شوف له بس ها يكون صادز مو يقول لتس هونت ما بغى ياويلتس مني حوريه ضحكت :ما عليتس منه بس انتِ دوري له ولا هو ما راح يتحرك مشاعل ابتسمت :تهقين والله اخوتس راسه يابس يمه حاولي معه حرتنّه يوحي منتس ام حمد :افا عليتس بس أزهليه علي وانا امتس بتشوفينه يوافق ع شروطتس ولدتس هذا ذهين حتى حامد بعد بدور له ع حرمه وان شاء الله يكون زواجهم مع بعض مشاعل :ان شاء الله ام أنس قامت بتشوف العشاء ترد ع ام فادي :الله يبلغتس فيه وفي حوريه وتشوفين عيالهن يارب ام فادي :امين انتبهت لـ نجلا انها من جلسوا وهي تهوجس وش بلاتس ي نجول أنتي من جلسنا وانتِ تهوجسين عسى بس مو خايفة من الزواج وانا عمتس نجلا أنحرجت من عمتها :لا ابد بس والله تعبانة شوي من الجامعة ما نمت الظهر لازم انام بعد داوم ام فادي :اذا تسذا الله يعنتس ويسهل علتس دربتس اها بشريني عنتس عسى خلصتي تجهزات العرس نجلا ابتسمت :الحمد لله الله يسهلها ان شاء الله ام فادي :لا بسالك يمه اختي أم حامد جات هنا ولالا ما شفتها لي اسبوع أم حمد: ايه جات توها ماشيها من شوي وش بلاكن ع هـ القاطعة تراكم اخوات لازم ما تقطعين اختس تقول عندها سفره الله يسهل دربها أم فادي: أن شاء الله يمه الله يهدينا ويصلحنا اشغلتنا دنيا اللهم أمين استودعها الله حوريه تصب لها بيالة شاي تأخذ الحب في يدها وتفصفص حب :نجلا الا بسألتس الحين أنتِ بـ تكملين دراستس هناك نجلا بضيقه :ان شاء الله الله يسر الأمور من عنده حوريه بحزن عليها ما أظن وانا بنت عمتس حساسي يقول هـ الرجال وراءه شيء وشيء تسبير الله يستر منه رمت قشور الحب ع صحن :امين سحبت شنطتها تأخذ جوالها فتحته ودخلت واتس اب ورسلت لنجلا '' ابغاك بحالنا وابغى اتكلم معتس بشيء ضروي لازم تعرفينه'' نجلا رفعت عيونها لها وش تبغى هذي رسلت لها '' طيب تعالي غرفتي '' قامت :عن اذنكم بأخذ معي حوريه ابغى تشوف البحث حقي وانتِ ي هاجر انتبهي على حالتس وحال ولد اخوي هاجر رفعت راسها عن جوال :حاضر عمتي المهم شربي لتس قهوة عشان تصحصحين نجلا تهز راسها :طيب بقول لـ سوما تسوي لي كوفي طلعت من الصالة ولحقتها حوريه اتجهت المطبخ :سوما سوي لي كوفي ولتفت ل حوريه تبغين حوريه بـ ابتسامه :ما نقول لا نجلا :سوي أثنين وجيبيه معتس فوق في غرفتي سوما :اوك ماما، طلعوا من المطبخ صعدوا فوق دخلوا غرفتها فتحت الانوار :ادخلي في موضوع ع طول بدون لالف ولا دوران حوريه ابتسمت :لا تخافين انا اليوم ما جيت الا عشانك راح تسمعين الى الاخر نجلا :اكيد راح اسمعك بس اذا طلع كلامتس تسذب وش اسوي فيتس حوريه :لا تخافين انا عندي دليل ع كلامي نجلا جلست ع كرسي و حوريه ع السرير :يلا قولي حوريه اخذت نفس :أسمعي ترى خطيبتس هذا ما يبغاك هو انجبر يخطبس وسبب خالي نجلا انصدمت من كلامها تبغى تبكي تحس روحها مو معها :انت تسذبين صح لالا تمزحين معي حوريه انقهرت عليها :لا للأسف اخوي فادي قالي هـ الكلام لما جاؤ بيتكم قبل شهر تذكرين وتسان خالي عزمهم نجلا تأخذ نفس ي بنت امسكي حالتس لا تضحك عليتس بكلامها :اي بعدين هذا اللي عندك صح حوريه تدري انه نجلا مو مصدقتها :ترى كلامي كله صدز وعندي دليل تبغيني اجربه وتسمعين الكلام بس بشرط أمثل على أني نجلا نجلا استغربت :كيف ما فهمت عليتس حوريه :اسمعي وين جوالتس ابغاه جيبه في هـ لحظه تدخل سوما بكوفي تعطيهم اياه وطلعت نجلا شربت رشفه من الكوفي وطلعت جوالها من جيبها :تفضلي وش راح تسوين حوريه حطت الكاس ع طاوله واخذت الجوال منها :انتِ بس راقبي الوضع راح تعرفين كل شيء نجلا خايفة تنصدم بالحيل يمكن حورية تسذوب تبغى تخرب سمعة خطيبي يمكن بس نشوف وش تسوي :ليه اخذتي جوالي وش تسوين فيه حوريه بمكر :الله يسلمتس أنا اخذت رقم خطيبك اللي اسمه أبو فيصل من جوال خالي الحين بدق عليه ع انه انا نجلا وسمعي كل اللي يقوله طيب نجلا بخوف :طيب حوريه سجلت الرقم ع الجوال دقت بعد الرنة خامسه رد :الو صوته يجبر الواحد يحترمه ويخاف منه / / / / المستشفى جالسه في المكتب أمس تعبت بالحيل جدتها غثتها بكلام اليوم بس عشان أني طلعت بدون لا أقول لها الحين عندي ابريك منسدحة ع المكتب تحس بقهره وضيقة من الزفت زياد واخير عرفت مكانهم بس وش الفايدة دام ولدي مات اذا كانه صادق والله اذا يكذب ما راح ارحمه هـ النذل الحين وش الخطوة الجايه اللي بـ تسوين اول شيء الحيوان و زفت أغريب أتخلص منه واقف لي عند حلقي مو قادره ابلعه هـ الخبيث وبعدها تريكان دب عنده حريمه وش يبغى مني ويلتف حولي بعده زيادوه ودي اقطعه تقطيع ع سووه اخ فيني حره مو متأكدة من موت ريان احساسي يقول يكذب علي تعبت من الحياه وتقلبات أنا ما ظلمت احد اخ ي اياد