بسمه من شفاتك تموتني وتحييني

الحلقه السادسه ..



يوسف وهو تعبان : فالسياره يترياكم
هالحزه حسيت روحي ارتحت وايــــــــــــــــد وايد وأخيراً هم وانزاح .. يا ربييييه ساعدني فـ
حياتي واحفظ أهلي كلهم وابعدهم عن الشر

وعيت عموري وعدول من الرقاد ورحنا السياره ردينا البيت الكل دش حجرته بليل ع الساعه
12 ونص وأنا قاعده أقرا روايه سمعت صوت خطوات قريبه من حجرتي

عدلت قعدتي بسرعه ..
باباتيه : بعدج ما رقدتي
نوره : لا بعدني .. حياك الغالي تفضل
باباتيه : ها اشحالج اليوم ..؟

نوره : بصراحه خوفتني وايــــــــــــــــــد وايـــد عليك
باباتيه : هههه لهالدرجه لا تحاتين بس مشاكل فالشغل
يارب مجرد مشاكل فالشغل هب أكثر يا رب مابا شي يزيد فـ حياتنا لا تعيس ولا حلو بسنا
راضين بـ حياتنا هاي راضين بها لو شو ما تكون

نوره : زين .. ها شو الصحه
باباتيه : ماشي كحه هههه
نوره : هههه فديتك أنا

باباتيه : شو قاعده تسويين ..؟
نوره : أقرا روايه
باباتيه : أقرا وياج .. فـ خاطري أعرف شو ها اللي عايبنج في هـ الروايات


نوره : حياك حياك أقرب الغالي هههه
فالبدايه قلت نقرا رواية همس صوتك ويا بعض بس عقب قلت لا هذيج فيها شوية انفتاح خل نقرا رواية آه يا قرب المسافه بين عقلي والهبال بتضحكنا وبتحسّن النفسيه

نوره : اممم تبا وحده تضحّك ..؟
باباتيه : هي يمكن تفتح الشهيه هههه
نوره : لا ابشر تفتحها عدل هههه

على طول دشينا نور الإمارات عسب نقرا الروايه ضحكنا وايـــــــــــد وايد حتى بابا عيبته السالفه ههههه طولنا وايد

باباتيه : آآآآه وأخيراً خلصت
نوره : ههههه ثلاث ساعات نقرا ترا هاي ولا شي يدام الباجي
باباتيه : خيبه جيه هايلاك جم ساعه ..؟

نوره : امممم ثلاث أيام بس مو طول اليوم
باباتيه : خيبه .. عيونكن تخترب انتن البنات ويا هالروايات
نوره : هههه لالا عاد بالعكس تقضية وقت

باباتيه : ما فكرتي تكتبين روايه ..؟
نوره : ااممم لأأأأ
باباتيه : حاولي تكتبين يمكن بيكون لج مستقبل

أول مره أسمع أب يقول لبنته اكتبي روايه اللي أعرفه وايــــــــــــــد أهالي ما يرضون بناتهم يقرون فما بال يكتبون بس يمكن بابا يباني أصير كاتبه كبيره .. وهاي الروايات الصغيره اللي ع قدنا احتمال تكون بدايه للكتّاب .. الواحد ما يطلع من بطن أمه وهو يعرف كل شي

نوره : اممم بشوف انشالله
باباتيه : نوره ديري بالج على روحج عـــدل
نوره : انشالله الغالي

باباتيه : تراني باجر ما بداوم
نوره : خير في شي ..؟ صاير شي لا سمح الله
باباتيه : لا كل خير بس اليوم وايد اشتغلت انهد حيلي من الشغل

نوره : أوكي الغالي ..
باباتيه : يلا ارقدي .. تصبحين على خير
نوره : وانت من أهله الغالي

آآه فديتك يعل ربّي يحفظك لنا ويطوّل بعمرك يا رب أحبك بابا انت وايد حنون وايد
بس ليش قال ديري بالج على روحج امممم

يمكن قصده انّي ما اقرا وايد روايات يمكن عقلي يخترب بسوالفهم
أو يمكن شوووه يمكن أحد هدده هي اليوم لما راح الدوام وصلنا بيت عمّي ما خلانا بروحنا وباجر ما بيداوم أكيييييييد السالفه فيها انّه أكيد ..

ومنو مهدد بابا .. ونحن عياله شو دخلنا فالسالفه .. خوالي .. ؟ ..؟ ..؟ بس شو اللي ردهم من بعد سنوات لنا أكيد نسونا ونسو سالفتنا بعد .. بس هاييل للفلوس يجتلون ارواح يمكن ما نسونا عشان فلوسنا.. آآآه رقدت وأنا محتاره وايـــــــــد وايد يا ربيه شو السالفه

اليوم الثاني باباتيه وعاني على صلاة الفجر معني ما رقدت الا ساعه عقب الصاله ييت ارقد
وبابا يدور يشوف أحوالنا .. أحوال الرعيه هههه ويشوف عموري وعدول عقب يرقد

دوم جذا عقب صلاة الفير فديته .. اممم لو ماما عايشه جان سووت شرات بابا أكيد وأكثر
لألألألأ موكل الأمهات جذا بس بابا يقول ماما زينه وايد ضحّت عشانا بس مستحيل في أم وأبو يسوون اللي يسويه باباتي فديته

شليت اللحاف عنّي رحت صوب دريشة حجرتيه فتحت الستاره شفت الجو روعهـ

الدنيا تنفنف حلاته الجو جذا الله خاطري أطلع برا أبا أطلع من اهني واروح حوي البيت والعب تحت المطر حلو المطر وايــــــــــــــــد .. يغسل هموم الواحد بقطراته
( اللهم أغثنا صيباً نافعاً )..

ما حسيت بروحي الا ع الساعه 11 الضحى شلّيت اللحاف عنّي شفت الدنيا بعدها مغيمه وتنفنف الشوارع اللي فالفريج كلها ماي واليهال يلعبون بالماي
رحت تغسلت ونزلت اتريق تريقت بسرعه مع عموري وعدول وشغلت اسبيس تون حق عدول أما عموري قعد ع القيمزر .. سمعت صوت تلفون البيت يرن

نوره : السلام عليكم
.... : هلأأأأ وعليكم السلام
نوره : هلا والله هلا بعموتي
عمتي أم حمد : هلا بنيتيه شخباركم عساكم الا بخير

نوره : بخير الغاليه ومن صوبكم
عمتي أم حمد : بخير وعافيه .. الدنيا ممطره اليوم
نوره : هي وايد الجو حلو

عمتي أم حمد : انزين فديتج ابوج قاعده اتصل به جيه ما يرد
نوره : راقد

عمتي أم حمد : جيه كان سهران .. ولين متى ..؟
نوره : هي ههههه .. الين الساعه ثلاث

عمتي أم حمد : هالولد خلّوف أنا جم مرة قلت له خل عنك السهر بس ما يفهم الله يهديه ...
نوره : هههههه خلّوف مره وحده جذا ...

عمتي أم حمد : انزين يوم ينش خل ييبكم صوبنا
نوره : انشالله عموتي تامرين أمر

عمتي أم حمد : ولا أقول أبوج ما بينش الا ثلاث تعالو ع الغدا صوبنا بطرش حمد وراكم
نوره : لا ما يحتاي عمووووتي ...
عمتي أم حمد : لا ماشي لازم تييون

نوره : أوكي عمور وعدول خل ييون وأنا بي مع بابا بليز عمتي بدون نقاش تدرين بي انتي
عمتي أم حمد : انزين يا أم راس يابس انتي هههه
نوره : هههه أوكي بجهز عمور وعدول وبطرشهم
عمتي أم حمد : يلا مع السلامه

نوره : مع السلامه الغاليه ..........

جهزت عموري وعدول عقب ع الساعه اثنعش روحو تميت روحي .. رحت اقرا قرآن صليت الظهر وبعد ما خلصت .. اليوم ما بنسوي غدا بنروح صوب عموتي ... اممم شسوي ملانه ..؟

رحت أبا أوعي باباتي قلت بوعيه عقب ما اتسبح رحت تسبحت وكشخت عدل سويت رسمة عين تسكّت طلعت وايد حلوه
ولبست ملابسي وعباتي قلت الحين بروح بقوّم باباتي ويوم يتسبح هو ، أنا بقرا روايه .. أو يمكن أحاول أكتب بس ما ينفع لأني ثانويه عامه صعب علي وايد اركز ع الدراسه ولا الروايه اللي بكتبها يلا عقب الثانويه يصير خير ...

رحت دقيت باب حجرة بابا
نوره : باباتيه نش بسك يلا بنروح بيت عموتي حفصه بسرعه بابا
دقيت ودقيت ما رد عليه شو هذا يا ربيييه
نوره : بابا نش ولا بروح بيت عموتي تراني بدونك

ما رد علي ... قلت أنا أوقات أدش جذا ليش اليوم أدق الباب دشيت رحت صوب سرير باباتيه
قعدت ع السرير

نوره : بابا قوم بسك رقاد قوم أبا أسير عند عموتي حرام يلا بسرعه قبل ما ميكبي يخترب
ما رد عليه .. تقدمت منّه أكثر هزيته

نوره : لاأأأأأأأأأأأأأأأأأأأأأ ..............بابــــــــــــــا قوم بابا باابا حرام عليك قوم دخيلك قوم

حسيت روحي بموت ما أعرف شو أسوي ما أعرف
لحظتها ما حسيت بشي حولي ما حسيت منوووه واقف يمبي .. ما ادري ضربت كم شخص ما ادري سبيت منوووه

اللي يهمني بس بابا ........بـــــــــابــــــــــا لازم يعيش لازم لازم

ما حسيت بروحي لأني من بيتنا وأنا قاعده أصيح وأدعي ربّي ما يستوي بــ بابا شي ما با يستوي به شي .. هذا ظهرنا من غيره بنضيع ،، يارب احفظه يا رب

طلع الدكتور من الحجره وعلى ويهه ملامح حزن ملامح وايد حزينه وايــــــــــد
تعديت كلهم حسيت بايد مسكتني بس أنا دزيتها مابا حد يقرب صوبي أبا أبوي بس

قلت وأنا أتوسل وأصيح : ابوي وينه شخباره صار فيه شي .....؟
الدكتور راح صوب عمّي وسمعته يقول

الدكتور : ادعو له السكر وايـــــــــــد مرتفع عنده والضغط بعد

هــــــــــــــــااااه أبوي عنده السكر والضغط من متى وأنا ليييييييييش ما ادري ليش محد خبرني
حتى ابوي اللي هو ابوي ما خبرني ليش انزين

رحت تقدمت لأقرب كرسي منّي استدنت عليه وأنا أصيح بمراره وأدعي يا رب أبوي ما يصير فيه شي يا رب احفظه يا رب
حسيت وايد ناس يهدوني

نوره : قومو عنّي أبا أبوي بس .. ما أباكم .. ما أبا حد أبا بااباتيه .. لو بااباتيه راح منو بييبه ويرده حقي ... منو ............؟
حسيت بايد تسحبني سحب لدرجه انّي قمت أسب والعن معني طول عمري استحي تطلع منّي كلمه غلط
حتى قمت أضرب الايد اللي ميودتني

وكن أقول : ابا أبوي قولو له يقوم قولو له نواري تبااااااااااااك ...

بس ما حسيت الا والدنيا مظلمه بعيني والكل حواليني اثنين اثنين


ما حسيت بروحي الا وأنا عطشانه وميته يوع

قمت شفت روحي فـ مكان كلّه بياض صديت وشفت يميني ويساري محد اهني
وقفت على طول جلعت اللي فايدي وبدا الدم ينزل
تخرعت من شكل الدم

صرخت بأعلى صوتي : بمووووووووووووت بموووت
ما حسيت الا ويمبي وايد ناس وممرضات يلفون لي ايدي

حسيت بصوت واحد يقول : شو انتي غبيه جذا تجلعينه ما تعرفين خطر
ما عرفته اذا هو الدكتور ولا من أهلي ولا غريب ولا منوو

بس قلت : محد له خص فيني غير باباتي محد فهمتو

شفت عموتي داشّه وهي متخرعه : نواري بلاااج شو استوا بج ..؟
شافت ايدي : شو هذا انتي مب عاقله صدق .. اهناك يوم أبوج حالته استقرت .. انتي اهني تعذبينا ..

ما خليتها تكمل وقلت بفرح : بابـــــــــــا حالته استقرت خلاااص

وطلعت ركض رحت صوب الممرات اللي فالمشفى كلها أدور حجرته بس ما حست الا وعمتي وولدها حمد ويوسف ولد عمّي طلعو يدامي

عمتي مسكت ايدي وودتني صوب حجرة أبوي

دخلت بدون ما أعرف اذا فيه حد داخل وبدون ما أستأذن بعد شفته ابتسمت ابتسامتي اللي ابوي حفظها ورحته صوبه ضميته بأقوى ما عندي
من بين دموعي : خوفتنا عليك بابا وايد

باباتيه : صار خير بس انتي زعلتيني
نوره : والله آسفه ... بس من خوفي عليك سويت جذا

باباتيه : ليش أنا ارضى تسويين بروحج جذا
نوره : اكيد لألألأ ... خلاص ما بعيدها .. المهم سلامتك الغالي

صديت اشوف عمتي بس ما حصلتها
تذكرت انّي دخلت الحجره بدون ما اسمع حد وبدون ما استاذن ما كنت حاسّه بروحي بعد
شفت عمّي وريل عمتي وكان فيه ريالين معاهم

استحييييييييت وايد وأنا جذا داشّه صوب بابا
سمعت واحد يقول لأبوي من ربعه : الله يحفظها لك .. وانتي نورو لا تسويين بروحج جذا باباتج متعود يتغلا دوم

طالعت صوبهم ابتسمت وبست بابا وطلعت وقفت يمب باب الحجره

أويــــــــــــه فضيحه حتى محد خبرني بس أنا الغبيه ما عطيت مجال لـ حد يكلمني بعد

بس ربيع بابا قال متعود يتغلا .. يعني مو أول مره يطيح أكثر من مره بس ليش ما خبرني ..؟
حسيت بايد على جتفي

تخرعت وطالعت يميني
.............: ها ارتحتي خلااااااااص
ابتسمت : هيييه هاللي كنت أباه هههه
.............: يلا زين بس فشلتينا تراج
قلت عن خاطر : المهم انّي شفت باباتي وهو سالم غانم
.............: الله يحفظه لكم

قلت بتنهيده عوده : آمييييييييييين
.............: ها خلاص نرد البيت ونرد باجر
قلت : لألأ .. أبا أتم عند باباتيه لازم أبا باباتيه أنا

...........: بس الزياره وقتها خلّص وابوج أصلاً ممنوعه عنّه الزياره
ارتميت فـ حضن عمتي

وقلت : لأ عمّو أبا أتم ويا بابا حرام
عمتي أم حمد : الزياره خلّصت

ومسكت ايدي ورحنا السياره ركبنا
نوره : ليش الساعه كم عمو ..؟
عمتي أم حمد : 8 بليل

قلت متخرعه : كيف يعني صار لي 3 ساعات راقده
عمتي أم حمد : قولي يوم ونص
تخرعت يعني أنا أمس العصر رقدت بابرة مخدر غصب عنّي اليوم يوم الأحد اويــــــه حرام عليهم رقدوني وبالعباه بعد

كنت قاعده مكان ورا سايق السياره شفت روحي فالمرايه
تخرعت بصراحه عيوني بلاهن ,.,,. عيوني
كلّه جحال مال رسمة العين جنّي وحشه وأنا أدور يدام الخلق اليوم جذا ولا حاسه بروحي

شفت اللي يدامي يضحك وقال : هااااه توّج تدرين والناس حليلها بغت تشرد من المستشفى
بغيت أصيح ليش شكلي جذا ليش أكيد كلهم ضحكو علي

بس يتني الضحكه : ههههه والله توني دريت
عموتي أم حمد : ترانا ما بنسير بيتكم
نوره : لا لا بنسير بيتنا

عموتي أم حمد : بس أبوج قال تيين ويانا
نوره : بس بيتكم انتو وعمّي فـ دبي وأنا أغراضي كلها اهني
فهد : عادي باجر بتردين بيتكم

عموتي أم حمد : قزري روحج بملابس ميثاني وجوجو
هزيت راسي بمعنى هيه .. وتميت أطالع برا وأنا مستغربه من حياتي .. ليش جذا ..؟

طالعت صوب الشارع الشوارع كلها ماي المطر مغرقنا كل مكان يمطر بس خير انشالله

وصلنا بيت عمتي بعد ما سلمو علي كلهم رحت على طول تسبحت وصليت وصليت ركعتين اشكر بها ربّي لأنه ابوي قام بالسلامه ورقدت بدون ما اتعشى بعد
قمت اليوم الثاني على حشرة ميثاني

رحت تسبحت ولبست وطلعت من الحجره رحت صوبهم الصاله شفت عيال عمتي قاعدين استحيت حتى ريل عمتي

نوره : السلام عليكم
الكل : وعليكم السلام
ميثا : زين ييتي ,, قولي لهم يودوني عند خالي
طالعتها باستغراب لمحت لها يعني شو السالفه

ميثا : ابا اسير عند خالي من ما طاح ما رحت زرته .. دوم أزوره هالمره يقولون لأ
يعني جذا السالفه كلهم يدرون عن أبوي دوم .. بس أنا مثل الأطرش فالزفه

نوره : هي عموتي أبا أسير عند باباتي الحين
سمعت صوت حمد وهو ما يطالع صوبنا : محد يسير الحين سمعتو

خفت وايد خوفني خرعني باسلوبه ليش هالانسان جذا شو ما يعرف نحن بشر ولا عباله نحن مساجين عنده فالسجن

رجت صوب عموتي قعدت يدام ريولها وأنا أتوسل

أتوسل وأصيح : ودوني عند باباتي محد يقدر يمنعني عن زيارته محد
حسيت روحي غمضت كلهم .. حمد شكله ما عيبه كلامي قام وطلع

عموتي أم حمد : انزين حبيبتي بعد الغدا بنروح كلنا
نوره : لا لأأأأ باجي وايد ع الغدا أبا اسير له الحين

عموتي أم حمد : شوووه باجي ..!! وايد!!! الساعه 2 الظهر،، وتقولين باجي وايد
طالعت الساعه تخرعت الساعه هنتين وأنا ما ادري
تذكرت صار لي يومين كنت عايشه ع المغذي وعقب ما كليت

حسيت روحي يوعانه وايد
ريل عمتي بوحمد : بنتي عقب الغدا بوديكم

ابتسمت له وتغدينا عقب الغدا حسيت روحي أحسن وايد .. و نفسيتي تحسنت عن قبل
رحنا المستشفى دشينا حجرة باباتيه وسلمنا عليه

رحت صوبه بسته وقعدت يمبه ع السرير
نوره : سلامات الغالي ما تشوف شر

باباتيه : الشر ما ييج الغاليه
قعدنا نسولف ونسولف مع بابا وكل شوي يطالعني حسيته مستانس بوجودي

مابا افارقه مابا .. لو يستوي به أي شي بروح معاه بسوي اللي يسويه ابا اضل يمبه طول عمري مابا اذوق مرارة الفراق مرتين فـ حياتي
الضربه يوم تيي أول مره نستحملها شوي بس لو ثاني مرّه وايد تتعب وايد
شفت أبوي يمد ايده صوب السلّه

نزلت ركض ورحت صوب السلّه : ماشي هب ناقصه اصيح بعد
ابويه : هههه بس حبّه بس
نوره : ماشي ما نبا السكر يرتفع بعد

عمتي أم حمد : صدقها ... زين تسوي بك ،، محد يعرف لك غيرها
باباتيه : ههههه الله يحفظها

على آذان المغرب الكل رد بيته بس تمينا أنا وعموتي .. عمتي قالت في وحده من ربيعاتها مرقده اهني بتروح تشوفها وترد

قعدت مع بابا روحنا سولفنا ما عاتبته بأنه ما خبرني ... لأنه حالته ما تسمح
شفت ماي زمزم اللي عمتي يايبتنه لـ بابا

نوره : اشرب وادعي بابا
باباتيه : انشالله
وجّه ويهه للقبله وقال : الله يحفظج وييسر لج حياتج كلها انتي وخوانج
نوره : آمييين وقول الله يشفيك

باباتيه : الله يشفيني انشالله
ابتسمت له : فديتك أنا عساني ما خلا منك يالغالي ..
باباتيه : صليتي المغرب
نوره : الحين بروح بصلي
باباتيه : هي روحي صلّي ،، بالمره هاي حزة يغيرون المغذي

نوره : اممم عندك سكر ومغذي كيف جذا
باباتيه : هم أدرى يلا انتي سيري صلّي

رحت صوب مصلى النسا شفت وايد حريم اهناك أكيد كل واحد وعنده أحد اهني محد همّه أحسن عن هم الثاني كلنا سوييه
صليت ودعيت ربّي يشفي أبوي من قلبي دعيت وايـــــــــــــــد لـ أبوي

وطلعت من المصلى رحت بين الممرات
فيه ممرضه يت : ها نوره انشالله أحسن عن البارحه ..؟
ما عرفتها بس قلت : الحمدلله أحسن
ابتسمت لها وابتسمت لي : ديري بالج ع روحج يالحلوه
رحت صوب حجرة باباتيه فتحت الباب وأنا أفكر فـ كلام الممرضه
شفت ابوي راقد ع سريره تجدمت منّه شفته مغمض عيونه

خفت عليه فالبدايه وايد.. لما شفته يوّد ايدي وابتسم لي ،، الحمدلله مرحلة الخطر عدّت خلاص فـ ليش الخوف

ابتسمت له رص ع ايدي وتم يطالعني

هالحزه حسيت بالفعل أنا حلوه وجميله كلهم نظراتهم لي تدل على جيه الحمدلله انّه ربّي خلقني جذا ،، معني أحس روحي وايد عاديه بس الناس كلامهم العكس

صديت سمعت صوت الباب يفتح بس يباله قوّه
سمعت صوت عدولي يقول : بابا افتح بسرعه هههه هذا يسوف قاعد يركض وراي

ابتسمت هذا عدول الشيطون قبل شوي كانو عند ابوي بس شكله شرد وياه صوب بابا
رحت أفتح الباب فتحته وشفت عادل يصارخ ويوسف شايلنه

يوسف : اسكت اسكتت فشلتنا
يوم طالعني نزله وأنا استحيت ودرت الباب ودشيت داخل

نوره : بابا عدول الشيطون رد اشتاق لك وايد
أبويه ما رد عليّه
استغربت وخفت ، تقدمت منه هزيته
قلت وأنا أهزه ومنفعله : بابا رد علي بابا ...

بس ما رد علي ،،،،،،خفت ولصقت فيه بديت أنتفض وأهزه
لأأأأأأأأأأ قبل يومين بابا حالته استقرت يارب ما تتدهور مره ثانيه يارب لأ ، ما أستحمل خلاص
بديت أصيح : بااااااااااااابا رد عليه لا تودرني ,,
ما حسيت الا ويسحبوني سحب ويجروني جر .. ودكاتره وايد حوالين بابا

وقفنا يدام باب الحجره وهالمره قلت بستوي قويه وبدعي ما بصيح ولا بكسر شي

يرو بابا بالسرير هالحزه ما قدرت أزخ دموعي خلاص .. صحت صياح بس بدون صوت بـ سكون وهدوء يالله يالله حد يسمع همسي

رحنا وقفنا يدام باب العنايه المركزه كلنا وأهلنا كلهم موجودين
كنت واقفه في زاويه وأصيح بمراره وأدعي ربّي ربّي يقوم أبوي بالسلامه

ما حسيت الا والدكتور يطلع من الحجره
طلع وعلى ويهه ملامح تشبه ملامح أمس مرتسمه على وجهه علامات الحزن
ركضت صوبه هالمره محد يودني ما ادري ليش

بس الدقيقه اللي وصلت فيها يمبه حسيت بواحد ركض نفسي ووقف يمبي
ما شفته هذا مو وقت هالأفكار بغيت أسأل الدكتور

بس اللي يمبي سبقني جنّه بابا أغلى عنده ويحبه أكثر عنّي سمعت صوت


عموري يصيح ويقطّع القلب : ابوي شو استوا به ..؟

الدكتور طالع صوب عمّي وهو واقف يمبنا

الدكتور قالها نعم قالها وياليته ما نطقها يا ليتني ما سمعتها ليتهم سمعوها فيني ولا أسمعها في حد
الدكتور : البقيه فـ حياتكم
لأأأأأأ أبوي أبوي رد لأأأ أبوي من لي سواك بـ هالدنيا من ،، منو بيتم لي وبيسهر عشان راحتي منو ..؟ ، ابوي لا تودرني وتروح أبوي ......أبــــــوي مابا أفقدك مابا ..

ما حسيت بروحي الا وأنا أقعد على بلاط المستشفى واقول بأعلى صوتي
أصيح بمراره وعمور يمبي حاضنني : عمور بابا ودرنا وراح ،، بابا راح ويا ماما ،،، ودرونا روحنا ليش يابونا دام بيودرونا لييييييش ...؟

حسيت بروحي أكفخ روحي واللي يمبي ،،اللي يهدوني ما يدرون يهدّون روحهم ولا يهدوني أنا
..............................

قمت مفزوعه وأنا أنفث يساري
طالعت عمتي أم حمد يمبي
عمتي ام حمد : نورو نشيتي ..؟
ابتسمت لها : هي عموتي .. وين بابا ..؟
ما لقيت بويهها أي تفسير بس شفت دموعها تهل وتطيح

وقفت حظنتني وصاحت بمراره ،، يعني ما كنت أحلم كل اللي صار صدق لأأأأ أبا أبوي أنا ..

وقفت وجلعت المغذي مثل ما اسوي دوم
هالمره الدم نزل بس ما أثر فيني ولا شي ولا شي

طلعت من الحجره ركض وأنا أصيح رحت صوب العنايه المركزه قعدت يدام بابها

صحت بمراره : أبوي اطلع من اهني اطلع بسرعه نباك نحن محتاجينك .. بابا دخيلك رد
ما حسيت الا وأنا دايخه ما اعرف لأاي دنيا رحت وسافرت

ليت اسافر لدنيا باباتي وماماتي ليـــــــــــت أباهم أنا خلاص ما با هالعيشه شالفايده منها
دامني تيتمّت .. من يعرف اش معنى الواحد يتيتم ها اصعب شي ,, خاصتاً لو يوم أمس سهرنا وتضاربنا وكلينا وشربنا وتزاعلنا وعشنا ويا بعض ونفترق بـ لحظه آآآه الفراق صعب وايد

يقولون ليت ربّي ما كتب لحظة وداااع .. بس لو نودع ناس وهم عايشين بـ هالدنيا نحط أمل نشوفهم يوم من الأيام أهوّن من نودع ناس خلاص ما بنشوفهم واذا شفناهم بنشوفهم فالفردوس الأعلى بس من يدري لو بندش الفردوس ولا لأأأأ ....... يعني على كثر حسناتنا ..!!

حسيت بـ روحي قمت والكل متيمع حولي بس في شخص ناقص .. هو اللي كنت أبا اشوفه يوم أقوم هو .. بس للأسف مو بينهم للأسف رحل لدنياه دنيا خاصّه فيه ..

الحلقه السابعه ..

طالعتهم كلهم تفاجئو وتيمعو حولي والدكاتره يو مستانين والكل تحمد لي بالسلامه
ليت كل ها حلم ليته حلم بس للأسف حقيقه نعم حقيقه
بعد ما طلعو الدكاتره بدو زواري يزيدون .. الكل سلّم علي حتى عيال عمّي وعمتي

عموتي : ها نواري شخبارج
ما رديت
عمتي يت تقربت منّي وعمي بعد عمي ياه وضمني له

قلت وأنا دموعي تهل : أباااااه أباااااااااااااااه ما اقدر اعيش بدونه لحظه
عمّي : بنتي ها يومه ومكتوب له
نوره : لو بابا قايل لناا عن مرضه جان ما صار اللي صار ..

عمي : ادعي له بالرحمه يا بنتي ها كان يومه لو وين ما يكون بييه الموت والموت حق كلنا بنموت في يوم من الأيام

قلت وأنا اصيح بمراره : بس أنا متى أموت متى اروح ويا مااما وبابا متى ..؟
حسيت بـ حد ياه صوبي وحضنني : وأنا بعد بموت وياج ما بعيش اذا متتي مابا
شفت صوب عموري صحت زياده وقربته منّي وحضنته بأقوى ما عندي

قلت له وأنا أصيح : بعيد الشر عنك حبيبي
حسيت كل اللي حولنا يصيحون ويانا حتى الحجر اللي ما يتحرك بكى على حالنا ،، بس محد فيهم تجرأ يكلمني

بديت أصيح اكثر وأكثر عمّي هداني وعمتي والبنات بعد بس أنا مستحيل أهدا مستحيل كيف يبوني أهدا وأنا ما صارلي غير كم من يوم مفارقه أغلى شخص فـ حياتي من فتحت عيوني بـ هالدنيا ما شفت غيره ..
طلعو وايد منهم ما بقى غير عمتي أم حمد وتمّت تقرا علّيه

لما حسيت روحي مرتاحه ونمت
صحيت على صوت الممرضه وهي تدز طاولة الريوق قمت رحت تغسلت وصليت صار لي كم يوم مب مصليه ناسيه كل شي لكن الا ربّي مفروض ما انسااه

صليت وشفت عالطاوله اللي يمبي قرآآن قريت قرآآن بديت اصيح بمراره كلما أقرا اصيح أكثر وأكثر..
حسيت باب الحجره يتبطل ودشّت عمتي يت صوبي وباستني على راسي

أول ما شفتها حضنتها وصحت

عمتي أم حمد : بسج نواري حرام جذا تعذبين ابوج فـ قبره

صح كلامها حاولت أخف شوي بس كثر ما احاول ما اقدر مستحيل اقدر ذكراه عالقه فـ خيالي
شفت ويه عمتي شاحب بعد

أكيد هذا أخوها عاشت معاه أكثر منّي ويمكن هي اللي ربته بابا الله يرحمه غالي ع الكل كلنا نحبه بس أنا غلاته غير بـ قلبي هو أغلى شخص فـ حياتي أغلى عن روحي وأمي وعمتي وعمي وأهلي وربيعاتي هذا أبوي اللي كان حنون علّيه يحل مشاكلي مستحملني من صغري ..

عمتي : تريقي حبيبتي
نوره : مالي خاطر
عمتي يودت الأكل وتمت توكلني روحها
نوره : بسني عمو
عمتي : ماشي كلي

نوره : والله بسني تراني بنقع والله ما اقدر أكمل دخيلج خلاص
عمتي أم حمد : ان ما كليتي عدل ما بيطلعونج اليوم

لـ حظه سكت ما عرفت شو أقول آه آه آه أنا مرقده فالمستشفى اللي مات بها أبوي

انهرت وايد بغيت انزل من ع السرير وأضرب راسي بـ اليدار يمكن ارتاح من هالألم اللي بـ داخلي أو يمكن أروح عند ماما وبابا
وقفت وأنا متقطعه من الصياح حسيت نفسي خلاص بيوقف .. لثواني ما رمت أتنفس
عمتي أم حمد تخرعت وايد يت صوبي متخرعه وفيها صياح

عمتي ضربتني على خدي : نوره ماما نوره فيج شي

ما قدرت ارد ،،غير ,, نفسي قاعد يوقف بغيت اقول الشهاده حسيت بروحي بموت خلاص خلاص

طحت ع اللأرض وقلت : عموتي مابا اتم اهني مابـــــــــــا أكره هالمستشفى وكل اللي فيها

عمتي ام حمد تهديني : نوره حبيبتي ارقدي وبنطلعج ,, انتي ارقدي هدّي شوي

قلت لها وأنا معصبه : كيف اهدي وبابا البارحه اهني موتوه موتوه تعرفين شو يعني جتلوه اهني ،، ابا اطلع عمو طلعوني الحين
عمتي : انتي اهدي بس ،، الحين بزقر الدكتور خل يطلعج

نوره : بسرعه والله ان ما رخصوني بجلب عليهم المشفى
شفت صوب عمتي وهي قاعده تطلع وتقول : لا حول ولا قوة الا بالله ، استغقر الله استغفر الله

كليت من الأكل معني مالي خاطر خلاص ابا ابوي والله بتينن ابا اموت واروح له بأي طريقه اروح له لو انشالله قبره وين ما يكون

بدت دموعي تهل لمّا تذكرت حياتي مع ابوي كيف كانت وكيف كان حنون معاي آه بابا ليش حرمتنا منك ليش ..؟
سمعت صوت باب الحجره مسحت دموعي بسرعه
عمتي دشّت مبتسمه

قلت لها بانفعال : بيطلعوني هاــ ..؟
عمتي اشرت بمعني لا : في شي احلى ..!!
نزلت راسي بحزن : ما في شي أحلى عن قرب ابوي ....

عمتي تقربت مني ومسحت على شعري
عمتي وهي تصيح : نوره خلاص حرام اللي تسوينه في روحج ، وفينا .. انتي شفتي حال أخوج
عمر شقا غدى ..؟ ع الأقل انتي الكبيره داريه شوي .. ولا عادل يومياً يسألنا وين بابا ونوره ..؟ شو بنقول له خبريني
خبريني مب حرام هذا ..؟

قلت لها وأنا أصيح : وأنا يا عمتي ليش ماما ما حسّت فيني وأنا صغيره وليش بابا ما حس بي وتركوني اثنينهم تركوني ..

عمتي : نوره خلاأأأأأأأأأص بسج صياح .. هذا يومهم تعرفين شو يعني قضاء وقدر هذا قدرهم ومكتوب لهم
حسيت عمتي صادقه الا أكيد صادقه .. بس أنا مستحيل أنساهم بين يوم وليله مستحيل آه آه آه

الدكتور دق الباب ودخل على طول مستحيل يتريا احد يقول له دش لأنه ها شغله كنت هب لابسه شيله ولا لبستها طنشت وقعدت اطالع صوب الزاويه
سألني بس ما رديت عليه وقال الله يهديج

قال حالتي تحسنت وايد عن اليومين اللي قضيتهم فالمشفى سجّل لي خروج وعطا عموتي ورقه ما عرفت شو هي بالضبط

الدكتور طالعني وابتسم : يلا يا نوره ديري بالج ع روحج .. والحمدلله على سلامتج
ما رديت عليه تميت اهز ريولي وانا متوتره واطالع برا طالع عمتي واشر لها وطلع

عمتي : نواري ليش ما لبستي الشيله
طالعتها بسخريه : عمو دش وطالعني شو تبين بعد البس الشيله خلاص طالع
عمتي : الله يهديج يلا البسي عباتج

قمت وعمتي عطتني عبايتي ولبستها ولبست الشيله
شكلي كان وايد مهمل جداً .. عمتي مسكت ايدي وطلعنا من الحجره

تسندت عليها حسيت روحي بطيح بس كنت شوي ثجيله عليها لكنها استحملتني
أول ما طلعنا من المشفى

عمتي : قلت له يتريانا اهني وين راح
واتصلت في .. ما اعرف منو ..؟ وقالت له يي صوب المدخل

يت السياره رحنا صوبها عمتي فتحت لي الباب وقبل ما ادش ما ادري ليش صديت وراي
وشفت مبنى المستشفى تنهدت من داخلي آآآه يالغالي آآآه أباك محتاجه لك باصعب اوقاتي وايامي
عمتي : نوره اركبي بسرعه موقفين السياير نحن

طالعتها وصحت فجأة وبمراره وحرقه وألم وكل حزن العالم فيني وآهات الدنيا وكل معاني الجروح والهموم لو في كلمه زياده جان قلتها

ارتميت فـ حضنها وقلت : عمتي بابا راح اهني هالمكان بابا ودرنا في هالمكان
عمتي مسحت ع راسي وبدت تصيح : خلاص نوره اركبي موقفتنا فـ الشارع

ركبت السياره وعمتي ركبت يدام
سندت راسي عالدريشه وتميت اطالع بره صوب المبنى آآآه اهني أنا ودعت ابوي .. اهني كانت
انفاسه الأخيره .. يابوي رد محتاجتنك رد

وقمت اصيح واشاهق من الصياح وعمتي تهدي فيني بس ما اقدر .. ما اقدر ..
قلت : ردوني بيتنا ..
عمتي : ما في حد في بيتكم يا نوره

قلت : بابا اهناك يتريانا اهناك .. وبديت اصيح اكثر واكثر
عمتي : نوره حرام عليج اللي تسوينه فـ روحج

قلت لها : عمتي ابا ارد بيتنا حراااام مابا اسير مكان ثاني
عمتي : ما شي .. تردين البيت وياي خلاص

قلت لها : انزين خلاص بروح باخذ أغراضي واغراض عمور وعدول حق كم من يوم
تنهدت جنه ما عيبها الكلام

واتجهنا لبيتنا دخلنا حوي بيتنا .. شفت صوب الباركنات شفت سياير باباتي آآآه يا بوي رد تعال
شفت كل هالسياير ما بتعوض مكانك .. ما بتعوضنا عن غيبتك وفراقك ..

