لاتظن أني ماأحبــك

الجزء الثامن والعشرون




في أمريكا الساعة الرابعة
خليل : ليه كذاحالي ليه ماتواضعت لهم على الأقل هم الي أسندوني وعاونوني وخلوني صديقهم من دون سابق معرفة يا أخي قدم أشوي من التنازلات ولاهو ناقص منك شي إلا بيزيد , أتهقى كذا جد معاذ وروز من خيرة الأصدقاء الي عرفتهم يكفي خوفهم علي , لازم أكلمهم وأصالحهم وهم أسوي الي هم ما سوه .
راح خليل لمعاذ الي كان جالس مع روز في الشقة
يدق جرس الباب
روز : أنت منتظر أحد
معاذ : لا , بروح أفتح الباب
فتح معاذ الباب وتفاجئ أن خليل هو الي كان على الباب لأنه عنده مفتاح
خليل : السلام عليكم
معاذ : وعليكم السلام
خليل : أنت ما تستحي , وش الي تبيه مني القة وهديتها لك والصداقة فضيتها وروز خليتها لك أشبع منها
معاذ عصب على الكلمة الأخيرة
معاذ : أنت ما تستحي تقول كذا على هالإنسانة الطاهرة
خليل : أنا ماقلت شي , وبعدين قول لي من عطاك الحق تتصل على أهلي وتخبرهم
معاذ خاف من هالكلمة
معاذ : كنت أفكرك أعقل من كذا بس صرت العكس تماما حبيت أرجع منك خليل الأولي
روز توها داخلة عليهم وهم بالمشادة
روز : السلام عليكم خليل
خليل : وعليكم السلام كيف حالك
خليل يبي يغيض معاذ
روز : الحمدلله
خليل : والله مشتاقين لكم
روز :وأحنا أكثر
معاذ: كذا على طول سامحتييه المشكلة مو أنتي الغلطانة أنا الغلطان الي عطيتكم وجه...................... سلام
طلع معاذ لكن خليل مسكه بقوة
معاذ : وش تبي بعد بعد كل الي سوييته تبي تضربني قول
خليل : معاذ لا تزعل مني تراني كنت بعالم ثاني الحمدلله أني طلعت منه وأحب أني أشكرك أنت وروز على الي سويتوه معي وأبشركم تراني خليل الأولي وإنشاء الله أحسن وهالكلام من زمان لكن حبيت أتأكد أول من نفسي والحمدلله تأكدت أني هو نفسه خليل
معاذ باين بعيونه الفرح : قول والله خليل
خليل : والله وش تبي بعد
معاذ عانق خليل عناق حار
خليل : معاذ أرجوك يكفي بعدين فيه ناس بيزعلون ويغارون
معاذ : منوا
خليل : روز
روز تسمع ومندهشة من الي يصير
معاذ رجع له الحزن
خليل : وش فيك , راح تغار مني أني ألمك وهي لا
الكل مو فاهم شي
خليل : أقول بلا تغيبي أنتوا تحبون بعض وكل واحد منكم مو قادر يوصل هالأحساس خلوني أكون أنا الموصل , روز ترا معاذ يموت بشي أسمه روز ويحبك كثير ( معاذ أستحا من كلمة خليل) وأنتي لا تروحين بعيد وكافي مستحى تراش تحبينه موت بس هو أبله مو قادر يخطو خطوة وحدة قدام
معاذ يطالع روز ويبي إجابة السؤال الي بعينه
خليل : روز أستحي على وجهك وجاوبيه صح أو لا
روز بكل حياء منها نزلت راسها إشارة على الموافقة
خليل : لا قوليها
روز : ................... أنا أحب خليل ............كأخوا لي أما معاذ فحبه غير
معاذ موقادر يفرح مايدري وش يسوي: أخيرا ياروز قليتيهاأحبك يا معاذ
خليل : أخيرا ألتم الشمل يا حبايبي أهم شي أكون أول المعازيم للعرس
روز : خليل توقف أني أخجل
معاذ : سمعت وش قالت لك توقف أنها تخجل
الكل قام يضحك
خليل : بهذي المناسبة أنا عازمكم على العشاء الليلة
معاذ : لا والله عيب علي أن قبلات والله أنه من أفرح الأيام لي يوم أشوف حبيبتي وخليل فرحانين وأنا هم فرحان لذا قررت يكون العشاء علي
خليل : زين عشان أحافظ على فلوسي
ننتقل من أمريكا إلى السعودية بيت ليلى الساعة الثانية عشر ليلا
ليلى : وأنت وين كنت تراني تعبت وياكم
حمدان : أنا مو صغير الحين تحاسبيني أنا كبرت وصرت رجال البيت
ليلى: بتم طول عمرك صغير في أنظري يا ولدي أنا مو أعاتبك ولا أحاول أترأس عليك تذكر أنك الكبير بالبيت وعليك مسؤليات كبيرة لازم تكون هنا وتحس بأن أبوك مات يعني الظروف أفرقت
حمدان : تعبت من هالكلام بالليل والنهار يعني خلاص أنتهت الدنيا مانفرح ولا نستانس
سلطان : لا طول صوتك على أمي
حمدان : أنت مالك شغل أنا وأمي نتكلم كيفنا
ليلى : خلاص أنت وياه أحترموا أمكم الهي أنا
ريم : أمي خلاص حمدان مو عايدها
حمدان : الا بعيدها وبعيدها وبعيدها والحين مع السلامة بطلع مع الربع
طلع حمدان وليلى تناديه : حمدان حمدان ............... حسبي الله ونعم الوكيل وش سويت بدنيتي عشان يصير لي كذا حسبي الله ونعم الوكيل
ريم : أمي لا تصيحين ترانا جنبك وحمدان راح يرجع لا تخافين
ليلى : أنا ما أصيح على أخوك لكن الهم كبير علي الله يعيني وأدي مهمتي يالله سهل
ننتقل لماليزيا ونشوف حال المتزوجين وهم على أبهى وأروع جنة على الأرض
لينة : حبيبي وش رايك نرجع للسعودية
فيصل : مليتي بسرعة
لينة : لا والله بس أحس ان شي صاير ,لأن أهلي كل مايكلمون أحس أنهم يخشون علي شي
فيصل : والله كيفش مابقى لنا هنا غير أسبوع خلينا أنقضيه ثم نرجع للسعودية مع أن لاحقين كان ودي نلف الدنيا كلها
لينة : لا فييصل عفية خلنانرجع بدري
فيصل : تامرين أمر والحين وين تبينا نتعشى
لينة : الله يديم النعمة هذا أكل حامض حلو ولا حلو الله يديم النعمة
فيصل : يا حلات هالأكل لي وأبيك بعد تتعلمين منهم كيف يطبخونه
لينة : ده بعدك يا حبيبي
فيصل : والله كثير هالشي علي ماكنت أمنى كذا كان طموحي أن تجيني وحدة حلوة وطيبة تحبني وأحبها أما أنتي تعديتي الحدود كل أشوي تقولين حبيبي ولا حياتي ولا ولا الكثير من هالكلام ولا أحس أنه لغة مطنعة الا حقيقة لازم أأمن فيها حبيبتي خفي علي ترا قلبي أرهيف ما يستحمل هالحب كله
لينة : يا صاحبي لاتزعل من الحين ورايح بقول لك ياضياء أعيوني
فيصل : وش أسوي لك كلك على بعض عسل وان كان حبيك عسل لا تاكله كله
بعد مضي أسبوع بالظهران يوم الأحد الساعة 5العصر
حنين : أنت ماتستحي وش تبي أزيادة كل الي خذته مني ولازلت طماع ياخي خاف ربك
الرجل : سمعتي الكلام لو ما جيتي الليلة راح تجي الصور لأبوك وأنتي عارفة وش بيصير أن جات
حنين : لا ألا أبوي لا أرجوك أسوي الي تبي الا هالشي
الرجل : يابنت الكلب سمعتي راح تجين غصب عنك وانتي تدلين الأستراحة
حنين : ........................... مافيه حل ثاني أرجوك تبي أفلوس أعطيك بس خلاص أنا تبت
الرجل : تبتي ههههههههه هذاك أول لازمخ أما الحين لا وألف لا والحين روحي تسنعي عشان الليلة سلام ياكلبة
سكر التليفون وبعدها سكرت كل الأبواب قدام حنين وجلست تصيح
حنين : ليه كذا يارب بعد ما أتوب يصير لي كذا وش أسوي لك يا يعقوب حبيت أتوب من هالشر لكن الشر مو راضي ................ يعقوب أيه يعقوب لازم أكلمه والحين
تدق حنين على يعقوب الي كان توه طالع من الجامعة وبيروح لغرفته يرتاح
يعقوب : منوا بعد بعد هاليوم الطويل , غريب هالرقم ........ألو
حنين : الو السلام عليكم
يعقوب : وعليكم السلام
حنين : أكيد أنت مو عارفني لكني أعرفك زين أنت يعقوب صح
يعقوب مستغرب : أيه من أنتي
حنين : أنا أنسانة حبت تتوب وكان سبب توبتها أنت لكن الشر لازال يلاحقها يعقوب أرجوك فكني من هالشر والله بنتحر أرحم لي من هالدنيا الي ماترحم
يعقوب : أختي لو سمحتي لا تصيحين عشان أفهمك وبعدين لو سمحتي وش أسمك
حنين : مو لازم تعرف أسمي ولا يهمك هالشي
يعقوب : لو سمحتي أنا مايهمني هالشي ولا تهميني أنتي أن كنتي تظنين فيني شر والحين مع السلامة
سكر يعقوب الخط
حنين ببكاء مرير : حتى أنت مو راضي تفهمني ليه ليه
يعقوب : وش سويت أنا من كلمه زعلت , وش دراني أنا بقصدها يارب سهل علي لازم أكلمها
يدق يعقوب على رقمها
حنين : أرد ولا ما أرد يمكن يبي يهزئني أستاهل أنا كل الي يصير
يعقوب : الو

حنين : وش بغيت بعد
يعقوب : أسف أختي ادري كنت عصبي بس عذريني
حنين :أنا الي أسفة واسمي حنين وبذكرك كيف عرفتك ,تذكر ذيك الليلة الي جيت وحميت بنت في الخبر من براثن وأنياب الحيوانات
يعقوب : تذكرتك حنين سمي وش بغيتي
حنين :يعقوب مو راضي يهدني ذاك الرجال لازال يهددني بالأشرطة الي معاه والصور
يعقوب : أيه
حنين : ويبيني أجيه الليلة عند استراحتهم عشان عشان ( بكت حنين (
يعقوب : حنين لا تصيحين وقولي الحمدلله على كل شي وكل مشكلة لها حل
حنين : كل مشكلة ..... الا مشكلتي طلبتك يعقوب ساعدني
يعقوب : حنين جاتني فكرة بس بغيت أعرف وين أستراحتهم وعندي سؤال هل يشربون الخمر او مخدرات أو أي شي ممنوع
