@~آحاسيس عذبة ~@

مضمون في يديك وتدور على عشرة ؟!
مفهوم يقطع حبال الوصل بيدينا
عصفور في اليد ولا عشرة على الشجرة
قصة قديمة وتحكي هالطمع فينا

بوحي

ياعمي خلني ساكت قتلت الوصل بوعودك
تعبت من الوعود الي تناستني على بابك
على نور القمر ياما سهرت الليل لوجودك
يروح الليل وانتظرك انا والشوق واعتابك
يمــوت الشــوق ماجـيتي ولاتوفين بعهـودك
ذبحتي هالغرام الي ذبل ورده من اسبابك
بوحي

بين السما والارض علقت روحي
لاطايل ارضك ولا طلت غيمة
بس اتمرجح بين حزات نوحي
واساهر جروح الصدود الأليمة
وان كان من صدك توفت فروحي
خل المشاعر في خفوقك رحيمة
عطني ثرى وادفن نزيف الجروحي
واغسل هموم القلب من كف ديمة


بوحي

يذوب الهرج في شفة رقيق العاطفة والشوق
ولا يقدر يعبر عن غلاه ولهفة اشواقه
وهو في خافقه يحمل عبارات الغلا والذوق
ولكنه يخاف اهل الغرام تسفه اذواقه
دفن سرالهوى تحت الضلوع ومادرى مخلوق
يداري سمعة الحب العفيف وسمعة اخلاقه

بوحي

يزين الوقت والمجلاس في حضرة سمو الليل
واقدم له عبارات الولا والسمع والطاعه
كريم معزبي لامن لفيته كثر التهليل
يسليني بحلو السالفة يامزين طباعه
وانا لاقلط نجومه على جمر الغضى والهيل
يطيب الكيف لعيون الشعر والناس هجاعه
واردد غالي ابياتي مع القمرا ونجم سهيل
من انفاس القصيدالي لصوت البوح سماعه


بوحي

اعرف ترا للحب سلم وقوانين
اول قوانين الغلا لا تكنه
فيه اعتراف العشق مابين قلبين
وتغني قلوب المحبين فنه
فيها الوصل مفروض بين المحبين
حتى العطاواجب ولافيه منه
كم قلت لك عطني لحبك عناوين
اقول حبك فرض وتقول سنه ؟!

بوحي

ايه ولقيتك داخل القلب نايم
شكلك دخلت القلب ياشوق بشويش
وش لون ماحسيت والقلب هايم
اثرك قدرت تفوت من دون تشويش
خذ راحتك واسكن لك القلب دايم
دام العروق لشرب قربك معاطيش


بوحي

يامـهاجـر للفـضا والبـعد والــغربة سـمـاك
انتظرني معك ابرحل عن مـدى العالم بعيد
لاتسافر عـن خـفوقي خـلني اسـري مـعاك

خلني اجمع بقايا الشـعر وحروف القصيد
خلني اترك طروق الحـزن وابيـات الهـلاك

وانتشل حـلو الأغاني وانقـذالحــان النشيـد
بوحي

اجي عاني على حروة لقاك وفي يدي ورده
واحث خطاي لدروب الغرام وخافقي مسرور
على شوق يسيرني على طرياك من مده
مشيت الليل لعيونك ودرب معتم ومهجور
وهوجاس الهقاوي يطرق الخفاق وارده
اخاف اوصل عتب بابك وارد وخاطري مكسور

بوحي