اشتقت لك بالحيل انت شخص نادر ما فيه مثلك في الوجود انت اهديتني هديه وهـ الهديه ضاعت مني بسبب الحقود زياد انا بس ابغى اعرف وش هـ الكراهيه لي وانا ما سويت له شيء انا كنت اذكر انه كل ما شافني يوم كنت مع اياد الله يرحمه يتهوش معي كان الهوش زي اهوش اخوان انا كنت اظنه كذا بس الاخ طلع حاقد علي وبقوة تحس بضيقة الكل تركني من بعدك اياد وينك ليه ما وعدتني اذكر اني طلبت منه يوعدني رد علي ما قدر هـ الشيء بيد رب العالمين نزلت دمعه مقهورة من كل شيء الخاص انه اذا كان صدق فقدت ولدي يالله لالالا ولدي ما مات يكذب توها تستوعب خبر وفاته صعبه علي كيف اتحمل هـ الشيء كنت عايشه ع امل اني أحصله والله يكذب انا متأكدة حساسي يقول كذا عيونها صارت حمراء من البكي تعبت وهي تبكي من أمس تنام وتجلس من النوم مفزوعة حست انه فيه احد عند الباب مسحت دموعها بسرعه يمكن المدير قامت من المكتب؛ عدلت نقابها؛ طق الباب رتبت شكلها اخذت نفس :ايوا تفضل تركي دخل وعلى وجهه ابتسامه وشيل بيده كيك ورد: كيفك د أمل أمل تضيقت وش عنده هذا ورد وكيك مستغربه منه: تجاهلت سلامه وش سالفة وش مناسبة هالكيك ولورد عندك مناسبه تركي حط الكيك وورد ع طاوله : الله يسلمك مناسبة خطوبتنا أمل تبغى تضحك بس ماسكها ضحكته :اخ تركي متى خطبتني واذا خطبتني من قال لك أني بوافق عليك لو سمحت شيل اغراضك معك واعطها وحده من زوجتك تركي عارف انه ما تبغاه بس ان شاء الله تقتنع و ترضى فيه :قبل اسبوع خطبتك من جدتك وهي اللي اعطتني الموافقة أمل بضيقة مو مصدقه جدتها تبغى تتخلص منها بسهوله دموعها رجعوا تجمعوا بس لالا أمل انتِ قويه في هـ اللحظة قطع عليهم اجتماعهم دخول زياد أمل يالله أكملت توجه الكلام تركي :لو سمحت لا تحرجني ولا تحرج نفسك أنا وحده رافضه زواج بعد زوجي تركي تضايق :تكفين أمل فكري شوي بس شوي في هـ الموضوع أمل :ما فيه مجال لا تفكري ولا تناقشني في الموضوع لتفت لـ زياد نعم اخوي تبغى شيء او مساعده زياد وده يروح يضرب هـ الأسمة تركي ويكسر له اعظامه انتبه لها يرد عليها وهو راص اسنانها :لا اختي كملي سوالفك معه وضحكك تركي شاك في هـ الرجال لا يكون يعرفها او يصير لها أكيد بتصير لها سالفه بسبي: أمل أتمنى أنك تفكرين توه بـ يطلع زياد بحده :لو سمحت شيل اغراضك معك ولا عاد اسمعك تناديها بدون لقب الدكتورة تركي وش فيه هذا تجاهل كلامه وطلع وأعطي زياد اكبر طاف توه زياد بيروح يتهوش معه بس أمل وقفت في وجهه :خير جاي بشرك هنا لو سمحت هذا مكان شغلي ما بغى مشاكل مع احد وانا اتفهم مع تركي وانت وش دخلك بسالفة زياد نار تحترق في ضلوعه وده يحرق اللي حواله الم رجله زاد عليه جلس ع اقرب كرسي يتنهد يأخذ نفس يتكلم بصعوبة :اقول ي بنت الناس انا لي دخل وبكيفي بعد مو انتِ زوجة المرحوم يعني لي دخل بكل شيء يخصك سامعه امل تجاهلت كلامه :نعم وش عندك جاي مكان شغلي زياد ينظرها بنص عين :يعني ما تشوفين حالتي يعني بالله عليك جاي لك اصلا جيت بصدفه اليوم نقلوا ملف هنا تعالي وش حقه انا بعد اوضح لك بـ طقاق صدقتي ولا كيفك أمل ابتسمت بسخريه :ايه صح واضح انتبهت لملف اللي ع طاوله وأنحرجت اهو انت جاي عندي انا جلست ع الكرسي بدون نفسه انتبهت انه عيونه ع بطاقة اسمها قلبت :وش تشتكي منه زياد يحس ألم رجع له بقوة :ارجولِ احس أني مو قادر اوقف عليها من ألم أمل تكلم نفسها جعلك ما تقوم ان شاء الله استغفر الله محد بيبتلش فيك الا امك ايه ع طاري أمه ان مشتاقة لها وبقوة :طيب بشوفها واعطيك العلاج وان شاء الله ترتاح ما فيك الا العافية لو سمحت ممكن تجلس ع السرير بكشف عليها قام جلس ع السرير ويخزها بنظراته وهي تشغلت ما تناظر صوبه أمل ودها تطس عيونه ما قدرت تشغل تحس يربكها طلعت من الغرفة استغرب من خروجها وش فيها هذي كأنها منقرفه مني هينا أعلمك وهي طلعها زفرت براحة :وش قلت الآداب هذي انا أعلمك شافت الدكتورة نرجس راحت لها ركض الله جابك أسمعي ممكن تعالجين المريض اللي عندي لأنه جدتي طاحت عليهم بروح اشوفها ممكن نرجس ابتسامة معهوده :افا عليك روحي دربك خضر انا بشوفه أمل ارتاحت استغفر الله كذبت كل منه يارب اغفر لي اتجهت الغرفة المدير تبغى تترخص بس نص الساعة وترجع ضروي طقت الباب سمح لها بدخول المدير جابر رفع راسه :هذا انتِ د أمل وش عندك جايه هنا أمل ابتسامة اوف من هـ المدير :ولا شيء بس بترخص نص الساعة الضروري جابر يلعب بالقلم :وش انتِ المفروض ما تطلبي تترخصين لو دقيقه انتِ ملفاك كله تأخير اللي يشفع لك هو شغلك انك تشغلين بخلاص نص الساعة بس امل اخيرا: طيب، طلعت بسرعه ههههههه مجنونه كانه بلحقني الحين بقول لا ما فيه الخروج راحت الغرفة