حنين : كل الي قلته موجود وعندهم أشرطة بنات غوهم بكلامهم المعسول
يعقوب : حلو خلاص لقيت حل
حنين : وشو الله يبشرك بالخير
يعقوب : بنداهمهم مع الشرطة في الليل والشرطة إذا شافت الي عندهم راح تسجنهم
حنين : لا يعقوب خوفي أنفضح لا يعقوب أستر علي الله يستر على أهلك لاتسوي كذا لا ( أرجعت حنين تصيح (
يعقوب أدمعت عينه على حال حنين
يعقوب : حنين حبيبتي لا تصيحين والله ربي أن كان يدري صدق توبتك راح يحميك بس أنتي أدعي لنا عشان نطب عليهم متلبسين
حنين : مشكور يعقوب والله ماأدري لولاك وش كنت بسوي
يعقوب : الحين بغيتك تعلميني وين الموقع
حنين : صعب ما أعرف أدليك كذا
يعقوب : ممكن شغله تقدرين تجين مع سواقكم وتدليني الموقع
حنين :أيه عادي وانت مو من النوع الي ماينوثق فيه
يعقوب خلاص موعدنا بعد المغرب عند الكورنيش لا عند جامع مكة بالخبر عرفتيه
حنين : أيه تم
يعقوب : شكله مافيه راحة اليوم خلني أروح للشرطة ولاأقول ليه ما أروح للهيئة أهم أدرى بهالسواليف وراح يساعدوني
راح يعقوب للهيئة وخبرهم بالخبرية وهم خذوا جميع الخطوات للقبض على هالمجرمين وفهمهم بالسالفة من الأول للأخير
راح يعقوب للموعد الي بينه وبين حنين
حنين : وش فيه تأخر كذا
يعقوب يدق على جوال حنين
حنين : هذا هو ... الو يعقوب وينك
يعقوب : أنا عندي سيارة سوداء شفتيها
حنين : أيه أحنا سيارتنا الهوندا الأسود
يعقوب : شفته يله أمشوا الحين
مشت السيارة ودلوا يعقوب الموقع
حنين : يعقوب بتكون وياهم
يعقوب : أيه عشان أضمن حقك وأجيب لك كل شي مختص فيك بس لا تنسين دعاك
حنين : يالله يارحمن يحفظك من كل شي سوء ويرزقك ببنت الحلال الي تستاهلك وعطيك على قد نيتك
يعقوب : أمين
أمين يله سلام
نترك يعقوب أشوي ونروح لعبدالوهاب الي كان شارد مع طفله عبدالعزيز
مها : أشوي أشوي على الولد
عبدالوهاب : خليني أعلمه المرجلة ويكون شديد
مها : عبدالوهاب ما أتلاحظ شي
عبدالوهاب : وش
مها : يد عبدالعزيز اليسار صغيرة والثانية كبيرة
عبدالوهاب : يتهيئ لك ....أشوف ........... تدرين كلامك صح الله يستر بكرة بوديه المستشفى ونشوف وش بيصير
خلونا نروح للأحساء بيت خالد الساعة الحين التاسعة
نورة : كيف صاير على البعد , وانا عمري ما نسيتك ولا صبرت على بعادك , حبيبي شفت فيني شي يعيبني , سمعت عني قولا ينسيك منو أنا , حبيبي ليه الجفا والقطاعة , تذكر أني أنثى محدودة التصرف والفعل , تذكر أن فيه من يترياك كل يوم وكل ساعة وثانية , عجل علينا دام حبنا لكم موجود ولا تطيلون البعاد , أبسألك ما جاء يوم بفكرك ولا بعقلك ولا بقلبك أنك أشتقت لي مثلي يوم أني أشتاق لك , جيت يوم سمعتني أحلى كلاما تهواه نفسي , حبيبي تعبنا وتعبت عيونا من البكاء نتحرى قدومك كل يوم حبيبي حبيبي فقدناك
هيبة : الله الله تدرين حبيبتي كأنك جولييت ولا أقول لك أنتي ليلى ولا أقول لك أنتي نورة وش ذا النغم وش ذا الهمس الشفاف البريء بس حسافة ليت الرسايل توصل لأصحابه ولا بكذا بس ليتهم وهم يقرونه يسمعون صوتنا واحنا نقراها
نورة : هيبة سكتي دام النفس عليش راضية
هيبة : بقول لش شي بس عجلي على عمرك قبل لايصير المعلوم
نورة : وش فيك
هيبة : لحقي على عمرك وتحركي ترا الوقت قصير والساعات من الحين بتمشي بسرعة
نورة : تكلمي وش فيك
هيبة : تدرين الي جاتنا اليوم من هي
نورة : لا والله
هيبة : الي جاتنا هي أم نواف تدرين وش تبي
نورة : أرجوك هيبة تكلمي بسرعة
هيبة : أم نواف تبيك حق ولدها نواف
نزل الخبر على نورة مثل الصاعقة
نورة : هيبة أنتي متأكدة من الخبر يمكنك سمعتي خطاء ولا سمعتي تبي تخطب وحدة ثانية
هيبة : لا قالت تبيك حق ولدها والكل يدري أبوي وأمي وعبدالله باقي وليد
والحين أنتي تدرين
نورة : أنتي تستهبلين ولا ما يدرون أني أبي عبد................ (بدت نورة تبكي (
هيبة : وش فيك أنتي الناس تفرح وانتي تصيحين
نورة : أنتي ما تفهمين أنا ما أبي أتزوج
في هذي الأثناء كانت الهيئة ويعقوب يداهمون الأستراحة
وكانت حنين تراقب هالشي من بعيد عشان ماحد يحس وتتطمأن على يعقوب
يعقوب : ها كلا مستعد وكل منكم ماخذ وضعيته
الشباب : أيه
يعقوب : سموا بسم الله وبعدها راح نقتحم المكان
أقتحموا الهيئة المكان واولهم يعقوب الي شاف شي يخبل العقل لقى شباب ماسكين لهم بنت في عمر الزهور والشباب يعذبونها وكل واحد منهم سكران ولا يدري وين الله حاطه بس من شاف الشباب الأقتحام كلا حاول يهرب يعقوب لحق واحد هرب والبقية الهيئة أضبطوهم بجرمهم
يعقوب : وقف
الرجل يهرب لكن في الأخير وقف وكانت معه سكينة يبي يضرب فيها يعقوب
يعقوب : أستسلم ولا بتشوف شي مايسرك
الرجل : راح نعرف منوا الي بيضحك بالأخير
قام العراك بين الأثنين والسكينة طاحت بالأرض لكن في النهاية جات ليعقوب ضربة قوية بالسكين في رجله بعدها الرجال هرب لكن الحمدلله كانت الشرطة محاوطة المكان وأمسكوه ويعقوب طلب له الأسعاف يجي ياخذه
يعقوب : شباب شيلوا كل شي وحفظوهم بالهيئة لا تخلون شي هنا
نقل يعقوب بالأسعاف للمستشفى
حنين شافت الأسعاف وخافت من هالشي وعلى طول كلمت يعقوب
حنين : الوا يعقوب
يعقوب يقاوم الألم : هلا حنين مبروك مبروك
حنين : يعقوب منوا الي تعور أرجوك قلي كل هذا بسبتي
يعقوب : ما عليش كل شي بخير
حنين : حلفتك بالله تجيني الحين أنا جنب الأستراحة
يعقوب : حنين ما أتفقنا على هالشي
حين : يعقوب قول لي منوا الي بالأسعاف عساه الكلب ذاك
يعقوب : لا مو هو الشباب مسكناهم وهم رايحين للشرطة الحين
حنين : أنزين منوا الي بالأسعاف
يعقوب : حنين ممكن أطلب منك شي
حنين : أنت تامر مو تطلب
يعقوب : حنين حافظي على روحك ولا تجلسين لحالك شوفي لك صاحبات خيرات لأنك من دون رفقة ماراح تقوين وتتقوين بالأيمان والحين روحي لبيتكم على طول وتأسفي لأبوك وأمك وأن أستدعى الموقف أبكي جنبهم وحسسيهم أنك محتاجة لهم وهم ماراح يقصرون معك يله فمان الله
حنين : فمان الله
سكرت الخط
حنين : ليت في العالم منك أثنين يالله يحفظك
مرت الليلة ويعقوب بالمستشفى مصاب برجله ويبي له عملية
يعقوب يتصل على عبدالرحمن
عبدالرحمن : منوا الي يبي يصحيني من الصبح بدري يا أخي مايمدي نتهنى بيوم أبريك من هالجامعة ....لكن هذا يعقوب وش يبي هالدعلة ......... الو هذا وقت تتصل فيه علي
يعقوب : أعصابك أعصابك السلام عليكم
عبدالرحمن : وعليكم السلام
يعقوب : عبدالرحمن : أنا بالمستشفى الحين وراح يسون لي عملية بعد أشوي أرجوك لا تعلم أهلي ماأبي أحد يدري أوكييه
عبدالرحمن : من جدك تتكلم أنت تراني مو رايق للتريقة
يعقوب : ما أنت أمصدق تعال للمستشفى وراح تشوفني المهم العملية الساعة تسعة الصباح
عبدالرحمن : أنزين خلاص بجيك أشوي تبي شي أجيبه لك
يعقوب : أيه غيار لي ومو مشكلة تقول لأهلك
عبدالرحمن : صار
عبدالرحمن : أجل خلنا ننام أشوي وإذا جات عشر رحنا له
نورة جالسة لحالها بالصالة وما هي عارفة هالمصيبة هل بتنتهي أو بتم لكن كيف تتم وهي تحب عبدالرحمن وش بتسوي ؟
نورة : يارب من وين جات هالمصيبة وهذي مالقت غيري عشان تخطبها حق ولدها
وش بيسوي عبدالرحمن أن درى ........لالا لالا لالا ...ماراح يسوي مثل أخوه كيف يسوي كذا ويتنازل عني مايسويها ماأصدق بس وش بيصير ومين أكلم
في هذه الأثناء كانت منيرة أتكلم بو وليد بالموضوع
منيرة : بو وليد وش قلت على كلام أم نواف
خالد : والله ماأدري وش أقول الولد ممتاز ولا يتفوت لكن يمكن أخواني يبون البنت وهم أقرب لها من غيرهم وأحق من غيرهم لازم أكلمهم
منيرة : مو لازم الولد زي ماقلت زين وخلنا نوافق
خالد : بنت ألف من يتمناها وأخواني لازم أسألهم
منيرة : خير كلمهم بس عجل لنا
خالد : خير خليني أروح للشركة وهناك بكلمهم
عند الساعة عشرة صحا عبدالرحمن مرتاع : الله يستر هذا مو حلم هذا كابوس....... أوه نسيت يعقوب بالمستشفى خلني أقول لأمي
قام عبدالرحمن ولبس ملابسه ثم راح لأمه الي كانت توها جاية من عند الجيران
عبدالرحمن: لبسي بسرعة
شيماء : وش فيك وين بتودينا بهالقايلة
عبدالرحمن : أمي بقول لك شي مو تسوين لي هنا مناحة ترا يعقوب ولد عمي بالمستشفى وهو الحين والله العالم بالعمليات
شيماء مو متصورة كيف ولدها يتكلم بهالبرود
