خاطري مكسور من قسوة زماني كاملة

تركي:يمه عطيني سوسو
امه:وش تبي بها
تركي:بروح اشتري لها العاب مسكينه محد عبرها بناتكم راحو يتمشون و يشترون لأنفسهم ولا فكرو في ذا المسيكينه
امه وخالته ضحكوا
امه:زين وانتبه لبنيتي
ماجد:لا ياخالتي كنك هزئتينا شكبرنا شعرضنا وتقولين انتبهو لها
تركي ضحك وقال:يعني ماتخاف على بنتها
ماجد:ايه صرف هههه
ام راشد:الاوين راشد وابوه و نايف وابو نايف
تركي:يقولون بيروحون يشوفون مشروعهم الي بالخبر وعندهم اشغال بيقضونها وبيجون
ام نايف:وذا الشغل مايخلص حتى وهم بااجازتهم شغل
ام راشد:احسن لهم اذا جو معنا وخصوصا للمول هبلوبنا خليهم بعيد احسن
تركي:يله إنا رايحين توصون شي
امه:سلامتكم بس انتبهو لبنيتي
ماجد: هههه طيب لاتوصين حريص وراحوا
ام راشد:قومي ياوخيتي نتمشى و نشوف لنا كم قطعة قماش تصلح للعروس المقبله
ام نايف:ذكرتيني ياوخيتي الله يذكرس بالشهاده عندي عروس ياكثرها الله يعين شوفي ذا المحل الي قدامنا شكل عنده اشياء سنعه
ام راشد:يله
><
ياسر دق على شذى و قفلت بوجه وقفلت جوالها
شذى بعصبيه:اوف اوف
داليا:وش فيك بسم الله
شذى:ياسر مالت عليه
داليا:ليه ماتردين تشوفين وش يبي
شذى:وش عندها تبيني ارد
داليا:بكيفك تبين تردين ردي ماتبين لاتردين
شذى:داليا وش عندك انتي اليوم من جينا من الماركت وحالك منقلبه
داليا ارتبكت وقالت:هاه لا مافيني شي وتصرف وتقول شوفي ذيك البلوزه مو حلوه

شذى عرفت انها تصرف ومشتها لها:الا حلوه
><
شهد:وش قال حبيبي يوم درى اني وافقت هههه
دانه:ياهوه ياحبيبي عموما استانس واحس ان وجه ردت فيه الروح يوم سمع الخبر
شهد:شكله ذايب الاخ
دانه:شويه ذايب هههه
شهد:واو وش هذا
دانه:وشو
شهد:شوفي البنجابي ياخذ العقل

دانه:واي يهبل
شهد:بروح اشوف اذا فيه قدي خذيت لي
دانه:وانا بعد عجبني شكله
شهد:وش رايك ناخذ نفس اللون ولا كل وحده غير
دانه:خلينا نطقم علشان عزيمة بنت خالي
شهد:اوك يله
><
بدر:انت ترى رجلي تكسرت امش خلنا نروح نلعب
فواز:انت ماتمل امس لاعبين لين قلنا بس
بدر:بس هنا فيه العاب احلى
فواز:اوك قدام
><
شذى:ياربيه طفشت مدري وش فيني حاسه اني مليت
داليا :حتى انا مثلك حاسه اني ابي ارجع لرياض
شذى:عسانا بس صاحين
داليا:ههههه
شذى:ابي اروح للبحر
داليا:اها قولي انك اشتقتي لياسر
شذى بدون اهتمام:من زينه عاد عشان اشتاق له خلاص ماصار يهمني
داليا:ياهوووه ياقوي
شذى:امشي بس ولايكثر انتي وخشتك
داليا:هههه مشينا
><
ماجد:من ساعه وإنا بذا المحل ولا شريت لها شي
تركي:مافيه شي يناسبها
ماجد:اكيد مابتلقى مافيه محل ألعاب يالمهجول
تركي:الا اجل وش ذا
ماجد:عساك صاحي ياوخيي انت قبل ماتدخل قاري اللوحه
تركي:لا بس شكله حق اطفال
ماجد:حق اطفال مب العاب يالمهوي أقول امش لين طلعنا من المول بوريك محل العاب مناسب لعمر الدبدوبه
تركي:اصبر بشتري لها من ذا المحل
ماجد:وش بتشتري لها اخلص علينا
تركي:اقول كلها حقت سنتين وفوق ماتناسبها يله مشينا
ماجد:مشورتنا على الفاضي
تركي:هههه الله يعينك علي
ماجد:آمييين
><
ام ياسر:آثير دقيتي على ياسر
يسرى:اكيد يمه تبينها ماتكلم حبيب القلب وضحكت
آثير استحت وقالت:افهم بس من الي سألك
يسرى:عليك وجه صار طماطه هههههه
آثير:كلي تبن ياالشينه
ام ثامر:هذا انتو تزوجتو ولما الحين وماعقلتوا الله يصلحكم
آثير:يمه بنت اختك ادعي لها بثبات العقل الحمد الله والشكر هههه
ام ياسر:الله يهديكم
><
ياسردق ع شذى وردت
شذى بعصبيه:وبعدين معك يعني
ياسر:ليه الحلو معصب
شذى:اوف انت شفت الساعه قبل ماتدق
ياسر:الا
شذى:كم عندك يمكن وقت الرياض و الدمام تغير
ياسر:ههههه حلوه منك يالحلوه
شذى بضحكة استهزاء:هه هه
ياسر:بس حبيت اسمع صوتك قبل ماانام
شذى:سمعته خلاص استانست والله انا اقول تروح للي فضلتها علي وصارت زوجتك احسن
ياسر حس ان احد طعنه بقلبه وقال آه بتعب وضح في صوته مره
شذى خافت عليه وقالت بكل حنان:ياسر وش فيك
ياسر بتعب:سلامتك شذو
شذى:ياسر لاتنسى اني اعرفك اكثر من نفسي لاتخبي علي
ياسر حاول يغير صوته ويرجع طبيعي قال:هذا انا اكلمك مافيني شي سلامتك
شذى:ياسر
ياسر:ياروح وقلب ياسر
شذى نزلت دمعه من عينها ومسحتها وتجاهلتها وتجاهلت كلامه وقالت:ادري ان الآه الي تو طلعت منك بسب كلامي ترى ماتوقعتها ممكن افهم انا الحين من بالنسبه لك؟احترت بصراحه مره تقول انك تتسلى والحين واضح انك تحبني
ياسر:ياطول اجابة هالسؤال
شذى:طيب احكي لي نصها
ياسر:انتي كل شي بحياتي بدنيتي كل شي كل شي
شذى:طيب ليه تتعمد تجرحني انت الي تحبهم تحب تعذبهم وتجرحهم
ياسر:لا ياروح ياسر
شذى:يعني انت لما الحين ماجرحتني
ياسر:ادري ياعيوني اني جرحتك وعذبتك بس انتي ونزلت دموعه وسكت
شذى:قلبي وش فيك كمل
ياسر استانس وحس الدنيا مو واسعته من الفرحه ومسح دموعه وقال:عيدي الكلمه الله يخليك آه يازينها من فمك
شذى استوعبت انها قالت هالكلمه وحبت تجرحه ترد لو شوي من الي سواه فيها وقالت برود:اوه معليش جت بالغلط
ياسر:عيديها لو بالغلط تهبل منك
شذى:على فكره انا فيني النوم ومب رايقه لك لو سمحت اذا بتدق دق بوقت زي الناس لااااا وش تدق لاتدق لو سمحت
ياسر رجعت تدمع عيونه وقال:اسف على ازعاجك وربي ان اصابعي هي تدق رقمك بدون مااحس فيها
شذى نزلت دموعها الي حابستها من اول المكالمه وقفلت وجلست تصيح
داليا :وش فيك وش قال لك
شذى تناظرها وتصيح
داليا:الله يعينك
دق جوال داليا
داليا:من ذا المزعج الي داق هالوقت وشافت الرقم ابتسمت وناظرت شذى
شذى مسحت دموعها و ناظرتها وقالت:من
داليا ارتبكت وصرفت:هاه ايه هذي غلا
شذى:وش عندها كل شوي داقه
داليا:خليك بياسر وخليني انا وغلا
شذى:داليا انا عندي احساس قوي ان هذي مب غلا
داليا بدون اهتمام قالت:هذا سلطان ارتحتي
شذى:وليه كلمتيه
داليا:نسيتي انك تو مكلمه ياسر
شذى:بس فيه فرق بينهم
داليا:وش الفرق كلهم رجاجيل غرب عنا لاتبررين
شذى:اوك بس لاتقولين اني ماكلمتك ونصيحه ابعدي عنه
داليا:اذا بعدتي عن ياسر بعدت عن سلطان
شذى:اولا انا ماكلمته هو كلمني ومارديت الا يوم ازعجني
وثانيا انا ببعد عنه لان الي جالسه اسويه حرام والله يتوب علي
داليا:اوك خليك بحالك لو سمحتي
شذى:نصحتك وكيفك
داليا:طيب نومي ولا انشغلي بحبيبك
شذى ناظرتها بنظرات حاده ولفت وانسدحت وغطت نفسها باللحاف
داليا بعد ربع ساعه ناظرتها تبي تتأكد انها نامت ولقتها نايمه
دقت على سلطان وعطاها مشغول
داليا:هههه يعني شو الفرق

