القلـب قلبــك والمشاعــر مشـــــاعرك...

القلـب قلبــك والمشاعــر مشـــــاعرك
اجـرح وعـذب يـا حبيبــي حــــــلالك

غـالـي ولـو تخطـي على القلب عـاذرك
سـو الـذي يرضيــك واللي فـي بــالك

خابـرنـي ميت فـي غرامـك وخــابرك
تمـوت فـي حـب التمـــــلك وأنــا لك

إن كنت صاحـي مـع خيـالك اسـامرك
وان نمت فـي حلمـي يجينـي خيالــك

يعنـي على كيفـك وذوقـك وخــاطـرك
اجيـــك أنــا كلـي وكلـي فـــــــدالك

أمـوت فـي غيضـك وعقـدة نـــواظرك
وأمـوت فـي صـدك وأمـوت بوصــالك

وأمـوت فـي همسك ليا جيت احـاورك
وفـي دهشتــك لاقـلت ادور بــــدالك

وأموت لاشـع الضيــا بأجمـل صـــورك
واغيب معهـا وألتهـي فـي جمــــالك

وتقـول وش رأيـك واقـرب واشـــاورك
أنت اللـه اعلـم وش نهايــة دلالــــك

يـاأنـي بموت وبندفـن فـي محاجــرك
أو يمكن أحيـا وانهبـل فـي هبــــالك

وتضحـك وتفـرج بالسعـاده سرايــرك
وأنــا على ضحكـة شفايفـك هـــــالك

ذوبتنــي مابيـن ملحــك وسكــــرك
واهديتنــي قلبـك وروحـك وحـــالك

أقـدر جهـودك في حبـي وأقـــــــدرك
وأسكنــك بيـــن الحنايــــا لحـــــالك

ومني جزيـل الشكر والقلب يشكــرك
على سمــوك يالغضـي وإكتمـــــالك

سبحـان من كمـل وصوفـك وصــورك
وخــلا مجـالي يندمـج فـي مجــــالك

إن غبت عنـي قمت اهوجس وادورك
وأنشـد عن ديــارك واجـي واعنــالك

وإن جيتنـي برضـاك ماجيت مجبرك
يا مرحبـــا والقلب فــز ودعـــــالك

بس أنت تكفى دامني صرت شاعرك
إن غــاب زولــك لا يغيب إتصــــالك