شيماء : ولد عمك بالمستشفى وانت جالس تتكلم (انفعلت) يله بسرعة خلنا نروح بعدها كلم عمامك
عبدالرحمن : ماقلت لك لا تنفعلين
شيماء : أقول بتوديني ولا أروح بتكسي
عبدالرحمن : أمي أخر عمرها تركب تكسي
راح عبدالرحمن وشيماء للمستشفى وهم في الطريق
شيماء تتصل على إبراهيم
شيماء : الو

إبراهيم : هلا بأم خليل كيف حالك
شيماء : أبشرك بخير المهم تعال المستشفى هناك يعقوب أتعيبين أشوي ولا تخاف هو بخير
إبراهيم : خلاص خير بكلم عبدالوهاب و بنجي
شيماء : يله سلام
عبدالرحمن : يمه ليه قلتي لهم الولد مايبي أحد يدري
شيماء : وقت الي صار مايبي أحد يدري بس دام أنه بالعمليات لازم يدرون وبعدين إذا طلع وشافنا راح يرتاح كثير
عبدالرحمن : صرتي دكتورة نفسية
شيماء : وانا أحسن من دكتورة نفسية
كملوا سوالفهم لين ما أوصلوا للمستشفى
في المستشفى كان جوال يعقوب يرن ولا فيه أي أحد عشان يرد عليه
دخل عبدالرحمن وشيماء الغرفة على رنة الجوال
عبدالرحمن : الله يهديه يترك جواله كذا من دون مايحطه في مكان أمين
شيماء : أنزين رد أنت بعدين تفلسف
عبدالرحمن بصوت واطي : من هذي أسيرة الدموع . الو
حنين : السلام عليكم
عبدالرحمن : وعليكم السلام
حنين : مو هذا جوال يعقوب
عبدالرحمن : أيه أختي بس هو الحين بالعمليات وإنشاء الله راح يطلع
حنين كأن هم ثقيل حل عليها
حنين : أخوي بأي مستشفى هو
عبدالرحمن : في مستشفى *********
طوط طوط طوط
عبدالرحمن : خيرا تعمل شرا تلقى هذا جزاتي أقول لش
شيماء : وانت ملقوف ليه قلت لها ومين هذي
عبدالرحمن بخاطره : أي والله من هذي
شيماء : عبدالرحمن
عبدالرحمن : والله ما أدري يمه ممكن أخته
شيماء : ما علينا رح أسأل على يعقوب بسرعة
عبدالرحمن : صار .......... يوه فاتتنيي
شيماء : وشو
عبدالرحمن : عمتي لينة بتوصل اليوم ولازم أروح أستقبلهم
شيماء : متى بتوصل
عبدالرحمن : العصر إنشاء الله
شيماء : باقي وقت والحين روح
راح عبدالرحمن يسأل على ولد عمه وقالوا له باقي له ساعة ويطلع لأنه توه داخل للعمليات
في الجنب الأخر حنين تصيح
حنين : ليه يا ربي كذا الرجال الي يبي يحميني دخل المستشفى وغيره نجى ,,, أستغفر الله العظيم الله يشفييك والله والنعم فيك حتى يوم أنك بالأسعاف رديت علي ولاقلت أنك أصبت الا قلت لي أهتم بروحي ياحظ الي بتاخذك والله ( تضرب راسها ) وش فيني أنا قمت أخربط ياحظ الي بتاخذها والحين يبي لي أزورك بالمستشفى بس خوفي من أهلك وليه أخاف مو أمسويه أنا شي غلط , بس هم أهله لو دروا وش بيقولون مافيه الا أروح له تالي الليل
إبراهيم بالشركة ينادي أخوه عبدالوهاب
إبراهيم : عبدالوهاب وينك تعال بغيتك
عبدالوهاب : الحين الحين
إبراهيم : ايه الحين الحين
جاء عبدالوهاب لإبراهيم
عبدالوهاب : السلام عليكم
إبراهيم وعليكم السلام ترا يعقوب بالمستشفى تعبان ويبي لنا نروح له
عبدالوهاب : وش يبي لنا يله قوم الحين
راح عبدالوهاب المستشفى مع إبراهيم
عبدالوهاب : هلا عبدالرحمن وش صار على يعقوب
عبدالرحمن : لا زال بالعمليات باقي له ربع ساعة
إبراهيم : عمليات ما تدري وش فيه وليه جاء هنا
عبدالرحمن : علمي علمكم كلمني وقالي أنه بالمستشفى ويقول أنه بخير
عبدالوهاب : الله يستر
إبراهيم : أجل وين أمك
عبدالرحمن : غرفة يعقوب رقم 232
إبراهيم : بروح له وانتوا طمنوني
راح إبراهيم عند شيماء
بعد ربع ساعة من الأنتظار الطويل طلع يعقوب من غرفة العمليات وكان مستيقظ لأن العملية كانت موضعية من دون بنج كامل
عبدالرحمن : هلا بو يوسف
يعقوب : هلا تراني تعبان ومالي خلق مزحك وبعدين ماقلت لك لا تقول لاحد
عبدالرحمن : ماشفت أحد أنت للحين
دخل يعقوب الغرفة وهو على السرير والنيرس طلعت شيماء وإبراهيم من الغرفة عشان يعدلون الغرفة
أنتهى ترتيب الغرفة ودخل الكل
شيماء : حمدلله على السلامة إنشاء الله أنك بخير
يعقوب : لا الحمدلله بخير والف عافية بس ليه عذبتوا روحكم جايين هنا
شيماء : أفا يا يعقوب إذا ما جينا ليعقوب بنجي حق مين
عبدالرحمن : مالك كلام على شيماء الحين وبتعذرني
يعقوب : أحسابك بعدين أنت
إبراهيم : ياه خلوني أسلم على ولد أخوي
سلم إبراهيم وعبدالوهاب على يعقوب وجلسوا
في هذي الأثناء العنود تو واصله من الكلية
العنود : يأهل البيت أين أنتم يامسلمون ياهو مافيه أحد شكله , أمي أمي أم العنود وينك
جمانة وفيهالصيحة : العنود كاني أهني
العنود : بسم الله عليش وش فيك ليه خايفة وتصييحين
جمانة : أمي بالمستشفى مع عبدالرحمن
العنود خافت من الوضع : وش تقوليين أنتي ومين قال لك
جمانة : خديجة تقول كذا
العنود : خديجة خديجة
خديجة : نعم ماما
العنود : وين أمي
خديجة : فيه روح مع عبدالرحمن المستشفى هو كلام
العنود : خلاص بكلمهم وبشوف
تتصل العنود على أمها
في المستشفى
شيماء : وهذي شكلها العنود ............ شفتوا قلت ......الو
العنود : السلام عليكم عسى ماشر وش صاير
شيماء : الله يعيني على الردود وعليكم السلام وإنشاء مو شر ولد عمك ( يعقوب يناظر شيماء بتلهف وكبر بنفس الوقت ) يعقوب أتعيبين وهوم بالمستشفى أمنوم
يعقوب بخاطره : الله يهديك يا عمة الحمدلله أنا بخير وقوي زي عادتي
يعقوب : عمتي تراني ماني نايم هنا بطلع من هنا وكاني بقوتي حتى شوفي (يطلع عضلات يده (
شيماء : ما عليك منه هو تعبان
العنود بخاطرها: الي أناأهتميت أن كنت قوي ولا لا
العنود : المهم أمي قولي حمدلله على السلامة ولا تتأخرون ترا جمانة مرة خايفة وجيتها وهي تصيح خايفة عليش
شيماء : إنشاء الله وانتي مو جاية
العنود :ماأحس أنه له لازمة وان بجي بقول شكله جمعتكم حلوة
شيماء : حبيبتي عمتك لينة جاية الليلة من السفر
العنود : أي والله صح شكلي بروح أعدل شقتهم سلام
العنود :جمانة تجين وياي أنعدل شقة لينة لأنها بتيي الليلة
جمانة: أسوي أي شي لش بس لا تخليني لوحدي
العنود : أجل خليني أكلم عبدالرحمن يجي يودينا
تتصل العنود على عبدالرحمن
عبدالرحمن : هلا بالغلا كله
العنود : فديتك يا أخوي بس بغيت طلب أصغير مو لي لعمتي لينة
عبددالرحمن : والله طلبات عمتي ما تخلص سواء هنا ولا برا سمي وش بغيتي
العنود : أبيك تجي توصلني شقتهم عشان أنظفها قبل لا يجون وانت لا تتأخر عليهم بيوصلون المطار
عبدالرحمن : طلباتك أوامر بجيك بعد نص ساعة تجهزي
منيرة جالسة مع بناتها في الصالة على الغداء مع وليد وعمر
منيرة : أبشركم بس البشارة بحقها
الوليد : لش البشارة أن كانت حلوة
منيرة : بس تعرف تلولش
وليد : أعجبك أنا أفا عليك
منيرة : نورة أختك جالها عريس
عم السكوت على الصالة لاهمس ولا كلمة غير وليد الي قال : مبروك الف الف مبروك منوا هذا يا يمه أكيييييد عبد
منيرة : نواف ولد أم نواف جارتنا أول
عمر مارضى على الكلام : أنا غير أموافق أختي ياخذها نواف
منيرة : وش دخلك أنت ولا أحد طلب رايك الراي رايي وراي أبوك
نورة والدمعة أنزلت من عينها وبصوت عالي وهي قايمة : وانا مالي راي أنتي تخيطين وانا ألبس لا يايمه أنا ماني أموافقة
راحت نورة بسرعة لغرفتها تبكي على الي صابر
منيرة : وش فيها هذي البنات يفرحون وذي تصيح وين بتحصل أحسن من نواف
وليد : وكيف أعرفوا أختي ذول
منيرة : بالعرس شافتها أم نواف وانعجبت فيها
وليد : والله ما أدري شقول لك لكن أن أختي مو راضية مو لازم تتزوجه
منيرة : أسكت أنت ومالك دخل وبعدين ترى عرسك قرب عدل شقتك واهتم بروحك فهمت
وليد ما أعجبه كلام أمه وطلع من البيت
منيرة : شوف هذا بعد ,, وانتوا وش تنتظرون بعد قوموا
هيبة : يكون أحسن
عمر : يمه هذي وعرفي مصلحة بنتك
منيرة أرفعت الملعقة ورمتها على ولدها عمر : يله أنت قوم بعد يله خلوني ألوحدي من دون أحد وأنت رح بيت عمتك يمكن تبي شي خلك خادم لهم
عمر وفيها حرقة قلب تخليه يبكي : أبركي أروح هناك أقلها ما يهزؤن أحد
نورة في غرفتها تصيح
نورة : ليه يايمه أنا كان قلتي غيري تحاربينها أما أن ولدك بس كيف تنحل هالمسألة كيف وحبيبي مو داري وان درا وش بيصير أعرف أخرتها أنا لنواف
كملت بكاها على سريرها ونامت
عمر مو راضي بالي يصير لأنه عارف أن نورة يبيها عبدالرحمن أخوه ولازم يتصرف
يدق باب الغرفة على نورة يبي يعرف وش السالفة
عمر : نورة أدخل
نورة : .............