دق جوالها
داليا بصوت واطي:هلا
سلطان:هلا بدودو
داليا:آهلين
سلطان:شو مانمتي
داليا:لا مابقى شي ع الفجر بصلي وبنام
سلطان:اها بسألك سؤال تجاوبيني بصراحه
داليا:آكيد
سلطان:انتي داقه تتسلين ولا وش غرضك اتمنى فهمتي السؤال
داليا:بصراحه اتسلى
سلطان بخبث:يوه لو تدرين وش غرضي كان ماقلتي هالكلام
داليا:ليه وش غرضك انت؟
سلطان:بصراحه مب عارف ليه حاس اني اعرفك من زمان ومرتاح لك كثير<حقير قهرني>
داليا:شي حلو بس شلمطلوب
سلطان:انا ودي تصير علاقتنا علاقة حب
داليا:لا والي يرحم والديك بلى الحب
سلطان:ليه بس
داليا:بدون ليه كذا ماابي احب
سلطان:وليه الحلوه عصبت
داليا:هههه لا ماعصبت بس تجارب الي حولي خلتني اكره الحب
سلطان:اها علشان هيك
داليا:ايه
سلطان:انتي جربي الحب معي مابتخسرين شي
داليا:اوك بفكر اجرب
سلطان:خذي راحتك في التفكير
داليا:اخليك الحين بروح اصلي وانام
سلطان:تقبل الله و نوم العوافي ياعمري
داليا:منا ومنك صالح الاعمال
ويعافيك ربي
><
الساعه:٩والنصف صباحا
ياسر جالس على الكرسي ومغمض عيونه و يفكر بشذى قطع تفكيره نغمة جواله
ياسر:هلا زيزو
زيد:اهلين وش اخبارك؟الحمد الله على السلامه وبعدين ماتعرف تدق وتقول وصلت بالسلامه
ياسر ابتسم ابتسامه حزينه وقال:وحده وحده شوي شوي علي انا بخير والله يسلمك واسف حقك علي نسيت اتصل
زيد:ايه صدقت نسيت مشاء الله اذا بتصرف صرف زي الناس
ياسر:خلاص عاد قلت لك اسف
زيد:اوك ولد خالتي وصديقي مقدر ازعل منك
ياسر:ماتقصر زيزو
زيد:المهم ترى انا والشله رجعنا الرياض
ياسر:صدق ليه
زيد:طفشنا والجلسه بدونك ماتسوى
ياسر:تسلم تعال عندي بالبيت ماعندي احد وانت ماعندك احد يله انتظرك
زيد:اوك بس بسوي كم شغله وبجي
ياسر:اوك
><
ام راشد:يالله صباح خير وش فيك انت و ياها
شذى:يمه شوفي فوازوه
امها:وش فيه وش مسوي
شذى:يبي ذا القناه وانا ابي قناة ثانيه ومب راضي يحطها
امها:وانتم كل يوم على هالحال
وانت وش جايبك بجناحنا كن ماعندكم تلفزيون بجناحكم
فواز:بدر يلعب سوني
شذى:مشاء الله وإنا الي نروح فيها وبدور يلعب خير يله ضف وجهك
ام نايف جت:وش فيكم عسى خير
ام راشد:تعرفينهم كل يوم على نفس السالفه
ام نايف :اشوف عطوني الريموت
شذى:خذي خالتي
ام نايف طفت التلفزيون وخلت الريموت معها
فواز:خالتي
ام نايف:اذا اتفقتو على قناة وحده عطيتكم
ام راشد:ايه كذا عليس بهم ياوخيتي
شذى: ههههه الله يعينا عليكم اذا اجتمعتو اسكت احسن
امها:الله يصلحك يابنيتي هذا الي ينفع معكم وش نسوي بكم
شذى:هههه مامي ابي فطور وش عندكم
امها:كل خير روحي المطبخ وكلي
شذى:اوك وقامت وراحت
وفواز راح لبدر
ام نايف:اسمعي ياوخيتي امس تركي كلمني بموضوع يخص شهد
ام راشد:عسى خير
ام نايف:كل خير يبيها له زوجه
ام راشد بفرح:الساعه المباركه ياوخيتي وانا بنلقى احسن من تروك بس هو مابعد خلص دراسه
ام نايف:ايه هو يبي يحجزها لين يخلص ويتوظف و يعرسون بعدها
ام راشد:الساعه المباركه بس ناخذ راي شهد و نرد لك
ام نايف:البنت موافقه
ام راشد بااستغرب:مو افقه
ام نايف:ايه تركي خلا اخته دانه تسألها و هي موافقه
ام راشد:هههه ياحليلهم اجل مابقى الا يخطبها من ابوها
ام نايف:ايه وانا بقول لأبو نايف يكلم ابو راشد
ام راشد:على خير ان شاء الله
><
شذى جلست على الكرسي الي بالمطبخ و خلت الخدامه تجهز لها الفطور وكانت تفكر بياسر
شذى بنفسها وش يقصد بالفرق الي بينا قصده السن لا مااعتقد وش دخل السن ايه اكيد يقصد الطبقه الاجتماعيه بس انا قلت له بتحدى العالم عشانه الحين انا ليه جالسه افكر فيه معقوله لما الحين احبه بعد كل الي سواه لازم انساه بس مب عارفه انساه هو عايش بحياتي بكل جزء منها عايش فيها آه حرام عليك ياياسر وقطع تفكيرها صوت الخدامه:ماما فطور جاهز
شذى:شكرا
وحاولت تطرد تفكيرها بياسر وانشغلت بالفطور
><
بدر:فواز كم الساعه
فواز:١٠ونص
بدر:وش رايك نروح نهجول تحت
فواز:قدام بس وين نروح
بدر:وش رايك نروح لصالة البلياردو الي تحت ولأ المقهى وش رايك
فواز:كلهم مشينا
بدر:مشينا
><
خلصت شذى فطور وراحت للغرفه

وسمعت تلفون داليا يدق ورقم بدون اسم




تم الجزء الخامس

الجزء السادس""

خلصت فطور وراحت للغرفه
وسمعت تلفون داليا يدق ورقم بدون اسم
وعرفت انه سلطان ولقتها فرصه ترد عليه وتنقذ بنت خالتها
سلطان:هلا وغلا صباح الخير
شذى:هلا صباح النور
سلطان:وش فيه صوتك توك قايمه
شذى:ايه متغير
سلطان:ايه للأحلى
شذى:المهم لاعاد تدق علي اخوي درى وذبحني امس بالطق فاارجوك لاتدق لان ماابيهم يأخذو الجوال مني
سلطان:اوك على امرك
شذى قفلت الخط ورجعت الجوال مكانه
ومسكت جوالها وجلست تمسح رسايل ياسر ودموعها على خدها
شهد جت عند اختها وشافت دموعها وقالت:عسى ماشر وش فيك
شذى مسحت دموعها:لا مافيه شي سلامتك
شهد:اسمعي ترى تركي بيخطبني
شذى مستانسه:قولي والله
شهد:والله
شذى:طيب انتي موافقه ومتى بيخطبك وش دراك
شهد:حبه حبه ايه موافقه ومتى مدري عنه وش دراني هو قال لدانه تسألني
شذى:اها مبروك ياوخيتي ومتى الملكه والزواج
شهد:ههه اصبري خله يخطبني بس انا مو فرحانه
شذى:ليه عسى خير
شهد:خايفه تزعلين لانو انا الصغيره وبتزوج
شذى:وش هالكلام وش فيها يعني واذا اختي الصغيره بتتزوج لا والله عادي مبروك والله يوفقكم شذى نزلت دموعها
شهد:وش ذا الدموع اليوم الي تصب سيول
شذى:دموع الفرح والحزن يوه ياشهد بتروحين وتخليني من بطاق معه ومن بسولف معه لا لاتتزوجين
شهد:هههه ترى مو متزوجه الحين اذا خلص دراسته وتوظف يمكن بس خطبه
شذى:كلها سنه وبيخلص واكيد بيشتغل بشركة ابوه وحظنت اختها
شهد:تدرين ماتوقعت انك تحبيني لهدرجه
شذى وخرت من حظنها وقالت:ليه يالدبه والله اني احبك وبفقدك وبشتاق لك يوه مو متخيله البيت بدونك
شهد:هههه يابعد عمري يااختي لاتخافين كل يوم بجيكم بنشب لكم مابتفقديني
شذى:كلام بكره بتنشغلين بتروك وبيتك وبتنسينا
شهد:هههه وفيه أحد ينسى اهله يالخبله اذا ماجيتكم بزعجك بااتصالاتي
شذى:بنشوف
دق جوال شذى ناظرت الرقم
وبعصبيه:اوووووف مايفهم ذا ولا وشو
شهد:وش فيك بسم الله
شذى:من تتوقعين هذا
شهد:من