الاستراحة شافت رايف اتجهت لها وش عندك جالسه هنا رايف رفعت عيونها لها :خلصت شغلي وجلست هنا حبيت اختلي مع نفسي انتِ اللي غريبه ماسكه عباتك على وين أمل :ههههههههه والله بموت من ضحك اليوم كله ع بعضه غريب ودي اقولك سالفه كله بس لازم اطلع الحين ههههههههههه وآلله ودي اشوف وجهه بعد ما سحبت عليه هههههههه رايف منصدمة من خويتها :وش بلاك انجنيتِ أمل لبست عبايته تنظر المرايا معلقه في جدار :يمكن ههههههههه يلا باي بعد نص ساعه اشوفك طلعت من المستشفى ® ® ® ® عند زياد دخلت دكتوره نرجس معها الممرضة :السلام عليكم زياد استغرب وين أمل وش اللي صاير هنا :لو سمحتي ممكن اسال د نرجس :ايه تفضل زياد :وين دكتوره أمل كانت هنا بتكشف علي وطلعت د نرجس :ايه حصل لها ظرف طارئ وطلعت انا هنا بكشف عليك وش تشتكي منه زياد بقهر صراحه تصرفها بزر هينا انا ارويك اجل طارئ خلك تطلعين الا قولي تنقرف مني :ألم في رجولي وهو يروح ويجي بس اليوم زاد معي نرجس تكشف عليه: ي اخ زياد :زياد د نرجس: ي اخ زياد انت تضغط ع رجولك كثير تحتاج إلى الى فترة راحه المدة اسبوع الحين بكتب لك العلاج لازم تدهن ع رجولك ملك الا العافية ان شاء الله الممرضة نهى الممرضة :ايوا د نرجس :ادهني ارجول المريض ب الكريم الممرضة :طيب البست قفازات حطت كريم ع ارجوله ادهنت بكريم زياد نزل من السرير حس براحه :مشكوره ي دكتوره الله يعطيك العافية دكتوره نرجس الوصفة: ولو حنا في خدامة المريض تفضل مدة له الوصفة ايه بعد لازم تسوي علاج طبيعي زياد هز راسه بـ أيه طلع من عندها وهو يعكز ع عصاته يقول بسخريه: واضح انكم بخدمة المريض ارويك ي ست امل انا ماشتكيت عليك عند المديرك أعلمك من زياد اتجه عند اقرب صيدليه اخذ وصفته انا من شفتها وانا احس انه حياتي بدت تتلخبط وش اسوي معها ودي ابعدها عن طريقي ي ليتك معي ي خوي انا تعبان من دونك ليه تّركتني ليه ي اخوي انا مو قد الأمانة زوجتك ابعدتها عنا واخذت ولدها منها لا بعد ي ليت خليتها تربي ولدها لا خليتها تفقده إلى أبد اخ ي خوي وينك عني تعبت من بعدك انا مو قد المسؤولية صعب علي أنفذ اللي طلبت مني يمشي وهو سرحان ويفكر بوصية اخوه مو منتبه انه يمشي ع الطريق وخويه حازم كان مر في هـ الطريق بصدفه يمشي وركن السيارة مكان الثاني وهو يمشي انتبه لخويه زياد سرحانه وسيارة مسرعة بتجاه بسرعه ركض اتجاهه ودفعه عن السيارة وطاح عليه حازم يصرخ: زياد انت بخير كلمني زياد اختنق :ي دب بعد عني انا بخير قام ي كحك بقوه اخذ نفس ابتعد عنه حازم بعصبيه :مهبول انت تبغى تذبح نفسك ترى حرم عليك اللي جالس تسوي بنفسك فكر في امك ع اقل زياد قام شاف العالم السيارات واقف عطل السير تذكر اخوه لما مات نفس المشاهد دموعه نزلت غصب عنه يصرخ ع حازم :من قال لك أني بـ نتحر مجنون شفني بس انا اخوي مات راح عني حازم تضايق عليه يوجهه كلام الناس :الله يعطيكم العافية خويي ما صار له شيء كل واحد يحرك سيارته سحبه من المكان حرك متجه السيارة ركب :اركب ي زياد انت اليوم مو طبيعي بصرخة اركب زياد دموعه تنزل وحده وراء الثانية :انا اخوي راح عني ليه تركني ليه حملني مسؤوليه انا مو قده ما يعرف اني مو قد الوعد حازم حرك السيارة يسمع ل خويه وهو يشتكي ع الفرق اخوه اول مره يتكلم ويقول لي في قلبه زياد :انا تعبت تدري اني تعبت خلاص ما عاد فيني اتحمل اكثر من كذا تخيل ي حازم حبيبتي شفتها بس هي مارح ترضى فيني ليه بسخريه لأنه عندي اعاقه ي ليت اقدر اجبرها علي بس صعبه هي ما تحبني حازم كرهه هـ البنت لأنه هي سبب عذاب زياد كم مره خطبها زياد ترفض بحقد عليها :اللي خالقها خلق غيرها انت اطلب وأختر وانا بعد بساعدك زياد :صعب ي حازم القلب ما يهوى بس انا الحين عيش بجسد بدون روح كنت اضحك ع الناس اللي تحب بس انا صارت مثلهم وانا ابتليت مثلهم كنت لما شوف اخوي كيف يحب زوجته ضحك عليه والحين انا صارت مثله يارب رحم ضعفي أنا ضعيف بدونك حازم: تكفى ارحم حالك خلاص أنساها ولا تعب حالك واسمع مني اخوك مات الله يرحمه برحمته الواسعة زياد سكت خلاص ما ينفع الكلام الحين صعب اللي بتوصل له ي زياد بس ارح انفذه غصب وراح اوصل لها غصب عنها مو بكيفها :حازم تكفى ودني البيت بـ ارتاح وسلمي ع الوالدة بوسي لي حاتم حازم ابتسم :ما راح اوديك الا اذا قلت ليه انك ارتحت زياد ابتسم: ايه ارتحت لما تكلم الله لا يحرمني منك ي اخوي حازم لف ع جهة اليمن وقف السيارة: ولا منك ي الغالي يلا وصلنا سلم ع امك ولدك زياد نزل :طيب انزل معنا بقي شوي ويأذن ظهر وتغدا معنا حازم :لا مشكور وان شاء الله مره الثانية انت الحين تعبان اخليك زياد : يلا سلام عليكم دخل البيت حازم حرك