عمر : بدخخل ترا
دخل عمر وشاف نورة منسدحة على السرير
عمر : الله يعينش يانورة
عمر يمسح دموع أخته
عمر : وراش مشوار طويل بتخوضينه مع أمي بس ماراح أخليش لوحدش بوقف معاك
في الجهة الثانية
عبدالرحمن طلع من المستشفى وراح لأخته يوديها بيت لينة
العنود : صيفت ليه التأخير
عبدالرحمن : عذريني والله ماكان بخاطري أهد يعقوب
العنود حست بغلقه : أيه أنزين
عبدالرحمن : وش فيك أنتي ليه مو عاجبك يعقوب
العنود : أحتفظ بالراي لنفسي بعدين مين قال لك أنه مو عاجبني
عبدالرحمن : كل ماتسمعين أسمه تونين ولا تستغفرين
العنود : ما علينا
عبدالرحمن : أتهقين يجون أهلي من الحسا عشان لينة ويعقوب
العنود : أهلي ها قول بتجي نورة ولا لا
عبدالرحمن : الله يخليش لي هذا أنتي فاهمه بيجون ولا لا
العنود : والله ما أدري لكن أتوقع
عبدالرحمن : ياليت
العنود : وليش أنت بتشوفه
عبدالرحمن : لا يكفي والله أنها بنفس الأرض الي أمشي عليها
العنود : الله الله أقول شن نورة أشغلتك عن الخيل ماعدت تذكرها هذا وخليل أموصيك
عبدالرحمن : أه يا خليل وينك وين سواليفك راحت بس إنشاء الله بترجع , الا قلتوا له عن موت عمي سامي
العنود : لا ما حبينا أنضايقه وعمتي هي الي قالت لا تقولون له بس تدري كلمه خله يدري
عبدالرحمن : كلميه أنتي

العنود : لا أنت تعرف أخوك وتعرفني من أسمع صوته بصيح
عبدالرحمن : أخص يالرقيقة يا صاحبة المشاعر
جمانة : عفية عبالرحمن كلمه من زمان ما سمعت صوت أخوي
عبدالرحمن : إنشاء يا أخت أخوها
عبدالرحمن يكلم خليل الي كان في عز نومه وما بقى له الا أشوي ويصحى
خليل " منوا الي يدق علي هالوقت الله يستر ,,,,,,وشنه رقم أخوي عبدالرحمن ياهلا بريحة السعودية واهلها والله
جمانة : الو
خليل : الو
جمانة : السلام عليكم
خليل : وعليكم السلام ماني أمصدق جمانة
جمانة مو قادرة تخبي دموعها : أخوي كيف حالك إنشاء الله بخير
خليل : الحمدلله وانتي
جمانة : مو بخير دامك مو وياي
خليل : هانت ما بقى الا القليل المهم وش أخبار أمي وأخواني وابوي
جمانة : بخير المهم دير بالك على نفسك ...خليل
خليل : عيون خليل سمي
جمانة : أنا أحبك كثير
خليل : وانا اكثر
جمانة : يله مع السلامة خذ عبدالرحمن
عبدالرحمن : السلام عليكم كيف حالك
خليل فرحان : وعليكم السلام والله تراني زعلان عليك شني مو أخوك الكبيرر كل ذي قطاعة ماتكلمون
عبدالرحمن : السموحة منك المهم أنت بخير
خليل : دامكم بخير أنا بخير وش أخبار العنود
عبدالرحمن : كاهي جنبي مو راضية أتكلمك تقول بتصيح
خليل : عطني أياها
العنود : اوريك يا أدحيم بعدين مو الحين
العنود : السلام عليكم
خليل بحزن تذكر الجازي من يسمع صوت أخته يذكرها لأنها قريبة من صوت أخته
خليل : وعليكم السلام
العنود : كيف حالك حبيبي
خليل حاول يتناسى : بخير المهم أن صحتي شوفي أيش يجيش
العنود : والله أحاول
عبدالرحمن : ما عليك منها دمعتها على جبينها
خليل : وش فيكم متصلين صاير شي
العنود : والله نسينا فرق الوقت لا الحمدلله مو صاير شي بس عمتي لينة بتوصل الحين من ماليزيا ورايحين نستقبلها وزوج عمتي ليلى ....
خليل : وش فيها بوحمدان
العنود : قول أول لا حول ولاقوة إلا بالله
خليل : خوفتيني تراك
العنود : قول
خليل : لا حول ولا قوة إلا بالله
العنود : البقية براسك
خليل كأنها مصيبة حلت عليه : إنا لله وإنا إليه راجعون متى توفى
العنود خايفة : من أسبوعين وأكثر بعد
خليل أمعصب : وش تقولين
العنود : كلم أخوك
عبدالرحمن : الله يعين
عبدالرحمن : خليل هد من روعك ترا عمتي هي الي قايلة لا أحد يعلمك ولا عمتي لينة حتى
خليل : كان قلت لي وما عليك من عمتك يا أخوي ترا سامي عزيز علي كثير حتى عزاه ماجيته المهم مع السلامة ومشكور على المكالمة
سكر الخط
خليل : وش بتسوين ياعمتي الحين من دون سامي الله يعينش خلني أكلمها

الجزء التاسع والعشرين:



خليل يدق على عمته ليلى يعزيها
ليلى في حال الله العليم وحده فيه كانت تبكي على قدر أنوضعت فيه لكن ماتقدر تقول غير لاحول ولا قوة إلا بالله
ليلى : منوا هذا , الرقم غريب علي, الو
خليل بصوت فيه حزن : السلام عليكم
ليلى : وعليكم السلام
خليل: ما أدري وش أقول ولا أدري كيف أبداء لكن عظم الله أجرك والبقية براسك
ليلى تعرفت على الصوت : أنت خليل صح
خليل : ايه ياعمه
ليلى والدمعة لازالت بعينها : أجرنا وأجرك يالغالي
خليل : عمتي طلبي له الرحمة والله أنه من أغلى الناس وأعزهم ما أدري وش أقول لك لكنه لعبني كثير ونصحني كأني ولد له واللنه والنعم فيه سامي أدري أن الأمر جلل لكن حمدي ربك
ليلى : ونعم بالله ماأدري وش أقول لك لكن أسمع شي من الخاطر كتبته فيه أرثيه وياليته يرجع يسمع كلام كنت أتمنى أقوله له بس الملتقى مو هنا الملتقى عند رب العالمين أقول في سامي
حطمت قلبي يامهاجر بالرحيل
وتركت روحي في الظلام بلا دليل
أجتر أحزاني واشرب حسرتي
وأهز صدر الكون من فرط العويل
أو هكذا الدنيا تفرق بيننا
عجبا لها تنفي الخليل عن الخليل
وأسمع فؤادي إذ يقول بنبضه
البست ياراحلا الحزن الطويل
غدا البيت من بعدك مقبرة
من أينا لي من بعد فقدك بالبديل
فالصبر غار من المشاعر ماؤه
وتبدل الإيثار والقصد النبيل
ماعاد في الأحواض قطرة
لا أذهبت ظمأ ولا قطعت عليل
إن أفتقاد أبا حمدان ثلمة
في عالم الإيثار والطبع الأصيل
لا تحسبني من بعد فقدك ساليا
لا لا وأيم الله هذا مستحيل
أدعوا إلاه الحق في عليائه
أن نستعيد وضاءة الوصل الجميل
وإذا تعذر وصلنا بحياتنا
أن يجمع الأشتات في الظل الظليل
...ليلى ماهي قادرة تكمل وتبكي حيل : والله هد حيلي فرقاه يا خليل علمني وش أسوي حبيبي راح راح وماله رده وهالعيال كيف بربيهم والله تعبت فراقه هد الحيل والعمر شمعة حياتي وضياء العمر سامي ولا أحد مثل سامي أسفة خليل خليتك تسمع شي يكدر الخاطر وش أخبار الدراسة إنشاء الله أحسن تراك طولتها وتران مشتاقين
خليل يمسح الدموع الي أنزلت من تأثره بعمته وشعرها : ها عمتي تراني بخير وانتي أستعيني بالله ثم بأخوانك تراهم عون
ليلى : الله يعين المهم لا تقطعنا ويله سلام أدري كلفت عليك
خليل : لا تقولين كذا انا المنحرج بهالإتصال المتأخر حيل
ليلى : لا تتأسف أنا الي طالبه والله يعيني على لينة يله فمان الله
خليل : فمان الكريم سلام عليكم
قفل الخط وكله حزن على عمته ليلى
خليل : خلني أرقد أشوي ,,,أي أرقاد بعد هالأخبار خلني أذاكر أشوي والله الإختبارات على الأبواب
راح خليل يذاكر خلونا نخليه يذاكر ونروح لعبدالرحمن الي توه داخل المطار عشان لينة
عبدالرحمن : الله الله هذي العيلة الكريمة كلها أهني وأنا أفكرها مفاجئة قدوم لينة وفيصل
الجوهرة : مو كأنه عبدالرحمن
يوسف : أي والله هذا عبدالرحمن
قمر : حي الله الرجال
عبدالرحمن : الله يحيكم
خندس عبدالرحمن يحب راس جدته وعمه
عبدالرحمن : السلام عليكم والله كنت أفكر بس أنا الي أدري هذا وكنا نبي أنسويها مفاجئة
الجوهرة : دام أنك تعرف ليه ما تقول نستقبلهم بالمطار ما عرفنا إلا عن طريق أم فيصل ماقصرت
عبدالرحمن : والله هذي تعليمات لينة وفيصل المهم أهم شي يوصلون سالمين
سارة : وهو صادق
عبدالرحمن بخاطره : الله يستر هذي عمتي هنا بتقلب الدنيا علينا بسبب يعقوب خلني أقول لهم بعد ماتجي لينة وفيصل
الجوهرة قامت وهي فرحانة والأرض ماتشيلها بنتها توها واصله ومين لينة : تعالي يايمه قربي لأمش والله أني ولهانة
لينة تلم أمها
الجوهرة وهي تصيح : كيف صبرتي على فرقاي ها
لينة : والله أني مشتاقة لش كثير يا يمه
فيصل يسلم على الرجال ثم جا لعمته الجوهرة : السلام عليكم (حب راس عمته)
الجوهرة : وعليكم السلام والله يبارك فيك الحمدلله على السلامة هو يا حافظ شكلكم ما ودكم ترجعون لنا ما أشتقتوا
فيصل : تبين الحق ولا أخوها
الجوهرة : لا أخوها الا أبي الصدق
فيصل : والله ماودي أجيب بنتكم لكم وأجلس وياه بقية العمر مع بعض
لينة أستحت : خلاص فيصل
عبدالرحمن يدلع : خلاص فيصل مو قدامهم
فيصل : شكلك ما عقلت من ذاك اليوم , لينة قولي حبيبي
لينة :,,,,,, أقول خلنا نمشي بلا دلع
عبدالرحمن : يحيا العدل يحيا العدل
فيصل : شمتي الأعداء علينا شفتي
لينة : ما عليك منه الي مايطول العنب حامض عنه يقول
فيصل : عاشت زوجتي عاشت
ركب فيصل ولينة سيارة عبدالرحمن والبقية أركبوا سياراتهم
عبدالرحمن : عمي يوسف بغيتك