شذى:ياسر
شهد بصدمه:ياسر وش يبي صدق مايستحي بعد كل الي سواه يدق
شذى:لا وبعد تزوج ولما الحين يقول انه يحبني
شهد:والله التفاهه هاتي ارد عليه واهزئه واعلمه من يكون
شذى:بكيفه خليه يدق من اليوم لبكره
شهد:اوف يقهر
شذى:لاتقهرين نفسك عشان واحد مايستاهل الا وش عندك قايمه هالوقت
شهد:جالسه افكر فيك علشان كذا مانمت زين وكنت برجع انوم بس يوم شفتك قلت اقولك واشوف شعورك
شذى:ياقلبي مبروووك والله يوفقكم
شهد:الله يبارك فيك لاتشغلين نفسك بياسر اوك ودي اروح اكمل نومي
شذى:اوك نوم العوافي
شهد:الا اليوم وين بنروح
شذى:معروف اخر يوم وين نروح
شهد:اما اليوم اخر يوم
شذى:من جد ماالعب عليك
شهد:تونا ع الدراسه باقي شهر
شذى:ابوي وعمي ماعندهم وقت كفايه وامي وخالتي عندهم عروس وإنا عندنا عزيمه بنت خالي بعد بعد بكره
شهد:اها تدرين ناسيه كل هذولي مع اني انا و دانه شارين لبس لعزيمة بنت خالي
شذى:ههه الحمدالله مب صاحيه راسك مب عليك ولا عرفت خلاص من مخليك مب معنا
شهد:اقول روحي انت وتركي
شذى:هههه ياحليلك ياوخيتي
جت ام راشد للغرفه وقالت:يله رتبو شنطكم
شهد:ليه تونا على بكره
امها:ادري بس انا الحين بنرجع لرياض
شذى:ليه وش السالفه
امها:علشان ابوك وابو نايف عندهم شغل ضروري
شهد:اها اوك يله بروح اقوم دانه وراحت
ام راشد:قومي داليا تجهز اغراضها
شذى:اوك
قومتها وتجهزو وحملو الاغراض
ام نايف:بنرجع بطياره ولا بسياره
فواز معصب علشانهم بيرجعون وبدر مثله ولا ردو ع ام نايف
داليا:هيه يالصمخان ردو وجع
ام نايف عصبت:هذولي مالهم الا راشد و نايف يأدبونهم قليلين الحياء
شذى:لاتضيقن نفسس ياخالتي علشان ذا الي مايستاهلون
تو كلمت مجود وقالي بنرجع بسياره علشان مافيه حجز
دانه:فله و ناسه السياره احسن من الطياره الطياره مافيها حماس
شهد:هيه ترى بتركبين معنا
دانه قربت عندها وقالت لها بأذنها: يقول تركي اركبي معه بسيارته
شهد وجهها صار طماطه:اوك
ام راشد كأنها ماتدري وش السالفه:وش عندكم وش قلتي لها خليتي وجه بنتي يتلون
ام نايف تناظر اختها وتضحك
دانه:سلامتكم
شذى :ايييه سلامتنا وضحكت
ماجد طق الباب وقالهم يركبون

ام راشد:يله جينا
ام نايف:الا وديتو الشغاله للمكتب
ام راشد:ايه من زمان
ام نايف:يله عشان مانتأخر ويشبون
لبسو عباياتهم وطفو الانوار وقفلو الباب و نزلو
شهد بااستغراب:هذي سيارة تروك
دانه:ايه هذي وش فيك
شهد:مو كأنها تغيرت
دانه:ايه غسلها و نظفها علشان قلبه بيركب فيها
شهد:وجع اسكتي
دانه:هههه يله امشي
توزعو بالسيارات
{شذى وداليا وام راشد مع ماجد}
{وابو راشد وراشد وفواز وبدر}
{وابو نايف و نايف وامه وسوسو}
{وتركي ودانه وشهد}
بسيارة تركي:
دانه:تروك نبي نشتري من البقاله
تركي:اصبري يالدبه على الاقل نطلع من الخبر
دانه: مافطرت ولا كلت شي من قمت وترى شهد بعد ماكلت
تركي ناظر لها وابتسم:اوك وش تبون امروني اي بقاله وش بقاله انتي وجهك اي سوبر ماركت يعجبكم وش ماركت اي مطعم تبون آمرو
دانه:اوف اوف كل هذا علشان شهوده وانا وخيتك مسيكينه
شهد:الناس مقامات
تركي ضحك وقال:صدقتي ياق وسكت
دانه:كمل ليش سكت
تركي:اوم الاحراجات انتي اسكتي الله يأخذ عدوك
شهد ضحكت
تركي بنفسه فديت هالضحكه دوم ان شاء الله
دانه:هذي بقاله وقف عندها ولايكثر
تركي:اوه بعد لايكثر طيب يله وش تبون
شهد:انا جب لي شكولاتات باانواعها اوك
دانه:اقول بس مالت عليك وش شكولاته لازم تتغذين وراك بيت هههه جب لنا فطاير لوزين وسفن اب وانتي تبين سفن ولا فراوله
تركي ناظر اخته وضحك
شهد:ابي فراوله مابي سفن اب
تركي:هاه خلاص هذا الي تبونه
دانه:ايه وش تحسب بطونا
شهد:انت وش فيك على تركي
تركي:آحم آحم
دانه:اصبرو لين تصير خطبتكم رسميه ع الأقل
تركي:مالك دخل و نزل يشتري لهم
شهد:انتي وجع وش فيك لو اني داريه كان ماركبت معكم
دانه:هههه خلاص يالمعصب بنسكت بس حبيت اضيف جو رومنسي
شهد:ههه يالخبله الا وش ذا الي زين اخوك كذا
دانه:اخوي زين من اول بس توك تشوفينه زين
شهد:ياهوه يلي تدافع عن اخوها ياحليله بس والله انه فله
دانه:اسكتي تراه جاء
تركي خم البقاله وجاء
دانه:انت يالخبلا وش هذا كله
تركي:مو لك لاتتلقفين هذا لشهد مو هي تبي شكولت
شهد:وش هذا انت صدقت
تركي:انا مااعرف اجيب شوي يله كلو وانتو ساكتين
شهد ودانه ضحكو
دانه:طيب يالكريم
><

بعد اربع ساعات متواصله وصلو الرياض وكل واحد راح لبيته
شذى:اشتقت لبيتنا
ماجد:يوه الاخت قعدت الف سنه بالشرقيه
شذى:هههه صدق اشتقت لبيتنا وغرفتي وخصوصا سريري
ماجد:روحي اخمدي انت وجهك
وين الاهل اختفو
شذى:اكيد كلن راح لغرفته ترى طولنا بالحديقه
ماجد:يله يالحلوه بروح اريح وانت كملي جولاتك بالبيت مدري وش تدورين
شذى:هههه رح نم الله يصلحك
ماجد طلع لغرفته ونزل فواز
فواز:استغفر الله وش تناظرين بيتنا ماتغير ترى والله
شذى:لا يكثر يالبزقه وين كاشخ ورايح
فواز:وش دخلك لايكون امي ولا ابوي
شذى:لا ذا ولا ذا لقافه بس
فواز:طيب خلي اللقافه وروحي نومي
شذى:حاظر طال عمرك مالت عليك يالبزقه وطلعت لغرفتها
شهد واقفه على الشباك وسرحانه
شذى جت عندها
شهد ماحست فيها يوم دخلت عليها وشذى استانست علشان تخرعها وجت من وراها وصرخت
شهد خافت وحطت يدها على قلبها وقالت:وجع وجع وجع ان شاء الله يالدبه الله ياخذ عدوك خوفتيني
شذى:وش عندك سرحانه
شهد:ابدا سلامتك
شذى:علينا يله قولي لي كل شي صار وانتو بالسياره
شهد:ماصار شي طول الوقت ساكتين
شذى:ولا حتى نظره ابتسامه غمزه اي شي اللي تبين
شهد:اقول انقلعي بس
شذى:وين اروح هذي غرفتي انام بالصاله
شهد:ياربيه منك خلاص اسكتي وخليني اكمل تفكير
شذى:قولي وش صار وجع وش ذا الشكولاتات عطيني لو نص واحد
شهد:واحد قالك لاتأخذين
شذى:متى شريتيها يالدبه
شهد:تروك شاريها لي
شذى:ياهوووه ياتروك
شهد ابتسمت
شذى:عاد تدرين ماتوقعت انك تحبينه بهالسرعه ماتوقعتك رومنسيه
شهد:ليه تحسبين ماعندي مشاعر انت وجهك
شذى:هههه لا بس شكلك مايأهل
شهد:اقول يالشطوره شكل مافي راسك نوم وانا فيني النوم يله تصبحين ع خير
شذى:بنوم انت وجهك فيني النوم قايمه من الصبح بس احتري اذان العشاء
شهد:تدرين ناسيه استغفر الله والله ان راسي مب علي
شذى:الي ماخذ عقلك
شهد:وش رايك ننزل للحديقه لين يأذن
شذى:مابقى شي ع الأذان هاه هذا هو اذن
شهد:اوك لين قمت الصبح نزلت
وراحت تتوضأ
صلو ونامو
><
داليا:غريبه وينه اليوم ماأتصل
خلني ادق عليه اشوف وش قصته ودقت وعطاها مشغول وارسل:{وش فيه ليه داقه مو قلتي لاتدق عسى خير}
داليا تقرأ الرساله ومستغربه ودقت عليه ورد
سلطان:نعم
داليا:متى قلت هالكلام
سلطان:اليوم الصبح نسيتي
داليا:اصلا انا كنت نايمه ماقمت الا اذان الظهر كيف كلمتك الصبح
سلطان:متأكده
داليا:ايه متاكده لايكون ماعاد تبي تكلمني لاتصرفني قلها صريحه ترى عادي
سلطان:لا والله من يسمع هالصوت ويفكر يبعد عنه
داليا:طيب الصوت نفس صوتي
سلطان:لا فيه تغير شوي
داليا:آها طيب دقايق وبكلمك
سلطان:اوك
داليا دقت ع شذى و هي معصبه ولقته مقفل ورسلت لها رساله:{اعتقد مو من حقك تردين على جوالي هذا اولا ولا من حقك تقولين لسلطان لايدق ثانيا}ورسلتها
><
زيد:انت كلمت الأهل بمكه
ياسر:امس كلمت اثير
زيد:وماقالت لك انهم بيرجعون بكره
ياسر:لا ليه تونا ماامداهم
زيد:كلمت ثامر و يقول زحمه وحر موت
ياسر:آها عشان كذا ايه الله يحيهم
زيد:وش فيك تقولها وكأن ماودك انهم يرجعون
ياسر:تمون على كيفك ماابيهم يرجعون الا مشتاق لهم وخصوصا حبي آثير
زيد:من قلبك
ياسر:وش رايك انت
زيد:لا مو من قلبك
ياسر:انت وش فيك اليوم علي
زيد:سلامتك وش فيها عيونك مرهقه
ياسر:سلامة عمرك
زيد عصب:ايه الله يهني الي مرهقتك و يسخر لأختي الي يحبها و يقدرها وطلع من البيت
ياسر بتعب:آه يارب ساعدني على العدل يارب
><
راشد:بسم الله وش في البيت هادي وينهم
ابوه:تلقاهم نايمين الساعه١ يله تصبح ع خير ياابوي
راشد:وانت من اهل الخير يالغالي
><
داليا:يله اخليك قلبو بنام
سلطان:بدري مامليت منك
داليا:بدري من عمرك جاني النوم خلاص مقدر اسهر اكثر
سلطان:اوك نوم العوافي
داليا:يعافيك ربي سلام
سلطان:سلام
>>>
مرت يومين هاديه ع الكل وكلن يحاول يعيش الدنيا قد مايقدر
><
شهد:ياربيه وين اكسسوراتي