دخلنا صالة بيتنا أنا وعمتي وولدها حمد .. حمد راح صوب مكتب باباا ..
وأنا رحت أول شي لـ حجرة ابويه
شفت الحجره من دونه غير غير .. البيت بكبره غير بدونه مو حلو محزن كاتم

رحت صوب اغراضه وخذيت لاب توبه و بوكه اللي كان محطوط وكان فيه عطوراته خذيت عطره المفضل وياي وقرآنه اللي كان يقراه

رحت خذيت لي ولعمور وعدول ملابس ورحت صوب أغراضي
هذا تلفوني اللي بابا عطاني اياه .. و أغراضي الخاصه ووايد اشيا ذكرى وكاميرة بابا .. بس هالأشيا ما تسوى يدامه شي كل هالأشيا ما تسو شي منه

قبل ما أطلع تذكرت المصحف اللي عطاني اياه .. شليته وياي وصحت من قلب ونزلت عشان اقول لهم انّي خلصت

طلعنا من البيت حمد قفل باب البيت
قلت له : ممكن مفتاح بيتنا ..
عطاني اياه

لا طمع ولا جشع فيني بس هذا البيت فيه أحلى ذكرياتنا مع ابوي وفكل زاويه من زواياه لنا فيه ذكرى مع ابوي وأحلى ذكرى فـ حياتي مع احلى وأغلى شخص
ركبنا السياره وانا اطالع بيتنا واتذكر ابوي .. ما ادري اذا فيوم برجع لهالبيت ولا لأ يمكن أنا بعد الحق ابوي وامي منو يدري .. بس مستحيل أخلي أحد يلمس باب هالبيت بعد هذا فيه أحلى ذكرياتي وقصصي وأحلى ايامي مع سيد الرجال ..

وصلنا بيت عمتي ودشينا كلهم كانو موجودين ووايد ناس يايين يعزون الكل سلم علي وأنا ما ودي أكلم أحد بعد .. ولا أشوف احد رحت الحجره سمعت صوت أذان الظهر
رحت تسبحت وصليت

وخليت ميثاني تنادي عمور وعدول يو عندي
عمور دخل وهو ويهه شاحب والظاهر كان يصيح
عمر : نوره ابا ابونا ..

صحت على حالنا : عمور حبيبي بابا عند الله الحين خلاص .. وباجر نحن بعد بنروح عنده لا تصيح خلاص انشالله بنشوفه فالجنه

بس أنا منو بيفهمني ها .. خبروني منو بيقول لي اهدي وباجر بتشوفين ابوج فالجنه .. لا أخت وأخو أكبر مني ........
دخلت عليا ووياها غدانا

قلت لها : مب مشتهيه
عليا : لا اا لااا ما شي يلا كلّي
نوره : مابا تسلمين .. عمور عدول يلا كلو
عمر : ما بناكل اذا ما كليتي

عشان خاطر عمر وعادل كليت وياهم وعلايه كانت ترمسنا تبا تنسينا
عادل : نوّار يقولون بابا ما سافر سمعتهم يقولون راح عند الله صح
طالعته وأنا ابا أصيح : هي حبيبي نحن بعد بنروح عند الله
عدول : أنا متى اروح عند الله يا رب ..............

قاطعته : عادل كل وانت سااااااااااااااكت بابا يقول ما نرمس حزة الأكل صح

عمر طالعني ودموعه نزلت قام من ع الغدا وأنا بعد انسدت نفسي . .. بس تمّو عادل وعليا توكله

دخلت ميثا و وياها جواهر والجوهره سلمو علي وحسيت عيونهم كلها دموع مثلي بس أنا أكثر أكيد أنا اللي كنت عايشه معاه ليل ونهار أنا اللي كان ملجأي فأي وقت ..

دخلت مرت عمّي سلمت علي وباستني وحضنتني وصاحت وأنا بعد تمسكت فيها وصحت
دخلت عمتي : نواري تعالي عمّج يباج
طالعت شكلي فالمرايه لبست الشيله عدل

ومشيت ورا عمتي ووياي عموري .. رحنا صوبنا الميلس .. دقت باب الميلس ودشينا
دخلت شفت عمّي رحت صوبه اربع وحضنته بقووووه

عمي مسح ع راسي : نواري خلاص بسج ذبحتي روحج
قلت له وأنا أصيح : عمّي بابا مات ودرنا روحنا

قال لي : بنتم وياكم نحن
طالعته : عمّي لا تودرنا روحنا حرام تم ويانا لا تخلي حد يضر خواني
عمّي : ما عاش من يضركم وأنا عايش يلا بنتي هدّي

لفيت وراي اشوف عموري شفت عيال عمّي قاعدين سألو عن حالي طالعت صوب عموري
من يوم فارقنا ابوي جذا يوم نروح عند احد أو أحد ييي لنا يوقف فـ الزاويه ما ييي صوبنا
طالعته ودموعي بدت تهل قلت لـ عمّي : عن اذنكم

عمّي : نواري تريي
قلت له : نعم عمّي
عمّي : تراكم بتيون وياي البيت
قلت له : لأااا عمي ما بيي بيتكم

عمّي : نوره تعالي وياي اهناك بيت عمج هب بيت حد غريب
طالعت عمتي هزّت راسها بمعنى روحي ويا عمج
قلت وأنا أصيح : اذا ما تبونا عادي عندنا بيت بعدنا نقدر نعيش فيه مب محتايين شفقة حد
عمّي : نوره شو هالكلام .. وبعدين أنا أبوج تعالي عندي أحسن لج

قلت لـ عمي : عمي بيتكم ما احبه ما احبه
عمّي : خلاص عشان خاطرج بغيّر البيت
قلت : لأ ما يحتاي عمّي

عمي : عاد ب عذر عشان بنحول
سمعت صوت واحد : لأأأأ بتيي ويانا غصباً عنها وما بنغيير بيتنا

طالعت يميني هذا آخر شخص كنت أتوقعه يقسى علي وخاصتاً بعد وفاة ابوي حسيته هو الوحيد اللي بيحس فيني

قلت وأنا أصيح : مو معناته ابوي راح تتحكمون بي .. لأاأأ أنا أقدر أعيش روحي وأعيش خواني وياي
عمّي أشر للبقيه يودرونا رواحنا وطلعو كلهم ما تم غيري وغير عمّي ويوسف
يوسف ياه وقف يمبي وبين طوله عدل خفت رحت وقفت يمب عمّي

كلمني بنفس أسلوب أبوي بالضبط : نوره ها بيت عمتج وهاك بيت عمّج اهناك عمّج بيكون شرات ابوج وأكثر وأنا ياسر بنقزر رواحنا واهني يمكن تضايقين عمتج وريلها

قلت له : اذا وجودي يضايق حد عندنا بيت نرد له مب لازم شفقتكم
قال لي : بس منو بيتم وياكم فـ بيتكم هـ الزمن ماله أمان يا نوره

طالعت صوبه وهاي أول مره أحس بشخصيته أول مره يكلمني شخصياً
طالعته طبق الأصل من أبوي وايد صفات وشبه مشترك بينهم
طالعت عمّي وأنا محتاره

قال لي : اذا ابوج الله يرحمه عايش .. تعتقدين بيوافق تعيشين روحج بـ هاك البيت بكبره
طالعت عمّي : لأأأ
قال : خلاص عاد تعالي ويانا وبنسوي اللي تبين
قلت : مابا بيتكم غيروه

يوسف : لأاأأ اسمحي لنا البيت ما بنغيره
قلت : لو عالبيزات أنا بدبر لكم
قال : مو سالفة بيزات .. بس البيت ما بنودره
قلت : عاد ما بيي وياكم

يوسف لف وقبل ما يطالع : جهزي روحج عقب ساعتين بيي بشلج ويا الأهل
طالعت عمّي وقال : نوره خلاص لا تعاندين العناد ما بيرد ابوج

طالعته ودموعي هلّت أكثر وأكثر ركضت صوبه وحضنته
قلت عن خاطر : عمّي لا تودرنا نحن محتايينك
عمّي مسح على شعري : لا تخافين حبيبتي بتم وياج طول عمري

وطلعنا من الميلس عمي دخل عند عمتي والبنات أما أنا رحت الحجره وقعد ع السرير أتذكر كل مواقفي زمان مع أبوي وفي منها حصل بالأمس ونحن ويا بعض

فيه مواقف ما صار لها الا ايام معدوده عالأصابع بدت دموعي تهل ,,,, أه يابوي رحلت وخذيت روحي وياك آآآه يا بوي تركتني وحيده أقاوم أحزاني وحيده بدنيتي .. انت كنت لي الأب والصاحب والنفس والروح والدم اللي يجري بالوريد .. والحين تركتني بدنيا مالها صاحب

دنيا كلها هموم وجراح .. كنت لي عزوتي و ذخر لي واليوم رحلت ..

قطع علي تفكيري صوت جواهر وهي تقول لي : نواره يلا بنسير البيت
طالعتها ورحت لبست عباتي ولحقتها .. سلمت على عمتي وبناتها وطلعت مع جواهر والجوهره .. رحنا صوب السياره ركبنا وياسر اللي كان يسوق

طالعت فالسياره ما حصلت لا عمور ولا عدول
قلت لمرة عمي : عموتي وين عادل وعمر

قالت لي : بنتي راحو ويا يوسف
من أولها جذا بدون استئذان خلاص الحين أنا ولية أمرهم مو اي احد لازم يستأذنون مني
تحركنا ورحنا صوب بيت عمّي دخلنا حويهم

قلت فـ خاطري .. خلاص الحين بكمل حياتي اهني ما ادري متى أغادر هالبيت ويمكن ما اغادره الا لقبري .. كل شي جايز

دخلنا البيت وجواهر ودتني حجرتها
غريبه الجوهره ما خذتني وياها يمكن مرة عمي قالت .. لأنه جواهر تقدر تغير نفسية الواحد أما الجوهره فـ يبالها من يغير جوها اهيه

دخلنا الحجره
جواهر : الحجره حجرتج متى ما بغيتي تطرديني اطرديني برايج ههههه
ابتسمت مجامله ،، آه يا جواهر تبيني أضحك وياج والجرح توّه يديد يديد بعده ما برا وما ادري اذا بيبرى ولا لأأأأ ومتى بيبرى يا ترى

جواهر دخلت تتسبح وأنا يابو لي شنطي حجرة جواهر
انسدحت ع السرير وتذكرت حياتي بعد مره .. كيف كانت .. !!
وما حسيت بروحي الا وأنا أقوم على اذان المغرب

قمت لفيت يميني ويساري شفت شنطي فاضيه اكيد جواهر حليلها رتبت أغراضي
شكلي بعذبهم وياي وايد
طلعت من الحجره رحت المطبخ أكل معنه مالي خاطر أكل بس كل ها عشان خاطر عمور شكله تعبان وايد نفسياً أكثر مني بس ما يبين

كليت وطلعت رديت الحجره ولحسن حظي ما قابلت ولا حد فـ دربي
صليت المغرب وأنا أدعي لأمي وأبوي بالرحمه سمعت صوت باب الحجره

نوره : ادخل
عموري : نوار تصلين ..؟
نوره : هي حبيبي بغيت شي
عموري : تعالي اقعدي وياي

نوره : أوكي حبيبي .. صليت المغرب
عموري : الحمدلله فالمسيد .. رحت مع يوسف
طالعته : أوكي خلاص بطلع شيلة الصلاه بلبس شيلتي بيي
عموري : أوكي أترياج

لبست شيلتي طالعت شكلي فالمنظره شاحب ما فيه حياه .. برايه يكون اللي يكون خلاص أنا ما عاد يهمني شي في هالدنيا .. غير عمور وعدول لو بعيش بعيش عشانهم مو عشاني أنا خلاص من زمان انتهيت ما في أي معنى لوجودي بـ هالحياه

رحت صوب عموري فـ الصاله قاعد روحه
قلت : هلا بعمير شيخ الشباب اشحالك
عمر : بخير دامج بخير
قلت له : أكيد أنا بخير لو عموري يمبي

عمر : جواهر ودّت عدولي وعلاوي الحديقه
قلت له : زين .. شي طيب

عمر : قالت نوعيج قلت لهم لأ تعبانه نواري خلوها راقده
قلت له : شاطر عشان اذا نطلع أنا وانت بس هههه
عمر بحزن : نوره أنا مشتاق لبابا

دمعت عيني : وأنا أكثر .. يلا عسى لقانا فالفردوس الأعلى
عمر : آمين تسليم الشهايد اليوم الصبح
قلت له : صدق اليوم الصبح وكم نتيجتك
عمر : ما اعرف .. ليش ما سألتي عن نتيجتج

قلت : هههه من الفرحه نسيت أسأل عنها

آه آآآآه يا عموري لو تدري انّي كنت بييب هـ النسبه عشان خاطر ابوي بس الحين لأ .. اييب اللي اييبه ما يهمني خلاص خلاص ماعاد ينفع

عموري : يوسف اليوم الصبح ياب النتايج
قلت : يابهم البيت

عموري : لا وياه فالدوام بييبهم اليوم البيت ع العشا جذا لأني اتصل بي قبل شوي
قلت له : عمور حاول ما نضغط على قوم عمي وايد أوكي
عمر : هي بغيت اقول لج جيه انتي كلّه تصيحين وعمي وايد يفكر فيج

والله يا عمور كلمالك تكبر بعيني أكثر وأكثر على صغر سنك الا انك أحسن مني فـ وايد أشيا

قلت له : زين وين عموه و الجوهره
عموري : عمو فالمطبخ تسوي العشا ويا الخدامات ، والجوهره هاي كلّه فـ حجرتها ما تطلع من حجرتها جنه البيات الشتوي

قلت له : هههه حرام عليك خل البنيه فـ حالها
سمعنا صوت

.........: أووووه أووووه نورو تضحك اليوم الشمس من وين طالعه
قلت بسخريه : يا ليت من المغرب جان زين بنشوف باباتيه
جواهر بتطنيش : تعالي تعالي بقول لج شو صار ويانا فـ الحديقه

سمعنا صوت ....
................: ليش شو صاير بلّا فـ الحديقه
جواهر : حشا الواحد يبا يطلعها من حالتها وانت واقف لي نشبه اهني ( اشرت عرقبتها )
قلت : لا تخافين جوجو بتم أنا مثل ما أنا لا تحاولين ياما بابا حاول وماقدر

ياسر : يمكن الدكتور ياسر يقدر يطلعج هههه
جواهر : لأاأأأ جواهر الدكتوره جواهر
ياسر : طالعتي شكلج انتي سيري اغسلي ويهج

جواهر مدت بوزها أونها زعلت عاد

أنا وعمور ابتسمنا على سوالفهم المضحكه وثواني الا أذن العشا
رحنا أنا وجواهر الحجره نصلي العشا عقب الصلاه طلعنا رحنا ويا مرت عمّي المطبخ

جواهر تمّت تسولف ويا مرة عمّي وأنا اطالعهم وابتسم
حلو الواحد يكون عنده أم وأب الحياه بتكون غير غير بمعنى الكلمه

طلّعنا العشا يلسنا نتعشا وأنا أكل بدون نفس وغصب بس ابين روحي عاديه عشان ما اضغط على عمي وعيال عمي

وعموري تم يطالعني ويبتسم وياي وأنا أبتسم له ونحاول نشيل هموم بعض ويا بعض
عدول ياه وقعد يمبي وقال لازم القمه
قلت له : عدول خلاص شوف علاوي كبير ياكل روحه
عدول : بس أنا صف ثالث يعني ما عندي امتحانات بعدني صغير

ابتسمت على سوالفه وأعذاره الكسول هههه
قمت : أكرمكم الله
مرت عمي : بعدج ما كليتي شي
قلت : بسني شبعت الحمدلله
مرت عمي : هني وعافيه بنتي

رحت اغسل ايدي صديت وراي شفت طابور ماشالله
عموري وعدول وعلاوي

قلت : جيييه ما كليتو ..؟
عموري : شبعنا وياج
علاوي وعدول : هي صح

اكيييد يوميا بقوّم روحي آخر وحده من السفره عسب ياكلون ولا جذا بيتمون ويتعودون اذا مارسو هالأسلوب

طلعنا مريت من الصاله رايحه الحجره حسيت البيت بيتي وعيال عمي خواني بس فيه شي واحد مو حلو لازم الشيله على راسي لما اطلع من الحجره

دخلت الحجره شفت صوب تليفوني تقدمت منّه فتحته شفت المسجات في من ربيعاتي وبنات عمي بس الأكثر بابا ارسل لي اياها وقتها. . وفي رسايل كلام بينا آ آه آآه تذكرته ليته معي يحس باللي أحس به ويجس احساسي اش كثر مشتاقه له ومحتاجتنه

سمعت صوت عموري وهو يقول نواري تعالي
طلعت شفتهم كلهم متيمعين وجواهر مسويه ربشه

رحت صوبهم وأنا مستغربه شو السالفه يا ربيه شو صاير

قلت : خير ..؟
يوسف ابتسم لي : ما تبين تفرحين ..؟
طالعته وابتسمت بسخريه : جيه باجي أيام أفرح بها بـ هالدنيا ,,!!!
يوسف بدون اهتمام : خلّي عنج وتعالي
رحت صوبهم

عمّي : نواري كم تتوقعين نسبتج ..؟
قلت وانا مو مهتمه : كم يابو عموري وعدولي ..؟
عموري : طلعت الثاني عالصف
طالعته وقلت له : مبروك حبيبي ، لك هديه بس الدراجات تراها أهم عن الترتيت

عموري : مجموعي في نهاية السبع ميه
طالعته : عاد شطور .. وانت عدول ..؟
عادل : ثمانيه
طالعته : هههه طول عمرك كسول

عادل : لأ لأا ربيعي سوّاف يقول كلهم مصريين عندنا عشان جيه نحنا نطلع ثمانيه وعشره
كلهم ضحكو على تعليق عدول
طالتعه وضحكت على تفكير هالعصوص الحليو هههه

عمي : ها ما تبين تعرفين نسبتج ..؟
قلت : جواهر والجوهره كم يابو ..؟
جواهر زعلانه : أنا فالثمانين اهئ اهئ ههههه و جوجو فالتسعين
عمّي : نورو نسبتج هاي .. بلاج جذا انتي ولا من الخوف ؟؟

وطالعني وعطاني الشهاده شفت النسبه فرحت بها بس خلاص ما تهمني الحين
عمّي : مبروك بنتي .. الله يوفقج
طالعته بحزن : عمّي أنا كنت بيبها عشان خاطر ابوي بس الحين خلاص ما فيه حد أنا عايشه عشانه المهم عندي عمور وعدول

يوسف قال : لو أبوج عايش جان ما رضى باللي تسوينه انتي ،، صح !! كلامي .. ولا ..
أشرت له مب مهتمه : مب لازم

شو هذا كل ما قلت شي ولا بغيت أسوي شي قال لي ابوح لو كان وأبوج .. شو ناوي يذبحني بـ هالطاري روحي مب مستحمله يبا يزيد عليه

طالعت جوجو وقلت عشان أضيّع السالفه : ها جواهر يالكسوله فشلتينا ويا نسبتج
جواهر : احمدو ربكم فالثمانين هذيج السنه يبت فالسبعين

كلنا ضحكنا على تعليق جواهر اللي شرات شكلها ههههه
عقب دقايق رحت الحجره عشان ارقد

دخلت غيرت وانا ع السرير تذكرت الماضي ما ادري متى بتتركني هالذكرى بـ حالي
هاجس الذكرى بعده في بالي ويلعب بي لعب ،، كاسرني وهادمني هـ الهاجس آه آه متى برتاح وأفتك ليتني لحقت ماماتيه وباباتيه ما با هالحياه آ آ آه
تنهدت عن خاطر .. كيف بعيش حياتي الحين لازم أنسي عمور وعدول والهيهم بس أنا منو بينسيني ..؟

............: نواري بعدج ما رقدتي
ابتسمت لها : لا بعدني
........: عاد زين بنسولف شوي والله من زمان كنت أتمنى نعيش ويا بعض

قلت : ياليت وأنا بعد كنت أتمنى .. بس مو فـ هالضروف
.........: يلا الله كريم .. اصبري ان الله مع الصابرين
قلت : ونعم بالله .. جوجو يلقط من حجرتج

جواهر : هي
قلت لها : بحدر أنا
جواهر : يوسف ما يخلينا نحدر بليل .. درا عنّي وبهدلني وقام يجلع واير المودم بليل
قلت : آهااا لقيتي من يأدبج

جواهر : لولاه أصلاً بتشوفيني مب قاعده فالبيت بعد هههه
قلت لها : أبوي كان جذا دوم يحافظ علينا جنّه شي ثمين عنده
جواهر : أكيد كل واحد جذا مع بنته وأخته وحرمته دام هم غاليين

قلت لها : انزين تعالي بفتح لابنا
جواهر : قصدج لاب ابوج
قلت وأنا اتنهد : شو يعني بياخذه وياه فـ قبره
جواهر : لا ما أقصد .. يلا افتحي يمكن اليوم ناسي يجلع الواير
قلت : آمين

أول ما فتحنا اللاب كان الديسكتوب صورة طبيعه وكان اليوزر نيم ( Bo NoORa )

ابتسمت برا ما يزقرون بابا بوعمر يزقرونه بو نوره .. صحيح انّي أكبر عيال بابا وبنت وعنده أولاد بعد بس دوم يحب يزقرونه بو نوره .. ما ادري ليش .. حسب كلامه الله يرحمه دوم كان يقول لي انّي نسخه عن ماماتيه .. والحين منو بيكون نسخه منك يابوي منو .. يارب عمور وعدول ياخذون كل صفاتك ، لو شو ما تكون صفاتك أحسها أحلى صفات فـ الدنيا ..

خرعتني جواهر وهي تقول : آآآآآآآآآآآآآآآآع
قلت : بسم الله الرحمن الرحيم
جواهر : بلاج
قلت : زيغتيني

جواهر : ههههه ، لابس شكله ما نسى يجلع الواير هههه
قلت : سيري قولي له يشغله
جواهر : لا لا ، أمي أنا مب ناقصه

قلت لها : حرام يلا
جواهر : اذا تيين وياي أوكي
من بعد تفكير : امممم أوكي

طلعنا من الحجره شفنا عموري يلعب بلاي استيشن و الباجي شكلهم رقود
صديت يميني شفت ياسر واقف يدام باب حجرته ويرمس فالتلفون
جواهر : يسور وين يوسف ..؟

ياسر أشر لنا بيده بـ معنى نسكت لأنه يرمس فـ التلفون مع ربيعه ، وعقب اشر عالدري
جواهر بصوت واطي : نواري يوسف تحت
قلت لها : أوكي يلا نروح

نزلنا ونحن نازلين جواهر
جواهر : أنا خايفه ..
طنشتها وقلت : طالعي طالعي برا نفاف
قالت لي : نواره حلو المطر صح
قلت لها : أوقات .. اذا كان رحمه وايد حلو .. لا تنسين انّه في مطر يجتل ارواح

جواهر : الله يهدي الجميع ويحفظهم من كل شر
قلت : آمين

كملنا دربنا وصلنا تحت طالعنا صوب اليلسه شفنا يوسف قاعد وفـ ايده كمية اوراق
جواهر : الله يسهل عليك شغلك
يوسف وجنه فاهم جواهر، ما طالع صوبنا : آمين ، خير شو تين ..؟

طالعتني وهمست لي : أنا أقول هالانسان مركب آلات تجسس فـ بيتنا ومحد يدري ..
طالعتها وقلت وأنا أهمس : اسكتي
يوسف رفع راسه : خلصيني تبين شي ..

جواهر : المودم أأ.........
قاطعها : ماشـــــــــــي ..

جواهر : ليش انزين
يوسف : شكلج ما تفهمين أنا جم مره قلت لج ماشي نت بليل
جواهر : هاي نوار تبا ..

يوسف بـ سخريه : ليش نوّار ما تقدر تطلب روحها ، ما عندها لسان ..

طالعت جواهر وقلت بسخريه : خليه بـ رايه شكلي بعيش طول عمري جذا الله يرحم ايام بابا ..
و توني بلف عسب اصعد

يوسف : نوره ليش تبين تحدرين هـ الحزة ..؟
قلت بدون ما الف : كيفي ابوي كان يخليني ..
يوسف : أبوج راح يا نوره خلاص وحطّج أمانه عندنا ..

لفيت وعيوني كلها دموع : والأمانه جي يسوون بها .. ؟
جواهر ضاعت بينا ويت صوبي : نوره خلاص اهدي

قلت لها : خليني أطلع اللي فـ قلبي يمكن ارتاح ع الأقل
يوسف : نوره انتي مو كبيره وتعرفين النت واليلسه عليه بدون مراقبه شو تسوي .. وخاصتاً بليل

قلت له : خلاص ما با اقعد انزين ، زين جذا ارتحت

حسيت نفسيتي تعبانه وبـ هالسبب قمت ارد وما احشم وايد بس فـ خاطري افضفض بس منو بيسمعني ..

يوسف : خلاص بشغل لكم المودم
قلت له : ما يحتاي بعد المذله ..

وصعدت جواهر يت وياي بس يوسف زقرها وأنا رحت فوق

عمور وياسر كانو قاعدين ، ما ادري ليش صار يمشي وايد ويا عمور ويحسسه انه فـ عمره ..
دخلت الحجره ورديت يلست ع اللاب فتحت الفولدرات الجديمه وتميت أفتش مادري شو اللي شدني
بس وايد من هالفولدرات عن الأسهم والعقار وهالسوالف .. ما فهمت بها

سويت سيرج وحصلت وايد صـــــــــــور كلها صور بابا
اهني بغيت أموت من الصياح خلاص اباك ابوي محتاجتنك رد لي ، ما استحمل كلام اي حد الحين ,, أنا القويه اللي كنت اداري عبراتي ,, خلاص ضعفت .. وعلى اتفه سبب عبراتي تهل ..

شفت صور مصورين بها شغلهم فـ المواقع ( اللوكيشن ) صور حفارات و مال الدفان وهالسوالف ..

استانست لهالدرجه شغل باباتي حلو .. صحيح أيام شغله كان يوقف .. والحالة الماديه شوي تسئ بس الحمدلله مو هاك الزود .. لأنه كان يعطينا بس لازم نحافظ ع النعمه ..

في صور شدتني صور بابا وهو واقف يشوف الشغل وكيف ماشي وفي صوره فالمكتب ..
أبوي أبااااااااااك وهلّت دموعي بسرعه بدون سابق انذار ..

صورة أبوي وهو واقف يدام البحر ويلعب كرة طايره مع مجموعة شباب .. طول عمره شخصيته قويه وله مكانه بس خلاص هذا ما بيفيده الحين .. ها وقت الأعمال الصالحه ..

الحمدلله انّه كان ايمانه قوي .. ركزت فالصوره ابوي واقف يمب واحد بطوله وعرضه ويشبهه تقريباً ركزت
هذا يوسف .. لـ هالدرجه يوسف كان مع بابا .. بس ليش ماحزن لما باابا فارقنا معنه كان أغلى ناسه وربعه ويمكن أهله ..

سمعت صوت باب الحجره .. مسحت دموعي بسرعه
جواهر : هااا يالحلوه شو تسوين ..؟
قلت لها : ماشي اعابل باللاب
قالت لي : يلا تعالي في ناس يبونج

قلت لها وأنا ادري : قولي لهم ماتت
جواهر يت صوبي وسحبتني وطلعتني ويوم وقفت يدامي
جواهر مستغربه : كنتي تصيحين ..؟

قلت لها وأنا فيني جروح : في حد يسمع هالكلام السم وما يصيح ..
جواهر : نورو بلاج على أتفه الأسباب تصيحين ما احيدج جذا
قلت لها بسخريه : محد يتم على حاله

طالعت يدامي شفت يوسف يالس فالصاله يدامنا
انحرجت وايد .. شافني أكلم جواهر و أنا ما أدري انّه موجود حتى طريقة كلامي غلط

يوسف : نوره زعلتي ..؟
قلت له وأنا منزله راسي : لا ما زعلت
يوسف : انزين خلاص دشي النت بس ما شي تحدرين الايميل بليل

قلت له : ما يحتاي
يوسف : لا ، لازم وتقرين روايه بعد وتخلصينها اليوم ..
قلت له : أوكي ع الأقل وقتي يروح وأنسى الهموم

فجأأأأة بدت دموعي تنزل ما قدرت ايودها
جواهر : نوره بلاج ..؟
قلت لها وأنا أمسح دموعي : لا بس تذكرت قبل ما يطيح أبويه هالليله أنا وهو قرينا روايه مع بعض
جواهر : نوار بسج صياح يلا
..
يوسف : نوره تبين لابي ..
جواهر اتخصرت : لا والله .. وأنا يوم أطلبه ممنوع .. ليييييش..؟ .. نواري خذيه اليوم بنطلع بلاويه ..
سكتت لما شافت نظرات يوسف لها

قلت له : عندي لاب
يوسف : لاب منو ..؟
قلت : لابتوب ابوي ..
يوسف : آهـــااا لا تستعملينه
قلت له : بس هذا مال ابوي

يوسف : فيه وايد اشيا تخص الشغل .. عطيني اياه .. صح !! ومفتاح البيت .. بعد ..؟
قلت له : اللاب برايك لو عن الشغل شله بس البيت لو تبا المفتاح خذه بس احلف ما تجيسون شي فالبيت ..
يوسف : أوكي ما بجيس شي منّه لا تخافين .. ترا السياير بنبيعهن

قلت له : لأأأأ مابا هاييل مال بابا
يوسف : أبوج كانت وصيته هاي ..
قلت له وأنا متفاجئه : هاااه ,, يعني كان يدري انّه بيفارقنا ..؟
يوسف : لأأأ ، بس هو من قبل كاتب الوصيه

قلت لها وأنا كلّي حزن : سوو اللي بابا طلبه .. أنا مالي شغل لا فالفلوس ولا فالبيت الحين خلاص علي من عمر وعادل ..
يوسف : أنا بتصرف فالشغل بس انتي ديري بالج ع روحج
قلت له : انزين

ودخلنا أنا وجواهر الحجره ما قدرت أسهر بعد ... رقدت من التعب والتفكير والهموم اللي فيني ..
نشينا اليوم الثاني الصبح على صوت عدول وعلاوي وهم يصارخون ويقولون مطر مطر

تغسلت ورحت تريقت جواهر يت معاي فديتها ما فارقتني ولا لحظة عكس الجوهره اللي منشغله فـ حياتها وما تتكلم أبد ..الا كلمه أو كلمتين ..

جواهر : يلا نتريق ونروح نلعب تحت المطر
قلت لها : أوكي
جواهر : بابا ما يخلينا بس هو محد الحين
قلت لها : كلهم دوامات ..؟
جواهر : هي

تريقنا وطلعنا تحت المطر تميت أدعي من قلبي الله يغمد روح ابوي الجنه .. وأمي بعد
قلت لجواهر وهي تطالع المطر : جواهر بابا كم يوم استمر عزاه

جواهر : 3 ايام بس ، هو اللي طلب عقب محد يعزي وقال الكل يرجع لحياته العاديه ..
مرة ثانيه نفس الجمله ابوي موصي لييييييش محد خبرني ليش
قلت لها : يعني كان يدري انه بيفارقنا ؟؟

جواهر : لأ لأا أأ ، ترا هو قايل من زمان ايام امج الله يرحمها
قلت بعدم تصديق : يجوز .. انزين متى دفنوه وليش ما تريونا نشوفه ..؟
جواهر : بعد صلاة الفجر من ثاني يوم بس ليش ما شفناه عاد ما اعرف ..

قلت لها وأنا أدمع : لو عايش جان الحين نحن مستانسين وكانت آخر همومنا ..
جواهر : نوره بسج صياح .. هذا قدره ويومه مكتوب له
قلت لها بتطنيش : تعالي نلعب تحت المطر
جواهر : أوكي

رحنا تحت الماي وتمينا نلعب في مكان فالحوي كان متجمع فيه ماي وايد صوب الزراعه دخلنا
تحته حسيت بالسعاده لكنها مو مكتمله في شي ناقصها ..
لعبنا الين صلاة الظهر أول ما أذن دشينا البيت

تمينا نضحك أنا وجواهر بصوت عالي
جواهر : هههههه لو ابوي اهني جان رحنا فيها

قلت لها : لا وأحلى شي نلعب بالجلابيه هههه محترمات ولا شيله بعد ..
جواهر : أقــــــــــ .................
قاطعنا : ماشالله ،،، متسبحات تحت المطر
لفينا اثنينا برعب ..

الحلقه الثامنه ..



عمّي بعتب : والله لو وحده مرضت دواها عندي ،، وطلع ..
أنا وجواهر طالعنا بعض : ههههههههههههههههههههههههههههههههههه ....!!!

...........: لكن ويه تضحكن ،، أكيد ع سواد ويوهكن بغال وتلعبن تحت المطر بـ الرمل
جواهر : الحمدلله خرعتينا ،، تحريت بابا رد ههههه
مرت عمي : نواري بتمرضين فديتج
قلت لها : لا لا عمو عادي دوم العب تحت المطر

مرت عمي : بس اليوم الجو بارد وااااايد
جواهر تخصرت : هي هي ، امدحوها اش عليكم ، ولا جنها هي اللي طالبه عنّي نلعب تحت المطر
قلت لها : طبعاً ماماتي ، أنا الشيخه نواري

جواهر كشت علي : ما قول الا مالت ..
عموتي أم يوسف : أغصان الجنه انشالله
جواهر : ولا جني بنتهم

قلت لها : صدق انزين منو قال انج بنتهم ، أحيد لقطوج من الشارع ههههه
جواهر : البيت بيت ابونا والقوم حاربونا ..

قلت لها : أمي سكتي سكتي ، انتي وميثاني فاشلات فالأمثال يعني انطبي أحسن لج
جواهر : هي أنا محد يحبني غير ميثاني ولا انتي لأ

قلت لها : خلّي عنج ،،، تعالي صدق ميثاني ما بييون صوبنا
جواهر سووت روحها تسرح : يا ريــــــــــــــــــت
طالعتها وغمزت لها ,, تراني فهمت هههه

لفينا نطالع صوب عمو عسب نسألها متى ييون قوم ميثاني
ولاااااااااا عمو أكبر طاف ودرتنا

وسمعنا صراخ من المطبخ : لو بتم عندكن جااااان غداي احترق
ضحكنا أنا وجواهر ويا بعض وتمينا نطالع بعض ونضحك أكثر وأكثر

بس أكيد الحزن بـ القلب محد يقدر يمحي ذكرى الغالي .. وأحلى ذكرى فـ حياتي بعد
قطع علي تفكيري صوت ريول ريال داخل

جان أنا وجواهر ندق سلف ونعطيها ... الشرده يلا ^_^
رحنا الحجره بسرعه وتسبحت أنا أول وغيرت ، عقب جواهر ، وصلينا الظهر مع بعض ..
بعد ما خلصنا صلاه

جواهر : الحمدلله ع السلامه
قلت لها : جوجو يقولون تقبل الله طاعتج
جواهر : هههههه دوم أخربط والله

قلت لها : أقول لج لاقطينج يا السيلانية بس ما تصدقين ..
جواهر : اسمعي اليوم ع الغدا لا ترمسين يسوف لمّا يرضى انّه نقعد عالنت

قلت لها : أونج أصلاً أنا ما ارمسه وأمس كانت نفسيتي وايد تعبانه عسب جذا فضفت أوني دورت على أحد أسبه هههه
جواهر : ما لقيتي غير يسوف ..؟؟
قلت لها ا : جيه ..؟

جواهر : أمي هذا متعاطف وياج الحين عشان حالتج ولا عقب ترا قولي بايباي حق الحنان والعطف

اشرت لها مب مهتمه : أنا من ابوي ما كنت أخاف .. يلا يلا قمنا نروح ناكل تراني ميته يوع وحلاته فالشتا ناكل والأكل ساخن ..

جواهر : عصافير بطني آح آح
قلت لها : هههه ذكرتيني فـ واحد
جواهر تغمز لي : منو هاااااا ارمسي بسرعه ..؟

قلت لها : مرة كنا نحن بنات المدرسة متيمعات فحجرة الكمبيوتر جان ندش الجات فيه واحد اسمه رافييل شي جذا المهم رافييل بوظبي هههه وكل شوي يقول آح لأنه أونه قاعد يشرب بيبسي ..

قالت لي : هااا تدشين الجات ..؟
قلت لها : لأ الحمدلله .. وبعدين حاليا لو ادش بكيفي محد له خص فيني .
.
جواهر : ان ما حش ريولج حش يسوف وسلخ جلدج ع هالسوالف ..
قلت لها : تراني متربيه ..

وطلعنا من الحجره رحنا صوب مرت عمي شفنا الجوهره واقفه تطالع عموه وهي تزهب الغدا

جواهر : حووووه ساعدي ماما جيه بس تطالعينها ..
الجوهره طلعت وسووت لجواهر أكبر طاف
قلت لها : حرام عليج زين جذا أكيد زعلت

جواهر : خل تولي هاي وبعدين ما تشوفينها اربع وعشرين ساعه فـ الحجره ع الأقل تطلع تشوفنا بس لو ما تبا ترمس برايها ..

قلت لها : والله هاي الحياه ما تعرفين عن اللي ساكن وياج بعد
جواهر : صدقج .. يلا نساعد ماما ..
طلعنا الغدا ويلسنا نتغدا

أنا اقعد بين جواهر وعموري بعيده عن عيال عمي وأكون متحجبه ما البس بناطلين وهالسوالف يدامهم كلّه مستور .. معني متعوده آخذ راحتي فالبيت ,, بس هذا بيتهم ..

ونحن نتغدا عمي ما طالع شكلنا لا أنا ولا جواهر ..
جواهر : فيني كحه..
طالعتها بمعنى قلتي لي انا ما ارمس وانتي روحج رمستي
طالعتني بمعنى نست يا ويلنا

عمّي : جواهر نوره اباكم عقب الغدا
أنا وجواهر : انشالله ..
عدول : نورو ويهج طماط اليوم

بغييييييييت أفلعه هذيج الفلعه فشلني يدام عيال عمي شو طماط ها بعد والله الحين بزغته ..