يوسف : سم وش فيك
عبدالرحمن : عمي الحمدلله هذي أول كلمه أبيك تقولها
يوسف : الحمدلله وش فيك
عبدالرحمن : يعقوب أبخير الحين وهو بالمستشفى جاله عوار خفيف والحين تحسن
يوسف : الحمدلله , بروح له الحين مع العيال وانت دير بالك على روحك
عبدالرحمن : إنشاء الله
راح عبدالرحمن لسيارته ويوسف لسيارته
لينة : الله وش حلو ديرتنا تحس بالأمان وهذا يكفيك
فيصل : وأنتي صادقة
عبدالرحمن : وكيف ماليزيا وكيف المتزوجين
فيصل : أما عن ماليزيا مسموح لك السؤال وأما عن المتزوجين أمشفر ما يسمح لك السؤال ولا الإجابة
لينة : ماليزيا يكفي الطبيعة الي فيها أماعن الأكل فالله لك الحمد أن ردينا للسعوديية مشتهية صحن كبسة مو أكل سكر فيه
فيصل : وانتي صادقة خلينا نروح لأقرب مطعم
لينة : حشا ماحنا ماكلين من مطعم لمدة سنة زهقت خلني أبرز مواهبي لك
عبدالرحمن : فيصل ترا بيتنا مفتوح في كل وقت
فيصل : ليه
عبدالرحمن : الله يعينك على أكل زوجتك
فيصل : جد والله
لينة : أدحيم أعقل أقول تذكر مين كان يمص أصابيع يده عند أكلي
عبدالرحمن : لا والله يا فيصل راح تتهنا بالأكل من يد لينة
فيصل : ايه طمنتني يا رجال كنت خايف والله
لينة : وان ماكنت أعرف أطبخ وش كنت بتسوي
فيصل : والله أن صار هذا الموقف بقول لك
عبدالرحمن : رد دبلوماسي والحين وين تبون أوديكم صاير لكم شفير (سواق(
لينة : بنروح بيت عمي وعمتي
عبدالرحمن : أوكيييه
راح عبدالرحمن لبيت أبو فيصل ونزلهم هناك وهو رجع للمستشفى
يوسف : يله نزلوا
سارة : وين
يوسف : بنزور بو يوسف
سارة بخوف : منوا
يوسف : بنزور ولدنا يعقوب تعبان أشوي والحين الحمدلله
سارة : وش فيه ولدي
يوسف : قلت لك ما فيه شي وهو بخير
الجوهرة : مين قال لك
يوسف : عبدالرحمن
قمر : إنشاء الله أنه بخير ولا ما جا عبدالرحمن المطار
راح يوسف يسأل عن الغرفة وعند معرفته برقمها أتجهوا بسرعة لغرفة يعقوب
يوسف يطق باب الغرفة
إبراهيم : تفضل
دخل يوسف مع أم يعقوب ,سارة,
يوسف:السلام عليكم
الكل:وعليكم السلام
الجوهرة وقمر سلموا على يعقوب
سارة مرتاعة على ولدها: بسم الله عليك ياوليدي, وش جاك , وش في أرجولك
يعقوب: الله يهديك يمه ما فيها شي بس تعورت ولا شوفي ( يعقوب يرفع أرجوله) شفتي (أثار الألم أمبينة على يعقوب)
سارة :أضحك على أي أحد بالدنيا إلا أنا يمه أنا أحس فيك من دون ما تقول ولا أسأل أبوك أمس وش قلت
يوسف : ماعليك منها بس قامت من النوم مرتاعة وقالت ولدي صار له شي
يعقوب : الله يخليش لي يايمه ,إلا مين قال لكم أني هنا
يوسف : عبدالرحمن قال لي بالمطار
يعقوب : أي مطار
يوسف : عمتك لينة جات من السفر
يعقوب : أي والله قرت عينكم
الجوهرة : الله يهديك ياوليدي كيف جاك هذا
يعقوب :تهاوشت مع واحد
الجوهرة : حسبي الله عليه الله لا يوفقه لادنيا ولا أخرة
سارة : أمين
يعقوب يضحك : الله يهديكم أنتوا عرفتوا مين الغلطان على هالدعاوي يمكني أنا الغلطان
قمر : ولو بويوسف يغلط مايصير مايجي منك الخطاء
يعقوب : تسلمين ياخالتي
أجلسوا الأهل جنب يعقوب يونسونه
في بيت لينة كانت العنود توها أمخلصة من التنظيف والترتيب
جمانة : لو بيتنا مانظفته كذا
العنود : كله بأجرة

جمانة : شكلهم جاو
العنود : وكيف عرفتي
جمانة : شوفيهم من النافذة
العنود : أششوف , أي والله , لبسي عباتك قبل لا يدخلون
راحوا البنات يلبسون أعبيهم
عبدالرحمن : حياكم الله اللبيت بيتكم
لينة : أكيد بيتنا
عبدالرحمن : أنتي ما حد يمزح وياك الحشيمة لزوجك ولا شان سويت شي ثاني , بس أقول ماتستاهلين جيتنا بدري أنظف بيتكم الشرها علي أجيب أختي هنا أقول وخري خليني أناديها ونمشي بسرعة
لينة : وينها العنود
عبدالرحمن :داخل تترياكم وأتنظف بيتكم
لينة ماصدقت خبر أدخلت على طول للبيت فرحانة بالعنود
لينة بصوت عالي : العنود العنود
العنود تنزل من الدرج مع جمانة بسرعة فرحانين بقدوم لينة
العنود : السلام عليكم
لينة : وعليكم السلام
لمت لينة العنود وجمانة صافطينها
جمانة : الله لنا
لينة : فديت هالصوت تعالي
جمانة تلم لينة
لينة : وش أخباركم وش أخبار أهلي
العنود : الحمدلله كلنا بخير
لينة : والله أني مشتاقة لكم حيل
فيصل : السلام عليكم
البنات : وعليكم السلام
العنود : الحمدلله على السلامة
فيصل : الله يسلمك
لينة : خلينا ندخل داخل خلينا أنسولف والرجال أنخليهم لوحدهم
العنود : تامرين أمر
أخلوا البنات في غرفة الحريم والرجال بالصالة
عبدالرحمن : والله ما أدري وش أقول لك يا فيصل لكن عندي كم خبر مو زين وخاصة للينة
فيصل : الله يستر قل وش عندك
عبدالرحمن : يعقوب ولد عمي يوسف بالمستشفى بس الحمدلله هو بخير الحين أمسوي عملية برجوله والحين تحسن
فيصل : الحمدلله خرعتني والله قلت حد صاير له شي
عبدالرحمن : عديلك سامي يطلبك الحل
فيصل بأنفعال : وش تقول بو حمدان توفى متى وكيف
عبدالرحمن : بعد سفركم يمكن بيوم
فيصل : لا حول ولاقوة إلابالله إنا لله وإنا إليه راجعون , وليه ماقلتوا شان ردينا
عبدالرحمن : والله أختي ليلى مارضت أحد يقول لكم عشان ماتخرب عليكم
لينة جالسة عند الباب تسمع الكلام جاها الخبر وهي كانت فرحانة بردتها للسعودية وكلها شوق لليلى وعيالها وامها لكن يافرحة ماتمت
لينة والدموع خذت مجراها وبحزن غمرها : وش تقول ياعبدالرحمن ليلى توفى زوجها وانا جالسة هنا وقبل أمسافره أنا مو أخت يوم أني ماحسيت بأختي كيف يصيرليلى تتعذب وانا موحاسة فيصل أرجوك نزلني للأحساء
فيصل متعذب بعذاب زوجته: خلاص بنسلم على أهلي وبنمشي على طول
عبدالرحمن: لينة يالغالية طالبك لا تصيحين ترا أدموعك غالية على قلبنا وعمتي ليلى بخير الحين خففي عنها بس لاتزيدين
لينة : عظم الله أجرك
عبدالرحمن : أجرنا وأجرك , والحين أنا بستأذن
لينة: ماأنت رايح لين مانشوف يعقوب أول ومن ثم أمش
عبدالرحمن : أجل خلي خواتي يطلعون أنا بالسيارة
لينة :خلاص صار
طلع عبدالرحمن وخواته ألحقوه بالسيارة
لينة أركبت مع زوجها بسيارتهم وراحو للمستشفى
خالديتصل على إبراهيم
إبراهيم : الو و السلام عليكم
خالد : وعليكم السلام
إبراهيم : كيف حالكم
خالد : أبشرك بخير , وانت وش أخبار العيال
إبراهيم : كلهم بخير , حمدلله على سلامة لينة
خالد :الله يسلمك , وينك أنت
إبراهيم : بالمستشفى
خالد : خير
إبراهيم : والله يعقوب تعب وهو بالمستشفى الحين
خالد : وليه ما قلتوا
إبراهيم : ماحب يضايق حد
خالد : لا ضيق ولاشي يستاهل يعقوب, المهم بغيت أخبرك عن نورة بنتي
إبراهيم : وش فيها نورة
خالد : جا لها خاطب وقلت أشوف أخواني أن كان بخاطرهم شي ببنتي لعيالهم تعرف أعيالنا أولا من الغريب
إبراهيم : والله ماأدري وش أقول لك بس بشوف عبدالرحمن أن كان بخاطره شي
خالد : خلاص صار وانا بكلم أخوي يوسف
إبراهيم : يوسف معي هنا بالمستشفى عند ولده تبي أقول له
خالد : خلاص صار سلم عليهم وتحمد ليعقوب السلامة
إبراهيم : فمان الله
أوصلوا فيصل وعبدالرحمن للمستشفى
عبدالرحمن : تعالوا من هنا
عبدالرحمن طق باب الغرفة
يعقوب : تفضل
عبدالرحمن : السلام عليكم
أدخلت لينة وكله حزن أمبين على وجها
لينة : السلام عليكم
لمت لينة يعقوب تتحمد له السلامة ولا أقدرت تخبي أدموعها جلست تصيح وترثي سامي وتطلب له وتدعي لأختها
يعقوب : يا عمتي قولي لا إلاه إلا الله
لينة بصوت متقطع : لا .... إإلاه ,,,إلا الله
الجوهرة : يمه لا تصيحين ترانا تعبنا من الصياح
لينة : يمه ليه ما قلتي لي عن سامي ولا خلتوني أكلم أختي حتى أقول وش فيها ماترد على جوالها
إبراهيم : الحمدلله على كل شي أدعوا له هذا الي يبيه الحين منكم
العنود : الله يرحمه ماشفنا منه أي شر عمي كان طيب حتى علينا ,,,,,
شيماء : تحمدي السلامة حق ولد عمك
العنود من ورا الستارة : حمدلله على سلامتك ياولد عمي
يعقوب : الله يسلمك
جا حق يعقوب أتصال عبدالرحمن عطا يعقوب الجوال
العنود : إنشاء الله أنك بخير الحين
يعقوب : السلام عليكم
حنين : وعليكم السلام , كذا يايعقوب ما تقول أنك تعورت
يعقوب : مابغيت أزعجك
حنين : منك أنت مافيه أزعاج والله ماقصرت يا أخوي
العنود بخاطرها : الشرها علي أنا ألي أسألك أنا الي جبتها لروحي جد ماتستاهل يالمتكبر
يعقوب : يله مع السلامة
حنين : فمان الله وتقبل هديتي بتجيك الحين
يعقوب : ماقصرتي سلام عليكم
عبدارحمن ::منوا يكلمك
يعقوب سرحان :...........