شذى:مشاء الله ترى تأخرنا اخلصي
شهد:انا مابقى لي شي غير الاكسسوار بس مدري وين ذلف
شذى:خذي من عندي عندي وردي مثل لونك
شهد:اوك وين اغراضك
شذى:تلقينها بالدرج انا بنزل علشان ماتعصب امي وانتي اخلصي بسرعه
شهد:اوك دقايق وجايه
><
دانه عند الدرج تصارخ :داليا يله رحنا وش تحترين
داليا:اوك سلطان لاتدق علي الا لما ادق اوك
سلطان:اوك سلام عطلتك
داليا:سلام و نزلت تحت
امها:تونا ليه نزلتي

داليا:يمه انتي عارفه مكياج وتسريحه وحركات
امها:الله يعيني عليكم
داليا:امين
امها ابتسمت ومشت
><
شهد نزلت والبيت كان فاضي مافيه احد خافت :بسم الله وين راحو ذولي وطلعت الحديقه ولقت شذى
شذى:واخيرا مابغيتي
شهد:بسم الله والله خفت يوم مالقيتكم داخل
شذى:هههه
شهد:وين الباقي
شذى:الباقي راحو مافيه الا انا وماجد وانتي
شهد:و هو وينه
شذى:فوق يلبس ماحسيتي فيه
شهد:لا
شذى:تأخرنا وينه من ساعه و هو فوق
شهد:تعرفين اخوك المهم فيه احد بالخيمه
شذى:تخيلي اكيد مافيه احد
شهد:اجل بروح اصلي لين يخلص اخوك
شذى:مابعد صلتي
شهد:لا ماامداني اسوي شي مدري وش فيني صايره بارده
شذى نبغزة:مدري وش وراك انتي
شهد:اقول ظفي وجهك وخليني اروح اصلي وراحت
شذى:تقبل الله
شهد فتحت الخيمه توها بتدخل الا تصدم بشخص وترفع عيونها وبصدمه :تركي
تركي مسكها لانها كانت بتطيح ورفع عيونه ذاب بجمالها وكشختها وماكان يدري انها شهد وتم يطالع فيها
شهد فكت نفسها وراحت تركض لشذى
شذى:خلصتي بهاالسرعه
شهد:تركي بالخيمه وش جابه وش يبي ومتى جاء
شذى:قولي والله
شهد:والله وبعد شكل فيه احد ثاني اسمع اصوات داخل
شذى:يوووه شكلهم ربع ماجد بيسهرون عنده بس هو غريبه ماقال لنا
شهد:شكل اخوك يستهبل امشي ندخل داخل
شذى:امشي
توهم بيدخلون الصاله جاء ماجد
شهد:بدري
ماجد:معليش تأخرت عليكم
شذى:ليه كاشخ ترى مب عزيمه لرجال بس حريم
ماجد:مبروك ربعي بيسهرون عندي
شهد:هم الي بالخيمه
ماجد:ايه وش دراك
شهد:كنت بروح اصلي واسمع اصواتهم داخل زين مادخلت عليهم
ماجد:انا ماقلت لكم انهم عندي
شذى:لا وانا جالسه بالحديقه ومستانسه وانت ولا فيه امل تقولي
ماجد:نسيت الواحد ماينسى يله بس لاتتأخرون اكثر
شهد:يله مشينا
>
تركي واقف بمكانه مااستوعب الموقف ولا الجمال الي شافه
و جاء عنده واحد من الشله ودفه خلاه يصحى
تركي:نعم
سالم:وش فيك واقف كنك صنم
تركي:ابد سلامتك
سالم:طيب رحت لسيارتك ولا لا
تركي:لا لا بروح الحين
سالم:سلامات عسى ماشر
تركي:الشر مايجيك مافيه شي
سالم:وش فيك مخبط
تركي:انت وش قصتك اليوم يله انا رايح اجيب جوالي وبعض اشرطه لسوني وجاي
سالم:اوك
><
ياسر:اثير انتي سعيده معي
اثير:هذا سؤال تسأله اكيد
ياسر:من قلبك
أثير ناظرت فيه وصرفت نظرها عنه و نزلت راسها
ياسر:ادري انك مو سعيده وانا مقصر في حقك بس اوعدك ان شاء الله بعد اليوم بتشوفين ياسر ثاني
أثير ردت الروح فيها وابتسمت وقالت:الحمدالله يارب
ياسر :مستانسه الحين
آثير:ايه مرررره
ياسر:وش رايك نتعشى اليوم برى
آثير:الي تشوفه
ياسر:الا امي وينها
آثير:تقول جيران جيرانها عندهم عزيمه وراحت لها
ياسر:غريبه مارحتي معها
آثير:صعبه مااعرفهم
ياسر:اوك عمري جهزي نفسك
آثير:اوك دقايق


تم الجزء السادس

الجزء السابع::

ياسر:الا امي وينها
آثير:تقول جيران جيرانها عندهم عزيمه وراحت لها
ياسر:غريبه مارحتي معها
آثير:صعبه مااعرفهم
ياسر:اوك عمري جهزي نفسك
آثير:اوك دقايق
><
شهد:يووه وش ذا الزحمه من عازمه هي وجهها شكلها مابقت احد
شذى:هههه تعرفين ذا الخبله ياكثر معارفها
دانه:من ذا الخبله
شهد وشذى :بسم الله سلمي اول
دانه:هههه توني شايفتكم وسلمت عليهم
شهد:الخبله بنت خالس ذا المهجوله
شذى:وين داليا
دانه:داخل عند البنات
شذى:وفيه بنات مانعرفهم
دانه:بس صديقات ريما هم الغريبين بس انهم فله ماتحسين انهم غريبين ابدا
شهد:والحريم
دانه:مب كثر البنات بتسلمون عليهم
شذى:اكيد يعني مابنمر عليهم
دانه:لا بعدين
شهد:و ناسه امشي قبل محد يشوفنا
شذى:يله بسرعه
راحو عند البنات
شهد وشذى:السلام عليكم
البنات وعليكم السلام و قفو عشان يسلمون
داليا زوت وجهها و يوم جت شذى عندها ناظرتها من فوق لتحت ودارت وجهها عنها
شذى:مالها داعي هالحركه ع الاقل عند الناس ومشت تكمل سلام
ريما:انتو وينكم تأخرتو
شهد:كله من ماجد الدب ساعه يلبس
ريما:هههه و هذا طبعه ماتغير
شذى:واخيرا خلصت سلام ياكثركم

دلع:وجع لاتنظلينا قولي مشاء الله
شذى:لاتخافين عيني بارده
وسواليف وازعاج وصجه بنات وبعد الساعه٢فضى البيت ومابقى الا ام راشد وام نايف وام وائل
ام راشد:ياحليلس ياام ياسر
ام ريما:هذي جارتكم الي يوم بيتكم الاول
ام راشد:ايه هذي هي ياحليلها
ام نايف:وش اخبارها وش الدنيا فيها ماامداني اجلس معها
ام راشد:بنتها و ولدها تزوجو مشاء الله
ام وائل:صدق مشاء الله واضح توها صغيره ياحليلها مو مبين
ام راشد:الله يوفقهم ياحليلهم
دلع جت عند امها:يلا يمه متى بنروح جاني النوم
ام وائل:دقيت ع اخوك ولا ادري وينه لين الحين
ام ريما:تونا مليتي من البنات
دلع:لا والله بس فيني النوم
ام وائل:قايمه من صباح الله خير مدري وش عندها
دلع:علشان استشور واتجهز وما اخركم وجلست جنب امها وحطت راسها ع كتفها
ام نايف:احسدس يام وائل ع ذا البنيه عندي ثنتين مطلعين عيوني ساعه يلبسون وساعه لشعورهم الله يعيني اذا كبرت ساره
ام وائل:وتحسبينها وش حليلها الا مطلعه عيوني هي واخوها
ام راشد:كلن عنده خير ياوخيتي
جو البنات
ام ريما:هلا
البنات:آهلين وجلسو
دانه:مرت خالو وش فيها بنتس
ام وائل:فيها النوم
شذى:ياذ النوم الي ذابحها
دلع وهي مغمضه عيونها تقول:يازين النوم يهبل
الكل ضحك
ام راشد:شذى شهد تدرون من شفت اليوم
شذى و شهد:من
ام راشد:ام ياسر جارتنا اول
شذى تجمعت الدموع بعيونها و نزلت راسها
شهد شافت اختها وسلكت لها:صدق ياحليلها وش اخبارها وش اخبار عيالها
ام راشد:ابشرك تزوجو عيالها
شذى سوت نفسها طبيعيه:ايه وش اخبارهم وش الدنيا فيهم
ام راشد:عايشين في ذا الدنيا تقول ان ياسر خذى بنت اختها و بنتها خذت بعد ولد اختها
شذى وشهد:الله يوفقهم ان شاء الله
ام ريما:وش ذا الازعاج برى
ام وائل:اكيد هذا وائل الله يصلحه لين ضرب ذا البوري علق به
ريما:واضح انها مب سياره وحده
ام نايف:عيالنا اكيد معه يله وين عباياتكم
داليا:قريبه
ام نايف:وش تحترون البسوها
داليا:اوك وغمزة لريما
ريما فهمت وقالت:تعالي اوديك لعبايتك
داليا:هاه وش رايك بصورته
ريما:واو وش هذا ملاك
داليا:هههه ياختي كل شي فيه حلو حتى كلامه يهبل
ريما:يابختك فيه
داليا:و ين عبايتي ان شافتني امي صفقتني
ريما:هههه افتحي الدولاب الي جنبك وبتلقينها
داليا طلعت عبايتها ولبستها ودعت ريما و قبل تطلع مسكتها شذى وقالت:انا كنت ابي احميك منه
داليا بكبر ناظرت لها وراحت
وطلعت شذى لاهلها
ريما راحت لأمها
امها:استانستي يوم سو يتي حفلة نجاحك الي صجيتي راسي عشانها
ريما بدلع:ايه
امها:زين يمه بروح انوم
ريما:اوك يالغاليه نوم العوافي
امها:متى بتنومين
ريما:الحين بس بأخذ لي كاس مويه ورايحه لغرفتي
امها:زين
><