مبتعد وهو يحس بضيقة غير طبيعية الله يستر بس زياد فتح الباب بالمفتاح يحس جالس يضغط ع نفسه بالحيل وهو داخل شاف اياد جالس ع عتبة الباب حزين :وش فيك ي اياد للحين زعلان مني اياد زعلان من ابوه :ايوا ولا ابغى اكلمك بعد زياد قرب منه وجلس جنبه وابتسم :افا بس تزعل من ابوك انا كنت خايف عليك ما بغاك تشوفني أتألم اياد يبكي خايف يفقد ابوه حضنه وجلس يبكي بقوة :بابا تكفى لا تخليني بالحالي انا ما بغى صاير وحدي مثل ما أمي راحت عني بعيد زياد تضايق مسح ع راسه: نت مع هـ الراس وين بروح عنك قوم بس اي والله يقول لي اتركه لو ابغى اتركك تركتك من قبل يلا امسح دموعك ترى وانا ابوك تعبان بالحيل وابغى ارتاح اياد مسح دموعه :يبه انا شفت من شوي السناب وشفت الحادث حسبتك مت تكفى لا تطلع من دوني ترى اموت من دونك قام زياد خاف ع امه بعد يمكن اسمعت بالخبر :قام انا بخير شوفني خليني اشوف امي يمكن ارتاعت اياد دموعه تنزل خايف يفقد ابوه لحقه صعب هـ الشيء يارب لا تحرمني ابوي زياد دخل داخل وهو يعكز ع العصى بسرعه :يمه وينك ام اياد توها مسكرها من جارتها اللي تنقل الكلام توها تقول لها ولدك توفا ام زياد رجولها مو قادره تشيلها من روعه لالا ولدي ما مات ولدي حي طلعت من الغرفة تسمع صوته شكلها تكذب : زياد انت هنا يمه زياد عند باب غرفه امه :ايه يمه تعالي انا في الصالة طلعت وحضنته وجلست ع الارض تبكي وجاء يركض اياد يبكي في حضن جدته وهي حضنتهن أثنينهم ام اياد تبكي تحرك يدها ع وجه ولدها تأكد انه حي قدامه: يمه لا تروح انت بعد كافي علي موت اخوك راح بغمضة عين زياد يبوس يد امه: يمه شوفيني قدامك ما فيني الا العافية ام اياد :يمه طلبتك اذا كأنك تعزني تزوج اخوك ع اقل تزوج زياد تضايق: يمه قلبي كله لك بس هـ الموضوع لا تحاولين انا بظل طول عمري بدون زواج اصلا مين يبغى ولدك الا عشان وظيفته ولا عشان فلوسه اما عشاني انا كزوج محد يبغى انتِ ما تعبتي وانتِ تدورين لي عروس وكل يرفض غير بنت عمتي جيهان وبنت اختك و ذولا طماعنين فيني ام اياد بحزن ع ولدها :يمه طلبتك ابوس رجولك وافق تزوج على اقل عشاني ابغى اشوف عيالك واخوان ل اياد زياد لما شاف دمعة امه كسرت له ظهر كل شيء ولا دموعها؛ مسحها قرب منها وحضنها :يمه انا المفروض ابوس رجولك يمه لعيونك اسوي ايش اروح فدوه لك حتى لو تقولين ارمي نفسك في النار اياد قام وابتعد عن جدته تضايق اكيد بـ وافق ع زفت بنت عمتي انا اكرهه طلع ركض فوق تركهم يتناقشون يارب ابوي بيروح عني َاكيد بـ يحبها اكثر ويحب عيالها لالا لازم اتكلم يمكن يسمع مني لازم افكر ما بغى يتزوج ريما ويع اكرهها جلس ع السرير يفكر يارب رمى حاله ع السرير يفكر دموعه ع خده تحت عند زياد امه زياد :يمه عشاني ريحي نفسك ما يسوي شيء تتعبين عمرك عشاني ترى الموت الحق يمكن في اي لحظه يجيك خبر وفاتي لازم تعيشن هـ الفكرة الواحد ما يضمن عمره ام اياد تبعد عنه بعصبيه :قوم عني تفاول ع عمرك جعل عمري قبل عمرك وش هـ الكلام تراك توجعني بالحيل قول انك ما تبغى تزوج زياد بضيقة خاصه انه ضغط ع نفس :لا يمه لك اللي تبغينه بس اذا ارفضوا مستحيل اتزوج ولا تحاولين معي قام وقوم امه معه من على الارض جلسه ع الكنب يمشي وهو يعكز ع العصى جاب علبة مويه مده لـ امه باس راسها مسح دموعها تكفين دموعك ما بغى اشوفها حتى ع موتي ام اياد بـ تحذف لعلبه عليه الا هو انحاش وهو يضحك :الله يهديك بس الى هـ الدرجة انت منبوذ ما تدري انه في الناس تبغاك يارب تصلح حاله وتبعد عنه هـ الافكار زياد انتبه انه اياد مو في الصالة وش فيه هذا اليوم كمية زعل عنده كبيره صعد الدرج بصعوبة يالله هذا وانا بشبابي كذا شلون لو صارت عجوز صعده وهو يتنفس بالموت جلس ع اقرب كنبه يرتاح فيه بعد خمس دقايق قام اتجه الغرفة اياد دخل شاف منسدح ويبكي بحراره يالله من هـ ولد :اقول ايادوه وش فيك تبكي اليوم مانت بطبيعي اياد جلس عدل جلست :ما بغاك تزوج اللي اسمها ريما ولا بنت خالتك تكفى لا تزوج زياد ابتسم :انا بكيفي ما تزوجت بس جدتك حلفتني وانا كل شيء ولا زعل أمي اياد مد بوزه :طيب وش سواها يفكر اذا اعطيتك رأيه توافق عليه زياد استغرب: كيد اصلا ايش تبغاه يصير بس انت تامر اياد احضنه بقوة: يبه ليه ما تزوج أمل سلطان زوجة عمي زياد ابتعد عنه كانه مقروص: لا الا هذي ما بغاها والله هي تكرهني وانا اكرهها تبغى نولع حريق في بيت اياد تضايق :توك تقول بتسمع كلامي خلاص اذا تزوجت ريما مدري وش اسمها ما عرفك ولا تعرفين زين زياد مات من ضحك ع تهديد :تهدد انت وجهك كأنك عجوز هههههههههخ يهدد بعد الحين من الابو انا ولا انت اياد قام وهو متضايق بالحيل ويصرخ عليه :ترى