عبدالرحمن ينغز يعقوب: أقول منوا هذي قصدي هذا
يعقوب : ها هذي هذا صديقي يسأل عني
العنود بخاطرها : وش يقصد عبدالرحمن هذي هذا حتى يعقوب هذي هذا , وانا وش دخلني
أنتي كذابة يا العنود لش دخل
الباب يطق
عبدالوهاب: تفضل
النيرس : بليييز ممكن أدخل
عبدالوهاب: تفضلي
النيرس أدخلت وحطت الورود على الطاولة واطلعت
العنود بخاطرها : ايش هذا منوا هذي صدق طحت من عيني يايعقوب وماخاب ضني فيك تعرف بنات واحنا أمفكرينك ملتزم
يعقوب : وين الورد
العنود : عمي خذه
خذ عبدالوهاب الورد وعطاه يعقوب
يعقوب : الله يستر , (بخاطره ) خلني أشيل الورقة قبل لا أحد يشوفها
سارة : حتى ماخليتنا نشوف مين رسلها
العنود : هذا صديقه يا عمتي
يعقوب بخاطره : ماقرتها غير العنود عاد وش تبي هذي الحين بكلمتها
سارة : الغرب يدرون واحنى أهلك ماندري
يعقوب : الله يهديك يمه هذا صديقي بالجامعة
عبدالوهاب : عن أذنكم بروح لمرتي الحين
إبراهيم : أتاريك تخاف منها
عبدالوهاب : والله مو خوف بس عندي عبدالعزيز بوديه المستشفى
الجوهرة : إنشاء الله خير
عبدالوهاب: خير إنشاء الله
طلع عبدالوهاب

لينة : حتى أنا أستأذنكم بروح الأحساء يوه نسيت زوجي برا وانتوا متذكروني حتى
الجوهرة : خوش المهم ليه بتروحون وبعدين رحتي لعمتك مريم
لينة : لا بنروح الحين يله مع السلامة تطلع بالسلامة يا يعقوب
يعقوب: الله يسلمك
أطلعت لينة وشافت زوجها جالس لوحده بالكرسي
لينة : أسف والله يافيصل
فيصل : أحمدي ربك أني أقدر المواقف ولا كان صار شي ثاني المهم خليني أسلم على يعقوب
لينة : تعال
أفتحت لينة الباب وخبرت الحريم أن فيصل بيدخل
فيصل : السلام عليكم
الكل : وعليكم السلام
فيصل : خطاك السو يابو يوسف
يعقوب : الشر مايجيك
فيصل : يله نعتذر منكم والله تعبانين بنروح نرتاح ومن ثم بننزل الحسا سلام عليكم
الكل : وعليكم السلام
يوسف : واحنا نستأذن بنمشي الحين
سارة : تو الناس
يوسف : لا و و الناس ورانا خط يله قوموا
إبراهيم :واحنا نستأذن
يعقوب : يييه كلكم بتمشون خليتوها بأسلوب حلو عاد
عبدالرحمن : مايكفيك أنا
يعقوب : أبي نساء نبي حس عاطفي مو جلف
عبدالرحمن : يله استأذنكم الشره علي أجلس وياك سلام
العنود :بخاطرها : نساء ها وحس عاطفي الله يهديك بس
طلع الكل ومابقى غير يعقوب بالغرفة وهو هم نام يرتاح أشوي
خلنا نترك يعقوب ونروح لإبراهيم الي وصل أهله وخذ عبدالرحمن للمجلس
إبراهيم : ياوليدي بغيت أكلمك في موضوع
عبدالرحمن : سم يبه فيه شي
إبراهيم : ايه بغيت أسألك أنت تبي تتزوج
عبدالرحمن مستغرب : ومين يعاف الزواج يايبه بس توني طالب ومابقى لي غير القليل وبعدها يحلها ألف حلال
إبراهيم : أنزين حاط عينك على أحد من أهلك عشان نحجزها لك
عبدالرحمن بخاطره : ياحلو السؤال والله ويا حلو نورة
إبراهيم : وش قلت
عبدالرحمن : والله يايبه ما أحب أحجز أحد خلهم يتزوجون كلهم وماراح يجي غير النصيب لنا
إبراهيم : ياوليدي ماتبي نحجز حد من بنات عمك
عبدالرحمن : أنا ضد مسألة الحجز وأحسها عيب عشان كذا ما أبي أحجز
إبراهيم : أنزين خير إنشاء الله
عبدالرحمن : وش جاب الموضوع يايبه
إبراهيم : لا مافي شي بس بغيت أعرف أفكار ولدي والحمدلله أطلعت حلوة
عبدالرحمن : طالع عليك يايبه تامر شي ثاني يبه
إبراهيم: لا
طلع عبدالرحمن من المجلس أما إبراهيم كلم أخوه خالد
خالد : الو هلا إبراهيم
إبراهيم : هلا يابو وليد بغيت اقول لك عن خطبة نورة , لا ياخوي كملوا على ركة ربي أما عبدالرحمن يقول مايبي يحجز حد وإذا خلص يصير خير
خالد : خير إنشاء الله وأخوي يوسف هم سألته وقال نفس كلامك , أجل خلاص بنوافق على نواف
إبراهيم : الله يسهل عليكم والولد ماعليه كلام والله
خالد : خير المهم ترا الخطوبة مو الخميس هذا الخميس الي بعده دوره
إبراهيم : الله يسهل يله فمان الله
خالد : فمان الكريم
خالد راح لبنته نورة يسألها
خالد يطق باب غرفة بنته
نورة :منو
خالد : أنا أبوك
نورة : تفضل يبه
نورة تمسح أدموعها
خالد : كيف حال حبيبتي اليوم
نورة : الحمدلله
خالد : والله وكبرتي يابنيتي وجاو الخطاب يخطبونك
نورة بخاطرها : ليتني ماكبرت ولا أنولدت
خالد : يا بنيتي أكيد أمك كلمتك عن نواف
نورة : أيه
خالد : اها أجل تسهلت الأمور توني أمكلم عمك إبراهيم وعمك يوسف تعرفين لازم أستشيرهم واشوف ان كان بخاطرهم شي
نورة كأنه أمل نور طريقها من جديد : وش قالوا يبه
خالد : كلن بارك لك ويتمنى لش السعادة
نورة مستغربة : وعمي إبراهيم
خالد : قال الله يوفقك سأل ولده وقال خلها تتزوج
نورة كأنها أنصدمت بسيل من الكهرباء القاتلة : ..................
خالد : ها وش قلتي يابنيتي
نورة :بخاطرها : وش تقول يايبه ذبحتني اليوم شر ذبحة وش معنى كلامك يعني عبدالرحمن كان يكذب بمشاعره كان يمثل علي انه يحبني وليه ليه ليه
نورة : الراي رايك يايبه
خالد : على بركة الله خليني أكلم أبو نواف
طلع خالد وهو فرحان لكنه ترك إنسانة تحطمت وتكسرت مثل الزجاج
نورة: ماأصدق هالكلام يجي منك يا عبدالرحمن , أ،ا نورة الي أظهرت لك حبي وعشقي لك كذا تسوي فيني ماتبي تحجز ...........
نورة أرجعت لملاذها السرير عشان تصيح
الساعة 7 في المساء
في المستشفى كان عبدالوهاب مع الدكتور ولده عبدالعزيز بحضنه
عبدالوهاب : أنت متأكد يادكتور
الدكتور : ما أدري ايش أقول لك لكن الأشعة تقول كذا يد أبنك اليسرى ماتنموا لأنها مفصولة من الجسم وهالشي شفته أنت
عبدالوهاب : دكتور تدري وش معنى كلامك ..... معناه أن أولدي بيعيش بيد وحدة
الدكتور : لا تقول كذا إنشاء الله فيه حل أنت تعال بكرة وإنشاء يصير خير
عبدالوهاب: الله يعيني ماأدري أيش بقول لأمه أقول لها أن ولدك منولد بيد وحدة .....( عبدالوهاب حزين كثير ومعبس وجهه(
طلع عبدالوهاب من المستشفى وراح لبيتهم
في المستشفى كان يعقوب منسدح على السرير يفكر
الباب ينطق
يعقوب : تفضل
حنين : أنا حنين
يعقوب تلخبطت أفكاره : حنين .......... تفضلي
حنين: السلام عليكم
يعقوب : وعليكم السلام
حنين : أسفة على جيتي لكن ماقدرت أجلس بالبيت من دون ما أشكرك بنفسي
يعقوب : لا شكر على واجب بس ماكان له داعي تجيين
حنين : لا تقول كذا أنا ما أثق برجل مثلك أنت بدلت حياتي وغيرتني من بعد ماكنت ميتة وبعدها صرت أشعر بان الدنيا أفتحت لي أبوابها وربي سامحني أحس بكذا والله وجيتي هذي لا تعدها غلطة مني الا عدها اول حسناتي تدري أنا ما أدري كيف أكافئك لكن مالي غير الدعاء لك بس هذا مو معناه نهاية الطريق ترا بتصل عليك أدري أن هذا الشي فيه لبس لكن أعرف أنا مين أكلم ولا قصدي اكلمك سوالف لا أعرف ماترضاه علي وتغار علي بس انا حطتك حق العوزة ولا
يعقوب : تامرين أمر تدرين حنين أول ماشفتك ماحبيت أكلمك ولا أعرفك لكن فيه شي قالي ساعدها ومن بعد ذاك الموقف عرفت أن البنات كلهم مثلك طيبات ومايبون الشر لكن بيئتهم ألزمتهم بهذا الشي أقصد أبائهم وأخوانهم ماعطوهم من الحب والأهتمام عشان كذا أجلسوا يدورونه بالشارع مع ناس يدرون أنهم غشاشين
....حنين تدرين اليوم وش صار يوم جبتي الورد أوه مشكور على الورد
حنين : هذا أقل ما أستطيع وهذا مو مقدارك ولو بعطيك على قد مقدارك لعطيتك الدنيا وما فيها
يعقوب : تدرين أحس من كلامك أني سويت شي ماحد سواه بالدنيا
حنين : من دون كذب أنت سويت شي ماحد سواه بالدنيا ....يعقوب كمل سالفتك
يعقوب : أيه وصل الورد واول من شافه بنت عمي تدرين كنتي كاتبة أسمك أما هي غطت على الموضوع يوم أسألوا من وين الورد ....حنين أنا مو عارف هالأنسانة وش تبي أحس أنها مغرورة ومتكبرة واحس أحيان أني أحاول أعرف أي شي أتسوييه
حنين : أبسط ياعم لقيت لك من تحبها
يعقوب : لا لا أنتي ما تعرفين العنود ولا تعرفيني
حنين : لا أعرفك عشان كذا قلت لك وياحظها فيك والله المهم أستأذن الحين يله فمان الله تامر على شي
يعقوب : الشر مايجيك فمان الكريم مع السلامة
أطلعت حنين ورد يعقوب لوحدته
يعقوب : أنا أحب العنود لا مايصير مع أن أمها من أحسن الحريم .....أقول خلها على الباري والحين خلنا ننام
عند الساعة العاشرة ليلا
وليد جالس بشقته الجديده ويكلم تليفون
الوليد : أخيرا يا حبيبتي رديتي علي من بعد هالغياب كله , بس تدرين كان أختبار قوي علي بس عرفت أني ما أقدر أهدك ولو ثانية بحياتي أعرف أنك زعلانة بس تدرين نفسي كيف يبي لك تروضينها لأنها صعبة التعامل بس معاك ياضياء عمري ماراح تبقى على حالها وخاصة بعد هالقطاعة , أخيرا بيجمعنا بيت واحد من بعد حب طويل أقول وش فيك ماتتكلمين ردي علي حبيبتي
الجازي : خذت شراع بلا مجداف تتكلم من اول شي ولا خليت لي مجال أتكلم
الوليد : تدرين ولهان عليش واتمنى هالساعات تنتهي بسرعة
الجازي : ما بقى الا القليل تصبر والحين باييي مع السلامة
صكت السماعة الجازي
الوليد : الو الجازي وينك ...أوريك يالنذلة تسكرينها بوجهي لكن وين بتروحيين عني, مابقى لى العرس غير ليالي معدودة ,بس تدري زين ردت علي بعد هالتمطل فيني مشكورة يالجازي مشكورة
يوم الثلاثاء الساعة العاشرة صباحا
عبدالوهاب توه صاحي من النوم وجالس يقعد مها من النوم
عبدالوهاب : مها ..... مها قومي
مها : ........ ها وش تبي
عبدالوهاب : لبسي عبدالعزيز ملابسه بوديه المستشفى عنده موعد
مها : وليه ماقلت من أمبارح كان نمت زين
عبدالوهاب : قومي عاد ياحبك للنوم