ام ياسر:هلا وين كنتو
اثير:ولدك فكر فيني اخيرا وطلعني اتمشى
ام ياسر:الحمدالله جعله دوم
ياسر:ليه مانمتي يمه ولا توك جايه
ام ياسر:خفت عليكم وبدق عليكم ماحفظت ارقامكم
ياسر:وش اخبار جيرانكم
امه:الحمدالله تدري من شفت
ياسر:من
امه:ام راشد جارتنا اول
ياسر بدون شعور:شذى
امه عصبت: ام راشد مو شذى
آثير تناظر في ياسر ومنصدمه
ياسر باأهتمام:وماشفتي بناتها
امه:لا وش عندك تسأل عنهم
ياسر يصرف:هاه لا ولاشي

آثير انسحبت بهدوء وراحت غرفتها
امه:انت وش فيك نسيت ان اثير موجوده
ياسر بقهر وألم:غصب عني يمه قلبي مب قادر يحب غيرها يمه انا ظلمت اثير معي ياليتني ماتزوجتها وعذبتها ياليت
اثير كانت تسمع كلامهم و عيونها شلالات
امه:طيب رح لزوجتك تلقاها مستغربه من نطقك لاسم شذى
ياسر :طيب
وراح لها وشاف دموعها وقرب عندها وقال بكل حنان:وش فيك ياقلبي
اثير تناظره وتصيح
ياسر:وش فيك وش صاير
آثير:انت تحبها من زمان
ياسر مسوي مايدري وش السالفه:من؟
اثير:ياسر سمعت كل شي
ياسر:شذى احبها من يوم اول شفتها فيه{يصرف} بس لاتشيلين هم هي مخطوبه الحين وانا الي باعني برخيص ابيعه بتراب
اثير ضحكت بسخريه:انت تحبها ياياسر وعمرك مابتكرها
ياسر:الا انا احب اثير الحين وشذى ماتعنيني
اثير:ليه تزوجت وبقلبك حبيبه
ياسر:بس انا مافيه بقلبي احد يوم تزوجتك والحين الي ملك قلبي انت ياحبي
اثير :والكلام الي قلته لخالتي
ياسر سكت ولف وجه
اثير:ياسر ارجوك طلقني
ياسر منصدم وبتطلع عيونه من مكانها الا شوي :اطلقك لا مستحيل وش تقولين انتي
آثير:اذا انت تحبني صدق طلقني
ياسر:انا ماتزوجتك عشان اطلقك طلاق لاتحلمين فيه انا شاريك
اثير نزلت دموعها وقالت:الله يخليك طلقني بقولهم انا غلطانه والولد مافيه عيب انا كل العيوب فيني بس ارجوك طلقني
ياسر عصب وبصراخ:انتي ماتفهمين طلاق مب مطلق وطلع من الغرفه ومن البيت كله
اثير صارت تصيح اكثر من اول وجهزت شنطتها ودقت على اخوها زيد
زيد:تستهبلين انتي ولا كيف
اثير:تعال خذني يازيد ولا والله لأجي بتاكسي في هالليل
زيد عصب:اوك خلاص جاي
><
شهد تناديها بحماس:شذى شذى
شذى:وش فيك

تم الجزء السابع

>الجزء الثامن<

شهد تناديها بحماس:شذى شذى
شذى:وش فيك
شهد:تشوفين الي واقف تحت هذاك ومتسند ع سيارته
شذى:ايه وش فيه
شهد:مو كأنه ياسر نفس وقفته و نفس رزته و تناسق جسمه الرياضي
شذى:الله كل هذا بياسر اشوف خليني اتأكد و ناظرته ودققت فيه وقالت:فعلا هذا هو بس وش الي موقفه تحت بيتنا
شهد:تعتقدين ينتظر احد من اخواني
شذى:لا و ين كلهم نايمين
شهد:احس انه مهموم
شذى:صادقه واضح من وقفته و سرحانه
شهد:كلميه واضح انه محتاجك ولا كان ماجاء بيتنا
شذى:وش عرفه ان هذا بيتنا
شهد:تلقينه احد من اخوانك ولا سأل ودلوه
شذى:يمكن تدرين حاسه ودي اروح انزل تحت واحظنه واخفف عنه كل همومه واضح انه تعبان مو بس مهموم شوفي كيف جسمه تغير عن اول
شهد:ياعيني ع الرومنسيه
شذى:توني ادري اني لما الحين احبه
شهد:طيب وش رايك ترسلين له
شذى:ماقدر صعب
شهد:ليه
شذى ناظرت له وقالت:مدري
شهد:والله شكله يقطع القلب حرام عليك
شذى نزلت دموعها وقالت:خلاص اسكتي قطعتي قلبي عليه برسل وكتبت:{قلبي وش الي مضيق خلقك و هامك ومتعبك انت ماجيت عند بيتنا الا متأكده انك محتاجني وانا مااحب ارد احد محتاجني}ورسلتها
ياسر كان جواله داخل السياره وماحس فيه
شهد:شكل جواله بالسياره
شذى:افتحي الشباك وقفليه بقوه
شهد:ليه
شذى:عشان يحس ان فيه احد و يركب سيارته ويروح
شهد:اوك وسوت الي قالته وفعلا ركب السياره ومشى
شذى:ياربيه وش ذا معقول ماشاف الرساله
شهد:طيب عطيه رنه يمكن يشوف جواله
شذى:اوك ورنت وقفلت
ياسر شاف المكالمه وحس الدنيا كلها جت تحت يدينه وفتح الرساله وقراها ودق عليها
شهد: مسكين ردي عليه شوفي وش مضايقه
شذى ماودها بس قلبها غصبها:اوك
شهد طلعت من الغرفه علشان شذى تأخذ راحتها
شذى:هلا
ياسر:هلا وغلا ياروح روح ياسر
شذى:وش الي مضايق ياسر
ياسر:الدنيا اتعبتني
شذى:انا مارديت عليك الا عشان اشوف الي مضايقك وتقولي الحين الدنيا اتعبتني طيب كيف اخفف عليك الحين وانا مااعرف وش متعبتك فيه
ياسر:انت تعبي الاول والاخير
شذى:انا ليه
ياسر:انا احبك ياشذى وحاولت انساك ماقدرت وتزوجت ابي انساك ولا قدرت وحاس اني ظلمت البنت معي و هي اليوم عرفت وطلبت الطلاق وعندي و و و اشياء كثيره خليها ع ربك
شذى:يابعد عمري
ياسر:ياعمري ماحبيت اشغلك بس والله وصلت لبيتكم وانا مب حاس في نفسي وزين ابوك ماشافني
شذى:ليه ابوي عادي مب قايل شي بيتوقعك جاي لاخواني
ياسر:ابوك قد طردني
شذى منصدمه:وش تقول
ياسر بتعب وقهر:خلاص ياشذى انتي لازم تعرفين وش صار قبل ٣سنوات انا تعبت
شذى بخوف:وش صار احكي
ياسر: انا بعد ماتوظفت وكونت نفسي قبل ٣سنين تذكرين اخر شي كان بينا بنفس هاليوم انا جيت لأبوك وخطبتك وقال انا ماازوج بنتي واحد مثلك وصدق انك ماتستحي كيف جاي تخطب بنت مستواها فوق مستواك يله برى ولا عاد ابي اشوفك برى وبعدها صار الي صار
شذى منصدمه من الكلام الي تسمعه وقالت:انت كذاب مستحيل ابوي يقول هالكلام مستحيل
ياسر:والله ان هذا الي صار ياحياتي علشان كذا انا بعدت عنك بدون مااقولك ادري انك انصدمتي وانجرحتي بعد الرساله الي رسلتها انا رسلتها علشان ابيك تكرهيني وماكنت ابيك تشيلين الهم و العذاب الي شلته وشايله لحد الحين والله ماكان قصدي اجرحك اسف على كل الي سويته سامحيني ارجوك
شذى تصيح وبتعب قالت:آآآآه ياسر مو مصدقه الي اسمعه
ياسر قال بصوت واضح فيه الحزن:سلامتك من الآه ياروح قلبي وماقدر يتحمل ونزلت دموعه وضح بصوته انه يبكي
شذى مسحت دموعها وقالت:
قلبي والله دمعات عيونك ماتهون علي امسحها ارجوك لاتعبني اكثر
ياسر:............
شذى:حبي
ياسر مسح دموعه ورد عليها:هلا
شذى:وش فيك ياقلبي سكت
ياسر:سلامة عمرك
شذى:اطلب منك طلب وتوعدني تنفذه
ياسر:انتي تامرين
شذى:اضحك ابي اسمع ضحكتك من زمان ماسمعتها
ياسر:والله مالي نفس اضحك
شذى:طيب عشان خاطر عمرك
ياسر ابتسم: خلاص ابتسمت
شذى:طيب وشلون اشوفها يله اضحك ابي اسمع ضحكة ياسر من زمان عنها
ياسر:مافيه شي بدنياي يخليني اضحك
شذى:آفا كذا تزعلني
ياسر:ليه وانا اقدر على زعلك
شذى:انا و ين رحت ولا نسيت ايامنا اول الي كلها ضحك بضحك واستهبالات
ياسر تذكرها وضحك
شذى حست بسعاده لانها قدرت ترسم الضحكه على شفاته بعد ماغابت عنه
شذى:جعلها دوم السعاده بطريقك يارب
ياسر:و ياك يارب
شذى:آمين يله حياتي رح صل لك ركعتين وادع ربك يفرج لك همومك
ياسر:اوك يابعد الدنيا كلها توصين شي
شذى:ايه
ياسر:امري
شذى:ابي سلامتك و هذي اهم شي وابي الحين اشوف ابتسامتك تعال وقف بمكانك الي تو وابتسم
ياسر:من عيوني ياعيوني
شذى:تسلم عيونك
ياسر:هاه تشوفين سيارتي
شذى:لحظه بروح لشباك وقربت وقالت:ايه بس مااشوف ابتسامه
ياسر ابتسم وقال:شفتيها يادنياي
شذى:ايه تجنن اخر طلب ابيها كل يوم ع شفايفك هالابتسامه الحلوه
ياسر:كم شذى عندي ولا يهمك
شذى:تسلم ياعمري
ياسر بحزن:شذى
شذى بزعل:وبعدين مع نبرة الحزن انا زعلانه عليك
ياسر:لا ربي يخليك ماصدقت ترضين اوعدك انك مابتسمعين هالنبره بصوتي بعد اليوم رضيتي على حبك
شذى:ياحياتي انا اقدر ازعل منك امر ياروح شذى وش بغيت
ياسر:ابيك تتحدني العالم كله علشاني انا برجع وبطلبك من ابوك ان شاء الله يكون اخر يوم بحياتي ماهمني
شذى:وانا من زمان قايله لك هالكلام وانا مستغربه انك بعدت وخليتني اوعدك ابقى معك حد النهايه
ياسر:انا بعد ماتهدأ اموري مع اثير بجي اخطبك اوك
شذى:........
ياسر:حياتي
شذى:روح حياتك
ياسر:ليه هديتي فجأه وش فيك
شذى:مو متخيله انك متزوج غيري
ياسر:انا تزوجتها عشان امي هي الي الحت علي تقول ودها تشوف عيالي قبل ماتموت
انا والله ماكان ودي لان عارف اني مب قادر اسعدهاوفعلا المسكينه الحين متعذبه معي
شذى:ياسر
ياسر:دنيا ياسر
شذى:طيب حرام تعذبها لازم تحاول لانها اكيد بتصير ام عيالك عن قريب اعدل ياياسر واذا ماتقدر لازم تطلقها علشان ماتعذبها معك
ياسر:ياليتني ماتزوجتها ياليت
شذى:مايخالف هذا القدر ماتدري يمكن بعد ماتجيب لك اولاد تنساني
ياسر:انساك اذا نسيتك يعني انا ماحبيتك الحب صعب نسيانه صعب
شذى: صدقت يالغالي
ياسر:عمري ابي اتزوجك اليوم قبل بكره
شذى ضحكت ضحكه خجوله:ان شاء الله قريب بنكون تحت سقف واحد
ياسر:فديتك وفديت خجل البنات احببببببببببك
شذى ابتسمت وقالت:وانا اموت فيك
ياسر:ممكن سؤال
شذى:اكيد يالغلا كله
ياسر:انتي كرهتيني
شذى:حاولت لكن ماقدرت انت كنت تقولي كلمه اول يمكن تكون نسيتها لكن انا كل ماجيت اكرهك اتذكرها علشان كذا ماقدرت
ياسر:وش هي
شذى:ماتذكر يوم تقول انك مستغرب من نفسك انك عمرك ماكرهت احد حتى الي يكرهونك حاولت تكرهم لكن ماقدرت تذكر هالكلام