عدول : لا فراوله بابا يقول صح

طالعته ونسيت سبته هاللحظه .. تذكرت بابا اللي كان يزقرني توته أو نونه الله كيف كان الدلع حلو بالسانه .. منطوقه بعد ذوق شراته .. آه يابوي آه
طالعته بمعنى اسكت لافلعك بهـ الشوجه اللي بيدي

عمّي : لازم ، من اللعب بالرمل والطين شرات اليهالوه
جواهر طالعتني نقوم الشرده

جواهر : الحمدلله شبعت ، وأنا بعد قلت : الحمدلله شبعت .. وقفنا
عمّي : أنا قلت .. اللي بتمرض دواها عندي أوكي ..
جواهر : بابا آسفين..

طالعت صوب جواهر وجواهر خايفه لهالدرجه عمي عقابه شديد اممم يا ترى شو بيكون

عمّي : تبون تلعبون تحت المطر ما قلنا لأ ,, بس فيه شي اسمه شرات الناس ..
جواهر طالعتني .. همست لي : جيه نحن حيوانات هههه

كانت فينا ضحكه وشوي ابتسمنا خلاص بننقع
عشان نبرر موقفنا قلت : عمّي اذا مرضنا لا تودنا المستشفى عقاب ، عسب نتوب اوكيه

عمّي ابتسم : قصّي علي انتي ، مب رايحه بعيد طالعه ع خلّوف
طالعته وعيوني تدمع : عمّي شو ياب هالطاري كلما رحل أحد شبهتوني به ..

عمّي يغير السالفه : أوكي خلاص اللي بتمرض فيكن ما بنوديها المستشفى .. عقاب انزين
أنا وجواهر : انزيــــــــــــن ..

ورحنا الحجره أنا وجواهر عقب ثواني سمعنا صوت الباب يندق
جواهر راحت فتحته
جواهر : هلا والله منور الحجره
عموري : منوره باصحابها

جواهر : لا لا مو الاثنين لازم شخص واحد
عموري : عاااد أختي أكيد
طالعته ابتسمت له فديته أنا ..
جواهر تصكر الباب : عاااد اجلب ويهك ، مناك يلا مناك

قلت : عموري فديتك صوبي صوبي خلّك منها هالهرمه
عموري : تلعبون وياي بليستيشن

قلت نضيع وقتنا باللعب ..يلا نلعب شو ورانا ..دام كلّي هموم شو وراي ..؟ العب واتسلى يمكن انسى ..!!
لعبنا مع عموري شوي عقب أذان المغرب صلينا ورحنا المطبخ أنا وجواهر ناكل يعنا وايد

قعدنا نسولف شوي عن مواقف في حياتنا المدرسيه وجذا
حسيت روحي سويت انجاااااز بمعنى الكلمه .. أمي صار لها 8 سنين وشي رحلت وتركتنا ..
ما نسيتها وما قدرت أنساها .. حسيت ايماني كان ضعيف وأنا لازم أتوكل على ربي ..

بس أبوي لمّا توفى حزنت وايــــــــــد لأنه أغلى ناسي وأهلي .. بس حسيت روحي مرتاحه
يمكن لأني واثقه من ابوي وكل شي فيه وأعرف كل شي عنّه ..

جواهر : نوره بقول لج شي .. ممكن ,,,
قلت لها : آمري ..
جواهر : نوره ماشالله عليج ايمانج بالله قوي

قلت لها بسخريه : عايشه بدون أحد شو تبيني اتهاون عن كل شي واضعف وخواني محتاجيني
جواهر : حتى عمي لما توفت أمج يقولون كان قوي وايد

قلت لها بدموع : شو تبينه يحزن ،، اذا حزن بيهملنا بس هو سووا كل ها عشانا وأنا لازم أسوي اللي سواه ، لـ عموري وعدولي

جواهر : نواري انتي حلوه
طالعتها : زين يت منج .. روحج غيرتي السالفه هههه .,, طبعاً حلوه أنا نوره نور الشمس والقمر مو حيالله ..

جواهر : ونور الإمارات بعد .. ههههه
قلت لها : لا لا عاد هذا اسم منتدانا مستحيل اسرقه ما استاهله أنا

جواهر : فـ خاطري ارمس يتيمة زايد والله
قلت لها : شو تبين بها .. أميه خلّج من تعارف النت ما منه فايده غير الخساره ..
قالت لي وانتي صادقه

آه آه يا جواهر لو تدرين انّه يتيمة زايد كانت ربيعة روحي .. ربيعة روحي وأنا مب مخبره أحد
والحين تفارقنا .. حتى آخر مره شفتها فـ المدرسه وعقب ما شفتها .. الله يعلم اذا بشوفها ولا لأ
جواهر : هلللللللللو وين سافرتي ..

قلت لها : هههه صوب نور الإمارات
جواهر : قريتي روايات يديده .. ولا بعدج ..
قلت لها وأنا اتنهد : آخر روايه قريتها مع أبوي ذيج الليله ..
جواهر : شكلي حسدتج ع قوة ايمانج هههه يلا تعالي نتمشى المطر وقف

طلعنا برا البيت تمشينا فـ الحوي ..
جواهر : شكلي بلتقط كم من صوره
قلت لها : وأنا بعد

جواهر : عقب أعضاء نور الإمارات بيقولون اني أنا وانتي شخص واحد يدش بنكين
قلت لها : كلام الناس ترا ماله حد .. أنا كلام ييراتا ما يهمني تبين كلام النت يهمني سيري لاه
جواهر : كنت الهام وخيال في مواعيد الشعر ..

شفتها البنت مسنتره مكانها بلاها هاي تخبلت .. وهاي ولا لها بالشعر ولا شي شاللي دخّل
قلت لها : جوجو ..جوجو بلاج
أشرت على باب الحوي العود

شفت الباب .. آهـــــــــا توني فهمت السالفه .. طلعت جذا يعني
قلت لها : تعالي ندش داخل
جواهر : نوروه فهود اهني فهود
قلت لها : مالت عليج وعليه .. يلا ندش

جواهر مسكت ايدي ..
قلت لها : بلاج ..؟
جواهر بدت تصيح
قلت لها : تعالي ندش داخل قبل ما حد ييي

دخلنا ورحنا حجرة جواهر .. جواهر راحت صوب الدريشه وشافت من الستاره برا
وعقب صدّت وقالت : نواري ابوج الله يرحمه كان يدري باللي بيني وبين فهد
قلت لها : مب فاهمه

جواهر : فهد قال حق عمي انّه يباني .. ميثاني قالت لي........نوره أبا عمي ,,,
طالعتها بفرح : صدق

جواهر صاحت وحضنتني : نوره ابا عمي ابااااه والله ما استحمل فراقه ..

طالعتها بدت دموعي تهل وقلت : المفروض الناس تهون علي مصيبتي وتواسيني .. بس طلع العكس .. آه يا بوي آه
فجأة سمعنا صوت الباب ينفتح بدفاشه

قلنا : بسم الله الرحمن الرحيم
.........: هع هع مفاجئه لاااااااااااااااااه
قلت لها : وأحلى مفاجئة
ميثاني : نونه جوجو عندي لكن مفاجئه
قلت لها : شو مفاجئته بعد

جواهر كانت تمسح دموعها
ميثا راحا صوبها : ويت ويت .. شو هالدموع ..؟ وحق شو ..؟
جواهر : ماشي قولي الخبر يمكن تغيرين النفسيه شوي
ميثا طالعتنا بحزن : حتى أنا محتاجتنه والله العظيم بس شنسوي هالقدر ..

كلهم يحبونك يابوي كلهم .. ليش لما الواحد يكون قلبه ابيض وزين والكل يحبه يروح بسرعه
يودعنا بسرعه .. ويفارقنا بغضون أيام وليالي .. اي ايام االله يخليكم .. بثواني ولحظات ..

طالعت صوب ميثا وأنا أمسح دموعي : ها يلا قولي لنا الخبر ..؟
ميثا : سمعتهم يقولون بينقلونج مدرستنا أنا وجواهر
طالعتها بسخريه : وأنا مابا ابا أكمل فالشارجه وبس ..

جواهر : الله يهديج نونه لا تعكرين مزاجنا يلا قمنا نروح صوب الأهل
قلت لهن : انتو روحو أنا بتم شوي وبيي صوبكم
جواهر : أوكي
طلعو جواهر وميثا رحت صوب الصور اللي التقطناها يوم طلعتنا قبل ايام وفاة ابوي بايام معدوده .. شفت الصور بديت اصيح

كيف الحياه قاسيه تاخذ منّا أغلى ناسنا .. تذكرت ابوي ليش كان يقول لي ديري بالج ع روحج
أكيد كان حاس .. أكيد .. أوعدك يابوي بدير بالي ع روحي وع خواني مثل ما قلت لي ..
..

رحت صوب السرير وقعدت تميت اطالع اصابعي كيف ترتجف وأنا أطالعها حسيت بدوخه ..
حسيت روحي قاعده أغيب فـ عالم ثاني ،، عالم محد يدري عنّي فيه .. وحيده بدنيتي لا أنيس ولا ونيس .. ابي أحد يسليني وينسيني همومي بس للأسف محد قاعد يسمعني ..

أحس روحي أباغم وأطلب نجدة الآخرين بس للأسف محد درا عنّي محد سمعني ..
حسيت بأحد يوعيني من نومي
قلت : خلوني راقده مابا انش تعبانه

حسيت روحي عطشانه وايد ......... ابا ماي بس .. وأكمل رقادي مابا انش تعبانه ..
حسيت بايد تمسح على راسي دافيه .. هي هذا اللي اباه

هالشي اللي اتمناه .. ابا الحنان والعطف اللي ناقصني مابا اي شي ثاني .. ابا شخص يدافع
عني لما الدنيا تقسى علي ... ابااااه يكون يمبي طول عمره .. هالاحساس ولا يفارقني لو لحظة
فتحت عيني بتكاسل طالعت فوقي ..

شفت ايد تمسح ع شعري وأحد يقرا علي
...........: الحمدلله ع السلامه نشيتي
قلت : الله يسلمج وين أنا ..؟
.........: سالفتج سالفه ..
قلت : عموتي ليش يبتوني اهني
عموتي : تعبتي كنت مسخنه وايد
قلت لها : من متى
عمتي من أمس بليل .. لما يينا عندكم
قلت لها : ليش الحين متى ..؟
عمتي : الظهر .. حبيبتي
قلت لها : طلعوني من اهني ..( بديت أصيح ) فـ مكان يشبه هالمكان فقدت أغلى ناسي ..

عمتي : حبيبتي انتي خل حالتج تتحسن ونطلعج باذن الله
قلت لها : انشالله يارب ..
عمتي : ترا عندج نقص حاد فـ الدم

قلت لها : وشو يعني .. برايه .. ما يهمني ..
عمتي بروح : نورو انتي وايد تستهبلين هـ الايام
ابتسمت مجامله : وين البنات ..؟
عمتي : بييونج العصر انشالله

تميت قاعده مالي خاطر لشي ولا لـ حد بعد .. وساكته .. ما ادري تفكير بحالتي الين وين وصلت .. ولا افكر فـ حياتي اليايه وكيف بتكون ..

قعدت اقرا قرآن وصليت الصلوات اللي طافتني قبل أيام .. دعيت أتشافى وأطلع بسرعه ..
أذن العصر رحت أتيدد وأصلي وقومت عموتي

قلت : عمو عمو قومي صلي العصر
عمتي : انزين فديتج
صليت العصر .. عمتي بعد صلّت

عمتي : تبين شي عمووه رايحه الكافتيريا أنا ..؟
قلت لها : هي أباج تاخذين لي جوكليت ..
عمتي : لا لا ماشي اطلبي شي زين عسب جذا دمج ناقص ..

طالعتها : جيه لازم يعطوني دم الحين
عموتي : لا الحمدلله .. بس بيعطونج أدويه عسب تزداد نسبة الحديد ..
قلت لها : جيه مرقديني عاد ..؟

عموتي : لأنج قمتي تدوخين من نقص الدم بس انشالله مع الأدويه والأكل بتصيرين زينه
قلت لها : انشالله

عمتي صلت وراحت الكافتيريا

تميت روحي قعدت اطالع برا من الدريشه .. شفت العالم رايحه راده .. هاييل العالم أبد ما يسكنون مكان واحد ، صدق لو ما سعينا ما بنقدر نعيش .. يا ترا همومهم شرات همومي ولا أهون .. منو قال يمكن أخس عن همومي كل اللي فـ هالدنيا عندهم هموم ..وبعدين اللي يشوف مصيبة غيره تهون عليه مصيبته .. بس أنا ما أشوف أحد متعذب فـ حياته كثري محد ..

انـا لـي مـن دنيـتـي كــل العـتـب يــوم انــا منـهـا تـعـذبـت وتـعـبـت..انا لي مكتوب مـن صغـري التعـب واعذروني لو في يـوم انـا انتحـرت ..

سمعت صوت باب الحجره اندق ثلاث وتبطل
لفيت : دخلي عموتي ..
طالعتهم : ييتو وأخيراً

رحت صوب مرت عمي وبستها ع راسها وباستني وسلمت على عمي
عمي : ارقدي ع السرير شاللي مقومنج ..

قلت له : عمي مليت أبا أطلع المستشفى يلوع الجبد
عمي : هههه بتطلعين بس انتي كلي .. مستويه عصا
طالعته : هههه عمّي تراك يبتني المستشفى هههه
عمّي ضحك : لو انج متزجمه ولا حلجج يعورج جان ما يبتج ولا شريت لج دوا بعد ، بس مشكله فقر دم هاللي خوفني يستوي بج شي ههههه

طالعته : هههه فديتك أنا
مرت عمي يت سحبتني وودتني صوب السرير
مرت عمي : ارقدي يلا
قلت لها : مليت من الرقاد عمو
مرت عمي : ما شي يلا اقعدي

طالعتها ابتسمت وقعدت ع السرير : لو أدري جذا تخافون عليه جان من زمان مطيحه روحي
مرت عمي : أعوذ بالله من الشيطان الرجيم ، شو هالكلام بنتي .. ادعي الله يشفيج

عمّي : شكلها ما تدري بغلاتها الشيطانه امبونج كلّه تتغلين ما ندري طالعه ع منو ..
طالعته : يعني مو من حقي اتغلى ..؟
ابتسم لي : فديتج يعل ما خلا منج يا رب
طالعته : عمي بس بس ترا عمو مزنه بتغار الحينه هههه

مرت عمي : لا عاد أغار من بنيتيه ما تصير هذي
طالعتها : فديتج عموه ..
سمعت صوت من ورا الباب : ماشالله يتفدون بعد

........: الحقو علينا الحقو ..
دشو .. : السلام عليكم
قلت : وعليكم السلام والرحمه .. هلا توما نور مستشفانا ..
جواهر : أكيد ترا هذا نوري أنا
عمي : لا هذا نور نواري فديتها

ميثا تنافخ : أنا قلت لكم ما بيي ، كلّه تقعد تتغلى المريضه هاي
قلت لها : الباب يوسع جمل لو هب عايبنج فارجي
ميثا : أوكي خلاص باي

حكرتها أوني وسوتها صدق وتبا تطلع
عليا والجوهره يو صوبي وسلمو ..علي وجواهر بعد

قلت : زين ييتو كنت ملانه
جواهر : أنا اللي يبتهم محد كان يبا ييي أصلاً
عليا : أمحق خرط والله

عموتي دشّت : هلا والله هلا
سلمت عليهم كلهم .. وطالعت صوبنا نحن البنات
عمتي : بلاها ميثاني طالعه تنافخ
جواهر : ما سألتيها
عمتي : امبلى ، قالت روحي خل ينفعونج نونه وجوجو

جواهر : حشا خريطه أنا ما سويت بها شي أصلاً
عمتي : تعرفون عاد ميثاني لازم تزيد ملح وبهارات ما ترتاح جذا الهنديه
كلنا ضحكنا على تعليق عموتي عن بنتها ..

عمي ومرت عمي وعمتي تمو يسولفون وعمو تكلمهم عنّي كنت أسمعها حرف حرف والدكتور شو قال .. بالفعل عندي فقر دم بس مو حاد الحمدلله لحقو عليه
سولفت مع البنات وعلايه ترمس عن خالد

قلت : صرعتينا تراج
علايه : سيرو لاه ها خلودي سيرته تفتح النفس اصلاً
جواهر : وايد وايد وع مالت عليج وعليه

علايه : ما تستاهلون اصلا انتو اكلمكم عنّه انتو ويه الحين حد يرمسكم ..
قلت لها : نشوف باجر جوجو بتصرعنا بعد عن ..........
قاطعتني جواهر : عن حبيب القلب الفارس المجهول فديته بعده ما يا

فهمت عليها : هذي بعدها ما تعرفه تمدحه عاد يوم تاخذه شو بتسوو الله يعينا ..

سمعنا صوت الباب ينفتح بسرعه رفعت شيلتي منو يفتح الباب جذا ..
طالعنا صوب الباب شفت ميثوه ويهها أحمر يحليلها أكيد معصبه وخذت فـ خاطرها من رمستي

عسب جذا فتحت الباب بدفاشه علني ما خلا منها ..
ميثا مستحيه ولأول مره فالتاريخ .. هي ميثا مستحيه محد يصدق هع ميثوه تستحي ..
ميثا : بنات تغطن .. عمي ولدك ياسر ياي
عمي : حياه خل يقرب

ميثا راحت صوب الباب جنها قالت له يدخل ودشت يت بسرعه مشغله نايتروس صوبنا ..
وهاجذا السالفه هع تستحي البنيه من يسور أونها صارت حرمه مصدقه روحها ..

ياسر دش : السلام عليكم
كلنا : وعليكم السلام
ياسر : اشحالج نوره انشالله بخير
قلت له : بخير ..

ياسر : اشحالج عمو ..؟
عمتي : بخير ولدي انت شخبارك ..؟
ياسر : بخير
عمتي : وينهم الباجي محد ياه

ياسر : يوسف مع الشغل تدرين عاد تراكم عليه .. وحمد عنده زام بس يمكن بيي .. وفهد شكله بيي عقب شوي ..
عمتي : هي زين اتصلت بهم محد يرد
قلت لـ عمتي : عمتي اللي ما يبا ييي برايه ..
عمتي طالعتني بمعنى اسكتي شو هالرمسه ..

ياسر : هههه نورو دمج ناقص شكله مأثر فـ عقلج

طالعتهم باستغراب محد عطاني اجابه ..
جواهر : تراج طايحه الصبح اليوم هب أمس بليل وكلهم كانو فالدوام محد يدري
طالعتها باستغراب : ارمسي لين باجر ما بفهم تراني
ياسر : أنا أقول عقلها صابه شي من الدوخه

طالعته ابتسم لي رديت له الابتسامه .. عيال عمي وايد طيبين وياي وايد يعاملوني كأخت ..و
أكثر .. خاصتاً ياسر وجواهر وميثاني وفهد .. الجوهره ما تدري عن جواهر كيف اباها تدري عنّي أنا .. أما عليا مشغوله بالزهبه ..وحمد ما اعرف عنه ما يحتك فينا وايد ويوسف طول يومه برا نادر ما نشوفه الا وقت الأكل أو بليل لما أنا وجواهر نمر من الصاله ..

ياسر : ها هذا فهد وصل
رد ياسر عالتلفون ورمّس فهد وقال أنا فـ حجره رقم ...
ثواني الا وفهد دش وحمد معاه بعد ..

الاثنين : السلام عليكم ..
كلنا : وعليكم السلام ..
حمد : اشحالج نوره .. انشالله أحسن ..؟
قلت له : بخير ربي يعافيك ..

فهد : اشحالج نواااري ..؟ ( وابتسم وطالع جواهر )
قلت له : بخير الحمدلله ..
وسلمو ع الباجين وقعدو شوي وسولفو
عمتي : حمد انت ما عندك زام اليوم ..
حمد : خلاص قبل شوي خلصت ..
قلت لعموتي : عموه لو تبين تردين البيت ترا عادي أتم روحي أنا فـ مستشفى مكان أمان ..
عموتي جنها تخرعت : لالا شو تمين روحج وعندج اهل ، بعدين انتي أمانه ..

ميثاني : عادي عادي خليها عندج عسب نسرح ونمرح فالبيت ههههه

كالعاده ميثا سكتت من بعد نظرات حمد مسوي لها رعب هالانسان دوم الأخو العود جذا .. الحمدلله .. عموري وعدول أصغر عني أنا اللي اسكتهم هههه
ع عمور وعدول

قلت : عمي وين عمور وعدول ..؟
عمي : فالبيت مع علاوي عمور بغا ييي يشوفج .. عقب قال بيتم مع أخوه ..
فديتك عموري فديتك من الحين تفكيرك كبير ماشالله عليك والله نسخه من باباتيه ..

سولفو كلهم وبعد نص ساعه الشباب روحو وتمينا نحن البنات لأنه عمي راح صوب الدكتور ..
عموتي ومرت عمي قعدو يسولفون رواحهم ..

ميثاني : ماشالله حتى خواني فـ صفج ابا اعرف انتي مغناطيس ولا فيج جاذبيه ..
قلت لها : أنا شيختهم نواري ..
جواهر : يـــــا حــــــــــــــــــافظ ..

قلت لميثاني : تعالي تعالي ،، شو استوا بج ..؟
ميثا : ههههه كنت قاعده ارمّس ربيعتي فالتلفون اهني جدام الباب ، وكنت اسولف لها عنج ..

جان يسور ييي وشافني واقفه سألني شو تسوين ..؟ قلت له ارمس ربيعتي .. سألتي ليش طلعت
من داخل .......يــــــــاي يغار عليه ..
قلت : انزين كملي كملي ..

ميثا : جان أقول كلهم يمدحون نواري واغار أنا هع ..قال بمزح : لهالدرجه .. عاد يوم
يمدحوني أكيد بتغارين أكثر .. قلت له بسرعه وبالغلط : لالا منو يقول أغار عنك .. هع

وجان يطالعني مستغرب .. واستحيت وقلت : تراك ولد وأنا بنيه البنات بس يغارون من
البنات هع ..... وعقب قال سوي لي درب ..

قلت لها : ترقيعه شرات ويهج ههههه
ميثاني : شو دراني دمي تلخبط فـ جسمي ..
قلت لها : هههه فاشله فـ الأمثال ..

ميثاني : وانتي بعد هب أحسن عني .. كلنا فاالهوا سوا ياماما
قلت لها : بس ع الأقل ما اقول امثال دامني ما اعرف

ميثاني : نورو صخي عني لو انج هب مريضه جان دست فـ بطنج ..
قلت لها : خوفتيني وايد
عموتي : صخي انتي وياها .. وانتي حتى يوم ان البنيه مريضه تتضاربين وياها ..
قلت : يؤيؤيؤ قفطه ..

عموتي : وانتي بعد لا تضحكين تراج تتراددين يوم انج مريضه ولا فلعتج وياها ..
ميثا : هع هع قفطه ..
عموتي : شكلكن ما بتوبن عن سوالفكن ..

صخينا أنا وميثاني وطالعنا بعض ابتسمنا .. هههه
عقب ثواني ..
مرت عمي : يلا بنات نشو بنروح البيت
عموتي : وصلو بناتي وياكم ..
قلت : لالا خلو البنات عندي ملل

عموتي : بس زين ،، انتي مريضه والازعاج هب اوكي حقج ..
قلت لها : ويا ذا المرض متى ناوي يتركنا بحالنا زهقنا والله
مرت عمي طالعتني : يوم انج تسمعين الكلام ..

قلت : لو تخلصنا من المرض ييي دور النصايح ويوم نخلص من النصايح مادري شو ييي ..؟
ميثا : هههه استحملي
طالعت ميثا : بلاها البنيه صاخه ..
ميثا : ما تدرين يعني .. وغمزت لي
قلت لها : هههه .. والله وناسه يوم انكم ييتو هب الملل اللي كنت عايشتنه
ميثا : اسمحي لي عاد طفرت بج

قلت لها : عادي والله اصلاً مافي حد فـ الدنيا ما عرف اسلوبج
ميثا : أكيد .. أنا فيمس بيبل ..
قلت لها : وايد .. وأشرت على جواهر .. شلّي هاي قبل ما افرها من الدريشه ..
ميثا : هههه يلا مع السلامه

سلمت ع البنات وطلعن كلهن .. تمينا أنا وعموتي رواحنا ..

ردت لي الأفكار .. لهـ الدرجه أنا رخيصه يا يوسف عشان الشغل حتى ما كلفت ع روحك تزورني .. ما قلت عندي بنت عم بين الحيا والموت اروح ازورها .. ها الزمن يوم ابوي عايش

حاط لنا حساب والحين ابوي راح خلاص حتى الود راح معاه .. كل البشر جذا ..

هذا حالي لما اقعد روحي ترد لي هواجيس الذكرى .. أكره الوحده أكرههاا لو بيدي جان أموتها
أجلعها من حياتي ... مابي اكون وحيده مابي .. تعبت يا ربييه تعبت .. لي متى بتم وحيده ..
وحيده بـ حياتي .. وحيده بـ عيِشتي .. وحيده بــ همومي .. وحيده بـ دنيتي .. محدٍ بـهالكون

ناوي يشاركني في شي من هـ الأشيا محد شكلي .. طول عمري بتم جذا آآآآه
أذن المغرب صليت وعموتي صلت .. يابو العشا ما كان لي خاطر كليت غصب عشان ما اطيح
أكثر عن جذا .. لأنه خواني بيتعبون بعد معايه .. وهم محتاجيني الحين ..

عموتي : نواري خذي الدوا
مدت لي الدوا و خذيت الحبوب اش كثر حبوب يا ربييييه .. والله حاله هالحبوب ..
حطيت روحي عالوساده .. آه ه ه اش كثر مريحه .. ياليت لو بالنا مرتاح بعد ,, جان نمت نومه
ع الأقل هنييه .. مب دموع وألم الين ما تبتل الوساده ..

هذي أنا باختصار من بعد وفاة ابويه الله يرحمه آه با ربيييه ساعدني ..
حطيت راسي على أمل أرقد شوي سمعت صوت الباب يندق

غريبه منو ..؟ ........طالعت صوب الساعه ... الساعه سبع ماشي زيارة الحين منو ..؟
عمتي قامت عسب تروح تشوف منو ..؟

عموتي يت مره ثانيه صوبي : نواري البسي شيلتج ""يوســـــــــــــــــــــــــــــــــــــــــــــ ــ ـــــــــــــــــــف""

الحلقه التاسعه ..


استانست عن خااااااااطر لبست الشيله بسرعه .. يا ربيييه يوسف ياي يزورني .. يوسف لأ ما
أصدق .. والله اني ظلمته بـ تفكيري ..

قطع علي تفكيري : الحمدلله ع السلامه ..
رفعت راسي : الله يسلمك ..
يوسف : اشحالج نوره ..؟
قلت له : بخير الحمدلله ..

عمتي : حياك يوسف .. اقعد
يوسف : لا عمتيه تسلمين .. بس ياي أشوف أوراق المستشفى واتطمن على نوره ..
عمتي : اقعد انزين ما يصير تروح بسرعه

يوسف : لا عمتي .. بروح أن وراي شغل وأوراق ..
عمتي : العمر يخلص والشغل ما يخلص ..
يوسف : صدقج .. يلا عاد تقومين بالسلامه نوره ..
قلت له : تسلم ..

يوسف : صح نوره جهزي روحج باجر الصبح بيظهرونج
قلت له : انشالله
يوسف : يلا فـمان الله ..
قلنا أنا وعموتي : فـمان الكريم ..

وراااح .. ليش يا يوسف ...؟ ليش تسو جذا فيني حرام عليك والله اني بشر مثلي مثلك أحس و
أصيح .. وأقدر أقسى بعد لأني بشر ..

حتى ما كلفت روحك تقول ياي أزورج .. على طول في أوراق لازم أخلصها .. طول عمرك
أناني همك شغلك وبس .. أما انا لأ ما تفكر فيني .. أكيد .. شو تبا في وحده منتفه ما عندها شي
ع الأقل شغلك منه فايده .. تكسب من وراه أما أنا لأ بزيد بلاك ..

بس كثّر الله خيرك يا يوسف ع الزياره .. حتى ولو هي مو لي أنا .. لـ اجراءات المشفى .. بس
مرورك وربي .. يعني لي الكثير .. عاد لو يلست شو كان بيعني لي ..

عقب تفكير شفت عموتي تقرا قرآن ابتسمت لها ,, وحطيت راسي على أمل تشرق شمس يديده
بـ حياتي .. يمكن تهون مصايبي .. وأنسى همومي ..
....

صحيت على صوت الممرضه وهي تسحب ابره المغذي اللي بالوريد ..
نزلت دموعي .. تذكرت يوم وفاة أبوي .. الغالي .. كيف كان يوم مؤلم ومحزن ,, يوم انّي
فقدت ظهري وعزوتي وسندي بـ هالدنيا ..

طالعت برا بالفعل شمس يديده يوم يديد يعل كل شي اليوم يكون سعيد .. يا رب هون علي مصايبي .. ما عدت أستحمل خلاص ..

شفت عمتي يت صوبي : ها تعورتي
قلت لها : لأ بالعكس ما تعورت شكلي تعودت ع المغذي الفتره الأخيره
عمتي : كلي عدل ، وبتنسين شكل هالمغذي

قلت لها : عمو متى بيظهروني
عموتي : الساعه 11 الضحى
قالت لي : يلا الحين بيبون الريوق تريقي ..

تريقت وتميت عقب واقفه صوب الدريشه أطالع برا .. كيف الناس رايحه راده .. الحياه ما
توقف عند شي واحد .. الحياه بـ تستمر وتستمر لازم أنسى لازم .. أعيش حياتي .. أبوي ما جد
يوم بين لنا حزنه .. لازم انتحل شخصية ابوي الحين .. خلاص لازم اكون قويه بـ هالدنيا
الضعيف ما يقدر يعيش .. .. ..

سرحت بـ أفكاري .. وسمعت صوت عموتي يوم تقول نواري تعالي نطلع
استانست .. مشينا فالممر مشينا ومشينا .. طالعت صوب الحجر

كل هالحجر فيها مرضى .. يمكن حالتهم أخس عن حالتي .. وحياتهم أردى عن حياتي ..
الله يشفي الجميع .. محد يحس بالثاني الا يوم مصيبته تكون شرات مصيبة الثاني ..

مرينا ومرينا بين هالممرات وياسر كان يدامنا ومعاه الأغراض ..

عمتي : نواري سيري السياره الحين بيي بس باخذ ورقة الدوا عن الدكتور ..
قلت لها : لأ بتم وياج
عمتي ما عارضتني وتميت وياها

كنّا واقفين نتريا النيرس تيي صوبنا وتدخلنا صوب الدكتور ..
تعبت من الوقفه كان فيه يلسه قريبه رحت قعدت وتميت سرحانه بـ عالمي ما أدري شاللي
يصير حولي ..


بس سمعت صوت خلاني أصحى ..
............: نوره ..
يا ربييييييييه اش كثر مشتاقه لـ هالصوت اش كثر يعني لي هـ الصوت ..
صديت يميني ابتسمت : هي نوره .. ما غيرها


............: شخبارج حبيبتي شو مسويه ..؟
قلت لها : انتي أدرى بالحال ..
طالعتني بحزن : أحسن الله عزاج
قلت لها : الدوام لله ..


قلت لها : انتي شخبارج سولفي لي عنج .. من زمان عنج شواخ حتى ما تدقين
شيخه : أدق على بيتكم محد يرد
قلت لها : خلاص يينا دبي
شيخه : هاااه .. ودرتو الشارجه خلاص ..

قلت لها : منو عندنا فيها عسب نتم ,, خلاص ابوي وراح ..
شيخه : خلي ايمانج بربج قوي وربي بيعوضج
طالعتها : انشالله ... ها شاللي يايبنج المشفى عسى ما شر ..؟

شيخه : حرمة أخوي ربّت
قلت لها : مبروووك حبيبتي .. هذا حال الدنيا يوميا تموت ارواح وتيي ارواح ..
شيخه : صدقج ،، شاللي يايبنج انتي ..؟

قلت لها : هه صار لي فتره يرقدوني دوم .. عندي فقر دم
شيخه : هاه أويـــــــــه صاحيه انتي ..
قلت لها : شو تبيني اسوي شيخه انتي أكثر وحده تعرفين ابوي شو كان يعني لي ..

شيخه : نوره انتي ايمانج قوي لا تستوين جيه .. وبعدين المدارس الأسبوع الياي لازم ترتاحين
وتصيرين أوكي
قلت لها : هذا اذا كملت ..

شيخه : نوره انتي مو نوره اللي أعرفها
قلت لها : يصير خير .. أباج تسلمين ع البنات وايد واستسمحي لي منهن اذا بدر مني اي خطا

شيخه : انشالله بس انتي ردي نوار الأوليه وكل شي تبينه بيصير
قلت لها : انشالله
يودت كفها وقلت : يلا شواخ مع السلامه جنها عموتي طلعت من عند الدكتور ،، ديري بالج
ع روحج

قالت لي : انشالله وانتي بعد .. لا تنسيني نورو .. اتصلي بي عسب اعرف رقمج
طالعتها . اوكي

ورحت صوب عمتي لفيت شفت شيخه ابتسمت لها ..
ورحنا أنا وعموتي السياره

عمتي : نوره هاي شيخه
قلت لها : هي ، كيف عرفتيها ..؟
عموتي : أحيدها تيي بيتكم كانت
قلت لها : هي دوم

عموتي : شكلها بنت حلال وطيبه
قلت لها : وايد ،، بس دوم الزمن ياخذ عنّا الطيبين .. لازم ما نتعلق بهم

عموتي : نورو صخي عني روحه راسي يعورني من رقاد المستشفى
قلت لها : قلت لج ردي البيت
عموتي : كنت برد بس انتي ما تهونين عليه ..

قلت لها : هههه لهـ الدرجه غاليه أنا ..
عموتي : يسور شغل قرآن خل هاي تصخ عني ..
وصلنا البيت نزلت

سلمو عليه البنات شفت عموري ورحت روحي صوبه سلمت عليه
عموري : الحمدلله ع السلامه
قلت له : ربي يسلمك
عموري : أنا زعلان منج
قلت له : له له جيه حبيبي ..؟
عموري : دوم تخوفينا عليج

قلت له : هههه فديتك أنا .. بس ها من قلة الأكل تراااه والله عشانك ،، لو تباني أكل أكل بيت عمي كله باكله

عموري ابتسم أشر لي وراي ،، صديت .. شفت عدول واقف ويمبه علاوي
عدول : نواري ......... وياه ركض وحضنني

قلت له : فديتك أنا هههه
عدول : نواري .. انتي مب شاطره عمو تقول ما كليتي ودوج المستشفى عطوج ابره

قلت له : هي انت كل عسب ما يعطونك ابره أوكي
عدول : انزين ,, أصلاً أنا ما أحب الابره تعورني

كلنا ضحكنا على تعليقه
البنات كانو قاعدات يسولفن .. عموتي قعدت يمبهن ،، يت مرت عمي صوبنا ..

مرت عمي : نواري سيري اسبحي وارتاحي الين الغدا يجهز
قلت لها : انشالله عمو
قلت : عن اذنكم بنات

ميثاني : أكيد اذني وياي لو تشلينه كيف بسمعج هاااه خبريني ..؟
طالعتها : هههه تراني توني طالعه من المستشفى ارأفي بـ حالي

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,

رحت الحجره تسبحت وتجهزت وكشخت شوي لأنه يغير النفسيه ,, طالعت ايدي فيه عليه
علامة المغذي .. حاولت أمسحه لما مسحته خلاص ..

وصليت الظهر .. بغيت أحط راسي ارتاح .. سمعت صوت جواهر تزقرتي عسب نتغدا
قلت اذا ما بتغدا بحصل على محاضره طويله عريضه .. انجو بروحي أحسن لي أروح أتغدا ..

طلعت شفت ميثاني وجواهر وعلايه والجوهره يحطون الغدا ... رحت عسب اساعدهن ...
جواهر يت سحبتني وقعدتني .. : ما شي ماشي .. يلا مناك

ميثا : هي مريضه وتشتغل ، تباهم يذبحونا ويقولون شغلتوها بعد
طالعتهن : هههه خلاص بقعد انزين كليتوني بقشوري ..

قعدت وتغدينا كنت أكل غصب عني حسيت روحي مب مشتهيه هاك الزود ..
عقب الغدا ..

عموتي : ميثا سيري يي جيسة الدوا
ميثا : انشالله
عموتي : وانتي جواهر سيري ييبي ماي
جواهر : انشالله

عموتي : وانتي ...
علايه : لا لا ما بتحرك ..

ميثا : هي محد يتحرك شكلنا بنصير خدم عند الآنسه نوره

طالعتهن وتميت أضحك على عبط ميثوه .. يابو لي الدوا و خذيته حسيت روحي هلكت
قلت : بسير برقد انهد حيلي

جواهر : ماشالله ما شالت صحن ، ما ادري من شو انهد حيلها ..
قلت لها : يوم اصير اوكي تعالو راددوني بنشوف عقب

عموتي : زين تسوين فيهن يا بنت خليفه

بنت خليفه ما تدري عمتي اش كثر أثرت فيني هالكلمه اثرت بي وايد وايد آه يا عموه أه فتحتي
لي جروح كدت أنساها لمدة ثواني لا أكثر ..

بس شكلي حتى ثواني ما بنساها ..
طالعتهن : رايحه ارقد ..
الكل : نوم العوافي ...

رحت حطيت راسي ع المخده ما بين ارتياح وألم ، ما بين فرح وهم ،،، مدري هذي ايام حلوه
بـ حياتي ولا سيئة .. طول عمري لما اقول هذي آخر همومي تبتدي بي هموم غيرها وأكبر عن
اللي قبلها ..