مها : إنشاء الله
قامت مها ولبست عبدالعزيز الي مو راضي يفتح أعيونه وده ينام
عبدالوهاب : ها خلاص
مها : أييه خذه وخلني أرجع أنام أشوي
عبدالوهاب : هذا بدل ماتقولين تبي أجي وياك
مها : أعرفك ياحياتي تبي راحتي وراحتي الحين بنومي
راح عبدالوهب لمستشفى ومها راحت تنام
في الطريق يرن جوال عبدالوهاب
عبدالوهاب : هلا وليد كيف حالك
وليد : الحمدلله بخير وانت

عبدالوهاب : والله بخير بس ولدي بو سعود تعبان وبوديه المستشفى
وليد : خير إنشاء الله , وانا مين بيوديني عش الزوجية وبيرتبه لي
عبدالوهاب : والله اله يعينك ومابقى غير ثلاث أيام على الزواج
وليد : هذا انت عارف
عبدالوهاب: كلم عبدالرحمن تراه نشمي
وليد : جبتها والله خلني اكلمه وبعد عندي نسيبي يعقوب
عبدالوها : انت ماتدري عن نسيبك
وليد : لا وش فيه
عبدالوهاب : يعقوب أمسوي عملية وهو بالمستشفى ,,بس أبشرك أبخير الحين وبيطلع
وليد : حرام والله هذا أنا جاركم ولا قلتوا ليه مازهمتوا علي
عبدالوهاب : مو أنا المسؤول على الأتصال وبعدين أكيد مايبون يضايقونك لأنك معرس أبسط ياعم
وليد : الله يسهل وإنشاء الله بزوره
عبدالوهاب : خير
انتهى الأتصال بين وليد وعبدالوهاب
الساعة عشرة ونصف ببيت خالد
في غرفة نورة
منيرة : قومي من أرقادك خلينا أنشري للعرس
نورة : روحي أنتي ماني رايحة
منيرة : مو كيفك قومي
نورة : حتى في هذي بتغصبيني قلت لك ما أبي ما أبي
بدت نورة تصيح
منيرة : هذا الي تقدرين عليه الصياح ها , , أقول خليني أشوف اختك أبرك منك
نورة : روحي شوفيها خلاص ما أقدر أنفعك بعد الي سويتيه
منيرة : حسبي الله عليك فيه وحدة أتكلم أمها كذا
نورة : وفيه ام ادور تعاست بناتها
منيرة ما أستحملت وضربت نورة كف
منيرة بعصبية : قولي هالكلام مررة ثانية وشوفي وش بيجيك يالقردة

( تكملة الجزء التاسع والعشرين)



أطلعت منيرة من الغرفة واتركت نورة بصياحها
نورة وهي تصيح : الله ياخذني يارب الله ياخذني قبل لا أشوف ذاك اليوم
عبدالوهاب وهو بالمستشفى : دكتور كيف تقول كذا مع أنك قلت فيه أمل
الدكتور : مانقول مستحيل لكن صعب
عبدالوهاب : حسبي الله ونعم الوكيل حسبي الله ونعم الوكيل
الدكتور : تعال لي بكرة وإنشاء الله بنشوف حل
طلع عبدالوهاب من الغرفة وراح للصيدلية أثناء ذهابه للصيدلية كانت ممرضة تراقبه وهذا الكلام مو بس اليوم من أمس المهم الممرضة أتابع عبدالوهاب من ممر لممر الله أعلم بقصد هالممرضة
الساعة الواحدة بعد الظهر
ببيت ليلى
لينة : خلاص يا ليلى كافي بكى
ليلى : مو قادرة يالينة أنساه هذا أبو أعالي عشت معه أكثر من عشرين سنة
لينة : الله يعينك
ليلى : لا تاخذين علي يا لينة بحق الضيافة والله أني تعبانة
لينة : والله أزعل منك البيت بيتنا ومافيه ضيف ولا أحد انتي اختي واحس فيك والله
ليلى : لينة كيف اهلي وش اخبارهم تدرين أنا بالعدة ولا أستطيع أطلع
لينة : كلهم بخير وتدرين كلن منشغل بالزواج مال الجازي والوليد
ليلى : حسافة والله مو حاضرته لكن خير باشوفه بالتصوير
لينة : والله أنك كبرتي بعيني كيف قلتي لهم لا يوقفون الزواج
ليلى : حبيبتي الفرح مو لازم أنوقفه وتدرين صح سامي مات وانتهت حياته لكن ليه نحرم أثنين من أبتداء حياتهم هذا مبدائي عسى أني صح ولو سامي هنا مارضى يتوقف الزواج الله يسهل عليهم ويستر عليهم
لينة : أمين ... الجازي من زمان عنها
ليلى : والله أنها أجودية ياحظ الوليد فيها
لينة : أي والله يا حظه ,,,وكيف العيال
ليلى طلعت أهههها : ما أدري وش أقول لك لكن حمدان أمجنني ما يدري عن البيت شي ومافيه غير سلطان وعمر الله خليهم لي
لينة : قصدك ولد خالد
ليلى : ايه مو امقصر معانا أي شي نبيه يجيبه كأنه ولدي ولا الي من الحشا مايدري عن شي والبنات هذهم مفتقدين حنان أبوهم وبالأخص منال للحين تصيح على أبوها زين يوم شافتك أفرحت أشوي
لينة : الله يعينكم وكيف بو راشد يمركم
ليلى : لا تذكرينه قدامي طلع معدنه الأصلي كل يوم وجاينة ويدخل في كل صغيرة وكبيرة ياليته ماسك حمدان بس حاط راسه براسي
لينة : الله يهديه
بيت يوسف
وهم على الغداء
الساعة 2
عائشة: أمي طول يعقوب ماهي من عوايده
سارة :اههههه الغايب عذره وياه
عائشة : الله يعينه أخوي على هالجامعة , لو أنا منه صرت مدرس بلا هاللعواز
غادة : وي وي وي وشكثر تحبين الكسل لو عليش ماقمتي حتى من السرير
عائشة : تدرين فيني ما أحب أشتغل أبي الكل يخدمني
أثناء حديثهم أنزلت الجازي
قمر : لولولوشش ست العرايس وصلت
سارة : متى أنقلبتي مصرية
قمر : ديلوأتي
سارة : ماطرا يابنيتي تنزلين , لش يومين ماكلتي
غادة : خليها خالتي اتسوي رجيم
عائشة : والله أختي مايبالها رجيم ماشاء الله عليها ريانة عود
غادة : في هذي أشهد لش , ياحظ ولد عمي فيش يالجازي
الجازي : وانا ياحظني فيه رجال ولا كل الرجال طول وعرض وسيم وأنيق وكلامه يوزن ذهب
عائشة : الله الله من متى هذا الكلام والله طولتي الغيبة أجل جد يومين أتغير النفوس
الجازي : لا تغيير أنفوس ولاشي بس تعرفين الوحدة من أتقرب ليوم زواجها أتخاف أكثر عالم جديد ينتظرها وانا أحاول أكيف روحي قد ما أقدر
سارة : يمه وش سويتي مع الكوافيرا
غادة : هذي الأمور من أختصاصي , أولا غدا حيكون يوم الحنة وبنعزم أهلنا وبعد غد يوم الزواج وبه الترتيبات التالية الكوافيرا أبتجي هنا مع صديقتها حق بيتنا وحدة لأختي الحنون الجازي والثانية لنا يعني مافيه طلعة من البيت إلى الصالة على طول والي بيوصلها للصالة هو عمي عبدالوهاب واحنا أندبر حالنا مع أي أحد وأبشرك يمه الطقاقة وعلى قول أهل الحجاز اللعابة هي العنود وموضي وشرطنا عليهم بدون أنقوط عطيناهم حقهم من الأول
سارة : أجل وش بسوي أنا بكرة
عائشة : ياماما ماعليك إلا أنش أترحبين بالضيوف مع عمتي منيرة
الجازي : ماشاء الله ومن متى هي عمتك مو شنش أتسمينها منيرة
عائشة : لا طردنا هالأيام ومابقى غير غادة لازالت على قولها
غادة : والله هالأمر أجتهادي وانا ما أحب الأجتهادات الزايدة خلوني على الفطرة
عائشة : قستي فستان العرس
الجازي : أيه وطلع حلو
عائشة : وكيف عرفتي أنه حلو
الجازي : مايبي له نورة أم الذوق خبرتني
عائشة : أوريييش يانورة
الجازي : ليه
عائشة : بس هي الي شافته واحنا لا
الجازي : والله أنا عطيتك وظيفة تقيدي فيها وظايف الغير لا تتدخلين فيها
عائشة : عشتوا ومن حلو الوظيفة منسقة للعرس من دون بيزات
الجازي : كله بأجره , عائشة لا تنسين كلمي ريم ومنال خليهم يجون هنا يعدلون أشعورهم
غادة : ماشاء الله ريم مايبي لها أي كوافيرا أهي من دون شي قمر على أمي ولا منال يبي لها ألف وحدة يالله يرتبون شعرها
الجازي : عن الطنازة شعر منال حلو بس هي ماهي مهتم فيه واجد المهم لا تنسون لأني بطلع فوق بريح أشوي
سارة : الله يحفظك يابنيتي
أطلعت الجازي فوق لغرفتها
وليد يتصل على عبدالرحمن
عبدالرحمن بصوت واطي: الو و مين
وليد : أنا وليد وش فيك
عبدالرحمن : أنا بالمحاظرة الحين عجل بغيت شي
وليد : أيه بغيتك تجي الشقة العصر لأن فيه عمال موجودين يشتغلون وان بخلص كم شغلة بذاك الوقت تقدر تجي
عبدالرحمن : خلاص تامر أمر مع السلامة
وليد : عساني ما أنعدم منك سلام
سكر الخط وليد وكمل دربه شان يجيب أثاث غرفة النوم من محل الأثاث
في بيت إبراهيم الساعة الرابعة عصرا
جمانة : أمي متى بننزل بكرة
شيماء : إنشاء الله الليلة مو بكرة
جمانة : وليه الليلة
العنود تدخل عليهم : عشان يوم الحنة ياحياتي , ولا ما ودك
جمانة : أفا عليش أموت أنا بالحنة وريحتها
العنود : يع عليش ريحتها مو حلوة ولا هي حلوة
شيماء : المهم ماعلينا جهزوا أغراضكم عشان نمشي
العنود : يمه لا نمشي إلا بعد العشاء عندي شغلة مهمة بعد المغرب مع صديقتي ياسمين
شيماء : وشي هالشغلة المهمة
العنود : هذي اعمال سرية يايمه مايصلح أقولها لك
شيماء : لو أني ما أدري أنك بنت عاقلة ولا ماهديتك تطلعين الوحدك
العنود : فديتك يمه وفديت هالثقة وإنشاء الله ما أخيب ظنك والحين بنام أشوي بعد هالغداء الطيب مع أنه متنا أشوي
شيماء : لا متنك ولا شي أكلي يا يمه عليش بالعافية
أدخلت العنود غرفتها ودقت على ياسمين
ياسمين : السلام عليكم
العنود : وعليكم السلام , ها خلاص ظبطي أمورك
ياسمين : ايه خلاص بمرك مباشرة بعد المغرب
العنود : والله أني مشتاقة لنصوري حيل إذا شفته بحظنه وببوسه
ياسمين : شنش تبين تاكلينه مو تحبينه , بس تدرين حتى انا بلمه لين يقول بس خلاص
العنود : المهم حطي بملابسك ذاك المعطر والمنعم للملابس لا يتضايق
ياسمين : بايخة , وش بتجيبين له هدية
العنود : خلاص شريتها ولا بقايله لش لين هو يشوفها بعدين أنتي شوفيها
ياسمين : هذي عوايدك ماتهونين عنها بس شوفي بنشوف نصور وش يقول عن الهدية مالتي أحلى أو أنتي
العنود : صح عليش صار , لا تنسين لبسي زين مو زي ذاك اليوم فشلتينا بالرجال لدرجة قال لش مو حلو لبسش
ياسمين : أنتي تدرين وش صار لملابسي ذاك اليوم , العنود ماوصيك خلي هالأمر سر ولا أحد يدري عنه لا ننفضح وتعرفين سمعتنا أهم شي
العنود : سرنا في بير الي يقول امسوين جريمة بنروح نشوف نصوري وبنجي , ياسمين ضفي ويهك الحين بنام تبين شي بعد
ياسمين : سلامتك مع السلامة
قفلت الخط العنود
العنود : مشتاقة لك كثير يا ناصر ياني ولهت عليك وعلى كلامك وأبتسامتك واله حظك ثنتين يحبونك وياحظ لي بتاخذك .