جدا انا اتكلم ما امزح معك واذا تزوجت انسى انه لك ولد انا اكرهك زياد قرب منه وهو يبتعد عنه وحضنه غصب عنه :خلاص لك اللي تبي بس اسمع اذا رفضت مستحيل ارجع اخطبها مره الثانية سمعت اياد يصرخ من الفرح :هيييييه تم وعد زياد بتعب :وعد يالله امسح دموعك لا تبكي موضوع ما يستأهل يالله بروح اريح قبل الصلاة الظهر طلع من الغرفة ولده راح غرفة @ @ @ @ أبو فيصل طلع من الشركة اليوم تعب بالحيل في شغل لأنه ترك شغل الشركة اسبوع ع خويه راكان يارب منه محد يعتمد عليه ابدا بس فالح في تصوير سناب شات استغرب من أتصل اللي أسمها زوجتي وأخيرا ارح ارتاح منها اكيد بـ تبكي عند ابوها وتنتهي سالفه صح عليك ي ولد ابوك صوتها يجنن استغفر الله وش جالس تقول انت والله ياربي أغفر لي طيب واذا عجبك صوتها ترى هي زوجتك خلاص اليوم بتطلب طلاق انا متأكد يتذكر المكالمة اللي صارت أمس: ي هلا من معي معك بو فيصل امري حوريه بشجاعة :مو مهم تعرف من أكون كثر ما أنا ابغى اعرف بدون لف دورن بدخل في الموضوع مباشره أنت ليه وافقت ع نجلا وانت ما تريدها أبو فيصل بذكاء :وانتِ وش داخلك عشان اجوب عليك حوريه :اللي دخلني اني بكون زوجتك بكذبه انا ادري انك ما تبغاني وانا بعد ما بغاك وأسمع ي ولد الأجاويد أنت الرجال تقدر ترفض وانا بنت واكيد بـ نغصب مالي اي راي أبو فيصل بحد :صح كلامك انتِ ما بغاك ولا فكر فيك اصلا وانتِ دمرتِ حياتي وسبب ابوك شكله مدبس فيك محد فكر فيك قال يالله رميها ع ولد خويي اسمعي اصلا انا كنت بفشل ابوك بس فيه واحد من جماعتكم سحبني برا ولا انا ما يهمني احد لا نفسي وبس دامها جات منك يلا روحي لـ ابوك وقولي له انك ما تبيني اي والله تحسبيني ميت عليك شكلك عجوز دامه عرضك علي سكرت الجوال في وجهها وهو ميت ضحك وفرحان واخيرا بفتك منها هـ المجنونة ههههه يالله راحه راكان دخل المكتب وشاف خويه يضحك :انجنيت لي ساعه اطق الباب وانت جالس تضحك قولي وش اللي يخليك مبسوط وفرحان أبو فيصل :ههههههههه تخيل بس اللي أسمها زوجتي متصلة امس تقولي ليه تزوجني وانت ما تبغاني وانت الرجال لك كلمتك مو بنت يغصبونك من هـ الكلام جات منها الحين تحصله تبكي عند ابوها تطلب طلاق وأخيرا راح افتك منها راكان ينظر فيه بسخريه :انت من كل عقلك تّكلم أبو فيصل وقف ضحك: ليه تقول هـ الكلام انت سامع شيء راكان :والله صارت اشك في عقلك بعض الحين انا انصدم منك انت ذكي في شغلك ممتاز وعندك افكار وهنا في هـ الموضوع صاير عقلك صغير يعني بالله متوقعها بـ تروح تبكي وتقول لـ امها او ابوها أبو فيصل ما يبغاني كثر منها يمكن هي تبغاك انت تبادر بـ اتصال وتكلم ابوها وتقول له ما عاد ابغى بنتك؛ وين راح فيه عقلك البنت تلعب فيك أبو فيصل طارت عيونه من الغضب بفحيح الافاعي :والله ما راح ارحمها راح تموت ع يد من هي اللي تلعب ع أبو فيصل راح تموت سامع يحس بالحرة هي لعبت عليه خلته يقول اللي يقول و انا بموت من القهر يارب أنا كل شيء قدرت عليه الا هـ الموضوع مو اقدر اطلع منه ضاقت علي نفسي راكان لحظ العصبية ع خويه :أهدا انت بس مستحيل ترفض او توقف في وجهه ابوها يمكن هي بعد مغصوبه عليك ما تبغاك مصعب وجهه احمرا من الغضب :تكفى ي راكان حل عن سماي والله ودي اروح وشرب من دمها تصدق فيني حره ودي اطلعها في اي أحد قدمي راكان ابتعد عنه لما شاف معصب بالحيل؛ لازم يكلم نيشان يجي يهدي ما يعرف له الا هو دق عليه :هلا نيشان كيفك تكفى تعال المعرض السيارات في الفرع ال نيشان صوته رايح من نوم :وش تبغى راكون داق علي توي رجع من الدوام وبغى ارتاح راكان : تعال خوينا ابو فيصل معصب محد يعرف يهدي الا انت نيشان ابتسم :وش فيه معصب ليكون اخذوا حبيبته منه راكان ضحك :لو يسمعك بـ يفرمك قوم بس غسل وجهك وتعال مو تجي من السرير ع المكتب ع طول نيشان :طيب خمس دقايق وبكثير انا عندكم راكان: طيب سكر منه قرب من خويه أهدا ما يسوى عليك والله أنك تعصب عشان هـ السالفة انت وش ودك فيه انك تطلقها ايه وبعدين وش راح يصير بتاخذ بنت عمك اشك فيه هـ الشيء لأنه مو كل شيء تبغاه يصير ابو فيصل :انا طقت كبدي ما عاد لي اتحمل شيء خاص في الموضوع تصدق ي ليت ظليت مسافر ذاك اليوم ولا رجعت؛ رجعت وحلت علي هـ المصيبة يحط يده ع راس خلاص ما ينفع الكلام الحين في لحظ دخل نيشان مع أنمار راكان لما شافها ضحك :شوف نيشان جاء مين جاب معه أبو فيصل رفع راسه :كملت والله وش جابها هذي نيشان :السلام عليكم كيفكم عساكم طيبين ان شاء الله عسى بس ما كسرت شيء من غضبك ي ابو فيصل ابو فيصل ينظره بنص عين :كان بودي بس للأسف دامك انت جيت وش رايك احط حرتي فيك أنمار بلسان طويل :انت قرب بس ي العجوز اكسر لك