00000000000000000000000

جواهر : نورو بسج رقاد قومي بيأذن المغرب
قلت بتكاسل : جواهر خليني راقده
جواهر : نوره قومي يلا عن الدلع

رفعت راسي طالعت الساعه تخرعت : أويه طافتني صلاة العصر
وقمت بسرعه رحت تغسلت وصليت العصر عقب طلعت مع جواهر برا ...

قعدنا نسولف الكل يبا ينسيني همي .. وغمي والكروب ,, بس ما يدرون ان ها مستحيل ..

مر الوقت بسرعه عقب العشا خذيت الدوا ورحت أرقد .. لأنه الدوا يرقدني بسرعه ..
رقدت .. بس حسيت في شي يطعني .. يبي يذبحني .. حسيت نفسي بيوقف ..

قمت وتميت .. اهز جواهر
قلت . جواهر جواهر قومي
جواهر ما سمعتني فالبدايه بس لما حست فزعت : نواري شو فيج

قلت لها : جواهر قلبي يعورني وايد
جواهر طلعت بسرعه بغيت أقوم بس كثر ما أحاول ما اقدر .. في شي مانعني ..
دخلت مرت عمي وعمي بعد

عمي ياه صوبي : نواري فيج شي ..؟
قلت له وأنا أصيح : عمي قلبي يعورني
مرت عمي : جواهر بسرعه ييبي الدوا الأصفر وماي

قلت وأنا أصيح : أبا ابوي ييبو لي ابوي ابا ابوي

حسيت روحي دايخه ما اعرف شو يصير حولي عمي ناولني حبة الدوا وخذيتها حسيت روحي
غبت لدنيا ثانيه لحظات وارتحت وحطيت راسي .....

قمت الصبح وأنا متكاسله رحت تسبحت ونزلت اتريق شفتهم كلهم قاعدين اليوم يوم الجمعه .. صح !! شو اللي خلاني أنسى

قلت : السلام عليكم
الكل : وعليكم السلام

شفت حواليني شفت الساعه ..........لأا أنا لـ هالحزة راقده شو صابني
قلت : عموتي مزنه جيه ما وعيتيني ..؟

عموتي : تراج امس بليل تعبتي وايد تميتي ساعتين وشي ناشه ..
قلت لها : أحيد انّي تعبت بس هب ساعتين وشي

جواهر : تعالي تعالي تغدي
رحت وقعدت يمبها عالسفره

جواهر : ما خليتيني ارقد حشا
قلت لها : صدق ساعتين وشي ..
جواهر : حتى ماما تمت راقده عندنا .. تقرا عليج

استغربت وتميت اكل ..
يوسف : ترا ها طبيعي من فقر الدم ونقص التغذيه

طالعت صوبه ورديت اكل .. شو السالفه لـ هالدرجه فقر الدم متعبني ..
عقب الغدا كلنا قعدنا فالصاله حتى أولاد عمس ياسر طلع بس يوسف تم ..قاعد ..

عمّي : نوره تراني نقلت أوراقج ..
طالعته باستفسار : مال ...؟
عمي : المدرسه
قلت : ما بكمل

عمي : نوره شو هذا في حد ما يكمل دراسه
طالعته : أنا ، فيها شي
عمي : نوره اعقلي وبلاها هالحركات

قلت : عمي دراسه ما بكمل قلت لكم .. خلاص
يوسف : ممكن أعرف شو بتستفيدين من قعدة البيت غير الصداع والتفكير .. وحالتج النفسيه
بــ تتعب أكثر وأكثر ..

قلت له : كيفي أحب القعده فـ البيت
عمي : نوره لازم تكملين دراسه ، باجر عمور وعدول يطالعونج ويمكن يحايدونج ويسوون نفسج
قلت : بشوف

يوسف : نوره تدرسين يعني تدرسين
قلت : قلت لكم بشوف

عمي : نوره واذا أنا طلبتج يلا عشان خاطري .. وبعدين الا هم كم شهر وبتخلصين واذا تبين
تكملين جامعه برايج بس المدرسه لازم تكملين

قلت له : خلاص بكمل بس أي مدرسه
عمي : مدرسه حكوميه .. اهني صوبنا
قلت له : يعني ما برد الشارجه ..؟

عمي : شو تبين فـ الشارجه ما عندج حد اهناك ..
جواهر : بابا نواري بتيي مدرستنا أنا وجوجو وميثاني

عمي : لأ ، العدد عندكم مكتمل نقلتها مدرسه ثانيه ..
قلت له : عمي أبا مدرسه خاصه

عمي : والله بغيت أدرسج فـ مدرسه خاصه بس يوسف مب راضي
قلت له : بس بابا كان راضي جيه يعني يوسف هب راضي

عمي : يصير خير الا هم كم من شهر
اكتفيت بالسكوت .. يالله ها حال الدنيا لين وين وصلنا .. وين كنا ووين صرنا .. صدق الدنيا

دواره وغداره بس نحن ما اخطينا ليش الزمن جاسي علينا ..
جواهر : عاد منو بيودينا اليوم السوق نشتري أغراص المدرسه
يوسف : أنا مشغول شوفو ياسر

جواهر : أوكي .... نواري بتيين ويانا
قلت لها : لأ تعبانه وايد
يوسف : خلاص باجر سيرو كلكم رباعه

يوم أهمه ويوم ما أهمه .. كيف جذا كيف يعني لازم يقر على شي واحد مابا أعيش مابين نارين
قلت : لأ انا ما بسير

يوسف قبل ما يطلع قال : نوره ترا الحياه ما توقف عند شي واحد .. وطلع
استغربت من كلامه

مرت عمّي : نواري اهتمي فـ روحج انتي وايد مهمله روحج .. انسي بسج خلاص حرام اللي تسوينه فـ روحج

طالعتها .. بالفعل بسني عذاب بسني الم وقهر .. دموعي جفت من كثر الصياح والتحسر ..
لازم أعيش حياتي بسني هموم و مواجع .. ليش الانسان كم بيعيش ..؟ في هالدنيا ،،

يوم الجمعه العصر قعدنا كلنا فالحوي أنا وجوجو والجوهره ومرت عمي وعموتي يت وبناتها وياها كان الجو وايد حلو ..

قعدنا نسولف حسيت الوقت راح بسرعه بسرعه .. أذن المغرب دشينا داخل صلينا عقب نحن البنات رحنا صوب واحد وقعدنا نسولف وعلايه راحت الحجره ترمس حبيب القلب هههه..

أما الجوهره راحت صوب حجرتها وقعدت روحها

ميثاني : بنات اليوم رحت شريت أغراض المدرسه
جواهر : ونحن بنروح باجر
ميثا : نواري ها شو صار حق المدرسه ..؟

قلت لها : نقلت دبي
ميثا بفرح : صدق ،، وأخيرا بتيين ويانا
قلت لها : لا تفرحين وايد ترا هب مدرستكم ,, مدرسه ثانيه

ميثا : اووووه شيت ..
قلت لها : تعالو تعالو نسيت أسألكن هاك اليوم أنا كيف طحت ووديتوني المستشفى

جواهر : الله يسلمج بليل أول ما ييت الحجره شفتج راقده وحمره .. حرارتج كانت مرتفعه عقب
يوم حطيت لج كمادات ما خفت الحراره جان أوعيج .. قمتي بس كنتي تهذرين وايد حتى مااما
خافت وقالت حق بابا ووديناج المستشفى ..

قلت لها : شو كنت أهذر
جواهر : يعني بلا عن شو بتسولفين هالفتره انتي
قلت لها : خلاص خلاص عرفت

ميثا : بس الفير خبرونا في بيتنا
جواهر : هي ترا الفير وديناها ..

قلت : بندو ع السالفه تراها تلوع بـ جبدي
جواهر : بنات تقرون روايات هـ الفتره
ميثا : قطعو عنّا النت وحمد ما طاع يدفع الفاتوره عقاب

جواهر : جيه كم شهر مب دافعين
ميثا : طول الأشهر اللي طافت لأنه حمد يتريا متى يقطعونه
قلت : الله يعينكم انتو ياللي عندكم خوان كبار ههه

ميثا وجواهر : صدقج هههه
جواهر : انزين بـ حمل لج روايات على ملف وورد
قلت : هي حملي لها من محمل الروايات مال نور الامارات
جواهر : هي أي روايه تبين برمس يتيمة زايد وتسوي لج اياها على ملف وورد

ميثا : أوكي عقب بنشوف
جواهر : وانتي نواري ما بتقرين

قلت لها : لا لا صار لي فتره قطعت قاعده اسوي شي ثاني
جواهر : الله يستر ، حاسبي ترا يوسف يعرف يطلع الي نسويه من امعاء الكمبيوتر

ميثا : ههههه حلوه أمعا هاي
جواهر وأنا : ههههه
قلت : لا تخافين شريفه وربي ما أسوي شي غلط ،وأنا قبل ما اخاف من اخوج أخاف من ربي

............: ونعم والله
صديت وأنا مستانسه لأنه وصل على هـ الجمله
......: هاي التربيه ولا بلاش
قلت له : فديتك أنا .. وانت بعد خاف من ربك قبل لا تخاف عني
عموري : أكيد ..

ميثا : تراك كبرت شوي لازم تستأذن قبل ما تدش صوبنا
قلت لها : حرام عليج أخوي بعده صغير لا تقولين جذا تخربين عقله

جواهر : هي هو الحين ما يركز عقب يوم تقول جذا يحاول يركز ..
قلت : بنات انا بسير برتاح شوي أحس روحي مدوخه

ميثا : سيري سيري عن تطيحين علينا عقب مب ناقصه خالي يطردني من بيته بعد
قلت لها : هههه يسويها عشان خاطر نواري

جواهر : مو بعيده يطرد بنته بعد
طنشت تعليقات جوجو ومي مي اللي في حياتها مستحيل تخلص ..
رحت ريحت الين حزة العشا عقب تعشيت وقعدت مع البنات ربع ساعه وييت رقدت لأنه
الحبوب تنعس وايد ..

صحيت على صوت جواهر : نواري نشي تريقي ترانا بنطلع ونتغدا برا ..
قلت لها : مابا أبا ارقد

جواهر سحيت عني البطانيه : نورو نشي يلا
قلت لها : أوكي أوكي
قمت تسبحت ولبست ع السريع ونزلت اتريق

شفت عمي وعمتي أم يوسف
قلت : صباح الخير
عمي وعمتي : صباح النور
عمي : ها شخبارج .. انشالله ما تعبتي أمس ..؟
قلت : لا الحمدلله بخير ..
عمي : يلا سيري تريقي شكلكم بتتطلعون
قلت : انشالله

رحت فتحت باب المطبخ شفت جواهر
قلت : جوجو صدق الحين بنطلع
جواهر : هي نتشرا حق المدرسه وبالمره نغير جو
قلت لها : صدقج احس روحي مختنقه كارهه حياتي

جواهر : يلا بسرعه تريقي بنطلع
قلت لها : اوكي تريقنا وعقب شلينا ريوقنا ورحنا نتلبس عسب بـ نظهر
جواهر : صدقج بتلبسين ها ..؟
قلت لها : هي شو فيها

جواهر : لا بس ، عباتج ساده مو حلو جذا
قلت لها بضيق : شو تبيني البس مطرزه وابوي ما صار له يمكن اكثر عن اسبوعين متوفي
جواهر بحزن : صدق ..

طلعنا من الحجره رحنا شفنا ياسر ويوسف قاعدين فـ الصاله مع عمي وحرمته ..
ياسر طالع صوبنا : الجوهره ما بتيي
جواهر : لأ ، قالت بـ تقعد ترتب كتبها وجذا
ياسر : انزين يلا
يوسف : جــواهر
جواهر : نعم
يوسف : غيري هالعباه
جواهر : ليييش ..؟
يوسف : قلت لج غيريها .. وبعدين شوها لابسه بنطلون تحت عباه مفتوحه .. سيري غيري العباه أو البدله ..

جواهر تنافخ : انزين
حرمة عمي : أنا جم مرة قلت لها ما تلبس بناطلين لو العباه مفتوحه .. تقول قميصي طويل
يوسف تم ساكت ويطالع تلفزيون اترييت جواهر راحت لبست تنوره وقميص بس ما غيرت العباه صدق غبيه هالبنيه الحين ما اعرف كيف بتتسوق مع التنوره مالها هههه

ياسر : يلا بنات ، يوسف مرهن عقب انزين
يوسف : أوكي خلاص انت وصلهن وخل وحده تتصل بي

ياسر : أوكي خلاص
طلعنا رحنا المركز نشتري اغراض المدرسه و خرابيط بنات
ياسر : جواهر نوره ، كملو رواحكن أنا الحين لازم اسير
جواهر : جيه يايبنا دام يتودرنا

ياسر : لازم اروح بوظبي الحين يلا وراي شغل .. أو ما تخلصون اتصلو بـ يوسف
جواهر : انزين ..
ياسر طالعني : نواري ديري بالج ترا أختي رقله عادي تسوو أي شي

طالعته : هههه لـ هالدرجه واثق فيني
ياسر : قلت يمكن أعقل عن جواهر وميثا

طالعت جواهر وجواهر طالعتني حسينا روحنا فهمنا بعض .. ياسر قال ميثا .. هي ميثا ..
لو ميثاني بـ تدري بتطير من الفرح ..
ياسر : يلا مع السلامه
جواهر : الله وياك
.....

جواهر : نورو نتصل بـ يوسف
قلت لها : لا يوم نخلّص

جواهر : لا بتصل به الحين خل ييي ويشوفونا هب مخلصين ويعصب
قلت لها : يا حبج لـ تطفير الخلق أعوذ بالله
جواهر : يلا ، تراني بدق

سحبت الفون عنها : هاتي هاتي ..
جواهر سحبته عني : قومي لاه ، بتصل به يعني بتصل به
قلت لها : هاتي الفون جواهر لو اتصلتي يا ويلج

جواهر سحبت الفون جان يطيح ع الأرض وصووت
غمضت عيوني وفتحتها : ها انكسر
جواهر : لا بعده .. الحمدلله كلّه منج
قلت لها : لا والله بس زين سلمتي ..

جواهر : كلّه منج ، بس بتصل يعني بتصل
طالعت حولي : جواهر يالفضيحه الناس كلهم يطالعونا

جواهر : يولون شو يعني ..
...........: منو اللي يولي ..؟
طالعنا صوبه انصدمنا حتى جواهر انصدمت ..
..........: غربلاتج حتى اهني تتضاربين

الحلقه العاشره ..


جواهر : هاي نورو هب أنا .. فهد ميثاني وياك
قال : مبين .. هي ميثا وعليا ..
قلت : فضحتنا جدام الناس ..
فهد : هههه من يومها فضيحه ، منو يايبنكن ..؟
جواهر : ياسر ، وراح بوظبي يقول عنده شغل ..
فهد : بتردون ويا منو ..؟

قلت : يوسف بيمرنا ..
قال : اتصلو به خل لا يمر أنا بوصلكن
قلت : أوكي بس نستأذن قبل

فهد : سيرو صوب محل لايف استايل ميثا وعليا اهناك
قلت : أوكي
ابتعدنا عن فهد ونحن بـ وجهتنا لصوب ميثا وعليا

قلت : تعالي جوجو ميثاني الحين مب شاريه أغراض المدرسه جيه يت اليوم
جواهر : ترا أمس قلنا لها بنيي اليوم أكيد عسب جذا يت
قلت : والله هالبنيه رقله على قولة ياسر هههه
جواهر : سأل عنها أونه ..

قلت : والله كل شي جايز هالزمن .. مو بعيده يرمسون بعض بعد
جواهر : هههه لالا .. ميثاني بس يدامنا قويه ولا هناك اخرطي
قلت لها : وين ها بعد .. ضيعنا شكلنا

جواهر : لازم ،، عاد من زود ما نيي المول عسب نحفظه هههه
قلت لها : هههه صدقج والله
جواهر : نوره نوره طالعي

قلت : وين ..؟
قالت : هناك ..
طالعت : أويه شو يايبنه ..؟
جواهر : تعالي نروح صوبه ..

،،،،،،

جواهر : هلا ..
.......: هلا ..

جواهر : يوسف شاللي يايبنك ..
يوسف : جيه ما تبيني أيي ..؟
جواهر : لأ قصدي منو خبرك خلصنا ..

يوسف : لو ياسر مب مخبرني جان رقدتي اهني بعد
جواهر : هي عادي أسويها تراني ..
يوسف : هههه يلا بـ نتغدا اهني

استغربت من يوسف اليوم وايد فري مع جواهر .. يوم متشدد ويوم أوبين شو السالفه .. والله
انسان غامض .. ما ينعرف لك يا يوسف ..

جواهر : يوسف يوسف ... ميثاني وعلايه اهني ازقرهم خل يتغدون ويانا
يوسف : على حسابج ..؟
جواهر : لأ لأا .......عاد خلاص بلاها العزيمه هههه
يوسف : شحيّه ..هههه ، يايين ويا منو
جواهر : فهد جنه يايبنهم ..
يوسف : آهاا

كنا قاعدين نمشي وأنا طول الوقت ساكته لا أطالع يميني ولا يساري بس دربي .. مب ناقصه
أكل هزبه هـ الانسان متقلب الأحوال ..

يوسف : نوره .. شريتي كل شي ..
استغربت يسألني أنا .. ؟ جان أقول : هي شريت كل شي
يوسف : وين أغراضكن ..؟
جواهر : عطيناها حق ياسر ..

يوسف : أنا أقول لو اني مب ياي جان رقدتي اهني
جواهر : هههه
ابتسمت طالعت يميني ..: هكو قوم ميثاني ..
يوسف : سيرو ازقروهن ..
رحنا أنا وجواهر صوب عليا وميثا ..

ميثا : وأخيرا ما بغيتو تييون
عليا : ريولي تكسرت من كثر ما اتريا
جواهر : يلا يلا يوسف عازمنا ع الغدا ..

ميثا : أنا بيي بس علايه لأ
قلت : ليييش علايه ..؟
عليا : خالد اهني بيطلعني وندور ..
جواهر جنها تحلم : حظهم اللي مالجين

قلت : كيف .. خوانج يخلونهم ..؟
ميثا : أمي .. مالجين راقده انتي .. وبعدين ما بيروحون بعيد اهني فالمول ..
قلت : آهاا .. صدق راح عن بالي انهم مالجين هههه

جواهر : عاد أنا من الصبح قاعده اباغم شو أقول ..
ميثا : خليها عيزت البنيه ..
قلت : ههههه مالت عليكن
جواهر : أميييه يلا نروح صوب يوسف عن يكنسل ويردنا البيت ونتغدا عيش
ميثا : هي مليت أبا شي جيه جاهز مليت من أكل البيت
قلت : يلا امشو بلا هذر

تقدمنا من يوسف بس كان قاعد يرمس مع واحد ..

قلت : بنات جنه فيه واحد نتم اهني ويوم يروح نتجدم
جواهر : هي عن يقطع راسي يوسف

وقفنا نشوف اللي رايحين واللي رادين عقب دقايق شفنا الولد راح
رحنا صوب يوسف

يوسف : ها اكتملت الشله ، وين عليا ..؟
ميثا : راحت ويا ريلها
يوسف : نوره ولد خالج سلّم عليج ..
طالعته باستغراب : الله يسلمه ...

يوسف : بلاج ..؟
قلت له : أول مره أعرف عندي أولاد خال ما جد شفتهم ..
يوسف : بتشوفينهم انشالله

قلت : ما با ما اتشرف .. في قرابتهم ..
يوسف : الله يهديج .. ها بنات شو بتتغدون

جواهر وعليا تمو يقولون ويقولون حشا بيفلسونه حليله .. تميت ساكته منو ولد خالي هذا وكيف يعرف يوسف .. اللي اعرفه أهل أبوي يكرهون أهل أمي وأهل أمي يكرهون أهل أبوي ..

رجنا قعدنا فـ صوب وتغدينا ... عقب الغدا يلسنا شوي ..
جواهر : شكرا أخوي الغالي ع الطلعه ..
يوسف : أدري لو مو هـ الطلعه جان بتحشين وراي حش ..

كلنا طالعنا بعض ابتسمنا .. على كلام يوسف عن جواهر ..
جواهر : الله يعيني باجر ع نشة الفير ..

ميثا : لا تلوعين جبدنا من الحين ، خلينا نستانس ..
قلت : هذا وانتو تعرفون البنات اللي بتشوفونهم باجر وجذا ، عاد أنا الله يعيني ..
يوسف : نوره ترا باجر بتصدعين من صوت جواهر وهي تصارخ لازم شي ضايع هههه

طالعته وضحكت على جواهر : لـ هالدرجه مهمله جوجو ..
جواهر : حشا سمعتي رايحه فيها مره مره ..

تمينا نسولف ، استغربت من اهتمام يوسف لي وكلامه معاي غريبه أبد ما سواها .. بس هو يوم جذا ويوم يجلب اميه وثمانين درجه .. الله يعيني ..
عقب تمشينا شوي ويوسف ردنا البيت ..

يوم رحنا حجرتنا أنا وجواهر
جواهر : تدرين نورو يوسف نادر ما يطلعنا ..
قلت لها : هي شكله جذا هب مال قوم طلعات
جواهر : دوم يطلع مع ربعه أما نحن نو وي

قلت لها بروح : أكيد ، لو طلع وياج بـ تفضحينه ..
جواهر : هههه حرام عليج عاد هب لـ هالدرجه ..

العصر رتبت كتبي .. لمّا يينا بيت عمي شليت معاي الأشيا الضروريه وبس ..
طالعت ع الكتاب .. هذا الكتاب قبل اسابيع بابا كان يسمعني .. آه يابوي آه فقدتك ..

شفت دموعي قاعده تطيح على صفحة الكتاب .. مسحت دموعي ..
أنا لازم أصير قويه وأنسى قبل كان عندي سند يدافع عني ويوقف معاي بس الحين لأ ..

لازم أنا اللي أواجه مشاكلي روحي .. وادافع عن خواني .. مالهم فالدنيا أحد غيري ..
مر اليوم عادي شرات الأيام اللي قبلها حسيته يوم في قمة الملل ..

ما أدري باجر لأي مدرسه بروح .. منو اللي فيها .. وكيف بناتها .. وشو تربيتهم ولا المعلمات
ما أعرف عنهن شي .. ، يا ترى هل بتأقلم مع البنات ولا لأ ,, بيحبوني وأحبهم ولا يكرهوني..

وينج يا شيخه ليتج وياي ليتج .. بس مستحيل نرد نكون مع بعض مستحيل خلاص هذا قدرنا و
افترقنا .. ع الأقل انتي فراقج هيين لأني أدري انج عايشه ع الأرض ويمكن يوم من الأيام بشوفج ونلتقي .. أما ابوي خلاص راح راح ماله رجعه ..
.......

صحيت على صوت أذان الفجر ..
يا ربييييه حلاته من صوت .. يوم الواحد ينش على اذان الفير ,, يقولون زقزقة العصافير بلا
عصافير بلا بطيخ ..

رحت تيددت وييت صليت وقريت لي جم من صفحه فالمصحف اللي اهداني اياه بابا ..
هذي الذكرى الوحيده اللي لا يمكن يستوي بها شي أو حتى تضيع ,,

كل شي يضيع يخترب ينكسر يروح عليه الدهر .. الا المصحف .. احلى هديه والله يا باباتي ..
لازم يوميا أقرا جزء كامل عشان أختمه كل شهر أنا وعدتك يالغالي ولا يمكن أخلف بوعدي ..

تجدمت من جواهر شفتها راقده ..
قلت : جواهر جواهر نشي صلي الفير
جواهر : هممم خليني راقده
قلت لها : وراج مدرسه حوووه نشي
جواهر : وع ع ع يالأرف .. بنش عقب ..

ودرتها محد يعرف لها غير عمتي مزنه .. رحت صوب الحمام وتسبحت طلعت .. وايد برد
شوي وأتثلج من البرد ..

رحت شغلت الدفايه .. وجففت شعري وأنا أجفف
جواهر : بندي هالأرف .. ورانا أرف وتبا تأرفنا بعد

ضحكت فـ خاطري المدرسه عند جوجو اسمها أرف مزبله خربطه كل مسميات العالم الوسخه
لــلمدرسه هههه والله جواهر قصه .. روحها

رحت صوب الكبت طلعت ملابسي لبست وتجهزت ولبست شيلتي بعد .. والبوت ..
تجهزت خلاص .. قلت اليوم اول يوم بروح المدرسه خل أحط لي جحال بس .. حطيت جحال عالخفيف ما يبين بعد يمكن وقلوز خفيف على لو شفايفي ..
وأنا أحط آخر لمساتي شفت جواهر نشت متخربطه وراحت تتسبح وتسوي بسرعه .. والله حاله
تجهزت ع الساعه ست وربع ونزلت ..

عمتي : ها نشيتي ..
قلت لها : هي
عمتي : أنا ييت الحجره الساعه ست الا ربع أوعيكن شفتج مب ع السرير جان أقول أكيد راحت تتسبح ..
قلت لها : هي نشيت مبجر ..

عمتي : تعالي تريقي ماما ..
رحت قعد ع الكرسي مالي خاطر اتريق تريقت غصب عشان اخذ الحبوب مال الدم ..

خلصت رحت قعدت فـ صوب
شفت عموري وعدول بعد قامو وعلاوي وكلهم جاهزين يو يتريقون
عموري ياه صوب مرت عمي وباس راسها .. كنا نسوي هالحركه لأبوي الله يرحمه ..

طالعته عيوني امتلت دموع .. بس تميت أعابل بطرف الشيله لما الباص ييي ..
قلت حق مرت عمي : عموه الباص بيمرني اليوم
عمتي : لا اليوم عمج بيوديج وعقب الرده الباص بييبج عسب يندل البيت
قلت لها : هي صح ..

عمتي : ديري بالج ع روحج عدل ..
قلت لها : انشالله
عمتي : عموري وعدول فـ نفس المدرسه مع علاوي

قلت لها : يلا زين ع الأقل تعرفون كيف الأساتذه اللي عندهم والأولاد
مرت عمي : هاي جواهر بعدها ما خلصت
قلت لها : لا يوم نزلت راحت تتسبح

مرت عمي : دوم مأخره الباص زين الجوهره وياها ولا جان الباص يوميا مودرنها ..
قلت لها : هههه جوجو دوم جذا متأخره فـ حياتها ما كانت اول وحده
عموري : الساعه سبع الا ربع عموه ها وقت الباص

عموتي : هي حبيبي سيرو اوقفو برا ..
عموري : عادل علاوي يلا
عادل : نوره متى الاجازه
طالعته : هههه سير حبيبي المدرسه الحين

مرت عمي : عموري دير بالك عليهم
عمر : انشالله
طلعو عموري وعادل
هالحزة عمي ياه عسب يتريق وجواهر والجوهره بعد

عمي : السلام عليكم
كلنا : وعليكم السلام
عمي : اش حالكم يا عيال ..؟
كلنا : بخير
عمي : ها نواري جاهزه ..
قلت له : هي ...

مرت عمي : ماشالله عليها أول وحده ناشه من صلاة الفير ..
عمي : بارك الله فيج بنتي ..
جواهر شلّت ريوقها ..: أنا بسير برا الباص بيوصل الحين ..

مرت عمي : دومها جذي متأخره هالبنيه ..
جواهر شلّت شنطتها بطريقه غجريه وراجت ركض صوب الباب : يلا مع السلامه
مرت عمي : الله وياكم ..

عمي كان قاعد يتريق : وين يوسف وياسر ..؟
مرت عمي : ياسر يقول ماعنده محاضرات اليوم وبعدين هم محاضراتهم العصريه هب الحين
عمي : هي صح غيرو السستم مالهم ويوسف وينه ..؟

مرت عمي : يقول أوعيه الساعه عشر بيروح بوظبي عنده شغل ..

عمي : هي رمسني أمس .. قولي له خل يمر على مكتب حميد الــ ......... ، لا تنسين

شدّت انتباهي هالجمله ، هذا خالي هي خالي شو اللي خلاهم يتذكرون بعض .. يمكن شغل ..
بس مستحيل عمامي يشتغلون مع خوالي .. ليش يا ربييه تذكرو بعض ومالقو يتذكرون بعض
الا الحين يوم ما صار عندي أحد يوم غديت وحيده بـ هالدنيا ..

قطع علي تفكيري صوت عمي : نوره يلا قمنا
نشيت رحت صوب عمي عسب نطلع ..
مرت عمي : تعالي نوره ,,
رحت صوبها وعطتني بيزات ..
قلت لها : ما يحتاي عمو ..
عمي : بنتي خذي ، خلاص الحين أنا ولي أمركم ومسؤول عنكم ..

سكت وقلت فـ خاطري متى أكبر ياربي متى ..؟ ما أحب أكون عال على غيري ..
طلعنا ورحت ركبت مع عمي السياره .. وصلنا صوب المدرسه .. شكلها الخارجي وايد حلو ..
مثل باقي المدارس الحكوميه ،، بس الناس اللي فيها مادري كيف يلا الله يستر

عمي : بنتي أوراقج خلاص جاهزه ,, وانتي مسجله يعني جنج طالبه من زمان عندهم ..
قلت له : مشكور عمي
عمي : يلا عاد ديري بالج ع روحج
قلت له : انشالله ، مع السلامه
عمي : مع السلامه

نزلت وقفت دخلت المدرسه .. فيها وايد بنات مثل مدرستي القبليه بس أكيد أخلاق كل وحده تختلف عن الثانيه محد مثل الثاني ..في الزين وفي الشين ..

دخلت حسيت الكل نظراته صوبي .. الكل يطالعني .. ما ادري لأني يديده ولا شكلي غريب ,,
الله يعلم ..
رحت صوب مجموعه بنات ..

قلت : السلام عليكم ..
قالو : وعليكم السلام
قلت : لو سمحتو وين صف ثاني عشر علمي ..
فيه وحده قالت : اهناك تطالعين وين هذيج الحجره
لفيت ويهي شفت حجرة الفراشات اهناك

طالعتها ما بغيت أرد قلت اروح عنهم بكرامتي أحسن رحت دورت الين حصلت الصف وشفت

الأسامي اللي عالورقه اسمي بينهم .. اسم ابوي بعد اسمي أأأه يالغالي ما تدري اش كثر اشتقت لك .. ومحتاجتنك وايد وايد .. حياتي من دونك عذااااب ..

دخلت الكلاس وقلت : السلام عليكم

فيه منهم ردو السلام ، ومجموعه تّمو يعلقون تعليقات تلوع الجبد .. خلتني أتقرف من روحي بعد .. الله يعيني دام بتم ويا هاييل ..

شفت مقعد فاضي رحت قعدت فـ صوب يت بنيه صوبي
البنيه : هلا والله منوره المدرسه
قلت لها : منوره بأهلها ..
البنيه : أنا وداد وانتي ..؟

قلت لها : نوره ..
وداد : عاشت الأسامي نواري
قلت لها : عاشت أيامج
وداد : انتي من دبي .. ولا اول مره تيين ..
قلت لها : لأ أنا من الشارجه بس خلاص نقلت دبي

وداد : يا هلا .. ع العموم تبين شي ولا شيات ترانا حاضرين
قلت لها : سلامتج الغاليه ..

طلعت وداد .. غريبه ما قعدت مع ولا بنيه من بنات الصف .. بس وايد طيبه مبين عليها صدق
الناس كل واحد وله طبعه ..

شفت مجموعه ثانيه طلعت روحها مبين عليهم هاديات وهب هاك الزود مع البنات ..
فيه وحده دشّت ومقبضها جنه برج العرب .. لا جنه برج دبي لأنه أطول شوي روعتني ..

البنيه : صباح الورد والكادي لأحلى بنات في بلادي ..
فيه وحده تمت تتمايل وراحت صوبها وتباوسو وتمو يسولفون وعقب البنات ازدادو حوالينها
الظاهر عندها شعبيه كبيره من البنات ، بس هاي مو شكل الواحد يرابعها ..

للـحظه وقفت وقالت : بنات أنا بيزي الحين تريوني ثواني
طلعت بالبلاك بيري مالها برا الصف ..

استغربت كبف ييبون تلفوناتهم المدرسه وهاي مرة وحده بلاك بيري ، أكيد يخشون التلفونات ..
دشّت طالعت البنات فيه وحده دشت عقبها وباستها على خدها والفاظهم كلها حياتي وبيبي ووايد
حسيت روحي بين مجموعة شباب قاعدين مع بنات ، ما حسيت اني قاعده مع بنات من جنسي ..
وقفت أم برج دبي هاذي وراحت صوب الصبوره ورسمت حرف الــ h
وقالت : يا حلوه شو اسمج ..؟
استغربت هاي تزقر منو ...

وطالعت صوبي وقالت : يا حلوه شسمج ..؟
قلت بدون نفس : نواري ..

ما ادري ليش طلعت مني نواري هل غيض من هالبنات وتصرفاتهم ولا شي ثاني
جان تكتب يمب الـ h حرف الـ n ...

وقالت بصوت الكل يسمعه : بنات ترا موزه بحّت خلاص الحين نواري أوكيك
استغربت شو تقصد بكلامها موزه ونواري ما فهمت عليها .. قلت ياساتر دام صبحنا ومن أول
يوم جذا عاد الأيام اليايه الله يعيننا ..

رن جرس الطابور والكل راح وقف رحت وياهن وقفت تميت أطالع البنات كل وحده لون وشكل .. وصفاتهن بعد مختلفه .. غير عن بنات مدرستي غير .. اشتقت لشواخ وسوالفها فديتها ..

دخلنا الفصل ودرسنا الحصص الأربع حسيت بالغربه بين هالبنات بس انشالله بتأقلم وياهن ..
ووايد ينكتون علي ويقولون بالتلميح وينج موزي تسمعين حمدان شو يقوول استغربت حمدان مره وحده منو ها حمدان وشو دخله صفنا ..؟

رن جرس البريك طلعنا كلنا رحت قعدت فـ صوب روحي يت صوبي وداد ..
وداد : هلا والله بـ نواري
قلت لها : هلأ .. وابتسمت
وداد : منوره صفنا والله نواري
قلت لها : منور بج فديتج

وداد : ههههه غريبه ما جمعتي .. أكيد عرفتي طينتهم ..
قلت لها : هههه من أشكالهم مبين عليهم ..

وداد : أنا كنت من بوظبي هالسنه ييت عندهم بداية العام ، الله يخليج تعبت وياهن وايد
قلت لها : الله يعيني ..

وداد : بس صفنا اللي جيه فالمدرسه وبعض البنات ينعدون ع الأصابع
قلت : زين ولا مديرة المدرسه بعد بتشرد

وداد : هههه زين نواري ما بتشترين
قلت لها : هب مشتهيه
وداد : قومي يلا ..
قلت لها : عشان خاطرج بس
وداد : هي كلي عدل عن اييج فقر دم

قلت لها : هههه خبرج عتيج فيني فقر دم
وداد : عاد غصباً عنج تاكلين
قلت لها : أوكي باكل خلاص استويتي مرت عمي الثانيه ههههه

وداد : جيه بلاها مرت عمج
قلت لها بحزن : ترانا ساكنين ويا عمي ..
وداد : آهاا خير بس ليكون من الاجارات بعد

قلت لها : يا ريـــــت لو اجارات ، بس ابوي توفى من كم أسبوع
وداد : عظم الله اجرج
قلت لها : أجرنا وأجرج

وداد : آسفه ما كنت أدري
قلت لها : لا عادي ولا يهمج حبيبتي يلا ناكل عن أطيح
وداد : يلا

رحنا قعدنا مع بعض ثواني الا ومجموعة بنات يو وراحت وياهن وداد ..
ما بجبرها تقعد وياي أكيد اللي راحت وياهن تعرفهن عدل وبينهن عشره هب أنا اللي ما كملت يوم بعدني
قعدت روحي شفت الوقت ما قاعد يروح رحت الكلاس قعدت مكاني

دخلت هاي أم برج العرب ..
وقالت : يا ويل حالي بنات فيه وحده صوبنا تطيح الطير من السما ..
البنات تمو يضحكون وياها
دشّت وحده ويت صوب أم برج العرب وحضنتها بطريقه مقرفه .. وع ما أصدق انهن بنات ..

قالت : اشتقت لج ..
ردت عليها : وأنا أكثر حياتي ..

عقب دشّت وحده ثانيه كان مبين عليها فيوزاتها ضاربه .. رفست الكرسي
وقالت : أنا اروايك حمدان تسوي بي جذا .. والله بعلمك قدرك ..

وطلعت وتمت أم برج العرب تسولف ولا يهمها بس اللي لاحظته البنيه هذي .. يزقرونها حمدان .. يعني أكيد بويه .. الله يعينا أجمعين ..

رن جرس الفسحه وومارسنا يومنا عادي مثل أي يوم دراسي .. درسنا ورن جرس الرواح
ركبت الباص حسيت بـ حد لصق بس .. تروعت بسرعه ابتعدت ..

لفيت جفت أم برج دبي وراي .. تخرعت من نظراتها الصراحه ، هذا أول يوم وما سلمت منها الله يعين الأيام اليايه ..

قعدت فـ صوب مع مجموعة بنات ما اعرفهن وتميت ساكته لما وصلت البيت ونزلت وأنا نازله شفت وحده مدت ريولها بدربي .. كيف أمر الحين

قلت : لو سمحتي ممكن ,,
ما ردت علي جنها ما سمعتني جان ارفع ريولي واخطف .. لو اترياها بتفاتن وياها الحين وبفلعها بس أشك انها بتفوز .. على طولها ...

نزلت دخلت البيت سلمت ورحت فوق غيرت ملابسي توضيت وصليت لأني ما صليت فـ المدرسه أخاف اروح حمامات المدرسه روحي دوم كنت أخذ وياي شواخ بس الحين منو عندي عسب اخذه وياي .. وبعد أخاف لأني أسمع وايد سوالف ..

