07-01-2011
|
#2
|
•√♥ بقاياحلم ♥√•
يا مكتوي بالشوق من سابق الجيل واصعب طواريق الهوى تستثيـره جاز الشرف لي ياعظيم التماثيـل اجاري بيـوت الغـرام المثيـره ليتك تجي يانود من مطلع سهيل ما جاء هبوبك من قبال الجزيـره يالله يامروي عطـاش الغراميـل ياللي عليه مسنـد كـل حيـره تروي ثرى الخلان سيل باثر سيل ويربع النـوار فـي كـل ديـره جعل البروق اللي تكاشف مقاييل ترهي على ابها بالمزون الغزيـره دار الوليف اللي قطع بالمواصيـل يالله لا جنبـت عنـي مصيـره غرو نهبني بالرمـوش المضاليـل وافتر جوفي بالسيوف الشطيـره العام عهدي به وهو يسحب الميل وضاع الكحل في عينه المستديره يظحك يفوح المسك والند والهيل يلحظ ويطيح الماء ظفيره ظفيـره واليوم عرضني سهوم الغرابيـل نوى الفراق وكثـر الله خيـره
|
|
|
|
|
07-01-2011
|
#3
|
•√♥ بقاياحلم ♥√•
ليلـي عـتـم والـنـور ضـافـي محـيـاك والحـزن واضـح فــي الوجـيـه الحزيـنـه فـي الأرض وحـدي والقمـر طيـف ذكـراك يانـاس ؟؟؟؟أسولـف للقمـر عـن جبيـنـه أعلّـمـه بـالـفـرق بـيـنـه وهـــذاك هــذاك كـيـف أحــط عيـنـي بعيـنـه حـتـى ولــو كــل النـجـوم إتـحـراك تضـوي سمـاهـا وأنــت للـيـل زيـنـه هــذاك يـضـوي صبحـنـا ويتـحـداك تسطـع كمـا يسـطـع بـوسـط المديـنـه يمكـن ثـلاث أيـام فـي الشـهـر نـهـواك هـذا عـلـى طــول الشـهـر طالبيـنـه لا جـت سحابـه ضـاع نـورك ومـبـداك وهــذا مـعـي لـوكـان بيـنـي وبيـنـه بعد المسافـه ....والزعل....درب.....وأشـواك فــي الطـايـره ولا فـظـهـر السفـيـنـه معي .....معي .....نـوره بـلا حـس وإدراك وأهـيـم وأتخـيّـل يــدي فــي يديـنـه وأنـا أقــول القـلـب مـاظـن لــولا ك ينبـض ويــروي كــل عــرق بحنيـنـه ويقـول أنــا ياليتـنـي الشـعـر بشـفـاك وتحبـنـي مـثـل الـبـيـوت السمـيـنـه قلـت الشعـر مالـه طـعـم دون طـريـاك حتـى الحـروف بـدون ذكــرك سجيـنـه قـال : الهناااا.........قلت:الهنـا لا عدمـنـاك أسهـر معـك لـيـل الـهـوى والسكيـنـه وياااااك أنا......وتقول.......أنـا بـس ويـاك ونعيـش ......وتمـوت النـفـوس اللعيـنـه فـي عـالـم العـشـاق سـوّيـت مبـنـاك سقفـك زبرجد............وأرضـك الياسمينـه آآآآآآمر ....... تدلل........ كل ماحولك فداك ألّــي تبـيـه يصـيـر لـمـرك رهـيـنـه وإذا نـويــت تـنــام فالله يــرعــاك فـي القـلـب نــام ولا يهـمـك ونيـنـه فجأه؟؟؟؟؟ صحيـت وداخـل الجـوف دكـاك والصـبـح بـيّـن والـقـمـر فاقـديـنـه مانـي مـصـدق!!!!!! حـلـم ولا لقيـنـاك ويـن الحبيـب أرجــوك ياصـبـح ويـنـه تـأكـد المـوضـوع حـلـم وحلـمـنـاك وتقطّـعـت كــل الـحـبـال المتـيـنـه أدري الخطـا منّـي ومــن غيـرتـي جــاك لحظـة غضـب هـدّت حـصـونٍ حصيـنـه أصد......