يدك ايه والله راكان فطس ضحك :هههههههههه هههههههههه وقف ضحك لما شاف نظرات الغضب من خويه هزلت انتِ تضربي أبو فيصل أنمار تهز بخصر :ايه ليه انت شاك فيني حتى انت بطس عيونك لك أبو فيصل ما قدر يمسك ضحكته :هههههههههههه انمار :انت جايبني هنا عند هـ الخمه ربعك اعوذ بالله واحد عجوز والثاني خبل نيشان ضحك :اقول اهجدي لـ أقوم عليك الحين أنمار :طيب بس اسمع خويتي هديل تحبك وانت ما تعطيه وجه ارحمها ي اخي ابو فيصل :هههههههههههههههههههههه الله يسعدك يا بنت اقول نيشان خلاص ارحمها هههههه ولا اعلن احبك لها راكان مبتسم :وش رايك اصور الحدث بسناب نيشان :والله اذبحك يوجهه الكلام لـأنمار وانتِ أجلسي وخليك ساكته ؛ وشغلك معي في البيت انت وش عندك زعلان ومعصب ترى ما فيه شيء يستأهل تزعل عليه أنمار خافت من عصبية نيشان وجلست جنبه هادية أبو فيصل لثواني بس نسى الهم مع أنمار والحين رجع تذكر يحس بعجز ماهو قادر يدفع هـ الحمل عنه :صعب ي نيشان اللي تطلب أني انسى وانا بعيش معها العمر كله صعب عليه هـ الشيء نيشان بسخرية :وكل هذا عشان بنت عمك صح ي ليتها بنت عمك الا البنت البنت عم ابوك في شيء لازم تعرفه عشان حياتك تمشي أبو فيصل :انا حبيتها ما عرفت غيرها حبيبه هي محترمه مارضت على نفسها انها تكلمني بس مره كلمتها فيه طلبت منها تنتظرني بس أخلص مشكلتي مع ابوي؛ بضيقة وهذا المشكلة كل مالها وتكبر نيشان : طيب مختلفنا انها محترمه بس ما تضيع حياتك ع مرأه اللي خلقها خلق غيرها اسمع بخبث ما تبغاها انا مستعد اروح اتزوجها ابو فيصل بعصبيه :انت مهبول لا تخلينا اقوم عليك حتى لو انا ما عرفها ترى زوجتي وانا مو ديوث ما عندي غيره ع زوجتي راكان ابتسم :والله محد يعرف لك غير هـ الدب دامك تغار عليها ليه ما تكمل معها ابو فيصل :وش جالس اقول من ساعه القلب وما يهوى انا احب بنت عمي افهموني نيشان :وصلنا المربط الفرس انت تبغى بنت عمك عادي كان تزوجتها وتزوجت بنت حمد الشرع حلل لك اربع أبو فيصل تنهد: البنت ارفضت قلت انا ما بغى زوجي يكون نصف الرجال ولا ابغى بسر بعد نيشان بخبث: واللي يقولك انا بنت عمك هذي ما فكرت فيك ولا بريال بعتك وش يكون ردت فعلك ابو فيصل حاس انه وراء كلامه شيء وعارف نيشان ما يقول شيء عبث :قول اللي عندك بدون لف ولا دوران انت ما تكلم كذا الا عارف شيء نيشان يلعب بمفتاح سيارة ويرجع ظهره ع وراء ويحط رجوله ع الرجال الثانية رفع راسه بمكر: الله يسلمك ايه اعرف بس اللي بقوله بـ يضايقك بالحيل ويمكن تقلب علينا بعد مستعد تسمع ابو فيصل :اكيد واصلا انا خسران بكل حالاتي تكلم اسمعك نيشان :بنت عمك هذي اللي انت شوي وتذبح نفسك عشانها ما فكرت فيك اصلا هي تفكر اللي في جيبك وبس ابو فيصل بقاطعه بس راكان تكلم :خليه يكمل كلامه بعدين دافع عنها نيشان ابتسم :سامحني انا بحثت من وراءك عشان أحميك منها وانت اخوي اللي ما جابته أمي هي تزوجت وزاجها كان قبل يفكر مممممم اسبوعين ابو فيصل يحس بضيقة وكاتمه في يصدره :تمزح صح انت تبغاني انساها صح قول الصدق تكفى طلبتك والله والله راح اسمع كلام ابوي بس قولي اللي تقوله كذب نيشان بحزن ع صاحبه :للأسف صدق تزوجها واحد دبلوماسي وكثير يسافر اول شيء سالت عنه كم مرتبك وانا اعرف هـ الشخص بشكل غير مباشر لأني تعاملت معه تكفى لا تزعل حالك راكان تضايق ع خويه اول مره يشوف كذا منكسر توه بـ خفف عنه الحزن قاطعهم :لو سمحتوا خلوني بالحالي ابغى اجلس مع نفسي اشوي قام اعطهم ظهر ما يبغهم يشوفون دمعته راكان قول الموظفين اليوم جازه ما بغى احد يدخل علي انمار كسر خاطرها :اقول بس ي العجوز لا تزعل ع وحده هبله زيها ما قدرت نعمه اللي حولها نيشان :اقول بس قومي نرجع البيت لا تذبحني امي جايبك من المدرسة على هنا ع طول لتفت لـ خويه راكان يلا قوم انت الثاني راكان هز راسه باي طلع هو وانمار بقى نيشان يوجهه الكلام لـ أبو فيصل :لا تزعل نفسك ولا شيء انا اسف اذا جرحتك بدون قصد سامحني ابو فيصل ما تكلم الغصة واقفه في حلق ما يبغى احد يشوف انكساره بعد ما طلعوا جلس ع الكرسي يبكي اخ ي بنت العم ما هقيتك تبعيني عشان فلوس صعب علي اتحمل هـ الشيء ليه انا بذات اللي ينخدع من اللي حوله أبوي كسر قلبي بس يمكن يشوف مصلحتي بهـ الزواج بس هي سبب اللي خلت البندري تبتعد عني اكيد تخاف ما تزوج يطوفها القطار هي سبب اللي اسمها زوجتي صبري علي والله لنتقم منك حط راسه ع طاوله يسمع نغمة الواتس اب خله يولي دموعه تنزل وراء بعض محد يلوم حبيبتي هي تدور ع مصلحتها وانا مالومها كل من زفت هي اللي خربت حياتي راح تشوف ايام سوده معي أزعجه الواتس داخل شاف اخوه تركي انصدم من محتوى رساله ذولا وش