نزلت تحت عسب نتغدا
مرت عمي : حيالله نواري اقربي ماما ..
رحت قعدت وياهم وتميت أكل
جواهر : ها شو مدرستكم ..؟

قلت لها : زينه ماشي حالها
جواهر : يلا زين ، أقول لج اليوم ميثاني محتشره عندنا تفاتنت ويا المس ..
طالعتها : هههه دومها جذا ميثوووه

ياسر : هاي حتى المس ما سلمت منها
الفتره الأخيره وايد حسيت ياسر يهتم لـ ميثا ويسأل عنها تقريبا .. يا حظهم ميثوه وجوجو يدرسون مع بعض ..

تغدينا عقب الغدا على طول الكل راح لـ حجرته يرقد ..
رقدت من التعب قلت يوم أنش بذاكر ..

............

نشيت من الرقاد صليت العصر ع الساعه خمس ونص تقريبا صلاتي متأخره اليوم وايد ..
نزلت رحت أكللي شي قبل المذاكره ..
طلعت من المطبخ قلت أروح صوب عموري وعدول

رحت صوب عموري شفته يذاكر ساعدته شوي لأنه متعود أحد يذاكر له ..
قلت : عموري عدول وين ..؟
عموري : راح عند الأبله عشان دروس التقويه ..

قلت له : منو قال لك
عموري : عمي يدفع حق الأبله بيزات
قلت له : دروس تقويه ولا دروس خصوصيه
عموري : ما ادري شي جذا

قلت له : أهاا
عموري : وأنا بعد عمي قال باجر بروح عند المدرس

يا ربييه يا عمي اش كثر متعب روحك عشانا والله انك تستاهل حبنا لك ..
رحت الحجرة اذاكر شفت جواهر بعدها راقده الله يهديها هالبنت دوم تطوفها الصلوات وتقضيها اليوم الثاني ..

ذاكرت وكان بين المذاكره شي بريك للصلاه والاكل هع هاي عادتي وخلصت جريب أذان العشا .. رحت اصلي العشا .. نزلت اشوف حرمة عمي

رحت شفتها قاعده تعدل العشا
قعدت معاها شوي اتسلى وبالمره اكتسب خبره فـ الطبخ ههههه

عقب رحت الصاله شفت الجوهره قاعده تذاكر يلست وياها طول الوقت انا اسولف وهي ساكته ما تقول الا كلمه كلمتين الله يعين اللي بياخذها

رحت تعشيت روحي لأني نودانه .. فيني رقاد بشكل هب طبيعي ..
رقدت من وقت ونشيت اليوم الثاني من وقت .. أنا وجواهر والجوهره تريينا الباص ويا بعض برا ولما الباصات وصلت ركبو باصهم وأنا ركبت باصي .. حسيت الحياة حلوه ما توقف عند
نقطه وحده أو حدث واحد .. لازم نعرف نعيشها وبتصير حلوه

رحت المدرسه وكـالعاده وحيده حتى وداد تدور مع بنات من معارفها ,, وصفي كلهن أخلاقهن
ما تعيبني فيه بنات من صفوف ثانيه بس بعد غير ..

مالي خاطر ارابع ولا وحده .. قمت اكره اني اتقرب من شخص ويستوي به شي ،، لازم كلما
أحب شخص لازم نفترق لازم .. أحسن اكون انسانه محايده .. لا قريبه من أحد ولا بعيده ..

مرّت ايام الدراسه عاديه كل يوم مثل اللي قبله وأشك اللي بعده يشببه .. ما في يوم يتجدد فيه شي .. حياتي مالها طعم ولا لون بعد ما مر الأسبوع الأول .. كان علينا رحله هي مو رحله هم بيودونا جامعه عسب نعرف ونستكشف وهالشي يأهلنا للمستقبل ..

ركبنا الباص وكلها بنات ثاني عشر بس ..
وفيه مجموعه قاعدين ينكتون ويستهبلون بس استهبالهم فوق الحدود ..
تضايجت من رمستهم .. عقب الحزه اللي بننزل فيها مريت من جنب الكراسي كلها بس يوم وصلت لكرسي حسيت بأحد مسك ايدي .. ووقف

سحبت ايدي ردت مسكتها أم برج دبي ..
قلت : لو سمحتي ممكن تودريني ..
قالت : لأ فديتج في خاطري أمشي وياج ..
قلت لها : وأنا مابا أمشي وياج
قالت : نواري فديتج يلا نمشي ويا بعض
قلت لها بنفس طريقتها : حمده فديتج ممكن تودريني وتتركيني بـ حالي ..
قالت : أوكي أوكي ع راحتج بس لنا لقا انشالله

وعقب نزلنا دخلنا داخل وتميت أدور وأدور روحي محد معاي ونحن ماشين

............: فديتج
صديت مستغربه ...

منووو قال لها فديتج .. ؟؟؟؟؟؟؟؟؟؟؟؟؟؟؟؟ الردوود ""والله علة الاقل 3 ردوود والله ان القصة خباال ردوووا وجوفوا بقية الاحداث ""بتنصدمون من بقية الاحداث

الحلقه الحاديه عشر ..



قلت : فديــــــــــــــــتج شــــــــــــواخ ما صدق
شيخه : نواري حياتي انتي اهني
قلت لها : هي اهني شواخ ما صدق
شيخه : بلا استكشاف بلا خرابيط تعالي نقعد ويا بعض سولفي لي عن أخبارج ..

رحنا قعدنا مع بعض حسيت روحي طايره من الفرح شوي وبموت من الفرح ..
قالت لي : هاييل مال مدرستج ..؟
قلت لها : هي

قالت لي : الله يعنيج عاد عليهم
قلت لها : ههههه صدقج يغثون الواحد والله
شيخه : شخبارج بعد ..؟
قلت لها : ماشي يديد وانتي ..؟

شيخه : مانع خطبني ..
حسيت بفرحه وقتها بغيت أحضن شيخه .. صح انه حلمها هي مو حلمي أنا بس يوم يتحقق لها شي أحس انه تحقق لي أنا وأفرح لفرحها وأتضايق لضيقها ...

قلت لها : مبروووووووووووك حبيبتي تستاهلين
شيخه : وأخيرا يبته لدربي ..
قلت لها : الله يهنيج وياه يا رب
شيخه : من صوبج ما شي أخبار

قلت لها وأنا اتنهد . وين الله يخليج نسيته مع وفاة أبوي أحس حتى مشاعري ماتت مع موت أبوي تصدقين ..

شيخه : نورو خلي ايمانج بربج قوي وبعدين ربج يعوضج انشالله .. تعالي انتو ساكنين في نفس البيت جيه جذا..

قلت لها : نفس البيت بس متى اشوفه اربع وعشرين ساعه برا وبعض الأوقات ع الأكل وبس .. جنهم يتحاشون وجودي قمت احس جذا
شيخه : لا حرام عليج نواري مو لهالدرجه عاد ..

قلت لها : يلا انشالله أماني الكل تتحقق
حسيت الوقت يمر بسرعه مع شواخ .. قلت فـ خاطري يا ريت لو بعدنا مع بعض جان الحين أنا مستانسه مع شواخي بس يالله قدر .. ها ما نقدر نعارضه ..


............


رجعت البيت وأنا مستانسه عن خاطر .. لأني شفت شواخي على طول رحت رقدت ما تغديت
لأني تعبانه من الدواره خاصةً مع شواخ ..

نشيت ذاكرت مثل باجي الأيام ورحت أقرا روايه من زمان هب قاريه .. دشيت نور الإمارات بعد صار لي مده ما دشيته .. حسيت الوقت راح بسرعه ..

سولفت مع جواهر عن اللي صار مع شواخي ومع أم برج العرب اقصد برح دبي ..

.............................

اليوم الثاني رحت المدرسه وأنا فيني رقاد لأني قريت روايه أمس بليل
حسيت روحي برقد فالحصه ..

وداد : نواري بلاج ..؟ تعبانه فيج شي ..؟
قلت لها : الله يلعن فارس والجوري ..

وداد : هههه منو هاييل ..؟
قلت لها : مال رواية همس صوتك .. أمس بليل طول الليل سهرانه
وداد : هههه هي أنا بعد قريتها على نور الإمارات انتي وين قريتيها ..؟

قلت لها : صدق أنا مسجله عندهم وانتي
وداد : وانا بعد واااااو شي طيب ..
قلت لها : قصدج عجيب

وداد : هههه وناسه نعرف بعض شو نكّج
قلت لها : ............... وانتي
وداد : ..............

قلت لها : يتيمة زايد كانت ييرانا تدرين
وداد : صدق والله ،، فـ خاطري أتعرف عليها ..
قلت لها : انشالله ، شو من روايات يديده قريتي ..

تمينا نسولف عن الروايات وشو ايدد شي نازل وعن الكاتبات وجذا ..
دشّت أم برج دبي حمدوووه
حمده : هلا والله بـ نواري

حكرتها ما رديت عليها طز فيها ما ارابع حثاله أنا ..
يت تجربت عنّا : لا لا تقرين روايات أكيد عاشقه .. بس وربي بـ تحبيني أكثر ..

تميت أسولف ويا وداد ما عطيتها ويه هاللوث ولا فيه بنية تسوي جذا شرات هاي ..
دشّت موزه اللي فحادي عشر

على طول حمده يت صوبي ولوت علي بطريقه مقززه حسيت روحي برجع من اسلوبها الخايس هاللوث ..
بغيت أدزها توني بدزها الا موزه تكلمت ونستني بـ كلامها روحي بعد

موزه تكلم حمده : ها عيبتك يالخاين .. ان ما راويتك يا حمدانوه ما يكون اسمي موزه ..
حمده بصوت تفخمه : سيري لاااه أصلا تسوين ظفرها انتي

اندمجت وياهن فالسالفه .. أول مره في حياتي أشوف بنات يتكلمن بهالأسلوب الغجري ..
حسيت روحي وسط شباب هب بنات .. استحيت من نفسي لما سمعت سبهن ..

موزه بعد ما خلصت سب وضرابه قالت : أنا براويج قدرج يا نوره ..
انصدمت شو يخصني فسوالفهن هاللوث ..

قلت : ابعدي عنّي أحسن لج ..
قالت : براويج قدرج يالــــــ******
حسيت انها أهانتني .... حتى أهانتني قليله فالكلمه اللي قالتها ..

قلت : أصلاً انتي ما تعرفين قدرج تدرين ان قدرج ما يسوى ماطا الأقدام بعد ..
موزه يت جريب عني تبا تمد ايدها علي ..

في ايد مسكت ايدها وابعدتها عني
حمده : اطلعي برا أحسن لج ..

وتضاربن وسبن بعض كالعاده ..
حمده : لا تهتمين لها ما تسوا ظفرج بعد

قلت لها بصوت عالي يدام كل البنات : أصلاً لولاج جان انا بخير ، بس انتي ودريني بحالي ..
وطلعت وطلعت معاي وداد محد يأمن يقعد فالصف هذا روحه .. جنه قاعد وسط شباب والله ..

رجعت البيت وأنا مدوخه ما كليت حمده وموزه سدو نفسي رقدت ونشيت حزة صلاة العصر صليت ونزلت أكل

وأنا ماشية من ع الدري حسيت روحي مدوخه أكيد دمي نقص .. رحت المطبخ ما قدرت ايود روحي .. حسيت روحي ما اروم أوقف طحت ع الأرض ..

كنت فوعي بس ما أقدر أوقف .. حاولت أصرخ أزقر أحد بس نفسي أحسه واقف ما اقدر انطق بحرف بعد .. لدرجه اني حسيت روحي بموت فـ هالثانيه خلاص ..

شفت عدول ياي صوبي جان اقول له بصوت يالله يالله ينسمع : ازقر عمي ...
عمي ياه متخرع ومرت عمي بعد والبنات ..
عمي سندني عليه ووداني الحجره

مرت عمي حطت راسي ع ريولها : بنتي شي يعورج فيح شي
حركت ايدي بمعنى دايخه .... ما قدرت ارمس ولا اتحرك من التعب

مرت عمي قرت علي ولما خفيت شوي وبديت ارجع طبيعيه
عمي : نوره البسي عباتج وتعالي بوديج المستشفى

ما قلت لأ لأني حسيت روحي خلاص بموت فـ مكاني ان ما ودوني المستشفى ..
عمي ساعدني لما وصلنا السياره ركبت ووداني المستشفى طول الدرب كنت مغمضه عيوني لأني لو فتحتها راسي بيدور ..

وصلنا المستشفى وبسرعه دخلوني عند الدكتور ..
بعد ما فحص الدكتور ..
الدكتور : كليتي الصبح ..
قلت : هي ..

الدكتور يطالع أوراقه : انزين يا نوره بنسوي لج فحص دم .. الحين بتيي النيرس وتوديج
يت النيرس وودتني عمي تم مع الدكتور ..

سحبو عني دم حسيت دمي بيخلص خلاص ..
رجعت عند الكتور سولف شوي مع عمي ..
عقب التحاليل ,,,

الدكتور : لو سمحت يا بو يوسف ،، البنيه حاولو انها تاكل هالأسبوع عدل وبعطيها أدويه أنا لأنه دمها وايد ناقص اذا ما تحسنت خلال هالأسبوع بنظطر نرقدها وننقلها دم ..
قلت : لأأأأأأأ باكل مابا ارقد عندكم

الدكتور : ههههه جان زين ، يلا عاد بكتب الأدويه ، بويوسف ديرو بالكم عليها عدل ..
عمي : انشالله بس انت فهمها قول لها تاكل عيزنا نحن ترد من المدرسه ترقد وبس

الدكتور : آخر شي هي بتتحمل نتيجة أفعالها ,,
وصف لي الدكتور الدوا وقبل ما نطلع حطو لي مغذي لمدة ساعه تميت عندهم ..
عقب ما خلص المغذي ردينا البيت ..

جواهر : كلللللوش ،، الحمدلله ع السلامه أول مره ما يرقدونج ..
ضحكت وياها ... طول عمرها بتم جذا جواهر ..

الجوهره : نواري لازم تاكلين عدل أوكي
الكل طالع صوب الجوهره مستغرب شو فيها ,,, أول مره ترمس
جان اقول : انشالله بهف أكل بيتكم كلّه
الجوهره : ههههه

كلنا استغربنا .. الجوهره صابها شي استوا بها شي
قلت : جوجو تراني خلاص شكلي بحول عندج اللي وياي ما تخليني ارقد
الجوهره : حياج حياج ..

جواهر اتخصرت : لا والله .. انزين سيري سيري خل تنفعج ..

يلست معاهم شوي وعموه طول الوقت جواهر سوي ها .. الجوهره يبي ها .. عموري ييب ماي .. عدول ييب الدوا .. علاوي ييب وساده .. ههههه بس ناقص تقول حق عمي بعد ..

مر يوم الأربعا بسرعه ما داومت يوم الخميس لأني بعدني أدوخ وما اقدر اوقف عدل ..
ارتحت من صدعة أم برج دبي خخخ

يوم الجمعه كلنا تيمعنا ع الغدا ياسر ويوسف بعد كانو موجودين ع الغدا ..
عقب الغدا أنا وجواهر الجوهره رحنا الحجره عسب نذاكر ..

طول الوقت كنت أطالع الجوهره أحسها ملاك شي جذا .. ما ادري ليش كانت متغيره الفتره الأخيره أحيدها اجتماعيه بس الحمدلله ردت مثل ما كانت حتى انا رديت مثل ما كنت بس أنا لي أسبابي ..

عقب الغدا يو عيال عمتي صوبنا قعدو البنات ويانا وتمينا نسولف ..

حسيت حياتي ردت طبيعية ,, ردت لي الروح صرت أتأقلم مع الكل مثل ما كنت .. بس يوسف
ما يحس بي .. بعده ..... يوسف هاملني وايد .. ليته يجي ويجس نبضي .. ويشوف اش كثر مشتاقه له ....

بديت أعيش حياتي وهمومي فارتنها ورا ظهري قمت أعود عموري وعدول يصيرون اجتماعيين عدول بسرعه تأقلم نفسي .. وصار سبال يرادد وايد أما عموري بعده خجول وحبوب ..

مرت الأيام يومياً أحاول أصير عاديه وأنسى الجراح كثر ما أقدر
بالفعل قدرت أتناساها أما أنساها فلا يمكن ..

مرت الأيام وأغلب حكاياتي صارت ماضي في حياتي .. ياه شهر ثلاثه أكره شهور السنه عندي .. ما أحبه ولا أطيقه

رحت المدرسه ..
دخلت الصف سلمت وطلعت مب متفيجه أجابل ويه النحس .. أم برج دبي ..
وداد طلعت في ويهي : هلاأأأ
قلت : هلأأأ والله
وداد : جيف الحال ..

قلت : بخير ومن صوبج
وداد : مديم حالج ياربيييه ..بخير
قلت : ها ذاكرتي

وداد : اكييييد ، سويتي تقارير الفيزيا ..
قلت : هي ، هلكت والله خلاص انهد حيلي من كثر الدراسه والتقارير ,,هم والله

وداد : هههه هانت ، ها تجهزتي حق باجر .. حفلة يوم الأم
قلت : لا ما بي تراني ..
وداد : لاااااااااااااا عاد ، نبا نشوف ماماتج ..

حسيت عيني دمعت : وداد أمي متوفيه ..
وداد : آسفه والله ما أدري ع بالي بس ابوج
قلت لها : لا اثنينهم ..

وداد : آسفه نواري
قلت لها : لا عادي

وداد : انزين تعالي ..
قلت لها : مابا وداد يوم اشوف أمهات البنات أتذكر أمي ، قبل ع الأقل أبوي كان مهون علينا بس الحين منو ..؟ ما عندنا حد ..

وداد : الله يساعدج نواري
قلت لها : آمين ..
وداد : بعدها حمده تلاحقج ..

قلت لها : قصدج حمدان هههه
وداد : هههه نوعا ما
قلت : هي ملوعه بـ جبدي حتى فالباص ههه

وداد : الله خلقج حلوه لازم البنات بعد يتخبلون هههه
قلت لها : لو البنات بيتخبلون عاد مابا الحلا
وداد : هههه الله يعينج على ما ابتلاج ..


................


ياه وقت الرواح باجر بغيب ما بحضر مالي خاطر ..أكيد البنات بيزعلون بس هم ما يعرفون ضروفي ..
ركبت الباص رحت قعدت مكاني .. شفت البنات مستانسات يقولن باجر يوم مفتوح وترفيهي .. ياليت لو امي وأبوي معاي جان فرّحوني وحسو بالحزن اللي بداخلي الحين ..

الباص وصل يدام البيت كنت قاعده أمر وأنا سرحانه .....

حسيت روحي بطيح خلاص بس نجيت

فيه حد يودني .... ابتعدت وأنا متقززه ... موقف يقرف ..
قلت : قومي يالحيوانه شو انتي ما تخافين ربح على هالحركات ..
.
دزيتها من يدامي وطلعت نزلت البيت وأنا متضايجه ...

دخلت الصاله سلمت رحت غيرت وصليت نزلت اتغدا .. شفتهم كلهم موجودين حتى ياسر ويوسف ..
قعدت أتغدا ..

جواهر : نواري شو اليوم ..؟
قلت لها : زفت
الجوهره : له له جيه ..؟
قلت : عقب بخبركن ..
الجوهره : باجر بغيب ..

قلت : جيه ..؟ ...أمج بتروح باجر
الجوهره : أول شي باجر يوم الخميس ويوم الأحد علي تسليم التقارير مليون ألف تقرير علي ..
قلت لها : الله يعينج ، أنا خلصت تقاريري ..

جواهر : وأنا بعد ..
يوسف كان يرمس مع عمي بس قال : هي سمعت البنات يسوون تقارير ويبيعنها ..
قلت : حشا .. حتى فالتقارير يتاجرون هههه
الجوهره : هالسوالف تنفع حق جواهر هههه

جواهر : نكتو انتو نكتو ، أصلا ما تعرفون عن ذكائي شي بعدكم
ياسر : وايد يا عبقرينو ..
عمي : ها نواري شو المدرسه

قلت له : أوكي الحمدلله
عمي : يلا انشالله شهرين وتتخرجن
أنا وجواهر والجوهره : آمين ..

عمي : هههه لهالدرجه كارهات حياتكن ..
جواهر : وأكثر بعد ، يارربــــــــــــــي متى نفتك

.....

عقب الغدا نشينا نحن البنات ورحنا المطبخ ..
جواهر : ارمسي شو مستوي ..

قلت : تدرون سوالف حمدوه هالخايسه ..
جواهر : هي وبعدين
قلت : اليوم وأنا أبا أنزل ما شفت تحت هي كانت ماده ريولها جان يختل توازني لأني دعمت ريولها زين ما طحت ولا تكسرت ريولي .. جان تيودني من خصري وع ع ع

الجوهره : أخ خ خ كيف مستحملتنها انتي
قلت : متى افتك منها يا ربيه ..
جواهر : وبعدين ..........

قلت لها : جان أقول قومي يالحيوانه شو انتي ما تخافين ربح على هالحركات ...
جواهر : قويـــــــــــــــــه ...

قلت لها : والله لوعت جبدي بحركتها ،، لو تشوفين شقايل تحضن البنات جبدج تلوع ..
الجوهره : وع ع ع مقززات هالبويات ..

قلت : وأكثر ، ما ادري هاييل أهاليهم شقايل مستحملينهم ..
سمعنا صوت أحد دش المطبخ ...

صخينا أع ليكون سمعنا بنروح فيها ..... طالعنا بعض نحن الثلاث ..

يوسف : الجوهره شي بارد ...؟
الجوهره : هي شي بيبسي وكولا وسفن آب ..
يوسف : أختج حوله ما تنحب ...
أنا والجوهره : ههههههههههه
جواهر يودت خصرها : متعودين ينكتون علي ، والله اني هب حوله وغرشوبه ، انزين ان ما راويتكم ..
وبعدين كل شي الجوهره جيه أنا مالي رب يعني

يوسف : هههه لا بس اعقلي عقب بتقولين غيرو اسمي .. من كثر ما نزقرج ..
جواهر : لا بتم جذا عاد أحسن ..
يوسف بيطلع : الجوهره يييبي لي بيبسي ..
الجوهره : انشالله ..
طلع يوسف ... جان جواهر تقول : ليكون سمعنا ..

الجوهره : لو سمعنا بنروح فيها ، بيقول جيه ما خبرتوني من قبل عسب ما يصير شي أكبر ..
قلت : لا انشالله ما يصير شي أكبر .. الين ألحين بس بالكلام ما حاولت تتجرب منّي هاك الزود ، وكلها شهرين ونفتك ..

جواهر : الجامعه بناتهم أخس هاللي سمعته ..
الجوهره : بس فالجامعه كلنا بنكون مع بعض ..

قلت : هذا اذا جواهر وميثاني ما رسبو ...هههههه
ماحسيت الا بـ بوكس على مقبضي : آآآآآآع شو من ايد عليج مطرقه .. أعوذ بالله

جواهر : تستاهلين ، يلا أنا سايره أتجهز حق حقلة باجر ..
قلت لها : سيري سيري أحسن ..
الجوهره : أنا بودي بيبسي حق يوسف وبيي

قلت لها : أنا سايره الصاله اللي فوق بترياج اهناكي
الجوهره : أوكي ..

رحت من ع الدري تميت أمشي بـ هدوووء الحمدلله ما حسيت بدوخه قمت كل فتره وفتره أروح أجيك ع الدم اذا أوكي ولا ناقص حبوبي أخذها ع الموعد .. انشالله حالتي تتحسن وأنسى شي اسمه مستشفى جبدي لاعت منه ..

شفت عموري يدام البلاي استيشن وعدول وعلاوي ل واحد وياه بي اس بي ,,,
قلت : عمور شو هذا انت وايد تقعد ع البليستيشن ..
عمور : آخر لعبه آخر لعبه ..

قلت له : نش ذاكر يلا ما شي ،،، بسك حشا يوميا ترد من المدرسه مطيح يدامه ..
عموري : حرام نواري حرام .. وبعدين بذاكر يوم نروح عند المدرس ..

قلت له : عموري فديتك ما يصير كلّه نعتمد ع المدرس لازم روحنا بعد نذاكر عسب نييب درجات أوكي ، يلا حبيبي قوم ..
عمور نش بضيق : انزين ,,,

ابتسمت له رد لي الابتسامه .. قلت : عدول علاوي نشّو يلا بسكم ..
عدول : أنا صف ثالث ما يصير أذاكر روحي ..

علاوي : وأنا بعد ثالث يعني نفس عدولي
قلت لهم : لا والله ،، جيه يعني صف ثالث ما يذاكرون رواحهم .. على راسهم ريشه ..
عدول : لا استاذ العربي يقول ... ممتك بتزاكر لك يا شاطر ...

يابها بطريقه تضحّك : هههههه يغربل عدوينك نش يلا ، أونك تقص علي .. يلا ودرو هاللي في ايدكم وذاكرو ..

ماقامو الين سحبت منهم البي اس بي دشّو يذاكرون أشك يعني اذا بيذاكرون عدول مستوي فوضوي متعب مرت عمي شوي بس لما يشوف عمي يصخ ما يرمس خخخ أحسن ..

لفيت وراي .........: ماشالله مصلحه اجتماعيه ..
طالعته : ههه ياسر من متى اهني ..
قال : سمعت المحاضره كلها هههه

قلت : يا ريت لو بتصير مثلهم وتذاكر بعد ..
ياسر : أميه هاي جامعه هب مدرسه .. يعني أي كلام المهم نتخرج ..
طالعته : فـ نظرك جذا ..

يت الجوهره .... : نورو ..
قلت لها : تعالي طالعي أخوج شو يقول
الجوهره باستغراب : شوووه ..؟

قلت لها : يقول المهم يتخرج النسبه مب مهمه ..
الجوهره : الأولاد وتفكيرهم .. جذا
ياسر : هههه لو جواهر تقول وتفكيرهم الغبي ..

ضحكنا وطلع ياسر تمينا أنا والجوهره قاعدين أنا شغلت التلفزيون والجوهره يدام اللاب تسوي لها تقارير ..

قلت لها : تقرير شو عليج ..؟
الجوهره : عربي وانجليزي ..
قلت لها : قررتي عن شو تسوينهم ..
الجوهره : لا بعدني ..

قلت لها : خذي تقاريري عندي نسخه .. نحن مو من نفس المدرسه عادي ..
الجوهره : مالج عن شو ..؟

قلت لها : العربي عن أبي قاسم الشابي والانجليزي عن الايديوكيشن ان ذا يو اي ايي ..
الجوهره : أوكي ...
قلت لها : شوفيهم في الفولدر رقم 5 فالداكيومنت ..
الجوهره تمت تقرا التقارير .. وأنا تميت حاطه قناة العفاسي في محاضره دينيه وايد عيبتني ..
الجوهره : نواري تقاريرج شي ..

قلت لها : ترا كله من النت مب من عندي بس أدخل مواضيع في بعض وأييب مراجع من عندي ..
الجوهره : كلنا جذا الله يخليج ..

قلت لها : ها خلصتي ..؟
الجوهره : هي ، بس باجر بطبعهم في المكتبه ماشي مص في طابعتنا ..
قلت لها : الله يخليج دوم جذا نحن .. هههه

الجوهره : نواري انتي رديتي شرات قبل ..
قلت لها : جوجو انا كانت لي أسبابي أتغير أول شي وفاة أمي وعقب عشنا روحنا مع أبوي وتوفى وودرنا الله يرحمهم .. بس انتي ليش تغيرتي ..

الجوهره : روحي ما أدري ..
قلت لها : الجوهره انتي ما كنتي جذا ارمسي ...
الجوهره : والله روحي ما ادري ..
قلت لها : بس يلا زين رديتي شرات أول ..

الجوهره : نواري تدرين يوسف كان يوديني عند طبيب ..
قلت لها : هي أدري جواهر قالت لي ..
الجوهره : كلهم قالو ماشي فايده وجذا .. بس يوسف تم يوديني كل الجلسات وصرت أوكي الحمدلله ..
قلت لها : الحمدلله ..

الجوهره : الدكتور قال فيه ناس جذا يشوفون أحد غيرهم أو حد مقرب منهم يستوي به جذا يصيرون جيه ..
قلت لها وأنا ابتسم : فديتج أنا ومنو هالنااااس هاااه خبريني ..
قالت لي : اندوك انته .. الحين أونج ما تعرفين انتي بعد منوووه ..

قلت لها : فديتج والله أول مرة أعرف انه بعده في شخص يحزن لحزني ويفرح لفرحي ..
قالت : نواري خاطري نرد شرات أول ..

قلت لها : يا ريــــــــت والله تدرين كنت أقول انتي لج من يطلعج من حالتج أما أنا نو وي ..
قالت لي : حرام عليج .. أنا وين رحت ..
قلت لها : هههه بعدج ربيعة عمري ..

الجوهره : لو جويلز تسمع الحين بتكفخني وياج ..
قلت لها : هههه صدق بس هاي عندها ميثاني الخبله شراتها ..
الجوهره : نواري تعالي حجرتي براويج أشيا ..

رحت وياها دخلنا الحجره .. هاي مو أول مره أدش الحجره أدشها دوم بس أستغرب عكس حجرة جواهر في كل شي .. جواهر حاطه صور وكمبيوترها وشغلات جذا أما الجوهره ما تحب عكس جواهر ...
يلست ع السرير ...

الجوهره فتحت كبتها .. وطلعت البوم يت صوبي
قالت لي : نواري تتذكرين هالصور ..
شفت الصور : اممم هي قبل ما ادري كم سنه ..
الجوهره : طالعي هالصوره ...

شفت الصوره أنا والجوهره لابسين نفس البدل ونحن صغار شكلنا برئ ...
قلت : جوجو طالعي كشتي ..

الجوهره : هي ماما دوم تقول انج ما تحبين تسحيين شعرج ههههه
طالعتها يودت قلبي : ليكون يدام الكل ...
الجوهره : هههه هيه يدام كلهم ..

قلت لها : عموه فضحتني فضيحه .. الله يهداها ..
الجوهره : طالعي هالصوره ....
شفت الصوره دموعي بغت تهل خلاااااااااص .......ما استحملت ... دموعي نزلت ...
بللت خدودي ....

رميت روحي في حضن الجوهره ........ وتميت أصيح وأطلع كل اللي بداخلي من عنا وتعب .. وشوووق لفراق أغلى ناسي .......

الجوهره : نواري لو أدري بتسوين جذا جان ما راويتج ..
شفتها وقلت : الجوهره ... احرقي هالألبوم ..
الجوهره تخرعت : لأ نواري حرام عليج هذا فيه أحلى ذكرياتنا ..
قلت لها : قلت لج احرقيه ..

الجوهره بدت تصيح : مو بس انتي اللي تحبين عمي كلنا نحبه كلنا ...
طالعتها نزلت دموعي ...... ما رمت أستحمل بكا الجوهره يزيد ألمي وحرقتي على فراق أبوي وأغلى ناسي ...

وقفت يمب الباب وقبل ما أطلع سمعت الجوهره تقول .............
ياليتها ما قالتها ياليتها ما نطقتها ........ فتحت بـ هالكلمه آلام وجراااح لا يمكن تبرا بسهوله .. فتحت لي أبواب الجحيم .. ليش كل ما ابي أسد باب ينفتح لي باب ......

الجوهره . : نوره انتي صرتي قاسيه ..........

طالعتها بدت دموعي تنزل أكثر وأكثر الين ما حسيت ماي جسمي خلّص .....

الجوهره قالت قاسيه .. أنا!! قاسيه ،،، توني عرفت بقيمة هالكلمه ... لما قالو لي اياها ..
للأسف وقت متأخر عرفت معناها ...........
بعد ما قلتها لأغلى ناسي ...

قلت له قــــــــــــــاسي وعدتها مرات ومرات .... آآآآه ليت أرجع بـ عمري كم سنه ..
لألألأ مابي كم سنه أبي كم يوم وكم شهر بس .. عشان أصلح غلطتي في حق أغلى ناسي ..
أنا السبب أنا السبب بنزول دمعته أنا ..........

طالعة صوب الجوهره : بس الجوهره خلاص يكفي ........
وازداد صياحي وبديت ارتجف ما ادري خوف حنين شوق ضعف قله حيله ... الله أعلم ..
الجوهره تصيح : كلنا نحبه مو بس انتي .......

قعدت ع الأرض وأنا أتذكر ذاك اليوم .. كنت قاعده يدام أبوي .. وما حسيت بـ قيمة الجلسه ولا قيمة الوقت اللي أقضيه ...... معاه ، الا بعد فراقه .. بالفعل ما نعرف غلاة الواحد الا بعد فراقه .... بس ليت ما فارقته ... ليته يمبي يحس باللي أحسه من بعده ...

قعدت متحسره وانا أصيح قلت : أنـــــــــــا ما أحبكم كلكم أنا بس ابا أبوي ......
أبــــــــــــــوي ليش رحت وودرتني روحي لييييييييييش ..؟

حسيت بالكل حولي يهديني ... بس أنا ما طعت أحد ... أبــــا أبوي بس ما أباكم ،،،أكرهكم كلكم كلكم واحد واحد كنتو تردون أبوي بيفارقنا ولا حد قال لي ومحد علمني ...

ما حسيت باللي يصير حولي ........ أحس روحي رحت لـ عالم ثاني بعيد عن الناس كلهم ..

حسيت بـ الأمان .. حسيت أبوي يمبي وأمي بعد خلااااص أنا وياهم تحقق مرادي ....
بس قمت على صوت الدكاتره حولي ..... حسيتهم كلهم حولي ....
طالعتهم بديت أصيح : أبــــــــا أبوي ما أباكم
ما أذكر شو كان يقول الدكتور ............
بس اللي أشوفه اني قاعده أضرب الدكتور : انت ذبحت أبوي انت ,. ابوي مات عندكم انتو ذبحتوه انـــــــــــــــــــــ ............................،،،،

للحظات حسيت بنمال تمشي في عروقي ......... وتاكلني أكل كأنها تشفط دمي .....
للحظه حسيت العالم كلّه يحتك في بعضه .. وكل شي صار أبيض ... البياض عم المكان بس تبعه ســـــــــــــــــــــــــــواد حالك غطّا عيوني ..........

................................
تمنيت انّه اللحظة اللي الله يوافيني فيها ... بس أنا شو من أعمال أحملها معاي ...
أحمل معاي مشاركات في منتديات تفوق عدد مشاركات باقي الأعضاء .. أحمل معي درجات
كلها فوق التسعين ... أحمل معي ورث بورثه من أبوي ..........

بـــــــــــــــــس كل هذا ماراح ينفعني كل هذا ما يسوا شي واحد يدام حسنه وعمل صالح ..
للحظه غيرت أمالي قلت مابي أموت مابي ........... ورديت قلت أبي أموت أبي الحق أمي وأبوي ,,, أبي أسكن عندهم .. بس هالشي مو في صالحي ... فضلت الحياة الدنيا ... قلت يمكن بعد وعيي بزيد في عدد حسناتي وأعمالي الصالحه ............ وعقبها أروح أي مكان وين ما يكون ...........
.............................


،،،،،،،،،،،،،،،،،،،،،،،،،،،


................:::: أبا مــــــــــاي ......
محد سمعني ... منو بيسمعني أصلا ...
حاولت أعلي صوتي ........ كثر ما أقدر للأسف مافي أي اجابه ....
بديت اصيح بصوت عالي ........
حسيت بناس يتيمعون حولي ........

والكل مبتسم .... حسيت روحي بـ حلم .... حاولت اطالع عدل الين صفا نظري ...
الدكتور : الحمدلله على سلامتك يا نواره ..
طالعته ما قدرت ارد غير اني أقول : ابا ماي ...
الدكتور : طيب انتي ارتاحي شوي ... كيفك هلأ ..

طالعته حاولت أشيل روحي وأقعد وقعدت من بعد عنا ...........
حسيت بألم يسري بجسدي ألم سيطر على كل جسدي ....
الدكتور : كيفك هلأ .. في شي عم يوجعك ..؟

قلت له وأنا أأشر عالوريد .: هـــ ........ــــــذا ......
الدكتور : أي بسيطه انتي ارتاحي وكل اللآلام بدّا تروح ... طيب يا شطوره ..
طالعته : وين أهلي ...؟

الدكتور : هلأ عمك وائف برا بدنا نوديكي حجرتك وبيزوركي ..
حسيتهم ييروني من على سرير طول الوقت كنت مغمضه عيوني حسيت روحي أبي أرقد تعبانه ما أقدر أفتح عيوني بعد ...

وصلت لحجره حسيت الباب ينفتح يتسكر الله أعلم ،،، بس اللي حسيت به ايد دافيه تمشي على شعري ....
حاولت أفتح عيني بعنا ... فتحتها ابتسمت ........ حسيت بـ الأمان ,,, لوا علي ..

.............: ها حبيبتي شخبارج ..؟
قلت له : بخير عمي ....
طالعني : الحين بييون كلهم انشالله
قلت له : شاللي يابني اهني
عمي : انتي ارتاحي وعقب يصير خير ..

سمعت صوت كلام من صوب الباب .. دشو كلهم .. عمتي ومرت عمي والبنات ...
سلمو علي وتحمدو لي بالسلامه ...

قلت : وين الجوهره ..؟
مرت عمي : وراها تقارير .. بتيي عقب انشالله ..
طالعتها : ليش أنا اهني

محد رد ما ادري ليش على طول الكل غير الموضوع من عنده ،، بس أنا ابا أعرف شاللي صار لي .. شاللي رقدني .. لهـ الدرجه ضعيفه أنا .. طيحه عاديه تدخلني العنايه ...

طالعتهم يتكلمون عقب لحظات بدت الحجره تفضا وتفضا .. الين ما فضت ما بقا غير عمتي ..