وأبعد عنك......واروح ......وأجفاك ويمـكـن أطـيـش بكلمـتـيـنٍ مهـيـنـه لكن...تحـمـل وانّتـبـه لـمــر دنـيــاك مافـيـه زيـنـه تسـتـوي دون شـيـنـه يـاكـم تحملـتـك وقـابـل خـطـايـاك بالعـفـو يغـلـى مــن كـنـوزٍ ثميـنـه أســوأ مـزايـاااا ماتـغـطـي مـزايــاك إلّــي عشقـتـك لجـلـهـا والدفـيـنـه الـطـيـش ودّانـــي وشـفـويــن وداك والـكـل مـنّـا ضيعـتـه مــن يمـيـنـه ياكـيـف تنسـانـي وياكـيـف بـنـسـاك والـكـل مـنّـا هـلّـت دمــوع عيـنـه تـبـي الحقـيـقـه والله إنـــي بـلـيـاك مـثـل اليتـيـم إلّــي فـقـد والديـنـه
|
|
|
|
|
07-01-2011
|
#4
|
•√♥ بقاياحلم ♥√•
ابتـدي بسـم الله الرحمـن قـبـل ابــدى الـكـلام قبـل اصـوغ احلـى المعانـي وابتـدي نظـم القصيـد ثـم صلـوا عالنبـي يهـل الوفـا واهــل الـسـلام مـن بعدهـا نبتـدي بالشـعـر والعـلـم الأكـيـد وياهجوسـي خبريـهـم عــن شـعـوري بهتـمـام مـن تقـدم بـسـم ربـعـه لا يجـيـب إلا المفـيـد كلفونـي مـن ثقتـهـم والثـقـه عـنـدي وســام والشجاعـه فـي المواقـف .........والبـلاده للبلـيـد مرحبـا بعـداد مـن صلّـى ومـن زكّــى وصــام مـن فرحنـا قلـت اكيـد اليـوم هـذا يـوم عـيـد يـوم ماهـو مثـل غيـره يــوم للـنـاس الـكـرام يـوم لأهـل الطيـب تاريخـه مـع الماضـي التلـيـد يـوم للّـي قـد بنـى لاهـل الكـرم خمسيـن عــام والوفـا فـي قلـبـه الطـاهـر محـطـات ورصـيـد علّميهـم يانجـوم اللـيـل مــن خـلـف الغـمـام كيـف كـوّن للطلاقـه عـالـم وأصـبـح وحـيـد (( أنّنـي والمجـد حـولـي طـائـر والمـجـد حــام بيـد أنّـي قـد ملكـة الشعـر ألـحـان ونشـيـد)) مـا أقـول إلا علـى القـوه ولـك أزكـى ســلام ((سيـدي فيصـل)) عسـى الله يحفظـك عمـرٍ مديـد مـن تحمّـل قسـوة سنيـنـه بـلـغ راس السـنـام ليـن يـاصـل كــل غايـاتـه ويـاصـل مايـريـد ومـن بناهـا بالكـسـل والله .....علـيّـه بالـحـرام إن وجـوده بيـن ربـعـه نـقـص لايمـكـن يـزيـد وانـت بعـد الله حملـت أسمـك عظيـمٍ مـن عـظـام دام فـي الدنيـا فـوارق بـيـن ســادات وعبـيـد فـي ذرى موطـن هـل الـرايـات لشّـتـد الـزحـام موطـن يفـداه مــن يـعـداه والــراس العنـيـد موطـن فيـه الأمـام ابـن الامــام ابــن الامــام خــادم البيتـيـن عـبـدالله أبــو راي ٍ سـديـد شاعـرٍ اعـلـن ولاه ومــن ورى ربـعـه حــزام بسـم شهـران العريضـه مـن قريـب ومـن بعـيـد سيدي ........ياسيدي........ ياسيدي ......مسك الختام سيـدي فيصـل عسـى الله يحفظـك عـمـرٍ مـديـد كلفونـي مـن ثقتـهـم والثـقـه عـنـدي وســام والشجـاعـه فــي المـواقـف والـبـلاده للبلـيـد