شايفيني بزر ولا حرمه عشان يبلغوني موعد الزواج لا بعد بقي ٧ ايام راح ارويكم ما سحبت عليكم وخليتكم انتُ تجبونها لي ما كون ابو فيصل * * * * البيت ابو سعد في غرفة العنود الجوهره منسدحة في السرير بـ تموت من ألم راسها لها ايام مرتاحة الا الساعة بس راسها بـ ينفجر من كثر ما يألمها لازم تأخذ مهدئ عشان تنام اليوم كامل تعودت عليهم خلاص لازم تكلم منى هي اللي بتجيب لي قامت من السرير اختل توازنها بسب دوران وانها ما تأكل كثير حتى المعدة مو متقبله الاكل ياربي كل من زفت هو سبب بعد النوم عني الله لا يسامحه ليش اخذ مني بنتي ولا بعد مسميها المها يارب بموت من القهر ليت بيدي شيء كان ما أخذتك ولا وافقت عليك شراني لالا هو شره بس علي انا لما كان مع المها اشوي يذبح نفسه عشانها ام انا يكرهني ويحط حرته فيني يارب أحس بـ أموت من الم تبغى تأخذ الجوال أزحفت وهي ع السرير الي ان قربت منه اخذت وفتحت الباسورد ودخلت الواتس اب شافت مني موجوده الحمد لله رسلت لها '' منى تكفين جيبي لي مهدئ والله بموت من الم الله يخليك لا ترفضين تكفين تعالي والله روحي بتطلع من ألم'' تقرأ رد منى '' طيب بجيك طيران بسم الله عليك وش فيك وش اللي صار لك انتِ ماكنتي كذا وين جويج الحيوية المرحة راحت '' الجوهره'' مدري ي منى بس تكفين تعالي انتظرك '' ردت عليها '' طيب ': الجوهره قامت اضغطت ع نفسها مسكت الجدر الحمد لله انها في غرفة العنود تحت ولا كان تعبت ما قدرت انزل راحت اخذت عباية العنود لأنه خلاص تعتبر محرمه ع سعد بعد ما طلقها الحين مر ع طلقهم سنه تحجبت كويس طلعت الصالة شافته جالس يلعب مع بنتها حز بخاطرها بنتها ما تبغاها وهو سبب وقفت عند الباب الصالة ما تجاهلته ما كانه موجود سعد انتبه اللي لبس عباية ليكون عنيده :عنيده وش عندك واقفه عند الباب ادخلي الجوهره ما ترد عليه خلي يولي عنك يسوي حاله ما يعرفني في لحظه ادخلت العنود الصالة وفي يده كاس شاي ومسكها في يده صحن الحب :هلا وش عندك تصوت لي وش تبغى سعد يعني اللي لبس العباية جويج ابتسم هبله هـ البنت ولا بعد ما ترد عليك :لا ولا شيء وش فيها بنت عمك واقف عند الباب كانه طرارها العنود :ما دري عنها يمكن تنتظر منى وانت وش داخلك فيها ما عادت تحل لك سامع وش طرارها هذي سعد يبتسم ويرص اسنانه بغرور :ايه صح ما علينا منها كيف كانت حياتكم من دوني مملة صح العنود تناظره بنص عين :الا قول يزينه من السنة بدونك بعض الناس مرتاحين من وجودك اما الحين اكيد تضايقوا ولا بعد مبتسم تسوي دعاية حق المعجون اسنان مع وجهك الجوهره ابتسمت بتعب لبى قلبك ي العنود في هـ الحظه دق جوالها ردت بسرعه :هلا انتِ وينك طيب بطلع لك الحين طلعت من الصالة سعد يراقبها ويبغى يعرف وش تخطط له قام وحط بنته في حضن عمتها طلع يلحق الجوهره وقف عند المدخل الباب عشان يسمعهم الجوهره احضنت منى بفرح :مشكوره ي عمري تعرفين أنك انقذتني الحين اقدر ارتاح فتح الباب بدون لا يحسون عليه شاف عندها كيس ادويه وش سالفه ليكون تأكل مخدرات لأنه شكلها كأنها تتعاطى المخدرات خبله هذي صبرك علي منى ابتسمت لها :ي بنت وش فيك صايرة ضعيفة بالحيل لا يكون تفكرين بسعيدان ريحي عمرك بس الجوهره بحزن: لا ولا شيء من هـ الكلام اصلا ما عاد يهمني بس اللي كاسر ظهري بنتي ما تبغاني تبكي لما امسكها انقهر لما سمع كلامها ودي يطلع لها بر ويكسر لها اسنانها ايه البنت ما ستقويه بعد ما سافرت وابتعدت عنها مالت عليك منى بضيقة ع صحبتها :ي عمري عليك ماردها بتعود عليك خليك قريبه منها تعالي بسالك متى ترجعين تداومين ترى تعبت وانا امسك مكانك في البوتيك الجوهره :وش اسوى انا تعبت بالحيل خلينا بس ارتب وضعي وقولك متى ارجع من اجازتي مفتوحه انتبهت انهم واقفين برا وخزياه ما ضيفتك تعالي ندخل داخل منى: لا ي عمري بروح ارتاح بعدين ارجع البوتيك تعالي ترى الموظفين في شركة يسلمون عليك يقول لك مشتاقين لك يتمنون ترجعين بسرعه تراك طولتي حيل ب أجازتك الجوهره تنهد :وش اسوي سلمي عليهم وان شاء الله ارجع بقوه منى قربت منها سلمت ع خدها :يلا باي نامي كويس الله الله بصحتك ترى والبدن عليك حق الجوهره :ان شاء الله ايه سلمي ع حبيبي عبودي بوسي لي زين فديته قلبه منى تبتسم :ان شاء الله هو يبكي لما عرف أني بجي هنا يلا سلام لوحت بـ يديها طلعت الجوهره فرحانه بطير من الفرح انه بـ تنام لو شوي مدري عندها احساس انه سعد يراقبها اخذت من الحبوب حبتين حطتهم في جيب البجامة لتفت راجعه داخل وهو تحرك مبتعد عن الباب بسرعه مرت من جنبه توها بتعدي مسكها من معصمها :وين ي حلوه وش اللي بيدك اعطيني اياه الجوهره تحاول تبعد الكيس عنه بس سحب الكيس