طالعتها حليلها هي اللي متعنيه وياي في كل طيحاتي فالمشفى .. متعبتنها وايد أنا ..
بغيت أكلمها بس حسيت روحي ما أقدر .. تغمضت عيوني روحها حسيت بارتياح ...

......................

صحيت على ضو الشمس وهو داخل من دريشة الحجره ...

شفت عمتي قاعده تقرا قرآآن ... طالتها ابتسمت ... مبين عليها التعب ,,, لو أنا مكانها بسوي لبنت أخوي جذا ولا لأأأ .. كل شي جايز بـ هالزمن ..

عمتي انتبهت لي : صـــح النوم ..
طالعتها : صح بدنج الغاليه ..

عمتي راحت صوب الريوق وقدمته منّي .. الين صارت طاولة الريوق جريبه عني ..
عمتي : كلي حبيبتي ..
قلت لها : مب مشتهيه ..
عمتي : لازم تاكلين لو ما تاكلين روحج بوكلج أنا غصب .. مب زين توهم ناقلين لج دم ..

طالعتها وكل حيرة العالم في ويهي .. أنا نقلو لي دم .. بس أنا فحصت ذاك اليوم ودمي كان زين .. شاللي جلب أنا اش كثر كنت طايحه ..

قلت لها وأنا كلي حيره : بروح بتغسل وبيي لج ..
عمتي : انزين

ساعدتني وأنا أنزل حسيت بدوخه فالبدايه ... اكيد لأني فتره ما مشيت ... بس توازنت
ولما رديت قعدت عالسرير وكليت ... حسيت جبدي لايعه فالبدايه عقب بديت أكل بشهيه ..

طالعت المغذي في ايدي .. وشفت ايدي الثانيه بعد فيها الابره اللي تنحط فالوريد بس هذي غالقينها مب واصل لها شي استغربت ...

قلت : عموتي كيف ييت أنا اهني ..
عمتي : ذاك اليوم طحتي وكنتي منهاره وتهذرين وايد ..
قلت لها : شو كنت أقول .,

قالت : ما أدري والله الجوهره بس تدري ومن هاك اليوم حابسه روحها ما تطلع ويانا ولا ترمس ...
قلت لها : كيف يبتوني وشو صار عقب ..؟

عمتي : يبناج دخلوج العنايه لأنج ما كنتي تتنفسين عدل .. وايد ضاق عليج .. عقب الدكتور طلع قال لازم ينقلون لج دم دمج ناقص وايد ..

قلت لها : ومن شو ضيق التنفس ..
عمتي : من التفكير يقول الدكتور أو من الدراسه بعد لأنه ضغط عليج ..
قلت لها : منو عطاني دم انزين ..

عمتي : يوسف و الجوهره ..
قلت لها : هاااه يوسف والجوهره . . جيه لـ هالدرجه دمي ناقص يتبرعون لي اثنين ..
عمتي : وايد وايد ناقص ما تسمعين الرمسه انتي ، ديري بالج ع روحج ..
طالعتها : عمو نحن أي يوم ..

عمتي : الجمعه ...
تخرعت : هااااااه ... من يوم الأربعا أنا طايحه ...
عمتي : لا تخافين اليوم بيظهرونج انشالله
قلت لها : انشالله ..
عمتي : تريقي يلا هب ناقصين يستوي بج زود روحج ضعيفونه .

.
طالعتها ابتسمت ....... الحين دم أغلى اثنين يسري بجسدي دم الجوهره ويوسف يسري فيني أحس روحي سعيده ... دمي اختلط بدمهم ... آآآآه اش كثر أحبهم أنا ولا أقدر أفارقهم ..

ع الساعه 11 الضحا كتب لي الكتور ترخيص مع كومة أدويه .. عمتي ساندتني لما وصلنا السياره وردينا البيت رحت بيت عمي على طول ودوني الحجره عسب ارتاح ..

قعدت.. و جواهر وعليا وميثا وعمتي ومرت عمي كلهم حواليني بس أنا أبا الجوهره ..
الجوهره وين ..؟ .. ليش ما يت شافتني وأنا أغلى ناسها ..
هذي حياتي لما ما أحتاج لأحد كلهم حواليني بس لما أحتاج لهم ما ييون صوبي أه هذي قسوة الحياة .. .. ..

حزة صلاة الجمعه الكل طلع ... والحريم والبنات روحن يصلن فالصاله ..
طلعت رحت حجرة الجوهره دقيت الباب محد رد علي
دقيته ... بعد ،،،، الجوهره فتحت لي الباب وويهها شاحب مافيه حياه ..... علامات الحزن مرتسمه على ويهها الطفولي البرئ ..

طالعتها ابتسمت لها وبستها .........: اشتقت لج جوجو ...
الجوهره طالعتني صاحت ورمت روحها في حضني حسيت فيها .. أنا بعد محتاجه لـ حضن يدفيني يحميني .. وقامت تصيح بـتأنيب ..

قالت لي : أنا ما أستاهل شوقج لي ..
طالعتها : ليش جوهره بلاج فيج شي ..؟
الجوهره : نواري ،، آسفه والله ماكنت أقصد ...
طالعتها استغربت ....

الجوهره : لو تبين بحرق كل الصور وكل الذكريات الا يستوي بج شي ..
طالعتها . لأ لأ لأ منو قال أحلى شي الذكريات والصور ..
الجوهره استغربت : مو انتي هاك اليوم قلتي أطرهم ..

قلت لها : هههه كنت مو في وعيي ..
الجوهره : نواري أنا أحبج والله ، ما اقدر أستغنى عنج طول عمري
قلت لها : وأنا بعد ...

...........: لا والله ، من متى عندنا بنات يتغزلن في بعض ...
لفينا متخرعات ...

الجوهره : ههههه يخس بليسج خرعتينا ..
ميثا : أحسن لي أروح عند جواهر ،، وأودر العاشقات رواحهن
ابتسمنا لها ،، الجوهره سحبتني وقعدتني ع السرير ,,,
الجوهره : ارتاحي مب زين الوقفه وايد ..تتعبين عقب

قلت لها : هههه جوجو دمج يسري فـ عروقي
الجوهره ابتسمت : فديتج أنا ... أصلا لي الشرف ان دمي يسري بـ عروق نواري ..
سمعنا صوت عمتي تدور علي ... الجوهره راحت نادتها ..

عمتي يت بصينية الأكل ووكلتني غصب عني الين حسيت روحي بنقع من كثر ما كليت ..
قلت : عموتي والله بسني ..
عمتي : ماشي يلا كلي ..
قلت لها : والله بسني بنقع خلااااص ..
عمتي حطت الملعقه فالصحن .. وقالت : يلا خذي الدوا ..

عطتني حبوبي بمراقبه واعتناء .. حسيت انها أمي أوشي غالي لا يمكن أستغني عنّه طول عمري ... واذا راح يمكن اتينن بسها الصدمه يتني مرتين ..
قلت : عمو انتي وايد حنونه علينا ..
عمتي حضنتني .: فديتج لو ما أكون حنونه عليج على منو بحن يعني ..
قلت لها : عمو وايد تعبتج وياي صــح

عموتي حضنتني وبدت تصيح : تعبج راحه يا بنت خليفه ...
بدت دموعي تهل تمسكت بها أكثر ,,, بغيت أحضنها طول عمري ولا أستغنى عنها ..

قالت : مثل ما ربيت أبوج وهو صغير بربي عياله بعد ..
طالعتها : عمو أبوي كيف كان ...؟
عموتي ابتسمت وغيرت الجو ... وقالت : كان فوضوي شرات عادل ..

قلت لها : هههه أشوف نحن طالعين على منو ..
قالت .: وراسه يابس عنيد شرات نااااس ..

ابتسمت لها .. وضميتها بقوه وقلت : عموووه لا تودرينا والله نحبج ،، ليكون تسويين شرات بابا وماما وتتركينا ...

قالت لي : لا حبيبتي بتم وياج طول ما أنا عايشه انشالله انتي قطعه من الغالي ..
قلت لها : كل اللي أحبهم يفارقوني بين يوم وليله ..
عمتي : انتي ادعي ربج وانشالله يسهل عليج حياتج ..

قلت لها : عموتي بداوم يوم الأحد ..
عمتي : لا لا ، ماشي ,,, تريي الين الثلاثا ع الأقل ..
قلت لها : مافيني ، ع الأقل يوم أروح المدرسه أرتاح أنسى الهموم
عمتي : بس بتتعبين جسديا ..

قلت لها : المهم نفسيا عموه والراحه الجسديه تيي من النفسيه ..
عمتي بروح : بلا هذر زايد يالفيلسوفه.. أنا بسير بتغدا يوعانه من يومين كلّه أكل مستشفيات

طلعت وهي تبتسم لي .. تفديتها من داخلي ومن كل أعماقي .. ربي يحفظها لي ولعيالها ...
مر يوم الجمعه مع بنات عمي وعمتي يوم وايد حلو في قمة الروعه ... حسيت بالسعاده أهلي حولي .. حتى ولو مو مكتملين بس هذييل بعد أهلي اللي يحبوني وأحبهم ...

يوم السبت رحت الموعد مال المستشفى الدكتور فحص دمي وشاف كيف حالتي قال وايد تحسنت .. تم ينكت ويقول عن أضربهم مرة ثانيه هههه يتني الضحكه بس ما ضحكت لأني قافطه على موقفي اللي سويته من يومين وضربتهم ... المفروض الواحد يتمالك أعصابه .. بس أنا لي أعذاري حالتي كان يرثى لها .. ما كنت بوعيي بعد .. بس هالشي راح يضل ذكرى بـ حياتي لا يمكن أنساها ... نعم لا يمكن أنسااها لأنها شاذه عن البقيه ...

مر يوم وبعده يوم كل يوم مثل اللي قبله بس الفرق يوم تقل الآلام ويوم تزيد .. هذا حال المواجع ... يوم الاثنين قمت الصبح حسيت بنشاط ... ما أدري ليييش ..؟

بس أكيد .. لأنه مر أكثر من يوم على رقادي فالمستشفى ... يوم بعد يوم اذا حافظت على روحي حالتي بتتحسن أكثر عن قبل ..
تسبحت ولبست ..

رحت صوب حجرة جواهر لأني خلاص أرقد مع الجوهره .. جواهر ما زعلت لأنها مو نفس طبعي هي وميثاني ,,, وأنا والجوهره ...

تذكرت انهم مدرسه اليوم .. رجعت الحجره شفت السرير .. حلاته وأنا أنش الصبح وأشوف أغلى ناسي .. وبلسم جروحي يمبي ... ننام مع بعض نصحى مع بعض .. نصلي مع بعض .. نحس بمواجع بعض ونفرح سوا ... كل شي متشاركين فيه ..

آآآه ملل البيت بدون الجوهره ... أحسها فرحة البيت ..
شفت روحي فاضيه .. والحين الساعه تسع ..

رحت حجرة عموري وعادل وعلاوي ... الحجره كبيره تسدهم .. حلوه حياتهم بلاي ستيشن طايح .. وملابس مفرفره ما تنشال الا يوم أحد يشيلها .. حلوه حياة الطفوله أكبر همومنا ألعابنا ...

رديت الحجره .. فتحت الكتب .. حاولت أراجع اللي طافني هالثلاث أيام .. حليت الأسئله وما تعبت فالدراسه لأني أراجع أول بـ أول ..

الساعه 10 ونص تذكرت روحي مب متريقه ,,, أويــــــه والدوا لازم الساعه 11 أخذه ...
سمعت باب الحجره يندق وحد دش ...

............: نواري نشيتي .. كنت يايه أوعيج عشان الدوا ..
قلت : هي عموتي ... كنت قاعده أذاكر ..
مرت عمي : زين عاد يلا تعالي تريقي عسب الدوا
قلت لها : أوكي الحين بلحقج ...

استانست بخاطري لو نسيت دواي عادي .. في ناس مهتمين بي ويعطوني الدوا.. مو شرط .. أنا أتذكر ...
نزلت .. رحت المطبخ شفت مرت عمي مسويه سندويتشات ..

خذيت لي وخذيت الدوا معاي أصرت الا أكل عندها وأشرب الدوا اهني ..

سمعت كلامها وقعدت وياها تريقت وخذيت الدوا قعدت مع مرت عمي وهي تجهز أغراض الغدا .. تميت أسولف وياها ... حسيت الوقت راح بسرعه .. حلوه حياة الصبح ..
نحن طول الصبح في المدرسه ولا نعرف شو يصير فـ العالم الخارجي ..

رحت الحجره أكمل دراسه عسب ما تتراكم علي المواد .. حاولت أخلص بسرعه .. راجعت وحليت أوراق عمل الين ما أذن الظهر صليت ييت أصلي دعيت ربي يغفر لأمي وأبوي .. و تميت أقرا قرآن الين حسيت روحي خلاص بينهد حيلي وبطيح مكاني من التعب اللي فيني ..
رحت حطيت راسي وأنا مرتاحه ...

ما حسيت بروحي الا وصوت الجوهره تقول نواري نشي صلي العصر ..
قمت وأنا متخرعه .. كل ها رقاد .. ما أشبع رقاد أنا حشا ..

رحت تيددت وصليت وعقب نزلنا أنا والبنات نتغدا .. لأنهم ييون جريب أذان العصر ...

عقب الكل رد لحجرته يذاكر ... الجوهره فهمتني المسائل اللي طافتني .. وفهمت منها عدل لأني أحبها .. أي شخص أحبه في هالدنيا لازم أفهم نظراته .. أفهمه متى يحزن بدون ما يقول أي كلمه .. فما بال اذا شرح لي وقال لي ...

............

صحتي تحسنت خلال أيام الأسبوع .. يا يوم الخميس لازم أغيب لأنه عندي موعد فالمستشفى صحيت من نومي تسبحت وتجهزت .. نزلت تحت أتريق .. شفت روحي مب مشتهيه شي .. قلت خل أشرب بس حليب وعقب ما أخلص فحوصات بشتري لي ريوق من المستشفى .. رحت المطبخ طليت .. الحمدلله مافي أي أحد .. لو مرت عمي اهني جان تذبحني لو تدري اني ما بتريق حليلها هههه تخاف عليه .. رحت صوب الثلاجه طلعت الحليب ييت أصبه فالقلاص لأني أحبه بارد وبس ...

سمعت صوت عروقي فزت .. وجسمي كله ارتعش ...

؟؟؟؟؟؟؟؟؟؟؟ظ

الحلقه الثانيه عشر..


سمعت صوت عروقي فزت .. وجسمي كله ارتعش ...

..........: السلام عليكم ...
رديت : وعليكم السلام ..
يوسف : بتتريقين .. ؟؟
قلت له : تريقت ...

يوسف باستنكار وأسلوب يذبح : لااااااه ، ماشالله لحقتي تتريقين وانتي توج داشه المطبخ ..
صدقت جواهر يوم انها قالت مركب كيمرات أو عنده الحاسه السادسه ..

قلت له : هب مشتهيه .. بشرب حليب بس
يوسف بجديه : تريقي وأنا بوديج الموعد اليوم ...
قلت له بسرعه : ليش وين عمي وعمتي ..

قال : أبوي فالدوام وأمي وعمتي اليوم راحو صوب وحده مريضه ..

يعني هالمريضه أهم عني يدامكم ... بس حرام صار لهن أسبوع يحاتوني وما طلعو .. سماح هالمره .. هههه أحس عمتي ومرت عمي صارو يخافون علي أكثر عن رواحهم ..
قلت له : انزين أنا جاهزه ...

يوسف بصرامه : تريقي أنا قاعد أترياج ما وراي شي اليوم ..
قلت : انشالله ..

تخرعت من نبرته وجديته .. حسيت طلباته أوامر هي بالفعل على قلبي أوامر .. بس هو الآمر الناهي حسيته هو الوحيد اللي يقدر يتحكم بي فـي هالدنيا ..

هذي يمكن أول مره أكون مع يوسف في مكان رواحنا .. طبعا في حد فالبيت الخدم بس المكان اللي نحن فيه روحنا .. حسيت بالأمان وهو قربي حسيت بقلبي قاعد ينبض وبكل نبضه يقول أحبك أحبك عدد ما قالو العشاق وعدد رمل البر والبحر ..

وايد أهملت قلبي الفتره الآخيره .. رحت لمشاعري وضعفي نسيت ان قلبي ساكن به أحد .. نسيت اني كنت أهوى شخص ولا زلت أهواه واذا ابتعد عني أموت .. مب اني افارق الدنيا لأ .. فكري اللي يفارقها ... بس بعد ما تذكرته ورجع لـ موطنه بـ قلبي أحس يوم عن يوم يزيد حبه بـ قلبي ...

حسيته الأمل في حياتي .. اللي لو ضاع بموت وبضيع من دونه .. هو الأمل اللي عايشه عليه أحلم فيه فـ نومي واليقضه .. هو أنفاسي ..

قومني من أحلام اليقضه صوت يوسف يدام الباب : هااا ما خلصتي ..؟؟؟

رحت صوب المغسله أحط صحون الريوق اللي تريقته غصب عني .. وقلت : امبلى خلصت ..
يوسف : من ساعه قاعد أترياج فالصاله ..

حسيته قريب مني ... لا لا مو مني أنا .. قريب من قلبي وأقدر أكلمه بــ حريه ..
قلت له : انت اللي قلت تريقي .. عاد أنا مالي خاطر جان أكل شوي شوي ..
يوسف يتعبث فـ تلفونه وبدون اهتمام : انزين يلا بسرعه ...

طالعته بس للأسف هو لف وصد عني طلع بره المطبخ وراح يمشي .. كنت لابسه العباه من قبل جان الحقه .. حاولت الحقه بس هو خطواته سريعه وايد .. كثر ما اسرع وأجري يمكن بوصل له .. بس قلبه بعدني ما وصلت له ..

هذي أول محاوله وفشلت فيها .. ليش يا يوسف كل ما ابي اتقرب منك وأوصل للحبل اللي بيجمعنا تبتعد وينقطع الحبل ..شكلي لما أبي أوصلك يا يوسف بعاني وبتعب الين أحصلك .. المهم عندي أحصلك .. هذا أهم شي عندي الحين ..

لحقته وركبت ورا ..
يوسف شغّل المسجل اعتقدت انّه بيشغل قرآن ع الصبح أو اذاعه بس اللي فاجئني أغنيه ..
وكان الصوت وااااطي لدرجه يالله يالله اسمعه عاد ليش مشغل بلا أبا أعرف تميت ساكته وأتعبث في تلفوني ..

يوسف : تبين أمر السوبر ماركت أخذ لج شي ..؟؟
قلت له : لا مشكور
يوسف : تدلين ولا أنزل وياج ..
قلت له : لأ .. أدل ..

كان في خاطري أقول انزل .. هي انزل أباك بـ قربي أباك تحسسني بالأمان اللي فاقدتنه من دونك .. ابيك لي وحدي أنا ...... أنا اللي لجل حبك تعنّا ..
بس ليتها يت منه .. سألني ويوم سأل اكيد يتريا مني جوابي اللي هو لأأأ ... ليش جذا يا يوسف ليش حرام عليك أنا محتاجتنك وايد ..؟

..

وصلنا صوب المستشفى ونزلت بدون ما أقول أي حرف أو أنطق بعد سمعته يقول ..
يوسف : بترياج فالباركنات ..
هزيت راسي بـ معنى انزين ونزلت ...

دخلت المستشفى حسيت روحي كبيره خلاص .. لازم أنا اللي أسوي كل شي لي أنا وأخواني .. رحت صوب الاستقبال وعطيتهم البطاقه وورقة الموعد وعقب الاجراءات البسيطه مال المستشفى .. رحت قعدت في صوب اتريا ..

وايد ناس أشكال وألوان ما أعرفهم .. البنات اللي في عمري مبين كل وحده معاها أمها .. بس أنا وين وهم وين عالمي يفرق عن عالمهم مليون درجه ...

ودخلت بسرعه عند الدكتور .. مدري ليش دخلوني بسرعه .. فحص الدكتور وعقب قال أروح مع النيرس لحجره يسحبون فيها الدم عسب يجيكونه كم الحين ..

ونحن ماشيين شفت يوسف واقف يكلم واحد بس شكله توّه خلّص .. وياه صوبي وهو مبتسم .. مدري هالابتسامه لي أنا ولا لكلام الريال اللي عنده ..

دخلت مع النيرس الحجره وسحبت الدم ويوم طلعت شفت يوسف واقف يمب الحجره .. رحت صوبه ..
استغربت توه يقول روحي روحج والحين ياه والله أمر عجيب وما يندرا له ...

يوسف سألني : ها خلصتي ..؟
قلت له : بس يفحصون الدم ..

يوسف : أوكي روحي الانتظار ويوم يزقرونج سووي لي مسكول ..
قلت له : انزين .,.
قعدت وعقب عشر دقايق زقرو اسمي .. حسيت بـ فخر يوم سمعت اسم ابوي يتبع اسمي حسيته موجود يمبي ومساندني .. في حياتي خطوه خطوه ..
دقيت ع يوسف ودشيت الحجره ...


الدكتور تم يطالع الورق بس .. حسيت هالشي خوفني وايد .. اربكني .. شوالسالفه مب قاعد يرمس .. بغيت أقول له .. ارمس ... فيني شي تكلم ..
بس سمعت صوت باب الحجره يندق

الدكتور : تفضل ..
يوسف : السلام عليكم ..
الدكتور وقف وتخاشم مع يوسف : وعليكم السلام
بعد ما سلمو وسئلو عن أخبار بعض
الدكتور : تفضل يوسف ...
يوسف : ها بشّر شو النتيجه ..؟

الدكتور طالعني : لأ تمام عاد نواري شكلها بدت تتحسن وايد ..
أصغر عيالك أنا عسب تدلعني شو تتحرا روحك ..
يوسف طالعني مبتسم : هي ترا اليوم الصبح غصب مريقينها ..

حسيت يوسف يبا يتقرب مني .. بس يمكن هالشي قاله عسب يغير جو الكآبه اللي عام المكان
الدكتور : سوو جذا دوم عسب ما يصير بها شي هههه
حسيتهم يرمسون بالألغاز وأنا فيني شي ... ولا ليش كل هاللف والدوران ..

وقفت يدام طاولة الدكتور وقلت بحده : اذا فيني شي ارمس لو سمحت دكتور ...
الدكتور : نوره هدّي توج اش حلاتج بلاج ..
قلت له : أنا روحي تعبانه .. ارمس فيني شي ولا لأ ..
الدكتور : صلي ع النبي يا نوره .. ما فيج شي ..

طالعت يوسف ورديت طالعت الدكتور وقلت : لين باجر قول جذا مب مصدقتنك .. دكتور ارمس لو سمحت ..
الدكتور : والله يا نور ما بلاج شي .. هاذيني حلفت بعدج مب مصدقتني ..
طالعته : دام حلفت صدقتك .. بس والله لو دريت انه فيني شي لا سمح الله ما بتلومون الا روحكم ..
يوسف يبا يغير الجو : يعني بتنتحرين ...

قلت له : مو بعيده علي ..
الدكتور : نوره شو هالكلام .. انتي تدرين اللي ينتحر شو عقابه ..

شفت يوسف ولا ارادياً دموعي بدت تهل .... ما قدرت أمنعها ..
وقلت : ابا أعرف من بقالي بـ هالدنيا عسب أعيش .. ، شو الفايده من وجودي بـ هالحياه
كلها ..

يوسف طالعني وبدا يهز ريوله وحط ايده تحت ذقنه .. هاللي الله قدرك عليه كثر الله خيرك ..
الدكتور : نوره ما يصير هالكلام انتي عوده ..

طالعته مسحت دموعي : آسفه شكلي عكرت مزاجكم .. أدري وراكم اشغال غيري وأهم عني

وقفت وطلعت من حجرة الدكتور و دموعي قاعده تهل .. ورحت صوب المصعد تميت واقفه ..
الكلام اللي قلته كنت قاصدتنه كلمه كلمه و حرف حرف .. موجه لـ يوسف عل وعسى يحس بي وقلبه يحن شوي .. تعبت من صده تعبت ..

حسيت بصوت قريب مني ... مسحت دموعي بسرعه بسرعه ..

........: نوره ..
قلت : نعم ..
يوسف : تعالي نروح الصيدليه .. ناخذ الدوا ..
قلت له : مابا دوا أبا أموت ..

يوسف : نوره هـ الكلام حرام اللي تقولينه تعرفين شو يعني حرام ..
قلت : وانتو مب حرام عليكم .. ما تحسون فيني .. حسو شوي ع الأقل ..

حاولت أجمع الكلام بحيث موجه للجميع بس والله انه موجه لك يا يوسف كلهم يراعوني بس انت تعاملني جني وحده غريبه يوم تبا تمزح تمزح ويوم تحرج برايك جني لعبه في ايدينك ..

يوسف : نوره مب وقته هـ الكلام ..
قلت : عاد متى وقته خبرني ..

حسيت بايد تحوّط ايدي ,. كف ( وسط اليد ) ساخن يحسسني بالأمان حضن كفّي ..

وسحبني معاه بـ هدوووو ..... رحنا صوب العالم كلّه حسيت بالأمان ... معني وسط عالم وناس بس دام ايدي بيدك أحس روحي فمملكه وأنا ملكتها يشهد الله هذا احساسي ..

بس تفرقنا يوم عطا الورقه للصيدلي ,,
حسيت الناس كلهم يطالعون صوبي .. ويهي وارم محمر دليل ع البكا .. بس والله اني مب صايحه على شي تافه لا تحكمون علي بالمظهر أنا داخلي مجروح مشدوخ من أعز الناس .. هذا غير فراق أغلى ناسي ..
.. مره ثانيه حسيت بايد تحاوط يدي .. دافيه ، خشنه دليل ع الرجوله بس والله أحسها أنعم يد فـ الدنيا كلها .. هـ اللحظه حسيت بمعاني الفرح كلها اللي بـ الدنيا حسيت بـ الروح فيني ..

دعيت ربي ييي هاليوم اللي لازم ايده تحاوط يدي وأفتخر جدام الناس وأقول هذا حبيبي وأرفع راسي ..
مشينا ومشينا وأنا مب حاسه باللي حولي اللي يهمني الحين يوسف .. يوسف اللي يمبي .. اللي حبيته من فتحت عيوني بـ هالدنيا ..... حسيت بالدفا والأمان معاه .. مدري ليش ما استحيت وسحبت ايدي .. يمكن شعور بـ الأمان أو بالتملك .. أو يمكن حب .. الله يعلم .. أو الاحتمال الأكبر انها مبادره خير منه .. بس لأ هو اللي يت منه روحه .. يمكن يمكن ... ...

لأأأأأأأأأأأأأأأ لا تتركني تم وياي ... حرام عليك دخيلك لا تفارقني .. ولا تفارق خيالي وعقلي وبالي وكل شي فيني .. تم وياي محتاجتنك ..

للأسف ركبت السياره وأنا مستحيه منه هالاحساس ما ياني الا يوم تفارقنا ,, الا يوم ايده تركت ايدي ..
تذكرت قبل ثواني .. تمنيت اني أتم وياه طول عمري وانه ما يفارقني ما تمنيت انه تيي لحظه وايادينا تفترق .. تمنيته شمسي وحياتي وعمري وأرضي وسماي .. وتمنيته معي طول عمري ولا يفارقني أبد .. بس هذي كلها أماني .. بس أحلى أمنيه ... ربي يحفظه وين ما كان


استحيت منّه وايد ,,, بس هو لأ ما أدري ليش .. المفروض هو اللي يعتذر هو اللي مسك ايدي بس هو مهما كان ولد .. لازم أنا كنت أسحب ايدي لما ضمها بيده .. بس أنا محتاجتنه .. وايـــد ..
قلت لازم أصلح غلطتي بس بشكل غير مباشر ..

جان أقول : أنا آسفه يوسف .. مدري عقلي شو صابه من رمسة الدكتور ..
يوسف طلّع نظارته .. حسيته بيذبحني بحركته .. وقال : صار خير ..

يااااااااانااااااااااااس بيذبحني ... حتى في كلامه غامض وما يقول غير كلمه وكلمتين ..
الحين شو ابرر موقفه تجاهي على هالكلمتين ما فهمت منهن ولا شي .. حتى الاجابه ما عرفتها .. محيرني يا يوسف محيرني ..

وصلنا جريب البيت .. يوسف عطاني جيسة الدوا .. وقال كل واحد كيف أخذه ..
نزلت من السياره وقلت له : أنا آسفه ...

ما رد علي ولا حتى طالع صوبي لـ هالدرجه أنا عال عليه لهـ الدرجه يتمنى التخلص مني .. انزين خل يرمس مب لازم يجرح أو ينغز باالكلام .. خل يكون صريح ويقول ما نباج بينا .. بطلع بكرامتي أحسن لي ..
بندت الباب .. ولفيت قمت أمشي شوي شوي .. حتى ما صديت وراي ..
دخلت البيت ويوم أبند الباب .. شفت صوب سيارته بعدها واقفه بس الظاهر توه حركها .. كان يترياني الين ما أدش .. والله ما ينعرف لحد بـ هالزمن .. كل شي ألغاز ..
دخلت رحت الحجره رميت روحي ع السرير .. وقعدت أصيح وأصيح .. عل وعسى همومي تنغسل وتطلع مع هالدموع .. ويرتاح بالي ..

..........................
ما حسيت بروحي الا وأحد يهزني ...
لفيت : اممممم خلوني أرقد ...
الجوهره : نوريه نشّي لين الحين راقده حشى ,,

رفعت راسي شفت الساعه تخرعت : لين الحين راقده أنا .. وبعدين نوريه في شكلج ..
الجوهره : هههه نشي تعالي نتغدا اليوم يوسف وياسر عندنا ع الغدا ..
قلت لها : صح انه البيت بيتهم بس لا غدا ولا عشا موجودين فندق فايف استارز اهني

الجوهره : هههه يلا نشّي ..
رحت تغسلت وصليت الظهر اللي مب مصلتنه .. شفت الساعه 2 ونص ... نزلت ..

وأنا قاعده أنزل .. الحمدلله هذا حلم .. لو حقيقه شو بيستوي بي بموت يا ربيييه فضيحه ..

رحت صوب السفره: السلام عليكم
الكل : وعليكم السلام
قعدت بين الجوهره وجواهر .. تميت أكل وأنا ساكته ... حتى حرف ما نطقت ...

بس جواهر فاجئتني : أميه تراج راقده بالعباه كنتي ..
طالتعها مستغربه : أناااا ...؟

جواهر : هي شكلها مب فـ الدنيا الحبيبه ..
مرت عمي : صح يوسف الدكتور شو قال لك ...

رديت بالذكرى ورا .... ورا ... قبل ساعات ولحظات معدوده ..
هي اليوم أنا رحت المستشفى مع يوسف ... وتوني يوم نشيت رحت فسخت العباه ..
يعني ......؟ يعني اللي صار حقيقه مب خيال .. نعم حقيقه .. فضيحه الحين كيف بحط عيني بـ عين يوسف .. أصلا مالي ويه اقعد أكل وياه على نفس السفره ..


قمت وقلت : الحمدلله شبعت ...
يوسف : الدكتور قال وكلوها عدل عسب ما تطيح عليكم ..
قلت : الحمدلله كليت وايد ..

رحت الحجره .. التصرف اللي سويته وقمت من ع الغدا هالشي بيثبت ليوسف اني غلطانه .. ليش أنا دوم جذا ... ؟؟؟ بس يوسف قال لي تمي تغدي ليش ..؟ يبا يفهمني انه تفكيري غلط ولا انه هو الصح .. ولا شو ..؟ يا ربيييه احترت معاك يا يوسف احترت لي متى بتم جذا غامض وتحيرني معاك ..

اليوم خميس وما يباله مذاكره باخذ ريست تعبت هالأسبوع كله على بعضه مراجعه حتى ولو فالبيت بس لازم أذاكر .. مليت متى تخلص السنه ..

المغرب طلعت من الحجره وأنا أدعي انّي ما أشوف يوسف .. مابي اشوفه أكيد بضعف يدامه .. هذا غير انّي بفتشل عالسالفه .. اصلاً كيف رضيت يزخ ايدي .. وهو ليش سواها من الأساس ..

............: نوّار .......
لفيت وأنا متخرعه : بسم الله الرحمن الرحيم ..
جواهر : هههه لـ هالدرجه أخوفج أنا .. ؟؟
قلت لها : لا بس روعتيني والله ..
جواهر : ملانه أنا ميته من الملل

قلت لها : بس أنا قاعده أشوفج حيه ترزقين ,,,
جواهر : هههه تعالي نروح المطبخ ..
قلت : يلا ... المطبخ صار البيات الشتوي مالنه هههه
جواهر : الشتا خلاص بيودعنا ..

قلت لها : هي ترانا نهاية ثلاثه خلاص ..
جواهر : بيبدا الربيع والزهور بتتفتح والمياه بتجري فالأنهار والعصافير بتزقزق فوق الشجر ..
قلت لها بطنازه : وايد عليج ، ماماتي نحن فالامارات لا عصافير ولا أنهار ولا زهور هههه

جواهر : شي بس كله اسطناعي .. هههه وبعدين نحن أول ما نخلص الشتا على طول هوووب صيف ومن صيف ننقز شتا ..
قلت لها : مب ممرضنا غير ها أصلاً ..

..........:بس الامارات حلوه بجوها هذا ..
لفينا وقلت : ترابعينا ...؟
الجوهره : أكيد وين ..؟
جواهر : البيات الشتوي ..

الجوهره : الشتا خلص دورو مسمى ثاني ..
قلت لها : اممم يمكن خيمة ينفع هههه
الجوهره : لايق ع الصيف ...
جواهر : شو تبون ناكل ...

قلت لها : سوي لنا أندومي ..
جواهر : اكيد بسوي لو شي ثاني جان شردت من البيت كله ..
قلت لها : أصلاً نحن اللي ما نبا نتسمم ..

جواهر : بلا هذر بناتات اقعدن مكان واحد ..
الجوهره : يا حافظ دام هاي أبلتنا ..

قلت لها : والله اشتقت للأبلوات ..
الجوهره : والبنات ما اشتقتي لهم ..
قلت لها : وداد شوي معنها هب معاي هاك الزود ،،، لو تبيني أشتاق لـ حمدان ترا عادي ..

..............: منووووووووه حمدان ....
تخرعنا ولفينا ...
عموري يضحك : ههههه بعدها هاي حمده ما ودرتج ..
قلت له : ما ادري عنها بالطقاق .. ما تهمني هـ الحثاله ..
عموري : جوجو ماماتج تباج ...

جواهر : يايه يايه
الجوهره : تخيلي يوم الأحد يوم تداومين شو بتسو ..
قلت : بتي صوبي وتقول حوووبي ما حبي وحياتي وسلامات وأكيد تباوس بس أنا أمسح خدي وراها هههههه ..

الجوهره : لو بدالج اغسل بغسول نيفيا كااااامل وأخلصه فيوم ..
قلت لها : ههه مو بعيده أستخدم مقشر بابايا بعد ..
الجوهره : هههه ، جوجو تعالي الماي مالج على ...

........

حسيته يوم من أحلام أيام حياتي .. حسيت بالأمان فيه مع يوسف .. ليت هاللحظه تنعاد معك ، والله محتاجتنك وايد يا يوسف لا تتركني مثل ما تركوني أمي وأبوي ..

...............

مرن يومين الاجازه وأنا اتحاشى يوسف أحاول ما أقترب منه بـ قدر المستطاع واتحاشى نظراته اللي تذبحني وتوقف الدم بـ عروقي ... صح اني كنت حاسه بالندم ع الحركه اللي سويتها ورضيت أزخ ايده بس على كثر الندم أحس بأضعاااااف وأضـــــــــعاف السعاده اللي غمرتني .. .. .. وملأت حياتي يوم يوسف مسك يدي ..

راجعت حساباتي شفت اني مب غلطانه وما بيفهمها غلط لأني كنت منهاره ومو في وعيي .. وعقب يوم حسيت اعتذرت .. أكيد بيعذرني ،،، لأني تعبانه نفسياً وأي تصرف مني يمكن يكون كـ ردة فعل .. تطلع لا اراديا .. لا أكثر..

وهو احتمال ما يكون حب .. أعتقد انه عطف أو شفقه ..

هه آخر زمن يا نوره الناس يشفقون عليج .. وينج يا نوره الأوليه أحيد كنت أهز بلد بـ كلمه تطلع مني ..

أما الحين الحال تحول .. كنت أتمنى يتحول حالي للأحسن بس للأسف كلما له يتحول لأردى وأردى ..


...

يوم الأحد داومت حسيت روحي مستانسه مع البنات الكل سأل عن حالي .. حسيت بـ حبهم لي .. حسيت اني بالفعل عايشه وسط ناس يحبوني ويبون راحتي ..

كلهم واحد واحد شخص شخص .. سواء فـ البيت أو المدرسه أو المستشفى بعد ..

رجعت البيت يوم الأحد بس تفاجئت ....... يتني الصاعقه ...
يوم رحت الحجره عشان أغير ...

سمعت مرت عمي تقول لي : نواري غيري وتعالي خوالج تحت ...........
هاااااااااااه خوالي ... خوالي أنا ... أنا ما عندي خوال ... أنا ما با يكون عندي خوال .. أعيش جذا أحسن لي وايـــــــــــــد .. بدونهم عايشه بأمان ع الأقل ..

شاللي ذكرهم فينا أبا أعرف .. شاللي رجعهم .. ،،، ,,,, أكيييييييد فلووووس هي نعم فلوس وبيزات .. بس أنا ما عندي لا ورث من أمي ولا أبوي .. أبوي ما اعرف عن بيزاته شي وأمي سجلت بيزاتها مادري باسم منوووه .....؟؟ اش حقه يايين .. يبون يذبحونا شرات ما ذبحو أمي وأبوي ..