|
|
|
|
|
07-01-2011
|
#5
|
•√♥ بقاياحلم ♥√•
ردي يكـون الله معـاااك والله يتمـم لـك هنـااك وفي كل صرخـه فدنيتـي مالـي انـا والله سـواااك يانـووور قلبـي والنظـر ياسيد رووحـي والبشـر ان كـان تبغـى منيتـي ابقى انـا داايـم معـاااك مابـي تسمينـي فـهـد حـتـى ولا يابوسـعـد ابــي تقـلـي دنيـتـي لبييييه يـا محـلا نـداااك لبيييه يالطـرف الكحيـل امووت في الرمش الظليـل لـو تطلـب الله موتتـي الله يتقـبـل دعــااااك هذي عيوونك لي سهـاام هـذي مرااسيـل الغـرام هـذي سباايـب حيرتـي والله من فضلـه عطـااك أحس نظرااتك غـروور!!! يحق لك هـذا الشعـوور يازيـن نــوّر ديـرتـي الكـل ياعمـري فـدااك لملـم هنـااااي ببسمتـك وأنثر شقـااي بلمستـك نـوّر خيالـي وسيـرتـي برداااااان محتاااج لدفـااك ابيك أقرب مـن قريييـب أبيك أصدق مـن حبيـب خطوتك دااايـم خطوتـي وأكوون نجم فـي سمـاااك أبيـك تشبعنـي حنـاان محرووووووم في هذا الزماان رد لشفاااايـه بسمـتـي خليني اهنا مـن هنـاااااك
|
|
|
|
|
07-01-2011
|
#6
|
•√♥ بقاياحلم ♥√•
النصـر للنـصـر مافيـهـا كــلام أعـذرونـي ياجمـاهـيـر الـزعـيـم في خفوقي شـووق وإحسـاس وغـرام مـن قديـم العشـق هـذا مـن قديـم طايـر الأفــراح لاغــرد وحــام زلزل أشعـاري مـن إحسـاس الكريـم أنفجر.....يااااااشعـر عـدّاك الـمـلام وإنتثـر للشـووق لاهـب النسـيـم لخخخخبـط أورااق المعانـي والنـظـام لا تخلـي شـي فـي صـدري مقيـم الحطـام إلـي يسمـوونـه حـطـاام ودّي أشووفـه علـى لـيـلٍ عتـيـم مانبيهـا سلـم ...مليـنـا الـسـلام ولللللعووها نااااار لـو تااصـل جحيـم سو مـاااودك ....وخـذ راس الزمـااام لا تماالـي ...لـو تـرى عقـلٍ حكيـم غيمـةٍ زرقـااء بكـى منهـا الظـلام مثـل ..مايبكـي مـن الفرقـا يتـيـم دام شمـس العالمـي فـووق الأنــام ماعلينـا مـن حكـايـاات الفهـيـم راح ظلمـك يازمـن والحـظ قــام قوووووووم ..... ياماال السلامه وإستقيم خلنـا نفـرح لنـا عشـرة عــواام المـرض روّح وأنـا شوووفـك سليـم من يعرفك سـاق لـك كـل أحتـرام خل مـن ربـي خلـق فكـره عقيـم لا يهش ... ولا ينـش ... ولا يظـاام وإن سألتـه قـال أنـا طبعـي حليـم ماااااااااعلينا...... خبرووني ياكـرام ؟؟ ودّي أعـرف سـر هالحـب العظـيـم حـب وآآكنـه قبـل سـن الفـطـام وأصبح فصدري مثـل روضـة خريـم العـظـام يذكـروونـي بالـعـظـاام جيـل يتواالـى وأنـا عااشـق صميـم سااااااااارعوا للمجد .....هبببوا للأمـاام جعـل حـال العالمـي حـال النعيـم مادريت إشلوون .....لكن... في الختـاام القصـيـده لا نـصـر ولا زعـيــم
