ملامحه في عيوني شلون ابخفيها

بالهون بالهون يالمحبوب واسمعني ....
إسمع ترانيم قلبي .. لك
اغنيها .....

غنيتها والحزن عيا يفارقني ....
ملامحه في عيوني شلون
اباخفيها .....

نومي جفاني وليل الشوق يسهرني ....
اخايلك في السما نجم(ن)
يضويها ......

ذكرتني بالذي .. قد راح وأوجعني ....
والنار ماتحرق إلا .. رجل
واطيها .....

يومني احضن طيوفك ط وأنت
تحضني ....
والشوق فينا ..ريوف القلب
يحييها ....

كنت اتحرى الزمن والوقت يجمعني ....
معك يطيب السهر وهمومي
ارميها ....

جيتك ليالي الشتاء والبرد .. ذابحني ....
وانا..... اتمنى احاسيسي
تدفيها .....

لكن بردك كسر من شدته غصني ....
حتى ورودي تجمد عطرها
فيها ....

وعلى المفارق عزم قلبك وودعني ....
ودعت دنيا الفرح من قبل
مابديها ....

سافرت وخليتني بعدك أصبرني ....
واقول يالله عسى الأحزان
تمحيها .....

في الحب مافيه منهو الجاني والمجني ....
كل(ن) على حالته يبكي
ويرثيها .....

واصيح أنا..من القهر ياغبني
ياغبني ....
على سنين(ن) مضت ماني
بناسيها ....