..............

غيرت ملابسي ولا جنه صاير أي شي ........
صليت الظهر .. نزلت مريت من الصاله سمعت عمي يقول ..: نوره تعالي .. خوالج فـ الميلس ..
قلت له : آسفه .. ما سمعت عمي ممكن تعيد ..

عمي : خوالج يا نوره فـ الميلس ..
قلت له : امممم ما أحيد عندي خوال .. الا اذا وحده رضعتني وهاييل خوالي فالرضاعه ..

عمي : نوره تعالي .. لو سمحتي .. ولا ترمسين جذا يدامهم ..
طالعته : عمي لو سمحت مابا أشوفهم ..

يوسف دخل .. وقال : وين نوره ..؟
شفته : أنا اهني ..
يوسف : تعالي عند خوالج ..

قلت له : قلت لكم ما عندي خوال ..
يوسف بحده : ترا ما بياكلونج .. يايين يسلمون تعالي بسرعه ..
طالعت عمي وعقب يوسف وقلت : بيي وبشوف شو يبون ..

والله لو أمي وأبوي ما قدرو لكم أنا بقدر لكم وخشمكم هذا من كثر ما انتو رافعينه بكسر .. و نشوف عقب .. من القوي ..
رحت ورا عمي ويوسف ..

دخلت الميلس .. شفت اثنين مبين عليهم كبار شوي فـ العمر وواحد فعمر يوسف ..
قلت : السلام عليكم ..
خوالي وقفو عبالي بسلم عليهم : وعليكم السلام ..

وقفت في صوب عسب ما اروح أسلم .. بس عمي قال : نوره سلمي ع خوالج ..
رحت صوبهم ومديت ايدي بس وسحبتها بعد المصافحه بسرعه .. لا حب راس ولا خشوم شو أبا فيهم أنا .. هاييل كانو سبب عذاب أمي وأبوي وتشتتنا ..

رحت قعدت في صوب ورافعه خشمي جني ما اعرف منو هم بعد ..
واحد منهم : اشحالج نوره ..؟
رديت عليه : بخير يااااا ........ اممم ما عرفت منووه ..؟
رد علي وهو يبتسم : خالج عبدالرحمن ,,, وأشر على الثاني وهذا خالج حميد ..
قلت له : والنعم والله يا خوالي ..

حسيت عمي بيي ويفرني برا الميلس بس مستحيل أنزل روحي يدام هاللوث ..
أشرت ع الصغير بالسن ما اهتميت يقولون هاي وقحه ولا شو ..

قلت : ليكون هذا الصغير بعد خالي .. أحيد يدي متزوجين هنتين أم أمي الله يرحمها وأمكم .. ليكون بعد هيج الحزه خذا له وحده ثالثه بعد ..

حسيت هاللحظه بالفعل عمي بيفرني .. بس عمي قال : نوره ..
طالعت عمي وابتسمت ولا عبرت ..
خالي عبدالرحمن : هذا ولدي سلطان ..
قلت : عاشت الأسامي ..

حسيت روحي شوي سخيفه بس غصباً عني والله غصب .. صحيح أمي وأبوي ربوني ما أكلم اللي أكبر عني جذا بس هذييل سبب عذابنا .. وقهرنا ..

خالي حميد : سلامات نوره كنتي مريضه ..
قلت لهم : هي ترا أبوي توه متوفي من فتره الله يرحمه .... وجان أتعب ..
خالي حميد : الله يرحمه ..

تعمدت أقول : صح خوالي انتو ييتو عزا أبوي ..
عمي تكلم : هي بس انتي كنتي راقده وردو بوظبي ..
جان أقول : زين ، شي طيب .
.
وقفت وقلت : تشرفت بشوفتكم خوالي .. صار لي سنين هب شايفتنكم اسمحو لي لأني ما عرفتكم ..
خالي عبدالرحمن : لا لا عادي بس انتي ما تقولين عندي خوال أزورهم اروح عندهم ..

طالعته : والله لوعندي الليسن جان أيي لكم يوميا عادي .. بس تدرون خواني صغار وأنا بعد سني ما يسمح للطلعه روحي وأمي وأبوي الله يرحمهم ودرونا .. مدري منو سبب فراقهم ..
خالي : عاد خلاص تيين ويانا بوظبي ..

حسيت عمي يبا يوقف ويقول لأأأأأأأأأأأأ .
بس أنا قلت : لا لا شو أبا في بوظبي أنا أتم اهني أحسن لي .. يوم ابا أيي بتصل بكم وتعاالو وراي ..

جنهم دريوليه عندي .. خخخ
وقفت وقلت : يلا زين شفناكم عيدوها ..
عمي : بنتي اقعدي شوي مع خوالج ..

قلت : لا عمي وراي امتحان صعب باجر .. ما أقدر بروح بذاكر ..

طلعت بدون ما أشوف تعابير ويه أي أحد .. مدري ليش سويت جذا ..
ليش سويت هالتصرف .. ندمت ع الكلام اللي قلته ,. بس يستاهلون .. مدري كيف صرت قويه وهالكلام طلع مني مدري .. أنا ضعيفه وأستحي وايد .. بس هالحزه يتني القوه أرد .. والله يا بوي وأمي باخذ حقكم .. ومحد بيقدر يلعب في عقلي ..

رحت حجرتنا أنا والجوهره وأنا مرتاحه نفسيا وحسيت بالي ارتاح لما عاملت خوالي جذا .. والله براويكم مستواكم .. وشو انتو يدام نواري .. ما تسووون شي .. شرات الريشه أهفها وأردها مكانها ..

قعدت ع السرير وطيحت روحي .. قمت ألعب بشعري وأفكر يا ربيييه شو بسوي شو..؟
دراسه مالي خلقها .. وما عليه امتحانات ههه أمحق خرط خرطته أنا ... ...

رحت زقرت الجوهره عسب تيي تقعد وياي لأني ملانه وما علينا شي و مخلصين مذاكره ...
..
الجوهره : ها نورو .. خوالج يو ..؟
قلت لها : هي تصدقين ..
الجوهره : شو تحسينهم ..

قلت لها : والله ماشي أحسهم منافقين ..
الجوهره : حشا مب قلب عليج .. ترمسين عن خوالج جذا ..

قلت لها : وهم شو من قلب عليهم .. يوم فرقو بين أمي وأبوي ..
الجوهره : تعالي تعالي .. صح قبل أمــــــــــس ..

قلت لها : شووووه ارمسي بسرعه ..
الجوهره مستحيه : امممم حمد ولد عمو حفصه تقدم لي ...

وقفت وعفدت صوبها حضنتها ... : صـــــــدق مبروك مبروك ..
قالت لي : لحظه لحظه بعدني ما رديت عليهم ..

قلت لها : وانتي شو رايج ..
الجوهره : والله مدري .. بس.. أحسه زين ,, لكنه غامض وايد وما يسولف خير شر ..

قلت لها : ( بطنازه ) يعني انتي اللي كنتي تسولفين .. دام زين وافقي شو وراج لاااه .. تفتكين من حياة العزوبيه وتدشين القفص الذهبي .. ههههه

الجوهره : بس أنا أبا أكمل دراسه ..
قلت لها : كملي عادي .. وقولي شرطج أكمل والزواج ع كيفج انتي حدديه .. اللهم الحين يحجزونج وبس ..
الجوهره : تعتقدين جذا ..
قلت لها : صلي استخاره وتوكلي .. بس هاااه عن تنسيني ..

الجوهره : مستحيل أنساج .. فديتج انا ....
ابتسمت لها وقالت لي : نواري بقول لج شي بس لا تفهميني غلط

قلت لها : قولي .. كلي أذان صاغيه لج ..
الجوهره : نواري .. أنا كنت أحب حمد أصلاً ..

طالعتها وبنص عين : هااا يالمكاره .. أونها ماعندي سوالف وهناك تحب أحلى واحد في القبيله كلها ..
الجوهره : انزين أنا أستحي وما أحب أقول ..

قلت لها : أحسن خلّج من سوالف ميثاني وجواهر هاييل حتى ياسر وفهد يعرفون عنهم ..
الجوهره : وع ع ع .. تخيلي حبيبج يدري انج تحبينه ..

قلت لها : ويــــــــه بنتحر العالم كله يدري الا هو .. هههه
الجوهره : نورو .. يعني أوافق ,,
قلت لها : هاذي حياتج وانتي حره ... شي راجع لج ..

الجوهره : نونه تدرين أحسج لايقه ع يسوف ...
طالعتها : وع ع ع مالت عليج ..
الجوهره : وع عليج بلاه أخوي شيخ الشباب ..

قلت لها : لا تخربين عقلي .. يلا مناك يلا مناك .. ناويه تخربني جوجو ..
الجوهره بنص عين : هااااااااه أنا اللي أخربج و لا روحج مختربه

قلت لها : جوجو ان ما صخيتي لأفرج بهاي الوساده .. واخبر حمد عن حبج له هااااااه اختاري بتسكتين ولا ..
الجوهره حطت ايدها ع حلجها : هه سكت ... ندمت اني خبرتج ..

قلت لها : أقول لج الأقارب عقارب بس ما صدقتيني هههه
الجوهره : يلا نشي ذاكري اليوم ما فتحتي ولا كتاب

قلت لها : غربلاتج من سالفتج ههههه
الجوهره : يلا مناك .. أنا ما أرمس يهال .. تراني حرمه معرسه خلااااص

...........: منووووه المعرسه ...؟؟؟؟
لفينا متخرعات ......
الجوهره : خرعتينا ويا شكلج ..

جواهر : برا يلا برااا .. عن تخربين عقل نوران ويا سوالفج ..
الجوهره : يا حافظ عاد جواهر اللي سوالفها حلوه ..

قلت : لا انتي ولا هي بتخربنّي ،، أنا روحي مختربه هههه
الجوهره : الاعتراف بالحق فضيله هههه

قلت لها : جوجو هب شي تودريني روحي تمي وياي
الجوهره : عندي حل!! خذي فهد وجذا بناخذ خوان ...هههه

ما حسّت الا بهاك البكس اللي يكسر المقبض هههه ع راسها ... من حرم السيد فهد ..جواهر هع
.........
بعد أيام معدوده وافقت وأخيراً الجوهره بتعرس .. بس أنا زعلانه ..

لأنه ربيعة روحي بتتركني وحيده .. ما أحب جذا ..
بس يلا مجرد خطوبه بتّم ويانا لين تعرّس عاد .. الله كريم ..

............. بس اللي فاجئني عقب ما راحو قوم عمتي ... دخلت الحجره .. وأنا طالعه سمعت عمي يكلم يوسف ...
عمّي : انت خذها انزين ,,
يوسف : أبوي قلت لك ما أبا أعرس أنا ..

عمي : بس هي بنت عمك وانت أولى بها من الغريب ..
يوسف : والله مدري بس حالياً أنا جالع فكرة الزواج من بالي ..

عمي : انزين هب لازم تتزوج ،، مجرد تخطبها .. وانت تدري خوالها الفتره الأخيره زياراتهم زادت .. يمكن ناوين على شي ..

يوسف : بشوف وبرد لك خبر انشالله ..
عمي : فكّر عدل وبعدين بنت عمك ما شي مثلها اثنين ...
يوسف : بشوف ..

رحت لحجرتي رميت روحي ع السرير ... اليوم الجوهره عرفت خلاص وارتاحت انها بتكمل حياتها مع فارس أحلامها أما أنا منو منو ..؟ هذا ولد عمي ورافضني عاد الغريب شو بيسوي .. ما هقيتها منك يا يوسف .. يقول بفكر .. لو انه يحبني جان وافق .. عشان ما أضيع من بين ايدينه .. بس آه منك يا زمن .. أعز الناس ياقلبي خانوك .. خاااااانوك ...

حسيت روحي مليت من التفكير أروح أذاكر أحسن لي من الصدعه ...
دمعت عيني .. تذكرت أبوي ليته يمبي وييي يجس احساسي أش كثر مشتاقه له .. كثر شوق الظوااامـــــــــــي إلى الماي أو يمكن أكثر .. آه يابوي وينك تركتني ... بس أنا وعدي بـ محله بييب النسبه يعني بييبها ... وأرفع راسك ...

ما حسيت بروحي الا ومرت عمي توعينا لـ صلاة الفير ,.
قمت صليت وغيرت صارت الساعه سبع الا ربع نزلت تريقت .. وكانو يوسف وعمي بعد يتريقون شكلهم بيداومون مبجر اليوم ..

بعد ما خلصنا ريوق رحنا أنا وجواهر والجوهره نتريا باصاتنا ,,
قلت : بناتات شكلنا بنتفحم اليوم ..

الجوهره : هههه حلوه هاي بناتات .. انزين الشتا قال باي باي خلاص
جواهر : و جوجو خلاص بعد بتقول باي باي ..

الجوهره تلومت : اسكتي لااه فضحتينا ...
جواهر : أأأأأأأأأأأأي خدااااااااااااااا ( بعد الترجمه ... <<< يا ربي )
طالعتها : بلاج تخبلتي قمتي ترمسين عيمي ..

جواهر : أحوال شوما .. جتوري ... ( بعد الترجمه <<< شخباركم اشحالكم )
قلت لها : خوبي .. هع ( بعد الترجمه <<< تمام )

قلت لها : بلاااااااااج ...؟؟؟
جواهر ما ردت علي .. طالعت الجوهره قالت لي ما ادري ..
ضربتها ع راسها : بلاااااج حووووه ...؟

جواهر تأشر: يعذب هااا يعذب ..
طالعت مكان ما تأشر بالفعل فيه واحد يعذب يطير .. يخبل بمعنى الكلمه ..
قلت لها : بلاااه انزين ...

جواهر : تطالعين هذا أصله جنه عيمي بس متجنس .. هع بس والله عذاب شكله يخبل ... يوميا الصبح أشوفه قبل ما يروح الدوام ..

قلت لها : بس مب أحلى عن ........................( سكتت وتذكرت )
جواهر بنص عين : من منوووه هاااه ارمسي يلا جكيتج ..

قلت لها : مب أحلى عن حمد صح الجوهره
الجوهره تلومت وجواهر قالت بعدم تصديق : هي صدقتج ..

وصل باص قوم الجوهره وجواهر الجوهره مشت برزانه أما جواهر راحت طيران وسلمت ع البنات .. جنها أول ابتدائي هههه مدري متى تعقل هاي البنيه ..

وقفت لـ لحظه .. تذكرت كيف كنت أوقف عسب أطالع مانع ولد ييرانا .. كان يخبل مثل ولد ييرانهم هذا .. الله يحفظهم .. ويوفق شيخاني مع مانع ... والله اشتقت لها وايد ..

وعاني من خيالي وذكراي ... صوت موتر ... توه اشتغل ..
صديت وراي .. شفت يوسف توه شغّل موتره ...

وهاللحظه باصنا وصل رحت ركبت الباص وأنا أطالع صوب سيارة يوسف حسيته يتابعني بـ كل خطواتي ...
سمعت بنيه تقول : وااااااااااااي يهبل
قلت لها : صخي أيـــــــــــه عن الرمسه الزايده ..

البنيه استحت وسكتت .. مدري ليش ما ردت علي .. بس والله يا يوسف أغار عليك أغار عليك من روحي بعد .. وأغار بس ينطقون بـ اسمك أبيك لي أبيك لي أنا وحدي ...

وصلنا المدرسه الكل نزل طبعا حصلت كم كلمة ... من هالصوب وهاك الصوب .. بس طنش تعش تنتعش وع قولة جواهر اركب جحش ..

دخلت الصف شفت وداد رحت حطيت الجنطه ويودت ايدها وطلعنا نتمشى ..
قلت لها : تتوقعين شو صار عندنا هالسبوع ..؟
وداد : اممم شو ؟؟

قلت لها : حمد اللي قلت لج عنه خقاق خطب الجوهره ...
وداد بفرح : صدق ..

قلت لها : هي صدق .. والله مستانسه وايد حق جوجوتي ..
وداد : الله يوفقها هههه .. يالله عاد نحن عنسنا ..

قلت لها : ههه لا عاد حلاته يوم عمرج 22 ولا 23 شو تبين فالعرس وانتي بعدج روحج يبالج تربيه هههه تروحين تربين ..

وداد : صدقج بس محد يعرف لأنه نصيب ..
قلت لها : صدقج .. يلا شكله رن جرس الطابور ..
وداد : وااااع مالي خلقه ..

................

كنت قاعده مالي خلق لا مدرسه ولا دراسه بعد .. قعدت أشخبط ع الكتاب ... بس انتبهت لما المس قالت ...
المس : نوره انتبهي الدرس مهم هذا لصالحج الامتحانات قربت ..
قلت لها : مس مدوخه ما اقدر ..

المس : أوكي حبيبتي سيري عند الممرضه
قلت لها : لا بتم اهني أحسن
المس : برايج ..

تمنيت الوقت يروح بسرعه .. متى يرن جرس البريك ... مليت من القعده في الكلاس ..
رن الجرس حسيت اني صرت حره وأخيراً ......

طلعت شفت البنات كل وحده قاعده مع قروبها .. فجأه حسيت بدوخه .. تماسكت بس راحت عني لما حسيت ..

بايد تحوط خصري ... والثانيه رفت بها البلاك بيري يدامنا تبا تصورنا ...

لفيت ويبت ايدي عالبلاك بيري وفريته ع الأرض بكل قوه أملكها تمنيت انه ينكسر في هاللحظه .. طاح ولا انكسر لأنه عليه كفر أزرق .... يا ريت لو وردي بعد ..

...........: نواري جيه جذا انزين ... ؟؟؟
قلت صوت عالي وأنا في وسط الساحه والبنات متيمعات ..
قلت : وقسم بالله ان ما قمتي عني وجلبتي رقعة ويهج ما تلومين الا روحج ..

حمده : نواري هدي بلاج
قلت لها وأنا كلي حره وأبا أطلعها فيها : مالت عليج شو ما تستحين يالبويه .. تدرين ان ربنا يلعن النساء المتشبهات بالرجال ...

حمده : نواري لي اهني وبس اسكتي ..
قلت لها : لا تطرين اسمي ع لسانج أصلاً ما اتشرف ..

حمده بحده : جب ولا كلمه فاهمه شكلي عطيتج فيس زياده عن اللازم
قلت لها بالأسلوب نفسه : هه شكلي أنا اللي عطيتج فيس .. على بلاويج الله يعلم شو من بلاوي بعد .. يـــــــــــا حمدان ... هههه

فيه وحده يت وتدخلت .. موزه : هااااه حمدانوه عرفت شو من طينه هاي بس انت اللي ما تفهم وخليت بنيه تعلي صوتها عليك ...

قلت بطنازه : يااااااااااحــــــــــــافظ .. الحمدلله بعدني أعرف ديني ومذهبي ...
حمده : لو سمحتي موزه لا تتدخلين ..
موزه : والله براويج يا نوره بنت خليفه ...

يتني الغبنه بس قلت ما بسكت ...
قلت بصوت عالي : جــــــــــــــــــــب ... لا تنطقين اسم أبوي ع لسانج فاهمه ..

موزه تحرّني : يا بنت الـــــ ************
ما حسيت بـ روحي الا وأنا أتجدم منها وكل غيض وعطيتها هااااك السطار اللي يأدبها ...
موزه مسكت مكان الكف .. : تضربيني أنا ..

وعفدت صوبي وتمت تمط فيني وأنا أتضارب وياها ...

حسيت روحي في فيلم هندي بـ صراحه ... والبنات كلهن محد تدخل غير حمده اللي كانت تفج بينا ...
وصلت المديره .. وصرخت علينا ... وشلتنا وياها الاداره .......

تميت أمشي بغيض وأدعي على موزه وحمده لولاهن جان تخرجت من المدرسه وأنا كرتي أبيض ولا مره ما تضاربت مع أحد بس هـ الأشكال غصبوني ... والله غصب أشوف أحد يهين أبوي وأسكت .. لأأأأأأأأأ مستحيل .. أنا نوره ما عاش من يهيني ويهين الغالي ؟؟

.. دخلنا الاداره .. المديره : شو ها اللي سويتيه انتي وياها ...؟
موزه وحمده تمن يطالعني ...

قلت : هذي البويه .. اللي اسمها حمده وحبيبتها موزه طاحن علي ضرابه ..
موزه : لأأأأ هي اللي بدت تسب ..

المديره : وانتي حمده شو تقولين ..
حمده : نوره اللي سبتنا ..
طالعتهن : أنـــــــــــــا يالمنافقات ...

المديره : اسكتي انتي وياها ...
سكتنا وكل وحده تطالع الثانيه غيض وقهر وتبي تفلع الثانيه بـ شي حسيت بألم في راسي ما رمت أستحمل بغيت أطيح بس يودت روحي ..

المديره : أبله حليمه .. أبله حليمه ..
أبله حليمه : نعم ...

المديره : سيري ازقري آمنه حمد و شيخه راشد ...
أبله حليمه : انشالله ...

طلعت الأبله .. وردت عقب ثواني وسألت البنات شو مستوي ...
طلعن بنات خير وقالو لها السالفه طبعاً حتى الكلام اللي قلته قالوه .. ماشالله عليّه سبيت بعد بس أنا كنت مع الحق المفروض ما أتعاقب ...

المديره : ألحين بتصل بأولياء أموركن عسب يعرفون سواد ويوهكن انتي وياها ..
قلت لها : بس أنا مالي خص ..

طالعتني بنظره بـ معنى اسكتي مالج خص الحين بييون أهلج ويتصرفون وياج ..
ترييت واقفه ويمبي موزه وحمده ...

دخل واحد جنه أخو موزه وعقب ياه واحد ثاني الظاهر نسيب شيخه .. ترييت حد من أهلي أنا اييه بس يمكن محد بيي حقي ..
المديره تمّت ترمسهم ترييت أحد يي عشاني بس الظاهر محد ...

جان المديره تقول لي : تعالي نوره خليفه ..
رحت صوب الطاوله .. استحيت خوان موزه وحمده اهني .. بس يلا طاف ..

قالت لي : وقعي تعهد ما تتعرضين لهم مره ثانيه ...
قلت لها : بس هم اللي بدو .. حمده وموزه من بداية السنه يقطون رمسات ..

المديره بحده : قلت لج وقعي بسرعه ..
طالعتها : لأااا ما بوقع ..
المديره تعلي صوتها : وقعي أحسن لج ولا ترا السالفه بتوصل للشرطه ..

قلت لها : توصل شو يعني .. ما بوقع لأني هب غلطانه ..
المديره : اطلعي برا انزين نتريا .. نشوف لما أهلج ييون
قلت لها : أنا أهلي .. ما عندي أهل .. أبوي متوفي وأمي بعد ..
المديره طالعتني جنها تبا تذبحني بمعنى صخي ...

لفيت أبا أطلع أوقف أتريا أحد ييي ويسأل عني ...
قبل ما أفتح الباب .. اندق وانفتح .. دخل ... وكلّه هيبه وشموخ ...

قال : السلام عليكم ..
وقفو كلهم وقالو : وعليكم السلام ..
........... : السموحه ع التأخير الدرب زحمه ,,
المديره : لا عادي .. حياك استريح ...

دش وهو يطالع صوب المديره ويرد يطالعني .. ما ادري جنه أول مره يشوفني في حياته ..

وبعد تفاهم بين أولياء الأمور خلوني أوقع تعهد على اني ما أسب .. طبعا مب أنا روحي خلو موزه وحمده يوقعون تعهد عن أشيا وأشيا .. ام البلاوي هاييل ..

يوسف : يلا مشكوره ..
المديره : الله وياك ..

وأوليا أمور شيخه وموزه بغو يطلعون بعد بس المديره قالت : اذا تبون تاخذونهم خذوهم ترا الدوام عقب خمس دقايق بيخلص ..

يوسف طالعني ... بمعني تعالي برا أباج ...
طلعت وياه وقفنا يدام الاداره .. يوسف : سيري خذي أغراضج وتعالي ..
قلت له : لأ برد ويا الباص ..

يوسف : قلت لج تعالي .. أترياج برا ..
ورووح وغاب عن عيني وناظري .. استانست رحت شليت جنطتي .. ولبست عبايتي وطلعت رحت السياره ركبت ورا ...

الحلقه الثالثه عشر ..



يوسف : شو هالحركه اللي سويتيها ..
حسيت اني يدام أبوي وقاعد يحاسبني .. هذا طبع أبوي ... الله يرحمه ..

قلت له : شووو ..؟
قال لي : ليش سبيتي البنات ..
قلت له : سبّت أبوي تباني أسكت لها بعد ..

يوسف : من الأساس كنتي ما ترابعينها عاد ..
قلت له : هم لاصقين فيني شسوي لهم .. أووف كل شي صار تحقيق .. في هالحياه

وطالعت برا وبدت دموعي تهل بدون سابق انذار .. حسيت روحي ضعيفه يدام يوسف ..

يوسف سكت حتى ما تنازل يقول كلمه .. أو حرف عسب يهديني لـ هالدرجه ما يحس .. حتى الحجر يحس بس هذا قلبه قاسي لا يمكن يحس ...

غروره لـ هالدرجه ما خلاه يتنازل و يواسيني .. بس يعاتب ..

وصلنا البيت ونزلنا ودخلت بدون ما أمر او حتى أسلم رحت الحجره تسبحت وصليت رقدت وأنا ميته صياح على حالي .. كل ما أتخلص من شي يظهر لي شي يديد ومشكله يديده في حياتي شو هذا ...

قمت على صوت الجوهره وهي تهزني تقول نشّي صلّي المغرب .. قمت صليت .. وعقب على طول دراسه

.. نحن نص أربعه مب باقي شي على امتحانات نهاية السنه ... الأيام قاعده تمر بسرعه بسرعه ... حسيت بـ روحي ما أقدر اوفق بين شي وشي .. كل همي فـ الدراسه وبس لازم أييب ذيج النسبه اللي أرفع بها راس أبوي ،، لأني وعدته ولازم أوفي بـ وعدي ..

سويت لي جدول للمذاكره والمراجعه بديت أكل الكتب أكل ... من كثر الدراسه .. وعيوني تكون تحتها هالات من كثر المذاكره والدراسه .. كثر ما أقدر وقت فراغي أقضيه فـ الدراسه وبس .. ابتعدت عن شي اسمه نت وتلفزيون وتلفون .. حتى طلعات ما قمت أطلع خلاااص مليت ... من الحياه ... همي الأكبر الحين نسبتي ...

بديت أخذ دروس تقويه عند مدرسين خصوصين لبعض المواد العلميه الصعبه ...
حسيت روحي في لحظه بطلع الأولى ع الدوله خلاااص ... يا رب أتوفق انشالله ...

قبل الامتحانات بـ يوم نزلت عسب نتغدا ...
عمي .. : حي هـ الويه والله ..

طالعته وابتسمت : السلام عليكم ..
الكل : وعليكم السلام ..

عمي : وينج حتى غدا وعشا ما تنشافين ..
قلت : دراسه انت أدرى عاد عمي ...

مرت عمي : اش كثر أقول لها انزلي غيري جو .. طايحه لي يدام هالمذكرات والكتب ..
عمي : خلوها برايها أدري بها بنت أخوي شاطره

جواهر : يالله أنا عاد كله قاعده وياكم وأييب هذيج النسب ..
ياسر : مبين شكلي أنا اللي يبت 72 هذيج السنه ...

جواهر : عن الفضيحه ...

قعدنا ناكل .. وهاليوم قلت بقعد مع الجوهره نسولف سوالفنا قلّت طول الوقت ملتهين بالدراسه ...
رحنا أنا والجوهره الصاله اللي فوق شفنا جواهر ماشالله مع سماعة التلفون اللي ما تفارقها طق حنك مع ميثاني ...

الله يهديهم انشالله ما يرسبون هع ... لا سمح الله ..

رحنا أنا وجواهر الحجره وتمينا نسولف ثواني الا وجلبناها دراسه ...
مرت أيام الامتحانات تعب علي وايد من امتحان لامتحان ثاني .. لدرجه حسيت عقلي بيشفر من زود الدراسه وبتخبل بس الله ستر .. صح انه كان ارهاق وتعب بس هالتعب ما ييه الا مرة فالعمر .. وهـ النسبه بس مره أييبها ...

ياه آخر يوم امتحانات ظهرت من المدرسه ... متأكده انّه هذا آخر يوم لي فـ المدرسه لأني واثقه بـ روحي .. وداعا للهم والمشاكل خلاص .. بعيش حياتي الحين .. المهم النسبه اللي بييبها ... ودّعت وداد اللي كانت مثل للطيبه والصداقه ,,,

تذكرت للحظه شيخاني
آآآه يا كثر شوقي لها .. شخبارها الحين شو مسويه .. أكيد مشتاقه لي كثر شوقي لها .. يا حلوها أيامنا مع بعض .. حنيت لذيج الأيام الحلوه .. آخر يوم نعبي الدبات ماي ونصب على بعض ... يتني الضحكه على استهبال الطفوله .. وعلى برائتنا ... تمنيت أرجع بعمري كم سنه ,.. عسب أفرح أبوي ... بس هذا اللي مكتوب ومقدر لي ؟؟

وصلت البيت نزلت دشيت الجوهره وجواهر توهم وصلو معاي حسيت بـ الفرحه وأنا أطالع الجوهره وجواهر ... بس طبعا ما باركنا لـ بعض الين النتايج ..

كل وحده راحت غيرت .. رحت تسبحت وصليت عقب بخيته رقاااااد الين العصر .. تعويض
عن التعب مال الأيام اللي طافت حسيت بالسعاده غامرتني اليوم بس فيه أحد ناقصها ...

دوم سعادتي جذا لازم أحد أو شي ناقصها مدري ليش .......؟؟؟
في حياتها سعادتي ما اكتملت ... دومها ناقصه ناقصه ...

..........................

ما حسيت بروحي الا وجواهر وميثاني يمطون اللحاف عني ...
قمت : هاااااااا شو تبون ...

جواهر : نشّي يلا نشّي نبا نظهر ..
قلت لهن : صدق متفيحات تونا أول يوم وتبونا نظهر خلونا نريح ع الأقل ...

رديت بخيته ... ما حسيت بروحي الا وأنا أنش ع الساعه 6 العصر جريب المغرب ..
نشيت تيددت بسرعه ورحت عسب أصلي العصر قبل ما يأذن المغرب ...

عقب نزلت شفت عموتي وبنات عموتي موجودين ..
رحت صوبهم وسلمت .....

عموتي : هااا نواري شو الامتحانات .,.
قلت لها : أوكي الحمدلله ...
عمتي : يلا الحمدلله .. تيبين هذيج النسبه اللي تسكت
قلت لها : انشالله

قمت بدون ما أقول شي مدري شو اللي قومني ...

بدت دموعي تهل شوي شوي الين وصلت جريب الحجره وأنا ماشيه شفت يوسف طالعني شافني استغرب بس أنا ما عطيت لأي أحد فرصه يزقرني بعد؟...

دخلت الحجره وبندت الباب ...

آآآآآآآآآآه يا بوي آآآه والله مشتاقه لك موووت مشتاقه لك شوق الظوامي الى الماي يابوي تعال وشوف بنتك بتتخرج خلاص ...
أمنيتك بتتحقق بنتك كبرت صارت نسخه عنك وعن أمها .. بس وينك وينك ...؟؟؟

يابوي يا أغلى إنسان في الوجــــــــــود رحلت وخليتني في هالدنيا وحيده حزينه يابوي ما عاد لك بـ هالدنيا وجـــــــــــــود ولكنك عايش بوسط قلبي طول سنينــــه يابوي من بعد ما سكنت اللحــــــــــــود عرفت أنا بعدك مر الهــم وشينـــــــــــه ..

بالفعل يابوي من بعدك الدنيا شينه ومره ... مافيه شي اقسى من فراقك ..
قطع علي تفكيري ....

............: نواري شاللي يايبنج اهني
قعدت عدل ومسحت دموعي بسرعه : ماشي
الجوهره تقربت مني وطالعتني : تصيحين ..؟

حضنتها وقلت : تذكرت أبوي .. مشتاقه له وايد
الجوهره : ادعي له بـ الرحمه والمغفره يا نوره
طالعتها : تعالي ننزل ..

الجوهره : هي تراهم سألو عنج توهم
قلت لها : يلا عاد .. عن نتأخر ويبدا تحقيق جوجو وميثاني هههه

الجوهره : تخيلي امنو ياه وسلم علينا ..
قلت لها بنص عين : منووو هاااااااه يلا ارمسي ..؟
الجوهره : حمد .. يا ربيييه نورو يخبل ..

قلت لها : ههه فديتج الله يوفقج معاه
الجوهره : يلا ننزل

نزلنا وقعدنا نسولف مع عمتي ومرت عمي .. الين العشا تعشينا وردينا أنا والجوهره فـ الحجره ..
رحت صوب اللاب توب وقعدت ...

الجوهره : شو تسوين نواري ...
قلت لها : مفاجأة عقب بتعرفين ..
الجوهره : يلا ارمسي ما فيني يلا بليز ارمسي ما أستحمل حرام
قلت لها : نو وي كل شي بوقته حلو ..

الجوهره :برايج انزين .. يلا ندش نور الإمارات
قلت لها : أوكي .. يلا بعد بالمره نشوف يتيمة زايد شو سووت فالامتحانات

الجوهره : أكيد خبصت تخبيص .. هههه شراتنا ..
قلت لها : هههه حلوه هاي ... شكلها من فتره مب كاتبه روايه يديده ..

الجوهره : أكيد لأنه موسم امتحانات يالله يالله الواحد يحج شعره تبينه يكتب روايه اش طولها ويبالها سيناريو وتنسيق وأفكار ..

قلت لها : صدقج والله هههه
الجوهره : تدرين أحس اختيار اسم الروايه أصعب من تنسيق الأفكار والسيناريو ..
قلت لها : يمكن حسب الكاتب ..

الجوهره : صدقج .. تعالي نحمل من محمل الروايات اللي في نور الإمارات
قلت لها : هي هذا اللي نطلب من يتيمة زايد وتلبي لنا طلباتنا ..

الجوهره : حملي من زمان ما قريت
قلت لها : وأنا بعد ..

الجوهره : أنا سايره أسوي نيس كافيه حقنا وانتي حملي ,,
قلت لها : أوكي دير ... بسرعه مشتاقه حق النسكافيه مالج
الجوهره : هههه يالمصلحجيه ...

.........................................

قضينا هالليله بقراءة روايه من أحد الروايات اللي جذبتني وشدتني لها من عنوانها بس العنوان أبد هب متعلق باللي فالروايه .. بس طريقة السيناريو وتنسيقه يخبل بمعني الكلمه حسيت روحي أقرا روايه واقعيه بالفعل ,,, البنت حالتها أشبه بــ حالتي
هذي الدنيا ... حتى نحن حياتنا أشبه بالروايه .. من أحداث ووقائع وحالتنا وكل شي .. صدق الدنيا صغيره ..

.........................................

رقدنا عقب أذان الفير وما حسيت بروحي الا وجواهر تباغم : نشو يلا نشو بنروح الحديقه ..

قمنا حسيت روحي .. منتهيه منهد حيلي ,, رحت تسبحت ولبست .. عقب نزلت أتريق ..
عقب الريوق قالو بنروح الحديقه نحن البنات .. بس نحن رفضنا قلنا مول أحسن لأنه الجو حار وما يساعد أبد ...

يوسف اللي خذانا بـ سيارته ووصلنا ...........
وقبل ما ننزل قال : ديرو بالكن ع رواحكن ...
كلنا : انشالله

عقب ما نزلنا .........جوجو قالت
جواهر : أول مره يوصينا ع رواحنا دوم من البيت بس يوصي اليوم حتى عند باب المول
ميثاني : ما يندرا لهم هـ الأولاد والله يوميا راي

استغربت من موقف يوسف ... كان يطالع صوبي وهو يرمس .. نظراته كانت موجهه لي أنا .. شو يعني حرص .. ولا خوف ... ولا حــــــــــــب ... ؟؟؟???

تميت أفكر ليش يوسف يستعمل هـ الأسلوب .. يوم يبا يقول اللي يقوله يقول .. ويوم ما يبا يتم ساكت حتى صوبي ما يطالع ..

مشينا أنا والجوهره خذينا عادل وعلاوي وعموري ورحنا صوب الألعاب عسب يلعبون أما ميثاني و جواهر أكيد راحن يتدلعن ,,,

قلت : عموري أي لعبه تلعبون
عموري : السيارات ..
قلت له : اوكي يلا

عموري : عطيني الكارد وأنا بلعب علاوي وعدول وياي
قلت له : أكيييييييد
عموري : اكيد ريال طال عمرج ..

ابتسمت له قعدنا أنا وجواهر في صوب نراقب اليهال وهم يلعبون ...
قلت : جوجو تخيلي باجر تعرسين وييي لج عيال
الجوهره : جب لاااه لأافلعج الحين

قلت لها : هههه صدق ما اتمسخر تراني ... هاي سنة الحياه
الجوهره : يالله يا نــوره اش كثر أنا مستانسه مع حمد

قلت لها : الله يحفظكم ويوفقكم
الجوهره : نواري تخيلي يوسف خطبج شو بتسوين

صعقني هالسؤال .. لا في وقته ولا مكانه ..... حسيته شرا الماي البارد ينجب علي ويوعيني من خيالي و عالمي البرئ الطفولي اللي ع قدي ...

ما توقعت هالسؤال أبـــــــــــــــد وخاصتاً من الجوهره ..
قلت لها : كل شي نصيب ..
الجوهره : أدري .. بس انتي شو موقفج

قلت لها : أنا ما أحكم على طول .. لازم أفكر ويوم يخطبني يصير خير ,,
الجوهره : نواري أحس يوسف يباج ...