|
|
|
|
|
07-01-2011
|
#7
|
•√♥ بقاياحلم ♥√•
أنت يلي من حكي الناس وش فيـك أمغبـون البشـر لاضقـت منهـا تـزيـد طعونـهـا ولاتحاول ترضي الناس وتقـول اش تبـون؟ غايتـن لـو تجهـد النفـس تقصـر دونهـا وإن جلست فمجلس الـزور واللـي يكذبـون لايغـرك كثـرت الـزاد فـوق اصحونهـا إن جلست فمجلـس الـزور تقفـاك الطعـون وإن حكيـت بكلمـة الـحـق مايرضونـهـا وأنتبـه عثـرت خويـك يليـه الأقـربـون إنـك تبيـن للأجـنـاب وش مضمونـهـا صاحبك ..وعيال عمك ..وربعك ..يكرمـون قدرهم لـو بعـت الأشنـاب لجـل عيونهـا لوجفاهم زادهـم بعـد فـي الفزعـه يجـون وقفتـن يبـقـى صـداهـا ولا ينسونـهـا خـذ كلامـي يامحمـد وهونـهـا تـهـون كـم تجرعـت المـراره وذقـت اغبونـهـا التجـارب اشعرتنـي بـمـا لا يشـعـرون والمصايـب درستـنـي وانــا ممنونـهـا لبن صـرت اعلـم النـاس كيـف يرتبـون الجـروح .....وكيـف الآلام مايسلونهـا؟؟؟ عيش جرحك ..... وأنت راضي تلذذ بالشجون النفـوس احيـان تحتـاج عمـق شجونـهـا الصبـاح يعلـم النـاس كـيـف يـقـدرون مافضـح ستـر الليالـي ومـن يسرونـهـا والليالي لـو فضـح سترهـا نـور العيـون كـان شفنـا عاقـل النـاس مـن مجنونهـا آآآآه يامقسى نجاحـي علـى اللـي يكرهـون وآآآآه يامحلـى بيوتـي عـلـى مفتونـهـا اييييييه ياكثـر المشاريـه واللـي يشرهـون ونـاس لاقلنـا قصيـده تقـوم اقرونـاهـا ماعلينـا دام فـي النـاس ناسـن يعشـقـون والقصـيـده قـبـل لاقولـهـا يقرونـهـا مازعلنـا والنهـايـات لـلـي ياصـلـون خـل ناسـن مـن ورانـا تسـن سنونـهـا إن حكيـت اعلـم النـاس مـالا يعلـمـون وإن كتبت الخـص القـول فـي مضمونهـا وإن بغيـت أنـزه النفـس عمـا يصـفـون الثقـه تطغـى علـى شكـهـا واظنونـهـا الشيـوخ اليـا تحاكـوا بكلمـه ينثنـون؟؟؟ كلمـه وعـجـزوا ملايـيـن مايثنونـاهـا وانا شيخن من شيـوخ الشعـر لا يجحـدون والفعايـل تبـطـي الـنـاس مايمحونـهـا كـل ماعديـت رجـم المعالـي يزعـلـون الله يكفانـي غثـى النـاس وشـر عيونهـا ولاتحاول ترضي الناس وتقـول اش تبـون؟ غايتـن لـو تجهـد النفـس تقصـر دونهـا
|
|
|
|
|
07-01-2011
|
#8
|
•√♥ بقاياحلم ♥√•