نترك العنود ونروح لبيت ليلى
عمر جالس بالصالة مع عمته ليلى وسلطان ومنال

عمر : وش قلتي عمتي
ليلى : ياولدي وش أقول لك أنا ماني أمانعة روحتهم هم الي مايبون
عمر : ليه مايبون ,, منال ليش ماتبون
منال : كيف نحط الحناء وأبوي مامضى على وفاته شهر
عمر : أدري أن عمي ما مضى عليه شهر ولكم الحق بالحزن عليه بس عرفي شغلة وحدة لو عمي حي ماراح يتركم كذا تزعلون راح يغير الجو الي أنتوا فيه أعرف ماهو سبب مقنع بس طالبكم غيروا الحال الي أنتوا فيه خلوا هالبيت يرجع زي ماكان أعرف مستحيل بس أحنا أنحاول , شوفوا كيف حالكم كلن ألحاله مانتوا زي أول متجمعين مع بعض حتى على الغداء متفرقين والله أن عمي مايرضى بكذا رجعوا مثل أول شوفوا حمدان بعيد عنكم مع شلته الخايسة حاولوا أنتوا تقربون من بعض بعدين ردوه لكم
ليلى : كيف نرده وهو مو هنا حتى
عمر : هذا قصدي أنتوا أول ألتموا وكونوا يد وحدة بعض الأشياء حاولوا تقسون على نفسكم فيها لأجل شي أسمى مثل العرس هذا عرس أكبر حفيدين لا تتركونه متأكد يا عمتي لو أنتي مو في العدة كان رحتي عشان كذا معذورة أما أنتوا يامنال وريم لا مو معذورين حاولوا تتقربون لهلكم لأنكم بحاجة لهم وهم بحاجة لكم شوفي روحك متى أخر مرة كلمتيهم مع أنهم دايم يدقون بس أنتوا حابسين روحكم لا كلن حابس روحه ,
منال : أعرف أنك تعبت بس هم ماني حاطة حنا سمعت وكافي خلاص
عمر : ماقصرتي يابنت عمتي سلام عليكم
طلع عمر وهو متضايق
ليلى : عمر ...عمر ,,,, كذا زعلتيه يا منال
منال : يمه أدري وش يبي عمر بس والله مو قادرة أتقبله , كيف أحط حنا وأبوي توه .............) أنهارت منال وبدت تبكي ) تو هميت يمت
أطلعت منال غرفتها وخلت أمها وسلطان بالصالة
ريم توها نازلة مع أنها كانت طول الوقت جالسة على الدرجة تسمع وش يصير
سلطان : هلا بالشيخة هلا بشيخة البنات
ريم : مرحبا ألف , كيف حالكم
ليلى : أبخير توش تدرين أن عندش أم بالبيت
ريم : السموحة أمي بس تدرين الظروف الي مرينه فيها تخلي الجبل ينهد فمابالك فيني
ليلى : الحمدلله رجعت لطبيعتك الحين
ريم : تقريبا 75بالمية وش رايك تحسن ملحوظ
ليلى : ألاحظ , حتى خالتك لينة ماحولتي أتسلمين عليها والله تفشلت منها ويوم انها أصعدت لش مافتحتي الباب
ريم : الي تامرين فيه أنا أموافقة عليه تبيني أستسمح منها أموافقة
ليلى : أيه أستسمحي منها , صحيح بتروحين بيت عمك يوسف الليلة عشان تحطين حنا
سلطان يترقب إجابة من ريم
ريم : ايه بروح وباخذ منال معي والمعذرة منك أمي بخليك ألوحدك
ليلى : لا يابنيتي كان ودي أنكم ترجعون لحالكم مثل أول وهذاني أشوف الي تمنيته يتحقق
سلطان : بس غريبة يعني وافقتي مع اني كنت أفكرك بتعارضين
ريم : في الأول كنت أمعارضة بس بعدين فكرت فيها وعرفت أن راحت أبوي بأنا نروح الليلة ونفرح أشوي
ليلى : أسن ماقاتي بس يبيلك الكثير تسوينه عشان تقنعين منال
ريم : لا خليها علي وأنا أوريك فيها
ليلى : أقول داري على اختك أشوي أشوي
ريم قامت من الكنب : أجل هجوم على المنزل
سلطان : أي منزل
ريم : عمرك ماشفت افلام كرتون دايما يقولون كذا
سلطان : لا ماشفت غير كونان
ريم : وش عرفك بأفلام الكرتون أحسن لك رح أشتر عدنان ولينة ولا السندباد هذي الكراتين صح مو كونان
سلطان : قولي أنتي الي تبين تشوفينها
ريم : أي والله جيبها والله أشتقت للطفولة
ليلى : عدال مين قال لك طلعتي منها
ريم : فديت هالصوت تسلمين يمه أحلى كلمة قلتيها لي أنا طفلة والحين بخش المعركة وخصمي منال سلام
ليلى تبتسم : والله مو قادرة أضحك حسبي الله على أبليسك
راحت ريم فوق غرفة أختها وطقت الباب
منال كانت جالسة على مكتبتها تصيح: ما أبي أشوف أحد
ريم : ولا حتى أنا
منال : منوا أنتي
ريم : أفا أنا ريم الفلا ومن في الكون يجهلني
ومن ترا درا عني وماشغلا
منال أفتحت الباب على طول واحضنت أختها
منال : أخيرا ريم أخيرا دريتي عني وجيتيتني
ريم : بموت هديني خنقتيني
منال : عادي بس لا تروحين عني
ريم : مو رايحة بس هديني
منال : تراش وعدتيني وانتي بهواك
فكت منال ريم
ريم : وانا الي جاية وقلت بكسر راسش ترين دعيت محاربة ألية بس عشان أختي منال
منال : وليه وش سويت
ريم : كل هذا وتقولين وش سويتي ( تمسح ريم أدموع أختها ) عرفتي الحين وش سويتي
منال : ماهو أبهواي غصب عني
غيرت ريم من أسلوبها وحطت يدها على راس أختها : أدري ياحبيبتي مو أبهواك بس لازم نطلع من هالحالة لازم يرجع البيت مثل ماكان
منال : أتذكريني بعمر وانتي تقولين هالكلام حتى أني قلت له كلام موزين
ريم : من حقك هالكلام ومن حقه الكلام هو ما حب يشوفون كذا عشان كذا يحاول يطلعنا من هالحال وعلى فكرة بنروح الليلة نحط حنا
منال مستغربة : أنتي تقولين كذا غريبة
ريم : أدري بس كافي حزن الحزن ماهز بأن مانحط حنا الحزن بالقلب هو الي باقي يعني تخيلي لو بعد سنة بنحط حنا ولا لا وان حطينا هل معناتها أن نسينا أبونا لا الطريقة هذي مو صح
منال : كيف
ريم: قصدي التفكير مو صح الحزن بالقلب نحزن عليه وأنخلد ذكرا وهو ماراح يرضى بالي أنسويه لو أنه حي فمابالك وهو ميت أتوقع أنه مايرتاح
منال: ريم تتلكمين من جد مايرتاح هو يحس فينا
ريم تاخذ راس أختها وتحطه على صدرها : أكيد يحس فينا
منال : خلاص بروح بس مو حاطة تدرين فيني ولا نسيتي ما أحب الحنة وريحتها لو علي كان خذت حنا من دون ريحه
ريم : خلاص لا تحطين بس خلينا نروح ونشوف البنات وعماتي والله أني أشتقت لهم تدرين كم مرة كلموا واحنا مانرد عليهم تدرين كم مرة كلمت هيبة وانتي ماتردين لو أنا منهم خلاص ما أكلم بس هم غير
نترك ريم واختها
الساعة 6المساء
كانت العنود توها قاضية من صلاتها وجاها أتصال
العنود : الو
ياسمين : يله طلعي أنا بره
العنود : إنشاء الله
اطلعت العنود وأركبت السيارة
ياسمين : مساء الخير على الناس الي غير
الي مش أي أي ولا زي زي
مساء الخير
مش حرام ياهندسه الهجر والقسى
لا صباح ولا مساء
ولا حتى كلمة كويسة
العنود : وعليكم السلام ورحمة الله وبركات
ياسمين : يوه حتى بهذي توني أمسلمة عليك بالتليفون
العنود : عادي لازم أتسلمين مو تتغزلين فيني شوفي لك واحد تغزلي فيه مو أنا ...شوفي ناصر
ياسمين : ومين قالك مو متغزلة فيه الحين بنروح وبوريك فيه ببوسة لين أشبع تعرفين عندي فقر تبوس
العنوس : الي سمعنا فقر دم مو تبوس , المهم خلي السواق يمشي
ياسمين : رح بيت ناصر
السواق : إنشاء الله ماما
في الطريق
ياسمين : ماقلتي لي وش جبتي له
العنود : بتشوفين هناك وعن اللقافة تراها عادة ذميمة
ياسمين : صج والله وي وي وي ماتنطاقين الليلة
العنود : توش تدرين , بس مع ناصر بصير غير
أوصلوا البنات بيت ناصر
وطقوا الباب
العنود : لو عندهم جرس مو كان أحسن بدال هاللعواز
ياسمين كإنشاء الله بنركب لهم
ناصر : مين
العنود : قلبي ياسمين قلبي ناصر هو الي بيفتح
ياسمين : والله خري انا الي بيشوفني أول
البنات جالسين يكزون بعض مين تشوف ناصر أول
فتح ناصر الباب
ناصر بفرح وشوق كبير : العنود وياسمين
العنود : ايه
لم ناصر العنود ومن ثم ياسمين
العنود : وش أخبارك
ناصر : ماهي زينة من زمان ماجيتوا لي وين الوعود مالتكم
ياسمين : أسفين وعساك تقبل أعتذاري بهذي الهدية البسيطة
ناصر ياخذ الكيس من ياسمين
العنود : وان اعساك تقبل أعتذاري بهذي الهدية
ناصر : الله وش هذي
العنود : أفتحها بس مو أهني ماتبي أدخلنا
ناصر : لا تفضلوا روحوا الصالة هناك
العنود : ندل الطريق بس اهم شي مافيه أحد
ناصر :لا مافيه أحد زي العادة
العنود : طق طق طق
هاجر : تفضلوا