قلت فخاطري باين يا الجوهره باين .. دامه قال أفكر أكيد بيعيد حساباته وبيشوف اذا يستاهل انه ياخذني ولا لأأأأ .... أو اني هب من مستواه الراقي ...

قلت لها : الجوهره لو سمحتي بليز هالأمور تسبب حساسيه ما بيني وبينج ...
الجوهره : نورو نورو طالعي هاك الصوب ...

شفت أغلى ناسي نعم أغلى ناسي ............
شافتني ويت بسرعه صوبي .........


.................: نواري فديتج
قلت : هلا شواخ علني فدااااااااااااج اشتقت لج وايد وايد

شيخه : أنا أكثر والله شخبارج شو مسويه
قلت لها : تمام ومن صوبج ..؟

شيخه : ماشي الحال ها شو الامتحانات
قلت لها : أوكيه الحمدلله .. هااا أشوفج مع الحبيب رواحكم

شيخه : هيييه .. ملجت من شهرين ...
طالعتها بفرح : صـــدق فديتج والله تستاهلين ...
شيخه : ههههه يالله عقبالج

طالعتها : لأ أبوي .. ابعد عن الشر وغنيله هههه
شيخه : بالعكس ...

شيخه : مبروك الجوهره ..
الجوهره : الله يبارك في حياتج ..

قلت : يلا مناك ما ابا معرسات يخربن عقلي ...
شيخه : ههههه يلا يعل تنخطبين بسرعه هههه
قلت لها : ياااااا حـــــــــــافظ هههه

شيخه : يلا أنا بروح ريلي يترياني ....
قلت لها : مع السلامه فديتج
شيخه : مع السلامه ..

والله وكبرنا يا شيخه .. قمتي تقولين ريلي يترياني باجر ولدي قاعد يصيح ... يوم عن يوم حياتنا تختلف عن اليوم اللي قبله ...

استانسنا وسولفنا وضحكنا مع بعض لدرجه حسيت جواهر وميثاني بيموتوني من سخافتهم وطنازتهم ع الناس ..
الله يعين ياسر وفهد عليهم هالمخبل ههههه

خلصنا من بعد طلعه حلوه ومتعبه في نفس اللحظه ... رجعنا البيت وكلنا تعب ...
رحت تسبحت وصليت .. عقب قلت ارقد أحسن لي أمس ما رقدت عدل ...

قمت اليوم الثاني على صوت جواهر زاعجه الدنيا .,. نشيت بـ كسل وأنا أدعي على جواهر .. حشا عشان لعبة بليستيشن سووت عرس عاد حق خطوبتها شو بتسوي .. الله المستعان ...

رحت تسبحت وغيرت كشخت ع الخفيف .. نزلت تحت اتريق ...
شفت الجوهره توها تتريق رحت قعدت وياها اتريق ...

الجوهره : ها شو طلعة أمس ..؟؟
قلت لها : كشخه وايـــــــد
الجوهره : هههه حلاته شفتي شويخ

قلت لها : هي فديتها وايد أتذكرها هالأيام
الجوهره : عرسها بعد أسبوع سمعت ...
قلت لها : هي طرشت لي مسج بليل .. بس ما بحظر

الجوهره : جيييييييه ..؟؟؟
قلت : أبوي ما صار له شهور متوفي تبيني أروح عرس ...
الجوهره : برايج ...

قلت لها : تدرين أنا وشواخ من نحن يهال مع بعض .. بس القدر فرقنا ... على آخر سنه
الجوهره : يالله عسى خير هـ الشي ...
قلت لها : انشالله يلا عاد متى بتطلع النتيجه أبا اعرف كم يبت

الجوهره : عقب أسبوع عالنت بنشوفها
قلت لها : وايد متشوقه ابا أعرف كم نسبتيه
الجوهره : انشالله فالتسعين كل هالتعب واخر شي تنقصين .. لااا عاد هههه

قلت لها : ها شخبار حمد ..؟
الجوهره : اش دراني بعدني هب حرمته
قلت لها : هههه بس بنات هـ الزمن لازم نبص بص مني ومناك عسب نعرف
الجوهره : هههه استريحي هاي جواهر هب أنا هههه

قلت لها : غربلاتها اليوم ناشه على صراخها .. طرت طبلة أذوني ..
الجوهره : ما أصدق انها خلصت الثانويه ...
قلت لها : صدقج هاك اليوم أقول في خاطري جذا

الجوهره : هااا شو ناويه تدشين ..
قلت لها : والله أنا ميولي أي تي بس يصير خير لما تطلع النسبه ...
الجوهره : انتي علمي حرام لو تدشين شي ادبي ... دشي شي على مجهودج ..

قلت لها : مو شرط .. قاعده أفكر خاليا في شي ادبي هب علمي ,,,
الجوهره : اللي ترتاحين له أحسن لح

قلت لها : يصير خير ... اللي كاتبه الله بيصير انشالله ..
الجوهره : نواري بابا يباج صــح !!
قلت لها : وينه ..؟

الجوهره : في الميلس ...
قلت : ليكون خوالي بعد يو ..
الجوهره : لا استريحي ههههه

طلعت من المطبخ متجهه للميلس وأنا في دربي شفت يوسف .. يوم خطف طالع صوبي حتى ما ابتسم ...
من شو مخلوق هذا الانسان ... لا يحس ولا يبتسم ...

حتى سلام اللي هو ســـــــــــــــلام لوجه الله ما يسلم ...
قلت غصب : وعليكم السلام ...

بس قفطني يوم قال : ما سلمت انزين ...
قلت له : عاد شكلي تخيلت ... انك سلمت ...

وطيران للميلس هب ناقصه قفطات بعد خخ .. بس بعد يوسف جامد وقاسي شوي أحسه ...
حمد اللي هو حمد اللي الكل يقول عنّه ما يرمس وخقاق يوم يشوف الجوهره يبتسم لها ...
دخلت الميلس ..

قلت : السلام عليكم ..
عمي : وعليكم السلام ....

وأنا قاعده أدخل ,,, عمي قال : نواري سكري الباب ...
سكرت الباب ورحت قعد جريب عن عمي شوي ...

عمي : تعالي اقعدي يمبي ...
استغربت منّه ليش وشو السالفه .... رحت قعدت صوبه ... يوّد ايدي هالحركه وايد وترتني ..
عمي : نواري انتي خلاص بنت كبيره صــــــح !!

طالعته باستغراب كمّل كلامه وقال : نوره انتي كبرتي وتعرفين كل شي وتعرفين سنة الحياه البنت تروح لـ بيت ريلها ...

عمي كمّل كلامه : نواري اذا واحد تقدم لج بـ توافقين ولا لأ ...
طالعته وقلت : عمي أنا ابا أكمل دراسه ما اا أفكر في هااالشي خير شر ..

عمي : بس هاي سنة الحياه يا بنتي ... واذا قلت لج ولدي يوسف يباج ...
طالعته مستغربه ::: حسيت روحي مستانسه ... هذا حلم حياتي حلم الطفوله وأخيرا بيتحقق يوسف بيصير لي أنا ... أنا وحدي ...

عمي : ها شو قلتي .....؟
طالعته بغيت أقول هي موافقه بس في شي يودني وقلت : آسفه عمي مابا ... أعرس أنا بعدني صغيره وابا اكمل دراسه أتمنى هالشي ما يزعلك ...

عمي : بنتي فكري عدل ولا تتسرعين .. وولد عمج شارنج ...
طالعته مستغربه وافكر ومحتاره ,,,

عمي قال : مو لأنه ولدي أقول لج خذيه مهما كان أنا أتمنى لج الخير لأنج بنتي ,.. ويوسف الحمدلله ما يعيبه شي ...
طالعته وقلت : بصلي استخاره وبشوف ..

عمي : بارك الله فيج بنتي ... وعندج وقت كثر ما تبين ...

طالعته وابتسمت له : يصير خير عمي ... وطلعت من الميلس وأنا محتاره ,,, وأنا رايحه صوب الصاله ..

شفت يوسف يتكلم في التلفون مندمج في مكالمته ويوم طالعني تم يطالع صوبي ويرمس استحيت منه وايد دشيت الصاله بسرعه ...

يوم يبا شي يسويه برايه أما أنا لأ ، حرام علي ... حتى يوم يغلط أحمّل روحي الغلط ...
دشيت الصاله وانا ساهيه مدري شاللي قاعد يصير حولي ولا شو قاعد يستوي ...

رحت الحجره وأنا محتاره واااااااااااايد ... مابين هي ولأ ..
بس يوسف قال يفكر أكيد ما يباني ... لأأأأأ شو هالأفكار .. كيف أضيع حبي من بين ايديني وهو روحه ياي يطلبني .. أكيد يباني .. هي اكيد ......

حاولت أهدي روحي أكثر وأكثر حاولت اقنع روحي بأنه بالفعل يوسف يباني .. خذيت ثلاث أيام وانا أفكر .. ومحتاره مابين هي ولأ ,,, هذي هب لعبه ... هذي حياتي اللي بعيشها طول عمري .. هذا الشي بيحدد مصيري ومع منو بكمل حياتي ..

بعد هالثلاث أيام ............
رحت عند عمي صوب الحجره دقيت الباب ..
عمي : ادخل ..

دشيت رحت صوب عمي وبست راسه ...
عمي : شخبارج نواري ..
قلت له : تمام الغالي ,,,

قعدت جريب عنه ما عرفت بـ شو بفتح الموضوع معاه ولا من وين ببدا وكيف ببدا ,,
بس هو سهّل علي مسافات وطرق .. وقال : ها فكرتي بنتي ..؟

رديت عليه وأنا احرك راشي بالايجاب : هي ..
عمي : هااا بشري ..؟ ؟؟ ؟؟ ؟
قلت : عمي أنا موافقه ...

عمي طالعني .. وضمني له ,,, ودموعه ملت عيونه بس ما نزلت ,,,
عمي : الله يحفظج حبيبتي ويوفقج ,,

هاللحظه عرفت اش كثر الأخو يحب عيال أخوه .. مستحيل اخ فـ الدنيا يكره عيال أخوه .. وما يتمنا لهم خير ...

عمي مسك ايدي استحيت ع بالي بيوديني صوب يوسف .. استحيت وايد
زخ ايدي ورحنا الصاله كانو جواهر والجوهره ومرت عمي قاعدات ..

عمي : هاي جنتكم خلاااص ..
استحيت تمنيت الأرض تنشق وتبلعني ... هاييل خواته وأنا جذا عاد يدام يوسف شو بسوي الله يعيني ...
جواهر والجوهره يو صوبي ولوو علي ...

جان اروح صوب حرمة عمي وبستها ع راسها .. لوت علي وقامت تصيح ...
مدري حقي هــ الصياح ولا لولدها البكر ... أو يمكن للإثنين كل شي جايز ..,

عقب ثواني الخبر انتشر في كل البيت والعالم بعد جوجو ما تقصر .. بي بي سي لندن هاي .. ما تصدق تسمع خبر وتنشره هي وميثاني ..

بس اللي يهمني الحين يوسف لي أنا لي أنا وحدي ملكي أنا
... وأنا له هو وحده .. لا يمكن يوم من الأيام أستغني عنه أو أترك غيري ياخذه عنّي بعد .. بتمسك فيه عشان ما أفقده لو فقدته بنتهي حياتي كلها بتنتهي كم مره بتتجدد جراحي تعبت ..
الحين يوسف لي أنا يااااا نااااااااس اش كثر أنا مستانسه اليوم ودي لو اليوم قبل باجر أقعد مع يوسف وأسولف معاه أحسه حياتي ودنيتي وكوني .. ومنايه اللي كنت اتمناه طول عمري اللي أحبه
... ولا يمكن أعشق أو أحب سواااااه .... هذا باختصار حبيبي ونصيبي .......
نعم ..}~
حــــــــــــــــــــــبــــــــــــــــــيـــــــ ـــــــــــبـــــــــــــــــي
و
نــــــــــــــــــــــصــــــــــــــــــيـــــــ ـــــــــــبـــــــــــــــــي

لازم أرفع راسي فوق فوق يوسف لي أنا ... علني فدااااااااااه وأتم بتفداه طول عمري ...
منو قدج يا نوره اليوم ... يوسف خلاص صار لج وانتي له ...

حسيت هاليوم يمر ببطئ وأنا أدعي ربي ما اتصادف مع يوسف ... مابا أشوفه قمت استحي منه يا عاااااااااااالم والله أستحي أحط عيني بـ عينه ..

رقدت وهنا لي المنام هالمره ... عدل عدل رقدت وأنا كلّي فرح وأمل باجر أنش مستانسه يارب .. خلاااااااص جمعنا القدر نعم جمعنا ... يعل أيامي كلها افراح وسعاده ...

قمت اليوم الثاني على صوت جواهر شرات كل يوم تباغم ...
رحت تسبحت وكشخت طبعاً الحين أكثر عن قبل .. خطيبي يمكن يشوفني هههه
نزلت شفت جواهر تباغم .. ومستانسه ...

شفت يوسف قاعد وياهم استحيت وايــــــــــــــــد أحم أحم ... مابا أروح أقعد وياهم ..

عمي : نواري تعالي النتايج ...
نسيت يوسف وابو يوسف بعد هههه المهم نسبتيه الحين اللي وعدت بها بابا ..

طالعت نسبة جواهر ... قلت : هاي على هالنسبه مستانسه لو فالتسعين جان شو بتسوي ..
الجوهره : خليها خليها هههه مستانسه بنسبتها وايد عليها ,,,

جواهر : أصلاً المهم تخرجت يعني ...
طالعت الجوهره شفت اسمها فاللاب ونسبتها .. قلت : مبروك جوجو تستاهلين فديتج ..
عمي : ونسبتج ما تبين تشوفينها .,.

قلت : لأ لأا ... لازم أشوفها أول غير والحين غير هههه

عمي لف اللاب صوبي .......... طالعت نسبتي ,,,, ما أصدق والله ما أصدق أنا يايبه هالنسبه أنا ... ما اصدق ..
قلت : عمي متأكد أنا
عمي : هي انتي ... منو بعد ...

طالعته : ما أصدق والله ...
عمي : امبلى صدقي .. هكوووه مكتوب نوره خليفه الــ .....

شفت اسم أبوي يتبع اسمي ومع هالنسبه حسيت بالفرح والفخر ...
على طول عفدت صوب عمي وحضنته ........ : عمي أنا نسبتي جييييييه

عمي : جيه مب مصدقه فديتج
قلت له : وأخيراً حققت حلم ابوي ...

عمي : بارك الله فيج على هـ النسبه ..
طالعته وفيني الغبنه : بس يا ريت أبوي موجود عسب يستانس بـ النسبه ..

عمي : يلا الحمدلله على كل حال وتستاهلين خلاص لازم نييب لج هدايا ..
قلت : والله انت أكبر هديه عندي بالكون ...

عمي : يلا باجر ترا حفلة التخرج بيكرمونكم .. انتي والجوهره ..
جواهر : اصلاً أنا ما با تكريم .. المهم تخرجت ..

ضحكنا على جواهر وسوالفها اللي شرات شكلها هههه
قلت حق عمي .. : وين بيكرمونا ,,,
عمي : الشيخ بيكرمكم .,
الجوهره .. : صدق ..

عمي ... : هي بعد شوووه .. ولا نواري ليش هالنسبه صح جوجو ...
الجوهره : ههههه صدق ...
عمي : بيطلعون التكريم ع التلفزيون ..

جواهر : لا عاااااااااد اهني أنا أغااااااار وايد ...
عمي : محد قال لج لا تذاكرين وطيحي جدام هالبليستيشن شرات الشباب
جواهر : النفس وما تهوا يا أبي ههههه

كنت قاعده أتكلم وأنا ما أحس بوجود يوسف معانا .... من الفرح ما حسيت بالوقت بعد ...

باركو لي عيال عمي ويوسف بعد بس ما طالعت تعابير وييهه تميت منزله راسي يوم ارد عليه
حسيت اليوم راح بسرعه ... وأخيراً حققت حلم أبوي بس ليته موجود ويانا وينه عنّا ... أكيييد كان بيفرح يوم بيطالع نسبتي ..

...........................

اليوم الثاني رحت لتكريم الأوائل ... حسيت بالفخر وهم يكرموني ... المهم عندي أرفع راس ابوي .. وأحقق أمنيته ........

ليته معاي اليوم وهاللحظه .. ليته يمبي ويشجعني .. ويبتسم لي شرات ما كل الأبهات يبتسمون لعيالهم ......

فقدتك يا أعز الناس ... يوم عن يوم أحس بازدياد أهمية وجودك بـ حياتي يا أغلى البشر بس للأسف القدر فرقنا ,.. ما كان مكتوب لنا نكمل مع بعض .. هذي الحياه ببساطه ..

طلعنا من قاعة التكريم ورجعت البيت رقدت وأنا مرتاحه البال ,,, هم وانزاح من على قلبي خلااااص الحمدلله ... صار اللي ابا أسويه ..

مشينا هاليوم بالسوالف ونحر جواهر اللي ما تكرمت شراتنا ,,,, بس هالانساانه مقتنعه بـ حياتها أحلى شي فيها هو هذا .. حلو الواحد يكون عنده قناعه ويكون واثق من روحه ...

....................................

اليوم الثاني اتفقنا نروح صوب البحر حزة المغرب .. يوم الجو يكون حلو ... لأنه صيف ..
حلو البحر .. من زمان ما رحت له .. بشكي له همومي شوي اليوم ...

معني أمس قلت .. بفتح صفحه يديده في حياتي وبنسى شي اسمه هموم وبشيل هالمسمى من قاموسي ... خلاص الحمدلله الهموم بتودعني خلااااص وبتناسني ,,, منو قدي يوسف بيكون معاي .. وبتم معاه طوووول عمري ...

.......

تجهزت ولبست ..جهزت أغراض عموري وعدول لأنهم يمكن يخسون رواحهم بـ ماي البحر ... يا ربييييييييه اش كثر مستانسه اليوم .. وأخيرا يوسف لي وأنا لـ يوسف ..
نزلت بعباتي شفتهم جاهزين .. بس كـ العاده باجي جواهر ..

شفت أولاد عمي محد .. رحت صوب مرت عمي ..
شفت فيه نظاره شمسيه ع الطاوله ..

وقفت يدامها .. ولبست النظاره : شو رايج عموووه ..؟
مرت عمي : اقري ع روحج هههه .. لايق عليج ..

قلت لها : أحم أحم أخجلتيني .. هههه
وطلعت النظاره طالعت وراي .. شفت الجوهره واقفه تباغم : جوجو خلصي ترانا هب متفيجين لج ..

قلت لها : الين باجر صارخي ماشي فايده .. نتريا يعني نتريا ..
الجوهره : وانتي الصاجه .. وين عموري وعدول وعلاوي ..
قلت لها : أونهم يجرجون البي اس بي عشب يلعبون اهناك ..

الجوهره : هاييل من صدقهم الحين .. الواحد يوم يروح البحر يستانس ..
قلت لها : ذكائهم خارق ... هاااااااااي السندريلا وصلت ..

جواهر لابسه نظاره وكاشخه وحالتها حاله جنها في بلاد بره خخخ ... محد يقول انّه نحن في الامارات والجو حار ..

الجوهره : وأخيراً .. يلا مشينا الشباب يتريونا في السياره ..
جواهر ترد ورا : لحظه لحظه .. واقي الشمس نسيته ..

طالعت جواهر قلت : يالغبيه نحن مغرب .. يعني لا يباله واقي شمس ولا هـ النظاره اللي لابستنها ...
جواهر تمّت تطالع وراي وماسكه الضحكه ..

طالعتها وقلت : بلااااج ...
لفيت وراي الا تفاجئت ويوسف واقف مستغرب ويطالعني ... جني أول مره أرمس يدامه ..
استحيت ونزلت راسي رحت صوب الجوهره ..

يوسف : أمايه خلي البنات ييون وياي وانتي والوالد والعيال مع ياسر ...

بغيت أقول لأأأأ أستحي واااااء ..... بس ما قدرت أرمس في شي ربط لساني غصب عني ..
تجدمنا .. وكنا نمشي ورا يوسف .. الين وصلنا جريب السياره ...

الجوهره : نورو اركبي يدام ..
سويت الها طاااااااف وركبت ورا ..
جواهر : ايه اركبي يدام
طالعتها شفت يوسف قريب لو رمست بيسمعني ..
جان أقول : مابا .. لو انتي تبين برايج ...

ركبت الجوهره يدام وجواهر ورا وياي .. قعدنا .. وعقب ثواني من بعد ما يوسف أنهى مكالمته ياه ركب .. بند الباب .. صار ظلام الحمدلله ..

وشغّل المسجل .. طالع ورا صوبي وقال : جواهر طلعت نورو أحسن عنج هااا .. تعرف فالموضه هب شراتج خربطيشن ..

استحيت ... قلت ياليتني ما رمست هذيج الحزة ... حتى يوسف استغربت منه أول مره يتكلم وياي جذا يمكن لأني خطيبته الحين ...

بس هو حسب مزاجه متى يبا يرمسني يرمسني بس أنا لأأأأ ممنوع لي ..
جواهر : أصلا أبا اتخقق أوووووف حرام الواحد يتخقق ..
يوسف : تخققي بعيد عنا .. بتفضحينا بخقتج هاي ..

جواهر : ههههههه والله اني لبستها مصخره بس هب ناويه البسها اهناكي ..
يوسف : اتحرا بعد .....

تميت أعابل في فوني كنت أحس روحي متوتره عكس يوسف اللي مبين عليه الهدوء وبرود أعصابه ...

وصلنا البحر .. نزلنا أنا والجوهره وتمينا نمشي مع بعض .. أما جواهر راحت صوب ميثاني وعلايه ومشو مع بعض ...
قلت : جوجو أنا مستانسه ..
الجوهره : وأنا بعد .. نواري الله يهنيج بـ حياتج

طالعت صوب البحر : تسلمين ... وين حمد...؟
الجوهره : جنّه اهناكي صوب يوسف ..

قلت لها : لا لا عاد ما بطالعه هههه دام يوسف عنده أستحي ههه
الجوهره : حركات يسوف بعد ... اليوم شلنا وياه غريبه ها طلعات يالله يالله بالشحته يطلعنا

قلت لها : أكييييد نواري وياكم .. هههه
الجوهره : شوفي شوفي ...

طالعت صوب ما تأشر الجوهره يتني الضحكه ..
قلت لها : حرام عليهن خرسوها ماي ..
الجوهره : مسكينه علييوووه هههه

قلت لها : والله جواهر و ميثاني ما يرحمون أحد بـ هالدنيا هههه
الجوهره : نروح صوبهم ..

قلت لها : تبينهم يخرسونا هههه
الجوهره : صدقج ... نقعد مكانا وايد أحسن ..

سمعنا صوت عموتي كانت جريبه عنّا رحنا سلمنا عليها وردينا قعدنا ..
الجوهره : نواري تحبين البحر ..
قلت لها : أكييييد .. فيه أحد يكرهه

الجوهره : هههه ياليت لو يوم نروح بحيرة خالد ونركب القارب مالهم ..
قلت لها : بابا الله يرحمه كان مشبعنا من الروحه اهناكي ..

الجوهره : أحيدج أسبوعيا اهناك .. ههه

قلت لها : عاد هب أسبوعيا أسبوعيا ههه تقدرين تقولين شهريا ..
الجوهره : تدرين في خاطري أروح العب بالماي ..

قلت لها : كامي وياي تعالي نروح في صوب بعيد عن هالمغثه ..
الجوهره : هي عن يخيسونا ..

رحنا أنا والجوهره تمينا نتمشى ونحن حافيين طلعنا النعال ...
مشينا ومشينا الين ما ملينا .. تقربنا من السيف وتمينا نمشي ونرمس ..

قلت : جوجو تعتقدين بعيش سعيده مع يوسف ..
الجوهره : أكييييد انشالله .. وبعدين نواري انتي لايقه ع يوسف هع .. ما ترمسون وايد .. وجديين لأبعد الحدود

قلت لها : هههه حلوه هاي لـ هالدرجه جاده أنا
الجوهره : هي نادر ما تمزحين .,.

قلت لها : وهـ الشي يعيبني في روحي هههه
الجوهره : مداح نفسه يباله رفسه ترا .. هههه

قلت لها : انتي اللي مدحتيني هههه
الجوهره : طالعي هاك الصوب ...

لفيت ويهي وطالعت الصوب اللي تأشر عليه الجوهره
قلت لها : أميييييييه يلا نرد مكاننا ,,
الجوهره : لأاأأ مابا

قلت لها : جوجو أنا أخاف ..
الجوهره : ترا أخوي ما بياكلج ...

قلت لها : أوووف أنا راده ..

توني بلف عسب أرد مكاني الا وصوت وقف الدم بـ عروقي .. صوت يهز بي كياني ويلعب بي لعب ...
يوسف : جوهره نواري تعالو ...

حسيت الدم اهني بالفعل وقف بـ عروقي
طالعت الجوهره : أويييييه مابا أسير ..
الجوهره : أنا وياج عادي ما بياكلج ..

طالعتها بأسى .. دامه زقرنا لازم نسير ..
قلت : أوكي يلا نسير بس نرد بسرعه ...

تقدمنا أكيد الأخت والأخو متفقين علي .. هالشي أكيد اميه بالميه .. لو دريت يا الجوهره شوفي شو بسوي بج ...
وصلنا صوب يوسف ..

يوسف يعابل في تلفونه : ها مستانسات ..
الجوهره : أنا عن نفسي هي نورو ما أدري عنها ..
قلت : لأأأ أنا مستانسه ,,,,

يوسف : زين .. نواري أباج شوي .. الجوهره ممكن دقايق ,,,
الجوهره ما علقت ولا قالت ولا كلمه انسحبت راحت بعيد بس نقدر نشوفها ...
حسيت بـ قشعريره .. حتى ولو الجو حار أحسه بارد وايد ...

يوسف : نواري بلاااج ..؟
اهني وعيت من خيالي ورديت للواقع ..

قلت له : هااا لااا ماشي ... أنا بسير ...
يوسف يود ايدي يرجعني .. : قلت لج أباج في سالفه ..

سحبت ايدي بـ هدوووء .. معني كنت أتمنى يا يوسف أيود ايدك طول عمري ولا أودرها .. بس كل شي في وقته حلو يا يوسف ..

طالعت البحر مستحيه : نعم ...
يوسف قعد ع الرمل بطريقه حلوه ...
طالعني هالشي أربكني : نوره اقعدي ..
قلت له : مابا .. ارمس بسير ...

يوسف : بدينا .. قلت لج اقعدي ماباكلج .. هكوهم مبينين ..
طالعت الأرض وقعدت ع الرمل .. حسيت روحي أبا ألعب في الرمل ... بس خلاااص ولت أيام اللعب .. تذكرت انه يوسف يمبي ...

يوسف : نوره ممكن أسألج سؤال وتجاوبيني بـ صراحه ...؟
طالعت صوبه وقلت : حسب السؤال ...

يوسف : لأأأأ عاد أبا الصراحه ..
قلت له : اسأل ..
يوسف : وعد بتقولين الصراحه ...

قلت له : قلت لك حسب ...
يوسف : عاد خلاااص ..
قلت له : خلاص وعد بقول لك الصراحه .. ارمس ..

يوسف : انتي وافقتي علي بـ قناعه ...
طالعت البحر : مدري ...
يوسف : يعني مب مقتنعه ..
قلت له : ما اعرف قلت لك ..

يوسف : عاد ليش وافقتي ..
قلت له : أنا روحي مدري ..

يوسف : يمكن يكون تهرب من ضروفج وحياتج ..؟؟
قلت له : جايز ,,,
يوسف : نوره قولي الصدق لو سمحتي انتي راضيه ولا لأ ..
طالعت البحر .. وقلت : راضيه ...

وقفت نفضت الرمله من على ايدي .. وقلت : خلاص ولا تبا شي ثاني ..
يوسف : لأ خلاااص .. بس أكيد ..
ابتسمت له وقلت : أكيد ...

ابتسم لي ولفيت عسب أرجع صوب الجوهره .. سمعته يقول : ديري بالج ع روحج ..

المتني هالكلمه اش كثرررر ... على معناها الكبير والحلو .. اللي يدل عالحرص .. الا اني أحسها مثل السجاجين ع قلبي ...

دوووم يوسف يقول جذي .. حتى أبوي الله يرحمه دوم كان يقول جذا ... فيه تشابه كبير بينهم ....... يوسف انت دومك تذكرني بـ أبوي .... حرااام عليك .. كل ما أنسى تذكرني به ..

رحت صوب الجوهره وغمزت لي : هاا استانستي مع الحبيب ..
طالعتها وقلت : انجبي لأفلعج الحين

الجوهره : هه خلااااااااص هههه تعالي نروح صوب البنات ..
قلت لها : يلا قمنا ..

مشينا وأنا بس أفكر يوسف ليش سألني هالسؤال يا ترا يحبني ولا لأ ... ولا انه يباني أقول له وافقت عليك غصب .. عسب يفسخ الخطوبه ويشوفها حل والله مدري عنك يا يوسف ..

رحنا صوب السيف وتمينا نلعب ... بالماي وتصورنا صور للذكرى ..
طالعت الصوب الثاني شفت الشباب يلعبون كرة طايره .... آآآه يابوي وينك وينك والله مكانك خالي ... اش كثر مشتاقه لك ...

تذكرت أبوي ويتني الغبنه ... كيف كان مع الكل ومحبوب .. كان لعيب في كرة الطايره دوم فريقه يفوز ,, آه يا بوي ليش تركتنا لحالنا .. تعال الكل مشتاق لك ويبيك محد بـ هالكون يقدر يعوض مكانك ...

جواهر : بنات انا أبا أروح ألعب وياهم ..
الجوهره : هي عسب يسوف يفلعج وتطيرين وياكلج السمج هههه
جواهر : لا لا نواري عندها واسطه يلا نبا نلعب ..

قلت لها : شكلج تبينه يطيرني وياج بعد ههه
ميثاني : لا صدق نواري سيري قولي لهم الكره يسمعون كلامج ..
الجرهره : لأأأ نواري أصلا هم ما يبون لج الخير هههه

قلت لها : لو اني غبيه ومستغنيه عن روحي جان سمعت كلام جوجو وميمي ..
علايه : بنات يلا عن اذنكن ,,

ميثا : ذلنا خلود كل شوي يتصل بها حشا ..
قلت لها : انجبي دامج ما تعرفين هـ السوالف ..
ميثا تكش على روحها : شكلنا عنسنا ,,

جواهر : صدقج ,,, بكتب ع عباتي من باجر ,, للبيع هع يمكن واحد يشفق علي وياخذني ..
ميثا : نواري شو كان شعورج لما يوسف خطبج ..
وقفت ومسكت ايد الجوهره : شي خاااااص ما يخصج ..

ميثا : تريي لما انخطب ما بقول لج عني ..
قلت لها : هذا اذا انخطبتي .. وبعدين ماماتي غبيه أنا أقول لج وأشوف الخبر باجر واصل لـ يوسف بعد ..
ميثا : يلا مناك يلا مناك كش .. نحن ما نحب المؤدبات يقعدن معانا ..
قلت لها : أحسسسسن زين يت منج وتعرفين روحج ومعدنج ههههه

جواهر قامت ومشت مع ميثا وهم يحرونا بايديهم وحركاتهم ..
الجوهره : الحمدلله والشكر ولا جنهن متخرجات من الثانويه البارحه ..
قلت لها : خليهن يعيشن حياتهن ههههه

الجوهره : نورو تعالي نروح صوب قوم ماما ..
قلت لها : أوكي لأني مليت ..

وقفنا وتمينا نتمشى عسب نروح صوب عموتي ومرت عمي ...
الجوهره : طالعي طالعي حمد ..
طالعت صوب ما تأشر الجوهره بس قفطت عن خاااااااااطر ...
قلت : فضحتيني يوسف واقف يمبه وتم يطالع صوبي ..
الجوهره : هههه عادي يلا واسطة خير مبينكم أنا ..

قلت لها : هههه والله استحيت الحين شو بيقول يوسف .. نواري ميته علي كل شوي تطالعني ..
الجوهره بايدها اتنطش : عادي شو فيها خطيبته وتغار عليه ..
قلت لها : لو انتي مكاني .. ؟؟؟
الجوهره : لالا ههه عاد أنا غيييييير أستحي ..

قلت لها : ماااااالت بسير بقول حق حمد الحين ..
الجوهره : هي عسب يسوف يقطع راسج هههه
قلت لها : أونـــج عاد خطيبي مستحيل يسويها ..

الجوهره : تعالي صح انتي ليش هاك اليوم كنتي تصيحين ...؟؟؟

أنا صرخت بـــصوت عالي والجوهره معاي ,... والكل تفاجأ ... شو السالفه شو مستوي ..؟؟
الجوهره : هههههه منو فرها ..
لفيت وراي : شكلها يت من صوبهم ههههه

فهد ياااه صوبنا : السموحه هههه تروعتن هااا
أنا : حشا روعتوني والله .. زين ما تكسرت هههه

الجوهره : شلوها عنّا ولو يت تراني بنقعها ..
فهد : احلمي في حمد عاااد هههه

الجوهره استحت ورصت ع ايدي .. الكل قام يكلمها عن حمد كل ثانيه وكل لحظه حمد وحمد
فهد بصوت واطي : وينها الهبله ..؟

قلت : هههه راحت ويا ميثاني صوب المريحانات
فهد : أنا أقول هبله محد مصدقني ههههه

يوسف يصارخ : فهود قوم عن حرمتيه وأختيه ههههه شكلها السالفه حلت لك
فهد يصارخ شراته : ياااي يااااي .. ما باكلهن تراني ..

روووح فهد .. حسيت روحي مستحيه ... مدري من شووو ..؟؟؟
بس يوسف قال حرمتيه ... هي حرمتيه يعني يحبني ... آه ه ه يا يوسف ما تدري اش كثر متعبني بهواااك ..

الجوهره تأشر يدامي : هللللللللللو ..
قلت لها : هلأأأأ ..

الجوهره : وين رحتي ..؟؟
قلت لها : جوجو شكلي بودع الهموم وبمحيها من قاموسي ,,

الجوهره : يارييييت ع الأقل نفتك ههه
قلت لها : غربلاتج هههه يلا نسير صوب قوم عمو ..

وصلنا صوب قوم عموتي ومرت عمي كانو قاعدات يسولفن ..
الجوهره قعدت .. وأنا رحت صوب الخدامه يوم تقطع السندويتشات وخذيت لي وحد وييت صوبهم ..

الجوهره : ياللحفه ييبي لي ..
قلت لها : هب متفيجه لج ,, عمو وعمو تبون ..؟

عموتي ومرت عمي : لأ ..
عموتي : تونا شربنا جاي حمر ..
مرت عمي تأشر يمبها : حرمة ولدي تعالي اقعدي يمبي ,,,
استحيت وطالعت صوب الجوهره ..

الجوهره : بدينا من الحين هااا حرمة ولدي وحرمة ولدي ونحن وين .. هااا
رحت صوب مرت عمي وقلت : يلا مناك عمو مالي صح عمووو ..؟

مرت عمي : هي مالج هههه
عموتي حفصه : عاد أنا بعد ما أرضى ع حرمة ولدي تعالي صوبي ..
الجوهره استحت مبين عليها .. وقالت : موتي حره نورو هههه

طالعتها وضحكت وياها .. وقعدنا نسولف مع عموتي ومرت عمي عن سوالفهم زمان وكيف عمي خطب مرت عمي ... وووو سوالف أول يا حلاتها .. تفتح النفس أيامهم حلوه غير غييير عن أيامنا هاي .. بس الكل يعيش وقته ويومه .. في نظري زمنا فيه وايد أشيا أحلى .. والحياه حلوه اذا نعيشها حلوه .. حسب الشخص ونيته ..

أدري لازم أنصح روحي أول وعقب أنصح الناس هههه ..
بس هذا طبع الزمن وهذي قسوة الحياه .. أوقات الواحد ينصح غيره ويوعي غيره .. و هو محتاج من ينصحه ويعرفه الدرب الصح ويوعيه ...

عموتي .. : نواري الجوهره سيرو سيارة ياسر شوفو تلفوني هناك ...
أنا والجوهره : انشالله ..
قمنا أنا والجوهره ... مشينا الين صوب الباركنات ..

الجوهره : نواري طالعي الشارع حلو ...
قلت لها : يبالي أصوره صوره وأحط الصوره في نور الامارات ..
الجوهره : انتي لما ييبي موبايل ماماتي ,,, وأنا بصوره .

قلت لها : أوكي ..
فتحت باب السياره .. مسكت الموبايل .. توني سكرت باب السياره .. ولفيت وراي ..
شفت كره بلاستيكيه مال اليهال انرمت ع الشارع ..

لفيت صوب الجوهره .. وكانت ماسكه الكيمره ..
طالعتها وقلت : صوريني مع الشارع ههههه
الجوهره : هههه أوكي عقب انتي صوريني ..
قلت لها : أوكي ..

الجوهره : مسكت الكيمره وحطتها يدام ويهها .. وتوها بتدق على الزوم عسب تعدل الصوره ..
طالعتها وقفت وتمت تطالعني مصدومه ..

استغربت قلت : جوجو بلاااااج ..؟
فجأه طاااااااااااحت الكيمره من ايد الجوهره .. وأنا سمعت صوووووت بريــــــــــــك سياره يطر الأذون من كثر ما هو عالي ....

توقف دمي بـ عروقي يوم سمعت صوت الجوهره أقرب لصوت الواحد يوم يموت .. وهي تصارخ بأعلى صوتها ...
الجوهره : عـــــــــــــــــــــــاااااااااااااااااااااااااا دلـــــــــــــــــــــ ................!!

انتظرو للحلقه القادمه ..
توقعاتكم ..؟؟