تعالي خبريني عـن سواليـف المطـر والغيـم إذا بارق خيالك مرنـي فـي وقـت عصريـه وانا جالس على جال البحر واجـاذب الترنيـم على ذكرك بنيـت احلامنـا والنـاس منسيـه تذكرتك على حد الشفق فـي حـزة التعتيـم قمر والشمس راحت للمغيـب ومالـت لفيـه جبال ابها تناظر للسحـاب وتشتكـي للريـم اجل سالت دموعك يافهد مـن شـان ريميـه تحضنين السحاب وينتشي من ناصيتـك يهيـم تنادين الضبـاب ويقتـرب ويلامـس ايديـه احس في بردك الهادي على صدري هنا ويقيـم يدفيـه الحنيـن المكتـوي مـن بعـد غاليـه فديتك لاضحكتي للبروق اللـي تهـل الديـم واشوف خدودك اللي من حمار الـورد مكسيـه تأكدت ان شمسك ما حضت منك سوى التسليم توارت عن عيونك والخجل من عينـك الحيـه هلا يا طهر جفن الماء هـلا ياروعـة التقسيـم على اوتار الخفـوق وجـرة الألحـان قمريـه دخيلك لاتأخر عاشقـك لاتشتكيـن الضيـم انا لجلك سريـت وسيرتـك للنـاس مرويـه انا في دار زايد ديـرة الفزعـة هـل التكريـم ديار الـي لهـم فـي المجـد والتاريـخ ماريـه نعم يا ابها البهيه شاعرك يعجـز عـن التقديـم وش يقولـوا خفوقـه ممتلـي شـوق وحنيـه ربى في ارضك كبر في ارضك تعلم والزمن تعليم تعلم كيف يشـدوا للوطـن لاحـان طاريـه احبك حب لو قسم علـى العربـان بالتقسيـم يكفي من سكن في ارض الجنوب وفي الشماليـه جنوبيه تعالـي سوالفـي لجـل المطـر والغيـم وعينـي ذي سعوديـه وعينـي ذي جنوبـيـه
|
|
|
|
|
07-01-2011
|
#9
|
•√♥ بقاياحلم ♥√•
أسمحيلـي يـامـلاك الـزيـن يـاكـل الــدلال فيـه كلمـه وأتعبتنـي عرضـهـا مــن طولـهـا ســــــــــــــــــــؤاااااااال ؟؟؟ كل شخصٍ له حبيب ولـه ميـول ولـه خصـال؟؟ وأنـت حبـي ياخصـال النفـس وأنـت ميولـهـا ((بس قلت ميووولها)) ...فزّيـت وطيحـت العقـال أختلفـت ....وقمـت أنااظـر للجـدار وحولـهـا ماقـدرت ألـد عيـنـي للـرمـووش أم الـظـلال خفـت تزعـل مهـرةِ عـنّـي يـزيـد أجفولـهـا إستدااارت ....ثم قالـت: ...عيـد ياولـد الحـلال ماسمعتك زين ...مشغوولـه ........وأنـا مشغوولهـا قلت: لا ....... لا ...... فيه واحد بيني وبينه جـدال وأنتهـت كــل المشـااكـل وانتـهـا مفعولـهـا إضحكت مثـل الغريـر وثـم قالتلـي: ....تعـااال قووولهـا .....والله تراانـي قـد نـويـت آآقولـهـا قلت: أحبك إيييييه أحبـك إييييييـه أحبـك يـادلال ياسحابـه كــم رجـيـت الله يــوم هطولـهـا إستحليتـي خفوقـي مـثـل جـنـد الإحـتـلال السنـه فيهـا فصـول إنـتـي ربـيـع فصولـهـا ليـن قلبـي شـااور لعقـلـي بحـفـل الإعـتـزال عـن سواهـا وعيـد ميـلاده فـيـووم دخولـهـا وقفتني ..... قالت: إصبر بـس أنـا عنـدي سـؤال او هـي عـدّت أسئـلـه ولا لقـيـت حلولـهـا أنت شااعر .....مبدع .....وعندك سواليف ....وخيال هـل انـا بنـت الخيـال إلـي قــدرت تطولـهـا قلـت : لا بالله إنتـي كــل أسـبـاب الجـمـال حـد معقـول الحسـن هــذا ومــو معقولـهـا قالـت : الشعّـار فيهـم كــذب ولاّ إحتـيـال قلت: .....