بالقوة بصراخ :انت وش تبغى مني بعد عني ي الحقير وجيب الكيس مالك حق تأخذ شيء مو ملك سعد يبعد عنها يفتح الكيس وهي تحاول تأخذه منه يفتح العلبة يطلع الورقة يقرأه انصدم مهدئات :أنتِ عقل فيه شيء مجنونه تأخذين هـ المهدئات الجوهره تبكي :جيب مالك داخل من انت اصلا جيب بسرعه أنت قليل أدب سعد ولا عنده فيها اخذ الحبوب راح غرفة نومها دخل الحمام وسكر عليه وهي تلحقه تبكي وتصرخ :مالك اي حق علي جيب الحبوب ان شاء الله انتحر انت وش دخلك تسمع صوت المويه سعد طلع ورمى كرتون الحبوب زباله وانتم بكرامة واخذ الباقي ينظرها بغرور :انتِ كلك ع بعضك من حقي حتى لو طلقتك لي حق اتدخل الجوهر بحقد وصرخ :انقلع برا مالك حق واصلا ما راح اجلس هنا دقيقه وحده بتشوف سعد قرب منها وهي تبعد عنه الدرجة صقعت في الجدار خافت انه شافها وهي تحط الحبوب قلبها يدق بسرعه تحاول تقوي حالها وهو حصرها في زاويه :من هو ينقلع ي حلوه يشوف عيونها وهي مغمضتهم خايفة منه بوقحه قرب منها اكثر وبهمس في اذنها انتِ لي حتى لو طلقتك فاهمه ولا عاد ترفعين صوتك علي فاهمه الجوهره بحقد وكراهية دفعت عنها: نت وش نوعك انت ما تحل لي الحين انا حليت في عينك تدري انت واحد حقير و اني اكرهك والله لو ادري بتكون عيشتي معك كذا كان تزوجت سامي أحسن لي سعد بقهر وعصبيه :اسكتي احسن لك ل اعلمك من هو اللي واقف قدامك وش هـ الواقحة فيك تكلمين عن الرجال قدامي صدق قليل تربي الجوهره بسخريه :أسمع من يتكلم عن تربي شوف نفسك بالأول بعدين تكلم على غيرك يالله برا غرفتي بنام سعد وده يضربها اللي ان يقول بس ما يقدر ما يحق له انه يقرب منها :بطلع بس الكلام هذا راح احسابك عليه اسمعي رفع الكيس اذا تبغين الحبوب تعالي اطلبي مني وانا اعطيك كل مره راح اخفف الحبه عشان تنامين عدل الجوهره تتحلطم محد خرب نومي غيرك يظلم : اذا ابغى ما يحتاج اشتري لي بفلوسي اما أني ـجيك مستحيل أعطته ظهرها و اتجهت الحمام سعد جالس يأكل في نفسه وده يذبحها ويرتاح منها اخ ي القهر اشوف طلع لك لسان يزفت طلع من الغرفة وهو يصك الباب بقوة الجوهره ارتاحت لما سمعت صوت الباب طلعت من الحمام تتلفت يمكن متخبئ ولا شيء الحمد لله طلع راحت ركض تسكر الباب بمفتاح واخيرا ارتاح منها هـ العله الحين انام والحمد لله انه في أجازه بعد اقدر انام الى ان اقول بس ههههههههه سعد لما سمع تقفل الباب شاك انه عندها شيء هين انا ارويك ي جويج من هو سعد اللي صار ما يهمك الجوهره فتحت الثلاجة واخذت لها علبة مويه وأكلت حبه وشربه المويه دفعه وحده وحطت الحبه الثانية في الدرج الكمدينو اخذت كتاب تقرا فيه الي تنام أنسدحت في السرير وتلحفت وهي وتقرا عيونها بدت تغمض وطاح الكتاب من يدها نامت مرتاحة ؛ ؛ ؛ بيت أم حازم حازم رجع البيت بعد ما راح الشركة يشوف اوضاعها للحين جالس يدفع خسائر المناقصة اللي راحت عليه والمصيبة أهو يصمم يتعب ع العاب ويجيب افكار جديد وحصرية لـ بلايستيشن ويجي من يأخذ الفكرة لعبة ويعدل عليها ويربح ما فيه غيره زفت اللي مسمي حاله الجوكر الله يأخذه استغفر الله انا خلاص تعبت ابغى اعرف وش هـ العدوة اللي بيني وبينه انا لا اعرفه ولا يعرفني والحين عندي لعبة جديده ما طلعتها لنور لو يدري عن الفكرة بسرقها اخذ نفس ونزل من السيارة وضغط ع زر المفتاح صدر الصوت معلنه عن اقفالها تحرك متجهه البيت ضايقه فيه الدنيا ويحس حاله منكتم فتح زر الثوب ثوبه يطلع صوته وهي يمشي فصخ الشماغ وحطه ع كتف مسك العقال دخل الصالة :السلام عليكم رسل لمَ شافته افرحت اكيد حاتم معه راحت ركض له :وين حاتم حازم استغرب :كيف وش جيب حاتم معي أصلا اليوم ما شفته الا الصباح رسل دموعها انزلوا ريقها ناشف مو مصدقه :تكذب صح قول انك تكذب بصراخ تكلم قول شيء لا تسكت أم حازم بحرقة: بالله عليك حنا مو متحملين مقالبك وين الولد اهو راح معي صباح البقالة لتفت بأخذ من الثلاجة الغازيات وعصير ما شفته ولتفت ادور عليه ما حصلة وين ولدي حاتم ي حازم الهندي اللي في بقاله يقول انت اخذته بس ما شف وجهك حازم انصدم :وش تقولون انتُ كيف ولدي يضيع منكم ياربي لالا ترجعون الماضي في ولدي وين فيه يحس حاله ما يقدر يتوازن جلس عند أقرب كرسي يسالهم بحرقة وخوف ولده راح منه ليه يصير معي كذا يمه متى لـحظتوا انه اختفى في هـ الحظه قطع عليهن رنين الجوال بشكل مزعج ستووووب منقول 
 
آخر تعديل ضامية الشوق يوم
08-06-2019 في 10:27 PM.
|
|
08-07-2019
|
#2 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
راقني انتقائك الماسي
تسلم يمينك ودام عطائك العذب پآقة ورد 
|
|
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
العرض العادي