ياسر:ايه اذكر ياعمري
شذى: بس يمكن انجرحت جرح مايبرى
ياسر:لاتقولين مني ارجوك
شذى بصراحه:اكيد منك الجرح جرحك
ياسر:زواجي هو جرحك ادري صعب تمحينه لكن تأكدي ان محد بهاالدنيا ملك قلبي وحياتي وعقلي غيرك
شذى:خلاص ماابي اتزوجك
ياسر:افا ليه

شذى:خاف تتزوج علي
ياسر ضحك وقال:ومن هي الي تقدر تأخذ مكانك
شذى:ماتدري عن الزمن
ياسر:يابعد عمري لا انت ثاني واخر زوجاتي
شذى وفيها النوم:قلبي ابي انام
ياسر:تعالي نومي بحظني
شذى استحت:......
ياسر:ههههه اوك يابعد عمري نوم العوافي
شذى:يعافيك ربي . روح شذى
ياسر:روح ياسر امري
شذى:ابيك تنوم وماتفكر في هموم هالدنيا
ياسر:بحاول
شذى:اوك يابعدهم بحفظ الرحمن
ياسر:حافظك ربي انتبهي لروحك
شذى:اوك وانت انتبه لنفسك مو تسرح وانت تسوق
ياسر:تخافين علي
شذى تمزح:لا طبعا
ياسر:لا لا ليه مو انا حبيبك
شذى:يانور عيني امزح معك طبعا اخاف عليك و اخاف عليك من نسمة الهواء
ياسر:ربي يخليك لي ولا يحرمني منك
شذى:آميين و يخليك لي
ياسر:واضح اني اشغلتك وانتي مب رايقه لي واضح ان فيك النوم
شذى ضحكت وقالت بكل حب:انت تشغلني يابعد عمري وقتي كله لك
ياسر:ياحياتي تسلمين يله تصبحين ع خير
شذى:وانت من أهل الخير
اذا وصلت للبيت طمني عليك
ياسر:من عيوني ياعيوني
شذى:تسلم عيونك سلام
ياسر:سلام وحرك سيارته وراح
شذى تناظره و هو يروح وتدعي له:الله يحفظك و يخليك و يساعدني على اسعادك
شذى فقدت اختها وقالت:هذي وينها غريبه ماجت وطلعت ولقتها تطالع برنامج
شهد:هاه خلصتي
شذى:ايه وش عندك وش ذا البرنامج
شهد:مدري بس شكله حلو ماقلتي لي وش في قلبك
شذى:ياقلبي عليه تعالي بالغرفه عشان اقولك
شهد:اوك وطفت التلفزيون وراحو للغرفه
شذى:تدرين انه خطبني من ابوي وابوي هزئه وطرده
شهد:متى هالكلام وليه ماقالك
شذى:تذكرين الرساله الي قبل ٣سنوات
شهد:ايه

ياسر:تدرين ودي اجي لبيتكم واخطفك وابعد انا وانتي بعييييد بعييييد
شذى:وتدري ودي نروح لمكان مافيه الاانا وانت واعيش انا وانت بس بس الي بقى من حياتنا جنب بعض مانفترق ابدا ابدا
ياسر:آه ياليت
شذى:حبي بروح تحت الحين وبجس نبض ابوي قبل مايروح الشركه واشوف وش بيقول وش رايك
ياسر:الي يريحك سويه
شذى:طيب حبي يله بروح الحق عليه
ياسر:اوك حافظك ربي
شذى:سلام و نزلت تحت وشافت
ابوها جالس يفطر واخوها راشد
شذى:صباح الخير ياحلوين
وحبت راس ابوها وجلست
ابوها ضحك وراشد معه
شذى:وش فيكم
راشد: عاجبتنا حلوين ههههه
شذى:هههه انا ماكذبت ابوي واخوي حلوين ربي يخليهم
راشد:آمييين ويخليك
ابوها:امين و يحفظكم جميع
شذى:آميين
ابوها:وش عند بنتي مانامت
شذى:ماجاني نوم مشتهيه اسهر
راشد:السهر مب زين للبزارين
شذى بدلع:بابي شوف ولدك
ابوها:اعقل عن اختك يله مشينا ترى تأخرنا
شذى:لازم يبني ولدك ذا الدب خله يبني
راشد:وجع لاتنظليني قولي مشاء الله
شذى:مشاء الله خاف تموت واتورط انا المهم تدري من شافت امي امس
راشد:من؟
شذى:ام ياسر و ناظرت لابوها علطول
ابوهاعصب:بس ماأزعجتونا بهالسيره امك امس وانتي اليوم بعد صبحت بسيرتهم لابارك الله فيهم
شذى ماسكه دموعها بالغصب
راشد:هدي يبه وش فيك