قصدك ...((كل كلمه مانشوف فعولهـا)) ((إلا اللذينءامنـوا ))...يـا بنـت أعطينـا مـجـال لا تزيديـن النـفـوس حـمـول فــوق حمولـهـا كم رقيت أجـر صوتـي لـك علـى روس الطـوال وعنـد بيتـك كـل بيبـانـك عليـهـا قفولـهـا أنشدي جـدران ((بيتـش)) عـن سواليـف الليـال كـل لحـظـه والتـفـت بالله يــوم وصولـهـا قالـوا إن العـشـق أحيـانـاا يـوصّـل للهبــال قلـت: فعـلااا سجلـوا إنّــي أنــا مهبولـهـا إشهـدي ياكـل نجمـه وأشهـد أشهـد يـاهـلال نـي أعشـق صعبهـا مـن قبـل عشـق سهولـهـا إضحكـت مثـل الغريـر وثـم قالتـلـي: تـعـال قووولهـا.........ولا أقلـك:....... خلنـي باقولهـا إيـه أحبـك .....إيـه أحبـك دام للشاعـر خيـال أختلفـت وقمـت أناااظـر فـي الجـدار وحولـهـا
|
|
|
|
|
07-01-2011
|
#10
|
•√♥ بقاياحلم ♥√•
على صدر الورق بوح المشاعر ياوفاء الأقلام........ تحمل ياورق حزن البيـوت اللـي تحاكينـي
أنا المجروح في ظل السكوت وثورة الأوهـام....... وانا المبحوح صوتي من عناي اللي مكفينـي
كفايه مانبي صمت الشعـور يكبـل الأحـلام........ وانا لولا غلاتـه مازرعتـه فـي شرايينـي
تنفسته عشقته طفل ماينطق سـوى التمتـام....... حضنته في ضلوعي لجل يكبر فـي ميادينـي
كبر واسقيته العذب الزلال وروعـة الألهـام........ لجل لامـت باكـر يعتـزي ويقـوم يحيينـي
ابيه يشيلنـي فـوق الثريـا نركـز الأعـلام....... يدينه فـي يدينـي والبيـارق بينـه وبينـي
تركني في غياهيب الظروف في لحظة استسلام...... هجرني قبل عام من الجلوس اللي ملا عينـي
انا ماني كذا ياهل الوفـا يانـاس يـا إعـلام...... انا فينـي قصيـدٍ يشغـل العالـم ويرضينـي
انا الساهر على دمع اليتامـى بلـل الأكمـام....... توسـدت الكفـوف اللـي عدمهـا مايبكينـي
يبكيني دموع إيتام وصغرهـم ثـلاث اعـوام...... ابوهم راح فـي ليـلٍ كئيـب ومـن يعزينـي
كسا ليل الحزن ثوب الحداد بحكمـة الأسـلام...... وذا قفيـت نادتـنـي اليتيـمـه لاتخليـنـي
انا ماني كذا وارفـض كـلام العـاذل الهـدام....... انا راجع على نفس الطريـق اللـي يودينـي
رجع بوح المشاعر وانقذ الشاعر من الأعدام....... ولايرضي غروري غير حلـم ساكـنٍ فينـي
ابيه يحطنـي فـوق الثريـا والوعـد قـدام...... يدينه فـي يدينـي والبيـارق بينـه وبينـي
|
|
|
|
|
الذين يشاهدون محتوى الموضوع الآن : 1 ( الأعضاء 0 والزوار 1)
|
|
|
تعليمات المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
كود HTML معطلة
|
|
|
 |
| | | | | | | | |
العرض العادي
