رواية سحابة لو حملت جبال وحلوة لو شّربت المُر!/ البارت الرابع عشر

البارت 14❤❤.


في بيت العمّ أبـو بتّال :
كانوا مجتمعين على طاولة الطعام ، والصمت سيّد المكان
وكل واحد غارق بتفكير مختلف ، والفارق الأكبر أبوهم
بينما هم يفكرون بأنفسهم ، كان ابوهم يفكر فيهم كلّهم
ويفكر بشخص خـامس غير أبناءه الأربـعه ..
قال بهدوء : نوف ماردت يا أم بتال ؟
بهت وجه أم بتال وأنتقلت نظراتها لإبنها بتّال ، اللي وضح الإنزعاج بملامحه وترك الملعقه وصدّ عن ابوه .
ام بتال : مادري شقول لك ، ماردت للحين
ابو بتّال : كم صار لنا مخبرينها ؟
ام بتال : شهرين وأسبوع
ليان : انا مادري متى نخلص من موضوع نوف !
ابو بتال : ماراح نخلص منه الا بزواجها من اخوك !
بتال شد قبضة يده وهو يتذكر كلامها عن ابوه وقال بهدوء : انسى موضوعها يبه ، انا ماعاد ابيها ، كم مره قلتلك ماراح توافق
وانت تروح وتخطبها ، ماتبيني وبصراحه انا مابيها ، هي اكبر مني !
ابو بتال : احتسب الأجر بهاليتيمه المسكينه وانا ابوك،
بنت عمك وانت اولى بها
بتال : مسكينه! ماظنيت والله
ابو بتال : مانبي الموضوع يطول ، اليوم بروح لها
واخليها توافق غصب عنها
بتال لما شاف ابوه ملزّم عليها حسّ بحارق بصدره
وقال بحده : يبه ، هذي ثالث مره تخطبها لي وترفض
البنت ماتبيني ليش ملزم تحط وجهي بالأرض !
ابوه غضب : بدال ماتحمد ربك اني ابي لك الزين
بتال ارتفع صوته : لا ماتبي لي الزين ولاهمك مصلحتي
انت تبي تزوجني نوف عشان الخير اللي عندها
ابوه انصدم وقال أمه وهي مرتبكه : الخير يروح لولد عمها
احسن مايروح للغريب !
بتال حسّ بتعب بصدره وقال بهدوء والضيق بوجهه : مابيها يبه
انت ماتدري وش اللي صار من وراك ، لكن دامك ملزم بقول لك !
تغيّر وجه ابوه وقال بحذر : عسى ماشر !
بتال : ترا نوف كلمتني ، وقالت انت وابوك طمعانين بفلوسي
ولو تنقلب السماء على الأرض ما اخذتك ، علم ابوك الطمّاع بهالكلام !
ابو بتّال ضاقت انفاسه ، وطال صمته ، وقطعت هدوئهم مجـد
لما قالت بضيق : وفوق هذا كله تراها تبي سند ، شوفوا كم صار عمرها وهي تنتظره ، وهو مو معطيها وجه لكن ماهمها
انا سمعتها تقول لـذكرى انها تنتظره العمر كله !
بتال : شفت يبه ، بالله هذي تستاهل انك تحن عليها ؟
ابوه وقف وقال بهدوء : اسمعوا جميع ، نوف بنت عمكم
لاتلومونها على اخطائها ، وانا عني مسامحها على اللي قالته
وبإذن الله ان مالها غير بتال ..
طلع لغرفته وماعطاهم مجـال للنقاش أكثر
بتّال مافي ولا كلمة توصف شـعوره ، هو متأكدإن نوف ماراح توافق
لكن اللي قاهره وحارق قلبه ان ابوه داس على كرامته
وخطبها له اكثر من مره رغم الرفض والكـلام القاسي.. ولا حفظ كرامتـه كـ رجل !

مجنون قصايد معجب بهذا