ابوه بعصبيه:قم تأخرنا
راشد مستغرب:يله مشينا
شذى اول ماطلعوا ركض لغرفتها ودموعها شلالات
شذى رمت نفسها ع السرير ومسكت المخده وحظنتها و صارت تصيح صياح يقطع القلب
شذى بنفسها ليه ليه يابوي حرام والله حرام بس علشان هم مب بمستوانا حرام تتكبر عليهم حرام آه ياقلبي المحروق آه ياياسر يابعد عمري ليتك ماطلعت بحياتي ليتك اختفيت وماعاد بينت ياليت آه بالنار الي تحرق قلبي وقطع سرحانها نغمة جوالها<الروح فداك يتصل بك>
شذى ماودها ترد ماتبي تتعبه يكفي الي شافه من ابوها وماردت
رسل لها:{قلبي طمنيني قلبي مقبوض ربي يخليك طمنيني}
شذى قرتها وتصيح اكثر ورسلت وماكان ودها بس ماتقدر تخليه متعلق:{ابوي راح ماامداني عليه تطمن حبي}
ياسر حاس قلبه ان فيه شي دق ولاردت وارسل:{اذا صدق انتي بخير ردي علي}
شذى تصيح وقلبها يتقطع دق وردت
ياسر:الحمدالله يعني بخير
شذى:......
ياسر:شذو عمري
شذى شهقت وضح انها تبكي
ياسر بخوف:عمري حياتي وش فيك
شذى:............
ياسر شوي وبيصيح:قلبي وش فيك
شذى:ابوي مب طايق يسمع سيرتك ياسر احبك وربي احبك لاتخليني
ياسر انصدم وحس بالضعف بس حاول يكون قوي قدامها ع الاقل وقال:اهدي الحين ياحبي
شذى تصيح وتقول:لاتخليني لاتخليني انا احبك وشاريتك لاتخليني
ياسر يطمنها:عمري من قال اني بخليك انا احبك ياقلبي ولو يقولون اذا تميت معها بتموت تميت معك تطمني ياروح ياسر ولو وش يصير ماتخليت عنك
شذى:واتأكد اني انا مثلك
قلبي بخليك الحين
ياسر:ماشبعت منك خليك
شذى بحزن:يعني انا شبعت منك آه ياعمري حاسه بقلبي نار
ياسر:بسم الله على قلبك ياقلبي وبعد هالكلام تبيني اخليك لاتحلمين اقفل
شذى:الله يخليك لي حبي بس والله محتاجه اقعد بروحي شوي
ياسر:مقدر اخليك بهالحاله بروحك مقدر
شذى:انت تحبني وتبي راحتي
ياسر:يوووه هذا سؤال تسألينه طبعا ياحياة ياسر
شذى:طيب قفل السماعه وتصيح وتقول والله صوتك و وجودك جنبي يتعبني
ياسر ماحب يضايقها و يتعبها وقال:اوك يابعدهم طمنيني عليك
شذى:اوك حياتي وقفلت
وكلهم صارو يفكرون بالايام الجايه ومن كثر التفكير كل واحد فيهم نام بدون مايحس بنفسه
><
تركي:يمه متى بتكلمين ابوي
امه:وش اكلمه فيه
تركي:يمه نسيتي موضوع شهوده
امه:ايه خلاص اليوم بقوله وبنروح نخطبها رسمي استانست
تركي:اوووه شوي مستانس يمه من امس لابسه نفس لبس دانه
امه بااستغراب:وش دراك ان فيه وحده لابسه مثل لبس اختك
تركي:سمعت دانه تقول تراها نفس لبسي<نصاب
امه:ايه هذي شهد
تركي بنفسه من قدك ياتروك القمر الي شفتها امس قلبك يالبى قلبها فديتها
دانه جت عندهم:هااااااي
امها:هلا وين اختس
دانه:بسابع نومه
تركي:ياحبها للنوم ودي اروح ازعجها
دانه:قدام انا معك رافعه ظغطي
ساره تسمعهم يسولفون وتسولف تعرفون البزران ياحليلهم
تركي:يالبى قلبس وش تقولين
ساره تضحك
دانه تضحك وتقول:بسم الله عليس الله يحفظس يالدبه
دخل نايف وابوه
تركي:هلا بالغالين
نايف:اوه الولد تطور

تركي:مب انت ابوي الغالي ياحبي لأبوي
نايف ضحك وقال:الله يقطع شرك
ابوه:وش وراك من الاخر
امه:تغدو الحين وبعدين اقولكم وش وراى هالولد
نايف:ايه يمه ميت جوع خليهم يستعجلون
امه:زين دانه حبيبتي روحي قولي للخدامات يجهزون الغداء و يستعجلون
دانه:اوك مامي
><
شهد:شذو قومي وش ذا النوم
شذى:خليني انام توني نايمه الحين
شهد:وش توك نايمه انت تدري كم الساعه
شذى:كم
شهد:٤العصر قومي متى نمتي
شذى:صدق والله الساعه ٤
شهد خذت الجوال وقربته عندها:شوفي الجوال هاه ٤
شذى:فيه احد تحت
شهد:لا بس الحين بيجي عمي خالتي
شذى:هههه اوك ودخلت الحمام وتوضت وصلت
شهد لبست وتكشخت
شذى:ياهووه ياكشخه وش ذا الكشخه كلها
شهد:وحرام الواحد يكشخ يله بس اجهزي تراهم بيجون الحين
شذى:اوك جهزت لها ملابس وراحت تأخذ لها شور
><
ياسر:يمه
امه:هلا
ياسر:اجهزي يمه بتروحين تخطبين لولدك
امه بعصبيه:وشو الحين زوجتك زعلانه عند اهلها وانت ناوي تخطب
ياسر:ايه بخطب الانسانه الي حبيتها وعشقتها و الي مفروض تصير زوجتي من اول
امه معصبه:انت تقصد شذى
ياسر:ايه شذو
امه:انت ناسي وش سوى ابوها فيك ولا تبيني اذكرك
ياسر:الا اذكر
امه:ماخبرتك ماعندك كرامه
ياسر:اي كرامه انا بتزوجها لو يطردني مليون مره انا ابي شذو وهي تبيني
امه:رح بلحالك مقدر اروح لاتنسى ان زوجتك بنت اختي رح بلحالك مثل اول مره ومانيب مستعده انطرد
ياسر:براحتك بس انا رايح رايح الله لايعوقني بشر
امه:بكيفك ياوليدي مب مانعتك
ياسر:يمه تكفين ادعي لي
امه:الله يكتب لك الي فيه الخير و يوفقك و يسعدك
ياسر:امين وراح
><
شذى خلصت لبست وكشخت و مسكت جوالها وشافت الساعه٤ونص واستغربت انه ماجاء لما الحين
شذى:معقوله يكون هون لا مستحيل يسويها


تم الجزء الثامن

:الجزء التاسع:
دق ياسر
شذى بلهفه:هلا
ياسر بحب:هلا يابعدهم
شذى:انت جيت قلبي
ياسر:انا تحت واحس ان قلبي مب في مكانه
شذى:وانا مثلك يله ادخل وانا بنزل تحت يله عمري
ياسر:يله انا دقيت الجرس سمعتي
شذى:آه يازين دقة الجرس اليوم صوتها يهبل
ياسر:هههههههههه يله عمري قفلي
شذى:اوك وقفلت و نزلت ركض تحت
شهد:انهد الدرج شوي شوي
شذى قلبها يرقع من الخوف وقالت:ابوي وين
امها:برى هو وراشد وماجد ينتظرون عمك و عياله
شذى قلبها يعورها من الخوف:اها اوك
شهد:وش فيك شكلك مب طبيعيه
شذى:لا ولا شي
دقايق ويسمعون صوت ابو راشد يعلى شذى راحت تركض لعند مجلس الرجال بدون شعور وامها و شهد وراها
راشد:يبه هدي الولد ماقال شي غلط
ابو راشد:انا مو طردتك المره الاولى ولا لازم اطردك الف مره عشان تفهم
راشد وماجد يناظرونهم ومب فاهمين شي
ياسر:ليه ماتعطيني بنتك علشان انا ع قد حالي مافيه فرق بين البشر كلنا من طين ومصيرنا للقبر ليه التكبر والغرور
ابو راشد بعصبيه وصراخ:برا برا
شذى و هي واقفه برى بحيث يسمعونها ومايشوفونها وتقول و هي تصيح:انا ابيه راضيه فيه ماابي فلوس ماابي شي من الدنيا غير ياسر يبه وافق الله يخليك وافق
ياسر استانس يوم سمع صوتها
ابو راشد عصب اكثر مسك ياسر وسحبه لبرى وشذى اول ماانفتح الباب اتخبت عشان مايشوفونها بس هي تشوفهم ويوم شافته يسحبه و يطلعه برى فقدت اعصابه ولحقت ابوها و نست ان فيه غطوه و نست الدنيا
شذى تصيح وتصارخ:حرام عليك حرام اتركه هو ماسوى شي غلط حرام حرام
ياسر يوم شافها نزلت دموعه
ابوها:مو مستوعب الي يصير قدامه وبعصبيه اكثر دز ياسر ع الباب واصطدم راسه بالباب وقال بعصبيه وبصراخ:برآآآآآآآآآ
ياسر حس ان الدنيا تدور فيه ولونهااسود واغمى عليه
شذى بدون شعور راحت تركض له وحظنته وقالت وهي تصيح وتصارخ مثل المجنونه:ليش ليش تبي تذبحه حرام يبه حرام
ياسر ياسر حياتي رد علي ياسر الله يخليك لاتخليني بروحي هنا ياسر
والكل جالس يناظر الموقف ومو مستوعب الي يصير ابدا
وراشد تذكر موقف الشرقيه:
راشد:تصدقين انه تزوج
شذى تناظر اخوها بصدمه و نزلت دموعها غصب عنها
راشد بذهول:وش فيك
شذى مسحت دموعها وقالت: سلامتك والله يوفقه ان شاء الله وراحت
وقطع تفكيره صوت شذى
شذى :وش تحترون ودوه المستشفى ودوه تبونه يموت تبونه يموت ودوه الله يخليكم ودوه
راشد وماجد شالوه وكانت بتروح معهم بس امها واختها مسكوها
وابو راشد واقف بمكانه مو مستوعب الي يصير قدامه وطاح من طوله
ام راشد بخوف:ابو راشد ابوراشد رد علي
شهد وشذى:يبه يبه رد علينا يبه
فواز كان بشارع ومايدري عن احد توه بيدخل الا يشوف سيارات نايف وتركي جايه
و قفو و نزلو ودخلو الحريم
ام نايف:وش فيكم وش صاير
دانه:و ش هالدم الي ع الباب وبملابسك ياشذى وش فيكم وش صاير
داليا بصراخ تنادي اخوانها وابوها
كلهم دخلو يركضون من الخوف
تركي و ابوه و نايف شالو ابو راشد
فواز يصيح:يبه يبه رد علي يبه
ودوه السياره وكل الشباب راحو للمستشفى
ام راشد و بناتها راحو يلبسون عبايتهم
ام نايف:دانه روحي كلمي السواق يجهز السياره بسرعه
دانه بخوف وربكه:طيب طيب
ولبسو عبايتهم وراهم للمستشفى <طبعا ياسر وابو راشد كلهم بنفس المستشفى لانه الاقرب >
كلهم متوترين وحالتهم صعبه

شذى مسكينه شوي وبتفقد اعصابها ٢تحبهم وتعزهم كلهم بالمستشفى وكل واحد حالة اصعب من الثاني
ابو نايف:وش فيكم ياراشد وش صاير
راشد بتعب وتوتر وخوف وقلق:بعدين ياعمي بعدين مقدر الحين مقدر
طلع الدكتور المشرف على حالة ياسر وجه معتفس مره
شذى شافته معد قوة رجليها ع الوقوف وطاحت ع الارض
وكلهم مستغربين الا اهلها
ماجد بخوف وقلق:بشر يادكتور

تم الجزء التاسع

الجزء لعاشر::

ماجد بخوف وقلق:بشر يادكتور

الدكتور:الولد دخل بغيبوبه يمكن يقوم منها يمكن يموت ادعو له
شذى فقدت اعصابها وبصراخ:لاااااا لاااااا لاااااا مستحيل مستحيل بخير ياسر مافيه شي ياسر بخير
امها مسكتها و هي تصيح وقالت:بس يايمه اهدي انت ادعي له وان شاء الله بيقوم بالسلامه
شذى قامت بصعوبه بتدخل عليه بالعنايه المركزه مسكوها اخوانها وفكت نفسها منهم ومسكوها الممرضات واخوانها

شذى تصارخ:وخرو عني انا اعرف وش فيه انا بعالجه وخرو عني
الدكتور اشر لهم يعني خلوها وفكوها ودخلت عليه
ماجد وراشد راحو بيطلعونها ولو رجال غريب عنها
الدكتور مسكهم وقال:معليش يمكن تكون هي علاجه
راشد:بس
الدكتور قاطعه:معليش
وطلع الدكتور الي عند ابو راشد وقال:وين راشد
راشد:انا
الدكتور:ابوك يبيك ادخل
راشد:اوك ودخل عند ابوه
وش قاله ابوه؟تبون تعرفون كملو☻
><
شذى مسكت يد ياسر وبحنان وبهدوء :ياسر انا شذى رد علي انا حبيبتك انا جنبك وماببعد عنك لو يذبحوني ياسر رد علي ارجوك رد
ياسر جثه هامده هدوء بس تسمع صوت الاجهزه
شذى سمعت صوت صراخ برى وخافت ع ابوها وطلعت برى وشافتهم يصيحون كلهم واخوانها حاظنين بعض و يصيحون
شذى بخوف:ابوي فيه شي
محد رد عليها وشافت الغرفه الي كانت مقفله مفتوحها وراحت ركض داخل وشافت ابوها جثه هامده
شذى راحت عند ابوها و بصراخ وتصيح:يبه يبه رد علي يبه لا تروح وتخليني يبه سامحني انا السبب في كل الي صار يبه رد علي لاتروح وتخلينا من لنا غيرك يبه خلاص مابي ياسر رد علي يبه
راشد دخل عليها ومسكها وجلس يهديها
شذى:راشد ابوي مامات الحين بيقوم ابوي عايش صح لا مامات لا لا
راشد يصيح:انا لله وانا اليه راجعون لاحولا ولاقوة الا بالله هذي كتبت رب العالمين وكلنا لهذا الدرب
شذى هدت نفسها وجلست تصيح بهدوء وطلعت برى الغرفه و هي تمشي بتعب واخوها طلع معها
شهد حظنت اختها وجلسو يصيحون
ابو نايف بحزن:ماجد تركي خذو العيال ودوهم البيت وإنا بنخلص الاجرآت الباقيه
تركي بحزن:اوك يله يمه خالتي ماجد بحزن:يله بنات
بدر:فواز يله
فواز يصيح:مابي اروح ابي اقعد مع ابوي انا متأكد ابوي مامات ابوي بيقوم الحين
بدر حظنه وجلسو يصيحون
الحريم والبنات راحو البيت واشكالهم تقطع القلب خصوصا شذى عندها مصيبتين بالف مصيبه
مر شهر والحزن والهدوء مخيم ع بيت ابو راشد

شذى حاطه راسها ع ركبها و حاظنه رجليها وسرحانه
شهد:شذو وش فيك بس تعبتينا شذى ناظرتها و دمعت عيونها وقالت:مافيه اخبار عن ياسر
شهد:لا
شذى:اخواني ماقالو شي
شهد:محد جاب سيرته اصلا من فاضي كلن شايل همك انت وفواز كل واحد قافل عليه غرفته ولا ياكل و لاهو مع الناس حرام الي تسوونه امي تعبت منكم مسكينه دمعتها ع خدها ارحموها حرام عليكم
شذى مسحت دموعها وقالت:وين امي
شهد:بغرفتها
شذى:خلاص بروح لها
اصطنعت الفرح و النسيان علشان تخفف ع امها وراحت لها وهي راسمه الضحكه بالغصب
شذى باابتسامه عريضه:مامي وش فيك قاعده بغرفتك
امها شافتها واستانست وحظنت بنتها
شذى:ياحياتي يمه توني ادري اني غاليه عندك
امها:انت قلبي المركب انت بنتي حبيبتي اكيد بتضايق لما اشوفك متضايقه
شذى:الله يخليك لي ولا يحرمني منك

شهد تنادي اختها
شذى:شهوده انا هنا عند ماما
شهد دخلت وقالت:جوالك يدق
شذى:من
شهد:مدري ماشفت بس سمعته يرن
شذى:اوك وراحت للغرفه وشافته رقم غريب وردت
شذى:الو نعم
يسرى:شذو والي يعافيك و يخليك تعالي عند اخوي علاجه بيدك ياسر اسمك مابعد عن لسانه رغم انه بالغيبوبه الا ان اسمك ع شفايفه
شذى عرفتها من صوتها:هلا يسرى انا ان شاء الله بجي بكره الصبح ازوره والله يساعدني و يقدرني ع مساعدته
يسرى:الله يخليك يارب ريحي قلب امي
شذى:ان شاء الله انا الصبح عنده
يسرى:بحفظ الرحمن
شذى:حافظك ربي
شذى يابعد عمري يا ياسر انا السبب بمرضك ولازم اكون السبب بشفائك بعد الله لازم بس كيف اروح له مستحيل يخلوني وجلست تفكر تفكر
نخليها و نروح لداليا
سلطان:شخبارك؟
داليا:الحمدالله كيفك انت
سلطان بحقاره:بكره انا متأكد انك بتسمعين خبر يجنن يذوب
داليا:وشو ياحبيبي
سلطان:حبيبتي انتي بكره بتعرفين لاتستعجلين ياقلبي
داليا:تحمست ابي اعرفه الحين
سلطان بخباثه:بكره يالحلوه بكره
داليا:اوك بكره بكره
><
شهد:وش فيك مانمتي
شذى:مابي انام ماشتهيت
شهد:ماشتهيتي ولا بالك مشغول
شذى:مشغول ومستحيل يرتاح الا لما اشوف ياسر مثل الاول واحسن
شهد:بتروحين له المستشفى
شذى:ايه اليوم الساعه٩ونص
شهد:وكيف بتروحين
شذى:الحين بنتظر اخوانك لما يروحون الشركه وبروح مع السواق
شهد:تبين اروح معك
شذى:بكيفك
شهد:طيب كم الساعه الحين
شذى:٨صباحا
شهد:بروح معك علشان اذا احد سألك نقوله رحنا نشتري اغراض المدرسه
شذى:اوك يله خلينا ننزل تحت لين نتأكد انهم راحو
شهد:اوك
نزلو تحت وشافو راشد وماجد يفطرون وجلسو معهم
راشد:شذو نازله تحت و النفسيه اوك وش عندها
شذى:ماعندي شي لازم انسى
ماجد:دريتو ان ياسر حالته كل مالها تدهور
راشد ناظرها بنظرات تحرق وعصب وقال: ماعندك الا هالسالفه
ماجد:اسف بس يوم شفتها تذكرت
شذى متماسكه قدامهم بالقوه وقالت بصوت واضح فيه الحزن:الله يشفيه يارب و يقومه بالسلامه
الكل: :امين
راشد:ماجد يله مشينا بتمشي معي ولا نفس العاده بعدي
ماجد:لا لا هالمره جاهز يله مشينا
شذى اول ماطلعو مع الباب راحت تركض تجيب عبايتها وشهد وراها
شهد:لحظه لحظه اصبري لما ع الأقل يبعدون عن البيت
شذى تصيح :ابي ياسر ابي ياسر
شهد:اوك امشي امشي